5137
القصائد الرثائية للآل الأطهار ع
لا تبخل على نفسك في الاستماع ولو لخمس دقائق . سينقلك الى عالم اخر
Читать полностью…
يم كبر جدهه اعتنت ام الخدر
بالمدامع رايده اترش الكبر
ــــــــــــــــ
للكبر راحت تهل دمع الحزن
عالنبي المختار مهظومه وتون
تصيح يرت وياك جسمي مندفن
والمدامع عالوجن ضل تنهدر
ــــــــــــــــــــ
تصيح ياجدي وكلبهه اصبح نحيل
والدمع فوك الكبر اصبح يسيل
ليش جدي ويانه اعلنت الرحيل
وي زينب بعد ما ينفع صبر
ـــــــــــــــــــــ
شالت اتراب الكبر والهم كثر
وحتى كلب الكون من صدهه انكسر
فكد جدهه بالكلب تارك اثر
تصيح بعدك جدي ما يسوه العمر
ـــــــــــــــــ
انه زينب امي جابتني الك
يا من مصابك فجع كل الفلك
راح اضل للموت اون واشتاكلك
اكضي ليلي ابونّي لطلوع الفجر
ــــــــــــــــــــــ
يا دمعتي ويا حسرتي الماهدت
يا مصيبها لما على بنادم سدت
ريت زينب بالتراب اتوسدت
كسر كلبي جبير ما ضن ينجبر
ــــــــــــــــــ
الشاعر محمد حسن ضيغم
يم كبر سيد البريه
خذني يا حامي الحميه
فدوه مو ملني الصبر ** ارد اروحن للكبر
ـــــــــــــــــــــ
يا علي وياك اخذني خل اروحن للكبر
ارد اشم تربة نبينه فدوه مو ماضل صبر
اتيتمت يا بو الحميه وكلبي اصبح منكسر
شهر رمضان برحيله واني بي ليلة قدر
فجعوا الكون بمصابه
غابت الدنيه بغيابه
بهذا دمعي المنهدر *** ارد اروحن للكبر
ـــــــــــــــــــــــ
فاركاني وانه عيني معوده الوجهه تصد
اقره بسمه بكل مسيه واسمه آيات الحمد
الله يلعنهه اللعينه السممت منه الجبد
من اذكره الروح تبجي وحيل كلبي ينمرد
وما اهود ياعلي
دموعي عالوجنه اتهلي
وحكه كلبي ينفطر *** ارد اروحن للكبر
ـــــــــــــــــــ
خذني يا حيدر اخذني ويمه خل كلبي يون
وخل اكله اخلافك انه شيدت بيت الحزن
همومي يا بويه جبيره وشايلتهه عللمتن
وخلي يعرف من رحيله ولسه كلبي ما يعن
ليلي اخلصه ابونتي
وتهل عالخد دمعتي
ما انامن للفجر *** ارد اروحن للكبر
انه مو بضعة محمد ليش فاركني الولي
ليش خلاني علفكده دمعتي بحركه اتهلي
مصيبته يا ضي عيوني عليه لتضن تنجلي
وهسه امشي وياي فدوه للكبر ها ياعلي
يمه خل ابجي وانوح
خلني ياحيدر اروح
على اعناد اهل الكفر *** خل اروحن للكبر
انه بنته ويتماني من رحل عني الامل
هو حي اعله الفلاح وانت ياخير العمل
ريت وي الهادي احمد امصوبه بسهم الاجل
ولا تصير جروحي كثر ولا دمع عيني همل
صعب تدريبه الوضع
فاطمه اتهل الدمع
كلبي يتلاهب جمر *** خل اروحن للكبر
ـــــــــــــــــــــ
الشاعر محمد حسن ضيغم
يا كاسر خاطري حاجيني
يابويه ما ابطل اونيني
معقوله بهل عمر وأتلوّع
ويتيمه ابفكَدك اتخليني
منهظم ... كَلبي الك ضل ... منهظم
منحرم ... كَلب الحنينه ... منحرم
حايره ... واجري المدامع ... حايره
بس عظم .... فراكَك تركني ... بس عظم
يابويه
هد حيلي امصابك ... مااحمل اغيابك ...عيني على بابك ... ياسيد العتره
ـــــــــــــــــ
دنياتي ظلمه بس من دونك
يل فدوه رحت أنه لعيونك
يل تنشد عنَي آنه شلوني
يابويه فدوه انت شلونك
دمعتي ....جمرات اصدهه ... دمعتي
حسرتي ... يصعب عددهه ... حسرتي
مااعن .... آنه بغيابك .... مااعن
جمرتي .... تلهب يبويه .... جمرتي
يابويه
عليك الكَلب مايل .... ودمعي صبح هامل ... شوف الرود ذابل ... ومصابك اشكبره
ـــــــــــــــــ
يل باقي اسمي فوكَ اشفافك
مهظومه بويه ابقى اخلافك
راح اسهر ليلي بس بالدمعه
لاتذبل خلّي تبقى اوصافك
ياحزن ... ساكن كياني ... ياحزن
ابقى اون ... ليلي ونهاري ... ابقى اون
بس بجي .... تخلص حياتي ... بس بجي
واندفن ... وياك اريدن .... اندفن
يابويه
خالي والله امجانك ... ذابلات اغصانك ... شيّبتني احزانك .... يل فركَتك مرّه
ـــــــــــــــ
شيعوني يامن تشيعونه
ودعوني يامن اتودعونه
ما تسوه دنيتي بلا والي
دفنوني يامن اتدفنونه
مردت .... من دونه ابقى .... ماردت
تعوّدت .... والله اعل شوفه.... تعوّدت
بلا امل .... اشلون اعيشن .... بلا امل
من صرت .... بسمه اعله شفته ... من صرت
يابويه
فاطمه وتعرفني ... لاتخيّب ضني ... فدوه لا تتركني ...ابنيتك الزهره
ـــــــــــــــ
مهظومه راح اضل مهظومه
وبعصره صدري تجري ادمومه
والسطره تنطبع فوكَ الخد
من المحسن انه اضل محرومه
يحترك ... يابويه داري ... يحترك
واختنك .... بدخانه اضلن ... اختنك
بالعصر ... بالعتبه اوكَع بالعصر
من صدكَ ... اتمنه موتي .... من صدكَ
يابويه
حيدر يجتفونه ... اكَبالي ايكَودونه ... وحاله والله شلونه ... ويلي اشعظم صبره
ـــــــــــــــ
الشاعر محمد حسن ضيغم
ها يزاير ... لو رحت لرض المدينه
ها يزاير ... اذكر جروحي الحزينه
ها يزاير ... ريت اشم تربة نبينه ... ها يزاير
ـــــــــــــــــ
عندي حسره بكَلبي واشواكي جبيره
شما بجيت الدنيه احسّنهه زغيره
عمري يمشي وجنهه ايامي الاخيره
وآنه لزيارة نبينه ابكَلبي حيره
يمته ازوره ...واجري دمعاتي اعله كَبره
يمته ازوره ... بروحي اطوفه واشم عطره
يمته ازوره ... واهدي كل عمري وسنينه ... ها يزاير
ـــــــــــــــــــ
من تروح وياك اخذ شوكَي ولهفتي
وريت فوكَ اتراب كَبره اتحط دمعتي
خوفي ما زوره وتجي ليّه منيتي
اكتب ابورقه يهل زاير وصيتي
بالوصيه ... للنبي وصّل سلامي
بالوصيه ...وبلغه بشوكَي وهيامي
بالوصيه ... اخذ من كَلبي حنينه ... ها يزاير
ـــــــــــــ
مرّت اسنين العمر ودلالي خايف
ما تبوس اعتابك بلهفه الشفايف
بطيفي ليش الحضرتك ما مرّه شايف
ابجي لو اتعنه ازورك والله حالف
اجري دمعي ... حيل اصيحن يا حبيبي
اجري دمعي ... زيارتك صارت طبيبي
اجري دمعي ... وكَلبي الك زايد ونينه ... ها يزاير
ـــــــــــــــــ
شكد دعيت الله وردت يرزقني ازوره
واسرح بشوكَ النبي امن اشتم عطوره
بالمدينه امن الُبعد يتلاله نوره
اخره ودنيه الوذ بهذا سوره
بكل مسيه ... ادعي احصّل هالزياره
بكل مسيه ... وعيني تنظر للمناره
بكل مسيه ... روحي بعتابك رهينه ... ها يزاير
..........
وياك اخذ لمّن تزور الهادي همّي
من تزوره يم ضريحه اذكر اسمي
وخبره بزيارة ضريحه جان حلمي
وياك ابوي هناك اذكره واذكر امي
بالزياره ... خصنه يالزاير نحلفك
بالزياره ... بغيرهه لا ما نكلفك
بالزياره ... اتفضّل بهاذي علينه ... ها يزاير
ــــــــــــــــــ
الشاعر محمد حسن ضيغم
صحت ماذا على من شم ... تربة والدي الهادي
مثلي بكل الم يصرخ .... ويلي ولازم ينادي
ـــــــــــ
أنه الزهره وطبع عندي ... صارت ونّتي ونوحي
مصايب صبّت عليّه ... ومنهه زادت جروحي
لون صبّت على الايام ...صارن سود وي روحي
شتحمل يامصاب انت ... جاوبني أيا افادي
ـــــــــــــــ
يم كَبر الولي اكعد .... وابجي بدمعه هماله
ولن الكوم ما يرضون ... ونتي تبقه تتعاله
كلمن فاكد ايحقله ... لو ينمرد دلاله
لاكن هل عده بغيهه .... لينه اخلافك اتعادي
ــــــــــــــ
يم شجره اضل ابجي ... وتون لمصيبتي الشجره
ورغم هذا العده اتعنّوا ... صاحوا نمنع الزهره
كطعوا ويلي الشجره .... وخلّوني اجر حسره
وبس الهم يبو الزهره ... بعدك شربي أوزادي
ـــــــــــــــ
آخذ بيدي من اكصد .... حسين وحسن يم كبرك
ونزيد بمناحتنه ... ها يالوالي ونذكرك
من اتراب كبرك دوم .... يالهادي نشم عطرك
ودمعة عيني ما تنشف .....وتبجي ابفكدك اولادي
ــــــــــــــــ
ويلي ومن اونن ليش ..... عدواني يمنعوني
انوح اعليك يابويه ....بعدك ما يخلوني
بس من البجي صدّك .... راحت تنعمي عيوني
وحزنك يالولي اصبح ... ما بين الكَلب سادي
ـــــــــــــــــ
الشاعر محمد حسن ضيغم
ربي لا تحرمني نور المصطفى
ــــــــــــــــ
يا الاهي بجاه فاطم ..وبضلعهه الدامي
وبأبنهه حسين الّي ... ضل صريع ودامي
بحبك وحب طه وآله ... خل اكَضّي ايامي
وللنبي وكل آله تبقى ... من تسير اجدامي
همّه نورك يا الاهي الما طفى
ربي لا تحرمني نور المصطفى
ــــــــــــــــ
يا الاهي وانت تعلم ... بيّه آنه وحالي
الدنيه وهوال عمري ... اشغلت كل بالي
لاجن امحبّة نبيّك .. ساكنه ابدلالي
وحيدرة وفاطم عشكّهم .. الاول وي التالي
همّه ديني ونهجي همّه المعرفه
ربي لا تحرمني نور المصطفى
ــــــــــــــــ
من الطفوله وحبي الهم ... سيدي امن الفطره
عالكَلب مكتوب حتماً ... مااعوف الزهره
مخفي صح مرقدهه هيه ... بكَلبي الهه الحضره
والنبض يهتف شعاره ... آمنت بالعتره
كل مرض لولا الائمه ما شفه
ربي لا تحرمني نور المصطفى
ــــــــــــــــ
اليحب طه وجوبا ... عترته يواليهم
وكلمن اليبغض علينه .... واجب انعاديهم
بالنفس بالروح بالدم ... بكل فخر نشريهم
وبأعز ما نملك احنه .... بكل وكت نفديهم
حبهم الغالي محال انوصّفه
ربي لا تحرمني نور المصطفى
ــــــــــــــــ
ياوسف سمّوا نبينه ... وعنّه كَالوا يهجر
ورد دفع باب الزجيه ... وللضلع ضل يكسر
الكربله ردّوا نسلهم ... تعمّدت ان تغدر
ذبحوا حسين وسبايه ... عيلته ضل تسدر
وال+ّي ناصرهم تبيّن موقفه
ربي لا تحرمني نور المصطفى
ــــــــــــــــ
الشاعر محمد حسن ضيغم
حيدر اعله فكَده
دمعته اعله خده
ايده علخد منكسر دمعه يسيله
راح كلشي من علي بساعة رحيله
ــــــــــــــ
الجان فيي يكَول حيدر راح مني يا وسف
ومثل دمعي اليجري مني دمي لمصابه نزف
عليّه كلمن شاف وجهي يكَول شو لونه انخطف
ليش بحر الطيب يمّي وبوسط ذرعاني جف
محنته عظيمه
وعل كَلب أليمه
شيصنع اكَبال النبي وماعنده حيله
راح كلشي من علي بساعة رحيله
ــــــــــــــ
علي بحين الشاف طه روحه حيل مألّمه
لزم ايد النبي بأيده ودمعه ينزل بس دمه
يكول ليش الدهر مني اخذ سر المرحمه
وكَلبي من اعزازه وسفه هيج رايد يحرمه
قبّله بجبينه
المهجته حنينه
ونار ما تطفة تضل تسري بدليله
راح كلشي من علي بساعة رحيله
ــــــــــــــ
ياصدى الون والبواجي الليله اصبح ينسمع
عمامته الخضره يصدهه حمره من كثر الدمع
حكَه حيدر حين يبقى ينوح كَلبه منفجع
هو طبع الكَلب يهوه كون ميلزمه الضلع
بحيره يصفكَ ايده
عمره مايفيده
بعد ياهو ابشوفته ايبرّد غليله
راح كلشي من علي بساعة رحيله
ــــــــــــــ
كسرة الفاكَد عزيزه ماكو شي يجبرهه ابد
البيت يهوه بحين غفله يطيح من عنده العمد
هيج حيدرصار حاله وحيل دلاله انمرد
انخبط صافيهه برحيله وماسكن مره وركد
الغدروا بنبينه
غدروا بعيلنه
ماكو غير الله الظلهم يشتكيله
راح كلشي من علي بساعة رحيله
ــــــــــــــ
بس علي الضل ابمكانه يم نبي الامه ونحل
كل شخص رايد مطامع عافه هادينه ورحل
والنبي بآخر انفاسه عود ريحان وذبل
يريد للامه الاصلاح وعافته اتباع الجهل
نكروا الوصيه
وابغضوا وصيه
والخليل الينلجم جره الخليله
راح كلشي من علي بساعة رحيله
ــــــــــــــ
الشاعر محمد حسن ضيغم
بسمك ناديت آيالوالي
تعرف فركاك غير حالي
لو انحب لتلوموني
ـــــــــــــــــــــــ
من شالوا نعشك جدامي بويه المختار
ومن نور عيونك ضل خالي صديت الدار
دلالي من اللوعه وهظمه اصبح محتار
ليل اتحول كل انهاري ما جنه انهار
داري وياحيف منك خالي
تعرف فركاك غير حالي
لو انحب لتلوموني
ـــــــــــــــــــــــ
دمعي ايهل وكلبي ينادي اخذوني وياه
هذا الطاهر ابن الطاهر يصعب فركاه
عايش وي روحي او وجداني وشلون انساه
عرش الله وكل ذره اتنادي وياي احاه
والدمع عليك اصبح هالي
تعرف فركاك غير حالي
لو انحب لتلوموني
ـــــــــــــــــــــــ
وي ساعة تغسيلك كلبي ينحب بسكوت
رايد يم الي يغسلونك يتمنه يفوت
ويكلي بتك يالهادي تتمنه الموت
شلي بدنياتي وكل عمري ضل هذا الصوت
مهظومه عليك آيالغالي
تعرف فركاك غير حالي
لو انحب لتلوموني
يل شايل نعشه علجتافك ريـّض ارجاك
خليني اتكبع بحزاني ارد امشي وياك
جرح يفزز جرح بكلبي لجمة ممشاك
كلبي ومن اضلوعي الذابت بالهم ناداك
مصيبة مولاي شدهت بالي
تعرف فركاك غير حالي
لو انحب لتلوموني
خطيت بدمعة احزاني وذيج الآلآم
بتك يالهادي من الونه لالا متنام
والشاهد حالي ومأساتي حتما ينظام
اندب يابويه واتلوع والطم عالهام
شفتك مطروح انت اكبالي
تعرف فركاك غير حالي
لو انحب لتلوموني
ـــــــــــــــــــــــ
الشاعر محمد حسن ضيغم
اليوم حزنانه الزجيه الفكَد ابوهه
اليوم اهل الشجره عمدا يتّموهه
تبجي والدمعه اعله خدهه .....راح واليهه وسندهه
خلاف هادي الامه خصمه رووعوهه
ــــــــــــــــ
اه ياشهر الرزيه ... ياصفر يابو المصايب
بدر هادي الامه وسفه ... بآخرك ياشهر غايب
وبقت بت النبي بحيره ... بدار توليهه النوايب
راح النبي بآخر صفر
وكَلبي الطهر لجله انكسر
ما رحم بالزهره الدهر ..... شمع بين الجمر ذايب
تنوح مهظومه وتنادي الهم كتلني
ليش يابويه رحت هلساعه عني
غيرك انت شباقي عدهه .....راح واليهه وسندهه
خلاف هادي الامه خصمه رووعوهه
ــــــــــــــــ
انكسفت الشمس بمصابه ... وما صحه الكون بغيابه
وهاي المصيبه الجبيره ... بيت حزن انفتح بابه
ليل تكَضيه ابمناحه .... الابو شكَد يصعب مصابه
غالي الابو وفكَده جرح
ليل وفلا يطرله صبح
الفاكَد عزيزه ينذبح ...... صعب يتحمّل عذابه
الابو خيمه ولو رحل ما تبقه خيمه
وفاطمه الليله صفت وسفه يتيمه
ذبل بعد العز وردهه .....راح واليهه وسندهه
خلاف هادي الامه خصمه رووعوهه
ــــــــــــــــ
ماجت الارض بأهلهه ... والوصي دمعاته تجري
صوت منّه يصيح ويلي .... نار فكَد النبي بصدري
كون بيدي وآنه حيدر .... العمره انطي سنين عمري
ما يسوه عمري بغيبته
وأعليه تصعب فركَته
انظر مدامع بضعته .... شلون تصبر آنه مدري
مكَبعه بهمهه وتنادي ضوه عيوني
بويه بعدك بالمصايب عذّبوني
تمنت بلحدك لحدهه .....راح واليهه وسندهه
خلاف هادي الامه خصمه رووعوهه
ــــــــــــــــ
علي اتعنه ويمّه فاطم .... وناحوا بدمعه جريه
فكد ابو القاسم مصيبه ... عمَت ارجاء البريه
دمعه من الزهره تنزل .... وحسره من حامي الحميه
ما نفع وياهم صبر
واحدهم اصبح منكسر
شلون النبي بنص الكَبر ...... نور وتضمّه الوطيه
حيدر اعله الهادي باقي يصفكَ ايده
وفاطمه تنادي ابوي اليوم اريده
مفصّله الحسره اعله كَدهه .....راح واليهه وسندهه
خلاف هادي الامه خصمه رووعوهه
ــــــــــــــــ
يانبي الامه يريتك .... تنظر الزهرهه وهظمهه
من بعد ما رحت خصمك .... اتعنّه للدار وظلمهه
انعصرت وعالكَاع طاحت ... ومن ضلعهه نزف دمهه
بكثر العصر محسن وكَع
وصوت الطهر ويلي ارتفع
بالعصره ويلي ما اقتنع .... عل وجن جفّه لطمهه
شبوا النار اعله بنتك ياولينه
والعمر كَضّته مهمومه وحزينه
بعصرته الظالم مردهه .....راح واليهه وسندهه
خلاف هادي الامه خصمه رووعوهه
ــــــــــــــــ
الشاعر محمد حسن ضيغم
https://vm.tiktok.com/ZS2B7fsvm/ تتم مشاركة هذا المنشور عبر TikTok Lite. نزّل TikTok Lite للاستمتاع بمزيد من المنشورات: https://www.tiktok.com/tiktoklite
لاتفوتكم متابعه هذا الفلم القصير
وأرجو الاشتراك بحسابي التكتك
الملا الموفق ابو محمد باقر المبدع علاء الشيباني
Читать полностью…
بين الحسن بين حسين
زينب تهل دمع العين
ليلة مصاب المسموم ... من الشام اجت هذا اليوم
ـــــــــــ
بسابع صفر عافت كَبرهه الحرّه
واتعنّت الكَبر الحسن بالعبره
عين التصد مهدوم كلّش كَبره
ولحسين عين اشتاكَت وللحضره
ضمّت متنهه الدامي
عن الحسن والضامي
الكل منهم اصبح مظلوم ... من الشام اجت هذا اليوم
ـــــــــــ
جابت رقيه وياهه واتهل دمعه
يم الحسن مهظومه تشعل شمعه
عالقاسم ابنه ام الخدر ضل تنعه
رادت تروح الكربله وتودعه
اخذت ترب من كَبره
ومرّت ابمهه الزهره
وذكرت ضلع ضل مهشوم ... من الشام اجت هذا اليوم
ـــــــــــ
تمشي وتون والعين تربي المسموم
وضلّت على كَبره المهج ويلي تحوم
رادت تروح اتزور كَبر المظلوم
حسين الي من ماي العذب ضل محروم
اخذت رقيه اوياهه
تدري الابو راداهه
جي ما اجت ذرك اليوم ... من الشام اجت هذا اليوم
ـــــــــــ
طول الدرب محنتهه ما تنساهه
تسولف رقيه اعله السبي ويّاهه
نوكَ الهزل منّا شفت ممشاهه
بالكوفه حيدر عيلته اتلكَاهه
لو ما علي الحارس جان
ام الخدر جا تنهان
صح شفنه بالكوفه هموم ... من الشام اجت هذا اليوم
ـــــــــــ
ليش اعتنينه الكربله يا عمه
وعمّي الحسن هاليوم اصبح سمّه
عمّه لبوج الخلك تمشي بهمه
وبأربعينه تنادي يا بو اليمّه
خل نمشي وي الزوار
رد الضعن ضل تذكار
عليه المحب ضل مفطوم ... من الشام اجت هذا اليوم
ـــــــــــ
الشاعر محمد حسن ضيغم
المجلس (( 15 ))
بمناسبة الإمام الحسن المجتبى عليه السلام
من وزن الموشح ( المربع)
ـــــــــــــــــــــــ
عالحسن زينب ركَد كل حيلهه
كَعدت اكَباله الدموع اتسيلهه
ــــــــــــــــــ
تشوفه يتألم اخوهه بمحنته
يلوج والسم حيل مرّد جبدته
تجري دمعه وهوه يهمل دمعته
الهل سبب ماغفت لحضه بليلهه
ـــــــــــــــــــ
دخلت وشافت احسين ابصف اخوه
ودمعه لجل الحسن جن دمعه علبوه
علي بالمحراب طايح من لكَوه
روحه اخوي حسين كَوّه ايشيلهه
عيونه صدّن لخته ويهملن دمع
مو عيون اتكَول من ذابن شمع
ياغصن كَلبي مريدك تنكَطع
حسين مو عنّي عليك احجيلهه
ــــــــــــــــــــ
مصيبتي سهله وتهون بهل امر
صعبه طف النايبه من ينذكر
بعينج تشوفي اخيّج منّحر
وآل اميه بصدره تسحكَ خيلهه
ــــــــــــــــ
وانتي عالناكَه تروحي ميسّره
وعالنهر مطروح سبع الكَنطره
تحمل مصابج يزينب يا مره
مصيبتج حتى العرش يبجيلهه
ــــــــــــــــــ
الشاعر محمد حسن ضيغم
/channel/kasaedalatharDaygham
رايد تتركني ... تمشي تودّعني ... وبنيتك أنه الزجيه وهظيمه
ترحل يالغالي ...وتمرد دلالي ... ومن بعدك اصبح يالهادي يتيمه
وياك .. ريت ارحل
خاف .. بويه انذل
بهاي .. لا مااقبل
بهاي .. لا مااقبل
معوّده اعليك عمر تدريني
وعينك شكَد تصابح عيني
ابد ماضنّك تخلّيني ... تخلّيني
ــــــــــــــــــــــــ
معقوله ابنيتك ...تتنطّر جيتك ...يابويه وتدري ماترجع لدارك
ذايب كَلبهه ... وانت تحبهه ...تفاركَهه وتدري تجوّيهه نارك
بالبيت .. محتاره
والشوكَ ... تشب ناره
جرحك ... آثاره
جرحك ... آثاره
ليل ونهار اون لمصابك
وعيني تشبح لدكّت بابك
تعّباني يبويه اغيابك ... اغيابك
ــــــــــــــــــــــ
شما اذّن ابجي ..والاسمك اشجي .... من يذكر اسمك تتهامل دموعي
انظر محرابك ...والزم جلبابك ... وجي اعرف ميت الطمهن ضلوعي
بلياك ...يالغالي
مفجوع ... دلالي
يتيمه ... بلا والي
يتيمه ... بلا والي
بس علي وياي يجي يواسيني
يبجي كلما يصد العيني
ام ابيهه يجي يسمّيني ... يسمّيني
ـــــــــــــــ
دهري ولجماته ... وكثرت صكَعاته ... ماخلّت كَلبي ولا روحي ابراحه
بالهم كَضيته ... عمري وناسيته ... كل يومي اليلفي من ليله ومصباحه
ملّيت ... من روحي
وشيداوي ... جروحي
ما مل ... من نوحي
ما مل ... من نوحي
الحسن من يعتني ويسألني
وينه جدّي بسؤاله يسلني
شرد اكَول الجرح يلجمني ... يلجمني
ــــــــــــــــــــــــ
بويه وشحجيلك ... وياضيم ارويلك ... كَومك عصروني وأذوني بنص داري
سطروني بخدّي ... وسكَطولي وليدي ... ونار الباب امست تحجيلك آثاري
بالباب ... عصروني
بالخد .. سطروني
ويلاه ... اذّوني
ويلاه ... اذّوني
الاشد بويه جتفوا حيدر
وراح وياهم ويتصبّر
احمل الصار صعب ما اكَدر ... ما اكَدر
ـــــــــــــــــــ
الشاعر محمد حسن ضيغم
يلّي ساكن عيني
ما اضن ناسيني
رد عليّه ... بهل مسيه
ـــــــــــــ
العيني متعوده اعله عينه بكل صباح وكل مسيه
شلون بعيوني اصدّن يندفن حدر الوطيه
لامسافر حتى انطر للترك هل دار جيّه
ولا مريض وحتى يشفى وتخمد النار السريه
الوسّدوا جثمانه
عليه اضل حزنانه
والمنيه ... بهل مسيه
ـــــــــــــ
الجنت احبّن ايده واشتم وجنته وجن جنّه اشمهه
الجان كل لحضه يكَلّي ابنيّتي اشمحله اسمهه
العينه عين الدنيه كلله شلون هالغبره تضمهه
ماتهيل ادموعي جانت هسه يا جف اليلمهه
والله عكَب الغالي
منمرد دلالي
أفركت اديّه ... بهل مسيه
ـــــــــــــ
فاطمه والدنيه تدري حيّر الاكوان حالي
من عَلي صبّت مصائب من رحل عنّي الغالي
لو على الايام صبّت تحوّلن كلهن ليالي
حتى عرش الله المصابي بكل ألأم ون وبجالي
وحشة كل ايامي
حيل الطم هامي
بهل عزيّه ... بهل مسيه
ـــــــــــــ
آخذ اولادي وأروحن عالكَبر انصب عزيّه
بماي مارشّن تربته لجن بدموعي الجريه
وأرد اخبره بحالي بعده تحمّلت وشجم اذيه
بويه ماراعوني والله حيل اذّوهه الزجيه
ابجي ماخلوني
والعده يمنعوني
تدري بيّه ... بهل مسيه
ـــــــــــــ
الشجره باجر ليّه تشهد بويه من كَطعوهه
وفاطمه بنتك مآسي ونايبه راووهه
من فدك ارد آنه اخبرك يالنبي حرموهه
يا وديعه المثلي بعدك بالحقد ظلموهه
من كثر اشجاني
بنيت بيت احزاني
البيت اليّه ... بهل مسيه
ـــــــــــــ
الشاعر محمد حسن ضيغم
يتيمه يتيمه يالهادي بعدك فاطمه
ـــــــــــــــــــــ
ام الحسن متكبعه .... بهم وكثر آلامهه
شافت رسول الله بنعش .... متوسد وجدامهه
نار المصيبه البلكلب .... صعدت يوليلي الهامهه
ليله التمر بلا ابو .... فاطمة شلون اتنامهه
يتيمه يتيمه يالهادي بعدك فاطمه
ـــــــــــــــــــــ
لا ما نشف دمع الحزن .... ضل يهمل ابو جناتهه
بت علبوهه ملوّعه .... ما تننطفي جمراتهه
البيت ضل يبجي ويون .... من يستمع حسراتهه
وزينب تهل دمعة بهظم .... من تنظر الدمعاتهه
يتيمه يتيمه يالهادي بعدك فاطمه
ـــــــــــــــــــــ
سلوة كلبها انت جنت .... وانت امل دلالهه
وشما يمر ليل وشجن .... عيونك تصير اهلالهه
ياريت يالهادي النبي .... هسه تعاين حالهه
من تذكرك تبجي وتون .... وتلم جميع اطفالهه
يتيمه يتيمه يالهادي بعدك فاطمه
ـــــــــــــــــــــ
يوم الرحت عنهه صفت .... مفجوعه يا واليهه
يل فكدك وجرح الحزن .... حيل اصبح يبجيهه
متعوده عليك شكثر .... ام الحسن تدريهه
ما حسبت هذا الوضع .... بس تبجي اتخليهه
يتيمه يتيمه يالهادي بعدك فاطمه
ـــــــــــــــــــــ
دنياهه صارت مظلمه .... من غاب نور عيونك
وتدري اشكثر هزهه الوضع .... من وادم يعادونك
نايم على فراش الاجل .... عدوانك يشوفونك
بذيج السقيفه اتجمعوا .... تدريهه يضدونك
يتيمه يتيمه يالهادي بعدك فاطمه
ـــــــــــــــــــــ
الشاعر محمد حسن ضيغم
يا بويه تانيني ... عدمن تخليني
بعدك اضل متيتّمه ... ودمعاتي بس تنزل دمه ... يابويه ارحم فاطمه ... عدمن تخليني
ــــــــــــــ
اشرح مصابي ... بويه يالهادي ... ياضوه عيوني
لو رحت عنّي ... تمرد افادي ... وتذبل جفوني
بويه من بعدك ... خصمك يعادي ... ومايرحموني
مايراعوني ... والحزن سادي ... وترحل ضنوني
وصيتك ينكروها ... بنتك يضربوها
بويه الوضع ماينحمل .... من الام دمعي يهل ...يابويه لمّن ترتحل ... عدمن تخليني
ـــــــــــــــــــ
بلجمة جروحي ...اندب بحسره ... والكلب ذايب
هدّمت حيلي ... يا ابو الزهره ... هاي المصايب
فدوه الك عمري ....عيشتي مره ...لوصرت غايب
دمعة عيوني .... عل وجن تجره ...ومهجتي اتعاتب
ماينوصف حالي ...يابويه يالغالي
الطم على الراس وأون ... ودمعتي تجرحلي الجفن ...والبست ثوب الحزن ... عدمن تخليني
ــــــــــــــــ
يمك ارد ابجي ... واشبع انياحه ...وروحي ملجومه
لاتضن بعدك .... ابقة مرتاحه ...بحزني وهمومه
حالتي حاله ...وكلبي بجراحه ...وتنزف ادمومه
بغيبتك كلبي .... راحت افراحه ... وغابت انجومه
تدريني مهظومه ... وبداري محرومه
دارك يبويه موحشه ... بس حزن دارك افرشه ...خيالك اذا عني مشه ... عدمن تخليني
ــــــــــــــــ
روحي مفجوعه ...وحايره بهمي ... هاي أنه الزهره
وسف هل ساعه ... انت مو يمي ... يا ابو العتره
جنت اسمعنك ... تندب بأسمي .... ونظرتك نظره
روحك بروحي ... ودمك بدمي ...عالم بسرّه
هسه غبت عني .... موحك كثر وني
مااصبر آنه بغيبتك ....يمي اشوفن جثّتك ....يابويه والله بروحتك ... عدمن تخليني
ـــــــــــــــ
ارحم بنيتك ... صحت يالوالي ....يا رسول الله
ها يمن ربنه ... عليك يالغالي ... بالعرش صلى
كبرك بحزني .... بدمعي الهالي ... بويه اوصله
واشتم اترابك ...وينمرد حالي ....همومه متّصله
بنوح اكضي كل ليلي ...ويذبل صدك حيلي
يشهد علي راح الزمن ...راح اجرع اعليك المحن ...يابويه آن هام الحسن ... عدمن تخليني
ـــــــــــ
الشاعر محمد حسن ضيغم
معقوله ترحل بويه يالغالي
بيوم العفتني راحت آمالي
ضلّيت اونن والدمع جاري
وحشه وحزينه اخلافك ادياري ... بويه
ـــــــــــــ
ونّت .. اوحنّت ... روحي عليك وانت تدريني
ابالي ... اكَبالي ... وي كل مسيه تنظرك عيني
غايب ... ذايب .. كَلبي عليك اوزايد اونيني
صدلي ... ارجعلي ... من فدوه الك كل عمري وسنيني
بعمر الشمع مو تعرف ابنيتك
عنهه رحت وتناطر الجيتك
ليش الحزن كل ليله خطاري
وحشه وحزينه اخلافك ادياري ... بويه
ـــــــــــــ
حزني ... اونّي ...كل ما ازور واشتم اترابك
جروحي ... بروحي .. يابويه عايش تعرف امصابك
يصعب .. غرّب ... نورك واحس موتني اغيابك
مثلي ... تهلي ... دم ومدامع ضلّت احبابك
ماذا على من شم ترب كَبرك
احيه واموت اشما اشم عطرك
تدري اعله كَبرك ضلّت آثاري
وحشه وحزينه اخلافك ادياري ... بويه
ـــــــــــــ
عيوني ... ولوني ... ضل منخطف من جمرة الفركَه
خيرك ... بغيرك .. يا والدي لا والله ما الكّه
حزني ... وجفني ... دمعة مصابك ضلّت اتحركَه
وسفه ... الوسفه ... راحت يبويه ساعة الملكَه
لو عالجبال امصيبتي صبّت
جان الجبال الراسيه انهدّت
اشكي مصابي وحزني للباري
وحشه وحزينه اخلافك ادياري ... بويه
ـــــــــــــ
الزهره ... بحسرة ... ضليت اخبرك من رحت عنّي
ابيتي ... ريتي ... ميته ولا ترحل نعش منّي
كافي .. اتجافي ... ياطيف ابوي وخيّبت ضني
مرني ... انظرني ... شلت المصيبه وبزغر سني
وردة محمد وسفه كَطعوهه
تبجي وتون كل ليله خلّوهه
شافوني ورقه اووجّر ناري
وحشه وحزينه اخلافك ادياري ... بويه
ـــــــــــــ
شندب .. شعتب ... دهري ابد مارحم دلالي
همومي ... بيومي ... كل لحضضه انبد بويه يالغالي
غيابك ... فراكَك ... مثل الشمع تعرف صبح حالي
تشكي .. وتبجي ... مثلي عليك بكل مسى اطفالي
دمع الحسن وحسين اذّاني
يغشى عَلي كل يوم خلاني
وانه الي محّد يعرف اسراري
وحشه وحزينه اخلافك ادياري ... بويه
ـــــــــــــ
الشاعر محمد حسن ضيغم
زينب تعالي وياي
حيل ابجي وي مبجاي
نبجي ونون وأنوح *** يم كبر ابوي انروح
ــــــــــــــــــــــــــ
صوت الزجيه يصيح تعالي وياي يمحزونه
خلّي نروح بليل اخاف اعداي يشوفونه
والمثلي من ينوح بكبر دنياي يلومونه
خل نكبع اباحزان وعلي الدمعات على جفونه
كل همي البلدار
بين نكصد المختار
نهمل دمع مسفوح *** يم كبر ابوي انروح
ـــــــــــــــــــــــ
يا كلبي الماهاد ونينه يطول على الوالي
وجروحي كثره جروح على الي صار انشده بالي
ابجي وانوح عليه واهل اعبار دمع هالي
مثل الحزن ما صار علي فد يوم ذبل حالي
تجري العيون دموع
ويبقه الكلب مفجوع
جي عندي كثره جروح *** يم كبر ابوي انروح
ــــــــــــــــــــــ
زينب يبنتي انريد بدليلي هموم انه اشكيهه
نرش الكبر بدموع دموع احزان دمه اجريهه
وكلليله اسمع هاي وديعتكم بواجيهه
حسراتي يمه هناك يماي العين اخليهه
الزم بديه اتراب
واشتم هظم ومصاب
مهظومه يمه الروح *** يم كبر ابوي انروح
صبت مصائب حيل لون صبت **على الايام
ايامي صارن ليلي وحك عينج دليلي انظام
لوجبل يهوه وطاح ايا زينب جبيره آلآم
هاي انه امج هاي اكضي الليل لا ما نام
ما ينحمل فركاهه
اتمنه مت وياه
وأحنه بكلب مجروح *** يم كبر ابوي انروح
يمه من اصل كبره دموعي اتسيل وأجرن آه
والطم لطم عالراس واصيح بصوت فلا انساه
وياي اريدج كون ونينج حيل وتصيحي احاه
ونشبع بواجي هناك الكلب يرتاح ** بكثر مبجاه
وخلي نصيح اليوم
يابويه ريت اتكوم
مهدومه عندي اصروح *** يم كبر ابوي انروح
ـــــــــــــــــــــــــ
الشاعر محمد حسن ضيغم
خاطري عليك انكسر .. يابويه
وليلي يخلص بس سهر.. يابويه
ناحله ..وكَلبي يون ... دمعي يصب ... لمصابك
مكدّره ... وجرحي نزف ...ياوالدي ... بغيابك
فاطمه ... تدري صعب ... من ترتحل .. علحبابك
انت نور ... أوما يصح ... من تندفن ... بترابك
***
راح اضل ... يا والدي ... طول العمر .. مهظومه
وكَلبي الك ... لا ماهجع .. ضل يلتهب بهمومه
لاتضن كَلبي صبر ... يابويه
وليلي يخلص بس سهر.. يابويه
ــــــــــــ
شما اصد ... اجري دمع ... ابجي حزن .. لديارك
ماطفت ... لسه تشب ... بين الكَلب ... كل نارك
يل رحت ... كَلّي بعد ... ما تنسمع ... اخبارك
بالكَلب .. ياوالدي ... لسه تنور انوارك
***
غرفتك ... بيهه عطر ... سره صعب ... يبجيني
ياضوه ... يضلّي ابد ... لا مارحل ... عن عيني
بس الك حزني دهر ... يا بويه
وليلي يخلص بس سهر.. يابويه
ــــــــــــ
ياحزن ... مثله ابد ... لا ماشفت ... ياويلي
الابو ... عني مشه ... ابقى اون .... كل ليلي
مابقى ... ليه امل ... والله اخذ ... كل حيلي
ابجي دم ... والي سمع .. نوحي بقى ... يبجيلي
***
عاتبت ... كَلبي أنه ... بس ما سمع ... لعتابي
ليش أنه .. بزغري شفت ...عني تروح ... احبابي
ما بقى العيني نظر ... يابويه
وليلي يخلص بس سهر.. يابويه
ــــــــــــ
فاطمه ... بضعه أنه ... والمصطفى ... مسمّيني
بس وسف .. تالي وكت ... بحسره أنه ... يخليني
مابطل ... لحضه اله ... دمعي يصب ... من عيني
والاشد ... يبقى يهز ... داري جبير ... اونيني
****
من اصد ... لعمامته ... اصفكَ يسرتي بيمناي
وموحشه ... هيج آنه اصد ... بعيني تضل ... كل دنياي
بوجنتي دمعي اثر .... يابويه
وليلي يخلص بس سهر.. يابويه
ــــــــــــ
لو تصد ... شنهي جره ... متألّمه ... ومهظومه
اندفع ... بابي علي ... وصدري تسيل ادمومه
ضلوعي أنه ... من العصر ... والله صفت ... مهشومه
وعلوجن ... عكَب العصر ... ياوالدي ... ملطومه
***
ومحسني ... منّي سكَط ... دمه مزف بالعتبه
هالحزن ...ومصيبتي ... شيعه الي ... اتكتبه
والضلع مني انكسر ... يابويه
وليلي يخلص بس سهر.. يابويه
ــــــــــــ
الشاعر محمد حسن ضيغم
بويه يالهادي ... غيبتك صعبه
واليحب مجبور ... ينمرد كَلبه
ــــــــــــ
ابنيّتك آنه .... فاطمه الزهره
خاطري اخلافك ... والدي اتكسره
ليلي وأنهار ... اهمل العبره
وسهمك الكَلبي ... اصبح يصوبه
ـــــــــــــ
رحت عن عيني .... ودمعي ضل يجري
ارجع الداري ... يابعد عمري
انهدم بغيابك ... هل وكت صبري
تموت لوعنّك ... يمشي التحبّه
ـــــــــــــــ
لوعتي وضيمي ... اشتدّت ابعدك
ودهري الدارك ... بعد ميردّك
يادهر وياي ... كَلّي اشعندك
دنيتي ابلابوي .... تنحسب غربه
ـــــــــــــــ
ساعة التغسيل ... حيل اذّوني
شيّعوك انت ... وريت شيعوني
وبوكت دفنك .... اتمنى دفنوني
ولحدي يم لحدك ... اتمنى وبكّربه
ـــــــــ
باجر اخلافك ... ينكسر ضلعي
من الالم بويه .... يجري ضل دمعي
عل خصم بعدك .... كل وكت ادعي
جروحي كثره ويا .... جرح التحسبه
ــــــــــــ
الشاعر محمد حسن ضيغم
اليوم شمس الله اصبحت مكسوفه
والعرش دمعاته دم مذروفه
ــــــــــــــــــــــ
الشمس هاليوم صاباهه الكسوف
عالنبي والعرش يلطم بالجفوف
شلون سمّوا جبدته الهادي يشوف
ويندفن وسط التراب ايشوفه
ــــــــــــــــــــــــ
هذا ابو الزهراء حبيب الله الجليل
اعلن من الدنيه هاليوم الرحيل
والمدامع عالوجن ضلّت تسيل
من دمه بحركه اصبحت مذروفه
ـــــــــــــــــــــــــــ
اليوم تبجي الزهره لمصاب الرسول
وماجت بنوح وحزن كل السهول
اضلمت دنيانه وتواسي البتول
الحزن عل كلب سل اسيوفه
ـــــــــــــــــــــ
آه من هذا المصاب وماجره
جبدة الهادي النبي متوذّره
سمّته جفوف اللعينه الغادره
هل مره بثوب الغدر معروفه
ـــــــــــــــــــــــــ
مثل ابوهه نصبت الشر والعداء
وما رضت للمرتضى يبقه الولاء
هل مره لعنتهه كل اهل السماء
وبالدعاء الدين شال جفوفه
ــــــــــــــــــــــــــ
الهادي ابو الزهره نبينه المصطفى
من بعد عينه على الدنيه العفه
شلون دم من جبدته اصبح يذرفه
محنه عل عالم فلا مو صوفه
ـــــــــــــــــــــــــ
لاتلوم الكون لو مظلم صبح
والعرش عالهادي بمصابه انجرح
اتسمم ومن جبده وسفه الدم سفح
عليه جبرائيل دك اجتوفه
ـــــــــــــــــــــ الشاعر /// محمد حسن ضيغم
اذاني مصابك اذاني
يابويه وانحب خلاني
ـــــــــــــــــــــــــ
انه الزهره وتدري بحالي
اتلوع عكبك يالوالي
يالهادي وذايب دلالي
دهري خلافك هم راواني
ــــــــــــــــــــــــ
انه السموني المظلومه
عليك الروح امست مهظومه
بويه ومن شوفك محرومه
يالهادي مصابك بجاني
ــــــــــــــــــــــ
انه البضعه وجمره بروحي
يالهادي وماتشفه جروحي
ياروحي ويالوالد روحي
ماريد ابقه بهذا امجاني
ـــــــــــــــــــــ
شلي بعمري خلافك شلي
يالهادي ويالشايل حملي
ترجع لو ماترجع كلي
فراكك مرمرني سلاني
ــــــــــــــــــــ
ماراح اكطع هاي الدمعه
وتدريني اخلافك منفجعه
يابويه ارحم كلب البضعه
اسكن راح ابيت احزاني
ــــــــــــــــــــ
يم كبرك راح اكضي سنيني
يا بويه وماكف اونيني
فراكك يلجمني وياذيني
جف الهم عكبك لاواني
ــــــــــــــــــــــــ
ماتطفه النار وماتبرد
وابقه عليك انه البس اسود
دلالي اخلافك يتمرد
جي الهج بسمك بلساني
ــــــــــــــــــــــ
الشاعر محمد حسن ضيغم
نعي
لأستشهاد النبي صلى الله عليه واله
.....
الزهره شگد فجعها بُعد ابوهه
شكثر شافت مصايب بعد ابوهه
منو الگال الهه غيره بعد ابوهه
لچن بعده احملت اعظم رزيه
.......
ابوچ المانخلف شوره ورايه
يمن نسلچ بزغ آيه ورايه
اموت وموتتچ تصبح ورايه
بكسر ضلعچ وفاتچ يالزچيه
.....
الشاعر محمد حسن ضيغم
/channel/alnaay2022
الحسن ...جن روحه حضرت
الحسن ... الدمعه اخته نظرت
بجت .. يمّه العقيله ... وتشكي ليه الجره
بحزن .. بضعة ابوهه
بحزن ... تحجي الاخوهه
بهظم ... زينب نحيله ... شابهت يامره
سمع .. نبرة بجيهه
سمع ... آه بحجيهه
سمع ...وبجّت وليهه
جرح السبي والخيم
نظر ... حاله العقيله
نظر... المدمع تسيله
نظر ... من تشتكيله
جرح السبي والخيم
ريتك يالحسن يمّي ...من هجمت عليّه الكَوم
اسحب طفلتي من النار ...وتسحب بيّه ام كلثوم
بعظم المصاب ... تاه الفكر
وجسم العزيز .. ماينعبر
شماصد اشوف .. ثلمة صدر
آ واويلاه
ــــــــــــــــــــ
الزمن ...دار بأهلنه
الزمن ... شتت شملنه
الزمن ...غادر نعرفه ... راواني شكَد ألم
خيم ... شبّت علينه
خيم ...واحنه انولينه
خيم ... حالي شأوصفه ...فرّت كل الحرم
طفل ... مجويّه رجله
طفل ... مصابه شيحمله
طفل ...صابتّه نبله
مات وضامي الجبد
هون .... فوكَ الوطيه
هون ... سكنه ورقيه
هون ...والبيّه بيّه
مات وضامي الجبد
عن يامحنه احجيلك ...وياهي الما اعددهه
عن لا تنظرب بالسوط ...سكنه بضهري البدهه
ما مش ولي .. ومامش علم
جا وين اضم ... هاي الحرم
اكَبالي العده .. تشب بالخيم
اواويلاه
ـــــــــــــــــــــ
ندب .... ردي عليّه
ندب .. يختي الوفيه
ندب ... اوليدي جاسم ... نفّذلي اوصيّتي
رخص ... نحره لعمّه
رخص ... للغالي دمّه
رخص ... لجل الفواطم ....البي عزمي وهيبتي
كفو ...من عنده نادت
كفوا ..الحره كَالت
كفوا ...وفعاله طالت
ماكَصّر لا ابد
العرس ... يعني الشهاده
العرس ..كَلب امّه ناده
العرس ..حصّل مراده
ماكَصّر لا ابد
من طاح اعتناله حسين ....شاله ورد للمخيّم
من دم منحر القاسم ...حسين اثيابه صارت دم
رمله اعتنت ... يم الولد
تمسح دماه ... من الجسد
يبني وفيت ... هذا الوعد
او واويلاه
ــــــــــــــ
نحر ...دم شفته يجري
نحر ... ضيّعلي عمري
نحر ... عالغبره مرمي ...لبن الزهره النحر
صدر ... حافر يسحكّه
صدر ... مكَدر اشبكَه
صدر ...يتلوّه يمي ... وخنصر شفته انبتر
سبي ...رحت بضعوني
سبي ... غيّرلي لوني
سبي ...وادم ولوني
وجتفوا ايدي بحبل
هزل ... خلّوني اركب
هزل ... هاي آنه زينب
هزل ... كل يومي اتعب
وجتفوا ايدي بحبل
الشام اشسوّه بينه ...تلكَونه الشماته
صاحوا وين الحسين ... شو ذنّي خواته
نضل ننشمر ... احنه بحجر
وشفنه الاشد ... وأعظم خطر
لا مارحم ... بينه الدهر
ــــــــــــــــــ
الشاعر محمد حسن ضيغم
للامام الحسن المجتبى
قصيده ثانيه
.
ذكروني ... ذكروني ... ياشيعتي ذكروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
مثل الحسين ... هملوا العين ... آنه امام الشيعه يااهل الحميه
جبدي مسموم ... وكَلبي مهظوم ... آنه لجلي ناحت الزهره الزجيه
آنه الي عذبني الزمن وبالسم تكَطع جبدي
كل اخوتي مو يمي أنه ومدفون صرت الوحدي
دفنوني .. دفنوني ... برض البقيع دفنوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
نوحوا عالصار ... وعزا بكل دار ... الي سووا يامن الحيدرنه شيعه
واسوا جدي ... بألم جبدي ... واذكروا بهل محنة دمعات الوديعه
من شيّعوا نعشي الاهل بسهام صابوا نعشي
وبس اخوتي خلف النعش مهظومه لمّن تمشي
منعوني ... منعوني ... هناك اندفن منعوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
هنا يزوار ... ابو الاحرار ... يم اخوي حسين زوروني بدمعكم
وابجي بدموم ... وآيمسوم .. صيحوا حيل والطموا اعليه ضلعكم
السنه اتمر وماشفت مجلس الي تنصبونه
بس بصفر مجلس الي ومصابي اتذكرونه
تدروني ... تدروني ... ابن الوصي تدروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
يالموالين ... يالمعزين ... هدموا كَبري الاعادي بلايه ذمه
يمته تلفون ... الكَبري تبنون ...يصير كَبري مثل حضرة ابو اليمه
رايات يمي ترتفع وانظر مواكب يمي
ومشايه تتعنه الي وتنادي حيل بأسمي
تحضروني ... تحضروني ... بمصيبتي تحضروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
منهو مثلي ... دمعي يهلي .... رغم حزني وللحسين ادموعي تجري
حسين مذبوح ... وزينب تنوح .... ريت مو صدره انسحك بالخيل صدري
داست الخيل بجثته وضلوع صدره اتطشرت
وعياله عالنوكَ انسبت بيد الاعادي اتيسرت
عينوني ... عينوني ... يصيح الضعن عينوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
الشاعر محمد حسن ضيغم
المجلس (( 16 ))
بمناسبة الإمام الحسن المجتبى عليه السلام
من وزن التجليبه ( المربع)
ــــــــــــــــــــــــــــــ
يبو محمد ابنوحي ودمعي عاتبتك
يبعد اختك تريد اتروح عن اختك
ـــــــــــــــــــ
اختك وانت تدري بأختك شبيهه
متعلمه عليك وانت تدريهه
شلون بلا اخو انت تخلّيهه
تخلّيني اونن لا على بختك
ــــــــــــــــــ
يلتصبّح عليّه شما يطري فجري
يخويه وأعز من روحي وبعد عمري
خلافك بيّه اموتن انت مو تدري
هنا يل اسمي ابد لا ماترك شفتك
ياخويه الاخت تنظرهه اخوهه اتحب
وبليّاه نار بنص دليلي اتشب
شكّد صعبه الاخو عن اختهه ايغرّب
حنضل يومي خويه البيه ما شفتك
ــــــــــــــــ
يبو محمد انه زينب صعب حالي
تروح شلون وانت من الزينبك غالي
لا لتروح ها يا نبض دلالي
بهذا الحال تتلوّع فلا ردّتك
ـــــــــــــــــــــــ
يكَلهه دمعتج خلّيهه للعاشر
سهله اليوم والاصعب صدكَ باجر
لو شفتي علخيّج يسحكَ الحافر
وتنادي حسين خويه الحكَ البنتك
ــــــــــــــ
الشاعر محمد حسن ضيغم
/channel/kasaedalatharDaygham