2257
عيشني غربة خيمة بالطف وانته بحلالك ادره واعرف ( ح 💔 سين ) 🍃 للتواصل معرف الشاعر @krrarllmy
بين مولاي الحسين وابيه علي ابن ابي طالب عليهما السلام
بعدني اشتاگ الك سكته
يل ماتدري بالعفته
مكسور وخذاني الشوگ
يم گبرك حجي اتركته
رد ارسايل اعيوني
مو فضحني اجفوني
سير يمي لو بس طيف
الشماته ومايعذروني
نده يحجايت الينراد نص الگيض
دوه ياشوفت المفگود وين يهيض
وانه بكلهن متانيك
مشتاگ لحجي طاريك
يلي البيه ماضن بيك
بلكهن هسه متلعثم
فاگد شوگ وفاگد ام
وفاگد ابوه لجرحي يلم
علي بويه ... علي
.............................................................
شرايت حچي الوادم
وجرحي وحزني متوالم
يمهباب العذب ينراد
حيل الفرگتك لازم
يحس الميت بربعه
شلون اليمه من ظلعه
من ذاك صباح الله
لحد اخر حجي الشمعه
ادريبك تحس بيه دگوم وياي
لخاطر زينب الشيلتها نكعت ماي
لخاطر گلبي وربه
الفاكد ينقري گلبه
يتيه بالمشي دربه
وحگ امي وحجي العصره
صفت عين التحب حمره
وباجر ينسحگ صدره
علي بويه ... علي
...................................
عيني وگلبي يبچن دم
وكاعد يمك املثم
افراك الماعلي تعيوب
اشواية الله لو عل سم
يندهوني واصيحن رد
وفز والگه الصور تنعد
حرورت روحي من فرگاه
الجمر وبنص هوه ابرد
باجر وحدي والشمات تتمرجل
وعله زينب حجي الطابوگ يتمحجل
يصيرن كلهن ابفركاك
وكلنه ننولي بلياك
شنهي الضله اخذني وياك
موزر والطم من الشوگ
وكل اليوم اليمر مخنوگ
ناطور الدمع مبيوگ
علي بويه ... علي
........................................
باوع حالي الگاظي
جنك علجفه راضي
يملح الله شفهات الكون
سوالفنه اصبحت ماضي
مو من طبعك اجافي
الگبر مايمنع اتوافي
يالمعلمني ملگه الشوگ
اجيتك راكض و حافي
فز لاگيني واشهك شبگت مغربين
صدگ تحجيها مالك رده يم حسين
صدگ تاليها صارت هاي
اتيه بالمشه وياي
اغص گمت بلذيذ الماي
اجيت اتجه علعباس
گعدنه وراس طخ براس
افا وابساط الله انداس
علي بويه ..... علي
................................................
ضلي من الحزن ينشاف
هلگد ماصرت شفاف
ورگه وهلخذاني الريح
المثلي شتعتقد ينعاف
عفتني وكل فرض حاصل
وشيبي الجفني هلواصل
الدمع بلل لهات الماي
من نگط حچي العاذل
ذبلن بالبجي الجانن دفوا موردات
قابل ناسي والوادم تصرخ مات
تذبح هاي الحجايه
للفاگدله تجايه
يهضمت شكلي بمرايه
تغيرت وبهت لوني
اخوتي ومايعرفوني
الفاكد يسموني
علي بويه .... علي
..............................................
الاقل شرفاً
كرار اللامي
#ياعلي من لنا بعدك
بين مولاتي زينب وابيها علي ابن ابي طالب عليهما السلام
انطبرت السبحه ...اطشرت اشمعزها
الكلهم يتامه ..... انلظمت بخرزها
الشاهود لاحو فيه
طبروهه بالفجريه
اتبدت املوحت الله من خبزها
بويه ياعلي بويه ياعلي
..............................................
اعيونك غافيه ....وحجت متعافيه
احلوگ الوادم .... يبعد العافيه
بده الهم ينوي .... اوصوته اليدوي
شدهه كل صحره ... ونزح كل بدوي
انتهت يالسلوه .... وخذوا بالگوه
فرحتي الجانت.... اليه التجوه
وذبلت الجانت .... زاهيه بوردها
واملوحت التكرهه .... حجت بعدها
گليبي يمك عفته
ويموت لو فارگته
يادفوا روحي ..... من يهد بردها
...............................................
اسد اعيوني ..... وتهد اضنوني
واصدگ راحوا .... وبعد يجفوني
الحفظت اسلوبه ... ومشيت ادروبه
مشه من عيوني ... ولحگ محبوبه
شهگ بنفاسه .... وشبگني احساسه
وبين جرحه .... من اعاين راسه
واشغمگه جرحه ....وباله يم ايتامه
گتله برگبتي .... ورد الي بسلامه
نزل دمع اعيونه
وصل حد امتونه
ولطمت وجهي..... وبينت علامه
..............................................
سوالف فرگه .... تترجم حرگه
ويبين حالي .... البچي والشهگه
بعدني صغيره .... وگصتني الحيره
عزيزة حيدر ..... جفتني الديره
نمت مهضومه .... لفرگت ارسومه
وهويت بشوگي .... اشم اهدومه
وشميت هدمه .... واذكرت دلالي
وبصوت مكسوره ... صحت يغالي
معتازة انه لشوفك
حشم عليه طيوفك
هم الها حوبه ..... العشره واليالي
...................................
نواعي جروحي ...حجاهن نوحي
منهد ماغرب .... نداوت روحي
خضار اعروگي ....يبس من شوگي
انچفت اغصاني .... وخذوها حگوگي
نبت بهدوبي .... يشيب ادروبي
الگضن بس ممبچه .... بجفه محبوبي
مدري شبلاها..... ماعمت بصيره
بت شيخ لاچن .... فاگده عشيره
ديوانه شاحب ضيه
ودلاله هل مجفيه
يحن لفگد راعي ... الهله بكل ديره
..........................................
شيهود الفاگد .... ويمر ويشاهد
نفس مابيهم ..... اعله ام اوالد
كسرت الخاطر ... وشهگت مناطر
تمر كل ذكره ... واصد لباچر
شيفيد اليعتب ... اعله الگبر اليحب
مثل شمس الله ... وخذاها المغرب
وشمس الله مثلي ..... مفارگه ضوها
واليلة تعتب ... كل نجم جفاها
راح المعزته بگده
وماگال بزر الگعده
شنحالها بفرگت گمر سماها
..........................................
ألاقل شرفاً
كرار اللامي
#ياعلي الاعلى
الدلال ..عني راح ..بنص ترب ياوسفه بات
يعني اكول ..للشموس .في علي الليله مات
................
بهتت اعيون الرسايل والحجي شگ زيجه
انلطمت اخدود السواجي الماي ناشف ريجه
ركضت الشبت سوالف وزحمه جان طريجه
الشوك من يفوت وكته ينسلب توفيجه
كلشي راح..كلشي فات...والبقن ذكريات
يعني اكول ...للشموس .....في علي الليله مات
......................
الگمره من غرب ضواها حجت بيها الشمعه
الصوت موگد للمشاعر ماكو اذن لتسمعه
الفرح محبس امفارگ ومايلوگ الصبعه
حسرة الاعمه المرايه بيها يفگد وضعه
عندي روح ..... لو تروح .... اشوه من هاي الحياة
يعني اكول ...للشموس .....في علي الليله مات
.........................
شهگت المعتاز موت الدمعه تشرح حاله
باتت اصور المگابر للنحب شياله
الفاگد اباله عزيز الوينه اله چتاله
الواگف بطوله يكابر جرحه ظل بخياله
بجرحي اروف..بگلبي خوف ...والدمع صاير فرات
يعني اكول ...للشموس .....في علي الليله مات
......
غمج جرح الحضنه دافي ابغمج كل صفنه
تچوة الماعنده واحد الليل سولف ونه
الثگلت اچفوفه محنه ابابه طشت حنه
الچفن كشخت مسافه لتوه صاير دفنه
والطيور ..... وبشعور .... احزنت ويه النبات
يعني اكول ...للشموس .....في علي الليله مات
........................
ليش لسه انه بسوادي تنشد المتعافيه
البيت فارغ من اهلنه والحجايه الدافيه
الباب جرحه وياي يكبر وانشدهه بالعافيه
تنعمي عيوني وغلاتك من غبت لو غافيه
بس تعال ..... ورد سؤال ... سالت اعليك البنات
يعني اكول ...للشموس .....في علي الليله مات
.................................
الموت كونه لناس يومي امنيتي لو يوميلي
كلفه بيه اجروح ضلت وركد بعدك حيلي
الذكريات اخلاف عينك باتت اتچيلي
الحسرة عاشت طول عمري احجيله وتحجيلي
كل جمال ..... هسه شال ..من مشه حلو الصفات
يعني اكول ...للشموس .....في علي الليله مات
الاقل شرفاً
كرار اللامي
#ياعلي الاعلى
من اراد العشق في الحب وجد
فليردد قل هو الله احد
ياعلي ياعلي
...............
الراد عشگه وحار فهم المستهل
خل يراجع گلبه ويعوف الوجل
هو عليٌ انه خير العمل
وبهِ الكون الى الله عبد
................
عوف كلشي وباوع بعين العذب
اول الاسماء ياهوه التحب
اذا مو حيدر علي يعني الجذب
هذا ديني بالدليل وبالسند
.................
كون تتنفس علي بصوت وعشگ
وردد اسمه وخلي گلبك يحترگ
اليحب حيدر يبينله الصدگ
صارخاً بالقول ياحيدر مدد
....................
امحبته معجونه بالطين الولي
وفدوه كلنه انروحله انه وهلي
قتل السبط على حب علي
فاذاً ياذا ترى مالمعتقد
....................
نقطة الباء وشمل كل السور
حيدر المايوم بالعركه عثر
الماعرف نعمة علي بهايه كفر
انهُ الواحد في اصل العدد
......................
البدايه والنهايه وكلشي وجان
حيدر الماحده لاكان ومكان
بكل وكت ينشاف وباخر زمان
كل شيٍ في كتاب الله ورد
........................
الاقل شرفاً
كرار اللامي
#ياعلي الاعلى
( لمولانا المظلوم علي ابن ابي طالب )
علي .... شح الضوه بكل گمره
علي .... ظلت يتامه الفقره
كل ورد فارگ عبيره
من انفگد شيخ العشيرة
علي علي
...............................
قصة اليفگد حبيبه تبدي حسره
يهون كلشي وماتهون اعليه العشره
كسرت الخاطر اشد واصعبها كسره
المايشوف ارسوم وجهك شله بعمره
عطشانك الماي ....
واتوهدن الراي .....
ايتامك هواي ....
ردلهم افياي ....
علي ..... كل اليتامه تنطرك
علي ..... هنياله الي يشم عطرك
العقل صابته حيره
من انفگد شيخ العشيره
................................
نار الاشواگ اكبر من اي نار تچوي
الفارگ وصابر نشبه بثار بدوي
شوفتك اكثر تره من الماي تروي
جلمة بحلوگ اليتامه لسه تدوي
ياجلمه الا اه .....
ياصوت الاحاه ...
والحلو ملكاه ....
جا وين نلگاه ...
علي ..... المنهظم شيفرحه
علي ..... وبطوله صاير جرحه
معظله وصعبه وچبيره
من انفگد شيخ العشيره
...........................
اكثر الناس اعله فكدك فار دمه
الحسن عاش برزيه وياذي همه
ينشد وينه ابوك ويحچي رسمه
ينعصر گلبه ويناشغ فدوه لاسمه
كل لونه مخطوف ......
بس مو من الخوف ....
شگد حاله ملهوف .....
ياريتك اتشوف.........
علي ..... ظل منكسرلك گلبه
علي ..... عينه اعله دربك تربه
اتبين الايده گصيره
من انفگد شيخ العشيره
.......................
حسين اشوفه منكسر يمك خياله
ويكض نحره لو بده وياك بسؤاله
عنده هسه الطف بده وفركة عياله
كلمن يفارگ ابوه يفارگ دلاله
ياشوگ الحسين ...
ومغورگه العين ...
يفرك باليدين ....
لفكدك يالحنين.....
علي .... وحسين همه انته
علي .... شيصبر الفارگته
والوجه المن يديره
من انفگد شيخ العشيره
......................
المنهدم حيله ابعازت بويه تگوه
شني حاله العفته عمره شاب توه
ما متت قنع بروحه وظل تلوه
ابو فاضل گابلك ما چنه هوه
مگطوع الازنود ....
وبراسه عامود .....
وادموع الخدود .....
بس خيه موجود....
علي ..... شايله رايه وجربه
علي .... اعليه فرگتك صعبه
عينه ما ظلت بصيره
من انفگد شيخ العشيره
..........................
زينب ابيا حال لمن فارگتك
ياهظيمه شلون من ميت لگتك
فوگ ياتل اصعدته تصيح بتك
وكلشي مابيها العبايه من لفتك
لا من حرگ دام .....
ولا دخنت اخيام ...
لا سوگ لا شام ....
بذنيج الايام....
علي ..... كلهن عليها مرن
علي ..... كل البنات انطگن
والعبد شاخ اعله اميره
من انفگد شيخ العشيره
...............
الأقل شرفاً
كرار اللامي
#ياعلي الاعلى
الشوگ موگد يهيج الجرح
وانه ليليه اون للصبح
بروحي جم شهگه
....للملگه.....
بوجه الحسين
وبصباح الله .....
عبد الله ...
تشوفهه العين
........................................
اللهفه منجل للعمر لو غايب الراده الگلب
بالباب ادور عن اثر بلچن بقه وبعده رطب
وتهيد عيني من البجي لو باوعت جف الاحب
الذكريات اتمر صور واتمنه واقع بس صعب
من تمر ذكره ....
واتذكره.......
گلبي من دم
يبچي وي عيني .....
لحسيني ......
وربي يعلم
.............................................
بالبيت اباوع بالغرف بلكت رجع هيجي اضن
ويفاجئ اكليبي گلت ويهود الظلت تون
وين انطي وجهي لياكتر من روحي اعليكم تحن
مااستضل عگبك بعد ولامن بواچيي استجن
ماتكف روحي .....
وجروحي ...
صعبه اشدها
وانت ويروحك ....
واجروحك ...
شلون اعدها
...............................................
من انظرت ذاك الجرح لبصدرك وكبره شبر
مانمت ليلي ولاهدت وبروحي نيران اتسعر
طبعت ابالي صورتك من امدد وخيل اتعبر
فوگاك واسم الله صحت بس لاتصل يم الصدر
داست بصدرك ...
وتعبرك ...
واتگلبك شفت
وانه صدليهم ...
واعليهم .....
صحت وثغبت
...................................................
من اذكر بگطع النحر واشلون ناشغت وشغت
وبالگاع حفرت چم اثر رجليك ولحد ما متت
ماگلك اشصار وسده بس اسال اخت لو ردت
كمت الطم بحيل الوجه منا لمن دخت وطحت
وانه ممصدگه ......
وبحرگه ....
الطم عالوجه
صحتك بهيده ......
بالبيده ...
الوين اتجه
........................................
ياشهگتي من اتذكرت اوليدي بالخيل انسحك
وبالحافر اگماطه بقه امچلب وگلبي اختنگ
الراسه مو مالت رمح باوعته شجاه وانحشگ
وبوصله شداه الجبح جيفن يدفعه وانشرگ
وانشرگ راسه ....
المقياسه ...
مو مالت رمح
طوله ريحانه ....
وبمچانه ....
ظل اچم حرح
........................................
ياهوه مثل الام يمر لو فارگت اب وطفل
الهستوه متعلم علي فراگه ماظن ينحمل
عمره تره بس ست اشر ياهو يقبل ينچتل
وفراگ ابوه زاد الهظم لو ادري ميته من قبل
بهظمتي ميته .....
ولاشفته ....
عاري بلا نحر
وعلرمح راسه .....
وعباسه ....
ذبحوه علنهر
...........:........
الأقل شرفاً
كرار اللامي
محرم الحرام
مشتاگه اهزنك صدگ
واگعد ولوليك بعشگ
ياسوالف بوجه النده
مالايگ الطاري السحگ
عبد يمه ...... عبد يمه
............
اخ يوليدي ...
سوالفك والنيه راحن انباگت الذكره
اخ يوليدي ...
ابيش اشم وكلشي عطب واحترگ عطره
الهوه يطشر للمهن واختنك
وارجع واخذ بگايه المنسحگ
انچويت بحضنت اكماطك تره
منشدهه بالي ونسيت المحترگ
ضميته واذكرت الجمر
واسمك علي ضل منحفر
ما لاحه يايمه الحرگ
وسلبوه ونباع بسعر
عبد يمه ...... عبد يمه
.....................
اخ يوليدي ....
اكماطك مشگگ ييمه ونار ماكلته
اخ يوليدي .....
الهوه يرجع اگبالي كلشي الك عفته
من اشوفنها كواريك الجهال
اتذكر الميته وانه بليه حال
الشيب خضر حتى يم چلمة سواد
لحد هسه بچفي اثار الحبال
وانظرب ويهيج المتن
عشت بفرگتك بس اون
يالمتت ما شابع هوه
مشتاگ الك ظل الحضن
...........................................
اخ يوليدي.....
تبده فوگ الگاع دمك والهوه ميبسه
اخ يوليدي....
الصدى شوغات وده الروحي ماتنسه
ابالي اشوفنها الشوارب خاطه
وما اشوفن حرگ لاح گماطه
العطش فرهد ابرودت روحك
هسه اباوعلك اعيونك ناطه
والحيره تاخذني بسفر
بيهه النحر ينگط نهر
اشجابك وعالي الرمح
من تمشي نشتم العطر
.............................................
اخ يوليدي ......
الرمح مو لعبه يمه امچلب بطرفه
اخ يوليدي .....
راسمه ابالي كبرتك وحضرت زفه
توك اتفرع تريد وهل خذوك
داسك الحافر وگدامي اذبحوك
ابيش اغطنك بقتلي نص عباة
والرمل يچوي يعاري مثل ابوك
مذبوح يا اخر حلم
وطشروك ماصحلك يلم
يالطولك بطول السهم
امغرز بنحرك ثلم
....................................................
اخ يولدي .....
الشمس تاكل بروحك وانت عايفها
اخ يوليدي.....
شصار بامك كون تدري وهيج شايفها
انشدهه من انسال علعافيه
واذكر اجفوفك صغيره ودافيه
اطرافهن لايحن الحافر قصد
عينك الدم الخذاها غافيه
يطول جرح بي غربتك
ماتدري معنى فرگتك
كبرانه فوگ من العمر
والشيب سولف قصتك
.............................................
الأقل شرفاً
كرار اللامي
محرم الحرام
عندما اراد العباس ان يوادع امه عليهما السلام
…………………..
عباس لا تحضني ارجع ….
يباوع حسين
خاف يتذكر حضنهه ……
وتدمع العين
ماردت اتوادع گدامه وتنزل دمعاته ويتذكر
اخر مره بيها الزهره حضنته وباستله المنحر
كلشي ولا تكسرله بگلبه
ونفذ ليريده ويطلبه
ماتدري شيعنيلي بروحي
ولا ماتوصل ذره لحبه
…………………………………………….
يمه باريله بمشيكم ……….
بهاي اوصيك
وكلشي يطلب گله تامر …….
فدوه ليديك
هي الرفگه اطول بگدما تخدمها بگلبك اسيادك
وذوله الگدامك يايمه بيهم زود لكل ايامك
ظلل فوگا لمن يمشي
ومن مايقبل كرر هلشي
لحد ماتصبح فوگا غيمه
ويم حسين اتصبح لاشي
…………………………………………
شيل عبد الله بدربكم …….
ولاعبه هواي
يفرح حسين وربابه ……..
وشربه الماي
العم فيي يصير وخيمه بس ماكو الاغله من الاخ
والطيف المابيهه حسينك ساعة موت وبالبرزخ
يمه وخل ايدك بيدينه
يموت الواحد غير حسينه
وادعي الله يديمك لخوانك
والله يديم حسين اعلينه
………………………………………
بهيده من تنكث عباتك ……….
خاف التراب
يمر علي ماترضه يمه ………..
بالهوه الهاب
انت اخلاقك ماتقبلك وتطلع من گلبك الحچايه
خاف اهناك وتسمع ينسب اركض يمه وشيل الرايه
هد يمه وافزع بالحومه
وكض السبا من زردومه
وعلمه شلون يكفر بالطف
وغير شكله وبدل ارسومه
……………………………………
ولاتگله يمه خويه …………..
گله مولاي
احنه خدام الهواشم ………
واطلع فياي
ومن تعتازتك زينب اركض ومفرع طب الخيمتها
هاي حسين يحبها هوايه دنگ اجلال الهيبتها
دنگ واحني الزينب راس
وخل اتشوفك بين الناس
من تركض حافي لخدمتها
وصيح فدواتچ عباس
…………………………………………..
الأقل شرفاً
كرار اللامي
محرم الحرام
سبع طوفات اعله جدرك طايف
وساعي بين الجمر مثل الخايف
جيتك وعندي عقيده بروحي
كربلاء تسوه منه والطايف
صخام جدرك من مقاماته دواء
وكلشي بي انته والك طبعا شفاء
المايعرف السالفه يحچي ويلوم
الله سواها اعله مودك كربلاء
حته الزاد وبعاشور بي نكهه وطعم ثاني
كلها اتموت اله انت يمشي اسمك بشرياني
وبيك هواي ومتميز حبك طبع رباني
لكلشي ينكتب اسمك ويعبر عله الوجداني
حبيب الله ويعزك حيل
نگول اسمك يفوح الهيل
يا اطيب واحد بجيلك
بعزائك ردت منك حيل
…………………………………………
هيبه طين التعزيه المالي الثياب
وتارس اوجوه التحب ومحني باب
الحچه علطين واستشكل تعال
كل مطهر اصله للماي و تراب
كل عقيده التنولد فطره وعشگ
والف هنياله اليموت من السحگ
كون للطف ينطلب واحد يروح
بهايه يلا ينعرف ياهو الصدگ
بكل مشوار مر وياك عرفتك باب للتوبه
يالتنشاف بس بگلوب بيها الدمعه مكتوبه
رحله الشوگ لليهواك صرت بكلشي محبوبه
ماتنعاف وانته الكون شاريك ابچي غروبه
شنهي البيك ما محبوب
ياغبشة ومسيت غروب
ينادر بين ناس هواي
يا اول تعب مرغوب
…………………………………………
واصل بحبك اسولف بالدلال
عندي اعز من روحي عابر علخيال
اطلع من البيت وانويها عليك
وين مثلك الگه يارب الجمال
ماشفت واحد يلفي الكله سو
الا انته اتحسسه بمعنى العفو
المجالس مالتك يحسين هاي
واحنه من تالي اجينالك لفو
ريت اهواك حب صدگي حاسد بالعشگ جونك
انته حسين وانه منين العندي بزود ماعونك
شگد فنان المسويك واختارهن اعيونك
يالواحد مامخلوق غيرك شابهه الونك
بس انته الشبهت انته
يا اجمل بشر شفته
صوره انرسمت ابالي
اموت ابيوم اذا عفته
……………………………………………
من بداياتي وعرفت المو سهل
لغز هاي الخدمه جيب الي يحل
تقرا بين اسطورها تشوف العجيب
غيرها تفرق وهي اتلم شمل
بكل طقوس التعزيه جرحك شعور
واشم عطاب المخيم بالبخور
ذكرياتك صارت اجروح وكلام
وماعرفت الدمعه الا بعزه الشور
بكل احساس تلگه اعيون عرفت روحهه بخدمه
الماباجيك اه يحسين بالعباس مو زلمه
هي العين مخلوقه حته بمجلسك تعمه
ضريبه الحب هيج يريد ماينقاسله بچلمه
شما اقدملك اتحسر
انته الجازي بالاكثر
لان حبك بده بمقياس
وضريبة عشگك الاكبر
……………………………………………….
ياسوالف حزن مرجعها السهام
والسواد اللابسينه من الخيام
ستار اعلينه وبقيت ابلا ثياب
هو هذا الحب صدگ مو حب كلام
من حسرتي اعليك ما ظلالي راي
ماعرفك من زمان اشلون هاي
سوء توفيق وتاخرت بهواك
املكني عبدك هاي امنيت هواي
غريبه الروح من تشتاگ والشافاك هنياله
صفنت راگ حن للماي عيشنه اعله هل الحاله
وبين افراگ ودمعت شوگ ذني الحبك اباله
حلات الموت من يشوف اليهواهه جتاله
يجروح وهوه العدلين
شنهي مسوي بالميتين
فوگ اگبورهم اسمك
بكلشي تنكتب يحسين
…………………………………………….
الأقل شرفاً
كرار اللامي
محرم الحرام
خويه النوگ جابوها وتحضرنه
كلها مكشفه وحرگوا محاملنه
حسين اخلافكم ياهو اليصعدنه
گوموا اعله النوك ....
فشله اعليها علويه
........................
خويه الهزله موش اولام صعدتنه
وضهرها حسين ابد مو مال گعدتنه
هاي الوادم اتانيها طيحتنه
وينك يحسين ....
بس حوش الزلم عنه
...........................
حسين السوط تلسع طگته وتجرح
وايدي مجتفه والدمعي ماتمسح
واصد اعليك راسك عالرمح يطفح
وشينزل الراس ....
واصفاحه انچوت كلها
...........................
ناگه بناگه مشدوده بحبل بينه
اوحدتهن لون طاحت تاذينه
ولا واحد كلف ينغر يبو سكينه
عتوها النوگ ....
وطاحت بتك رقيه
.............................
شگلك وانته عاري موذر اتوذر
باوع علتراب اعله العبي مگبر
كدام البنات براسك يأشر
وبرمح الراس....
طگ سكينه واذاها
..........................
كون اتشوف من اتشمتوا الكوفه
بت الشيخ طبت هسه مجتوفه
خويه حجارهم عيشني بالخوفه
اشگف يحسين....
وينلاح بحجر متني
............................
شلون الشام باجر من اطبلها
والشمات من تنشد شگللها
زينب هاي صاحو عگب كافلها
وبراس العباس .....
هوست وادم اعلينه
...............................
الأقل شرفاً
كرار اللامي
محرم الحرام
طلابة العباس كلفه وچايده
اغتاض والوادم تعرف الرايده
شيمته الحره
واشر اعله الشگره
راح يرد العالت بكل زايده
....................................
تحضر العباس واطه عمامته
.... للنفس لبريته
وسرفن اردانه وعدل ريشاته
.... وتحزم بجفيته
برد سيفه ولبس درعه ولامته
....وكترو خاجيته
ورفت بزنده الذي تربايته
....والباشط مسميته
راح يلم الحچي بهاي السالفه
وزينب بعباس جانت حالفه
يرجف المعروفه
التحچي بيهه الكوفه
عود خل تبقه زلمهم واگفه
.....................................
رفع طرف الخيمه واتوكل يهد
....اترخص المحروسه
وهده الامه الفاتحه ورتل حمد
..... ورد لخوه يبوسه
نوه يطبهم فرد مايلحگ فرد
.... وبخطط مدروسه
فرزن القاده وعرف كل الجند
.... مايحب الهوسه
رفت الحمره ونزل ميدانها
وصهلت الشگره وتعت بعنانها
رمحه خوزر سيفه
گله كيفك كيفه
الزلم شردت لاذت بنسوانها
.......................................
بعده ما هاجم وهستوه نزل
..... الحومه صارت صنطه
جبير قادت جيشهم منه ختل
.... وبعباية اتغطه
گلهم اليشرد تره عيب وفشل
.... ردوا اعلي ورطه
تورطينه وشاربك يبن الفحل
..... نعتذرلك غلطه
بعد ماينفع عذر لا رده
وتيه اعله الزلم درب الشرده
منين مايلتافون
يجي تربات ام عون
شاد عصابة اخيته بزنده
........................................
نزع طاسه ورجع شد الخضره
.... وهوسوله اولاده
خورساها ونزل من الشگره
....، يصيح اعله القاده
وينكم واعيونه صارت حمره
..... طگ عرجها الساده
ارد احج حسين وارجع عمره
.... وقتي ماله زياده
وگفو خل ابرد السيف بروسكم
وارد اشوف شلون دگ اطبولكم
انگطع نفس العسكر
وابوفاضل كبر
اليوم اعيدن خلق هاي اشكولكم
.........................................
بين ما كفاهم وحاش ويلم
.... ما يقارب رمشه
انسمع صوت اسنونهم من الردم
.... همه دورو حرشه
يم ابو فاضل بعد ماكو زلم
.... الدهشه منه بدهشه
الشمر لو قل اعوذ من الاسم
.... لمن شافه اتغشه
الشمر صاحاله خالي اعذرني
والگمر صاح اشيخلصك مني
انه ابن بدويه
وانت ابن ياهيه
الزلمه بيكم خل يجي ويوصلني
......................................
الأقل شرفاً
كرار اللامي
محرم الحرام
حسين يبن امي خنگ ريتي الهوه
واشسوه دخان المخيم بالضوه
...........
انسدت احلوك السوالف والبجي
صار واهس عيني ويترجم حجي
خويه مالت ناگتي الوين انتچي
لا بگيت انته ولا راعي اللوه
............
شفتك تباوع واجه الحافر لطم
عينك وحته الله علصار انهظم
لاهو واحد جرحك وگلنه انلظم
الف واكثر كلهن بحاجة دوه
................
كل عبايه تحترگ ندت سواد
وغطه كل اوجوهنه ذاك الرماد
حسين من گلبي اطلعت جلمة حداد
من بقت تلتاف عيني النينوه
................
داوسوا بصدرك كلت اسم الله خاف
انمرد گلبه وخذه روحي الرجاف
اي يبعد اختك تره مرت عجاف
بكل اهاليتك وصوت الهم دوه
..................
خفت حيل ومن شفت فوگك دبيچ
واخ ياطگت العظم واسمع صريچ
حول اهنا يلگلت بالي عليچ
باختك الحادي عله الغربه نوه
.................
خويه ظهر الناگه عالي شلون الوح
حته وحدي اصعد وامشي واروح
هيه هاي السالفه الكلفت جروح
واحنه متفقين من نمشي سوه
..................
بدت اول خطوه بارچاب الدلال
وكلهن التافن عله راعي الجمال
حسين شوف اسوت اسنون الحبال
بچف رقيه وضل يعت بيها انلوه
..................
الأقل شرفاً
كرار اللامي
محرم الحرام
يامهيج روحي واحزان الطفوف
….. ارزقني دوس الحافر
يالرضا گلبي انعمه خلي يشوف
….. شصار يوم العاشر
خليني …. حدر ذاك الحافر
وازگيني …. بعطش يوم العاشر
وعلمني …. شلون اصير بنادم
وادبني …. بحيرة الظل حاير
كون المحب مثل اليحب يموت اله
وبلاوعي لمن يطب الكربله
هو العشگ يراد اله مرسل نبي
ويفسره مشيت النوگ بعايله
مدد مدد مولاي الرضا
………………………………………..
يلضمنت ادموعي عيشني غريب
…….. وكون اعيش الحاله
امنيتي نفس الحر يمرني وهم سليب
…….. وادوسني الخياله
وامنيتي …… غصب تطلع روحي
وتعزيتي ….. تصير همي ونوحي
وتاليتي ….. مثل اول عشره
انسانيتي … تبين من اجروحي
الساتر علينه بخدمته المعدله
واعمالي گدام الزچيه امبهذله
ارزقني يالضامن دمع يكفي الجره
وبكل جزء من ثانيه اشتاگ اله
مدد مدد مولاي الرضا
…………………………………
بالنيابه عن هلي وامي وابوي
….. يالرضا ارزقنه يسر
ونمشي مجتوفين بحبال واخوي
… باقي جثه بلا نحر
وينطگن …. وينهتك ذاك الستر
وينجرن …. ويضحك اعليهن شمر
واتوهدن …. وانه بجفوفي حبل
ياهو احسن …. امي لو ام الخدر
اه يالرضا خلني بخيالي ومحترگ
طالبها منك من گلب يحجي صدگ
ماريد ادگن باب غيرك للهظم
انته الوحيد التقرا بعيون العشگ
مدد مدد مولاي الرضا
…………………………………
ما اريدن انحرم منكم واموت
…… وبالمجالس نوحي
يالرضا والنيه يعرفها السكوت
…… والطين هيبت روحي
من طينكم ….. خلي فوگ اهدومي
وبدينكم …….. خلص ليلي ويومي
ماذيكم ….. وادري سود اعمالي
وهل يمكم ….. مكشفات اعلومي
اعليك بالظل وحده بعازت اخو
شديت اديه ابيرغك وارجو العفو
يالماترد واحد گصد محتام الك
يالضامن احسبني عبد رايد لفو
مدد مدد مولاي الرضا
………………………………………
اتلاثه يتحققن لليطلب وجاك
…… وانه عندي هوايه
احترگ گبل الخيم وانطر رضاك
…… واخدم المشايه
وايماني …. علجمر امشيله
اوجداني …. وكل وجودي بحيله
وقراني ….. من ارتل اسمه
وعنواني ….. انه عبده دخيله
ادخيلك يوارث كل الم بعياله
ورثني حرگه اعله الحرم چتاله
مارايد اصبح جون لو عابس اله
يحسبني اكون اتراب جوه انعاله
مدد مدد مولاي الرضا
…………………………………………
الاقل شرفاً
كرار اللامي
محرم الحرام
بين مولاتي رمله ومولاي القاسم عليهما السلام
وجهي فارغ وانرسم بيهه الجرح
الليل ياخذ حيلي ويغثني الصبح
انشد تاخذني صفنه
اتفطرت بالخيمه حنه
وانته مامش
سوالف اليمه جبتهن واحجي هم
كلشي ابيض بيك ناگع شفته دم
مفرع وتوه خضارك
وبالسواد انملت دارك
والاخ طارش
جسام صوتك وينه
وانكسر گلب سكينه
الشوگ ماخذ روحي
خافن صدگ ماذينه
يجسام يايمه يجسام يايمه
.........................
انهدلت امتوني عليك وكلشي راح
حته صوتي وروح ابوك من الصياح
من جفيت امك يغالي
غبش الموت اعله بالي
وروحي يمك
معصبه وافتر وادور وگاع شوك
وباوعت صدرك ييمه انترس روك
ادنه من دوس الحوافر
ابيش اشبگگ يمه باچر
ومچفي دمك
ركضت الطف كلفه
واعيون وادم صلفه
يمه اشر بيدك
شمعتك لا تطفه
يجسام يايمه يجسام يايمه
………………………………
فرهدوا نيشان عرسك يمه حيف
واتقاسموا كدام عيني وكلت طيف
عايشه بروحي غريبه
وفرگت صارت مصيبه
ورحت غفله
تسمع بليل اهدعش بس صوت اخ
وابوكت حرگت اخيمنه الموت شاخ
وامك يضربوها تالي
وراح كل عزي ودلالي
وماهي سهله
الحزن صاير عيدي
وشموع عرسك بيدي
من كثر طيحاتي
اتكسرن يوليدي
يجسام يايمه يجسام يايمه
……………………………………
يمه ليل وخايفه دلني ارد اجيك
وبالي بس لا حرگوا الخيمه عليك
والنار متكحله بسواده
وخاف غطته الرماده
وكون احلم
حافيه بذيال نار وكاع ممليه خطر
وانته تدريها ييمه التنطفي اتخلي اثر
والحرگ بذيالي عفته
موذر ومتخشبه شفته
وابيش ينلم
وجسام صاير عمك
هم صعب شيلمك
اخ يبن گليبي
الگاع شربت دمك
……………………………………..
الاقل شرفاً
كرار اللامي
محرم الحرام
صرخ القلب بصوت وضهر
انني مجنون حيدر
................
لوم بيه واشكل اعليه بهواك
....حبي ماينقص حرف
مايهم الماي لو تنطي كفاك
..... امفطر احلوگ الجرف
علي تارس كلشي بيه المارضاك
...... هيج قافل عل الترف
مو قضية زعل ومروكض وراك
..... الله حط حيدر عرف
تسهل ...كل قضية البيها
حيدر.... اول و تاليها
الوادم...من خلق حيدر
الجنه ... بيده مسويها
عرفوا ما كان مكنوناً وسر
انني مجنون حيدر
........................................................
سوالف الله حيدر وخلاها بيهه
... ونطق باسمه الحيدر
شيخ ومعلم قبل كلمن يجيه
... مثله ما يتكرر
هو واحد احد والدنيه بديهه
... دخيل يم الاكبر
حگي لو كل السوالف بس عليهه
.... غير بيده المعبر
بيده .... كل بدايه وتالي
دخيله ... العلي العالي
گباله ..... ساجد وادريها
التحجي .... انه بيك مغالي
قد سجدت باغضاً اسم عمر
انني مجنون حيدر
....................................................
الشوك واسوالف عشگنه والهايم
..... يم علي توگف سره
الناس والمو ناس واصناف الانام
..... بيهه كلها محيره
هو موش الله لچن بيده الزمام
..... بهاي دنيه واخره
يم علي يستانس بصوته الكلام
..... غير رب المغفره
الغافر ... من صفاته وزوده
بهايه .... شكد كتب مسنوده
الحيدر .... الله منطي حجايه
العاصي ... يم علي مردوده
باسم حيدر سكنت حتى سقر
انني مجنون حيدر
...............................................
النار والجنه والدنيه وكلشي صار
.... بيد حيدر كلها
الموت والبرزخ وما بعد انتضار
.... شكو صعبه يحلها
مزخرف الكون ورسم شكل المدار
.... العاليات اسالها
بكيفه حيدر شايل من الله قرار
.... يگلب ويعدلها
الشايخ .... باقي فوگ الساده
تهابه .... بالحرايب قاده
مروته .... فايضه اعله العالم
بحيله .... الله ينطي مراده
شاملاً معناه في كل السور
انني مجنون حيدر
................................................
كل عباده بدون حيدر بالسراب
.... الله بيده يعدها
السجود گباله هو عين الصواب
.... والعقل يسجدها
الماحسب روحه عبد ماله ثواب
.... والعشگ يشهدها
شوفلك شايب وگله يرد شباب
.... بيا علي موردها
الضامي ... مرتوي من كاسه
القنبر .... ياخذ من احساسه
العاقل ... شرط جن بحيدر
الفاهم .... بس علي البراسه
من هوى الكرار بالعشق جهر
انني مجنون حيدر
..........................................
الاقل شرفاً
كرار اللامي
#ياعلي الاعلى
ياحق ياقل هو الله احد
من دون هاي الخلگ بيك اتفرد
سواك ربك صدگ سماك حيدر
يالمالك ند ابد ويلويك محد
قوة كيانك معجزه
الميت اسمك فززه
يشاغلني شوگي وانتبه
الگه بدليلي مطرزه
اي انه عبدك ياعلي
وبهذا عرفت كل هلي
سموني كافر مادروا
الله بصفاتك معتلي
.................................................
ولهان وصار جنون عيوني اسمك
اشگد فنان دخيله الخط رسمك
خاف الله اعليك لذلك وصه الگاع
الكل تخضع تحت امرت فهمك
الله اليحبك من صدگ
هم يدري گلبي محترگ
نبضاته تصرخ ياعلي
هيج انه گلبي من يدگ
خالقني اعبد حيدره
وانه اعتقادي بمضهره
هو الله لاجن يختلف
مابين دنيا واخره
..................................................
ياقطب وكل صفاته ومعجزته
الرب لو تنفهم معناها انته
مابيها اشكال اكولن رب حيدر
بس جيب الفاهم بحق منزلته
مظلوم وبعدك منظلم
وصلت بعد حد العظم
ماكدر اخفي محبتي
خافن اموت من الهظم
ياموسى يا سر الجبل
ياعگده وانت ليها حل
يامنجي ذنون النبي
معروفه ياخير العمل
..............................................
مامش واحد گدر باقي محير
يعرف معناك يسر الله الاكبر
امنيتي عشگك ورايد بس هاي
ياربي ارزقني اصير مداس قنبر
حته امشي وياكم سوه
واتغالب بدوس الضوه
علگاع اسولفلك عشگ
وامتاز حته اعله الهوه
اعضم مقامات اليحب
كون بحبيبه منسلب
ارزقني يارب العشگ
ميت عليكم منكتب
......................................................
من راد الله بشر تعرف معناه
ذب حيله بحيدره وابدع سواه
واتباها اعله الملائك الله بهاي
الخالق منخلق بس يا محلاه
خالق جماله بقدرته
شاملني دوم برحمته
مو بيدي احبنه بشغف
رازق دليلي محبته
ما مات معروفه بعد
حيدر نزل نفسه صعد
الصوره جانت تختلف
رد للعرش هوه وكعد
................................................
الاقل شرفاً
كرار اللامي
#ياعلي الاعلى
.......... نزال .......
هذا المخورسه كل زلامها
حيف طاح وما اتم اصيامها
...................
اتبده ياحيف النده الحله الورد
والدفوا المعروف جان بكل برد
بالحرايب كوسر ولو طب فرد
يشوف العليه وهم احلامها
...............
جان يستانس حرب طباها
الدنيه حرمه ومن گبل شافها
مفرعه حيدر جر ستر غطاها
وظل يحاسبها اعله ذيج ايامها
............
حيدر المعروف مالحظه ارتجف
الله واملاكه اله بهاي اعترف
يم يتيم وحيدره شكبره ترف
يصير هيج البيده كل ازمامها
.................
حيدر ه اعذيبي واخذ منه الهوه
فوك كل المظلمه يشعشع ضوه
السيف من هامته ياحيف ارتوه
وهوه بمحرابه يحيف ايمامها
..................
يخورس الحجايه لو صار الكلام
الله يستر لو علي يشد الثام
عله كل الگابله اقره السلام
يكسر الجيش ويكسر اعلامها
....................
مايخاف ولا يهاب ولا رجع
ماتعثر يوم بالحومه او وگع
بس للاهه وخالقه حيدر ركع
صيته من الصين واصل شامها
.....................
تردم الفرسان لو هد حيدره
حيد بالدنيه وسبع بالاخره
تقره حيدر كاتله بالمگبره
لحد ما كلها اعلنتله اسلامها
....................
إلاقل شرفاً
كرار اللامي
#ياعلي الاعلى
بين مولاتي زينب وابيها ......
وان شاء الله
يكسر الفي اعله الشمس
وان شاء الله
يصير التمنيته امس
وامنيتي اموتن وياك
شتفيد روحي بلياك
وان شاء الله يصير التمنيته امس
..................
كلشي اخذ
ولا تدگ باب الرحيل الدنيه صعبه
كلشي اخذ
الناس كل حجايه عدهه تگول غربه
تبين بشكله اليتاني بكل محطه المايجون
الحسره زتتني اعله شيبي وطفحت ابوادي الضنون
ليش وي ذكراك اهيس تموت وتعيش العيون
جاس هجرك كلشي بيه وانملت شيب الجفون
وان شاء الله
اشويه الحگك لو تصح
وان شاء الله
مايبقه يندهني الجرح
.........................................
وچم جرح
يسولف بطاريك لحد الصبح
وچم جرح
گمت اغطيهن واخاف من الملح
اجروحي مالاگت علي وسولة اعيوني الدمع
ياهو اليسده مكانك حته اسكت واقتنع
هاي وادم مدري شنهي حاسدتني من انفجع
طعم فرگاك اعله روحي مر وابد وما ينجرع
وان شاء الله
بعدك فلا يبقه العمر
وان شاء الله
ماطول لحد الفجر
.......................................
وين اروح
اخلاف عينك بس شماته ولا اهل
وين اروح
الكاع صارت موش النه الكل رحل
كل روازين المدينه شابحه لذاك الدرب
بكل خبر مشدوها روحي وساكته ادور گرب
انه بتك يابو گلبي شلون يحرمني الترب
المن اشكي افراگ وجهك والسوالف بالگلب
وان شاء الله
يمك امتد واندفن
وان شاء الله
ارجع واشبگك وانحضن
............................................
بكل هوه
اشتمك وياخذني شوگي المگبره
بكل هوه
تلچم دليلي الذكريات اعله الجره
بعيني كل الدنيه وحشه ابوكت ماغربت
الصفنه شيبتني اعله زغري من مشيت وماگلت
هاي روحي وياك اخذها شلي بيها اتعذبت
الراحه بس يمك احسها وغير يمك ماردت
وان شاء الله
بعدك يلفيني الگبر
وان شاء الله
ماسمع ابطاري الهجر
........................................
الأقل شرفاً
كرار اللامي
#ياعلي الاعلى
سَلامٌ عَلى آلِ يس
اَلسَّلامُ عَلَيْكَ يا داعِيَ اللهِ وَرَبّانِيَ آياتِهِ..
ضاقت فلما استحكمت حلقاتها
قلتُ …. حسين
واذا بها وقد انجلت نكباتها
صحتُ…. حسين
چم شده واگلك هاك وانته اتگلي مگضيه
عله ياهيه اسولف بيك يبو حجايات عربيه
يمنسيني بالحضره كل همومي والبيه
وتتلاگني من بعيد شگد شايل عزوبيه
يمن فدوات لعيونك
اضل كل عمري مديونك
شماسويت ماسدك
واحسدها اليعشگونك
…………………………..
ولرب نازلة يضيق لها الفتى
فندبْ …. حسين
عجبا تقول لمثله كيف اتى
قلبٌ ….. حسين
حاضرني گبل كلها وگبل لا اصيحله بعونه
ماشايف ابد مثله شگد حب اليكرهونه
لونه حسين مادري بس ماله شبه لونه
يعوضني ويگلي اتهون وباقي اكل بماعونه
كبرت بزوده وبصيته
وحيل افتخر تربيته
انه مو بشر كامل
بس حسين حبيته
…………………………
ولقد خلقنا من ترابٍ اصلهُ
منهُ …… حسين
في كلِ خلقٍ لا وجودٍ مثلهُ
كنهُ …… حسين
من فاضل اتراب حسين الله اختار خدامه
وخلقنه انسوي اله مجلس وبيهه نصير لطامه
فضله اعلينه جازي اهواي كون انطيح گدامه
قليله بحق ابو الاكبر نطبر الروس بالقامه
كون انموتله ونعدل
ونرد بشوگ مثل اول
احنه بكيفه شيسوي
دوم حسينه معدل
……………………………
واذا مرضت او اصبت بكربةٍ
يشفي ….. حسين
فهو المشافي والمعافي لعلةٍ
يكفي ….. حسين
حسين منين ما التاف اشوفله وجه طالع
نخله بكل وكت موجود ومشبع اشكم جايع
ضوه بنص هيمه للحبوه ويدلي شكو ظايع
مرجع والتقلده هواي حكمه اعله البشر شايع
اليقلده يعيش مستانس
هذا العشگ لبواهس
الجنون بحبه اله ميزه
مثل ماصار وي عابس
………………………………………
عند السؤال اجابت الروح بكاء
جرحي ….. حسين
والعين لاتقبل الا كربلاء
نوحي ….. حسين
سمه بعيون ليعشگوه وكلها اتفكر اتلوحه
حسين بلا طعم عمره الما خادملك بروحه
وماحس لذة الچمات الماناذرهن اجروحه
هو العمر بس حسين وكل احلام مطروحه
اليعيش حسين بعيونه
يصير بكل وكت جونه
هذا احساس اليحبون
شما تنطيه مديونه
………………………………
الأقل شرفاً
كرار اللامي
محرم الحرام
ملاحظة :
هناك اشطر بالقصيده للشافعي
يالمشتريني من الله من عالم ذر
ومسوي خير براسي وانته اموذر
دليهه يحسين اليريد يجازيك
راسه يگطعه لو بجسمه اطشر
ما اوفي خرزت ظهرك الطگها الخيل
ولاجازي دوست حافر بصدر الهيل
حدوا ارماح بضلعك وشاغ الليل
( وتباوع زينب لضلوعه )
.....................................................
امفرفح اعليك وخذه گلبي الشوگ
وطبيتلك هم ودليلي مخنوگ
ياراحة الله ويا انس كل مرسول
اكتب دليلي اعليك يمك محروگ
خل يحترگ گلبي مثل حرگ خيام
ويشيغ لو جابو طواريها الشام
يحسين يالحزنك جديد بكل عام
( وخليني مسودن بضعونك )
..........................................................
كون اليحبك من صدگ جرحه بطول
درب الضعن وماثر ابوجهه الچول
وفاتحته طول السنه مو يوم وراح
ويفكر الميت ابوهه ومكتول
بدوي الطبع والثار عنده يهم بي
هيج اليحب حسين كون يراعي
ويحسب بذنبه ابد مياذي
( ومايقبل عيله اعله حسينه )
..........................................................
معيشني سلطان وتفكرلي هواي
وانه ابخل بذكرك ابشربت كل ماي
اعذرني عن كل لحظه مامر طرواك
الغفله هيه الوصلت حالي الهاي
تعبني حيل وياك ذنبي واذاك
وكل يوم اقرر ابتعد واحجي وياك
فاتح شليلك وتحجي دومك بالهاك
( وانه اسود وجهي من ذنوبي )
...................................................
تمر السوالف وانته دومك ع البال
يمغير الحبوك من حال الحال
خليني اشوف امي تطب اعله سوگ
وكون بشرط بيديها مشدوده احبال
وتنعت خواتي وتنشتم وسط السوگ
وتباوع اختي خدهها ازرگ مصفوگ
وخلي المهم ما اسمع بطاري النوگ
( ولا اسمع طگوا علويه )
.........................................................
خافن اموت حسين والطف ينعاد
وابقه اعله حسرت فزعتي وياك لغاد
بروح امك اطلعني من گبري وياك
وبديني ماي بخيمه لو خلني اشداد
خيه وتشدني بخيمه ياريت تصح
وماتحترگ من كون وكلشي يفرح
وعبد الله وسط الجيش كله يصرح
( انه ابن المارد بزماطه )
...........................................
الأقل شرفاً
كرار اللامي
محرم الحرام
بالطف محد ضاگ فراگه
ولا جرب طبات السوگ
ولا صبح مگيود وينجر
ولا شم عطاب المحروگ
ولا شاف اگماط ابدم ناگع
ولا بيرغ مليان شگوگ
ولا محتار بصعدت ناگه
حرمه وماتعرف للنوگ
صلفه عين الطف خذت كل ذكره
والنياشين اعله متن الحره
مادروا الفرگه تاخذ كلشي
وتكسر بخاطر عزيز الزهره
سبيه …. وهضيمه…. تمشي وي چتال
الاذيه ….. الاجتها …. مامرت ابال
………………………………………..
مناوش صار السب وتكلف
ليل الوحشه شفنه اشكال
محد بيكم سامع صرخه
من الفشله اتهد اجبال
ياهوه الي يرضاها الاخته
مجتوفه وتنجر بحبال
وتاشر شمات وتضحك
ومحتاره اتلم الاطفال
اثنين وثمانين طفل وطفله
والجمر مامچوي بيهم خله
كلها من تمشي تبين اثارها
وشلون صعدتهم بظهر الهزله
مصيبه ….. السوالف ….. ماينحچي الشوگ
غريبه …. اصعدتها ….. ومكشفه النوگ
………………………………………..
كل عشر اطفال اعله الهزله
وبيهم يرظع ومره ارياگه
شتصير الحرمه المچتوفه
وحسين امذيها افراگه
اذن والحادي يعت بيهن
شلون يصلن فوگ الناگه
والتتيمم دم تارسها
وشنهي اتسويهه المشتاگه
الشوگ مايدري بجروح الفاگده
وياگلب يحمل ونين الوالده
الناگه تبچي من تون يمها الرباب
وعلرمح عبد الله شنهي الفايده
حبلهم …. خشن حيل …. مو مال اوادم
ويعتون …. ويعيرون ……. بروس الهواشم
…………………………
بت الحاكم جان الكوفه
هسه اطبلها مجتفيها
هاي الفشله ومعنى الذله
تنطگ احجار بتاليها
شتشگف واحبال برگبتها
ومهضومه وتدري الياذيها
طبت السوگ التهظم كلش
واثار احروگ بايديها
مرت اچم ليله ابد ما غامضه
وچم اثر خله الجمر بالراكضه
السوگ موش ولام علوية علي
وهاي الطلابه الابد ما فاضه
الهضيمه ….. الچبيره …. شافوها زينب
الاميره …… خدراها …….. راح وتسلب
………………………………….
ياهو السامعله بعلويه
امدنگه اطب الديوان
والتهظم التباوع كلها
واخ الشام شبيهه احزان
يهل الفزعة اعتازت زينب
فزعت زلمه من الخوان
ويشوف شحال المهيوبه
وشنهي الصاير بالنسوان
الشام من طبوله عيد وفرحه
ومحد اباله الحسين وجرحه
والخرابه اتراب تنكث علبنات
والعبي مو سود صارت ملحه
بخرابه ….. وشتايم …… ماترحم الشام
ودلالچ …… يزينب …… راح وي الايام
……………………………………..
الأقل شرفاً
كرار اللامي
محرم الحرام
الشيب مصبوغ بدمه
بين عله اعيونه الضمه
ماچنه الحسين
بعيني صارت مضلمه
وياريتني انصبت بعمه
ولا شافته العين
......................
اباب خيمتنه اوگفت .....
وانظر عليه وباوعت ....
يلوج من كثر الالم ....
وشبچت عشرة وثغبت
محد فزع نغار اله .....
والحومه متروسه بهله ....
كلما اصد الگه عرف ....
الله يعملت كربله
بعيني شفت هل المنظر
وشبيدي اسوي وشگدر
حرمه وشني الاكدرله
وبروحي ظلت عله
الدمعه شيمت بالجفن
وگليبي متروس بحزن
من طگات البين
...............:..:..........
افرك بديه من الهظم ....
من جرحه ايبان العظم
الله واكبر مايصح ....
لا من يرروفه وينلظم
الخيل من عده اگربت ......
داسته وبصدره اسحگت
گلبته وليغاد انشمر ....
والحرمة بالحرمة اشبگت
بالحافر ظل من عده
مجلب بقه وماهده
والخيل ذيچ اليمه
مصبوغه حمره بدمه
محتاره اريد اوصل اله
بوحدي بقيت معلعله
وخياله صوبين
...........................................
ظليت اباوع ع الجره .....
واعصر بروحي محيره
لن باوعت شفت الشمر ....
يسحل بخوي وجرجره
مابيه حيل ولا نفس .....
وصدره بالاسهام انترس
حط خنجره فوگ النحر .....
بعيوني شفته من رفس
حز نحره وفرفح شفته
ماكفاه ردله وعته
يگطر ظل دم الخنجر
واركضت ليه اتعثر
طحت وگمت يرويحتي
وبانت عله الخد دمعتي
واصفگ باليدين
...........................................
ابصدره چم سهم انفرد .....
وبظلعه جم رمح انبرد
لحد ماصبح ماينعرف ......
بكثر السحگ گلبه انمرد
طفوا شگو بي ظل ترف .....
واعيونه ماخذه النزف
وانه عله التل وصحت ....
لختك بعد ماظل عرف
من التل صحت يعيوني
الودام تره ضربوني
الحگ يراعي الشيمه
حرگوا الك چم خيمه
حرگوا شكو ذكره بقت
والخيمه وجت ونطفت
وداساها الشين
...........................................
من چل علي ليل القهر .....
واعيوني ذبله السهر
گمت وطلعت ودورت ....
بين الجثث والهم كبر
كل غالي من يمه اعبرت .....
وبجثت ابني اتعثرت
عفته ومشيت وصيحت ....
يحسين چا وينك صرت
دورتك ولن شفتك
واتگربيت اشبگتك
اذوك خويه اهوايه
وروحك عل المسنايه
راح امشي عنك يالنفل
وجنه اجت نوگ الهزل
وماندري الوين
...........................................
حان الواداع اعله الهزل ....
لو درت يخنگني الحبل
من ايدي شدوه وصعد ....
الرگبتي ورد للحجل
الاطفال مرعوبه وتون .....
وشحجيلك بحال المتن
الكلت من زادك صفت .....
بالماي اعلينه تمن
امتوني صارت زرگه
لو طگني تطلع شهگه
والناگه من تتعثر
تاذيني وحيل اتكدر
لبگدي مو مالت قهر
ولاحيل بيه اعله السفر
وعمري خمسين
...........................................
الأقل شرفاً
كرار اللامي
محرم الحرام
تاهت عليه افضالك الما تنعد
مشكور يحسين اعله لبس الاسود
.............
الف انعم الله اعليك يابو رقيه
من كثرت حزنك ولاگ اعليه
ما ارهم لكلشي وتعرف النيه
بس بعزائك والخيام المعبد
..............
طولت عمري وهذا فضلك منساه
ورديتني اخدم وبعزائك الله
تعبني اكثر حته احس الاحاه
وجمرة محبتك كون ابد ماتبرد
................
ممنون الك يحسين انه هوايه
خليت عيني اتشوفهم مشايه
عاگد ارد اخدم الك چم رايه
وعلكاع اريدن للمشتلك امتد
..................
سومرت من كد مانويت الفرگه
چملني حزنك خل اعيش الحرگه
ياشجرة الله ارد اعيشن ورگه
بغصانك وفيك عليه الورد
....................
من كثر مادكيت بابك للجود
كالت عليه الوادم اشگد مگرود
مادرو حاصل خدمتك كل موجود
يالبابك العباس مالحضه انسد
.....................
مكروهه عد الناس كل الذله
الا بخدمتك هاي معروفه احله
الصعبه من تنراد يمك سهله
اشعلني بيدك خل اصيرن موگد
......................
امنيتي يحسين بدمع شاريها
اكنس عزائك وانت التگضيها
وانعول خدامك اصفط بيها
طالبها منك ماردت من احد
……………………..
الأقل شرفاً
كرار اللامي
محرم الحرام
اليوم لا ينفع مال لا بنون ……….
اخرجت اثقالها
ليست الارض اذا منذا تكون ……….
زينب كفالها
معصب وريشاته بانت خضره
وطلع مفتول الزنود السمره
بعين الحسين وتحفظه الزهره
وهو واگف شبخ فوگ المهره
گام يخزر بالمعسكر ادخيل طبگت حاجبه
ودار ظهره صوب اخيه والعدد ما عاجبه
گله شو سبعين ذوله وموش ذاك الطالبه
وردله خلص وكت بيهم المو كفو لتحاربه
امروتك فدوه يلگمر
………………………………………
خرجَ العباسُ قتال الرجال …..
وبه الوحي ظهر
وعلى صوت السماوات وقال …..
لا فتى الا القمر
عباس شد الثامه واعليها نوه
الگاع ماشالت الگاع بنينوى
صاح جبرائيل عباس الدوه
لهيج وادم وحرك الرايه الهوه
عيت وركدت ثواني وكل زلمهم مامش
هاي بعده ماتحرك ودو اعلي طارش
ضحك الحسين وي اخيه وكاله اقرا الهامش
نعتذرلك يابو فاضل عله كلمن عايش
امروتك فدوه يالگمر
………………………………………
نفخَ الصورَ وقد حل النزال…….
قد ااتتهم غاشيه
واذا بالصوتِ قد دك الجبال……
لستُ ابقي باقيه
مشه ومتحضر بعد عركه وردم
واتحركن ريشاته خلاس الزلم
وصاحوا الحگ يشيل وينهزم
اتباوع مطافر الروس وي الهدم
صهلت الشگره ولكدها وكض رسنها وغارت
قادت الجيش بكبرهم منين تشرد حارت
حادهم بالرايه للنص ورحته بيهم دارت
وبقت تتوسله كلها بروحه غيره وفارت
امروتك فدوه يالگمر
……………………………………..
قامت الساعتُ في جيش يزيد…….
وابتدى يومَ سقر
مايشاء القمر يفعل مايريد ……..
فليرى منهم اثر
دور العباس علزامط امس
ختلوا وصبح حجيهم بالهمس
بيهم المات وسبب موته خلس
البلع ريجه اتصحيله الفرسان اس
سكتوا العباس اجانه وطاگ عرجه ودخن
وشافوا الباشط لمعته والمعسكر صخن
هجم قباض الارواح وكل ثخان انجرن
عدهم الاف البيارغ حدر رجله اتكسرن
امروتك فدوه يالگمر
………………………………
نزل الوحي بقولٍ للحسين ……
قالهُ ثم رحل
ان ملك الموت لايلحق حين ….
وقتُ عباسٍ نزل
حسين ملك الموت مالحگ ابد
من هجم عباس جاب الي شرد
وتاهت الارواح منه والعدد
كله خلي يصيح ابو فاضل مدد
حگه ملك الموت بطل جا تعب من النگل
الگاع خسفت يابو فاضل استراح من الهگل
بكربله العباس سوه الما مسوينه گبل
اتوزر وشكل اردانه وگام يخنگ بالعگل
امروتك فدوه يالگمر
………………………………….
الأقل شرفاً
كرار اللامي
محرم الحرام
قل اعوذ بارباب العالمين
لحياة تخلو من الحسين
يامن به رفع البلاء
ولاجله خُلقَ العزاء
و بيُمنهِ نزل الشفاء ...... حسين
.............................................
جيتك عطش ارويني بعزه
رايد دمع بكثر الجزه
كون انهطر بچفي حبل
بلكي وتصح المعجزه
احترگ وي حرگت اخيام الدلال ومامش عرف
وياكل بروحي الجمر واصفن سوال شسوه النزف
حمره صارت كربله وثار الحبال برايه ترف
وارجع واختل بسد اصغر جهال والطف رجف
عشگ الهوه بريسم دمع
واهس نبي امرد ظلع
تحجي والك بس نستمع ..... حسين
....................................
اوگع ندم وگعت ورگ
يم عتبتك گلبي اختنگ
ياسلوتي وشوگ العرب
ليش الدمع يمك شهگ
العيون من تعشگ تذوبل بالسهر وتنسه الضوه
الهاجس بروحي عله الخيمه عبر وگلبي انجوه
الحر تبده بوكت مابي اي نحر بكل نينوه
وگعت الدنيه ابطيحة چف گمر بصيار الهوه
لوحت ندم انرسمت گبل
عطر الخيم يچفي العگل
عايز عقل جان العگل ........ حسين
.......................................
صفنت ادب فاحت عطر
مرايه الحزن لكل منكسر
ياكسرتي من اذكر سهم
واصل لحد طيف الزغر
طيوف عبدالله الك بس ماي جان وفز بالعطش
الشوگ تايه دور الروحه مچان وشافك نعش
عنبر الله وشايخ اعليهه الدنان الجوري اندهش
الحوافر واصله الظل الحنان بذمت اهدعش
ابكربله شوگ وهزل
ونار المخيم مشتعل
وبكل گلب لچمة الحبل ...... حسين
..............................................
عشگ وجرح يم كل رمح
بوكت الهوه يذري الملح
سالوفت اسهام الاجت
لاحن حلات اچم صبح
تبده فوگ الضوه رسمك وانچفه ماي السمه
من حلاتك ماخذه اعيونك صفه وجاسك ضمه
الشوگ علمحبوبه بعيونه طفه يسولف عمه
ابكربله جانت محطات الجفه انترست دمه
اوشالت دمع اتفطر جفن
ذابل ورد ذاك الغصن
ليش ليحبك ينسحن ...... حسين
.........................
الاقل شرفاً
كرار اللامي
محرم الحرام
تجليبه نزال
احنه بمحرم نبتدي عام جديد
بيه الحزن والنوح ع الظل وحيد
وعل ودعت يحسين راح امشي ابعيد
كونك تعاين ياضيم فوگ الهزل ممشانه
…………………………
فوگ الهزل چم قصه صارت بيها
بت شيخ واخت شيوخ شو تاليها
باخشن حبل اجفوفها مجتفيها
وتصيح يانور العين كلش گصت دنيانه
…………………………
كلش گصت دنياهه بيهه واثرت
متحفيه داست بالجمر من ركضت
بجثت اشچم غالي وعزيز اتعثرت
وزينب انهطرت بلگاع وحسين طگ شريانه
………………………….
حسين شوگ بروحه عينه الا خته
شاغ بونينه الخيل من داسته
طبعت حوافر سحگت بخاصرته
وزينب اعليه اتنوعت ياربي خلني امچانه
……………………
زينب الظيم المرهه مامر حرمه
وحيده تحشم خيهه ابروح امه
وعباس ان جانك عدل رد چلمه
اختك تره بيها الهظم مظرب مثل عنوانه
……………………….
مهظومه من كثر الشتم والعله
المكفوله اجتي صبحت متكفله
بثنين وثمانين طفل وطفله
بين المعاتت والبچي والخوف كف اردانه
…………………………
احنه لطمنه وكل عزانه بنيه
لرب المشت ع الهزل ومسبيه
العادانه خل انشوف شن تاليه
باجر ابيوم الاخره يفضح احسين اعدانه
………………………….
الغايه گالوا تبرر الكلشي يصير
وحسين غايتنه ونعوذ التقصير
الهامه مشتاگه بشغف للتطبير
وباچر القامة مسرفنه وعابس يطبر ويانه
…………………………..
الأقل شرفاً
كرار اللامي
محرم الحرام
قبل ادم كان لا قبل الانا ....
هو علي
عندما قال الإله يا انا ...
هو علي
صاحب الحوض اذا الكون فنا ....
هو علي
وغدا من ذا ترا رحمتنا ...
هو علي
هو علي
انه دوماً على العرش استوى
هو عليٌ
نور َالكونَ اذا النجم هوى
وبه شق السماء
.... زينت باسم علي
…………………
ثبتكم الله على ولاية العلي وجعلكم من المتمسكين به وبولايته
من شح بيه النفس
.... مريت انته ضوه
فتشت عيني عليك
.... شوفت وجهك دوه
...........................
يامن بيك الروح مشدوها بحيره
مسافر وبذكراك من ديره لديره
يارب دمعي
بيدك وظعي
احرگ روحي بعزاء
ياماسة كربلاء
حسين .........
ارزق روحي الدمع
واشعلني چن شمع
واكسرلك چم ظلع
حسين .........
بيك انه اشتهم هوه
باسمك عقلي ارتوه
بعشگ گلبي انچوه
الهايم لو عشگ ..... بمحبوبه اشتم هوه
........................................
اتذكرك واشتاك وتسلهم عيني
حزني لكلشي صار بيكم يحسيني
عايش بيه
يابو رقيه
يابرهان العشگ
خيلني لك محترگ
حسين
ياديوان الحجي
ياقران البجي
اعليكم مرتجي
حسين
قدسيتك سر نبي
دخيل بطاري العبي
ياعشگي ومطلبي
الماحبك سيدي ...... بدنياته شرتوه
...................................
تايهه وبلا راي والگيتك عنوان
لكل قصة فاكد ومحتاجك خوان
مفرج همه
وصرت تهمه
سلطانه هل صرت
بروحه انت عشت
حسين
يامعطر كل ورد
حيلي باسمك يشد
ياحب وكله ود
حسين
عقلي وبيك انسجن
غربه وانته الوطن
الماشافنك عمن
اقبلني محلفك .... ابشيال اللوه
.....................................
ما محتاج الناس احتاجيتك انته
الظل وحده ومشتاگ اتموته السكته
طبع الدمعه
مثل الشمعه
تنزلك من تجي
ياسلطان البچي
حسين
ادبني اتعذبت
سندني لو طحت
ردني لك لو رحت
حسين
سامرني بخنگتي
ياصوت الصيحتي
ياناسي وصحبتي
الماعاقدلك روح .... ويه المامش سوه
...........................................
من اسباب النوح ذكرك لو مر غفل
تتهيج لحزان ويهج شوك العگل
قبله وديني
يامتعيني
مذبوح وفرهدوه
والتهظم عذبوه
حسين
كون الظلعك جبر
وبيه يكون الكسر
بهمك ريت انعصر
حسين
چمل حزني بلطم
واكسرلك چم عظم
العيشه بدونك هظم
يامعنى لكل وجود ..... دخيلك رب نينوى
..................................
الاقل شرفاً
كرار اللامي
محرم الحرام