686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
لەپڕ ڕەنگی پیریم لێ نیشت تازە هەستم پێ کردووە
تەنیا دڵم وەک خۆی ماوە ئەویش لە لای خۆم نەبووە
«سەرم بۆتە پیرە مەگرون ئیتر بەفری لێ نا بارێ
هەنگاوم لەسەر خۆ قورسە وەک جاران ڕێم بۆ نابڕێ»
ئێستا وەک ئەوسا حەز ناکەم سەیری ئاوێنە کەم
ڕووخسارم جۆرێ شێواوە ناچێتەوە سەر وێنەکەم
لەپڕ ڕەنگی پیریم لێ نیشت تازە هەستم پێ کردووە
تەنیا دڵم وەک خۆی ماوە ئەویش لە لای خۆم نەبووە
«سەرم سپی سپی بووە چاوم بینینی کەم بووە
بێ حەواس و بێ تاقەتم عومرم هەموو بەسەر چووە»
لەپڕ ڕەنگی پیریم لێ نیشت تازە هەستم پێ کردووە
تەنیا دڵم وەک خۆی ماوە ئەویش لە لای خۆم نەبووە
✍#ئیسماعیل_محەمەد
🎤#عەتا_قەرەداخی
@karawawshamyany
♦️ئەنجومەنوو ڕۆجیاری بە هەمکاری خەڵکوو وەشەویسوو دەگاو (وەرۆ)ی بەرۆ ڕاوە
♦️ڕا‌وڕەسموو پەردٚەلادای جە ئێلمانوو گڵکۆ خاتوو (مینا)ی، هەمژین و سەرچەمەو شێعرەو خاڵۆی کۆماسی
♦️ڕۆدیار: 13و مانگەو چێڵکڕی، 1404ک.ڕ
♦️سەعات: 4:30 تا 6:30دمانیمەڕۆی
♦️ ئامای پەی گرد کەسین
🌏ئەنجومەنی فەرهەنگی، ئەدەبیو ڕۆجیاری
🍂💦🍂💦🍂💦🍂💦🍂💦🍂💦🍂💦🍂💦🍂💦
ئی دەقە بیەن بە بەرەندەو گەورەتەرەین خەڵاتی ئەدەبی جە وەڵاتوو "ئاڵمان" ی
پیایێوە سەرەمەرگنە بێ؛
وەختێ زاناش ئیتر وەختوو مەردەیشا ؛
خوداش چەم پەنە کەوت تۆرەکێوە دەسشۆ بێ!!
خوای فەرماوا : وەختوو لوایتا
پیاکەی وات : دەی چی عازا !؟
من نەخشەو چێوی فرەم کێشتە بێ پەی ئی دنیایێ!
خوای فەرماوا: نارەحتتنا وەلێ وەختوو لوایتا !!!
پیاکە پەرساش جە خوای: ئەرێ ئی تۆرەکەتە چێشش چەنەن؟
خوای فەرماوا: حەر چێوێوە کە رەبتش بە تۆوە بۆ !
پیاکەی وات : حەر چێش چەنەن هینەو منا؟ یانێ گر چێووو من؟
جلەکام و پووڵەکەم و ...؟؟؟
خوای فەرماوا: ئانیشا تۆ واتێ حیچکام ئیتر هینەو تۆ نیەنێ!
ئانیشا هینەو زەمینینێ
پیاکەی وات : ویرەوەریەکا و خاتراتەکەم چێش ؟
خوای فەرماوا: ئانیشا رەبتشا بە دەورە و زەمانەیوە هەن!
پیاکە پەرساش : هۆز و تایفە و قەوم و کەسوو کارەکەما چەنەش؟
خوای فەرماوا: نا ئانیشا حەر پەی ئاوەختیتە بێنێ !
پیاکە پەرساش. ژەن و زارۆڵەکەم چەنەشا؟
خوای فەرماوا: نا ئایشایچ هینەو دڵیت بێنێ!
پیاکە پەرساش: کە پاسش سەرئاما کەل و پەلوو دلێ ئا تۆرەکەیە ، عازاو بەڎەنی و سەروو لاشەیما ؟
خوای فەرماوا: نا ئایشا هینەو تەپ و تۆزینێ!
پیاکەی وات : ئیتر دڵنیا بیا کە رۆحما !
خوای فەرماوا: ئیشتیبا کەری ، ڕۆحت هینەو مننا!
پیاکە چەمێش پەڕێ بیێ هەرسی و عادز ، بە تەرس و لەرزێوە فرەوە تۆرەکەکەش جە خوای گێرت و کەردشۆ ، چە دیش هاڵین!!!
پیاکە بە دڵ مەڕیاییوە واتش: یانێ من حیچم نەبیەن!!؟
خوای فەرماوا: بەڵێ؛ خاست زانا تۆ حیچت نیا!
پیاکەی وات : ئەی من چێشم بیەن وەڵتەرنە؟
خوای فەرماوا: چرکە ساتەکاو ژیوای هینەو تۆ بێنێ!
هەر سانیە و دەیەقێوە ژیوا بی هینەو تۆ بیەن!
ژیوای تەنیا ئا چرکە ساتانێ؛
قەڎروو ئا چرکەساتا ژیوایما گێرمێ و ئەشۆ وەختەکەماوەش بسیۆ...
ئانە کە ئاما ملمارە و تەمامیا ؛
بیە بە: ویەردە !!
بە داخەوە بێ ئانەی فکریەیمێنە گوزەریا و لوا ، وەلێ گوزەریااااااا !!
تا گەرەکما بێ یەک دوە ڕوێوە فکریەیمێنە ؛ سەرەو بەرەو یانەیما نووستشا :
▪️کۆچی دماییش کەرد▪️
🍂بەیدێ با ڕێز و حورمەتوو یۆترینی و کات و ساتە وەشەکاما گێرمێ..
کامیل ئاغابەیگ پوور/ ساحێب حەبیبی
@karawawshamyany
تاڪوو هیوا لە ناخی مرۆڤ
زیندوو بێت...
ورە دەمێنێت
وزە دەمێنێت
بزە دمێنێت
ڪەواتە هیوادارم بە هیواڪانتان بگەن
ســڵاو
ڕۆژتان تەژی
ئەوین و خۆشەویستییەڪی
هەتاهەتایی بێت.❣
@karawawshamyany
🗞 باسێوە جە ویەردەو کەڕاوای جە دەورانوو والیەکاو ئەردەڵانینە و دماتەر جە دەورانوو شازادەکاو قاجارینە
8⃣1⃣بەشوو هەژدەی
وەختێ غوڵامشاخان فەوتش کەرد ، حەسەن سوڵتان فرە عادز بی ، چوون زانێ یۆ جە پشت و پەنایەکاش جە دەس دان..
حەسەن سوڵتان ۲۷ ساڵێ حکوومەتش کەرد و فرە عادڵ بێ و زوڵم وەنەو کەسی نەکەرێ و زەمانەو ئاڎینە حیچێ گران نەبی و سڵح و سەفا دلێ خەڵکینە فرە بێ..
نەسرەدین شاو قاجاری ، فەرهاد میرزاش کەرد حاکموو کوردستانی و دماو ماوێوە ئاما پەی مەریوانی و گردوو خان و بەگ زاڎەکا لوێ خزمەتش، خرابەو حەسەن سوڵتانیشا واتە بێ لاو شازادەو قاجاریوە و ئاڎیچ پەی فرسەتێ گێڵێ حەسەن سوڵتانی جە بەین بەرۆ چوون تەرسیش فرێ بێ جە وێش و برایەکاش..
شەڕێوە بەینوو دوێ گروانە روەش دا یۆشا تفەنگچیێ حەسەن سوڵتانی بێنێ و لوێ بەینشا وەش کەردێ و تفنگچیەکاشا جەریمە کەردێ و حەسەن سوڵتان و برایەکاش یانێ بارام بەگ و مسەفا سان لوێ پەی ئۆتاقەکەو شازادەی خواحافێزی کەرا ، واتشا ئەشۆ چایێ وەردێ و چاگە پەلامارشا دێ و نیشتێ ملشا و هەریەریشا باڵ بەس کەردێ و حەر چا حەسەن سوڵتانشا هۆرکێشت دار و حەتتا دوێ کەرەتێ تەنافەکێ پرچیا وەلێ بازەم وستەشاوە ملشوو کوشتشا..
وەختێ هەورامیەکێ خەبەرشا زانا تەفر و توونایێ بیێ و حەر یۆشا لوا یاگێرە...
چوون شازادە پەیش بەردێ بێ کە ئەگەر ئی سانا ئنە قودرەتشا بۆ ، دەرەقەتشا نمێ و کەوت تەفرەقە وستەی بەینشا..
مڵکەکەو حەسەن سانیشا بەش کەرد بەینوو زاروەکاو وێشرە و برایەکاشرە و دەرناخێ و زەکربانشا دا بە کوڕەکاو حەسەن سانی و کەڕاوا و دەگاگاشا دا بە کؤرەکاو مسەفا سانی و دزڵیە و قەڵاگایچشا دا بە کوڕەکاو بارام بەگی..
زاروەکاو حەسەن سانی و برایەکاش چن روێوە کارشا گرەوە و عەزاداری پەی حەسەن سانی بێ و عادزوو مسەفا سانی و بارام بەگی بێنێ کە ئەسیر کریێ بێنێ ..
پیاشا کیاست جەنازەکاو حەسەن سانیشا ئاردۆ و دزڵیەنە ئەسپەردەشا کەرد..
وەختێ فەرهاد میرزا گێڵاوە پەی شاری مسەفا سان و بارام بەگش زینانی کەردێ و وێش کڵاوەی لارەش نیا سەرەش یانێ های سەرکەوتێوە گەورەم بە دەس ئاردەن...
دماو یەرێ ساڵا زینانی ، بارام بەگ زبننانە مەرد و کورەکاو مسەفا سانی یانێ عەباس قولی سوڵتان و رەزا قولی بەگ ،لوێ سەردەموو تاتەیشاوە و ئازادشا کەرد و کەڕاوا و دەگاگاشا پەنە داوە و مودەتێوە یانەشا شارنە مەناوە تا دماو ماوێوە کوڕێوە مسەفا سانی بە نامێ حەمە تاهێر بەگی فەوتش کەرد و مسەفا سوڵتان فرە نارەحەتش بی شۆنیشرە و کەمێ دماتەر بە یەکجاری یانەکەش ئاماوە پەی کەڕاوای و وەلێ عەباسقولی سان و رەزا قولی بەگی کوڕش لوێ رەزاو بیناو عەمارەتیشا نیا...
ماچا مسەفا سان فرە حاکمێوە عال و عادڵ و ئاقڵ بیەن و فرە ئێحتراموو عالمەکاش گێرتەن ..
گێڵناوە ماچا رایێ سەییێوە فەقیر حاڵ بە نامێ سەی مەعرووفی ڕاش گنۆ کەڕاوا ، دوێ نەفەرێ قەدیم لهۆنیێ کە یانەشا کەڕاوانە بێ ، بە تەماعەو پوڵیوە کەوتێ بێنێ شۆنی سەی مەعرووفی و کوشتەبێشا و جەنازەکەش وستە بێشا رۆخانە ، وەختێ مسەفا سان خەبەرش زانا ، گێڵا شۆنەو قاتڵەکارە و پەیش مەعلووم بی کە ئی دوە نەفەرە بیێنێ ، هەردویش بەردێ قەراخوو پردەو کەڕاوای و هۆرش کێشتێ دار و ناستش تا حەفت ڕوێ جەنەزەکەشا بارارە وار و دماو حەفت ڕوا وستێش رۆخانە..
حەر ئا ساڵە حاکموو مەریوانی دزێوە مەشهور بە نامێ فەتەو وەلی بەگیش گێرتە بێ و ئاردەبێش پەی کەراوای دابێش دەسوو مسەفا سانی و ئاڎیچش کوشتە بێ ، رایێ تەر دزێوە بە نامێ ئەمین بەگیش نیابێرە پەی نیشانێ تفەنگوو تفنگچیەکاش و کوشتەبێش ..
یۆسۆ سان دوێ کناچێ ئەحمەو سانوو خاتونێش کە چا وەختنە گۆشخانیە کۆننە بێ، مارەکەردێ پەی کورەکاش، عەباس قولی سوڵتان و رەزا قولی بەگی، وەلێ ژەنەکێ عەباس قولی سانی زوتەر مەردە و ژەنەکێ حەمەسەعێد بەگی کوڕیش کە زوتەر کەشۆ وەختوو وتەینە ، تفەنگ بەرشیە بێ و کوشیا بێ ، مارەش کەردەوە پەی عەباس قولی سانی...
دماو حەسەن سانی ، مسەفا سان شش ساڵێ عەزڵ و زیندان کریا و دماو ئانەی ۱۷ ساڵێ حکوومەتش کەرد و ساڵەو ۱۳۰۸ ی کۆچی مانگی جە کەڕاوا ئەمرەو خوایش کەردە و عەباس قولی سانی کورش لوا پەی سنەی و کەردشا یاگەڎاروو تاتەیش...
🔄 ئی باسە درێژەش هەن....
هۆر گیریا : جە کتێبوو تاریخ سلاطین هورامان قاضی عبدالله شیدا (مردوخی)
کۆکەردەی و هۆرگێڵانیوە : ساحێب حەبیبی
@karawawshamyany
یک نفر برایم اشتباهی فرستاد:
«کجایی؟!»
دلم هُری فرو ریخت،
مدت‌ها بود منتظرِ شنیدن همین یک کلمه بودم...
چه فرقی می‌کند کجایِ دنیا نشسته باشی؟!...
مهم این است که یک نفر هست که کجا بودنِ تو برایش مهم است!
شاید آن یک نفر رویَش نشود بگوید:
دلم برایت تنگ شده و به جانت نق بزند که، بیا دیگر...
و همه ی این حرف را خلاصه کند در، « کجایی؟ !»
داشتم به همین چیز ها فکر می‌کردم که دوباره برایم فرستاد:
ببخشید اشتباه فرستادم!
برایش نوشتم:
می‌دانم، من در ایستگاه اتوبوس، خیابان ولیعصر نشسته ام.
می‌شود اشتباهی حال مرا بپرسید؟!
اما او دیگر حالم را نپرسید...
آدم غریبه ها برایشان مهم نیست که دیگران چگونه اند و کجای شهر نشسته اند،
تو که غریبه نیستی...
بپرس حالِ مرا، بگو کجایی؟!...
@Karawawshamyany
یۆسف یاسکە و مامۆسا بێسارانی و باوەشێخ و بێسارانی
بە دەنگوو خاتوو سەمەر پیرە و خاتوو مۆهەنا ڕەجەبی
کانال اطلاع رسانی بیساران
👇👇👇👇
@bisarannews
🍂💦🍂💦🍂💦🍂💦🍂💦🍂💦🍂💦🍂💦
کتێبوو مەسنەوی مەعنەوی مەولانای ، پەڕا جە حەکایەتێ و قسێ وەشێ و فێرکەرێ..
قسێوە وەشەش چەنەنە ، حەکایەتوو گاوێوە گێڵنۆوە، کە ساعبێ تا وێرەگا جە دوورگێوە سەوز و وەش ئاو و هەوا پەڕ لەوەڕنە ، خەریکوو لەوڕیاینە، وەش وەشێ لەوەڕیۆ و ئانە ئاڵفی عال بۆ وەرۆش و چاخە و زلە بۆ ، شەوێ ئاما وەرۆ خەفەتیێ ئانەینە داخم ساعبێ چێش وەروو؟ داخم چێوێم مشتە گنۆ؟! حەر چێش واردەن و بیەن بە گۆشت ، تاویۆوە!!
داستانەو ئی گاوێ ، داستانەو دڵنگەرانی و خەفەتە بێ یاگەکاو ئێمەنە . حەکایەتوو ئا تەرسا کە حیچ وەخت ڕوە مەڎا و ئێمە وێماوە تەرسمێشا چەنە و فەقەت کات و ساتە وەشەکاما تێک ما ، ڕوێ مێ چەمێ کەریوە ، وەختێ مەیوە وێترە ، میەی عەمرت دلێ تەرس و لەرزینە ویەردەن و تۆ حیچ لەزەتێوەت نەبەردەن...
موعتادێ بیێنمێ، عادەتما کەردەن کە حەر ڕوێ دڵەڕاوکێوەما بۆ و ڕوێ بێخەمێ نەبیمێ..
روێ خەفەتوو ویەردەی وێڵما مەکەرۆ و روێچ خەفەتوو و دڵەودمای ئامای سەبای ...
ماوێوەن فکرم گیرۆڎەو ئی بەیتێنە:
" مەبۆ پاڕوو دەینە ئەشۆ وێت دەی دەسوو ئاوێ " ئیتر حەر کۆت بەرۆ با بەرۆت..
وەشا بەین بەین وێما دەیمێ دەسوو ئاوەو بەحری، پەنا بەرمێ بە خوای و هیوادارێ بیمێ ، شایەد شەپۆلەیێوە ،کە ،مێ بەرۆما و یاونۆما یاگێ وەشەی فرە وەشە...
باوڕ کەردێ ئینە خیاڵیچش حەر وەشا، دڵنیا بیدێ یاونۆتا یاگێ مراڎی!
@karawawshamyany
♠️هوالحق♠️
خەڵکی وەشەویسوو مەریوان و هەورامانی هاگادارێ کەرمێوە، بۆنەو فەوتوو هونەرمەند و ئوستادوو موسیقی نامداروو کوردەسانی و هەورامانی، ڕەوان شاد( پەیمانی حەسەن زادە)یەوە،
ڕۆدیاروو دوەشەممەی، 29و پاژەرەژوو 2 1404ک.ڕ. سەعات 14 تا 16 جە مزگی قوبای مەحەلێو بەهارانوو شاروو مەریوانینە، مەراسموو تازیێ و پەرسەی و سەرەوەشی ملۆ ڕاوە.
بە بەشداری شکۆداروو گردیما ڕۆحوو کاک پەیمانی شادٚ و ئاسوودە و ھامخەموو کەس و کاریش و کۆمەڵی ھونەری و فەرھەنگی بیمێ.
جە لاو تاقمێو جە هونەرمەندا، ئەدیبا و فەعالینێ مەدەنی شاروو مەریوانیوە
♠️♣️♠️♠️♣️♠️♣️
وەتەن
شەرتەم کەردێنه وەتەن چەنی تۆ
هەتاکوو ڕۆی سەرەم زیننه بۆ
جەسته و تەن و گیان گر فێدات نەبۆ
زامش کاری بۆ دایێم کەرۆ سۆ
هەتا چەمانم هەشت وینان به نۆ
ئەگەر نەکەران شیوەن و ڕۆ ڕۆ
مەحرووم بان جه عەین نەوینان تاپۆ
کۆر بان به جارێ لێڵاویشان بۆ
تا نووکی قەڵەم جەوهەر کەرۆ جۆ
پەرێ سەربەرزیت شەرتەن بنویسۆ
زوان تا ئەو ڕۆ کەرۆ گوفت و گۆ
ئەگەر پەی بەرزیت وه بەرزان نەچڕۆ
جەللاد ئەو زوان با جه بن بڕۆ
پای نەگێڵۆ چەنیت کۆ به کۆ
وشک بۆ زرانیش فەلەج بۆ لەقۆ
گۆش پەی شانازیت ئەگەر گۆش نەد٘ۆ
بەسیۆ دەروازەش کەڕ بۆ نەژنەوۆ
ماخۆلیانش بۆ جه چڵ نەسرەوۆ
وەتەن هەر کەسێ بەد٘یت بواچۆ
دەک ئاواره بۆ ناتەمام ساچۆ
وەتەن خاترت گەر جه یاد٘ بشۆ
چوون دەرد٘ەداران گرد ئازام بێشۆ
ئێزرائیڵ به جێد با گیانم کێشۆ
بێدڵ تا ئەو سات بەراش وه گڵکۆ
شەرتەن بێ مەیلی نەکەرۆ به خۆ
#بێدڵ_هاشم_موحەممەدی
📸: #کاک_هاوڕێ_ئەسەدی
#کەڕاواوشامیانی
🆔👉 @karawawshamyany
"وەتەن"
وەتەن، تەوافۆ جە لاو من فەرزەن
نامەکێت داییم، جە دڵم بەرزەن
ئاو هەواکەش، دەرمانوو دڵان
خاک و کەش و کۆش، جە لاو من تڵان
وەتەن هەم نامووس، هەم شەرەفمانە
دژمەن نەدٚەوما، تەشەر و تانە
ئامان نەورەشی خاکوو وەتەنی
تەوافش کەری تا ئا ڕو هەنی
با واچوو پەنەت تویچ بزانە
کەسی ڕیشەدار، نمەو بێگانە
درەخت بە رێشە یاوان پا یاگێ
با دژمەنی پەست هۆرکێشۆ ئاخێ
حەرکەس ورەشۆش خاکوو وەتەنی
حەقەن تا مەحشەر سەیرش نەکەری
حەرکەس نۆکەروو بێگانەی بۆنە
نمەو بە کەسم، ئەر برایچم بۆنە
مل و ماهەکوو دژمەنی ماڕمێ
تاومێ بە یۆوە، ژیانیما واڕمێ
بۆ با کۆر کەرمێ چەموو دژمەنی
با پارێزنمی خاکوو وەتەنی
با غیرەتۆ بۆ، پەی برای ژیریت
دژمەن نمەونە، بە عەساو پیریت
با بە سەربەرزی ژیان بەرمێ سەر
بە پاکی ژیومێ نەک بە دەردیسەر
"فەردین سەیدی"
@karawawshamyany
📆 ئاڕو یک شه‌ممه
🌻۲۱و پاژەرەژوو ۱۴۰۴ی وەرەتاوی
🌻۲۱ گوڵانوو ۲۷۲۵ی کوردی
🌻۲۱ اردیبهشت ۱۴۰۴ خورشیدی
🌻۱۱ مە و ۲۰۲۵ زایینی
#کەڕاواوشامیانی
@karawawshamyany
🗞 باسێوە جە ویەردەو کەڕاوای جە دەورانوو والیەکاو ئەردەڵانینە و دماتەر جە دەورانوو شازادەکاو قاجارینە
4⃣1⃣بەشوو چواردەی
دماو ئانەی حەسەن سوڵتان ماوێوە حکوومەتش کەرد ،بەعزێ عەزڵ و نەسب و قەتڵ و قتووڵێ دلێ والیەکاو ئەردەڵانینە روەشا دا و دلێ وێشانە سەروو قودرەتی گژیێ بێنێ..
وەختێ رەزا قولیخانی ئەردەڵان چەنی خانوو قاجاری دەشتەو مەریوانینە شکەستشا وارد ، بەردشا چەنی وێشا پەی تارانی و کەردشا زیندان و غوڵامشاخانی براش بی بە والی، وەلێ کەسانێ پێسەو ئەمان اللە بەگی وەکێڵی شۆنەو ئانەیوە بێ بە کۆمەکوو بەگزاڎەکاو هەورامانی ، بەشکەم تاوۆ ، رەزا قولیخانی تارانۆ بارۆوە و غوڵامشاخانی سەروو دەوریوە لا بەرۆ..
غوڵامشاخان خەبەرش زانا بێ کە حەسەن سوڵتان پەناش دێنە بە وەکێڵی و قەوڵ و قەرارشا بیەن ، لەشکەرێوەش ئارد سەرش ، حەسەن سوڵتان شێخ ئۆسمانی سێراج الدین ئەوەڵش کیاست نژمار تکا ، وەلێ والی گۆشش نەڎا و شێخ گێڵاوە پەی دەگا شێخانی و عادز بی...
وەختێ لەشکەرەکە یاوا حەوشەو بارانی درەکیەی ، حەسەن سوڵتان خەبەرش زانا بەرشی ڕووبە شارەزووری، یانەو مەنزڵەکەش بەردش بەرزەنجە و وێش گێڵاوە پەی داڵە مێزی ، والی وەختێ یاوا حەوش و بارانی زاناش هەورامان چۆڵا ، بیس ڕوێ چاگە نیشت ، تا خەبەروو زامدار بیەی نەسرەدین شای قاجاری یاوا لاشاو گێڵێوە پەی شاری...
وەختێ غوڵامشاخان گێڵاوە پەی سنەی ، کارووباروو هەورامانیش سپارا بە میرزا حەمە رەزای وەزیری و ئاڎیچ کیاستش شۆنی حەسەن سوڵتانیرە بەرزەنجەوە ئاردشاوە و حکوومەتوو هەورامانی و شامیانیشا سپاراوە پەنەش..
حەسەن سوڵتان ، وەختێ بیوە بە حاکموو هەورامان و شامیانی ، نەزم و تەرتیبێوە فرە وەشش دا بە وەڵاتیو و خاس خاسێ مەرزناشرە و گردوو ئاغەکاش رازی و سەرگەرمێ کەردێ..
وێش مەرکەزوو حکوومەتەکەیش بەردشرە دزڵیە و چاگە موستەقەڕ بی و وەڵێ گر یاگێنە لوا کەڕاوا ، یانە گەورەو تاتەیش جەلەسێوەش بەست و کەڕاوا و دگاگاش سپارا بە مسەفا سوڵتانی برایش و قەڵاگاو دەرەناخێش سپارا بە بارام بەگی برایش و حەر پاسە چەمەو ڕواریش دا بە کوڕەکاو غەفار بەگی و دەگاو دەلیش دا میران بەگوو حەمەولی بەگی و ناوەش دا کوڕەکاو بەکر بەگی و نوێنش دا بە مەحمووبەگوو حەمە شەفێع بەگی و ژیوارش دا حمەمین بەگ کوڕوو فەتالی بەگی و دووڕۆش دا بە برایەکاو فەتالی بەگی، باراماواش سپارا بە کوڕەکاو حەسەن بەگی و ویسەش دا بە کوڕەکاو شاسوار بەگی و دزڵیەش دا بە سڵێمان بەگووحەمە زەمان بەگی ، ئینیشا گرد حکوومیێ بێنێ و دگاشێخان و تووتمەر دوێ موڵکێ بێنێ دێش بە شێخ عەبدولکەریمی و شێخ ئەحمەوی ..
هەورامان و سلێن و بڵبەریچش گل داوە پەی وێش و زکریان و تخانیچش نیارە پەی نانوو دیوەخانیش ، پەی مێماناو دەعوەتیاو ئا کەسا کە دیوەخاننە ، بێنێ بە مێمانوو سوڵتانی..
پی جۆرە وەش وەشێ حکوومەتەکەش مەرزناشرە و گردوو ئاغەکا رازیێ بیێ و لوێ سەروو ماڵ و مڵکوو وێشا و گر ساڵێ ماڵیات و خەراجەکەیشا کیانێنێ پەی سوڵتانی...
مسەفا سوڵتان کەوت ئاوڎان کەردەیوەو کەڕاوای و پردەو کەراوایش تازە کەردەوە و هانە و قومەکاو دەگایش دەسکاری و نۆژەن کەردێوە و دەسێچش کێشت مزگی دەگایرە ، چوون ماوێوە بێ وەروو شەڕوو ئاژاولێ و مەرگوو تاتەیشا و... نەپەردەچیابێشا ئی هەرمانا بەرا...
🔄 ئی باسە درێژەش هەن....
هۆر گیریا : جە کتێبوو تاریخ سلاطین هورامان قاضی عبدالله شیدا (مردوخی)
کۆکەردەی و هۆرگێڵانیوە : ساحێب حەبیبی
🆔@Karawawshamyany
ڕیوڕەسمی کۆمسا لەهەورامان(ژیرلاومەڕی)
@karawshamyany
خەیاڵ پەیاپـــەی نامێ تـۆ مارۆ
بـە ویــــرەوەریت دڵ ئاوی دارۆ
کەرەم فەرمـــاوە بۆ تۆو خەیاڵی
گەردێوە خەمێ دووریت وجارۆ
✍ #شارۆ
📸: #پەیمان_ئەمینی
@karawshamyany
🧡هشت دلیل برای اینکه بیشتر راه برویم🧡
1️⃣)پیاده‌روی عملکرد مغز را بهتر می‌کند
2️⃣)پیاده‌روی باعث سلامت قلب ماست
3️⃣)پیاده‌روی به هضم غذا کمک می‌کند
4️⃣)پیاده‌روی به ما برای رفع مشکلات کمک می‌کند
5️⃣)پیاده‌روی از افسردگی جلوگیری می‌کند
6️⃣)پیاده‌روی به ما کمک می‌کند پذیرنده‌تر و برون‌گرا‌تر و کمتر عصبی باشیم
7️⃣)پیاده‌روی برای سوخت‌و‌ساز بدن بهتر از بدن‌سازی است
8️⃣)پیاده‌روی حالت بدن ما را بهتر می‌کند
@karawawshamyany
عالتەرین شیوازوو ژیوای ئانە نیا
کە هەنگامی گەوری هۆرگیری پەی ساعبیت ،
ئانەنە کە وەختی تێشکەو ڕۆجیاری مەمانۆ
تۆ تاموو ڕۆی ئارامێت چەشتە بۆ
ژیوایتا پەر بۆ جە ئارامێو هێمنی ....🌱🌱
@karawawshamyany
نازانم چوونی کەم چارە
دەرمانی ئەو دڵە بێمارە
مامۆسامحەممەدی ماملێ
@karawawshamyany
سەر لەسەر ڕانی تاکوو بەیانی❤️🔥
مامۆستا محەممەد ماملێ
@karawawshamyany
گرفتارم به نازی چاوه‌کانی مه‌ستــی فـــه‌تتانت
بریندارم به تیری سینه سۆزی نیشی موژگانت
به تاڵێ په‌رچه‌می ئه‌گریجه‌کانت غاره‌تت کردم
دڵێکم بوو ئه‌ویشت خسته ناو چاهی زه‌نه‌خدانت
به قوربان! عاشقان ئه‌مڕۆ هه‌موو هاتوونه پابۆست
منیش هاتم بفه‌رموو بمکوژن بمکه‌ن به قوربانت
ته‌شه‌ککور واجیبه بۆ من ئه‌گه‌ر بمرم به زه‌خمی تۆ
به شه‌رتێ کفنه‌که‌م بدرووی به تای زوڵفی په‌ریشانت
له کوشتن گه‌رده‌نت ئازاد ده‌که‌م گه‌ر بێیته سه‌ر قه‌برم
به ڕۆژی جومعه بمنێژی له لای نه‌عشی شه‌هیدانت
مامۆستا کوردی
@Karawawshamyany
🗞 باسێوە جە ویەردەو کەڕاوای جە دەورانوو والیەکاو ئەردەڵانینە و دماتەر جە دەورانوو شازادەکاو قاجارینە
7⃣1⃣بەشوو حەفدەی
دماو ئانەی والی لواوە پەی سنەی ،دوێ یەرێ ساڵێش پەنە شی پاییز بێ، هەمیسان ئاماوە پەی دزڵیێ و سوڵتان و کوڕەکاش تا دەرناخێ لوێ پیراییشۆ ..
بارام بەگ کناچێوەش بێ بە نامێ گوڵزەڕ خانمێ مارەشا کەردە پەی والی و چەنی وێش بەردەشۆ پەی سنەی ..
جە سوڵتانەکاو هەورامانی پەنج کناچێشا دێنێ بە والیەکاو ئەردەڵانی ..
یوەشا خاتوو زبێ کناچێ خەفاربەگی داشا بە کورو ئەمان اللە خانی بە نامێ حەمەعەلی خان ی..
شاپەسەن خانمە کناچێ حەمەو سوڵتانی داشا بە خەسەرو خانی ناکامی..
خاتوو فەرخیە کناچێ تەرەو حەمەو سوڵتانی داشا بە رەزا قولی خانی والی..
شاپەری خانمە کناچێ ئەحمەو سوڵتانی داشا بە خان حەمە میرزای..
ئەوەیچشا گوڵزەر خانمە کناچێ بارام بەگی بێ کە داشا غوڵامشا خانی والی..
بێجگەم خاتوو زبێ ئەو چوار خاتوونەکە جە نەتەوەو یۆسۆ سوڵتانوو کەڕاوای بیێنێ کە دریێنێ بە والیەکاو ئەردەڵانی ..
وەلێ موقەدەر پاسە بێ ،ئی پەنج خاتوونە بێجگەم پری خانێ کە کوڕێوەش بی بە نامێ خان عەمووی ، حیچکام تەرشا زاڕۆشا نەبی..
ئی رایچە والی لهۆنرە لواوە پەی سنەی و خەبەرش زانا کە عدێوە جە جافەکاو جوانڕۆی یاغیێ بیێنێ و بارام بەگش بە سپایێوە گەورێوە کیاست سەرشا و دماو یەرێ مانگا وستێش چێر دەسوو وێش و وەختێ ئاماوە پەی شاری ، والی ئاما پەی مەریوانی و دەس وەشانەو ئی فەتحێنە حکوومەتوو مەریوانیش دا بە بارام بەگی و ساڵێ حکوومەتش کەرد و دماو ساڵێ سپاراش بە مسەفا سوڵتانی برایش ئادیچ ساڵێ حاکم بێ ، بازەم بارام بەگ لوا پەی شاری و حکوومەتشا داوە پەنە و دماتەر پیایێوە بە نامێ میرزا زەکی جە تەرەفی پاشاو قاجاریوە بی بە وەزیروو کوردستانی، وەختێ یاوا شارا مسەفا سوڵتان پێشکەشیێوە فرەش دا پەنە و پا جۆرە میرزا مەریوانش جە بارام بەگی ساناوە و داش بە مسەفا سوڵتانی برایش ..
هامنێ مسەفا سوڵتان لوا بێ پەی شاری والی گێرت و وستش زینان و وێش بە مۆرەو پاشایوە ئاما پەی مەریوانی و بیناو قەڵاو مەریوانیش نیا ساڵەو ۱۲۸۲ کۆچی مانگی بێ..
حەسەن سوڵتان و بارام بەگ والیشا دەعوەت کەرد پەی پیرباڵبنانی و فرە لاڵیێوە و قەوڵشا چەنە گێرت کە مسەفا سوڵتانی برایشا ئازاد کەرۆ ، وەلێ چوارسەو تمەنێ جەریمەش کەردێ..
والی حەر یاواوە سنە مسەفا سوڵتانش مەرەخەس کەرد و چەنی سپایێوە جمێرە ڕووبە لهۆنی ، چوون خەبەرشا دا بێ پەنە حەمەسەعێو سوڵتان بەو عەمەڵ بیەن ، وەختێ یاوێ پاوە چە دیشا حەمەسەعێو سوڵتان لهۆنش چۆڵ کەردەن، کەسش چەنە نەمەنەن ، عدێوە پەی شارەزووری و عدێوە پەی هەجیجی ..
وەختێ والی یاوا نەوسوودە مسەفا سوڵتانش کیاست پەی لاو حەسەن سوڵتانی و خەبەرشا دا بە عومەر پاشاو گوڵعەنبەری کە شکاتوو سڵتانوو لهۆنیش کەردە بێ و حەر پاسە سوڵتانوو لهۆنی بە میانجیگەری حەسەن سوڵتانی گرد کەوتێ را روو بە هانە گەرمڵە..
بارام بەگ لوا شۆنی عومەر پاشای و حەسەن سوڵتانیچ ، حەمەسەعێد سوڵتانش ئارد خزمەتوو شێخی سێڕاجەدینی و شێخیچ ، شێ عەودرحمانی کوڕش و مامۆسا مەولەوی و شێ عەلی عەبالەیلی و حەمەو پاشاش کیاستێ پەی لاو والی بە شەفاعەتوو حەمەسەعێد سوڵتانی..
وەختێ یاوێ نەوسوودە حەسەن سوڵتان ، حەمەسەعێد سوڵتانش کیاست گەوڕ، وێش شاراوە وێش و ماباقی نەفەرەکا لوێ خزمەتوو والی..
مەولەوی فرە ژیر بێ کەردشا قسەکەروو وێشا ، ئاڎیچ واتش جەنابوو والی ئامێنمێ پەی شەفاعەتوو سوڵتانوو لهۆنی ، بە مەزەبوو شێعەی شێ عەلی عەبالەیلێم ئاردەن بە مەزەبوو سنی ،حەمەو پاشام ئاردەن و بە عەقیدەو عامەی شێ عەودەڕحمانم ئاردەن،والی فرە وەشش ئاما جە قسەکاو مەولەوی ، سوڵتانش بەخشا و حیچ جەریمێوەیچش نەکەرد و وێش گێڵاوە پەی سنەی ..
🔄 ئی باسە درێژەش هەن....
هۆر گیریا : جە کتێبوو تاریخ سلاطین هورامان قاضی عبدالله شیدا (مردوخی)
کۆکەردەی و هۆرگێڵانیوە : ساحێب حەبیبی
🆔@Karawawshamyany
⚫️⚫️⚫️⚫️⚫️⚫️⚫️⚫️⚫️⚫️⚫️⚫️⚫️
بە داخەوە مامۆسا خالد رستمی یۆ جە عالەمە پایەبەرزەکاو کوردەواری کۆچی دماییش کەرد..
ئێمەیچ بە نۆبەو وێما ، تەسلیەت عەرز کەرمێ خزمەتوو خەڵکی وەشەویسوو کوردەوارینە و قەوم و کەس و کاروو مامۆساینە..
رۆحشا شاد بۆ یاخوا
هەتیما وەڵات چی لوای ئازیز
دیسان وەهارما بی شەوی پاییز
ئەدەب زڕەوەو عێرفان عەود٘اڵان
بەڕاسی سەبرش بەرد٘ا بە تاڵان
غەزالی وئێحیا سیماو تۆش تاشا
سەد٘ میر و وەزێر بەیا تەماشا
ئێبنۆلحەجەری تەتەی هەورامان
ئۆسووڵیی سلۆر تەفسیر جەدامان
خەتێۆەت کێشا تا کانی دینار
دوورجە زاهێر و مەقام و دینار
مەر وێت کێشابۆ بارک اڵلە لک
دەنگوو حێکمەتیت یاوا بەفەلەک
نەرمتەرجەئاو،دڵ ناسک چوون گوڵ
ڕەنگین بە سیما بە دەعوەت بۆڵبڵ
ڕاس لوا تاسەر چنار لاش شەرمین
سڵامت سەربۆ خالێد٘ی ئەمین
دەرسی تەوحیدت چوون هانەی سلۆر
جیاش کەرد٘ جەهەم چەرمەو باز وبۆر
حەسەنی بەسری ، بەڵام دەرەوکەی
تام و بۆی تەریق بۆ وەشتەر جەبەی
جیاتی داڵانی باخی مەلەکووت
بەنەسیبت بۆ پەپوولەی ناسووت
حامی جەقاپیت دەرسێوەش وانان
چن ڕاز چن نیاز بە دەرسێ فامان
#حامی_غەریبی
@karawawshamyany
ئیمڕۆ ڕۆژی زمانی کوردییە
نامەوێت بڵێم زمانی من شەرەفی منە و زمانی من چی منە.
ئیتر با قسەی زل زل نەکەین
بەس ئەڵێم زوانی خۆتان بە سووک مەزانن.
لەگەل مناڵەکانتان بە کوردی قسە بکەن
بە خالە و عمو بە خوا نابن بە تەیارە(فڕۆکە) میمی و مامە سەد شەرەفی هەیە.
بە کوردی پەیام بنێرن بۆ یەک. قەینا ڕێنووسەکەیشتان تۆزێ کێشەی هەیە.
بە کوردی پۆست و ستۆری دانێن، حەزتان کرد لە ژێریشیا فارسی و عەرەبی و ئینگلیسی و چینیش بنووسن. قەینا وا ئەزانین دوو زوان ئەزانن و باکلاسن.
ڕێکەوت و بیرەوەری و ئەوانەشتان با بە کوردی بێت.
نامیلکەی قوتابخانە و زانکۆ و ئەوانەشتان با بە کوردی بێت تا شوێنێ کە ئەتوانن.
ناڵێم گشتتان بە زاراوەیەکی ستاندارد و سۆرانییەکی ناوەندی و چی بدوێن نە باوان
سۆرانیت بە سۆرانی خۆت و هەورامیت بە هەورامی خۆت،
کرمانجیت بە کرمانجی خۆت،
کەلهوڕیت بە کەلهوڕی خۆت،
لەکی، زازای، لوڕی و....
هەرچێک هەی، خەڵکی هەرکوێ هەی وابە
سنەییت ئەردەڵانی قسە بکە بەڵام بە کوردییەکی ئەردەڵانی ڕەسەن
مەریوانیت بە مەریوانییەکی جوان.
کاکە خوشکە وەڵڵا بیللا تەڵڵا ئەمە
جوانترین و باشترین و درووسترینە
سادە، ئاسان
دوو یوو ئاندرستەند؟؟(ئەها منیش ئینگلیسی ئەزانم)😁😁
#عەتا_ئەحمەدی
@karawawshamyany
🍂💦🍂💦🍂💦🍂💦🍂💦🍂💦🍂💦🍂
پاڵای پاژنە مەڕیا نەبیمێ؛
مەنزوور جە پاڵای پاژنە مەڕیای ، پاڵایێوەن کە وزیش سەروو پایت و خاس هۆرش نەکێشی!
شەوێوە مێمانێ فرێما بێنێ،
گردوو پاڵەیەکا حەوشەکێنە نریێ بێنێوە،
گرد پاڵوو یۆینە رێک و پێک جفت کریێ بێنێ ، بێجگەم هیتێوەشا کە کەوتێبێنێ سەروو پای..
حەر کەس زیێرە هەرمانێش بێ ئا پاڵەیا وزێ سەروو پایش و لوێ..
زاندێ چی؟؟؟؟
چوونکەی پاژنەکەشا مەڕیا بێ و کەوتێ بێنێ سەروو پای..
کەمێ فکریانینە ،چە دیم بەعزێ جە ئێمەمانا پێسەنمێ ، ئا پاڵەیا کە گنا سەروو پای و پاژنەکەشا مەڕیان..
پەیما موهێم نیا کێ وزۆما سەروو پایش و سوارما بۆ..
هۆشت بۆ ،کە ئەگەر ؛
سەرە نامنیرە وەرانوەروو زۆردارینە..
ئەگەر وێت قەڎروو حورمەتوو وێت نەگێری..
ئەگەر زایف و بێ دەم و پل و گێل بی..
گر کەس گەرەکشا سوارت بۆ و وزۆت سەروو پایش و کەس حورمەتت مەپارێزنۆ ..
جا ئیسە بەیدێ با پاڵای پاژنە مەڕیا نەبیمێ!!!
@karawawshamyany
بەڕۆی مەنازە شەو لە دماشەن
کەج کڵاو مەنیە کەجی لە پاشەن
مەڵاخدر ڕواری
@karawawshamyany
🗞 باسێوە جە ویەردەو کەڕاوای جە دەورانوو والیەکاو ئەردەڵانینە و دماتەر جە دەورانوو شازادەکاو قاجارینە
6⃣1⃣بەشوو شانگزەی
وەختێ گەورە سەرۆکوو جافەکا یانێ حەمەئەحمەڎ بەگ کوشیا ، عەشیرەجافەکاو سەردەسێری خەبەرشا زانا و کەوتێ را پەی مەریوانی و دەسشا کەرد غارەت و هەرزەیی و بیناو خرابی و ناماقووڵیشا نیاوە و زمین و زەراحەتوو خانەکاو مەریوانی کە ڕوەشا نیێ بێ ئیلاو ئولایشا سۆچنا و وێران کەرد و جە کوشتەوبڕیەی رەعیەتیچ دەس نەپارێزنێنێ..
تا ئینکێ حەسەن سوڵتان ، ئەحمەوبەگوو باسام بەگیش بە سەڎ تفنەگچیێوە کیاست پەی پارێزنای دەگایەکاو شامیانی بە تایبەت کەڕەوا و قەڵاگا کە بنەیانەکەو وێش و برایەکاش چا بێنێ..
خەڵکوو تووتمەر و دەگاشێخانیچشا چەنی وێشا ئاردێبێنێ پەی شامیانی و پەناشا پەنە دێ بێنێ..
چن وەختێش پەنە شی تا روێ یارئەحمەوبەگ براو حەمەئەحمەوبەگی چەنی سەڎ سوارە جافا ئامێ دەشتەو تووتمەری ، حیچکەسشا مشتە نەکەوت قینیێنە دەسشا کەرد ئاویردای یانەو باخ و زەمینوو شێخ و ئاغەکاو تووتمەری..
ئەحمەڎوو باسام بەگی وەیسەوە ئاما و ملەو کاڵیرە وەستێرە دەشتەو مەریوانی ، سەباش جەژنەو قوربانی بێ ، ساعبێ زو دگاشێخانۆ ئەحمەڎ بەگ ئاما ملەو کاڵی و خالی بەگی مەتیەزاش و برایەکایچش یاوێشا پەنەو حاجی حەیدەر بەگیچ چا حازر بی ..
سوارە جافەکا دەهەزار نەفەرێ بێنێ جە دینار بە پیادە و سوارە ئامێ ڕوو بە کاڵ شەڕێوە قورس بەینشانە روەش دا..
ئەوەڵ هەورامیەکێ سەرکەوتێ و وەلێم جافەکا فرە فرێ بێنێ ئەحمەوباسام بەگیشا موحاسێرە کەرد و چەنی دوانگزە سواراش کوشتێشا و جە تۆڵەو حەمەئەحمەو بەگینە سەرەو ئەحمەوباسام بەگیشا کیاست پەی والی..
رۆسەم بەگ کورو ئەحمەو باسام بەگی نیشت سەروو ئەسپەکەو تاتەیش و یۆ جە سوارە پاڵەوانەکاو جافی بە نامێ حەمە سوارەیش جیاتی ونەو تاتەیش کوشت ، ئەسپەکەو حەمە سوارە ی فرە قیمەتی بێ ئاما شۆنی رۆسم بەگیرە و دماتەر داش بە حەسەن سوڵتانی و ئاڎێچ بە پێشکەشی کیاستش پەی والی غوڵامشاخانی و والیچ پێشکەشوو پاڵشاو قاجاریش کەرد..
چوون ئی دوە نەفەرە جە دوە تەرەفی کوشیێ یانێ حەمەئەحمەوبەگی جاف و ئەحمەوباسام بەگی هەورامی ، پەی یەرێ ساڵا بەینوو جاف و هەورامی گول بێ و حەر وەخت یاوایێنێ بە یۆی گژیێنێ..
والی غڵامشاخان ، وەڵتەرنە حەسەن سوڵتانش تۆرنا بێ و پەشیمان بیەبێوە و گەرەکش بێ بە جورێ دڵشنە بەرش بارۆ ، دوێ یەرێ رایێ پیاش کیاست کەڕاوا و قەڵاگا و دزڵیە شۆنی وێش و برایەکاش حیچکام نەلێ پەی سنەی ..
هامن بێ یانەو حەسەن سوڵتانی کۆچشا کەردە بێ هەواروو دزڵیێ ، خەبەرشا زانا والی مای مێ پەی یانەیشا و لەشکەر و سپاش نیا چەنی و پەی جەنگی نامان..
وەختێ سوڵتان خەبەرش زانا قەرارا والی بێ پەی یانەیشا خەبەرش دا بە مسەفا سوڵتانی کەڕاوانە بلا پیراییشاوە و ڕۆانەشا کەرا پەی دزڵیێ ، مسەفا سوڵتان و چن نەفەرێ جە سوارە تفەنگچیەکاش لوێ پیرایی والیوە و تا دەربەن کەڵەم ڕوانەشا کەرد ،حەسەن سوڵتانیچ وێش ئاما دەربەن کەڵەم و خەیر ئامای والیش کەرد و بەردش پەی یانەو وێش و خزمەتێ عالش کەرد. والی چوار روێ چا بێ و بڕیارش دا لهۆنرە بلۆوە ، لوا چەمەو کێمنەی یاوا خزمەتوو شێخی سێڕاجەدینی و چاوە لوارە نودشە و گێڵاوە پەی سنەی...
🔄 ئی باسە درێژەش هەن....
هۆر گیریا : جە کتێبوو تاریخ سلاطین هورامان قاضی عبدالله شیدا (مردوخی)
کۆکەردەی و هۆرگێڵانیوە : ساحێب حەبیبی
🆔@Karawawshamyany
🗞 باسێوە جە ویەردەو کەڕاوای جە دەورانوو والیەکاو ئەردەڵانینە و دماتەر جە دەورانوو شازادەکاو قاجارینە
5⃣1⃣بەشوو پانگزەی
بەشی وەڵیننە واتما حەسەن سوڵتان دماو ئانەی بی بە سوڵتانوو هەورامانی ،گردوو دەگایەکاو هەورامانی و شامیانیش سپارێ بە ئاغە و بەگ زاڎەکا و پی جۆرە نەزمێوە وەشش مەحاڵەکەنە پیاڎە کەرد..
حەسەن سوڵتان حاکمێوە عادڵ و عال بێ و زوڵم و ناحەسابی جە کەسی قەبووڵ نەکەرێ ، ئیجازە نەڎێ ئاغە زوڵم کەرۆ ملوو ڕەعیەتیرە، ماڵیاتوو شامیانی کە وەڵتەرنە فرەشا کەردە بێ، کەردشۆ ساڵێ چوارسەو تمەنێ ، چن نەفەرێوە کە وەڵتەرنە بۆنەو زوڵم و فرەیی ماڵیاتیوە وەڵاتشا جیا ئاستە بێ ، ئامێوە پەی یاگەکێ وێشا..
حدوودوو سی کناچە ڕەعیەتێ ، کە ساڵە وەڵینەکانە بۆنەو نەداری و فرەیی ماڵیاتیوە ، جە تەنخواو ماڵیاتینە دێبێنێشا بە دیوانیەکا و قەیخوایەکا ، حەر کامشا وێش حەز کەرێ ، نەجاتش دێ و کیاستێشۆ پەی وەتەنوو وێشا..
جە زەمانەوحەسەن سوڵتانینە حیچ ئاغێوە، زاتش نەبێ زۆر واچۆ بە چێردەسەکاش و هەورامانش کەردە بێ پەناگایێوە ئەمنە پەی ئا کەسا بەجۆرێ جە وەڵاتوو وێشا ئاوارێ بێنێ و یا بە جۆرێ قۆمیابێشا وەنە..
کەسانێوە فرە جە شارەزوورۆ و جە سەقز و بانەوە و ماباقی مەحاڵەکاو کوردە واریوە پەناشا ئاردێ بێ پەی هەورامانی..
پاییزوو ئی ساڵەکەیشۆ کە حەسەن سوڵتان پەی جاری دووۆمی بی بە حاکموو هەورامانی ،
پیایێ بە نامێ قەیخا حەماوسەنی ، دەگاو قەڵاجۆخیش غارەت کەردێ بێ و کابرایێوە خەڵکوو ئا دەگایێ وێش یاونا بێ لاو سوڵتانی ، سوڵتان وێش چەنی چن نەفەرێ بەگزاڎا و چن تفەنگ چیێوە لوێ شۆنیشارە ، جە دزڵیە روو بە پێنجوێن لوێ و دەشتەو خاومیراوای تووششا ئامێ ، چاگە دەرگیرێ بیێ ، دماو دوێ سەعاتێ شەڕی ماڕێشا و غارەت و غەنیمەتەکەشا چەنە سانێوە و ئاردشاوە دەگاو کانی میرانی، تەحوێڵوو خەڵکوو قەڵاجۆخیشا داوە...
والی سنەی غوڵامشاخان ، یۆ جە بەگ زاڎە جافەکاش بۆنەو ژەن و ژەن وازیوە کە بیەبێش چەنیشا و جافەکا قینیێ ئانەینە زنیەبێشاوە ، کەردەبێش حاکموو مەریوانی..
فەتالی بەگی وەکێڵ و حاجی حەیدەر بەگ ، نەلێ چێروو باریش ، ماوێوە پەناشا بەردە پەی هەورامانی ، دماو ماوێوە حاجی حەیدەر بەگ گێڵاوە سەروو زەراعەت و خەلە وخەرمانوو وێش، خەریکوو جەم کەردەی خەلە و خەرمانوو پاییزی بێنێ ، شەوێشا حەمەڎ بەگی جاف داش ملشارە ، ئا شەوە لاو قەبرسانێوەنێ بێنێ ، سەروو کەلامێوە یەواوە ، خەریکوو ئیسراحەتی بێنێ و نیمەیچشا وتێ بێنێ ، حەمەڎ بەگ حەمڵەش پەنە کەردێ و کورێوە بە نامێ شێ موحەممەڎ کوروو شێخ شەهاب ی کوشیا، حاجی حەیدەر بەگیچ حیچش پەی نەکریا پەناش بەرد بە دلێ قەبرسانەکەی ، واتش کەردێش خاترەو ئی قەبرسانی و ئی شەخسی چیگەنە ئەسپەردە کریان واز باردێ ، وەلێ جافەکا گۆششا نەڎا و دەسشا کەرد گولەوارانوو ئا مەرقەڎە مەبارەکێ.
مەریوانیەکا وەختێ زاناشا حیچ مەکریۆ و پیایانە نەمێ تفەنگ و دەسشا کەرد شەڕ کەردەی ، شەڕێوە قورس روەش دا بەینشانە، یەک ڕا تیرێ داش سەروو سینەو حەمەوبەگی جافی و سەروو ئەسپەکەیشۆ کەوترە و دەرجا مەرد و پی جۆرە حاجی حەیدەر بەگ نەجاتش بی..
کوڕە شێخەکەشا بەرد دەگاشێخان ئەسپەردەشا کەرد..
جافەکا تەمام گولشا کەردە بێ ، خرابێ بێنێ ، عەزیەتوو خەڵکوو مەریوانی کەرێنێ ، دەس درێژی کەرێنێ سەروو ماڵ و گیان و نامووسوو خەڵکی، خەڵکوو مەریوانی پوختە زۆرشا پەی ئاما بێ ، یانەو فەتالی بەگی و حەیدەر بەگی کۆچشا کەرد و لوێ پەناو حەسەن سوڵتانی ...
🔄 ئی باسە درێژەش هەن....
هۆر گیریا : جە کتێبوو تاریخ سلاطین هورامان قاضی عبدالله شیدا (مردوخی)
کۆکەردەی و هۆرگێڵانیوە : ساحێب حەبیبی
🆔@Karawawshamyany
هەورامان،یەکەمین سیستمی پارلەمانی مێژوی بەشەریەت،کەتێداژن مافی هەڵبژاردنی هەبۆ وزۆڕجاریش وەکو سەروک هەلدبژردرا
@karawshamyany
🗞 باسێوە جە ویەردەو کەڕاوای جە دەورانوو والیەکاو ئەردەڵانینە و دماتەر جە دەورانوو شازادەکاو قاجارینە
بەشوو سیانگزەی
واتما ئەحمەڎو خاتوونێ بی بە حاکموو هەورامانی و مامۆش حەمەو سوڵتان ، نەوەش کەوت و لوا پەی سنەی ، دماو ماوێوە حەر پا نەوەشیە سنەنە ئەمرەو خوایش کەردە ، بە قسێ ماچا سەمشا کەردەن دلێ واردەمەنیش ، ئیتر ئانەش خوا وێش زانۆ...
حەمەو سوڵتان ساڵەو ۱۲۸۵ی کۆچی مانگی سنەنە فەوتش کەرد و جەنازەکەش ئاردشاوە کەڕاوا ئەسپەردەشا کەرد..
کوڕەکاش حەسەن سوڵتان ، مسەفا سوڵتان و بارام بەگ قەڵاگانە بێنێ و ئەحمەوبەگ زماو و مامۆزاشا هەوراماننە بێ ، مانگێش پەنە شی مەڵا موحەممەڎی قازی، ئەحمەڎ سوڵتانش چەنی وێش ئارد پەی فاتحەوەنای مامۆیش پەی قەڵاگای و قەرار بێ بلا پەی کەڕاوای پەی سەروو زیارەتی، بارام بەگ لوا پیراییشاوە پەی قەراخوو رۆخانەی ، دماو خەیر ئامایشا دەسوورش دا پیایەکاو ئەحمەو سوڵتانی خەلەسەلاح کەرا ، سی تفنەگچیێ چەنی ئەحمەڎ سوڵتانی بێنێ خەلە سەلاح کریێ و خنجەر و تفنەگەکەو ئەحمەو سوڵتانیچشا قەڎشۆ کەندۆ ، بەردێشا پەی قەڵاگای ، لوێ کەڕاوا و ئامێوە ، دوێ ڕوێ دماتەر ئەحمەڎ سوڵتان لواوە پەی هەورامانی، ئا سی پیا چەنیش ئامێ بێنێ حیچکام نەگێڵێوە چەنیش و گرد بیێ نۆکەر و خزمەتکاروو حەسەن سوڵتانی، وەختێ زاناش ئی پیایا دەرد واردێنێ و کۆمەکش کەرا ، دماو چن ڕوا حەسەن سوڵتان ، مسەفا سوڵتان و بارام بەگی براش چەنی چن نەفەرێوە تەفنگچیێ، کیاستێش پیرۆسەم سەروو ئەحمەڎ سوڵتانی ، تا بڵبەر نیاشا شۆنیشۆ ، یانەکەش وێران و غارەتشا کەرد و ئەحمەڎ سوڵتان لوارە سنە و حەسەن سوڵتان بی بە حاکموو هەورامانی..
ئەحمەڎ سوڵتان هەمیسان سنەنە نامەو حکوومەتوو هەورامانیش بە دەس ئارد و بە لەشکەرێ گەورەوە ئاما سەروو حەسەن سوڵتانی ، حەسەن سوڵتانیچ زاناش دەرەقەتشا نمێ، وێش یاوانا ئێڵانپێ..
چی کەین و بەیننە حەسەن سوڵتان چەنی حەمەسەعێڎ سوڵتانوو لهۆنی دەسێشا کەردێ یۆرە و حەسەن سوڵتان ، بارام بەگی براش کیاستش کۆمەکوو حەمەسەعێڎ سوڵتانی جە نەسووڎە شەرێشا کەرد و سەر کەوتێ و ئەحمەڎ سوڵتانوو لهۆنیشا زنیوە و حەمەسەعێڎ سوڵتان بی حاکموو لهۆنی و چەولاوە بە کۆمەکوو لهۆنیەکا ئامێ سەروو ئەحمەڎ سوڵتانوو هەورامانی و بەرشا کەرد و ڕەما ، وەختێ یاوا قەڵاگا ، گەلەو گاوەکەو یانەو مسەفا سوڵتانیش بەرد چەنی وێش پەی شاری ، وەلێ خەبەرشا دا ،کەڕاوانە وەرشا گێرت تا ئەحمەو بەگوو باسام بەگی لوا کەڕاوانە ماڵیاتەکەش ئاردۆ ، چاولای،هەمیسان حەسەن سوڵتان بیناو حکوومەتیش نیاوە...
🔄 ئی باسە درێژەش هەن....
هۆر گیریا : جە کتێبوو تاریخ سلاطین هورامان قاضی عبدالله شیدا (مردوخی)
کۆکەردەی و هۆرگێڵانیوە : ساحێب حەبیبی
🆔@Karawawshamyany