الشاعرالحسيني ظاهر حبيب الهليچي (استشهاد الزهراء عليها السلام)
ويه امي الزچيه يارب البريه
أتمنه المنيه ا تمنه المنيه
*
زينب انه ياهل الناس
امي ختمت الانفاس
ما يتوصف الاحساس
عل حره ألأبيه
اتمنه المنيه
*
من غمض جفن أمي
جفني دم دمع يدمي
وبل لحضه ذبل جسمي
راحت من إديه
اتمنه المنيه
*
دنيه ابلايه ام ضلمه
أو مابيها ابد رحمه
تصبح نقمه مو نعمه
والعيشه اذيه
اتمنه المنيه
*
شنهو عيشتي بدنياي
ودعي الله بدمع عيناي
ياخذني ويحقق هاي
أولا ابقه بعزيه
اتمنه المنيه
*
ليش أتيتم ابزغري
وبقه بمدمعي يجري
ونيران الهظم تسري
وحسراتي خفيه
اتمنه المنيه
*
وي نعشچ مشت روحي
يل جنتي دوه اجروحي
وشد حيله الي نوحي
وبگلبي الرزيه
اتمنه المنيه
الشاعر الحسيني ظاهر حبيب الهليجي (للسيدة فاطمة الزهراء لسان حال أمير المؤمنين)
من الدفن رديت أهوى المنيه
هوه العمر شيفيد بعد الزجيه
*
بيدي أدفنتها اليوم زهرة سنيني
وبلا وعي امنل نوح يطلع ونيني
مو هينه من تروح الجنها عيني
البيها اشوف الكون واهل البريه
*
اليفگد عزيزه يذوب بل ون دليله
وهم ما أظن النوح يشفي غليله
يلزهره روحي إعليج صارت عليله
والعهد ابقه بنوح صبح ومسيه
*
الدمعه من رديت بعيوني حمره
ونفاسي شهگت موت والباري ادره
والله شتهيت الموت بعدج يزهره
اتحسب بدمعات عل يجره بيه
*
نبضي عليج ونين من گلبي مسموع
بفگدج احس شريان من گلبي مكطوع
والحالي حته الكون يلزهره مفجوع
يافاطمة مهضوم حامي الحميه
*
بين بياض العين بهدوب العيون
موأنتي جن اليوم انه إعله المتون
والگبري احس والله گامو يشيعون
من كثر ما ونيت لجل الوفيه
الشاعر الحسيني ظاهر حبيب الهليجي
دمعك مدرار وظعك منهار ياحامي الجار ياحامي الجار
دافن هليله انفاسك وي كلبك شيب راسك
ياحامي الجار
*
عله اخدودك اثر دمعاتك الحمره
حزن كلبك يعادل عالم بأسره
و دنياتك عفتها بدفنت الزهره
يعين الله دليلك سيدي وصبره
وجهك مهظوم حيلك مهدوم جرحك ملجوم جرحك ملجوم
حكك مجروح احساسك وي كلبك شيب راسك
ياحامي الجار
*
يل دافن مهجتك ويه محبوبك
الحزن تفصال فصلته وصبح ثوبك
دعائك للجليل الموت مطلوبك
اهات الخليقه صارن ابصوبك
مدميه العين ونارك نارين يابوالحسنين. يابوالحسنين
يعگوب أصبح مقياسك وي كلبك شيب راسك
ياحامي الجار
باب البيت من اتشوفه شيصبرك
بل زهره الزجيه أو محسن إيذكرك
يانشغه التصير وتسعر بصدرك
لوذاك الصطر خدها وكسر ظهرك
متعوب الحال مشدوه البال همك جتال
يل دافن خيرة ناسك وي كلبك شيب راسك
ياحامي الجار
*
ترد للدار وام بيتك خذاها البين
أوتشوف بدمعه زينب والحسن وحسين
وكالولك وين أمنه يبو الحسنين
بيا جلمه تصبرهم ينور العين
ونك مسموع كلبك مفجوع وتهل ادموع
ظلمه وراحل نبراسك وي كلبك شيب راسك
ياحامي الجار
*
أصحاب السقيفه الفعله سووهه
بابك والخيام ابنار حركوهه
ظلع فاطم وابنها ظلوعه كسروهه
بلعاشر نفسهم عيله يسبوهه
گلبك ممرود صبرك معهود لجل المعبود لجل المعبود
موجود النوح بساسك وي كلبك شيب راسك
ياحامي الجار
الشاعر الحسيني ظاهر حبيب الهليجي(استشهاد الزهراء عليها السلام)
شمعة البيت الها حنيت
بلسم الروح يل زجيه
*
ساعد الله الفاگد أمه إيگظي ليله
الموت أرحم للذي إيفارگ خليله
يعيش عمره أوعبرته أطر بدليله
وانه زينب والحزن شد ليه حيله
هدوة الليل والدمع سيل
گلبي مجروح يل زجيه
*
أدعي ربي أبكل مسيه الموت يگرب
حته اشوف أمي و شمها حيل ونحب
البيت يبجي بلايه أمي وحاله يصعب
بسيل مدمع حيل اصيحن ضعتي زينب
وحشة الدار اذكر الصار
اصدح بنوح يل زجيه
دنيه من بعدج احسها بعيني ظلمه
مو ففط ضلمه بغيابج حته نقمه
لأن انتي جنتي بيها يمه رحمه
ريت عين ألما تشوفج كون تعمه
كوثر الكون فوگ الامتون
حلمي مذبوح يل زجيه
*
يلي صارت شوفتج حسره عليه
ريت كون أبطيف وتمرين بيه
يمه وتشوفين حالي يل الزجيه
غيرت رسمي المناحه وبهل رزيه
گلبي مفجوع وني مسموع
دمعي مسفوح يل زجيه
*
تاكل بجسمي المناحه وجرحي يدي
أعليج يايمه أودمعتي فوگ خدي
والزمن اعتبره خصمي او صار ضدي
اخذ مني أغله ناسي شخله عندي
ليلي بل آه ويلي ويلاه
حملي مطروح يل زجيه
الشاعر الحسيني ظاهرالهليجي
(أستشهاد الزهراء عليها السلام)
يمه زينب. الج يايمه البجي لا مو اليه
يمه زينب. من تظلين بغرب وبلا. حميه
* *
اخر انفاسي يزينب أدني ليه
ومسحي دمعج راح اسولفلج قضيه
بيها خبرني النبي سيد البريه
عنج وعن إخوتج بل غاضريه
يمه زينب دمعتي اليوم الحشر لجلج جريه
يمه زينب الج يايمه البجي لا مو اليه
*
لجلي لاتبجين يبنيتي الحبيبيه
ظمي دمعج زينب الذيج المصيبه
المصيبه بكربله وشكد عصيبه
بيها من تبقين لا أخوا وغريبه
يمه زينب من اميره أعله الهزل تمشي سبيه
يمه زينب الج يايمه البجي لا مو اليه
*
الموت انه يمرني مره وأنتي مرات
بكربله يا كربله شگد بيها آهات
الماتظل بيها ابد خيمه اليتيمات
والهواشم عل ثره وهنه اسيرات
يمه زينب بگبري وانه دموعي الج صبح ومسيه
يمه زينب الج يايمه البجي لا مو اليه
*
كل محطاتج مآسي وكلهن ادموع
عيون سجابه ودليلج زينب يلوع
والعطش ورماد خدرج حيف مطبوع
بيدج وانتي وحيده بين الاجموع
يمه زينب وانه مو يمج ولا حامي الحميه
يمه زينب الج يايمه البجي لا مو اليه
*
آه زينب گلبج تمرده النوايب
من سبي وغربه وبعد نوم الخرايب
وانتي وحدج يمه لا أخوه وگرايب
وعله ارماح العاليه روس الاطايب
يمه زينب والاشد منهن بعد موتت رقيه
يمه زينب الج يايمه البجي لا مو اليه
الشاعر الحسيني ظاهرالهليجي (استشهاد الزهراء عليها السلام)
رد الداره حيدر منكسر ظهره
يواسي زينب بدمعه عله الزهره
رد حيدر ينوح أمنل الدفن توه.
ولگه زينب عله امها بأه تتلوه
مسح راس العقيله وگلبه يتجوه
يگللها دفنت الطاهره الحره
يبويه الليله دافن بل گبر روحي
گلت ياروح ويه الطاهره روحي
وسف راحت ظمادي وبلسم اجروحي
حگي من انوح ودمعتي حمره
اجر گوه النفس والحيل يتهدم
انه الدافن حنينه وكلبي يتألم
يزينب فاركتها وفركه ما نلتم
شمعة بيتي هيه ومنتها السدره
يزينب وني يابويه عله الزهره
بعد هيهات لمج تحصل النظره
انا الدافنها توني وگلبي شيصبره
ادفنتها والمواجع بي مستعره
يبويه اشلون انام وامي مو يمي
ونته ادره يبويه بلوعتي وهمي
اخذني وخل انامن يم گبر امي
بلجن تهده عيني والگلب يبره
٥
الشاعر الحسيني ظاهر حبيب الهليجي (للسيدة فاطمة الزهراء ع)
يظلموها ويهظموها
بعد فكد النبي الزهره
*
من بعد النبي شافت مآسي فاطمه منهم
وفتح باب الهظم والنوح ذاك الصار أولهم
الاخذ منها فدك بل زور وبين كل مئاربهم
زمره لا شرع لادين ديدنهم مصالحهم
وكتب تشهد عله الأوقد
باب الطاهره إيشجره
*
ظلموا فاطمه أونكروا رسول الأمه والدهـه
العصابه من بعد فگده كلهم اصبحو ضدها
وتاريخ الحقد موجود هوه الي يحددها
محسنها وضلع والباب والبسمار شاهدها
سقيفتهم حقيقتهم
بغض للهادي والعتره
*
عاشت بل نحيب وآه وعبره أتسابگ الدمعه
من ظيم والم مرها بجت الها السمه السبعه
يعصرها النذل بل باب اوهيه فاطمه البضعه
وطبع جفه بحقد ياحيف وفوگ الخد بقه طبعه
بقه بخدها أثر ندها
الثاني بحقده وبغدره
*
بيتج كعبه ويعرفون ماراعوه يل كوثر
وحرگوا بابه هل أوغاد بغضآ للنبي ويحيدر
وجنينج ياذنب من طاح وظلعج ليش يتكسر
حقج يم ألاه الكون وهوه شاهد المتظر
كسر ضلعج وأثر دمعج
الله بهل الجرم ادره
*
يتامه اخلاف عين امهم يجيبون الزجيه امنين
ويعين الله علي وصبره لون احمر تسيل العين
بيده يدفن الزهره ويسمع من گبرها ونين
عله الظلوا يتانوها زينب والحسن وحسين
تضل أبهم ودمع من دم
تودع ايتامها الحره
الشاعر الحسيني ظاهر حبيب الهليجي (ولائيه للحسين ع)
هذا أحساسي انت أنفاسي
حسين ياروحي يا أعز ناسي
*
روحي لو قدمها الك بيدي هديه
مقصر وضلع امك الزهره الزجيه
انت وي الدم احسك تمشي بيه
وانت من روحي بعد اقرب اليه
حبك بگلبي منهحك دربي
دنيتي ضلمه وانت نبراسي
*
صعبه موسهله إمنوصف هذا حبي
يبو الاكبر يل خذت روحي أويگلبي
والمحبتك واجب اسجد شكر ربي
لأن دلاني إعله دربك صار دربي
تمشي وي دمي خادمك اسمي
مرتفع شاني بيك نوماسي
*
كرست كلشي بحياتي الك مولاي
لاطمع لامال رايد مصلحه بهاي
يل نفس اعتبرك انت وانت عيناي
اكثر امنل الضل احسك انت وياي
انت سلطاني بيك عنواني
بخدمتك اني مرتفع راسي
*
الله اليحبه يحسبه منل مواليين
وهو سبحانه رزقني امحبة حسين
أمحبته هيه هدايه وجوهر الدين
ونعمه من يرزقني لجله دمعة العين
يا إنس روحي وبلسم اجروحي
بعالمك عايش ثابت بساسي
*
محبته مو هسه لا منذيچ إلإصلاب
بعالم الذر الله راد انصير اله احباب
حسين أتنفس محبته چن هوه الهاب
بأبي هوه وأمي وكل الأحباب
انهي موضوعي بسمك دموعي
وبحر شوگك گلبي بي راسي
ما مثلك ابد جابت مره بهل الكون
فقط امك رحمهه البيك يتجله
يا اقدس بشر سواه رب الكون
من هاشم واسمه بأسمك أتعله
بزغ نور النبوه وشعت الاكوان
وتيجان الفخر ربك الك خله
يامنقذ الدنيا من الجهل والجور
من يوم الصرت ذاك الفكر وله
يارحمة وأجت للوادم بهل اليوم
افلح من ذكره باسمك وصله
اهنيكم ونفسي بمناسبة وﻻدة
منقذ البشريه نبي الرحمه محمد ابن
عبدالله رسول الانسانيه
الشاعر الحسيني ظاهر حبيب الهليجي
استشهاد الامام الحسن العسكري
گلبه مهموم چبده مسموم
غمضن إعيونه. العسكري اليوم
**
مو عواطف من نسولف هذا تاريخ الإمام
شما حجينه بطيب ذاته حتمن يطول الكلام
العسكري كلها تعرفه من نسل خير ألانام
سنينه عايشها بمراره في طوامير الظلام
نهجه معروف. . من الاطفوف
والثمن عمره جبده مخذوم
**
العسكري صبره وثباته كسر قانون الزمن
عل جراله امنل المآسي ذلهن وذل المحن
ذلهن بصبره وشموخه وگفن گباله انحنن
انت رمز الصبر تبقه بصوت واحد رددن
صوته هيهات باقي ما مات
بأرض سامره. بصمته ادموم
**
صارت ايامه مأسي امنل الطغات الظالمه
والقساوه استخدموها لأن أمه فاطمه
وهذا منهجهم يعرفه وحيل جان يألمه
بعد مايحتاج نشرح عل الظلم ليش او لمه
راحه ما شاف. لحضه ما خاف
من بني طغيان جرحه ملجوم.
**
صابر سنينه گظاها يلهج السانه بدعاء
عل جراله امنل مظالم يحمد الله إعله البلاء
مارضخ للطاغي قطعأ منهجه عز وإباء
راد سامره بصموده مثل منهج كربلاء
رافع الهام رغم الالام
رافض الذله. صرخه للدوم
**
ذل بني العباس صبره وذلها كل المغريات
وصوته بعده الهسه يدوي كلا كلا للطغات
ما أمد جفي وابايع لو يكلفني الحيات
الحيات الذله بيها افظل يكون الممات
وعدي للموت. يبقا هل صوت.
رافض وطبعه. بعهده ملزوم
**
الشاعر الحسيني ظاهر حبيب الهليجي ا(لإمام العسكري)
يا سليلا للشموخ يا خصيما للرضوخ
سيدي تبقى منار يا ملاذ الحائرين
*
يل حسن يل عسكري گضيته عمرك
شامخ ومثل النخل ظليت دهرك
الله يدري شجان يحمل ضيم صدرك
ولا صبر ايوب لا يعگوب صبرك
عشتا رمزا للثبات في طوامير الطغات
سالكا نهج الذبيح رافضا للظالمين
*
كل دهاليز السجن مذلوله يمك
تنحني كل ما يمرها طاري اسمك
رغم ذاك الجور كله الما يهمك
نلت بي أعله المراتب ذاك همك
يدوي صوتا من جديد قائلا كلا يزيد
كاسرا قيد الظلام مثلما ناده الحسين
بكل معايير المفاخر بيها طاريك
أوحگه تاريخ المراجل يفتخر بيك
سنين يوسف مو مثلهن حلن أعليك
قيود لقيود الظلامه صارن أيديك
أين حكام الظلام أين ابناء اللئام
باقيا انت الظمير يبن خير المتقين
*
وثقت سامره قصه من خلالك
أتظل عقيمه لدنيه ماتنجب مثالك
سيدي أوما أظن بعد تلگه بدالك
عله أهموم الي شفتها والجرالك
تعتلي عرش الأباء في أعالي الكبرياء
فيك يحتار الزمان ياسراج الثائرين
*
يبو محمد أدعي للمهدي بظهوره
كل موالي ابدمعه يشكيلك شعوره
الدنيه مره والظلم يطفح فجوره
ظاگت أوياهو الحكمنه يطول جوره
أصبح الدم يراق مستباحا في العراق
سيدي ادعوا لنا. عند رب العالمين
https://youtu.be/55yEGf9qRAA?si=2MI6daFMy4fZerqG
Читать полностью…
الشاعر الحسيني ظاهر حبيب الهليجي (أستشهاد رسول الله؛)
ماريدن عمري البغيابه
راح الما مثله بأطيابه
انه الزهره وگلبي بحسره
*
صرت كلي جرح وهمل دمه الدمعه
عله الراح اوبعد هيهات للرجعه
ابوي وحگي من ابجي آله و انعه
العليه گاعد وسمه هليوم منفجعه
راح الساكن جان بروحي
راح اليشفي بنظره جروحي
بصدري العبره وگلبي بحسره
*
علي حته الهوه منشتمه يجويني
ابوي الما أبد وحدي يخليني
انه بنيته العزيزه الضاعت اسنيني
وحشه البيت بعده ودمعتي بعيني
ارسم صوره بالي وانحب
واتذكر وجهه واتعذب
الموت اتنطره وگلبي بحسره
*
تعال أرجع يبويه بحضنك تظمني
وبديك امسح دموعي يلرحت عني
انه البضعه التسميني كثر وني
ادعي الباري كون وياك ياخذني
ياخيمة بنتك هل الطلبه
وياك اتوسدها التربه
شينفع صبره وگلبي بحسره
*
يا شمعة حياتي الفرگه ما ترحم
خذو نعشك اشوفه وانه اتهظم
وناشغ وهمل أعله لخد دمع من دم
وصيحن بويه اخذني وياك اتالم
آنه الزهره ودمعي يلالي
مكسورة خاطر عل غالي
اشتم عطره وگلبي بحسره
*
دنيه او ما اشوفك بيها ماتسوه
يروح الزهره انت اوبيك تتگوه
انكسر ظهري بغيابك بويه وتلوه
شلي بعمري بعد والموت آنه اهوه
يل عايش بعيوني وروحي
الفگدك لا مايبطل نوحي
بصدري الجمره وگلبي الحسره
الشاعر الحسيني ظاهر حبيب الهليجي (استشهاد الرسول ص)
اليوم اجيتك يل حبيب فاطمة بعبره ونحيب
بويه يم گبرك اجيتك اشكي همي
*
اشتاگت الروح واجيتك والحزن يبرالي
ابنيتك العاشت مأسي من رحت يلغالي
من تشاهدني وحگك بويه تبجي الحالي
فاطمه جيت اشتكيلك يل تعيش ابالي
جرحي بعدك ماشفه ولا جفن عيني غفه
مفارگه النوم وعليك عيوني تدمي
بويه يم گبرك اجيت اشكي همي
*
النار شبوها إعله بابي وانـه بنتك يل الابي
نكروا انه بت محمد وانت موانت النبي
بويه ادعيلي اموتن هذا منك مطلبي
لأن شفت انجوم ظهري منهم واحبي حبي
منل سقيفه الظالمه بويه تعبت فاطمه
عل جره الحالي يريتك كون يمي
بويه يم گبرك اجيتك اشكي همي
*
طبع اصابع فوك خدي من حقدهــم ظــل اثـر
وعيني حمره من السطرني وهذا ظلعي الي نكسر
وهذا محسن جبته بيدي موته من عنده اعتذر
خاطري مكسور بعدك والله دلالي انصهر
ادري تسمع جلمتي ودمعتك وي دمعتي
أم ابيها الي انكروها وضاع اسمي
بويه يم گبرك اجيتك اشكي همي
*
يل جنت كلشي بحيلتي صعبه بعدك حالتي
ليل ونهار اعله فگدك انه اعيش بحسرتي
والله اتمنه جفوفك بويه تمسح دمعتي
ذبل عودي امنل المناحه وحيل تعبت حالتي
جرحي ماصحله دوه
مفارگه وگلبي انجوه
من غبت عني الحزن يمشي ويدمي
بويه يم گبرك اجيتك اشكي همي
*
كوثري من الدمع وشل يارسول الله عليــك
حزني فاق الكون كله وانه بلدمعه ارتجيك
طلبه ادعيلي يبويه يدنه موتي حته اجيــك
ظاكت الوسعه بغيابك للجليل ارفع اديـــك
يل جنت ليه وطن
هسه دنباتي محن
بل مدامع والمناحه ذاب جسمي
بويه يم گبرك اجيتك اشكي همي
*
الشاعر الحسيني ظاهرالهليجي (استشهاد الزهراء عليها السلام)
رد الداره حيدر منكسر ظهره
يواسي زينب بدمعه عله الزهره
رد حيدر ينوح أمنل الدفن توه.
ولگه زينب عله امها بأه تتلوه
مسح راس العقيله وگلبه يتجوه
يگللها دفنت الطاهره الحره
يبويه الليله دافن بل گبر روحي
گلت ياروح ويه الطاهره روحي
وسف راحت ظمادي وبلسم اجروحي
حگي من انوح ودمعتي حمره
اجر گوه النفس والحيل يتهدم
انه الدافن حنينه وكلبي يتألم
يزينب فاركتها وفركه ما نلتم
شمعة بيتي هيه ومنتها السدره
يزينب وني يابويه عله الزهره
بعد هيهات لمج تحصل النظره
انا الدافنها توني وگلبي شيصبره
ادفنتها والمواجع بي مستعره
يبويه اشلون انام وامي مو يمي
ونته ادره يبويه بلوعتي وهمي
اخذني وخل انامن يم گبر امي
بلجن تهده عيني والگلب يبره
٥
الشاعر الحسيني ظاهر حبيب الهليجي
آه يا باب أمي لاذت بيك وتهشم ضلعها
آه يا باب لوحك الماله رحم زيد وجعها
آه يا باب اه يا باب
*
انه زينب والمعاتب بل دمع
ذكرياتي وياك لمن تندفع
ذكره بيها المحسن وكسر الضلع
شما أصد للعتبه گلبي ينصدع
آه يا باب الهسه صوره أبالي وتخيل وضعها
آه يا باب لوحك الماله رحم زيد وجعها
*
يل بقيت أرماد ئاذيت الدليل
خذت أمي منين أجيب الها مثيل
راح شوفي ويه دمعاتي التسيل
عل عمرها اثمنطعش ماظلي حيل
آه يا باب عينها جانت الي ويهل دمعها
آه يا باب لوحك الماله رحم زيد وجعها
مو ضلع امي الزجيه فاطمه
تدري بسمارك هشم ضلع السمه
والأرض رجفت عله امي أمألمه
هذه كله أمنل سقيفه المجرمه
آه يا باب أمي صرخت من ألم والله سمعها
آه ياباب لوحك الماله رحم زيد وجعها
*
يل بقه من امي آه الهسه بيك
الله للزهره تره يغظب عليك
لأن صرت أوياه ذاكه المعتنيك
من عصرها وهيه جانت ترتجيك
آه يا باب انت بسمارك حقد طفه شمعها
آه يا باب لوحك الماله رحم زيد وجعها
*
من اشوفك انه والميته سوه
اختنگ بل عبره ويشح الهوه
هيه هاي الذكره ما ألها دوه
فرگت أمي البيها دلالي انجوه
آه يا باب بيك صوره للذي بجفه صفعها
آه يا باب لوحك الماله رحم زيد وجعها
انت خليت بگلب زينب شجن
يل صرت وي السقيفه اهل الفتن
ذاك يسطر وانت بسمارك طعن
يعني وياهم جتلت ام الحسن
آه يا باب ذاك يدفع وانت بسمارك صرعها
آه يا باب لوحك الماله رحم زيد وجعه
الشاعر الحسيني ظاهر حبيب الهليجي (استشهاد فاطمة الزهراء ع)
قيله في الدار فاطمه قاله وأن
قيله في الدار فاطمه قاله وأن
*
ما نجامل عل حقيقه واجب انعيد المضه
واجب انفهم الخليقه عل رضه والمارضه
ومنهو خطط للجريمه وگال هل امر أقتضه
والدليل الزهره عنه لحد هسه غاضبه
نشرح الصار جور عباد الوثن
قيله في الدار فاطمه قاله وأن
*
الروايات اشكثرها والشرح عنها يطول
مو ضعيفه لا صحيحه وبرهنة اهل العقول
عل جره البضعة محمد فاطمه الزهره البتول
شلون هجموا عل وديعه ومارعوا اسم الرسول
طغمت اشرار جائو للقتل كأن
قيله في الدار فاطمه قاله وأن
*
مو صحابه بل عصابه حاطت الدار بحقد
واليقود الگال يهجر عن محمد مبتعد
ابنا صهاك وشراذم كلها بل شر تستعد
ناكر الهادي بغديره بعنجهيته مستبد
أظرمو النار بغضآ بام الحسن
قيله في الدار فاطمه قاله وأن
*
وهوه جان يصيح قنفذ خلي نارك تنشجر
احرگ الدار بأهلها وهذه لك مني الامر
مايهم من كان فيها صوته يصدح بل زجر
يدري بل كرار حاله مگيد بحبل الصبر
دار الاطهار محاصره بهل الفتن
قيله في الدار فاطمه قاله وأن
*
والاشد من هاي وأكثر هل جريمه المؤلمه
اباب من اجذوع لاذت بت نبينه فاطمه
من رفسها بغيض حقده ناحت املاك السمه
من أثر عصر الزجيه طاح محسنها بدمه
بصمة العار اول وثاني معاً
قيله في الدار فاطمه قاله وأن
الشاعر الحسيني ظاهر حبيب الهليجي (استشهاد الزهراء ع)
يل دافن روحك بجفوفك
ماظن حزنك الها يعوفك
عاش بعبره __ لجل الزهره
**
اليفگدله عزيز بيا عذر يقنع
ياصبر اليصبره ويكتفي بمدمع
وسنينه عگب محبوبه ماتنفع
لان الراح منه لا ولا يرجع
كل فاگد ملجومه اجروحه
مثل الفارک جسمه الروحه
ٱعظم اجره __لجل الزهره
**
يالوعه بدليله يا ألم ياهم
من هال التراب اهنا شف الدم
بعروگه عليها الموته يتولم
لأن جرحه جبير بعازة البلسم
ليث الغاب الليله صوابه
مايشفه ٱعله فراگ احبابه
وگلبه بحسره__لجل الزهره
**
علي طبعه كتوم و بل کلب همه
وعله فراگ الزجيه بين برسمه
مو بس هاي روحه فارگة جسمه
التطشره الريح صعبه الوادم تلمه
خلصها اسنينه بآهاته
برسومه أتبين مأساته
بگلبه الجمره__لجل الزهره
**
حبيب إيغسل بمحبوبه بل ونه
يناظرله ويشوف الموت اخذ حسنه
ويحفرله لحد بجفوفه ويدفنه
يعين الله علي ويصبره بحزنه
دافن اغله الناس الليله
زهرة عمره الهدت حيله
ناره موجره__ لجل الزهره
**
السؤال هناه لو نشدوه عن امهم
اولاده وعليها وشيجاوبهم
بياصيغه الفگد امهم يصبرهم
امهم فاطمه وعنها إشيريظهم
بيا جلمه يگلل الاولاده
وحيدر جرحه شح اضماده
ودع عمره __لجل الزهره
الشاعر ظاهر حبيب الهليجي (استشهاد الزهراء ع)
قال محَمد — والكل يشهد
في حق فاطم — أم أبيهاً
*
يدرون النبي الهادي كلامه بفاطمه الزهره
وهذا إلي أبد منهم كلامه محد ينكــــــــــره
يؤذيني الذي آذى الزكيه الطاهره الحره
فاطم بضعتآ مني اذن مابتعرف سره
والقوم تعلم — عنها وتفهم
تلك الزكيه — أم أبيهاً
*
رغم صحبة رسول الله حديثه الجان يقرعهـــــم
بل زهره لجن هما نسوا باجر يذكرهـــــــــم
بيوم المال ما ينفع ولا أولاد تنفعهــــــــــــــم
والله يبن إلي صار أويبينها مكايدهــــــــــــــم
تلك السقيفه — ند العفيفه
أسقوها سقمآ — آم ابيها
*
يدرونه يناديها أمي وهوه والدهـه
وآ ذوها بكثر حبه وصاروا صحبته ضدهـــه
من اول خليفه الهم فدك اول شواهدهـه
والثاني كسر الها ضلع والسطره البخدهه
القلب يسري — والعين تجري
من المصائب — أم ابيها
*
راحت فاطمه وهيه عليهم غاضبه اجمع
وللباري بمدامعها عله الهضموها تتضرع
گلبها من سقيفتهم ألم وآهات يتصدع
راووها مآسي وضيم منها جبال تزعزع
قد ألموها — من أضلموها
ذاقت عذابآ — أم ابيها
*
آهات الزجيه اهواي من الگوم تحويها
ضلع وباب والبسمار ذاك الي نبت بيها
والمحسن ابنها الطاح لسه العبره تجويها
باجر بل حشر حتمآ يم الباري تشكيها
فيها مأسي — تمحي الرواسي
من قومِ عادِ ـ— أم أبيهاالشاعر ظاهر حبيب الهليجي (استشهاد الزهراء ع)
قال محَمد — والكل يشهد
في حق فاطم — أم أبيهاً
*
يدرون النبي الهادي كلامه بفاطمه الزهره
وهذا إلي أبد منهم كلامه محد ينكــــــــــره
يؤذيني الذي آذى الزكيه الطاهره الحره
فاطم بضعتآ مني اذن مابتعرف سرهـــــــه
والقوم تعلم — عنها وتفهم
تلك الزكيه — أم أبيهاً
*
رغم صحبة رسول الله وحديثه البيها يقرعهـــــم
بل زهره لجن هما نسوا باجر يذكرهـــــــــم
بيوم المال ما ينفع ولا أولاد تنفعهــــــــــــــم
والله يبن إلي صار أويبينها مكايدهــــــــــــــم
تلك السقيفه — ند العفيفه
أسقوها سقمآ — آم ابيها
*
يدرونه يناديها أمي وهوه والدهـه
وآ ذوها بكثر حبه وصاروا صحبته ضدهـــه
من اول خليفه الهم فدك اول شواهدهـه
والثاني كسر الها ضلع والسطره البخدهه
القلب يسري — والعين تجري
من المصائب — أم ابيها
*
راحت فاطمه وهيه عليهم غاضبه اجمع
وللباري بمدامعها عله الهضموها تتضرع
گلبها من سقيفتهم ألم وآهات يتصدع
راووها مآسي وضيم منها جبال تزعزع
قد ألموها — من أضلموها
ذاقت عذابآ — أم ابيها
*
آهات الزجيه اهواي من الگوم تحويها
ضلع وباب والبسمار ذاك الي نبت بيها
والمحسن ابنها الطاح لسه العبره تجويها
باجر بل حشر حتمآ يم الباري تشكيها
فيها مأسي — تمحي الرواسي
من قومِ عادِ ـ— أم أبيها
الشاعر الحسيني ظاهر حبيب الهليجي (للسيدة فاطمة الزهراء ع)
رحلتي بدمعه وبعبره
وداعاً فاطمه الزهره
*
الله وياج رحتي وضلعج امهشم
حدر الگاع ما يبطل نزيفه الدم
وجرحج للحشر مولاتي مايلتم
عله أصحاب السقيفه لا ولايبره
وداعاً فاطمه الزهره
*
رحتي وريحت الدخان بثيابج
وبگلبج سعير النار من بابج
ولحد هسه دموعج تشكي بعتابج
والمحسن مصابه بداخلج جمره
*
غفت عينج غضب من ذاك اولهم
وذاك الي هجم عل دار صاحبهم
تظل مشؤمه للتاريخ سيرتهم
غايتهم نوايا السوء للعتره
وداعاً فاطمه الزهره
*
حرگوا بابج وبابج بقه قبله
عليه مكتوب كلا كلا للذله
اليريد الحق يقره وهوه يندله
وتاريخ المزيف ينتهي امره
وداعاُ فاطمه الزهره
*
ظلموج بقساوه صحبة المظهر
ولا راعوا أحاديث النبي الاطهر
المعروفه فدك موروثه للكوثر
اولهم اخذها وأتضح غدره
وداعاً فاطمه الزهره
*
وحگ حيدر علي يابظعة المختار
عهد يبقه الدمع لمصيبتج مدرار
وعله مصابج نخلي عل صدر آثار
الجفوف الأيد تبقه علصدر ذكره
وداعاً فاطمه الزهره
*
يظل ضلعج ألم بينه أعله طول البين
ماننساه للمحشر وحك حسين
وألج مهما نقدم احنه المقصرين
اشفعي بيوم نار الباري مستعره
وداعاً فاطمه الزهره
الشاعر ظاهر حبيب الهليچي ( استشهاد الزهراء ع)
يمه گلبي بل عبره انچوه
يمه صعبه اشتمه الهوه
يمه بعيني مذبوح الضوه
يمه
*
انه زينب وادعي ربي بهل مسيه
ويه روحچ روحي تطلع يل زجيه
وبگبر واحد يدفنونه سويه
والله بعدج عمري طشيته بديه
رحتي وانه ابقه بعبرتي
رحتي وانتي كلشي بديتي
رحتي جرحي ماصحله دوه
يمه
*
يل مشيتي والحزن حته بخيالي
يالحنينــه شلون بيتج يبقه خااـي
هل مسيه ودمعتي عگبج تلالــــي
يمه غير الموت بعدج ماحلالي
زينب يمه دمعتها دمه
زينب يمه حيل مألمه
زينب هيه والميته سوه
يمه
*
والله دنيه ابلايه أم ما تسوه كلشي
شلون افارگها التي بشرياني تمشي
ادعي الله بعد نعشج كون نعشي
من النحيب عيوني سالن وي رمشي
ياروح تبقه بعد أم الحسن
ياروح يعني ابقه ابلا وطن
ياروح گلبي بهموم ارتوه
يمه
*
اتشيب أمن الزغر كلمن تفكدُ امهــا
الوالده البتها مثل ثوب ويلمــهـــا
خلاف امها بعد المن تشكي همها
هيه بس الام تره اتحس بألمهـــــا
ونيت گلبي بلونه انصهر
ونيت بعدج وظهري انكسر
ونيت عمري دفتر ونطوه
يمه
*
صحت والعبره بدليلي وعيني تدمي
شتسوه ايامي بعد من راحت أمي
راحت الجانت سنيني كلها يمي
هيه روحي وفارگة هل الليله جسمي
آهات ذوبت حته العظم
آهات والله من گد الهظم
آهات جسمي بمصابج خوه
يمه
الشاعر ظاهر حبيب الهليجي (استشهاد سعيد ابن جبير)
منهاج الطف منهاجك ----- شيدته ابدم اوداجك
يسعيد وأصبح تاجك ----- دم الشريان
---
مظلوم وصبح نحرك ثمن حبــــك
شلت حب الحسين بروحك وكلبك
عاشك للشهاده واصبحت دربــــك
تعله بهل النهج مولاي يم ربـــــك
لا للحجاج وحكمه ----- دمك خط هاي الكلمه
نبراس وشع للأمه ----- دم الشريان
---
يا ثالث ذيبح وراسه يتكلـــــــــــــــم
نطق بأسم الجلاله واشتكه امن الهم
سعيد ابن الجبير وللفخر معلــــــــــم
نبع نحرك سليل الزود بتوســـــــــــم
ثبت تاريخه بنحره ----- مكصد للهايم گبره
وفاي الأبن الزهره ----- دم الشريان
---
امتلا گلبك يعالي الشان وتصــــــدر
على العالم عشكت المرتضى الاطهر
وثمن حبك هديته من دمه المنحــــر
هنيأ يا سعيد الجنه والكوثــــــــــــــر
نورك ساطع للتالي ----- كبرك شامخ ظل عالي
مهيوب ويبقى يلالي ----- دم الشريان
---
انثلم سيف الحقد يم منحرك يسعيد
عدت طف المواجد والروايه اتشيد
صرت مثل الحسين ابموقفه اوي يزيد
رسم صوره ثباته والزمان ايعيد
ذليت الطاغي وربعه ----- ولاهبت اسيوفه وجمعه
ويشهدلك رب السبعه ----- دم الشريان
---
هليله الك نهمل مدامعنـــــــــه
ذكرك يالحبيب حسين يجمعنـه
عهد مولاي الك تبقه مجالسنه
بحبك على المأتم والله عاهدنـه
مولاي بيوم امصابك ----- نادت بالحسره احبابك
حزنانه وكلهه ابابك ----- بدم الشريا
الشاعر ظاهر حبيب الهليجي (العسكري ع)
هاي المسيه كلها بعزيه لبن الزجيه
قيموا العزاء. قيموا. العزاء
،،،،،،
الكواكب والنجوم إعليه منفجعه
الك حته الارض يل عسكري تنعه
عظيم انته وألاهك خله هل رفعه
فرض مومستحب واجب الك دمعه
نسل النجابه كلها بمصابه. تبچي إعله بابه
قيموا العزاء. قيموا. العزاء
،،،،،،
حته الطير لمصابه بچه لجله
والاشجار چنها أدموع تهمله
يعين الله الامام الي فگد خله
ابوه العسكري پكلبه الحزن خله
يدوي نحيبه فاگد حبيبه. المهدي لهيبه
قيموا العزاء. قيموا. العزاء
---
محد بل بشر يصبر مثل صبره
عله الشافه وشهوده بهاي سامره
بمأسي من بني العباس كل عمره
السبب واضح لأن ذرية الزهره
كل المظالم. من الشراذم لن امه فاطم
قيموا العزاء. قيموا العزاء
---
لون ضيمك عله هل الناس يتوزع
تصيح الغـوث منه تجزع وتهرع
لچن انته الرضاة الباري تتضرع
شما زادت نوايب ليك ما تجزع
ماكو بصفاته صابر حياته. والحد مماته
قيموا العزاء. قيموا. العزاء
---
موج الماي ترجم نوحه لمصابه
والليله الهوه مخنوگ يم بابه
والتربان راسم دمعه بعتابه
للمات وغريب مفارگ احبابه
الشيعه تنعه صارتله دمعه الليله تودعه
قيموا العزاء. قيموا. العزاء
---
الشاعر الحسيني ظاهر حبيب الهليجي (العسكري ع)
مظلوم الحسن مظلوم بسامره رحل مسموم
****
طبگ جفنه بمرار وهم
من گد الهظم والغم
وچبده الي يخذمه السم
حيله أمنل ظلم مهدوم
---
رحل والروح بل احزان
من حقبة بني الشيطان
بسم چبده صبح قربان
مات وجرحه ضل ملچوم
---
عاشر من بني الزهره
موته پگاع سامره
مو مرم الف مره
ودلاله يفيض اهموم
---
خلف قضبان بلدمعه
وسجنه الحالته ينعه
ينوح الحاله والوضعه
يرحل والجبد مخوم
---
وليله الماطلع صبحه
باقي للحشر جرحه
ولا مره الامل لمحه
بصر وبداخله مظيوم
الشاعر الحسيني ظاهر حبيب الهليجي (للامام العسكري ع)
مفجوع. گلب الزهره
ودموع. تهمل حمره
*
للحضره اجت بل نوح متحزمه
لبنها العسكري المظلوم متألمه
بونين الفاگده والمدمع اتكلمه
تگله بداخلي يبني الك حسره
مفجوع. گلب الزهره
ودموع. تهمل حمره
*
سم جبدك احسه بجبدي واتلوع
ومثل ماجبدك اتكطع أنه اتگطع
بنحيب وآه والعبرات والمدمع
حسن يبني دليلي بي الف جمره
مفجوع. گلب الزهره
ودموع. تهمل حمره
*
بوطان المبغضه وقله من أيحب
صار الموت عندك يلحسن ارغب
لان كلها سنينك بيها تتعذب
من سجن السجن ماشايف الگمره
مفجوع. گلب الزهره
ودموع. تهمل حمره
*
يرد بيه مصابك يبني للمظلوم
بخيالي صورته من وذروه الگوم
وثلتيام عل غبره بلايه اهدوم
وعظامه عله الرمضاء مطشره
مفجوع. گلب الزهره
ودموع. تهمل حمره
*
مصابك أهون أمن حسين وايتامه
عله عياله ييمه حرگوا اخيامه
وبعد أكثر حوافر طحنت عظامه
ومات ومنحرم ماظايگ الگطره
مفجوع. گلب الزهره
ودموع. تهمل حمره
الشاعر الحسيني ظاهر حبيب الهليجي
يلمهدي اليوم حيلك مهدوم
بسامره اتنوح والدمع ادموم
آهاتك من تشكيها بس الله اليعرف بيها
يلمهدي اليوم يلمهدي اليوم
*
بمصاب العسكري هل الليله يم بابه
لفه المهدي ودمعته بعينه سجابه
بخياله انعاد ظلم الصار واسبابه
لبوه أونار صدره أعليه لهابه
بعينه الدمعات بصدره العبرات
مهدوم الحيل ونار الحسرات
جلماتك من تحجيها بس الله اليعرف بيها
يل مهدي اليوم يل مهدي اليوم
أنفاسه تلجمه والهوه مخنوگ
بصدره علمصيبه والگلب محروگ
وبعيونه الضوه كثر الدمع مبيوگ
المناحه للأبو من ابنه مثل الطوگ
يعيش الياويل ودموعه تسيل
يبقه أبلياه مايملك حيل
واهاته الي يحويها بس الله اليعرف بيها
يل مهدي اليوم يل مهدي اليوم
*
جم جرح ابجرح هليله تتذكره
من كسر الضلع حد يوم سامره
عشتهن لحظه لحظه وانت بلحظره
يا نار ابدليلك هسه الموجره
صرخات ايتام لودرب الشام
عايشها بنوح لونار خيام
نارك ياهو يطفيها بس الله اليعرف بيها
يل مهدي اليوم يل مهدي اليوم
ابوك احقاد صابوا جبدته بالسم
بمثل هل يوم وأنت تشوفه يتألم
البگه براسك مأسي ودوم ماترحم
جثيره إحباب فاگد أولها تتهظم
گلبك مجروح علظل مذبوح
فوك التربان والدم مسفوح
ايام الي تگظيها بس الله اليعرف بيها
يل مهدي اليوم يل مهدي اليوم
*
يل فاگد عزيزك الله الي يعينك
مظيوم وعله خدودك دمع عينك
ايام وليالي ماهده اونينك
عشتها بل مناحه سيدي اسنينك
ياراعي الثأر بخدوك صار
دمع التبجيه لجل الاطهار
لجماتك من ماضيهه بس الله العرف بيها
يل مهدي اليوم يل مهدي اليوم
الشاعر الحسيني ظاهر حبيب الهليجي (استشهاد رسول الله)
ياعلي هل الليله روحك هايمه
من دفنت الهادي ياراعي الحمه
*
يعينك الله يا أمير المؤمنين
من ترد الفاطمه بدمعة العين
ياعلي بوداع سيد المرسلين
سيدي الحالك بجت أرض وسمه
*
شحال گلبك من جفن عينه غفه
شحال گلبك من دفنت المصطفه
شحال گلبك والدمع ماظن كفه
ومن تشوف الدار وحشه ومضلمه
*
شحال لو نشدوا عليه سبطينه
بويه جدنه اليوم مامر بينه
شيقنع الليله الحسن وحسبنه
هنانه انفاسك اظنها الخاتمه
*
ياصبر من تدفن الهادي بديك
وهوه عينه ياعلي تدمع عليك
يدري بعده النايبه منهم تجيك
يدري بصحاب السقيفه المجرمه
*
يا مرار أتعيشه من بعد الابي
وانت المفارگ اخو مو بس نبي
تودعها وترد اظن دارك حبي
دموع عينك سيدي نزلت دمه
*
الشاعر الحسيني ظاهر حبيب الهليجي(أستشهاد رسول الله ص)
وحشه دنياي رد يمنواي
بويه لو أذن بلال تنفجع روحي
*
انه الزهره يبو الزهره الك نوحي
بلال أشما يأذن يلجم أجروحي
أسمك من يذكره تنفجع روحي
أحس دنياي بعدك للحزن توحي
ونة الليل تهدم الحيل
بويه لوأذن بلال تنفجع روحي
*
عليك أبكل اذان ادموعي تكطر دم
أشما يشهد بلال أبكل صله أتألم
أجر گوه النفس وگليبي يتخذم
عگب عيناك تراها الدنيه ماترحم
عايشه هموم حالي كل يوم
بويه لو أذن بلال تنفجع روحي
أخلصه الليل وانه دمعتي اتلالي
اعاتب بيك بويه وجنك أگبالي
واگلك يل عفتني ناظر الحالي
ادعيلي يعجل موتي يل الغالي
ارجه ملگاك وبقه وياك
بويه لو أذن بلال تنفجع روحي
*
أون أعليك والشهگه بأثر شهگه
مرني بطيف بويه أعليك مختنگه
احظنك حيل گد ما جانت الفرگه
ونذر عمري اطشه بساعة الملگه
ذابت الروح تدي الجروح
بويه لوأذن بلال تنفجع روحي
*
أحن وأشتاگ الك يامنبع الرحمه
أشيقنعهن عيوني أعليك متعلمه
تهيم الروح بويه أو ثوبك أشتمه
يبو الزهره عليك الزهره متألمه
جنحي مكسور دمعتي تفور
بويه لو اذن بلال تنفجع روحي
ختامآ يا رسول الله طلب منك
تدعيلي اموتن حته اشوفنك
وبلهفه حناني وشوگ احظننك
وأقبلهن اديك وحيل أشمنك
گلبي لهاب جن شمع ذاب
بويه لو اذن بلال تنفجع روحي
الشاعر الحسيني ظاهر الهليچي (استشهاد رسوله الله)
ألك مدمعنه ردد --- وداعا يا محمد
*
وداعا والدمع يلهج عله أمصابك
رسول الله ترانه أنعيش بطيابك
أحاديثك مناهج ألنه بغيابك
يريت اليوم كون التعزيه أبابك
والحزن يتجدد --- وداعا يا محمد
*
رزيتك والخميس أنعيشهه بكل يوم
يبو الزهره رحلت بدمعتك مهظوم
تناظر بالوجوه أتشوف بيهه أسموم
ما همهم مصابك بس علي مهموم
عليك وحيله ينهد --- وداعا يا محمد
*
تاريخ الحقد يشرح مأربهم
ألتهو بالحاكميه وهذا واقعهم
شريعتهم بنوهه من سقيفتهم
ومصيبه فاطمه أول مظالمهم
نسيل أدموم عل الخد --- وداعا يا محمد
وصيتك للوصي غصبوهه بالبهتان
خلافتهم شريعه موت مو قرأن
ذبح وأرهاب للأسلام ظل عنوان
مسيل الدم ثمن حقبتهم وللأن
بصرختنه أنتوعد --- وداعا يا محمد
*
عهدنه لئالك ولجلك مئاتمنه
نذرناهه فداء الكم مناحرنه
رضينه أنموت وما توكف مجالسنه
ويجي يوم بحظرتك ينعه منبرنه
بجمعنه ونلبس أسود --- وداعا يا محمد
*
يثرب بالدمع هليله والحسره
يبو القاسم جمر فكدك فلا يبره
شما طال الزمن بينه ألك عبره
تظل مستعره للمحشر يبو الزهره
وعدنه وأنته تشهد --- وداعا يا محمد
