3582
*قد نسجتُ من لجين دمع عيني كلمتين* (يـ حسين ـا) *حبه حرز النجاة وهو الكهف الحصين* *نبض قلبي من حروف رتّلت إسم الحسين* *بعتُ قلبي في هواه وله العمر رهين* خادمة آل محمد✍
#الاربعين~لحن ظلت بس،صورهم
زينب يا واليها~ ردت سبيها
زايره لـِ گبره ~ تهلِّ جفنها عبره ~ أم الاحزان
جرح الگلب بيها~ والعبره تجريها
يابن امي الزچيه~ اجيت بلا رقيه وبلا يا وليان
گوموا استقبلونه~ يا عزنه وأخونه
عفتوني بجروحي ~ بونّتي ونوحي ابكي عالأحباب
يالناموا بلحدهم ~ وهسّه ودعتهم
من ليّه بعدهم ~ ولفقدهم
ناموا بالتراب
گبرهم~ ليّه سلوى دمعي بگبرهم
فقدهم~ وجرح الگلب ينعى فقدهم
بعدهم~ دمعاتي جريه من بعدهم
خادمة آل محمد✍🏻
*زينب تصبح في كربلاء يوم الحادي والعشرون من صفر*
*يا موالي مولاتنا زينب ع كيف نصبت عزاءها عند قبر الحسين ع صبيحة يوم الحادي والعشرون هل أطبقت جفنيها عند قبر اخيها المظلوم الشهيد المذبوح تبلل قبره بدموع عينيها ~* لحن ساعة وداع الرچيه للشيخ المعاتيق~
راحت بونّه تِودعه يا ضيا العين ~ يا ضيا العين~
صاحت وهلّت الدمعه خويه يا حسين خويه يا حسين~
شلون افارگ هالگبر
يا ضيا عيون العمر
〰️〰️〰️〰️〰️
شمّت التربه الزكيه آيمظلوم آيمظلوم~
يا ذبيح الغاضريه ظامي محروم ظامي محروم~
ما ذقت ماي الشرب
يا ذبيح على الترب
〰️〰️〰️〰️〰️〰️
دارت العين ببچيها حان الوداع حان الوداع
وعالگبر نادت وليها بصرخة اوجاع بصرخة اوجاع
عنك انه راحله
والمدامع سايله
خادمة آل محمد✍🏻
*الاربعين/ لحن عاري حبيبي عالغبره~*
اجيتك يا مگطوع المنحر
بهمومي واحزاني اتعثّر
حاچيني چلمه يبو لاكبر
امسح دمع عيني بيدك يا عطشان
جروح~ بگلبي وغصة لفراگك
جروح~ دمعة عيني لمصابك
جروح~ بغربة گبرك وترابك
حسين~آه
〰️〰️〰️〰️〰️〰️
مشتاگه عيني لعيونك
يالظامي خويه ذبحونك
عالغبره دامي خلونك
نايم يابن امي ومسلبّ الاكفان
حسين ~ راسك بيديه شلته
حسين ~ لا مو بالسهله عفته
حسين~ تدري يم گلبي ادْفَنْته
〰️〰️〰️〰️〰️
يالظامي غسلك من دمك
اگعد خل تنوح وياك امك
تضمد جرح نحرك وتشمك
تنصب لك عزيه والدمع غدران
حسين~ بجسمك كم جرح وطعنه
حسين~ لاجلك نوحي والونّه
حسين~ بدم المنحر تتحنّه
حسين آه~
خادمة آل محمد✍🏻
*امامنا الرضا ع *…إن يوم الحسين أقرح جفوننا، وأسبل دموعنا، وأذل عزيزنا بأرض كرب وبلاء، أورثتنا الكرب والبلاء إلى يوم الانقضاء، فعلى مثل الحسين فليبك الباكون.*
ترى يا مولاي اي مصيبة اقرحت جفونك واسبلت عيونك ذبح الحسين عطشانا لو سلب جسده او قطع خنصره لو طحن ضلوعه بحوافر الخيول…واويلاه واحسيناه ~
خيول وجالت بصدره وطحنت اويلي ضلوعه
الرضا يعدد مصاب حسين ويجذب حسرته ولوعه
يتذكر ذبح نحره وتجري بوجنته دموعه
يلطم اويلي عا صدره
〰️〰️〰️〰️〰️
لحن. اسمع عتابي~
يذكر مصابه~ ودمه خضابه
جراحاته كثره~ فوق الترابه
الشيبه خضيبه~ العِمّه سليبه
عالغبره مطروح~ يا للمصيبه
راسه برماحه~ وينزف جراحه
وزينب تنظره~ وتبدي النياحه
خادمة آل محمد✍🏻
النجف الأشرف
#الاربعين
رؤوس الآل والعتره ردت باربعين حسين
وعليهم نادت بحسره زينب والدمع بالعين
راس حسين يم نحره تشوفه وتلطم الخدين
بامان الله يا خويه الليله تجددت الاحزان
〰〰〰〰〰〰〰
زينب نادت ابن امها تودعه والگبر محفور
يم نحره يدفنو الراس تودعه والگلب مفطور
وصوت من النحر نادى دشوفي هالصدر مكسور
ضلوعي يختي طحنوها انا المذبوح انا العطشان
خادمة آل محمد✍🏻
#الأربعين_المقدس*
لحن قلب امك يبني مفتت♪
عادت زينب بگلبِ المحزون
تدوّر قبره وتهلْ العيون
تنادي وينه قبر المظلوم
دلوني وين اخويه مدفون
يحسين يحسين يحسين يحسين²
راحت يمه تهل العبره
گعدت تنحب تون يم نحره
تگله گوم اتلگى زينب
جابت راسك توسْده بگبره
يحسين يحسين يحسين يحسين²
وصوت المذبوح صدري اتكسّر
خلّه راسي يم المنحر
طحنوا صدري بحافر تدري
صاحت ويلاه يابو الأكبر
خويه خويه خويه خويه
خادمة آل محمد✍🏻
زينب تعاين حال اخيها الحسن المسموم واويلاه
لحن قلب امك يبني مفتت~
راحت يمه تونّ وتنحب
وشافت چبده اويلي زينب
صاحت خويه يا بعد الروح
حال افجعته وگلبي اتعذّب
خويه خويه خويه خويه²
گلها اصبري ولا لا تنوحي
دمعچ زينب يفجع روحي
صاحت گلبي ما يتحمّل
لاجلك ونّي ولاجلك نوحي
خويه خويه خويه خويه
صعبه اشوفچ عينچ تدمع
وحالچ يختي والله يفجع
عندچ محنه اصعب محنه
فوق الهزّل زينب تطلع
يختي يختي يختي يختي
خادمة آل محمد✍🏻
#الأربعينية
حوار بين الإمام السجاد ع وجابر الأنصاري/ لحن اسمع عتابي
هنانه يا جابر ~تدري الّي صاير
حسين بغربته ~ ما عنده ناصر
سفكوا دماءه~ في كربلاءه
وذبحوا رضيعه~ وصاح بنداءه
وداسوا عاصدره ~وحزوا له نحره
وطحنوا عظامه ~ وهم داسوا ظهره
وعبدالله مذبوح~ دم نحره مسفوح
بسهم المثلث~ ومفارق الروح
خادمة آل محمد✍🏻
*نعي للاربعين رجوع السيدة زينب ع الى كربلاء*
لحن الحسناوي♪
اربعينك… جينه ننصبلك عزيه
باربعينك… يا غريب الغاضريه
باربعينك… ردت اخت هالسبيه
استقبلوني…. زايره جيت اعتنيكم
استقبلوني… انحب وابكي عليكم
استقبلوني… والهدايا يمي ليكم
(اي هدايا مولاتي يا زينب تحملين معك من الشام… )
تگله راسك… سلوتي بيدي اشيله
تگله راسك… جبته يا روح العقيله
تگله راسك… دفنته بگبرك الليله
(نعم زينب بعد لديها خبر للحسين ع… )
يابو لاكبر… ارد اخبرك بهالرزيه
بالخرابه… ماتت الطفله رقيه
تنادي بابا… خمدت انفاس السبيه
خادمة آل محمد✍🏻
النجف الاشرف❤️
*عودة مولاتنا زينب ع والركب الزينبي الى كربلاء*
اجت زينب بدمع العين تروي اگبور اهاليها
وصلت كربله بالنوح تنشد وين راعيها
صاحت وين گبر حسين وتنشد وين واليها
دلوني ترى ما شوف مني عميت عيوني
〰️〰️〰️〰️〰️
تراني من السفر رديت گوم استقبلو الحرّه
يهلنا طابت النومه وتحله النومه عالغبره
هذا الراس جسمك وين أحط الراس يم نحره
وديعتكم اجت هاليوم كنكم ما عرفتوني
〰️〰️〰️〰️〰️
لحن ~ اسمع عتابي~
اجيتك سبيه ~ للغاضريه
بالعبره والنوح ~ انصب عزيه
وين ٱبو الغيره ~ يشوف الأميره
اجتكم من الشام ~ ردت أسيره
نادوا گمرنا~ ينوِّخ ظعنّا
يستقبل اخته~ حامي خدرنا
(على من بعد ينادون يا زبنب؟)
وين الهواشم ~ وين العمايم
جينا إليهم ~ ننصب مآتم
لگبره خذويني~ ويمه خلّوني
أروي له گبره ~ بدمعة عيوني
نعم زينب وصلت الى قبر الحسين وقرأت ما كتب على القبر هذا قبر
الحسين بن علي المذبوح عطشانا واويلاه واحسيناه ~ لحن يا ناقتي~
إي واحسين ~ إي واحسينا واحسين
زينب إجت ~ تزور الذبيح من النحر
زينب إجت ~ يمه تنوح على الگبر
زينب إجت ~ ردّت من دروب اليسر
تونّ وتصيح~ افتح لي بابه هاللحد
تونّ وتصيح ~ يچويها نيران. البعد
تونّ وتصيح ~ يالفارگتني للأبد
اخذت ضمة من تراب قبره وصاحت حسين~
خويه الذبيح~ اشتاگت عيوني لشوفتك
خويه الذبيح~ يالحزوا خويه رگبتك
خويه الذبيح~ فجعوني خويه بذبحتك
إي واحسين إي واحسينا واحسين✍🏻
*وصول الركب الزينبي لأرض كربلاء بعد عودتهم من رحلة السبي* لحن اسمع عتابي
للغاضريه ~ بونّه خفيه
زينب تعنت ~ تنصب عزيه
گعدت عا گبره~ تونّ على نحره
تشمن تربته~ ودمعتها عبره
تگله يا مذبوح~ ما خلّصت نوح
اجيتك من الشام ~ رد الي هالروح
افتح لي گبرك ~ اشتمّه نحره
اشتاگت عيوني ~ خويه تِنِظرك
اگعد اضمك ~ خويه واشمّك
وخضّب كفوفي ~ خويه من دمك
خادمة آل محمد✍🏻
حضور الامام الحسن ع عند مصرع اخيه الحسين ع /لحن لفى عاشور والتغريد الحزين او البحر الطويل~
عفت گبري ولاجلك جيت يا مظلوم للمصرع
شفت جسمك دمومه تسيل ومن الطعنات غدا مبضّع
والاعظم شفت منظر لاجله گلبي يتگطّع
شمر جالس على صدرك بسيفه يگطع المنحر
واحسيناه واحسينا واحسينا آه
--------------------
سمع ونّات للمظلوم وصاح بصوته آيحسين
عطشان الچبد ويلاه يخويه منگطع الوتين
آه عليك يا مذبوح گلبي منفطر نصين
(لا يوم كيومك أبا عبدالله)
واقبالي يذبحونك عظيمة يا ابو لاكبر
واحسيناه واحسينا واحسينا آه
خادمة آل محمد✍🏻
💌 *الّلهُمَّ صَل عَلے مُحَمَّد وَ آل مُحَمَّد وَ عَجِّل فَرَجَهُمْ*
🤲🏻 *رفعنا أكفّنا ندعوا بإسمك أيها الخاتم*
*فأنت الفرج يا مولاي ألا عجّل أيا قائم*
*اللهُـمَّ ؏َـجِّـلْ لِوَلِیِّکَـــ الْفَـــرَج*🕊️
*(ايها المولي عندك دمعة على غربة امامنا السجاد يتمنى لو ان لديه قبر يطوف به الملايين بالقرب من قبر الحسين ويتمنى لو انه مدفنه صار بكربلا واغربتاه واماماه)* لحن الجفيري ~
بالطف يا ليت انه اندفن
ويم الشريعه لي صحن
وتتعنه زوّاري علن
تحضر بـ يوم الأربعين
〰️〰️〰️〰️〰️
والشيعه يم گبري تطوف
وتگصدله مشّايه ألوف
ويصبح مزاري كالطفوف
ويلبو باسمي كالحسين
〰〰〰〰
يالمهدي طوّلت الغياب
ابني المناير والقباب
وشيّد قبور من التراب
مدروسه باتت من سنين
〰〰〰〰
تحضر مواكب للخدم
ومن العزيّه واللطم
تگصد مشي لارض الحرم
وترفع عزا لْطه الامين
😭 *اللهم عجل لوليك الفرج*
〰〰〰〰〰
خادمة آل محمد✍
*لطمية للإمام الحسن ع /لحن آنا المسبيه ♪*مظلوم الحسن ~*
مظلوم الحسن ~مظلوم الحسن
الزهره بالبقيع تنوح مظلوم الحسن~
〰〰〰〰
الزهره الزكية تنادي يا مسموم
نِصْبت عزيه بالبقيع اليوم
عالگبر تنحب واويلي مهدوم
منهو الي سمّك يا وليدي الحسن~
〰〰〰〰〰
گوموا يا شيعة نشيّدله گبره
وننصب عزيه ونهل العبره
ريحانة طه ممنوع نزوره
خلنه ننصب له مأتم مظلوم الحسن~
〰〰〰〰
يا شيعة ابكوا عا مصاب الحسن
ما عنده ضريح وشباك وصحن
ولا قبة ورايه ترفرف للعلن
وتگصد مشّايه هاليوم شيعة الحسن~
〰〰〰〰
الزهره تقسم عالمهدي يعجّل بيومه
يطلب للثار ويبني قبور المهدومه
يرفع الرايه ويحضر يم المظلومه
يكشف عن قبرها وين ويعزي الحسن
〰〰〰〰〰
خادمة آل محمد✍🏻
قناة الشاعرة الحسينية خادمة آل محمد ص
#المدينة
*العودة للمدينة والديار الخالية~لحن لفى عاشور~*
رجعت زينب الحرّه وطبّت دار راعيها~
تحاچي الدار بالعبره وتنشد وين اهاليها~
وحشه والگلب حسره راح الكان عمد بيها ~
راح الغالي عا گلبي وبعد مظلمه دياره
لحن الفراق♪
وحشه يا دار~ من بعدهم بيتي خالي
وحشه يا دار~ بفرگته ظلمه الليالي
وحشه يا دار~ لا أخو عندي لا والي
ليش زينب وين اخوتك؟
ودعتهم~ والگبر مسكن الاحبه
ودعتهم~ والعمر اعيشه بـ غربه
ودعتهم~ صعبه والله خويه صعبه
خادمة آل محمد✍🏻
الاربعين~لحن ظلت بس،صورهم
زينب يا واليها~ ردت سبيها
اكعد يبو
*حال الزائر عند امير المؤمنين ع في النجفي ~ لحن والله حيرة حيرتي~*
اجيتك انه يالولي
بكل همومي مبتلي
منهو يمسح هالقلب
غيرك انت يا علي
اجيتك بدمع وهمي ببابك انه مستجير
لايذ بسدك يا حيدر
اجرني يا نعم الأمير
اقسم بضلع البتولة
والقسم ضلع الكسير
تمسح بايدك عليّه
انت يا نعم المجير
حيدر وبُغضك كُفُر
الْيُبْغِضك بس في سقر
وانت عنوان المُحب
تنجّي في يوم الحشر
آيحيدر امامي ~ آيحيدر امامي
〰️〰️〰️〰️〰️
تايب وعنواني انت
وذكرك بيمحي الذنب
گلبي بس ينبض بإسمك
وانت شريان الگلب
تحضر بساعة مماتي
من يهيلون الترب
وتحضر انت في مماتي
بوحشتي بذاك الدرب
إنت للشيعي سند
تحضر بذاك اللحد
حيدر وحاشى تعوف
كل محب نادى مدد
آيحيدر امامي ~ آيحيدر امامي
〰️〰️〰️〰️〰️
خادمة آل محمد ✍🏻
*گوريز من صاحب الزمان عك لمجلس الاربعين*
لك العزاء يا ابا صالح باربعين جدك الحسين ع فها هي الجموع قد توجهت نحو كربلاء مع صاحب الزمان عج لتشاركه العزاء فمنهم من مضى ومنهم من ينتظر إذن الزيارة وكل التوفيق لمن روحه عانقت مسير العاشقين… فمن المواسي لقلبك الجزوع يا بقية الله ومن المواسي لدمعتك الحمراء التي قرّحت جفونك على مصاب عترتك وآل بيتك فما تزال تجري الدمعة تلو للدمعة والحسرة تلو الحسرة على مصاب جدك المذبوح ويدوي في مسمعك صوت حوافر الخيول وانت تدق صدرك وتلطم اه اه واحسيناه فتارة تواصل المسير فتواسي عمتك زينب ع تمشي على خطاها هنا تعثرت هنا وقعت هنا هرولت هنا شتمت هنا ضربت بالسياط في مسير السبي… وتارة تسمع دوي حوافر الخيول تطحن صدر جدك الحسين ع والسهام والنبال والجراحات في جسده مضرجا بدمه صح ونادي واحسيناه
اسألكم بالله حين يمر امامنا بقية الله في كربلاء ما حاله ماذا يرى وما يسمع؟؟
لحن قلب امك يبني مفتت~
يشوف بعينه مشهد مؤلم
بدمعة عينه يشوف مخيّم
نار وتلّ وحومه ومصرع
وزينب تصعد تلّ وتلطم
خويه خويه خويه خويه
〰️〰️〰️〰️〰️〰️
يعاين جده وجسمه معفّر
فوق الغبره وبلا منحر
وريده مگطوع ينزف دمه
خيول بصدره وصدره تكسّر
مذبوح مذبوح مذبوح مذبوح
خادمة آل محمد✍🏻
حين رجعت من مسيرة السبي الطويلة ووصلت الى كربلاء وقع نظرها من بعيد على المشرعة فصاحت عباس~ يا كفيلي (وين ليساعد زينب بالعبرة والصيحة عباس~ يابو فاضل ~)
خويه عباس عاين حالي
اجيتك خويه وبلا والي
گوم اتلگه ظعن الحورا
غالي على اختك وانت الغالي
عباس عباس عباس عباس
〰〰〰〰〰〰
اگعد عاين زرگه متوني
ومن الدمعه حمره عيوني
زينب آنه لا مو زينب
ام الأحزان لا تنسوني
زينب زينب زينب زينب
〰〰〰〰〰〰
لحن اسمع عتابي~♪
اجتكم سبيه~ يا اهل الحميه
من شام الاحزان ~ للغاضريه
كافل ظعنه~ راعي المحنّه
اگعد يعباس ~ حامي خدرنه
عالناگه مسراي~ ومچتوفه يمناي
صحت ونخيتك~ وينك يسقّاي
لحن يا ناقتي~
يا ابا الفضل ~ اجيتك من دروب السبي
يا ابا الفضل ~ عاين خدرنا والعبي
شبيهن؟
يا ابا الفضل~ عاين لخدري الناصبي
اه يا زينب كني بالعباس سمع بخدر زينب وعباية زينب وصوت ومن الضريح ناداه زينب اه يا زينب
صاح الكفيل ~ اعذريني يا اخت الگمر
صاح الكفيل`~ لو عاين لخدرك شمر
صاح الكفيل~ يازينب ومنك العذر
اي وازينباه~ كلمة سبي تجرح قلب
وازينباه~ يا زينب وسبيك صعب
وازينباه~ اسمع اخيّه تنضرب
وازينباه
خادمة آل محمد✍🏻
*العقيلة زينب تودع ابا الفضل ع*
يا ضوا عيوني لا تروح الشريعه
خوفي على تطيح چفوفك گطيعه
ومن بعد عيناك يسبوها الوديعه
يصيوان عزّي وحامي هالخدر
〰️〰️〰️〰️〰️
صاح الها الوداع بدر الطفوف
وگامت تقبّل هامته والچفوف
تگله بأمان والمدمع ذروف
دير بالك لا يغدرونك عالنهر
〰️〰️〰️〰️〰️
جواب العباس~
لحن يا ناقتي~
راحل أنا~ أملاها جودي للحرم
راحل آنا~ وعيني تظل على الخيم
راحل آنا~ ويرفرف بإيدي العلم
يخت الگمر~ عيوني فدا أم الخدر
يخت الگمر ~اعذري لو تلگي عذر
يخت الگمر ~ لا تزيدي عتبچ عالگمر
تگله دريت ~ يا كافلي بلي جره
تگله دريت ~ عنك بروح ميسّره
تگله دريت~ وحمل الأُخُوّه عالثره
خادمة آل محمد✍
/channel/kadimatAlmouhamad
لطم *اللّٰھـُــم ؏جِّل لِوَلیڪَ الفرج*
اللازمة
[ *نهتف باسم المذبوح لبيك حسين*
*صلى الله عليك وعلى الباكين* ]
〰️〰️〰️〰️〰️〰️
حبّ حسينُ جُنَّة يومُ الحشرِ
وغدا يحضرُ زائرا لِي في قبري
أُبْصرُ نورَ جمالِ ذاك النّحر
ويُضيئُ اللحدَ هناك مولايَ حسين
〰️〰️〰️〰️〰️〰️
حبّ حسين فرضٌ مثل صلاتي
دربُهُ حلمُ العشاق بابُ نجاتي
ذاك ذبيحُ الزهراء في الفلوات
رضّتْ صدرَهُ خيلٌ بالطف حسين
〰️〰️〰️〰️〰️〰️
في آخر أنفاسي في الشداتِ
كل رجائي يحضر يوم مماتيِ
يكشف عني الأهوال والكرباتِ
يكشف ظلمة قبري مولاي حسين
〰️〰️〰️〰️〰️
أنا إنْ تدنُ الساعة يبقَ أملِي
أن يحضرني المظلوم ساعة أجلي
حين أراه ذبيحا تجري مُقلي
يحضر دون رأسٍ بالقبر حسين
〰️〰️〰️〰️〰️
سوفَ يأتِيني هناك زائرُ لحدي
جسداً دونَ رأسٍ يحضرُ عندي
يدفعُ عني الأهوال يأخذُ بيدي
يشفع لي مولايَ في قبري حسين
〰️〰️〰️〰️〰️
قبري يُصبح روضاً من روض جنان
ويضيئ الظلماتِ نور العطشان
يحضرُ دونَ رأسٍ وبلا أكفان
حين أراه أصرخ مولاي حسين
〰️〰️〰️〰️〰️
حين يأتي الملكان يوم حسابي
من لؤلؤ دمعاتي خطّ جوابي
فزت بحب حسين رسم كتابي
خطّوا فوق القبر خادما لحسين
〰️〰️〰️〰️〰️〰️ خادمة آل محمد✍🏻
*اللّٰھـُــم ؏جِّل لِوَلیڪَ الفرج*
#الأربعينة
*لقاء الإمام زين العابدين ع مع جابر الأنصاري يوم الأربعين* *… فقال الإمام: أنت جابر؟! فقال: نعم يا ابن رسول الله, فقال: يا جابر, ههنا والله قتلت رجالنا! وذبحت أطفالنا! وسبيت نساؤنا! وحرقت خيامنا!
لحن قلب امك يبني مفتت للشيخ الجفيري~
هنا. يا جابر ذبحوا الِرجال
وماتت بالطفل هاي الأطفال
وزينب مسبيه لارض الشام
فوق الهزّل بيديها حبال
زينب زينب زينب زينب²
〰〰〰〰〰〰〰
خلني ارويلك مصايب الحسين
ظامي ومذبوح مگطوع وتين
وداست صدره خيل العدوان
اري ثلاثه وبلا تكفين
بويه بويه بويه بويه²
〰〰〰〰〰〰〰
وليتك يم المشرعه تشوف
يم الشاطي طاحن الچفوف
وعينه مطفيه بسهم للبين
مگطّع جسمه بطعنات سيوف
عباس عباس عباس عباس²
〰〰〰〰〰〰〰
هنا يا جابر طاح الأكبر
فوق الغبره جسمه موذّر
غسله دمه ورمل الأكفان
مقطّع كلها اوصال مطبّر
لاكبر لاكبر لاكبر لاكبر²
〰〰〰〰〰〰
هنانه جاسم بدمه معفور
وصدره بحافر اويلي مكسور
وامه رمله لاجله بونّه
تونّ وتبچي بمدمع منثور
〰〰〰〰〰〰
حسين وحاير يروي طفله
لو عاينته بنحره نبله
بسهم مثلث ويلي مفطوم
ولاجيبنيعى أمه الثكله
يبني،يبني يبني يبني ²
خادمة آل محمد✍🏻
قالوا: بينما الإمام يتحدّث مع جابر وإذا بمنادية تنادي: وا حسيناه, وا أخاه..وإذا بها الحوراء زينب عليها السلام
طاحت زينب من عالناگه
تنادي اختك ٱجت مستاگه
وين گبرك دلوني وين
صعب عليّه خويه فراگه
خويه خويه خويه خويه
خادمة آل محمد ✍🏻
*زينب ع عند قبر كفيلها العباس ع يوم الاربعين*
اگعد يا شيّال العلم
جتكم سبايا هالحرم
كم محنة فجعتهه وألم
ويّايه روس العايله
〰〰〰
اجيتك بجفني دمعتي
جيت اشتكيلك محنتي
اروي المصيبة بغربتي
وكنت بحماك مدلّله
〰〰〰
ضربوني ياخويه الغرب
ورافگني شامت عالدرب
عاين متوني من الضرب
مسبيه بت عقد الوله
〰〰〰
ناديتك ودمعي جره
وراسك على الرمح انبره
اشكي محنتي ميسّره
راحوا اخوتي بكربله
〰〰〰
گوم اكشف تراب الگبر
واگعد نسولف يالگمر
مهمومه والگلب انفطر
امسحي دموعي السايله
〰〰〰
الشاعرة الحسينية خادمة آل محمد ✍🏻
*موكب الرأس الشريف*
السَّلامُ عَلى الشَّيْبِ الخَضِيبِ، السَّلامُ عَلى الخَدِّ التَّرِيْبِ، السَّلامُ عَلى البَدَنِ السَّلِيْبِ، السَّلامُ عَلى الثَّغْرِ المَقْرُوعِ بالقَضِيبِ، السَّلامُ عَلى الرَّأسِ المَرفُوعِ
السَّلامُ عَلى الرُّؤوسِ المُشَالاَتِ… السَّلامُ عَلى الشِّفَاهِ الذَّابِلاتِ، السَّلامُ عَلى النُّفوسِ …
لحن يا ناقتي~ للسيد علي حجازي~
لـ كربلاء ~ ركب السبايا حط الرحال
لـ كربلاء~ زينب وربات الدلال
لـ كربلاء ~ ركب السبي بلا يا رجال
موكب رؤوس ~ انواره تسطع للسمه
موكب رؤوس ~ والنايحة واللطمه
موكب رؤوس ~ تونن عليهم فاطمه
*إي واحسين إي واحسينا واحسين*
راس الحسين ~ زينب بديّها تحمله
راس الحسين ~ تشيله وتحبّه تقبّله
راس الحسين ~ يم الجسد في كربله
تگله إجيت ~ ودمع الجفن جاري نهر
تگله إجيت ~ انصب عزيه عالنحر
تگله إجيت ~ اگعد وانوحن عالگبر
*تخاطب الدفان*
من تدفنه~ راسه دحطّه عالجسد
من تدفنه ~ بهونك تحطّه باللحد
لا تدفنه ~ وخليني اودعنّه بعد
خويه الذبيح~ ثلاثة ليالي بلا دفن
خويه الذبيح ~ مسلّب قميصه والكفن
خويه الذبيح~ صدره بحوافر ينطحن
خادمة آل محمد ✍🏻
لحن جاوبني يا علي للملا محمد بوجبارة~
(لما سالت دموع الحسين ع على حال اخيه الحسن المجتبى المسموم ع)
لا تبكي يالغريب
يبو الخد التريب
يالظامي ومنذبح
وشيبك دمه خضيب
يومك ما مثله يوم
يا خويه يا مظلوم
يالراسك عالرمح
ونحرك ينزف دموم
اتضل مرمي بالعره
وجسمك فوق الثره
وانا سالم اندفن
وراسك نحره انبره
لا تبكي يا عطشان
جسمك على التربان
تدوس الصدر خيول
عاري بلا اكفان
أنا موتتي بسم
وجسمي ما يصيبه هم
لكن جسمك جريح
بكل طعنه نبت سهم
لا تبكي يا ذبيح
جسمك يضل طريح
ثلاثه عالترب
ودم النحر يسيح
نعشي وتابوتي شال
وجسمك على الرمال
وراسي على الجسد
وراسك على العسال
حسين يا حسين
خادمة آل محمد✍🏻
*قبر الإمام الحسن المجتبى ع المهجور في ارض البقيع*🩸
يا اهل العزاء ايها الموالي الباكي على مصاب امامك المسموم وظلامته وغربته بات قبره مهجورا مدروسا اثره فوق قبره فقط الحجارة وانت وانا ممنوعون من زيارته… ممنوعون من كراماته ممنوعون من الصلاة عنده وتعفير وجوهنا بتراب قبره ممنوعون من الطواف حول مرقده ليس عنده لا شبك ولا صحن ولا منارة ولا قباب اي وامظلوماه~
لحن والله حيرة حيرتي ~
وحدي آنه بغربتي
بارض البقيع بوحشتي
محد يزور لحضرتي
ممنوعه آنه زيارتي
لا مواكب واربعين
ولا مشي مثل الحسين
ولا نياحه ولا ونين
غربه والله ياشيعه غربه والله
گبري مهدوم يا شيعه
گبري مهدوم
آنه مظلوم يا شيعه. آنه مظلوم
〰️〰️〰️〰️〰️
بگلبي حسره ما يجي يم گبري زاير
بس تراب بلا قباب ولا مناير
ولا صحن عندي ياشيعه ولا مناصر
مثل امي الزهره قبري وبلا يا حاير
لا مواكب واربعين
ولا مشي مثل الحسين
بغربه يا شيعه بغربه والله
خادمة آل محمد✍🏻
يا زينب~😭
*بـ ركب حسينها سارت وظعن الآل قد رحلا* 🐪
*هنا العباس كافلها يمنيهُ اصبحت ظلا* ✋🏻
*ويسراه غدت هودج لثقل محمد كفلا* 🤚
*خطاها يمحو ان تمشي وخدرها آية تُتلا* 👣
خادمة آل محمد✍
*لحن قومي اماه واندبيني~امام زماننا زائرا قبر امه الزهراء ع ينشدها لنصب مأتم الامام المظلوم المسموم في ارض البقيع*
🏴🏴🏴
*قومي أماه للبقيع ننصب المأتم*
*لا قبابٍ لا منارة وله قبرا تهدّم*
*قومي اماه~²*
〰️〰️〰️〰️〰️
قومي زهراء للعزاء وانثري الدمعا
عند قبرٍ من ترابٍ إحنيِ الضلعا
فالبقيع بات مُظلم أشعلي الشمعا
فالقبور من ترابٍ هدمهم أعظم
〰️〰️〰️〰️〰️
صوت أنهْ للضلوع هدموا الغرقد
دون صحنٍ فالكريم دونما مرقد
للظلامه والجريمه طه قد يشهد
ويرى تلك الحجارة نورها أظلم
〰️〰️〰️〰️〰️
عند أجداثِ الأئمّه تلطم الصدرا
تبكي من جور الظلامه هدّموا قبره
تلثم عطر الشهيد تهملُ العبرا
وتنادي وابقيعاه روحي تتألم
〰️〰️〰️〰️〰️
صوت آهات الأنين تعلو من قبرِ
قد رموا نعش الغريب أمة الغدرِ
بالسهام رشقوه فاطمه تدري
كل سهم بالضلوع آهِ قد هُشّم
〰️〰️〰️〰️〰️
واعتلا صوت الأنين تذرفُ العبرا
وعد مهديّ الزمان يطلب الثأرا
أي جرمٍ قد جناه هدموا قبرا
حتى يمنع من زيارةْ قبرهم مسلم
خادمة آل محمد ✍🏻
*حضور الزهراء (ع) عند قبر ولدها الحسن المسموم (ع) والناعي الحجة ابن الحسن ع (عج)* طور لفى عاشور ~
اتعنت للگبر فاطم تبچي والدمع بالعين
محنيه الظهر ويلاه تون وتلطم الخدين
تلزم للضلع مكسور ومنها يعتلي الونين
نوبه عالحسن تنحب ونوبه تصيح اه يا حسين
〰️〰️〰️〰️〰️
وصوت من الگبر ناداه آنه الـ بالنعش حملوه
اسمعي ونيني يا يمه نعشي بالسهم يرموه
ومن يم النبي الهادي نعشي من الدفن منعوه
تعالي وانصبي المأتم يا مكسورة الضلعين
خادمة الحجة عج
وخادمة آل محمد✍🏻