3582
*قد نسجتُ من لجين دمع عيني كلمتين* (يـ حسين ـا) *حبه حرز النجاة وهو الكهف الحصين* *نبض قلبي من حروف رتّلت إسم الحسين* *بعتُ قلبي في هواه وله العمر رهين* خادمة آل محمد✍
#وامحمداه~
لحن الجفيري~
صاحت يا دفان الولي
وسع حفرته يا علي
ظل خالي بعده منزلي
راح وما يرجع لي بعد
〰〰〰〰〰
عني رحل خير المله
وخلّه المدامع هامله
ضجت بروحي معوله
من شالو نعشه للحد
〰️〰️〰️〰️〰️
منهو يواسي دمعتي
وگلبي بمصابي ومحنتي
ابكي رحيله بلوعتي
راح الأبو راح السند
〰️〰️〰️〰️〰️
يالتسافر~ إلمن تعوف الحبيبه
يالتسافر~ آنه من بعدك غريبه
يالتسافر ~ يا جرح گلبي وطبيبه
الله وياك~ عني راحل بالسلامه
الله وياك~ واحنا من بعدك يتامه
الله وياك~ دمعي لمصابه تهامه
خادمة آل محمد 🙏🏻
#وامحمداه / لحن الخضيب♪~
مات النبي غاب الوحي والزهره محزونه
وحيدر علي جاب الكفن والدمعه بعيونه
نادهم حسين وحسن گوموا دودعونه
والزهره ناحت معوله ودمع الجفن مسجوم
آيبويه آيبويه آيبويه آه~
〰️〰️〰️〰️〰️〰️
صاحت يا شيّال النعش بهيده من تشيله
بالله تأخر عالدفن وخلّ يمي هالليله
أشبع وداعه واشكي له يتّمها هالعيله
منهو بعد عينه إلي وداره خليّه اليوم
خادمة آل محمد ✍🏻
#وامحمداه~
لحن قلب امك يبني مفتت للجفيري~
فتّح عينك بويه انظرني
ماگدر احمل فراكك عني
لا لا ترحل يابو الزهره
گلبي اتفطر اسمع ونّي
بويه بويه بويه بويه²
〰️〰️〰️〰️〰️
يا ماي العين انظر حالي
اولادي يمّك تبچي اگبالي
واحد قبّل بويه جبينك
الثاني يلوذ بحضن الغالي
بويه بويه بويه بويه²
〰️〰️〰️〰️〰️
لحن الفراق~
آيحزني~ عالوجن سالت دمعتي
آيحزني~ هالعمر اقضي بحسرتي
آيحزني~ ترحل وانه بغربتي
آيبويه~ وشلون الصبر بعدك
آيبويه~ خالي بيتي من بعدك
آيبويه~ ما اگدر انه على بُعدك
خادمة آل محمد✍🏻
#وامحمداه~
لحن الجفيري~
عني رحل خير المله
وخلّه المدامع هامله
ضجت بروحي معوله
من شالو نعشه للحد
〰️〰️〰️〰️〰️
منهو يواسي دمعتي
وگلبي بمصابي ومحنتي
ابكي رحيله بلوعتي
راح الأبو راح السند
〰️〰️〰️〰️〰️
يالتسافر~ إلمن تعوف الحبيبه
يالتسافر~ آنه من بعدك غريبه
يالتسافر ~ يا جرح گلبي وطبيبه
الله وياك~ عني راحل بالسلامه
الله وياك~ واحنا من بعدك يتامه
الله وياك~ دمعي لمصابه تهامه
خادمة آل محمد 🙏🏻
صاح جبريل في السموات العليه
ينعى النبي ومحنته بهاي المسيه
والعرش واللوح ينعى سيد البريه
راح المصطفى واويلي على المختار
〰️〰️〰️〰️〰️
وگامت تنحب وتنادي آه الزهره
عيني يبويه بهالحال شلون تنظره
وبرحيلك يبويه الگلب صار جمره
راح الأبو راح من ادينه يا كرار
〰️〰️〰️〰️〰️
آيبويه… منهو من بعدك إلينه
آيبويه… ظلمه هالليله المدينه
آيبويه… وتارك الزهره حزينه
لا تسافر… تسكن الليله بـ لحدك
لا تسافر… اسمع البضعه تنشدك
لا تسافر… هالعمر ما اريده بعدك
خادمة آل محمد✍🏻
••شكوى فاطمة ع لابيها محمد ص عندما تزور قبره ص••
نعي الوزن نصاري♪
(عكراوي)
اجيتك للگبر يا بويه وحدي~آه آه آه
گوم و خلي خدك فوگ خدي~
يجیني الموت واسكن ریت لحدي~
ولا شوفن یموت الغالي عندي~
〰〰〰〰
گوم امسح ادموعي الّي جريه~
ظل خال محرابك و دارک خليه~
يبويه ماتت الضحكة بعزيه~
نايم. بالگبر و آنه ابرزيه~
〰〰〰〰〰〰
صعبه اعلی البنت تفگد ابوها~
ومن بعد عينك هالقوم ظْلموها~
شخبرك يبويه هالبضعه أذوها~
هجموا على داري واطفالي روعوها~
〰〰〰〰
بعد يا رسول الله اسمع اسمع
يبويه اهل الغدر يم بابي عصروني~
يبويه والمحسن جنيني سقّطوني~
كسروا ضلوعي يبويه وما رعوني~
هالامة من بعدك يابويه هضموني~
الشاعرة الحسينية
خادمة آل محمد ✍🏻
*وامحمـداه*
لطمية شعبية لاستشهاد النبي ص لحن يا مجهز حسين♪
باللحد مدفون يالنبي المختار
تفرگها الزهره والدموع اعبار
〰〰〰〰
ناحت الزهره وصاحت يالغالي
يابويه تتركني يا عزي ودلالي
صعبه فرگاكم وظلمة الليالي
محرابك ينحب ولاجلك تبكي الدار
〰〰〰〰
يابويه الله وياك هالنومة هنيه
المن بعدك اليوم تعوف الزچيه
ومن تسكن بلحدك وانا ٱنصب عزيه
ابكي عليك ونوح وينحب الكرار
〰〰〰〰
اسالله عا طولك باللحد ممدود
عالله يابويه ايامي الحلوه تعود
وحي الله ينعاك وكتابه المعهود
وآياته ناحت عمصابك يالمختار
〰〰〰〰
لانصب عزيه عليك وتبكيلك عيوني
يابويه من بعدك گومك يهضموني
ابكي ببيت الاحزان وگومك يمنعوني
مظلومة الزهره من هالگوم الاشرار
〰〰〰
سبطك حسن وحسين ذاقوا مرّ الآلام
ومن بعدك الكرار غصْبوا حقه اللئام
والبضعة مقهورة آذوها هالظلام
ليت اندفن ويّاك ولا طالت الاعمار
خادمة آل محمد✍🏻
*لحظات الوداع بين رسول الله (ص) والزهراء ع وامير المؤمنين ع*
يبو الزهره الله وياك وداعك يصعب علينه~
تودعنا يبعد الروح
ٱلمن عگبك تخلينه~
〰〰〰
إلمن تترك الزهره
للأصحاب والأمه
ندري ما تخاف الله
ولا تراعي الك حرمه
بعدك بويه هضموني
تدري يا نبي الرحمه
لا ترحل ينور العين
تغدر أمتك بينه
〰〰〰
أيتامي حسن وحسين
وحيدر بعدي ما يسلم
وانه يكسرو ضلعي
برد الباب يتهشّم
وجنيني ما يشوف النور
وانت بهضمتي تعلم
الوصيه ما يراعوها
وهاي الأمة تأذينه
〰〰〰
يگلها اتصبري بالله
وكفي دمعچ المنثور
لو هجموا على دارك
تدري هالضلع مكسور
واللطمة. على عينك
علامة بخدك المسطور
محنتك صعبه ادريها
وسبب آلام مآسينه
〰〰〰
ويدير العين عالكرار
ودمعة عينه عالخدين
يگله صعبه الوصيه
تشوف بعين ام حسين
يداحي الباب اتصبّر
لو هشموا لها ضلعين
صعّد حسره انفاسه
وٱحنى راسه وهل عينه
〰〰〰
خادمة آل محمد✍🏻
•• #وامحمـداه••
*السيدة فاطمة ع وآذان بلال* (لحن الجفيري♪)
لا تذكر اسمه يا بلال
جفني دِمه من حزنه سال
عزي فْگَدْته والدلال
ونوره تغيّب بالترب
〰〰〰
لا ترفعه صوت الآذان
تذكرني بٱيام الحنان
بغيابه وحشه هالمكان
فراگك يبويه شكد صعب
〰〰〰
غياب الأبو لا مو سهل
يوم الذي وافى الأجل
دمعاتي بعيوني تهل
ابكي لفقد احباب الگلب
〰〰〰
هالدنيا بعده مظلمه
ما إلنا من بعده حمه
وآنه العزيزه فاطمه
خلاني وحدي ويالغرب
〰〰〰
صوت الوحي من اسمعه
جفني يسيلن مدمعه
ابكي الي نام بمضجعه
تمدد بلحده عالترب
الشاعرة الحسينية
خادمة آل محمد✍🏻
https://t.me/joinchat/AAAAAD9ng3ujqkUa3rjbSA
*مولاتنا فاطمة ع عند قبر والدها رسول الله ص / لحن الفراق او الزينبي الحسناوي~*
راح ابونه… وانحرمنه من الحنان
راح ابونه… روحي فاضت للجنان
راح ابونه… وفْْگَدِت عگبه الأمان
آيغالي… روحي اخذها للگبر
آيغالي… ما اريده هالعمر
آيغالي… همومي واحزاني كُثر
وداعة الله… يلّي رايح من ادينه
وداعة الله… بعدك الدنيا حزينه
وداعة الله… غابت انور المدينه
بالسلامة… يتمتني بهالمسيه
بالسلامة… يلي فارگت الزچيه
بالسلامة… ليلي وانهاري بعزيه
خادمة آل محمد✍🏻
*لحظات احتضار رسول الله (ص)*
غمّض عيونه ابو الزهره واسبل ايديه
وصاحت البضعه يبويه وناحت عليه
واملاك السمه نزلت تنعى وتبچيه
وحيدر گام يكفكف دموع العيون
〰️〰️〰️〰️〰️
الحسن وحسين من بعده يتامه
وزينب تون يمه والمدمع تهامه
والزهره تقبّل وبيدها تشيل العمامه
وجبريل الوحي ينعى الـ باللحد مدفون
〰️〰️〰️〰️〰️
واتزلزلت ارض المدينه ساعة انخطف لونه
وناحت الزهره الحزينه ولطمت المحزونه
واتمددت يمه وبيدها اتغمّض عيونه
تگله يالهادي صعب فرگاك يا نور العيون
خادمة آل محمد✍🏻
*وامحمداه~ عظم الله اجوركم* ها هي مولاتنا فاطمة تبكي وتنادي وابتاه وامحمداه~آبه..آبه من بعدك للقبلة والمصلى..~
ابه..من بعدك لابنتك الثكلى..~ من بعدك لليتامى. ~ من بعدك للحسن والحسين .~ آه آه
آيبويه ~ فرگتك تصعب عليّه
آيبويه ~ دمعتي بعدك جريه
آيبويه ~ لانصب عليك العزيه
آيبويه ~ ظلمة بعدك هالليالي
آيبويه ~ فاگده عزي ودلالي
آيبويه ~ فرگتك ما هي على بالي
يا محمد ~ لا لا ترحل يا نبينه
يا محمد~ الزهره من بعدك حزينه
يا محمد ~ وانطفى نور المدينه
*عظم الله أجوركم*
واي عزاء يا فاطمة وان معك ملائكة السموات تنوح لرحيل رسول الله ص تگله
لحن الجفيري~
نايم يا بويه بالگبر
گلبي لْمصابك منكسر
الزهره عفتها للقهر
يالمندفن تحت التراب
〰️〰️〰️〰️
بعدك رزايا هالزمن
تنزل علينا والمحن
وما يرحموا ام الحسن
روحي عفتها للعذاب
〰️〰️〰️〰️
صعبه يا نايم باللحد
تفارگ عيوني للأبد
وما انظر لنورك بعد
وحي الله ينعى والكتاب
خادمة آل محمد ✍🏻
*وامحمداه~*
*عظم الله لك الاجر يا زهراء بمصاب رسول الله ص كاني بالزهراء ع جلست عند قبر رسول الله ص تأن وتنوح وتنادي واويلاه وامحمداه ~لحن اسمع عتابي♪*
يالودعتني~ رحت وعفتني
منهو اليّه ~ لو فارگتني
بونّي ونوحي ~ إجيتك يا روحي
ضمني بلحدك~ وضمد جروحي
ظلمه المدينه ~ وبنتك حزينه
فدوا لك روحي ~وعمري وسنينه
دمعي وعتابه ~ وعمري وعذابه
فدوى يا نايم ~ تحت الترابه
بفقدك يا غالي ~ سودة الليالي
مهضومة بعدك ~ ومظلومة تالي
خادمة آل محمد ✍🏻
*#الوداع~ زينب تودع اخيها الحسين ع حين رحل ركب السبايا من كربلاء /لحن ساعة وداع الزچيه♪*
صاحت وداعك يخويه عليّه يصعب ~عليّه يصعب
يا ذبيح الغاضريه آنه زينب ~ آنه زينب
نايم بحرّ الترب
وانه امشي ويالغرب
〰️〰️〰️〰️〰️
ودّعيتك وعنك امشي وگلبي وياك ~ گلبي وياك
حامله دموعي برمشي لا ما انساك ~ لا ما أنساك
يا ذبيح من النحر
گلبي يا حسين انكسر
خادمة آل محمد ✍🏻
#المدينة
ام البنين عند قبر فاطمة الزهراء ع تعزيها بالحسين ع الشهيد المذبوح* لحن الجفيري
گوموا يا زهرة حيدره
حسينچ ذبيح على الثره
حزوا الاعادي منحره
وراسه يلوح على الرمح
وصوت الأنين من الگبر
يعظم الچ هذا الأجر
بالمنذبح من النحر
وجسمه على الرمضا انطرح
تگللها اگعدي خل نوّن
ونفتّح جراحات الحزن
وعالمنذبح وبلا كفن
نبچي يا زهره المنذبح
لحن الفراق
گومي گومي~ وشاركيني بالعزيه
گومي گومي~ نوحي يالزهره الزچيه
گومي گومي~ هلّي دمعاتچ جريه
جيبي الاكفان~ خلنا يم گبره نروح
جيبي الاكفان~نضمد جروح وجروح
جيبي الاكفان ~ نبچي لحسين وننوح
خادمة آل محمد✍🏻
#شهادة_النبي_الاكرم
لحن قلب امك يبني مفتت♪
الليله تودع ابوها بحسره
تونّ وتنعى تهلّ العبره
تگله بويه الله وياك
ظلمه الدنيا بعيني الزهره
بويه بويه بويه بويه~²
〰️〰️〰️〰️〰️〰️
تعاين غمّض اويلي عيونه
تگلهم بالله لا تغسْلونه
تشوف جنازة اويلي ممدّد
عني بالله لا تْبَعْدونه
بويه بويه بويه بويه~²
〰️〰️〰️〰️〰️〰️
آيبويه~ محلا الوداع المسيه
آيبويه~ ولاجلك تنوح الزچيه
آيبويه~ عالگبر انصب عزيه
الله وياك~ روحي اخذها للگبر
الله وياك~ وما اريده هالعمر
الله وياك~ گلبي ما يحمل صبر
خادمة آل محمد ✍🏻
*الزهراء ع تنتظر علي ع عند الباب*
لحن اسمع عتابي للشيخ البيابي~
الزهره الزچيه~ بدمعه جريه
تگله دخبرني~ يحامي الحميه
گلبي شيصبره ~ دفنته بگبره
هِلْت الترايب~ عا ابو الزهره
گلها دفنته~ بيدي وسّدته
وعالترب خده~ بيدي حطيته
راحت عا گبره~ تهلن العبره
المن يبويه ~ تترك الزهره
فراگك عذاب~ يا عزي الي غاب
ظلمة الليلي~ والحزن جلباب
خادمة آل محمد✍🏻
#وامحمداه
امدد أشوفه بس يونّ بونّه وحنين~
عين عالزهره وعين عالحسن وحسين~
ولحظة فتح عينه ونادى امير المؤمنين
خلني أوصيك بوصيه دصبر عالمصاب
〰️〰️〰️〰️〰️〰️
دصبر يحيدر عالهضم وعُظم البليّه
من بعد عيني يهجموا عا دار الزچيه
واگبالك يضربوها يا حمّاي الحميّه
يحرگوا الدار ويعصروها ورا الباب
〰️〰️〰️〰️〰️
يا علي من بعدي حزنك هم يطول
عالذي يهشموا ضلع منها البتول
يبكي رزيتها والجفن منه هطول
والمحسن بعصره يهوي عالعتاب
خادمة آل محمد✍🏻
*لطم/ فاطمٌ تبكي وامحمداه²* *لحن إلام السفر ~♪ من التراث الحسيني*
*فاطمٌ تبكي وامحمداه²*
العرش ينحب جبريل ينعاه
〰️〰️〰️〰️〰️〰️
مات محمد قوموا نبكيه
عزوا فاطمة عزوا بنيهِ
بـ سيل الدموع نوحوا عليهِ
املاك ربي صاحت واويلاه
〰️〰️〰️〰️〰️
فالرحيل حان يا للمصابِ
نور النبوة تحت التراب
فاطم تنعى أم الكتاب
تبكي الرسالة آه بعد آه
〰️〰️〰️〰️〰️
كل الدموع لـِ خير الأنامْ
حزن المدينة وبنت الكرام
لطه الرسول ودين الاسلام
في أمان الله يا رسول الله
〰️〰️〰️〰️〰️
جنان ربي له أُزلفت
والحور العين شوقا زُيّنت
طوبى والسدرة له استقبلت
والبيت المعمور للحج ناداه
〰️〰️〰️〰️〰️
عترة محمد قلبهم حزين
لِـ فقد محمد قد علا الأنين
فاطم الزهره مع الحسنين
زينبْ تنادي يا رسول الله
〰️〰️〰️〰️〰️
خُطَّ في اللوحِ أهل الكساءِ
معراج الدموع يوم الاسراءِ
شهر عاشورٍ باب الزهراءِ
محراب حيدر لا فتى إلاه
〰️〰️〰️〰️〰️9
له الشفاعة في يوم المحشر
شفيع الأمة لِـ شيعة حيدر
يسقي أمته من نهر الكوثر
عند الصراط بالبشرى يلقاه
خادمة آل محمد✍🏻
لحن الجفيري♪ الزهراء ع عند قبر رسول الله ص تشكو محنتها
جيتك يبويه بلوعتي
گبرك أغِسْلَه بدمعتي
اسمع يبويه شكوتي
الظالم هشم مني الضلع
〰〰〰
جمعوا على بابي الحطب
وببابي مشتعلة اللهب
قتلو جنيني بيا سبب
ومحسن على العتبة وگع
〰〰〰
اطفالي تبكي من الرعب
مفجوعه يا ويلي الگلب
وطايح جنيني عالترب
وزينب گلبها منفجع
〰〰〰
شفت الحسن گلبه انكسر
شاف الكسر ضلع الصدر
وخيّه الحسين دمعه نهر
وكل أنّه مني يستمع
〰〰〰
اما الوديعة بت علي
صاحت يا يمه تمهّلي
ادري الألم ما تحملي
صعبه اشوفن هالوضع
〰〰〰
شحكي وعدد من محن
يابويه مرمرني الزمن
شفت بعيوني ٱبا الحسن
بقيوده من بيتي طلع
〰〰〰
خادمة آل محمد✍🏻
#وامحمـداه
روح القدس من السمه
يمّك يعزي فاطمه
ويهل مدامع ساجمه
بجناحه نعشك شايله
آيالنبي يالمصطفى
〰〰〰〰
نزلت ملائكة السبع
ولمحنتك هلّت دمع
تبكي الرسول بهالوضع
نعشه ارتفع سيد المله
آيالنبي يالمصطفى
〰〰〰〰
كتاب الله بنياحه وألم
ومحرابه ينعى والقلم
والكرسي والعرش انهدم
وكل الملايك معوله
آيالنبي يالمصطفى
〰〰〰〰
أذّن آذان الفاجعه
والزهره ويلي مروّعه
تبكي الحبيب بمصرعه
وتهل مدامع سايله
آيالنبي يالمصطفى
خادمة آل محمد✍🏻
#وامحمـداه
*نعي شهادة النبي ص لسان حال السيدة فاطمة ع*
آيالنبي المصطفى
بعدك على الدنيا العفا
نورك تغيّب وانطفى
عن عيني يابو الزهره غاب
〰〰〰
اسمالله عاروحك والجسد
سيد الهواشم باللحد
نومه هنية يالعمد
غالي وتوسّد بالتراب
〰〰〰
يابويه بعدك شنتظر
يراويني مأساته الدهر
تدري بضلعي ينكسر
ويعظم عليّه هالمصاب
〰〰〰〰
بلحدك يا ليت انه اندفن
ولا تنزل عليّه المحن
ابكي على مرّ الزمن
واشكي الظلامة بالحساب
〰〰〰〰
افتحلي لحدك بالعجل
ليته لفى من الاجل
ولا غسلك بدمع المقل
وانصبلك الليله ثواب
خادمة آل محمد✍🏻
#وامحمـداه
آيا بويه… انت يا عزي ودلالي
آيا بويه…صورتك دوم على بالي
آيا بويه… بفرگتك ظلمة الليالي
لا لا ترحل… تنوحن املاك السمه
لا ترحل… تنادي حسره فاطمه
لا لا ترحل… شگد مصيبه ومؤلمه
صعبة والله… يا دمع عيني وروحي
صعبه والله… فرگتك زادت جروحي
صعبه والله… امضي من بعدك بنوحي
(حضور ملك الموت)
بالله ساعه… ويّا الغالي خليني
بالله ساعه… احاچيه ويحاچيني
بالله ساعه… أودّعه ودمعتي بعيني
〰〰〰
للرزيه…استعدوا والحزن بادي
يالزچيه…مسموم النبي الهادي
بهالمسيه…املاك السمه تنادي
خادمة آل محمد✍🏻
••وداع النبي محمد ص••
▪▪▪▪▪▪
لسان حال الزهراء ع~
لحن الخضيب♪
آه يبويه³~~~
نعشك اشوفه يالابو گبالي يبويه انشال
الطم وانوحن يالابو ودمعي الجفن دم سال
عمري يا ليته فدوى لك ولا انظرك بهالحال
صعبة وهضيمة فرگتك يا يابويه يالمختار
آه يبويه³~~~آه
〰〰〰〰〰
هالليله جتني معوله املاك السمه تنادي
اجرك على الله فاطمه بروح النبي الهادي
والدنيا بعدك مظلمه وانفجعت اولادي
فگدنا الحنان بغيبتك وعيني تهل اعبار
آه يبويه³~~~آه
〰〰〰〰
فاطمة راحت تخاطب امير المؤمنين ع
خلنه نودعه من گبل ما تهيلن التربان
وسّع مكانه بالگبر هذا النبي العدنان
هذا الحسين ويا الحسن بالعبره والاحزان
بالله يدفان النبي ريضله يالحفار
آه يبويه³~~~آه
〰〰〰〰〰
خادمة آل محمد ص✍🏻
*وامـحمــداه* 😭 *عظم الله اجوركم يا ابا صالح~*
بِالمْدِينه ابو صالح ناصب تعزيه لجده
يبچي وينتحب يمّه ودمعه يسيل على خده
وانوار الكسا الخمسة كلها معزّيه عنده
أنين الزهره عالمسموم وتشمن تربة الاحباب
*صبت عليه مصائب لو انها صُبت على الايام صرنا لياليا* 😭
مهدينه بحزنه يهل جفنه بخيمة الاحزان
يم گبر النبي الهادي ناصب للعزا صيوان
يعين الزهره عالونات ويبچي عالنبي العدنان
واملاك السما يمه يرتل آية من الكتاب
〰️〰️〰️〰️〰️
*يلا نشارك مولاتنا فاطمة ع بحزنها* لحن الجفيري~
گِعْدت ياويلي عاللحد
وتنادي بويه يالعمد
مو انت لي كنت السند
وبعدك يبويه انهضم
〰️〰️〰️〰️〰️
يالراحل وعني تغيب
آيالرسول آيالحبيب
دين الله من بعدك غريب
والعترة تبچي من اليُتم
〰️〰️〰️〰️〰️
خادمة آل محمد ✍🏻
يا زهراء مدد~ لحن يمدللـه راح الدلال~ للشيخ علي البيابي🎤
الزهره اجت يم الرسول
ومدمعها عالوجنه هطول
تبچي على مصابه البتول
صعبه يبويه حالتك
〰️〰️〰️〰️〰️
دمعتها لاجله سايله
شافت عيونه مذبّله
وتصرخ يبويه معوله
تفارگها ابويه بضعتك
〰️〰️〰️〰️〰️
يگلها الصبر يم الحسن
بعدي تشوفين المحن
ظلم ومرارة هالزمن
وما تجف ابد لا دمعتك
〰️〰️〰️〰️〰️
گالتله وشلون الصبر
وانظر لحالك يالبدر
نوره انطفى وضي العمر
صعبه يبويه فرگتك
〰️〰️〰️〰️〰️
بعدي تشوفين الظلم
وضلع البتوله ينهشم
تتجرعي مرّ الألم
ما محنة تشبه محنتك
خادمة آل محمد✍🏻
https://youtu.be/AKPNyYOSEP4
*فاطمٌ تبكي وامحمداه²* *لحن إلام السفر ~♪ من التراث الحسيني*
*فاطمٌ تبكي وامحمداه²*
العرش ينحب جبريل ينعاه
〰️〰️〰️〰️〰️〰️
مات محمد قوموا نبكيه
عزوا فاطمة عزوا بنيهِ
بـ سيل الدموع نوحوا عليهِ
املاك ربي صاحت واويلاه
〰️〰️〰️〰️〰️
فالرحيل حان يا للمصابِ
نور النبوة تحت التراب
فاطم تنعى أم الكتاب
تبكي الرسالة آه بعد آه
〰️〰️〰️〰️〰️
كل الدموع لـِ خير الأنامْ
حزن المدينة وبنت الكرام
لطه الرسول ودين الاسلام
في أمان الله يا رسول الله
〰️〰️〰️〰️〰️
جنان ربي له أُزلفت
والحور العين شوقا زُيّنت
طوبى والسدرة له استقبلت
والبيت المعمور للحج ناداه
〰️〰️〰️〰️〰️
عترة محمد قلبهم حزين
لِـ فقد محمد قد علا الأنين
فاطم الزهره مع الحسنين
زينبْ تنادي يا رسول الله
〰️〰️〰️〰️〰️
خُطَّ في اللوحِ أهل الكساءِ
معراج الدموع يوم الاسراءِ
شهر عاشورٍ باب الزهراءِ
محراب حيدر لا فتى إلاه
〰️〰️〰️〰️〰️
له الشفاعة في يوم المحشر
شفيع الأمة لِـ شيعة حيدر
يسقي أمته من نهر الكوثر
عند الصراط بالبشرى يلقاه
خادمة آل محمد✍🏻
*زينب تودع قبر اخيها الحسين ع /لحن الجفيري~*
زينب على گبر الولي
وتنادي يا ريحة هلي
ودّعتك الله ابو علي
هالليله عنكم راحله
〰️〰️〰️〰️〰️
عن گبرك ارحل بس جسد
وروحي تطوفن باللحد
خليني يمك يالعمد
وخليها روحي بكربله
〰️〰️〰️〰️〰️
ما اگدر اعوف المقبره
واتعفّر بهذا الثره
واشتم عبير المنحره
ودمعاتي عالخد سايله
خادمة آل محمد ✍🏻
*#زينب ع تزور قبر العباس ع~ لحن ظلت بس صورهم~*
صاحت يابو فاضل~ ومنها الدمع سايل²
اجيت اگعد عا گبرك خلني اخبرچ خويه عباس
وينه گبره وينه ~ حمّاي الظعينه مگطّعه چفينه~ والسهم في عينه
اگعد اجيتك انحب ~ انه زينب ~خويه عباس
يخويه~ انظر خويه حالي بلا يا والي يخويه
يخويه~ ما ترد عليه انه زينب يخويه
يخويه ~ خليني اشكيلك بالجرالي يخويه
خادمة آل محمد ✍🏻
لحن حسين انذبح يا زهره~
خطاب ام البنين ع للزهراء ع
دگومي يالحزينه~ حسين انذبح وتينه~
عالترب ساحقينه~ والحافر عا صدره
عينيني عا مصابه~ والدمعه سچابه~
المثلث الصابه~ نابت وسط،ظهره
فوق الترب نومه ~ ومسلّبه هدومه
وغُسله من دمومه ~ حزوا العدا نحره
صاحت يا أم الِـبْنِين ~ راسه برمح الحسين
لاجل الگلب نصين ~ ودمع الجفن عبره
خادمة آل محمد ✍🏻
https://youtu.be/AZgYihdCYnE?si=p61LlaMIAHlk6_Sy