1502
https://t.me/joinchat/UF5AXGXBiSOFDjfP خادم الحسين ش.عبدالزهراء الركابي. @Alhosene7
رئيسية/ ابا الفضل العباس عليه السلام 2024
ظهري انكسر يا ناس من ودعت عباس
عالشاطي عفته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
آنه الحسين ابن الوصي شايل محن ما تنحصي
وستقبلتها بصبري
اولادي ونصاري سوه. واولاد اخوتي بنينوه
كلهم اخذهم دهري
ظليت أكابر عالألم. بس من برز راعي العلَم
ضاع الهوى من صدري
لمن وگع عالمشرعه شفته وچفوفه امگطعه
هذا الكسرلي ظهري
يم جسمه طاح الحيل. اشبگته ودمعتي تسيل
ظهري لزمته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
ظهري انكسر لمن شفت. متكطعه جفوفه وصحت
يا بالفضل حاچيني
مطفيه عينك بالسهم. والثانية امغطيها دم
ياريت طفوا عيني
مو راح اموت أمن القهر. عباس سولف يا كمر
بلا اخو لتخلّيني
يا بالفضل حيلي انهدم. عباس اشيلك للخيم
لو تبقى شتوصيني
من طيحتك مهضوم وستوحدوني الگوم
گلبي فجعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
حاچاني بدموعه الگمر. يشبگني راد وما گدر
متگطعات چفوفه
مواعد اسكينه وعيلتك. بالماي اجيبه لخيمتك
ولجيّتي ملهوفه
بلا ماي اموت ولا ارد خليني عنهم مبتعد
يم النهر ماعوفه
بلا ماي ما ارجع عدل. عطشانه چم طفله وطفل
تنتظر جودي تشوفه
اعذرني خويه حسين. ما رد بلا چفين
لمن سمعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ودعني وبچه. انفاسه طلعن من حچه
وصّل سلامي لزينب
گللهه ما يرجع بعد. عباس مصيوب ابعَمَد
خل تصبر ولا تنحب
حامي الظعن گلهه انغدر. كطعوا چفوفه عله النهر
كبلج اخوج اتسلّب
گلهه الگمر وفّه العهد. بچفوفه وجروح الجسد
لطاري السبي يتعذّب
خادم ألك ممنون. وتعذرني زينب كون
بدمعي شبگته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ابوالغيره الكفو. مات وتركني بلا اخو
روحه اطلعت بحضاني
عباس ياخويه صحت ظهري انكسر لمن متت
وتشمّتت عدواني
شلون ارجع بلا هيبتك. مو تدري ختنه بخيمتك
ياخويه تتلگاني
تسألني عنك ونفجع. يخنگني ياخويه الدمع
وتعثّر باحزاني
من يوگع العامود تعرف يراعي الجود
ما ترجع انته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
وگعت الخيمه وعرفتك. زينب يخوها وندبتك
وينك يحامي ظعوني
انت الجبتني امن الوطن. براية علي وتحدي الظعن
تذكر ينور عيوني
من تهجم خيول وزلم. من يحمي ضعنك يا شهم
مو تدري ميرحموني
تقبل يراعي المرجله. نطلع سبي من كربله
وعدوانك يچتفوني
نمشي بسبي عالنوگ. تقبل نطب للسوگ
وجهي لطمته. وصبري فگدته
من ودعت عباس
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قصيدة ابا الفضل العباس عليه السلام
صلّى اللهُ على العباسُ الكفيل
_____
هذا ابوالغيره كفيل الهاشميه
طلعت وياه من طلع للغاضريه
هيبته هيبة علي حامي الحميه
قاهر العدوان صگّار آل اميه
اذّاها. وبچّاها. عالشاطي الزلم
بصولاته. وضرباته. يرجمهم رجم
والحومه. بعلومه. صاحت والنعم
عنده الحل بالشدد ماكو مستحيل
صلّى اللهُ على العباسُ الكفيل
_____
ابو راس الحار ما يرحم عدوّه
بنار سيفه چم بطل مات وتچوّه
خوّة العباس وكت الشده خوّه
ضامي گبل حسين بالطف ما تروّه
لعضيده سيف ايده. وحزام الظهر
ماعافه. وبچتافه. شال اكبر خطر
صد عينه. لحسينه. من طب النهر
ما أشرب گلّه والقدمته قليل
صلّى اللهُ على العباسُ الكفيل
______
كافل اخته زينب وحارس خدرها
ومن يجنّ الليل يتحوّل گمرها
يخاف حتى الهوى يم زينب يمرها
لاشك يگطعه ابوالغيره بأثرها
دلّلهه. وصار الهه. حمّاي واخو
وي زينب مايتعب. كفّال وكفو
وشحدّه يتعدّه. بوجوده العدو
وصّاه بيها علي حمّاي الدخيل
صلّى اللهُ على العباسُ الكفيل
_______
من تنخّت زينب بأسمه وتحزّم
اغضب العباس سل سيفه وتقدّم
سوه من روس آل امية بحر من دم
جيش امية بضربه من سيفه تهدّم
رد صايل. والعايل. داس بجثّته
لخيامه. وايتامه. تارس جربته
فرحانه. ولهفانه. اخته تلگّته
روّه طفال وحرم ماء السلسبيل
صلّى اللهُ على العباسُ الكفيل
_______
يبوفاضل احنه خدامك هتفنه
بحبك وبفعالك الحلوه انشغفنه
سيدي خدمتكم وحبكم شرفنه
بهالمجالس نرضي قائمكم هدفنه
ندعيله. بكل ليله. للمهدي الفرج
نشكيله. ونفديله. ارواح ومهج
مهدينه. متانينه. مبعوث الحجج
من يظهر تعتلي اصوات الأصيل
صلّى اللهُ على العباسُ الكفيل
سيد زيد الفحام
____________________________________
ميمر // شجاعة اباالفضل العباس عليه السلام
زينب اجت للعباس. جابتله جربه ورايه
..........
يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي
شده وصعب حلهه يكون إلا عله ايدك هايه
........
گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره
امن العلگمي املي الجود. ورَوي الطفل من مايه
.......
گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس
راية علي ترفرف دوم بچفوفك امعلّايه
........
سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان
طب للنهر يملي الجود دگ عالشريعه الثايه
..........
ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله
مو غايته يشرب ماي. يرضي الامام الغايه
.........
رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه
وخته العقيله تحيّيـه ما يخلف الهه حچايه
.........
گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه
سيد زيد الفحام
___''''______________________________________
رئسية للعباس عليه السلام 2023
جيت بلا عضيد وظهري مكسور
راح الچان درعي وللخيم سور
زينب كافلج راح
اخوي عله النهر طاح
راح الچان درعي وللخيم سور
......
إنه حسين لألهي فوّضت امري
تحمّلت المصايب كلهن بصبري
بس عباس من طاح انكسر ظهري
يزينب طاح حيلي وختنگ صدري
اول مره بسمي يصيح عباس
خويه حسين ألحگ هشموا الراس
زينب يختي من صاح
حيلي عله النهر طاح
راح الچان درعي وللخيم سور
........
سمعته يصيح ادركني يخويه حسين
صابوا راسي خويه وگطعو الچفين
احس حيلي انهدم ما يمشن الرجلين
النهر تيّهته ما اندل طريقه منين
عالصوت اركضت اعثر بلجدام
راح حزام ظهري وحامي لخيام
يزينب والسبي لاح
حيلي عله النهر طاح
راح الچان درعي وللخيم سور
..........
شسولفلج يزينب من رحت يمه
لگيته مگطّـع ومتغسّل ابدمه
عليـه خيل وزلم بسيوف ملتمه
طاح بلا چفوف اوذّروا جسمه
طحت يمه وصحت عباس ما گام
اشبگه شلون صدره مترّس سهام
دامي وينزف جراح
حيلي عله النهر طاح
راح الچان درعي وللخيم سور
...........
اگعدت يم راس اخوي واسچب العبره
نوبه براسه ابوسه ونوبه اشم نحره
يزينب راد يشبگني لعد صدره
شفته احتار لا يمنه ولا يسره
هذا اللي فجعني وهدّم الحيل
بچينه ثنينّه والمدمع يسيل
دمّ الغيره فوّاح
حيلي عله النهر طاح
راح الچان درعي وللخيم سور
............
ردت للخيمه اجيبه وما قبل يرجع
يگلّي شلــون ارد لزينب مگطّـع
اموت هنا ولا صرخة طفل اسمع
رجعتي وياك خويه ما بعد تنفع
سلّملي عله زينب گلها ميّعود
عباس انغدر لا راية لا جود
طايح والعدو ارتاح
حيلي عله النهر طاح
راح الچان درعي وللخيم سور
.......
يزينب راح اخونه والعدو تشمّت
وعلية ارجاس اميه وخيلها التمّت
بچت زينب على العباس وغتمّت
صاحت يابوفاضل اختك انهضمت
بس حسين ظل ويانه والناس
ضدنه تجمّعت انهض يعباس
جاوب والگلب ناح
حيلي عله النهر طاح
راح الچان درعي وللخيم سور
سيد زيد الفحام
__________________________________________
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بُويَه يُوجَعْنِي دِلِيلِي بْعَازِتَكْ
طَالَتِ هْوَايَه يَمُسْلِمْ غِيبِتَكْ
----------------------------------
خَلَّصِتْ كِلِّ السِّوَالِفْ بِالسَّهَرْ
وِانْتِرَسْ گَلْبِي يَبُويَه مْنِ القَهَرْ
كِلْ مِسِيَّه چَنْهَه بِعْيُونِي دَهَرْ
يَا حَبِيبِي هَاذَه حَالِ بْنَيِّتَكْ
----------------------------------
تْذَكَّرِتْ هَمِّ الْعِلِيلَه بْهَالْوَضِعْ
وِالدَّمِعْ أَصْبَحْ يِجُرْ فِيضِ الدَّمِعْ
فَرْگَةِ الْوَالِدْ هَضُمْ مَا يِنْجِرِعْ
وِانْحِنَه ظَهْرِي يَبُويَه لْفَرْگِتَكْ
----------------------------------
رَاحَ اظَلَّنْ صَابِرَه شْمَا مَرْ وَكِتْ
وَاحْچِي وَيْ رُوحِي يِرِدْلِچْ يَا بِنِتْ
كِلْشِي لَا أَسْمَعْ يَضَيْ عِينِي مِتِتْ
شْلُونَ اصُبْرَنْ گِلِّي تَالِي بْطِيحِتَكْ
----------------------------------
لُو رِدِتْ بُويَه عَلَى الطِّفْلَه تِمُرْ
خَافْ مَا تِعْرُفْنِي مِتْغَيْرَه شْكِثُرْ
شَيِّبَتْ بِنْتَكْ حَمِيدَه مْنِ الزُّغُرْ
فَاجِعَه وْحَلَّتْ عَلِيهَه غُرْبِتَكْ
----------------------------------
مَرَّه إِرْجَعْلِي أَوَدْعَكْ مِنْ صِدِگْ
خَلْ أَنَامِ بْحِضْنَكِ وْأَشْبَعْ شَبِگْ
حَتَّى لُو تَالِيهَه نِرْجَعْ نِفْتِرِگْ
يَا حِلِمْ بِعْيُونِي صَارَتْ رَجْعِتَكْ
----------------------------------
أَعْتِبِ وْمِنْ عَتْبِي أًرْجَعْ أَعْتِذِرْ
مُو سَهِلْ گَلْبِ الْحَنِينَه يِنْكِسِرْ
شُوگِي جَمْرَه مَا تِهِيدِ وْتِسْتِعِرْ
يَالْعِفِتْنِي رَاحَ امُوتِ لْشُوفِتَكْ
----------------------------------
#حميدة
#محرم_١٤٤٧هج
طِـلَـعْ مُـسْـلِـمْ لِلْـحَـرُبْ بِيمِينَه سيفَه
سِبْحَه بِچْفُوفَه الوغَه ايفُرْهَا اعْلَه كيفَه
صَاحْ مَحَّدْ يِدْنَه كِتْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
مِنْ طِلَعْ مُسْلِمْ خِطَبْ
دَمْدَمِ اِوْ زَمْجَرْ غَضَبْ
مِـنَّـه يَـازِلْـمَـه اِقْتِرَبْ مَيِّتْ يِرِدَّه
غَطَّتِ الرُّوسِ الزِلِمْ
هَالزِّلِمْ بَسْ بِالإسِـمْ
وَحْدَه مُسْلِمْ لِلْعِلِمْ وِ اهْوَايَه ضِدَّه
نِزَلْ وِ اتْوَسَّطْ هِتَفْ وِ ابْرُوحَه هِمَّه
الزِّلْمَه خَلْ يِدْنَه إلِيْ لو هُوَّه زِلْمَه
صَاحْ خَلْ يِدْرِيْ المَيدْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
هَاشِمِيْ عِرْگه اِوْ زِعَلْ
يَعْنِيْ موت الله نِـزَلْ
بِالحَرُبْ مُسْلِمْ جَبَلْ يِمْشِيْ اِوْ يِزَلْزِلْ
وِالـفَـوَارِسْ مَـا تِـهِـدْ
كِلْ مَنِ المُسْلِمْ يِصِدْ
ايْـدِزِّ الـبْصَفَّه اِوْ يِرِدْ بِالحومَه يِخْتِلْ
شَمَّرِ اذْرَاعَه اِوْ حِمَلْ وِ ابْدَمَّه غِيرَه
رُفَـعْ وَالله ابْصولِتَه رَاسِ العَشِيرَه
صَاحْ كِلِّ الحومَه بَامْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
مَا صِعَدْ مُهْرَه اِوْ هِجَمْ
مَا حِمَلْ دِرْگه اِوْ عَلَمْ
يَمْشِيْ رَاجِلْ عَالجِدَمْ بَرْضِ المَعَارَه
يِمْشِيْ ابَدْ مَا يِنْكِسِر
وِ الجَمَاجِمْ تِنْتِثِرْ
خَلَّه دَمِّ ابْكِلْ شِبِرْ دَايرْ مَدَارَه
أخَذْ شَمْرَةْ حَيْدَرَه ايْسَوِّيْ اليگُولَه
بَعَدْ يِفْنِيْ اليضْرُبَه بِالضَّرْبَه الاولَه
صَاحْ تَارِسْ عَزْمِيْ صَدْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
ارْتِكَزْ بِالسَّاحَه أسَدْ
اِوْ خَصْمَه مِتْحَيِّرْ گِعَدْ
الحَصَّلِ الشَّرْدَه شِرَدْ وِالبَاقِيْ مِهْتَمْ
حَـاوِلَـوا لَاكِـنْ عَـبَـثْ
هِجْمَوا اِوْ رِجْعَوا جُثَثْ
اشْگدْ كِتَلْ سيفَه اِوْ بِعَثْ بِيهَا الجَهَنَّمْ
هَدْ وِگفْ بِالمَعْرَكَه اِوْ خَصْمَه ايْتِخَتَّلْ
وَاحِـدِ الـوَاحِـدْ يِگِلْ رُوح انْـتَـه أوَّلْ
صَاحْ آنَه ابْزودِيْ نَصْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
مَا رِجَفْ گلْبَه العَدَدْ
لَاكِنِ ابْغَدْرَه بَعَدْ
وِگعْ بِالشِّبْچَه الأسَدْ حفْرولَه حُفْرَه
وِ ابْحَبِلْ خَصْمَه انْچِتَفْ
وِ الوَكِتْ بِيهِ اِخْتِلَفْ
العَمَّه حيدَرْ يَاوِسَفْ كافِرْ يِأسْرَه
لَاكِنِ ابْعَزْمَه دِخَلْ قَصْرِ الإمَارَه
نَادَه إنِّيْ مُسْلِمْ اِوْ إبْنِ الغَيَارَه
صَاحْ لِلعِزْ أفْدِيْ نَحْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
٢٥ / ٩ / ٢٠١٧ الإثنين
البصرة / المشراق
كرَّار حيدر الخفاجي
مقدمه مسلم عليه السلام
سهرانه الليالي. ودعيلك يغالي
ترجع بالسلامه. يالشاغلّي بالي
٠٠٠٠٠٠٠٠٠٠٠٠٠٠
عزيزة گلبك وروحك. حميده الدلّلتني هواي
أحله سنيني وأيامي. ايامي العشتهه وياي
يمسلم بويه وعيونك. لا ظل لا فكر لا راي
من يوم الرحت عني. ظلمه ابغيبتك دنياي
طولت السفر ليش. بعدك تدري ماعيش
ابچي وانحب عليك. حال الثَكلَه حالي
٠٠٠٠٠٠٠٠٠٠٠٠٠٠٠٠
كل ليله بصلاة الليل. ادعيلك يبويه تعود
دمعي وسبحت مصلّاي. ونجوم الليالي شهود
هم ترجع بعد للدار. وتفتح بابك المسدود
تكعد وكعد بحضنك ترجعلي الليالي اردود
بعدك ماكو راحه. بس دمعه ومناحه
طفله وفارگتني. ما تدري شجرالي
٠٠٠٠٠٠٠٠٠٠٠٠٠٠٠٠٠
كالو بويه للكوفه. رحت ونگطعت اخبارك
لا طارش ولا مرسال منّك يرجع لدارك
بين ظلوعي وبگلبي. تدوي وما طفت نارك
خذت آمالي وسنيني. وبقت بعيوني آثارك
يمسهّرني وينك مشتاگه لحنينك
مسلم ياهوى الروح. عن حالك سؤالي
٠٠٠٠٠٠٠٠٠٠٠٠٠٠٠٠٠
أهل الكوفة غدارين. ما عدهم وفه وإيمان
إلا القلّه من عدهم عدهم شيمة الصحبان
يمسلم لا يغدرونك. احذر من بني سفيان
ما عدهم وفه ولادين. هواهم يتبع الشيطان
حس گلبي بهضيمه. راح اصبح يتيمه
أهل الكوفة غدروك. واقع مو خيالي
٠٠٠٠٠٠٠٠٠٠٠٠٠٠٠٠٠٠٠٠٠
عمّي حسين ناداني. لاشكّ الخبر عنده
بويه بحجره خلاني. وعنك دمعتي تنشده
ظل يمسح على راسي ونزلت دمعته بخده
يعني اتيتّمت ويلاه. بويه وزادت الشده
مسلم يا حميده. ضحّه بدم وريده
هذا اني ابمچانه. ارعاج ابدلالي
٠٠٠٠٠٠٠٠٠٠٠٠٠٠٠٠٠٠٠٠٠٠٠
تكتل قصّة مصابك يابويه وسفك دمك
من سطح القصر للگاع. آمر تنرمي خصمك
مسلم بويه والاعظم. ينجر بالحبل جسمك
الله يلعن ابن زياد. وكلمن خانك وذمّك
مفجوعه بمصابك. مهضومه ابغيابك
طفله ويتّمتني. يا بويه شبقالي
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فايزي/ مسلم بن عقيل عليه السلام 2024
يا والدي ليمته انتظر عذّبني فرگاك
لا ميته حتى انسه الألم لا اكدر انساك
بويه يا مسلم. بويه يا مسلم
٠٠٠٠٠٠٠٠٠٠٠
مسلم يبويه تيتّمت لو بعدك بخير
بنتك حميده اتعذّبت ما عندي تفسير
ما ادري بيك بيا بلد ما ادري شيصير
بس ادري يا مسلم ابد ما ترحم اعداك
٠٠٠٠٠٠٠٠٠٠٠٠٠٠
ظليت اتاني عله الدرب صبح ومسيه
مسلم يبويه وكل خبر ما رد عليه
طفله وذبح گلبي الألم ما تدري بيه
اكعد ونام عله الدمع يابويه بجفاك
٠٠٠٠٠٠٠٠٠٠٠٠٠٠٠
بنتك حميده بياوضع مهدومة الحيل
أسأل عليك بكل وكت والمدمع يسيل
سهرانه عيني بغيبتك ما نامت الليل
دلّيني وين بيا بلد اتعنّه ولگاك
٠٠٠٠٠٠٠٠٠٠٠٠٠٠٠٠
كالولي للكوفه رحت بويه وتعنّيت
حيلي انهدم ياوالدي باللوعه حسّيت
يعني انغدرت بلا أهل بالكوفه ظليت
گوم آل اميه غدرتك متعطشه لدماك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا الخفت منه حصل ياوالدي وصار
بالكوفه غدروك العده وصلتنه الاخبار
وحدك يمسلم بالحرب قاتلت الاشرار
اول شهيد استشهدت والباري علّاك
٠٠٠٠٠٠٠٠٠٠٠٠٠٠٠٠٠٠٠
مسلم يبوبه ما طحت بالكوفه غدروك
مچتوف من سطح القصر للگاع ذبوك
واليفجع ويدمي الگلب بحبال جرّوك
ظليت أون وجري الدمع يابويه ونعاك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمة/ مسلم بن عقيل عليه السلام 2024
من عفتني./ عذّبتني/ بويه يا مسلم زغيره وشيّبتني
٠٠٠٠٠٠٠٠٠٠٠٠٠٠٠٠٠٠
يابويه بجروح الگلب. ظليت اتاني عله الدرب
موتدري عالطفله التحن. فكد الابو كلش صعب
أسـأل عليك بدمعتي. گالولي بديار الغرب
يا مسلم وحيلي انهدم. ودمع الحزن من دم يصب
بانتظارك / ظلمه دارك/ يمته ترجع عالهجر ما عوّدتني
٠٠٠٠٠٠٠٠٠٠٠٠٠٠٠٠٠
ذبلن عيوني امن السهر. وماردلي من عندك خبر
لشوكت احسب وننتظر يابويه مو طال السفر
ذبلت حميده امن الحزن. مو كافي موتني القهر
ذابن جفوني امن البچي. ومابيّن لشخصك اثر
حن علية/ ردّ الية / بويه ما تدري بغيابك موّتني
٠٠٠٠٠٠٠٠٠٠٠٠٠٠٠٠٠٠٠٠٠
حنّيت بويه لشوفتك. مو كافي طالت غيبتك
خنگتني ايام الهجر. يابويه ارحم طفلتك
مسلم يبويه تأخرت. والكوفه بس لا غدرتك
يلچمني گلبي امن الألم. حسّيت بويه بوحدتك
ماكو راحه / بس مناحه / حايره ومهمومه ياريتك شفتني
٠٠٠٠٠٠٠٠٠٠٠٠٠٠٠٠٠٠٠٠٠٠
وي عمي سرت بقافله. يابويه رحنه لكربله
لن طارش بنص الدرب. امن الكوفه جاي براحله
وحسين عمي ستوقفه. يابويه عنك يسئَلَه
عاينت نزلن عالوجه. دموع المصيبه الهامله
شفته يبچي / ودمعه يحچي / عمي يابويه وعرفتك يتّمتني
٠٠٠٠٠٠٠٠٠٠٠٠٠٠٠٠٠٠٠٠٠٠٠
ناداني عمي وليه رحت. يابويه وبحجره اگعدت
يمسح على راسي وبچه. يعني انت مقتول اعرفت
سالت دمعتي عله الوجه. يابويه يا مسلم صحت
آنه بمكانة والــدج. من گلي عمي اتصبّرت
بس حنيني / شد ونيني / بويه يا مسلم تمنّيتك خذتني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گالولي من أعلى القصر. ذبّوك اصحاب الغدر
وفيت بويه وما خنت لحسين ضحّيت العمر
لمن وصل لينه الخبر. ناح وبچه عليك شكثر
يا والدي واسمك خلد. وعند الله مضمون الأجر
سهّرتني / وفجعتني / للحزن والدمعه بعدك سلّمتني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية مسلم بن عقيل عليه السلام 2023
دوّرتك يغالي. بجروح الليالي
جاوبني القدر. مگطوع النحر
بجروح الليالي
........
بويه من يوم العفتني ما غفيت
انتظرتك لحظه لحظه ومااجيت
ودعتني وذاب گلبي من مشيت
طفله لكن من فراقك شيّبيت
دوّرت عنك يمسلم ما لگيت
لكن اشعر بالمصيبه ودم بچيت
اشتمّ بثيابك. وعيوني عله بابك
مرسوم الأثر. مگطوع النحر
بجروح الليالي
........
بويه مسلم مو سهل جرح الهجر
گتلي صبري ومانفع بيه الصبر
ليا وكت ابقه لقدومك انتظر
عُمُر ما بي انت ما ريده العمر
أندعيلك بالسلامه بكل فجر
من گلب محروگ دمه ومنكسُر
بشواگي وحناني. احسبلك ثواني
مكسور الظهر مگطوع النحر
بجروح الليالي
........
آنه يابويه حميده روحي بيك
يمته ترجعلي ونامن بين اديك
بويه دليني مكانك وانه اجيك
طفله ليل انهار اسأل بس عليك
من يوصّل دمعتي وحسراتي ليك
مستعدّه بروحي اوصل وفتديك
الطفله بلا ابوها. بيش يصبّروها
بالكوفه انغدر. مگطوع النحر
بجروح الليالي
........
ايّست لا خبر منك لا امل
غير ابوالسجاد عمي ماكو حل
سافرت ويّاه عسه بويه ولعل
عمي يلگيلي مكانك لو سئل
ساعه لن طارش اجانه ودمعه هل
سولف لعمّي شجرالك والحصل
امن الكوفه اجانه. طارش ولتقانه
عن مسلم خبر مگطوع النحر
بجروح الليالي
........
بحجره عمي حسين خلاني وقره
الفاتحه وعالخد دمع عينه جره
عظّم الله اجرج بمسلم تره
استشهد ونال الفخر بالاخره
آنه ابوج وانتي عندي مفخرَه
ياحميده وي بناتي امقدّرَه
مسلم بي حميّه. ما بايع اميّه
ضحّه وماخسر. مگطوع النحر
بجروح الليالي
........
فدوه ياعم والدي وكلّ العمام
المهم انت علينه خيمه يا امام
ياخذ بثاره الشهم حامي الخيام
عمي ابوفاضل شديد الانتقام
من سطح قصر التخاذل والضلام
بيا ذنب مسلم رمو جسمه اللآم
من طاح وتكسّر. گلبي وياه تفطّر
للدين انتصر. مگطوع النحر
بجروح الليالي
سيد زيد الفحام
______________________________&__&&&&
مسلم بن عقيل عليه السلام
غريباً واغريباه. شهيداً واشهيداه
يحگّ عله اليحب مسلم يون ويجري دمعاته
غريب وغدرته الكوفه وتهدّ الحيل مأساته
يشيعة حيدر الكرار واجب مسلم انذكره
سفير حسين بالكوفه وضحّه بدمه وبعمره
من سطح القصر يرموه شهيد وطاح عالغبره
من يوم الوگع لليوم ترف منصوره راياته
گبل ماينذبح مسلم سلّم عالغريب حسين
سلامي ياابوالسجاد يصيح ويجري دمع العين
لا تتعنّه للكوفه تغـدرك ياامــام الـدين
نهض من ساعته المظلوم لسفيره رد تحيّاته
على مسلم بچه المظلوم حسين واهله وصحابه
أقام المأتم لفگــده وتحسّـر گلبه لمصابه
ابن عمه وسفيره شلون يموت وماله طلّابه
على مسلم يون حسين تفتّ بگلبه حسراته
مسلم غدرته الكوفه سفكوا دمه وستشهد
على ابن زياد وصحابه مسلم بالحشر يشهد
واحد هوه والعدوان من كل صوب تتحشّد
يرمونه بحجر وبنار ثبت مازلزلوا ذاته
تخلّد مسلم بنوره مزار ومرقد انشوفه
كل عام اليجي لابد نوصل گبره ونطوفه
حب مسلم ثبت بينه نموت بحبّه منعوفه
نظل خدامه حد الموت ابد ماننسه وگفاته
الك يامسلم نجدد ولانه ونحيي ماساتك
نسير ابمنهجك خدام وترف علينه راياتك
نحبك ياسفير حسين يمن ذات السبط ذاتك
يمن كل شيعي يامولاي بحبك يلگه منجاته
يظل گبرك صرح شامخ مزار ومهبط الأملاك
بدل تضحيتك ودمك يمسلم خالقك جازاك
منارة گبرك التسطع باقي يرف عليها الواك
يظل يشهدلك القرآن وعليك تنوح آياته
خادم مسلم بن عقيل عليه السلام
سيد زيد الفحام
_____
رئيسية،، مسلم بن عقيل عليه السلام 2022
ادّه الرساله
غيره وبساله بالكوفه مسلم ثار
موقف ولائه.
خَطّه بدمائه. لحسين ابوالاطهار
..............
بزمن چان اليحب حسين ابواليمّه
يعذبونه بعذاب وينسفك دمه
بعث للكوفه بس مسلم ابن عمه
برساله ضد يزيد موقّعَه بأسمه
نهض مسلم غيور بهمّته وعزمه
وصل للكوفه مسلم يصلح بحكمه
مبايع امامه
دينه وكلامه. لبن النبي المختار
منهج وفائه
خَطّه بدمائه. لحسين ابوالاطهار
..............
خطب بالناس مسلم خطبه معروفه
بآلاف البشر غص مسجد الكوفه
قـرَه عليهــم كتابه وبيّن حروفه
مثل حيدر علي عالمنبر تشوفه
بعثني حسين الكم اجمع صفوفه
يريد انصار وكت الشده متعوفه
هذه كتبكم
بيها طلبكم گلتوله نبقى انصار
صك انتمائه
خَطّه بدمائه. لحسين ابوالاطهار
..................
ناس البايعت مسلم وبوالأكبر
وصل لثمنطعش الف العدد وكثر
لكن من وصل للكوفه راعي الشر
(عُبيد الله) اللعين الموقف تغيّر
طب قصر الاماره اوعـد وأنّـذر
بترهيب وطمع غر ناسهه وسيّطر
نكروا عهدهم
باعوا بلدهم. للظالم الكَفّار
مسلم فدائه
خَطّه بدمائه. لحسين ابوالاطهار
.................
اهل الكوفه خانوا مسلم وغدروه
ببن مرجانه قبلوا بيعته وطاعوه
مسلم ظل وحيد بلا سند عافوه
عكب ما بايعوا طر الفجر نكروه
يبايع آل اميــة ويعتــذر رادوه
لچن مسلم شهم ما گدروا يرغموه
يخضع محاله
اعـلن قتــــاله. ومابايع الاشرار
فخره وعطائه
خَطّه بدمائه. لحسين ابوالاطهار
....................
امن هل الكوفه بس هانئ وفي وماذل
عظيم الجاه هوه بمسلم اتكفّـل
ما عافه ولا عن طاعتـه اتبـدّل
لبن مرجانه ما جابه وقبل يُقتل
هانئ للوفه موقف فخر سجّل
لذلك وي سفير حسين عاش وحَل
طاهر حليبه
وافه لصحيبه. وما همّته الاخطار
مبدأ سخائه
خَطّه بدمائه. لحسين ابوالاطهار
...............
لوما حكمة الله وغايته وشانه
چان بسيفه مسلم يفني عدوانه
وچا ما سال دمه وطاح جثمانه
لچن مكتوب لازم يفدي ايمانه
وينصر ثورته بدم نحره ولسانه
سفير حسين مسلم صار عنوانه
ضحّه بحياته
لخاطر صلاته. وماساوم الفُـجّــار
حُبّه وصفائه
خَطّه بدمائه. لحسين ابوالاطهار
سيد زيد الفحام
___________________________________________
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة بحق ام البنين عليها السلام
تانيتكم ... يهل المحنة يالعميتوا عيوني
تانيتكم ... ام البنين ام الوفة اتعرفوني
لمن جفوني احبابي بس الهوة ايدكَ بابي
====================
محلاه چان البيت من تلتم الاحباب
لا اسمع بطاري الهجر لا اسمع غياب
الدنيا دارت وانچفوا ماي اعله التراب
مجروح گلبي ومن مشوا خزن ولا طاب
ناديتكم ... موحش البيت وبلكت اتسمعوني
ناديتكم.... بنص الگلب يا سلوتي صبتوني
ما اضن يبرة صوابي بس الهوة ايدكَ بابي
=======================
چندوب اگل للروح كافيچ تنوحين
باچر يجون من السفر بيهم تفرحين
طالت المدة وما رجع محبوبي الحسين
منتظرة لا هوة الرجع لا من نسواين
محتارة ... شنهي الخبر يهل الوفة خبروني
محتارة ... چم يوم سفرتكم تضل علموني
محد يردلي جوابي بس الهوة ايدكَ بابي
=======================
انشد عليكم يا هلي واتنطر اخبار
لاطارش المنكم رجع لا جيتوا للدار
ميتين لو عدلين مدري اشصار ما صار
يا يمة گلب امكم يضل ملتهبة بي نار
باحلامي ... گامت تخوفني من اشوف اطيوفكم
باحلامي ... ما ادري شنهي يالمشيتوا ظروفكم
من نومي افز لعتابي بس الهوة يدكَ بابي
========================
بالديرة عفتوني جسد من يوم الوداع
امشي وحگكم بس رسم ينشاف عالگاع
ما حسبت شمل الاهل يطشر بساع
روحي لجل روحك فدة يحسين تنباع
يوليدي ... من يوم روحتكم متت بدياري
يوليدي ... من حزني ليلي متصل بنهاري
حسبت خاب حسابي بس الهوك ايدكَ بابي
===========================
حسبات تاخذني و ترد يا يمة حسبات
يومية اودي اويالهوة الكم سلامات
حرمة وچبيرة لوحدي وشبعانة لوعات
محد يباريني ومشن عني العزيزات
تمنيتكم ... يمي وتطيب اجروحي ويرد لوني
تمنيتكم ... شلونچ ييمة اسمع اتنشدوني
شيبت حتى اهدابي بس الهوة ايدكَ بابي
==========================
أسألكم الدعاء رائد الاسدي
گعدية / ابا الفضل العباس عليه السلام 2024
وحدك امن الحرب رديت. خويه
ليش مكسور الظهر جيت. خويه
وين شيّال العلم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خويه من صوب الشريعه جيتنه ودمعك تسيله
محني ظهرك تمشي گوه. واحد ومهدوم حيله
وين ابو فاضل عضيدك. والعلم ياهو اليشيله
وحدك اجيت امن النهر
يحسين مكسور الظهر
جا وين عباس الگمر ما رجع لخته العقيله
وين حامي الظعن عباس. وينه
ليش تبچي دموع وحساس. وينه
راح اموت امن الألم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين يبن امي وحبيبي. ليش متجاوب علية
وين اخوك حزام ظهرك. وين سبع الغاضرية
لخيمة العباس رايح. ليش ياروح الزجية
مهضوم اخيي بدمعته
عالعيله وگّع خيمته
عباس طاحت رايته. راح ابن حامي الحميه
نكسر ظهري عله النهر صاح. يختي
ابوفاضل ما يـرد راح يختي
حيلي بمصابه انهدم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خل اسولفلج يزينب. يختي عن حامي الظعينه
من وصلته شلون شفته عله الشريعه امگطعينه
بالعَمَد مصيوب راسه. وبالسهم مطفية عينه
وچفوفه يختي مگطعه
وظهري انكسر من مصرعه
ظل طايح عله المشرعه. هناك ودعني بحنينه
يعتذر من عندج هواي. زينب
للخيم ما يرجع وياي. زينب
بالعَمَد راسه انهشَم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الج من عباس اخونه يختي يا زينب وصية
گلّي سلملي عله ختنه. الحيدرية الهاشمية
شلون ارد للخيمه وآنه. مگطعات ثنين ادية
گلّلهه وفّيت العهد
بلا ماي ما ارجع بعد
من گطعة چفوفي اشد. عالهزل تطلع سبية
مثل ابونه المرتضى انصاب. راسه
مات اخويه بحجري بصواب. راسه
رفض يرجع للخيم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
توجّهت صوب الشريعة. وصحت يا بدر العشيره
يالجبتني امن المدينه. بهيبة وبهيئة اميره
شلون تقبل يابوفاضل. عالهزل اطلع اسيره
آنه العقيله ام الخدر
تقبلها يحديني الشمر
لا والي عندي ولا ستر. حيره ما تشبهه حيره
عالهزل مسبية للشام. وسفه
تشوف زينب تالي ضلّام وسفه
هذا واقع مو وهَم
وين حمّاي الحرم
ليش مكسور الظهر جيت. خويه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تلث دگات
عالمشرعه العباس گطعوا يمينه
يازينب الوفاي راح امن ادينه
.....
يازينب بيا حال لمّن وصلته
متگطع العباس ياخويه شفته
حاولت اجيبه وگال خليني عفته
شلون ارجع بلا ماي لختي الحنينه
......
صدره انترس بسهام والنبله بالعين
الله يعينه شلون من طاح اخو حسين
يتلگّه بيش الگاع ما عنده چفين
راح وبعد هيهات يرجع علينه
......
ظل مستحي العباس ما يرجع وياي
چيه ردتّي منه الماي وتعذّر الماي
گلي اعتذرلي ومات من زينب هواي
آخر كلامه وياج وتفارگينه
......
گالتله خويه حسين وديني يمّه
مشتاگه للعباس خليني اشمّه
نتعاتب آنه وياه اگعد وكلّمه
من گطعو الچفين يعني انسبينه
......
گاللهه لو شفتيه اقسم تموتين
من خيمتج حاچيه ليث الميادين
بس عله كيف وياه لمن تعتبين
عتبج تره يأذّيه يختي الحزينه
......
صاحت يبوالنوماس جاوب عليه
ترضاها يا عباس اطلع سبيه
بت فاطمة الزهراء بين آل اميه
بديوان امية شلون ادخل رهينه
سيد زيد الفحام
''_'_
العباس عليه السلام 2023
شملي تشتّت كسروا ظهري
طاح عضيدي وشمعة عمري
يزينب راح ابوفاضل اخونه
وگع يم النهر غمضت عيونه
......
ادركني صاح عله النهر لمن سمعته
أوكع وكوم بلا وعي اركض وصلته
صاير وذر عالمشرعه بعيوني شفته
يازينب مگطّع كفيلج ما عرفته
راسه مهشّم نبله بعينه
روحي ادوّر عن چفّينه
تغيّر شكل اخوي وحته لونه
وگع يم النهر غمضت عيونه
......
حاچيته بدموعي وصحت انهض يعباس
لتخلّي اخوك بلا اخو يارفعة الراس
ظهره انكسر اسمع گمت تتشمّت الناس
جاوبني مو صدري اختنگ ما ظلت انفاس
وين چفوفك طاحن گلّي
فدوه لروحك روحي وكلّي
اخوي الما عشت لحظة بدونه
وگع يم النهر غمضت عيونه
........
عايفني مكسور الظهر بين آل اميه
من گطعوا چفوفك احس كطعو اديه
يابالفضل فگد الاخو اعظم رزيه
گلبي انجرح گبل الذبح ما تدري بيه
يمواسيني لآخر لحظه
ابقه محيّر ماظن ترضه
اليضمني بروحه وايحطني بجفونه
وگع يم النهر غمضت عيونه
......
حيلي انهدم ما ظل بعد للگومه هِمّه
ياضي نظر عيني انطفه والدنيه ظلمه
لو طاح اخوك عله الأرض منهو اليلزمه
حزام الظهر انت وطحت بيمن احزمه
ارجع وحدي شلون بدونك
ولو سألوني الينتظرونك
اگلهم گطعوا چفوفه الحنونه
وگع يم النهر غمضت عيونه
......
لوبيدي يختي عله النهر لا ما اعوفه
مني اعتذر يازينب واعرف ضروفه
سلّم عليج ويعتذر كطعوا چفوفه
للخيمه ما يرجع ولا نكدر نشوفه
ما يرجعلج كافل خدرج
لا تنخينه وصّه بصبرج
علي الثاني بقتاله يوصّفونه
وگع يم النهر غمضت عيونه
......
زينب بچت من سمعت حسين وكلامه
صاحت غيابك للسبي اول علامه
يابالفضل من يحمي زينب واليتامه
لو ذبحوا حسين العده وحرگوا خيامه
تدري بفكدك شيمر بيه
لو صاحولي يامسبيه
يجاوب گلبي من ايناشدونه
وگع يم النهر غمضت عيونه
سيد زيد الفحام
____'__________________________________
مقدمة ام البنين عليها السلام 2023
ماعوف اخوي حسين
حد گطعة الچفين
يايُمّه عهدي وياچ
........
أنه العباس يُمّه وبيدچ تربّيت
وفه وطيب وشجاعه منچ تغذّيت
وصيتچ ابقه خادم خامس اهل البيت
عد عينچ ابشري ولحظه ما زلّيت
يُمّه طمئنّي بهاي
لاخر نَفَس وفاي
يم النهر ألگاچ
..........
ربّيتي وتعبتي لخاطر الزهره
نذرتينه نذر لحسين ابو العتره
اعرف يُمّه ابنج وفهم النظره
نصير حزام ظهره ونمتثل امره
عبدالله يُمّه وعون
وي جعفر يسمعون
يايُمّه عد عيناچ
...........
صاحت والنعم منكم يبو النوماس
بنيني الاربعه بيكم اشيل الراس
اريدك تكفل اختك يبني يا عباس
زينب بت علي بأي حرّه ما تنقاس
اختي بآمان وياي
روحي ونظر عيناي
حطيني عد يمناچ
..........
أنه العباس يُمّه الأشجع بوكتي
اكفل زينب بدم رگبتي وبختي
قسم بالزهره امها الطاهره وانتي
اگص راسه بأديه اليقترب لختي
اكفل خدرها بزود
وچفوف اديه شهود
كلّ الفخر لرباچ
........
يم نهر الفرات اوفيهن عهودي
بالطف من اطب للمشرعه بزودي
دون حسين احامي وتوگع زنودي
ييُمّه وللخيم ما ارجع بجودي
اوگع على التربان
يم النهر عطشان
بجروحي ما انساچ
سيد زيد الفحام
____'________________________________
موشح للأنصار ع
انتو انصار العقيده وشانها
انتو امجاد الوغى وفرسانها
*١*
يارجال العزه والحق والثبات
يا أسود الغانمه ومعنى الحياة
كل أسم من ينذكر بالصلاوات
لون رادت تشتعل نيرانها
*٢*
ودارت المعركه بنيران وسهام
والأنصار الحرسو احدود الخيام
قدمو اعمار ومناحر والكلام
ترجمو أهل الوفه وعنوانها
*٣*
اول الاسماء قاتل بأقتدار
عاصب عيوني نزل والراس حار
والنعم منه برز شيخ الأنصار
ياحبيب الچان عزها وشانها
*٤*
اتقاتل وعالم فقه يابن خضير
وسيد القراء انته يا برير
بروح وحده تنزل انته وي زهير
والهوه انسد بوسط ميدانها
*٥*
ومسلم بهمه نزل بن عوسجه
من نزل للزمن گام ايحاججه
محد اتقدم ومن سيفه نجه
من توسطها ارتفع دخانها
*٦*
دارت المعركه واتفرج تعال
من تقدم بيها نافع بن هلال
والحسين ايشاهد بعينه الرجال
ياهو خان العشره ياهو الصانها
*٧*
شوذب وجون الرجل يم الرجل
ثابتين بمعركه ودگو رجل
الموت طوقهم مثل طوق الحجل
وشجرة المعركه همه اغصانها
*٨*
وآخر الانصار نازل مدري وين
مزگ اثيابه وصرخ ياسامعين
انه عابس انه مجنون الحسين
صوتي يوصل للسمه واعنانها
لاتنسون والدي وابني عباس من الرحمه والغفران
خادمكم رياض الرسل الجابري
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
صَبْرَاً صَبْرَا آلَ الزَّهْرَا
لِفَقْدِ النُّورِ هَادِينَا
صَبْرَاً صَبْرَا آلَ الزَّهْرَا
سَيَبْقَى خَالِدَاً فِينَا
وَحْيٌ يَصْرَخُ إنِّيْ أشْهَدْ لَاإلٰهَ إلَّا الله
مَسْمُومَاً قَـدْ مَاتَ مُحَمَّدْ لَاإلٰهَ إلَّا الله
ـــــــــــــــــــــــــــــــــــــــــــــــــــــــــــــــــ
صَـبُـرْكُـمْ يَابَنِي الـزَّهْـرَه
أضْحَى المُصْطَفَى ابْگبْرَه
مُحَمَّدْ رَاحْ صِعَدْ يَمْ صَاحِبِ القُدْرَه
ابْمُجَرَّدْ غَابْ هَادِيكُمْ
العُيُونِ انْفِتْحَتِ اعْليكُمْ
لِأنْ يِدْرُونْ أوْصَى المُصْطَفَى بِيكُمْ
وِ ابْكِلْشِيْ عِلِمْ عِدْكُمْ
تِعِرْفُونِ الِّذِيْ ايْضِدْكُمْ
نِسَوا كِلْ دِينْ وِ اغْتَالَوا مُحَمَّدْكُمْ
غِيلَ الهَادِيْ بِالأحْقَادِ
وَكَفُّ الغَدْرِ لَنْ تَخْفَى
شَرَّاً كَانُوا لَـمَّا خَانُوا
وَأمْـسَـى دِينُهُمْ زَيْفَا
كَمْ وَاشٍ فِيهِمْ كَمْ مُرْتَدْ لَاإلٰهَ إلَّا الله
مَسْمُومَاً قَـدْ مَاتَ مُحَمَّدْ لَاإلٰهَ إلَّا الله
ـــــــــــــــــــــــــــــــــــــــــــــــــــــــــــــــــ
مُحَمَّدْ مَا خِلَصْ عُمْرَه
لَوَنْ مَا فَاعِلَه اتْغِدْرَه
أمُرْ مَحْبُوكْ بُغْضَاً فِيْ بَنِيْ الزَّهْرَه
تِكَاتَفْ چَمْ شَخِصْ مُجْرِمْ
ابْـلِبَاسِ الـدِّيـنْ مِتْكَتِّمْ
كُفَرْ بِالله ابْگلْبَه اِوْ بِالإسِمْ مُسْلِمْ
ابْـأدِلَّه نِسْتِدِلْ وِ انْقُرْ
اِوْ نِتْحَدَّه الِّذِيْ يِنْكُرْ
مِنُو الِّيْ گالْ عَنِّ المُصْطَفَى يَهْجُرْ
تِلْكَ الكِلْمَةْ كَانَتْ نِقْمَةْ
فَشَرُّ القَوْلِ وَالقَائِلْ
جَهْلَاً قَالَا سُوءَاً نَالَا
فَلَا عُتْبَى لَدَىَ الجَاهِلْ
وَفُـلَانٌ ظُـلْـمَـاً يَـتَـمَـرَّدْ لَاإلٰهَ إلَّا الله
مَسْمُومَاً قَـدْ مَاتَ مُحَمَّدْ لَاإلٰهَ إلَّا الله
ـــــــــــــــــــــــــــــــــــــــــــــــــــــــــــــــــ
الله ايْعِين ابُوالحَمْلَه
أذَّتْ گلْبَه هَـالـمِـلَّـه
عَبِيد اصْنَامْ وَلَا صَلَّوا عَلَى القِبْلَه
مُحَمَّدْ مُرْسَلِ الأُمَّه
وَلَا حِضْرَوا دَفِنْ جِسْمَه
بُقَه ايْوَارِيه بَسْ حِيْدَرْ إبِنْ عَمَّه
عَجِيبَه اتْشَاغِلَوا أجْمَعْ
ابْخِلَافَه اِوْ بَيَّنِ المَطْمَعْ
خَلِيفَه ايْصِيرْ اِوْ مُحَمَّدْ بَعْدَه مَتْشَيَّعْ
يَالَـلْأُمَّـةْ خَانَتْ ذِمَّةْ
سَعَتْ لِلْحُكْمِ وَالجَاهِ
نَالُوا حُكْمَا ظُلْمَاً ظُلْمَا
عَلَيْهِمْ لَـعْـنَـةُ اللهِ
ذَا أمْـرٌ لِلنَّاسِ مُـؤكَّـدْ لَاإلٰهَ إلَّا الله
مَسْمُومَاً قَـدْ مَاتَ مُحَمَّدْ لَاإلٰهَ إلَّا الله
ـــــــــــــــــــــــــــــــــــــــــــــــــــــــــــــــــ
عَلِيْ لِلسُّلْطَه مَا يِحْسِبْ
عَلِيْ أكْبَرْ مِنِ الـمَنْصِبْ
يِهِمَّه الدِّينْ عَلَى الجُهَّالْ مَا يِعْتِبْ
تِرَكْهُمْ كِلْمَنِ ابْـغَيَّه
يِسْعُونِ الـمُلُكْ دِنْيَه
عَلِيْ الكَرَّارْ ضَمَانِ الآخِرَه ابْسَعْيَه
جِلَسْ بِالدَّارْ سَدْ بَابَه
اِوْ تِرَكْهَا بِيدِ الـذْيَـابَـه
مَا سَلْ سيفْ لِأنْ بَسْ أرْبَعَه اصْحَابَه
فَهْوَ الأعْلَى وَهْوَ الأوْلَى
وَأوْصَى المُصْطَفَى فِيهِ
لَكِنْ جَارُوا وَالـكَـرَّارُ
رِضَا القَهَّارِ يُـرْضِيهِ
فَالصَّبْرُ بِذَا حَتْمَاً يُـحْـمَـدْ لَاإلٰهَ إلَّا الله
مَسْمُومَاً قَـدْ مَاتَ مُحَمَّدْ لَاإلٰهَ إلَّا الله
ـــــــــــــــــــــــــــــــــــــــــــــــــــــــــــــــــ
بَعَدْ مَا وِصْلَوا اِوْ حِكْمَوا
عَلَى دَارِ النَّبِيْ هِجْمَوا
إجَوَا بِالنَّارْ اِوْ عَلَى بَابَه حَطَبْ لَـمَّوا
عِصْرَوا فَاطِمَه الزَّهْرَه
اِوْ كِسْرَوا ضِلِعْ بِالعَصْرَه
ألِفْ يَاحيفْ وِگعْ مِحْسِنْ عَلَى الغَبْرَه
اعْلَه خَدْهَا الزَّهْرَه سِطْروهَا
اِوْ حَمْرَه العين خَـلَّـوهَـا
تَرَه بِالسّوطْ يَويلِيْ النَّاسْ ضِرْبوهَا
يَــااللهُ وَاوَيْــلَاهُ
لِمَاذَا فَاطِمٌ تُضْرَبْ
دَمْعٌ يَجْرِيْ مَاذَا يَجْرِيْ
أتَبْكِيْ أُمَّهَا زَيْنَبْ
جَـمْـرٌ بِالأحْشَا يَـتَـوَقَّـدْ لَاإلٰهَ إلَّا الله
مَسْمُومَاً قَـدْ مَاتَ مُحَمَّدْ لَاإلٰهَ إلَّا الله
ـــــــــــــــــــــــــــــــــــــــــــــــــــــــــــــــــ
٢٨ / ١١ / ٢٠١٦ الإثنين
كرَّار حيدر الخفاجي
نزلة / مسلم بن عقيل عليه السلام. 2024
مسلم هذا وهاي اخباره
٠٠٠٠٠٠٠٠٠٠٠
حي مسلم لو ردت تشوفه
أطّـهّــر ودخل للكوفه
بعينك راح تصد معروفه
من گبته اتشاهد انواره
٠٠٠٠٠٠٠٠٠٠٠
ما مات الضحّه بدم راسه
عايش يبقه بفكره وناسه
ومسلم ثبّت بالدم ساسه
شتكول البحسين اختاره
٠٠٠٠٠٠٠٠٠٠٠٠٠
عن مسلم رايد برهاني؟
لا تسأل وجه السفياني
أسأل طوعه وأسأل هاني
يحجولك عن دينه وثاره
٠٠٠٠٠٠٠٠٠٠٠
ما طخ لبن زياد وحكمه
من اجل الاسلام واسمه
مسلم ضحّه بنحره ودمه
وذل جيش الكوفه ابّتّاره
٠٠٠٠٠٠٠٠٠٠
ما عاف حسين ولا باعه
باخطر موقف مسلم طاعه
هز عرش الظالم وتباعه
فرسان بمسلم محتاره
٠٠٠٠٠٠٠٠٠٠٠٠
ذَكّر خصمه بفارس خيبر
ظل يحصد برگاب العسكر
يم مسلم يكرب من يگدر
يكطع راسه ويهدم داره
٠٠٠٠٠٠٠٠٠٠٠٠٠
ما يوكع لوما يغدرونه
مسلم مچتوف يهابونه
من قصر الظالم يرمونه
ما مات تخلّد بفكاره
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ مسلم بن عقيل عليه السلام 2024
لا اخشى سيفُكَ فالتعَلَمْ يبنَ زيادْ
فأنا مسلم لذوي الكُفرِ لا انقادْ
لحُسينٍ روحي وديني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنه الهز عرشك بسيفه ورعب اسمه
سفير حسين آنه وآنه ابن عمه
مسلم آنه زلمه ومن ظهر زلمه
ابد ما خاف منك احجي بالهِمّه
لا اخضعُ لكَ يبنٓ زيادٍ لا اخشاك
فأنا من عُشّـاقُ حُسينٍ اتحدّاك
إن تَقتُلني يُحييني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا جيشك يهمني ولا كُبر قصرك
اقدم دم وريدي ولا اطيع امرك
يهودي وناصبي بافعالك وفكرك
عشت بالذلّه يبن زياد كل عمرك
إن تَقتُلني فأنا الفائزْ والمنصورْ
تفنى يبنَ زيادٍ وانا ابقى نورْ
فرِضى ربِّ يكفيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اميرك طاغي فاجر كافر ومرتد
واميري حسين ابن المصطفى الامجد
اليطيع حسين لاشك اسمه يتخلّد
أنه مسلم سفيره وبالولايه اشهد
لا اغدُرُ رَيحانَةُ طه لا واللهْ
عهدُ حُسينٌ عهدُ مُحمّد روحي فداهْ
بحُسينٍ زادَ يقيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يگلّه شهالشموخ البيك ما خايف
مثل وگفة اسد بين الزلم واگف
أنه ابن زياد اخيّرك بالك تخالف
تبايع لو تموت بموقفك عارف
لا يبنَ زيادٍ ليَزيدٍ لن اختار
الموتُ ولا ذُلُّ النفسِ وثوبُ العار
مكتوبٌ ذا بجبيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اضحّي بروحي وبدمي لبوالسجاد
ولا أخضع وعيش بذلّه يبن زياد
حيـاة بلا ابـوالأكبــر فلا تنـراد
اموت بسيف بس عايش بالاستشهاد
لنْ تَمحوَ ذِكِري يا ظالمْ سعيُكَ ضالْ
سَيُخلُدُني الموقفُ هذا للأجيالْ
مَن مثِلُكَ لا يُغويني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا تقتلني مو مرّه الف مرّه
من حسين ابد هيهات اتبرّه
كل قطره بدمائي تعشكه كل ذرّه
ابن عمي وامامي حسين ابوالعتره
ستموتُ واحيى بدمائي حينَ تَسيلْ
فأنا رَبيبُ عليٌّ عمي وبنُ عقيلْ
اصبرْ واللهُ مُعيني
جبروتكَ لا يُثنيني
فأنا مسلم لذوي الكُفرِ لا انقاد
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة. مسلم بن عقيل عليه السلام 2023
يمسلم. مصرعك اذاني
يمسلم. ابچي دم خلاني
.............
وصلت اخبارك يبويه بالدرب من جينه
الناعي وي عمي يسولف عمي دمعت عينه
يعني لاشك انت ميت والخبر ياذينه
گتله ياعمي اسالك وينه مسلم وينه
يمسلم مصابك البچّاني
يمسلم. ابچي دم خلاني
.............
گلّي يا بنتي حميدة آنه ابوچ ابداله
والدچ نال الشهاده الله يدري بحاله
المات لجل الدين اسمه كل زمن يتعاله
مسلم الغالي مكانه غيره محّد ناله
يمسلم. دمك بشرياني
يمسلم. ابچي دم خلاني
.............
بياذنب مجتمعه كلها ضدك اهل الكوفه
صدگت من گال هسه بالغدر معروفه
وحدك وجيش آل اميه حاوطك بسيوفه
قاتلت وحسين عمي اقسمت متعوفه
يمسلم. موتك بوجداني
يمسلم. ابچي دم خلاني
...............
آه يا مسـلم يبـويه رادو يأذّونك
من سطح قصر الاماره للأرض يرمونك
بويه وبحبل التخاذل گامو يسحبونك
الله يلعن آل اميه عجزوا يذلّونك
يمسلم. موقفك ربّاني
يمسلم. ابچي دم خلاني
.............
دمي گام يفور بويه من عظيم صوابك
طفله لكن شاب راسي من مرار مصابك
راح اضل للموت بويه ابچي دم بغيابك
شلون اهيد وانت عني مندفن بترابك
يمسلم. منظرك اضناني
يمسلم. ابچي دم خلاني
.............
يتّمتني وذاب گلبي لا تظن مرتاحه
مثل طير وطاح بالبر والكسر بجناحه
بويه واليفگد عزيزه ما تطيب اجراحه
واني من يوم الفگدتك فارگتني الراحه
يمسلم فگدك الأعياني
يمسلم. ابچي دم خلاني
سيد زيد الفحام
___________________________________________
مقدمه مسلم بن عقيل عليه السلام 2023
زلمه ومن ظهر زلمه
سجّل موقف ابدمه
لحسين وخلد اسمه
........
هذا مسلم تشهد بفضله الروايات
رابي عالعز والشجاعه وطيبت الذات
ما يبايع ما يساوم طاغي هيهات
المات ابن مرجانه لكن هوه ما مات
مسلم باقي للتالي
ضحّه بمنحره الغالي
دون حسين ابواليمّه
...........
بوكت چان اليعترص عالظالم يموت
نهض مسلم ضد يزيد وصاح هالصوت
آنه ويّه حسين ما يحكمني طاغوت
الهاشمي ما يذل نفسه دومه مبخوت
مسلم ما يطخ راسه
حب العترة بنفاسه
عالحق ما يزل جدمه
..........
منزلة مسلم عظيمه شگد چبيره
ختاره ابوالسجاد مبعوثه وسفيره
من دخل للكوفه يعلم عن مصيره
يضحّي نفسه ويثبت بگلبه وضميره
لحسين السبط وفّه
للذل ما يمد چفه
من عزم النبي عزمه
...........
بليلة وحده الناس عافت مسلم وحيد
من ابن مرجانه خافت تبعت يزيد
نهض مسلم صاح للذل ما امد ايد
احنه غير حسين والي علينه مَنريد
كلها تحالفت ضده
بس هاني وفه بعهده
صاحب وفّه بالكلمه
.........
زلزل الكوفه بقتاله وشردت الناس
اليقترب يم سيفه يوگع فاگد الراس
يرهب بطوله وجماله چنّه عباس
چم بطل بقدام مسلم عالثرَه انداس
لوما بالغدر ما طاح
حالف يقبض الأرواح
حيّر بالحرب خصمه
...........
حاطو بمسلم حسافه وتالي غدروه
لقصر ابن مرجانه ينزف دمه ودّوه
من سطح قصر الاماره العالي دفعوه
استشهد ونال الكرامه وما يذلّوه
روحه ومنحره وعمره
فدوه لوالــد العتره
محبوبه وابن عمه
سيد زيد الفحام
__________________________________________
نزلة .... مسلم بن عقيل عليه السلام 2022
زلزال. مسلم ضرب بيها
زلزال. الكوفه وضواحيها
.........
هاشمي وسل سيفه. والحرب تكليفه
مـن اميّــة قـرر. ألا ياخذ حيفه
ذل اميّة وهانها. بسيفه ذل فرسانها
ظل يحز برگابها. ونهزم شيطانها
هذا مسلم للحرب شد حيله
وطوعه بدموع الحزن تدعيله
من علي الكرار ماخذ صيته
ذل زلم عسكر يزيد وخيله
لو صال. عدوانه يفنيها
زلـزال. الكوفه وضواحيها
...........
واحد يشوفونه. عسكر يوصفونه
بس جثث خلّاها. والغضب بعيونه
الكوفه وهل الكوفه. ختنگت منچفوفه
زلم تردم خيلهه. اطشّرت من خوفه
الزلم لو شردت ابد لتلومهه
مسلم بسيفه خنگ زردومهه
وصلت اخباره لبن مرجانه
وخاف منّه وماتكلّم يومهه
لو گال. كل كلمه يوفيها
زلزال. الكوفه وضواحيها
............
طوعه ما تنساها. صولته عله عداها
بجيش امية وخيله. مجزره سوّاها
مسلم يحز راسه. القائد وحرّاسه
واليخزره بعينه. يختنگ بنفاسه
عاشت ايدك شدها صاحت طوعه
چفّك عله ارگابهــم مطبوعه
ذكّــرتنــي بحيدر وافعــاله
خَلّه خوفه بآل امية ولوعه
چتّال. مرحب براضيها
زلزال. الكوفه وضواحيها
.............
صاح ابن مرجانه. يوبّخ بفرسانه
ما گدرتوا لواحد. ها كثر اذّانه
وشتظن گالوله. ينچتل بسّهوله
هذا مسلم هذا. والله ميّگدروله
هاشمي ونار الغضب بعيونه
جيشك الآلاف ما يثنونه
إلا شي واحد يبن مرجانه
غدر لازم مسلم يغدرونه
لا زال. ضرباته تچويها
زلزال. الكوفه وضواحيها
............
ما خضع للظالم. ما تعب لا ساوم
عجزوا يلاگونه. هذا هيبة هاشم
الغوث صاحت كلهه. ارجالهم جندلهه
بسيفه هزّ الكوفه. والأرض زلزلهه
والله لوما ينغدر يفنيهم
آل امية الدنيا ضاگت بيهم
الگاع غطّاها بمسيل ادماهم
بس جثث تنزف دمه مخلّيهم
اجيال. تـذكــر مآسيـها
زلـزال. الكوفه وضواحيها
@zaidzai
سيد زيد الفحام
_______________________________
مقدمة،، مسلم بن عقيل عليه السلام 2022
دلّيني عن مكانك
روحي شتهت حنانك
مشتاگه اشبگك من ترد بثنين ادية
...........
يالعفتني وسافرت سفره البعيده
واليظل مجروح يادمعة التفيده
صعبه بويه الطفله من تبقى وحيده
تيتّمت من بعدك وحزنت حميده
مسلم يبويه وينك
ياليتّمت بنينك
يابويه روحي تنمرد كل مغربيّة
............
بويه تدري الطفله تتعلّق ببوها
لو تركها وراح بيش يعوّضوها
صبّروني ونار گلبي ما طفوها
تچوي نار الفرگه بضلوعي نسوها
جرح اليتم سباني
احسب وعِد ثواني
منك يمسلم كل خبر ما رد الية
...............
اصبر بياحال وانت بعيد عنّي
طفله وجروح اليتم بعدك سبنّي
لا دموعي النفعت ولافاد ونّي
ظنّي ترجع للمدينه وخاب ظنّي
ليلي ونهاري ادعي
ترجعلي ويكف دمعي
خوفي عليك امن الغدر غدر آل امية
................
المن اسأل حايره وينزاح همي
بويه لن صوت الحبيب حسين عمي
قتربي يبنيّتي حميده وگعدي يمي
بويه گلبي انجرح لمّن صاح بسمي
مسلم أنه ابّـداله
اجر الشهادة ناله
بالكوفه غدروا والدج هاي المسية
.............
بويه گالوا من رحت للكوفه وحدك
لا عمام ولا اهل لا اخوه عندك
غدروا اهل الكوفه وبيك وشاع مجدك
سيوف ورماح ونبل والناس ضدك
لوما الغدر اعرفك
محّد يلاوي چفك
وارث شجاعه من علي حامي الحمية
................
بويه من قصر الاماره طاح جسمك
نكسرن عضامك يبويه وسال دمك
تواسي ابواليمه بمصابه جان حلمك
بويه واسيته ونصرته بگاع خصمك
بعدك صرت يتيمه
من زغري ياهضيمه
قربت ليالي الفاجعه بالغاضرية
سيد زيد الفحام
_________________________________________
قصيدة بحق السيدة ام البنين عليها السلام ( طور اهوازي)
هاي ام البنـــين اتلوج زايد عالــولد ونها
ظلت بس تدير العين بالموت انگطع ظنها
آه يحسين يا يمة آه يحسين يا يمة
=======================
ابن ادم من يجيه الموت ويوصل لاخر انفاسة
اعزازة بكل حـــزن تنعاه تــلتم كل هلة وناسة
هذا ايحبة ذاك اينوح هذا اليبچي يم راسة
تلوج ام البنين اشلون غـــياب الــولد عــــنها
آه يحسين يا يمة آه يحسين يا يمة
========================
يمها بس علي السجاد يون وينحب اعليها
يطيبة ام الوفة والطيب صعبة الفرگة تدريها
تمنيت الابو موجود يشوف الربتة شبيها
العين ادير يمنة شمال تدور اعله الابو چنها
آه يحسين يا يمة آه يحسين يا يمة
==========================
العدها بنية وكت الموت بـــيديها تنگط الماي
زينب ماهي يم عباس يمچ وانتي ادرة بهاي
ربيتي وتعبتي سنين وتالي اوحيدة بس الداي
يحسين الحكَ تنادين امك يبـــــني چــــفنها
آه يحسين يا يمة آه يحسين يا يمة
===========================
عزيزتكم يا ال البيت اجت ليكم تلگوها
گلبها امجرح ومحزون بوجه حسين داووها
خلها اتحبة واتشم بيه تشبع شوف خلوها
شبعت ضيم لمن راح فلا مرة ضحك سنها
آه يحسين يا يمة آه يحسين يا يمة
==========================
شفتي من الزمان اهوال اذية شگد تحملتي
الله اطاچ خـــير هواي باب لرحــمتة صرتي
نطلبچ طلبة يم عباس بجاه الي عليه نحتي
يعــــجل للإمام الغاب ربـــنا وتنفــرج لنها
آه يحسين يا يمة آه يحسين يا يمة
========================
اسالكم الدعاء رائد الاسدي
★ أبوذيات ونواعي متعددة لـ أم البنين ★
بظيمه البين يا وسفه ..عداني
وطير السعد من عاده ..عداني
وخله البشر فرحانه ..عداني
أنوح الأربعه الراحو سويه....
✍🏻#ام_فاطمة_الزهراء
احس ضلوعي يمه حسين ..لاجن
لحظات الموادع ريت ..لاجن
عليه شلون يبني الليل ..لاجن
والگه الدار من طولك خليه....
✍🏻#ام_محمد_الحجاج
لبو اليمه دمـع الجفون ..وشلن
ركد حيلي وكل اعضاي ..وشلن
ياریت ولعنــد احداي ..وشلن
ويدفنوني قبل هاي الرزيه....
خلصن
شلن
اشيلن يشيلوني
✍🏻#ام_عباس_الحسيني
بالدلال أحسهم ..من يلمني
(ألم)
أنه امن ابچي عليهم ..من يلمني
(يلومني)
عگب حضن الغوالي ..من يلمني
مشو عني بعجل كلهم سويه....
✍🏻#ام_مهدي_الفرطوسي
••❥••━━━━••❥••━━━━••❥••
★ نصاري.. عاشوري.. زريجي.. جنوبي.. وغيرها من الأطوار الشعبية ★
ونيني هدم اركاني وعماني
مافاد الصبر والهم دهاني
علم الأربعه لمن لفاني
سهم بحشاي صوبني ورماني...
✍🏻#ام_فاطمة_الزهراء
يمه اوداعت الله يهالماشين
وسباح الگلب آ يبني يحسين
وصيتي للكفل ينطيك چفين
ومنه الروح ينطيها هديه...
بروحتكم ردتها روحي تروح
ولا طول العمر أگضيها بالنوح
ودلالي يضل مليان بجروح
تضل صبح ومسا عيني جريه...
✍#علويه_ام_فاضل
••❥••━━━━••❥••━━━━••❥••
★ مجاريد .. عاشوري .. ★
سباح الگلب يحسين يبني
اوداعك يبعد اهلي شعبني
دهري بيش يايمه طلبني
دارت دواليبه وغلبني
ماشين يمه وآنه اظلن
المن اظل بدارك المن
بس تمشي يبني عيوني يعمن
✍🏻#ام_محمد_الحجاج
يمه اوداعت الله يالمشيتو
بحالة امكم مادريتو
وبيهه ابد ماحسبيتو
افراگ الولد ياخلگ چتال
يشل الگلب ويبهذل الحال
حمله ثگيل بثگل الاجبال
✍#ام_مهدي_الفرطوسيه
••❥••━━━━••❥••━━━━••❥••
★ نعي وزن الدارمي ★ ممكن يقرأ بلحن ((ياابن امي عالتربان عفتك رمية)) وأطوار أخرى
افراگك يبو السجاد هدملي الحيل
والديرة وحشة تصير لو چلچل الليل
راحل يبعد الروح والسفرة. كلفه
الفارگ اعزازه شلون بجروحه تشفه
ارويحتي الفرگاك يلهب. جمرها
بعدك يماي العين ياهو. اليمرها
فدوه الك هاي الروح وولادي كلهم
من سنين الك يحسين نذريته دمهم
من هل درب يحسين يرجف دليلي
للطف لون اتروح. ماظن. تجيلي
ماظنكم اتعودون يكلف سفركم
وهذا الدهر هيهات ليه. يردكم
ماظنكم اتردون. يعزازي. اليه
ابهذا الدرب حسيت يمه. المنيه
✍#ام_زهراء_الزيداويه_البصراويه
••❥••━━━━••❥••━━━━••❥••
★ طور سامحيني ★
ودعوني -- ودعوني
حَملو وگليبي يسعر بالگلب نار
ودعوني -- ودعوني
ولضعنهم تربي عيني من مشى وسار
ودعوني -- ودعوني
راحو وخلو عليهم تبچي الدار
ودعوني -- ودعوني
وانهدم حيلي وفكري مني احتار
✍🏻#ولائـية_وافتـخر (دعاء العامري)
••❥••━━━━••❥••━━━━••❥••
#تـمت_بـأقــلام ✍🏻✍🏻
⚶مجموعة شاعرات أهل البيت⚶
لانجيز حذف اسماء الشاعرات
⏪تأسست المجموعة ٧-٢-٢٠١٨⏩
نشر قصائد حسينيه العلويه ام حيدر
💫