1011
Агучваем кіно на беларускую мову і паказваем яго ў кінатэатрах. Кіно на роднай мове ўжо глядзяць тысячы, далучайся і ты.
Сябры, яшчэ адна радасная навіна гэтага году🎉🎄
Упершыню ў гісторыі выйшаў афіцыйны беларускі дубляж фільма кампаніі Дыснэй.
Для «Кінаконга» гэта была вялізная праца, у якой удзельнічала мноства розных людзей: ад маленькіх дзетак да заслужаных артыстаў Беларусі. Мы зладзілі дзясяткі пробаў і правялі сотні гадзін у студыі гуказапісу. І мы вельмі задаволены вынікам. Спадзяемся, спадабаецца і вам.
Ужо цяпер вы можаце паглядзець мультфільм «Уверх» на VOKA: voka.tv/movies/up-bel
У новым 2021 годзе мы будзем імкнуцца радаваць вас новымі працамі на платформе VOKA і ў кінатэатрах!
Павіншуем вас не толькі словам, але і справай! Ад сёння ў Мінскім планетарыі убачыць прыгажосць нашага сусвету можна па-беларуску.
З Днём роднай мовы, сябры!🎉
Такая сітуацыя з квіткамі на першы паказ. Раім не адкладаць і набыць квіткі загадзя: afisha.tut.by/film/adzin-doma
Читать полностью…
Сябры, у нас для вас падарунак!🎁
5-7 студзеня мы пакажам знакамітую калядную камедыю «Адзін дома». Запрашаем вас у новым годзе пераглядзець улюбёную стужку яшчэ раз і па-беларуску!
❗️Спяшайцеся па квіткі: afisha.tut.by/film/adzin-doma
Захапляльны гістарычны фільм пра нацыянальнага героя героя Нідэрландаў — Міхіла дэ Раўтэра.
Што робіць патрыёт, калі незалежнасць краіны пад пагрозай?
Адказ у фільме «Адмірал».
7-8 снежня ў к/т «Масква»
Квіткі тут: afisha.tut.by/film/admiral-1
⚡️Ужо ў гэтую суботу! Толькі адзін сеанс!
30 лістапада ў к/т Масква адбудзецца паказ фільма «Амстэрдамскі кот». Гэтая стужка - магчымасць убачыць на шырокім экране неверагодна прыгожы жывёльны свет еўрапейскага мегаполіса разам з цікавым беларускамоўным аповедам мясцовага ката😺
❗️30 лістапада, 17:00, к/т Масква. Квіткі тут: afisha.tut.by/film/amsterdamski-kot
Перапіс блізка
Сябры, заклікаем вас падчас перапісу назваць сваёй роднай мовай беларускую! Гэта той крок да беларушчыны, які можа зрабіць кожны.
❗️Дзяліцеся гэтай думкай з сябрамі, няхай нас становіцца больш❗️
Новая серыя Свінкі Пэпы!🐷
Пэпа і Джордж прыязджаюць у госці да бабулі з дзядулем. Дзядуля Свін саджае насенне кветак, але іх з’ядаюць птушкі. Пэпа і Джордж дапамагаюць дзядулі зрабіць пужала, каб перашкодзіць птушкам дзяўбці насенне.
https://www.youtube.com/watch?v=Li24ugzTbnc
Як метро забараніла рэкламаваць Форэста Гампа
«Кінаконг» займаецца дубляжом і паказам фільмаў па-беларуску. Мы вырашылі парэкламаваць не канкрэтны фільм, а сам брэнд. Таму прыдумалі размяшчаць вядомыя цытаты са знакамітых фільмаў па-беларуску. Пачаць планавалі з «Форэста Гампа». На плакаце намаляваны знакаміты кадр, дзе Форэст сядзіць на лаўцы і цытата, якую ён паўтарае на працягу ўсяго фільма: «Жыццё як скрынка шакаладных цукерак». Адзінае адрозненне ад арыгінальнага кадра ў тым, што Форэст беларускамоўны, таму на ім вышыванка.
Знізу: «Глядзі кіно па-беларуску» ― і спасылка на нашу кампанію ў інтэрнэце.
Дык вось. Метро ЗАБАРАНІЛА гэты білборд! Ім не спадабалася цытата з фільма, ім не спадабаўся слоган «Глядзі кіно па-беларуску» (патрабавалі замяніць), але галоўнае патрабаванне было «перафарбаваць кашулю» (то бок прыбраць вышыванку). ПРЫБРАЦЬ ВЫШЫВАНКУ, Карл.
https://news.tut.by/culture/654179.html
Магілёў! Навіна для вас! 🐻
З 5 верасня ў кінатэатры «Космас» будзем паказваць «Падынгтан» і «Падынгтан-2».
Падзяліцеся, калі ласка, са сваімі магілёўскімі знаёмымі😊
Квіткі на «Падынгтан»:
https://afisha.tut.by/film-mogilev/padyngtan_belaruskiya_uikendy/?rr
Квіткі на «Падынгтан 2»:
https://afisha.tut.by/film-mogilev/belaruskiya_uikendy_padyngtan_2/?rr
Мы рызыкнулі — атрымалася файна 🎉
Насамрэч, рыхтуючы такую незвычайную імпрэзу, мы моцна хваляваліся. Ведаючы ўсе падводныя камяні і складанасці працэса агучкі, было цяжка ўявіць, што ў нас атрымаецца. Але таленавітая каманда і ўтульная атмасфера, створаная сотнямі гледачоў, зрабілі сваю справу. «Жывая» агучка фільма «Мортал Комбат» была зроблена на выдатна і гэта пацвердзіла хвіліна гучных авацый напрыканцы.
Гэтае відэа толькі крыху перадае атмасферу, за якую яшчэ раз хочам падзякаваць Віталю Гуркову, Меліціне Станюта, Паўлу Харланчуку, Алегу Гарбузу, Сяргею Жбанкову, Крысціне Дробыш і ўсім, хто далучыўся да нашага смелага эксперыменту🤗
«Мортал Комбат» у жывой агучцы 8 жніўня!
Акцёры будуць прамаўляць свае рэплікі «ужывую» са сцэны кіназалы!
Галоўнага героя агучыць чэмпіён свету Віталь Гуркоў, прынцэсу Кітану — беларуская гімнастка Меліціна Станюта.🥊🤸♂️🥇
Замовіць квіткі можна тут:
https://afisha.tut.by/film/mortal-kombat-pa-belarusku/
50 гадоў споўнілася знакамітаму спеву «Space Oddity» Дэвіда Боўі
Вось так ён гучыць па-беларуску. Мы адмыслова запісалі кавэр да выхаду фільма «Таемнае жыццё Уолтэра Міці», у якім гучыць гэты спеў.
https://www.youtube.com/watch?v=YfBZVG9kHyY
Вось так прайшоў наш адмысловы перадпаказ фільма «Хаціка» па-беларуску для ўладальнікаў сабак. Было каля 50 сабакаў і цудоўная атмасфера🐕
Пракат у кінатэатрах пачнецца ўжо заўтра! 🎬
Запрашаем! Замовіць квіткі можна па спасылцы:
https://afisha.tut.by/film/belaruskiya-uikendy-khatiko-samyy-vernyy-drug/
Легендарны «Хаціка» па-беларуску!🐕
5-7 ліпеня ў кінатэатры Масква паказваем адну з самых кранальных гісторый аб сяброўстве сабакі і чалавека.
Набыць квіткі можна тут:
http://kino.bycard.by/movie/hacka#06.07.2019/onemovie
Праца не спыняецца - фільмы перакладаюцца🎞
Цягам апошніх двух месяцаў мы ўзялі дзве сур'ёзныя вышыні:
✔️ Агучылі поўнакупальны фільм «Рознакаляровы сусвет» для Мінскага планетарыя
✔️ Зрабілі дубляж фільма «Мой сябар містар Персіваль», паказы якога адбываюцца па ўсёй Беларусі адначасова з рускамоўнай прэм'ерай.
Нягледзячы на складаныя абставіны, у якіх мы часова не можам праводзіць «Беларускія ўікэнды» ў кінатэатрах, мы не спыняем працу і працягнем радаваць вас:
🔈Бліжэйшымі днямі для самых маленькіх гледачоў на нашым ютуб-канале з'явяцца новыя серыі "Свінкі Пэпы" па-беларуску
🔈Больш дарослыя зусім хутка змогуць пабачыць шэраг сучасных блокбастараў па-беларуску анлайн. Так, вам не падалося😏
Цяпер як ніколі для нас будзе дарэчы ваша падтрымка. Давайце разам рабіць кіно па-беларуску: talaka.org/kino
Залы напаўняюцца - мова развіваецца!☝️
А гэта 600 чалавек на першым сеансе "Адзін дома"
Гэты фільм дакладна падорыць вам святочны настрой! Нагадваем, 5-7 студзеня ў кінатэатры «Масква» паказы самай знакамітай каляднай камедыі «Адзін дома» ў беларускім дубляжы.
🏃♂️Колькасць сеансаў абмежаваная, таму бяжыце па квіткі: afisha.tut.by/film/adzin-doma
Гомель, сустракай кіно па-беларуску⚡️
(а калі вы не з Гомеля - дашліце гэты пост сябрам адтуль😊)
21 снежня ў кінатэатры "Мір" мы пакажам неверагодна кранальны фільм «Васьмікласнікі не плачуць», зняты паводле еўрапейскага бэстэлера. Не прапусціце ўнікальную магчымасць!
❗️Толькі адзін сеанс! Спяшайцеся па квіткі: order.bycard.by/kino/#session=814052
Сябры, большасць квіткоў на "Амстэрдамскага ката" ўжо куплена!😯
Паспяшайцеся, калі жадаеце крута адпачыць ад гэтых "чорных пятніц"😏
afisha.tut.by/film/amsterdamski-kot/
Добрыя навіны! Фільмы па-беларуску зноў у кінатэатрах🎉
23 лістапада мы пакажам неверагодна кранальны фільм «Васьмікласнікі не плачуць», зняты паводле еўрапейскага бэстэлера. Стужка кажа аб складаных рэчах простай мовай, распавядаючы гісторыю 12-гадовай Акі ван Фліт, якая захварэла на лейкемію.
❗️Толькі адзін сеанс! Спяшайцеся па квіткі: afisha.tut.by/film/vasmiklasniki-ne-plachuc
❓ЦІ ТРЭБА НАМ КІНО НА РОДНАЙ МОВЕ❓
Сёння мы, каманда «Кінаконга», хочам звярнуцца з гэтым пытаннем да ўсіх беларусаў.
Жаданне агучваць кіно па-беларуску з’явілася ў нас больш за 5 гадоў таму. Мы пачалі займацца гэтым па меры магчымасці, але 3 гады таму збылася нашая мара: мы пачалі паказваць кіно па-беларуску ў кінатэатрах. Кожны месяц мы прэзентавалі вам новы фільм. Нашым сталым партнёрам зрабілася кампанія velcom, якой мы шчыра ўдзячныя за супрацу на працягу 2,5 гадоў.
Якіх стандартаў і прынцыпаў мы дасягнулі:
▪️толькі найлепшыя акцёры агучкі;
▪️поўны дубляж, а не закадравая агучка;
▪️якасны пераклад, карэктура і рэдактура;
▪️уласная прафесійная студыя;
▪️стварэнне ўнікальнай атмасферы на паказах кожнага фільма.
На сённяшні дзень адзіныя нашыя спонсары – гэта вы! І калі вы лічыце, што ў кінатэатрах нам ТРЭБА якаснае кіно па-беларуску, мы разлічваем на вашую падтрымку.
⚡️ЯК МОЖНА ПАДТРЫМАЦЬ КІНО ПА-БЕЛАРУСКУ:⚡️
🔸стаць нашым ахвярадаўцам на Talaka.by/kino;
🔸пашырыць гэты пост, каб больш людзей даведалася пра нас.
ЗРОБІМ ГЭТА РАЗАМ!
Калі ў метро нашу рэкламу забараняюць, то чаму б не зрабіць стыкеры? Карыстайцеся крутым беларускім стыкерпакам у Telegram: /channel/addstickers/kinakongby
Читать полностью…
Новая серыя Свінкі Пэпы ўжо на нашым канале!
Гэтым разам Пэпа і Джордж вырашаюць стаць вядомымі дэтэктывамі. Тата Свін даручае ім правесці адно расследаванне.
https://www.youtube.com/watch?v=_e8hP5cYWzQ
Новая серыя Свінкі Пэпы па-беларуску!
Гэтым разам Пэпа і Джордж пускаюць бурбалкі.
https://youtu.be/Fa_JowRghNE
Гэта было неверагодна! Дзякуй усім, хто далучыўся да гэтага смелага эксперыменту😊
Квіткі на дадатковы сеанс «Мортал Комбат»: afisha.tut.by/film/mortal-kombat-pa-belarusku
Ці хадзілі вы на Падынгтан?
public poll
Не хадзіў, але збіраюся 🙂 – 42
👍👍👍👍👍👍👍 54%
Хадзіў на «Падынгтан» – 27
👍👍👍👍👍 35%
Хадзіў на «Падынгтан 2» – 5
👍 6%
Хадзіў на абодва фільмы – 4
👍 5%
👥 78 people voted so far.
Добрая навіна!
Вырашылі паказаць адразу «Падынгтан» і «Падынгтан 2»!
Адзін з найлепшых дзіцячых фільмаў апошніх год вяртаецца ў абноўленым беларускім дубляжы, ды адразу з працягам.🧸
Квіткі на «Падынгтан»
Квіткі на «Падынгтан 2»
А вось і трэйлер «Хаціка»
😇
https://youtu.be/m6MQr75yZTc
3 цікавыя факты адну з самых чаканых кінанавінак гэтага лета — Гісторыю Цацак 4
Факт 1:
Аніматары пільна вывучаюць розныя матэрыялы бо свет цацак маленькі. Цэлы шэраг дэталяў: варсінкі на тканіне, драпіны, зварка і дэфармацыя металу, пыл — якія мы звыклі бачыць з гледзішча чалавека, можна будзе пабачыць з пункту гледжання цацак.
Факт 2:
Звярніце ўвагу на сцэну ў антыкварнай лаўцы: у ёй болей 10 000 рэчаў. Некаторыя прадметы перанеслі з іншых твораў Піксар, таму сярод іх можна заўважыць шмат спасылак на іншыя фільмы. Але большасць рэквізіту зрабілі адмыслова для фільма. На стварэнне лаўкі сышло больш за 2 гады.
Факт 3
Вы, напэўна, не заўважылі, але ў “Гісторыі цацак” дождж ніколі ні на што не падае. Раней, каб паказаць, што ідзе дождж, проста малявалі мокрае акно, альбо дарогу, каб падмануць гледача. Але гэтым разам дождж будзе падаць пасапраўднаму!