3582
*قد نسجتُ من لجين دمع عيني كلمتين* (يـ حسين ـا) *حبه حرز النجاة وهو الكهف الحصين* *نبض قلبي من حروف رتّلت إسم الحسين* *بعتُ قلبي في هواه وله العمر رهين* خادمة آل محمد✍
زينب وقف على التل الزينبي~ وصاحت بلسان حالها حسين يا حسين~
باسم الولي تصيح
حي ميت لو جريح
جاوبني يا حسين
بيا حالة انت طريح
〰〰〰〰
بالحومه تنظره
مرمي على الثره
والدم غسل الجسد
واوصاله منثّره
〰〰〰〰
سمع صوت الشهيد( صوت زينب)
ينادي من بعيد
لا ما يگدر يگوم
ويتقلّب عالصعيد
〰〰〰〰
صاحت يبو علي
العدا إجو إلي
هجموا على الخيم
ترضاها يالولي
〰〰〰〰
اشكيلك المصاب
يالنايم عالتراب
بسوطه الشمر إجا
وما يحسب لك حساب
〰〰〰〰
حيرني هالزمن
من حلّت المحن
لا عز ولا دلال
والسوط على المتن
خادمة آل محمد✍🏻
*اويلاه يا كربله اويلاه يا كربله أويلاه يا كربله أويلاه يا كربله~*
[مهدينا دموعه هامله يبكي الحسين بكربله
ودمعاته من دم سايله ويرفع رايته للثأر]
〰〰〰〰〰〰
حسين الغريب بنينوى
من عالي المهر من هوى
خدّه على الترب اكتوى
من حر الشمس كالجمر
〰〰〰〰〰〰
ورد مهره بعجل للخيم
وسمعت صهيله هالحرم
طلعت وتنادي بالألم
گلبي فجعته بهالخبر
〰〰〰〰〰〰〰
سبط النبي في غربته
عالغبره صارت طيحته
واتعنه شمر لذبحته
بسيف ويحز منه النحر
〰〰〰〰〰〰
زينب فوق التل تِنظِره
اجا بسيفه يحز منحره
شافت سواده مغبّره
وشافت راس بنور البدر
〰〰〰〰〰〰
صاحت يالنايم عالترب
وبدم وريدك منخضب
ظامي ذبيح بيا ذنب
جاوبني يا نور البصر
〰〰〰〰〰〰
وارتجت الأرض وسما
وحضرت مصرعه فاطمه
شتفت نحر ينزف دمه
وحوافر داست عالصدر
〰〰〰〰〰〰
وشمر الخنه بسيفه صعد
عا صدره يا ويلي گعد
وللعرش تزلزل العمد
لذبح الحسين من النحر
〰〰〰〰〰〰
خادمة آل محمد ✍🏻
*زينب تنشد امه الزهراء ع في كربلاء* لحن اسمع عتابي♪
صاحت يا يمه~ اتصوّب بسهمه
ذبحوا حسينچ ~ اتغسّل بدمه
شدي العصابه~ حسين بخضابه
دم من وريده ~ اكفانه ترابه
ثوب تسلّب ~ وشيبه تخضّب
ظامي يا يمه ~ ويم اخته تنحب
وجراحه كثره ~ حزوا له نحره
وبالأعوجيه~ داسوا عا صدره
راسه يلوحه ~ عالي برمحه
وينزف وريده ~ دمه يجري جرحه
خادمة آل محمد✍🏻
*يا صاحب الزمان مدد~ لحن الجفيري♪*
مهدي يا صاحب هالأمر
أتمنه لو لحظه تمر
اگبالي واشوف المنتظر
واكحل عيوني بطلعتك
〰️〰️〰️〰️〰️
وحشه الليالي والغياب
ومن دونك الامر بعذاب
بس أمنيه عندي وعتاب
وكل أمنياتي رجعتك
〰️〰️〰️〰️〰️
يا يوسف الزهره العجل
ضاقت بنا كل السبل
ترد النا يا مهدي الأمل
احسبني جندي بدولتك
ندبة يا أبا صالح ونحن رهن اشارة سيدي أفتراك تسمع ندبتنا أم حالت بيننا وبينك الححب بسبب ذنوبنا مولاي نظرة ونحن على ابواب محرم هامت ارواحنا تبحث عنك في أي مأتم ومن وُفّق ليواسي قلبك اقبل عزاءنا بحق جدك الحسين ع واسمع ندبتنا مولاي~ لحن اسمع عتابي~ للشيخ علي البيابي♪
طوّل غيابك~ ودمعي لمصابك
بأول محرم~ دقيته بابك
بيا مجلس تنوح~ جدك المذبوح
وتبكي الرزيه~ والدمع مسفوح
دمعك تصبّه~ مثلث في گلبه
للمنذبح بالطف ~ بحسره تِنِدبه
تعاين مصابه~ بدمه خضابه
وراسه برمحه~ وجسمه بترابه
محرم وعاشر ~ وصوت الحافر~
يحفر بگلبك ~ هل من مناصر
تنصب عزيه ~ بشهر الرزيه
وتبچي لجدك ~ بالغاضريه
خادمة آل محمد✍🏻
*الامام صاحب الزمان عج وشهر المحرم* طور الجفيري♪~
كم من مصيبة تألّمك
من يهل يمهدي محرمك
جمره الصدر لمخيّمك
وتسمع حوافر عالصدر
〰️〰️〰️〰️〰️
تنصب خيامك والحداد
وتنشرها راية هالسواد
تسمع صهيله للجواد
حول الخيم حام المُهر
〰️〰️〰️〰️〰️
تعاين مثلث بالگلب
جدك على حرّ الترب
حتى الكفن منّه انسلب
وطحنو ضلوعه والصدر
〰️〰️〰️〰️〰️
والنايبه تشوف الدلال
زينب سبيه عالجمال
مگيوده للطاغي بحبال
راحت سبيه. ياليسر
اي وازينباه~
خادمة آل محمد✍
مسلم بن عقيل ع في الكوفة / طور يلي عالنهر نايم♪
سفير حسين بالغربه
اويلي محنته صعبه
ودمعه عالوجن صبّه
دمعه والنحيب
لحسين الغريب
بكوفه حاطته الغدره
فاقد وحدهِ النصره
وطوعه يمّه تْنِظره
راح بغدر راح
ومن القصر طاح
جسمه عالترب مسحوب
ونوبه هالجسد مصلوب
وراسه عالرمح منصوب
من القصر ذبّوه
والعهد خانوه
خادمة آل محمد ✍🏻
https://youtu.be/mRiHGm0mivE
طور يا ناقتي~
ليلة حزن ~ تونّ وتنوحن فاطمة
ليلة حزن ~ تبچي الذي غسله الدمه
ليلة حزن ~ تعاين قميصه بالسمه
بأي حالة؟
تعاين قميص~ كم بيه علامه وكم أثر
تعاين قميص~ سهام ورماح وكم حجر
تعاين قميص ~ أحمر صبغ دم النحر
آي واحسين~ وليدي على الرمضا تريب
آي واحسين ~ وجسمه على الغبره سليب
آي واحسين ~ معفّر ومن نحره خضيب
آي واغريب~ ابني انسلب منه الكفن
آي واغريب ~ جنازة رميه بلا دفن
آي واغريب ~ والحافر بصدره طعن
أي واحسين~
خادمة آل محمد✍
لحن يا ناقتي~ السيد علي حجازي
شهر الدمع~ والزهره ناحت معوله
شهر الزمع ~ تبچي الذبيح الـ بالفله
شهر الدمع ~ تونّ الـ ذبايح كربله
ليلة حزن ~ تونّ وتنوحن فاطمة
ليلة حزن ~ تبچي الذي غسله الدمه
ليلة حزن ~ تعاين قميصه بالسمه
بأي حالة؟
تعاين قميص~ كم بيه علامه وكم أثر
تعاين قميص~ سهام ورماح وكم حجر
تعاين قميص ~ أحمر صبغ دم النحر
آي واحسين~ وليدي على الرمضا تريب
آي واحسين ~ وجسمه على الغبره سليب
آي واحسين ~ معفّر ومن نحره خضيب
آي واغريب~ ابني انسلب منه الكفن
آي واغريب ~ جنازة رميه بلا دفن
آي واغريب ~ والحافر بصدره طعن
أي واحسين~
خادمة آل محمد✍
*عزاء الزهراء ع وقميص ولدها الحسين ع /بحر طويل~*
بأول ليله بمحرم
المآتم تنصبه الزهره
قميص حسين وياهه
بدمه ملطخ تنشره
مصاب حسين نسّاهه
الضلع مكسور والعصره
تون يا شيعه عينوني
دم حسين على الغبره
➖➖➖
تحضر فاطمة الزهره
بكل مأتم على المذبوح
ملائک تنزل اوياها
تنحب والدمح مسفوح
ولمن ينعي الرادود
تصرخ فاطمة بالنوح
تلطم عالوجه لجل الّي
حزو عالترب نحره
➖➖➖
تلطم عالضلع مكسور
من مأتم لعد مأتم
عزاهه تنصبه المنحور
وَيْ شيعتها بمحرم
المهدي وياه قميص حسين . اويلي وينزف من الدم
ويرفع راية المظلوم
مصبوغة بدِمه الحمره
➖➖➖
نوبة توقف اعلى الباب
وتحیّي بالمعزين
ونوبة تدخل المجلس
تحصي دمعة الباكين
ونوبة تسجّل اسماء الي تحضرهم بيوم الدين
وتختمله بشفاعتها
ابجبينه اليهمل العبره
خادمة آل محمد ص✍🏻
المقطع الذي لا بدّ أن يتكرّر ♥️
Читать полностью…
*زينب تخاطب السلاب الذي أتى ليسلب ثوب الحسين ع*
لحن يا ناقتلي~ للسيد علي حجازي♪
لا تسلبه ~ هذا إبن خير المله
لا تسلبه~ وتخليه عاري بالفله
لا تسلبه~ بحر الشمس في كربله
لا تسلبه~ عوفه الجروح تألّمه
لا تسلبه~ مصبوغه ثوبه بالدمه
لا تسلبه ~ شكيتك لأمي فاطمه
راحت إليه~ تگله لا تگطع خنصره
ما تدري بيه ~ ظامي انذبح من منحره
اويلي عليه ~ وشافت ضلوعه
لا تدنى ليه ~ لا تگع ايده واليمين
لا تدنى ليه ~ بكل موضع بجسمه طعين
لا تدنى ليه~ شلت يمينك يا لعين
صاحت حسين (واحنا نصيح مع زينب يا حسين) أين الصارخون يا حسين~~~
خويه حسين ~ تضمّد جروحه وضمّته
خويه حسين ~ مسلوبه ليش عْمَامته
خويه حسين ~ ثوبه سليب ودكتّه
خادمة آل محمد ✍🏻
زينب ع يوم عاشوراء تنشد اخيها الحسين ع من فوق التل
[ردي للخيمة ....گالت الخيمة احرقوها]
[سلي سكينة..... گالت سكينه اضربوها]
[باري الحرم ......گالت حريمك سلبوها]
منقول.… طور الخضيب♪
ردي يا زينب خيمتچ ولا تنزلي الحومه
ما تدري اخوچ عالترب متغيّره علومه
نبلة ورمح سهم وجرح وغسله من دمومه
بگلبي سهم حيلي انهدم واتوسّدت التراب
آيزينب آيزينب آيزينب آه~
〰〰〰〰〰〰
تگله الخطر حاط الخدر وخيل العدا جتنه
حرگوا خيم راعي العلم يدري بحالتنه؟
سلبوا الحرم هاي الزلم بالنار حاطتنه
گاللها اصبري عالألم والبسي الصبر جلباب
آه يا زينب آه يا زينب آيزينب آه
خادمة آل محمد ✍🏻
*الرباب عند ولدها الرضيع* طور الجزع~
لحظة وإجت أمّه إله تضمّه
تعاين ذبح نحره تجي تشمّه
تشوف الرضيع مخضّب بدمّه
بالسهم مفطوم
〰️〰️〰️〰️〰️〰️
شافت ابنها منذبح نحره
شافت طفل يابس بعد ثغره
السهم برگبته والدمه حمره
وبالسهم مفطوم
〰️〰️〰️〰️〰️〰️
(يلا اتخيل الموقف ام تحمل ولدها المذبوح والسهم في نحره مغسّل بدماءه واويلاه واولداه~~)
تگله منو گطع نحر الولد ظامي
گلبي انفطر شفت النحر دامي
راس انگطع غسله الدمع هامي
وبالسهم مفطوم
خادمة آل محمد ✍🏻
*الدخول الى المدينة ولقاء ام البنين ع مع الناي بشر بن حذلم*
لحن اسمع عتابي~
ناعي المنيّة~ينعى الرزيه
منذبح اْلـِ حسين ~ بالغاضريه
گوموا يا شيعه~ حسين ورضيعه
وگمر الهواشم~ جثه صريعه
سمعت نواعيه~ وإجت له تواسيه
هاي ام البدور~ اتعنّت تحاچيه
خبّرني عا حسين~ گلها بلا معين
اولادك ضحايا ~ كلهم مطاعين
وگمر الهواشم~ ظامي وصايم
فوق الشريعه~ عالغبره نايم
گطعوا يمينه~ وسهمه بعينه
وگطعوا شماله ~ وگطعه وتينه
صاحت والحسين~ جاوبها مذبوح~ مسلّب و مطروح
ودم نحره جاري~ عالغبره مسفوح
مسّلب رداءه ~ في كربلاءه
منذبح ظامي~ وطايح لواءه
خادمة آل محمد ✍🏻
*مصاب الطفل الرضيع~ لحن اسمع عتابي♪*
شاله عا صدره~ ونبله بنحره
ودم نحره سايل~ الله يِصَبْره
يقبّل اوليده~ ولن ملوي جيده
وسهم الي صابه ~ اويلي بوريده
ومن طلعت امه~ تعاين لـ سهمه
نابت بنحره ~ مغسّل بدمه
مذهوله تنحب~ تصبرها زينب
وتصرخ آيبني~ گلبي تصوّب
رادت تضمه~ رادت تشمه
تعاين قماطه~ مغسّل بدمه
سهمك ذبحني~ يالرحت عني
من الروا محروم ~ عبدالله يبني
خادمة آل محمد✍
*حال بنات رسول الله ص لما اخرقوا عليهن الخيام فررن من النار*
لحن الخضيب♪
فرن حوافي من الخيم وطلعن من الخيمات
مرعوبه كل هاي الحرم وتهلن العبرات
فرن ظمايه من الرعب مشين على الجمرات
وحدة تنادي يالولي وينه كفيلي وين
〰〰〰〰〰〰〰
جمر ولهب نار حول الخيم ولن دارت الظِّلّلام
ما يرحم الشمر وزجر بسوطه ضرب الايتام
لوّع متون وبالألم وعين الرجال سهام
تعاين خدر تهتك ستر وضربوا يتامى حسين
خادمة آل محمد ✍🏻
هذا مدلل الزهره~ ونّاته تفت الروح
لا تطلع على صدره~ ولا تذبح عزيز الروح
بالله يا شمر عوفه~ ما اگدر انظره مذبوح
كلبي شيحمل بصبره~ اشوفه منذبح ظامي
خادمة
*هل من ناصرٍ ينصرني* ~ *…وأقيمت لك المآتم في أعلا عليين، ولطمت عليك الحور العين، وبكت السماء وسكانها والجنان وخزانها…*
يالمنذبح منحور مصابك ابكه السمه~
وناخت لاجله بالونين امنه فاطمه~
نشرت قميصه والملائك لاطمه~
واويلي على المذبوح اويلي عالحسين~
〰️〰️〰️〰️〰️
هاليوم العرش اعلن حداده~
والزهره لبست ثياب السواده ~
تدوّر مأتمه وتحضره كالعاده~
بالونّه والنوح يبني يا حسين~
〰️〰️〰️〰️〰️〰️
عرش الله ناح واسبل دموعه~
گوموا نعزيِ الزهره بهاي الفجيعه~
مهدينه بالحزن محنيِ ضلوعه~
يرفع رايات الثار يا لثارات الحسين
خادمة آل محمد✍🏻
*حضور الزهراء ع في المجالس*
قم وانثر الدمع في الوجنتينِ
للمذبوح ظلما بشط الفراتِ
ذرِّ الروح عند مقطوع الوتين
واسعد قلب فاطمة بالعبرات
يا من أتيت مجلس الحسين اعلم انك بمحضر فاطمة الزهراء ع (جاي اتعزي) ام الشهيد المذبوح فإذا ما دخلت المجلس فسلم عليها لعلها تجلس عند الباب تأن وتنوح لرزء ولدها المظلوم قم تعزيتها واحني الهامة والق التحية عليها فإنها حاضرة ان شاءالله / طور الجفيري
يا من الى المأتم حضر
الق التحية من تمر
واسمع أنين على النحر
بباب المجالس تندبه
〰️〰️〰️〰️〰️
بوسط المجالس فاطمة
تنعى وتنوحن لاطمه
ودمعتها عالخد سايله
وتجري المدامع لاهبه
حسين يا حسين يلا تريد تواسي فاطمة بعزيتها بونتها ون على الحسين سمعها صوتك حسين آه يا حسين~
لحن اسمع عتابي~
حِضرت سواده ~ بْونّه كالعاده
نِشرت قميصه~ وتعلن حداد
يِصعَب وضعها ~ تلزم ضلعها
محنية ونّت ~ ومحّد سمعها
مفجوعه زهره~ ويالناعي تقره
تعينه بعزاءه~ لَلْذِبحوا نحره
بونّتها ناحت~ يا وليدي صاحت
انفجعت بٱبنها~ وشهگت وطاحت
تبچي غربته ~ تنعى لْذبحته
عيوني عا ابني ~حزّوا رگبته
هاي المآتم ~ تحضرها فاطم
تبكي المصابه ~ ومدمعها ساجم
خادمة آل محمد✍🏻
بأبي وأمي المفجوعة على مصاب ولدها كيف تحضر فاطمة ع لازمة ضلعها المكسور والعين محمرة وتأن أنينا واولدها لو كشفت عنا الحجب لسمعنا تلك الندبة على الحسين ~
*حضور الزهراء ع في المجالس وشفاعتها للباكين / وزن البحر الطويل / تقرأ بعدة اطوار لفى عاشور التغريد الحزين او اطوار الملا عبد الحي قنبر ♪ يا جبريل نترجاك~*
يالتحضر عزاء حسين وتجري الدمعه سچابه
هاي الزهره بالمجلس تون وتنوح يم بابه
تنعى من نعى الرادود بآه يا حسين ومصابه
الزهره معصبه الجبين وتلزم للضلع مهشوم
〰〰〰〰〰〰〰
لو عنك رفع الحجاب تسمع ونّة الزهره
تشهق شهقة عالمظلوم وتنعى المنذبح نحره
محنية الظهره ويلاه ومدمعها يهل عبره
عين من اللطم حمره وخدها احمر وملطوم
زهرااااء
〰〰〰〰〰〰〰
تمسح دمعة الباكين وتگلك يالتجي مأجور
يالباكي على الحسين وتواسيني بشهر عاشور
ما أنساك بالمحشر يالباكي النحر منحور
العلامة لطمة الصدرك واشفعلك بهذا اليوم
خادمة آل محمد✍
هنيئا لك ايها المعزّي نعم اليوم فُجعت فاطمة بمصابه ولطمت ضلعها المكسور… اليوم ناحت فاطمة ودمع العين منثور … واليوم تجلببت بسوادها الزهراء ودق ناقوس العزاء... ( ونحن عند باب خيمة عزاء الزهراء ع في هذا المجلس تستقبلنا بدموعنا تتصفح وجوه الباكين… تُؤمّن على حوائجنا فكم طالب حاجة في هذا المجالس يا زهراااء لدينا مرضى لدينا حوائج كثيرة اكفليها مولاتي) فلو كُشف الغطاء لرأينا الملائكة بين المعزين يلتقطوا دموع الباكين وتجمعها بقارورة لسمعنا أنين وعويل ونحيب الزهراء المفجوعة بولدها وهي تأنّ وتنوح
*قتل ولدي عطشانا قتل ولدي ظمآنا*~
ساعد الله قلب فاطمة ع
*هل من ناصر ينصرني*
*دموع الزهراء ع في عاشوراء* بحر الطويل
أول عبره تجريها الزهره بأول محرم
بأول عشرة تبچيها وتنصب فاتحه ومأتم
واحسينا واحسينا واحسيناً آه
〰〰〰〰〰〰〰
عندك دمعة وي فاطم اقصد مجلس المظلوم
تسمع ونّة الزهره تبچي للذبيح دموم
تراها مطيّنة للراس بتربة كربله هاليوم
بجلباب السود تنوح وتلطم عالضلع مكسور
〰〰〰〰〰〰〰
وين الّي يواسيها من. تلطم على الضلعين
وصوت الناعيه يبني آه يالمنذبح يا حسين
ويّاها تشيل الثوب ومخرّگ شمال يمين
قميص مخرّگينه سهام ويتقاطر دمه منثوره
〰〰〰〰〰〰〰
وياها قماط زغير مصبوغ بدمه نحره
وقميص الأكبر مخضّب وبيه طبره على الطبره
وقميص الجاسم العريّس محنّه وحنته حمره
وثوب الكافل تشيله وآثار الزند مبتور
〰〰〰〰〰〰〰
*بعد المصيبة عظيمة ايها الناعي الزهره تفصّل المصيبة وتعدد جراحات الحسين وآثارها في قميصه*
الزهره تعدد جروحه وتجذبّ ونه ونياحه
تشوف آثار المثلث بثوبه وطعنة جراحه
تعاين ثوبه المهّم واثر لنعال ذبّاحه
واثر حافر هشم صدره وأوداج النحر منحور
حسين حسين حسين ~
خادمة آل محمد✍
*السواد ومآتم الزهراء ع*
*شهر الدمع شهر العزا شهر النياحة والأنين*
*قال الرضا لابن شبيب ابكي على قتل الحسين*
إي واحسينا واحسين
إي واحسينا واحسين
لو ينكشف عنا الحجاب
بعين البصيرة كربله
نعاين جسوم على التراب
وجثث وضحايا بالفله
نشوف الذبيح دمه خضاب
والزهره أمه معوله
نسمع أنين إي واحسين
تنصب عزيه عالذبيح
إي واحسينا واحسين
إي واحسينا واحسين
اه اه اه عليك يازهراء
الزهراء تفرح حين ترى المأتم ملفوفا بالسواد والرايات السوداء معلقة راية مكتوب عليه يا حسين وراية انكتب عليه يا عباس وقد أُعلن. الحداد على ولدها في اول محرم ما بين ناعي ولاطم ورادود وخادم (اللهم ارزقنا خدمة الحسين وتوفيق الزهراء ع ) فبين راية وسواد وحسينية ومأتم نسمع أنين الزهراء ع واند كل سواد تحضر فاطمة ع ام الذبيح ظلما وعدوانا 😭 تنادي حسين يا حسين~
البسوا ثياب الرزية واستعدوا للبلا
وانصبو المأتم ونوحوا عالذبيح بكربلا
تحضر الزهره لعزاكم بالأنين ومعوله
شايله ثوب الذبيح بالمدامع يا حسين~
يلا ساعد الزهره حسين يا حسين
ليكسر الخاطر يا شيعة تنعى آه ام الحسن
تقرا وي ناعي المصيبه ابني ظل بلا دفن
بس غريب الغاضرية لا غسول ولا كفن
من يواسيني يا شيعة ابني مذبوح الوتين
-------------------------
يلا نسمع الناعي والرادود فاطمة بالمأتم~ اسمع الزهره شتگول~
لو تشوفونه يا شيعه مرمي في حرّ الصعيد
مسلّب وعاري وطريح ويلي محزوز الوريد
والجراح على الجراح مگطّع بسيف وحديد
رضرضت صدره الخيول اگبال واصرخ حسين~
------------------------
عادة الميت يا شيعه يجيبوا اكفان وبخور
وآنه ابني بالشموس مرمي في حر البرور
راسه في حربه تشيّع بالسمه اگبالي يدور
وبالجنان بعيني انظر تنزف دموم الحسين
خادمة آل محمد✍🏻
/channel/kadimatAlmouhamad
*الزهراء ع تنشر قميص الحسين ع في كربلاء* لحن اسمع عتابي للشيخ البيابي~
الزهره الزچيه ~ تنصب عزيه
نِشْرت قميصه~ بالغاضريه
〰️〰️〰️〰️〰️
آنه ابني مظلوم~ ظامي ومحروم
وهذا قميصه ~ اْلـِ يتقاطر دموم
〰️〰️〰️〰️〰️
آنه ابني مذبوح~ عالغبره مطروح
مخضّب بدمه ~ ومن نحره مسفوح
〰️〰️〰️〰️〰️
ابني يا شيعه ~ ذبحوا رضيعه
مسلّب قميصه ~ جثه صريعه
〰️〰️〰️〰️〰️
مسلّب رداءه ~ في كربلاءه ~ وتبكي محنته أرضه وسماءه
〰️〰️〰️〰️〰️
نوحوا لْمِحِنته ~لابني وذبحْته
نصبوا المآتم ~حزوا رگبته
خادمة آل محمد✍
طور يا ناقتي~
ليلة حزن ~ تونّ وتنوحن فاطمة
ليلة حزن ~ تبچي الذي غسله الدمه
ليلة حزن ~ تعاين قميصه بالسمه
بأي حالة؟
تعاين قميص~ كم بيه علامه وكم أثر
تعاين قميص~ سهام ورماح وكم حجر
تعاين قميص ~ أحمر صبغ دم النحر
آي واحسين~ وليدي على الرمضا تريب
آي واحسين ~ وجسمه على الغبره سليب
آي واحسين ~ معفّر ومن نحره خضيب
آي واغريب~ ابني انسلب منه الكفن
آي واغريب ~ جنازة رميه بلا دفن
آي واغريب ~ والحافر بصدره طعن
أي واحسين~
خادمة آل محمد✍
قميص الامام الحسين /جفيري ~
تعزي الملائك فاطمة
ونِشرت قميصه بالسمه
والزهره شهگت لاطمه
من شافته بشهر العزاء
〰〰〰〰〰〰
تشوفه بثوبه كم أثر
سهام وطعن جرح وحجر
بدم انصبغ من النحر
ويتقاطر بفيض الدماء
〰〰〰〰〰〰〰
كم حافر بصدره انطبع
سحقو عظامه وكم ضلع
كل العزا وهذا الدمع
بين الأرض بين السماء
خادمة آل محمد✍
*دمعة الزهراء عالحسين ع*
عندك دمعة وي فاطم اقصد مجلس المظلوم
تسمع ونّة الزهره تبچي للذبيح دموم
تراها مطيّنة للراس بتربة كربله هاليوم
بجلباب السود تنوح وتلطم عالضلع مكسور
〰〰〰〰〰〰〰〰〰
وين الّي يواسيها من. تلطم على الضلعين
وصوت الناعيه يبني آه يالمنذبح يا حسين
ويّاها تشيل الثوب ومخرّگ شمال يمين
قميص مخرّگينه سهام ويتقاطر دمه منثوره
〰〰〰〰〰〰〰〰〰
وياها قماط زغير مصبوغ بدمه نحره
وقميص الأكبر مخضّب وبيه طبره على الطبره
وقميص الجاسم العريّس محنّه وحنته حمره
وثوب الكافل تشيله وآثار الزند مبتور
خادمة آل محمد✍🏻
/channel/kadimatAlmouhamad
#هل_من_ناصر_ينصرني
الامام صاحب العصر والزمان عج ومآتم الحسين ع~
يا صاحب الزمان مدد/ حال الامام صاحب الزمان عج وحزنه على مصاب جده المظلوم~
يا يوسف فاطمة الزهره اشحالك تنصب المأتم
يدور بمسمعك حافر وكسر ضلوع تتهشّم
تشوف مثلث الـ صوّب چبد حسين وتألّم
وجسد مطروح عالتربان والطعنه على الطعنه
〰〰〰〰〰〰〰
تعاين مأتم وموكب وسواد وراية والمنبر
والناعي والرادود والباكين عالمنحر
بكل مجلس تون وتنوح عالمظلوم تتحسّر
وتشوف الفاجعه بعينك جسد وبدمه يتحنه
〰〰〰〰〰〰〰
شحالك من يهل عاشر الكونه ويتغير نظام الكون
كنه يبكي عالمذبوح وبعد. ينحب عالمحزون
يبكي عالجسد مطروح عالغبره وما. مدفون
كنّه يعينك بحزنك ويواسيك بالونّه
حسين يا حسين
خادمة آل محمد✍🏻
لما نزل ركب الامام الحسين ع في كربلاء خفق قلب زينب ع ولما ودعها العباس في ليلة العاشر قبلت يداه وبكت ~ وكانت عيون زينب عالعباس و~
إجت الحزينه~ لحامي الظعينه
بعبره جريه~ تقبّل إدينه
تبدي الشكايه~ لصاحب الرايه
خويه بفقدكم~ نصبح سبايا
بارض النوايب~ اشوف العجايب
وعليّ ينادو ~ يا ٱم المصايب
اگبالي انرسم~ قربه وعلم
چف وشريعه ~ وحرق الخيم
بهاي الوطيه~ اطلع سبيه
اخوتي ذبايح~ فوق الوطيه
جواب العباس
انتي بحمانا~ نقدّم دمانا
للباري قربان ~ هذا رجانا
خادمة آل محمد ✍🏻
#وامسلماه
حميدة بنت مسلم ~ لحن قلب امك يبني مفتت
يتيمة مسلم هلّت هالعين
ضمها الْحِجْره ويجذب الونين
وگلبه مفطور لجله الطفله
بكفّه يمسح عالراس حسين
〰〰〰〰〰〰
تگله عمي بويه وينه
غايب عنّا وما يجينه
منهو بعده يفرّح گلبي
خيمه مسلم كان علينه
〰〰〰〰〰〰〰
جواب الحسين ع
يا حميده ~ بالشهادة افخري
يا حمده~ اوصيچ بعد اتصبّري
يا حميده~ ولبناتي انظري
هاي سكنه ~ واصيها مثلج بالصبر
هاي سكنه~ تواسي گلبچ عالأمر
هاي سكنه~ مثلك انت تنتظر
ماذا تنتظر مولاي وهل هناك من محن بعد ؟ نعم هناك الأعظم والأفجع ~
كأني بسكينة اتت وضعت يدها بيد حميدة
ونظرت اليها تلك النظرة
(يلا اريدك تتخيل الموقف اللحظات لحظات عزاء مسلم ووداع وحرقة قلب الايتام)
تگله يا حميدة~ الجفيري
غالي الأبو فراگه صعب
لحظة ونفارگ كل محب
والذكرى تبقى بالگلب
وانت وانا ايتام الحنان
〰〰〰〰〰〰
مثلچ افارگ هالغريب
ولحظة فراگه لا تطيب
عالغبره اشوفنه سليب
ونفگد سويه هالأمان
خادمة آل محمد
*الزهراء تنصب عزاء ولدها الحسين ع*
وتدوّره وين~ راحت الحومه تشوفه
وتدوره وين~ نايم الليله بطفوفه
وتدوره وين ~ عالترب بيا حاله تشوفه
يمه وصلت ~ وشافت نهر غارق دمه
يمه وصلت ~ تون وتنوحن فاطمه
يمه وصلت ~ وتنادي يبني لاطمه
الزهره تلطم عالراس والعين المحمره وعالضلع تاره اريدك تواسيها الليله الزهره مفحوعه على المذبوح
ويلاه
يبني يبني يبني يبني
🩸🩸🩸
حضور الزهراء ع في المآتم الحسينية
#مأتم_الزهراء_ع
حِضرت سواده ~ بْونّه كالعاده
نِشرت قميصه~ وتعلن حداد
يِصعَب وضعها ~ تلزم ضلعها
محنية ونّت ~ ومحّد سمعها
مفجوعه زهره~ ويالناعي تقره
تعينه بعزاءه~ لَلْذِبحوا نحره
بونّتها ناحت~ يا وليدي صاحت
انفجعت بٱبنها~ وشهگت وطاحت
تبچي غربته ~ تنعى لْذبحته
عيوني عا ابني ~حزّوا رگبته
تعاين الحاله~ مقطّعه اوصاله
تلملم الخنصر ~ معفر رماله
تعاين تنثر ~ جسمه وتعفر
صدره تهشّم ~ بحافر تعثّر
خادمة آل محمد✍🏻
🩸🩸🩸🩸
*حال الزهراء ع تبكي ولدها الحسين ع *جديد لحن قلب امك ~ للشيخ الجفيري♪~*
صاحت يحسين يا بعد الروح
شلون اعاين نحرك مذبوح
ودم المنحر يبني مسفوح
جراحك كثره كل هاي جروح
〰️〰️〰️〰️〰️
تضمه وتنحب تلمّ اوصاله
تعاين جسمه بهاي الحاله
تشوفه مگطع فوگ رماله
محّد شيّع نعشه وشاله
〰️〰️〰️〰️〰️
نايم ويلاه بوسط الميدان
مسلّب عاري وبْلا اكفان
خضابه دمه وحنه التربان
محّد اجاله وفصّل اكفان
〰️〰️〰️〰️〰️
جسمه ويلاه ظل بالمصرع
وراسه اتشيع ونحره مگطّع
جسمه دامي بطعن مبضّع
راسه شمس برمحه تطلع
يبني ييني يبني يبني~²
خادمة آل محمد ✍🏻
*حضور الزهراء ع في كربلاء* الزهراء حضرت بكربلا لكن بأي حالة حضرت لازمة ضلعها المكسور وعينها المحمرة بجلبابها الأسود محنية الظهر من عظم المصيبة الزهراء مفجوعة بولدها اريدك تواسيها بهاللحظات بالدمعة والأنة وتصيح ولدي حسين قتلوك ~ شرب الماء منعوك
*يا ناقتي~ لحن السيد علي حجازي ~*
إي واحسين ~ هذه ونت فاطمة ~ إي واحسينا واحسين~
إي واحسين~
*ماذا صنعت الزهراء؟*
ناحت عليه ~ وتصبغ وجهها بالدمه
ناحت عليه ~ تون وتنوحن فاطمة
ناحت عليه~ ونتها توصل للسمه
إي واحسين إي واحسينا واحسين~
يم الجسدت ~ يم الجسد ~ تخسب جروحه والطعن
يم الجسد ~ تعاين لصدري لي انطحن
يم الجسد~ تبچي عا مسلوب الكفن
ترفع طرف~ ويسقط طرف فوق الثره
ترفع طرف ~ وتلم ايدينه وخنصره
ترفع طرف ~.وتحبه ويلي بمنحره
اي واحسين
تون وتنوح ~ وتعاين لنحره ذبيح
تون وتنوح~ وتعاينه جسمه طريح
تون وتنوح ~ ودم النحر دما يسيح
اي واحسين اي واحسينا واحسين
براس الرمح~ وشيبه من المنحر خضيب
براس الرمح~ واويلي عالخد التريب
براس الرمح ~ ظامي انذبح ويلي عجيب
إن. يوم الحسين اقرح جفوننا~~~
اسبل عيوننا~~~
ان جديَ الحسين قتل عطشانا غريب
ان جديَ الحسين بات منحورا سليب
واحسينا حسين
خادمة آل محمد✍
#وازينباه~
#دخول_السبايا_للشام
بحر الطويل ~
ركب السبايا والحرم وصّل لأرض الشام
وعين الشماته والزلم ترمي وكنها سهام
وروس العشيره معلّگه كنها بدور التام
وزينب عقيلة حيدره بيديها چِتْفو حبال
آه يا زينب آه يا زينب آه يا زينب آه
〰〰〰〰〰〰〰
ومشهد يألّم هالگلب حالة بنات حسين
حادي ظعنهم ناصبي وسوطه على المتنين
وستر الوجه عن هالخلق صار بكفوف يدين
ويشتم ابوها الناصبي ويشتم سبايا الآل واويلاه
آه يا زينب آه يا زينب آه يا زينب آه
〰〰〰〰〰〰〰
جفيري~
وشام النوايب بالفرح
وراسه الحسين على الرمح
بگلب العقيله كم جرح
فوق الهزيله تنسبي
〰〰〰〰〰
وراس الولي عيونه تشوف
كل هالخلق وقفت صفوف
فرحانه تضرب بالدفوف
وتتشمّت بآل النبي
〰〰〰〰〰
وصوت اليتامى بالعويل
وزينب بنت حامي الدخيل
تتمنى لو يمه الكفيل
وينظر خواته بالسبي
خادمة آل محمد✍🏻
مشهد تصويري الامام الحسين ع جلس عند مصرع العباس ع ودموعه على خديه يعاين حاله ويتحسّر على اخيه وكبش كتيبته الذي قال له :يا أخي أنت صاحب لوائي وإذا مضيت تفرق عسكري!
*لحن يا ناقتي~ للسيد علي حجازي~*
*نداء الحسين ع!!!*
أبا الفضل~ جاوبني لحظة يالگمر
أبا الفضل~ يالنايم بجنب النهر
أبا الفضل~ تدري انكسر مني الظهر
أبا الفضل~ اگعد يا شيّال العلم
أبا الفضل ~ تنتظرك هناك الحرم
أبا الفضل ~ خليني اشيله هالسهم
*جواب العباس!!!*
يگله حسين~ خليني جنب المشرعه
يگله حسين~ خلي اخوك بمصرعه
يگله حسين~ خلي السهم لا تشلعه
*ليش يا خويه ليش ابو فاضل اخاف السهم يألمك يا خوي خليني اشيله من عينك؟؟؟😭*
خلي السهم~ ولا عيني تنظر للخيم
خلي السهم~ مشهد يروّعني بألم
خلي السهم ~ بعيني ما انظر للحرم
أي مشهد يا عباس~؟
بعينه انظره~ بسوطه وانعتاها الشمر
بعينه انظره~ يضربها زينب عالظهر
بعينه انظره~ ويشتم ابوها والگمر
مشهد أليم~ ويعز عليّه انظره
مشهد أليم ~ اختي تروح ميسّره
مشهد أليم~ وعين الأجانب ناظره
لحن قلب امك يبني مفتت~♪
صعبه صعبه صعبه صعبه²
انظر زينب تمشي بغربه
المدمع منها اويلي تصبّه
وعين الظالم سهم وحربه
زينب زينب زينب زينب²
يعز عليّه اسمه كلمه
سبي الحورا اصعب صدمه
ترافق شمّات هاي الحرمه
ويشتم اخوها وتسمع كلمه
زينب زينب زينب زينب²
خادمة آل محمد✍