12556
قناة سودانية كلام حاصل لينا قصص حاصلة لينا في حياتنا تصاميم لي أغاني سودانيه 😍 تصاميمي الخاصه 😘 طلب تصاميم 😊 روايات
تيجيّ نشرب شاي ، و يحسِدنا اللِي
رايح والِي جاي ♥️♥️♥️♥️♥️♥️♥️♥️♥️♥️ 🪐!!.
"اللهم أعطِنا من الأمان ما يكفي للتغلُّب على ما نخافه، ومُدَّنا بالطمأنينة كي نتجاوز الأيام إن ثقلت، وألهمنا صبرًا على ما لا نُطيق"
Читать полностью…
مساء الخير..
" جاية اعترف انو حقيقي في فرق بين زول بيحبّك ، وزول بيعرف يحبّك بالطريقة اللي انت بتحِب تتحبّ بيها♥️. "
"ثق دائماً أن الله لاينساك، ولو ظننت أنك بالكاد تتحمَّل الحياة، يأتيك باليُسر والفرج في ذلك الوقت الذي تشعر فيه أنك على شفا حفرة من السقوط، فالله إذا أراد بك خيرًا تعجَّبتَ من طريقته، يأتيك الخير من بين ألف طريقٍ ضيَّق، حتى أنك لا تعلم متى وكيف حدث ذلك"
Читать полностью…
أخبروا أبنائكم وأجيالكم القادمه أن أمورهم لا تتم إلّا بالمحافظة على الصلاة، وأن الصلاة أمان وحصن من المنكرات وبوّابة الرزق، وأن التفريط فيها عظيمّ عند الله وأنّه لا يفلح من لا يُصلّي ولن يقُم له أمرٍ من أُمور الدنيا ولا الآخرة🤍🤍🤍🤍🤍🤍🌥 .
Читать полностью…
لنا في الصبحِ آمالٌ نرجّيها فبسم اللهِ مُحيينا ومُحييها 🌥❤️.
Читать полностью…
حاسة أنه ناس سوداني ديل مجهزين لينا فاتورة ح نقضي حياتنا ندفع فيها بعد الحرب دي !.
Читать полностью…
مخططين للقيا وكل واحد متلهف انه يلاقي التاني بعد العيد
كانت ليالي رمضان الطويلة جميلة وكلها شووق بس هم الاتنين منتظرين العيد بكل لهفة
كان منتظر العيد بس عشان يقول ليها وهو بيشوف في عيونها " كل عيد وانتي هناي"
بس على اخر مرة شافو فيها بعض اكتر من من 40 يوم
كان كل يوم بيغني " وايامي من كتر الأسى صارت حروف مترهلة... لحظات خفيفة ومهملة"
للأسف الحاجة البعدتهم من بعض لا كانت ل اغتراب ولا سفر
فرقتهم تروس ودانات ورصاص حتى وسائل التواصل انعدمت عندهم
كانت في كل يوم بتغني وتبتسم وتقول ليه " لمحت فيك راحة المشاوير البعيدة ولفحة النسمة الحنينة الجاية من خوف المضيق"...
ما عدا يوم الا وهي تفكر فيه وراجية اللقيا بكل لهفة
اتلهفت للقياه وهو بيشوفها جوا عيونها ويقول ليها "عينيك حس اطفال بينادو القمرة للغايب يعود". 💜
كل يوم بالليل بيقول ليها وهو متأمل يلقاها بكرة" وانا في قساوة الموحش الزمن المكهرب بالحريق
انا حيلتي ايه قولي لي يا قمر الزمان
غير اتكي واحلم معاك واحضن حماس الصحو والالم البريق 💔"
كانت اغنيتهم المفضلة كفيلة تطبطب ليهم عن قساوة الايام
#على_عتبة_النهاية
أن يجمعنا فنجان قهوة... أرتشف قهوتي و أنا أمعِّن
نظري في ملامح وجهك اللّذيذة
اخبرك فيه أنّ ملامحك هذه تضاهي طعمَ القهوةِ
بدرجات .....
على امل ان تنتهي هذه الحرب وعلى وعد ان ارضى معك بتلك الهدنة التي ترجو ان تجمعنا تحت سقف واحد. 💜
#الهبهاآاانةة. 💜
عزاءنا الوحيد انو
"كُلَّمَآ أَوْقَدُواْ نَاراً لِّلْحَرْبِ أَطْفَأَهَا اللَّهُ وَيَسْعَوْنَ في الأرْضِ فَسَاداً وَاللَّهُ لاَ يُحِبُّ الْمُفْسِدِينَ" ❤️❤️❤️❤️❤️
فيااارب اطفئ حربنا واخمد نيرانا وانصر السودان نصر عزيز مقتدر بعد الحال ولا تشمت أعدائنا بنا يااارب 💚
يخوانا كيييفكم؟؟؟
ان شاء الله انتو طيبين!!🥺❤️
عايزة اقول ليكم حاجة حقيقية مية في المية امكن تطمنكم شوية !🙊
"صدقوني الجايي قطع شك ما اكعب من الفات!"..
وحتفرج قريييب بإذن الله..
حنرجع لأشغالنا ودراستنا..حنرجع لحياتنا الطبيعية..
حنرجع نلاقي الأصحاب والأهل ..وحنفرح حنفرح كتتتتيييير ..
وحنتجاوز الفات بكل بشاعته و كأننا ما خفنا يوم ولا حصل لينا حاجات سيئة..
انتو عارفين؟ حنفرح فرحة القالولا وليدك مات!!💔 جناك ودّر .. ورجع ناداها يااا يمة 😍🥺!
ما باقي كتير يا وطن ❤️.
#زُبيديات
أنا حلمي كلمة وحدة .. أن يظل عندي وطن!!!🥺💔
Читать полностью…
انت قاعد ف البلد المعمعه دي م جمبك اصلا 😂❤️
Читать полностью…
الحمدلله لأن مجريات أمورنا بيده سبحانه، تحوطها رحمته، وتجريها حكمته، الحمدلله؛ لأنه ربنا ولم يكلنا إلى ضعفنا ولا ضعف خلقه، الحمد لله لأننا بين يديه دائمًا.. ولسنا في رجاء غيره لأنه أغنى قلوبنا به عمّن سواه🤍🤍🤍🤍🤍🤍🤍🤍🤍🤍🌥.!
Читать полностью…
Message for you
"سيأتي بها الله وإن تأخرت". ♥️
كان الرسول ﷺ إن ضاقت دُنياه يُردد:
"يا حيُّ يا قيّوم بِرحمتك استغيث، أصلِح لي شأني كُلّه ولا تكلني إلى نفسي طرفة عينْ."
صباحُ الخيرِ، ثُم نعوذ بك يا رب من شتات القلب وغياب الفهم وضيق الصدر 💛
Читать полностью…
"الجديّة مُميتة؛ واجه مشاكلك بالحسّ الفُكاهي."
Читать полностью…
أتساءل عن شكل الحياة عندما يشعر الإنسان انه في المكان المناسب.
Читать полностью…
والله من النت الكتير دا جاني اكتئاب الجلابة
Читать полностью…
بعد الحرب دي تنتهي كل زول حيكون عندو قصص كتيييرة يحكيها ..
اي زول حيكون شاف الموت ألف مرة ومرة وباألف طريقة كمان..
حيجي اليوم النحكي قصصنا دي لأحفادنا واحنا بنضحك وما مصدقين كيف رغم كل الموت الشفناه دا احنا نجونا وبأعجوبة!
صدقوني كل ما تضيق وكل ما تشوفو انو النهاية قربت و ماف أي أمل للخلاص وماف أي حل خلاص..كل ما كان الفرج قرب ..
أصلاً هي بتضيق شديييد كدة عشان تفرج ..
شفتو شعور لما الكهرباء تكون قاطعة بالأيام و الموية ناشفة من المواسير و من الوضايات
و لما ننسى طعم الموية الباردة ونشرب الموية السليقة في الجو الحار والعرق النازل ..
ونكون خلاص اتأقلمنا على الوضع دا
وبعد شوية تضرب دانة تهز البيت وتهز قلوبنا وتخلينا نتدس تحت السرير كأنو السرير حيحمينا وهو اضعف من انو ينقذنا أساساً..
شفتو شعور اننا نكون اتعودنا على السخانة والتلاجات الأكل الفيها كله خرب وبقينا نعمل اكل قدر حوجتنا بس؟
وحتى تعبنا من اننا نسأل الكهرباء حتجي متين؟
طبب اخوانا ضهورهم وجعتهم من نقل الموية..ياربي الموية ما حتجي؟؟
وخلاص بقينا ما بنسأل الأسئلة دي لأننا فاقدين الأمل من الكهرباء والموية .. وفجأة بدون أي مقدمات هووووووووب الكهرباء تجي!!! 😍
بعد ما قطعنا العشم في الكهرباء رغم حوجتنا ليها .. نسمع صوت المراوح اشتغلت والأنوار النسينا شكلها فجأة بتضوي الحتة كلها وبتضوي قلوبنا معاها
شفتو الصرخة بتاعت الفرح البتسمعوها من اي بيت في الحلة بداية من بيتكم لحدي اخر مربوع؟ 😍😂..
الصرخة بتاعت عدم التصديق .. والفرح .. والمفاجئة ووووووو
والسجود بتاع الشكر الفوراً بنسجدو فرحا وامتنانا
ديل حيجي يوم
في لحظة أبدا احنا م متوقعنها
وينتهي كل الدمار دا !
و تتحرر الخرطوم الجميلة وكل ارجاء الوطن الحبيب من الاستعمار الحصل ليها فجأة دا 💕
حنطلع الشارع نحتفل
نبتهج
ونقرع الطبول
ونغني ونصفق ونحضن بعض ونبارك تحريرنا للأبد ❤️
حنعيش الحياة الطيبة والعيشة الرغدة البنستاهلها
وحيرجع السودان قوي وعزيز وامن ومطمئن ومتماسك..حيرجع السودان سلة غذاء العالم ما عارفة متين بالظبط بس متأكدة انو نصر الله قريب بإذن الله ❤️
#زُبيدة_الزومة
#زُبيديات
الحرب علمتنا كتيير..
علمتنا التدبير..
علمتنا نقتصد في كل شي ابتداءً من الموية الكنا بندفقها عادي هسا اتعلمنا كيف نوفرها..
علمتنا كيف نحتفظ بالأكل اطول فترة ممكنة..
ورتنا اننا كنا في خير ونعم كتييرة ما كنا حاسين بيها..
خلتنا نستدرك نعمة الكهرباء ، الموية ، الانترنت ، الغذاء المتوفر بسهولة ، وأهم نعمة على الإطلاق هي نعمة الأمن والأمان الما كنا حاسين بيها مطلقاً!
الحرب خلتنا نتلم على أهلنا .. نحبهم نتونس ، نلعب ، نضحك ونفرق جو معاهم .. خلتنا نستدرك نعمة الأسرة وجوها الجميل الما كنا مستشعرين نعمتهم مع زحمة الحياة!
فجأة اكتشفنا انهم ظريفين و القعدة معاهم بالدنيا!😅
الحرب خلتنا كلنا نتمنى نرجع حياتنا الطبيعية الكنا دايماً زهجانين منها وبنشكي ونبكي!
الحرب غيرت جوانا كتيير..الما كان بحسن لشغله هسا نفسو الحياة ترجع عشان يحسن ليه
الما كان بلاقي اصحابو هسا مناه يلاقيهم
الما كان مجتهد في دراستو .. هسا نفسو الحياة ترجع ويجتهد ويدرس ويتمنى الزمن يجري سريع عشان يتكتب من الناجيين ، قصدي من الخريجين!
في بلد ما مفهومة و ظروف بتتقلب كتير..
الحرب علمتنا الصصصبر
علمتنا نرضى بالقليل
ونرضى بالمافي أصلاً
علمتنا نلوك القرض!
لأنو مهما اتجرسنا ماف شي حيتغير!
الحرب لما تنتهي
حنكون ناس قويين شدديييد
تاني البهزنا ما حيرمينا
حنقدر نعيش في اسوء الظروف و نطلع منها الجنة !
الحرب ملتنا يقين بالله
ورتنا انو الموت قرييييب شديييد
اقرب من نفَسنا الطالع والنازل
احنا مهددين في أي لحظة للموت
عشان كدة لازم نعمل لآخرتنا ونبطل نعيش الدنيا كأننا ضامننها
لأنها الشي الوحيد الما مضمون
لازم نبطل الأنانية وحب الذات
نبطل نخلي كل شي لنفسنا لأنو ممكن في اي لحظة نمشي ونسيب كل شي ورانا
الحرب ورتنا انو عشان الحياة انت ممكن تسيب بيتك و حتتك وذكرياتك وكل شي بتحبو وراك وتهرب!
بس المصيبة حتهرب للمجهول!
ماف زول ضامن الطريق والوصول
ماف زول ضامن الحتة الحيمشيها هي فعلاً الأمان ولحدي متين؟
عشان كدة أهم درس أهم درس المفروض نكون اتعلمناه
هو التوكل على الله ❤️
والآية حقت
""الذين قال لهم الناس ان الناس قد جمعو لكم فااخشوهم فزادهم ايمانا وقالو حسبنا الله ونعم الوكيل !!"
المفروض الآية دي تكون اسلوب حياتنا وطريقة تفكيرنا تاني
انو لن يصيبنا إلا ما كتب الله لنا
والبجي من ربنا كلو سسسسمح ❤️
#زُبيدة_الزومة
#زُبيديات
بالجد ما بدمرنا قدر الإشاعات!! خبر حرق بنك السودان المركزي اشاعة.. وخبر اعلان بورتسودان عاصمة ادارية برضو اشاعة!! اعملو حسابكم والناس ما اي خبر تسمعو طواالي تصدقو .. بالذات لو لقت الخبر في الجزيرة او الحدث الفتانات السواطات 🌚 ما مزعلني شي في الدنيا دي قدر ما مزعلني هم ومحرقين قلبي 🙂💔 .. لما يلقو البلد هدت وراقت والحرب بدت تتراجع كم خطوة لوراء بدل ما يبشرو الناس وينقلو الخبر زي ما هو زي ما فالحين في نقل الحروب 🌚 بدل كدة يحسو انهم اذا م عندنا حرب هسا معناها كدة هم افلسو .. فيقومو يجيبو خبر قدييييم من مااااف ويزيدو ليه توم وشمار طبعاً وينشروه كأنو حصل هسا عشان يزيدو الفتنة 🙂🙂 ديل لو خلونا في حالنا والله حالنا بتصلح !!!!
Читать полностью…
الشوارع فارغة
شرفات المنازل كئيبة
الساحات خاوية والبيوت مهجورة
لا أرى سوى حطام هنا
اختفت رائحة الخبز وليس هنا سوى رائحة البارود ورائحة الرصاص
الشوارع تعبق برائحة الموت
المكان يعمه الحزن
الليل هنا طويـل ممتد بالأسى
كل شيء هنا محطم حتى نحن محطمون وكأننا بيت في أحد شوارع سوداننا 💔
وكيف أصبح الوطن هكذا ؟؟
وكانت بلادنا كفراشة تحلق مزهوة بأجنحتها..
لكن الآن انعدم الدفء هنا..
الوطن أصبح بارد غريب
أمشي في الشوارع هائمة، هذا وان استطعت الخروج للشارع، أبحث عن أي شخص لأحتضنه، ليواسيني في حزني، ليخبرني أنه مجرد حلم كئيب وسنستفيق منه
لكن الشوارع هنا كئيبة خالية من الحياة الأيادي الحنونة هنا قتلت أو هجرت
والجميع غادر
فاقداً قلبه، و وطنه
وحده ظل قلبي باكياً بتأمل أشلاء الناس وحطام المنازل وبرودة الجدران
بقلب طفلة
تقول.. تباً لك أيتها الحرب اللعينة
وحده ظل قلبي باكياً دون أحد.
#الهبهاآاانةة. 💔
و بكرة تعود لينا نفس الابتسامة الصادقة ، الآمنة على أحضان هذا الوطن العزيز..
شمس الخراب لا بد تنجلي ونصبح على وطن سالم ،
وطن كامل ،
وطن معافى ❤️..
هااانت ما باقي كتير بإذن الله
#زُبيديات