3582
*قد نسجتُ من لجين دمع عيني كلمتين* (يـ حسين ـا) *حبه حرز النجاة وهو الكهف الحصين* *نبض قلبي من حروف رتّلت إسم الحسين* *بعتُ قلبي في هواه وله العمر رهين* خادمة آل محمد✍
*يا صاحب الزمان العجل* 😭
*أَيْنَ الْمَنْصُورُ عَلَى مَنْ اعْتَدَى عَلَيْهِ وَافْتَرَى أَيْنَ الْمُضْطَرُّ الَّذِي يُجابُ إذَا دَعَا…*
لحن اسمع عتابي~♪
وينك يا منصور~ عنّا ارفع الجور
بسيفك يا مهدي ~ اقضي عالفجور
يا مهدي وينك ~ طالت سنينك
عالمحنة ندري~ الله يعينك
الشيعة أنصرها~ بشده واحضرها
طال الصبر طال~ بشاره بشّرها
نقسم بجدك~ كل احنا جْندك
نحارب بسيفك ~ وننتظره وعدك
بهالحرب شبّان~ احرسها بالميدان
الدمه عا كفّه ~ للشهاده عنوان
الدنيا بأمانك~ نعيش بزمانك
واحنا الحيارى ~ ننشد مكانك
خادمة آل محمد✍🏻
*التوسل بالإمام الحسين ع* الجفيري~
أتوسّل بجاه الحسين
وبذبحته وگطع الوتين
رافع كفوفي واليدين
يقضيها ليّه حاجتي
〰️〰️〰️〰️〰️
قسم بمصابك يا غريب
وبذبحة النحر الخضيب
بالمنذبح ظامي وسليب
يقبلها مني دمعتي
〰️〰️〰️〰️〰️
بأم الذبيح وغربته
وطحنة ضلوعه وذبحته
يرزقني بالله زيارته
يوم اربعينه غايتي
〰️〰️〰️〰️〰️
رايد شفاعه بالحشر
يحضرني في وحشة قبر
ولو منكر وناكر حضر
يهوّن عليّه غربتي
〰️〰️〰️〰️〰️
لحن اسمع عتابي للشيخ البيابي~
دمعي وحنيني~ وجرحي وأنيني
لاجلك يا مذبوح ~ ناذر سنيني
توفّقني دائم ~ تسجلني خادم
باكي وناعي~ لاجلك ولاطم
من الله نعمة~ بابك ورحمة
لا تسدّه بابك~ بيدي ألِزمه
خادمة آل محمد✍🏻
/channel/kadimatAlmouhamad
*لحن يا يمه ضاع العمر ~♪*
*حيدرنا هامه انطبر هالليلة نام بگبر هالليله نام بگبر*
نعشك اگبالي بويه ودّعته نعشك اگبالي
~
ودمعي عالوالي ابكي محنته دمعي عالوالي~
عزي ودلالي غاب عن عيني عزي ودلالي
~
مطبورة هامه والدمه براسه وذيچ العمامه~
شفته وگلبي انفطر ~ اتشيّع ونام بگبر
〰️〰️〰️〰️〰️〰️
ما ٱصعب غيابك…حيدر يا حيدر ~ ما ٱصعب غيابك
أشْتَم ترابك… واگعد عالقبر واشتم ترابك
لوّعني مصابك… مرمرني الصبر لوّعني مصابك
ويمّك احبابك… تنصب لك عزا ويمك احبابك
ومنين اجيب الصبر
حيدرنا نام بگبر²
〰️〰️〰️〰️〰️
حزينة روحي… من بعد عينك حزينه روحي
زادت جروحي… من اسمع ونينك زادت جروحي
احزاني ونوحي لفرقة سنينك… احزاني ونوحي
عذبني فراگك … حيدر يا حيدر عذبني فراگك
وگليبي يلهب جمر ~ حيدرنا نام بگبر²
خادمة آل محمد ✍🏻
https://youtu.be/sPEFzV59x2g?si=Jhp9iOehdMshJH2a
/channel/kadimatAlmouhama
يعاين لنحره ~ ودمه عالغبره
يعاين ضلوعه ~ وطفله عا صدره
〰️〰️〰️〰️〰️〰️
ينظر جروحه ~ ويتعالى نوحه ~
سهامه بصدره ~ جثة مطروحه
〰️〰️〰️〰️〰️〰️
يذرف دموعه ~ ويلطم ضلوعه
ويطلب بثاره ~ ساعة رجوعه
يشوفه وتألّم ~صدره تهشّم
وكفنه ترابه~ وخضابه من دم
راسه برمحه ~ ومن بعد ذبحه
داسوا له صدره~ وجنازة طِرحه
خادمة آل محمد ✍
لحن اسمع عتابي♪
في كربلاءه ~ يقرا عزاءه
وينادي يا حسين ~ ويعلا نداءه
يبكي مصابه~ فوق الترابه
يقرا المصيبه ~ ويجرح عتابه
ينوح لغربته ~ ويبكي ذبحته
ينصب عزاءه ~ ويونّ لمحنته
ونّاته كثره~ يعاين لنحره
بصدره سهامه~ ودموعه حمره
بعين البصيره~ يشوف الأميره
راحت سبيه~ والحيره حيره
اه اه
مع امام زماننا بالأنه والعبره والحسره كل موالي يتمنه يوصل قبر الحسين ويتسجل زاير للحسين ع اللهم لا تحرمنا زيارة الحسين ع اطلبوا زيارة الحسين ع مع امام زمانكم
زاير سجّل اسمي يا حسين
ويّا المهدي اجري هالعين
وگلبي يواسي گلب الحجة
الطم وانعي والطم بايدين
يلا يا زاير طوف بروحك بقبر سيد الشهداء واوقف تحت القبة وارفع كفك بالدعاء
ارفع كفي واطلب طلبه
بحق المذبوح بارض الغربه
عجل فرج المهدي يا رب
يطلب ثاره بهاي الندبه
يا لثارات الحسين~~~~
وانت على باب الحسين ارفع كفك وسلم عالحسين كما سلم امام زمانك السلام على الشيب الخضيب السلام على الخد التريب السلام الجسم السليب السلام على الرأس المرفوع فوق النصول السلام على الصدر المرضوض بحوافر الخيول ~حسين يا حسين
صرخة الزهراء حسين يا حسين صرخة زينب حسين يا حسين
خادمة آل محمد✍🏻
اللهم اكتب لنا خدمة الحسين وزيارة الحسين ع واختم انفاسنا بالحسين ع عسى ان نسجل من خدامه ومواليه وشفعائه يوم القيامة الله وفقنا لزيارة الحسين ع
وان لنا أمنية هذه الليلة
*طلب الزيارة🏴*
ألا زُرْ حسين سفين النجاة
ذبيح الطفوف بنهر الفرات
قتيل جديل بأرض فلاة
دم النحر سال من الودجين
حسين حسين حسين حسين
*حال الزائر يتمنه ان يكون من زوار الحسين ع هذه الليله*
يا مولاي هلاّ كتبتنا من زوّار جدك الحسين ع في هذه الليلة تطوف
ألا زُرْ حسين سفين النجاة
ذبيح الطفوف بنهر الفرات
قتيل جديل بأرض فلاة
دم النحر سال من الودجين
حسين حسين حسين حسين
*أبيات لزيارة سيد الشهداء ع*(لطلب زيارة الحسين ع)
والله حيرة حيرتي♪
زاير انه بدمعتي
وكربلاءه قبلتي
اقصد ودمعي يهل
حسين يسمع ندبتي
❃❃❃❃❃❃❃❃
اعقد النية بزيارة قاصد حسين الغريب
إيدي ارفعها واسلّم اويلي عالشيب الخضيب
أقرا بدموعي الزيارة ويسمع الصوتي الغريب
غسلي من دمعة عيوني وجهتي ازور الحسين
سجل اسمي ويالخدم
أنعي واقرا عالسهم
الصوّب بگلب الحسين
والمدامع تجري دم
❃❃❃❃❃❃❃❃
منيتي امشي بدربه وبالمواكب اخدمه
احمل الرايه بكفي وايدي صدري لاطمه
بخطوتي للجنة قاصد بعيني دمعة ساجمه
وعيني من تنظر ضريحه بقبته اكحلها عين
من ازحف واوصل إله
والمدامع هامله
ربي سجلني أزور
ماشي اقصد كربله
❃❃❃❃❃❃❃❃
من اوصل الحضرة واطوفه
بيدي الزم للضريح
وابكي عالصدر الترضرض والجسد منه طريح
اذكر جروحه وسهامه والمثلث والذبيح
اصرخ والطم عا وجهي وابكي مذبوح الوتين
قلبي متلهّف أزور
وعالضريح آنه أدور
اسمه سجل بالحضور
اقصدك بالاربعين
*ربي اكتبلي زيارة للحسين
❃❃❃❃❃❃❃❃
خادمة آل محمد✍🏻
يلل تهيأ ايها المحب للزيارة
*حال محب الامام الحسين ع يعقد نية الزيارة* لحن اسمع عتابي♪
زاير الك جاي~ اقبلني مولاي
بيوم اربعينك~ متعني مشّاي
افتح لي بابك~ أشتم ترابك
واقرا الزياره ~ وابچي مصابك
اسعى واطوفك ~وحجي بطفوفك
اقسم يا مولاي~ لا ما أعوفك
بهاي الزياره ~ رايد بشاره
تكتبني خادم ~ أحلى عباره
ببابك طلبتي~ وتجري دمعتي
تحضرني يا حسين ~ بظلمة حفرتي
تشفعي إليه~ يابن الزچيه
وتحضرني يا حسين ~ يوم المنيه
*حاشاك سيدي ان تترك محبيك وخدامك ومواليك والباكين عليك. وزائريك ستحضرنا في قبرنا وحشرنا يا حسين*
عهد وتجيني~ وتمسح جبيني
ساعة مماتي ~ وانت ترويني
وقبري بحضورك~
ينوّر بنورك
وتحضرني زاير~ مثل ما ازورك
حسين
خادمة آل محمد✍🏻
وكل رجائي سيدي ان تحضرني في وحشتي وظلمة لحدي فمن لي غيرك يا نور الأنوار
*حضور الامام الحسين ع عند قبر الموالي* لحن الجفيري♪
يا صاحب النور المبين
إحضر بگبري يا حسين
نوّر حفرتي يالحنين
لو نزّلوني بالگبر
〰️〰️〰️〰️〰️
لو نزّلوني بالتراب
ولو جاني منكر للحساب
يزجرني ويريد الجواب
احضرني في ساعة عسر
〰️〰️〰️〰️〰️
گالولي تحضر باللحد
وتهوّن عليّ الشدد
انت كفيلي والسند
تحضر يا مگطوع النحر
😭
〰️〰️〰️〰️〰️〰️
بيا حالة تحضر يا حسين~ يقولون يحضر الحسين نورا بلا راس~ مقطوع الوتين صح ونادي ياحسين
تحضر إليّ بغربتي
وعلي تهوّن وحشتي
تنوّر بنورك حفرتي
تنجيني من نار وسقر
خادمة آل محمد ✍🏻
#واعلياه ~ يا زهراء مدد
لحن شال الشهيد حسين~
يا مغسّل الوالي بهداي بهونك راسه مطبّر
تنزف دمومه وتسيل ولونه انخطف اصفر
شدّ عصابته براسه هذا أسد خيبر
مسرع شايل ورايح الليله مفارق بيته
〰〰〰〰〰〰〰〰
بهيده نعشهِ تشيله وتنزّله بلحده
خيمة الأبو علينه گلبي اندفن عنده
صعب اليتم بويه وتبكي الليله فقده
راح الأبو يا ناس وفقدنه حنّيته
〰〰〰〰〰〰〰〰
گعدت يمه وناحت يم نعشه بونّتها
زينب تودع الكرار وتجريها عبرتها
تگله في أمان الله وتشكيله غربتها
للگبر اخذوني وياه ما احتمل فرگيته
خادمة آل محمد✍🏻
https://youtu.be/1VYR8XnTBXA?si=mx6Fv_ppM1cy4bIw
#واعلياه~ *الليالي العلوية*
لسان حال زينب ع تنشد اخيها الحسن ع~
دشيل جنازته~ وشد عصابته
عليها دِمه وأثر ~ من راسه وطبرته
غمّض لـ بويه عين~ واسبلّه هاليدين
گبل نعشه تشيل ~ أحبّه بالجبين
بهونك من تحمله~ ويم لحده تنزّله
خليني اودّعه~ وكفنه نفصّله
حزني بليلة قدر~ بليلة تاسع عشر
فارگنا حيدره~ ونام الليله بگبر
خادمة آل محمد✍
#واعلياه
*الليالي العلوية /واشهيداه*
اجتْ لهِ الحرّه~ ولن شافت الطبره
العصابه براسه ~ تجري الدمع عبره
ليش الوجه أصفر~ وراس الولي مطبّر
متغيّر احواله ~ اسم الله على حيدر
گاللها يا زينب~ عندچ محن اصعب
بكربله تنتظرچ~ هناك العزا ينصب
فوق الهزل تمشين~ ودمع الجفن صوبين
وحسينچ المطروح~ بلا غسل ولا تكفين
وتودعي الخوّان ~ وترافگي العدوان
وتروحي سبيه~ وخيّچ على التربان
تگله يا حامي الجار ~ هذا الدهر غدّار
يا بويه لا ترحل ~ تعوفّنه للأخطار
خادمة آل محمد✍🏻
#واعلياه~ زينب ع تخاطب حاملين نعش أبيها أمير المؤمنين ع/ لحن اسمع عتابي~
نعشه ولينه ~ يالشايلنه
تحت الترايب~ لا تدفنونه
خليني اودْعَه ~ وبعيني دمعه
النظرة الأخيرة~ وصوتي يِسِمْعه
عا فراگه ما ٱگدر ~ وگلبي تفطّر
بوداعة الله ~ بويه يا حيدر
دارك خليّه ~ وظلمه المسيه
يابويه ترحل ~ وانه بعزيه
خادمة آل محمد ✍🏻
#واعلياه ~ حين وداع امير المؤمنين ع لأهل بيته وأولاده~
حيدر يمهم ويدير العين
يجذب ونّه أبو الحسنين
وجه اصفر من الطبره
ومن آلام يجذب الِوْنين
حيدر حيدر حيدر حيدر²
〰〰〰〰〰〰
تعاين زينب بْراسه الطبره
وتخفي الونّه وتجذب حسره
شلون تودْعَه بهذا الوداع
احتارت زينب تخفي العبره
〰〰〰〰〰〰
تصدله ووجه لونه اصفر
وفوق عمامه الدم الأحمر
ما اگدر بويه انظر جرحك
الراس اگبالي بويه مطبّر
خادمة آل محمد✍🏻
#واعلياه
*حزن زينب ع على فقد ابيها امير المؤمنين ع*
الله يساعد گلب الحورا
بفرگة ابوها تعيش بحسره
عگب اللمّه وذيچ العشره
خالي الدار وتجري العبره
ابويه بويه بويه بويه
〰️〰️〰️〰️〰️〰️
بعد الوالي منهو ليها
تفقد عزها راح وْلِيها
تجري العبره اويلي وتنوح
راح الغالي اويلي عليها
ابويه بويه بويه بويه
〰️〰️〰️〰️〰️〰️
خادمة آل محمد ✍🏻
/channel/kadimatAlmouhamad
*نخوة لحضور الأمير ع عند موت الموالي وفي حشره ~ لحن الجفيري♪*
يا صاحب النور الجلي
احضرني بقبري يا علي
نوّر حُفُرْتي يالولي
احضر يا حيدر بالشدد
〰️〰️〰️〰️〰️〰️
گالوا ٱنت تِحضر بالگبر
وتسهّل عليّْ كل عُسر
وتحضرني ساعة احتضر
من اصرخ بإسمك مدد
〰️〰️〰️〰️〰️〰
لو نزّلوني بالتراب
ولو جاني منكر للحساب
يزجرني ويريد الجواب
ينجيني منِ ٱهْوالِ اللحد
〰️〰️〰️〰️〰️〰️
وبالموقف وعند العسر
ومن يوقدوا النار بـ سقر
ولحظة مروري عالجسر
اشفعلي يا سيد الحشر
〰️〰️〰️〰️〰️〰️
خادمة آل محمد✍🏻
/channel/kadimatAlmouhamad
#واعلياه~
*مرض امير المؤمنين ع*
*سؤال مولاتنا زينب ع للحسن والحسين ع؟؟؟؟*
عن حاله الطبيب شگال صدق جرحه بعد ما طاب
يخوفي السم جرى بجسمه وعنا يشيل داحي الباب
خبرني عن احواله بصوابه الگلب منصاب
طمّني الولي وضعه أبويه حالته صعبه؟؟؟
〰️〰️〰️〰️〰️〰️
الحسن لاخته يدير العين وگال الها الوضع مو زين
جرحه مو سهل يختي وصعبه حال ابو الحسنين
جبينه والوجه اصفر وبدمه ينزف بجرحين
طبيبه مأيّس بحاله ويشد عصابه عالضربه
〰️〰️〰️〰️〰️〰️
*صاحت زينب ويلاه ما الذي اسمعه اخي حسن اخي حسين هل أشرف على المنية؟؟؟؟*
لحن الجفيري~
صاح الحسن صاح الحسين
كفّي يا زينب هالونين
شدي العصابه عالجبين
واصبري يا زينب عالمحن
〰️〰️〰️〰️〰️〰️
مو تسمعين وصيّته
لو ابونه حانت موتته
ولو يدفنونه بحفرته
لا تسكبي دموع الحزن
〰️〰️〰️〰️〰️〰️
لو شفتي ينعاه الطبيب
خلي دموعچ عالغريب
نوحي على الشيب الخضيب
ولا تحبسي دمع الجفن
〰️〰️〰️〰️〰️〰️
خادمة آل محمد ✍🏻
#واعلياه~ نعي ليلة الضربة
زينب ترى رأس ابيها وتتحسر على مصابه~
لحن جاوبني يا علي~
فجعتني طبرته
من انظر لـ هامته
يا خويه يالحسن
عظيمة محنته
المصيبه مؤلمه
راسه ينزف دِمه
مشدودة عصابته
شفته دمعي هِمه
ليش اسمع هالونين
يتألّم أبو حسين
لا تگلي ابونه راح
وگلبي انجرح جرحين
(مشهد تصويري )وكأني بـ زينب مرتبكه محتاره تنظر لأبيها من وراء الستار وتصفق كفيها~
صدق عنه يشيل
الليله حامي الدخيل
عسى سالم يگوم
ويمسح دمعي اليسيل
خادمة آل محمد✍🏻
#واعلياه ~
*وداع الجنازة~ لسان حال زينب تخاطب من شالوا جنازة ابيها امير المؤمنين ع* لحن الجفيري
ريّض يا دفّان الولي
لا تشيله نعشه للولي
خلينه اودعنّه علي
النظره الأخيرة وگلبي ذاب
〰〰〰〰〰〰
خلينه اشدّ عصابته
واعدل لـ بويه عمامته
جرح الولي في هامته
لا تدفنه تحت التراب
〰〰〰〰〰〰〰
لاجله الخدود اللاطمه
ودّعني راح لـ فاطمه
جرح الرأس ينزف دِمه
صواب الجرح في گلبي صاب
〰〰〰〰〰〰
ادفني يمّه بالگبر
ما ريده بعده هالعمر
ما ينحمل جرح الصبر
راحل ابويه وگلبي ذاب
خادمة آل محمد✍🏻
#واعلياه~
*الوداع الأخير بين زينب وابيها ع ~لحن اسمع عتابي ~*
زينب أميرة~ حيرتها حيرة
ودّعها حيدر~النظرة الأخيرة
گال الها اصبري~ ودمعاته تجري
گالته ابويه~ اخذ مني عمري
اخذ مني روحي~ وبلسم جروحي
تدريني بعدك~ بونّي ونوحي
اه اه جواب امير المؤمنين ع لـ زينب~
تنتظرك جروح~ لا تزيديِ النوح
بالطف رزايا ~ تفجعلك الروح
تشوفي العجايب~ وكل الحبايب
كلهن ذبايح~ فوق الترايب
وتعايني حسين~ محزوز الــِ وْتِين
وعباس اخوچ ~ وبلا يا چفين
وابن امچ ذبيح~ ودم نحرهِ يسيح
وبلا يا اكفان~ يا زينب طْريح
وتشوفي الـِ خيول~ عا صدرهِ تجول
تسحق ضلوعه ~ والوالي مقتول
خادمة آل محمد ✍🏻
*هالليله يا ليلة قدر*
لحن والله حيرة حيرتي~♪
هالليله يا ليلة قدر
ننشد إمامي المنتظر
تحييها وين بيا مكان
وينك يا صاحب هالأمر
آيمهدي امامي آيمهدي~
〰〰〰〰〰〰〰
لوعة يالمهدي وغربة وانت غايب آيغالي
تقضي ايامك بندبة وبالقدر حزن الموالي
صايم وتندب حسينك تمضي باحزانك ليالي
تشرب الماي ودموعك بخدك تسيل وتلالي
وحدك انت بغربتك
لله تشكي غربتك
زاير حسين بدموعك
آيا لوعة محنتك
آيمهدي امامي آيمهدي~
〰〰〰〰〰〰〰〰
گاعد الليله ببابك بالمجالس انتخيك
بحق ذبيح الطف حسينك سيدي مهدي ارتجيك
وقع بصحفة كتابي خادم آنه بن إِيْديك
بدفتر اقداري تسجّل زاير حسين واجيك
زاير بيوم اربعين
سجل اسمي للحسين
اختم انفاسي بخدمته
ناعي محزرز الوتين
آيمهدي امامي آيمهدي~
〰〰〰〰〰〰
نرتل بكل جمعه ندبه وبالقدر نقسم قسم
نقسم بذبح الغريب ونبكي صدر المنهشم
عجل بيومك يا غايب وادرك الشيعه بألم
تدري كم محنه نعاني وكم رزيه وكم ظلم
علينه مجتمه العدا
والمهدي وينه موعده
عجل بجاه الحسين
ثارك انت نتشده
آيمهدي امامي آيمهدي~
خادمة آل محمد✍🏻
*واعلياه* *زينب عند جنازة ابيها امير المؤمنين ع* 😭
*زينب جلست عند جسد امير المؤمنين ع تودعه بدموعها باكية بأنينها وحنينها ودمعتها الجارية فوق جنتيها وهي تأن أنينا~*
بويه بويه بويه بويه~
تگعد يمّه تون وتنحب
الله يساعد قلبچ زينب
تودع حيدر هاي الليله
تون تنوح بمدمع يلهب
〰〰〰〰〰〰〰
نوبه تحبه بوسط الطبره
وتشبك عالراس كل العشره
وصوت الناعي ينعى الكرار
كنها حضرت يمها الزهره
بويه بويه بويه بويه~
〰〰〰〰〰〰
تگله بويه فتح عينك
تختم هاي الليلة سنينك
الزهره يمها تلطم عالراس
تگلها زينب الله يعينك
بويه بويه بويه بويه~
〰〰〰〰〰〰
〰️〰️〰️〰️〰️
*لحن اسمع عتابي~*
الزهره الزچيه~ بهاي المسيه
يم علي الكرار~ بدمعه جريه
يم الغريبه~ بهاي المصيبه
تلطم ضلعها~ المحنه عجيبه
تنظر الطبره ~وتلطم بحسره
ذكرني حيدر ~بضلعيِ وكسره
تگله اجيتك~ أنصب عزيتك
امسح لجرحك~ وانعى ببيتك
بيوم القيامة~ عندي علامه بحقك اطالب~ بهاي العمامه
〰️〰️〰️〰️〰️〰️
*يا اهل العزاء ارفعوا دموعكم لفاطمة هذه الليلة عزوا المفجوعة هذه الليلة بدموعكم تراها حاضرة في عزاء امير المؤمنين ع* لحن الجفيري♪~
هالليله حضرت فاطمه
بـ دار الولي حامي الحمه
تون وتنوحن لاطمه
وتلطم ضلعها المنكسر
〰️〰️〰️〰️〰️〰️
دارت تندب حيدر علي
بليلة قدر مات الولي
دمن بعدك خالي منزلي
وراح ابكي لك كل العمر
〰〰〰〰〰〰
راح الوالي راح السند
لا زتدفن حيدر باللحد
ما تمم صيامه بعد
فارگنا في ليلة قدر
〰〰〰〰〰〰
خادمة آل محمد✍
◼️◼️◼️◼️◼️
واعلياه~
واويلاه وامصيبتاه واعلياه
#واعلياه
*حزن زينب ع على فقد ابيها امير المؤمنين ع*
الله يساعد گلب الحورا
بفرگة ابوها تعيش بحسره
عگب اللمّه وذيچ العشره
خالي الدار وتجري العبره
ابويه بويه بويه بويه
〰️〰️〰️〰️〰️〰️
بعد الوالي منهو ليها
تفقد عزها راح وْلِيها
تجري العبره اويلي وتنوح
راح الغالي اويلي عليها
ابويه بويه بويه بويه
〰️〰️〰️〰️〰️〰️
خادمة آل محمد ✍🏻
سيدي يا ابا صالح وانت تنظر لزوار جدك الحسين ع وتختم لهم صك الزيارة لا سيما زيارة الاربعين ~
اللهم سجلنا من زوار الحسين
اللهم وفقنا لزيارة الحسين ع
يلا يا زاير الحسين عرج بروحك لارض كربلاء طوف بين الحرمين وادخل من باب القبلة مسلما ارفع ايدك بالسلام على الغريب
السلام على ساكني كربلاء~~~
جينا نزورك يا غريب
وحج كل محب بكربله
نبچي على الخد التريب
ودمعتنا عالخد سايله
نسلم على الشيب الخضيب
على الشفاهِ الذابله
سلامْ الله عالنحر الذبيح
وعلى النحور الداميات
〰️〰️〰️〰️
نبچي لمحزوز النحر
عالغبره من كفنه انسلب
نبچي لمرضرض الصدر
بحافر أميّه عالترب
نبچي الذي،صابه السهم
بسهم المثلث بالگلب
وعطشه وشفاه الذابلات
ببابك ٱآنه… اطلب الإذن على بابك
ببابك ٱآنه… ودمعي بس يجري لمصابك
ببابك ٱآنه…اشتم العطر بترابك
لا تردني… يا بو لاكبر يا حنين
لا تردني… بابك افتح يا حسين
لا تردني… سجلني ويا الزائرين
*خلني يمّك… أبوعلي خليني يمك يا حبيبي*
خلني يمك… خل أوصّل للضريح
خلني يمك… يم ضريحك يا ذبيح
خلني يمك… أبكي المدمع يسيح
〰️〰️〰️〰️〰️
ٱخذها روحي… من اطوفن بالگبر
ٱخذها روحي… فدوا روحي للنحر
ٱخذها روحي… اندبك طول العمر
〰️〰️〰️〰️〰️
لحن الجفيري♪
اسمعنا يا نعم المجيب
جرح القلب لا ما يطيب
إلا بزيارة للغريب
ارزقنا الزيارة يا حسين😭
〰〰〰〰
بحق الي مكسورة ضلع
بكل المجالس نجتمع
وترزقنا لمصابك دمع
وتنظر إلينا يا حسين😭
〰〰〰〰
ابيات الختام
اللهم نقسم عليك يا الله ان تكتبلنا زيارة الحسين يوم الاربعين…
ويمّمت وجهي الى كربلاء
أزور نيابة عن الشهداء
أطوف الضريح بدمع الولاء
أزور الغريبَ ذبيح الوتين
〰️〰️〰️〰️〰️
اللهم سجلنا من زوار الحسين هذه الليلة وكل رجاءنا كربلاء~~~
أنا من لي إذا باعدْتني يا سيّدي
سأضيعُ بدنْيايَ فلا تتْركْ يدي
أنا جئتُ وحيدًا مذنبًا لا أملكُ
غيرَ لطمٍ وصرخاتٍ لك لم تبردِ
ورجائي كربلا
خذْ عمري وارزقْني كربلا
واحرمْني الدّنيا يا والدي
لكن لا تحرمني كربلا
آمالي كربلا
ساءت أحوالي يا كربلا
لأيّ الأمورِ أشتكي
كلُّ ما في بالي كربلا
_
يا موئلي .. لا تؤدّبني في أن تبعُدَ يا موئلي
فعلى هجرِ أعتابِكَ لا طاقةَ لي
كيفَ جازيتُ إحسانَكَ بالذّنبِ القبيح
وسترتَ عليَّ كأنّي لا ذنبَ لي
من أينَ لي النّجا
في غيرِ تربةِ كربلا
حيثُ الاستغفارُ يُقبلُ
من تحتِ قبّةِ كربلا
اعذرني سيّدي
إن أشغلتني عنكَ السّنينْ
ظلمتُ نفْسي في غفلتي
لكنّكَ خيرُ الأكرمينْ
__
والحمد لله ربّ العالمين
نهدي ثواب هذا المجلس الى روح والدتي الحجة وسيلة قانصو ولروح الشهيد علي حسين محمود وارحامنا وارحامكم ولارواح الشهداء لا سيما شهدائنا الأبرار
*(مجلس زيارة سيد الشهداء (ع)) شوق المحب لزيارة الامام الحسين (ع) وزيارة الزهراء ع لقبر ولدها المظلوم* 🏴
(مشهد تصويري لحال الزائر لسيد الشهداء ع حين يتوجه لكربلاء ودمعته تسيل على خديه)
وانت في هذا المكان من هذا المجلس المبارك اعقد نية الزيارة وارفع كفك واتوجه لكربلاء الحسين ع~
✋🏻السَّلامُ عَلَيْكَ يا أَبا عَبْدِ الله وَعَلى الأَرواحِ الَّتِي حَلَّتْ بِفِنائِكَ، عَلَيْكَ مِنِّي سَلامُ اللهِ أَبَداً مابَقِيتُ وَبَقِيَ اللَيْلُ وَالنَّهارُ وَلا جَعَلَهُ الله آخِرَ العَهْدِ مِنِّي لِزِيارَتِكُمْ. السَّلامُ عَلى الحُسَيْنِ وَعَلى عَلِيِّ بْنِ الحُسَيْنِ وَعَلى أَوْلادِ الحُسَيْنِ وَعَلى أَصْحابِ الحُسَيْنِ.
*القصيدة*
سالَ شوقاً دمعُ عيني للحسينْ
يرسم فوق خدودي الحرمين
كل عبرة فيها راية وقبتين
تحية أدّت صلاة العشق للحبيب
ألا صلى الله عليك يا أبا عبدالله
〰〰〰〰〰〰
ها هنا معراج عشقي والهيام
ها هنا مهبط روحي والسلام
طافت الروح بشباك للآمام
تتلو آيات الدموع والنحيب
ألا صلى الله عليك يا أبا عبدالله
〰〰〰〰〰〰
عند باب القبلة ذا إذن الدعاء
زائرا ها قد أتيت لكربلاء
ومعي كل وفود الشهداء
قد أتوا كل يزور الى الغريب
ألا صلى الله عليك يا أبا عبدالله
〰〰〰〰〰〰
ها هنا أبكي المصاب وأجزعُ
حيث الذبيح بالسيوف قطّعوا
وهاهنا أشلاؤه قد وزعوا
فوق الثرى والخد واويلا تريب
واحسينا واحسينا واحسين
〰〰〰〰〰〰
صاحب العصر عزاء ينصب
حين ينعى للذبيح وينحب
ناعياً صوت الأنين ويندب
واذبيحا شيبه الدامي خضيب
واحسينا واحسينا واحسين
〰〰〰〰〰〰
ها هنا يتلو لأبيات القصيد
هذا جدي منه قد حزّوا الوريد
واصريعا ثاويا فوق الصعيد
والخيول داست الجسم السليب
واحسينا واحسينا واحسين
〰〰〰〰〰〰
رأسه المشهور من فوق القناة
ينظر الخيل تجول عاديات
حافرٌ طحن الضلوع الزاكيات
في المأتم قم ناعيا يابن شبيب
واحسينا واحسينا واحسين
〰〰〰〰〰〰
ها هنا جدي الحسين بضّعوه
بالسيوف وبالخناجر وزّعوه
رأسه ذاك برمح يرفعوه
ضجّت الأملاك بالحزن المهيب
واحسينا واحسينا واحسين
〰〰〰〰〰〰〰
ندبةٌ من نحرِ مذبوحِ الوتينْ
أين ثار الله يا موعود أينْ
العجل يابن الهداة الطيبين
هذا رأس السبط لاح بالقضيب
واحسينا واحسينا واحسين
خادمة آل محمد✍🏻
اين الطالب بدم المقتول بكربلاء؟ اين الباكي صباحا ومساء؟
يا صاحب الزمان وانت الذي تبكي لمصاب جدك الحسين ع صباحا ومساء وترى بعين البصيرة ما جرى في كربلاء فلا ترقأ لم عبرة ولا تهدأ لكم أنة وتدير وجهك ناحية كربلاء تأدي التحية بالدمعة الحمراء فوق وجنتيك
سلام من قلبه بمصابك مقروح ودمعه عند ذكرك مسفوح. سلام المفجوع الحزين الواله المستكين سلام من لو كان معك بالطّفوف لوقاك بنفسه حدّ السّيوف وبذل حشاشته دونك للحتوف ...
ما حالك سيدي بدموعك الجارية وانت الذي تقرأ بدعاء الندبة
*هلْ مِن مُعينٍ فَأُطِيلَ مَعَهُ العَوِيلَ وَالبُكاءَ هَلْ مِنْ جَزُوعٍ فَأُساعِدَ جَزَعَهُ إِذا خَلا هَلْ قَذِيَتْ عَينٌ فَساعَدَتْها عَيْنِي عَلَى القَذى هَلْ إِلَيْكَ يَابْنَ أَحْمَدَ سَبِيلٌ فَتُلْقى…*
فهل من لقاء يا مولاي فها انا وجدتك قريب في هذه المجالس والمآتم التي ترضي قلبك وتواسيك بأحزانك ايها الغائب الحاضر المفجوع المحزون صاحب القلب الجزوع على مصاب ابي عبدالله الحسين ع فلا زالت دمعتك لا ترقأ وتسيل دما على عترة اهل بيتك وانت تنظر رأس جدك الحسين معلقا فوق القناة وهو يتلوا آيات الكتاب اي واحسيناه~
وها نحن نشاركك الدمعة على مصاب جدك الحسين ع وقد اجتمعنا هاهنا في مجلسنا نندبكم بحق جدك الحسين ع ~ سجلنا من الباكين لجدك الذي لم تمت قلوبهم ولا تبكي عيونهم يوم القيامة~
يا صاحب الزمان الشكوى لكم في هذه الليلة ألا تسمعون ندبتنا لا شك أنكم ترون صحف أعمالنا وتتطلعون عليها فترون فيها طلب حوائجنا فكم يفرح قلبكم حين ترون ندبة باسمكم العجل العجل العجل~
فكيف بكم يا مولاي لو اطلعتم على صحيفتنا ووجدتم بها طلب زيارة جدكم الحسين ع
سجلنا من زوار جدك الحسين ع في الاربعين هذا العام~
يا مولاي قلدناكم الدعاء والزيارة لو سجلتمونا من زوار الحسين ع هذه الليلة
فلا شك سيدي انك تزور جدك الحسين ع وتطوف بمرقده في كربلاء فما حالك بين الزائرين أتبكي جدك بدموعك الدامية وعيونك الباكية فيا ساعد الله قلب حين تطوف بحضرته ~ امامك يشوف بعين البصيرة جسدا دون راس محزوز النحر دامي الودجين والسهام في صدره المكسور وطفله الرضيع والسهم في نحره اي واحسيناه~
يوصل لگبره ~ يعاين لنحره
ودمعاته من دم ~ يلطم عا صدره
يوصل مزاره ~ يأدي الزياره
غُسله دموعه~ ودمعه تجاره
ناعي ولاطم ~ ينصب مآتم
والزهره وياها ~ وتعينه فاطم
يشوفه بگبره~ حافر بصدره
من نحره مگطوع ~ ودمومه كثره
الشيبه خصيبه ~ الجثة سليبه
ومن دمه غسله ~ يا للمصيبه
#واعلياه~ يا زهراء مدد
من رفع سيفه المرادي نادى صوت من السمه
كبّرت كل الملائك والمصيبه مؤلمه
غالو داحي الباب اويلي وراسه مخضوب بدمه
انفجعت الزهره بمصابه
تنادي يا حسين وحسن
◼️◼️◼️◼️◼️
حيدر بمحرابه طاح گومي يا زهره الحزينه~
عايني هالليله حاله خضابه من طبرة جبينه~
حِضْرت بونّه ونياحه تلزم الضلع الحزينه~
وانحنت تمسح لجرحه وتبچي بدموع الحزن
خادمة آل محمد✍🏻
*التوسل بالأئمة ليلة القدر*
*دعاء التوسل ليلة القدر مع ابيات نخوة بالأئمة ع* الابيات تقرأ بلحن الجفيري♪
🤲🏻✨🤲🏻✨🤲🏻
اللَّهُمَّ بِحَقِّ هَذَا الْقُرْآنِ ، وَ بِحَقِّ مَنْ أَرْسَلْتَهُ بِهِ ، وَ بِحَقِّ كُلِّ مُؤْمِنٍ مَدَحْتَهُ فِيهِ ، وَ بِحَقِّكَ عَلَيْهِمْ ، فَلَا أَحَدَ أَعْرَفُ بِحَقِّكَ مِنْكَ .
بِكَ يَا اللَّهُ (عَشْرَ مَرَّاتٍ)
🤲🏻 *يا الله*
بليلة قدر تايب إلك
بالعتره جيت اتوسّلك
حامل ذنوبي وجاي لك
تمحيها في ليلة قدر
يا الله يا الله يا الله
🤲🏻✨🤲🏻✨🤲🏻
بصوت واحد بمحمد~
ثُمَّ تَقُولُ : *بِمُحَمَّدٍ* ( عَشْرَ مَرَّاتٍ )
🤲🏻 *يا محمد*
يا رحمة من رب السمه
نقسم عليك بفاطمه
تداوي الجروح المؤلمه
تيسّر علينه كل عُسر
🤲🏻✨🤲🏻✨🤲🏻
بصوت واحد *بعليٍ* (عشر مرات)
جيتك يا مولايَ علي
عندي حوائج يالولي
همي بذكرك ينجلي
تنجيني في يوم الحشر
🤲🏻✨🤲🏻✨🤲🏻
بصوت واحد *بِفَاطِمَةَ* ( عَشْرَ مَرَّاتٍ )
نخيتك يا زهرا بالشدد
حِضْريني من اصرخ مدد
حبك نجاتي باللحد
يالشافعه بيوم الحشر
🤲🏻✨🤲🏻✨🤲🏻
بصوت واحد الهي
*بِالْحَسَنِ* ( عَشْرَ مَرَّاتٍ )
هالليله نهتف يالحسن
عنا تزول كل المحن
نبكي الغريب بلا صحن
لا قبة لا حضرة وقبر
🤲🏻✨🤲🏻✨🤲🏻
*بِالْحُسَيْنِ* ( عَشْرَ مَرَّاتٍ )
تايب وٱجيتك يا حسين
اقسم بگطعة هالوتين
سجلني زاير الاربعين
والطم الك هام وصدر
الهي بالحسين بالحسين بالحسين~
🤲🏻✨🤲🏻✨🤲🏻
*بِعَلِيِّ بْنِ الْحُسَيْنِ* ( عَشْرَ مَرَّاتٍ )
بزين العباد ودمعته
بحزنه الطويل وسجدته
يبكي الحسين وغربته
يا رب يسّر كل أمر
🤲🏻✨🤲🏻✨🤲🏻
*بِمُحَمَّدِ بْنِ عَلِيٍّ* ( عَشْرَ مَرَّاتٍ )
يالباقر وبحر العلم
جيتك وشايل گلبي هم
تكشف بنظرة كل ألم
زاير بروحي ٱلك گبر
🤲🏻✨🤲🏻✨🤲🏻
بصوت واحد *بِجَعْفَرِ بْنِ مُحَمَّدٍ*( عَشْرَ مَرَّاتٍ )
يالصادق بقول وعمل
دمعي على قبرك يهل
منكم مواليَّ الخجل
مقصّر ومنكم العذر
🤲🏻✨🤲🏻✨🤲🏻
*بِمُوسَى بْنِ جَعْفَرٍ* ( عَشْرَ مَرَّاتٍ )
يالكاظم انخى بمحنتك
بسجنك قسمت وغربتك
تسجلني زاير حضرتك
انظر لي في ليلة. قدر
🤲🏻✨🤲🏻✨🤲🏻
*بِعَلِيِّ بْنِ مُوسَى* ( عَشْرَ مَرَّاتٍ )
جيتك يضامن هالجنان
اطلب في بابك الأمان
ضامن غزالك ياسلطان
اضمن نجاتي من سقر
🤲🏻✨🤲🏻✨🤲🏻
*بِمُحَمَّدِ بْنِ عَلِيٍّ* ( عَشْرَ مَرَّاتٍ )
مولاي يا باب المراد
عندي حوائج يالجواد
امسح بكفك هالفؤاد
عن قلبي تمسح كل قهر
🤲🏻✨🤲🏻✨🤲🏻
*بِعَلِيِّ بْنِ مُحَمَّدٍ* ( عَشْرَ مَرَّاتٍ )
يالهادي امسح كل ذنب
بيدك يا ماي الله العذب
رافع بديّه هالطلب
توزّع عطايا بالقدر
🤲🏻✨🤲🏻✨🤲🏻
*بِالْحَسَنِ بْنِ عَلِيٍّ* ( عَشْرَ مَرَّاتٍ )
يالعسكري بكسر الضلع
انت لحالي مطّلع
اجيتك وسايل هالدمع
تلهمني مولاي الصبر
🤲🏻✨🤲🏻✨🤲🏻
*بِالْحُجَّةِ* ( عَشْرَ مَرَّاتٍ )
يا يوسف الزهره العجل
انت يا مهدينه الأمل
كل هالمدامع والمقل
تنشد يا مهدي المنتظر
بجاه الذبيح من النحر
🤲🏻✨🤲🏻✨🤲🏻
الشاعرة
خادمة آل محمد ✍🏻
*لطم سلام عليك أبا الحسنين~*
للامام علي (ع) لحن اخي سوف تبكي عليك العيون~
سلام عليك ابا الحسنين
بليلة قدرٍ وليلِ حزين
فمن لليتامى لها يكفل
أبا كنت لليتم في كل حين
〰️〰️〰️〰️〰️〰️
صلاة اليتامى بمحرابهِ
تلوذ وتبكي هنا ببابهِ
وترفع كف الدعاء له
ودمع المآقي بأعتابهِ
〰〰〰〰〰〰
أرى الكون حزنا بثوب العزاء
وضجّ بصوت الأنين السماء
على رزء خير الورى دمعة
تعزي البتول به الأنبياء
〰〰〰〰〰〰
ألا فابكي عيني لرزء علي
وسِيلي بحزنٍ دما للولي
لنعشٍ سرَى فوق كفِّ الوحي
ومعراج قدسٍ له موئلي
〰〰〰〰〰〰
نواسي العقيلة بذاك المصاب
بدمعٍ جرى مثل سيل السحاب
فكهف اليتامى يشدّ الرّحال
عليٌ ثوى لحده من تراب
〰〰〰〰〰〰〰
لـِفرض الصلاة فما تمّمَا
وجرح بفجر له تألّما
وكم من أنينٍ بذاك السجود
لطير المنية قد سلّما
〰〰〰〰〰〰〰
لأرض النجف قد أتيت أطوف
أزور الولي ودمعي ذروف
عسى أن يأتي لي بلحدي يزور
ويكشف كربي إمامي الرؤوف
〰〰〰〰〰〰〰
عليٌ أميري ونعم الأمير
بيوم الحساب به نستجير
ننال بحبه أرقى الجنان
وحبه حرزا غدا من السعير
〰〰〰〰〰〰〰
بيوم الحساب عساه حضر
لكلّ محبٍ بيوم الحشر
وعند الصراط يمد اليدا
ويخمد عنه لهيب سقر
خادمة آل محمد✍🏻
#واعلياه~ مولاتنا زينب حين شالو كا نعش أبيها~
من شالو نعش حيدر گامت زينب تْنِظْره~
مفجوعه تودعنّه وجفنها يجريِ العبره~
صاحت في أمان الله وگلبها ٱتفتّت بحسره~
الله وياك يالغالي منهو ليّه من بعدك~
〰️〰️〰️〰️〰️
دارت عالنعش تنحب وتنادي يا يبو الحسنين ~
خليني امسح بچفي على جرحك ينور العين~
من بعدك تيتّمنه بشهر الله خذاك البين
يالوالي تفارگنه وتسكن بويه في لحدك~
خادمة آل محمد ✍🏻
#واعلياه~ صرخة زينب واعلياه ~ حين ودعها امير المؤمنين ع \لحن قلب امك. يبني مفتت للشيخ الجفيري
تودّع زينب ابوها الغالي~
راح الصنديد راح الوالي~
الليله حيدر ودّع أهله~
نوره من محرابه خالي~
بويه بويه بويه بويه²
〰️〰️〰️〰️〰️
ما اگدر انظر بويه الطبره~
تسكن لحدك وانه بحسره~
لا تودّعني يا بو الحسنين
لا ما تنشف هاي العبره~
بويه بويه بويه بويه²
〰️〰️〰️〰️〰️
خادمة آل محمد ✍🏻
/channel/kadimatAlmouhamad
#واعلياه
*وصية الامام علي ع لابنته زينب ع* لحن اسمع عتابي~
صعبه الوصيه~ بهاي المسيه
صبرچ يا زينب~ في هالرزيه
تشوفي الرزايا~ وكل البلايا
وبالطف تشوفي ~ اخوتچ ضحايا
بعاشر محرّم~ گلبچ تألّم
تشوفي المآسي~ ونار المخيم
بعد
الله يعينچ ~ يِذبحوا حسينچ
وتشوفي راسه~ ويعلا ونينچ
إي والله صعبه ~ مثلث بـ گلبه~
عالغبره مطروح~ ويناجي ربه
توسّد الغبره~ وجروحه كثره
غسله بـ دمه~ ويحزوا نحره
تشوفي العجايب~ ومل النوايب
وبالكوفة والشام~ سبي الأطايب
لا مو اميرة~ ست العشيره
مسبيه للشام~ صعبه وچبيره
خادمة آل محمد✍🏻
*وداع امير المؤمنين ع لأولاده ووصيته لاهل بيته ع* بحر طويل ~ تقرأ بلحن لفى عاشور او الحان الملا عبدالحي قنبر ♪
حيدر يوصي اولاده وعليهم يدير العين
نوبه للحسن يوصي وعينه عالذبيح حسين
ونوبه يعاين العباس ويبچي لگطعة الچفين
ونظرة لزينب الحرّه وگلبه عليها يتفطّر
〰️〰️〰️〰️〰️〰️
الحسن~~
وصيّه يالحسن اوصيك اصبر عالمحن بعدي
باچر تفقد الغالي واتوسّد انا بلحدي
من بعدي يسمّومنك وبالسم يمردو چبدي
اتكفّل بـ أيتامي وزينب خلها تتصبّر
〰️〰️〰️〰️〰️〰️
الحسين~~
دار العين عالمظلوم يودّعه والگلب مفجوع
يگله يا ذبيح الطف راسك عالرمح مرفوع
وجسمك بالفله موذّر يبني مكسّره الِضلوع
ظامي تنذبح بالطف بلا اكفان تتوذّر
〰️〰️〰️〰️〰️〰️
العباس~~
وانت يبني يا عباس تدري لكربلا مذخور
لا تقصّر عن المظلوم ونصره لو إجا عاشور
افديه بچفوف اثنين وانت جيشه المنصور
واسيه بعطش چبده عطشان الچبد يسعر
〰️〰️〰️〰️〰️〰️
زينب~~
وانت للصبر عنوان يا بنيتي يا محزونه
وبدرب السبا تمشي وخدرچ من يسلبونه
وخيامچ يحرگوها وحسينچ يذبحونه
اصبري لو تشوفينه اگبالچ منگطع منحر
حسين يا حسين
خادمة آل محمد ✍🏻
#واعلياه~
*(يا اهل العزاء مصاب امير المؤمنين ع في هذه ليالي القدر الحزينة نواسي دماة زينب ام المصائب التي تحملنا بأحزانها وعبراتها الى كربلاء هناك رأت رأسا قد طُبر~ نحرا قد نُحر وهنا ترى رأس ابيها وهامته قد شُقت ودماءه قد نزفت وله الأملاك قد أعولت وشاركت زينب بمصابها واويلاه واحيدراه واويلاه واحسيناه~.الله يساعد قلب زينب في محنتها~*
بحر طويل~ اطوار الملا عبد الحي قنبر~
زينب تبكي لمصابين وابوها منحفر گبره~
اتوسّد حيدر بلحده وفي راسه أثر طبره~
حسين بكربله مذبوح حزوا هالعدا نحره~
ثلاثة بلا دفن عاري مسلّب ثوبه وعمامه
〰️〰️〰️〰️〰️〰️
تعاين طبرة الكرار وتذكر كربلا وعاشر
رزياها تهدّ الحيل وگلبها عالأهل صابر
بمحرابه الولي مطبور يعني حسين بلا ناصر
يعني مثلث بگلبه صوّب حيدر بهامه
〰️〰️〰️〰️〰️〰️
بعد هنا المصيبة امتدادا لكربلا ~
وبليلة قدر زينب جرّت للسبي أذيال
للطف تستعد لليوم بايديها قيود احبال
وبطيحة ابوها اليوم زينب تنسبي بالحال
من فوق الهزيله تنوح واخوها طحنوا عظامه
حسين صح ونادي حسين يا حسين~
خادمة آل محمد ✍🏻
*الوصية من أمير لأميرة*
*حوار يدور بين الامام علي ع وابنته زينب ع*
يا زينب وصية گِعدي وٱسمعيها ~
صعبة هالمسية أمانة وتحمليها ~
ٱصبْرِي عالرزيه والدمعة احفظيها ~
لا تهلّيِ عيونچ اچدّامچ محن كثره
〰️〰️〰️〰️〰️
عندچ مصايب تنتظر بيها العجايب
كل محنة تتبعها محن وتتبع نوايب
بس الله خالق زينب لهاي المصايب
كعبة وتطوف ام الصبر كل محنة للعتره
〰️〰️〰️〰️〰️〰️
سؤال زينب؟ شعندك يبويه؟
بحر طويل
شعندك يبويه من محن يا حيدر اخبرني
مفجوعة ادري بـ اخوتي وانت الي تفجعني
يوم الحسن كله محن يا بويه دوهني
ويوم الذبيح بكربله لن خاطري يِكِسره
〰️〰️〰️〰️〰️
يگلّلها من بعدي الحسن چبده يسمونه
وحسين اخوچ بكربله ظامي يذبحونه
وانت غريبه وتنسبي وخدرچ يشوفونه
صعبه الأميرة تنسبي لديرة غرب حسرى
زينب زينب زينب
〰️〰️〰️〰️〰️〰️
واعظم محن في كربله تشوفي جسد مطروح
وخيول اميه تسحقه ودم النحر مسفوح
وراسه يشيلونه برمح واويلي عالمذبوح
وخيل الاعادي حاطته تطحن عظم صدره
حسين~ صح ونادي واحسيناه
خادمة آل محمد ✍🏻
#واعلياه ~
*وداع الجنازة~ لسان حال زينب تخاطب من شالوا جنازة ابيها امير المؤمنين ع* لحن الجفيري
ريّض يا دفّان الولي
لا تشيله نعشه للولي
خلينه اودعنّه علي
النظره الأخيرة وگلبي ذاب
〰〰〰〰〰〰
خلينه اشدّ عصابته
واعدل لـ بويه عمامته
جرح الولي في هامته
لا تدفنه تحت التراب
〰〰〰〰〰〰〰
لاجله الخدود اللاطمه
ودّعني راح لـ فاطمه
جرح الرأس ينزف دِمه
صواب الجرح في گلبي صاب
〰〰〰〰〰〰
ادفني يمّه بالگبر
ما ريده بعده هالعمر
ما ينحمل جرح الصبر
راحل ابويه وگلبي ذاب
خادمة آل محمد✍🏻
#واعلياه~
الوداع الاخير وامير المؤمنين ع على فراش الموت~
لحن قلب امك يا بني مفتت♪*
حيدر يمّه ٱولاده ينوحون
ونّة ونّة بگلبِ المحزون
تعاين حيدر بفر اش الموت
تبچي الوالي بمدمع العيون
❀❀❀❀❀❀❀
واحد يمه يحبّ ايدينه
الثاني يمسح فوق جبينه
وحيدر يمهم فتّح عينه
وزينب تشوفه ومغطينه
❀❀❀❀❀❀❀
تگله صعبه اشوف المنظر
اگبالي راس الوالي مطبّر
وجه مخطوف لونه اصفر
سالم ردته بويه حيدر
خادمة آل محمد✍