1314
کارشناس ارشد مهندسی برق الکترونیک (گرایش فوتونیک) مجری...گزارشگر....,شاعر......ونویسنده
.
قسمت شش روستاها
نه یاخشی دستجردین گوردوک باهارین
کامتالدا شپه سین داغلاردا قارین
گردیشین حیس ائدیک لیل نهارین
بو کندین وار اوره گینده غُصه سی
جوان لارین اُولدی غَملی قیصه سی
***
خاروانین گوزل کندی وَرَزقان
قوربان اولسون وطنیمه شیرین جان
حسرتین نن اورک اولوبدور شان شان
عومورده بیر یول دی آخیری باغلی
ندنسه اورگیم اولوبدور داغلی
***
چیچک دن عطیر لی مُلک قضات دی
اوداغلار کولگی منه گوز آتدی
اوره گیم دیرچلدی غمی آزاتدی
چاخناشدی دومان لار زیلدن اوخودو
داغلاردا اورکدن دیلدن اوخودو
کوجانین یول لاری چانقیل دی داش دی
بیر دومان اوجالدی داغیندان آشدی
کامنتال دان جیرانلار بویلاندی قاشدی
بورونوبدور آغ دولاشا داغلاری
شَپه اسیرگویده اوینور قارلاری
***
شعر ، اجرا: محرم عمی
@varazghanlarrrr
@molk_gozzat
@kojan_kandimiz
#خاروانا_روستای_دستجرد
#خاروانا_روستای_ورزقان
#خاروانا_روستای_ملک_قضات
#خاروانا_روستای_کوجان
#شعر_ادبیات_روستا_فرهنگ_فولکلور_محرم_محمدزاده_
محرم_عمی
/channel/moharrammohammadzadeh
شعر روستاها قسمت چهار
الیرده ده اوچوب قدیم اوتاقلار
قار یاغاندا سینار قالین بوداقلار
حسرت چکدیک چات چات اولدی دوداقلار
الیرد کندی حسرت کندی غم کندی
یایلاقلاری دومان کندی چم کندی
***
زغن او دا گوزل لیگین تاجی دی
کندین اهلی منه قارداش باجی دی
انسان لارا گاهدان دوران آجی دی
زلزله ده اِولر بوتون اوشدو لار
گویلر بوتون قاناد چالان قوشدولار
***
زنگ آباد دا زلزله ده داغلیدی
آدم دییر او گونلر بیر ناغیل دی
یوردوموزا بیر چوخلاری پاخیل دی
زنگ آباددا ملت چتین یاشی ییر
جوان لاری غم یوکونو داشی ییر
***
کولک اولار علی بیک کندین یول لاری
یاشیل تارلا کندین ساغی سول لاری
داغلاریندا کهلیک اوتو کول لاری
یول قیراغین نان ائولری گوروشور
توراخای لار گویلرینده اوتوشور
***
شعر،اجرا :محرم عمی
/channel/moharrammohammadzadeh
شعر روستاها قسمت دو
چراغلونون واردی بیجینچی چایی
تاقچا قایا سینا دوشنده آیی
آلاخلیق آغزی نین هاردادی تایی
هریئری توراخای بولبول یوواسی
دای صمد عمی نین یوخدی صداسی
***
ایشیق لی نین واردی دومان لی داغی
چناق بلاغ سویو آشاقی چایی
علی قَجلینده قورو گول یایی
گلیر داغدان عاشیق فیروز صداسی
یایلاغیندا اولور ائل لر اوباسی
***
خنسلو دا قیزیل گول لر صفاسی
باللی قایا چوخ دردلرین داواسی
کد دره سی آغ دره سی هاواسی
بو یورد دا دا قدیم ائولر داغیلدی
قینر قوشوخ خاطره دی ناغیل دی
***
خلف انصاری گوردون بیردن قار آلدی
چیچک قالدی قار آلتیندا سارالدی
بیز نیله دیک دونیا بیزه دارالدی
خلف انصارین جوان لاری قوجالدی
غم غصه میز داغلارداندا اوجالدی
***
شعر، اجرا محرم عمی
/channel/moharrammohammadzadeh
عرض تسلیت به خانواده های شهیدان راه وطن
Читать полностью…
تحلیلی بر نظر سنجی داراخبر
رسانه داراخبر در دو مرحله اقدام به نظر سنجی در مورد انتخابات ورزقان وخاروانا نموده است.
نتایج بدست آمده از این نظر سنجی ها را نمی توان ملاک قضاوت قرار داد اما تحلیل های می توان بر هر کدام نوشت نگارنده سعی دارد دومین نظر سنجی داراخبر را تحلیل نماید
در نظر سنجی صورت گرفته ۵ نامزد احتمالی مورد مطالعه قرار گرفت ۶۰ درصد شرکت کننده گان در این نظر سنجی به این ۵ نفر رای دادند
#اسلام_اسکندری گزینه ای که حال حاضر در فضای مجازی خوب می درخشد ۳۶۷ رای نشان از فضا سازی لازم برای حضور قدرتمندانه وی در انتخابات مجلس دارد اما آیا وی در فضای واقعی و میدان رقابت خواهد توانست همانند فضای مجازی بدرخشد ؟
#عادل_امانی جوانترین گزینه در بین گزینه های مطرح بوده و زمان ثابت خواهد نمود که وی چند مرد حلاجه
#علی_رضازاده یکی دیگر از گزینه هاست که برای اولین بار به عرصه رقابت انتخاباتی پا نهاده است وی شانس لازم برای حضور در بین ۴ گزینه نهایی را دارد
پدیده انتخابات ورزقان و خارانا کسی نیست جز #محرم_محمدزاده ،محمد زاده بجای لشکر کشی در فضای مجازی در پی یارگیری فیس تو فیس هست اگر وی بتواندحضورش در انتخابات را خوب به سمع و نظر اهالی شهرستان ورزقان برساند مسلما خواهد توانست بر صندلی سبز بهارستان تکیه کند
#رضا_علیزاده_کاسین خواه و ناخواه طرفداران و هوادارانی دارد اما در مقابل مخالفانی هم دارد که نمی خواهند وی راهی بهارستان شود علیزاده اگر بتواند انتخابات را مدیریت کند می تواند بار دیگر بهارستانی شود
@dara_news
خاروانا
غیرت بیزیم ،ناموس بیزیم ،عار بیزیم
او یورد بیزیم ،داغلار بیزیم،ساربیزیم
ائللر بیزیم ،وطن بیزیم ، یاربیزیم
آی داغلاردا ، مین قالالی خاروانام
آغ ساققاللی ،گول بالالی خاروانام
***
آغلاگی نان ،قوی آخسین گوز یاشلارین
دشمن لرین ،گوروم یولسون ساشلارین
مزارینا ، قیسمت اولسون داشلارین
آی قان اورک، گوزو یاشلی خاروانام
لعل لی زرلی، قیزیل داشلی خاروانام
شعر،اجرا ؛محرم عمی
کانال رسمی محرم عمی
@moharrammohammadzadeh
.
تا نباشد میل حق
برگی نریزد از درخت
کانال رسمی محرم عمی
@moharrammohammadzadeh
.
.
☘️❤️☘️
آی اورگیم قدر سئودیگیم کَسیم
عومرومو پای توتوب وئرگیم کسیم
آی سن نن اوتری اولدوگیم کسیم
دیار دیار سنی دئیب گئزدیم من
سنه خاطیر اوره گیمی ازدیم من
***
آی سن نن خاطیره یاندیغیم کَسیم
هارداسان آی اوزاخ قالدیغیم کسیم
آی دردین ، قاداسین آلدیغیم کسیم
حسرتین یاندیریب یاخدیریر منی
شمع کیمی اریدیب آخدیریر منی
***
آی عشقی اورکدن گئتمی ین کسیم
بو پریشان حالیما یئتمی ین کسیم
آی دردیمه درمان ائتمی ین کسیم
حیاطیمی آلدین هارا گئددین سن
گونلریمی زهر آجی ائتدین سن
🔷️🔹️شعر ،اجرا ،؛ محرم عمی
#وطن_ورزقان_اوخارا_محرم_عمی
#ورزقان_خاروانا_آذربایجان_محرم عمی
#ورزقان_قرهبلاغ_محرم_عمی
#وطن_تبریز_آذربایجان_شهریار_تورکی_شعر
کانال رسمی محرم عمی
@moharrammohammadzadeh
کانال رسمی محرم عمی
@moharrammohammadzadeh
گینه من ،
گینه چئسگین هاوالار قاشقاباغی ،
نه گیلئیی ائتمه لی یم
نه وفا ایزله مه لی
منه کیم قالدی صنم سن قالاسان ؟!
منه کیم قالدی صنم سن قالاسان! ؟
گینه یالقیزلیغا منت هله آرخامدا دوروب
سیگارام توستوله نیر
بویلانیر خاطره لر
هله ده یای گئجه سی
هله گوللر قوخوسو
هله بیر جوت قارا گؤز
هله بیر ایستی باخیش
هله "حوا" یازیسی
هله ده چال سنه قوربان غزلی!
کسیلیر سانکی نفس
سوکولور بیرده اورک.
یاندیران گرچکه باخ!
اینانلیماز آجی دیر
بیر قیغیلجیم لا بیر اورمان اود آلیب !
اینانیلماز آجی دیر غم یوگوره
سؤزجوکون نوختاسینی الدن آلا .
قیناما الهامی گیج -گیج گیجه لیر
قیناما شعریمه سرسم یازیرام
قیناما آیریلیغین دردی آغیر.
بو قارانلیق گئجه ده باخ اوزوم آق
بوراخان سنسن آما
نئیلییم سنده گئدرگین بیرسی
نه گیلئیی ائتمه لی یم
نه وفا ایزله مه لی
منه کیم قالدی صنم سن قالاسان؟!
شعر؛ لادن اسکندانی"حوا"
اجرا، محرم عمی
کانال رسمی محرم عمی
.
@moharrammohammadzadeh
.
مقام ، تاپدین ، هئچ اوزوو ، ایتیرمه
مقام گئدر، هر زاد، یاددا، قالار ها
حالال یولدان ، روزی ، قازان اوزووا
یولدان چاشسان ،تانری گوزدن سالار ها
***
اعتبارو ، یالان یئره ، ایتیرمه
اوره گینده ، کینه ، کدر ، بیتیرمه
هر جایی نی ، مقام اوسته ، گتیرمه
گَلر بیردن ، یورد ، یوانی ، تالارها
***
عارف اولان ، دوز یولون نان چئخانماز
دوز اینسانی ، مین بیر اَیری یئخانماز
دوز دانیشسان ، دار دا سنی سئخانماز
الله اوزو ، مین بلادن ، آلار ها
***
او ایسته سه ، یارپاق آغاشدا ، سولماز
خایین لارین ، قلبی گویولو ، دولماز
یئتیم مالین نان، سنه بیل ، مال اولماز
صاغیر مالی، ایلان اولوب ، چالار ها
***
شعر اجرا؛محرم عمی
کانال رسمی محرم عمی
.
@moharrammohammadzadeh
.
"کیم سِئومه سه، اوز یوردونو
بو دونیادان، ناچار گِئدَر
نه اِئلده بیر، نیشان قویار
نه قَلبه نور، ساچار گِئدَر"
***
کانال رسمی محرم عمی
@moharrammohammadzadeh
.
خیالیم اوجالدی ، گور هاردان، هارا
داغ اوستن ، داغ وئردی ،قلبیمه یارا
داغلار ، قانشاریندا،دوشموشم قارا
من سنی اونودوب ، حسرت گئدیرم
***
گونلریم سووشور، سن سیز، آی آمان
گونوموز اولمادی، غم سیز ، آی آمان
داغلاری گورمه دیم، چن سیز آی آمان
من سنی اونودوب ، حسرت گئدیرم
***
گئجه لر خیالین ، قلبیمی سئخار
آیریلیق اینسانا ، درد اولار، یئخار
گوره سن ، خاطیره ن ، یادیم نان چئخار؟
من سنی اونودوب حسرت گئدیرم
****
شعر ، اجرا محرم عمی
.
کانال رسمی محرم عمی
@moharrammohammadzadeh
.
اوله بیلمیرم
گئدنده آند ایشدین گلمه یه جک سن
بیلیرسن او گوندن گوله بیلمیرم
دئدیم کی نه قدر سئویرم سنی
من هله ایندی ده اوله بیلمیره م
***
یئخیلیب دورموشام آغلامیشام من
گئدن نن اوتاغین، باغلامیشام من
اورک، سن دئینده ، داغلامیشام من
توز آلیب عکسیوو ، گوره بیلمیره م
***
سن گئدین من قالدیم بیرده غم لریم
آغلادیم گووَردی گوزده، نم لریم
داغلاری بورودو اورک چن لریم
اوت توتوب یانمیشام سونه بیلمیره م
***
وئردیغین یارالار چتین ساغالار
بیر بئله کدری تکجه داغ آلار
محبت دونیاسین ، قلبی آغ آلار
دای منی چاغیرما ، دونه بیلمیره م
***
سن گئدن یول لارا ایل لر باخمیشام
حسرتی یاندیریب گوزه یاخمیشام
شَپه لر تک ، اَریمیشم آخمیشام
ایندی سنه ساری، چونه بیلمیره م
***
اشیدمیشم ایللر منی گئزیب سن
اوره گینی دانلاییب‌سان ، ازیب سن
مندن باشقا هامیلاردان ، بئزیب سن
قالان عومرو ، سن نن سوره بیلمیر ه م
شعر ،اجرا: محرم عمی
کانال رسمی محرم عمی
@moharrammohammadzadeh
.
دومان ایچینده
عومروموز سووشدی کولک ایچینده
آرزولار اوت توتدی دیلک ایچینده
سئوگیمیز آل لاندی کَلک ایچینده
سئوه سئوه، آیری دوشدوک، ندن بیز
***
یارامیز بیتمه دی ،ساغلار ایچینده
داغ اوستن داغ گوردوک، داغلار ایچینده
درد اولان درد چَکر، آغلار ایچینده
سن سئودین، من سئودیم ،آیری یاشادیق
***
قارتال تک ، یاشادیق ، دومان ایچینده
آمان سیز یاشادیق ، آمان ایچینده
یقین سیز یاشادیق ،گومان ایچینده
بوندان صونرا ،او سئوگینی نیلیرَم
***
اولدوز سوز سئویشدیک ،آیلار ایچینده
سئوگیمیز سویودو ، یایلار ایچینده
سارامیز بوغولدو ، چایلار ایچینده
سندن صونرا، سئوگی ،بوتون یالان دی
***
سورولدوخ ،حَشَم تک، یئل لر ایچینده
دیدیل دیک پریشان، تئل لر ایچینده
داشلارا تاپداندیق ، سِللر ایچینده
ایل لر آیریسیدی ، سئوگیمیز بیزیم
شعر،اجرا،؛ محرم عمی
کانال رسمی محرم عمی
@moharrammohammadzadeh
.
نصیرآبادین تازه یوردو یواسی
بیزه چاتسین آنالارین دوعاسی
بو دونیانین هئش یوخوموش وفاسی
او دیارین کهنه کندی یاد اولسون
اوردان قالان گوزل گویچک آد اولسون
***
میرزاعلی کند خاطیره لر پاراسی
اورگیم نن چئخمیرفلک یاراسی
چوخ دردلرین یوخدی اینان چاراسی
اسکی ائوین قالیب تکجه طاقچاسی
سولولوب اوردا میر زاعلی نین باغچاسی
***
چایکندی نین خاطراتی گوزومده
یاخشیلیقی گوزل لیگی سوزومده
قوناق قالدیم هله اوردا اوزومده
دئمکده ،قارا داغ وطن دیمنه
"اولن ده توپراغی کفن دی منه"
***
هیبت بیگین هیبت یاغیر گوزوندن
درس آلمیشام آغ ساققال لار سوزوندن
دوشمه یه سن هئچ ائل لرین گوزوندن
هیبت بَگیم قاراداغیم جان وطن
دیلده سوزوم جسمیم ده کی قان وطن
***
گول عنبرده گوزل لیک لر کولک ده
آرزولاریم آرزولاردا دیلک ده
داغدا چوبان چالیر نی ده توتک ده
یاشیل چیمن توتقون گویلر مهلی داغ
چاخناش بولوت چیسگین ائله شهلی یاغ
شعر اجرا:محرم عمی
/channel/moharrammohammadzadeh
شعر روستاها قسمت سه
بورون دره شلاله سین گوره ن کیم
قوجالاردان قالان لاردان اولن کیم
گله جگی اولاجاغی بیلن کیم
بو کندی دن چوخ اوجاخلار سونوبدی
عومور گون لر دونر گه لر دونیب دی
***
صامصامین داغلاری گویلر اوزونده
چاغلاییر سولاری بولاغ گوزونده
بئزنیب چیچک لر یاشیل دوزونده
قاتیرچی بولاغین کاروان آلیب دیر
کوهلوک دره سینده گوزوم قالیب دیر
***
مشک عنبردن ائل اوبالار کوچنده
کند آراسی دوه قاطار گئچنده
قارنی اوسته اوشاقلار سو ایچنده
بولاق اوتی بابانک لر سارالار
گونش باتیب داغ دالیندا قارالار
***
قره قیه ورزقانین قاش داشی
قورومادی کدی لرین گوز یاشی
سئنیب ایتیب اولن لرین باش داشی
هارا کوچدی قوهوم قارداش باجی لار
دنیز اولوب اوردا سد حاجیلار
***
شعر،اجرا:محرم عمی
/channel/moharrammohammadzadeh
شعر روستاها قسمت یک
۲۵ ایل من هر کندی گَئزمیشم
یالتاقلیغدان زاریمیشام بئزمیشم
دوسلارا دوست مغرور لاری ازمیشم
چوخ کدلرده قوناق اولوب قالمیشام
آغلامیشام قادالارین آلمیشام
***
ائل اوغلویام اصیل قارا داغلیام
قایقی کشم من ائلیمه باغلیام
ائل دردینه منده گرک آغلیام
آنا وطن اوره گیمین بندی دیر
منی دوغان قره بلاغ کندی دیر
***
حمام لی دی اصیل کندین بیری سی
تک اوردا دی کوهول لرین ایرسی
یاد اولونسون اولو لری دیریسی
شفا وئرن عبداالرحمن نفسی
دوز چوره گه چوخ واریدی هوسی
***
شعر،اجرا:محرم محمدزاده قره بلاغ
(محرم عمی)
کانال رسمی محرم عمی
/channel/moharrammohammadzadeh
/channel/moharrammohammadzadeh
Читать полностью…
اول الله ، ایکی ده او ، اوشده او
بیزه وئرن ، عاغیل دا او ، هوشده او
یازی دا او ، قیسمت ده او ، پوشده او
بو دونیا بیر یوکدو، اینسان داشی ییر
بیری کاسیب ، بیری وارلی ، یاشی ییر
شعر، اجرا؛ محرم عمی
.
کانال رسمی محرم عمی
@moharrammohammadzadeh
.
ورزقان
حسرتین یئنه ده ، خیال دان آشدی
وطنین ، قایقی سی قلبیمی ساشدی
سینه مده غم کدر، چاغلایب داشدی
نیسگیلی چوخ، سئوینجی آز ورزقان
داغلاری قیش ، اورگی یاز ورزقان
شعر،اجرا ؛محرم عمی
کانال رسمی محرم عمی
@moharrammohammadzadeh
.
سیلمیشم سنی
من عشقین حورمتین عزیز ساخلادیم
اورکده ، سئوگی نی تمیز ساخلادیم
قایدیب گئتمه گه دنیز ساخلادیم
من داها اورکدن سیلمیشم سنی
***
بیلدین کی اورگی پای وئردیم سنه
قارانلیق گئجه ده آی وئردیم سنه
یازیمی قیش ائدین ، یای وئردیم سنه
من داها اورکدن سیلمیشم سنی
***
جانیمی ایسته دین قوربان گئتیردیم
من سنه قلبیمی پونهان گئتیردیم
اورگین آهینی ولکان گئتیردیم
من داها اورکدن سیلمیشم سنی
***
شعر،اجرا ،؛محرم عمی
کانال رسمی محرم عمی
@moharrammohammadzadeh
.
گَلمه
آ دوستوم اینان کی گیلی لنمیرم
عزراییل جانیمی آلاندا گلمه
روحوم پرواز ائدیب ، بو سویوخ جیسمیم
توپراقلار آلتیندا قالاندا گلمه
***
بو خسته کونولوم ،لاپ خسته لنیب
دوستاقیم بسته یدی ،لاپ بسته له نیب
عومور گون دریلیب لاپ دسته له نیب
خزان ، گول لریمی سالاندا گلمه
***
عومرومون اولوبدور یاخشی یاواسی
چوخ دردین بیلرسن یوخدور داواسی
چاتار قولاغیوا هیچران هاواسی
آیریلیق ماهنی سین چالاندا گلمه
دوزونه ده گلمه یالاندا گلمه
***
شعر،اجرا؛محرم عمی
۱۴۰۲/۸/۱۷
کانال رسمی محرم عمی
@moharrammohammadzadeh
ائل قاباغیندا
• آتالار دئمیشکن: دمیرچی قارداش
• مسی تعریف له مه لعل قاباغیندا
• ائل بیلیر کی کیم یاخشیدی کیم یامان
• سال قایا مات قالار سئل قاباغیندا
***
• هر شئ یاخشی اولار اوز بازاریندا
• عارف لر دولانار سوز بازاریندا
• نادان لار ، نه گئزیر دوز بازاریندا
• داغدا دایانان ماز ائل قاباغیندا
**
• یاخشی یا دولاشما پوزار رنگی نی
• نادان چاش دانیشار یورار انگی نی
• گوروب سن اوکوزله کَلین جنگی نی
• اوکوز کَم گئتیرر کَل قاباغیندا
***
• بد اصیل ایتیرر چورک له دوزی
• چوخلاری اریدر گونش تک بوزی
• آدام وار کسللر باشینا قوزی
• ناموسون ایتیرمز تئل قاباغیندا
**
• یالانچی تاماح کار آل لادار سنی
• حاق سوزدن دانیشسان دال لادار سنی
• بیر سویوخ تندیره سال لادار سنی
• آغزووا سوز گلمز ، دیل قاباغیندا
**
• آییل اینسان اوغلو ، باشوی قاتما
• تومنه قیرانا ، یوردونو ساتما
• توفنگی چوندریب ائلینه آتما
• دونر سن سامانا ، یئل قاباغیندا
**
شعر ،اجرا ؛ محرم کانال رسمی محرم عمی
@moharrammohammadzadeh.
اوتَن گونلری مه ، فیکیر ائیله دیم
اورک له درد له شیب ، گیلی دینله دیم
اوره ک نیسگیل لرین ، بوتون سویله دیم
اورک دیله گلیب ، سویله دی شاعیر
سوزون دوزدور تامام ، بویله دی شاعیر
***
اور ه گیم باشلادی ، سوزون آشماغا
دالغا تک چیرپیندی ، سئل تک داشماغا
باشلادی هامیدان ، بیر بیر ، قاشماغا
نه دوسدان ، گیلی ائت ، نه یاردان گیلی
نه یاغیش دان گیلی ائت، نه قاردان گیلی
***
گوزلریم اوره گین ، سوزلرین کسدی
کیرپیک لر یاشالدی ، بیر به بیر اسدی
دئدی شاعیر یولداش ، گیلی دا بسدی
عومور بویو هر آن ، آغلامیشیق بیز
آه چکمیشیک اوره ک ، داغلاماشیق بیز
***
عاقلیم یئنه ، اورگیمی دانلادی
پئشمان اورک ، اوز گوناهین آنلادی
گوز حسرتی ، آخار یاشدی داملادی
هئش قئی مادی عاغیل ، اورگ اسمه سین
عَهد ائتدی اوره گیم ، آرزو کسمه سین
***
شعر ، اجرا ؛ محرم عمی
.
کانال رسمی محرم عمی
@moharrammohammadzadeh
وطن
"کیم سِئومه سه، اوز یوردونو
بو دونیادان، ناچار گِئدَر
نه اِئلده بیر، نیشان قویار
نه قَلبه نور، ساچار گِئدَر"
***
دَردلَر مَنی ، گَئتدی دیله
وَطَن مَنی ، اوغول بیله
گوزوموزون ، یاشین سیله
قَلبی پاسلی، قاچار گِئدَر
***
وَطَن عِشقی ، بیزده قالسا
سینیق غَملی ، کونول آلسا
اولو تانریم ، نَظَر سالسا
باغلی قاپی ، آچار گئدر
***
شعر، اجرا؛ محرم عمی
کانال رسمی محرم عمی
@moharrammohammadzadeh
.
وطن غمی
وطن غمی، گوزلریم نَن ، یاغیری
آه ،من نئجه قی دیم، ایتیردیم سنی
اورگیم آغریدی وطن نَن اوتَر
اورکده دینلَدیم ، بیتیردیم سنی
***
گئدنده آغلادیم ، باخدیم وطنه
بولوت بولوت ، یاغدیم، آخدیم وطنه
گوزومون یاشلارین ، یاخدیم وطنه
دالینجا سورونوب ، یئتیردیم سنی
***
غربت ائلده، غم اوستومه ، یئریدی
سن سیز وطن ، گوز بَبَگیم اَریدی
باخ جسمیمه ، بیر سوموکدو دَریدی
آرزولارا ، اومید گئتیردیم سنی
***
شعر ،اجرا ؛محرم عمی
کانال رسمی محرم عمی
.
@moharrammohammadzadeh
.
آنا
هاردا قالیب گورن ، سوراخ توتانیم
آی منی هئش زامان ، گوزدن آتمایان
یا داغلار شپه سینده قارا توشوبدور
یا یورقون یاتیب دیر ،ایللر یاتمایان
***
آی گئجه صبحه تک، اویاق قالانیم
آی منی بیر عومور ، یولا سالانیم
آند ، اولا الله ها یوخدور، یالانیم
آنام اولدو، بیرجه منی ساتمایان
***
آی من نن اوتَری گوزلری دولان
آی ناخوش گونومده، گول کیمی سولان
آی من آغلایاندا ساشلارین یولان
من سنی اوتوزدوم، منی اوتمایان
***
آی پریشان خیال لی ، گوزلری یاشلی
آی منه یول آچان، اوز یولو داشلی
هاردادی جان آنام ، هوروکلی ساشلی
نیسگیلین گیزلدن ،کدر قاتمایان
***
آی منی قوینون نان، یئره قویمایان
بیر لحظه ، بیر عومور، من نن دویمویان
آی یول گوزله یه نیم ،گولو سولمایان
سندن صونرا، کیمسه آدیم ، توتمایان
***
بیر اوشاق تک ایتیرمیشم آنامی
اوره گیم ده بیتیرمیشم آنامی
گوزیاشیما یئتیرمیشم آنامی
من سیز هئش واخت ، اوز تیکه سین اوتمایان
***
شعر،اجرا،محرم عمی
کانال رسمی محرم عمی
@moharrammohammadzadeh
.
آرزو سونا چاتمایانلار
او دویونجا یاتمایانلار
عار ناموسون ساتمایانلار
کاسیب لارا سلام اولسون
***
اَت مَزه سی داتمایان لار
انسان پولا ، ساتمایان لار
دوست آراسی، قاتمایان لار
کاسیب لارا سلام اولسون
***
سئودیک لرین یئمی یَن لر
اوز درد لرین دئمی یَن لر
تازا پالتار گئیمی یَن لر
کاسیب لارا سلام اولسون
***
گوزو یاشلی یاتانلارا
اوز ایسته گین آتانلارا
بورَک لَرین ساتان لارا
کاسیب لارا سالام اولسون
***
ساحات بِئش ده اویانان لار
سوز وئرنده ، دایانان لار
حالال چورک قازانان لار
کاسیب لارا سلام اولسون
***
ایشله ییب پول آلانمایان
اَیری یولدا قالانمامان
هئش واخت تاپیپ ،دولانمایان
کاسیب لارا سلام اولسون
***
اوشاقینا جانین قویان
زمانه دن کوسوب دویان
اورگینی ، غوصه سویان
کاسیب لارا سلام اولسون
***
الی قابار چالانلارا
باشی داردا قالانلارا
چورگی برج آلان لارا
کاسیب لارا سلام اولسون
***
شعر ، اجرا ؛محرم عمی
کانال رسمی محرم عمی
@moharrammohammadzadeh
.
حسرتلر گوزلردن ، سالخیم آسلانیر
خیال لار دویغولار ، دومان ایچنده
باخیش لار فیکیرلی ،یول لار کولک لی
سئوگی لر ،اورکده ،گور نه پاسلانیر
***
اورکلر یارالی ،کونلر خسته
یوخسولون دردینی ،وارلی بیلَنمز
مونجوق گوز یاشلارین آغلار یاناقدان
آیریلیق چَکمه یَن، هئچ واخت،سیلَنمَز
***
گئدیک لر ،چَن دومان ،داغلار یاغیش لی
اوجاقلار سونوب لر ،یوخدور توستوسی
چوبانین نی سَسی ،سوسوب بو یورددا
یورد یئرین قار باسیب ،گئدیب ایستی سی
***
او قارلی یول لاردا ، آغاردی ساچیم
بو دَلی داغلاردان ، آشا بیلمه دیم
ایلهامیم ، احساسیم داشا دونوبدور،
دویغو دِنیزینده ، دآشا بیلمه دیم
شعر ،اجرا ؛ محرم عمی
کانال رسمی محرم عمی
.
@moharrammohammadzadeh
.