مامۆستا قانع
02 January 2024 14:09
ئەو خەونانەی کە وەک خەون دەمێننەوە ئازارمان نادەن.
ئێمە بۆ شتێک دڵتەنگ نابین کە ئاواتمان پێ خواستووە و ڕووی نەداوە،
ئازاری قووڵ بۆ ئەو شتانەیە کە یەک جار ڕوو دەدەن بێ ئەوەی بزانین کە دووبارە نابنەوە...!!!!
#ئەحلام_موستەغانمی
ـــــــــــــــــــــــــــــــــــــــ
Читать полностью…
مامۆستا قانع
02 January 2024 07:35
دەستی لەسەری دام و دڵی دامەوە فەرمووی:
خۆش ھاتی! بەخێر ھاتی! وەلێ ڕۆحە بەھای ڕووم!
#وەفایی
ـــــــــــــــــــــ
Читать полностью…
مامۆستا قانع
01 January 2024 20:33
پێڕستێک لە جوانترین کاناڵە کوردییەکانی تێلێگرام.⬇️⬇️⬇️
Читать полностью…
مامۆستا قانع
01 January 2024 17:39
#مامۆستا_قانع
چ سەرخۆشم لە ئەم ڕەنجەی لە ژینی خۆمەدا بردم
ئەگەر دیققەت لە ئیشم کەی،ئەزانی گیان‌فیدای کوردم
گەلێ پێم خۆشە ئەم شەرتە، لە دڵ خۆما کە وا کردم
[ ڕەفێقی بەد ئەبەد ناکەم، لە خاکیشا کە من مردم
۱ئەجەل چاکی گرێبانم ئەگەر بگرێ لە ناکاوا ]
لە ڕێی خاک و وڵاتا خۆم ئەفەوتێنم بە مەمنوونی
کە من سۆزم لە دڵدا بێ، چ موحتاج بم بە مەجنوونی
وەرەگوێ ڕاگرە لەم شیعرە، دیققەت دە لە مەزموونی
[ بفەوتێ با نەمێنێ لاشەکم بڕوا بە مەحزوونی
بە لافاوی جەفا سەرکا، بخنکێ با لە گێژاوا ]
وەرە سەر سەیری چەپگەردی زەمانە و گەردشی دەووار
چ لازم من بەیانی کەم بە واتە، یا وەکوو ئەشعار
نە هەر جارێ بڵێم سەدجار وتومە و هەر ئەڵێم ناچار
[ زەمانە وا لەگەڵ دوون و لەگەڵ ئینسانی کەچ ڕەفتار
وەکوو شێرێکی خونخوارە لەگەڵ ئینسانی داماوا ]
ـــــــــــــــــــــــــــــــــــــــــــــــــــــــــ
کاناڵی #_قانع_و_پیرەمێرد👇
🍁🍁 https://t.me/joinchat/AAAAAD-YcidqWhVSeqDKzQ 🍁🍁
Читать полностью…
مامۆستا قانع
01 January 2024 11:17
چۆن ئەو برینە ماچ ئەکەی، کە خوێت تێکرد..؟؟؟
#چاوشی
ـــــــــــــــــــ
Читать полностью…
مامۆستا قانع
01 January 2024 06:47
#پەندی_پێشینیان بەشی(٥۱۷)
شیرینە عەولاد خۆراکی گیانە
شیرین تر لەویش تەربیەت دانە
ئەم مانگە مانگی قیر و سیایی یە
ئەو مانگەکەی تر مل شکایی یە
بۆخۆی کەچەڵە، بەمووی ئامۆزای
شانازی دەکا، لێی کەوێ قەزای
ئەو کاتە کەندم ددانی دوێتە
کردم بە شوانی کارەگەل، کوێتە
عیلاجی کەسێ زۆر قین ئەستوورە
هەر ئاوی سارد و هەورازی دوورە
نەپرسێ زووە یا درەنگ وەختە
تووڕە بوو، بیگرێ هەر ڕێیە سەختە
ئەمە خەتەنە سووران بوو شێتە!
زەماوەن ماوە، هێشتا لە کوێتە؟
تا لە خەوی مەرگ هەڵدەستینەوە
ئەو خەوەی دیمان نایینینەوە
مەیکێشە بۆ لای زوحاک و کاوە
هەر ئەوە باوە، کەوا لە ناوە
چی نەکرا لە ژێر بەردا وەیدۆزی
بێ‌گومان دێتە سەر بەڕە سۆزی
کاوڕبازی بوو ئەو دڵ خوازییە
وریا بە، ئەمە بەران‌بازییە
✍مەلاغەفوور دەبباغی
ـــــــــــــــــــــــــــــــــــــــــــ
کاناڵی #_قانع_و_پیرەمێرد👇
🍁🍁 https://t.me/joinchat/AAAAAD-YcidqWhVSeqDKzQ 🍁🍁
Читать полностью…
مامۆستا قانع
31 December 2023 18:51
ببوورن حەزرەت نووح😁
Читать полностью…
مامۆستا قانع
31 December 2023 17:59
#مامۆستا_قانع
#چۆنێتی_زەمانە
بێ حەیایی باوە ئەمڕۆ،قوڕ بەسەر داکا حەیا
کەندەڵان سەربەرزو شادە،خۆی بشارێتۆ چیا
گوڵ ئەگەر ئەقڵی ببێ،قەت سەر لەخاک ناکاتەدەر
چونکە ڕۆژی دڕک و داڵە،گەرمی بازاڕی گیا
با، لە هەورا سەرنیگون بن مانگ یا ڕۆژی جوان
شەمشەمە کوێرە ئەڵێ : من نامەوێ شوعلەی ضیا
ئەی فەلەک! ڕاستۆ نەبی بۆ ڕێک و پێکی دەورەکەت
گورگ ئەبێتە شوانی ڕان و ، دز ئەبێتە ئەولیا
نێرەگاجووتێ ئەبەیتە ڕیزی لوقمانی حەکیم
فەیلەسووفێکیش ئەخەیتە ژێر چەپۆکی ئەشقیا
تۆ بە مێروولەی زەعیف ئیشی سلێمانی ئەکەی
خاتەمی مۆری نگینت کردە دەست دێوی هەیا
ـــــــــــــــــــــــــــــــــــــــــــــــــــــــــ
کاناڵی #_قانع_و_پیرەمێرد👇
🍁🍁 https://t.me/joinchat/AAAAAD-YcidqWhVSeqDKzQ 🍁🍁
Читать полностью…
مامۆستا قانع
31 December 2023 11:17
ڕێکوپێک‌ترینە شێعری تاکوو ئێستە هەڵنەبەستراوی ژینمی...!!!!
#هەڵۆ
ـــــــــــــــ
Читать полностью…
مامۆستا قانع
31 December 2023 06:28
#پەندی_پێشینیان بەشی(٥۱٦)
خۆی دانیشتووە لە قەڵای مێرێ
تەموور لێ دەن خەڵک، بە گون و کێرێ
ژن پێدەکەنێ، بە چاوی جوانی
ئەگەر جوان نەبێ، دەم و ددانی
سەردەمێ ڕاوگەی بەبر و شێران بوو
شا بوو بە شالیار، تەتەر وێران بوو
ئەو ساڵە سی بوو، کۆسە برسی بوو
ژیانی گەلێ پڕ مەترسی بوو
من بێ پارەم و یار بە ئیفادە
کوا دەیگەمێ؟ ئەو سوار و من پیادە
قسەی لێ مەکەن، ئەو سەره سوێنە
خوا دایناوە بۆ ئەو بنە سوێنە
ئەو کاتە زانییم کار گوو بە گووە
سەرۆکی بازاڕ یاقوبە جووە
مەبنە مڵۆزم لە کار و ئیشم
ئەو شوێنە پاک بێ، خۆم لێی ئەنیشم
نێرە حەیتەیەک بێ سەر و سڵام
لێم وەژوور کەوت، وەک کەری حەرام
کێ فەرعانەی دا، تەنگانەش دێنێ
ئەوەی گیان ئەدا، گیانیش ئەستێنێ
نازانم لە چاو یاقووب خان چیمە؟
ئەو کاروانچییە، و منیش خانچیمە
✍مەلاغەفوور دەبباغی
ـــــــــــــــــــــــــــــــــــــ
کاناڵی #_قانع_و_پیرەمێرد👇
🍁🍁 https://t.me/joinchat/AAAAAD-YcidqWhVSeqDKzQ 🍁🍁
Читать полностью…
مامۆستا قانع
30 December 2023 20:24
ڕەنگە نەمناسیتەوە ئەمجارە بمبینی
تێک چووە سیمای زەمانی لاوەتیم...!!!!
#مەلەکشا
ـــــــــــــــ
Читать полностью…
مامۆستا قانع
30 December 2023 13:26
ئەمڕۆیش تەواو ئەبێت
باسی سۆزیم بۆ مەکە
من ناڵێم
سبەی ڕۆژێکی‌ترە
تەنیا ئەڵێم
تــــۆ ڕۆژێکی‌تری
تۆ بەیانیت
ئەوەی کە ئەشێ لەبەری زیندوو بمێنم...!!!!
#جوبران_خەلیل_جوبران
ــــــــــــــــــــــــــــــــــــــــــــ
Читать полностью…
مامۆستا قانع
30 December 2023 08:39
ئەگەر شیعری جوانت دەوێ، دەبێ لە ئامێزت بگرم
هەنگ لە دوورەوە گوڵ ببینێ هەنگوینی پێ دروست نابێ
#تەڵعەت_تاهیر
ــــــــــــــــــــــــــ
Читать полностью…
مامۆستا قانع
29 December 2023 19:27
هاوڕێیان ئەمانەوێت کتێبفرۆشییەکی مەجازی دامەزرێنین،
ناوێکی کوردانەی خۆشمان ئەوێت.
Читать полностью…
مامۆستا قانع
29 December 2023 13:53
تەماشای ڕوومەتی تۆ دەکەم ، ئەخوێنم سوورەتی (والشَمس)
بەیادی زوڵفی پڕچینت، (واللیلِ إذا یَغشا)
#قانع
ــــــــــــ
Читать полностью…
15334