567148
ရန်ကုန်ခေတ်သစ်သတင်းဌာနသည် ၂၀၁၈ ခုနှစ်၊ ဇန်နဝါရီလ ၁ ရက်နေ့တွင် စတင်ထူထောင်ခဲ့သော သတင်းဌာနဖြစ်ပါသည်။ https://yktnews.com/
Khit Thit သတင်းဌာန၏ ဇန်နဝါရီ ၂ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇန်နဝါရီ ၂ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
- အကြမ်းဖက် စစ်ခေါင်းဆောင် မင်းအောင်လှိုင်က မြန်မာနိုင်ငံမှာရှိတဲ့ သင်္ဘောတွေမှာ ဘက်ထရီ စွမ်းအင်စနစ်နဲ့ အသုံးပြုခုတ်မောင်းနိုင်အောင် လုပ်ရမယ်ဆိုပြီး ပြောသွားပြန်သလို ၊ အရင်သူပြော ဆိုခဲ့ဖူးတဲ့ လျှပ်စစ်ရထား၊ မြေအောက်ရထား၊ လျှပ်စစ်ဘတ်စ်ကားတွေလည်း တစ်ခုမှ ဖြစ်မလာခဲ့ဘဲ လျှပ်စစ်မီးတောင် တစ်နေ့ ၄ နာရီ မှန်မှန် မပေးနိုင်တော့ဘူးလို့ သိရပါတယ်။
- ဧရာ၀တီတိုင်း ၊ ကန်ကြီးထောင့်မြို့နယ်မှာ စစ်အာဏာရှင် ဆန့်ကျင်တဲ့ ပြည်သူတွေကို ဖမ်းဆီးနှိပ်စက် ထောင်ချခဲ့ပြီး လုပ်ငန်းရှင်တွေဆီကနေ ဆက်ကြေးတောင်း ငွေညှစ်ခဲ့သူ အကြမ်းဖက် စစ်ကောင်စီ တပ်က ဗိုလ်မှူး နိုင်လင်းအောင် ဆိုသူဟာ ရခိုင်ပြည်နယ် ဂွမြို့တိုက်ပွဲမှာ ပွဲချင်းပြီးကို သေသွားပြီလို့ အဲ့ဒီ့ ဗိုလ်မှူးနဲ့ နီးစပ်သူတွေက ရန်ကုန်ခေတ်သစ်ကို ပြောပါတယ်။
- ရန်ကုန်တိုင်း စစ်ဌာနမှာရှိတဲ့ တော်လှန်ရေး ရဲဘော်တွေကို NUG အစိုးရ ပြည်ထောင်စုဝန်ကြီးချုပ် မန်းဝင်းခိုင်သန်းနဲ့ တာဝန်ရှိတဲ့သူတွေဟာ မြေပြင်အထိ သွားရောက် တွေ့ဆုံပြီး လိုအပ်တာတွေကို ထောက်ပို့ပေးအပ်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://www.youtube.com/watch?v=BAox3NDs61I
ပျော်ဘွယ်မြို့၊ မန္တလေးတန်းရပ်ကွက်တွင် နှစ်သစ်ကူးည မူးနေသည့် ရဲတပ်သား ထက်ဦးပိုင် အပါအဝင် ရဲ ၅ ဦးက ပြည်သူများကို သေနတ်ဖြင့် ပစ်ခတ်သောကြောင့် လူထုက ပြန်လည်၀ိုင်းဝန်းရိုက်နှက်၍ ရဲများ ထွက်ပြေး
ရန်ကုန်၊ ဇန်နဝါရီ ၂
မန္တလေးတိုင်း၊ ပျော်ဘွယ်မြို့၊ မန္တလေးရပ်ကွက်တွင် ဒီဇင်ဘာလ ၃၁ ရက်နေ့ နှစ်သစ်ကူးညပိုင်း မူးယစ်နေသည့် ရဲတပ်သား ထက်ဦးပိုင် အပါအဝင် ရဲ ၅ ဦးက ရပ်ကွက်ပြည်သူများကို သေနတ်ဖြင့် ပစ်ခတ်သောကြောင့် လူထုက လိုက်လံ၀ိုင်းဝန်းရိုက်နှက်ရာ ရဲများထွက်ပြေးသွားကြောင်း ဒေသပြည်သူများနှင့် ရဲသတင်းရင်းမြစ်က ပြောဆိုသည်။
ဒီဇင်ဘာလ ၃၁ ရက်နေ့ ည ၈ နာရီအချိန် န္တလေးတိုင်း၊ ပျော်ဘွယ်မြို့၊ မန္တလေးတန်းရပ်ကွက်တွင် လူငယ်များစုဝေးပြီး New Year ပျော်ပွဲရွှင်ပွဲကျင်းပနေခဲ့ကြောင်း၊ ထိုအချိန် ပျော်ဘွယ်မြို့မရဲစခန်းမှ ရဲတပ်သား ထက်ဦးပိုင်( အရပ်ဝတ်ဖြင့်)က အရက် မူးကာ ဆိုင်ကယ်ဖြင့် ရောက်ရှိလာပြီး ဆိုင်ကယ်လီဗာဆွဲ၍ အိတ်ဇောသံ ဆူညံနေအောင်ပြုလုပ်ခဲ့ကြောင်း၊ ထို့ကြောင့် ရပ်ကွက်နေ လူငယ်များက ဆိုင်ကယ်အိတ်ဇောကို ဆူညံအောင် မပြုလုပ်ရန် တားမြစ်ခဲ့ရာ " ငါ ရဲကွ၊ လုပ်တော့ ဘာဖြစ်လဲ" ဟု ရဲတပ်သား ထက်ဦးပိုင်က ဆဲဆိုကြောင်း၊ ရပ်ကွက်နေလူငယ်များနှင့် ရဲတပ်သား ထက်ဦးပိုင်တို့အကြား စကားများ ကြကြောင်း၊ ယင်းနောက် ရဲတပ်သားမှာ ဆိုင်ကယ်ဖြင့် ပြန်လည်ထွက်သွားခဲ့ကြောင်း သိရှိရသည်။
ထို့နောက် မိနစ် ၃၀ ခန့်အကြာတွင် ဆိုင်ကယ် ၃ စီးဖြင့် ရဲတပ်သား ထက်ဦးပိုင် ဦးဆောင်သော ရဲ ၅ ဦးက သေနတ် ၁ လက်ဖြင့် ပြန်လည် ရောက်ရှိလာပြီး လူအုပ်ကြားထဲသို့ သေနတ်ဖြင့် ပစ်ခတ်ခဲ့ကြောင်း၊ ကျည် ၂ ချက် ထွက်သွားပြီးနောက် သေနတ်မှာ ဆက်ပစ်မရတော့ဘဲ ကျည်ညပ်သွားကြောင်း၊ လူငယ်များက လူထုကို သေနတ်ဖြင့် ပစ်ခတ်သော ရဲတပ်သား ထက်ဦးပိုင် ပါ ၅ ဦးကို ၀ိုင်းဝန်း ရိုက်နှက်ရာ ရဲ ၅ ဦးလုံး ထွက်ပြေးသွားကြောင်း၊ ရဲများ၏ ပစ်ခတ်မှုကြောင့် ဒဏ်ရာရရှိသူ မရှိကြောင်း သိရှိရသည်။
ရဲတပ်သား ထက်ဦးပိုင် အပါအဝင် ရဲ ၅ ဦးထွက်ပြေးသွားပြီးနောက် ဆိုင်ကယ် ၃ စီးနှင့် သေနတ်ကျည် ၁၀ တောင့်၊ ကျည်အိမ်တစ်ခုတို့ ကျန်ရစ်ခဲ့ကြောင်း၊ ပျော်ဘွယ်မြို့မရဲစခန်းမှ မြို့နယ်ရဲတပ်ဖွဲ့မှူးနှင့်အဖွဲ့ က အခင်းဖြစ်ရာနေရာသို့ လာရောက်ပြီး ဆိုင်ကယ်နှင့်ကျည်များကို ပြန်လည် ယူဆောင်သွားခဲ့ကြောင်း သိရှိရသည်။
ဓာတ်ပုံ - ညပိုင်း ကင်းလှည့်နေသော ရဲများ။ (ပုံအဟောင်းဖြစ်ပါသည်။)
ဂွမြို့နယ်မြို့သိမ်းတိုက်ပွဲတွင် စစ်တပ်ဘက်မှ တပ်မမှူး ဗိုလ်မှူးကြီး သန်းစိုးဝင်း၊ တပ်ရင်းမှူးများ အပါအဝင် စစ်သား ၇၀၀ ထက်မနည်းသေဆုံးပြီး သံချပ်ကာကားများ၊ လက်နက်ခဲယမ်းများနှင့် စစ်သုံ့ပန်းများ ဖမ်းဆီးရရှိ
ရန်ကုန်၊ ဒီဇင်ဘာ ၃၀
ရခိုင်ပြည်၊ ဂွမြို့နယ်မြို့သိမ်းတိုက်ပွဲတွင် စစ်တပ်ဘက်မှ တပ်မမှူး ဗိုလ်မှူးကြီး သန်းစိုးဝင်း၊ တပ်ရင်းမှူးများ အပါအဝင် စစ်သား ၇၀၀ ထက်မနည်းသေဆုံးပြီး သံချပ်ကာကားများ၊ လက်နက်ခဲယမ်းများနှင့် စစ်သုံ့ပန်းများ ဖမ်းဆီးရရှိကြောင်း AA က တရားဝင်သတင်းထုတ်ပြန်သည်။
ဒီဇင်ဘာလ ၁၅ ရက်နေ့မှ စတင်ပြီး ဂွအခြေစိုက်တပ်ရင်းနှစ်ရင်းဖြစ်ကြသော ခမရ ၅၆၂ နှင့် ခမရ ၅၆၃ တပ်ရင်းတို့ကို အာရက္ခတပ်တော်က ထိုးစစ်ဆင်တိုက်ခိုက်ခဲ့ရာ ၂၀၂၄ ခုနှစ်၊ ဒီဇင်ဘာလ ၂၉ ရက်နေ့၊ မွန်းတည့် ၁၂ နာရီအချိန်တွင် အဆိုပါ ဂွအခြေစိုက်တပ်ရင်းနှစ်ရင်းစလုံးအား ရှေ့ဆင့် နောက်ဆင့် တစ်ရက်တည်း၌ သိမ်းပိုက်ရရှိခဲ့ကြောင်း သိရှိရသည်။
ဂွအခြေစိုက်တပ်ရင်းများအပြင် ဂွမြိုသိုစစ်ကူလာသေ တပ်မ ၆၆ လက်အောက်ခံ၊ ခမရ ၄ တပ်ရင်း၊ တပ်မ ၁၁ လက်အောက်ခံ တပ်ရင်းများဖြစ်ကြသော ခမရ ၂၁၄ တပ်ရင်း၊ ခမရ ၂၁၅ တပ်ရင်း နှင့် ခမရ ၂၁၇ တပ်ရင်း ၊ အနောက်တောင်တိုင်းစစ်ဌာနချုပ်-နတခ လက်အောက်ခံ ခလရ ၃၆ တပ်ရင်း၊ ခလရ ၃၈ တပ်ရင်း၊ ခလရ ၉၃ တပ်ရင်း၊ ခလရ ၂၇၁ တပ်ရင်းနှင့် ခမရ ၃၀၈ တပ်ရင်းတို့ကို တစ်ခုပြီးတစ်ခု မရပ်မနား ထိုးစစ်ဆင်တိုက်ခိုက်ကြောင်း သိရှိရသည်။
ဖမ်းဆီးရမိသော စစ်သုံပန်းများကို စစ်ဆေးချက်အရ တပ်မ ၁၁ တပ်မမှူး ဗိုလ်မှူးကြီး သန်းစိုးဝင်း ဦးဆောင်ပြီး ဗျူဟာမှူး နှစ်ဦးဖြစ်သော ဗိုလ်မှူးကြီး မျိုးညွန့်ဦး နှင့် ဗိုလ်မှူးကြီး ကျော်ဇင်ထိုက် တိုဖြင့် အာရက္ခတပ်တော်၏ ထိုးစစ်ကို ပုံစံအမျိုးမျိုး၊ နည်လမ်းအသွယ်သွယ်၊ သံချပ်ကာပစ်ကူ၊ လေကြောင်း၊ ရေကြောင်းပစ်ကူတိုအပြင် သံချပ်ကာ ၁၀ စီး၊ စစ်ကူ အမြောက်အမြားတိုဖြင့် အသည်းအသန် ခုခံကာကွယ်ခဲ့သော်လည်း နှစ်ပတ်ကြာ ထိုးစစ်အပြီးတွင် ဂွမြို့သည် အာရက္ခတပ်တော်၏ ၂၀၂၄ ခုနှစ်အတွင်း နောက်ဆုံးသိမ်းပိုက်ရရှိခဲ့သော အာရက္ခဒေသ၏ တောင်ဖက်အကျဆုံး မြိုဖြစ်လာခဲ့ကြောင်း သိရှိရသည်။
စစ်ကောင်စီက ဂွမြို့ကို အင်အား ၁၂၀၀ ကျော်ဖြင့်ခုခံကာကွယ်ခဲ့သော်လည်း နောက်ဆုံးတွင် အာရက္ခတပ်တော်၏ ထိုးစစ်ကို မည်သို့မျှ ယှဉ်မရဘဲ လက်လွှတ်ဆုံးရှုးခဲ့ရခြင်းဖြစ်ကြောင်း၊ ဗိုလ်မှူးကြီး သန်းစိုးဝင်း အပါအဝင် တပ်ရင်းမှူးအချိုသေဆုံးခဲ့ပြီး အခြားအဆင့်အမြောက်အမြားသေဆုံးခဲ့ကြောင်း၊ တိုက်ပွဲကြောင့်ပျက်စီးသွားသော သံချပ်ကာအချို၊ စစ်အသုံးအဆောင်လက်နက်ခဲယမ်းများနှင့် ရန်သူသုံပန်းအများအပြားကို ဖမ်းဆီးရမိခဲ့ကြောင်း သိရှိရသည်။
ဂွမြို ထိုးစစ်အစမှ အဆုံးအထိ တိုက်ပွဲအတွင်း ခန့်မှန်း ရန်သူ (၇၀၀) ထက်မနည်း သေဆုံးနိုင်ကြောင်း မြေပြင်အလောင်းများ၊ ဖမ်းဆီးရမိသုံပန်းများ၏ ထွက်ဆိုချက်၊ သိမ်းဆည်းရမိ စာရွက်စာတမ်းများအရ သိရှိရကြောင်း AA ့ သတင်းထုတ်ပြန်သည်။
မင်းတပ်မြို့ ခလရ ၂၇၄ တပ်ရင်းမှ ထွက်ပြေးလာသော စစ်ကောင်စီ တပ်သား ၂ ဦး ထပ်မံ ဖမ်းဆီးရမိ၊ ဆားလင်းကြီးတွင် အတင်း အဓမ္မ စစ်မှုထမ်း စေခိုင်းခံရသူ ၁ ဦး သေနတ် ၁ လက်ယူဆောင်လာပြီး အလင်းဝင်
ရန်ကုန်၊ ဒီဇင်ဘာ ၂၉
မကွေးတိုင်း၊ ဆောမြို့နယ်တွင် မင်းတပ်မြို့ ခလရ ၂၇၄ တပ်ရင်းမှ ထွက်ပြေးလာသော စစ်ကောင်စီ တပ်သား ၂ ဦး ထပ်မံ ဖမ်းဆီးရမိခဲ့ကြောင်း ဒေသတွင်း တော်လှန်ရေး သတင်းရင်းမြစ်များက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၂၅ ရက်နေ့တွင် ဆောမြို့နယ်၊ ရေရှင်ကျေးရွာ၌ မင်းတပ်မြို့ ခလရ ၂၇၄ တပ်ရင်းမှ စခန်းစွန့် ထွက်ပြေးလားသော စစ်ကောင်စီ တပ်သား ဇော်မျိုးလှိုင်နှင့် လီဂျေ တို့ကို ဖမ်းဆီးရမိခဲ့ခြင်းဖြစ်ကြောင်း သိရသည်။
အဆိုပါ စစ်သုံ့ပန်း ၂ ဦးကို ဂန့်ဂေါခရိုင် အမှတ် ၁၃၊ ၁၅၊ ၁၆၊ ၁၇၊ ၁၈ (ဗျူဟာ-၈၁) ပူးပေါင်းစစ်ကြောင်းတို့မှ ဆက်လက် ဖမ်းဆီး ထိန်းသိမ်းထားကြောင်း သိရှိရသည်။
ထို့ပြင် စစ်ကိုင်းတိုင်း၊ ဆားလင်းကြီးမြို့နယ်တွင် ပဲခူးတိုင်းမှ အတင်း အဓမ္မပေါ်တာဆွဲ ဖမ်းဆီးခံရသူ စစ်မှုထမ်း သင်တန်းဆင်း ရဲတပ်သား ၁ ဦး သေနတ် ၁လက် ယူဆောင်လာပြီး အလင်းဝင်ခဲ့ကြောင်း PDF ထောက်ပို့ ပြည်သူ့တပ်သားအဖွဲ့ တာဝန်ခံ ကိုမင်းမင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဒီဇင်ဘာလ ၁၇ ရက်နေ့တွင် စစ်ကောင်စီ ရဲတပ်သား ကိုအေးချမ်းသည် ဝမ်ပေါင် ကြေးနီလက်ပံတောင်းတွင် ကင်းစောင့်ရင်း အုတ်တံတိုင်းပေါ်ကို ကျော်ဖြတ်ပြီး သေနတ် ၁ လက်ယူဆောင်လာကာ PDF ထောက်ပို့ ပြည်သူ့တပ်သား အဖွဲ့ထံ အလင်းဝင်ရောက်ခဲ့ခြင်းဖြစ်ကြောင်း သိရသည်။
အဆိုပါ ရဲတပ်သား ကိုအေးချမ်းကို အကြမ်းဖက် စစ်တပ်က မုံရွာမြို့တွင် စစ်သင်တန်းပေးပြီးနောက် ဝမ်ပေါင် ကြေးနီလက်ပံတောင်းကို ပို့ဆောင်ခဲ့ခြင်းဖြစ်ကြောင်း သိရှိရသည်။
"ကျွန်တော်တို့ အနေနဲ့ ဂုဏ်ပြုဆုငွေ ပေးဖို့ ရှိပါတယ်။ ဒါပေမယ့် အဆင်မပြေသေးဘူး အလှူခံရအုံးမယ်။ သူရဲ့ စိတ်ခံစားချက်ကတော့ သူက အစက သာမန်လူငယ်ပဲလေ ပဲခူးတိုင်းမှာ သာမန်လူငယ်ပဲ သွားလာနေတဲ့ လူငယ်တစ်ယောက်က စစ်ကောင်စီ တပ်သားတွေနဲ့ တွေပြီးတော့ ဖမ်းတာခံလိုက်ရတာ ဖမ်းတဲ့ အခါကျတော့ သူကို အဖမ်းခံမလား။ ရဲတပ်သားထဲဝင်မလား။ ငါတို့ ရဲလုံခြုံရေးထဲ ဝင်မှာလား မေးတဲ့အခါကျတော့ သူက အဖမ်းတော့ မခံဘူး ရဲလုံခြုံရေးထဲ ဝင်မယ်ဆိုပြီးတော့ ဝင်လာတာ ဝင်ပြီးတော့ မုံရွာသင်တန်းပေးတာ မုံရွာကို ပို့လိုက်တာ မုံရွာပို့ပြီးတော့ သင်တန်းပေးပြီးတော့ မုံရွာကနေ သင်တန်းအောင်လို့ ဝမ်ပေါင်ကို ပို့လိုက်တာ ဝမ်ပေါင် ကြေးနီ လက်ပံတောင် အဲဒီကနေမှ ထွက်ပြေးလာခဲ့တာ ခံယူချက်ကကျတော့ PDFတွေနဲ့ တွေရင် PDFတွေနဲ့ နီးစပ်တယ်ဆိုရင် သူမရရအောင် ထွက်ပြေးမယ်ဆိုတဲ့ ရည်ရွယ်ချက်လေးနဲ့ ပို့တဲ့နေရာကိုလိုက်နေတာ အခွင့်အရေးရတုန်း ထွက်ပြေးလာခဲ့တာဆိုတော့ သူရဲ့ စိတ်ဓာတ်က မဆိုးဘူး ကောင်းတယ်။ အမျိုးမျိုးလည်း စမ်းသပ်ပြီးပြီ သူကို သေနတ်တွေနဲ့ အတူတူ ပေးထားပြီးပြီ လုံး၀ကို ကျွန်တော်တို့ကို ပြန်မလုပ်ဘူး။ လုံး၀ စစ်မှန်တယ်"ဟု PDF ထောက်ပို့ ပြည်သူ့တပ်သား တာဝန်ခံ ကိုမင်းမင်းက ပြောဆိုသည်။
Photo - PDF ထောက်ပို့ ပြည်သူ့တပ်သားအဖွဲ့ ထံ အလင်းဝင်ရောက်ခဲ့သော ရဲတပ်သား ကိုအေးချမ်း
လက်ပံတောင်းတောင်ဒေသတွင် “Airbus: End investment in AVIC” ခေါင်းစဥ်နှင့် လူထုသပိတ်ချီတက်
ရန်ကုန်၊ဒီဇင်ဘာ ၂၉
လက်ပံတောင်းတောင်ဒေသ သပိတ်အင်အားစုက ပြည်သူများအပေါ် အကြမ်းဖက်ဖိနှိပ်ပြီး ရပ်ရွာလူနေအိမ်များနှင့် မြို့ပြမျပေါ်အထိ တိုက်လေယာဥ်များဖြင့် ဗုံးကျဲတိုက်ခိုက်နေမှုကို ရပ်တန့်တားဆီးပေးရန်၊ လူ့အသက်များမှ အကျိုးအမြတ်ရယူနေပြီး အာဏာသိမ်းစစ်အုပ်စုကို စစ်ပွဲသုံးတိုက်ခိုက်ရေးပစ္စည်းများ ထောက်ပံ့ကူညီနေခြင်းကို ရပ်တန့်ပေးရေးရည်ရွယ်၍ “Airbus: End investment in AVIC” ခေါင်းစဥ်နှင့် လူထုသပိတ်ချီတက်ခဲ့ကြောင်း သိရှိရသည်။
ရွှေရေကြည် သပိတ်စစ်ကြောင်းက စစ်အာဏာရှင် ဆန့်ကျင်ရေး တောင်ယာသပိတ်ပြုလုပ်
ရန်ကုန်၊ ဒီဇင်ဘာ ၂၉
ယင်းမာပင်မြို့နယ်တွင် အောင်လံလွှင့်မည် ရွှေရေကြည်သပိတ် စစ်ကြောင်း ဦးဆောင်ကာ ယနေ့ ဒီဇင်ဘာလ ၂၉ ရက်နေ့တွင် စစ်အာဏာရှင် ဆန့်ကျင်ရေး တောင်ယာသပိတ်ပြုလုပ်ခဲ့ကြောင်း သိရသည်။
သာယာဝတီခရိုင် ပဲခူးရိုးမ PDF တပ်ဖွဲ့ ၁၁ ဖွဲ့က “ဆိုင်ခန်းလည်းယူကျည်လည်းကူ” ကမ်ပိန်း ပြုလုပ်နေပြီး ပြည်သူများ ပူးပေါင်း ပါဝင်ကြရန် မေတ္တာရပ်ခံ
ရန်ကုန်၊ ဒီဇင်ဘာ ၂၉
သာယာဝတီခရိုင် ပဲခူးမ PDF တပ်ဖွဲ့ ၁၁ ဖွဲ့က “ဆိုင်ခန်းလည်းယူကျည်လည်းကူ” ကမ်ပိန်း ပြုလုပ်နေပြီး ပြည်သူများ ပူးပေါင်း ပါဝင်ကြရန် မေတ္တာရပ်ခံကြောင်း သာယာဝတီခရီုင် PDF မှ တာဝန်ရှိသူ တစ်ဦးက ပြောဆိုသည်။
(ကျပ် သိန်း ၂၀၀၀) ကမ်ပိန်း
💁♂️ ဘယ်လိုပါဝင်ထောက်ပို့ရမှာလဲ?
မဲလတ်မှတ်တစ်စာင်ကို 👇
Myanmar - 10000 MMK
Thailand - 100 THB
Malaysian - 20 MYR
Australia - 5 AUD
Korean - 10000 Won
Japan - 500 Yen
Singapore - 5 SGD
AUD - 5 $
UAE - 20 AED
US - 5 $
UK - 5 GBP
EU Countries - 5 Euro တို့နဲ့
ကံစမ်းမဲလက်မှတ်ဝယ်ပေးပြီး
ထောက်ပို့ပေးရမှာဖြစ်ပါတယ်။
ဘယ်တွေမှာချိတ်ဆက်ဝယ်ယူရမလဲဆိုတော့ 🙇🏻♂️
Main Page 👇
https://www.facebook.com/bulletCampaign?mibextid=ZbWKwL
🇲🇲 မြန်မာနိုင်ငံမှ ဝယ်ယူရန်
1) Bago Region News | Bago
https://www.facebook.com/profile.php?id=100072178791639...
2) Spring Border
https://www.facebook.com/springborder?mibextid=LQQJ4d
3) Baryarnathi (ဗာရာဏသီ)
https://www.facebook.com/baryarnathirevolution?mibextid=ZbWKwL
🇹🇭 ထိုင်းနိုင်ငံမှ ဝယ်ယူရန်
1) မလဲ့လဲ့ (Phone/ Signal / Line +66946313002)
2) ထိုင်းနာမည် (และ และ)
https://www.facebook.com/l.a.l.a.669258?mibextid=ZbWKwL
3) Saw Pyae (ကိုပြည့်)
https://www.facebook.com/saw.pyae.320695?mibextid=ZbWKwL
4) NBSG
https://www.facebook.com/profile.php?id=100077364371391...
5) Myanmar Hindu Union
https://www.facebook.com/MyanmarHinduUnion?mibextid=ZbWKwL
6) ပြည်တော်ဝင်
https://www.facebook.com/share/1XSJWJ2C4S/?mibextid=LQQJ4d
🇸🇬 စင်ကာပူနိုင်ငံမှ ဝယ်ယူရန်
1) Wai Wai Maung
https://www.facebook.com/profile.php?id=100095025190556
🇦🇪 UAE နိုင်ငံမှ ဝယ်ယူရန်
1) THE HERO'S SAVIOR
https://www.facebook.com/TheSaviorOfTheHero?mibextid=ZbWKwL
🇦🇺 Australia နိုင်ငံမှဝယ်ယူရန်
(1) Ma Yin Moe
https://www.facebook.com/eldoyinyin?mibextid=LQQJ4d
(2) Dawn Of Revo
https://www.facebook.com/DawnOfRevo?mibextid=LQQJ4d
🇬🇧 UK နိုင်ငံမှ ဝယ်ယူရန်
1) Myanmar Hindu Union
https://www.facebook.com/MyanmarHinduUnion?mibextid=ZbWKwL
2) Global Myanmar Volunteers
https://www.facebook.com/share/19jivzGzFB/?mibextid=LQQJ4d
🇺🇲 USA နိုင်ငံမှ ဝယ်ယူရန်
1) Kyawt Kyawt
https://www.facebook.com/share/1NJ6f6CgQS/?mibextid=LQQJ4d
🇰🇷 ကိုရီးယားနိုင်ငံမှဝယ်ယူရန်
1) Paing Gyi
https://www.facebook.com/phyopine.lay?mibextid=ZbWKwL
🇲🇾 မလေးရှား နိုင်ငံမှ ဝယ်ယူရန်
1) Sungai Buloh Team GZ
https://www.facebook.com/profile.php?id=100094523520676...
🇪🇺 EU နိုင်ငံများမှ ဝယ်ယူရန်
1) Global Myanmar Volunteers
https://www.facebook.com/share/19jivzGzFB/?mibextid=LQQJ4d
တို့တွင် ဆက်သွယ် ဝယ်ယူနိုင်ပါတယ်။
👉 NUG pay, SDB Account ဖြင့်
အဖွဲ့တိုင်းတွင် ဝယ်ယူနိုင်ပါသည်။
#ဆိုင်ခန်းလည်းယူကျည်လည်းကူ
#bulletcampaign
#Bago
#သာယာဝတီ
တောင်ငူမြို့၊ မိုင်ဒါကွင်း အတွင်း စစ်တပ်က ဦးစီးကျင်းပနေသော လွတ်လပ်ရေးနေ့ ပျော်ပွဲရွှင်ပွဲကို လုံခြုံရေး ယူပေးနေသော ခပေါင်းခန်းမရုံးကို အဝေးထိန်း မိုင်းဖြင့် ဖောက်ခွဲ တိုက်ခိုက်
ရန်ကုန်၊ ဒီဇင်ဘာ ၂၉
ပဲခူးတိုင်း၊ တောင်ငူမြို့၊ မိုင်ဒါကွင်း အတွင်း စစ်တပ်က ဦးစီးကျင်းပနေသော လွတ်လပ်ရေးနေ့ ပျော်ပွဲရွှင်ပွဲကို လုံခြုံရေး ယူပေးလိုက်သော ခပေါင်းခန်းမရုံးကို အဝေးထိန်း မိုင်းဖြင့် ဖောက်ခွဲ တိုက်ခိုက်ခဲ့ကြောင်း တောင်ငူမြို့ ဒေသဆိုင်ရာ အထူးမြို့ပြပြောက်ကျား တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၂၈ ရက်နေ့ ည ၆ နာရီ ၄၅ မိနစ်ခန့်တွင် မိုင်ဒါကွင်းအတွင်း၌ အကြမ်းဖက် စစ်တပ်က ဦးဆောင် ကျင်းပနေသည် လွတ်လပ်ရေးပျော်ပွဲရွှင်ပွဲကို လုံခြုံရေး ယူပေးနေသော အကြမ်းဖက် စစ်ကောင်စီ တပ်သားများ နေထိုင်သည့် ခပေါင်းခန်းမရုံးကို တောင်ငူမြို့ ဒေသဆိုင်ရာ အထူးမြို့ပြ ပြောက်ကျား တပ်ဖွဲ့က စစ်ရေးပစ်မှတ်တစ်ခု အဖြစ် အင်အားပြင်း အဝေးထိန်းမိုင်းဖြင့် ဖောက်ခွဲ တိုက်ခိုက်ခဲ့ကြောင်း သိရသည်။
ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်မှု အခြေအနေကို ဆက်လက် စုံစမ်းနေဆဲ ဖြစ်ကြောင်း သိရသည်။
"တောင်ငူမြို့မှာ စစ်ခွေးတွေ ဦးစီးကျင်းမနေတဲ့ လွတ်လပ်ရေးနေ့ အထိမ်းအမှတ် ပွဲတော်ကို လုံခြုံရေးယူပေးနေတဲ့ စစ်ခွေးနေတဲ့ ရုံးကို ၂၈ ရက်နေ့ ညပိုင်းက ဖောက်ခွဲ တိုက်ခိုက်ခဲ့တာပါ။ စစ်ခွေး ထိခိုက်သေဆုံးမှုကိုတော့ ဆက်လက်စုံစမ်းနေပါတယ်" ဟု တောင်ငူမြို့ ဒေသဆိုင်ရာ အထူးမြို့ပြပြောက်ကျား တပ်ဖွဲ့မှ တာဝန်ရှိသူ တစ်ဦးက ပြောဆိုသည်။
တောင်ငူမြို့ ဒေသဆိုင်ရာ အထူးမြို့ပြပြောက်ကျားတပ်ဖွဲ့ဟု အမည်ပြောင်းလဲသတ်မှတ်ခဲ့သည့် ၁ နှစ်ပြည့် အထိမ်းအမှတ် အနေဖြင့် အဆိုပါ မစ်ရှင်ကို ဖော်ဆောင်ခဲ့ခြင်းဖြစ်ကြောင်း၊ ဆက်လက်၍ အထူးမြို့ပြပြောက်ကျားတပ်ဖွဲ့အနေဖြင့် တော်လှန် မစ်ရှင်များကို လုပ်ဆောင်သွားမည် ဖြစ်ကြောင်း သိရသည်။
တောင်ငူမြို့နယ်အတွင်းရှိ ပြည်သူများ အနေဖြင့်လည်း မတရား အာဏာသိမ်း စစ်ကောင်စီမှ ကြီးမှူးကျင်းပသည့် ပျော်ပွဲ ရွှင်ပွဲများ၊ အထိမ်းအမှတ်ပွဲများသို့ သွားလာခြင်းမပြုရန်နှင့် အတတ်နိုင်ဆုံး စစ်ကောင်စီ တပ်ဖွဲ့များနှင့် ဝေးဝေးနေပေးကျပါရန် အထူးမေတ္တာရပ်ခံကြောင်း အထူးမြို့ပြပြောက်ကျား တပ်ဖွဲ့မှ တာဝန်ရှိသူ တစ်ဦးက ဆက်လက်ပြောဆိုသည်။
အဖိနှိပ်ခံ ပြည်သူလူထုတစ်ရပ်လုံး လိုလား တောင့်တသော နိုင်ငံရေး မျှော်မှန်းချက်များ တစ်လုံးတစ်ဝတည်း ရရှိစေရေးအတွက် တိုင်းရင်းသား ညီအစ်ကိုများ၏ အကောင်းဆုံး မိတ်ဆွေအဖြစ် ဆက်လက် ရပ်တည်သွားမည်ဟု AA ထုတ်ပြန်
ရန်ကုန်၊ ဒီဇင်ဘာ ၂၉
အဖိနှိပ်ခံ ပြည်သူလူထုတစ်ရပ်လုံး လိုလား တောင့်တသော နိုင်ငံရေး မျှော်မှန်းချက်များ တစ်လုံးတစ်ဝတည်း ရရှိစေရေးအတွက် တိုင်းရင်းသား ညီအစ်ကိုများ၏ အကောင်းဆုံး မိတ်ဆွေအဖြစ် ဆက်လက် ရပ်တည်သွားမည်ဟု အာရက္ခတပ်တော်က ယနေ့ ဒီဇင်ဘာလ ၂၉ ရက်နေ့တွင် ထုတ်ပြန်လိုက်သည်။
အာရက္ခတပ်တော်သည် အဖိနှိပ်ခံ မြန်မာပြည်သူလူထုတစ်ရပ်လုံး၏ လိုလား တောင့်တသော နိုင်ငံရေးမျှော်မှန်းချက်များ တစ်လုံးတစ်ဝတည်း ရရှိစေရေးအတွက် မားမားမတ်မတ် ဆက်လက် ရပ်တည်ပြီး မြန်မာပြည်အတွင်းမှ တိုင်းရင်းသားညီအစ်ကိုများ၏ အကောင်းဆုံးသော ညီအစ်ကို မိတ်ဆွေအဖြစ် ဆက်လက်ရပ်တည်သွားမည်ဖြစ်ကြောင်း AA က ပြောဆိုထားသည်။
အာရက္ခပြည်သူ့တော်လှန်ရေးအစိုးရသည် အာရက္ခဒေသအတွက် အကျိုးစီးပွားဖြစ်ထွန်းသော၊ ဒေသဖွံ့ဖြိုးတိုးတက်ရေးကို အထောက်အကူပြုသော မည်သည့်နိုင်ငံခြားရင်နှီးမြှုပ်နှံမှုမျိုးကိုမဆို အသိအမှတ်ပြု ကြိုဆိုပြီး ရင်းနှီးမြှုပ်နှံရေးလုပ်ငန်းများ၊ စီမံကိန်းများနှင့် ရင်းနှီးမြှုပ်နှံလုပ်ကိုင်ကြသောသူများ၏ လုံခြုံရေး၊ အသက်အန္တရာယ်တို့ကို မိမိတို့အနေဖြင့် အထူးဂရုစိုက် ကာကွယ်စောင့်ရှောက်သွားမည်ဖြစ်သည်။ လာရောက် ရင်းနှီးမြှုပ်နှံကြသော နိုင်ငံခြားရင်းနှီးမြှုပ်နှံမှု၊ စီမံကိန်းများ ဆက်လက်လည်ပတ်နိုင်ရေးအတွက် မိမိတို့အဖွဲ့ အစည်းသည် အဆိုပါ ကုမ္ပဏီများနှင့် ပူးပေါင်းဆောင်ရွက်သွားမည့်အပြင် အကျိုးတူပူးပေါင်းဆောင်ရွက်ရန် ကိုလည်း လိုလားကြောင်း ထုတ်ပြန်ချက်တွင် ဖော်ပြထားသည်။
၂၀၂၃ ခုနှစ်၊ နိုဝင်ဘာလ ၁၃ ရက်နေ့မှ စတင်ခဲ့သော အာရက္ခဒေသအတွင်းမှ အာရက္ခတပ်တော်၏ ထိုးစစ်များသည် မိမိတို့ အာရက္ခဒေသအတွင်းနေ ပြည်သူလူထုတစ်ရပ်လုံး၏ လိုလားသောဆန္ဒနှင့် အာရက္ခ ဒေသနေ လူမျိုးပေါင်းစုံ လွတ်မြောက်ရေးကို အဓိကရည်ရွယ်ပြီး အဖိနှိပ်ခံမြန်မာပြည်သူလူထုတစ်ရပ်လုံး စစ်အာဏာရှင်စနစ်အောက်မှ လွတ်မြောက်ရေးအတွက်လည်း တိုက်ရိုက် အထောက်အကူပြုမည်ဟု အကြွင်းမဲ့ ယုံကြည်ကြောင်း၊ လွန်ခဲ့သောနှစ်ကာလများ၌လည်း တရုတ်ပြည်သူ့သမ္မတနိုင်ငံ၏ တက်ကြွသော ဦးဆောင်မှုအောက်တွင် တရုတ်-မြန်မာ နယ်စပ်ဒေသတည်ငြိမ်ရေး၊ အကြမ်းဖက်မှုများပပျောက်ရေး၊ အွန်လိုင်းလောင်းကစား (ကျားဖျင်) တိုက်ဖျက်ရေး စသည့်ကဏ္ဍရပ်များတွင် မိမိတို့အဖွဲ့အစည်းသာမက ကိုးကန့်၊ တအာင်း အဖွဲ့အစည်းများနှင့်အတူ “ဟိုင်ဂင်သဘောတူညီချက်" ရရှိသည်အထိ မိမိတို့သည် စိတ်အားထက်သန်စွာဖြင့် တက်တက်ကြွကြွ ပူးပေါင်း ပါဝင်ခဲ့ကြောင်း သိရသည်။
လက်ရှိမြန်မာနိုင်ငံ၏ ပြည်တွင်းရေး အခင်းအကျင်း၊ အဖြစ်အပျက် များကို စစ်ရေးဖြင့် ဖြေရှင်းသည်ထက် နိုင်ငံရေးနည်းလမ်းများဖြင့် ဖြေရှင်းရန် အမြဲတမ်း အသင့်ရှိပါကြောင်း ထုတ်ပြန်ချက်တွင် ပါရှိသည်။
ရက္ခိုင်အမျိုးသား အဖွဲ့ချုပ်/အာရက္ခတပ်တော် (ULA/AA) သည် အာရက္ခပြည်သူလူထုတစ်ရပ်လုံး၏ ထောက်ခံမှုနှင့်အတူ အာရက္ခဒေသအတွင်းနေ လူမျိုးပေါင်းစုံ၏ အမျိုးသားတန်းတူရေး၊ ဒေသတစ်ခုလုံး ဖိနှိပ်အုပ်ချုပ်သူတို့လက်အောက်မှ လွတ်မြောက်ရေးတို့အတွက် တစိုက်မတ်မတ် ကြိုးပမ်းဆောင်ရွက်လျက်ရှိသော အဓိက ရှေ့ဆောင် လက်နက်ကိုင်တော်လှန်ရေး ဆင်နွှဲနေသည့် နိုင်ငံရေးအဖွဲ့အစည်းတစ်ခုဖြစ်ကြောင်း ထုတ်ပြန်ချက်တွင် ဖော်ပြထားသည်။
ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ ဥက္ကဋ္ဌ သစ်အဖြစ် ဗိုလ်ချုပ်ကြီး မောင်မောင်အေး တာဝန်ပြောင်းလဲယူလိုက်ပြီး စစ်မှုထမ်းဆင့်ခေါ်ရေး ယခင်ထက် ပိုမို ကြမ်းတမ်းစွာ ကိုင်တွယ်မည်ဖြစ်၍ ပေါ်တာဆွဲမှုဖမ်းဆီးများ အခြေအနေ ဆိုးလာနိုင်ဟု သတိပေး
ရန်ကုန်၊ ဒီဇင်ဘာ ၂၆
ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ ဥက္ကဋ္ဌ သစ်အဖြစ် ဗိုလ်ချုပ်ကြီးတင်အောင်စန်း ကိုင်တွယ်နေရာကနေ ကာကွယ်ရေးဝန်ကြီးသစ်ဖြစ်လာတဲ့ ဗိုလ်ချုပ်ကြီး မောင်မောင်အေးက စတင်တာဝန်ပြောင်းလဲယူနေပြီး စစ်မှုထမ်းဆင့်ခေါ်ရေးမှာ အရင်ထက် ကြမ်းကြမ်းတမ်းတမ်းကိုင်တွယ်လာဖို့ရှိနေတယ်လို့ နေပြည်တော် တပ်သတင်းရင်းမြစ်က ရန်ကုန်ခေတ်သစ်သတင်းဌာနကို ပြောပါတယ်။
ဒီဇင်ဘာလ ၁၈ ရက်နေ့မှာ အကြမ်းဖက် မင်းအောင်လှိုင်က ကာကွယ်ရေးဝန်ကြီးဟောင်း ဗိုလ်ချုပ်ကြီး တင်အောင်စန်းကို ဝန်ကြီးချုပ်ရုံးဝန်ကြီးအဖြစ် ပြောင်းလဲ ခန့်အပ်ခဲ့ပြီး ဗိုလ်ချုပ်ကြီး မောင်မောင်အေးကို ညှိ/ကွပ်ရာထူးကနေ ကာကွယ်ရေးဝန်ကြီးသစ်အဖြစ် ပြောင်းလဲခန့်အပ်ခဲ့တာဖြစ်ပါတယ်။
လက်ရှိမှာ အဖွဲ့ဝင် ၁၈ ဦးပါတဲ့ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ရဲ့ ဥက္ကဋ္ဌ သစ်အဖြစ် ကာကွယ်ရေးဝန်ကြီးဖြစ်လာတဲ့ ဗိုလ်ချုပ်ကြီး မောင်မောင်အေးက တာဝန်ယူနေပြီး ဗိုလ်ချုပ်ကြီး တင်အောင်စန်းထက် ပိုပြီး သဘောထားတင်းမာတဲ့အပြင် စစ်မှုထမ်းဆင့်ခေါ်ရေးကိစ္စတွေမှာ ငွေကြေးယူ လူစားထိုးတာတွေ မလုပ်စေဖို့နဲ့ တပ်သားသစ်အရေအတွက် ပြည့်မီရေးအတွက် ပေါ်တာဆွဲတာအပါအဝင် ဖြစ်နိုင်သမျှ နည်းလမ်းတွေအားလုံးသုံးဖို့ လုပ်လာနေတယ်လို့ ဆိုပါတယ်။
" ဗိုလ်ချုပ်ကြီး မောင်မောင်အေးကို စစ်ဆင်ရေးတွေ ကိုင်တွယ်တာ ညံ့လို့ ဖယ်ရှားခံရတာအပြင် အသက်အရွယ်ပိုင်းအရလည်း ၆၀ ကျော်လာတဲ့အတွက် အရန်အင်အားကို ဆင်းထိုင်ရတယ်။ စစ်တပ်ရဲ့ နံပါတ် ၃ ကနေ အရပ်ဘက် ကာကွယ်ရေးဝန်ကြီးလိုရာထူးဖြစ်လာတော့ နန်းကျဘုရင်လို့ပဲ ပြောလို့ရတယ်။ သူက စစ်မှုထမ်းဆင့်ခေါ်ရေး ဗဟိုအဖွဲ့ ဥက္ကဋ္ဌသစ်အဖြစ် တာဝန်ယူနေပြီ။ သဘောထားတင်းမာတဲ့အတွက် စစ်မှုထမ်းကိစ္စ ကြမ်းတမ်းစွာကိုင်နေပြီလို့ ပြောလို့ရတယ်" လို့ တပ်သတင်းရင်းမြစ်က ဆိုပါတယ်။
လက်ရှိ တစ်နိုင်ငံလုံး စစ်မှုထမ်း တပ်သားသစ်အရေအတွက် ပြည့်မီရေးအတွက် စစ်တပ်က ပေါ်တာဆွဲမှုတွေနဲ့ လူငယ်တွေ ဖမ်းဆီးခံနေရတဲ့ အခြေအနေက အရင်ထက်ပိုမိုဆိုးဝါးလာနိုင်တယ်လို့ တပ်သတင်းရင်းမြစ်က သတိပေးပါတယ်။
ဗိုလ်ချုပ်ကြီး မောင်မောင်အေး က စစ်တက္ကသိုလ်အပတ်စဉ် ၂၅ ကျောင်းဆင်းဖြစ်ပြီး စစ်တပ်မှာ နေပြည်တော်တိုင်းမှူး၊ တပ်မတော်လေ့ကျင့်ရေးအရာရှိချုပ်၊ တပ်မတော် ကြည်းရေလေ ညှိနှိုင်းကွပ်ကဲရေးမှူး စတဲ့ ရာထူးတာဝန်တွေကို ထမ်းဆောင်ခဲ့တာလည်းဖြစ်ပါတယ်။ လက်ရှိ စစ်ကောင်စီ အဖွဲ့ဝင် ဗိုလ်ချုပ်ကြီး မြထွန်းဦးနဲ့လည်း အပတ်စဉ်တူ ဖြစ်ပါတယ်။
ယင်းမာပင်မြို့နယ်တွင် သပိတ်စစ်ကြောင်းများ ပူးပေါင်း၍ စစ်အာဏာရှင် ဆန့်ကျင်ရေး ချီတက် ဆန္ဒပြ
ရန်ကုန်၊ဒီဇင်ဘာ ၂၆
ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းသည် ယင်းမာပင်၊ဆားလင်းကြီး ရွာပေါင်းစုံ သပိတ်စစ်ကြောင်း၊အောင်လံလွှင့်မည် ရွှေရေကြည် သပိတ်စစ်ကြောင်း တို့နှင့်အတူ " တောင်ယာသပိတ်" ကိုဆင်နွှဲရင်း စစ်အာဏာရှင် တော်လှန်ရေး ချီတက် ဆန္ဒပြပွဲကို ဒီဇင်ဘာလ ၂၆ရက်နေ့တွင် ပြုလုပ်ခဲ့ကြကြောင်းသိရှိရသည်။
မြိုင်မြို့နယ်၊ ဝက်ပုတ်ရွာကို စစ်တပ်က မီးရှို့ဖျက်ဆီးမှု နေအိမ် ၁၅ လုံးပြာကျပြီး ပြည်သူ ၂ ဦး ဖမ်းဆီးရိုက်နှက်ကာ ၁ ဦးကို ဖမ်းဆီး ခေါ်ဆောင်သွား
ရန်ကုန်၊ ဒီဇင်ဘာ ၂၆
မကွေးတိုင်း၊ မြိုင်မြို့နယ်၊ ဝက်ပုတ်ရွာကို အကြမ်းဖက် စစ်တပ်က မီးရှို့ဖျက်ဆီးမှု နေအိမ် ၁၅ လုံးပြာကျပြီး ပြည်သူ ၂ ဦး ဖမ်းဆီးရိုက်နှက်ကာ ၁ ဦးကို ဖမ်းဆီး ခေါ်ဆောင်သွားကြောင်း အညာမြေ တပ်ပေါင်းစုမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယမန်နေ့ ဒီဇင်ဘာလ ၂၅ ရက်နေ့တွင် ဝက်ပုတ်ရွာကို စစ်ကြောင်းထိုး စီးနင်းခဲ့သော မြိုင်မြို့နယ် (ကပစ) စက်မှု ၂ မှ အကြမ်းဖက် စစ်ကောင်စီ တပ်သားများက ကျေးရွာအတွင်းရှိ ပြည်သူပိုင် နေအိမ် ၁၅ လုံးနှင့် ဆိုင်ကယ် ၁ စီးကို မီးရှို့ဖျက်ဆီးခဲ့ပြီး ဆိုင်ကယ် ၂ စီးကို ဖျက်ဆီးခဲ့ကြောင်း သိရသည်။
ထို့ပြင် အကြမ်းဖက် စစ်တပ် စစ်ကြောင်းသည် ပြည်သူ ၂ ဦးကိုလည်း ဖမ်းဆီးရိုက်နှက်ခဲ့ပြီး ၁ ဦးကို ပြန်လွှတ်ပေးသော်လည်း ၁ ဦးကို ဖမ်းဆီးခေါ်ဆောင်သွားကြောင်း သိရှိရသည်။
မြိုင်မြို့နယ်တွင် ပျူစောထီး ကျေးရွာ ၅ ရွာရှိပြီး တော်လှန်ရေး တပ်ဖွဲ့များက ဩဂုတ်လ ၈ ရက်နေ့တွင် ဝက်ပုတ်ပျူစောထီးရွာနှင့် ဒီဇင်ဘာလ ၁၂ ရက်နေ့တွင် သရက်ကွပျူစောထီးရွာတို့ကို အညာမြေတပ်ပေါင်းစုနှင့် တော်လှန်ရေး ပူးပေါင်း တပ်ဖွဲ့များက သိမ်းပိုက်နိုင်ခဲ့ကြောင်း သိရသည်။
လက်ရှိချိန်တွင် ဝက်ပုတ်ပျူစောထီးကျေးရွာကို စီးနင်းခဲ့သော အကြမ်းဖက် စစ်တပ် စစ်ကြောင်းသည် မြိုင်မြို့နယ် (ကပစ) စက်မှု ၂ ကို ပြန်လည်ဆုတ်ခွာသွားပြီး တော်လှန်ရေး တပ်ဖွဲ့များက အပြည့်အဝ ထိန်းချုက်ထားကာ နယ်မြေရှင်းလင်းရေးများ ဆက်လက် လုပ်ဆောင်နေကြောင်း သိရှိရသည်။
လက်ပံတောင်းတောင်ဒေသ သပိတ်အင်အားစုက “Airbus: End investment in AVIC” ခေါင်းစဥ်နှင့် လူထုလှုပ်ရှားမှုပြုလုပ်
ရန်ကုန်၊ ဒီဇင်ဘာ ၂၆
လက်ပံတောင်းတောင်ဒေသ သပိတ်အင်အားစုက ပြည်သူများအပေါ်အကြမ်းဖက်ဖိနှိပ်ပြီး ရပ်ရွာလူနေအိမ်များနှင့် မြို့ပြတွေပေါ်အထိ တိုက်လေယာဥ်များဖြင့် ဗုံးကျဲတိုက်ခိုက်နေမှုကို ရပ်တန့်တားဆီးပေးရန်၊ လူ့အသက်များမှ အကျိုးအမြတ်ရယူနေပြီး အာဏာသိမ်းစစ်အုပ်စုကို စစ်ပွဲသုံးတိုက်ခိုက်ရေးပစ္စည်းများ ထောက်ပံ့ကူညီနေခြင်းကို ရပ်တန့်ပေးရေး လူထုလှုပ်ရှားမှုကို ယနေ့ ဒီဇင်ဘာ ၂၆ ရက်နေ့တွင် ပြုလုပ်ခဲ့ကြောင်း သိရှိရသည်။
Khit Thit သတင်းဌာန၏ ဒီဇင်ဘာ ၂၅ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဒီဇင်ဘာ ၂၅ ရက် ညနေပိုင်း တင်ဆက်ပေးမယ့် သတင်းတွေကတော့
- အကြမ်းဖက် စစ်ကောင်စီက သူတို့ အာဏာ ဆက်လက်တည်မြဲဖို့ ဟန်ပြ အတုအယောင်ရွေးကောက်ပွဲ ပြုလုပ်မည့်အပေါ် စစ်ကောင်စီဟာ တရားမဝင်အာဏာ ယူထားတာဖြစ်တဲ့အတွက် ရွေးကောက်ပွဲကို ဦးစီးကျင်းပပိုင်ခွင့်မရှိဘူးလို့ NUG နဲ့ NUCC က ပူးတွဲ ထုတ်ပြန်လိုက်ပါတယ်။
- ရခိုင်ပြည်နယ် အမ်းမြို့က အကြမ်းဖက် စစ်ကောင်စီရဲ့ အနောက်ပိုင်းတိုင်းစစ်ဌာနချုပ်ကြီးကို အပြီး သတ် သိမ်းပိုက်မှုနဲ့အတူ မြန်မာနိုင်ငံထဲက ဖိနှိပ်ခံ လူမျိုးအားလုံးလွတ်မြောက်ဖို့အတွက် တိုက်ပွဲဝင် နေတယ်လို့ ပြောလိုက်တဲ့ အာရက္ခတပ်တော် AA ရဲ့ နိုင်ငံရေးအမြင်ကို ပအိုဝ်း နဲ့ မွန်တိုင်းရင်းသားအဖွဲ့ ၄ ခုက ဂုဏ်ယူဝမ်းမြောက်ကြောင်း သဝဏ်လွှာပေးပို့ ပြောဆိုလိုက်ပါတယ်။
- ပဲခူးတိုင်း ၊ ညောင်လေးပင်မြို့နယ်က အကြမ်းဖက် စစ်ကောင်စီရဲ့ ခမရ ၅၈၉ တပ်ရင်း နဲ့ စစ်တပ် ဂိတ်စခန်းအပြင် ပျူစောထီးခေါင်းဆောင် နေအိမ်ကိုပါ KNLA-PDF ပူးပေါင်းတပ်တွေက ဝင်ရောက် တိုက်ခိုက်မှုအတွင်း သေနတ် ၅ လက်ကိုပါ သိမ်းဆည်းရရှိခဲ့တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
https://www.youtube.com/watch?v=WblAtWnEjfg
ရန်ကုန်နေရာအနှံ့တွင် စစ်အာဏာရှင် ပျက်သုဉ်းသည်အထိ တော်လှန်ရေး ဆက်လက်လှုပ်ရှားမည်ဟု ရည်ရွယ်၍ "ဆက်လျှောက် Keep Moving On" စာသားနှင့် လှုပ်ရှားမှု ပြုလုပ်
ရန်ကုန်၊ဇန်နဝါရီ ၂
ရန်ကုန်မြို့တွင် ရန်ကုန်တော်လှန်ညီနောင် ၄ ဖွဲ့က တော်လှန်မိဘပြည်သူများနှင့်အတူ စစ်အာဏာ ရှင်စနစ်ပျက်သုဉ်းသည့်အထိ လူထုလှုပ်ရှားမှုများနှင့် တော်လှန်ရေး ဆက်လက်လှုပ်ရှားမည်ဟု ရည် ရွယ်၍ ရန်ကုန်နေရာအနှံ့တွင် "ဆက်လျှောက် Keep moving on" စာသားနှင့်အတူ လှုပ်ရှားမှု ဇန်နဝါရီလ ၁ ရက်နေ့တွင် လုပ်ဆောင်ခဲ့ကြောင်း သိရှိရသည်။
အဆိုပါ လှုပ်ရှားမှုကို Linn Yaung Ni Youth Organization_LYNYO၊ Mayangone Democratic Front_MDF၊ Owl Community၊ Kyimyindaing Networks_ KMD18၊ Yangon 4 brothers တို့ ပူးပေါင်း လုပ်ဆောင်ခဲ့ခြင်း ဖြစ်ကြောင်း သိရှိရသည်။
ဘုတလင်မြို့ပေါ်မှ ဈေးသည် ကိုသော်ဇင်ဖြိုးကို စစ်တပ်က အကြောင်းမဲ့ ဖမ်းဆီး သတ်ဖြတ်
ရန်ကုန်၊ ဇန်နဝါရီ ၂
စစ်ကိုင်းတိုင်း ဘုတလင်မြို့နယ် အရှေ့မြောက်ဘက်ရှိ တလိုင်းရွာအနီးတွင် အကြမ်းဖက် စစ်တပ်က စျေးသည် ကိုသော်ဇင်ဖြိုးကို သတ်ဖြတ်ခဲ့ပြီး သေဆုံးပြည်သူ၏ ရုပ်အလောင်းကို ဇန်နဝါရီလ ၁ ရက်နေ့တွင် ပြန်လည် တွေ့ရှိခဲ့ရကြောင်း ဒေသပြည်သူများက ရန်ကုန်ခေတ်သစ်သတင်းဌာနသို့ ပြောကြားသည်။
ဒီဇင်ဘာလ ၂၇ ရက်နေ့ အကြမ်းဖက်စစ်တပ်က ဘုတလင်မြို့ပေါ် လမ်းဆုံအနီး ဈေးရောင်းနေသည့် ကိုသော်ဇင်ဖြိုးကို ဖမ်းဆီးခဲ့ပြီးနောက် ဖမ်းဆီးသတ်ဖြတ်ခဲ့ခြင်းဖြစ်ကြောင်း၊ ယင်းနောက် အလောင်းကို စွန့်ပစ်ခဲ့ကြောင်း ဒေသပြည်သူများထံမှ သိရှိရသည်။
"ဒီဇင်ဘာ ၃၁ ရက်နေ့က ကူတော်ရွာကနေ ကျနော်တို့ရွာဆီကို စစ်ကြောင်းထိုးလာတာရှိတယ်ဗျ။ သူတို့စစ်ကြောင်းလာပြီဆိုကတည်းက ရွာသားတွေ အကုန်လုံး စစ်ဘေးရှောင်နေကြရတယ်။ သူတိုညနေပိုင်းမှာ ဘုတလင်မြို့ထဲဝင်သွားပြီဆိုတဲ့ သတင်းအတိကျရမှ ဒီနေရွာထဲပြန်ဝင်တဲ့အခါ ဒီအလောင်းကို တွေ့ခဲ့ရတာဗျ။ ကျနော်တို့ အလောင်းတွေ့လို့ ဒေသပြည်သူကာကွယ်ရးတပ်ဖွဲ့ကို အကြောင်းကြားအပ်လိုက်တယ်" ဟု ဒေသပြည်သူတစ်ဦးက ရန်ကုန်ခေတ်သစ်သတင်းဌာနသို့ ပြောကြားသည်။
သေဆုံးသူ ကိုသော်ဇင်ဖြိုးသည် ကူတော်ရွာစခန်းဆီသို့ လူသားဒိုင်းအဖြစ် ခေါ်ဆောင်ခံရပြီးနောက် သတ်ဖြတ်ခံလိုက်ရခြင်း ဖြစ်ကြောင်း၊ ဘုတလင်မြို့နယ်အတွင်း ဒီဇင်ဘာ၂၈ရက် နေ့ကလည်း ကင်းစမ်းရွာအနီး ပြည်သူ့ကာကွယ်ရေးရဲဘော်တစ်ဦးကိုလည်း စစ်တပ်က သတ်ဖြတ်ခဲ့ကြောင်း သိရှိရသည်။
မင်းလှ၊ သင်တောရိုးရွာမှ အသက် ၁၅ နှစ်အရွယ် ဖိုးသားထူး အပါအဝင် လူငယ် ၁၀ ဦးကျော်ကို စစ်တပ်က ပေါ်တာဆွဲ ဖမ်းဆီး၊ မြို့လှမြို့တွင်လည်း စစ်မှုထမ်းဥပဒေ အကြောင်းပြ၍ စစ်တပ်နှင့်အုပ်ချုပ်ရေးအဖွဲ့က ငွေညှစ်နေ
ရန်ကုန်၊ ဇန်နဝါရီ ၂
ပဲခူးတိုင်း၊ မင်းလှမြို့နယ်၊ သင်တောရိုးရွာမှ အသက် ၁၅ နှစ်အရွယ် ဖိုးသားထူး အပါအဝင် လူငယ် ၁၀ ဦးကျော်ကို အကြမ်းဖက် စစ်တပ်က ပေါ်တာဆွဲ ဖမ်းဆီးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၁၂ ရက်နေ့ ည ပိုင်း သင်တောရိုးရွာမှ အကြမ်းဖက် စစ်တပ် သတင်းပေး သန့်ဇင်နိုင်က အသက် ၁၅ နှစ်အရွယ် ဖိုးသာထူးနှင့် ကျေးရွာအတွင်းရှိ လူငယ်များကို စစ်တပ်က ပေါ်တာဆွဲ ဖမ်းဆီးရန် သတင်းပေးပို့ခဲ့ကြောင်း သိရသည်။
ထို့သို့ သတင်းပေးပြီးနောက် အကြမ်းဖက် စစ်ကောင်စီ တပ်သားများက ကျေးရွာအတွင်းရောက်ရှိလာပြီး အသက် ၁၅ နှစ်အရွယ် ဖိုးသာထူး အပါအဝင် လူငယ်များကို ပေါ်တာဆွဲ ဖမ်းဆီးခဲ့ကြောင်း သိရသည်။
ယင်းသို့ လူငယ်များ ဖမ်းဆီးခံရပြီးနောက် မိဘဆွေမျိုးများနှင့် မိသားစုဝင်များက အကြမ်းဖက် စစ်တပ်ထံ လိုက်လံပြီး ဖိုးသာထူးသည် အသက်မပြည့်သေးကြောင်း ပြောဆို၍ ငွေကျပ် သိန်း ၄၀ ဖြင့် ရွေးထုတ်ခဲ့ရကြောင်း သိရှိရသည်။
"သင်တောရိုးရွာက သန့်ဇင်နိုင် က သတင်းပေးတိုင်ကြားလို့ ဒီဇင်ဘာလ ၁၂ ရက်နေ့ ညပိုင်းက စစ်ခွေးတွေ နေအိမ်ပေါ်ထိတက်ပြီး ပေါ်တာဆွဲတာ ဖိုးသားထူးဆိုတဲ့ ၁၅ နှစ်အရွယ် ကောင်လေးက PDF နဲ့ပတ်သက်တယ်ဆိုပြီး သန့်ဇင်နိုင် သတင်းပေးလို့ စစ်ခွေးတွေက ချက်ချင်းရောက်လာပြီး နေအိမ်ထဲထိကို ဝင်ဆွဲတာ ပိုက်ဆံ သိန်း ၄၀ ပေးမှ အသက်မပြည့်သေးလို့ဆိုပြီး ပြန်လွှတ်ပေးတယ်။ နောက်ပြီး စစ်ခွေးတွေက လမ်းမှာစောင့်ဖမ်းတာနဲ့ အိမ်ပေါ်တက်ပေါ်တာဆွဲတာနဲ့ဆို ဖမ်းဆီးခံရတဲ့ လူငယ် ၁၀ ဦးကျော်ရှိပြီ" ဟု ဒေသပြည်သူတစ်ဦးက ပြောဆိုသည်။
အလားတူ ပဲခူးတိုင်း၊ ရေတာရှည်မြို့နယ်၊ မြို့လှမြို့ အမှတ် ၄ ချောင်းမကြီး ၁ ရပ်ကွက်တွင် အကြမ်းဖက် စစ်တပ် သတင်းပေး စောလွင်၊ ကြည်ဝင်းနှင့် ညီညီ ဆိုသူတို့က မြို့ပေါ် ရပ်ကွက်များအတွင်း လူငယ်များ တိမ်းရှောင်နေသည့် နေအိမ်များထံမှ တစ်အိမ်လျှင် ငွေကျပ် ၂၅၀၀၀၀ လိုက်လံကောက်ခံနေကြောင်း သိရသည်။
၎င်းတို့ တောင်းခံသည့် ငွေကြေး မပေးသည့် နေအိမ်များကိုလည်း အကြမ်းဖက် စစ်တပ်က နေအိမ် ချိတ်ပိတ်မှုများ လုပ်ဆောင်မည်ဟု ခြိမ်းခြောက်နေကြောင်း သိရှိရသည်။
"မြို့လှမြို့မှ စစ်ခွေး သတင်းပေး စောလွင်၊ ကြည်ဝင်းနှင့် ညီညီ တို့ သောင်းကျန်းနေပါပဲ။ လူငယ်တွေ အိမ်မှာ မရှိဘူးဆိုရင် တစ်ဦးကို ငွေ ၂၅၀၀၀၀ ပေးရမယ်ဆိုပြီး စစ်ခွေးတွေ အတင်းအဓမ္မ လိုက်တောင်းနေတယ်။ ပြည်သူတွေ ဒုက္ခတော်တော်ရောက်နေကျတယ်။ သူတောင်းတဲ့ ပိုက်ဆံ မပေးရင် အိမ်လိပ်စာကို စစ်တပ်ပေးပြီး ချိတ်ပိတ်ခိုင်းမယ်လို့ ခြိမ်းခြောက်နေပါတယ်" ဟု ဒေသပြည်သူ တစ်ဦးက ပြောဆိုသည်။
ဓာတ်ပုံ- စစ်မှုထမ်းအပတ်စဉ် ၈ တွင် တက်ရောက်ရန် အတင်းအကျပ် စုဆောင်းခံထားရသည့် လူငယ်များ။
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၉ ဦးသေဆုံး
ရန်ကုန်၊ ဒီဇင်ဘာ ၂၉
မြန်မာနိုင်ငံတစ်ဝန်း ဒီဇင်ဘာလ ၂၉ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၉ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက် များအရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိ သည်ကို သိစေအပ်ပါသည်။
ယင်းမာပင်မြို့နယ်ရှိ ကျေးရွာတစ်ရွာတွင် ပြည်သူများကို တော်လှန်ရုပ်ရှင်ပြသ
ရန်ကုန်၊ဒီဇင်ဘာ ၂၉
ယင်းမာပင်မြို့နယ်ရှိ ကျေးရွာတစ်ရွာတွင် ယင်းမာပင် ဆားလင်းကြီးရွာပေါင်းစုံသပိတ်ကော်မတီ၊လူငယ့်အားမာန်သပိတ်ကော်မတီနှင့် ယင်းမာပင်ခရိုင်တပ်ရင်း ၁ တို့ ပူးပေါင်းကာ ဒီဇင်ဘာလ ၂၉ရက်နေ့တွင် ပြည်သူများကို တော်လှန်ရုပ်ရှင်ပြသခဲ့ကြကြောင်း သိရှိရသည်။
ယင်းမာပင်မြို့နယ်တွင် သပိတ်စစ်ကြောင်း၂ ခု ပူးပေါင်းကာ တောင်ယာလုပ်ငန်းခွင်အတွင်း စစ်အာဏာရှင် ဆန့်ကျင်ရေးသပိတ်ပြုလုပ်
ရန်ကုန်၊ ဒီဇင်ဘာ ၂၉
စစ်ကိုင်းတိုင်း ယင်းမာပင်မြို့နယ်တွင် ယင်းမာပင် ဆားလင်းကြီး ရွာပေါင်းစုံသပိတ်စစ်ကြောင်းသည် အောင်လံလွှင့်မည် ဒေါင်းသွေးနီ သပိတ်စစ်ကြောင်းတို့နှင့်ပူးပေါင်းကာ တောင်ယာလုပ်ငန်းခွင်အတွင်း စစ်အာဏာရှင် ဆန့်ကျင်ရေးသပိတ်ကို ပြုလုပ်ခဲ့ကြောင်း သိရှိရသည်။
ရန်ကုန်နှင့် ပဲခူးတွင် စစ်တပ်ခန့် အုပ်ချုပ်ရေးမှူး ဝင်းသိန်း၊ လှမိုးအောင်နှင့် ဇော်အောင် တို့က ပြည်သူများထံမှ နည်းမျိုးစုံဖြင့် ငွေညှစ်နေ
ရန်ကုန်၊ ဒီဇင်ဘာ ၂၉
ရန်ကုန်တိုင်းနှင့် ပဲခူးတိုင်းတွင် အကြမ်းဖက် စစ်တပ်ခန့် အုပ်ချုပ်ရေးမှူး ဝင်းသိန်း၊ လှမိုးအောင်နှင့် ဇော်အောင် တို့က ပြည်သူများထံမှ နည်းမျိုးစုံဖြင့် ငွေညှစ်နေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
မြောက်ဥက္ကလမြို့နယ် ၂ ရပ်ကွက် အုပ်ချုပ်ရေးမှူး ဝင်းသိန်း ဦးဆောင်သော ပျူစောထီး ခေါင်းဆောင်ထွန်းထွန်းဝင်းနှင့် လူမိုက် မဲလုံးသောင်းစိန်တို့သည် ရပ်ကွက်အတွင်းရှိ ဘေးတွဲဆိုင်ကယ်များကို လိုက်လံ ဖမ်းဆီး၍ ငွေညှစ်မှုများ ဆက်တိုက် လုပ်ဆောင်နေကြောင်း သိရသည်။
"အုပ်ချုပ်ရေးမှူးနဲ့ ပျူစောထီး လူမိုက်အဖွဲ့က စစ်ခွေးတွေမပါဘဲနဲ့ ပေါ်ပေါ်ထင်ထင် မိုက်ကြေးခွဲနေတာ ဘေးတွဲဆိုင်ကယ် သမားတွေကို အကြောင်းအမျိုးမျိုးပြပြီး လိုက်ဖမ်းတယ်။ သူခိုးဓားပြနည်းအတူဖြစ်နေပါတယ်။ ရဲကို တိုင်ကြားတော့လည်း လာရောက်အရေးယူခြင်းမရှိဘူး။ ဝေစား မျှစားလုပ်နေပါတယ်။ ဘေးတွဲမောင်းနေတဲ့ လက်လုပ်လက်စားသမားတွေ ဒုက္ခ အကြီးအကျယ်ရောက်နေတယ်။ အုပ်ကြီးနဲ့ လူမိုက်အဖွဲ့က အင်းအား ၁၀ ကောင် အထက်ရှိပါတယ်။ လူတွေက အကောင်ကြီးကြီးတွေ သူတို့က ပလေကပ်ပုဆိုးပဲ ဝတ်ကြတာများတယ်။ ဝင်းသိန်းက ယုဇန ၄ လမ်း လမ်းသွယ်ကွေ့ချိုလေးနားမှာနေတယ်" ဟု ဒေသပြည်သူ တစ်ဦးက ပြောဆိုသည်။
အလားတူ ဒဂုံမြို့သစ်အရှေ့ပိုင်းမြို့နယ်၊ အမှတ် ၁၁ ရပ်ကွက် အုပ်ချုပ်ရေးမှူး လှမိုးအောင်သည် ရပ်ကွက်အတွင်းရှိ ပြည်သူများကို နည်းမျိုးစုံဖြင့် ငွေညှစ်နေကြောင်း သိရသည်။
အုပ်ချုပ်ရေးမှူး လှမိုးအောင်သည် စည်ပင်ပိုင် ပလပ်မြေများကို အကွက်ရိုက် ရောင်းစားခြင်း၊ ဧည့်စာရင်းနှင့် ထောက်ခံစာများ ပြုလုပ်ရာတွင်လည်း အဆမတန်ငွေများ တောင်းခံခြင်း၊ စစ်မှုထမ်း အတွက် ခေါင်းစဉ်တတ်၍ လစဉ်ငွေကြေး ကောက်ခံခြင်း၊ ရပ်ကွက်နေ ပြည်သူများကို ရိုင်းပြစွာ ဆက်ဆံခြင်း၊ အိမ်အရောင်းအ၀ယ်ကိစ္စများတွင် ငွေကြေး တောင်းခံခြင်း၊ ရပ်ကွက် အတွင်းတရားမ၀င် ၂ လုံးဒိုင်များထံမှ လိုင်းကြေးများ တောင်းခံခြင်းများ လုပ်ဆောင်နေသူဖြစ်ကြောင်း ဒေသပြည်သူများက ပြောဆိုသည်။
ထို့ပြင် ပဲခူးတိုင်း၊ ဖြူးမြို့နယ် ကညွတ်ကွင်းမြို့ ဗိုလ်တဲရပ်ကွက် အုပ်ချုပ်ရေးမှူး ဇော်အောင်သည် ရပ်ကွက် ပြည်သူများထံမှ ကင်းကြေးများ အဆက်မပြတ် တောင်းခံနေကြောင်း သိရသည်။
မေလ ၁၇ ရက်နေ့မှ စတင်ပြီး ဖြူးမြို့နယ်။ ကညွှတ်ကွင်းမြို့ ဗိုလ်တဲရပ်ကွက် အုပ်ချုပ်ရေးမှူး ဇော်အောင်သည် ရပ်ကွက်နေ ပြည်သူများထံမှ ကင်းကြေးဟုဆိုကာ ၁ လလျှင် ငွေကျပ် ၁၀၀၀၀ လိုက်လံ ကောက်ခံနေကြောင်း သိရှိရသည်။
"အုပ်ချုပ်ရေးမှူး ဇော်အောင်က ကင်းကြေးလို့ ခေါင်းစဉ်တတ်ပြီး ကောက်နေတာ ၅ လပိုင်းတည်းက တစ်အိမ်ကို ၁၀၀၀၀ ကျပ် မထည့်မနေရဆိုပြီး လိုက်ကောက်နေတာ သူတို့ လာကောက်လို့ မပေးရင်လည်း ပြည်သူတွေကို ဆဲဆိုပြီး ဖမ်းဆီးလို့ ရတယ်လို့ ခြိမ်းခြောက်တာတွေလုပ်တယ်။ တစ်လ တစ်ခါလို့ပြောပေးမယ့် သူတို့ ကောက်ချင်တဲ့ အချိန်ကို လိုက်ကောက်နေတာ" ဟု ဒေသပြည်သူတစ်ဦးက ပြောဆိုသည်။
တောင်သာတွင် လေတပ်ဗိုလ်ကြီး ကြည်ဖေလင်းနှင့် တပည့်ဖြစ်သူတို့ လက်ဖက်ရည် သောက်နေစဉ် ပစ်ခတ်ခံရပြီး ၂ ဦးလုံးပွဲချင်းပြီး သေဆုံး၊ ပစ္စတို သေနတ် ၁ လက် သိမ်းဆည်းရရှိ
ရန်ကုန်၊ ဒီဇင်ဘာ ၂၉
မန္တလေးတိုင်း၊ တောင်သာမြို့နယ်တွင် လေတပ်ဗိုလ်ကြီး ကြည်ဖေလင်းနှင့် တပည့်ဖြစ်သူတို့ လက်ဖက်ရည် သောက်နေစဉ် ပစ်ခတ်ခံရပြီး ၂ ဦးလုံးပွဲချင်းပြီး သေဆုံးကာ ပစ္စတို သေနတ် ၁ လက် သိမ်းဆည်းရရှိခဲ့ကြောင်း ပြည်သူ့လွတ်မြောက်ရေးတပ်မတော် PLA အမှတ် ၈၁၅ တပ်ဖွဲ့ (အနောက်မြောက်စစ်ဒေသ) မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဒီဇင်ဘာလ ၂၉ ရက်နေ့ နံနက် ၇ နာရီ ၁၅ မိနစ်ခန့်တွင် တောင်သာမြို့နယ်၌ လက်ဖက်ရည် သောက်နေသော လေတပ်ဗိုလ်ကြီး ကြည်ဖေလင်းနှင့် တပည့်ဖြစ်သူတို့ကို ပြည်သူ့လွတ်မြောက်ရေးတပ်မတော် PLA အမှတ် ၈၁၅ တပ်ဖွဲ့ (အနောက်မြောက်စစ်ဒေသ) က ပစ်ခတ် တိုက်ခိုက်ရာ သေဆုံးခဲ့ကြောင်း သိရသည်။
"ဒီနေ့ ပစ်ခတ်ရှင်းလင်းခဲ့တာပါ။ လေတပ်က စစ်ခွေး ဗိုလ်ကြီးကော သူ့တပည့်ကော နှစ်ကောင်လုံးပွဲချင်းပြီး သေပါတယ်။ ကျန်တော်တို့က အရှင်ဖမ်းဖို့ပဲ ထွက်ပြေးတဲ့အတွက် ပစ်ခတ် ဖမ်းဆီးရင်း သေဆုံးသွားတာပါ။ အဖိနှိပ်ခံလူထု အကျိုးစီးပွားကိုရှေ့ရှု့ပြီး ရန်သူ စစ်အုပ်စု စစ် ၃ စစ် ကို ကျန်တော်တို့ PLA အနေနဲ့ ရရာနည်းလမ်းနဲ့ အမြစ်ပြတ်ချေမှုန်းသွားမှာပါ" ဟု ပြည်သူ့လွတ်မြောက်ရေးတပ်မတော် PLA အမှတ် ၈၁၅ တပ်ဖွဲ့ (အနောက်မြောက်စစ်ဒေသ) မှ တာဝန်ရှိသူ တစ်ဦးက ပြောဆိုသည်။
သေဆုံးသွားသော လေတပ်ဗိုလ်ကြီး ကိုင်ဆောင်သည့် MA5 MK1 ပစ္စတို သေနတ်ကိုလည်း သိမ်းဆည်းရရှိခဲ့ကြောင်း သိရှိရသည်။
ကန့်ဘလူ၊ မြကန်သာ ပျူစောထီး စခန်းကို တိုက်ခိုက် သိမ်းပိုက်မှု ပျူစောထီး ၁ ဦး သေဆုံးပြီး စစ်သုံ့ပန်း ၁ ဦး ဖမ်းဆီးရမိကာ သေနတ် ၅ လက် သိမ်းဆည်းရရှိ
ရန်ကုန်၊ ဒီဇင်ဘာ ၂၉
စစ်ကိုင်းတိုင်း၊ ကန့်ဘလူမြို့နယ်၊ မြကန်သာ ပျူစောထီးစခန်းကို တိုက်ခိုက် သိမ်းပိုက်ရာ ပျူစောထီး ၁ ဦး သေဆုံးပြီး စစ်သုံ့ပန်း ၁ ဦး ဖမ်းဆီးရမိကာ သေနတ် ၅ လက် သိမ်းဆည်းရရှိခဲ့ကြောင်း ရွှေဘိုခရိုင် အမှတ် ၈ တပ်ရင်းမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဒီဇင်ဘာလ ၂၅ ရက်နေ့ ည ၁၁ နာရီခန့်တွင် အင်အား ၆၀ ခန့်ဖြင့် တပ်စွဲထားသော ကန့်ဘလူမြို့နယ်၊ မြကန်သာ ပျူစောထီးစခန်းနှင့်ကျေးရွာကို ဝင်ရောက် စီးနင်း တိုက်ခိုက်ခဲ့ရာ တချို့ ပျူစောထီးများနှင့် စစ်သားများက လက်နက်ချ အညံ့ခံခဲ့ သော်လည်း လက်နက်မချဘဲ ခုခံသူများ ရှိခဲ့သောကြောင့် တိုက်ပွဲဖြစ်ပွားခဲ့ကြောင်း သိရသည်။
ယင်း တိုက်ခိုက်မှုအတွင်း စစ်သားနှင့် ပျူစောထီး ၁ ဦးသေဆုံးပြီး ၁ ဦး အရှင် ဖမ်းမိကာ ကျန်ရှိသူများ ထွက်ပြေး လွတ်မြောက်သွား ကြောင်း သိရှိရသည်။
“ပျူစောထီး ၃၀ ကောင် နဲ့ စစ်ခွေး ၂၈ ကောင် စုစုပေါင်း ၅၈ ဦးရှိတယ်။ ဝင်တိုက်တဲ့အချိန်မှာ ခုခံသူ ရှိသလို လက်နက်ချသူတွေလည်းရှိပါတယ်။ ၁၁ နာရီမှာ စတိုက်တာ ၁၂ နာရီလောက်မှာ သိမ်းပိုက်နိုင်ခဲ့ပါတယ်။ သိမ်းပိုက်ပြီးတော့ ပြည်သူပိုင် ပစ္စည်းတွေကို မဖျက်ဆီးဘဲ အောင်မြင်စွာ ဆုတ်ခွာနိုင်ခဲ့ပါတယ်” ဟု ရွှေဘိုခရိုင်အမှတ် ၈ တပ်ရင်းမှ တာဝန်ရှိသူတစ်ဦးက ပြောဆိုသည်။
ထို စခန်းသိမ်း တိုက်ပွဲအတွင်း G3 အမျိုးအစား သေနတ် ၂ လက် ၊ ကာဘိုင် အမျိုးအစားသေနတ် ၃ လက်၊ လက်ပစ်ဗုံး ၊ ခဲယမ်းများ နှင့် စစ်အသုံးအဆောင်ပစ္စည်းတချို့ သိမ်းပိုက်ရရှိခဲ့ပြီး လက်နက်ချအညံ့ခံသော ပျူစောထီးအဖွဲ့ဝင်များ၊ ဆေးကုသမှုခံယူနေသော ပျူစောထီးအဖွဲ့ဝင်များနှင့် မိသားစုဝင်များ ကို နောက်နောင်တွင် စစ်ကောင်စီ အကြမ်းဖက်မှုဖြစ်စဉ်၌ ပါဝင်ပတ်သက်ခြင်း လုံးဝမပြုလုပ်ကြရန် မှာကြားကာ နှစ်သစ်တွင် မိသားစုနှင့်အတူ အေးချမ်းပျော်ရွှင်စွာ နေထိုင်နိုင်ကြပါစေဟု ဆုတောင်း ပေးခဲ့ကြောင်း သိရသည်။
အဆိုပါ တိုက်ခိုက်မှုကို ရွှေဘိုခရိုင် အမှတ် ၈ တပ်ရင်းမှ ရဲဘော်များက လုပ်ဆောင်ခဲ့ခြင်းဖြစ်ပြီး တော်လှန်ရေး တပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၆ ဦးသေဆုံး
ရန်ကုန်၊ ဒီဇင်ဘာ ၂၆
မြန်မာနိုင်ငံတစ်ဝန်း ဒီဇင်ဘာလ ၂၆ ရက်နေ့ ရရှိထားသော အချက်အလက်များအရ စစ်ကောင်စီ တပ် ဖွဲ့ဝင် ၆ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက် များအရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိ သည်ကို သိစေအပ်ပါသည်။
လောင်းလုံးမြို့နယ်အတွင်း စစ်အာဏာရှင်ဆန့်ကျင်ရေး ချီတက်ဆန္ဒပြ
ရန်ကုန်၊ဒီဇင်ဘာ ၂၆
ထားဝယ်ခရိုင် လောင်းလုံးမြို့နယ်အတွင်း ဒီမိုကရေစီအရေးလှုပ်ရှားမှု သပိတ်ကော်မတီ (DDMSC) က ဦးဆောင်ပြီး ဒီဇင်ဘာလ ၂၆ ရက်နေ့တွင် စစ်အာဏာရှင်ဆန့်ကျင်ရေး လူထုသပိတ်လှုပ်ရှားမှု ပြုလုပ်ခဲ့ကြကြောင်း သိရှိရသည်။
အကြမ်းဖက်စစ်ကောင်စီက အကောင်ထည်ဖော်ဖို့ကြိုးပမ်းနေတဲ့ ရွေးကောက်ပွဲကို ဆန့်ကျင်သပိတ်မှောက်ကြဖို့ တိုက်တွန်းသည့် အနေနှင့်“ဖက်ဆစ်ရွေး ကောက်ပွဲ သပိတ်မှောက်၊ ဖက်ဒရယ်လမ်းကို ရဲရဲလျှောက်” ခေါင်းစဥ်နှင့် ပြုလုပ်ခဲ့ခြင်းဖြစ်ကြကြောင်း သိရှိရသည်။
ယင်းမာပင်မြို့နယ်ရှိ ကျေးရွာတစ်ရွာတွင် သပိတ်စစ်ကြောင်းများ ပူးပေါင်း၍ တော်လှန်ရုပ်ရှင်ပြသ
ရန်ကုန်၊ဒီဇင်ဘာ ၂၆
ယင်းမာပင်မြို့နယ်ရှိ ကျေးရွာတစ်ရွာတွင် ယင်းမာပင် ဆားလင်းကြီးရွာပေါင်းစုံသပိတ်ကော်မတီ၊ လူငယ့်အားမာန်သပိတ်ကော်မတီ၊ယင်းမာပင်ခရိုင်တပ်ရင်း ၁ တို့ ပူးပေါင်းကာ တော်လှန်ရုပ်ရှင်ပြသခဲ့ကြကြောင်း သိရှိရသည်။
မတ္တရာ၊ သပိတ်ကျင်းနှင့် နောက်ချိုတို့တွင် တိုက်ပွဲဖြစ်ပွားနေပြီး စစ်တပ်က မတ္တရာ ထန်းတောကုန်းရွာ ဘုန်းကြီးကျောင်းကို လက်နက်ကြီးဖြင့် ပစ်ခတ်မှု ကလေးငယ် ၂ ဦးသေဆုံး
ရန်ကုန်၊ ဒီဇင်ဘာ ၂၆
မန္တလေးတိုင်း၊ မတ္တရာမြို့နယ် သပိတ်ကျင်းမြို့နယ်နှင့် ရှမ်းပြည်နယ် နောင်ချိုမြို့နယ်တို့တွင် တိုက်ပွဲဖြစ်ပွားနေပြီး အကြမ်းဖက် စစ်တပ်က မတ္တရာမြို့နယ် ထန်းတောကုန်းရွာ ဘုန်းကြီးကျောင်းကို လက်နက်ကြီးဖြင့် ပစ်ခတ်ခြင်းကြောင့် ကလေးငယ် ၂ ဦးသေဆုံးခဲ့ကြောင်း မန္တလေး PDF တပ်ဖွဲ့ ပြောရေးဆိုခွင့်ရှိသူ ကိုအော်စမွန်က ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ္တရာမြို့နယ်၊ သပိတ်ကျင်းမြို့နယ် နှင့် နောင်ချိုမြို့နယ်တို့တွင် ပြည်သူ့ကာကွယ်ရေး တပ်မတော် (မန္တလေး) နှင့် အကြမ်းဖက် စစ်ကောင်စီတပ်တို့ အကြား တိုက်ပွဲများ ဖြစ်ပွားလျက်ရှိကြောင်း သိရသည်။
ယနေ့ ဒီဇင်ဘာလ ၂၆ ရက်နေ့ ညနေ ၃ နာရီ မိနစ် ၂၀ ခန့်တွင် မတ္တရာမြို့နယ်၊ ထန်းတောကုန်းကျေးရွာ ဘုန်းကြီးကျောင်းကို အကြမ်းဖက် စစ်တပ်က လက်နက်ကြီးဖြင့် ပစ်ခတ်ခဲ့ရာ ကလေးငယ် ၂ ဦးသေဆုံးပြီး ပြည်သူ ၃ ဦး ထိခိုက် ဒဏ်ရာ ရရှိခဲ့ကြောင်း သိရသည်။
“မတ္တရာမြို့နယ်၊ လက္ကောင်းလေးကျေးရွာဘက်ကနေ လှမ်းပစ်တာပါ။ ဒီနေ့ဖြစ်စဉ်မှာတော့ တိုက်ပွဲ ဖြစ်ပွားခြင်းမရှိခဲ့ဘဲ စစ်ကောင်စီဘက်က ပစ်ခတ်မှုကြောင့် ကလေးငယ် ၂ ဦးသေဆုံးပြီး ပြည်သူ ၃ ဦး ထိခိုက်ဒဏ်ရာရရှိခဲ့တာဖြစ်ပါတယ်” ဟု မန္တလေး PDF တပ်ဖွဲ့ ပြောရေးဆိုခွင့်ရှိသူ ကိုအော်စမွန်က ပြောဆိုသည်။
အကြမ်းဖက် စစ်တပ်သည် စစ်ရှုံးလာသည်နှင့် အမျှ ပြည်သူများကို ပစ်မှတ်ထား၍ လက်နက်ကြီးများဖြင့် တိုက်ခိုက်ပြီး စစ်ရာဇဝတ်မှုများကို အကြိမ်ကြိမ် ကျူးလွန်နေခြင်းဖြစ်ကြောင်း ပြည်သူ့ကာကွယ်ရေး တပ် မတော် (မန္တလေး) က ပြောဆိုထားသည်။
ကမ္မမြို့ပေါ်ကို စစ်တပ် စစ်ကြောင်း ဝင်ရောက်လာ၍ ရပ်ကွက် ၁၂ ခုမှ သောင်းနှင့်ချီသော ပြည်သူများ ထွက်ပြေးနေရ၊ ဘုတလင်တွင်လည်း စစ်တပ်က ပြည်သူ ၅၀ ကျော်ကို လူသားဒိုင်း အဖြစ်ဖမ်းဆီးပြီး စစ်ကြောင်းထိုးနေ
ရန်ကုန်၊ ဒီဇင်ဘာ ၂၅
မကွေးတိုင်း၊ ကမ္မမြို့ပေါ်ကို အကြမ်းဖက် စစ်တပ် စစ်ကြောင်း ဝင်ရောက်လာ၍ ရပ်ကွက် ၁၂ ခုမှ သောင်းနှင့်ချီသော ပြည်သူများ ဘေးလွတ်ရာ ထွက်ပြေးနေရကြောင်း ဒေသ ပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၂၅ ရက်နေ့ မွန်းလွဲပိုင်းတွင် ညောင်ဂျစ်ပင်နှင့် ရေလာလေးရွာ၌ တပ်စွဲထးသော အကြမ်းဖက် စစ်ကောင်စီ တပ်သားများက ကမ္မမြို့ပေါ်ကို စစ်ကြောင်းထိုး ဝင်ရောက်လာ၍ ပြည်သူများ ထွက်ပြေးတိမ်းရှောင်နေရခြင်းဖြစ်ကြောင်းသိရသည်။
အကြမ်းဖက် စစ်တပ် စစ်ကြောင်းထိုးဝင်ရောက်မှုကြောင့် ကမ္မမြို့ပေါ် ရပ်ကွက် ၁၂ ခုနှင့် အနီးအနားဝန်းကျင်ရှိ ကျေးရွာ ၁၈ ရွာမှသောင်းနှင့်ချီသော ပြည်သူများ ဘေးလွတ်ရာ ထွက်ပြေး နေရခြင်းဖြစ်ကြောင်း သိရှိရသည်။
"နေအိမ်ပျက်စီးမှု အခြေအနေနဲ့ ပြည်သူတွေ ဖမ်းဆီးခံရမှုရှိမရှိတော့ မသိရသေးရဘူး။ စစ်ခွေးစစ်ကြောင်း ကမ္မမြို့ပေါ်မှာပဲရှိသေးတယ်။ သူတို့ထွက်လာတာက ညောင်ဂျစ်ပင်နဲ့ ရေလာလေးပေါ့ အဲက ထွက်လာတာ မြို့ပေါ်ရပ်ကွက် ၁၂ ရပ်ကွက်နဲ့ အနီးနာ ကျေးရွာတွေက ရွာပေါင်း ၁၈ ရွာလောက် တိမ်းရှောင်နေရတယ်" ဟု ဒေသပြည်သူတစ်ဦးက ပြောဆိုသည်။
အလားတူ စစ်ကိုင်းတိုင်း၊ ဘုတလင်မြို့နယ်တွင်လည်း အကြမ်းဖက် စစ်တပ်က ပြည်သူ ၅၀ ကျော်ကို လူသားဒိုင်းအဖြစ် ဖမ်းဆီးပြီး စစ်ကြောင်းထိုးနေကြောင်း ဒေသနေ သတင်းသမားတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယနေ့ ဒီဇင်ဘာလ ၂၅ ရက်နေ့ နံနက် ၄ နာရီခန့်တွင် အနောက်မြောက်ပိုင်းတိုင်း စစ်ဌာနချုပ် (နမခ) မှ ကားများဖြင့် ထွက်လာသော အကြမ်းဖက်စစ်သားများသည် ဘုတလင်မြို့နယ်၊ ဇီးတော(န)ရွာ ၊ ရွှေချောင်းလည်ရွာ ၊ သရက်တိုရိုးရွာ နှင့် ကံသစ်ရွာတို့မှ ပြည်သူ များနှင့် ခရီးသွားပြည်သူများ ဈေးသည် များကို လူသားဒိုင်းအဖြစ် ဖမ်းဆီးပြီး စစ်ကြောင်းထိုးနေခြင်းကြောင်း သိရသည်။
“ဘုတလင်မြို့တွင်းကို ကားအကြီး ၃ စီး အင်အားအပြည့်နဲ့ ဝင်ရောက်လာပြီး ပြည်သူတွေဖမ်း စစ် ကြောင်းထိုးနေတာ၊ အခုက စစ်ကြောင်းက မငြိမ်သေးဘူး။ ကျီးပင်ချောင်းရွာနားမှာ ကျန်သေးတယ်။ ဘုတလင်မြို့တွင်းမှာရှိတဲ့ ပြည်သူတွေအနေနဲ့ သတင်အချတ်အဆက် မပြတ်ကြဖို့နဲ့ အချိန်မီရှောင် တိမ်းကြဖို့ တိုက်တွန်းချင်ပါတယ်” ဟု ဒေသနေ သတင်းသမားတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
အကြမ်းဖက် စစ်ကောင်စီတပ်သားများက စစ်ကြောင်းထိုးရာ လမ်းတလျှောက်ရှိ ပြည်သူများကို လူသားဒိုင်း အဖြစ် ဖမ်းဆီးကာ စစ်ကြောင်း ထိုးနေခြင်းဖြစ်ပြီး မုံရွာ - ဘုတလင်လမ်းပိုင်းကို ခရီးသွားလာခြင်းမပြုကြရန်၊ ကျေးရွာနေ ပြည်သူများ အနေဖြင့်လည်း စစ်ကြောင်းချီတက်လာပါက အချိန်မီရှောင်တိမ်းကြရန်နှင့် စစ်ရေးအသိ၊ သတိဖြင့် နေထိုင်ကြရန် ဒေသတွင်း အဖွဲ့အစည်းများက သတိပေးချက် ထုတ်ပြန်ထားသည်။
ယင်းမာပင်မြို့နယ်တွင် သပိတ်စစ်ကြောင်း ၂ ခု ပူးပေါင်း၍ စစ်အာဏာရှင် ဆန့်ကျင်ရေးဆန္ဒပြ
ရန်ကုန်၊ဒီဇင်ဘာ ၂၅
ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းသည် ယင်းမာပင်၊ဆားလင်းကြီး ရွာပေါင်းစုံ သပိတ်စစ်ကြောင်း၊ အောင်လံလွှင့်မည် ရွှေရေကြည် သပိတ်စစ်ကြောင်း တို့နှင့်အတူ " တောင်ယာသပိတ်" ကိုဆင်နွှဲရင်း စစ်အာဏာရှင် တော်လှန်ရေး ချီတက်ဆန္ဒပြခြင်းကို ဒီဇင်ဘာလ ၂၅ ရက်နေ့ ပြုလုပ်ခဲ့ကြကြောင်း သိရှိရသည်။