2257
عيشني غربة خيمة بالطف وانته بحلالك ادره واعرف ( ح 💔 سين ) 🍃 للتواصل معرف الشاعر @krrarllmy
ارواگ خيمتنه احترك يالغالي
وطبت اعلينه زلم من تالي
الامس ما انشاف من اي واحد
هسه اشوفن كاتلك وگبالي
يحسين مليت الشتايم والسمعته هوايه
والهاضمتني ادوس وادم شفت فوگ الرايه
تغيشت من المستحه جا وين دگت الثايه
يحسين علعباس اعز من عندي المسنايه
وين نايم ..... اختك بنص چول تفتر
وين نايم ..... موش الي يحسينه البر
وين نايم ..... وتفتر اعلينه السكارى
وين نايم ..... الحگ اختك كون تگدر
.............................................
ابحرگت الخيمه جنت جوه انه
وطاح كل ارمادها فوگانه
انجويت وما گلت لاي واحد
والكاتلني يصيح هاي افلانه
باسمي صاحت زلم تدري اعله الهواشم كلفه
مره بالخمسين عمري واركض واتحفه
وانهطر بالگاع حيل واعيون وادم صلفه
دست چم جمره بركضتي وثغبتلك وسفه
گوم باوع ......تقبل انه بسوط انطگ
گوم باوع ..... لچف اديه ابيش شبگ
گوم باوع ..... الحبل مو مال اوادم
گوم باوع ..... بالهوه الاشتمه اشهگ
..............................................
ريحت حرگ يحسين صارت بيه
وتبين امشيتها المچويه
دورت وينك ردت اكلك باوع
اشلون اجيت اتچه فوگ ارقيه
مادري خليت ايدي فوگ امتونها وصاحت اخ
وباوعت ايدي كلها دم بالجرح مريت وطخ
بذني شتايمهم اجت واعلينه شامت زمخ
مافكرت هاي الخلگ باچر وراهم برزخ
فوگ فگدك ..... نركض وركضوا ورانه
فوگ فگدك .... دخنت الحرگوا عمانه
فوگ فگدك ..... لكل مره فزعت عشاير
فوگ فگدك .... واحنه هاشم ما لفانه
...........................................
يحسين شيصعدني ناگه جبيره
گول انه اصعد بس رقيه گصيره
من الايه الاوله لحد اخر ايه
الحبل مشدود وجفوف صغيره
اتصور حسين اشزغر چف بتك وشدو حيل
وشمات لو تدري شكثر وانه وحيده ونص ليل
عطاب بس فاح العطر من هدو اعليك الخيل
ثاريها تطلع ريحته من ينكسر ظلع الهيل
الشوگ والدم .... اخذ كلشي بذكرياتي
الشوگ والدم .... ملطخه بدمك عباتي
الشوگ والدم .... بين بشكلي اعله فگدك
الشوگ والدم .... من البچي يبست لهاتي
..........................................
عزبت خويه حسين وادم بحجار
لمن دخلنه الكوفه واچفوفي گصار
اشگف بدي واتلوحني وماصحت اخ
مادري الزم بالعباه لو بزغار
طبينه سوگ انه وبناتك والتكتلك حفاي
وبالنوگ وادم دفرت يحسين بس گوم وياي
نسوانهم ببتوت الي كشخن يشوگي وملفاي
يحرگون بگليبي اتعرف يطون للناگه الماي
الناس كلها ..... تباوع وتضحك عليه
الناس كلها ..... عتت احبال البديه
الناس كلها ..... اتاني اطيحن حته تضحك
الناس كلها .....اتشمتوا يابو رقيه
...............................................
الأقل شرفاً
كرار اللامي
محرم الحرام
اذاير العباس وشد اعنانها
وعيونه شاطت واشتعل بركانها
خلي تلحگ تلبد الجانت تصيح
والگبل ساعة سرفنت ذرعانها
طباها والعباس صم چفوفه
من الخوف وادم شردت اعله الكوفه
وفرغت كربله
حل المرادم والحسين اتنوع
وصاحتله اخيته كافي خلي يرجع
راعي المرجله
خل يرجع مو طب للكوفه
………………………………………..
حاد الزلم عباس من اذانها
وتيهه طريق الشرده عن فرسانها
اتخلبصو رد يفتل بسيفه الروس
واكبر زلمهم بيده گص السانها
كف الردان ولمع بيده الباشط
وبينت ملامح عرجه ذاك الشايط
ظل ينخل زلم
من طبها مفتول الزنود السمره
مشدود بذراعه علگ للزهره
ويامحله الردم
واليشرد مارايد روحه
……………………….
عگد اعگول اشيوخهم غاد الحيد
ورنت الهاون وصلت الاذن ايزيد
عباس مادگ گهوه دگ روس اسباع
محسوبه عدهم وضل يكرر ويعيد
شاهين الحسين وغضنفر حيدر
عباس واحد مثله مايتكرر
ولا جابت مره
صرجت اسنون العسكر المسموعه
يشبع ضحك الحگ اعله الحومه
لزمهم سره
واليشهد للكافل سيفه
…………………………………
اطول العسكر من وصله اشزغره
من اعگاله شاله وضل يفر ويشمره
عباس موبس گص لسن شگ احلوگ
يتفاجئ اليوصله شافه شكبره
فوگ الخيم تلگه الجثث مشموره
سد راد من الشمس للمستوره
ومايعبر ضوه
وبالباب تلگاها الجثث مرميه
سد راد من الهوه الروحه رقيه
لو طلعوا سوه
وشحده اليوصل للخيمه
…………………………………………
كل ال هاشم وگفت اتباوعله
وعبد الله بگماطه فزع هوسله
من الشوارب عمي جر الفرسان
وحسين صاح عباس مامش مثله
عباس يستنگي بكبار القاده
ويگص رگبهم حدر رجل الساده
وماردهم مرد
سودن اليشرد بكل مجان يلاگيه
منين مادار الوجه يطلع ليه
رجعهم لحد
ورد حيدر وعباس مرايه
…………………………………..
الاقل شرفاً
كرار اللامي
محرم الحرام
بين مولاتي ليلى وعلي الاكبر صلوات الله عليهم
………
لازمته گلبي بروحتك حدما اترد
قلل طلعتك يمه وادم تحسد
ياشذر ومنگش حلاتك الحسين
حگه الگمر من شافك يرد يلبد
يااترف انسان بوجودي ودنياي
من بعد ابوك الحچي كله بلا راي
صح انه احبك بس ابوك ابمرتين
ذاك الهوه والعين والشوگ وماي
يمه اخافن لايصيبك شي واچمل نوحي
ماعايز احسين التعب ولا اولام فگدك روحي
يربات گلبي والعمر الينتضر لحضه يموت
يمشافي بيه اچم جرح تقبل تزيد اجروحي
علي يمه …. علي يمه
…………………………………
شاهگتك بكد النفس من اتغيب
يالماسمعت عليك ذاك الثغيب
وعيونك الحلوات ماحمل شوگ
ومامش جرح بفراگك يرد يطيب
بالدنيه كلشي يصير وحشه ومتعوب
من تغيب لحضه وانه اضل لچم دوب
يلچمني گلبي حيل اخاف من الناس
مابيهم اليعرف غلات المهيوب
يرويحت امك ياهلي متلوگ بيك الفرگه
مافاكه اذراعي ابد بس الك تحله الشبگه
جا غير سبحاح الگلب انت وغلاتك كلفه
خافن نويت اعله السفر تكتلني يمه الحرگه
علي يمه …. علي يمه
……………………………….
توك مشيت وگمت اعصر بيدي
واسم الله خافن ماترد يوليدي
محسوده بيك انه يبعد عيوني
وعنك سالت حسين گال عضيدي
اشگد يحبك يمه ابوك وتدريه
ويشتاگلك وبصفه انته تحاجيه
ايحبك اكثر منه واتريد اتروح
ترضاها يالاكبر ابوك تاذيه
يمكحله عيونك نده ابهيده وي گليبي
يالتسوه روحك جم سلف ردتك العون لشيبي
ماتسوه تاليت العمر يالاكبر ونتفارگ
الگيض دگ باب النفس رد شمتك يعذيبي
علي يمه…… علي يمه
……………….
اشگد احبك تدري بيه بواهس
ويابعد امك حيل بيك استانس
مشكولة ذمت كل عطش مر اعليك
ماتحجي من الشوگ ريجك يابس
سومر ضواك وبهت كلشي بلونك
والموت سير يم الي يحبونك
من عمري يايمه اعله عمرك لتروح
شسوه العطش غير سواد عيونك
امفرفح وماتحجي ابد تستحي من الطلبه
هاك اعصر عيوني الك والضال بيهن شربه
ربك يعوض كلشي بس انته شلون
ياصبر يكسر فرگتك ياگلب يحمل غربه
علي يمه …… علي يمه
……………………………..
رد الحسين وباوعت يتحسر
ولازم اصفاحه وللحجي مايكدر
كتله عليك وباوعت كله تراب
گلاله ليله راح مني الاكبر
المنه خفت صار وتبعته الضني
وكلشي يحبك بيه ضل يوجعني
معقوله صرت تعوفني ترافگ موت
وانه الكسرت الخاطر بكد بوني
مكسوره خاطر والتعب هد حيلي واصفر لوني
ولحضات صارت فرگتك والتنشد يتيهوني
ضاجت الوسعه وصارت الطف اگبور
وياريت يمه وخل تصح ابصفك ايدفنوني
علي يمه …… علي يمه
…………………………..
الاقل شرفاً
كرار اللامي
محرم الحرام
ياثار الله الدمع ....
نزل مثل الشمع ...
وبده لجل البقيع.....
بذكر كسر الظلع ....
ياهاجس كل محب....
مته اعيون التحب....
ترد تتكحلك...
وتبرد كل يشب...
الامنيات .....
ترد ثار الهدم
نباوع تبتسم
يرف بيرغ باسم
ياحسين .......
نردد كلنه الم
عله حرگ الخيم
يسالوفه وشيم
يامولاي يامهدي
.....................................................
يشوگ الماله اخو....
يقانون العفو ....
بامل ترجع دوه...
وعله الحبك دفو....
ومناير من ذهب ...
ترد تبني وگبب ....
ونشوف اچم علم...
عله الحضره انصب....
والعزاء ...
يصير بكل صحن
ويجي طاري الضعن
ونودع كل زمن
وكربلاء ...
تجي مشايه الى
البقيع الغرقدا
ونقيم اچم عزا
يامولاي يامهدي
......................................................
القبور مهدمه......
وعليهن چن دمه......
بقه من الطفوف......
نزف من السمه.....
يانسمة كل ربيع....
الك تانت جميع....
بقت تتاملك ...
وترد حگ البقيع....
ياحنين
يمهدي وكل وقت
احسن بي متت
بدونك ماعشت
والونين
انسمع من كل كتر
ولطم ام علصدر
وبقينه ننتظر
يامولاي يامهدي
..........................................
البيارغ تقترب.......
ومواكب تنصب......
وتهلي باليجي......
وتچلب باليطب....
هلا بزاير هلك....
بعدد نجم الفلك....
ويهلي اجم حسن...
وبده يعزب الك .....
كل دمع
ننزل وقت الصبح
يطيب كم جرح
عله اتراب الصرح
ونجتمع
تحت فيي العشگ
ونسولف يالصدگ
عله طاري الحرگ
يامولاي يامهدي
..................................................
يشيخ لكل سلف
نتانيك بشغف
في ارض البقيع
ونزحف الك زحف
يتربات الهله
الك صوتي عله
يصاحب كل وكت
يثار لكربله
بالشموع
الك اشعل درب
التمر بي للگلب
عله روحي تطب
وبيك اهيم
واسولف للغصن
الك انه احن
بغيابك بس اون
يامولاي يامهدي
...........................................
الاقل شرفاً
كرار اللامي
https://youtu.be/OSNut8-KDkg
اداء #علي_الحلفي
كلمات #كرار_الامي
♦️رابطة القرآن والعترة الطاهرة
♦️مجالس خروج ضعن مولانا الحسين ع
♦️بغداد العبيدي
♦️اخراج وتنفيذ:اعلام الرابطة
|| الحسابات الرسمية للرابطة||
حساب اليوتيوب
https://youtube.com/channel/UCkwQ4Tyq9b_IZ6bgtq7ksWQ
حساب التلجرام
@rabtat45
حساب الفيس بوك
https://www.facebook.com/profile.php?id=100010103056722
اتى العباس الى الحسين بولادة الرظيع يهنئه بذلك
فجلس عنده وقال
يحسين مبروك اجه بزر الگعده
عباس بس گلبي بعد شيهوده
يحسين باوعلي شجره مامرتاح
تذوبل بعد كم يوم هاي الورده
يحسين ماي اعيوني اچفيه اعليه
ولاراد شط كامل اجيبن عنده
يعطش اوليد اروحيتي وبيه الروح
اله بشرط بيديك جفني اتسده
عباس راح اشرح الك كلشي يصير
من اول سهم والدم بدي اتبده
يحسين يا سهم اليمر ابنك هاذ
السهم مال كبار موش بگده
عباس بالطف ماكو شي اسمه صغير
لهذا المجان السهم يوصل حده
يحسين راح اوگف اسا واحرس بي
عباس من صاحو علي ظل وحده
يحسين يعني انه متت ماموجود
عباس كافي اعليك طفلي وجده
الاقل شرفا
كرار اللامي
شالو نعش الضوه
وضل مخنوگ الهوه
زينب هاي ... يهل الراي
بجفاكم.....
...................................
انسدت اعيون المحنه بديره غربه
وشاعت اعلوم الفگدها وماكو گربه
الموت من ينفض عباته يحچي دربه
ياخذ اغلى انسان عندك وهاي صعبه
اخر عمر التعب
تحجي بشوگ وعتب
زينب هاي ..... يهل الراي
بجفاكم
.......................................
اشتاكت اخر لحضه عمت سادة الكون
وتنسه اللام التمرها وذكره لمتون
لفي اخوها الذاك طوله تارس اعيون
امنيه وماصحتلها وماتت ام عون
واتذكرت كربله
وشحت عنها الهله
زينب هاي ..... يهل الراي
بجفاكم
.................................................
شما تصد فد يوم طارف عينها احبال
تذكر الطف والبواچي وصرخة اطفال
والحرم بالهيمه طشت سوالف ثگال
وطبت السوگ المصيبه والحچي نگال
شدوا حبل بحبل
ومالت نوگ الهزل
زينب هاي ...... يهل الراي
بجفاكم
...................................................
الينسكر خاطر تجبره احلوگ الايام
وزينب المكسوره خاطر طبت الشام
تشامر اعليها الحجر والراس جدام
گام يلتاف اعله اخيته وعينه تحتام
وتاذه اعله الرمح
واشر جرح لجرح
زينب هاي ...... يهل الراي
بجفاكم
.....................................................
الغربه للفاگد عشيره اتصير عنوان
سامع انته بحرمه تشمت كومه نسوان
ذكريات الآلام زينب مو حچي اللسان
ماتت ام عون بسلف مابيه وليان
وماتت بالغرب
وكسرت چم گلب
زينب هاي ...... يهل الراي
بجفاكم
.................................................
الاقل شرفاً
كرار اللامي
خويه النوگ جابوها وتحضرنه
كلها مكشفه وحرگوا محاملنه
حسين اخلافكم ياهو اليصعدنه
گوموا اعله النوك ....
فشله اعليها علويه
........................
خويه الهزله موش اولام صعدتنه
وضهرها حسين ابد مو مال گعدتنه
هاي الوادم اتانيها طيحتنه
وينك يحسين ....
بس حوش الزلم عنه
...........................
حسين السوط تلسع طگته وتجرح
وايدي مجتفه والدمعي ماتمسح
واصد اعليك راسك عالرمح يطفح
وشينزل الراس ....
واصفاحه انچوت كلها
...........................
ناگه بناگه مشدوده بحبل بينه
اوحدتهن لون طاحت تاذينه
ولا واحد كلف ينغر يبو سكينه
عتوها النوگ ....
وطاحت بتك رقيه
.............................
شگلك وانته عاري موذر اتوذر
باوع علتراب اعله العبي مگبر
كدام البنات براسك يأشر
وبرمح الراس....
طگ سكينه واذاها
..........................
كون اتشوف من اتشمتوا الكوفه
بت الشيخ طبت هسه مجتوفه
خوبه حجارهم عيشني بالخوفه
اشگف يحسين....
وينلاح بحجر متني
............................
شلون الشام باجر من اطبلها
والشمات من تنشد شگللها
زينب هاي صاحو عگب كافلها
وبراس العباس .....
هوست وادم اعلينه
...............................
الأقل شرفاً
كرار اللامي
وخذانه الليل
واتچه اعله متني
الرمح مابي حيل
وغط بنومك
وسولفلي ع الكوفه
ماعدهم سوالف هيل!!
وشد بكل غصن فرع
خضار اعلوگ
اخافن لو هزيله تميل
ونجلب كون
يكل سوالفك نعمه
وجفاها الگيض
حدرك ارد اصلي الليل
كدام الگصصها
ما الك ندت ادموعي تهيل
واصبح هاكبر
ونعكد بالحسره اعله نجم سهيل
موش احجار بالعباس
طكوني بحجر سجيل
واشاگف واشهگ وكدامي راسك صار
واسكت والشماته اتعيل
قريتك سنطه كلش
واستحيت اقراك بالترتيل
واباوعلك
كلما شمس لاحت طرف جلماتك
تندي ازلوفك الحلوه
وامد ايدي اعله گطراتك
ماعطاشنه ابد يحسين
بس مشتاكه ورداتك
وتعرگ شوك ومامش
واحد المسحها وجناتك
وتمر بچم جرح من تهل دمعاتك
وابرهن للصبر ويراد الف تحليل
يملگه الشيب
يموهگ حزن يعگوب
يشاده هدد سليمان يلمتعوب
يمغطي الرمل من المحنه البيك
وباقي بلا هدم مسلوب
وكلها عيوب
وبس انته الوحيد الماعلي تعيوب
ومامغلوب
بس الموت لمن سير الروحك طلع مغلوب
يجازي ايوب
بگد الف وتسعميه وذبح مگلوب
ع الناگه واسولف بيك
وانت اعرف غلاتك وشكثر مرغوب
وشنهي البيك مامحبوب
وحگ شهگت اعيوني بكل مسية اغروب
وحگ طگات متني العبرن اجروحك
واثر الندوب
وحگمن بعد ها يحسين
شيب هدوب
ياطارش ادزه يشگگ المكتوب
احجار الشام وروح امك
غله بالسوگ
لا وانباع
گدما اتشامر بكل صوب
ومربط خيلهم يحسين مابي بوب
حسين اطفالهم لموا احجار الطاح
والبرهان
احجاره الطگت متني ..... ردت صابت راسي هناك
الأقل شرفاً
كرار اللامي
ماماتت الخلفت زلم بالحومه
صولاتهم عد العرب معلومه
...
ماماتت الخلفت زلم واحدهم
ينعد بالف غير الله ابد ماعدهم
العباس اخوهم بالحرب قادهم
بس للحرايب هل الزلم مفطومه
...
سوالف الحگ تختلف عن الباطل
عدها زلم رداده كلمن عايل
ام البنين اشگد حجت لم فاضل
علميه وليدچ ويه لبس هدومه
...
ماماتت ولاظن تموت العلمت
اولاده بخدمت حسين اتهدلت
اموزره وظربت مثل للخدمت
مشكوره دنيه واخره ومخدومه
...
شيموت الورده وعطره الفواح
لساعه ظال بكثر مابيها جراح
من سمعت بذاك الخبر والبي صاح
طاح الگمر واليل عاف انجومه
...
گالتله خيطيح الگمر بشرني
يلفدوه ليه انروح انه وابني
حسين گلي شلونه لتعذبني
انخمش گلبي وروحي بي ملچومه
....
ام البنين ومن تعدهه النسوان
عباس ابنه وموش ياهوه الجان
من عده طالع چم صدر للديوان
ياهيه تنطي اربعة وما مندومه
....
ياريت عشرة مخلفه رادت هيه
وبلچن يظل حسين للعصريه
والفضل مگيود ويباري رقيه
والطگه حاشاها وتسيل ادمومه
....
اتمنت بگيد وفوگ تصعد ع النوگ
واتصير اولهن اذا طبو سوگ
اتصد الحجار بچف اديها المحروگ
من نار خيمت زينب المظلومه
...
الأقل شرفاً
كرار اللامي
ماتت بخت ديوان هاشم
وفوگاها ما فيت صوارم
محد حضرها بيوم ماتت
غربه بحياة وموت عاشت
الصلت عليها بس فواطم
........................................
الحرمه من يگرب اجلها اعيونها اتصد للضنه
ادير طارف صوب اهلها اتبين الموت الدنه
تعاين اوجوه التحبهم الگلب لكبرهم عنه
لون غمضت عين هيه يصيح يانوم الهنه
الشيلت نعشها انراد تسنيع
مامش ولدها بيوم توديع
غمضت وسفه ام البنين
و بالها عباس و حسين
واختلفت وياها المواظيع
..........................................
من تطب غرفتها جانت تعاين ارسوم وصور
تلگه عالحايط بيارغ بيها چف حنه واثر
اهناك ليغادي المحنه وگلب بالفرگه انكسر
وتلگه ام بلا ولدها وتمشي مكسورة ظهر
مهظومه ماعدها الفه يعين
ومناطره ادروب المحبين
مكسوره خاطر باخر ايام
تشبه رقيه ودفنت الشام
ومگابله اتصد للروازين
............................................
تخلص اشموع التوجها وتبقه سهرانه عشگ
اشتاگت المت حبايب يمها والصوت اختنگ
الذكريات تمر ذهنها وگلب بالسرعه يدگ
تشتعل بالشوگ چنها تصير خيمه وتحترگ
شيطفي نار الفاگدت احباب
ومناطره بلكت تدگ باب
بحسرة خبر والناس اشاعات
تحجي بسوالف كلها اهات
حته الهوه من مرها جذاب
................................................
اتجت بعكازه كوه من عگب متن الولد
الكاسر ابفيه عليها جان واغطه من البرد
سومر الضي بسماها وشح عليها چم ورد
حوشها الفارغ يسولف بيها وتروح وترد
من جفت اعيون المراسيل
دم نزفت اعيون المچاتيل
الشوگ بين بيها واثار
صارت عله البيبان والدار
وانقرت بحلوگ التراتيل
.................................................
احتاجت التشكيله همها يشيل من عدها الحمل
ولاكو واحد سد مجانه والفضل بعده طفل
جانت اتسولفله قصه وعينها اتغورگ تضل
ومن تناغيه وينام بفدوه يايمه الفضل
جانت دللول الولد نام
اسم الله من طواري الاسهام
عبد الله مالحگ يفطموه
ولاشبع من جلمة دللوه
راح امشي عنك هاي الايام
.............................................
وصلت انفاس الاخيره وذكرت العين وسهم
اوصت اليسمع حجيها بزينب اشكلكم ذمم
وچفنوني بالعبايه البيها حرگ من الخيم
وانتها المشوار بيها بشوغه ترجمها الالم
خشبه بوكت تحجي المناشير
النامت بسدها العصافير
ماتت واخذت احله ذكره
وبگلب زينب بقت حسره
وخلصت وياها المشاوير
................................................
الأقل شرفاً
كرار اللامي
حسين .... ياغريب العافيه ومالك عرف
حسين .... ارزقني من اجروحك بعز النزف
وياك .... سهله كل الصعبه
وياك ... خل اعيش الغربه
حسين ...... وياك
.....................................
يا اول مراية حزن تعكس عله اگلوب الناس
من كربله والهل وكت ماشفنه واحد عباس
لاشفنه واحد ينطي ابن خاطر اعيشن مرتاح
ولخاطر انه اصبح بشر ينمرد گلبه وينداس
حسين ...... اخذ بيدك گلبي خلي يحترگ
حسين ..... انه شسوه اگبال ريت مختنگ
وياك .... خل اموتن دعني
وياك .... كلشي مايمنعني
حسين ..... وياك
......................................................
ياشدة اعلوگ الفگد معتاز فزعة اعله الروح
بيناتنه حسين الحجي الهسه بعدك مجروح
كون انه ذاك المنطرح وادوس فوگاي الخيل
ولا اسمع اصراخ الحرم صاحو حسين المذبوح
حسين ...... ما اريدن انطرد لو انحرم
حسين ...... شلون اعيش بليه مجلس لا لطم
وياك ...... شفت معنى الروحي
وياك ..... سهله كل اجروحي
حسين ..... وياك
....................................................
ابگلبك اشايل علي هل روحي صارت صحراء
بافعالي التصخم الوجه يانور عين الزهراء
دكيت بابك مذنب وماعندي غيرك يحسين
بالعتبه متبدي ندم واتوسلت بالاسماء
حسين ...... مذنب ودگيت بابك بالبچي
حسين ...... الماله اخو لو طاح يمك ينتچي
وياك ..... عندي كل العافيه
وياك .... يحله دمعي الچافيه
حسين ..... وياك
.......................................................
مرات من تحجي الخلگ ما اسمع الهم وانلام
يگلولي بيمن منشدهه واتاشر ايدي اعله الشام
يحسين نبضات الگلب اسمعها تصرخ يحسين
يامحله وياك السهر لو ابقه كاعد كل عام
حسين ..... علم عيوني تحبك للسهر
حسين ..... گلبي خله يفهمك بضيم وقهر
وياك ..... مختصر موظوعي
وياك .... هيبة كل ادموعي
حسين ..... وياك
....................................................
احرگني بلكت علخيم انحسب وتشيط العين
المايجزع لطاري الحرم يا بوعلي شگد مسكين
الما لاطم بيوم بعشگ خيراجع بروحه هواي
يالحائك بطرف الرمح وانقرت سورة ياسين
حسين ...... اتسودنت من شفتك بطارف رمح
حسين ...... ونقرت جلماتك بصوت الجرح
وياك ...... انقرت افكاري
وياك ...... بصدري ضل تذكاري
حسين ...... وياك
.........................................................
معروفه عد كل الخلگ ماترهم بلا فلاح
ياگاع گلبي الصوبخت وذراني بيها المرواح
مشابچ اعيوني الدمع والشوگ سواني صغير
قانون اليحب من صدگ مايوم يصفه ومرتاح
حسين ..... الراحه تبقه بدونكم بس اللفظ
حسين ..... الصلاة من دون ذكرك مو فرض
وياك ..... خلني يابو رقيه
وياك ..... عيشت الحنيه
حسين ..... وياك
.............................
الاقل شرفاً
كرار اللامي
محرم الحرام
عبدك واجيت بعتبتك وكدامك العليه
هذا اني خادم بس الك ماتعني الي البقيه
رتبني اريد ابخبرتك انذرني ملك رقيه
اهوبني يم باب الخيم وشدني بحبل سبيه
اجدي ابابك الچلمه
عبد حريتي بالخدمه
يبو خير العلي جازي
عليك اعيوني خل تعمه
ياشوگي ومعشوگي …. ياروح ونبض
يانعمه ويابسمه ….. يم الله وفرض
وارضاها شمحلاها …. باسمك انحسب
ماترهم لو بالدم …. فاتحتك تفض
حسين …. يجرح الزهره
حسين …. يعبره وعبره
حسين …. شحلاتك كلك
حسين …. اسم وشكبره
مولاي مولاي عبد محسوبك
………………………………………………..
معلم عليك اشگد بشر وتالي اعوفك كلفه
تساومني كلها بخدمتك بس جمرتك ماتطفه
شمعرف بنيتي الخلگ الاسرار بالحب تخفه
ارد ابجي الك طول العمر والما بجتلك صلفه
احضني بدفو احساسك
وخل استنشق انفاسك
بعشگك رايد اتنفس
واحشرني اعله مقياسك
ياجرحي وياربحي …. بالدنيه وعشگ
وماتحله ياقبله ….لغيرك اختنگ
الاول والاجمل …. لو تنعد بشر
ياحبي وياگلبي … الباسمك يحترگ
حسين …. يسر لجماتك
حسين …. قريت اياتك
حسين …. يلچمة روحي
حسين …. سمعت اهاتك
مولاي مولاي عبد محسوبك
……………………………………
يمعلي شاني بخدمتك وهلكبرتني بصيتك
هيهات وانت اكرم لذا تحرمني من حنيتك!؟
امسح عله گلبي لون بصخام من جدريتك
امنيتي ياريت انحسب تراب بطرف خاجيتك
تنكتني واجلب بيك
تغسلني وابوس ايديك
يهنيال الي حصلها
نضره ومن طرف عينيك
ياحسره وياجمره ….. بدلال العرش
يالچمه وياجلمه …. بذكرك ارتعش
امفرحني امبجيني …. واحساسي الك
امعقلني مسودني …. بحبك منتعش
حسين ….. اسير اعيونك
حسين ….. دمع مديونك
حسين …. رسمتك كلشي
حسين …. الگلبك مجنونك
مولاي مولاي عبد محسوبك
……………………………………….
من باب جون ارد اوصلك ودكيت باب العشره
سودني بيك اكثر بعد خل استشف لو گطره
من بحر حنيتك ردت بروحي صارت صحره
غيرني بيك وبس الك واحرگني واصبح جمره
احرگني اعله خيماتك
وخل توجعني لچماتك
خليني بشر حساس
يعرف من معاناتك
يا حاكم بالوادم … ياقصه ودرس
من دونك واعيونك … ما اسوه فلس
مدللني معذبني …. بكلشي يعود الك
ياكاسر كل خاطر …. بهمك كون احس
حسين …. شريچ بروحي
حسين …. مليك جروحي
حسين …. عزائك عشگي
حسين …. يموگد نوحي
مولاي مولاي عبد محسوبك
………………………………….
الاقل شرفاً
كرار اللامي
محرم الحرام
جروحك والنهايات
ويرتل نحرك ايات
سوه الممشه وحچي الموت
انهتك خدر السبيات
واقع حالي بحبال
واتماشه وي چتال
اخوتي گبالي بس روس
ويزمخ بينه جمال
نسوان تشمت اجت لا صايره ولا دايره
وياطبت الكوفه الصبح وبالسوگ وادم ناطره
بت حيدر انجر ابحبل وعباس ضل بخاطره
المحد عرف اسمي گبل يصحوني هيه العاثره
اي عاثره من كثر مادورت
وبخاطره عباس ضل لمن صحت
يعيوني اخت انشافت تره
وضربوني ومن عله الناگه طحت
خويه حسين خويه حسين …….
…………………………………
طريقي اشگد صعب جان
واشوف فلان وفلان
الاله وياك ممشاي
اطبن ترضه ديوان
التهظم لال اميه
ومكيوده وسبيه
وعلي ضحكوا عله الصوت
وخذو صوغة رقيه
ماردت اسولفك جنت وبالي اسكت خايفه
بس وعلي هظمه السبي وكلساعه اطب بطايفه
يحسين اكشف ياجرح تشوفه واگلك نازفه
مزورگه من كل كتر من حجارهم ومگاطفه
ها خويه اتشوف اثر لحجارهم
وبگصتي هاك شوف اثارهم
يضربوني واشگف بطرف العبا
وسبوني اصغارهم واكبارهم
خويه حسين خويه حسين ……..
……………………………………….
صعدت النوگ فشله
واگول اتهون سهله
اذا مالت اكض بيش
التكتلك خويه هزله
ابمشيها الناگه تگزل
ويبعد اختك تعلعل
واسكت واسمع اشكال
الشتايم صعبه تكتل
انسبيت واشتم الهوه وياريته ماطال العمر
وعباس راسه اعله الرمح يفتر لون صاح الشمر
فوگ الاذيه من الذبح يغثونه بسوالف خدر
من غبشه علناگه اكعدت شيوصل غروب العصر
علناگه كاعده من الصبح
تاذيني وجرح ضل يلچم جرح
مو گدري وانت تدري بهايه
بالكوفه الوادم اطش الملح
خويه حسين خويه حسين
………………………….
تحيرني السؤالات
وتجرحني المسافات
طويله الرحله يحسين
وشرف هاشم غريبات
اقيم اقرايه الك وين
وانه الملايه يحسين
بخرابة الناس شدگول
شني هاي النسواين
يحسين من كد اللطم فوگ الزراگ اتزورگن
اتمنيت حاضر بالعزه اتشوف البنات اتهدلن
واسكينه تشهگ بالبچي وليله ورباب اتگابلن
المفاگده بالطف اخو فگدت ابن فگدت وطن
والفاگده تنقري بعيونها
ومسبيه اختك يسمونها
ماقصرت هاك شوف امتوني
ورقيتك لا تشوف امتونها
خويه حسين خويه حسين
…………………………………………….
الامس ممشاي اميره
وهسه بلا عشيره
جنت وين وصرت وين
يصيحوني الاسيره
وحگ شوغات السهام
تحدي بروحي الالام
اذا بالكوفه بحجار
شني المضموم بالشام
اباب ساعات الهضم يحسين شفت المايصح
صوت الهلاهل ينسمع وبالشام عيد ومفترح
مدنگه من المستحه وطبت الخرابه اكبر جرح
تنام البنات من التعب وانه ابقه اناطر للصبح
ماتنحجي الخرابه اسرارها
ومكشفه خويه كل اكتارها
تمر الخلگ واسمع اشكال الحجي
ولامتنام التطلب برد ثارها
خويه حسين خويه حسين
………………………………………
الاقل شرفاً
كرار اللامي
محرم الحرام
🎤ميرزا علي الحلفي
🎤عزيز عبد الحسين
✏️ كرار اللامي
🔸ياثار الله
🔻هيئة يد الله الأسبوعي
العراق _ بغداد
مجلس ذكرى هدم قبور البقيع الغرقد
هم رمله وهم مسلوبين
شماصد ليكم الگه حسين
بيكم ريحة طف واخيام
وبيكم شوغة طبت الشام
شما صد ليكم الگه حسين
......................................
گطعوا راس اگبور الجانت ادلي التاهت
وذبلت كل ورده ومزگوها بوجه الظاعت
فوگ ارماح وحافر خيل الطف انعادت
وليلة عاشر بس بالغرقد بيكم صارت
بس ماحرگوا يمكم خيمه
وماحملت بالدم كل غيمه
يمكم اسمع كون ونين
.....................
ادلال الحلوه بديوان الحب شو مچفيه
وشحت گهوه وريحة هيل ولا جمريه
معزب الطير بجف ايديك بكل ظهريه
شفتك گاع اشصاير گبرك يالحنيه
يهظم يا بو القاسم گبرك
يالمحد فاهم شن قدرك
لو ما صلحك ضاع الدين
..................................
جانت امنيته يمر بيه المره الوالد
والحر ياخذ حيل عيونه نازل صاعد
وگبرك عاري انشوفه مكشف الله الشاهد
ومامش واحد باسمه يدلي اهناك الفاگد
وامنيتك صارت هل شفتك
متغير گبرك معرفتك
وما عشتو براحه وميتين
.............................
اربع ايات عمرك جان بطيحت جدك
وتمتد كون افياي لجسمه جان بودك
وطفي اخيام المحترگه ويبرد چبدك
يلبس احجاره مخليلك وشظل عدك
تنزف دم ويكتب دمك
مكسور الخاطر ظل اسمك
ياباقر علم الكونين
.................................
فوگ اتراب الگبر الرابع تلگه العبره
وتلگه الخله وثبت كلشي لثار الزهره
وتلگه البسمار بجف ايده من اطب گبره
ماخذ حيله وهل خلاه وشوغة بصدره
گبر الصادق من تصدله
الهم اكبر حيد يهدله
تاخذ فكره الحسره الوين
...................................
التهظم گبر العلويه و ام الضحت
مكشف واحجاره صغيره ادلي السالت
بلا عنوان ولاشي مكتوب اعله التعبت
هاي مجازات ام عباس ترايب ضلت
يهظم ياگبر البدويه
تعاين ليه تحس مسييه
تعيش باهات بكل حين
......................................
الاقل شرفاً
كرار اللامي
بين مولاتي زينب وابيها ......
وان شاء الله
يكسر الفي اعله الشمس
وان شاء الله
يصير التمنيته امس
وامنيتي اموتن وياك
شتفيد روحي بلياك
وان شاء الله يصير التمنيته امس
..................
كلشي اخذ
ولا تدگ باب الرحيل الدنيه صعبه
كلشي اخذ
الناس كل حجايه عدهه تگول غربه
تبين بشكله اليتاني بكل محطه المايجون
الحسره زتتني اعله شيبي وطفحت ابوادي الضنون
ليش وي ذكراك اهيس تموت وتعيش العيون
جاس هجرك كلشي بيه وانملت شيب الجفون
وان شاء الله
اشويه الحگك لو تصح
وان شاء الله
مايبقه يندهني الجرح
.........................................
وچم جرح
يسولف بطاريك لحد الصبح
وچم جرح
گمت اغطيهن واخاف من الملح
اجروحي مالاگت علي وسولة اعيوني الدمع
ياهو اليسده مكانك حته اسكت واقتنع
هاي وادم مدري شنهي حاسدتني من انفجع
طعم فرگاك اعله روحي مر وابد وما ينجرع
وان شاء الله
بعدك فلا يبقه العمر
وان شاء الله
ماطول لحد الفجر
.......................................
وين اروح
اخلاف عينك بس شماته ولا اهل
وين اروح
الكاع صارت موش النه الكل رحل
كل روازين المدينه شابحه لذاك الدرب
بكل خبر مشدوها روحي وساكته ادور گرب
انه بتك يابو گلبي شلون يحرمني الترب
المن اشكي افراگ وجهك والسوالف بالگلب
وان شاء الله
يمك امتد واندفن
وان شاء الله
ارجع واشبگك وانحضن
............................................
بكل هوه
اشتمك وياخذني شوگي المگبره
بكل هوه
تلچم دليلي الذكريات اعله الجره
بعيني كل الدنيه وحشه ابوكت ماغربت
الصفنه شيبتني اعله زغري من مشيت وماگلت
هاي روحي وياك اخذها شلي بيها اتعذبت
الراحه بس يمك احسها وغير يمك ماردت
وان شاء الله
بعدك يلفيني الگبر
وان شاء الله
ماسمع ابطاري الهجر
..........................................
الاقل شرفاً
كرار اللامي
شوگ وحزن اثنين بالحب صعبات
واجروح الك للما يشوف امبينات
مسافر هظم والروح سجة اعله الموت
الماينجرع طاري بچي العلويات
فوگ الهوه ذرات حزنك تمشي
وبكل عزه جلب بدمعك رمشي
شاكل ذمم كل ناگه عثرت بالسوگ
الله يعرف سوه العزائك كلشي
حسين ...... قوي گلبي مايعوفك لحضه
حسين ...... الماحضر لقرايه فاگد حضه
حسين ...... اعيوني ركدن من كثر مبچاهن
حسين ...... عگلي يم اسمك تصبح نبضه
ابا عبد الله ........
...........................................
شمحله التعب وياك ينعد شي غير
وكدام عينك اصبح بلا تعبير
ياخذني وياك العشگ مدري الوين
يا اول السامحني وبلا تبرير
هواي اغلط وارجع اندملك شوگ
بس انته يحله اعليك گلبي المحروگ
ياهوه يستاهل اگلله اهواي
وياهو يستاهل مقام المعشوگ
حسين .... فرصه حبك لليقدر النعمه
حسين .... ريت اموت وانت ابد ماتضمه
حسين .... عمري اگلبه اتراب حدر اضعونك
حسين .... حته كل واحد سحگني اشتمه
ابا عبد الله ..........
.............................
كلشي انحچه وهواي گالوا موزين
هذا التعلق يعتبر ذو حدين
محد عرف ماتعني انته لهل الروح
جا غير دگات الگلب بس يحسين
بطلسم الحب اشعرف المايدرون
اعقل الوادم بالمجالس مجنون
اجواء العزه تغير شكو بنادم جان
هاي العقيده الي اجت من عد جون
حسين .... سودن اعقول الذي يحبونك
حسين .... حاصل اليعشگ مراتب جونك
حسين .... ياستر هذا التدوره الوادم
حسين .... غير ستر الله التسلب دونك
ابا عبد الله حسين
.........................................
مشتاگ الك فوگ التصور بهواي
وينجاب طاريك واتيهه كل راي
معقوله ميت قبل الف وچم عام
ولي هسه للعطشوا تهدلهم ماي
ماشايف ولا راح اشوف افد يوم
هاكد حنين وباقي گلبك ملچوم
انه المقصر عن قصد يا مولاي
قابل الحر ساجد ابابك مندوم
حسين ..... الندم ماخذني يم حنيتك
حسين ..... حاشه تطردني وانه تربيتك
حسين .... شلون اقنع احترگ بفراگك
حسين .... وانته ذاك الزهره المسميتك
ابا عبد الله حسين
.............................................
بدربك اجروحي شما اعد ماتگضي
وهنيالي بيهن وحيل كاعد حضي
يلچمنيي واذكرك واردن مرتاح
وياريت عمري بلچمتك مايمضي
ملفيني حيل ازغير شنسه افضالك
وهلكبرتني وعشت كلشي بجالك
يالمنطي الاكبر حته اصيرن انسان
ما اسوه شسع انعال من اطفالك
حسين ..... انه شسوه گبال لوعت نحرك
حسين .... شنهو بيديه اعله كسرت ظهرك
حسين .... طيف شوغاتك سكنها اجروحي
حسين .... انت كلشي بهل العمر معتبرك
......................
الاقل شرفاً
كرار اللامي
🎤اداء :ملا علي اياد المحسناوي
📝كلمات : الشاعر كرار اللامي
🔶 مجالس شعبان
🕌موكب شباب الحسن اهالي الناصرية
بضيافة موكب السلطان الرؤوف_ الرميثة
🎛️المكساج والهندسه الصوتية : حسين خليل
📜بالسلامه ياهلي
🎤ميرزة علي الحلفي
🎤الذاكر عزيز عبد الحسين
✏️ كرار اللامي
🔸️بالسلامة ياهلي
🔻رابطة القرآن والعترة الطاهرة
بغداد _ العبيدي
🤲اللهم عجل لوليك الفرج
اليكبر يدارونه
ومن يغمض اعيونه
اهله لي يشيعونه
انه زينب ...
........................................
عشت مثل الهوه ...
من يشموني سوه ....
ورده الهم
يمر فيّ الشمس .....
الگمر بيه يحس ....
واشكرهم
الثواني البيها امر .....
بوسطهم جن عمر ...
شمحلاها
يعشرتنه الگبل .....
التصفن كل عگل ....
شبداها
چم رساله بروحي
انقرت من اجروحي
راح اموت بنوحي
انه زينب.......
.....................................................
نشف ريج الجفن .....
من ادموع الحزن ...
والهم شاخ
بده بطيفي البچي .....
انتهى وصار الحجي ...
يطلع اخ
عگب فرگت وطن .....
يدلاوب الزمن ....
وين اندار
صفيت بلا اخو ......
علي ينگط دفو .....
وغربة دار
نار يهلي الفرگه
والتموته الشهگه
الغربه اخذت حگه
انه زينب
............................................................
اجه الطف من وكت ....
وشفت كلشي وعفت...
فوگ الگاع
الحرگ سولف خيم .....
اوصل لا خر علم ..
وكلشي ضاع
الهوه مر كل جرح .....
وعليهن ذر ملح ...
والدم فاض
اوراها اعله الهزل .....
وحبل يحچي الحبل ....
وگلبي اختاض
عگب راعي اضعوني
اوگع وصعدوني
علهزل شافوني
انه زينب
..........................................................
التفت گلبي بعشگ .....
اودع مختنگ ...
فوگ النوگ
بعد ضيم وهجر .....
ودواوين وقصر ....
وطبت سوگ
سوالف للقهر ....
انه انطگ حجر !! ....
تاه الراي
واطب شام الندم .....
وجروحي تدي دم ....
وناس هواي
هنا محط مئساتي
وشوغتي ولوعاتي
وتنسمع جلماتي
انه زينب ..................
........................................................
مشاوير الدمع ...
الي صارت طبع.......
والاحلام
چوت گلبي چوي .....
مره بخلگ بدوي ......
وضعت بشام
اسلم عن بعد ......
وازورن چم فرد ....
وابچي بشوگ
وگرب وحي الاجل .....
واضم چفي بخجل....
الضل محروگ
ردت اخوتي وامي
لمن يبرد دمي
كلها تحظر يمي
انه زينب ..............
.......................................................
غمضت اخر جفن .....
وبدت روحي تحن
للعباس
ولا يمي گرُب .....
وبقيت انطر درب ....
اوغربه الناس
تشمتوا مابچوا .....
وسمعت الي حچو.....
وين حسين
النعش معتاز اهل .....
وگمر حيدر افل ...
ولا جفين
واخر الماعندي
متت وانه الوحدي
ودمعي جارح خدي
انه زينب...........
.......................................................
الاقل شرفاً
كرار اللامي
ياغريب بكل وكت و اختك غريبه
من يقل معنى الحچي تزيد المصيبه
ماتت ام عون .... وحمرة العيون .....
من البواچي .....
..........................
من شحت اعيون الهله والشوگ سد بيبانه
احتركت مراسيل العشگ والموت مد ذرعانه
من كودن الماعنده اهل ماتنصفه الدفانه
يعرف امتون الشالته لو غربه لو خوانه
ياهضيمه وكسرت اخواطر بعيده
زينب بعازت اخو يمدلها ايده
يشوف المتون ..... وحمره العيون...
من البواچي......
............................................
هاجس سوالف كربله كلساعه مر بذكره
ياخذ حلم بي چم حرگ وسوالف اشگد جسره
المبحوح صوته من البچي لو شيع بيا نبره
ماتهم نيران البعد بس تچوي نار الحسره
حسرة الفگدت اخو بعز الضهيره
اتمنت ايشعونها بذيج الحصيره
وتمشي الضعون .... وحمرة العيون....
من البواچي
.............................................
الصفنه موگد للكبر وتاخذ الحيل الدمعه
هودرت لجمات الگلب يم طاري ثلمت ظلعه
الماحصلت بالطف شتم حصلت لازم دفعه
سومر ضوه اعيون الگمر من طفت اخر شمعه
يابو سكنه اختك اعله طواري المگابر
ضلت بحسرت اخو يغمض المشاعر
وي اليشيعون ..... وحمرة العيون ....
من البواچي
...................................................
من غمضت عين الشمع جم خيط فارگ لونه
شح السراب اعله العطش من جفوا ليحبونه
المكسور من فرگت اخو تقرا الحجي بعيونه
وضل النعش ذاك الوكت معتاز اليشعونه
ياكثر ذيج الزلم ابوكت الاميره
ويامقلهم من مشت زينب اسيره
وبان مضمون ..... وحمره العيون
من البواچي
.......................................................
طوح الحادي اعله الدفن واعيون زينب حمره
وشافوا اصابيع الاخت صوب الحسين ماشره
جاهيه مكسورة گلب وانوب هاي الكسره
يحشمون بالوادم افا يشعون بت الزهره
وين ذيج الهيبه وفياي الصوارم
غربه شايلته النعش تهضم يهاشم
ومايردون ..... وحمره العيون
من البواچي
....................................................
الاقل شرفاً
كرار اللامي
لمولاتي رقيه عليها السلام
مرت من يمي الخياله
وصحت العمتي الدم هذا المن
التارسهن شو حرك گلبي
كالت غمضيهن لا يعمن
هذا الدم للشايل گلبه بيدي
والوادم بي سحگن
الطارش خيگله بمتني
ويگله اعله اعبينه احترگن
...........................
الكبره افياي ومد عالوادم
ملتم وصاير هاگده
ذيج اظلوعه الترفه انمردت
ودوس الحافر واصل خده
طگ بعينه ونزفت ملگه
الماضل واحد يفزع عنده
اليذبح بي ماندت گصته
وشفت الخنجر بالدم نده
.............................
بابه القاسم حنته اتبدت
وهضموا كل شمعه بخيمتنه
وباكوا نيشان الجابه الها
وكسروا خاطرها اسكينتنه
احنه هواي وكلنه بشده
وعمتي اشگدها الكل لمتنه
ايد اتشاگف بيها اليضرب
وايد اتوخر بالطگتنه
.................................
الماترحم طگوني بعيني
بويه ولا واحد بي نخوه
اليفزع ينهب مو فزعه النه
والسجاد اگبالي اتلوه
بابه ولعابتي اخذوهن
وحرگوه كل صوغاتي الحلوه
وعتوا ترجيتي وشگ اذني
وجدمي اصغير بس اتچوه
...........................
مشو كل احجايه بناگه
والباقي انجرن بحبال
تباوع ظعن الله بلا هيبه
ويغلط ويزمخ جمال
التعثر تنطگ وتستهظم
المحد شايف ليها خيال
اليل بذيج الوادم عمتي
الماشافت كل راحة بال
.................................
بابه اعيون الوادم تجرح
تاكل بصورنه وي النار
بت اشيوخ وتنطگ كلفه
وبالكوفه اتشاگف الحجار
يابابه يشتمونك صاروا
وعلينه انذب ماي الحار
بابه شماله الشام يخوف
واجماله احنه اطفال ازغار
الاقل شرفاً
كرار اللامي
الشام جسره
والناس جسره
واحلوگهم ماتنبرد
الغربه وحشه
واليل مو صاحب طويله
والخرابه اتصل برد
واحنه كلنه بكتر عمتي
صرنه چن شدت ورد
متربه وواجوه صفره
اسم الله خافن ننحسد
وتفتر اعلينه الشتايم
وتفزع السكته بواجي
وماكو كل واحد يرد
طول كل حسره درب
داسته ناگه
اعليها حرمه مجتفه وطگها عبد
اعليها ستر الله مشه
وشابع مذله
والشماته اعيونها اتروح وترد
نمشي ونصلي جماعه
براس ابونه
وماكو شي ضل اعله حاجه وينعگد
انفلت الجان
اعله شدها اتعلمت
تحچي فرد
منين اجيبن شگرت الشمر گناطر بالكد
ميل ازلوف المحنه
وشيل ايدك كافي من هذا الحقد
خل اشبگنه برهاتي
شبگت مغربين
بلكي ويفز ويرد
خلصت والدمع شرايته اعيون
اعله البعد
بابه
شمدريني شفتك تنسحگ لو تنمرد
جان مديت ايدي صوبك
وادعي اعمه
حته اشوفك واستعد
وكلشي مات
والجرح وحده بصفنتي منفرد
الشوك چلمه
بليه معنى
للماتو اهله وضل يعد
اصورك الحلوات كلها تندي دم وانشد
هذا شنهي
وادكول روحي
العرش مكسور خاطر
وانه اناطر
هسه يرجع وعمتي كالتلي اعله باجر
ومات باجر
واجه الليل بليه حضنه
والدفو مسير مشاعر
الصوت اعمه وگمت ادليه بصفنتي
والدمع باني گناطر
وكلشي حاضر
والموت حاضر
اتاشر الشهگه اعله روحي
وانه اسافر
وبكل محطه الگه اسمك
وساكته احلوگ المنابر
ويا اهلنه
كوموا زتوني اعله گبره
طفله اخاف من المگابر
..............................
الاقل شرفاً
كرار اللامي
....ميمر مجنس....
من تختنگ .. انخه بصدگ
ذيج الگلبه محترگ
لفگد الحسين وعباس ولطاري زينب هيه
....
ام البنين ام الوفه ياربه
كرمها حد صار الكرم ياربه
لو حاجه وگفت انت بس ياربه
شوف شلون .... تنطي عيون.....
لو حلفته باام عون ....
كل الملائك (تستعد) من تندعي العلويه
....
عالمة تفسر كلشي للسائله
متعلمه تستغفرله اذا سائله
واحد ولا خاب الذي سائله
بت ديوان ...من عدنان.....
اصل العرب والميدان.....
ظربت مثل للخدام وعلمتنه العزوبيه
....
الوادم اتلوم وبالحچي يارتنه
وام الوفه من كل خلل يارتنه
توصي ليطلع للعزة ال يارتنه
تعلم دوم ... وسود اهدوم
كونه البس عل المظلوم
نحس بالعزه حرگة تصير لو طبت حسينيه
....
من الحور بس الله العلي يسمه
معروفه عنبر والاصل يسمه
بيبان حاجات الخلگ يسمه
الله وراد .... باب مراد
منه الطلب مال وزاد
والنعم من ام عباس حاجتكم مكظيه
....
ام اربعه وبكل عزه تاراهم
ام للخدم من تحظر و تاراهم
تدريه العنده مشكله تاره الهم
بگلب الخدم ....حسين ولطم
تمش اعله راسه والنعم
منك يتربات العزه وترتاح هل الليليه
...
تحل الشدد واطيب البي عله
انخاها تفرج وصوت روحك عله
بدمعة عزه المذنب گليبه عله
ذنبه انمحه .... وا تفرحه
ام عباس قطب الرحه
بهاي المجالس والكون معروفه البدويه
...
معروفه يا اصل الكرم وال نيبه
علمتنه من خاف اذا كشر نيبه
كل مغرض ونركض عليه و نيبه
نفهمه بعقل .... من ننسأل
هاي الخدم گول وفعل
قوة مجالسنه اللطم و نتمنه كل يوميه
.............................
الأقل شرفاً
كرار اللامي
يم عباس .... يم عباس
بينه حسره انزورچ ونشم لتراب
الفوگ گبرچ صاير ياعظم مصاب
ماكو ليج اي حظره ولا عتبة باب
نطوفچ نريد بحرگه والم
وكون بظريحچ رف العلم
نقيم لمجالس ونلطم عشگ
علفرهدوه واحترگت خيم
................................................
منج اتعلمنه اليخدم ممنون
شماعله كل صيته الكم مديون
انريدچ اتحزمينه بداعت ام عون
حزمينه بالحرگه وبالدمع
وشعلينه شوگ نغث الشمع
ونموت ريت بنص العزه
مكسور من عدنه چم ظلع
...............................................
شوغه بينه مصابچ كل لحضه وعام
صفي يامولاتي اگلوب الخدام
خلها كون اتموت السمعوا بالشام
يم البنين الخادمج عله
ومحزم بچلمات الهله
الوادم خذت من عدچ وفه
ياول مره خدمة كربله
...............................................
خاف يخلص حيلي ومنچ محروم
وما اجيت الگبرچ ولا شفت اعلوم
وتبقه حسره بگلبي وعقلي ومندوم
مندوم اضلن طول العمر
لاشفت گبرج لاشم عطر
بشباچچ الرايد لو يحچ
ايحلفچ بظلعين وكسر
...............................................
بمجلسچ معروفه من نذكر شوگ
لازم انمر زينب ويه طبت السوگ
ونذكر الي ركضت وبجفهه احروگ
يم المجالس شدي الطم
وكون الچفوف اطخ العظم
بلجن نواسي الماتو صدگ
انعيش ونموت وبينه الهظم
................................................
ياسواد المجلس ايردنه لوين
جنها ليلة عاشر ونصد لحسين
المابجت لمصابه خل تعمه العين
معروفه هاي اعيون التحب
لو ذكروا اسمه بمجلس تشب
نار ودمع وتفيض الوجه
علماله ناصر ظل منسلب
......................................
الاقل شرفاً
كرار اللامي