128
https://t.me/joinchat/AAAAAEzgZfu7JgoKrv5OfA
اهٍ لقلوب تتفطر.. وضجيج الاحزان تفجر
فلنبكي بالدمع الحارق.. قتلو القرآن الناطق
ياحيدر يالفگدك وحشه
عگبك ياچفن ايظل رمشه
طولك لمن شالو نعشه
دلالي تگطع من هرشه
وسواد الهم توارى.. لعلي الاكوان حيارى
وانين من عرش الخالق.. قتلو القرآن الناطق
ياظهري بيش استنهظك
ومبعثرات انفاسي
جابو رمح بس مو الك
هالرمح هذا الراسي
ذيج الصلابة ال بالجدم
سلّبها دهري القاسي
بياحيل ياظهري انهض
بالخيل جسمي ترضرض
بالاعوجيات انحفر
من بعد عباس الكمر
مهودر
لسان حال ام المصائب
استشهاد امير المؤمنين الامام علي ع
يالــــرايـــح ...... اتــرك الـبـنـتـكَ صـبـر
يـالــرايــح ..... اويــاك اخـذنــي لـلـكَـبـر
وحـــدة مـــن هــــاي الــجــــروح
لــمــن اتــــحــــاول تـــــــــــروح
يـــــالـــــــرايـــــح ..... يــــالـــــرايــــح
وردتـــك يــلي زرعتها اسكَيتها ابـفيض الجفـن
اغبار من دنـياها شـالت مــال ويــاهـا الـغصـن
ادري ليفاركَ لـه غالي الــشوفة خــيالة يـحـن
وانـه ماشوفك يبويه بيـش اعـــدي هالزمـن
ابيا حـال ..... اكَضي وحــشات الليالي
والــدلال ..... يالابو من فكري خـالي
ابــــكَــى جـثـة ابــــلايــــــــه روح
لـــمــن اتــــحـــاول تــــــــــروح
يـــــالـــــــرايـــــح ..... يــــالـــــرايــــح
***********
مـرة اسكت مرة اكَـولن وين دهري الـمن يصل
جنـت احـسّب ياامـلنــا ويـاي بالــشده تـــــظل
ابشـموس المحنة اسيرن الـــرداء اعــلية ظـــل
مادريت تريد ترحــــل والــدمــع يـبكَى يهــــل
جرح الاه .... حـافــر ابكَلبي اثــــِر
واويلاه ...... ويايه مسرع هالدهـر
ابــكَـــلبـي مـيظـــل اي طــــمـــوح
لــمــن اتــــحــــاول تـــــــــــروح
يـــــالـــــــرايـــــح ..... يــــالـــــرايــــح
********
جـرحك ولوعة مصابك تــاكل ابـروحي عـمر
انته رايـح عني وانـه اهـواي محتاجـة صـبر
لا الـي ليل اللي يرحم لا صـباح ولاظـــهــر
انته عزمي يالرحيلك طـود عـزمي ينكـسر
وبممشاك ...... بـيـش اسـلي هـالـدمـع
وبـليـاك ..... هـمومي عالـخـد تنـطـبع
طــــــول عـــمـري ابـكَـى انــــوح
لــمــن اتــــحــــاول تـــــــــــروح
يـــــالـــــــرايـــــح ..... يــــالـــــرايــــح
*******
بلكي من صبرك الملكتة تـترك لـكَلب الحـزن
ما الـي طاقة على فكَـدك وابـغـيابــك ابـكى اون
بعيني تـتـفـنن دموعي وآهـتي صـارت لـحـن
خلي دمعات النوايـب عـــن مـدامـعها تجــن
من تـشـيل ..... عـيـني تـبـيـض يالولي
اكَضي الليل ..... مدمع همومي ايهـلي
بـدمــــعـتي تـفــيـض الـســـفــوح
لــمــن اتــــحــــاول تـــــــــــروح
يـــــالـــــــرايـــــح ..... يــــالـــــرايــــح
*********
مـاتـعود عـالـمهانـة تـــدري دلالـي الابــي
بلحظة مصابك يبويه كَـمـت افــكـر بالسـبي
ماطلبت انه المصاعب ادري يــسهل مـطـلبي
من جبل صبرك اريدن احـرس عـيال النبي
هالاشرار ..... ماظـــن تـرحم دلـيلي
وسط النار ..... بكـربـلـه ولوعاته لـيـلي
مـصـايـب الـــدنـيـة تـــلــــوح
لــمــن اتــــحــــاول تـــــــــروح
يـــــالـــــــرايـــــح ..... يــــالـــــرايــــح
الشاعر مهودر الهويشم
حسين جرحه اخضر ابد لا مايبس
بكل كلب احبابه ظل حافر فرس
حسين جمرة من الحزن ماتنطفي
شلون تشفه اجروحه هاي وتختفي
يابعد روحي وجميع اطوايفي
وياي عاشت لوعته بروح ونفس
حسين جرحه اخضر ابد لا مايبس
آنست ناراً بالحشا والقلب حزناً قد هجس
نار الطفوف الضارمة من يأتني منها قبس
غريبا واحسينااه .... غريبا واحسينااه
توسع مصابك ياكَلب بحالة حزن دامي يظل
ام البنين وفاركَت اولادي وي كل الاهل
شدو ظعنهم بالسفر وتخيل اليجري وحصل
لجيتهم وذاك الشمل ماتبكَى ذرة من الامل
اوقفت دمعي ماطراً في دربكم ها قد جلس
آنست ناراً بالحشا والقلب حزناً قد هجس
*******
انصب مآتم للحزن وأحيي لياليها العشر
حزني عله حسين ابتده من كَبل لا يوصل بِشر
يالماخذ اوياك الكَلب بس ردلي لحظات الفكر
بهالحالة ظليت برعب من عكَبك بهذ الذعر
أَنَ الفؤاد باكيا في الدار لم يبقى حرس
آنست ناراً بالحشا والقلب حزناً قد هجس
*******
اية شجوني ترتلت وحي الحزن من كربله
تهوى الكواكب عالارض بدماها ظلت سايله
احساسي ماخاب ويظل يحدي بجروح العايله
جم دمعة من عين الخدر بذيج العيون الهامله
عن حُزنهِم عن دمعهم في كربلاء يحكي النفس
آنست ناراً بالحشا والقلب حزناً قد هجس
*******
يبن الزجية بهالبعد كلبي نخمش ظل مبتلي
مو بس بنين افدي الك افدي الك روحي وهلي
جلمت الا من ناصرا توجع وحكَ حيدر علي
لهفانه روحي لفركتك ياكهف حزني وموئلي
لولاك يابدر الورى ذكراى بالدهر انطمس
آنست ناراً بالحشا والقلب حزناً قد هجس
*******
حسره وتطرز بالجفن كون اويه زينب هالمسه
مهظومه ياوسفه تظل وهيه بنت خير النسه
مخنوكَه من بعد الاهل بس الحزن تتنفسه
تشوف الحسين بكربلاء ذيج الاعادي ترفسه
دموعها بين العدى تجري بعينيها همس
آنست ناراً بالحشا والقلب حزناً قد هجس
*******
مودع يبيرغ دنيتي دهر الغدر عكبك محن
ليلي يجن ابغيبتك وجرع مرارات الزمن
عليك السهام تناثرت بيك الجروح ترادفن
جسمك طريح بكربله بخيل العده الصدر انطحن
تلك الوصال الدامية تتبع حوافر للفرس
آنست ناراً بالحشا والقلب حزناً قد هجس
*******
مهودر الهويشم
احتارت هالعقول وذهلت ارواح
رميت الدمه فوكَ ولنه ما طاح
جسمك يوم لطفوف
تلكَه ابروحه لسيوف
خجلانه اجت وتصيبك ارماح
ابحاث الفلك وهل القضية
ابهاي احتار راي الاغلبية
شلت يحسين اسم الجاذبية
دم عبدالله ما رد للوطية
عيون العسكر تشوف
تلكَة بروحه لسيوف
يا أمام العصر عشنا في سنين من عذاب
أي جرح لك نـشــــكو اي هــم و مصاب
*******************
تمضي أيام الماسي والعمر وياها يحدي
وحنه يالغايب نكابر والجرح للساعة يدي
والمحب ينظر قدومك والعلامة بعينه تبدي
يهتف بكل لحظة صوتة وينك ادركنا يمهدي
ان صبر القلب فينا في كؤس الهم ذاب
**********************
تسأل الناس الغيورة عن سبب حالة غيابك
لسه غايب ونته تحمل بالكَلب جمرة مصابك
وهاي الارواح الحزينه تشعر بلوعة عذابك
تنــشد تكـلك يغايــب تنـتظرلسه اشعـلامــك
بدموع العين تسال تنتظر منك الجواب
*************************
لطلعتك بانت علايم ونته حد هاالساعه غايب
تــنظر تـشاهد وضـعنه يـامـن بعـينك تراقب
تصرح تـحلـل دمـانه بــلاذمـم أهل الـنواصب
لـسفك دمـنه يمهـدي صـارت اعـدئـك تــطالب
في زمان لانـمـيز من عدانا من صحاب
****************************
انـتــه عـايش بالظــمايـر لـــكـن تحــجبك اوآمــر
هالجفن صاحي على جيتكك وعلى دربك ظل يساهر
ابحـبكـم أحـــنه ولاكـم شــــفــنه أنــواع المــخاطـر
وهـاي عـبرات الـتخبرك تـــنـدبـك كــسر الخواطر
يـا ابا الـغوث تلـبد هـمـها مـثل الـسحاب
******************
ظاكت علينة الوسيعة اه ينبراس الحقيقة
احنه درب الراحة تدرياحنه تايه علينه طريقة
الدنية صارت بالمهالك سيدي كلش عميقة
وبتراب الشر نخبرك دينك اتلوث بريقة
هاهي الاذناب تدنوا طبعها فعل الذئاب
//////
مهودر الهويشم
اشلون بت حيدر علي اتظل خايفة
ارواح عدنة ويا الرمح متحالفة
نسرج الليل ونجيبة بلا عذر
والظلام انحوّلة يمج ظهر
لا يهمج خوف بابنت الطهر
نعوف معشركم حرام وسالفة
مهودر الهويشم
ابوذيات
حادي النوك بية اسرة ونه بلا
اخو . ولجسد بسهامه ونبلا
علينه انكتب نتيسر ونبلا
ونروح اكبال عين ابن الدعية
تعال اشفي نظر هالعين شورك
اصيل وما خلفت بيوم شورك
الحزن والتعب ياعباس شارك
بهدم حيلي وترك جمرات بية
خواص السلف ظل يدمع وعمته
للمتحار بهمومة وعمته
بعينة شاهد الوالد وعمته
انخبط بيها الدمة بترب الوطية
دمعتي ال بلجفن لحسين يالت
لمن اسمع علية الخيل يالت
لساني ايصيح يامظلوم ياليت
جنت وياك برض الغاضرية
عظم جسمي بمصابك نحل وهنأ
ولا يحلالي طيب الوسن وهنأ
اظل مولاي انوح اهناك وهنا
وسيل اعليك دمعاتي الجرية
مهودر الهويشم
ابوذية .
سماتك وفة ولاكَت هالسمة عليك
وبجت وياي مدمع هالسمة عليك
معقولة بظعنّا هسة معليك
وجفوفك عالنهر متلوح ادية
مهودر الهويشم
ما اريد انساك . يالخذت روحي
بهالبعد يحسين . زادت اجروحي
عايش بروحي اكيد
عني دربك مو بعيد
ما اريد انساك . يالخذت روحي
جلمت الحكَ . انه احجي . علمتني
صح فكدتك . ونته تعرف . مالمتني
الدنيه هايه . والعوارض . فاركتني
ليل هجرك . والمواقف . سلمتني
كلبي ظل مشتاك . ونته وتدريني
عمري الك موقوف . يابعد عيني
عشكَ الاول موجديد
عني دربك مو بعيد
ما اريد انساك . يالخذت روحي
دمعتي ال بلجفن لحسين يالت
لمن اسمع علية الخيل يالت
لساني ايصيح يامظلوم ياليت
جنت وياك برض الغاضرية
عظم جسمي بمصابك نحل وهنأ
ولا يحلالي طيب الوسن وهنأ
اظل مولاي انوح اهناك وهنا
وسيل اعليك دمعاتي الجرية
مهودر الهويشم
روحي تحن لاجن تظل معذورة
عن بعد يومية حُسين اتزورة
اشكد حب الك يشهدلي
ودرب الوفة ايمهدلي
احجيلك اتخيل يغالي الصورة
آمالي وياك تفوز يالماتخيب لامال
كَربني يمك مولاي هجرك ثجيل وجتال
اعصر الك ماي العين وخظر جرح بالدلال
وحدك اشوفك ماريد رجّع مسار الاحوال
ابدارك نريد الازمة هاي اتعدي
غيرك بعد بالدنية كَلي شعندي
وكَصد وجيبن اهلي
ودرب الوفة ايمهدلي
احجيلك اتخيل يغالي الصورة
روحي تحن لاجن تظل معذورة
مهودر الهويشم
حكاية الوفاء ... وقصة الجمال
قالت أيا حسين ... نترككم محال
سلسلة احداث النبي واقوالة
ماكفتك بل كررتها افعالة
أول أسير بشوكَة عذب حالة
نار السرية بجمرتة الفتالة
بثغرهِ الوجود .. مصادر الكمال
قالت أيا حسين ... نترككم محال
،،،،،،،،،، ،،،،،،،،،،،،،،،
بذيج الخيوط الترتفع للعالي
تتناقل امحبة حسين الغالي
نجمة وجودة بكل زمان تلالي
من الله انتة يا حسين الوالي
تنبض بالقلوب ... ارجوحة الوصال
قالت أيا حسين ... نترككم محال
،،،،،،،،،، ،،،،،،،،،،،،،،،
تيار حبك ينتقل من كيفة
حكَ صاح عابس هالعكشك ماعيفة
يالما غبت عن بالة حته بطيفة
ماشفت فارس حارب بلا سيفة
فذا هوة الجنون.. بهيئة اعتدال
قالت أيا حسين ... نترككم محال
،،،،،،،،،، ،،،،،،،،،،،،،،،
يالباحر بسدح الكلب تذكارك
ولايذ جنحها لوچبت بكتارك
كلها بوجودك سيدي تتبارك
ماريد ابعد بالعمر عن دارك
لبابة الهموم .. للقلب قد تطال
قالت أيا حسين ... نترككم محال
،،،،،،،،،، ،،،،،،،،،،،،،،،
انت النفس مولاي ونته المهجة
بالدنية غيرك سيدي شنترجة
انتة مجير التاه ونتة الملجة
شكبان كلبي ابثايتك يتوجة
لو تأتك الهضاب.. لو تنطق الرمال
قالت أيا حسين ... نترككم محال
،،،،،،،،،، ،،،،،،،،،،،،،،،
مهودر الهويشم
أنتَ الحُسين شمعظمك
دليني وين اليفهمك
مانوصل الحد الكَشر
بس كلها تحجي بجوهرك
حلو التأسي بحظرتك .. يابو الطباع السامية
خلها المهج يابن علي... لجلك حزينة ودامية
لاجن نريدك يا اثر .. فوكَ الألم تترك حية
بعض الخلكَ لبست حزن .. بس من صفاتك خالية
لا ساعي لا واصل رحم
من اللسانة مرجع ماسلم
اليتعامل بواقع شمر
عود بمحرم يذكرك
انت الحسين شمعظمك
مهودر الهويشم
أحُسّينُ ياجٌرحَ الزَّمَانِ الْمُفْعَمِ
مَازَالَ قَلْبُي يَبْنِ فَاطِمَةٍ ضَمِّيٍّ
ياراحلاً لِسَمَا الْهَجِيرِ تَركْتَنِي
بِرُجَّالِهَا الْخَيْلُ الاعّنةِ تَهَجُّمِ
آهاتَ قَلِّبِي كَالْْخَيَّامِ تَنَاثَرَتْ
وَالصَّبْرُ شَيَّدَ لِلْعِيَالِ مُخَيَّمِ
فَزِعَ الْفُؤَادُ بِجُرْحِهِ مُتَعَلِّلًا
بِسِهَامِ صَاعِقَةِ الْجَوَى يتردّم
أحُسّينُ ياجٌرحَ الزَّمَانِ الْمُفْعَمِ
مَازَالَ قَلْبُي يَبْنِ فَاطِمَةٍ ضَمِّيٍّ
ماعاد يُجْدِي الصَّبْرُ وَالدَّمْعُ وَلَا
لَطَمَ الْخُدُودَ بِكَفِّنَا المتألم
نَزِلَتْ مآسِي الدَّهْرَ فِي حَمْلَاتِهَا
وَبِوَيْلِهَا لِذُوَاتِنَا لَا تَرَحّمِ
وَصَلَتْ شُجُونِيُّ ياحسين لِمَصْرَعِك
وَبَكَتْ لِمَدْمَعِيِّ الْغَزِيرِ الانجمِ
أحُسّينُ ياجٌرحَ الزَّمَانِ الْمُفْعَمِ
مَازَالَ قَلْبُي يَبْنِ فَاطِمَةٍ ضَمِّيٍّ
الْحُزْنَ بَعْدَكَ لِلْجَرَّاحِ مُزَاحِمًا
حَتَّى تَهَشَّمَتِ الظلوع وَاُعْظُمْ
وَعَلَى الْفَرَّاتِ هَوَى بِدُرِّ الَّذِي
فِي جُودِهِ وَلُدِّ الْفَرَّاتِ وَعَلْقَمٍ
حَتَّى رَضيعِكَ مِنْ عُيُونِ نَبَّالِهِمْ
وَسُيوفَهُمْ فِي كَرْبَلَاءٍ لَا يُسَلِّمُ
أحُسّينُ ياجٌرحَ الزَّمَانِ الْمُفْعَمِ
مَازَالَ قَلْبُي يَبْنِ فَاطِمَةٍ ضَمّيتردّمِ
حْزانُنا. اشْجانُنا لا تَنقَضيْ
وَدهرُّنا في حزنِهِ مُتَلاطّمِ
في بحّرِ هَمٍ لا نَجاةَ لِهولهِ
غَرقَتْ وَلَم تَجد الفواطم عاصمِ
هٰذي تَنوحُ بمدمعٍ متهادرٍ
والاخرياتِ بِلوعةٍ تتقاسمِ
أحُسّينُ ياجٌرحَ الزَّمَانِ الْمُفْعَمِ
مَازَالَ قَلْبُي يَبْنِ فَاطِمَةٍ ضَمِّي
برقتْ نيابُ الكفرَ بَلْ لـٰكنها
في طيِها نَفذتْ سمومَ اراقمِ
غَرسوا الرماحِ العالياتِ وَنُصلها
في قلبِ طـٰه بالجُراحِ تَخَذّمِ
كُلّ مصابٍ للحُسَينِ وَآلهِ
لاشَكِ للهاديْ المصائبِ تَنتمي
أحُسّينُ ياجٌرحَ الزَّمَانِ الْمُفْعَمِ
مَازَالَ قَلْبُي يَبْنِ فَاطِمَةٍ ضَمِّي
خادم الحسين
ابو علي مهودر الهويشم
ابسيفك الاسلام ياحيدرنه شاع
هسه لو ما انته جا دين الله ضاع
مفصله عليك الامامه يالوصي
ولا فتى بالكون غيرك ياعلي
انته شايل بيدك النهج العلي
يحمي الاديان بس جف السباع
ابسيفك الاسلام ياحيدرنه شاع
ابوذية
الكلب يحسين الك فدوه يرحلك
كظيم وبس كطع نحرك يرحلك
لارض الشوم يتعثر يرحلك
مشت عالنوكَ فخر الهاشمية
توالت الجراح .السبط لما صاح
لا ناصراً . لاحامياً . توالت الجراح
بالحزنِ تَبْكْيْ أعْيُنًّ وَالبلوى
قلوبنا لرزئها لا تقوى
نادى حسينٌ بالعراء واغوثا
أي عيون بالاسى لا تجرى
بالله يستجير .واه قلة النصير
ياراحماً . لا حاميا. توالت الجراح
ااااااه ياعاشر محرم
لوعة وبكصة الزمن ظلت نقش
جروحنة كلش غميجة
ومن نقارنها بمصابك
بيها نشعر جن خدش
يالرايد حزن اخذ الكلب وجري اختبارة
كل دكة ونبض ترسم الم بعله جدارة
تترادف قصص هم
بين الطعنة والسم
*******
ياقصة وفة الما فاركتني اسنين
اقرأ بوجهي تنطيك المواقف زين
اصفرار ال بالوجه وي سمرة العينين
سببها كل سهم صايب ايمة الدين
سبات النايبه الكعدت على دجت مضيفي
لا موسم ربيع اليعتني ويكسر خريفي
اشتم الالم شم
بين الطعنه والسم
*********
وحك المات ضامي وماتروه بماي
مصايب آل طه توالمت وياي
اشما تحتر شمسهم ارفض اي افياي
رزاياهم تهد حته العكل والراي
يامحنة تهون وكلبي مايعكس صداها
على جتاف الهظم يذبح بواجيهه وعزاها
من سال اشكثر دم
بين الطعنه والسم
***********
بنعاوي الحزن تتماطل الاوتار
لعلي الهادي الدمع ينزل دمع مدرار
ذبل عمره الفتح بوابة الاسرار
ابجبدته السم ينخر نخرت البسمار
فتت جبدته سم الغدر سم الرزية
بعيون السمه هل الدمع ينزل عزية
صوت النايحة عم
بين الطعنة والسم
********
الفجيعة الما خذاها عاصف النسيان
هدم كبره تظل تدوي على الاذهان
شنو ذنبه علي الهادي يناس اشجان
ميت بالكبر ماعافته الاضغان
بسامره صرح مبني على كاع القداسة
وين اليعبر بغاياته ويحاول مساسة
تالي انوبه يندم
بين الطعنة والسم
مهودر الهويشم
خوية يالطبعك جبل من الوفة
لا صحى جدمي بغيابك لا شفة
اعتاب شخصك نازل بطعم الالم
وفكدك بالهيوم يالكافل سهم
حزني ياعباس واصل للقمم
عكَب عينك صاح دلالي العفة
*********
صاح دلالي اريدك يالرحت
اه بغيابك يخويه شكَد متت
ابين لوعات الدهر وسفة طحت
بالدمع هالعين ظلت نازفة
*********
تنزف عيوني جروح من القهر
دمعت العينين جن ذاك النحر
ظهري مثل حسين همين انكسر
اعلوم فكدك بالكلب سهم او لفة
*********
سهم فكَدك صاب كَلبي ويالدليل
وليل فكدك ياعضيدي شكد ثجيل
ظلت اللوعات بكليبي تعيل
من اهدها وبعد ما شاف الشفة
*********
من اهدها وروحي حاديها الوجع
ويه كطعت جفك النفس انكطع
راح صبري للنهر شو ما رجع
وعله الشاطي اتطيح كنز المعرفة
*********
وي جفوفك طاح منعندي الكلب
وبجروح البين يومية انصلب
اه ياعباس ياهظم الكلب
اكَبالي وجهك ابد مالحظة اختفة
*********
اكَبالي وجهك ونخى جا شو ماترد
ونته بالغيرة اعرفك منفرد
كوم ياخوية الي وشكَ اللحد
بشوفة اعيونك دليلي اتشرفة
مهودر الهويشم
يردد ظيم صبري لسه باية
الم وجروح توجع للسباية
اثر حبل الشماته لسه باية
واثر عينك عجب غابت علية
مهودر الهويشم
ردينه وجروح الكلب هم ردت اويانه
كل وحدة فكدت بدر شيردة لمجانه
مستعرة نيران وتعب بالروح مستعرة
شتضمد اخيوط الصبر بجروحنه الخضرة
يا هي بعد عكب الهجر صيوانها اتنظرة
وبدموع غالي الكَلب وفراكَة حيرانه
الليل يخلص بس جزع والفاركَونه اثكَال
من اعيونّة وي الدمع تنزل بكَاية ارمال
ماسولف انه بعد وشجي رزايا الحال
وصواب دهري غدة بعيوني نيشانه
أول عزية ابتدت بمصاب والينة
زينب نعاوي الحزن والتلطم اسكينة
ماتم حرايم تون بالنوح سوينة
بتراب ذاك القهر نتهاوى خلانه
جم روح بمواج الحزن مهظومة منفجعة
ولياني طاحت جتل ونحور متكَطعة
دمع النزل ياخلكَ لعيوني شيرجعة
وجفوني من هالدمع بالحركَة ذبلانه
احااا يالجمتي تجرحني هاللجمة
فكد الاخو بالكلب نابت يظل سهمة
ماي وتبده بعد عالكاع شيلّمة
ولاخر عمرنه تظل ماتنتهي احزانه
من مثلي تتحمل مرة وتعاين الدمكم
بجمرات نار السرت للموت اودعكم
كل هذا تالي اجو حركَوهن اخيمّكم
الخيم تطفة وخاطري ماتنطفي احزانه
مهودر الهويشم
https://t.me/joinchat/AAAAAEzgZfu7JgoKrv5OfA
شحجي يخي عن وني
ريتك تجي تعاوني
بين الخدر والاطفال
وحده الدمع ظل همال
محنية وبضلعي الالم والجدم ياخوية انباد
وشما يمر وكت الحزن مانكص عكبك يزداد
خلاني ياخوية الهظم عبرة ابدليل السجاد
جم حيل عندى ويالزمن وحزام فارس يراد
بحزاني أظل مشغولة
بهم وحزن معلولة
بيدي اثر مال حبال
وحده الدمع ظل همال
مهودر الهويشم
حسين شحنة تجددت من لاشعور
وهيج تكبر بالكلب عبر الزمن
وموش اجددلك عهد عبر اللسان
بالثبات اوياك خل يحجي البدن
التاية ابممشاه خل يندب حسين
ابو الاكبر صار للدنية وطن
مهودر الهويشم
ثكَل صبرك حزن البكَلبي احملنّة
وفكَدك صار يكطع كل رجه وظنة
.........
شبه سجداتك اطوال الدمع صارن
يا لوعة اظم والهملن احتارن
دبيب الموزمات بمهجتي دارن
وليل افراكَ بالدمعات ارسمنّة
...........
سواد اجفاني راية من الحزن فصل
وين الراحة بفراكّ الاخو تحصل
شنهو ايريد دهري ليا جرح يوصل
شاطي اهموم بالآهات اعبرنّة
............
حزينة ودمعي عالخدين ينزل دم
صرت بتراب احزاني اسوي اخيم
صبري يالعجيد بلوعتي اتثلم
الطايح يا جفيلي اشلون اعيدنة
.........
الوكت ماذيني ياعباس شحجيلك
بدموع الجاريات اليوم لبجيلك
يالطايح رمية ومحد ايشيلك
وشوف الخيل جسمك من يوذرنة
..........
يبيرق حزني مايفتك بعد حزني
انعاك بجمرتي ولوعتي او وني
سيف الجور بعدك ياشهم حزني
الما مر كلبي ياعباس اشوفنة
............
سبية ولوعتي جتالت الخاطر
رمش عيني بدمعتي لفركتك ماطر
على جروف المدامع مهجتي تكابر
بمرامي الجور دهر الغادر اتعنة
مهودر الهويشم
تفاركنة بعجل يبني ..فكدك للحزن ذبني
يجسام ...
يشمعة الزاهية لبيتي .. أودع صرت عافيتي
يجسام ....
الدمع ضميتة بعيوني
وجفني مغوركَ بعينة
يوحشة ليلي ماريدن
اكسر خاطر سكينة
اراجع عمري يوليدي
تجرحني لظة سنينة
جذور الراوية اغصانك
يبست ماتظل طينة
الكلب مجروحة امانية ...اون ابلوعة مخفية
يجسام....
سبية همي تاليتي... أودع صرت عافيتي
يجسام ....