3582
*قد نسجتُ من لجين دمع عيني كلمتين* (يـ حسين ـا) *حبه حرز النجاة وهو الكهف الحصين* *نبض قلبي من حروف رتّلت إسم الحسين* *بعتُ قلبي في هواه وله العمر رهين* خادمة آل محمد✍
#واعسكرياه
*دفن الامام العسكري ع*
گلب مهدينه عالعسكري ذاب
ومهجته تلوّعت من بعد العذاب
ودّع أبوه وهال على جسمه التراب
واتحسّر على المسموم واويلي حسرات
〰️〰️〰️〰️〰️〰️
حطّ بلحده ودار عليه عينه~
وروحه على فگده هالليله حزينه~
راح ومن بعده ظلمه هالمدينه~
وجذب ونّه على الأبو ودموعه عبرات
〰〰〰〰〰
وصية العسكري ع عالجفيري~
أجرك على الله بهالمحن
يالجري دمعك بالجفن
الله يصبرك عالزمن
من بعدي ويطول العذاب
〰️〰️〰️〰️〰️
دفنت الأبو في هاللحد
ومن عنده سالم هالجسد
شحال الدفن ابوه العمد
ولملم اوصاله بهالمصاب
〰️〰️〰️〰️〰️
حطيته جسمي بالگبر
وجسم الذبيح من النحر
راسه برمح عالي انشهر
ودم النحر صاير خضباب
〰️〰️〰️〰️〰️
ما داست الخيل الضلع
وما عندي حافر منطبع
بس الحسين لاجله الدمع
طحنوا ضلوعه عالتراب
خادمة آل محمد✍🏻
#واعسكرياه
*حوار بين الامام العسكري ع والامام صاحب الزمان عج وطلب الثأر* لحن لفى عاشور او يا جبريل نترجاك الملا عبد الحي قنبر♪
وداع العسكري يصعب وْيَ المهدي بهالليله
يدير العين على وليده وبالعبرات يبچيله
يحط ايده على كفّه وبالآهات يشكيله
الغربة والزمن غدار ترسم دمعته بخده
〰️〰️〰️〰️〰️
دار العين عالمهدي ولحاله غدا اتحسّر
يوصي المهدي بالثارات ويگله عالعهد إثأر
لا تنس الذبيح حسين وضلع امنا الذي اتكسّر
ونحر الما شرب مايه وحزوا هالعزا وِرده
〰️〰️〰️〰️〰️
*حال صاحب الزمان عج!*
*سالت دمعة المهدي وصاح الثار بيه أدري*
*بضلوعي بعد مسمار والطف جمرته بصدري*
*وعبدالله وثأر محسن وسبي زينب شعل جمري*
*وخرابة شام وباب امي وثار العترة للمهدي*
〰️〰️〰️〰️〰️〰️
*جواب العسكري:*
عندك راية انشرها من بعد الغياب سنين
راية ثار للمظلوم وراية للذبيح حسين
وعندك عالشريعه هناك يبني اتگطعت چفين
صبرك عالمحن صبرك بسامرا الثأر عندي
خادمة آل محمد ✍🏻
/channel/kadimatAlmouhamad
#واعسكرياه
*حزن الامام صاحب الزمان عج على مصاب ابيه العسكري ع*
جفيري ~
يگله يا نايم بالگبر
من بعدك جروح وقهر
اسمع شكاتي من الدهر
وامسح دموع ابن الحسن
〰️〰️〰️〰️〰️
اجيت ابكي بدموع المصاب
ابكي الي نايم بالتراب
من بعدك سنيني عذاب
وجاير عليّه هالزمن
〰️〰️〰️〰️〰️
راح اشكي همي وغربتي
للزهره امي ومحنتي
تحضر وتمسح دمعتي
تخفف عليه هالمحن
〰️〰️〰️〰️〰️
من ساعة وعني غبت
روحي بحزنها تأّلمت
هالدنيا بعدي ظلّمت
عمري قضيته بالحزن
〰️〰️〰️〰️〰️
يبويه يالعسكري مصابك احنى ظهري
وفجع گلبي برحيلك وانت بحالي تدري
البيت اظلم يغالي وقصر ليته عمري
ولا اشوفك بالگبر نايم يا نور العيون
〰️〰️〰️〰️〰️〰️
أهيل الترب بيدي وانه معذور بونيني
دفنت اغلى الحبايب ويلي اگبالي عيني
ابكي بدم عليهم بحزن اقضي سنيني
نواحي وحزني كله عالـ باللحد مدفون
خادمة آل محمد ✍🏻
#واعسكرياه
*حضور الزهراء عليها السلام جنازة العسكري ع* لحن قلب امم يبني مفتت للشيخ الجفيري~♪
حضرت يَمّه تونِّ الزهره
تلطم خدها وجري العبره
تگله يبني سمّوا چبدك
وخلو گلبي مثل الجمره
يبني يبني يبني يبني²²
〰️〰️〰️〰️〰️〰️
مصابك يبني يفجع روحي
جنازة بغربه ولاجلك نوحي
نعشك شفته انشال اگبالي
المهدي ينحب وزاد جروحي
يبني يبني يبني يبني
〰️〰️〰️〰️〰️〰️
خادمة آل محمد✍🏻
#واعسكرياه
*امامنا صاحب الزمان عج وحزنه على رحيل والده الحسن العسكري ع* لحن اسمع عتابي للشيخ البيابي~
بحزنه ومصابه~ ودمعه وعذابه يهل المدامع~ لزهرة شبابه
بدمعه جريه ~ ناصب عزيه
المهدي بحزنه~ يبچي الرزيه
بدمعي ودّعته ~ بلحده وسّدته. محلا جماله~ بيدي دفنته
وحشه وخليه ~ داره المسيه
ظلمه سامره ~ وتنصب عزيه
خادمة آل محمد✍🏻
*حال مولاتنا سكينة تخاطب سيد الشهداء الامام الحسين (ع)* يابويه يا بويه~ لحن حضريني يالزهره للشيخ المعاتيق♪
ودّعتك يامظلوم~ والدمعة بعيوني
ليت آنه ميته اليوم~ وما شالت ظعوني
*يابويه يا بويه~²يابويه يا بويه~²*
أمشي بيسر عنّك~ وجفني يهل عبره
وشلون أَوَدْعنّك~ وجسمك على الغبره
ودم النحر منّك~ ينزف دمه كثره
يا مخضّب بدمك ~ بيك آنه فجعوني
*يابويه يا بويه~²يابويه يا بويه~²*
وداعك ذبح روحي~ وخلّه الگلب مكسور
هجرك سبب نوحي~ ودمع الجفن منثور
بس زادت جروحي ~ شفت النحر منحور
مفجوعة بس انحب~ والدمعة بعيوني
خادمة آل محمد✍🏻
/channel/kadimatAlmouhamad
*مآساة سكينة ع*
شفت المشاهد والصور ما مرّت على البال
شفته ذبّاحك والنحر وراسك على العسال
حاچيته والمدمع نهر من نوّخت الجمال
ينظر اليْ وانه بحبل مشدوده ايديّه
〰️〰️〰️〰️〰️
يجرحني بويه بالألم حادينا يشتمني
نظرة عيونه كالسهم نظراته تقتلني
بسوطه يجيني بالعجل يلوحه ويلوّعني
وانه اصرخ ومحّد فزع ويعاين عليّه
تگله/ لحن الفراق الحسناوي ♪
آيبويه~ ويالغرب دمعاتي تجري
آيبويه~ عالهزل محتاره بامري
آيبويه~ ليتك باحوالي تدري
مدلّلاتك~ صعبه بويه تنسبي
مدلّلاتك~ عليها آمر الناصبي
مدلّلاتك~ تمشي بولية أجنبي
خادمة آل محمد✍🏻
/channel/kadimatAlmouhamad
*لسان حال سكينة تخاطب والدها الحسين (ع)*
ضاع العمر يا والدي وانه انتظر بس طيفك
عساني اشوفك بالحلم اشتاگت عيوني تشوفك
صورة بخيالي تنرسم وتمد اليّه كفوفك
راح الحنان راح الأبو وعن عيني طال غيابه
〰️〰️〰️〰️〰️〰️
اجيت على گبرك اشكي لك شوقي وغربة حالي
طافت دموعي عالگبر تنخى ابويه الغالي
لو يرجع يردّ العمر وتتبدلّن احوالي
ما اعوفه واگعد احضنه واشتم عبير ترابه
خادمة آل محمد✍🏻
*يا علي ابن موسى الرضا* ~😭🙏🏻
*يا مؤنسي في وحدتي والضامن في غربتي*
*لُذتُ ببابك سيدي حاشى ترد حاجتي*
*أمطر عليّه بعطفك واحضر غدا في حفرتي*
*خلصني في يوم الحساب وعند نشر صحيفتي*
*وبحبك عند الصراط انت نجاتي بشدتي*
*يا ثامن شمس الشموس انت الجواز لجنتي*
نظرة مولاي🥹 خادمة✍🏻
*جروح صاحب الزمان (عج)* وزن بحر الطويل~
سلام الله على گلبك يمهدي من الكرب وهموم
سلام الله على جفنك مقروح ويسيل دموم
سلام الله على روحك وحزنك عالحسين يدوم
محرم لو صفر عايش دمعة ولطمة عالمذبوح
〰️〰️〰️〰️〰️
يمهدي وكم صور تفجع بضلوعك تبكي الرْزِيه
ادري محرم وعاشر ولاجل العمه مسبيه
مشاهد تفجع الروحك وجسد جدك عالوطيه
وراسه عالرمح مرفوع ودمه من النحر مسفوح
〰️〰️〰️〰️〰️
تبچي مشهد يألم گمر عالمشرعه موزّع
طاحت يمه چفينه وراسه بالرمح يُرفع
وبعينك تشوف التل وصرخة زينب وتسمع
يابو فاضل إجتنا الخيل وانت عالنهر مطروح
خادمة آل محمد✍🏻
لحن اسمع عتابي للشيخ البيابي~
المهدي بدموعه~ عايش اللوعه
ومن الله يطلب ~ ساعة رجوعه
بحق دم الحسين~ ونحره والوتين
عجل الهي ~ بيومي هالحين
گلبي وعذابه~ يبچي مصابه
ونحره ودماءه~ فوق الترابه
يناشدني منحر~ وگطعة الخنصر
وراسه عالرماح~ وجسمه التعفّر
وليومي صابر ~ ودمعاتي عاشر
اسمع نداءه~ هل من مناصر
*هل من ناصر ينصرني*
*لبيك داعي الله*
خادمة آل محمد✍🏻
*●أَبِرَضْوى أَوْ غَيْرِها أَمْ ذِي طُوى ؟! عَزِيزٌ عَلَيَّ أَنْ أَرى الخَلْقَ وَلاتُرى وَلا أَسْمَعُ لَكَ حَسِيساً وَلا نَجْوى، عَزِيزٌ عَلَيَّ أَنْ تُحِيطَ بِكَ دُونِيَ البَلْوى وَلا يَنالُكَ مِنِّي ضَجِيجٌ وَلا شَكْوى*
ومن اين اسمع شكواك وأنينك وقد ضربت ببني وبينك حجب الغفلة وحب الدنيا وانا أبحث عنك حاملا ثقلي فوق ظهري وذنوبي التي سوّدت وجهي وكانت سبباب بأخير ذنوبك سيدي ابا صالح وهذا اليوم يوم جمعة وهو يومك المتوقع فيه ظهورك ونحن فيه ضيوفك فأحسن ضيافتنا واجارتنا وتفضل علينا بلطفك ودعائك واشملنا بنظرة تشفي بها قلوبنا السقيمة وتمسح بيدك عليها فلا ترى غيرك ولا تسمع سوى صوت ولكن من أين لي أن أسمعك وأذني الخطّاءة تصغي لسماع أهل المعاصي والذنوب… ومن اين لي أن أراك وقد عميت عين لا تراك…
الجمعة مرّت وٱحنا ننتظرك يا غايب~
الجمعة مرّت وظل حلم لُقيا الحبايب~
الجمعة مرّت ونندبك يابن الأطايب~
آنه خجلان بذنوبي وأدري بذنوبي السبب~
اجيتك واحمل عيوبي وگلبي أسود بالذنب~
حالت ذنوبي بلقاءك ارحم دموع المحب~
امسح بكفك عليّه ومنك ألتمس العذر~
〰️〰️〰️〰️
راح أضج بالندبة لاجلك وبالمجالس اندبك
واحكي قصة اعتذاري أدري ذنبي عذّبك
لو ما تقصيري يا مهدي ادري آنه مغيّبك
راح أدق باب انتظارك يا امامي المنتظر
〰️〰️〰️〰️〰️
(سيدي طرقنا بابك بالدمعة في هذا اليوم المتوقع فيه ظهورك فهلاّ سجلت اسماءنا في ديوان خدامك و أنصارك)
احسبني جنُدك رهن اشارة من يهل نورك وتطلع
اخذ بإيدي ورد سلامي وللسلام انت الّي تسمع
بالفرج تعجيله أدعي وعيني يا مولاي تدمع
لا تطوّل في غيابك ما عدت أحمل صبر
خادمة آل محمد✍🏻
*اللهم عجل لولیڪ الفرج~ *يازهراء مدد~*
يابو صالح... طالت سنين الغياب
يابو صالح… يا شمس خلف السحاب
يابو صالح… نحسب ليومك حساب
يمتى ترجع… وتطلب بثار الذبيح
يمتى ترجع… تداوي كم جرح وجريح
يمتى ترجع… نهتف باسمك نصيح
**اللهم عجل لولیڪ الفرج*
خادمة آل محمد✍🏻
/channel/kadimatAlmouhamad
#شهادة_الرضا ع / لحن اسمع عتابي~♪
غمّض عيونه~ واسبل ادينه
وبغربه وحده~ ومحد يعينه
لا يمه خوّان ~ ولا حضر دفان
ولا من هله اجه~ وغمّضله الجفان
وحده ومهموم~ ويعالج سموم
بفراش المنيه ~ مولانا هاليوم
بديار الاغراب~ ما عنده احباب
جنازة رميه ~ واتوسد تراب
خادمة آل محمد✍🏻
مقارنة بين مصاب الامام الرضا ع ومصاب الامام الحسين ع
جسده قد بقي سالما لم يقطع اربا اربا ولم يحتزوا رأسه ولم تقطع أعضاءه كالحسين المذبوح اي واحسينا واذبيحاه~~~
لحن الخضيب
شيّع جنازة للگبر وشاله بتابوته
لكن يا وسفة المنذبح محّد حضر موته
ولحّد ايدينه سبّله ولا حد سمع صوته
ولا شالو عن حرّ الترب ولر منگطع نحره
اي واحسيناه واحسينا واحسينا آه
〰️〰️〰️〰️〰️〰️
جسم الرضا سالم ترى ولا من جرح صابه
وجسم الذبيح بكربله دمه من صوابه
الف وتسعمية جرح ومسلّبه ثيابه
راسه برمح اويلي ارتفع وداسوا على صدره
اي واحسيناه واحسينا واحسينا آه
خادمة آل محمد✍
#شهادة_النبي(ص)
*مات النبي~* لحن يا ناقتي~ للسيد علي حجازي ~🎤
مات النبي~ يعني الزچيه تنهضم
مات النبي ~يعني على الخد تنلطم
مات النبي~ ومنها الضلع اويلي انهشم
مات النبي~ نكثوا العهد بوصيّته
مات النبي~ ومن بعده آذوا بضعته
مات النبي~ وما راعوا الله حرمته
غاب الوحي~ وهجموا على دار الرسول
غاب الوحي~ جفن النبي عبره همول
غاب الوحي~ يعني انكسر ضلع البتول
يا فاطمة~ يم بابچ يجمعوا الحطب
يا فاطمة ~ من يعصروچ بيا سبب
يا فاطمة~ شلّت يمين الي ضرب
وافاطماه~وافاطماه وافاطماه~
خادمة آل محمد✍
#وامحمداه
*شكوى فاطمة الزهراء ع لأبيها رسول الله ص* / لحن والله حيرة حيرتي♪
بويه بعدك انظلم
وتدري ضلعي ينهشم
ما احتمل بعدك هضم
لو فارگتني يالرسول
آنه فاطم يبويه آنه فاطم~
〰️〰️〰️〰️
المن تعوف الغريبه وعنها بويه ترتحل
تنزل عليّه المصيبه وبويه من بيتي رحل
يهجموا كلهم عاداري ويضرب بنيتك نذل
يهشّم ضلوع الزچيه بعصره محسن ينقتل
تدري بعدك صابره
والضلوع مكسّره
بسطره صفعوا وجنتي
بعصره ذات مهجتي
من ورا الباب وأنادي آنا فاطم يبويه
〰️〰️〰️〰️〰️〰️
من الوذ ببابي تدري يعصروني
ومن انادي بويه وينك يلطموني
أنتخي وتسمع شكاتي يروّعوني
ومن جنيني تدري بويه يسگّطوني
تدري بعدك صابره
والضلوع مكسّره
تجري بعدك دمعتي
وابقى انه بحسرتي
من ورا الباب وأنادي آنا فاطم يبويه
〰️〰️〰️〰️〰️〰️
خادمة آل محمد✍🏻
*يا صاحب الزمان*
طور الأنين العاملي♪
يالمهدي كم حزنك يطول والمحنه صعبه ومؤلمه
اطلب بثار ابن البتول
وجرّد لسيفك صارمه
داست على صدره الخيول
تطلب ثأر من فاطمة
طحنت ضلوعه والجسد
عالغبره اويلي بلا دفن
يابن الحسن يابن الحسن
يابن الحسن يابن الحسن
〰️〰️〰️〰️〰️
*فَهَوَيْتَ يـــــا جــداه إِلَى الأرْضِ جَرِيْحاً ~، تَطَأُكَ الخُيولُ بِحَوَافِرِهَا ~*
جدك ومسلوب الرداء
عالغبره صارت طيحته
بأمن يجيب من الدعاء
خيول وحوافر داسته
تراب الكفن من كربلاء
وغسله الدمه من ذبحته
فوق الرمح ينزف دماء
راسه وجسمه بلا كفن
يابن الحسن يابن الحسن
يابن الحسن يابن الحسن
〰️〰️〰️〰️〰️
*سَلامُ مَنْ قَلْبُهُ بِمُصَابِك مَقرُوحٌ ، وَدَمْعُهُ عِندَ ذِكرِكَ مَسْفُوحٌ ، سَلامُ المَفْجُوعِ الحَزِينِ ، الوَالِهِ المُستَكِينِ .*
*سَلامُ مَن لَو كَانَ مَعَكَ بِالطُّفُوفِ لَوَقَاكَ بِنَفسِهِ حَدَّ السُّيُوفِ ، وبَذَلَ حَشَاشَتَهُ دُونَك لِلحُتُوف ، وجَاهَد بَينَ يَدَيكَ ، ونَصَرَكَ عَلى مَن بَغَى عَلَيكَ ، وَفَدَاك بِرُوحِه وَجَسَدِهِ ، وَمَالِهِ وَولْدِهِ ، وَرُوحُهُ لِرُوحِكَ فِدَاءٌ ، وَأهْلُهُ لأهلِكَ وِقَاءٌ .*
ليته انه نحري الي انذبح
ونحرك يجدي ما انطبر
ليته انه صدري الي انهشم
وصدرك يا جدي ما انكسر
ليت انه راسي الي انبره
ولا راسك برمح انشهر
فديتك بدمي ومهجتي
خادمة آل محمد✍🏻
آه يا صاحب الزمان ايها الصابر على محن اهل بيتك فكم سالت دموعك من دم على جدك المذبوح وأنت الباكي على مصابه صباحا ومساء~
آيمهدي~ كل دموعك تجري من دم
آيمهدي~ يلتهب بصدرك مخيّم
آيمهدي~ بمحنتك بس الله يعلم
آيمهدي~
كل سنينك~ تطوي ايامك عزيّه
كل سنينك~ محرمك لو فاطميه
كل سنينك~ تهلن دموعك جريه
كل سنينك~
آيغايب~ معصّب جبينك لثارك
آيغايب~ عصابه حمرا وذو الفقارك
آيغايب~ الثأر يچوي انتظارك
آيغايب~
خادمة آل محمد✍🏻
#واعسكرياه
#واعسكرياه~ لحن اسمع عتابي~
للمهدي اجينه ~ نواسي بونينه
العسكري مسموم ~ نعزي الحزينه
عد گبره ننحب… والعزاه ننصب
لسامره نبكي… والعبره نسكب
نشوف الزچيه ~ بعبره جريه
من ارض المدينه~ تنصب عزيه
تگعد عا گبره~ ودموعه عبره
تلزم ضلعها ~ وآلامه كثره
تبچي محنته ~ وسم بچبدته
الظالم الي سمّه ~ گطّع مهجته
مثل الأئمة ~ ميّت بسمّه
ما مثل الحسين ~ جروحه تِأَلْمه
راسه عا جسده ~ ونايم بلحده
لن سالمه اعضاه~ وما حزوا وِرده
حسين~
خادمة آل محمد✍🏻
https://youtu.be/RsYn1i6972g
#واعسكرياه
الامام العسكري ع وولده المهدي عج ~لحن الخضيب ~ ♪
هالليلة ظلمة وموحشه وغربة وحزن وهموم
هالليلة مات العسكري ويلي قضى مسموم
شحال ابنه ويلي ودّعه وسال الدمع مسجوم
وبيده يشيل جنازته وحطه تحت التراب
يا امامي يا امامي يا امامي آه~
〰️〰️〰️〰️〰️
الله يعينه ودّعه والمهدي باحزانه
يجذب ونينه عالقضى وعيونه غدرانه
صاح بأمان الله بعد وگلبه بنيرانه
رحت وعفتني للحزن لا عمري بعدك طاب
آيبويه آيبويه آيبويه آه~
لحن الفراق الحسناوي
آيبويه … صعبه ساعة ودعتني
آيبويه … يتيمك وانت عفتني
آيبويه … صعبه بويه فارگتني
الله وياك… يا جرح كل العمر
الله وياك… بعدك يطول الصبر
الله وياك… وبيدي ادفنك بالگبر
خادمة آل محمد✍🏻
#واعسكرياه~ لحن الجفيري♪
الله يعينك عالمحن
يالمهدي بمصاب الحسن
تنصب مآتم للحزن
بسامره وتهل الدمع
〰️〰️〰️〰️〰️
شيّعتَه بيدك للگبر
ودْفَنته باحزان وقهر
يعينه الله گلبك بالصبر
يتوارث احزان الضلع
〰️〰️〰️〰️〰️
مشيّع أبوك بدمعتك
صعبه يا مهدي محنتك
نقدم تعازي لحضرتك
ونواسي گلبك بالجزع
〰️〰️〰️〰️〰️
يعين الله فاگد كل محب
من ينثروا عليه الترب
فراگ الأحبه شگد صعب
بجمرة غيابه منفجع
خادمة آل محمد✍🏻
*مولاتنا سكينة ع وما رأته في كربلاء*
آنه مدلّـلة الحسين شفته عالترب نومه
نوبه اتقلّب على الگاع ونوبه مسلّبه هدومه
جسد لكن بلا يا راس
وجروحه تسيل بدمومه
جثة مترّسة بسهام لا يمها حضر دفّان
〰️〰️〰️〰️〰️
اجيت الحومه اشكيله علينه هجمة العسكر
شفت رمال أكفانه وجسمه توزّع بهالبر
عرفته من عطر دمه ويشع نوره من المنحر
حضنته مگطّعه اوصاله جمعتها اويلي عالتربان
〰️〰️〰️〰️〰️
سمعت صوت ويناديني يا سكنة شيعتي اخبري
سلامي ودومي يذكروني انه المذبوح من نحري
انا الظامي انا العطشان اصبري عالمحن صبري
يلي تشربون الماي اذكروني انا العطشان
اذكروني ~ انا المذبوح عالغبره
اذكروني~ انا الحزوا العدا نحره
اذكروني ~ بحوافر داسوِ الصدره
حسين يا حسين
خادمة آل محمد✍🏻
/channel/kadimatAlmouhamad
*ويمّمتُ وجهي شطر القباب ودمعي يلقي عليه السلام* *ونبضة قلبي بأربع حروف بها قد يدق ناقوس الغرام*💔حســين💔 خادمة✍🏻
Читать полностью…
*سكينة عند قبر ابيها الحسين ع* لحن اسمع عتابي~♪
اسمع كلامي ~ حٍرگو خيامي~ وبْلا محامي
بالغاضريه
دربي المشيته ~ بحسره وبچيته وبويه خلّيته فوق الوطيه
سياط بمتوني~ الدمعه بعيوني عداك شْتموني وانا بعزيه
وراسك اگبالي~ يعاين لحالي وعزي ودلالي امشي سبيه
وبنات الِـ حسين~ دْخلت الدواوين
وذبّاحك بعين~ ينظر إليّه
خادمة آل محمد✍🏻
**يـا حسـين* 💔 *وفدت عليك سيدي ولا أملك سوى بضاعة مزجاةِ* ~~ *هلاّ قبلتني بمداد الدمع خطّيت تلك العبارات* ~~*فأنا العبد الذي افنيت في حب الحسين حياتي*~ خادمة✍🏻
Читать полностью…
*نخوة لمولانا الرضا ع*
طافت دموعي بحضرتك
من لما شافت قبتك
اقسم عليك بغربتك
اقبلني يا مولاي
〰〰〰〰
اسمعني يالرضا الرؤوف
دمعاتي يم صحنك تطوف
وجفني بدمعاته الذروف
اقبلني يا مولاي
〰〰〰〰
اجيتك بعبره هامله
ابكي مصيبة كربله
دمعاتي عالخد سايه
اقبلني يا مولاي
〰〰〰〰
بحق الذبيح من النحر
بقمر العشيرة عالنهر
بزينب العمه أم الخدر
اقبلني يا مولاي
〰〰〰
تخيبني حاشا بمقصدي
ضامن الجنة في غدِ
بمحشر وياكم موعدِ
اقبلني يا مولاي
〰〰〰
خادمة آل محمد✍🏻
#مشهد _المقدسة
*محط رحالي في بابك أزورك ليلة الجمعة*
*ألثم ترب أعتابك تسجّل إسميَ البضعة*
*وأسجد سجدة الشكر اطوف بصحنك أسعى*
*واقرا قصيدة النحر رثائي لضلعكم ينعى*
*دعائي باسمكم عجل ليوم المهدي والرجعة*
خادمة آل محمد✍🏻
*امامنا الرضا ع *…إن يوم الحسين أقرح جفوننا، وأسبل دموعنا، وأذل عزيزنا بأرض كرب وبلاء، أورثتنا الكرب والبلاء إلى يوم الانقضاء، فعلى مثل الحسين فليبك الباكون.*
ترى يا مولاي اي مصيبة اقرحت جفونك واسبلت عيونك ذبح الحسين عطشانا لو سلب جسده او قطع خنصره لو طحن ضلوعه بحوافر الخيول…واويلاه واحسيناه ~
خيول وجالت بصدره وطحنت اويلي ضلوعه
الرضا يعدد مصاب حسين ويجذب حسرته ولوعه
يتذكر ذبح نحره وتجري بوجنته دموعه
يلطم اويلي عا صدره
〰️〰️〰️〰️〰️
لحن. اسمع عتابي~
يذكر مصابه~ ودمه خضابه
جراحاته كثره~ فوق الترابه
الشيبه خضيبه~ العِمّه سليبه
عالغبره مطروح~ يا للمصيبه
راسه برماحه~ وينزف جراحه
وزينب تنظره~ وتبدي النياحه
خادمة آل محمد✍🏻
النجف الأشرف
#شهادة_الرضا ع / الجفيري♪
للقبله محّد مدده
ولا يمه حد يساعده
وين اخته اويلي تشاهده
تودعنه بدموع القهر
〰〰〰〰〰〰
چبده انمرد اويلي بسم
ويتلوى من كثر الألم
وين اهله وين اهل الشيم
تحضر تشيله للگبر
〰〰〰〰〰〰
مسموم امامي بغربته
صعبه يا ويلي محنته
لو اخته حضرت بكيته
وناحت عليه طول العمر
خادمة آل محمد✍🏻
*سلامٌ عليك إمام الرضا*³
لحن اخي سوف تبكي عليك العيون~♪
سلام إلى ساكنٍ أرض طوس
سلام عليك أَشمسَ الشموس
سلام محبٍّ كواه الحنين
يناديك غوثًا أنيس النفوس
〰️〰️〰️〰️〰️〰️
أسير الغرام وعندي هيام
وأتلو تراتيلَ مثل الحمام
أبثّ اشتياقي لصحن الغريب
لثامن نورٍ بطوس إمام
〰️〰️〰️〰️〰️〰️
فقير اليدين وجئت الرضا
خلعت من العمر كلْ ما مضى
طلبت الشفاعة يوم الحساب
وعند الصراط ويوم القضا
〰️〰️〰️〰️〰️〰️
ونحو الرؤوف مددت اليدا
طلبت الوصال به موعدا
ليضمن روحي لها مولدا
بطوس له الروحُ كي تقصدا
〰️〰️〰️〰️〰️〰️
ثلاثَةْ مواطنْ بها يحضر
وصكّ الضمانِ غدًا يُنشر
وعند الصراط ونشر الصحف
بحبّ الرضا الخيرُ كم يكثرُ!
〰️〰️〰️〰️〰️
وجئتُ أزورُ بدمعي أطوف
وأرفع كفّي لمولى الرؤوف
فوقع صحيفة عبيدٍ يتيم
مقيم بباب الإمام العطوف
〰️〰️〰️〰️〰️
ألست الذي للغزال ضمن
وأنت النجاة بكل المحن
فمن عينك نظرة قد رجوت
تكشّفُ عني كروب الزمن
〰️〰️〰️〰️〰️
ختام الأماني ونص الدعاء
أزور الحسين فهذا الرجاء
ألا سجلِ اسمي له زائرا
كدعبلَ أخدمْ بحبرِ الولاء
الشاعرة خادمة آل محمد✍🏻
وامحمداه ~هاي هي الزهراء المفجوعة بمصاب والدها حين تزور قبر والدها يغشى عليها من شدة البكاء والحزن واويلاه ومصيبتاه
*وامحمداه~*
*عظم الله لك الاجر يا زهراء بمصاب رسول الله ص كاني بالزهراء ع جلست عند قبر رسول الله ص تأن وتنوح وتنادي واويلاه وامحمداه ~لحن اسمع عتابي♪*
يالودعتني~ رحت وعفتني
منهو اليّه ~ لو فارگتني
بونّي ونوحي ~ إجيتك يا روحي
ضمني بلحدك~ وضمد جروحي
ظلمه المدينه ~ وبنتك حزينه
فدوا لك روحي ~وعمري وسنينه
دمعي وعتابه ~ وعمري وعذابه
فدوى يا نايم ~ تحت الترابه
بفقدك يا غالي ~ سودة الليالي
مهضومة بعدك ~ ومظلومة تالي
خادمة آل محمد ✍🏻
لحن جاوبني يا علي للملا محمد بو جبارة♪
يالنايم باللحد
ومفارق للأبد
عني صعبه تروح
وما ترجع لي بعد
فراگك ادري صعب
عالنايم بالترب
مفجوعة بفرگتك
ومني ذاب الگلب
بعدك انه انهضم
وضلعي مني انهشم
ويصبر حيدر علي
ومن بعدك ينظلم
وهذا الحسن غريب
والمنذبح تريب
سبطك ريحانتك
فوق الترب سليب
وحيدر خير العمل
يتقيد بالحبل
وانه بابي انعصر
والمحسن ينقتل
خادمة آل محمد✍
بعد شكوى فاطمة لابيها بما جري عليها من مصائب ومحن فلو انك حاضرا يا رسول الله وتنظر لامتك ماذا فعلتك ببضعتك الطاهرة
لحن يا ناقتي~
آيالنبي~ لو عينك تشوف الي صار
آيالنبي~ حرقوا علينا هالديار
آيالنبي~ البضعة عْصروها بالجدار
ها بضعتك~ طايح جنيني من العصر
ها بضعتك ~ اتصوّب يبويه هالصدر
ها بضعتك~ ومني الضلع ويلي انكسر
راح اشكي لك~ كل المصايب والمحن
راح اشكي لك~ والشكوى لله من الزمن
راح اشكي لك ~ گومي انظر لأم الحسن
واذا بجواب من داخل القبر~
يا بضعتي~ كفي النياحه ودمعتك
يا بضعتي~ راح اشكي لله محنتك
يا بضعتي ~ بيوم القيامة ظْلامتك
يا فاطمة ~ الك موقف بيوم الحشر
يا فاطمة ~ هناك اطلبي بضلع انكسر
يا فاطمة~ والمحنة واخفاء القبر
يا صاحبة القبر المهجور يا صاحبة الضلع المكسور عظم الله لك الاجر يا زهراء~
* خادمة آل محمد✍
#وامحمداه
*شكوى فاطمة الزهراء ع لأبيها رسول الله ص* / لحن والله حيرة حيرتي♪
بويه بعدك انظلم
وتدري ضلعي ينهشم
ما احتمل بعدك هضم
لو فارگتني يالرسول
آنه فاطم يبويه آنه فاطم~
〰️〰️〰️〰️
المن تعوف الغريبه وعنها بويه ترتحل
تنزل عليّه المصيبه وبويه من بيتي رحل
يهجموا كلهم عاداري ويضرب بنيتك نذل
يهشّم ضلوع الزچيه بعصره محسن ينقتل
تدري بعدك صابره
والضلوع مكسّره
بسطره صفعوا وجنتي
بعصره ذات مهجتي
من ورا الباب وأنادي آنا فاطم يبويه
〰️〰️〰️〰️〰️〰️
من الوذ ببابي تدري يعصروني
ومن انادي بويه وينك يلطموني
أنتخي وتسمع شكاتي يروّعوني
ومن جنيني تدري بويه يسگّطوني
تدري بعدك صابره
والضلوع مكسّره
تجري بعدك دمعتي
وابقى انه بحسرتي
من ورا الباب وأنادي آنا فاطم يبويه
〰️〰️〰️〰️〰️〰️
خادمة آل محمد ✍🏻
*النبي ص يودع اهل بيته ع*
هالليله قلب المصطفى مجروح
يعاين للسبط ويبكي للمذبوح
يگله بكربله انت تبقى مطروح
ثلاثة ليالي بلا غسل وبلا يا اكفان
〰️〰️〰️〰️〰️〰️
راسك بعالي الرمح اويلي مشهور
وجسمك معفّر في حرّ البرور
واوصالك موزّعه في يوم عاشور
وتسحق عالصدر خيل عدوان
〰️〰️〰️〰️〰️〰️
وانت يا يالحسن من بعدي مظلوم
زهرة شبابك تذبل بكل يوم
يجرّعوا چبدك ياوليدي بـ سموم
وقبرك منهدم لا قبة ولا بنيان
〰️〰️〰️〰️〰️〰️
خادمة آل محمد✍🏻