2070
Adiba va tarjimon Nodirabegim Ibrohimovaning ijodiy kanali. @nodirabegim_bot
Bugun qalam va ilhom yo‘lida sobitqadam bo‘lib kelayotgan, tarjima olamining fidoyi insoni sifatida e’tirof etiladigan qadrli Ustozim Oʻzbekiston yozuvchilar uyushmasi a’zosi , tarjimon NODIRABEGIM IBROHIMOVAning tavallud ayyomlari!
Sizning har bir tarjima qilgan asaringiz — bu so‘zlar va ma’nolar orasidan ko‘ngilga yo‘l topgan yorug‘ bir ko‘prik, madaniyatlararo muloqotga ochilgan eshikdir. Ona tilimizga begona so‘zlarni emas, balki begona ruhlarni, fikrlarni, his-tuyg‘ularni nozik did bilan olib kirayotirsiz. Biz kitobxoblar bundan juda mamnunmiz!
Sizga bugungi kunda va kelgusi yillarda ham bardavom ilhom, salomatlik, qalbingizda esa hech qachon so‘nmas ma’rifat va mehr tilayman. Hayotingiz sahifalarida doimo ezgu satrlar bitilsin, qalamingiz yengil, niyatlaringiz ravon bo‘lsin!
Hurmat va ehtirom ila,
Nihola Abdumalikova
Мен Нодирабегим Иброҳимовани
"Мен, дадам, алцгеймер" ҳикоялари орқали танидим. Ҳикоя ҳаётимга яқин эди, чунки турмуш ўртоғим, жароҳатдан кейин алцгеймер бўлиб қолган эдилар. Мен Нодирабегим Иброҳимовани ўргана бошладим ва билдимки, бу ёшгина ижодкор ҳам таржимон, ҳам ёзувчи, ҳам олима бўлаётган талант эгаси эканлар. Шунда кўнглим аллақандай таскин ва тасаллилар ёруғлиги билан ёришгандек бўлди. Чунки ижодкор бўлолмай, юрагимдаги армон тошлари эриши мумкинлигига умидлана бошладим. Нодирабегимга таржимага ёшлигимдан қизиқишимни айтиб ёрдам сўрадим. Ҳеч иккиланмай ёрдам қўлини чўздилар. Аввалига кичик ҳикоялар, кейин Виржиния Вулфнинг ҳикояларини телефонимга ташлаб бердилар. Нодирабегим Виржиния Вулфнинг "Шахсий хона" асарини ўзлари таржима қилиб, таржимамдаги тўртта ҳикояни ҳам китобда чоп эттирдилар. Кейин Эмили Бронтенинг "Бўронли довон" асарини ҳамкорликда таржима қилдик. Ва босмадан чиқди. Ҳозир Анна Бронте романи устида ишлаяпмиз. 72 ёшимда болалардек қувонганимни таърифлаб бўлмайди. Навоий ҳазратларининг мана бу мисраларига бу ижодкор қизимнинг амаллари мос тушганини кўринг:
"Кимки бир кўнгли бузуқнинг
хотирин жам айласа,
Онча борки, Каъба вайрон бўлса, обод айлагай".
Хуллас, Нодирабегим Иброҳимова қарилигимни сифатли ўтишига кўмаклашмоқдалар, ҳамкорлигимиз бардавом бўлсин. Шу ўринда шундай фарзанд ўстирган Нодирабегимнинг ота-оналарига катта раҳмат айтмоқчиман, одамийликни ўргатибсизлар. Серқирра ижодкор Нодирабегимнинг таваллуд кунлари билан қутлайман. Фарзандларининг бахти-камолларини кўриб, турмуш ўртоқлари билан қўша қаришларини худодан сўрайман. Қаламингиз ўткир бўлсин, дунё тан оладиган ижодкор бўлишингизни истайман.
Василахон Ортиқова, Қўқон
Ҳозир келаман,
дегинда,
Кет.
Шу ерда туриб туринглар
дегинда
Кет.
Кетиб юбор.
Қайтма.
Биз зотан
Қайтмай
Кетиш ҳақида гаплашяпмиз.
Қайтсанг
Кетишга бало борми унда.
Биз
Тугал кетиш хақида
Тамоман кетиш ҳақида
Бутунлай
Муқаррар
Аниқ
Ва ақлли
Кетиш ҳақида
Гаплашмоқдамиз.
Сен кет.
Гаплаша туриб
Кет.
Эшитиб туриб
Кет.
Ҳозир, бир дақиқа
дегинда
Кет.
Сени кетмайди деб ўйлашсин
Кетади деб
Ўйлашса ҳам
Бир тийин.
Нима деб ўйлашлари
Зотан
Улар ўйлаб бўлишди.
Вақт ҳозир
Фақат
Сенинг кетишингга қолди.
Бошқа ҳеч нарсага
Вақт қолмади.
Кет.
Муз аҳолисидан
Кет.
Музлама бошқа.
Оҳ,
Юракни иситиш
Қайта
Юракни иситиш
Майли, ўйлама
Аввал кет.
Кейин булар.
Буларнинг бари кейин.
Сен ҳозир кет.
Ақлли кет.
Кет.
Жавонимизга Микрокредит банкининг "Чиғаноқ" лойиҳасидан туҳфа келди.
Читать полностью…
Бир хил кунлар одамни ўлдиради - қуролдан кўра тезроқ.
Буковски
Кўкка боқдим, ўт туташди жоним аро,
Қат-қат булут қатларида не сир-асрор!
Ҳайрат ичра ўлдиргуси мени само,
Она замин, уча қолай, қўйиб юбор!
Усмон Азим
Мучал йилим муносабати билан 18 июлгача яхши-яхши китобларга юрагимиз ва эшигимиз очиқ 😌 Бемалол Старекс почтадан Сергели 8 филиалига жўнатаверинг; шу вақтгача бу почтадан фақат жўнатмалар юбордим, қабул қилиш ҳам ёқимли бўлса керак 👻
Читать полностью…
#Эссе
Раҳмат сенга, Франц. Тушунганинг, далда бўлганинг учун ташаккур... XXI асрда ҳам бу дард бор. XXI асрда ҳам ёлғизлик бор. XXI асрда ҳам сени тушунмайдиган ҳиссиз инсонлар тўлиб ётибди. Шунга қарамай инсонда битта бўлса-да чин дўст топилади. Дардингга малҳам бўлувчи одамлар қирилиб кетмаган... Умид ўлмайди, тўғрими, ўлмайди, Франц.
https://esselar.uz/?p=292
@sevara_alijonova
Ватан журналини ҳар мавсумий сонларини кутадиган бўлганман. Бу гал ҳам ютоқиб, онгу тафаккуринг яйраб ўқийдиган материаллар чиқибди. Мутолаани Аҳмад Отабойнинг адабий мақоласидан бошладим. Модернизм нима, постмодернчи, абсурд, сюрреализм - ҳаммасини ипга маржондек тизиб тушунарли тилда таҳлил қилибди. Ўқиб анча янгилик олдим. Фроммнинг фалсафий мақоласи эса илмий ишимга ас қотадиган экан. Шу каби мақолалар кўпайса, босма нашрларни топиб ўқиркан одам. Ҳа, бу матнлар нет тармоқларда йўқ. Излашга арзийди.
Читать полностью…
[har kim o'zidan kelib chiqib matn yozadi]
Kanallarga ulanish uchun
..сен дединг тамаки
чекканинг афзал
бу соғлиғингга камроқ
келтирар зарар..
(с) Оқдан қизилга
Аниф
Инсонни бир ўзини қолдирманг
ҳеч йўқ бирор китоб
ёки бир финжон қаҳва
балким тувакдаги гул
эҳтимол дастрўмол билан
қолдирмоқ даркор
ҳеч нимасиз ташлаб кетманг уни
мактуб ёзиб қолдиринг
йилларки асраб юриши учун
калит ташлаб кетинг
қачондир эшигингизни топиб борар
гарчи билмасада манзилингизни
инсонни охир оқибат тарк этаркансиз
ҳеч вақосиз қолдирманг уни
салгина умид
бироз ҳамдардлик
кўзларида липиллаган нур қолдиринг
юрагида соғинч қолдиринг
бўм бўш қолдирманг сира
лоқайд қолдирманг
ҳиссиз кетманг
изсиз кетманг
ўзингиздан бирор нишон қолдиринг унга
олган меҳрингиз
сизга берган севгиси ҳаққи
нимадир қолдиринг
йўқсилга айлантирманг уни
мавжудлигингизни билдиринг
ахир ҳамма нарсани кечириш мумкин
бироқ йўқликни эмас
кетсангиз ҳам бор бўлинг унга
бир заррангизни қолдиринг
унутилиш ўлмоқ демакдир
сиз ўлманг -
эслаб жилмайиши учун
бир хотира қолдиринг.
(с) Аниф
Nodirabegim - ichidagi olovlarini, yonishlarini, tuygʻulari, ogʻriqlari, baxtlarini sokin, ravon ifoda qila oladigan mohir ijodkor. Hayotda ham shunday, samimiy, kamgap, suhbatidan zerikib qolmaysiz, charchab ham ketmaysiz.
Nodira, muchal yoshingiz muborak boʻlsin! Uch shoh asaringiz bor, eng avvalo, shularning kamolini, baxtini koʻring, ijodkor sifatida esa sizni butun dunyo sevib oʻqisin!
Hamisha sevimli, ardoqli boʻlib yashayvering🌹
Кўпчилик одамлар тоқат қилмоқни кучлилик белгиси деб биладилар. Аслида, кучлилик - вақтида воз кеча билмоқдир.
Ҳерман Ҳессе
Бўстонлиқда икки кун дам олишдан кўра чет элда бир ҳафта саёҳат қилиш арзон тушяпти.
Читать полностью…
Umr so‘qmoqlari: Yozuvchining sevgisi
Ssenariy muallifi: N.Ibrohimova
Rejissor: R.Rahmatov
Qushlar haq dalasin doniga bordi,
Toza ruh oshiqnig joniga bordi,
Sevgan sevilganning yoniga bordi,
Men sening yoningga keldim, sevgilim...
Бобурни тўйида Ортга қайтиш номли китобим тақдимотини қилмоқчиман 👻
Читать полностью…
Ая.
Ёлғизман.
Йиғлашим керак.
Ҳозирча деворлар суянчиқ менга.
Бошингда минг битта ғавони кўриб,
Қандайин кўрсатай ёшимни сенга.
Безобон қушдайин кезиб бораман,
Кўринар руҳимнинг оқ-қоралари.
Кузакка айланар умрим қатида
Кўринмас баҳорнинг қизғалдоқлари.
Ая.
Ёлғизман.
Йиғлашим керак.
Толиққан бир руҳ бор кимдан билмадим.
Мен ўзим эмасман кечадан буён
Кечадан буён мен кимман аслида?
Баъзан қаролмайман ўз дунёйимга,
Хаёллар негадир ўздан чалғитар.
Баъзан узоқ йўллар чарчатмас мени,
Узоқ ўйлар ичра яшаш чарчатар.
Бибигул
Ёз адолатсиз ва беаёв ўтмоқда. Ҳамма тоғу тош, денгизларда. Мен семинарга чиқиш учун диссертациям бағрида.
Илмий ишим уруш, дунёда уруш, тушимда уруш, ишқилиб охири тинчлик бўлсинда.
ЎҚУВЧИГА
Гумроҳлик, баднафслик, гуноҳу хато,
Онгимиз забт этган, ўртар танамиз.
Виждон азобини битдек боқамиз,
Тиланчи қуртига бўлгандек ғизо.
Тавбамиз заифдир, гуноҳлар саркаш,
Тўловлар тўлаб биз айбларга иқрор
Ва шодон наҳс йўлга кираркан такрор
Аминмиз ювар деб доғларни кўзёш.
Бош қўйсак ёвузлик ёстиғи узра
Онгимиз аллалар ул Ҳермес – Шайтон,
Ирода маъданин эритиб чунон
Буғга айлантирар – кимёгар уста.
Қўғирчоқдек бизни бошқарар Иблис,
Нажасни кўрсатгай бизга у чаман.
Ҳар кун жаҳаннамга қараб бир қадам
Қуярмиз бадбўй тун аро қўрқувсиз.
Сўлғин фоҳишанинг сўлғин сийнасин
Тановул этгандек йўқсил зинокор
Хуфиёна лаззатга кўнгил беқарор,
Шаймиз бир норанждай сиқмоқлик учун.
Миямизда миллион қурт-қумурсқалар –
Иблис қавми ғужғон ўйнар базм этиб.
Ҳар нафас Ажалнинг мавжлари етиб,
Домига тортади чун қасирғалар.
Ночор қисматимиз матосига гар
Ҳали зўрлаш, ёқиш, заҳарлаш, ханжар
Солмаган бўлса ўз нақшини агар
Демак, журъатимиз етмас бир қадар.
Бироқ шу шоқоллар, қоплону итлар
Маймунлар, чаёнлар, қузғун, илонлар
Ўрмаловчи, наъра тортгувчи жондор –
Иллатлар ҳайвонхонаси ичра бор.
Бир махлуқ – энг жирканч, энг қабиҳ, манфур
Унда бор на ғайрат, на шавқ, шижоат,
У қобил заминни этмоққа ғорат,
Дунёни эслабон ютишга қодир. –
Бу махлуқ – Зерикиш! Кўзи тўла мунг,
Оғзида чилими, орзуси – сиртмоқ,
Ўқувчи, сенга ҳам таниш у мутлоқ,
– Эй, мендек мунофиқ ўқувчи, иним!
Ш. Бодлер
Абдувоҳид Ҳайит таржимаси
Ҳар қайси ёзувчи ҳақиқатни айтиш учун ҳам ёлғон гапиради.
Сартр
#хушхабар
Тадааам! Сизлар билан бўлишмоқчи бўлган 1-янгилик: Бугундан www.esselar.uz сайти ўз фаолиятини бошлади! Энди “Эсселарни қаердан топаман? Бу эссенинг қайси турига киради?” деб бош қотириб ўтирмайсиз. Шу вақтни бир эссени маза қилиб мутолаа қилишга сарфлайсиз.
Эссенавислар ва таржимонлар билан ҳамкорликка очиқмиз. Келгусида биргаликда қилишимиз лозим бўлган катта ишлар бизга қараб турибди. Эсселарни бир жойга жамлаш – гулдаста тузиш эса ўша ишга қўйилган илк қадам.
Дарвоқе, савол: Логотипга сурати туширилган икки одам ким ва нима учун айнан улар танланган?
P.S. Сайт тест режимида ишлаяпти.
@sevara_alijonova
Муҳаббат ҳақида ёзишни истамайман, буни сўз билан баён этгим келмаяпти. Амалда кўрсатсам дейман. Аммо қачон?
Ф.Достоевский
БАЪЗАН ДЎСТЛАР...
– Зап устунлик экан-да бу тол, –
Дея, мақтай талайгина чол,
Йўғон толни кесмоқ бўлдилар
Ва тагига арра солдилар.
Минг афсуски мақтаган толи,
Қуруқ савлат, пўкак аҳволи.
Ичини қурт кемирган экан,
Устун бўлмас, емирилган экан.
Баъзан дўстлар, шу ҳаётда ҳам,
Шундай чиқар мақталган одам.
Шоирнинг канали очилди: @AzimSuyun_ijodi
Ўзлари нима учун яшаётганини билмайдиган одамларнинг эътирофи сенга нима учун керак?
Марк Аврелий
ИЮЛЬ
Кўнглим қудуғини қуритди июль,
Мендан чиқиб кетди юввош гиначи.
Турибман – қаршимда охири йўқ йўл,
Теграмда бир гала сариқ ниначи.
Надоматнинг тахир ҳосилини кенг
Этагимга сола қаҳ-қаҳ отар ёз.
Шу лаҳзада ўлмак шаҳидликка тенг,
Шу лаҳзада ўлмак тирикликдан соз!
Саратон баргларга олов уфурган,
Қара – кузни кутмас хазонлиғлар бор.
Кўнгил қудуғига беўй тупурган
Кимсаларга наҳот омонлиғлар бор?
Ким у?
Йўлга чиқмиш куннинг тиғида?
Ким у?
Кетаётир ожиз аланглаб.
Инонч ва шаккоклик оралиғига
Тикилган дор узра руҳим саланглар...
Маъносин йўқотди муқаддасликлар,
Бир дуо қолмади – бўм-бўш ҳовучим.
Ўчгач қалбимдаги жами битиклар,
Нафратим Иблисла кетар қовушиб.
Унгача эгнимда олов кўйлаги,
Унгача юз берар вулқон совиши.
Ларзага келтирар умринг йўлагин
Учрашган тошларнинг қарс-қурс товуши...
Гулноз МЎМИНОВА