427
شاعر حسيني على حبك علي سرنه وجينه وشموع اكلوبنه النهجك وجينه الشفاعه نرتجي منك وجينه اريدعلى الصراط اتكض اديه قناة لشاعر خالد مسلم الحلفي @kaledalhalfi
قصيده للمشايه
هليوم اعتنت لحسين
كل الشيعه مشايه
--------------------
تريد اتواسي الزهره
تمشي ونوصل الكبره
يم حسين للحضره
هاي الناس عنايه
***
لحسين العزه كل يوم
منصوبه الجوادر دوم
واحدنا يون مهموم
لم الخدر وفايه
**
مسابك تلكه عالخدمه
هاي الناس ملتمه
كلها تواسي ابواليمه
حسين وزينب القايه
****
جينا لزينب انوافي
نركض وجدم حافي
تعنينه بكلب صافي
حسين وكربله الثايه
****
منبعيد اعتنت هلناس
وتواس البطل عباس
وخته زينب عالراس
راعي الجود والرايه
****
شياب اعتنت لحسين
حزنانه وتهل العين
كلها اتوسي ابو الحسنين
ماواحد خلف رايه
****
الشاعر خالد مسلم الحلفي
قصيده لدفن الحسين
ﮔوم ياحيــدر وغسله
حسين محد رضه يدفنه
*
ظل ثلـــث تيـــام طـــــايح
بـــس عليل وعنه رايــح
وزينـــب امزيده الــنوايح
امئيســه وﮔطعـــت الظنه
*
طايح اعله الترب عاري
دمه من النحـــر جـــاري
مـــحد الجســـمه يواري
سهـــــام كثره والمنــــه
*
ركضن النســـــوان يمـه
فزعن وصــارت اللــــمه
مــــادرن هذا ابو اليــمه
اتعجبــــن بـــيوم اللـﮕنه
*
من بـﭼن ودموع ســالن
هذا شـــنهي عنـــه ﮔالن
شلون بيه ســيوف عالن
غــــدر يمكن حـــــاربنه
*
ﮔوم ياحــــيدر وشــــوفه
شلون مـﮕطوعه ﭼفوفه
عالنــــهر وسفه تعوفــه
انهض العبـــــاس حظنه
*
شــــعجب عنه اتـــأخرت
للنهر ريـــــت اوصــــلت
لبو فــــاضل وحضـــرت
ماوصـــــلك خبر عنــــه
*
بعده عالرمضـه اويحن
على عبـــد الله ويــــون
حيل ماذيــــه الطـــــعن
مــــــا يطيبن المنـــــــه
*
صواب الاكبر جرح ﭼبده
يـــــاعلي مـﮕابل تعـــده
ﮔوم يابو حســـــين شده
بلكت ايخــــفف الونــــه
*
اليدفنه انشــــده بالــــه
حسين محد ﮔدر شـــاله
ا ستغربوا شنهي الحاله
مـــــادروا ســـيد الجنه
خادم اهل البيت // خالد الحلفي
الى علي الاكبر
الكبر من نزل وتوسط الحومه
كالوا هذا حيدر نزل وي كومه
بي هيبة علي الكرار وعلومه
( صارت بي خوفه الجيش اذكر حيدر)
خالد مسلم الحلفي
كـــفو ولـــد أم الــبنين حسين بيــــهم يستعـــين
يصح ياالله يـــاأخوتي بــــيكم ارفــع رايتـــــي
********
قيم الكــــــــون وتكـــدر يـــوم نزلـــوا ولدحيدر
ويــــاهم الـــــعباس كبر
هاذيوم الخوه نــــــــــاده//كوموا خـــن ادي الشهاده
فده لــــــحسيـــــن الامـــــــــين
*********
احنه عدعيناك كـــــالوا يوم عالفرسان صالوا
جوله بالــــــــــــميدن جالوا
اليدنه يمهم والله مـــــــات//ذلــــواحـــــشود الطغات
ضــــحوا النصــــــرت الــــدين
*********
وكفوا ويــــــه حسين كلهم ذيج وكفة شرف الهم
مــــــــاكدرواحـــــــــد يـردهم
وكفة الـــــــكراروكفـــــوا//والله ويـــــه حـــسين وفوا
مخـــــــــلده و طــــــول السنين
**********
حشم العبـــــــــاس اخوتـه سمــعت الفرسان صوته
كلــــــهم احنه اليــوم موته
صاح وصــــــاني الـــوالد//مــــوت لجــل احسين جاهد
هــــــذا درب الـــــــــخالديـــــــن
*********
الكــــــون غبروالسمـــــــه والارض سبـــحت دمه
لـــــجل ابنـــــج فــــــــاطمه
نفدي الـــــــــــيوم النفـــوس//والله ونــــــكطع الـــرؤس
المـــــــــوت بــــــــي معيــــدين
**********
بســـــــم حيـــدروالله هتفوا والنــــعم وفــــوا وكـفوا
اجـــوا يــــم عبــــاس وكــفوا
امــــرومنـــــــــه اشتريــد//نفــــــدي لـــــحسين الـــوريد
أنمــــــــوت لجلـــــه وخــادمين
**********
احسين لجــــــــلك حشمينه اليــــــــوم للـــخوه أعتنينه
ابــــــــــخدمتـــــــك امــــــرعلينه
أرواحنه لـــــــجلك فــــدى//مــــــاتهــــم بينـــــــه الـــــعدى
اشمـــــــــا تزيــــــــد أمسيــطرين
خالدالحلفي
هوسه الى رفع الرايه
اجينه اليوم كلنه ونرفع الريه
ونصيح وياج زينب كلنه وفايه
هاي ايام حزنج بت علي هايه
( وبامج يازينب هايه )
خالد مسلم الحلفي
درب الله علي دربك وسيره
وروحي مجلبه ابحبك وسيره
ابنادم عالنهج يمشي وسيره
وحيدر سيرتي من ابرز هويه
خالد الحلفي
قصائد لشهر عاشور
هتف بالمعركه الأكبر
جدي انا يصيح حيدر
*
اتودع ويحسين كله
بويه مانهوا المذله
احنه كل طاغي نذله
وكام بالميدان يفتر
****
الاكبرلعوده تعنه
يكل بويه الموت جنه
نطب الحومه ارخصنه
وحنه بالميدان اجدار
*
يكله يابويه وكتها
انزل وخليني اردها
والله اراوي عداك حدها
من اصيح الله واكبر
*
من تفز امي خطيه
خافنا تنشدك عليه
كلهه رايح للمنيه
فده لجلك يبن حيدر
*
عمله بويه اليوم اخلهم
عداك والله حسين اذلهم
ثبت بينه الحك نكلهم
الماتبعنه اليوم يخسر
****
من نزل للكوم وحده
بطل ومشابه لجده
ماكدر واحد يرده
براس ابن غانم وكبر
****
من رجع وراس بيده
هذا يحسين التريده
والله اذل روس العنيده
ابنك بكل شده يحضر
* **
خالد مسلم الحلفي
اخض ابمايها ورد انا اشوف الناس
جثير ملعبه وماعدها كل احساس
تاهت مانعرف الزيل من الرس
(صوره الرس مخلينه اليوم الزيل اليحكم)
خالد الحلفي
هله ابشعبان اصيح الخير وعياده
حسين ابن الزجيه اليله ميلاده
وباجر مولد العباس عمكم فروحه ياساده
( وحسين امنور ميلاده )
خالد الحلفي
تطحن بالكلب ظلت رحلهم
عزاز وحيل ماذيني رحلهم
ادور عالكلب كالوا رحلهم
تبع ضعن المشه ومامر عليه
خالد الحلفي
الحمد لله ربي من يربي
وهنياله اليربي من يربي
عالزينات عينه من يربي
يشوف الخير دنيه واخريه
خالدالحلفي
قصيدة محاسبت النفس قبل الاجل
¥£€^%$$^&££€
الدنية تخلص مايظل بيها احد
وكوم صفيها النفس كبل الوعد
---****--***--******--*****
محد يظل وحياتك تنفني
لافغير يدوم بيه ولاغني
كلها لمر الموت لازم تنحني
محد بدنياك ظل بيها وخلد
************
عيف بيه القال عنك والقلت
ودورعالزين لويوم افعلت
تفوز دنية واخره وبيه انجحت
يلكه فعل الخيركل واحد حصد
**************
ستغفر اذنبك كبل فوت الاوان
الموت ماتدري يجيك ابيامجان
الدنية مابيه وحياتك كل امان
غفله ملك الموت وبروحك صعد
***************
موش بيه اتصير طاغي وعنتره
فاز كلمن راح ابيض دافتره
هناك عنده تصير روضه المكبره
وفاز عن الذنب كل واحد بعد
*****************
كوم من الحقد طهرها النفس
وعنها شيل الكره وتحاشه الرجس
ابعدها عن الذنب وحبسها حبس
اليعمل المعروف والزينه انسعد
******************
خمس اموالك وخذ منها اليزيد
المن اتخليها ماواحد يفيد
خسر كلشي بدنيته البايع يزيد
فلس دنيه واخره وتالي كعد
خالدمسلم الحلفي
جـابــونـي لـعــد عباس
جــيـت يــوم اودعــنــه
***
راســك اجـبـت ياعباس
يـمـك ولـطـم عـالـراس
تعايـنلي يوسفه انـــاس
اخـوي وكــون اشوفـنه
**
عـمت عيني يخويه عليك
مكطوعه يوسفه ايــديـك
اعـاتــب والعـتـب يـاذيك
مــنــك كــاطـعـه الـظـنـه
******
كــون الـمــوت يـاخـذني
وروح ويــاك يـعــجـبني
كــتــلك لا تــفــاركــنـــي
انــه بــلــيــك مــنــجــنـه
*
حــيــرنـي زمــاني اليوم
عـكـبـك مـايـلـزلـي النوم
صـعــبـه مـشيتي ويلكوم
وخــبــرك زادة الــونـــه
**
مـهــضومه اعتنيتك كوم
كـاتـلـنـي يـخــويـه اللوم
كلبي مـن الـقـهـر ملجوم
يــون شلـون ا صـبــرنــه
*
شــحـجـيلج طريق الشام
كـل سـاعـه عـليـه ابـعام
راســك بـالــرمــح جـدام
يــاكــلــب الاصــبــرانــه
الشاعرخالد الحلفي
الطف اتكول زبنب مرمراني
وشفت لوعات منه مرمراني
الحادي يم اخوتي مرمراني
شغت عباس كمت اتصفك بديه
خالد الحلفي
الى المهر
مهر حسين يوم الي رجع خالي
اطلعتله اتكول زينب ونشده بالي
منك وين كتله طايح الوالي
( بلكت بحسين ادليني )
خالدالحلفي
لقاسم ابن الحسن
لبس درع الحسن وتحزم القاسم
وكال اليوم يومي وكون اطب لازم
عمي حسين انصره وعالحرب عازم
( وعودي موصيني حسين يكلي اتنصره )
خالدمسلم الحلفي
ابوذيه للعباس ع
عباس الشمس ببده والف ياي
والف يكتلهم ابسيفه والف ياي
عليه اجمعت كلها والف ياي
جثث والرووس خله عالوطيه
خالدالحلفي
زينب اتكول
احشمكم وصيحن ماني اختكم
وعسى زينب يخويه مانختكم
يفرسان المنايه مانختكم
امر الله وترد زينب سبيه
خالد الحلفي
قصيده لشهر محرم
جاسم بيوم النزل ميدنهه
حيرالكوفه ورهب شجعانهه
*******
سمع عمه يصيح جاسم وعتنه
وكف يمه وسال دمعه ونحنه
يموت كله الكرب يمك لودنه
اليوم لجلك كون شب نيرانهه
******
كله عد عيناك ياعمي ونزل
اليوم اذكرهم ابصولات الفحل
حيدر الكرار في يوم الجمل
اله تشهد من نزل بركانهه
*******
لاتنكروني يصيح ابن الحسن
انا عودي الينذكر يوم المحن
انه يحله الموت وي لبس الجفن
عيد عدنه من نطب باكونهه
********
جاسم بيوم نزل للحومه
بطل والفرسان تشهديومه
كفومن حيدر ورث معلومه
اله نشهد بالحرب فرسانهه
*******
كله عمي اليوم اسوي الماجره
والله اخليهه الكفر مطشره
كون ماينسون جدنا حيدره
يوم خيبر من قلع بيبانهه
*****
اجه يمه حسين يوم الي وكع
كله جبدي عليك ياعمي انصدع
وسفه بيك اليوم وحسين انفجع
شلوان لوكثرت علي عدونهه
*******
خالد مسلم الحلفي
علي ظلمه الدنيه ماصحتلي
اصيح ومن صحتلك ماصحتلي
يوم ابعد اخوتي ماصحتلي
تايه والدليل ابعد عليه
خالد الحلفي
قصيده استشهاد مولاي امير المؤمنين
*اذن يحــيدر فجـــر للمــوت مـو تنتظر
لاتنسنه يوم الوعد للباري اسمك صعد
احضه ابشهاده ونصر
*- موهذا يوم الواعدك
بي الرسول وبلقك
بسجده كلك ضربتك
ياحيدر تموت / ياحيدرتموت
ودين بعدك ينكسر
*- يوم الوكع بي مئزرك
ساعة وداعك يخبرك
ياحيدرالله يصبرك
لله ترجع كلت / لاخايف ولافكرت
من عند هو الصبر
*- كوم العدوك ونده
بالمخفي كله وعرفه
لوما القدر جاه تكشفه
للموت كتله مستعد / لاخايف ولا مبتعد
كتله اكعد وحان الامر
*- طول بذانك وبتهل
باجر يحيدر تنكتل
جم عين بعدك تهل
لوطحت يابو الحسن / تكثر علينه المحن
وسفه الي مثل ينقدر
*- عليك اليتامه تون
الفكدك يحيدر تحن
موحكه رادت تجن
يوم العفتها / محد فكدها
عكبك لفها العسر
*- حس بينه يوم الطحت
لمن يحيدر رحت
جم كلب بينه افجعت
يوم العفتنا / والله افجعتنا
وحدنا صبح منسكر
*- اذن وداعاً علي
مايبق هم ينجلي
للباري روحك تعتلي
يوم شكيت من امتك / الله اتجاب التعوتك
كلك اجك اليسر
خالد الحلفي
السلام وعليك سيدي ياصاحب الزمان
وحك عمتك يمهدي البجت الناكه
تحن اشوفتك والروح مشتاكه
غيابك طال كلي اشوكت نتلاكه
( يايوم تهل وتمر بينه )
خالدمسلم الحلفي
*- الشايب خوش شايب بجه المريكان
وردع جيش الضلاله اليعبد الشيطان
ابومهدي المدرس قدوة الشــجــعـان
( التحرير ايقود وبجفه )
خالد الحلفي
*كون تريد خوه وتظل عالي الشان
اوصيك بوصيه تجمع الخوان
تشد احزام بيهم من تطب ميدان.
( كون الخوه اتباريه العليه تصير ابصفك)
خالد الحلفي
الدنيه اشكد شفت بيه مااسي
وغير الحزن ماحطت مااسي
العايش كل وكت بيه مااسي
حزين وظيف ويتاني المنيه
خالد الحلفي
( عندما سمع العباس ع اليله العاشرزينب
تتكلم مع حبيب ع خرجه من الخيمه قالاً)
انــه جــفيـل ظعـنج الــمــن تصحـيـن
والله الــكون اكلبــه من تحشميني
وحك عينج يزينب مـــن اطب ميــدان
هاذ الجــيش كــلــه مــايكــفــيـني
تظيج الوسعه بيـهــم بـاجرتشوفـيـــن
يصيرالصبح زينب ونتي شوفيني
انه ابن الصمـــيـد الحمه ديــن الــلــه
ابـــن امه الــوكف كون ويتانيني
السافل والله اكلبه وعالي اخله يصــر
زيـــنب انــه أخيج موتعـــرفيــني
مفرد من اعارك يرخه بيدي الســيف
معــلم عــله الكلفه وزيـن تدريني
خلها شماء تجمع كوم ابــن ســفـيان
اردهم من اكـظ الــسيف بيـــميني
انه الكتلج امشي وجيتي خويه ويـاي
جفيل الظعن انه ومـوش تنخينـي
ظهرحسين اكضه الكرب يــمه يــوت
اذا طاحن اجفوفي انـوب عــذرني
لجل حسين صرت وانه احمي حسين
افدي الروح لـجله ولاتــوصــيـني
تشوفيني امنجرد بيدي هذا الــسيــف
ما تاني الــمنيــه اهيــه الاتانـيني
مايلحك يسجل يــطب مــلك الــمــوت
اصفــطهم صفــط واحد عله اثاني
اخوج انـــه يزينب ظــنــوات الـكــرار
حيـــدرمـــا نسيتــه بيــوم وصاني
كــلي بــذمــتـك اختــك تــظـل عـباس
تــأمريـني يـزيــنب خــادمــج اني
خــل يـــرتاح بالــج يـطمـن هل يــوم
العدها خوان مثلج ماظــن اتـعاني
ازلزلها الارض وبعينج اتشـــوفــيــن
انه ربـات ابـــوي ويـــاهـو يدناني
كون حسين يسمح هسه اطـب ميدان
موصه بكربلــه وماحــاجه ينخاني
تشوفينه يزينب هـــذا كـلـه الـجيــش
شربت ماي عندي يمظمض الساني
عالشاطي الوعــد ينكـطعـن الجفـيـن
صارسنين وانـه الــكربـلـه امتـاني
يـــم نــهرالفرات ونـه طـيح هـــنــاك
وتـلكه السهــم بالــعيــن لــو جاني
بظلع امج قسم يابت علي المكـســور
اموت وعالشريعه يـصيرعنـوانــي
نزل عبس مسرع هامه هامه
تعلى وكـــــام يشمرهامه هامه
يــــــردوالجودسالم هامه هامه
سكنه تناطره وظلت رقيه
الشاعرخالدمسلم الحلفي
قصيده الى المشايه
***
جيت اتوادع وي حسين
يــــوم الــــربــعــنــيـــه
***
اجـبـنـه الـروس ويـانــه
شـــو مــحـد تــلــكــانــه
كـلـبـي زادة احـــــزانـــه
مــحــمــد مــادره بــيـــه
****
مـحـمــد مـادره ابـحـالي
اون ومــنــشـــده بــالـي
مـــاظــل للــظـعــن والي
ابــات بــحــزنــي لـيـليه
*
انــه اخــتــك يـبعـداختك
عـساني الـيـوم لاشـفـتك
شــلــون اكـدر اذا عفتك
الــفــركـه اتــثــر عــلـيه
**
كــظـيـت الدرب حسرات
كـل لـيـله ابـخرابه انبات
وبـكـلبـي اشكـثـر ونات
ابـجـي وحـيـل مـا بــيــه
*
اجـيـت الـيـوم مـنــدومه
خـويه حـسـين مهظومه
جـروحـي عليك ملجومه
اشـوف الـمـوت يـومـيـه
****
انـــه ام الـخـدر جـيـتــك
مـهـظــومــه وتـعــنـيتـك
لاتــنـشــد عـلـى ابنيتك
هـنـاك ومــاتــت رقـــيـه
الشاعرخالد الحلفي
ويه مسلم ريت عباس الحضر
يوم ظل اوحيد بالكوفة انغــدر
*********
كون ابو فاضل الظهرك لازمــــه
جان ظاك ابجيشهم ارض وسمـــه
وجان ذاك اليوم صارت ملحمــــه
سلم بس الشرد من عدهه وطفر
**********
ولو وحدك بالغرب عملة أعملت
أرتجت الكوفة يمسلم من صلــت
بيك والله اتفاجئوا يــــــوم انزلت
انته واحد عله اللاف انتصر
*********
أتحير ابـــــن ازياد شنهو اليعمله
خلص كــــــل الجيش محد جابله
حار بيهه شلون ينهي المسألـــــه
أشما يودي الجيش ويشوفه انكسر
**********
كون أبو فاضل أبصفك من صحت
يوم بالميدان و وحيد انزلـــــــــــت
كون ملزوم الظهر مــــــن صولت
جان ابداً ما يظل الهم أثر
*********
أجت طوعه تصيح مسلم حشمت
كوم شوف الخيل وعلينه أفزعت
كلهه عد عيناج خل شما علـــــت
والله أرد اجيوشه أشكد ما صدر
*********
والله لولا الغدر مسلم مــا يطيــح
ابحيدر أيشد العزم يوم اليصيـــح
نهى كل الجيش بيهم ظل يزيـــح
نكس الفرسان والجيش اندحر
الشاعر
خالد الحلفي