686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
#کەمێ_فکریەیمێنە
🎎غروور و وێ بە زل زانای
روێوە حەزرەتوو عیسای بیابانێرە لوای لوێ چەمش کەوت عیباڎەتگایێوە کە پیایێوە خواپەرەسی تەرکە دنیا چاگە ژیوێ ..
حەزرەتوو عیسای کەوت قسێ چەنی کابرای ، چاوەختنە جوانێوە کە بە شەڕلات و خرابکار نامێش بەرکەردێ بێ لاشارە ڕەد بی ..
وەختێ چەمش کەوت بە حەزرەتووعیسای و کابرای خواپەرەسی پایێش وشکێ بیێ و نەتاواش هەنگامە فاڕۆوە و یاگێ وێشنە مردا و واتش : «خوایا من جە کار و کردەوەی خرابوو وێم پەشیمانوو ڕووسیاونا ، ئەگەر ئیسە پێغەمەرەکەت من وینۆ و تەرێقم کەرۆوە هەڕەو کۆگەی کەروسەرەمرە ، خوایا پەشیماننا ،تۆبەو و عوزرم قەبووڵ کەرە و ئاوڕووم مەبەرە.»
پیا تەرکە دنیاکە تا چەمش کەوت پا جوانی سەرەش بەرز کەردۆ ڕوو بە ئاسمانی و واتش:«خوایا من چەنی ئی جوانە گوناباری قیامەتنە حەشر نەکەری.»
چا وەختنە خوای گەورە وەحیەش کیانا سەروو پێغەمەریش ، فەرماواش :واچە با پیایە:«ئانا ئێمە دۆعاما قەبووڵ کەردی، واچەش پەنە ،تۆ چەنی ئا جوانی حەشر مەکەرمێ، چوون ئا جوانە جە کردەوەو وێش پەشیمان بیوە و تۆبەش کەرد، یاگێش بەهەشتا، وەلێ تۆ بۆنەو غروور و وێ بە زل زانایتۆ یاگێت جەحەنما »
📚کیمیای سعادت
@karawawshamyany
📙📘📗📕📒📒📔📓📙📘📗📕📒📔📓📙📓
📚پەردە لادای جە کتێبوو (ئەوینداران کوردستان)مامۆسا باقی سەفاری جە شاروو سلێمانی
💐💐💐
🗓ڕۆ شەممەی 4 سیاوکاموو 2724 کوردی ، 1403 وەرەتاوی ،جە شارە وەشەکەو سلێمانی، شاروو ڕۆشنویراو ئەدەب دۆسانە ، پەردە لادریا جە کتێبوو" ئەوینداران کوردستان " جە ڕەوانشاد٘ مامۆساباقی سەفاری..
ئی کتێبە بە ئەرکوو زەحمەتوو مامۆسایە دڵسۆزەکاما ، مامۆسا موحەممەد بانی و مامۆسا موحەممەد ڕەشید ئەمینی و مامۆسا ئەیوب کوێخا ڕۆسەم بەچاپ یاوا
بە بەشداری خاتوو سروە عەزیزی خێزانەو کۆچ کەردەی مامۆسا باقی و کەسایەتیە بەرزەکاما جە مەڵبەندوو هەورامانی جە شاروو سلیمانی لوا راوە..
💐💐💐💐
🗞ژیوانامەو مامۆسا باقی سەفاری
((( گەنجینەی ئەدەبیاتی هەورامان )))
باقی سەفاری --- شاعیرانی ناوچەی هەورامان
شاعیر و مامۆستا ( باقی سەفاری ) لە ساڵی( 1336 ) دا لە بنەماڵەیەکی زەحمەتکێشدا لە شاری پاوەی دڵگیر و جواندا هاتووەتە دونیاوە . دایکی ناوی ( ماهجەبین ) خاتوونە ژنێکی هەتا بڵێی زیرەک و چاوساغ و بەتوانا و خانەدان . باوکی لەبەر بژێوی ئەوان خەریکی ئیش و کاری خەیاتی و کاری و چەند کارێکی تریشی کردووە ، وەکو ئیشی باخەوانی و کشتوکاڵ و وەک وتم هەندێکی تر .
باوکی واتە : وەستا عەباسی سەفاری ، یەکێکە بووە لە هەرە شمشاڵ ژەنە بەناوبانگەکانی ئەو سەردەمە و لەناو مەجلیس و بۆنەکاندا هەمیشە وەک هونەرمەندێکی بەرز و خاوەن بەهرە ڕێزیان لێگرتووە و هەر بۆیە شاعیریش لەو بنەماڵە خاوەن هونەر و بەهرە و جوان سەلیقەیەدا چاوی کردۆتەوە .
٭٭٭٭٭
مامۆستا سەفاری لەو بنەماڵەیەدا پەروەردە بووە و تا قۆناغەکانی سەرەتایی و ناوەندی و دواناوەندیشی لەشاری ( پاوە) دا ، تەواو کردووە .
شاعیر ، لەبەر زیرەکی و وریایی و هۆشیاری و لێهاتوویی لەلای زۆربەی مامۆستاکانی خۆشەویست بووە و هەمیشە پشتیوانیان لێ کردووە و ڕێزیان لێ گرتووە وەک کوڕی خۆیان .
دواتر مامۆستا سەفاری شاعیر ، لە سەرانسەری لە بواری ڕشتەی ( کیمیا ) دا بە نمرەی باڵا دەهێنێت و دواجار بە پلەی بەرز قبووڵ دەکرێ و بەرە و زانستگای ( ڕازی کرماشانی ) دەکرێ و لەوێ لەو زانستگایە درێژە بە خوێندنی دەدات .
دوای ساڵێک کە شۆڕشی ئینقلابی ئێران واز لە خوێندنەکەی دێنێت و ڕوو لە شارەکانی تاران و دەوروبەری دەکا و بەدوای ئیش و کاردا گەڕاوە .
دواتر کە دۆخەکە هێور بووەتەوە و دووبارە بۆ خوێندن ڕوو لە زانستگا دەکاتەوە و سەرلەنوێ درێژە بە خوێندن دەکات ، هەتا ساڵی ( 1365 ) دا پاش تەواوکردنی و وەرگرتنی پلەی لیسانس بووە بە مامۆستا ، دواتر گەڕاوەتەوە بۆ ناوچەکانی هەورامان لە قوتابخانەکانی ( مەریوان و سەڵواوا ) و ئەو دەوروبەرەدا ، وانەی بە قوتابیان وتووەتەوە .
٭٭٭٭٭
سەرەتاو دەسپێکی کاری ئەدەبی مامۆستا سەفاری دەگەڕێتەوە بۆ ساڵانی ( 1365 ) ، هەروەها مامۆستا یەکێک بووە لەو کەسانە کە عیلاقەی گەرم و قوڵی هەبووە لەتەک زۆربەی بوارەکانی ئەدەب ، بە تایبەتی چیرۆک و داستانە کۆنە فۆلکلۆرەکانی ناوچەی هەورامان . هەر ئەوەش بوو کە بووە هۆی تین و گەرم و گۆڕی شاعیر هەتا زیاتر خۆی بناسێ دەستی کردووە بە نووسین و داڕشتنەوەی بابەتی زۆر وەک مێژووی ڕووداوەکان و بەسەرهاتەکان لە قاڵب و چوارچێوەی شیعردا و هەتا ئەندازەیەک سەرکەوتوو بووە .
مامۆستا ( باقی سەفاری ) یەکەم بەرهەمی خۆی لە ساڵی ( 1382 ) ک.ھ . بەناوی ( ئەفسانەو هەورامانی ) لە بڵاوکەرەوە و ناوەندی ( ئیحسان )ی تاراندا چاپ کراو بڵاوکراوەتەوە .
1 --- ئەم کتێبە ڕاز و حیکایەتی کۆن و فۆلکلۆری هەورامانی لەخۆ گرتووە .
2 --- دووەم بەرهەمی ساڵی ( 1388 ) دا لە ناوەند و بڵاوکەرەوەی( ئیحسان ) بڵاوکرایەوە . کە بەشی وەرگێڕانە ، چوارینەکانی حەکیم عومەری خەییامی نیشابوری بوون بۆ سەر زمانی هەورامی .
3 --- سێیەم بەرهەمی ، کۆی شیعرەکانی بوو بە ناوی ( پەپوولەی خەیاڵ ) بوو ، بەڵام ئەم کتێبە دوای وادەی کۆچی دوایی شاعیرمان باقی سەفاری بڵاوکراوەتەوە بە هیمەتی خێزانی و بنەماڵە بەڕێزەکەیان . کە چوار بەشە لە شیعری هەورامی و سۆرانی و شیعر بۆ مناڵان .
وەرگێڕانی شیعری ساڵی ( 1393 ) .
4 --- کتێبی بە ناوی ( ڕێگای ڕێبواران یارسان ) لە فارسییەوە بۆ زمانی ئەدەبی کوردی ، دوای کۆچی شاعیر لە بڵاوگەی ( ڕێبازو مەریوان ) چاپکرا و بڵاوکراوەتەوە .
٭٭٭٭٭
5 ---- دوا بەرهەمی بە ناوی ( ئەویندارانی کوردستان )ە. کە لەلایەن ( مەڵبەندی ڕۆشنبیری هەورامانەن)ەوە ، چاپ کرا و کۆڕی بۆ ڕێکخرا ، لەلایەن ماۆستای بەڕێز ئەیووب ڕۆستەم بە ئامادەبوونی بنەماڵەی شاعیر و ماباقی ئەدەب دۆستان..
@karawawshamyany
بیلاتەشبی هەرێوە دۆعاش کەردە:
بەشکەم ساحێبەکەش مرۆ تا چی ژیوای هەرانەیە نەجاتش بۆ..
ساحێبەکەش فکروو هەرەکەیش وەناوە و واتش:
هەرەکەم!!!!
حەر من مەردا ، یۆتەر سانۆتوو بۆ بە ساحێبت ؛
پەی نەجات و ئازادی وێت ، دۆعا کەرە ،
تا جە هەریەتوو وێت ، بەی جبەر !!!
📚مثنوی معنوی
✍مولانای رومی
@karawawshamyany
کتێبی چێشتی مجێور
مامۆستا هه‌ژار موکریانی
به شی ۷۹
#کۆمەڵگای_نەوەش
ساعبێ زوو وەڵێ گرکەسینە ، خزمەتکاروو ئیدارەکەی ئاما و دەسش کەرد تەمیس کەردەی هۆدەو ئۆتاقەکا و چاییش دەم کەرد..
وردە وردە کارمەنەکا ئامێ و لوێ پەشتی مێزوو وێشا ، بێجگەم یۆیشا کە عەینەکیێوە بێ حیچکام دەس بە کارێ نەبیێ، حەر یۆشا وێش خجڵنا چێوێوە و رۆزنامێوەشا گێرت دەسشاوە و باسوو گیرووگرفتوو کۆمەڵگای کەرێنێ..
دماو گردیشاوە ڕەییسوو ئیدارەکەی ئاما ، حەر ڕاوە بەعزێ تەلەفوونێش کەردێ..
خەڵکیچ جبەرۆ و وەروو بەرەو ئۆتاقەکانە ماتڵێ بێنێ..
یۆ جە کارمەندەکا ماچۆ : مامۆزایێوەم چەولاو شاریوە باخێوە مچکلەش سانان و کەردەنش یاگێ گەشتیاری ، داهاتوو شەوێوەش ، ئنەو مانگێوەو من هەن، ئێمەیچ دڵما وەشا کاربەدەسێنمێ و مووچە وەرێ دەوڵەتی ..
یۆتەرشا ماچۆ: هەم زەمایێوەم هەن ساڵەکێنە دوێ یەرێ دەسێ یانێ سازنۆ ، دەرامەڎوو ساڵێوەش جە سی ساڵەکەو من فرەتەرا..
کابرای خزمەتکار ، نانی تازە و دوێ یەرێ نۆعی واردەمەنیش حازر کەرد، سەروو سفرەیچۆ حەر باسوو ماشین سانای و وام گێرتەی و ئانیشا بێ..
یەکڕا یۆشا واتش خۆ سەروو برجین ، مووچەکەما ئامان ، با کابرای خزمەتکاری کیانمێ بارۆش پەیما..
گر مانگێ وەختوو حقۆقەکەیشا ، کابرایێ دەس ورەش بێ ئێ ، حەریۆشا جە عەتر ، جگەرێ، ڕب هەنار ، هەنگوێن و... چن چێوێ داوا کەرێ ئارێ پەیشا..
سەعات دەوروو یانگزەی بێ یۆیشا وات ڕاسی کابرا چی نەبی دیار بێوە؟
یۆشا لوا بزانۆ چی ناماوە ، نگابانوو بەرەکەی واتەبێ من حەر سەعات نۆ دیم زیانرە و نەدیەنم بێوە..
شێویێ یۆرە حەر یۆشا فکرێ کەرێوە، داخم کابرای خزمەتکار چەنی مووچەو ئی چن نەفەریشە بەردەن پەی دلێ شاری ؟ مەبەستش چێش بیەن ؟ ئەگەر چەنەش دزا چێش؟
یۆشا ماچۆ ئەگەر بەربشۆ و ئی مووچەو ئێمە بەرۆ چێش؟ خۆ چێ رۆزگارنە پووڵت جە دەس بەرشی ، مەگنۆوە مشتەت..
مەگەر حەر سیر وەرمێ و سڕنا دەیمێنە،
پی قسا حەر یۆشا بە جۆرێ لوا دلێ بەحروو خەیاڵاتیرە..
چن نەفەرێشا وەروو وێشارە دەسشا کەرد لێیەک دایوە کە ئەگەر کابرا با گردە پووڵۆ ڕەمابۆ ، ئی مانگێ ئەشۆ جە خەڵکی داواو ڕشوەی فرەتەری کەرمێ تا خەرج و بەرجوو یانەیما کەمی نارۆ..
یۆشا کە ژەنەکێش دەوڵەمەنە بێ ماچۆ: مەجبوورنا ملکەچوو لاو ژەنەکێم بوو تا جە تەخشان و پەخشانوو وێش کەم کەرۆوە و خەرج و مەخارجوو ئی مانگێ من و زاروەکا دابین کەرۆ، یۆتەرشا ماچۆ دەسما هۆرگێرت ملوو پەی لاو سوڎوەرەکاو بازاڕی بەعزێ پووڵ ماروو بە سووڎ، چن جارێ تەریچ حەر ئاردەنم لاشاوە..
جەنابوو وەرپەرسی تەلەفوونش پەی یەرێ چوار یاگا کەرد ، ماچۆ ئێمە حیچما ئیمزا نەکەردەن کە ئی کابرا حقۆقەکەما گێرۆ ، وەلێ واتشا خۆ ئینە ئەوڵ جارتا نیا ، ئی کابراتا هەمیشە کیاستەن ، وێتا تەقسیر بارێندێ!!
تەنیا کابرای عەینکی حیچش نەوات وێرەگا بە مل کزیێوە لواوە یانەو ماچۆ بە ژەنەکێش: با زارۆڵەکا نەزانا وەلێ ئی مانگێ حیچما نیا و حقۆقەکەما فۆتیان..
ژەنەکێش ماچۆ: چێش ماچی ؟ چی فۆتیۆ؟؟
خۆ حەر ساعبێ سەعات دە خزمەتکاروو ئیدارەکەیتا ئاما و حقۆقەکەش ئارد و واتش وێت کیاستەنۆ!!!!!
رۆێ دماو ئانەی پولیسشا یاونانە قسەکێ . پولیس کەمێ پەرس و جۆش کەرد جە بارەو کابرای خزمەتکاریوە، واتشا پیایێوە پەنجا ساڵەن و کەم سواڎا، بێجگەم ئانەی چن جارێوە حەر وێشۆ باسوو سیاسەتیش کەردەن حیچ تەرما پوە نەدیەن..
پولیس لوا وەروو بەرەو یانەو کابرای، ژەنێوە کە چەمێوەش کۆر بێ بەرەکەش کەردۆ ، زاناشا ژەنەو کابراینە، دیواروو حەوشەکێ وڕا بێ ، دلێ یانەکەیشا ئەجێ چادرەو قەرەچیانە، ژەنەکێ ماچۆ کناچێوەما هەنە دێنەما شوو و ئینا شارێ دوورنە بە کرێکاری ژیوا و چن ساڵێ جارێ مەیاوە باوان ، کوڕێوەیچشا بیەن کە یەرێ چوار ساڵێ چێوەڵ ماشینی داننە دلێنە شیەن..
زاناشا کابرا گر ڕوێ دمانیمەڕوانێنە ملۆ پەی چایخانەو گەڕەکەکێشا . چن مانگێوەن کناچێوە غەریبە کە یانەو تاتەیشنە ڕەمێنە ، مێ وەروو ئا چایخانەیە و چەنی دەسێوە ملۆ، کە چێش ئارۆ دوێن هەم کابرا و هەم ئا کناچێ دیارشا نیا..!!!!!
کابرای خزمەتکار و کناچەکێ ، هۆتێلێوەنە قەراخوو دەریاو سەرنیشتینە ویارایش ویارا. کناچەکێ بە خەمز و نازۆ داواو حەر چێوێ کەرۆ کابرا پەیش سانۆ . دماو مانگێوە متەی و پژگنای ، وەختێ هەشپشی کیسەو کابراینە کەوتێ هۆرپڕای ، کناچەکێ جیاش مازۆ و ملۆ ، روێ دلێ بازارینە ، پولیس دەسش نیا سەروو شانەو کابرای خزمەتکاری.....!!
نجیب محفوظ / محمد جواهر کلام
وانەری وەشەویس!!
وەختێ وەزعەو ژیوای شپرزەنە، ئیتر کەم کەس کار و هەرمانێش پێسەو ئەرک و وەزیفێوە کۆمەڵایەتی تەماشا کەرۆ...!!
جیاتی ویژدانی کاری ، حەر کەسێ هەوڵ وتەقالاش ئانەن کە کەمێ فرەتەر تیانەکێ کڕنۆ!!!
حیچکەس دز و درۆزن جە ئەڎای مەبۆ ، گیر و گرفت و کێشەکاو ژیوای ساڵەهای ساڵ سەروو یۆیوە تەپێ با و ڕوێ با بایسوو ئاوڕووشیەی و رسوایی..
ئی باسە باسوو یەک کەس و دوە کەسی نیا ، کۆمەڵگاکەما نەوەشا.....!!!
عیسا ئەحمەدی/ ساحێب حەبیبی
@karawawshamyany
کتێبی چێشتی مجێور
مامۆستا هه‌ژار موکریانی
به شی ۷۸
بەشداروو بەشەکای تەری بیدێ
🌹🌹🌹🌹🌹
👇👇👇👇👇
@karawawshamyany
#کەمێ_فکریەیمێنە!
قوتابخانێوە وانیارەکاش بەردێ پەی ئۆردووی، چا مەسیرنە کە لوێنێ، توشوو "تۆنێل" ێوە ئامێ ،وەڵێ تۆنێلەکێنە نویسیابێ تا یەرێ میترێ بەرزی چی تۆنێلێ ڕەد بۆ، پاسەکەیچ یەرێ میترێ بێ ، شۆفیرەکە وەڵتەرنە فرە لوا بێ پاگەرە بێ خەم گازشا دا و لوا ، وەلێ سەقفوو ماشینەکەی گیریانە تۆنێلەکێ و کێڕیا پۆرەشرە و گیرش کەرد و مرداوە..
وەلحاسڵ،گرد وەستێرە بزانا چێش بیەن وچێش کەرا ، چە دیشا بەڵێ ، چی بەیننە دلێ تۆنێلەکێشا تۆێ ئێسفاڵتی تازە کەردەن و کەمێ بەرز بیەنۆ و ئی موقەدەرە قۆمیان..
حەر یۆ چێوێ واچێ ، یۆ واچێ ئێسفاڵتەکەی کەنمێ ، یۆ واچێ پاسەکەی بۆکسێل کەرمێ و...
وەلێ حیچکام چی نەزەرا دەرد واردێ نەبێنێ.
زارۆڵێوە وەسترە و ئاما ماچۆ من زانو ئەشۆ چێش کەرمێ..
یۆ جە وەرپەرسەکاو ئۆردووی ماچۆ رۆڵە لوەوە پەی لاو رەفێقەکات و جیا نەبیوە چەنەشا!!
زارۆڵەکەیچ محکەم و بە دڵنیایێوە تەمامۆ ماچۆ ، مەیەیدێ کە زارۆنا ، ئانەی زاندێ خۆ ، نووکوو چەنێوە پا مچکلەیە چێش کەرۆ بە تڕتیمانێوە زلێ!!!!!
ئا پیایچە جە حازر جوابی ئی زاڕۆیە سەرەش سەڕ مەنە و ماچۆ دا واچە بزانو چێش ماچی ، چە ڕا حەلێوەت هەن؟؟
زارۆڵەکەیچ وات : پارەکە لوایمێ پەی نمایشگایێوە مامۆساکەیما فێر کەردیمێ کە چەنی جە ڕایێوە تەنگ و تروسکەرە ڕەدێ بیمێ ..
موعەلمەکەیما وات: پەی ئانەی کە دەروونێوە ساف‌و ڕۆحیێوە زەریفما بۆ ، ئەشۆ دەروونیما جە هەواو نەفسی و واو غروری و وێ زل زانای و تەماعە و وەرەچەم تەنگی و حەسودی هاڵی کەرمێوە ، پی جۆرە تاومێ جە ڕا تەنگەکانە ویەرمێ و یاومێ بە خوای.
وەرپەرسەکەی وات دا فرەتەر تەوزێح دە بزانو مەنزوورت چێشا کوڕەکە..
زاروەکەیچ وات: ئەگەرگەرەکما بۆ ئی مەسەلێ سەروو ئی پاسیوە تاقی کەرمێوە ، ئەشۆ واو لاسیکەکاش کەم کەرمێوە تا تاومێ چی تونێلێ بزیەیمێرە..
دماو ئی کاری ئۆتووبووسەکە تونێلەکێنە رەد بی..
🌸«هاڵی کەردەی دەروونیما جە واو غروور و وێ زل زانای و دوە ڕوویی و حەسادەتی ؛ رەمزوو ویەردەی و گوزەرکەردەین جە ڕا و ماوا تەنگ و سەخڵەتەکاو ژیواینە»
@karawawshamyany
کتێبی چیێشتی مجێور
مامۆستا هه‌ژار موکریانی
به شی ۷۶
بەشدارێ بیدێ پەی بەشەکای تەری
🌹🌹🌹🌹🌹
👇👇👇👇👇
@karawawshamyany
#زمسانووئەوساودەگای
یاڎش بەخەیر بۆ سی ، چل ساڵێ چێوەڵوو دەگای، زمسانەکاش فرە وەروە وارێ ، هێشتای مانگێ پاییز مەنێ تا نزیکو ۱۳ بەدەری حەر وەروە دلێ دەگانە نەبڕیێ، زارۆڵێ ئا سەردەمی بە پاو ئانەی کە ئیمکاناتوو و کەرەسەی چانەشا نەبێ پەی زمسانیشا وەلێم گر روێ ، حیچکەس یانەنە نەنیشێرە و پا کوچەو کۆڵانارە خەریکوو خشکێ و بازبازانێ و تۆپەڵەشەڕێ و... بێنێ و بە دەس و پایێوە چیاو سەردا بەردە و گۆشێ ڕچیێ وەلێ بە دڵێوە وەشۆ وێرەگا لوێنێوە یانە..
وەختێ وەروە وارێ پیایێ و جوانێ #وەروەرۆ هۆر گێرێنێ و لوێنێ بان ماڵای ، چوون ئەکسەر یانا پاڵشا دابێ یۆترینیوە ، خەڵک بە سڵام و ئەحواڵ پەرسی و شۆخی و گەمە و تۆپەڵەشەرێ خجڵیێنێ بان ماڵایوە و بانەکاشا ماڵێنێ ، وەخت بێ تی ئیلایش ماڵێنێ ، ئەولاوش بازەم پەڕ بێوە وەروە..
ئەڎاو یانەیچ چی روانە چاشتە وێمانێ پێسەو دانولێ و دوینەو کەشکەک و ... نیێ سەر و ئەکسەرو یانایچ مێمانشا گنێ و بە دڵوەشی زمسانەکەی دێنێ سەر..
کەڕاوا ۴و سیاوکامی ۱۴۰۳
کیانای فیلمی : خاتوو ئەسرا ئەمینی
👈شمەیچ فیلم و عەکسە زمسانیەکاتا کیاندێ پەیما⛄🌧️☔
@karawawshamyany
کتێبی چێشتی مجێور
مامۆستا هه‌ژار موکریانی
به شی ۷۳
🔻
🗓۳سیاوکامی ڕۆی جەهانیو زوانی ئەدٚاین.[۲۱ فوریە، ئێساڵ بە ڕۆ شماری ڕۆجیاری جیاو ۲سیاوکامی، ۳ سیاوکامی ڕۆی جەهانیو زوانی ئەدٚاین]
🔹"هەرکەس بە زوانی ئەدٚایو وێش نەزانۆ وەنۆوە و نەزانۆ بنویسۆ بێسەوادٚا[یۆنسکۆ]"
🔹"بنویسمێ بە زوانی هەورامی و وەنێموە بە زوانی هەورامی چوون ئاڵاو قەڵەمی نەبڕیاینه باڵاو هیچ مێللەتەیرە[مستەفازادٚە]"
▫️پەی من، پەی تۆ، پەی شمە و پەی گردٚوو ئێمە کە زوانی ئەدٚایما هەورامین:
زوانێوە کە چا ڕۆوە ئامەینمێ دنیا و چەنی ئەوەڵین هێناسێوە کە شمشاما دان جبەر و کێشتەنشنا دلێ، ئیناما چەنە.
▫️ ئانە زوانی ئەدٚایین، زوانێوە کە پەی بیەیش وێما هیچ چنگەپڕچێوەما نەکەردٚێنە. پێسنەو نامێ، ڕوومەتی، یاگێو ژیوایی، ئەڐا و تاتەی و فرینەو چیواتەری.
▫️زوان، ڕەنگا لاماوە کەرەسێوە ئاسایی بۆ و پێوەرە گەورێ بیێبیمێ و غەریب نەبۆ پەیما بەڵام، ئەگەرتەی کوچێوە پشمێرە و سەرەنجە دەیمێ، یاومێنە کە زوان ڕاسیەکەش کێ بیەیو ئێمەن، ڕیک عەینوو شناسنامەی، زوانمان ئێمە پێسنەو کەسێوە هەورامی مدٚۆ قەڵەم، زوانا مێللەتەکا جە یۆی جیاواز مدٚۆ چەمۆ و یام بە جۆرێوتەر تاومێ واچمێ زوانا کە ڕەگەزەیو و بنەڕەتی نیشانی مدٚۆ. جا ئینە وەختارێوە هەمیەتدارتەرا کە جل و بەرگ، وەڵات و... یۆ بانێ، ئا وەختی تەنیا زوانا کە بۆ کۆڵەکێو هۆویەتی و کێ بیەی.
▫️گردٚما زانمێ هەورامی قسێ کەرمێ، بەڵام نوسیتەینە و وەنایوەنە به زوانوو هەورامی ئیسە بۆنەو کەم کاریو کاربەدەساوە بیەن یا خۆ خەتاباریو وێمان" مەزانمێ و تاخەیت هەنێ کەسانێوەیچ کە چەنوو زوانی ئەدٚایشا بێگانێنێ.
▫️ئێمەی هەورامی زوانێ میدیا، ڕۆنامە و دەسەڵاتی سیاسیما نیا و تاخەیت ئانێچ کە دەعیەو براگەریشا هەنە چەنیما ئا براگەریشا دەسەوام نەدٚەینمێوە و مەدٚایچماوە جا ئێمە واز نمارمێ و کۆتا نمەیمێ و مەیاومێنە کە مافما ئینا دلێو مێللەتەکەو وێمانە و مەبۆ تەماکاروو کەسی بیمێ.
▫️خەتاباریو وێچما ئینەن کە ئەغڵەبەو خۆڵکی بە دەمارزلیش زانا کە بە زوانێوەتەر قسێ کەرا هەم یانەنه و هەمیچ جبەرنە، ئینە کە هەوڵ دەی زوانێوەتەر فێر بی فرەیچ یاگێو دڵوەشینە، بەڵام ئەگەر قەرار بۆ پاڵشنە زوانی ئەدٚایو وێت هۆشت پشۆوە ئینه یانێ گەورەتەرین مقەددەر، ئینه یانێ قۆمیای وەنە.
▫️من وێم ئینەم بە چەموو وێم دیەن. شش ساڵێ چێوەڵ فەرهەنگێوە باخەڵی "هەورامی_ئێنگلیسیم" نویست؛ فرێوە یاگێو خەفەتی و مەراقی بێ پەیم کە وینێنێ وەنایوە ئینگلیسیەکەی پەی هەورامی زوانەکا ئاسایی تەرا تا وەنایوە کەلیمە هەورامیەکا؛ هەر ئانەن کە یاومێنە یۆنسکۆی فرە بە هەق ئینەش واتەن:[ هەرکەس بە زوانی ئەدٚایو وێش نەزانۆ وەنۆوە و بنویسۆ بێسەوادٚا].
▫️یۆتەر جە خەتاباریەکاما ئانەن کە بڕێو یانەگێ هەنێ خۆفیشا هەنە کە زاوڵەکێشا وانگانه یا خۆ جبەرنە عانوو قسە کەردٚەینە لەهجشا زاق بۆنە و نەتاوا وەش بە زوانی ڕەسمی قسێ کەرا، هەر پا بۆنەوە گنا وادٚی کە هەر بنەڕەتنە یانەنە فێروو کەلیمە بێگانا و لایەدٚاشا کەرا و ناغافڵێنێ چانەی کە واچیان: " هەر کەسێوە کە قسە کەردٚەیشنە لەهجەش بۆنە، مەبۆ گاڵتەش کەری پەنە و مشۆم زانی ئانە ئادٚ زوانێوە جە تۆ فرەتەر زانۆ".
▫️با خاس زانمێ و خاس وریایێ بیمێ کە ئی خەتایێ کە کەرمێشا، سەباڕۆ با بە هۆو ئانەی کە کێ بیەیو وێما و زاوڵەکاما پاشێل کەرمێ و پەی هێستەیشۆ مشۆم کۆڵێوە هێز و زەحمەت کێشمێ تا سەلەمنمێ هۆویەتما کامەن و کامە بیەن؟!
▫️هەمیەتوو زوانی ئەدٚایی ئێننە فرەن کە جە لاو یۆنسکۆیوە ڕوێوی جەهانیش پەنە تایبەت دەیان کە ڕۆژمارنە ۲و سیاوکامین[بڕێو ساڵێچ پاو ڕۆشماری میلادی گنۆ ۳سیاوکامی] و ئەچی ڕۆنە سەرتانسەروو دنیاینە چننها کۆنیشتێ و کۆبیێیوە ملا ڕاوە و بایێخێوە فرەش پەی منیەیۆرە. ئیمەی هەورامی زوانێچ مەبۆ تەماکاروو کەسی بیمێ و وێما مشۆم زوانیما و کێ بیەیما پارێزنمێ و پەی مەنەیوەش و مەنەیوەو وێما هەوڵ دەیمێ. ئانەیچ زانمێ شانازی کەرڐەی بە هەورامی بیەی تەنیا بە واتەیش نیا و مشۆم یاومێنە زانای، نویستەی و وەنایوە بە کۆڵەکێو هەورامی بیەی کە زوانی هەورامین.
▫️پارێزناو زوانی هەورامی ئەرکوو سەروو شانەو گردٚیمان.
📙نویستەی: مێهران ئەحمەدی
@karawawshamyany
#دنیاوقەزاوەتەکا
🔹کەسێوە دلێ تەرافیکینە پێچنۆ وەرەدەمما : #ئەحمەق
ئەگەر ئێمە پێچنمێ وەرەدەموو کەسێرە : #زرنگ
🔹: کەسێ جوابوو تەلەفونیما نەدۆوە : #بێ_مەعرەفەت
ئێمە جوابۆ تەلەفوونوو یۆی نەڎەیمێوە : #گرفتار
🔹کەسێ جە ئێمە باڵاش بەرز تەر بۆ : #دەڵەدرێژ
کەسێ جە ئێمە کوڵتەر بۆ : #باواقۆرەت
🔹هەمکارێوەما کە فرە ورد بۆوە جە کاریشنە: #ئیراڎگیر_و_واسواس
ئەگەر وێما وردێ بیمێوە جە هەرمانەنە: #دەقێق
🔹ئەگەر یۆ لێوانوو ئاوێما مجۆ : #کۆر
ئەگەر پاو ئێمە گنۆ لیوانوو یۆی : #شعوورش نیا لێوانەکەش وەرو پایمانە نیانرە
🔹دنیاو قەزاوەتەکا ، یانێ شیکاری، کردەوەو و گفت و لفتوو خەڵکی بە پاو نیاز و ئەرزش و بایەخ و بەهاو وێما..
@karawawshamyany
کتیبی چیشتی مجیور
ماموستا هه‌ژار موکریانی
به شی ۷۱
بەشدار بن
کتێبی چێشتی مجێور
مامۆستا هه‌ژار موکریانی
به شی ۷۰
بەشدارێ بیدێ پەی بەشەکای تەری
فرەش نەمەنەن عەفوە کەردێ کوچێ بەینش کەوت
گرد شەوێ بێ موقەدەر بەشێش وەزنمێرە
😍😍😍👇👇👇👇
@karawawshamyany
📢📢📢📢
آگهی فروش خانە
یک باب منزل در روستا کرآباد....کەڕاوا
بەمتراژ 133 متر وزیر بنای 88 متر
جنوبی جنب خانە مرحوم کافرج میرزایی
دارای چهار امتیاز مجزا آب برق گاز تلفن
دارای سند ثبتی
یک خوابە اتاق 14 متر هال 18 متر
بە فروش میرسد
قیمت 200 میلیون تومان تخفیف پای معاملە
جهت اطلاع بیشتر با شمارە زیر تماس بگیرید
09189751771
آرام ابراهیمی
👇👇👇👇👇
@karawawshamyany
#ڕەمەزانووئەوساودەگای
یاڎش بەخەیر بۆ!! ڕەمەزانوو ئەوسای ڕەنگ و بۆیێ تەرش بێ ، یەک دوێ روێش مەنێ پەی رەمەزانی گر کەس جامێوە گێر دەسشۆ و پەی مانگێ گێڵێ ئاسمانۆ ، جا ئێعلام کریێ سەبا رەمەزانا ، گردوو دەگای ، شور و شەوقێوە عەجیبش گنێنە..
بە پاو ئانەی کە جوانێ ئا زەمانەیە ئەکسەرەن نەبێنێ یانەنە و شۆنی کار و کاسپی و تاران و چێونە بێنێ ، دەسەو زارۆڵاو و ڕیش چەرمەکاو دەگای فرەو وەختی پەی جەماعتوو مەغریبی و رۆچە کەردەیوە لوێنمێ مزگی ، فرەو وێرەگانا خەیر کەرێ خورماویی ئارێنێ پەی مزگی و رۆچێ کەرێنمێوە و شەوێچنە پەی نماو تەراوێحی گردما لوێنمێوە مزگی..
جا چا وەختانە بڵەنگۆ مزگی گردو دەگای نەگێرێنەوەر ، ژەنی و کناچێ کە نەلێنێ مزگی سەرو باناوە گۆش گێرێنێ پەی بانگی و حەر دەنگوو بانگیشا ژنەوتایێ ، تن قاو کەرێنێ ڕۆچێ ماڕرررردێ...... بانگشا داااااا ...
وجودوو مەڵا سەلیمی چا زەمانەنە نەعمەتێوە فرە گەورە بێ پەی دەگای ، نازێ ئا مزگیە بێ ناز بۆ و بە دەنگە وەش و رۆحانیەکەیش وەختێ بانگ دێ ، گر کەس گەش بێوە..
چەنی زارۆڵا فرە بە ئێخلاقێوە وەشۆ بەرخورد کەرێ و گر کەسی وەش گەرەک بێ..
کۆمەکێوە گەورەیچ بێ پەی مەڵا جەمیل ی، مەڵاو دەگای، حەر وەختێ کە مامۆسا نەبێ دەسۆ مەڵا سەلیم کارەکاش کەرێ و ئەل حەق مەڵا جەمیلیچ فرە عال بێ چەنیش ، ئێحترامش گێرێ و خزمەتش کەرێ ..
ڕوەی وەشەو دڵ فەراوانی و وەش ئێخلاقی ئی دوە ئازیزە قەلب سووک و ون شیرینەیە، بیێ بێ بایسوو ئانەی کە گردوو دەگای بە تایبەت زارۆڵێ ڕوە کەرا مزگی، بە تایبەت ڕەمەزانەکانە فرەتەر مزگی قەرە باڵغ بێ..
فرەو روەکاو رەمەزانی مامۆسا و چن دانێوە جە ڕبش چەرمە وەش ئێخلاق و وەشەویسەکاو دەگای پێسە ڕەحمەتیا ،دەروێش حمەمین ، فایق بەگ ، هەردوی کا حەیبەڵایێ ، کا حەبیب ، کا تۆفێق و کا حمەرەحیم و... (یادو گردی زینەن دڵمانە) گنێنێ وەڵێ زارۆڵاو دەگای و بەرێنێما پەی خەسرەوەی و گلێ نەجەڕی و لا دەگای و ئاجۆرە یاگا تا نزیکوو مەغریبی پارە کێلە ماڕانی و تۆپانی و شۆخی و گەمە کەرێنمێ و جا وێرەگا ئێنمێوە پەی مزگی..
فرەو زارۆڵاو ئا سەردەمی بە وجودو بیەی مەڵا جەمیل ی و بە زەحمەتەکاو فەقیەکاو مزگی: پێسەو مەڵا کەماڵ و مەڵا جەلال و مەڵا قائد و مەڵا جەماڵ ژیواری و ... فێروو وەنایوەو قورئانی بیێ و فرێشا دماتەر تاواشا قورئانی خەتم کەرا..
جا مەبۆ ئەرک و مانیایی و زەحمەتەکاو خاڎەموو مزگی کا ئیبراییمی رەحمەتی (قاقە بلێ) فەرامۆش کەرمێ ، کە جە سەردا و گەرماو چوار فەسڵەو کەراواینە هۆشش مزگیوە بێ و پاک و پوختەیش کەرێ ، بە تایبەت فەسڵەو سەرداینە هەمیشە سومپاو مزگی نرکەش ئێ و گەرما بەخشێ بە مێماناو مزگی، حەر عەسر هێزمێ جەنێوە و حازرشا کەر و سومپاکێ تاو دێ ، هەر چن زارۆڵێ فرە عەزیەتش کەرێنمێ و بەعزێ وەختیچ تووڕە بێ وەنەما وەلێم، فرەو وەختی بە ڕوەی وەشەو شۆخی کەردەی چەنیما ڕەفتار کەرێ..
پەی پارشێوانی فەقیێ مزگی و دماتەر دوێ ئاوارێ ئێراقیێ بە تەپڵ گردوو دەگایرە گێڵێنێ و خەڵکی پەی پارشێوی های کەرێنێوە ..
ئی ڕەوتە گردوو مانگەو رەمەزانی تا جەژنە حەر پی جۆرە بەردەوامە بێ و جەژنەیچ تام و لەزتێوە فرە وەشش بێ چا زەمانەنە..
ڕۆ جەژنێ گردوو پیاو زارۆ دەگای ئێنێرە مزگی و نماو جەژنێ کریێ و گردووخەڵکی دەس کەرێنێ ملو یۆترینی و گەردەن ئازاڎی کەرێنێ و ئەگەر ئێختلافێ و ناوەشیێوە بەینوو دوێ نەفەرانە بیایێ ئاشتی و وەشی گنێوە بەینشا و قین و قار نیێنێ کەنارۆ..
دماو نماو جەژنێچ فرەو پیایاو دەگای گنێنێ شۆنی یۆترینی و بە هامڕایی مامۆسای سەردێنێ نەوشیناو پەک کەوتاو دەگای و حەر پاسە لوێنێ پەی ئا یانا کە مەردەشا نۆ جەژنش بێ و سەر سڵامەتیێوە دووبارەشا دێنێوە..
پی جۆرە ئێتحاد و یەک دڵی و مێهرەبانی و هامڕایی خەڵکوو دەگای پتەوتەر بێوە و ئی خەڵکە پەیمانی تازە کەرێنێوە کە بە پێوەرە بیەیشا کار و هەرمانەکاو دەگای بە وەشی بەرا ڕاوە..
#ساحێب_حەبیبی
۱۱و سیاوکامی ، ئەوەڵوو رەمەزانوو ۱۴۰۳
@karawawshamyany
کتێبی چێشتی مجێور
مامۆستا هه‌ژار موکریانی
به شی ۸۰
....دمایین بەشەکاو چێشتی مجێوری
🌹سپاس پەی هامڕایێتا کە بەشداریتا کەرد جە گۆش دای بە کتێبوو چێشتی مجێوروو مامۆسا هەژار موکریانی ئاواتەوازنا قازانجش بیەبۆ پەی ئا ئازیزا کە گۆششا داراننە
دەس وەشیو کاک ئەمجەد فەداییچ کەرمێ کە فایلەکاش پەی کۆ کەردیمێوە وسپاسی نەبڕیاوە
ئانە نەجاتتابی دەسمۆ 🤩🤩
🌹🌹🌹🌹🌹
👇👇👇👇👇
@karawawshamyany
🍂سپاس و پەنەزانای..
جەلایەنوو بنەماڵەو کاک #تۆفێق_عەبدی و کەس و کاریشاوە ،سپاسوو دەس وەشانەما هەن جەخزمەتوو واڵەو برای وەشەویسینە ، گردوو خەڵکوو کەڕاوای کە جە تەشێع جەنازەو ئەسپەردە کەردەی و تازیانە ئەڎای وەشەویسیمانە (#مەرحوومە_خاتوو_شەهین_مۆرادی) بەشداریتا کەردەن وهەرپاسە بە تەلەفوون و بە پەیام یا جە فەزای مەجازینە ، جە تەرێقوو تۆڕە کۆمەڵایەتیەکاوە دڵنەوایی ئێمەتا دانۆ ،جەخوای گەورە ی ئاواتەوسەربەرزیماهەن پەیتا و ان شاءاللە تاومێ جە شاییتانە ،جەزاتا دەیمێوە خوا بێ ئەجرێتا نەکەرۆ..
⏪ کەڕاواوشامیانی خزمەتکاروو گرد هام وەڵاتیێ وەشەویسین..
👇👇👇👆👆👆
@karawawshamyany
🖤🖤🖤🖤🖤🖤
گێڵایوەو گردیما پەی لاو خواین
ئازیزا ئاگادارتا کەرمێوە خاتوو شەهین مۆرادی (خێزانەو تۆفێقوو حاجی سادەقی ) جە شاروو مەریوانی پەی هەمیشەی یانە ئاواییش کەرد جە دنیای و دڵش ماتەمین کەردیمێ..
جە خوای گەورەی داواو بەهەشتی نەبڕیاوەیش پەی کەرمێ وسەبووری پەی بنە یانەی ئازیزیش..
تەرمەکەش دوەشەمە سەعات ۹ گنۆ ڕا و جە بهێشت موستەفا ئەسپەردە کریۆ و پەرسانەیچش ئینا مزگی ئیمام حەسەن موجتەبای جە مەحەلێ مەردۆخی
پەرسەو ژەنایچ ئینا یانەو کاک تۆفێق عەبدی سەروو بلواروو نەورۆزیوە..
الفاتێحە.....
⚫️⚫️⚫️⚫️⚫️⚫️⚫️
متاسفانە خانم شهین مرادی (همسر آقای توفیق عبدی کراباد) در مریوان دار فانی را وداع گفتند.
جسد مرحومە امشب در منزل خودشان می باشد. دوشنبه ساعت ۹ صبح از منزل خودش به طرف بهشت مصطفی تشییع خواهد شد.
مراسم ترحیم ایشان در مسجد امام حسن مجتبی در محله ی مردوخ جنب دبیرستان اندیشه برگزار می شود.
مراسم ترحیم بانوان در منزل آقای توفیق عبدی در نزدیکی همان مسجد برگزار می شود.
۱۴۰۳/۱۲/۵
👇👇👇👇👇
@karawawshamyany
چێشتی مجێور
مامۆستا هه‌ژار موکریانی
به شی ۷۷
زووسانەن وەی ڕەنگ وە گەردوون یاوان
گێجیای لــوول گێـــج کڵێڵەی کـــــاوان
بەنا باشی بورج ، بەرزە دیـــاران
سفید کاری کەرد، تاقچەی مەغاران
چ شیرین زەڕگەر، تۆف هەوای سەرد
گۆشوارە نە گۆش، نەونەمامان کەرد
پەی نیگای باڵای مەحبووب بێ گەرد
یەخ ئایێنە گرت ، تەم چارشێو ئاوەرد
ئەی مەحبووب خاس ، وەی بەنای تەمام
مناڵۆ پەی بەزم ساقــی و شیشە و جام
ساقی ، باک نیەن جە سەردی (دەی) دەی
هەوا وەش کەرەن، نەشئەی نۆشای مەی
ئاخر سەرمەشقەن پەرێ مەی خواران
واردەی ویەردەی ، ویاردەی یــــاران
چوون نە دڵ شنۆی، مەزەی مەی داران
بدیە چــــۆن وە تۆی ، لۆنگێ مەویاران
زوانەکەی سۆز ، دەسەکەی ناڵە
بکیانۆ ، ڕێزۆ ، ڕەحمەت ، پیاڵە
ڕەحمەت وە ڕووی خاک رستگاران دا
پیــــاڵە وە دەم ، ئیـــنتــیزاران دا
دێرەن با ئێمەیچ، نـــــەی گوزەرەوە
جامێ وە دەس نێین ، دەس وە سەرەوە
#مەولەوی
فیلم : #کاک_کیانوش_عەزیزی
@karawawshamyany
کتێبی چێشتی مجێور
مامۆستا هه‌ژار موکریانی
به شی ۷۵
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
وانیارێ پۆلوو پەنجوو وانگاو کەڕاوای
ساڵەو ۱۳۷۸ وەرەتاوی
نیشتەیرە جە ڕاسۆ:
بەختیارحەبیبی
ساکۆ ئێبراهیمی
ساکۆ ئێنتزامی
ئارام بەیات
شەهرام ئێبراهیمی
ئاراس میرزایی
🌹🌸🌹🌸🌹🌸🌹
هەورئێستەیوە جە ڕاسۆ :
مامۆسا ئیسماعیل فزونی
ئەرسەلان زەیتونی
ساسان خۆش ئەنگۆشت
سامان ئەمینی
دیار ئەمینی
ئارام ئەمینی
رەفێق مۆحەممەدی
کیانەروو وێنەی : ساکۆ ئێبراهیمی
🍂
🍂🍂🍂🍂🍂🍂🍂🍂🍂🍂🍂🍂🍂
کتێبی چێشتی مجێور
مامۆستا هه‌ژار موکریانی
به شی ۷۴
بەشدارێ بیدێ پەی بەشەکای تەری
👇👇👇👇👇👇
@karawawshamyany
(( #زمانی_دایک ))
زمانی دایک،
زمانی عه‌شق و خۆشه‌ویستی و
زمانی هێزه،
بۆ هه‌ر که‌س و هه‌ر وڵاتێ!
ناتوانێ بێ ڕێز سه‌یری کا
هیچ ده‌وڵه‌ت و ده‌سه‌ڵاتێ!
من دڵنیام، ڕۆژی قیامه‌ت؛
خواش نامه‌ی کرده‌وه‌ی کوردان،
به زمانی شیرینی کوردی ئه‌یان داتێ!
✍ #ک_د_ئازاد
۲ی ڕەشەمە #ڕۆژی_زمانی_دایکی پیرۆز بێت.
💐💐
شاهۆ و کۆساڵان گوششا چەنەبۆ
کوڕێ مریەمیچ ، حەتمش وەنە بۆ
هەر هۆرامیێ ،،، لادۆ جە زوانیش
مەردەو مەزارین ، هەرچن مەنەبۆ
شێعرە :مامۆسا حەمەی فەهیم
✍🏻 #کەڕاواوشامیانی
࿐჻ᭂ 🌨🌨🌨 ჻ᭂ࿐
@karawawshamyany
࿐჻ᭂ ☔️☔️☔️ ჻ᭂ࿐
#کوڵەڕازێوە_پەی_موچیاری
روێ مانگاوەو کابرایێوە ئاژەڵداری نەوەشە کەوتە ، کابرا لوا شۆنی دوکترو ماڵیاتی ، دوکتر ماچۆ ئەگەر تا یەرێ ڕوێ تەر ئی گاوێ نەتاواش هۆربێزۆوە ، سەرەش بڕدێ..
چەولاوە مەیێکێ ئا یانەیە گۆشش دەنگوو دوکترەکەی و ساحێب یانەکەیوە بێ ، عازا لوا پەی لاو گاوەکێ ماچۆ: دا هۆرزەوە ، تەکانێ دە وێت ! وەلێ گاوەکێ حەر گۆشش نەڎا بە قسێ مەیەکێ ..
روێ دماتەر مەیەکێ ماچۆ : بەشکەم سەعیە کەری هۆربێزیوە ، گاوەکێ حەر چێش کەرد نەتاواش هۆربێزۆوە..
پەی رۆ یەرۆمی مەیەکێ وازش نارد و ئاماوە پەی لاو گاوەکێ ماچۆ: ئەشۆ هۆربێزیوە ئانا سەرەت بڕا ، گێڵناشۆ کە چێشش ژنەوتەن ، گاوەکێ کە زاناش وەزعە خیتەنە ، خیرەتش جما و حێبەتیێ گیانیشنە هەڵمەتەش دا و هۆرئێستەوە
ساعبێ زو وەختێ کابرا لوا پەی گەوڕی پەی خەبەری ، چە دیش گاوەکێ هۆرئێستێنەوە ، وەشیێنە تن قێڕناش و ماچۆ : خوایا شوکرت ! و عازا چڕیش وەنەو کوڕەکەیش ماچۆ : نەزرەم کەردێ بێ ئەگەر گاوەکێما وەشە بۆوە و مردارە نەبۆوە ، ئا مەیێ کەروو قوربانی ، دا ڕۆڵە لوە مەیەکێ بارە با سەرەش بڕمێ..
ئینەن قەڎیمیێ فەرماوانشا :
«زوان بازۆ سەرەم سڵامەت!»
@karawawshamyany
کتیبی چیشتی مجیور
ماموستا هه‌ژار موکریانی
به شی ۷۲
بەشدار بن
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
🏡مێژوو ئەوەڵین وانگاو کەڕاوای
☀️ئازیزا زاندێ کەی مەدرەسە ئامان کەڕاوا؟
☀️یاگێ مەدرەسەکەی کۆگە بیەن ؟
☀️ئەوەڵ مەدرەسە کە، کریانۆ چکۆ بیەن؟
☀️ئەوەڵ موعەلموو کەڕاوای کێ بیەن؟
☀️ئەوەڵ دەسەو وانیارا ، کە کەراوانەلوێنێ کەلاس یەک کێ بیێنێ؟
💥 ئەوەڵین ڕا پاییزوو۱۳۴۱ ی وەرەتاوی کەڕاوانە مەدرەسە دایێر بیەن ، تا ئا وەختە ئەگەر کەسێوە دەرسش وەنابۆ ، مەجبوور بیەن بلۆ ڕەزاو و دماتەر گۆشخانی..
💥ئەوەڵ مەدرەسەو کەڕاویچ ، یانێ قادربەگی بیێنێ ، ئا یانا ، ئیسە یانێ حەمە سراحینێ ، جە عەسڵنە ئی یانا هینەو یانەو مەرحووم ڕەشە هەورامی بیێنێ و قادر بەگی سانێنێ و وەختێ قەرار بیەن مەدرەسە بێ کەراوا ، قادر بەگ وێش لاو مزگینە یانێش کەردێنێوە و ئیتر ئی یاناشە دێنێ پەی مەدرەسەی..
💥دوێ ساڵێ دماتەر ، خەڵکوو دەگای خۆبەخشانە و بە کۆمەکوو موعەلموو ئا وەختەی ، کە کەسێوە بیەن بە نامێ "فکری" پەشتی مزگیوە ، خاکێوەشا سانان و کەردەنشاوە مەدرەسە ، ساڵەو ۱۳۴۳ ئیتر زارۆڵێ چا مەدرسە وەنانشا ، ئیسە یاگێ ئا مەدرەسەیە یانێ مامۆساو دەگاینێ..
💥ئەوەڵ موعەلموو کەڕاوای ، نەفەرێوە سپاهی دانش بیەن ، بە نامێ "محمد فکری" خەڵکوو تارانی بیەن ، ئی مامۆسا ، ئینسانێوە دڵسۆز و خەم وەر بیەن ، حەزش کەردەن بە سواد و فێر کەردەی و ئاوەدانی و عومرانی ، فرەو خەڵکی کە هۆششا مێ و نامێ ئی کەسی بەرا ماچا کە ئینسانێوە فەعال و تەوانا بیەن ، نە تەنیا جە کار وبارو فێرکاری و مەدرەسەینە ، حەتتا جە کارە عومرانیەکاو دەگایچنە ، پێسەو وەش کەردەی قومەو سەرچەمەی و هانەو حەمەئاغەی بەشداریش کەردەن و یۆ چا کەسا بیەن کە نەقشێوە وەرە چەمش بیەن پەی کەردەیوەو ئا مەدرەسەیە لاو مزگینە..
💥 ئەوەڵ دەسەو موحەسڵاو کەراوای کە ساڵەو ۴۱ی مەدرەسە کریانۆ و لوێنێ کەلاس ئەوەڵ ، ۱۳ نەفەرێ بیێنێ ، کە ئەکسەرشا مەدرەکوو کەلاس ۶ ی قەدیمیشا گێرتەن و بیێنێ بە میرزا..
💥ئا ۱۳ کەسە کە ئەوەڵ سری وانیارێ مەدرسەو کەراوای بیێنێ پەی کەلاس یەکی ئینیشانێ:
👇👇👇
۱-مرحوم غەفوور کەریمی
۲- مەرحووم ئەحمەد عەبدی
۳- کاک فەرەج ئەمینی
۴- کاک مەلوود عەزیزی
۵- کاک جەمال ئەریس(ئێنتزامی)
۶- کاک جەمیل ئازەریان
۷- کاک ئەمین حەبیبی
۸- کاک عەلی ڕەشیدی
۹- کاک حسەین رەحمانی
۱۰- کاک رۆسەم شەریفی
۱۱- کاک سابیر بزۆرگ ئۆمید
۱۲- کاک ئێقباڵ بزۆرگ ئۆمید
۱۳- کاک ئەمین بەهمەن (شێخە)
💥 بێجگەم ئینیشا کە لوێنێ مەدرەسە ، چن نەفەرێوەتەر کە زووتەر جە ڕەزاو و گۆشخانی وەنانشا ، ئایشایچ ئامێنێوە پەی کەڕاوای و درێژەشا بە وەنایشا دان ، پێسەو :
مەرحووم کاک مەنسوور ئازەریان
مەرحووم میرزا ئەحمەد عەزیزی
مەرحووم کاک حەمە سەعید بزۆرگ ئۆمید
کاک تەیموور ئازەریان و...
💥فرەو ئا زارۆڵا کە بیێنێ کەلاس یەک بە هۆ نەبیەی مەدرەسەی جە کەڕاوانە ، سنەشا سەرتەر جە مەعمووڵی بیێنە ، کە ئی موعەلمە ، هامنێ جە باخوو هانەکەگەرمەی کەلاسش دایێر کەردەن پەیشا و حەر ئا هامنە بە سوورتوو جەهشی کەلاس دوێشا وەنان و پاییزەکەش لوێنێ کەلاسوو یەرێ..
🍂🍂🍂🍂🍂🍂🍂🍂🍂🍂🍂🍂🍂
🟡دەس وەشی کەرمێ جە
جەمیل بەگی
و
سەی ئەمین حەبیبی
پەی زانیاریەکاشا ..
📸عەکس : هۆرگیریا جە ئالبۆموو یانەو مەرحووم میرزا ئەحمەو عەزیزی؛
بنەماڵەو ئەوەڵین موعەلموو کەڕاوای #ئاغەی_فکری چی عەکسنە دیارێنێ..
@karawawshamyany
🍂
🍂🍂🍂🍂🍂🍂🍂🍂🍂🍂🍂🍂🍂🍂
کتێبی چێشتی مجێور
مامۆستا هه‌ژار موکریانی
به شی ۶۹
😍😍😍😍😍😍😍
