للهم صلي على محمد وال محمد
*******
يالزهره مصابچ أذانــــه چن الدين أنشال آذانه ***
يالزهره ادموع النجريهه وچفوف اللي نلطم بيهه
مولاتي لضلعچ نهديهـــه نحنيهه والله بدمانـــــــه ***
مايوفي دمي ولامالـــي ولو افديلچ كل عيالـــي
شوفي بحبچ واليجرالي أوصالي كلهه حزنانــــه ***
ماننسه من طبــــوا دارچ الله ايعينچ شنهي احوالچ
حيدر مجبور ويه اعيالـچ
ويگول الهادي الوصانـه ***
يابسمار الباب اتهـــــــده ليش الضلع وهيچ اتظهده
باچر بالمحشر واتشهـده ضلع الحــره وعالي شانه ***
من طاح المُحسن حنيتـــي لمصابه واللـــه أوونيتــي
فوگ الباب وضلعي وبيتي
صاح ومات وظل بمچانــه ***
شفنه بحبكم ظيم الدنيـــــه
چم ضلع ومُحسن مرميــه
اجســاد وظلت منسيه بس كونــه شيعي وعنوانه ***
گنفذ رد أورد الجــابـــه انجمعوا عالشيعه السلابه
بألغام وعبــوه ودبابـــه وسياره ايفخخهه وجانـــه ***
ويظل خطنه وخطچ واحد
احنه انظل مولاتي انجاهد
للمهدي انگله وانعاهـــد هو اليرفــع بيده إلوانـه ***
نسألكم الدعاء خادم الحسين ع الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
اليوم فرحانه الأنام
اليوم تتويج الامام
يامهدي ...يامهدي
&&&&&&
فرحة الزهراء بشرهه الرسول
كلهه ابنج هو للدنيا ينول
يملي هذا الكون وبايده يطول
ينشر العدل واله كلهه تحول
يحارب بايده الظلام
اليوم تتويج الامام
يامهدي ..يامهدي
&&&&&&
رغم هذا الحزن ياابن النبي
الدنيه فرحانه الك تحبي حبي
انت يامولاي تبقه مطلبي
انت ملكت الكون من انت صبي
نوكف أنادي السلام
اليوم تتويج الامام
يامهدي..يامهدي
&&&&&&
الشيعه وكفت ادت بكل احترام
لبو صالح بالفخر تبدي الكلام
ياهو غيرك سيدي يبقه الامام
شيعتك والناس ادتلك سلام
يبقه وليوم القيام
اليوم تتويج الامام
يامهدي..يامهدي
&&&&&&
ياامامي وتبقى أمامي المنتظر
انت نور النور ولعيني النظر
يمته يامولاي يصفالي الظفر
بشخصك المأمول ياخير البشر
من بعد اهله الكرام
اليوم تتويج الامام
يامهدي..يامهدي
&&&&&&&
فدوه اني وعيلتي الكم نروح
خلهه بينه تزيد وتزد الجروح
كافي احنه من نشم عطرك يفوح
يعطر النسمات لن وجهك صبوح
عطر وياه الوئام
اليوم تتويج الامام
يامهدي..يامهدي
&&&&&&
ياامام الدنيه وبامر الجليل
والله خسران الهوه وعنك يميل
يمشي عدله وياك وبطرفك يميل
تصًفي هذا الكون ياابن الخليل
يمك ايحط الكلام
اليوم تتويج الامام
يامهدي ..يامهدي
&&&&&&&
اليوم تتويج الامام
خادم خدام الحسين عليه السلام
الحاج ابو اياد البيجاوي
غير مبروك للذمه من يقرأ القصيده على الدي جي مشكول الذمه
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
قد أعلـن الحــــداد = في سبعنـا الشداد
في الارض والسماء = تـــردد النــــــداء
أستشهد الرسول
&&&&&&
اليـوم عدنـه الحـزن قايم = وجـلـل الدنيـه الشجــن
وفتحـت أبـواب المـراثي = بكـل مكـان وكـل زمن
والسمـه ظلمـه ونجمهــه = مـاطـلـع لجـلـه وحزن
وظلـت الافـلاك كلهـــــه = وگفـــه كلهـن مامشـن
قداحزن القلوب = و حزنها يذوب
فـي مجلـس الرثـــاء = تـــردد النــــــداء
أستشهد الرسول
&&&&&&
بصوت صاح وهزهه كلهه= ويـجـري جـبـريل الدمـع
أهتـزت أركان الوسيعـــــه= بالـسمـه وأرض السبــع
هــذا وحـي اللــه نـــــــاده = شـلــون طــه ينصــــرع
يـالهـي أشـكبـر عـدلــــــك= قـــابـل بهـذا الــوضــــع
وهبتـه الــوجـود = في الدنيا والخلود
ويـرفض البقــاء = تـــردد النــــــداء
أستشهد الرسول
&&&&&&
فـاطمـه الـزهـره تعـايــــن= هـــذا ابـوهـه الـحبتـــــه
وهــو أبـنهـه المـاخـذلهــه = ولاحــرمهـه طلعتـــــــه
مـن تشوفـه اردود حنـــت = تريــد هـي شــوفتـــــه
حبــه معجـون أبگلبهـــــه = شـلـون تحمـل فـرگتـــه
يـهزهـا الحنين = لصـدره الحنين
في عينها رجاء = تـــردد النــــــداء
أستشهد الرسول
&&&&&&
شـوف حيـدريـمه گاعـــد = حيلــه مــــن عـده نحـل
يظمـه ساعه يشمه ساعـه = هــو روحــه والامــــــل
مــر شـريـط أبــذكـريـاته = وفــاضـت دموعه بعجل
يـاهـو بعده يشوف طولـه = عمــره وي عمـره رحل
يـاأيهـا المصير = في أينـا تسير
لانرتجي البقاء = تـــردد النــــــداء
أستشهد الرسول
&&&&&&
تعـايـن الحسنيـــن صاحوا = جـدي عالدنيه العفــــــه
دنيـه مـاتسـوه بغيــابـــــك = والـزمـن كلــه طفــــــه
مـانشوفك أحنـه بــاچــــــر= والجفــن منــك غـفــــه
لـو سـألنـه أمنـه شتجاوب = ويــن أبـونـه المصطفه
هل عنـدهـا جواب = أم تعلن المصاب
بــدمعــة البكــاء = تـــردد النــــــداء
أستشهد الرسول
&&&&&&
وهـاي زينـب يــامحمــــد = بــتــك الـمــابطـلـــــت
شبعــت همـوم اومصايب = بعــدك هـواي أحملــت
مصابك وحيدر أوأمهــــه = وهـي خوتهـه أفگــدت
والگـبـرمنهـه تــهــــــــدد = ظنهـه مـن عده مشـت
عادَ لها يـزيد = وهـدمُها يُـريـد
تجـدد العــزاء = تـــردد النــــــداء
أستشهد الرسول
&&&&&&
نسألكم الدعاء
خادم الحسين ع
الحاج ابو ايادالبيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
لاتهــل أنـت عليـــه مـاتفـرح هلــتك
مـاشفــت بس الاذيه غربتنـي بجيتك
عيونــك تباوع عليه بكربله ايصير
&&&&&
أبهـلتك وجتني المصايب تـدوي يمي بكل كتـر
خالطت ليلي ويه صبحي مـاشفـت منك فجـر
گبعتنـي همـوم دهــــري ظلـت عيـوني تــــدر
بيـن ثكـلـه واليتـامـــــــه وبيـن ضربات الشمر
وبين لـوعات الحرم ومـدمعي هالدامي
ذولـه أهلي وأخوتي أمذبحـه گـدامــــي
عيونك تبــاوع عليـه بكربله ايصير
&&&&&
تدري چـم هـلال هلــــن مـن تهـل بيــه السنـه
مـافـرح گلبـي بحياتــــه ولالفـه أبيـوم الهنـــه
كل شهـر عندي مصيبه ولاشفــت بيهـن مُنـه
كلهـن أيدورن عليــــــه بيـن الابعـد والدنــــه
بيـن رمضان أوصفر چبـدتي وي راسـي
وأمي چم مره گظـت بهـالمصاب أنفاسي
عيونك تبــاوع عليـه بكربله ايصير
&&&&&
هـذا ليلـي وياك عشتــه وباچر أشيجره ويصير
أنظـر حسـين أو أشوفه بيـن هــالـوادم أســــير
وهاجس بروحي ينادي گـرّب أعلينـه المصيـر
وانـت مـاهمك تعايـــن تعتقـد ضيـك چبيــــــر
ضيـك أبعينـي زغــر وغيمـت كـل روحي
أدري لـوطـر الفجــر بـي تـزيـد جـروحـي
عيونك تبــاوع عليـه بكربله ايصير
&&&&&
تنظـر بعــينـك علينـــه وانـت گـاعـد بالسمــه
مـاأحـس بنـوروجهــك گلبـي نـورك ألمــــــه
إنـت جبـت الظيم كلــه وجبــت ويـاك الظمـه
أحــزن أوأنت تعايـــن وحنــّتي فيـض الدمـه
بـاچـر ويطلـــــع علي والعـده يسـبوني
وآنـه بس أصفگ بدي وعنهـم أيودوني
عيونك تبــاوع عليـه بكربله ايصير
&&&&&&
لاتـهـل أبـــداً علينــــــه ولانـودهــه شـوفتــك
حتـى من ذكراك أخافن وانخمـش من جيتــك
مـن تهـل هلت مصايب ولاتگلـي فجعتــــــك
هـذا دم حسين يشخــب تدري هـذا ابطلعتـك
هـم بچيـت أنت عليـه وشـاركتنـي أحزاني
وعاينـت نحرالطفـــل مــن ضماه أيعانـــي
عيونك تبــاوع عليـه بكربله ايصير
&&&&&
نسألكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
عليمن جيت والــي تعنيت ياعاشــور بهلالك
خـذت وليـان أنسبت نسوان كلهه صارت بجالك
&&&&&&&
شهر عاشور تـدري من لفيـت انـــته =
انخمش گلبـي وانفاسـي طفت سكته
ماظــل كـل فـرح وگليبي الليـل كدرته
وبعيـوني الحــزن نايـم واظن شفتــه
انــوح الليل =الظـلام ايهيل=ياهو يعاين= الحالي
طفـت أقمار=ولهيب النار كلهه صارت بجالـك
&&&&&&&
عليه تحـوم يادهــري شلــك ويـــاي=
جبــت عاشـور وهلالـه الي عنــّاي=
خذيـت نجـوم چانـت تضوي بدنياي=
يشرفون المحاچـي وطيبين الراي
جـرعـت سمـوم=على المدموم= اعاين مرمي اگبالي
گطيعه چفوف = وعلـم ملفــوف = كلهه صارت بجالـك
&&&&&&&
يمـريومـي بظلام وماطلـع صبحـه= ولاساعه بشهر عاشورشفت فرحه=
يـدور اعله الفــرح بيده يجي يذبحه = لياليــك تظـل طـول العمـر وكحه=
تلـوع اطفال= تنـوح عيــــال= من خوف اليمر بيهه
تريد تنــام= بلايـه خيـــــام= كلهه صارت بجالـك
&&&&&&&
من هليت ياعاشـور ابـد ماحسّبت بينه= واحنـه آل النبي المختــار تــدرينـــه=
صـدگ ترضـه تجور الوادم اعلينــــه= ولايــوم اليمـر بيــك أو تــداوينـــــه=
علينــه تحوم = شبلاهه الگــوم= وانــت ولاترد عنـّـه
تشوف النـاس= بلايه احساس= كلهه صارت بجالـك
&&&&&&&
يعاشور الهظم فكـرك نــذل احنــــــه = ابـد منخــاف ولاجـورك يخوفنـــــه=
عهـد معهـود مــن الـلــه يسلمنـــــــه= وعلى طــول الزمـن يبقه المجد النه
علينه اتطــوف= تظـل آلــوف = تـزور وتندعي عدنــه
الزمــان يطـول= عليـك تگــول = كلهه صارت بجالـك
&&&&&&&
نسالكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
هوسات لعيد الغدير
&&&&&&
منو مثلك يحيدر هالمنازل حاز
كل يوم والك يابو الحسن انجاز
شنعد ونسولف والله عنك جاز
يااول انت وتاليها
&&&&&&
مثل عيد الغدير وولاتصير اعياد
يومن بايعك طه على الاشهاد
ومن صرت الامير وزادت الاحقاد
غصبن عالضدك واليهم
&&&&&&
علي وانت العلي والباري القرر
وبلغهه الرسول او وثق المصدر
من بعدي علي هو الذي اتصدر
الوالاني يواليه لحيدر
&&&&&&
هنوه الصحابه واحد بعد واحد
هنيالك علي انت اصبحت قائد
غصبن عاليضد والراضي و الحاقد
مد ايدك حيدر والينه
&&&&&&&
خادم خدام الحسين عليه السلام
أبو ايادالبيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
موال وابو ذيات للامير عليه السلام
&&&&&&
من عرج سيد الرسل رب العرش بلغــه
بياصيغــه لازم يتـم يالهجـه بي يا لغـــه
حيدر اميـر الملـه وهـــــذا الامـــر بلغــه
هاليـوم لازم يتم تنفيــذه حتمــــــاً وجب
والهــادي يوم الوعد ناداه يمـــــه وچب
لــن هـذا حيدر علي لارجف گلــبه وجب
وضرباتــه يوم الحرب كلهه اظـن بالغه
*********
الگلب بايـع والك انطــــه بيانــه
ولعـد غيرك فلايهــــــــوه بيانــه
يمــن حبــك طبـــع صايــر بيانــه
يبــو الحسنين ياحامي الحميه
*******
يـاهـو أبـدال طـه الچـان بايات
وياهـو انـذكــر بالقـرآن بايات
وياهو اللي صعـد للنجــم بايات
اكو غير المرتضى وحامي الحميه
&&&&&&
العيشه بغيـرأبـو الحمـلـه متراد
وعـن حبـه متـى اتراجـع متراد
الشيعي هنـاك يم گــبـره مترد
ويحضر غربته بذيچ المسيه
&&&&&&
بغـيرك يـاعلي گــلــــي منــحنه
ونـظـل عـالين وبجـالك منـحنـه
لجـلـك خـالقـك هـــو منحنــه
فـخـر شـلـنـاه اسم الجعفريه
&&&&&
منـار الكــــون اسمك ظل علينه
يـبـو الحسنين فـيـــك ظل علينه
الـو لايـه وجود حبك ظل علينه
نريد وياك ياحامي الحميه
&&&&&
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
عيـونـي ظـلـت تنـتـظـر = لجيتـه أنـذرلـه العـمــر
بــس يجـي الاكبـرألــي = يــابعــد روحـي وهـلي
لجيتـه أنـذرلـه العـمــر
&&&&&
هذا روحي وكل حياتي= يـانبـض گلبـي أو وريدي
وانـتعـش لمن أشـووفه= هـو أبنـي وهـم عـضيدي
ليلي عشته وـاه ألولــي= لــو نظـرتـه يصيرعيــدي
يمـه وعيونـي تـرابـــي = گـلبـي شـلتـه وصاربيدي
تربي ظلت عالدرب= آه يــانبـض الگلـب
أنــت يـمــه كـافلــــــي = يــابعــد روحـي وهـلي
لجيتـه أنـذرلـه العـمــر
&&&&&
شفنه بيك النبي الهـادي = يبنـي ياحلـوالشمـايـــل
وشايــل أخـلاق الامامه = أتعـدل اللي چـان مـايل
وانت عاشرت المضايف = وربعتــك أحله الخمـايل
والكـرم عـدكـم سجيـه= من الحسن يوليدي شايل
بچفك أيلـوگ الكرم = وبالحـرب انت الهرم
فــدوه يـمــه يـاعلــــــــي = يــابعــد روحـي وهـلي
لجيتـه أنـذرلـه العـمــر
&&&&&
وشفنـه بيك إصرارحيدر = بـالحرب سيفه أبيمينـه
خـافـت الگـوم أبنـزلتـــك= تگول حيـدر هـد علينـه
يمـه وأتـداري اليتـامــــه = يمــه والطــأيح تـعينــه
وسيفـك الفقــار صــأيــر = يشهــد ألكــم يــاعلينـه
راس أبن غانم خذت = لحسيـن يمه عـاودت
هـذا يبنــي عــز ألـــــي = يــابعــد روحـي وهـلي
لجيتـه أنـذرلـه العـمــر
&&&&&
من رحـت يـبـن الاطايب= الحومـة الطـف العجيبـه
روحي حسـت من أصلهه = بـروحتـك يبنـي غريبه
گابـلت نفــسي أو دليلــي = واذهلتني بهـا المصيبه
عيوني وي صبت دمعهه = تعـأيـن الحالـه الرهيبه
يبنـي بسهام انصبت = ادري بعدك هالضعت
شوكت همي ينجلي = يــابعــد روحـي وهـلي
لجيتـه أنـذرلـه العـمــر
&&&&&
عينـي لحسـين أتهـاوه = بوجـهه أقره هموم جملـه
نوبه يغضـب نوبه يهده = عملـه يمه شلـون عملـــه
وزينـب وسكنه أورقيــه = ويمـي تبچي تنوح رملـه
وشفنه وجه حسين اغضب= گلنه طش اليوم شمله
عيـوني لجلك هالطفت= فرحتي ادري اختفت
يـاهويوليدي الـولــــــــي = يــابعــد روحـي وهـلي
لجيتـه أنـذرلـه العـمــر
&&&&&
يمـه يبنـي شلـون تقبـل =هــذا طــولـك مـاأشوفـه
أحسـب الساعـات لجلك =نفسي يبني تعيش خوفه
وكـل مكـان وبي گعدنه = يالعـزيـربشـوگ أطـوفه
وجسمـك أمـوذرنظـرته=حـيره والله شلون أعوفه
وآنـي ماظنـك تـرد = واحنه عنك نبتعد
يــاهـو يعــدل محملــي = يــابعــد روحـي وهـلي
لجيتـه أنـذرلـه العـمــر
&&&&&
نسألكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
شهـر عاشـور ريته لالـفه اهلاله
شفت لوعات شفت اعيون همالـه
ــــــــــــــــــــــــــــ
يريت هلال شهرك لالفه ولامــــر
بي كلب العدوبجتل العجيد انســر
وكل كلب اليحب حسين بيه انطر
وسهام العــدهياويلـــي جتالــــه
ــــــــــــــــــــــــــــ
يريت هىل شهرك لالفه اعلـــيه
عليه مادريت اشصار وشبيـــــه
عطش واطفال والتربان ذاريـــه
يويلي حسين منه راحت عيالـــه
ـــــــــــــــــــــــــــــــ
يعاشور وعساك ولالفه شهــرك
وريت الموت بداله شالك وطرك
لفيت وجيت ماندري شنو سرك
اثاري الموت بيك امبين اعماله
ــــــــــــــــــــــــــــــــ
انمحه يومك ريته ولابقه منـــه
ولاينعد ليلك وانحچه عنــــــــه
غم وظيم واللوعات لبسنـــــــه
منك ياشهر ميشوم بهلالــــــــه
ـــــــــــــــــــــــــــــــــ
شعد ساعة ونس منك فلا الگـــــه
عشتهه بجور والام وظمه وحرگه
بيك احباب گلبي عرفت الفرگـــــه
مشوا عني وظلت يمي اطفالــــــه
ـــــــــــــــــــــــــــــ
لفيت اشلون وايامك مرار وظيم
بالگيظ وشمسهه مر علينه الغيم
ونيرا العده وسط الخيام اجيــــــم
ياعاشور ريتك مرمي بحبالـــــــه
ـــــــــــــــــــــــــــــ
رمه احبال الاسر بينه وتعــــذبنـــــه
على الهزَل لبن ازياد مــــن رحنــــه
كل عمري شفت لاماشفــــت محنـــه
مثل عاشور هضمه وظيمه واهواله
ـــــــــــــــــــــــــــــــ
ريتك ياشهر ميشوم مايت
بيك الدنيه ياعاشور مايت
يريت انه گبل هاليوم مايت
ولاشوف الجره لبن الزچيه
ــــــــــــــــــــــــــــــ
نسأ لكم الدعاء
خادم الحسين ع
ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
يا حسين..خادم اريدلحضرتك
يا حسين.. والله محله خدمتك
ياحسين... ياحسين
&&&&&&&
خدمتك هي الشرف...الخادم بفعله انعرف...اشقدم خدامه
يا ابو اليمه العمل ..لجلك اتسجل امل ... يابو اليتامه
مثل حيدربالضبط..تحمل اهات وضغط...لجل الايامه
مصيبتك عبره وعبر..تخلي للخادم اثر ...ليوم القيامه
ياحسين...والله تنفع صحبتك
ياحسين...والله محله خدمتك
ياحسين.....يا حسين
&&&&&&
راسي مرفوع ويظل .. جنه مرسول ونزل.. مضموني ديني
حجيي ميزانه انضبط.. بحجيك وهو انربط... يشهد جبيني
رقه بكليبي وشجن ...دمعي بعيوني انعلن ..زايد ونيني
لمجلسك اركض ركض..مثل ماادي الفرض.. ويبدي حنيني
ياحسين ..شمرتي من شمرتك
ياحسين...والله محله خدمتك
ياحسين...ياحسين
&&&&&&
عاشك وانت العشك..بنبع حبك انشبك..ماانسه لحظه
عشته وياك العمر..ماارضه من دونك يمر... عابد او فرضه
احمل الام الوكت...دمعي من عنده يكت ...بكل هذا ارضه
اني رايدوصلتك ...بس البي رغبتك...كلمن و حظه
ياحسين...ذايب اني بقصتك
ياحسين...والله محله خدمتك
ياحسين.....ياحسين
&&&&&&
وين مااودي الوجه...سيدي اوين اتجه..ماكو مثيلك
رغم الام الجرح...وفوكه محطوط الملح ... بضلوعي اشيلك
ياحبيب الكل محب...من اسمك يسيل العذب...ويبث عليلك
ياامير الملحمه...مخضب بفيض الدمه...نمشي بسبيلك
ياحسين...هايه روحي اتعنتك
ياحسين ...والله محله خدمتك
ياحسين.....ياحسين
&&&&&&&
الحضرتك اني عبد...واني اتمنه يرد ...واخدم جنابك
ابمجلسك اكظي العمر...ماردت لحظه تمر...وانسه مصابك
الطم وابجي اظل ...احفرخدود المقل...وابقه اعله بابك
سائل وعيني تهل... مالكي واني النزل... خادم ترابك
ياحسين...فدوه اروح لتربتك
ياحسين...والله محله خدمتك
ياحسين....ياحسين
&&&&&&
نظره ردنه سيدي... احنه بيكم نقتدي...وانت السفينه
تباوع انت الشيعتك ...هالاجت يم حضرتك...وانت ولينه
ويم ابوفاضل تحن...وزينب وظيم الهجن...ويه الظعينه
الخاطرامك فاطمه...ونحرك وسيل الدمه...تنظر علينه
ياحسين... كلنه نشبك عتبتك
ياحسين ...والله محله خدمتك
ياحسين.....ياحسين
&&&&&&&
نسالكم الدعاء
خادم الحسين ع
الحاج ابواياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
نعي وابوذيات الباقر عليه السلام
&&&&&
من يوم الطفوف وكلبك الملجوم
يبو جعفر بني أميه عليك تحوم
&&&&&&
ولايوم النشف دمعك ولاهاد
وي عودك نحينبك عليهم زاد
من تذكر الراس وتذكر الاصفاد
يامظلوم من عينك تصب دموم
&&&&&&
وتشوف الحرم يامولاي واطفال
وتسيل دموم من شدهم بالحبال
ياذنب الجره منهم على اي حال
يمشون وعليهم بالسياط اتهوم
&&&&&&&
رسول الله رسم علمك وبيقر
العلوم الكون تعرفهه وباقر
محمد ياابو جعفر وباقر
من جدك محمد هالهديه
&&&&&&
على صدرك وضع جدك وسامك
بيده بلغك جابر وسامك
شلون الطاغي اتجره وسامك
وفجع شيعة علي بهاي المسيه
&&&&&&
خادم خدام الحسين عليه السلام
الحاج ابو ايادالبيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
قصيده الى سيدي ومولاي محمد الباقر عليه السلام
&&&&&&
الحزن چـلچل عالمدينه بهـالخبر
يـوم أبو جعفر علـن بيـه السفــر
&&&&&
ياسفـر ماشيـه ياسبـط الرســـــول
وهـأي سفـره غيابك وياهه يطول
مثـل شمس الكون من تعلن أفـول
هـالسفـر مـولاي أخطر من حطر
&&&&&
يـأاصيـل الديـن بچفـوفك ثبـــــت
بـاقـر عـلـوم الاجـت واللي مضت
ورايـة الاسـلام وبعصرك زهــت
درسـت الالاف ,اخـذت بي عِبــر
&&&&&
يـابـو جعفـر شاهدت يوم الطفوف
مـادروا علـم النبي يمـك يطــــوف
شفـت نـار خيام أهلك والسيـــوف
ومنحـر حسيـن الكسر منك ظهـــر
&&&&&
آه چم سهم الكصه بالطف شفــــت
سهم گلـب حســين بـيه أتـحيــرت
وسهم راعي الجـود بيه ا تـأثــرت
وسهم طفله الصاب بصوابه النحر
&&&&&
وشفـت أبـوك اليشتكي من علتـه
وهالمصيبـه الهـول هي الهدتـــــه
وي مصاب حسين زادت مرضته
ويـدري ربـك بيه هالحاله أمـــــر
&&&&&
وآنـه أظن أعظم مصيبه ألاذتـــك
يـوم شفت الشمر يضـرب عمتــك
أشگـد چبيره هواي هي مصيبتـك
تشوف أهـلـك للســبي كلهـه تجــر
&&&&&
وشاهدت جابر اجه وجاب السلام
حيـث جـدك بلغـه خيـر الانــــــام
هـذا أبنـي الباقر وهـــو الامـــــام
هـالســلام أتبلغــه أبتـالي العمــــر
&&&&&
ذاع صيتـك سيدي وهــز العِــــده
وكـل كـلامـك صـار ألهم مصيـده
عـرش أميه شلون صـرت أتهدده
وهـالعمـل تـدريـه ألهـم مــايســــر
&&&&&
خطـت الظلام تطـوي صفحتــــك
وصـار واجـب تنتهـي كل قصتـك
مثـل أبـوك ألگوم گامت سمتــــك
وهالخبــر بالكون وافـلاكه أنتشــر
&&&&&
نسألكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
يالباقــر
يالباقـــر0 علــم زاخـــر = علمه اعلـــه الخلگ عدًه
********
يبو جعفر علم مكنـون = علمك من علم حــيدر
بقرت اعلوم اولهـــــــه = وللاخــر بعــد صــــدًر
لقـب من النبي المختار = وجابــربــلًغ اوأخـــــبر
سلامه وقبـل عيونـــك = وضمـك والگلب وجــر
عرف عمره بعد صبره
بشوفك يالولي اتعـده
********
شفـت اهوال هالدنيـــه = من يـوم الچنت بالطـف
من زغرك يبعد الـــروح = دمعك سيدي ماجـــــف
شفـت جدك يبو جعفـر = صارتله الارض متحـف
وشفت الگوم جدامـــه = لچـــن گلبــه ابد مـارف
وشفت چفوف وعلم ملفوف
فوگ الگاع متوســده
********ط
شفت اخيامكم شـــبت = والنيـــران تلهمـــــــه
واطفال وحرم يلعــون = والعـدوان تطردهــــه
وحيره المرت بزينـــب =وشفت اهوال حيرتهــه
حيره من ولوهه الگوم= وعودك حيل مردًهــــه
علي السجاد مريض وزاد
منظـر هالحرم هــدًه
*****
وشفت اكثرينـور العـين= مـن يوم السرت للشام
ظعـون تســــير مسبيـه = ودارت بيكـم الايــــام
وبسوط الظلـم والجـور= كل ساعه عليكم هـــام
راحـه ماشفـت لحظـــه =ولاجفن الغمض والنـام
شفت ظلام تشچ اسهام
بصدر الدين يتعده
******
بعين الله الجـره الكـــم =حتى الصبر تاه وحــــار
من بعد الجـره بالطــف=وظعن حسـين يومن سار
ومن بعده شفت اهوال= بني مروان هالكفــــــــار
من واحد لعــد واحـــد =وصـبرك يالولــي جبــــار
صبرت سنين ينور العين
وصبرك للصبر شده
*******
شيســوون محتاريــن =بيـــك وزادت الحـــيره
لاأنـــــت التحاربهــــم = ويعـرفــون بتـدابيــره
لچن صبرك طغه اعليهم=وشاط وكبرت الغـيره
ولأن انــت بصير الــراي=وهــــو التــاه تفكــيره
يبو جعفر يبحر ودر
وعلمك خالد بمدًه
*******
الغدرعدهم طبع موجود=ويسري ويجري بدمهـم
ومايـدرون بالمكتــــوب= من الله وغلب سرهـــم
وحطًوا سيدي سمــــك= ريتـــه بالگلــب سمهــم
يوم الاخــره عافــــــوا = وللدنيــه صبح همهــــم
ومن سموك ماعرفوك
فايز والنــبي جــده
*****
خادم خدام الحسين عليه السلام
الحاج ابواياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
قصيده لاول فدائي مسلم بن عقيل عليه السلام
*****
رحت اتعـنيت = لاماهميـــت
تعرفهه الگوم = للحرب اتحوم
لاماهميـــــــت
*****
يبو طاهر مشيت ولاگلت شيصــــــــير
للكوفــه اجيت وقصــدك التنويــــــــــر
يم ربك تركتـــه والامــرتـقـديــــــــــــر
أديت الامانــه ومابــده تقصـــــــــــــير
جدًيت السير = للخير اتغـــــــير
انت الواليت = لاماهمــــــــــيت
*****
مثل عمك علي الكــرار بأوصافــــــــه
مانـــام اعله ظيم وياحرب عافــــــــــه
ماهــان بنصرته ولااظن جافــــــــــــه
هــو ايد النبــي وهمساته بشفافـــــــه
بيده البتـــار = هــًد الكفـــــــار
سورالهلبيت = لاماهمــــــــيت
****
الكوفه بالغــدر والشــيـــنه معروفــــه
مًل منهه الصميده وروحــــه مخطوفه
آهٍ 0 آه حيــدر صــــاح يالكوفــــــــــه
صارت للبشـــر والكــــــون سالوفـــه
لا0لا متهيــد = للحرب اتريـــــد
تدري وجديت = لاماهمـــــــــيت
*****
جتــــــك هــــالبشــــر الاف وتبايـــــع
يــاهــو ايقابلـــك هــــــوً الــك طايـــع
صــيتك بالبلاد اشلون ظــــــل ذايــــع
دافعهــه قوي وماكــــو اظــن مانــــع
طشت لافراح = والهًم انًزاح
وانت ترجيـت = لاماهمـــيت
******
غـريـبـه البشر يتگلًــب بسرعـــــــــه
ياطبعــه عجــيب أيــلاوت بطبعــــه
وبليلــه وضحاهــا انباعت السلعـــــه
باعـــومسلــم ودينه وبعــد شرعــــه
وارتدت ناس = ويه الارجاس
وحـدك ظليت = لاماهمــــــيت
*******
حاير بالامر وانت الشلــــت همــــــه
ياهو اليخــبر حسين ويصل يمـــــــه
ويگلــه ارجع لعد دارك يبو اليمـــــه
هــأي الناس غدرت ماشفت رحمـــه
جسمك مطروح = دمك مسفــوح
منه تحنـــــــيت = لاماهمـــــــيت
نسألكم الدعاء
خادم الحسين (ع)
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
بدمع اعيوني توضيت
يحسين ويمك جيت
فدوه الاسمك اقبلني
مولاي ولاتتركني
يحسين ويمك جيت
&&&&&&
ملهوفه اجدامي و تركض
بشرياني دمي الينبض
يمك اعمالي اعرض
ومابيهه صالح نفرض
تتركني ترضه مروتك
ادري كلشي ميفوتك
الرحمة الله تعنيت
يحسين ويمك جيت
&&&&&&
مولاي اقبلني امجدي
غيرك تدري ماعندي
ترضه تخليني الوحدي
لو باجر صرت بلحدي
ياهو اليحضر ويايه
وانت سلوة دنيايه
وانه الشخصك واليت
يحسين ويمك جيت
&&&&&&
خلي الدنيا اتجافيني
وخليهه تروح سنيني
حبك هو ايكفيني
ماابالي ومايعنيني
خادم لجلك ممنون
وعني كلكم ترضون
حزام الخدمه شديت
يحسين ويمك جيت
&&&&&&
لعيونك تحله الخدمه
لو ينطي الخادم دمه
هنياله اليوصل حلمه
كبلك جبريل اتسمه
خادم الحسين بزود
كلساعه ويمه يعود
فدوه بظله تمنيت
يحسين ويمك جيت
&&&&&&
يحسين الجنه اشتاكت
الشخصك مولاي وتانت
تتشرف بيك ورادت
تحضر بيهه واحتامت
مولاي وردت وياك
تاخذني فدوه هناك
من عطفك واترجيت
يحسين ويمك جيت
&&&&&&
نحلفك مولاي ابامك
وندريهه اشكد تهمك
دمهه ينزف وي دمك
وبجاه الضلع الظمك
تقبل كل الخدام
الناعي واللطام
واليكتبلك فد بيت
يحسين ويمك جيت
&&&&&&
مولاي شلون نعوفك
وانت الرحمه بجفوفك
وداعة عباس نطوفك
يمك نطلب معروفك
كل الشيعه بحماك
وبالبرزخ تترجاك
بدمع العين توضيت
يحسين ويمك جيت
&&&&&&
خادم خدام الحسين عليه السلام
أبو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
اللهم صلي على محمد وال محمد ***
يامحمد 00 يامحمد انت من الله ممجد
***
يامحمد يزهي نـــــورك يامحمد00 يامحمد
گبـــل ادم بــــــده دورك = =
رابح الداخل ابســــورك = =
انت رحمه0 انت سرمد = = *****
مولدك اجمل هديــــــــه يامحمد00 يامحمد
شمسه ضــوت عالبريه = =
محبتك عدنه سجيــــــه = =
انت بلسم0 انت مشهد = = *****
كسرت ايوان كســـــره يامحمد00 يامحمد
ماي بالوديان اجــــــره = =
حبك ايمان اومســــــره = =
انت طه-0 انت احمــــد = = *****
احله جمله يبقه اسمك يامحمد00 يامحمد
نوره القران صــــدرك = =
طوگ الاكوان فكــــرك = =
انت واحد0 انت اوحد = = *****
اوحد بحب الجليــــــل يامحمد00 يامحمد
اسمك ايداوي العليــل = =
من نســل اكرم خليــل = =
بيك وفه 0 بيك اوجد = *****
لجلك الدنيه بناهــــــــه يامحمد00 يامحمد
والسمه وارضه دحاهه = =
والشمس طشت ضواهه = =
انت منقذ0 انت من جد = = ***
انت رحمه وانت جنــــه يامحمد00 يامحمد
كل فجاج الدنيه هنــــــه = =
وكل گلب بيك يتغنـــــــه = =
انت خير0 وبعــد ازيد = = ****
نهني مولانه الكريــــــم يامحمد00 يامحمد
ابنك المهدي العظيــــــم = =
اشفعلنه يارحيـــــــــــــم = =
انت خيمه0 انت مسند = = ****
نسألكم الدعاء خادم الحسين ع الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
بحقد العسكري سموه وانوب الكبر فجــروه
هاي احقاد معروفه
من يوم النبي خطوه
&&&&&&
ابومحمد كظه ومسموم وظلت حايره الشيعه
الكــل منهم اجــه ينعاه اجـت تـريـد تـوديعه
سمه المعتمد هاليـــــوم انـوب يـريـد تشييعه
بــدمـوع وحـزن والام ابومحمد اجو ودعوه
&&&&&&
صعبه هـواي يامـولاي تـفـارگـنه على غـفـله
صوابك صوب العشاگ و بنص الـگـلب خــله
جروح هواي ملجومات تـدريـنـه ابالـف عـلــه
واحنه اليوم من سموك شفنه حسين من ذبحوه
&&&&&&
طلـعـت شـيـعـتك كلهه بــلـهـف،ه تريد سامره
تعزي المنتظرمــولاي ونعزي فاطمه الزهـره
والمجلس نقيمـه هناك تدري بكل كلب حسره
ونـتـذكـر الـم فـرگـاك وشلـون النعـش شالـوه
&&&&&&
عزانه قائــم وميروح مـن جـدك ابو اليمه
يـوم ابكربـلـه تــدريه لـلديـن ونــزف دمـه
ماننسه الضلع والباب ولانـنـسه الـوگع يمه
ذاكه المحسن المظلوم يم الباب من سگطوه
&&&&&&
والـــقـائـم يــعـيـنـه الـله چــم مصاب يتحمـــل
بدال ادموع يبجي ادموم يعيش الحاله واتامل
ياهــو الـلي انـفـجع مثله مصاب حسين هواول
ومصيـبـة زيـنب الكبره ويه الظعـن من ودوه
&&&&&&
فدوه انروح الكم دوم
مانگـدر على الفرگـه
الـمـوالي يـريـد ويـاكم يـحـن هـواي لـلـملگه
ومــن نعـقـد مـجـالسـكم كـل واحـد فخـر يلگه
ومـن يـخـدم رعايـاكــم مـن حـيـدر اخـذ حگه
وبــدفـتـر ابـو السجـــاد كـتـّاب الحـشر سجلوه
&&&&&&
نسالكم الدعاء
خادم الحسين ع
الحاج ابواياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
هـل عـاشــور وهــل هــلالـــه == وعيـــون هـلالـه الچتــــالــه
&&&&&&
هــــل عاشــور أعلينـــه ولاح = ونـاح الكــون أبهلتـه وصاح
طــاح حســين أبحضنك طـاح = وهــم طحـت أعليهـم لولالـه
&&&&&&
هليـت اوجبتنـــــه الظـيـــــــم = بيــوم الگيـظ وشـفنـه الغيــم
يمــنــه المــوت يريـد ايجيـــم = والتمـــت يمـنـــه الخيـالــــه
&&&&&&
هــل عـاشـور وگلبـي أنعــاب= بنشــاب العــدوان أنصـــاب
ظـالـــم چتــالـي ومـا هـــــاب = شـامـت يمشـي وياي خيالــه
&&&&&&
يـاريتـك لا مــــا هــليـــــــــت = يــاعـاشــور اويمـي جيـــــت
ضيعـــت أخـوانـي والبيــــــت = وظلـــت يـمــي بس أعيـالــه
&&&&&&
كــون هـلالــك يـنزل يمـــــــه = هــذا حســين وصــدر اليمـه
ليــش تعــأيــن نحــره أودمـــه = ومــاتــنزل يمــه وتـبـرالـــه
&&&&&&
يـهــلال شـبـيــك ومـا تثغــــب = يـم حســين بصـوت وتنحب
وبنــيــزك تمحــي اليتگــــرب = وكلمـــن يــوصل لو يدنالــه
&&&&&&
ظليـــت أتبــاوع مــن عليـــــه = مــاتنــزل تمحيـهـه الـدنيــه
مــن بعـــده وظلـت مطفيــــــه = مـوش هـلالـك ضـوه هلاله
&&&&&&
نسألكم الدعــاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
كـل يـوم عـاشــوراء= كـل أرضِ كـربــلاء
ليـلـي نـهـاري = هـذا شعـاري
فيهـا كـربٌ وبـــلاء
&&&&&&
شهـر عـاشـور يـوميـه يـمـر بينـه =
وأنـعيـشـه أبـألـم أحنـه او أهالينــه
وسـاعـات الحـزن ويـاه وتكـفينــه =
صـبحنـه أظـلم بلله شلون يضوينه
ذكرى فينا يستفيق = كيف ننسـى لانـطـيق
وتـبـقى نـاري = هـذا شعـاري
فيهـا كـربٌ وبـــلاء
&&&&&&
وغطـت كربلـه اركان وبقاع الكون=
كلهه تعـيـش حالتـهـه ابحزن يبچون
مثـل يوم الطفوف أويـاهم ايعيشون
وصبـح بيهه أتصال العاشگ المفتون
أيُ أرضِ لاتنـوح = والظى منها يفوح
وفي البراري = هـذا شعـاري
كـربٌ فيهـا وبـــلاء
&&&&&&
بكل ديـره وعلم طف الحسين أيرف
وعلى طول السنه بيهه الحنين أيهف
وعاشر واربعينه صفوف يمه تصف
وتصب عيون مـدمـعهه ابـد ميجــف
كـلُ ذكـرِ للحسين = تجري دمع أي عين
ويبقى جاري = هـذا شعـاري
فيهـا كـربٌ وبـــلاء
&&&&&&
لأن نعـرف قضيتـه الظمـت الدنيـه
ولأن جمـرة مصابه بكل گـلب هيـه
صـارت كربلـه بكـل ديره مبنيــــه
وكـل يــوم الصبـح عـاشـور طـاريـه
كـل أرضِ تقـتـديـه = كـل نفس تفتـديـه
في القلب ناري = هـذا شعـاري
فيهـا كـربٌ وبـــلاء
&&&&&&
عشنـه أيـام حـزنـه بسـائـــرالازمان=
وماجت كل أرض بيهه أنوجد انسان
قصة حسين قصه اتشيب الرضعـان=
وكــل ذره تـراب تشوف بيهه أحــزان
والدموع تكتوي = والمشاعر تنطوي
مهمـا أداري = هـذا شعـاري
فيهـا كـربٌ وبـــلاء
&&&&&&
نسألكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
شهـر عاشـور ريته لالـفه اهلاله
شفت لوعات شفت اعيون همالـه
ــــــــــــــــــــــــــــ
يريت هلال شهرك لالفه ولامــــر
بي كلب العدوبجتل العجيد انســر
وكل كلب اليحب حسين بيه انطر
وسهام العــدهياويلـــي جتالــــه
ــــــــــــــــــــــــــــ
يريت هىل شهرك لالفه اعلـــيه
عليه مادريت اشصار وشبيـــــه
عطش واطفال والتربان ذاريـــه
يويلي حسين منه راحت عيالـــه
ـــــــــــــــــــــــــــــــ
يعاشور وعساك ولالفه شهــرك
وريت الموت بداله شالك وطرك
لفيت وجيت ماندري شنو سرك
اثاري الموت بيك امبين اعماله
ــــــــــــــــــــــــــــــــ
انمحه يومك ريته ولابقه منـــه
ولاينعد ليلك وانحچه عنــــــــه
غم وظيم واللوعات لبسنـــــــه
منك ياشهر ميشوم بهلالــــــــه
ـــــــــــــــــــــــــــــــــ
شعد ساعة ونس منك فلا الگـــــه
عشتهه بجور والام وظمه وحرگه
بيك احباب گلبي عرفت الفرگـــــه
مشوا عني وظلت يمي اطفالــــــه
ـــــــــــــــــــــــــــــ
لفيت اشلون وايامك مرار وظيم
بالگيظ وشمسهه مر علينه الغيم
ونيرا العده وسط الخيام اجيــــــم
ياعاشور ريتك مرمي بحبالـــــــه
ـــــــــــــــــــــــــــــ
رمه احبال الاسر بينه وتعــــذبنـــــه
على الهزَل لبن ازياد مــــن رحنــــه
كل عمري شفت لاماشفــــت محنـــه
مثل عاشور هضمه وظيمه واهواله
ـــــــــــــــــــــــــــــــ
ريتك ياشهر ميشوم مايت
بيك الدنيه ياعاشور مايت
يريت انه گبل هاليوم مايت
ولاشوف الجره لبن الزچيه
ــــــــــــــــــــــــــــــ
نسأ لكم الدعاء
خادم الحسين ع
ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
قصيده لأمير المؤمنين وسيد الوصيين عليه السلام بمناسبة عيد الغدير الاغر
&&&&&
ياعلي ياعلي
جينه نبايع عالعهد
ياعلي ياعلي
مانخلف وياك الوعد
ياعلي ياعلي
&&&&&&ى
ياعلي مولاي بإصلاب الرجال
ياعلي والروح وي حبك سجال
نردداسمك مانعوفك لا محال
انت نور الله معروف الخصال
ياعلي ياعلي
لامانعوفك للابد
ياعلي ياعلي
انت انت المعتمد
ياعلي ياعلي
&&&&&&&
ياعلي التنصيب من رب العباد
وكف الحجاج بالأرض بالحماد
وشهد الاملاك والسبعه الشداد
مدري هاي الناس صايبهه العناد
ياعلي ياعلي
ياامير المؤمنين
ياعلي ياعلي
ياامام المتقين
ياعلي ياعلي
&&&&&&&
فدوه لاسمك ياعلي كلنه نروح
وخلهه كلهه من اجلك تروح
لجلك انت سيدي تحله الجروح
منك عطور الولايه هالتفوح
ياعلي ياعلي
ياشفيع المذنبين
ياعلي ياعلي
يملاذ الخائفين
ياعلي ياعلي
&&&&&&&
ياعلي وانطاك ربك منزله
ياعلي واحتار ندك يوصله
شخصك الاجيال كلهه اتقبله
نغمه اسمك كل وليد يرتله
ياعلي ياعلي
داخل بكل قوتك
ياعلي ياعلي
ياهو يعرف غايتك
ياعلي ياعلي
&&&&&&&
ياعلي وياك نبقه للابد
ياعلي حبك يفوق اعله الشهد
فدوه كلهه تروح والد والولد
وامه والجيران والهسه انولد
ياعلي ياعلي
انت شاهد عالامر
ياعلي ياعلي
كلهه لعيونك تمر
ياعلي ياعلي
&&&&&&&
خاتمه
واحنه بايعناك
كل العمر وياك
حيدر نريد احماك
يابو الحسن نرجاك
ياعلي ياعلي
ياعلي ياعلي
&&&&&&&
خادم خدام الحسين عليه السلام
ابواياد البيجاوي
غير مبروك للذمه من يقرأها على الدي جي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
تـروح انت من اديه يسبع الغاضريه
&&&&&
كلبـــي اعلـــيك لاهــــــــــــــود ولاجـــن
ويســاعـــات الفـرح دهـــــــري ولاجـــن
ردتـــه للحـــــرم والــــــــــــــي ولاجـــن
وسهم الموت خان وغدر بيه
&&&&&
سهـــــم المــوت خـــان وغـــدر ونشـــــج
وكفيلي اليـــــوم راسـه انضرب ونشـــــج
اظــــل أعليــــه ابجــي بألــــــم ونشــــج
لچن شيفيد هالراح من اديه
&&&&&
لجــن شيــفـيــد منــي البجــه و ر د
وعليــــه الحــــزن وسط الصدر و ر د
صـــرت انشدعليـــــه الـــــراح و ر د
ولاواحد يرد لجله عليه
&&&&&
ر د ت اجــواب يهــدي النفـــس ويـــراح
صفــت ليــام كلهــه همــــــــوم ويــراح
عليــه اصفــك يويلــــي الـــراح ويــراح
نايم عالنهر سبع الثنيه
&&&&&
لكيـــت اعلــه النهــر جفـــــــــه وعينـــه
اشلـــون اكـــدر اصـــل يمـــــه وعينــــه
لامجـــروح اشـــل جــرحـــــــه وعينــــه
لچن مذبوح من ابن الدعيه
&&&&&
لجـــن مــذبــوح مــنه الـــراس يــــدمـي
مشيــت بهظم انكــــــل واشــد يـــدمــي
ذكــرت بيــوم كلـــي المــهــــــر يــدمــي
مهره شلون جدمته بديه
&&&&&
نــدامـــه بيــوم جبـــت المــهــــر بيــداي
سـلــت نفســـي عليــــه وصبـــح بيـــداي
وحشــه الـــروح بعــده صفــــت بيـــداي
دمع ودموم نزلن علوطيه
&&&&&
وعليـــه العـــين دم اهمــلـــــــت ونصــب
لجيـــم الحـــزن طـــول العمـــــر ونصـب
عســه راســـي دونــه انضـــرب ونصـب
وگبلـه ريت شوفوني المنيه
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
اللهم صلي عاى محمد وال محمد
عيوني تعمه ولاتشوف الشافته
شافت الكون انثنه بحز رگبتـــه
ــــــــــــــــــــــــ
عيوني تعمـه ولاتشوفه لحرملـــه
صاب صدر حسين راعي المرجله
ياالــه الـــكـــون شيلـــه وزلزلـــه
گبـــــل هــذا اليــوم شلهــه ليمنته
ـــــــــــــــــــــــ
ولااشوف الحجر بالجبهه رمـــاه
ولااظــن السهم ياويلــي خطــــاه
اشلــون گلــي ياسهم منـهن رداه
ماجــرت بالكــون مثل مصيبتـــه
ــــــــــــــــــــــ
عيوني تعمـه ولاتشوفه المنظره
حتــى مهــره ويلي يكسرخاطـره
ماسلــم منــه حتــى خنصـــــــره
گطعـــوا گليبــه وهشموا مهجته
ــــــــــــــــــــــــــ
ولااشوفن منظــره فوگ الثــــره
وصـــدره للركبــان صايــرگنطره
فرسه يبحث يمه ظل ابحافـــره
الظليمــه ايگــول عاللي كتلتــــه
ــــــــــــــــــــــــ
عيوني تعمه ولااعايـــن للشمــر
فوگ صدر حسين چنــه منتصـر
اثنعش ضربه بسيفه وجه للصدر
هاي شيمة ال اميـــه وزمــرتــه
ـــــــــــــــــــــــ
اشلــون گلـــي اني اسمعه من يگول
بغضــا بجــدك والزهـــــره البتـــــول
وعـــودك الكــرارينبــــوع الاصـــول
ويـــدري حيـــدر ماتثنـــــي ضربتــه
ــــــــــــــــــــــــــ
عيونــي تعمــه ولااشـــوفــن مدمعه
يبچي هــاي الگــــوم يــــوم الجامعه
بچتلتـــه للنـــار كلهـــه صادعـــــــه
وهـو رحمه وخير يبقـــــه لامتـــــــه
ــــــــــــــــــــــــــ
نسالكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
دمعه تجـري= وانت تدري= ياحبيبي اتمرمرت
&&&&
ياحـبـيـب الــروح انـّت = والدمع يـچـوي نزل
من رحت عني يروحي = مابـقـه عندي أمــــل
ياحنيني هواي شدنــي = يبـقه ينــــزف للازل
تـالي تنسـاني وتسافــر = عمري يوليدي رحل
لا لا يبـني = هيمتنــي= تدري لجلك موعشت
دمعه تجري= وانت تدري = ياحبيبي اتمرمرت
&&&&&&&
آ يروح الروح وصـلـك = هـو يـنـطـيني الحيـات
ليلي ياعيني اعيشـــــه = ويـه طولــك والممات
تضحك انت من ألولي = اتجمعن عندك صفات
فلعه مـن النـور أنــت = اتضوي بايام السبات
ضاع عمري= ضاگ صدري= ياوليفي من رحت
دمعه تجري= وانت تدري = ياحبيبي اتمرمرت
&&&&&&&
اشتـري البسمه ابحــياتي= وانـتـظـر يـبـني تـرد
صدري حن يريدك انت= مـن يـدر يبني يشـــد
بعـدك ازغير يـروحـــي= وآنـي ليـامك أعـــــد
للمهـد انظـر يـلـولـــــي = يمـه ويـزيد النشــــد
احتار مثلي = وهـو گلـي= غيروصله ماردت
دمعه تجري= وانت تدري = ياحبيبي اتمرمرت
&&&&&&&
ارسم ابحضـني حنـانـك= وآنـه أظمـه ابمهجتي
واگعـد ويـاهه واسولف = يمـه ضاعت هيبتــي
أسـأل النـسـمه التجيني = بلچـي تگظي حاجتي
مـاتـرد يـمـه الحبيبـك = يــمـه أنــت جـنـتـي
عيوني تدمي= يغلـي هـمي = ماشفتني مـن طحـت
دمعه تجري= وانت تدري = ياحبيبي اتمرمرت
&&&&&&&
نـوبه اشـم الثـوب نوبه = أغفـه واذكـر جيتــك
واذكـر حسين ومصابه = تهـون عندي قصتـك
وسهمك ابعيني اشوفه = أدمـه يبني رگبتــــك
اصرخ وصوتي اظمه = التهـي بـمصيـبتـــك
فـوگ سهمـي= فـوگ هظمي = هظم زينب عاشرت
دمعه تجري= وانت تدري = ياحبيبي اتمرمرت
&&&&&&&
من اشوف مصاب زينـب= عندي مايبقه مصـاب
چـم اخـو الراح من اديهه= فـارگت حتى الشباب
وابـتـلت بيـنـه العـقيلــــه= شافت أنواع العـذاب
بكـربـلـه غربه أويتــامـه= شتـم شافت والسباب
بعد اخوهه = من سبوهه = بالبراري اتغربت
دمعه تجري= وانت تدري = ياحبيبي اتمرمرت
&&&&&&&
نسالكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
نديه الى صاحب الزمان عجل الله فرجه
&&&&&&&
تنسانه يوم الفرج يبن الحسن معقول
وانت الدوه الهوه ليش الفراك يطول
احنه الذي نهواك =بحزالنحرنفداك
يين الحسن معقول..يبن الحسن معقول
&&&&&
طال البعد يمته الفرج =يبن النبي ونلكاك
للينتظر ياسيدي =ليوم الفرج يرجاك
لحد النحر كل شيعتك= ياسيدي وياك
ماتنتظر غيرك ابد =كلهه تريد احماك
اظهر علينه وشوف =للشده عدنه الوف
ياسيدي بجاه العلي العلاك
يبن الحسن معقول..يبن الحسن معقول
&&&&&&
شفنه الالم ويه الظلم= شفنه المرار الوان
يبن الحسن مامش عطف=ولارحمه بالانسان
بنص الرذيله هاالشعب = بالموبقه غركان
بس الفقيرالمبتلي =مابقت عنده اعوان
تاجرواباسم الدين ..وبسم ابو اليمه حسين
يبن الحسن موكلنه تترجاك
يبن الحسن معقول..يبن الحسن معقول
&&&&&&&
جم شمر عدنه بهالبلد= جم سامري وربعه
أصنام تعبدهه صفت = ومثل الغنم ترعه
هو الهه اليعبده =وموالم الطبعه
يا دين بعد اليعرفه= لو فكربوضعه
واحنه نريدتكوم..بيك الفرج مختوم
ياخاتم العتره العمر ضايع تره بلياك
&&&&&&
ياسيدي عاين على= ذوله الذي يحكمون
بدرب العوج ضدك تره= همه بفخر يمشون
بطاري الحسين بكل وكت= وبنظرتك يحجون
وعدهم اسرارالنهب= ماترهملهه عيون
ياسيدي ويبجون..وبعاشريلطمون
شنهي القضيه سيدي اترجاك
&&&&&&&
يبن الحسن ندري ونحس = انت تشوف الصار
وماتنتظر منه ابد = عنه تجيك اخبار
وماكو بعد يبن النبي = لاعذر لاانذار
وبكل زمان لطلعتك = ننطر نريد الثار
وهمه ولايسمعون..صاب العمه لعيون
و يعينك الله سيدي البلواك
&&&&&&
جم بلوه ياسيدي =ندري تره اتهدك
بلوة مصاب الولي = المنذبح جدك
وبلوة مصيبة طفلته = يالماطفت عدك
وكثره المصايب سيدي= ننطر يجي ردك
وأكبر مصاب الصار..لجله الدمه مدرار
مصاب الوديعه الالمت جدك
&&&&&&&
خادم خدام الحسين عليه السلام
ابواياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
نعي
طــب مسـلــم يـريـد الخيـرالهـــم
مـاحـصـل فـعـل بـس غـدر منـهـم
&&&&&
مسـلــم مـن أجـه والــنــور ويـاه
وجـوه أمـقــنـعـه گــام تتــلـگــاه
آه أعلــيــك يــامــسـلـم بعـد وآه
يــومـن غـبــت يــازيـــن عــنـهــم
&&&&&
غـدروا بــيــك يـاسـيـف الامـامه
بگــلب حـسـيـن ظـلتلـك عــلامه
يــم حسـيـن ظـلـولـك يـتــامـــه
حسـوا بـيـك من رحــت چـنـهـم
&&&&&
حـمـيـده تـصـيح يـابـويه عـفـتنه
واحـنـه أزغــار يـاعمــري فـتتـنــه
عـرفـت الـگوم من بعـدك سبتنه
ردهــم گـــوم عنـّه الــيـوم ردهـم
&&&&&
الكــوفــه لجـيـتــك التمـت وردت ورادت
بــس الخــوف جـــبنهــه وردت رجعت
طــوعــه نشدتك شنتــــه وردت رديت
انــه مسلـــم يطـــوعـــه انــغـــدر بـــيه
*****
انـــــت الــروحـــي يـامسلم وردهـه الورد
بــــــويـــه ودنـيتي تـــبـقـه وردهه الذكر
تــظــن أيـــامي أهــــواهــه وردهه وريدهه
بعـــــدك لـــوتــظـن تــضـحـــك الـــــــــيه
******
لبــو السـجــاد هاي الرو ح ونــهـــه
وعــــود الــناس گلي اشلون ونـهــــه
تــلگـتـني امـس واليـــــــــوم ونـهــــه
خـــلفـــت كــل وعــد دارت عــليــــــــــــه
*****
خادم الحسيت ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
ياباقر علوم الدين وين تريـد
بعد نـار الطفوف أموجره وتزيد
&&&&&&&&&
طـرّ فجـّرالعلـوم أبعصـرك أتفجّـــر
وزاد أيمــان منـك سـيدي أتنـــــور
وصدح صوت الرساله بچفك اتعطر
فــاض الخير من بحرك أخذ تجديــــد
&&&&&&&&&
سمـّاك الرسول الباقـــر بنفســـــــه
يالدمــك دمــــاه أونفسـك أنحسه
أو ودالك ســلام وجابر أيحبســــه
ومن شـافك هذاك اليوم هـوأيريد
&&&&&&&&&
حمـل جابـر ســلام الهادي بجنابه
واجه يسأل عليك الحضرتك جابه
رغم كبرالعمرويه المرض صابه
مـانــام أوگعــد لاوگفــاه أبعيــــد
&&&&&&&&&
يبو جعفروانت الاصبحت مذهب
وجوامع أسست للشيعـه ماتتعـب
تنهـل من علومك والعذب تشرب
وكل يوم الحضرتـك هالتجي وتعيد
&&&&&&&&&
عشت مولاي وي جدك ابواليمـه
وشفت يوم الطفوف ومن نزف دمـه
وشفت أجسام ظلت عالثره يمـــه
وشفـت أعيـال فرت بالفله والبيـــد
&&&&&&&&&
وانت وياك ثمانين البقيتواأطفـال
وسط نارالحرب والخيل والانـذال
اللـه أيعين زينـب حيرتهه أعيال
وأبـوك اللـي بقـه في كربلاء أوحيد
&&&&&&&&&
نزف جرح الامامه ابفگدك أتلوع
وبقـه أعليك الزمان عيونه هالتدمـع
وگلب الكون بفراگك تره اتصدع
وغـاب هـلال عيـدك مالفانه العيـــد
&&&&&&&
خادم خدام الحسين عليه السلام
الحاج ابو ايادالبيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
يعمـي حســين= مسلــم ويـــــن= أبـوي وضنـوة سنينـي
يــرد لـــــولاه= فــلا أنســـــــاه= بللــه أعليــك حاچينـي
&&&&&&
كـل طفلــه يضـي العيـــن غيــر الــوالـد أشعـدهـه
وأبـوي هــــواي دلــلنـــي وچفــه الراسي وسدهـه
وأشـوف هـلاله من يجبـل يضـوي بدنيتي كلهـــــه
يگلـي ياحمــيده أبصــوت تـرنيمــه أو يــرددهـــه
وتمــر الايـــام واعيـش أحـلام وافـــرح مـن يلاگينـي
يحضـن أربـاه فــلا أنســـــــاه بللــه أعليــك حاچينـي
&&&&&&
يعـمـي ومـاأظــن بيــــوم زعـّلنـي اوجفــه عنــي
حبيبـي أوسـلـوة أيـــامـي اوچلمــاتـه يــونسنــــي
أبــوي وچـان ألي خيمــه وبخــيــالــه يضــلــلنـي
يـخلينـي أبــراري الظـيم ومــن بعــده يــيتمنــــي
أحس أحساس جميع الناس على فگـــده تواسيــني
أريـــد ويـــاه فــلا أنســـــــاه بللــه أعليــك حاچينـي
&&&&&&
وأحسـاسي كبـر ويـــأي واشــد أحسـاسه بأحساسي
وابحضنـك تخلينـــــــي وتمســح أيـدك أبــراســـي
واشوفن مدمعك يهمـــل واحسـن گلبـــك أيــواســي
نبــض گلبـي يدلينـــــي وأدري آنه الزمـن قاســي
يعمـي الــراح أبـوي أوطـــاح گلبـي أبطيحتــه عتنـي
مشــه أتلگــاه فــلا أنســـــــاه بللــه أعليــك حاچينـي
&&&&&&
نـزف گلبـي يبويه أعليك واشـوفه يعيش بطيـوفــك
دنيــه أوضـاگـت أبعينـي تـريــدك تـرجع أتشـوفـك
الحنـانـك حيـل محتاجــه ظمـني عمـري بچفوفـــك
يسهــم البيـن گـاصدنــي بطـف حسـين وطفـوفـــك
سهــم چتــال الدليلــي طــال فگــدك بــويـه ألمنـــي
يظـل ينعـــاه فــلا أنســـــــاه بللــه أعليــك حاچينـي
&&&&&&
أبــوي وخـــــالـي أوعمـي أدريــبــك يـروح الــروح
وتشبگنـي لبحـــر صـدرك واشمن عطرك اللي يفوح
أحـــــس رويحتـي تهــــده وانسه چـم جرح مجروح
واعيش أحلامي بأحضانك وأبطـل مـن البچه والنوح
واعيــش ويــاك واحـب ملگاك كـل سـاعـه يبــو اليمه
وتــــردنـي الاه فــلا أنســـــــاه بللــه أعليــك حاچينـي
&&&&&&
نسألكم الدعاء
خاد الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
يااول فدائي الراح
لجل حسين ابو اليمه
ماهمه الامر شيصير
وامر حسين كل همه
&&&&&&&
مسلم بالعلم معروف
تربات الفحل حيدر
بدرب حسين كل ممشاه
لاعاند ولا أدبر
هو والبطل عباس
اووياهم علي الاكبر
سفير حسين للكوفه
بيه اوصاف معروفه
هذا الامر ميعرفه
لازم يوصل يبلغه
امر حسين ابن عمه
&&&&&&
تلكوه ابفرح وسرور
وين حسين كالوله
نريده اليوم يلفينه
ونتبارك تره ابطوله
يذكرنه بعلي الكرار
ننسه شلون معقوله
نبايع والامر محسوم
وياهم نريد انكوم
كلوب الناس ليه تحوم
كلهه ترتجي الجيته
تريد اتقبله وتشمه
&&&&&&&
ناس ملونه اشبيهه
شي بالخوف شي بفلوس
بسرعه باعته المسلم
هيجي اتغيرت لنفوس
خلوه الغرب وحده
وفوك الزين كلهه ادوس
يتلفت يريد أصحاب
لن كلهه اصبحت اغراب
وكف هو جريب الباب
وطلعت طوعه اتنشده
بابي لاتكف يمه
&&&&&&
يكللهه غريب هنا
ماظلي بعد صاحب
واني من نسل اشراف
وعمي مااله غالب
يطوعه غدرت الوادم
تريد حسين وتطالب
اول رادوا ايخدموه
وهسه المطلب ايذبحوه
لبن زياد ويرضوه
كلهه اطالب ابجتله
شكلهه باجر الامه
&&&&&&&
ادخل يابعد عمري
فدوه الروح للعتره
كلبي خايف من ابني
خافن يخبر الزمره
واخبرهم على امجانه
وابو طاهر فده عمره
يدفع عن ابن طه
روحه ومهجته انطاهه
ابو الطيبات جازاهه
مسلم فارس الميدان
لحسين وبذل دمه
&&&&&&&
ماكدروا يلاوونه
ولاواحد وصل يمه
وبسيفه عمل بيهم
يذبحه ياهو ليلزمه
لاجن بالغدر كدروا
التموا ليه فد لمه
شي بسيوف شي بحجار
شي برماح شي بالنار
وطاح بحفرة الاشرار
لبن زياد من ودوه
شامخ مانزل عزمه
&&&&&&&
وصعدوا بيه سطح الدار
كل همهم يذلونه
توجه للمدينه وصاح
خويه حسين اعذرونه
غدرت بينه هاي الناس
بيدي الطاغي حطونه
عيالي يمك امامنين
نعم الخال ياطيبين
بحميده اوصيك خويه حسين
من ابن عم لابن عمه
&&&&&&&
خادم خدام الحسين عليه السلام
الحاج ابواياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
نلبس اليوم السواد من اجل باب المراد
نواسي الزجيه.. بالكاظميه
من أجل باب المراد
&&&&&&
ياشبـــاب شلون هي سمتــك.. مــن غير وازع
شنهو ذنبك من اجت وتعنتك.. كـلـهم مـطـامع
فجعوا التاريخ يتموا صحبتك.. صارالـهه طابع
حنت الشيعه عليك كلهه تتمنه تجيك
شالت اذيه... تواسي الزجيه
من أجل باب المراد
&&&&&&
ياحليف الجـود يا ابن الأكــارم.. طبعــك سـماحه
ياابن سيدي الرجا نورالهــواشم.. انـت الـفـصاحه
من الزغر مولاي بس انت تقاوم.. كــل ألــوقـاحه
ياكعبة الشبــان عايشهه المظــالم..مــاشفت راحه
عاشرت ظيم او الــم اگبالك الطاغي انهزم
شفت الاذيـــــه نواسي الزجيه
من أجل باب المراد
&&&&&
ياطريق اللي انرسم سم ودمـــه.. وعشت الماسي
كلهه تضحكلك چذب مـال العمه .. وانــت تـقاسي
عـفيه گـلبـك ياامامي اشبي ظمه.. ايـهـز الرواسي
مـاشفـت راحه وشفـت اي مرحمه وتصيح نـاسـي
لويفهمون الوضع.. جا نسوا هذا الطيع
بهاي الرزيه نواسي الزجيه
من أجل باب المراد
&&&&&&
الله صفاك ونـلـت هــــاالمرتــبـه.. وبـزغـرسنك
ماردت لجــلـك أبــدشي تطلبـــه.. يحچوهه عنك
ولابــدت منـك سيدي كل عايـبـه.. اتـقـربهه منك
دمـعتـك لـحسيـن هي الـغـالبـــــه .. ترجمهه ونـك
تبجي لجل مصييته حسين تذكر قصته
صبح ومسيه نواسي الزجيه
من أجل باب المراد
&&&&&&
فجعـوا الشيـعه ابـجـتلتك يـاحبيب .نشرت حزنهه
شابهت جدك بقـه جسمـك سليـب.. الـغـبره سكنهه
بحرالشمس فوك السطح تبقه عجيب.. روحك سحنهه
هـالدهـر مابـي رحم الـكم يصيـب.. مايمشي عنهـه
والكم ايوجــه السهام من امام الثاني امام
من الناصبــيه نواسي الزجيه
من أجل باب المراد
&&&&&&&
نسالكم الدعاء خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
/channel/mhsn1955
