5137
القصائد الرثائية للآل الأطهار ع
ابو حمزه الثمالي ... خذت حيلي الليالي
بعدها اكَبال عيني ... افاركَ غالي غالي
مصيبتنه جبيره ...اسيره اتجر اسيره
اليفكَد واحد اتهون ... وأنه الفاكَد عشيره
كل حيلي ...راح من شفت الخيم حركَوهه
كل حيلي ...راح حين ام الخدر شتموهه
كل حيلي .. نهدم وي سكنه لمن ضربوهه
ـــــــــــــ
أنه المالذ شرابي ... بعد أعرف عذابي
لون كون الله كلّه ... فلا يحمل مصابي
المهر من ردلي خالي ...احير بوصفه حالي
ردت الحكَ عالحسين ... شمكَوم اعثر شجالي
سنديني ...صحت ياعمه ارد اشوف احسيني
سنديني ...غبره حالت بين اخوج وبيني
سنديني ...راسي لو شيّب حزن عذريني
ـــــــــــــــــ
جرح طف حزني عشته ...هظم بكَليبي شلته
الماي شما اشربه ... بدموعي مزجته
الشام شخلّه بيّه .... راواني المنيّه
تبجي الهه السماوات ... بس محنة رقيه
دمعاتي ...تحجي الك عظم الجره اعله الخدّر
دمعاتي ... تخبرك أوجوه انتهت من الحر
دمعاتي ...على طفله ماتت اعله المنحر
ــــــــــــــــــــ
والشاهد عليّه ... هاك انظر اديّه
نجرحن من الاحبال ...مثل اختي رقيه
والاصعب علينا ...بسوك الذل مشينه
من شدّة نظرهم .... للخدر خُزينا
خلّوني ... ميت موته آنه اموت بهايه
خلوني ...مجلس ايزيد ادخله بلا رايه
خلوني ...يبيد حيلي شما سمعت احجايه
ـــــــــــــ
شسولفك مصايب ... دليلي منهه ذايب
البيهن وصّى الله ... نامن بالخرايب
التاكل من ادينه .... تتصدّق علينه
دنيه بلايه رحمه ... آل الله انسبينه
هضموني ...سوكَ بي شمات من دخلونه
هظموني ...سرعه نمشي ونعثر يخلّونه
هظموني ...ياثمالي بالحجر شمرونه
ـــــــــــــــــــــ
الشاعر محمد حسن ضيغم
/channel/kasaedalatharDaygham
مخلوق كلشي الك
...
المبدع السيد محمد الجيزاني
كلمات الشاعر محمد حسن ضيغم
الرايه ما طاحت عل مسنايه
بالسبي اخته اتكفّلت بالرايه
ـــــــــــــــــــ
الكَال عل رايه هوت يم النهر
اخذ من هل قصه حتما مختصر
بحين طاح الرايه سلّمهه الكَمر
لخته والايه امتداد ال آيه
ـــــــــــــــــــــ
الكافل بحين الخلص دوره اجت
يمّه زينب للقياده اتسلّمت
بالحرم طول المسيره اتكفّلت
وشابهت عباس اخوهه هوايه
ـــــــــــــــــــ
بت علي ام وابو صارت صدكَ
صوتهه وصوت الكَمر ما مفتركَ
للعقيده شمعه صارت تعتلكَ
الزود ابو فاضل عزمهه امرايه
ــــــــــــــــــ
معصّبه بعصابة امهه فاطمه
مشجّله بزود وعزم حامي الحمه
الجيش ذل وحارت املاك السمه
الشمر طول السبي امتيّه رايه
ـــــــــــــــــــ
امدنّكَه جيوش العده طول السبي
همّه مسبيين أهي ما تنسبي
اعتنه جبرائيل يم بنت النبي
اعليهم ابجنحينه سوّه افيايه
ــــــــــــــــــــــــــ
الشاعر محمد حسن ضيغم
/channel/kasaedalatharDaygham
ليش عرجه النوكَ من جابوهه
تميل بضعون الشرف رادودهه
ـــــــــــــــ
نوك عرجه حضّروهن للضعن
تميل رادوهه ابنات ام الحسن
رادوا بطول الدرب يتروّعن
لحضه مرتاحات مايخلوهه
ــــــــــــــــــــ
نوكَ هزّل والاشد شدّوا حبل
بيد الاطفال ودمع عالخد يهل
هذا حال الوالده ضل منجتل
براس ابوهه اعله الرمح بجّوهه
ــــــــــــــــــ
والدرب موعد بي عثرات جان
وليل مظلم مايصح كلش امان
أي زينب وشعمل بيهه الزمان
جم الم بنت النبي ايراووهه
ـــــــــــــــــــــ
النوك من تميل هودجهن يميل
لو نوت وحده تطيح بهل رحيل
تكَلهه عمّه اسم الله والمدمع يسيل
بسوط لو صاحت علي ايضربوهه
ــــــــــــــــــــ
زينب شكَد خايفه ايطيح الطفل
الهل سبب وياهه شددته ابحبل
وضع هاي العيله ما شفات قبل
الذابحين اخوانهه اليحدوهه
ــــــــــــــــــــ
الشاعر محمد حسن ضيغم
/channel/kasaedalatharDaygham
يمن للنهر بالهم ماشي عنه
بطيت ونور وجهك ماشع النه
الك شمع المناطر ماشعلنه
شعلنه المهج ومتانين جيه
........
الشاعر محمد حسن ضيغم
يل امكَضي اليالي ادموع .. وبالحسره كضّه انهارك
يمته اتشع علينه النور ... يمهدي وتطلب بثارك
ــــــــــــــــ
حياتك خلصت بألام ...وشيّب بالحزن راسك
وانت تعرف من اسنيني ... بهظمهه اتناطرك ناسك
بعد صوره خيم وضلوع ... ورايه وجف لعبّاسك
يومك ماكَرب يومك
سوده باقيه هدومك
اليشوفك والله ميلومك
ومن نار الخيم والباب ... تسعر ما طفت نارك
ــــــــــــــــ
يأآخر شمعه لا البيت ... عجيبه وبيت ماعندك
تنشّف دمعة المظلوم ... ودمعك ماترك خدك
الحنه ظهرك وهد الحيل ... ثلاث اعله الترب جدّك
تخلص الليل رايح جاي
تون من تسمع اسم الماي
عجيبه وزينب بلا راي
من نادت يبو السجاد .... رحت وراحت انصارك
ــــــــــــــــــ
منو الاكثر مرد جبدك ...الباب ومحنة الزهره
لو غصب الخلافه هناك ... لو محسنهه والطبره
لو سم الحسن واسهام ...رموا نعشه بأشد غدره
لو كربله وطاريهه
وحرم محّد يحاميهه
بقت من دون واليهه
نفس النار يوم الطف ... هي الشبّت بنارك
ـــــــــــ
بني اميه وبني العباس ....مارحموا علي وآله
سكَوا بالسم علي السجاد ... وولده وجفّوا ادلاله
وعلي الهادي تجرّع ضيم ....الظلم ضل يلحكَ اعياله
بمثل هل يوم سامره
والينه العده اتغدره
وابوك بهاذي شيصبره
خطاطير الخلك بس ناس ... وانت الضيم خطارك
ـــــــــــــــــــ
يمهدي العجل يامولاي ... دنيه بدونكم ظلمه
وكَلبك يمته جاوبنه ... يبطّل من كبر هظمه
اضن مثل امك الزهره ... خدك سيدي اتلطمه
يوميه يمر عاشور
بكَلبك والدمع مهدور
تصد باب وخيم ونحور
وتصد اعله الهزل نسوان .... تبجي وتجرح انظارك
ـــــــــــــــــــ
الشاعر محمد حسن ضيغم
/channel/kasaedalatharDaygham
ها ياشريكي بالهوه ... مغذّيني حب من المهد
روح احنه وحده تفصّلت ....ونص استقر في كل جسد
ابراهيم شاف بنومته ... يذبح اوليده واستعد
ياريت وحي الله يجي ... يالحسن واذبحلك ولد
لوبيدي ...مو الاكبر آنه ارخّص روحي
لوبيدي ...يالحسن بعدك جبيره جروحي
لوبيدي ..بلحدك ادخل كَبلكَ يخلّوني
لوبيدي ... ها يالمذوّبني خويه بنوحي
ـــــــــــــــ
اسمحلي ابوسن جبهتك ...هاي اخر اوداعك تره
يلّي بعيونك يالحسن ...اشكَد سوالف تنقره
يابعد اخوك وعيلته ...كَلبي اليون شيصبّره
تجبر خواطر اعرفك ...وتكسر حسينك خاطره
معقوله ....عشرتي تتبدّه هاي الليله
معقوله ... خويه غيرك ياحبيب اشكيله
معقوله ...شما تطب زينب تنادي بصوتك
معقوله ... الطشت عن زينب اخيتك شيله
ـــــــــــــــــ
ثنين احنه من سر فاطمه ...ونور الّي بينه من علي
سر ارد اوضحنه الك ... ياهيبتي وهيبة هلي
اعرف اشد اعمامتي ... بس عندي غايه اتشهدهه الي
تتعطّر بعطرك ردت ... ها ياحبيبي الاولي
تبجّيني ... شما اشوفنّه مكانك خالي
تبجّيني ... كلشي يرخص وانت وحدك غالي
تبجّيني ... عملمتي حين الاشدهه بروحي
تبجّيني ... شمعه ذاب ابمحنتك دلالي
ــــــــــــــــــ
يل ماشي لمّي فاطمه ... انطيني من صبرك صبر
اشلون بيّه يضل نفس ... حين الاشيعك للكَبر
نعشك احضنه بدمعتي ...وياكسرت الجام انكسر
وبيدي انزلك باللحد ...ارد ادفن وياك العمر
حاجيني ...ليش وحدي اتعوفني حاجيني
حاجيني ... بعازتك يالحسن وتخلّيني
حاجيني ...شفع جنّه وتر اصير اخلافك
حاجيني ...مااصدكَ تقبل اتبجّيني
ـــــــــــــــــــــ
طَلعت شمس عين الحسن ... انفتحت وبالهم حجه
لحسين كَلّه اتدنّه الي ...وكَوه على متنه انتجه
يمّي انت بس بكربله ... محّد الك خويه وبجه
وعن الخيم عن السبي ...واحد للآخر ما شجه
ياخويه .... باجر ابطف كربله يذبحونك
ياخويه ... عاري وبلا خنصؤ يعوفونك
ياخويه ...والخيم اعله الحرم تسعر نار
ياخويه ... بلاهوادج شمر يسبي ضعونك
ــــــــــــــــــــ
الشاعر محم حسن ضيغم
/channel/kasaedalatharDaygham
يعباس الربه رايدته منك
وفي ومحد يكَلّي حجايه عنك
ترخص يبني السنين ... فدوه العين الحسين ... اوصيك
ــــــــــــــــ
حبيبي .. الوصيه .. تحامي .. اخت الحسين
وأريدك .. يعباس .. للحسين .. تنطي چفين
آنه امربيتك عالطيبه وأعرف بيك ترد ارباي
تعصرها الغيمه بچفينك لوبت حيدر رادت ماي
گبال الخيمه تگلهه الكافل يازينب يفديلچ هاي
وبس الموت اليمنع عهدي من گلت تردين وياي
دگ صدرك ييمه وعيني اتشوف
وفيي اعله العقيله بذني الچفوف
صيح بصوت يحنين
فدوه العين الحسين
ــــــــــــــــــــــ
بدمعتي ... وحسرتي ... اشوفن ..صعب الوداع
علحيلي ... امنكَومن ... وأردّن ... اهوه علكَاع
صعبه اوداع الغالي ادريبه يوليدي يشيّبلي الراس
بس أتأمل يرجع سالم حسين الساكن بالاحساس
عباس وأعرف كل عزمك بيه اتباهه اكَبال الناس
ياعطري المافاركَ ريتي وضل عايش بين الانفاس
ساعه انظر جفوفك ساعه للعين
وأكولن والله فدوه الاسم الحسين
يوليدي الجفّين
فدوه العين الحسين
ــــــــــــــــــــــ
علبابي ...اناطر ... يردلي ... ضعن الاحباب
يملني ... ولا امل ... نظرتي .... الفتحت الباب
كل مغرب راح ادعي وابجي بلجن يرجع ضعن الراح
وتطيح امالي واتعذّب لو ليلي اكَبال امكم لاح
الغركَان انعرفه ومن ضيمه يجلّب لو حصّل سباح
وانه اتصنّت بلكن واحد ردّوا ردّوا بصوت وصاح
دمعت المفاركَ تجوي بالروح
مايرجع يوسفه ليش اليروح
دربكم انشد امنين
فدوه العين الحسين
ــــــــــــــــــــــ
عذابي ... ومصابي ... بهجركم ... وانطر اخبار
توافي ... ييمه ... بخوتك ... متهم الصار
همّي وكلشي يطيب جروحي من تسكيهم يبني الماي
خل تتكَطع يم الشاطي حلوه يسمّوك الوفاي
باجر ياعباس آنه افخر جدام الزهره ومولاي
باجر اسمي واسمك شمعه ماتطفى شمتمر دنياي
باجر مرقدك تكَصدله الاملاك
وألكَه الزهره تبجي يمّك هناك
ينوح عليك ياسين
فدوه العين الحسين
ــــــــــــــــــــــ
يعباس ... المصييه ... اعرفتها ... بكربله تصير
علي كَال ...جفوفك ... وعيونك .... بيهن تحير
جودك والرايه اعالشاطي وراسك ينزف يبقى ادماه
وصيوانك بعدك يوليدي بمنظر اعرف ما تنساه
وزينب مسبيه ومجتوفه وتسمعها تصيحك ويلاه
وحسينك مطروح وتنظر خيل الذل تسحكَ فوكَاه
راسه اعله الرمح ويصد الضعون
وكل دمعه تنادي بصوت يم عون
يسيره شلون تمشين
فدوه العين الحسين
ــــــــــــــــــــــ
الشاعر محمد حسن ضيغم
/channel/kasaedalatharDaygham
هاك .. وانظر للبطل عباس ابو الغيره
هاك ... من طب للحرب خله العده بحيره
ــــــــــــــ
هذا البطل ابن الولي المعروفه صولاته
بالكَنطره بيوم الوغى جسّدهه حملاته
طول الزمن راحت تضل تشهدله جلماته
(يسحكَ عليهه .. الكَوم الي ذبحها)
ـــــــــــــــــــ
يشبه علي ذاك الفجل حين القلع خيبر
حين البرز كلهه اندبت معقوله رد حيدر
روس العده يم الجدم خلاهه تطشّر
( حيّر اعدانه .... حيدر شنهي جابه)
ــــــــــــــــــــ
كافل ضعن بت فاطمه المارمشت اجفونه
الزينب اجه ويم الخيم اطفاله يشوفونه
هو الوفي وابن الوفي الساقي يعرفونه
(للخيم بيده ....جاب العلكَمي الهم)
ـــــــــــــــــــــ
كاتب على جفوفنه اسم ام الخدر اختي
كَال الهه وفّاي آنه الج شما تطلبي انتي
آنه الاجيت بخدمتج وآنه اوصفج جنتي
(وكَفت اكَباله .... ودكَ صدره لزينب)
ــــــــــــــــــــــ
روحي ومهجتي وكل كياني انتي يبت فاطم
والله خلقني بهل زمن آنه الج خادم
وصفوني جي يمج ردت انت كَمر هاشم
(وافتخر آنه .... كافل زينب اسمي)
ـــــــــــــــــ
الشاعر محمد حسن ضيغم
/channel/kasaedalatharDaygham
صحت لحكَوني
العده وصلوني
ينور عيوني
بحيره والهم ولاني ... حزني عنك خذاني
الخيمه شبت عليّه ... تعذّبت يا زماني
وينه ال دكَالي صدره ... ردته ضعني يحضره
عمري فدوه لعمره .. آه آه
ـــــــــــــــــــــــ
الخدر يخواني
اخذته عدواني
احتركَ صيواني
بلاولي بلايه رايه .... ترادفتني المنايه
صوت اسمعه ينادي .... عمّه اسكَينه مايه
اركض ونار بعباتي .... وعيني تنظر بناتي
يبست كلش لهاتي ... آه آه
ــــــــــــــــــــ
جرح دلالي
عليك يالغالي
تغيّر حالي
وجهي اصفر دشوفه .... وبيتامانه خوفه
ارد اروح الكفيلي ... وأرد المن جفوفه
وينك صحت انه اريدك .... ينزف ويلي وريدك
كَالوا مكَطوعه ايدك ... آه آه
ــــــــــــــــــــ
يشاطي همومي
اخذني بيومي
ودموعي ادموعي
ها ياحامي الضعينه .... كلهه دارت علينه
من طحت عالشريعه .... خويه والله انولينه
كَلبي كثرة جروحه ..... الفاكَد شتفيده روحه
لجلك يتعالى نوحه ... آه آه
ــــــــــــــ
وكَفت اكَبالك
اصد لشمالك
انشدهت ابحالك
اللّي روحه حنينه .... ويلي مصيوبه عينه
الطوله جان ابعظمته ... عالثره مكَطعينه
عينه ينزف دماهه ... وعينه ظالم رماهه
بحقده من صوّباهه ...آه آه
ــــــــــــــــــ
الشاعر محمد حسن ضيغم
/channel/kasaedalatharDaygham
خادم احسبني اعله بابك ..... بأول اسنيني ارد اخدمك
خلي ايدي ابين ايدك ...... ارد احلفك آنه بأمك
ادري من عندي جرائه .... بهل حچي لمن اكلمك
لكن محبتك سبتني .... ياعطر كل همي اشمك
ـــــــــــــــــ
امي نذرتني المحبتك .... ولولة اعليه ابعزَيه
وصرت احب اسمك اسمعه ... سيدي صبح ومسيه
وتجري دمعاتي اشوفن .... من تصير المغربيه
هيج جن اسمع ينادوا .... زينب اخذوهه سبيه
ــــــــــــــــــ
حسين يا محبوبي انت .... ساكن عيوني ومهجتي
انت اوّل بداية ... وخاتمه صرت الدمعتي
نار كلشي بدونك اصبح .... بمجلسك يحسين جنتي
هيج من الله احسبتها ... للعشكَ كَبرك قبلتي
ــــــــــــــــــــ
يمّك ارد اكَضي حياتي .... وما اريدن كلشي غيرك
مثل ما هالناس عاشت ..... بخيرك انت اسكَيني خيرك
بسجن شوكَك كون ابقى ... ودوم اتسمّه اسيرك
انه عبدك انه مذنب .... انه اتشرّف اجيرك
ــــــــــــــــــ
يل بقيت اعله الوطيّه ... وداستك ذيج الحوافر
شخلّه بيك الطف يروحي .... وجرح من ليلة العاشر
ادري بذنك لسّه تدوي ... شلون بينه حسين باجر
باجر بلا خيم نمسي ... باجر اتشح النواظر
ـــــــــــــــــ
الشاعر محمد حسن ضيغم
/channel/kasaedalatharDaygham
من حركَت اجيوش العده ... اخيام الحسين
ماادري وين بياكتر ... اخواني الاثنين
ياهو الانشده يرد خبر .... وينشّف العين
اركض صرت محتاره
والطف لهب كل ناره
كل واحد من اخواني
لا ماعرفت اخباره
ياهلي ...وين اخوتي دلوني
بياعلي ... من اعثر يكَوموني
من هو الي ...عكَب الولي تدروني
ــــــــــــــــــــــــــــ
بحيره انشغل من الفكر ...ومحتاره ضليت
من النار اشرد لو اضل ... بهل حاله عانيت
الكَاهم اخواني صحت ... ياربي ياريت
شحاله اليدور اخوانه
ينشف الدمع بردانه
والخوف ماخذ حيلي
فوكَ الرعب عطشانه
الياكتر ...انطي الوجه محتاره
والصبر ... بكَلبي ترك آثاره
والفجر ...يمته يطر بأنواره
ــــــــــــــــــــــــــ
بت مسلم ابين الجثث ... تفتر عجيبه
واخواني ما الهم اثر ... هاي المصيبه
الماعدهه اخوه ولا اهل .... تصبح غريبه
لاضل ولي ولا خيمه
بس الجثث بالهيمه
الفاكَد اخوته ايعاني
من همهم ومن ضيمه
بكربله ... ضاكَت عليّه الوسعه
وحرمله ... علعيله فازع فزعه
المشكله .... لوجانه منهو ايرجعه
ــــــــــــــــــــــــــــ
خلاني وكتي ابكربله ....اترجّه بالموت
ياطاهر بصوتي صحت .... ماردلي بالصوت
بس السهام من العده ... كَدامي اتفوت
يابعد هاي وهايه
ردّولي يالوفايه
عدلين ها يخواني
لو رحتوا من دنيايه
للنهر ....اتعنّه بلكي الكاكم
والقدر ... يجمعني بلكي وياكم
والدهر ...يراويني سيل ادماكم
ـــــــــــــــــــــــ
يومين مرّن وانتظر ..... تردولي يخوان
ومن سلهمت عيني شفت ...ياحلم الاحزان
يم شاطي مذبوحين اصد ....موقف صعب جان
واحد يكَل للجاني
اذبحني كَبل الثاني
ها يطيور الجنه
احتار الزمن بخواني
والدمه ...يرسم صمود وغيره
الفاطمه ... فدوه ولراعي الغيره
بالسمه .... نالوا مكانه اجبيره
ـــــــــــــــــ
الشاعر محمد حسن ضيغم
/channel/kasaedalatharDaygham
جيبوا بيرغ العباس
عصابه ارد اشدنّه
.....
انطوني بيرغ الغالي
يمسح مدمعي الهالي
اشم بي عطر كفّالي
ولحسيني اردّنه
........
هذا بيرغ النخوه
عليه امطرّزه الخوه
للكافل رحت فدوه
يحضرني اريدنّه
........
جيبوا رايته الخضره
المن عدهه يشع عطره
راح واخته تنتظره
عن جوده انشدنّه
.....
اشدّن بيرغه براسي
المالك روحي وأحساسي
اصيح بصوت عباسي
خلافك عمري اعدّدنه
........
ياخويه يبعد اختك
تحضرني بعجل ردتك
خويه شكثر ناشدتك
الحمل چا بيش اوسدنّه
......
جيبوا بيرغ الغيره
اليصعب صدگ تفسيره
الميخلّيني ابحيره
نهر دمعي اهدّدنه
.....
الشاعر محمد حسن ضيغم
/channel/kasaedalatharDaygham
جنّه عباس ... بالكوفه برز .... مسلم اجه
دوّخ الناس .. بالحكَ ارتجز ... مسلم اجه
شايل السيف ... بعيونه غظب
الكَوم عالكَاع ... طشّرهه خرز ... مسلم اجه
اشرق ... نور ابوجهه اشرق .. اشرق ... ينصر رايد الحق
اشرق ... جن فارس بخندق
بيمنته السيفه والحشود ... بلا راي ... بقت من صولته ... بقت من صولته
عزمه بالروح بقه يزود .. ... تره بهاي ... الملائك عرفته... الملائك عرفته
هذا وارث عمّه حماي الحمه
هذا يشبه حيدره بالموزمه
ــــــــــــــــ
برايته يغير ...ماهمه جمع .... مسلم اجه
صف على الصف ...شافه يندفع .... مسلم اجه
صابهم خوف ... من هذا الفحل
هووا علكَاع ... جن كَطره شمع .... مسلم اجه
ضهضب ....والله بساعة اغضب ..ضهضب .. ..الكوفه حيدره طب
ضهضب ...عليهم اصبح اصعب
الكَوم بالكَوم ينشدون ... منو الجاي ...منو يرجَع خبر ...منو يرجَع خبر
موت بس يمطر انشوف .... مو ماي ... علينه بس حجر ...منو يرجَع خبر
زلزله من صب عليهم زلزله
الجيش ضل يردم اخيره بأوّله
ــــــــــــــــــــ
وينهم صاح ...الكلّه عزم .... مسلم اجه
الجيش لن طاح ... تل ومنهدم ... مسلم اجه
شردوا اركاض ... مابيهم رجل
ويسمع انياح ... من اشباه الزلم .... مسلم اجه
تعنّه... اليكَرب ليه فنّه .. تعنّه ..جمراته جونّه
تعنّه ... بيهم سوّه حنّه
اتحيّر الجيش شنوا لصار ... الفلك دار ... المفر ضاع المفر ... المفر ضاع المفر
هي معقوله بينه تشب نار ... والاصرار ... نصير احنه وذر ... نصير احنه وذر
بيوت مالفتنه جا المن نرد
شنهي ردّت معركة بدر وأحد
ــــــــــــــــــ
حكَه يحتار .. ويتيه الفكر ... مسلم اجه
دخلوا انذار ..وتبدوا حبر ... مسلم اجه
جيش مهزوم ...ونصاب برعب
اشتدت النار ...بيهم تستعر ... مسلم اجه
بعزمه .... جيش الذل تسمّه ... بعزمه ... فدوه يروح لسمه
بعزمه ...شحال الّي يلزمه
قالع كَلوب يعرفوه ...علي شلون ... قلع خيبر علي ... قلع خيبر علي
ثاني عباس يوصفوه ... اله الكون ... حبيبه الاولي ... حبيه الاولي
ذيب طب وشردت بشكل الغنم
لا بعيد ولا جريب الّي سلم
ــــــــــــــــــــــــ
الشاعر محمد حسن ضيغم
/channel/kasaedalatharDaygham
النه الجيش بغض وحقد عاده
ونفس الظلم يوم الباب عاده
صحيح القتل ان صبح عاده
لجن زينب صعب تمشي سبيه
.......
الشاعر محمد حسن ضيغم
لا تفرش ابساطك الي ...... اباب الحسينيه
هاي آنه ام المنذبح ...... وبنيتي مسبيه
الجيتي لا تتحظر ..... بكل المجالس احضر
ــــــــــــــــ
خلوني اكعد عالترب يا شيعه خلوني
عالغبره نايم مهجتي او مقلة عيوني
بسمه لو الناعي نعه انحب تسمعوني
ام وفكدت اتلث ولد ويلي وتعرفوني
وبنيتي راحت عالهزل ...... محد يباريهه
عالشاطي ضل نايم وسف ...... خيهه اليحاميهه
يا شيعه ما اتصبّر ..... بكل المجالس احضر
ــــــــــــــــ
كل مجلس احضر والضلع يلجمني ادريبه
ما الطم مصيبه وأشد من الطم مصيبه
آنه الكصدت الكربله بهم من ارض طيبه
وشفت ابني متكطع وصل والدم صبغ شيبه
والراس شفته اعله الرمح ...... وتصدلي عيونه
الله يعين ايتامنه ...... لمن يشوفونه
شفت الرمح بالمنحر ..... بكل المجالس احضر
ــــــــــــــــ
ايدي اعله خدي وانتظر وجفوني ذبلانه
يبدي العزاء وانتحب ودموعي جريانه
بكل حيلي اصيحن يالولد يوليدي هاي آنه
عطشان ذبحوك العده راح ابقه عطشانه
يبني العبايه امتربه ......يا مصعب الحاله
امك الزهره بكل عزه ...... دمعتهه هماله
والخنصرك اتصور ..... بكل المجالس احضر
ــــــــــــــــ
اتصور اختك من مشت عالناكه مجتوفه
ومرت على شاطي الحزن والكافل اتشوفه
مصيوبه عينه وبالسهم ومكطعه جفوفه
وصاحتله يا حامي الضعن اخذوني للكوفه
الطم على الراس وأون ...... جي بنتي محتاره
ويالوعة مصابك ابد ...... ما تنخمد ناره
والهل مصيبه اتذكر ..... بكل المجالس احضر
ــــــــــــــــ
لا تفرش ابساطك الي خليه لخوّانك
ماجور يبني وخالقي ايعلّي من شانك
بدموعي هاي الجاريه حنيت بيبانك
وهدومك السود انبنت اقصور بجنانك
اذكر اوليدي لو شربت ...... الماي يوليدي
يوليدي صكك تاخذه ...... بالمحشر منيدي
وعله الخلك تتبختر ..... بكل المجالس احضر
ــــــــــــــــ
الشاعر محمد حسن ضيغم
/channel/kasaedalatharDaygham
ليش عرجه النوكَ من جابوهه
تميل بضعون الشرف رادودهه
ـــــــــــــــ
نوك عرجه حضّروهن للضعن
تميل رادوهه ابنات ام الحسن
رادوا بطول الدرب يتروّعن
لحضه مرتاحات مايخلوهه
ــــــــــــــــــــ
نوكَ هزّل والاشد شدّوا حبل
بيد الاطفال ودمع عالخد يهل
هذا حال الوالده ضل منجتل
براس ابوهه اعله الرمح بجّوهه
ــــــــــــــــــ
والدرب موعد بي عثرات جان
وليل مظلم مايصح كلش امان
أي زينب وشعمل بيهه الزمان
جم الم بنت النبي ايراووهه
ـــــــــــــــــــــ
النوك من تميل هودجهن يميل
لو نوت وحده تطيح بهل رحيل
تكَلهه عمّه اسم الله والمدمع يسيل
بسوط لو صاحت علي ايضربوهه
ــــــــــــــــــــ
زينب شكَد خايفه ايطيح الطفل
الهل سبب وياهه شددته ابحبل
وضع هاي العيله ما شفات قبل
الذابحين اخوانهه اليحدوهه
ــــــــــــــــــــ
الشاعر محمد حسن ضيغم
/channel/kasaedalatharDaygham
حالي محد أمن الضعن حسبه
هواي الهم ولا احد گدر حسبه
بحيره والگلب بي الف حسبه
اروح شلون وانتم علوطيه
.....
الشاعر محمد حسن ضيغم
يافرج الله يبن الحسن
ــــــــــــــــــــ
اخذ بيدي ولا تهدني ... عليك سهله مو عجيبه
بعمري صارحسين كلشي ...جرحي بس اسمه طبيبه
من عمت عين الّي ينسه ...بس ابو اليمّه حبيبه
واليزل جدمه اعرفك ... انت يالمهدي تجيبه
يافرج الله يبن الحسن
ــــــــــــــــــــ
بالمجالس ندري والله .... تدعي ويانه الفرجنه
يا ولي النعمه يمهدي .... بخيمة الزهره تلمنه
منزلتنه اجبيره لمّن ....يقترن بسمك اسمنه
وباجر اتكَل للزجيه .... هذا بالدنيه خدمنه
يافرج الله يبن الحسن
ــــــــــــــــــــ
ياغريب وهيمه ساكن ... بسمك ابديهه الرزيه
فدوه وفّقني الخدمتك .... اقسم عليك برقيه
يامن الطف باكَ حيلك ... وتبجي للراحت سبيه
خلّي كل همّي محرم ..ارد اعيش الغاضريه
يافرج الله يبن الحسن
ــــــــــــــــــــ
يا امامي وانه ادري ... عايش وياي المصيبه
بس تشوف اهلال حزنه ... دمعتك تجري سجيبه
تلطم الراس وتنادي ... عمّتي الحره غريبه
من بعد حامي ضعنهه ... بت علي تمشي سليبه
يافرج الله يبن الحسن
ــــــــــــــــــــ
بياجر دامي دليلك ....وياهو مثلك شاب راسه
خيام محتركَه يويلي ....مذبّحين يشوف ناسه
والحسين انداس صدره ...ياجدم ملعون داسه
نحر عبدالله اعله نحره ... شلون نحره النحره باسه
يافرج الله يبن الحسن
ــــــــــــــــــــ
الشاعر محمد حسن ضيغم
/channel/kasaedalatharDaygham
ياربي عجّل فرج القائم
......
چلمه الثار شكثر نحچيهه
وهل چلمه تجرح حيل راعيهه
زينب بعدها بأمل مهديهه
ضعون المشت مهدينه يحديهه
يًقيِننا بأنّهُ قادم
ياربي عجّل فرج القائم
......
عندك مخيّم ماطفت ناره
يل ماكو غيرك ياخذ بثاره
وعمّاتك اعله الهزله محتاره
وعبدالله الك ضل شابح انظاره
بوضعهِ ربُ الملا عالم
ياربي عجّل فرج القائم
......
يل شيّبتّك كربله وهمهه
وعينك دمعها اتفايض بدمهه
چبيره السوالف وانت التلمهه
بس ياهو يجمع جمرة اخيمهه
عليُ قد ابكاكَ والقاسم
ياربي عجّل فرج القائم
......
مصبوغه ايدك من دمه ادموعك
ونار المخيم لسعت ضلوعك
اتواسي رمله عالگ شموعك
طف ومحرم هذا موضوعك
ايتامكم في مجلس الظالم
ياربي عجّل فرج القائم
......
عمك يمهدي عللنهر طايح
ويسحگ حسين الجاي والرايح
يادم رقيه أمن المتن سايح
تنظرب وتنادي يبو صالح
قد شاخ من كان لنا خادم
ياربي عجّل فرج القائم
......
الشاعر محمد حسن ضيغم
/channel/kasaedalatharDaygham
من النهر ردّيت وأصفك بيدي
نهدم حيلي بحين راح اعضيدي
راح ... كلشي ابدنيتي
راح ... قلّة حيلتي
راح ... عفته اعله النهر اخوي
ـــــــــــــــــ
بلا فكر رديت امشي وذهني اصبح منشغل
حملي مال وحاير آنه راح اليعدل الحمل
الماله اخو شله بحياته وعمره
بالحرب مكشوف حتما ظهره
فوكَ راسي شابج آنه العشره
جرح اخوي الطاح والله شكبره
جيتج اتعثّر يزينب جيتج
بلا عمود اصبح اخبرج بيتج
راح ... وتهل دمعتي
راح ... قلّة حيلتي
راح ... عفته اعله النهر اخوي
ـــــــــــــــــ
ياعظم ذيج المسافه من النهر حد الخيم
الهامي تصعد نار هجره وتبدي خويه من الجدم
ساعه اكَعد ساعه امشي بنوحي
راح من عندي اليطيب جروحي
للنهر لا ما اكَلّج روحي
كل جوابي من تصدّي الروحي
آنه موذاك التعرفي اوصافي
فراكَ عباس الهدلّي اجتافي
راح ...عزّي وسلوتي
راح ... قلّة حيلتي
راح ... عفته اعله النهر اخوي
ـــــــــــــــــ
شلون انسه الشفته آنه ومن وكَفت اعله النهر
هيبة الكرار دامي وشفته متكَطع وذر
تفوح منّه غيرته المعروفه
وعسن عيني مرمي لا متشوفه
شفت صورة وجهي بين جفوفه
الصوره تبجي الدمع خط احروفه
نمت يمّه وبالنحر شمَيته
الزمت جفّه بلهفتي وحبيته
راح ... ومضة شمعتي
راح ... قلّة حيلتي
راح ... عفته اعله النهر اخوي
ـــــــــــــــــ
ردت اشيله للمخيّم وصاح لا أمن الكَلب
عذّباني بحين كَلّي خويه وأدموعه تصب
خويه خلّيني وأسمعه اتحسّر
ارجع وانظر الزينب مكَدر
ادري بيهه الجيّتي تتنطّر
ماي اجيبن للطفل والخّدر
وصيّه عندي ويبجي من وصّاني
تعّذر الزينب ولا تتناني
راح ... وشبّت جمرتي
راح ... قلّة حيلتي
راح ... عفته اعله النهر اخوي
ـــــــــــــــــ
اه ياذيج المصيبه وياجروح المشرعه
انطفت عينه بسهم ظالم والجفوف امكَطّعه
هامته نصين هدّت حيلي
راح من عندي ضواي بليلي
ها يدمه عليه بس دم سيلي
وصيحي صوت انفكَد والله اكفيلي
عين وحده هالسهم طافيهه
وعين الاخره جمد دم اعليهه
راح .... مخلص قصتي
راح ... قلّة حيلتي
راح ... عفته اعله النهر اخوي
ـــــــــــــــــ
الشاعر محمد حسن ضيغم
/channel/kasaedalatharDaygham
واقاسماه ... واقاسماه ... واقاسماه
.....
يبن الحسن .. گلبي ندب .. ارجع الي .. يوليدي
امك تره ... متحيره.. ويجري الحزن .. بوريدي
عمري خلص .. يوم الرحت .. ماي انچفه .. من ايدي
ياريت اجه الموت .. لمك يرجوي
بدونك بلا فياي .. تدريني
عمري جزه وراح ... بدونك مريده
مصيبه وشديده ... مخليني
..........
ويلي صحت ... يبني ونحت ... كافي بعد .. عن امك
بثوبي انطبع ..حين النمت ... ياسلوتي ...يم جدمك
وتخضّبت ... كل شيلتي ... ياجاسمي ... من دمك
راح العرس راح ... وتبدّه مايك
جاش نهي رايك ... يالغالي
حزن الكَلب صار ... ماينوصف حيل
ومانامن الليل ... يالوالي
ـــــــــــــــ
المن بعد ... جبت الشمع ... راح الفرح ... بغيابك
ماينحمل ... لا والحسن ... يلجمني ضل ... امصابك
بيدي جنت ... يبن الحسن ... من عطّريت ... اثيابك
راح ابقه بالنوح ... واجري المدامع
ونار المواجع ... بجروحي
شيخفف ال آه ..... وانه علفكَدك
ومكَدر اردّك ... ياروحي
ـــــــــــــــ
يبني وعد ... ليل اليمر ... انه اذكرك ... بالدمعه
وابجي قهر ... حين الاصد ... كل ام توج ... الشمعه
صوتك وسف ... بعد الجره ... يامهجتي ... ماسمعه
حاجيني جسام .... لو بس اشاره
موكَلبي ناره ... ماتطفه
بس هزلي راسك ... طمنّي عنك
جروح الّي منك ... شكَد كلفه
ـــــــــــــــ
متخضّب ... ودمك يصب .... وجفّك تحنّه ... ابدمّك
يل طشّروك ... بكرله ... جاوبني جا ... شيلمّك
ماكمّلت ... ولا تممّت ... ياسلوتي .... كل حلمك
كل همّي اشوفك ... عريس يبني
واعرف تحبني ... من زغرك
بس المنايه ... اخذتك مني
وبحسره لنّي ... الدم نحرك
ــــــــــــــــ
الشاعر محمد حسن ضيغم
/channel/kasaedalatharDaygham
عاشوراء اقره وأرثيك وابچي اعله فكَدك
وأنصارك چن تقره وياي هالليله عندك
بالمرقد مجتمعين
بدمعه نزورك يحسين ... هالليله عندك
ــــــــــــــــــ
من عالم خيالي هناك ... واكَف آنه بالحضره
وأصدّن للمناره بشوكَ ...وعلى مصابك اجر حسره
مفاتيح الجنان بأيد ... وأفكَر يا زياره اقره
وارث بيهه اسلم اعليك ...لو عاشوراء هل مرّه
چن صوت يناديني بنوح اقره يزاير
عاشوراء البيهه اسرار ولا تبقى حاير
ولن شفت اتهل العين
بدمعه نزورك يحسين ... هالليله عندك
ــــــــــــــــــ
همت بيك وسرح فكري ...واحسّن بانت آثاراك
ازورك سهله اذا جبريل ... كَبلي تعنه الك زارك
وكَفت وچن احس يمي .... تزورك واكَفه انصارك
مثل يوم الطفوف هنا ... تنادي وتطلب بثارك
جون وعابس يم الباب حبهم اشوفه
وابن مظاهر يمهم جاي رافع جفوفه
وي انصاره الطيبين
بدمعه نزورك يحسين ... هالليله عندك
ــــــــــــــــــ
اول ما كَلت يحسين ...سلام عليك يا مظلوم
احس كل الصحن وياي ... ضل يبچي ويهل ادموم
وچن امّه الزجيه تنوح ... ويم شبّاچ كَبره تحوم
وحيدر منتچي اعله الباب ... من كَد الالم مهظوم
چن زينب وكَفت وتصيح يبني امي جيتك
من الشام وللطف بدموع حمره بجيتك
صعبه اتشوف الچفين
بدمعه نزورك يحسين ... هالليله عندك
ــــــــــــــــــ
وصلت السلمن السالم .. الك وبكَلبي شبت نار
عدو الكلمن الك خاصم ... يروح المرتضى الكرار
وجيها عندك اجعلني .... الجدم بس بطريقك سار
احييني حياة حسين ... يربي وموتت الانصار
اللهم العن كل ظالم المهجة الزهره
واخر واحد تابع الهم منّه اتبرّه
ابقى اقراهه بكل حين
بدمعه نزورك يحسين ... هالليله عندك
ــــــــــــــــــ
سجدت السجده وأتصوّر ... من مهرك طحت دامي
ونار امصيبتك يحسين .... خللتلي الچبد ضامي
اريد أستأذنك وأطلع ... بس متعيني اجدامي
اشوفك مرمي عالغبره ... ونحره ضل يجري جدامي
صدرك مرمي اتدوسه الخيل يبن الزچيه
وانصارك چنها بهل حال بالغاضريه
شهروا سيف وعدلين
بدمعه نزورك يحسين ... هالليله عندك
ــــــــــــــــــ
الشاعر محمد حسن ضيغم
/channel/kasaedalatharDaygham
سارت النوكَ ... بالضعون ... بالضعون
كَلبي محروكَ .... بالضعون بالضعون
بالحسره والآه ... تاه الفكر تاه
بالضعون بالضعون
ـــــــــــــــــــــــــــــــــــــــــــــــــــــــــــــــــــــ
سبايه شلون نمشي بيد الاجناب
وبعد وي اخوتي ماعندي اعتاب
يشتمونه وحرم احنه بلا اسباب
ودمع من مستحانه بخدنه سجاب
اتغيّر الحال ... بالضعون ... بالضعون
والحمل مال .... بالضعون بالضعون
ناديت ويلاه ... تاه الفكر تاه
بالضعون بالضعون
ـــــــــــــــــــــــــــــــــــــــــــــــــــــــــــــــــــــ
غريبه بلا ولي عالناكَه ياحيف
وعبايتنه صبغهه اسموم هل صيف
ياريته الي صار بكربله طيف
ولا صديت نار ورمح والسيف
فكري محتار ... بالضعون ... بالضعون
بالكَلب نار .... بالضعون بالضعون
واشلون انساه ... تاه الفكر تاه
بالضعون بالضعون
ـــــــــــــــــــــــــــــــــــــــــــــــــــــــــــــــــــــ
حزينه مجتّفه وعيالي وياي
ضمايه والذبحنه جمرة الماي
اروح امشي سبيه وفاكَده الراي
والتحدي بضعنه زمرة اعداي
والدرب طال ... بالضعون ... بالضعون
الدمع همال .... بالضعون بالضعون
دلالي ناداه ... تاه الفكر تاه
بالضعون بالضعون
ـــــــــــــــــــــــــــــــــــــــــــــــــــــــــــــــــــــ
سبايه وبس حرم والتبجي ايتام
سهرانين لا مانكَدر انّام
شوف شلون دارت بينه الايام
يظلمونه الكَبل عد اهلي خدام
تجري العيون ... بالضعون ... بالضعون
وحايره شلون .... بالضعون بالضعون
والتظلمه اعداه ... تاه الفكر تاه
بالضعون بالضعون
ـــــــــــــــــــــــــــــــــــــــــــــــــــــــــــــــــــــ
السياط اعله المتن اذّتنه يحسين
ورقيه انظرهه سطره امورّمه العين
هنا يل عل نهر فاكَد الجفين
منين اكَدر اجيبك لينه امنين
جرمت اعداد ... بالضعون ... بالضعون
شلون انساك .... بالضعون بالضعون
والماطفى ضواه ... تاه الفكر تاه
بالضعون بالضعون
ـــــــــــــــــــــــــــــــــــــــــــــــــــــــــــــــــــــ
الشاعر محمد حسن ضيغم
/channel/kasaedalatharDaygham
حسين يل بيك اعقدت آمالي
ما أسألك انت ادره بحالي
ــــــــــــــــــ
يا من اتعرف النبض لمّن يدكَ
ضامي آنه أسكَيني من عشكَك عشكَ
والله ادري بلا هواك آنه اختنكَ
رخص كلشي وصرت وحدك غالي
ـــــــــــــــــ
من الزغر لفّوني اهلي برايتك
وما انام الّه وسمعت اقرايتك
والله حي ميّت الوذ بصايتك
ماد جفّي وأدري ميرد خالي
ــــــــــــــ
عمري كلّه غرّكَتني بنعمتك
بوجهي فاتح دوم باب الرحمتك
خلني مدمن سيدي اعله زيارتك
وخل اموت ومرقدك يبرالي
ــــــــــــــــــــ
بكثر ما طفت بضريحك بالعمر
حتماً انت تزورني بنص الكَبر
جنت ابجي وبس سمعتك منّحر
شلون وبلا راس اصد اكَبالي
ــــــــــــــــــ
احضرني يامولاي خفف وحشتي
بغربة المظلومه ارحم غربتي
ياحسين وانت تعرف طلبتي
لا تشمّت بيّه كل عذّالي
ــــــــــــــــ
بجاه دمعي السال عالراحت غصب
مجتفّه يحسين لديار الغرب
تدخل الديوان بت حيدر صعب
ومن تصيحك شوف دمعي الهالي
ــــــــــــــــ
الشاعر محمد حسن ضيغم
/channel/kasaedalatharDaygham
بكثر دمعاتي بعيوني ورم چان
على ابني الچان يتمشّه ورم چان
مچان اعليه ادورنّه وره امچان
ووسد ابنی بگبر بثنين اديه
.....
الشاعر محمد حسن ضيغم
جنّه عباس ... بالكوفه برز .... مسلم اجه
دوّخ الناس .. بالحكَ ارتجز ... مسلم اجه
شايل السيف ... بعيونه غظب
الكَوم عالكَاع ... طشّرهه خرز ... مسلم اجه
اشرق ... نور ابوجهه اشرق .. اشرق ... ينصر رايد الحق
اشرق ... جن فارس بخندق
بيمنته السيفه والحشود ... بلا راي ... بقت من صولته ... بقت من صولته
عزمه بالروح بقه يزود .. ... تره بهاي ... الملائك عرفته... الملائك عرفته
هذا وارث عمّه حماي الحمه
هذا يشبه حيدره بالموزمه
ــــــــــــــــ
برايته يغير ...ماهمه جمع .... مسلم اجه
صف على الصف ...شافه يندفع .... مسلم اجه
صابهم خوف ... من هذا الفحل
هووا علكَاع ... جن كَطره شمع .... مسلم اجه
ضهضب ....والله بساعة اغضب ..ضهضب .. ..الكوفه حيدره طب
ضهضب ...عليهم اصبح اصعب
الكَوم بالكَوم ينشدون ... منو الجاي ...منو يرجَع خبر ...منو يرجَع خبر
موت بس يمطر انشوف .... مو ماي ... علينه بس حجر ...منو يرجَع خبر
زلزله من صب عليهم زلزله
الجيش ضل يردم اخيره بأوّله
ــــــــــــــــــــ
وينهم صاح ...الكلّه عزم .... مسلم اجه
الجيش لن طاح ... تل ومنهدم ... مسلم اجه
شردوا اركاض ... مابيهم رجل
ويسمع انياح ... من اشباه الزلم .... مسلم اجه
تعنّه... اليكَرب ليه فنّه .. تعنّه ..جمراته جونّه
تعنّه ... بيهم سوّه حنّه
اتحيّر الجيش شنوا لصار ... الفلك دار ... المفر ضاع المفر ... المفر ضاع المفر
هي معقوله بينه تشب نار ... والاصرار ... نصير احنه وذر ... نصير احنه وذر
بيوت مالفتنه جا المن نرد
شنهي ردّت معركة بدر وأحد
ــــــــــــــــــ
حكَه يحتار .. ويتيه الفكر ... مسلم اجه
دخلوا انذار ..وتبدوا حبر ... مسلم اجه
جيش مهزوم ...ونصاب برعب
اشتدت النار ...بيهم تستعر ... مسلم اجه
بعزمه .... جيش الذل تسمّه ... بعزمه ... فدوه يروح لسمه
بعزمه ...شحال الّي يلزمه
قالع كَلوب يعرفوه ...علي شلون ... قلع خيبر علي ... قلع خيبر علي
ثاني عباس يوصفوه ... اله الكون ... حبيبه الاولي ... حبيه الاولي
ذيب طب وشردت بشكل الغنم
لا بعيد ولا جريب الّي سلم
ــــــــــــــــــــــــ
الشاعر محمد حسن ضيغم
/channel/kasaedalatharDaygham
تسولف هظمها
ام عون لمها
جيت وي اخوتي امدلله للغاضريه
راحوا ييمه وزينبج صارت سبيه
ــــــــــــــــ
اجيت بمستحه يم كَبرج ارد احجي
سوالف ضيمي بدموعي ردت اشجي
اريد اهوه اعله كَبرج وانتحب وابجي
اذا صحت آه من متني ... يعني المتن يشكيلج
وأذا عصّرت بجفوفي ... اثر لحبال اراويلج
للطف وصلنه
بزود الكفلنه
وتاليهه دعاتي اصبحت بالطف جريه
راحوا ييمه وزينبج صارت سبيه
ــــــــــــــــ
شسولفلج وهنّه هوايه مو وحده
حسين اكعد جنت متدللله بسدّه
أنه بعاشر شفت فوكَ الترب خده
طحت عالكَاع جم مره .... وكَع شفته وبلايه حيل
ييمّه وصحت عوفنّه ... من داست عليه الخيل
بكَد ماتسحكَه
تمنيت اشبكَه
ماخلّت بصدره ضلع خيل ال اميه
راحوا ييمه وزينبج صارت سبيه
ــــــــــــــــ
الفيّه اعليه بالرايه الدرب كلّه
واثر جدمي يمسحه بأيده انظرله
مرد كَلبي جرح راسه وأذه النبله
وصلنه وسرفن اذراعه ... وبنه بطف كربله اخيامي
بلا ذرعان ومصوّب .... اشوفه شلون جدامي
الجان الي سور
دم راسه مهدور
من شفت اديه حيل اندبت يابعد اديه
راحوا ييمه وزينبج صارت سبيه
ــــــــــــــــ
يمر هاجس مصايب كَلبي واتذكر
ايد بأيد جاسم يمشي والاكبر
بعطرهم آنه يلو مرّوني اتعطّر
تالي اموسّد اعله الكَاع ... علي وجابه الحسين النه
وجسام بدمه نحره .... جفه الغالي اتحنّه
ليلى ويرمله
ياهم تحمله
وعبدالله مات من الضمه بسهم المنيه
راحوا ييمه وزينبج صارت سبيه
ــــــــــــــــ
يمر بيّه الدلال وتنزف جروحي
وعلى الخوه اكضّي ليلتي ابنوحي
سبيّه شلون ردت تطلع صدكَ روحي
ركبت الناكَه وعيوني ...تهل من شدّت احزاني
صفيت ابين هل غربه .... عكَبكم والله يخواني
بلاوالي امشي
وضيّعت كلشي
هذا الجره وبعض الجره ها يالزجيه
راحوا ييمه وزينبج صارت سبيه
ــــــــــــــــ
بعد وحده ردت احجي وأسولفهه
مصيبتنه صعب يمه أنه احملهه
بالمجلس وحرارينه منو الالهه
بخرابه نيّمونه اعداي ...سهله والاشد منهه
رقيه ماتت اعله الراس ... من كَد ما كثر ونهه
بغربه ادفنتهه
وما جفّنتهه
اثار سوط اعله المتن ماتت رقيه
راحوا ييمه وزينبج صارت سبيه
ــــــــــــــــ
الشاعر محمد حسن ضيغم
/channel/kasaedalatharDaygham