1314
کارشناس ارشد مهندسی برق الکترونیک (گرایش فوتونیک) مجری...گزارشگر....,شاعر......ونویسنده
شعر اجرا :محرم عمی
کانال رسمی محرم عمی
./channel/moharrammohammadzadeh
اولن نن صونرالار، گلدین نیلیرم
رح به رح گوللری آلدین نیلیرم
یوخلادین اونوتدون ،قالدین نیلیرم
حالیمی ساغلیقدا سوروشسان سوروش
***
منی بیر آغ کفنه بوکن اولاجاق
اوستومه تورپاقدا توکن اولاجاخ
بیر چنار آغاجی اکن اولاجاخ
حالیمی ساغلیقدا سوروشسان سوروش
***
اوخ وئریب سینه مه ، اوخلاما منی
قیرخیمدا ایلیمده یوخلاما منی
ناحاخدان یا دوزدن حاخلاما منی
حالیمی ساغلیقدا سوروشسان سوروش
***
یالان نان آغلایب توکمه گوز یاشی
قبریمه یونتاتما ، باهالی داشی
سوفره یه، قال لاما پولووی آشی
حالیمی ساغلیقدا سوروشسان سوروش
***
ساغ ایکن داریخدیم، گوزلردن ایتمه
هر یئرده تیکان تک ، جوجه ریب بیتمه
من اولدوم اوزوی تاپداما دیدمه
حالیمی ساغلیقدا سوروشسان سوروش
***
اولن ده بولوت لار آغلایار منه
چشمه لر آغلایب چاغلایار منه
داغلار سینه لرین داغلایار منه
حالیمی ساغلیقدا سوروشسان سوروش
**
شعر،اجرا:محرم عمی
کانال رسمی محرم عمی
/channel/moharrammohammadzadeh
فلَگی نن گولَشمَگه گوج آلمیر
بخت اولدوزوم ذیروه لر تک اوجالمیر
اوتن گونون خاطره سی قوجالمیر
عومروم گونوم قوجالیری ،سن دئمه
آهیم گویه اوجالیری سن دئمه
***
آیدان ایلدن قاپیمیزی دوین یوخ
هئچ اولموشوک یا قالمیشیخ بیلن یوخ
آغلار گوزون یاشلارینی سیلن یوخ
آیدا ایلده وفا یوخدی سن دئمه
بو یاشامدا جفا چوخدی سن دئمه
***
عومور اوتور یاش اوستونه یاش گلیر
اورکلره حسرت گلیر کاش گلیر
بولوت بویلو گوزوموزه یاش گلیر
بو حیاتدا ناغیل ایمیش سن دئمه
دونیا اوزو عاغیلیمیش سن دئمه
شعر،اجرا:محرم عمی
کانال رسمی محرم عمی
/channel/moharrammohammadzadeh
گوزلریمه
سنی گورن زامان لاردان
گلمیر یوخو گوزلریمه
بو سئوگی بس ندن بئله
حاصار چکیب سوزلریمه
***
سنه کونول باغلادیغیم
گئجه گوندوز آغلادیغیم
حسرت چکیب داغلادیغیم
آتش وئریر ایزلریمه
***
گونوم آئیم دوشدی چنه
چاتانمادیم هئش واخت سنه
نه فرقی وار ایندی منه
ائنیش یوخوش دوزلریمه
***
شعر اجرا ؛محرم عمی ۱۴۰۲/۱۱/۲۳
کانال رسمی محرم عمی
/channel/moharrammohammadzadeh
بایاتی لار
اجرا ائدیر ؛محرم عمی
کانال رسمی محرم عمی
/channel/moharrammohammadzadeh
تاثیر دعاهای پولی در حق بندگان خدا ☺️
Читать полностью…
.
سن چورگی آت دریایا . بالخ دا بیلمه سه خالق بیله جک
«هر چه کنی به خود کنی؛ گر همه نیک و بد کنی»
یا «تو نیکی کن و در دجله انداز؛ که ایزد در بیابانت دهد باز».
خوبی و نیکی، همانند نام هایشان زیبا و پسندیده هستند،انجام کار خیر، مانند عطر و مشک ،آمرزگار و قدرشناس ،توزیع لبخندها در میان نیازمندانِ اخلاق، صدقه جاریه ای در دنیای ارزشهاست.
آرزوی سلامتی برای تمام خیّرین شهرمان ، علی الخصوص به دوست خوبم جناب دکتر علی آجودان زاده دارم
با تشکر :محرم عمی
آغلاما
کوچه جه یم بیر گون بوردان گئتمه گه
چیچک لرده ،آغلاسالار، آغلاما
اوچوب گئدسه روحوم گویه قوش کیمی
جسمه کفن ،باغلاسالار ،آغلاما
***
بو دونیادا چوخلی جفا چکن بیز
اوره ک لرده غم توخومو اکن بیز
گوز یاشینی یاناقینا توکن بیز
داغ اوستن داغ ،داغلاسالار ،آغلاما
***
حسرت بیزه قانشارلانیب داغ اولدی
سندن صونرا زامان غملی چاغ اولدی
باتدی سئوینج ،غملریمیز ساغ اولدی
نیسگیل لرده ، چاغلاسالار ،آغلاما
شعر؛اجرا:محرم عمی
/channel/moharrammohammadzadeh
اورمان لارین پارچالانیر ونستان
باش یاتاخدا آندل یانیر ونستان
بو بهشتی چوخلار دانیر ونستان
شعره گئتیر ماهنی یا قوش ائیله جار
پاوار شرناسینا یامان یاغدی قار
***
.ملک طالش منیم دردیمه درمان
یوخدی بو جنته اورک دن یانان
وئریلن وعده لر یالان دیر یالان
اولموشوق دونیانین گئدرقوناقی
دای چاتیب داغلارا اورگین آهی،،،
***
شعر،اجرا:محرم عمی
#روزی_کندی
#سرخه_دیزج_کندی
#کامبلاش_کندی
#روادانق_ایروادانا
#چلناب_کندی
#ونستان_کندی
#ملک_طالش_کندی
@roozi_kendi
@sorkhhedizaj
@kambolash
@vanestan_kandi
@molk_etalesh
@molk_talesh_kandi
@molketalesh
کانال رسمی محرم عمی
/channel/moharrammohammadzadeh
اورگین نن گئچن لری
اورگینده ساخلاییرسان
طوفان لارین قاباغیندا
تاپدالانیب ، لاخلاییرسان
***
حیات چتین ، آرزو اوزاق
گوزو یاشلی یاشییرسان
داغدان آغیر دردلری سن
کورینده داشییرسان
***
آدام واردی بخته وردی
یوخسوللوقون دردین بیلمیر
نه آه چکیبر نه غم بیلیر
هئش بیر گوزون یاشین سیلمیر
***
اورک کدر ، آرزی شیرین
گله جکی بیلمَک اولمور
قارانلیق لار قالماییب دیر
حقیقتی سیلمک اولمور
***
چرخ فلک دولاندیریر
فیریلدادیر عومورلری
عومور ده بیر یانیق کومور
کول اولاجاخ کومورلری
***
گوزو یاشلی یاشادیق بیز
دوشدوک بوشلو عومروموزه
جوان جوان قوجالدیق هی...
بیز نه دئیک کونلوموزه
***
کاسیب لارین آهی قاخسا
گورشاد دوشوب سیل گله جک
توز اسه جک شهرلره
طوفان اولوب یئل گله جک
***
شعر، اجرا: محرم عمی
کانال رسمی محرم عمی
/channel/moharrammohammadzadeh
پست موقت.
چرا روستاهای ورزقان خاروانا با این همه نعمت خدادادی در این شرایط هست؟
به نظرتان مقصران اصلی کیست؟
کانال رسمی محرم عمی
/channel/moharrammohammadzadeh
شعر روستاها قسمت بیست و دو
#وردین یوردوم خاطیرینه یاز منی
نیسگیل لرین یاندیرماییب آز منی
غریب اولسم توپراغیندا قاز منی
قارپاپاقلی داغلاریندا دومان وار
سنه گوره کوسن لر وار اومان وار
***
#لیجینده بیر شاعیر سوز آچیب غم نن
"اولموشام بیر عومور گیلی لی سندن"
کوسموشم داغلاردان دوماندان چندن
پیر آغاجی داشلی دره قَجلَی
گئتمه لی دیر گلسه کیمین اَجَلی
***
#صیفار_کندی جوان لارین قوجالدی
بو روزیگار یامان بیزدن باج آلدی
قیرو چایی آشیب داشیب اوجالدی
چای قاینادیب اوت پولویَن گونلریم
ائوجیک آتدا او اوشوین گونلریم
***
#داشکسنین یانسین اودو اوجاقی
چوخ گوزل دی هرگوشه سی بوجاقی
یاستانچا داغلاری آنا قوجاقی
شاعیری هلالی قفه چشمه سی
قیزلارین باغلاردان آلما سئشمه سی
***
#کوهنه_لی ده ارزان بابا داغی وار
کددن آخان بیر پیر ساققاچایی وار
تویدا یاسدا بیر کله قد پایی وار
زلزله ده کوهنه دام لاراوشدولار
خانا خانا آلوان ائولر قوشدولار
***
#گزانبند یاز گونو گوللو چیچک لی
آرخ آلتی چاخماخلیخ بیاض ایپک لی
گووَ داغی اولار آرزو دیلک لی
بویلاندی بیر بولوت دوندی یوردوما
گئچن خاطیره لر چوندی یوردوما
***
/channel/moharrammohammadzadeh
آتا
آیریلیقدان ،هئش نه چتین یوخوموش
آتامی گوزومون یاشی سَئس له دی
چوخداندی کوسموشم باهاردان یازدان
اوشودو اوره گیم قیشی سَئس له دی
***
اوره گه، قایقیسین ، یاخارمیش آتا
دار گونده ، اِولادا ، آرخایمیش آتا
گول کیمی ، اِولادا ، باخارمیش آتا
آتامی تورپاغی داشی سَئس له دی
***
ساچیما اَلَندی گویلرین قاری
آتاسیز نیلیرم دولتی واری
یونَلدیم او کوهنه دام داشا ساری
گویلرین لاچینی،قوشو سئس له دی
***
شعر و اجرا ، محرم عمی
۱۴۰۱/۱۰/۳۰
/channel/moharrammohammadzadeh
قسمت بیست روستاها
#جوشون_کندی تیل قالالی هارایلی
تَرنه بوزان داغی چشمه لی چایلی
سید ایرباهیمی اولدوزلو آیلی
سید مَتی آزگی چشمه گونا دیل
شاناسَره زرده ماهال آنا دیل
***
#سیر_کشین داغلاردا ناری گیلوشه
قایانین چاتین نان باخیر بنوشه
حورمت ائدیب قوناخلارا همیشه
چن گلنده قایالار غم داشی غم
چیسگین یاغسا اوره گیمین باشی غم
***
#بیارا_کندی نین یانمیر چیراغی
گوره ن کیمین واردی اوردان سوراغی؟
تئل لره وئراردی کولک داراغی
تندیرلرین یالاوی یوخ کوزو یوخ
قوجالارین اثری چوخ اوزی یوخ
***
#چول_مزرعه دن قالخیر تندیر توستوسو
قیشدا اولار قدیم سایاخ کورسوسو
اورک لرین واردی هله ایستی سی
قره داغدا بیر مزرعه گولوم وار
باهار بویلو گوللو گوللو چولوم وار
***
#نیگارستان یامان دولدوق یاشا بیز
دانیشاردیق داغلاری نان قوشا بیز
ایش اَئیلدی یئنه دوشدوک توشا بیز
ایندی بیلدیم عومورده بیر ناغیل دی
قدیم ائولر اوشدو گئددی داغیل دی
***
#سیقای_کندی پیر سقانین قاشی دی
اوزوکلره بو کند حاقیق داشی دی
گول باغی نین داش بولاغین یاشی دی
سیقای یوردو علامه لر دهری دی
علامه جعفری عِلمین بحری دی
***
شعرهای روستا قسمت نوزده
#باش_ایریده_شاهمار یوردو کولک ده
قوناخ گورمز باللی قیه اورکده
آقداش داغی گوی چایی دا دیلکده
ایری چایی چشمه قیه بونالی
چوخور یوردو علی داشی خینالی
***
گئچن گون سووشوب قایتماز داها
عومور گون مَهَکده قیزلدان باها
بو قوجا دونیادان گلمیشیک آها
سیدلر تاجی دا ایری نین قاشی
آغلاغان گوزلرین قوروماز یاشی
****
#میوه_رودوم_چشمه لی چایلی کندیم
گئجه لری اولدوزلو آیلی کندیم
گیرده کان لی میوه لی پایلی کندیم
مووَری نین چاییندا وار آی سویو
گوز یاشین نان دورو دِئنه چای سویو
***
#سیوان_دئمه درمانیم دی داوامدی
بولوت لارین کولگه لری یووام دی
او یورد منیم سو چوره گیم هاوامدی
هر یئر دومان گویده آی ین هاله سی
گویدن گلیر کومه دومان ناله سی
***
#مشاهیرین_مه لرینده آزان وار
اورک سوزون داشلاریندا قازان وار
گوره ن بالا دردلرینده یازان وار ؟؟
یول اوزِیی کولَک اولار قار اولار
اولو تانریم اوزو سیزه یار اولار
⬇️⬇️⬇️⬇️
ادامه
👇
اورگینده غمی اولان
هر یئر اونا زیندان دیر۰
پروانه تک دولانا
چیچک لردن چیگه
باغ دا اونا زندان دیر
***
اورک دن غم چئخماسا
مین اولکه نی دولانسان
یئنه کدر بولودی
اوره گینی سئخاجاخ
***
کدر اورکده دیوار
بلکه زیندان دورای
نه فرقی وار رنگ اولا
اوستونده ناخیش اولا
یا کی قارا کرپیج لر
سنی چکه حصارا
***
یانمایاندا هئچ یانماز
اولمایاندا هئچ اولماز
سوسوزقویو سویونان
چایلاردا آخسا دولماز
اورگی غم کدرلی
سولار نئجه کی سولماز
***
شعر اجرا محرم عمی
۱۴۰۳/۲/۱۳
کانال رسمی محرم عمی
/channel/moharrammohammadzadeh
قوهوم نان قارداشدان دوسلاردان اومما
دار گونده یئخیلما لاخلاما جومما
هر کسه اَل آشما اوجووو یومما
الله هر کیشی نین اوزونه وئرسین
وئرسه ده مال دولت دوزونه وئرسین
***
هر کیشی یاشاسین اوز کولگه سینده
هئچ کس آژ قالماسین اوز بولگه سینده
کاش غریب اولماسین اوز اولکه سینده
الله هر کیشی نین اوزونه وئرسین
باخسین اورگینه گوزونه وئرسین
***
طوفاندا قالاندا داغ بویدا گمی
وئره ر قالانلارا کدری غمی
دار گونده گلمزلر نه دایی عمی
الله هر کیشی نین اوزونه وئرسین
آغیر بیر اعتبار سوزونه وئرسین
شعر،محرم عمی
کانال رسمی محرم عمی
/channel/moharrammohammadzadeh
بو یاشام دئمه کی لاپ هدرایمیش
سونوندا هر سئوینج غم کدرایمیش
ایندی بیلیرم آجی زهرایمیش
چوخونا بیر شیرین بالدی بو دونیا
کیم لرینه کئف دی حالدی بو دونیا
***
گور نه واختدان بو اوره گیم یارایمیش
عومور گونوم بیر بیرین نن قاراایمیش
اینسانلارا دَیَر وئرَن پاراایمیش
عومروموزو اوجوز آلدی بو دونیا
سویله گورک کیمه قالدی بو دونیا
***
والله عومور دئنه سینیق گمی ایمیش
آرزولاریم دونه دونه غم ایمیش
من نه بیلیم گئدیک یول لار چنی ایمیش
غم هاواسین بیزه چالدی بو دونیا
بیزی گور نه گونه سالدی بو دونیا
***
شعر اجرا :محرم عمی
کانال رسمی محرم عمی
/channel/moharrammohammadzadeh
قایتار منیم آرزومو
یاشامادیغیم گونلرین ،
حسرتینه آغلادیم
ایتن باتان آرزولارین،
کدرینه آغلادیم
گئدن عومرون گئدن گونون،
هدرینه آغلادیم
خیالیمی اوغورلایان ،
قایتار منیم آرزومو
***
یاشیل تارلا زمی لرده ،
غم بیچن اینساندیم
عشقیمیزه صداقته ،
آند ایچین اینساندیم
دویغوسوننان آرزوسونان،
او گئچن اینساندیم
اوتن عومور ،اوتن گونلر،
قایتار منیم آرزومو
***
یئر اونودان گوی اونودان،
دومان لاردا ایتنم
کولک لی او گئدیک لرده،
طوفان لاردا بیتنم
خیال لاردا داستان لاردا ،
آرزولارا یئتنم
گوز یاشیمدا آخیب گئدن،
قایتار منیم آرزومو
شعر،اجرا:محرم عمی
۱۴۰۲/۱۱/۲۳
کانال رسمی محرم عمی
/channel/moharrammohammadzadeh
یارالی بایاتی لار
اجرا ائدیر _محرم عمی
کانال رسمی محرم عمی
/channel/moharrammohammadzadeh
/channel/moharrammohammadzadeh
Читать полностью…
فلک مندن پایین کسمیر
اسیرگه میر قادا دردی
باغریم یاندی،یانار اودا
چکنمه دی ،اودا دردی
***
غم چکیرم آه اوجالیر
باش آغاریر جان قوجالیر
فلک مندن هی باج آلیر
هر نه اکدیم اوردا دردی
***
ایشیقدان دای دوشور گوزوم
حقیقتدن چوخدور سوزوم
من بو غمه نئجه دوزوم
بوراخیرام یوردا دردی
شعر،اجرا؛محرم عمی
کانال رسمی محرم عمی
/channel/moharrammohammadzadeh
قسمت بیست و پنجم روستاها
روزی کندی طبیعتین اوزودور
عاشیق لارین ماهنی لاردا سوزودور
ائل اوبانین دیلی آغزی گوزودور
مهربانلیق صدق وصفا دونیاسی
کوچوب گئدنلرین نیسگیل رویاسی
***
دومان گئتدی سرخه دیزه گوروندی
کولک گلدی داغلار قارا بوروندی
گونش سوندی داغ دالینا سوروندی
شاعیر کرم کیم چکه جک بوداغی
گورن بیزدن کیم توتاجاخ سوراغی
***
کامبلاشدا بولاق داشا دونوبدور
آرزولاری ندن کاشا دونوبدور
کوچن کوچوب گوزده یاشا دونوبدور
غم غم اوستن قوجاخلادی بیز لری
دومان گلدی آیاخلادی بیزلری
***
روادانق گیل دره سی بیر حیات
"گوردون باختین یاتیب سنده یئخیل یات"
داغلاری داشلاری چورودو قات قات
حالیمیز دِییل دی بایاتیلاردا
ماهنیمیز چالیندی بیر غم لی تاردا
***
چلنابدا باش یونجادا گوز قالیب
چشمه صنم تیلاب یانیب اوز قالیب
کوچه داشدا دِئیلمه میش سوز قالیب
گوره م کاش کی بیرده قیرقی داشینی
آختارام قارمادا عومور یاشینی
***
.
قسمت بیست و چهار روستاها
همای سفلی نین قلبی سئخیلیب
کاسیب لارین ائوی اوردا یئخیلیب
حقیقت لر ایندی اوزه چئخیلیب
بو کندین داغلاری آغ آپباق قاردی
چوخ ایش لرهله ده او یوردا عاردی
***
همای علیا دا یارالی کددی
شهردن اورایا آرالی کددی
حیالی قیزلاری سارالی کددی
او یئرلرده سن نن من نن اومان وار
داغلاری مه چیسگین چیسگین دومان وار
***
آغبلاغ کندی نین نئجه دی یولو
باغلارا یاغماسین غفیل دن دولو
لاپ چتین گونلرده بوکولمز قولو
یاخشی لارین دونیالاری درین دیر
حیات لاری دویغولاری شیرین دیر
***
ظلم آبادین آدی مزرعه سواره
قوناق اولام کاش کی اوردا دوباره
تئزه لنسین ائولر مکتب میناره
ایل لر قاباخ بیر آنای لا آغلادیق
ماهنی دئدیک اورک لری داغلادیق
***
شعر،اجرا:محرم عمی
#همای_سفلی
#همای_علیا
#آغبلاغ
#مزرعه_سواره_ظلم_آباد
@homay_sofla_olya
@mazraeat_surich
دوز اَیرینی کسه بیلمیر
شهر دومان ،خیال کدر، باخیشلاردا اولوب هره
یاغیر یاغیش، قانادآچدی،خیال لارا مین خاطیره
اونوتموشوق، یاخشیلیقی، آل لانیریق بوش ظاهیره
زامان چونوب، ایندی داها، دوز ایرینی کسه بیلمیر
***
هاردان گلدیک ،گور هارابیز، یاخشی لارا پیس دئیللر
یوخ برکت ، سفره لرده، حارامی بال تک یئللر
یالانچی لار، قان سورول لار، قوزو لیباسی گئیللر
داغلارطوفان ، گئدیک کولک، داها مه یئل اسه بیلمیر
***
یالانچی لار، یالانینا، آل لانیریخ هر آن بیزلر
اوجالیل لار ، یالانچی لار، دوزده قالیب هله دوزلر
سورون سورون، سورونموشوک، قوتدن دای دوشوب دیزلر
باغلانیب دیر، هاچان گوزلر، هئچ اوواندی ترسه بیلمیر
***
شعر ،اجرا : محرم عمی
۱۴۰۲/۱۱/۱۲
کانال رسمی محرم عمی
/channel/moharrammohammadzadeh
قسمت بیست وسه روستاها
بوردان دئیه ک#اویلق_ه سالاملار
اوردا اولوب چوخلو یاخشی آداملار
یورد یووانی قوروسونلار قالانلار
اولوب گئدیب میرزا صالح میر زاجی
زامان دوندی آغزیمیز اولدو آجی
***
آ میرتقی کندین شهرتی شانی
ملا آخوند قدیم مکتب نشانی
یاخشی لیقدان باشقا قالان لار هانی؟؟
ملا نصرالله نین قالیر دام داشی
میر جلیلین قورومازدی گوز یاشی
***
#بهربی ده بوتون بَی لر یاداولسون
اوشاقلارین پاک اورگی شاداولسون
یاخشیلیق لار دیارینا آداولسون
یاشیل لانسین گوروم سرین یایلاقی
آباد اولسون اِئل اوبالار اویلاقی
***
#رستم_آباد دومان لارا بورونه
دشمن لری دیزین دیزین سورونه
منیم عشقیم ائل لریمه گورونه
یانیق کرم احوالیما چال عاشیق
ائل دردینده ائل غمینده قال عاشیق
***
مه ایچینده ایتیب یاشیل#پرخاران
هاردادی قوجالار داغلاری یوران
اوروشلری چول چیمنی بی کران
خیش عَمراض لا جوتوموزو سوردوک بیز
بو دونیادا یاخشی یامان گوردوک بیز
***
#لنبران نان چوخ عالیم لر باش آلیب
قبریستانی تاریخ لردن داش آلیب
گوزلریم دولوبدو یامان یاشالیب
اهر چایی بوردان آخیر آرخی یوخ
فلک بیزی دولاندیریر چارخی یوخ
***
شعر اجرا، محرم عمی
#دیزج _ملک ،دیل لرده، ازبَر داهی
وَراب، سویی بلکه ده کوثر داهی
آیلی گئجه اولدوزو اختر داهی
گورن هاردا استاد شاعیر اَلماسی
شعر دئمه سی اوخویوب ساز چالماسی
**
#کاسیندا گوروبسن کوهنه قالانی
یئل سویو آپارار قادا بالانی
چوخ ساغ اولسون بیزی یادا سالانی
قیز گلین لر گوزل فرشلر توخویور
توراخای لار سئغیر چین لار اوخویور
**
#آقاببا_فرامرز گویلری چن دی
داغلاری قالا تک گوزله ییر کندی
اسم علی خان بابا بره سی بندی
قدیم او کند آل وئر چی لر مکانی
بزازی خیاطی جهیز توکانی
**
#اره_جانین چیچک اولار هر آنی
کوچن کوچوب هایاندا دی قالانی
گوزدن توشسون یوردو گوزدن سالانی
مئشه بلال اره جاندا باش بیلن
اولدی گئتدی او گوزلردن یاش سیلن
**
شجاع لارین #اوخارادیر مکانی
چوخ گوزلره باتیب یوردون تیکانی
داش دام داشین یوخدو دئنه ایمکانی
قاناد چالیر قارتال، سام دیاریندا
داش آتدان سو آخیر خان دیاریندا
**
شعر ، اجرا، محرم عمی
#دیزج_ملک_کندی_ورزقان
#کاسین_کندی_ورزقان
#آقا_بابا_فرامرز_کندی_ورزقان
#اره_جان_کندی_ورزقان
#اوخارا_کندی_ورزقان
@daizaj._.malak
@dizaj_malek
@kasin.ir
@kasin_news
@aqababafaramarzi
@agababa_sina
@arejan.kendi
#خاروانانین_گوزل_کندی_ینگیجه
آی ایشیلدار داغ دالیندان هر گئجه
بو کندی دَن اندیرگانا یول گئچه
اولماز لار کی نیسگیل لرین یورغونو
جوان لاری آناوطن وورغونو
***
شعر،اجرا؛محرم عمی
#جوشون_ورزقان_خاروانا
#سیرکش_ورزقان_خاروانا
#بیارا_ورزقان_خاروانا
#چول_مزرعه_ورزقان_خاروانا
#نیگارستان_ورزقان_خاروانا
#سیقای_ورزقان_خاروانا
#ینگجه_ورزقان_خاروانا
@jooshin_tv1
@jooshin_tv2
@enekas_jooshin
@jooshiin
@joshin_kandimiz
@sarkesh.kandi
@biyara_2020
@kandimiz_mazreh
@negharestan.kande
@segaykandi
@pyrsaga_1485
@yengejeh_20
***
داغ باشیندا #عظیم_آباد_گوروندی
ذیروه لری چنه مهه بوروندی
کولک لرده دیزین دیزین سوروندی
قدیم سایاخ یئنه شاختاسی قاری
سئوینجه دونسون لرحسرت لر باری
***
#گال_کندی_نین تاریخ بویو وار یاشی
قوزی اینده قارری چولو قوچ داشی
یوردوندا گورسه نیر بیر قالا باشی
گودور یوردو اوجا قالا باخیر هی
سَرده خونی سرین سَرین آخیر هی
شعر،اجرا:محرم عمی
#ایری_علیا_باش_ایری_خاروانا_ورزقان
#میوه_رود_خاروانا_ورزقان
#سیوان_خاروانا_ورزقان
#مشاهیر_کندی_ورزقان_خاروانا
#گال_گلو_کندی_ورزقان_خاروانا
@iri_olya
@iri.olya_village
@iry.olya
@iri.olya
@mivarod.kandi1666
@nuvari_kandi
@mashahirkandi
@azim_varzeghan
@gall.sesi
قالیب دیر قاپلاریم ، بیر عومور آچیق
ندن هئچ خیالین ، چئخمیر بو ائودن
قالیب دیر آسیلی ، گوزلر قاپیدان
نه اوزون گلیر سن ، نه خیالین گئدیر
شعر اجرا ، محرم عمی
کانال رسمی محرم عمی
/channel/moharrammohammadzadeh