686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
⚜⚜⚜⚜⚜⚜⚜⚜⚜⚜⚜⚜⚜⚜
#چن_مووچیاریێ_پەی_ژیوایێ_وەشتەرینووسەری نامداری ئەمریکایی، جاکسۆن براون ساڵەو ۱۹۹۱ کتێبێوەش وەڵاو کەردۆ بە نامێ ڕانموونیە وردیەکاو ژیوای ، ئی کتێبینە فرەتەر جە ۲۵۰ مووچیاریێ گێرتێنێ وێش کە پەی کوڕەکەیش نویستێنێش ، دماو وەڵاوبیەیوەش بی پڕ فرۆش تەرین کتێب جە ئەمریکاو و تەماموو دنیاینە..
ئینەیچ شمەی وەشەویس و چن دانێوە جە مووچیاریەکاو براون ی پەی کوڕەکەیش:
۱- جە جگەرە کێشتەی وێت دوور وزەوە
۲- پەی هۆرچنیەی هامڕاو ژیوایت ، فرە بە وردی فکریەنە و کەسێ دەرد واردە هۆرچنە ، چوون شەریکوو ژیوای جە 90% وەشبەختی و بەوبەختیتنە وەرپەرسا
۳- کەل و پەلی هەرزان مەسانە
۴- زارۆڵەکات پا شێوە کە هەنێ قەبووڵشا کەرە ، نەک پا جۆرە کە وێت بە دڵتا
۵- وەختوو وێت سەرفوو وەرپەرج دایوە و ئینکاری کەردەی مەکەرە
۶- متمانیت بە حیچ سیاسەتوانێوە نەبۆ
۷-وەختێ ماشینوو ڕەفێقەکەیت ئینا دەستۆ ، پەڕش کەرەوە بەنزین جا دەشۆ
۸- حەجگیس چرکەساتە وەشەکاو ژیوایت بە تەلەفوون کەردەی مەپڕووسقنە
۹-کرهاو حەقوو حیچکەسی مەڎە تا هەرمانەکێ پڕچنۆ
۱۰-حەجگیز باسوو ماڵ و دارایی و پووڵی چەنی کەسانێوە کە جە تۆ فرە فرەتەر یا فرە کەمتەرشا هەن مەکەرە
۱۱-هۆشت بۆ وەختێ قەرز کەری پەی رەفێقەکەیت ، ئیمکانش هەن هەردوی جە دەس دەی
۱۲- حەجگیس مەپەرسە وەنەو کەسی چنە حقۆق گێری
۱۳- وەختێ گەرەکتا یانێ سانی ، یەرێ چێوێت هۆش نەشا ، ئەوەڵ یاگەکێشا ، دووەم یاگەکێشا ، یەرۆم یاگەکێشا
۱۴- حەر وەختێ کار یا هەرمانێت مشتە کەوتە کە چەنی تەماع و فکروخەیاڵیت گونجیا ، پەسەنش کەرە ، حقۆقەکەش فرە لاتۆ موهێم نەبۆ
۱۵- متمانیت بە حافێزەیت نەبۆ ، گر چێو دەفتەرنە بنویسە
۱۶-قەرز بە کەسێ دە کە یاگێ متمانەی بۆ، قەرزەکەت پەی مارۆوە وەڵێ ئانەینە داواش کەری
۱۷- گر کەس حەز کەرۆ تاریفێش دەی ، وەختێ پاسەن تۆیچ بەخێڵ مەبە تاریفێ خەڵکی دە
۱۸-هۆشت بۆ قیمەتی گونجیا ئانە نیا سەروو کەلووپەلیوە نویسیان ، قیمەتی گونجیا ئانەن چەنی کیسەو تۆ گونجیۆ
۱۹- جە خەتاو تاوانەکاو زاروەکەیت بە رەحەتی وەش مەبە ، چوون ئانە وەرپەرسش وێتنی
۲۰- ئەگەر زانشتێوەت زانی ، وەڵاوش کەرەوە و خەڵکی تەریچ قێر کەرە
۲۱- حەجگیس باسوو ژیوای تایبەتی وێت و ماڵ و داراییت پەی کەسی مەکەرە ، مەگەر وەختێ زانی نەفعێوەش چەنەنە
۲۲- ئەگەر یاگێنە تاریفێ رەفێقوەشا دای ، گێڵنەشۆ پەیش
۲۳- ئەگەر گەرەکتا روێوە سالم و سەرحاڵ بەری سەر ، شەوەکێش زوو بووسە
۲۴- ئەگەر گەرەکتا کەسێوە تەرێق کەریوە کە خراب بیەن چەنیت ، حەنناو زاروەکاشنە خاسی کەرە
۲۵- چەنی کەسێوە ژیوای هامبەشی منیە یۆوە کە جە باری ماڵیوە بە یۆی وەردێ
۲۶-ئەگەر چێوێت دوێ رایێ لاو کەسێوە بە قەرز گێرت پەی یەرۆم جاری سەعیە کەرە وێت سانەش
۲۷- ئەگەر یاگێنە بیەی ، یۆ جە وێت گەورەتەر ئاما دلێ حەتمەن هۆرزەوە وەرش
۲۸- وەختێ دەس کەرە قسە کەردەی ، کە خەڵک چا وەختنە بێ دەنگێ با
۲۹- رۆوانە نیم سەعاتێوە لوە ڕارە
۳۰- ئینسانێوە سادە و خاکی بە و دوور بە جە وێ ئەرمانای
۳۱- حەجگیس سەروو چێوی حیچ و پووچی باس مەکەرە
۳۲- کتێبی عال سانە ، حەتتا ئەگەر نەوەنیچشۆ
۳۳- کەلیمێ "سپاس" و "بێ زەحمەت" ی فرە بە کار بەرە
۳۴- تاریفوو یەرێ کەسات هۆش نەشۆ:
ئەوەڵ ئەڎا و تاتەت
دووەم : خێزانەت
یەرۆم : رەفێقەکات
@karawawshamyany
🌸🍂🌸🍂🌸🍂🌸🍂🌸🍂🌸🍂🌸🍂🌸🍂🌸🍂🌸
وەشبەختی خەڵکی
جە وەشبەختی تۆ کەم مەکەرۆوە..
دەوڵەمەنیشا
رسقوو تۆ کەم مەکەرۆوە..
سێحەتوو خەڵکی حەجگیس
سڵامەتی تۆ جە بەین مەبەرۆ
وەختێ پاسەن ، دڵ فەراوان بە
و
ئاواتەواز بە پەی خەڵکی،
ئا چێوا کە ؛
ئاواتەشا وازی پەی وێت...
🌸🌹🌸
خوشبختی دیگران
از خوشبختی تو کم نمی‌کند
ثروت آنان
رزق تو را کم نمی‌کند
و صحت آنان هرگز
نمی‌گیرد سلامتی تو را
پس مهربان باش
و آرزو کن برای دیگران
آنچه را که
آرزو می‌کنی برای خودت...
🌸🍂🌸@karawawshamyany
🌸🍂🌸🍂🌸🍂🌸🍂🌸🍂🌸🍂🌸🍂🌸
🎤📚🎤📚🎤📚🎤📚🎤📚🎤📚
کتێبی دەنگی
ڕۆمانەو چنارەی
بەشوو 23
نویسەر:
کاکە ڕەزا بەهمەنی
وانایوە:
خاتوو کانیا سیافی
ــــــــــــــــــــــــــــــ 🎤📚
@karawawshamyany
💎چارلى چاپلین ماچۆ:
دماو فرێوە نەداری و بەوبەختی ، وەختێ یاوانی بە پووڵ و پلەو پایە و شۆرەتێوە فرەی؛
ئینەی فێر بیەنا کە:
بە پووڵ ؛
تاوی سەعاتە سانی ، وەلێ وەخت، نا..
تاوی مەقام سانی ، وەلێ ئێحترام، نا ..
تاوی کتێب سانی ، وەلێ زانایی، نا..
تاوی دەوا و دەرمان سانی ، وەلێ سڵامەتی، نا..
تاوی تەختوو وتەی سانی، وەلێ وەرمی رەحەت، نا..
تاوی قەلب سانی ، وەلێ وەشەویسی و ئێشق، نا..
ئەرزش و قیمەتوو ئینسانەکا بە داراییشا نیا،
بە "ماریفەت و زانشت " یشانە..
@karawawshamyany
#کەمێ_فکریەیمێنە
تا سواروو ئەسپوو خەڵکی بی ؛ حەر پیادەنی
تا ساڵەو ۱۹۶۵ یانێ وەڵێ شۆڕشەکەو مارتین لوترکینگ ی؛ ئەمریکانە یاسایێوە بێ بە نامێ جیم کروو ی؛ کە جە فرەو مەحاڵەکاو ئەمریکاینە بریێ ڕاوە ، بە پاو ئی قانوونی: سیاوپۆسەکا حەق و مافوو ئانەیشا نەبێ کە جە یاگە جەماوریەکانە پێسەو هۆتێلێ ، ئۆتووبووسە ، وانگا ، قاوەخانە و ڕستووران و ماباقی یاگەکا ئیستیفادە کەرا، چوون بۆنەو رەگەز پەرەسیوە ، چەرمە پۆسەکا وێشا بە هاوماڵ و هەم شانوو بۆرە پیای سیاوپۆسی نەزانێنێ و پەنەشا بەر وەرێ کە چەنیشا ئاماو لوای کەرا و حەر شارێوەنە بەعزێ یاگێشا پەی سیاوپۆسەکا جیا کەردێ بێنێوە ، تەنیا چا یاگا تاوێنێ ئیستیفادە کەرا..!!
پیایێوە پۆستەچی پەی ماوەو سی ساڵا کتێبێوە پەخشنێوە بە نامێ Green Bookی کە ئا یاگە جەماوەریا کە سیاوپۆسە کرۆڵەکا تاوێنێ دوور جە تن و تێژی ڕەگەز پەرەسە ناعینسانەکا چەنەشا ئیستیفادە کەرا نویسیێ بێنێ، فیلمێوەیچ سەر و ژیوای ڕاسەقینەی پیانیستێوە سیاوپۆسی چا سەردەمنە ، کە شارەزایێوە فرەش سەروو بەرهەمەکاو "بتهۆڤێن" و 'ڕۆبینیشتاین" و "شۆپێن" ی بێ وەش کریا بێ، ئا پیانیستی چڕێنێ پەی هۆڵە شکۆدارەکا و هۆتێلە ئەعیانیەکا و پەی چەرمە پۆسەکا پیانۆ ژەنێ، کە چێش حەر بە پاو یاسایە حەقش نەبێ تەنانەت جە ئاودەسوو ئا یاگا ئیستفادە کەرۆ ، واچێنێ لوە پاڵوو دیوارێ، بنەو درەختێ و قەراخێنە نیشەرە!!
هونەرەکەو کابرایشا گەرک بێ نەک وێش، ئاڎ دلێ بێگانانە پێسەو ئینسانێوە یاگێش نەبێ ، جە هەست و هونەر و داب و نەریتوو هام ڕەگەزەکاو وێچش بێگانە کەوتە بێ..
گرنگی کاروو مارتین لۆتێرکینگی ئانە بێ کە بە وتارێ و کردەوێ ئا جۆرە کەساشە یاونێنە ، تۆ کە ئاودەسخانێوەت پەنە ڕەوا مەوینا ، ئیتر شۆپێنوو چێشی؟ بێتهۆڤێنوو چێشی؟
وەڵێ گر کارێنە ئا فکری کە وێشا جە چەرمەکا بە کەمتەر زانا دلێ مەغزیشانە شتۆ و واتش یەکسانی و بەرابەری ئینسانەکا ئەوەڵ قانوونوو ئینسانیەتین..
قەی مەکەرۆ کەلتوور و هونەروو ماباقی خەڵەکی شناسدێ،وەلێ ئەشۆ وەڵێنە وێتا بشناسدێ.
لۆترکینگ پی جۆرە قانوونوو جیم کرۆیش هۆرڕووشکناوە ، هەرچن گیانی شیرینش چی رایێنە نیارە و بەختش کەرد.
فرێوە جە خوێنەوار و شاعێر و نووسەر و هونەرمەندێ ئێمە ، نیەنێ خزمەتوو کەلتوور و هونەروو وێمانە و یانە هامسای ئاوەڎان کەراوە.
تەنیا پێسە نموونێووە جە هەزارانی :
نەمر یاشارکەماڵ جە واتەوپەرسایێوەنە جە بارەو شاکارەکەیش "ئینجە مەمەد" پەرساشا چەنە تۆ چەنی تاوات کاراکترێوە ئەپا موهێم و گەورەیە خوڵقنی؟ ماچۆ نەخۆڵقنانم وێم بە چەموو وێم دیەنم ، لالۆی حەقوو وێم بێ کە دژ بە عەسکەر و ژاندارمەکا هۆرئێستەبێوە.
من تەنیا نامەکێش کەردەم بە تورکی!
تەماشاو ئی هەڕ بەسەری ئێمە کەردێ : چیرۆکوو ژیوای کوردێوە دژ بە زاڵمی ، بە تورکی نووسیش و بی بە کاندیدوو خەڵاتوو نۆبێلی ئەدەبی پەی ئایشا. بەڵام وەختێ یاشار کەماڵ پێسەو کوردێوە باسوو زڵم و زۆر وەنە کریای گەل و هۆزەکەو وێش کەردش ، چنەها جارێ تووشوو زیندان و ئاوارەیی و چەرمە سەری بی..!!
ئێمەی کورد چوونکەی بە فکر و ویری کوردی پەروەردێ نەکریێنمێ ، باوڕما بە وێما نیا ، شارەزاو زوان و کەلتوور و ئەدەب و نەتەوەکەو وێما نیەنمێ.
وەختێ باسوو بێ خەبەری و نەزانی جە زوان و هونەری کوردی و عەلاقەیما بە فەرهەنگوو بێگانەیوە کریۆ ، ماچمێ جە نەزەرەو ئێمەنە هونەر مەرز مەشناسۆ و چێوە وەشەکا بە حەر زوانێ با پەی ئێمە وەشێنێ وجیاوازیشا نیا و .. خۆ دیارا ئی قسێ پەی خوا پەنە دایا ڕاسەنە وەلێم تۆ خەریکنی وێت هۆش مشۆوە ، جە وێت بێگانە بیەنی ، کەلتوور و هونەروو وێت خەریکا جە بەین مشۆ ، تۆ حیچ هەوڵێوەش پەی مەدەی..
شناسای ئەدەب و هونەروو ملەتەکا نەک خەراب نیا فرەیچ لازما، وەلێ چایشا خاستەر ئەشۆ زوان و ئەدەب و کەلتوورەکەو وێت شناسی.
مامۆسا نالی ئەگەر دەسەڵاتش نەبیابێ سەروو زوانەکا تەریرە شێعرەش ئنە قووەتە نەبێ.مامۆسا مەولەوی شێعرەو شاعێرە فارسەکاش ئنە وەش کەردێنەوە هەورامی پیا سەرەش سڕ مەنۆ..
خزمەتوو بێگانەی و جە وێ نامۆ بیەی چارەو دەردێ نیا، وێش دەردەکێنە، کوردی وێ بەکەم زان ئەشۆ ئانەی زانۆ پاڵشاو جەحەنموو وێت بی خاستەرا تا کڵفەت و نۆکەروو بەهەشتوو خەڵکی بی..
عیسا ئەحمەدی/ ساحێب حەبیبی
@karawawshamyany
📚🎤
کتێبی دەنگی
ڕۆمانەو چنارەی
بەشوو 20
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــ 🎤📚
@karawawshamyany
📚🎤
کتێبی دەنگی
ڕۆمانەو چنارەی
بەشوو 19
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــ 🎤📚
@karawawshamyany
سالی کە گذشت؛
سالی دیگر گذشت و سال ۱۴۰۳ به پایان رسید و همه ی ما یک سال دیگر بزرگ شدیم ، یک سال از عمرمان کوتاه شد، یک سال پخته تر شدیم.
در این سالی که گذشت، روستای ما هم کراباد ، همچون دیگر جاهای دنیا ، روزهای خوب و بدی داشت، بعضی از ما دچار مصیبت و مشکلات شدیم و تعدادی مشکلات زندگی خود را حل نمودند، تا بوده چنین بوده ، عده ای در آسایش و تعدادی درگیر مشکلات؛قانون طبیعت اینچنین است.
مهم این است که ما از این پیشامدها درس بگیریم و در جهت رسیدن به مقصود تلاش کنیم و به یاری و کمک همنوعان خود بشتاببم ، چون خودمان هم دائم در محک امتحانیم.
در این سالی کە گذشت ،چند نفر از عزیزانمان را از دست دادیم و عزادار آن ها شدیم و خوشبختانە با همدلی و مهربانی دیگر اهالی از بار غم و غصه ی این خانواده ها کاسته شد.
در روزهای پایانی فروردین ماه روستای کراباد سه نفر از عزیزانش را از دست داد.
در ۲۷م فروردین ماه ، مرحومه #عایشه_عبدی ، همسر کاک ابراهیم عزیزی ، مادری مهربان و دلسوز پس از یک دوره بیماری به لقای حق شتافت و خانواده و اقوام و اطرافیانش را داغدار کرد.
در ۲۸م فروردین ماه مرحوم #عبدالله_میرزایی (عەودەو دێدە سراعیێ) ، مردی متین و صبور و بی آلایش دیده از دنیا فرو بست و در اتفاقی عجیب در روز ۳۱م فروردین ماه مرحومه #حمیراخلاقی ، همسر وفادارش طاقت این دوری را نیاورد و به شریک زندگیش، شوهر مهربانش ملحق شد و نمونه ای زیبا از عشق و وفاداری را در برابر دیدگان ما ظاهر نمودند.
در ۱۲م خرداد ماه هم یکی دیگر از عزیزانمان ، مرحوم #حسن_عزیزی ، آخرین بازمانده از فرزندان مرحوم (قەیخا شەریف) دعوت حق را لبیگ گفت و بە خواهر و برادران کوچ کردە اش پیوست.
نابستان ۱۴۰۳ یکی از بدیمن ترین تابستان های گذشته بوده است ، در این ماه سه جوان عزیز ، روستای کراباد را در ماتم و عزا فرو بردند،
در ۱۸م تیر ماه مرحوم #شهرام_بیات فرزند کاک کریم ، مردی پرتلاش و با اخلاق در یک تصادف در جاده ی جدید سنندج ، مریوان جان به جان آفرین تسلیم کرد.
در ۲۳م شهریور ماه مرحوم #انوشیروان_اسدی ، فرزند کاک فایق ، بر اثر تصادف در بەرووڵ فوت نمود و همچنین چهار روز بعد در ۲۷م شهریور ماە پسر عموی وی هم ، مرحوم #سیاوش_اسدی همراه با پسر خاله اش ، اهل روستای دگاگا ، در تصادفی در نزدیکی خانقاه رزاب ، جان عزیزش را از دست داد و اطرافیانش بخصوص مادر زحمت کش و رنجدیده اش را داغدار نمود.
در ۱۴ دی ماه هم مرحوم #فرج_میرزایی پس از یک عمل ناموفق در تهران به تنها برادرش پیوست و خانواده و اقوامش را عزادار نمود.
در ۱۱ بهمن ماه مرحومه #شکوفه_رحیمی ، فرزند (قەیخا حەماییز)، مادری مهربان و رنجدیدە دعوت حق را لبیک گفت و خانوادە اش را داغدار نمود.
در ۲۰ بهمن ماە مرحوم #محمدرشیدفدایی ، بزرگمرد کراباد ، یکی از آخرین نسل پیرمردان روستا پس از یک قرن عمر با عزت و خدمت بە همنوعان بە عنوان دندانساز تجربی وفات یافت.
در ۵ اسفندماە هم ، مرحومە #شهین_مرادی ، همسر آقای توفیق عبدی پس از یک دوره بیماری بە لقای حق شتافت و اطرافیانش را داغدار نمود.
خدا همه ی این عزیزان را بیامرزد و به خانواده هایشان صبر جمیل همراه با عمر با عزت عطا نماید.
از خوبی های این سال هم ، همت بزرگ و جانانه اهالی کراباد ، جهت ساختن ساختمانی برای مراسم تعزیه و ترحیم ویژه ی بانوان عزیز بود که در کنار مسجد روستا احداث شد .
با این کار یک بار دیگر مردم کراباد ، اتحاد و همدلی و مهربانی خود را جهت عمران و آبادانی زادگاهشان به نمایش گذاشتند و ثابت کردند که با وجود داشتن مشکلات اقتصادی و رنج های زندگی، با گذشتن از مال و جان خویش در پی آبادانی روستای خود هستند.
امید است که این اتحاد و یکدلی در میان اهالی برای همیشه پابرجا بماند.
و
امروز هم سال ۱۴۰۴ را شروع می کنیم ، به امید زندگی ، رفاه ، آسایش ، آرامش ، برادری ، مهربانی ، سلامتی ، طول عمر ، موفقیت ، کامرانی ، سربلندی ، افتخار و.... بیشتر ، برای همه ی اهالی #کەڕاوا
@karawawshamyany
📚🎤
کتێبی دەنگی
ڕۆمانەو چنارەی
بەشوو 17
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــ 🎤📚
کتێب سەرچەمەو ئاگاهین
@karawawshamyany
#خەیاڵێوە_پەی_وەهاروو_دەگای
خشەخشێوە مێ گوشێمرە، بوێ وەشەش ئینا چەنی ، هەر پێسەو ئا مێخەکا کە کاروانچیەکا، باروو گەنما کەرێنێ!
قیژەقیژوو و جیکەجیکو سەیرە و مریچڵەکاو "وەزەکۆرێ" پێسەو لایە لایەو ئەڎایم تاونامۆ..
تەقەو دەنووکوو حاجی لەق لەقەکاو قەراخوو ڕۆخانەی چڵەکنامارە، دەنگێوە نەرم و نیان ، پێسەو شنەو سەرساعبێ دڵیم باوەشێن کەرۆ؛ گۆرانی واچە دەنگەوەشەکەو 'کەڕاوای"م مێوە هۆش و گۆرانیەو "عەزیزە گیان ێ..."
ئاوێوە چیێ و دڵ فێنک کەرە جە "هانەسەرانە"وە دەس کەرۆ هۆرپڕای ، پێسە واچی جە سەرچەمەو وەشەویسیوە هۆرقوڵتیۆ و زاخاوەو دڵ و ڕۆحیما مۆ..
شنێوە وەروین جە بەرزایی "ساملەیوە" سەرە وار مێ ، تەماموو لەشیم گێرۆرە و ڕووبە ئاسۆو دماڕوێوە نادیار و نەشناسیای هانم مۆ..
گەڵاو دار شێڵانەکاو باخوو"لالۆ هەواسی" یەواش یەواش وێشا جە کاژە وەروێوە بێ تینێ وزا جبەر، پێسەو کەسێوە وەرمنە چڵەکیابۆرە و دمایین باوشکەکاش مۆ دەموو وایوە و بانگەوازوو خەبەر بیەیوەو درەختەکاو "کاوەبلچینێ" یاونۆ گۆشوو دڵدارەکاو دەگای..
گنوووە هۆشو رۆخانەکەو "کەڕاوای" چەنی بە زۆر وەرگەو ئاگردە ئاوێ گێرۆ ، کە وهار بە سۆقات کیاستێنەش پەی سێراو کەردەی و کوشنایوەو کڵپەو تەژنەیی"دەشتا و خەسرەوەی".
چووزە گەڵامێوەکاو "نەیجەڵانی" پێسە دەروێشاو زووی ، دەسەو دۆعانێ پەی شایی و خەم بەرکەردەی ئا کناچا کە چەمە ڕاو دەزگیرانیشانێ تارانۆ بێوە..
ئااااای چنە ژەنی پاک و ئەسڵ زاڎێم مەیاوە وەرە چەما ، کە دامنە دامنە ولەگڵاوی سوورێ و ولە زەردی کەرا گوڵاو و پەی خەڵاتی و دلێ سەوقاتیلانە کێشاشا دار ، بەشکەم با بە شەفاو زام و ئازارە کاما..
"مەڵا ئیسماییل"ی ڕەحمەتی دلێ مێحرابەکەینە چەمش بڕیەن قورئانە خەت زەردە قەدیمیەکەی کە هەمیشە پێچیان پارچێوە سەوزیوە و هەزار خەتمێش کەردێنێ نزا و لاڵیایوە و پژگنێنێش ئاسمانرە، بەشکەم وەهار پێسەو دەورانوو زووی فیسای جە واران و وەشتی فرەی بۆ و ئاوی تازێ کەرۆ دیاری پەی "سنجێڵێ" و "دۆڵا"و "باخوو میرای" تا "تەختەگلێرەی."
جە حاڵێنە باقە باقە هەزبەکویلێم ڕنیێنەوەو تایێ گەورەم چەنە پەڕ کەردێنە ، مەزانوو چەنی ئی خاترە وەش و پەر هەستامە لاوە مەنێنێ..
مەزانوو..
مەزانوو..
وەروو وێمرە ماچوو بەشکەم ئینیشا گرد موژدێوە با پەی ئامای وەهاری و زیننە بیەیوەو کۆڕوو زیکروو دەروێشەکاو"خەڵیفە ئیبراهیموو نسڵ" ی ، پێسەو پەڵە وارانێوە هەمیسان دڵەکاما کەرۆوە و چەمەکاما پەڕ کەرۆ جە شەرابی و لچەکاما وزۆ فچەفچ پەی هەناسێوە گەرمی و باوشێوە خواییێ..
حەر ساڵەهای ساڵ چێوەڵ تا ئا ڕوە هەلچی هۆرتەقا ، تا سەرهۆردای لەشکەروو گەڵا بیکۆڵەکاو "گۆمەو سەروازا" و شنەو حەزی ، کۆڕوو زەماوەنێ بەسمێ و بلمێ پەی دەس ماچ کەردەی خوای، بەشکەم ڕیشەو قار و قین وکینەی بار کەرۆ لامانە..
بەشکەم هەورێوە ئاوس ، دەس کەرۆ بە زیکر و تەلیلەی پەی وارانێوە جە هامدڵی و وەشەویسی!
پەی سەربەستی کوردەواری!!
@karawawshamyany
🍂 #کەڕاواوشامیانی 🍂
#هۆ_وەتەن!
✍شێعره:
#ژوان_ڕه‌حیمی
🎙ده‌نگ:
#ئه‌مین_ڕه‌حیمی
🎼ڕێک‌وسته‌ی:
#ئێدریس_ڕه‌حیمی
هۆ وەتەن!
تاقە شادٚی بەخشوو ڕۆحە ماتەکاما، هۆ وەتەن!
بژنەوە جارێو سکاڵا و واتەکاما، هۆ وەتەن!
چرکەکێ وێڵێنێ چێگە، وەش وڵاونانما زەمان
گۆش دە ناڵەی نابەوەختوو ساتەکاما، هۆ وەتەن!
ئێمە دڵما دا بەڵێنیو دارە پیرەو سەرکەشات
چی تەوەر نیشۆنە سینەو شاتەکاما، هۆ وەتەن!؟
نا، نەواچی؛ کە پێرۆزتەرنی جە نانوو وێرەگای
بدٚیە پەنجەی پینە بیناو تاتەکاما، هۆ وەتەن!
ئێمە پاخروا لوایمێ سەرچەمێ و دۆڵێت، بەڵام
ئیسە چەینا چەم بڕینە باتەکاما هۆ وەتەن!؟
ڕۆڵێ سادٚێ و بێ ڕیانمێ، ئاشقێ خاک و خوڵیت
تۆ بە باوشێ کای مەفاڕۆ زاتەکاما، هۆ وەتەن!
🍂
🍃🍂 @Karawawshamyany
🍂🍃🍂
🍃🍂🍃🍂🍂🍃🍂🍂🍃
تەقەڵە
خاتوو گۆنا ڕاهپەیما
@karawawshamyany
#حەکیەتێوە_ڕاسەقینێ
ساڵەو ۱۹۳۷ی جە وەڵاتوو ئێنگلیسی ، کێ بەرکێ تۆپانێ بەین تیمەکاو چلسی و چارلتون ی بۆنەو پیسی فرەتر جە ئەنازەو کەش و هەوایوە جە دەیەقەو ۶۰ ینە مردناشا، وەلێ سام بارترام ، گوڵچی چارلتون ی ۲۰ دەیەقێ دماو مرداو گەمەکەی هێشتای دەروازەکەنە نەجما بێ ! بە هۆ شلۆقی و دەنگ و هۆڕی فرەی، دەنگوو فێقەو داوەرەکەیش نەژنەوتێ بێ..
ئی پیا بە دەسێ وەڵاوێ و هەستیارانەو هەواسی جەم دەروازەکەنە مەنەبێوە و بە وردی تەماشاو وەرەدەمیش کەرێ ، وەروو وێشرە خەریک بێ نگابانی دێ نەکای تیموو حەریفی ناغافڵ شووتە کەرا..
دماو بیس دەیەقا پولیسوو وەرزشگای یاوا لاش و خەبەروو لەغوو بیەی ئی کێبەرکێش پەنە دا، سام بارترام ، هەناسێوە قووڵش هۆرکێشت و واتش: چنە سەخت و خەمناکا ، کە ڕەفێقەکام هۆششا نەبیەن لاو منۆ ، جە حاڵێنە من خەریک بێنا جە دەروازەو ئایشا پاسەوانی کەرێنا.
تەماموو ئی مەودایە من ئەجیێم ئێمە خەریکوو هەڵمەت بەردەینمێ و تیموو حەریفی نەتاوانش نزیکما گنۆوە....
جە مێڎان ژیوایچنە کەسانێ فرێما چەم پەنە گنا کە جە دەروازەیشا بە خیرەت و هیمەتی بەرزۆ پازداری کەرمێ وەلێم ،چەنی تێک شیەی کەش و هەوای(فاڕ و گۆڕ جە ڕەوتمانە) ، حەر چا ئەوەڵوو کاریوە وەفاشا نیەنە ، مێڎانی هاڵی کەرا و ئێمەی بە تەنیا مازا جیا..
ئازیزا هۆشما ئا دەروازەبان و گوڵچیا بۆ کە جە ژیوایمانە دەور و نەخششا هەن..
@karawawshamyany
📚🎤
کتێبی دەنگی
ڕۆمانەو چنارەی
بەشوو 12
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــــــ 🎤📚
چەنێ هەر لا پەریوەو ئی کتێیبیە ، وێت دلێ ئاوینەو مێژووینە وینە .
@karawawshamyany
ماچا وانیارێوە سەروو کەلاسوو ریازیوە وەرمش پۆرە کەوتە بێ.
وەختێ زەنگشا دانە هایش بیوە ، پەلەپەل دوێ مەسەلێ کە سەروو تەختەسیاوەکەیوە نووسیێ بێنێ یادداشتش کەردێ بە خەیاڵوو ئانەیوە ئۆستاد ئینیشاش دێنێ پەی مەشقێ یانەی ، ئا ڕوە و شەوەکێچش یەکسرە فکرێشا چەنە کەرێوە ، گردوو ئا حەفتەیە خجڵیا حەل کەردەیشاوە ، ئاخرش یوەشا حەلش کەردە و بەردەشۆ پەی ئۆستادی..
موعەلموو ریازیەکەیشا یەکدافعە سەرش سڕمەنا ، چوونکەی ئانیشا دوێ مەسەلێ غەیرە قابل حەلوو ریازی بێنێ کە حیچ ڕیازی زانێوە سەرەش چەنە بەر نەکەردێ بێنێ..
ئەگەر ئی وانیارە ئی بەحسشە زانا بیایێ کە ئی مەسەلا حەل نەکریێنێ ، حیچ وەخت وێش نەماننێ چەنەشا، بەڵام چوونکەی تەڵقینیش نەکەردێ بێ بە وێش کە ئی مەسەلا غەیر قابل حەلێنێ، بە پێچەوانە پاسە فکر کەرێوە کە ئەشۆ حەتمەن ئی مەسەلا حەل کەرۆ بەرۆشاوە پەی ئۆستادی پینەی نمرە گێرۆ، عاقببەت تاواش ڕاەحەلێوە پەی مەسەلەکێ بێزۆوە و پی جۆرە خزمەتێوە گەورە کەرۆ بە عیلموو ڕیازی..
ئی وانیارە کەسێ نەبێ بێجەگم جە ،ئاڵبێرت ئەنشتەین ی
«حەل نەبیەی فرێوە جە گیرووگرفتەکاو ژیوایما ، پێوەنی راسەقینەشا بە فکر و وێرو باوڕوو وێماوە هەن»
@karawawshamyany
لطفا در حد توان کمک کنید و به اشتراک بگزارید ، خانم زلیخا محمدی اهل روستای آریان بخش هورامان ژاورود چند سالی هست که هر دو کلیه خود را از دست داده است و باید خیلی زود پیونه کلیه انجام بدهد ، هزینه کامل برای پیوند کلیه ۷۰۰ میلیون میباشد از تمام مردم شریف ایران و بخصوص کوردواری و هورامان تقاظامندیم در حد توان به این خانواده فقیر کمک بکنید
5859_8311_2609_1585
IR19018000000014914901552
به اسم زلیخا محمدی
اجرتون با خدا🤲
@dangohoramani
⚜💦⚜💦⚜💦⚜💦⚜💦⚜💦⚜💦⚜💦⚜
#تا_پەیما_کریۆ_قسێ_کەمێ_کەرمێ
بێ دەنگی نۆعێ زیکرا
فرەو هێز و تەوانیتا جە راو دەمیتاوە جە دەس مەیدێ.
بە قسێ حیچ و پووچێ ، قسەوەش کەردەی پەی خەڵکی ، شایێعه سازنای ، ئێراڎ گێرتەی ، بۆڵنای ملوو ئێڎ و ئەویرە ، پەشتەسەرە قسە کەردەی و...
خەڵک، قەڎروو هێز و توانایشا مەزانا..
قسێ گولێ و بێ یاگێ ، یۆی ڕەنجنا و دڵ مێشنا
هەرچن وزیچشا باروو شۆخیرە..
و
قسێ وەشێ ، خەم و خەفەت لابەرا
و ئینسانی دڵوەش کەرا
هەر چن جە ڕوەو تەعارفیچۆ با..
سەعیە کەرە
پەی زوانیت ؛ نگابانێوە بنیەرە
با واچێ عالێ هۆرچنۆ پەی قسە کەردەیت..❤️
@karawawshamyany
🌺 وا دابنێ ئێستا ساڵی 1433 ــە...🌺
ئێمە ئەوکاتە پیرەمێرد یان پیرەژنێکی بێ تاقەت دەبین،
دەرمانەکانمان دابەش دەبن بەسەر 3 دەستە،
دوای نانی بەیانی ونیوەڕۆ وئێوارە مناڵەکانمان چیتر لە مالەوە نین وچونەتە سەر ژیانی خۆیان.
لە هەموو ئاواتەکانی لاوەتیمان تەنیا چەن
ئەی خوزگە یەک دەمێنێتەوە و ژیان کورت دەبێتەوە لە وێنەێکدا که هەندێک جار سەیرێکیان دەکەین وبیرەوەرییەکانیان لە بەردەم چاوکزبووە کانماندا تێدەپەڕن.
چیتر داێک وباۆک نین تا لە کۆتایی هەفتە میوانیان بین یان بانگهێشتی نانی ئێوارەمان بکەن.
ماڵی باوکمان، ماوەیەکە فرۆشراوە.پورێک کە دەمان وێست ساڵی جارێک سەردانی بکەین، ماوەیەک کۆچی دوایی کردووە.
پاسکیلی منداڵی کوڕ یان کچەزاکەمان کە بڕیار بوو
جارێک بۆپاسکیل سواری بیبەینە پارک، لە گۆشەی دیواری حەوشەکەدا
کونج کراوە.......
دڵتەنگ کەرە ئەگەر لە تەمەنی پیریدا
بمێنینەوە
وکۆمەڵێک کاری زۆر هەن کە دڵمان ئەیەوێت ئەنجامیان بدەین بەڵام مخابن کە
چیتر ناتوانین.
باشە، بگەڕێینەوە بۆ ساڵی 1404.
هێشتا ئەو 30 ساڵە نەهاتووە و دەرفەتمان هەیە، بەڵام نازانین ئەو کاتەی کە ماوە کەی تەواو دەبێت.
کەواتە لە ئمڕۆوە:
ــ هیچ کاتێک لە خۆشەویستی بۆ هاوسەرەکانمان پاشگەز نەبینەوە و شەرم نەکەین. ڕۆژیک دێت یان ئێمە نامێنین یان ئەو.
- هێچ کاتێک ڕێگە نەدەین ئارەزوو و ویستەکانی منداڵەکانمان پێشێل بکرێن. ئەو گەورە دەبێت وچیتر دەرفەت نابێت بۆ قەرەبوو کردنەوە.
- ئەگەر هاوڕێمان بۆ یادی لەداێکبوونی بانگهێشتی کردین، ئەوا حەتمەن بڕۆین. ڕەنگە چیتر دەرفەتی ئەوە نەبێت دووبارە ئاهەنگ بگێرێت.
- هەرگیز لەبەر ناکۆکی بێ بەها خێزانەکان، پەیوەندی خۆمان لەگەڵ منداڵ یان داێک وباوکمان نەپچڕێنین. زۆر جار تەلەفۆنەکە لە کاتێکی خراپدا زەنگ دەدات وداغێکی گەورە لە دڵماندا به جێ دەهێڵێت.
- دەرگای ماڵمان هەمێشە واڵا بکەین وسفرەمان هەمێشە راخراو بێت.
ڕۆژێک دێت کە ماڵەوە چۆڵ خاپوور دەبێت،
ئەوەندە بێتاقەت دەبین تەنانەت سفرەیەکیشمان لەبەر دەستدا نابێت.
ئەگەر حەزمان لە گەشتێکە، بابڕۆین!
میوانی بگرین.
میوان بین.
بگرێین.
پێبکەنین.
بڕۆین بۆ سینەما.
گۆرانی بڵێین.
بفرۆشین.
خۆشەویستی ببەخشین.
وەرزش بکەین.
نیگار بکێشین.
کتێب بخوێنینەوە.
بخوێنین.
هەر کارێک لە کاتی خۆیدا پێویستە ئەنجام بدرێت، بائەنجامی بدەین.
دنیا هیچ بەهایەکی نییە، هیچ بەندێکیشی نییە.
هێواش هێواش بینایی چاوت توانای نامێنێت،
شیرینی زمانت،
جوانی ڕوخسارت،
دەفەوتێت.
هیچ کەس چاودێری ئێمە ناکات، تەنها خۆمان نەبێت.
با پێبکەنین و ژیان لە هەموو بارودۆخێکدا چێژی لێ ببینین.
بایەخی یەکترمان هەبێت.
شاد بین و فێر بین کە پێکەنین وشادی
لە یەکتر دەربار نەدەین.
خوایە هەموومان عاقیبەت بەخێربین.
وەرگێڕ: وێران
@karawawshamyany
📚🎤
کتێبی دەنگی
ڕۆمانەو چنارەی
بەشوو 22
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــــــ 🎤📚
@karawawshamyany
📚🎤
کتێبی دەنگی
ڕۆمانەو چنارەی
بەشوو 21
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــــ 🎤📚
@karawawshamyany
#هەڕاجەبازاڕووئینسانیەتی
ساعبێ زوو چەنی ئەلەکەوبەیانی ، گردوو شاری وەروو بەرەو عەمارەتانە چەمە ڕایێ بێنێ.
ئاماو ئی خەڵکی بە بۆنەو وەڵاو بیەیوەو ئاگاڎاریێوە بێ کە هیزیکە دلێ شارینە یاوابێ دەسشا، چەنەش نویسیا بێ : «هامڕایاو و هام ویرا ؛ بە بۆنەو تازەکەردەیوەو ئامڕاز و کەرستەی تازەی ، سەرجەم کەلووپەلوو دلێ ئی عەمارەتی بە نرخێوە هەرزانە پێشکەشوو دۆسا و ڕەفێقا کریۆ.»
نزیکوو سەعات نۆ ساعبێ شەیتان بەرەو عەمارەتێش کەردۆ، دلێ حەوش و حەسارکەینە چن دانێوە تەونی زلێ نریێ بێنێرە.
ماچۆ : ئینیشا تایبەت بە ڕاو شۆنوو گەورە پیایانێ کە بە ئاواتەو دڵیشا نەیاوا و خەڵکیچ نەگنۆ شۆنیشا..
دڵێ داڵانەو عەمارەتینە چن دانێوە جامێ بەرزە باڵایێ نریێ بێنێرە، تایبەت بە ئینسانە نامە زلە و دەرەی وێرانەکا، کە بیا جامەکارە و وا بشۆنە چێروو باڵاشا و وێشا بە شا پیا زانا ، پێسە زانا، ئەگەر ئایشا نەبا کومەڵگا لاروو سەنگ مردۆ و تەوەنی سەروو تەوەنێوە بەنە مەبۆ..
حەر ئۆتاقێنە چن دانێوە رادیۆ و تەلەفزیۆنێشا نیێبێنێرە ، پینەی مەغزوو خەڵکی شۆراوە و درۆ دەلەسە تەپنانە کەلێشا و نازا هۆش و ویرشا چووزە و چەکەرە کەرۆ..
چنەها نۆعێ عەینەکێشا نیێبێنێرە تایبەت بە کەسانێ بێ بنەرەت و بێ عەسڵ و نەسەبی کە تاقمەو هەژاروو فەقیری بە چەمی سووک و ترۆ تەماشا کەرا و پێسە زانا، کە خەڵک بە گجیە کۆنەو ئایشا گەورە بیەن..
چنەها نۆعێ خنجەرێشا هۆرکێشتێ بێنێ دیواررە پەی حیزە فێڵیا و شانای جە پەشتەی سەریوە..
پۆسۆ مەیێش چەنە بێ ، پەر بە باڵاو وەرگی و....
ئۆتاقێوە جیاوازنە، دوێ چێوێ فرە قەڎیمیێ نریێ بێنێرە، وەلێ سەرشاوە نویسیا بێ پەی ورەتەی مەبا ، هەر چن کۆنێ و شەق و شرێ بێنێ وەلێم شەیتان حازر نەبێ سەرشا مامەڵە کەرۆ بە هیچ قیمەتێ نەورەشێشا ، واچێ جە ویەردەو دەورانینە خەڵکێ فرەم پی دوە وەسیلەیە خڵەتنان و جە کارو و هەرمانێم وستێنێ ؛
یۆشا بێ متمانەیی خەڵکین نسبەت بە یۆترینی
و
ئەویچشا وێ بە کەم زاناین..
پائولو کویلو، برازیلیا/ موسی نامی
وانەری وەشەسیا؛
ئینسانوو ئارۆی پاسە بار ئامان کە جیاتی ئانەی خزمەتوو کۆمەڵگاینە بۆ ، تەماکارا کۆمەڵگا و جەماوەر خزمەتوو ئاڎینە بۆ. حەرکەسێ میەی وێش بە گەورە زانۆ ، پەوکی ڕاو و شۆنوو گەورە پبایا خەریکا کۆرە بۆوە..
فرێوە هەنێ یاگەو جاگەو وێشا مەشناسا ، بە هۆ دەوڵەمەنی یا پلەو پایەیوە ، بە چەمی سووک تەماشاو خەڵکی کەرا..
مێدیا و رۆزنامەکایچ ، جە ویری قووڵ و فکرباینەو خەڵکی وەرگیری کەرا و داواکاری و دڵوازی جەماوەری واڕا..
بیەی وەرگەکا جە پۆسوو مەیێنە ، متمانیش دلێ خەڵکینە ناستێنە، حەر زووەلایچا زامێوە قووڵ کوردش کەلەلا کەردەن ؛ ناشوکری نەبۆ کورد پی زوانە بە هێز و پاراو و دەوڵەمەنەوە، پا گردە ویردە دێربنە وە ، پی کەلتوور و جل و بەرگ و هونەر و رەسەنایەتیوە ، هێشتای وێش بە کەم تەماشا کەرۆ و متمانیش نیەنە بە وێش..
ئی دەردا حەر یۆشا لایێوە کۆمەڵگاش تووشوو وڕایرە و وێرانی کەردەن و هەتا مێ ،وەزعوو حاڵما خراب تەر بۆ...
پەی ئانەی ئێمەی ئینسان جە ماناو ڕاسەقینەو وێما دوورێ نەگنمێوە ، فرە موحتاجوو فکرێوە تازەی و هۆرگێرتەی هەنگام و هەڵوێستێوە ژیرانەینمێ ، ئانا ئا لافاوێ مەعلووم نیا ڕوو بە کۆگەیما بەرۆ!!!
📚🎤
کتێبی دەنگی
ڕۆمانەو چنارەی
بەشوو 18
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــ 🎤📚
@karawawshamyany
😍😍😍😍😍😍😍😍
وەهــــــــــــــــــــــــــاروو🌼
وەنەوشـــــــــــــــــــــــەو🌼
وەتـــــــــــــــــــــــــــــــەن🌼
یەکوو نەورۆزمانگوو 2725 کوردی
......کــــــــــەڕاوا
...کامێرا پەیمانەکەی خەم
👇👇👇👇👇👇
@karawawshamyany
ئاماوە وەهار وەهاری شاد٘ی بووی عەترو نەسیم غنچەو ئازادی نەوڕۆزتا پیرۆز هەر ڕۆتا نەورۆز 🔥🔥🔥🔥
🔥🔥
@karawawshamyany
📚🎤
کتێبی دەنگی
ڕۆمانەو چنارەی
بەشوو 16
نویسەر:
کاکە ڕەزا بەهمەنی
وانایوە:
خاتوو کانیا سیا
ــــــــــــــــــــــــــ 🎤📚
تەنیا کتێبا کە مانۆ ، وەختی با ئەرزشوو ویما پێش تەرخان کەرمێ ڕۆی نێم سەعات .
@karawawshamyany
📚🎤
کتێبی دەنگی
ڕۆمانەو چنارەی
بەشوو 15
نویسەر:
کاکە ڕەزا بەهمەنی
وانایوە:
خاتوو کانیا سیافی
ــــــــــــــــــــــــــــــــ 🎤📚
گوش دای بە زوانوو ویت پێسەنە ڕیز گرتەی
چا کەلتوورەیە کە تۆش وەش کەردەن .
@karawawshamyany
📚🎤
کتێبی دەنگی
ڕۆمانەو چنارەی
بەشوو 14
نویسەر:
کاکە ڕەزا بەهمەنی
وانایوە:
خاتوو کانیا سیاف
ــــــــــــــــــــــــــــــ 🎤📚
مەعرێفەی گەنجینەیەکە هیچ دزێکی نییە. ئەمشەو پشکی خۆت بەدەست بێنە !
@karawawshamyany
📚🎤
کتێبی دەنگی
ڕۆمانەو چنارەی
بەشوو 13
نویسەر:
کاکە ڕەزا بەهمەنی
وانایوە:
خاتوو کانیا سیافی
ـــــــــــــــــــــــــــــــ 🎤📚
کتێب عالتەرین ڕەفیقا پەی تەنیایی
@karawawshamyany
۲۵و سیاوکاموو ساڵەو ۶۷ ی، رۆ کیمیاوارانەکەو هەڵبجەی ، ۳۷ ساڵێش چەنە گوزەریا ..
ئێمەی کورد هەرگیز ئی قەڵاچۆما هۆش مشۆوە..
هەڵەبجەکەم
وێرەگا بێ و ئاسمان تن
دلێو شاری، نیمە ڕۆشن
وەهار بێ، دەوروو بڵبڵا
عانوو لەنجەو سوورەگوڵا
واڐەو چووزەو گەڵاو شادی
هەراڵەو داروو ئازادی
بەڵێ سەوز بێ، کەشوو سارا
بەڵێ وەش بێ، دڵوو یارا
وەلێ ئا وێرەگاو شاری
نەڐێ ڕەنگوو بۆو وەهاری
واچینی عانوو پاییزین
چۆڵیو هەواروو ئازیزین
مریچێڵێ سەروو چڵا
وستەبێشرە نەهەو دڵا
هەورێ ئەجیێ تەرسێنێ پۆخت
مەردێ بێنێ سیاو و سۆخت
سەروو کەلا، سوور بیەبێ
یا ڕەببی چێشش دیەبێ
کۆڵانێنە، زاوڵێ وردێ
پاکێ، بەچکە شێرێ کوردێ
واتشا تاکەی بێمێ وێڵێ?
بێدێ سەبا بلمێ کێڵێ
بە ویری پاکی وێشانە
دنیاشا کەردە کێشانە
لێوەتەرۆ دوێ کناچێ
یوەشا، پەوێشا واچێ
کنا،سەبا هەوا وەشا
نەلمێ سەیرانوو ئا کەشا?
تا وێرەگا وەش ویارمێ
شنگو هاڵەکۆکێچ بارمێ
بەرز و نزم گەرم وچیا
جوان و پیر ژەن و پیا
هەر یۆ قەوڵ و قەرارێ دێ
واڐەو سەیرو دیارێ دێ
نەزانێنێ هەقشا وریان
قەرارێ تەرشا پەی دریان
عانێ کە ڕۆ واڐەش سەرشی
کە ڕۆجیار گێمانەش بەر شی
شەوە ئاما سیاوپۆشە
ئازیەت بارەو دڵ بە جۆشە
ڕەنگەش پڕا مانگە شەوە
بی هەرسی هەسارە کەوە
مەڕێنە ماتێو کزۆلێ
لووریێنێوە تووتە کۆڵێ
ئا شارە بی کانوو ئێشا
واچێ خۆڐا، ئیشەو چێشا?
مانگوو هەسارە و چڵ و دار
پەی چێشینی مات و خەمبار?
پەی یانەکەیم پەی ڕۆڵەکام
کێ کەردەنش، خیاڵی خام?
شەرتە بینوو، شەرتەو پیای
لایە لایەم بۆ تا سەوای
نمازوو کەس، یانەش دێویۆ
تاقە ڕۆلێم وەرمش شێویۆ
خۆراسش وات هەڵەبجەی مەرد
تا ساعبێ لایە لایەش کەرد
وسنێش بێ خەموو خیاڵێ
براو تاتەو ئەداو واڵێ
بەڵام جە کۆشکوو زڵموو شای
تەگبیر کریا بێ پەی گەڐای
خۆڐا نەژناستەرین پیا
ئاژاولێش پەی کوردی نیا
پیا نەخێر وەرگیوی هار
ون وارێوە ناڕێک و لار
بی مۆبەتێ دەروون سیاو
نەورۆزما کەردش زۆخاو
واتش بەینێن پێسەو پەسی
نەمتتێنەم ونوو کەسی
کۆردە شڕڕێ جە گرد لاوە
زیننە زیننەی گرد خولیاوە
هەرچی کوردی وینوو ژیرا
ئێجیۆم قۆلاپەما گیرا
جە بابۆلێو بێشکەکێشا
تا جوان و پیرو وێشا
ئشیۆ خەمیوەشا وەروو
شیمیا بارانێشا کەروو
ئاویر وزوونە هۆزیشا
کەروو زۆخاو نەورۆزیشا
ئا نامەردوو رۆزگاری
ڕوەش نیا کۆردەواری
هەڵەبجەکەو هەورامانی
کەوت داموو شیمیابارانی
جە بابۆڵەی بێ گووناوە
لچێش خوێ فریشتاوە
جە زاوڵەی هاروو هاجی
جە ژەنێوە پاڵوو ساجی
جە جوانێ پڕ ئاواتی
جە پیرێ بێ دەسەڵاتی
جە تاتێوە جە ئەڐایێ
جە دەوڵەمەن جە گەڐایێ
هەرچی بێما ژەن و پیا
لوێو ئاستیمێشا جیا
گرد بێ گوونێو بێ تاوانێ
گرد کرۆڵێو بێ باوانێ
هەر کەس مەنۆ چا ڕاساوە
واچێ خۆڐا چیت ئاساوە
هەڵبجە دیش کە وێرانا
بەرزش کەردۆ ناڵەو هانا
ڕوەش کەردا ئاسمانی
واتش خۆدا هەقیم سانی
هەرکەس پیسەش کەرد دۆڵەکام
بی بە قافێزوو ڕۆڵەکام
مەگەر هەر تۆ خەمش وەری
یا ڕەببی ئاوڕووش بەری
ئەر ئینا قۆلێو قافێوە
ملیش وزی تەنافێوە
هەر پاسەیچ بێ جە ئاخر سەر
دۆعاکێش کەوتە کەلەبەر
تۆخوا سروەو لاو چنووری
ئەر لوای پەی شارەزووری
قسێت ماچوو تۆ واچە دەی
سڵامیم یاونە هەڵەبجەی
واچە ئیسەچ زاڵم مەنەن
هەڵای خاک فرۆشما چەنەن
هێمای کوردی کرۆڵێنێ
تۆ خۆ دۆعێت قبووڵێنێ
ناڵیۆ خۆدای هەڵەبجەکەم
وڕاو زڵمی وینی بە چەم
ئەننا هەر ئاخروو خەتی
تەنافەنەو ملی پەتی
غەریبینا جە هەورامان
پەی تۆ هەرسوو دیدەیم ئامان
#هەیاس_غەریبی
@karawawshamyany
#قسێ_حەکیمانێ
وەختێ جە ژیوایتنە سەرگنی
ڕەفێقەکات جا زانا
تۆ کێ بیەنی!
بەڵام ،وەختێ جە ژیوایتنە
مەڕیەی و سەر مەگنی
ئاوەختە تۆ، جا زانی
کە ڕەفێقەکات کێ بیێنێ!!
#سقراط
@karawawshamyany
