676
كلشي اريده ... وما دريت انته شتريد ارزقني طاعه ما اجادل كالعبيد ... ........ (لنشر القصائد الحسينيه... فقط) للتواصل ( @amaar33 )
الوادم اتعيش الفـرح وحزن الطواميــر ابألم
مدفون جرحك بالخيم واهل الخيام أبلا عَلم
تلجم جروحك كربله لحـــد الخرابـه وتنفجـع
وما ينلچم جرح الضمه ولا تبرد النار أبخيم
من سجن لسجن يا عِظم المصاب
أيقل عنده النظر ويزداد الضباب
هذا ابن الزجيه وما عدكم رَحم
وچم گيد أعله چفه ويشتد العذاب
........
ما مر عله عيونك شمس وتذكرت ذاك العصر
جلد اليطيح أمن العضد وداك صوب أم الخدر
زلمه وتشيــل أكبــــر ألم بس الحرم ما تحتمل
والســـوط من يلسع ظهر شوغة مره ما تنغفر
يا جرح التشيله وزينب تنضرب
سمعوها كـــلام الما يـدخل گلب
ها زينب واخيرا ظلــج ينعـرف
من عگب الكفلها راحت وي غرب
.............
يا رحمة الله بالارض خدك عله تــرب السجــن
ما طالت النومه ويجي طيف الضعن بين المُدن
ويتبلل اترابك دمع وتنادي خدر الله أبجرح
ولو هود الليل وتفز اجروح الضعن بيك وتون
دخلوهن اسارى لحد بــاب القصر
ووالدم اليسيل أمن احجار الغدر
الكوفه أمن السطوح اتشامر علضعن
والشام ألمصيبه اليهتك بالخدر
................
غيضك طفح من الرجس من يشتم امك فاطمه
وتتمنه روحك تنقبض وترفع گيودك للسمه
اشحال البگت متحيره وتتسابگ الناس أبشتم
وهيبة ضعن طر الدرب وخيط الحبل يگطر دِمه
يا گلب العقيله ابكل خطوه يموت
ما صارت گبل للمجلس تفوت
ما عرفو خدرها بس هسه انعرف
خدر الله الگبل الما سامعله صوت
...............
جرح السجن ما ينلچم تلگه الخرابه ابكل وكت
ما تغفه طفله امخدره وما تغفه عينك لو ردت
تتلمس اقدامك أذا تٍشعر جمر داسه الطفل
ويخنك نفس صدرك أسم أسم لرقيه لو صحت
علويــــه ابخرابــــه من آل النبــــي
بالگوه استراحت من درب السبـــي
اشتاگت والاجه بس راس ابطشت
ماتت من يـنادي ابنيتـــي أتگربــي
..............
تمت
عمار جاسم
#استشهاد_الامام_الكاظم عليه السلام
.......
.....
...
.
سجني الخرابـــه والفـــــرق
ما گاعد بشمس الفله
حزني ومصابي اعله السبي
ياخذني سجني لكربله
######
يالواگف اباب السجن
مثلك وگف يم الخيم
يحرس بنات المصطفى
موقف عليه گلبي انلچم
يتآمـــــر وهنه الحــــرم
مـــــا بين ابوجهه النــــدم
يستاحشن مــــن الضوه
عماتـــــي لاذن بالعلــــم
معذوره عيني لو طفت
هاي المصيبه اكبر جرح
جانت أميره بس صفت
......... بين الغرب والهازلـــــه
######
انه بسلاسل مو حبل
ومصاب السبي ما ينحمل
ياخذني حالي للسبي
وگبالي نجمه أعله الهزل
كلما يصيحن عمتي
يخوفهن الحادي بنبل
وكلما يصدن عل الرمح
مجبوره زينب تنسأل
عمه الرمح ليش التفت
ودمعه عله خده نزل
يمكن رقيه وتيهت
........ طاحت اضن ما نازله
#######
ارض الخرابه مو ترب
دموع العيون ويه الدمه
كلهن جروح أمن السبي
وسگف الخرابه بالسمه
كاظم حزن كاظم جرح
اجروح الغريبه المؤلمه
متحمله درب وذبـــــح
وتبدي جروحي بــالضمه
شافت خيول اعله الصدر
وشافت چفوف أعله النهر
هـــــذا الصبر اكبـــــر صبر
......... ويتماشه يمها حرمله
#######
تستاحش الضلمه أذا
ما شافت أخيوط الضوه
ذيج الخرابه بلا سگف
ومـــــا بيهـــا فيّ ولا دوه
والوحشة حيطان السجن
ما مـــــرها نسمه ولا هوه
يچوي الجلد لو مر هوه
شمس المصيبه بنينـــــوه
انه وعشــــت بين الغرب
واعرف عذاب المنسبي
دخلوني سجني وبغصب
........... سمعوني چلمه لا هله
#####
لو تغفه عيني واركدت
ما يغفه البگلبه جرح
لو نامت العين وهِدت
صورة خيالي بس ذبح
وبعيني نغزه من سهم
نحري احس وسطه رمح
تبدي النوايب والبچي
من الصبح وابدي الصبح
من مرني سمي بالجسد
انه الضمه شفته صعب
وبعيني يتراوه الضعن
.......... لاخر خرابه واصله
.......
#عمار_التميمي
لعمل هندسة صوتية لاستشهاد الامام الكاظم ع
عن طريقة بصمة التلجرام التواصل مع
@ahmed_alziwar0
https://whatsapp.com/channel/0029VaFOepU4NVirlZ4JcR3z
قناة على الواتساب ..
مؤسسة منبريون الحسينية مؤسسة تختص بنشر القصائد الرئيسية والمقدمات والنزلات وقصائد النعي والابوذية وقصائد الشور وكل ما يحتاجهة الرادود الحسيني بالإضافة إلى وجود كروبات خاصة بالتلحين.و تلبية الطلبات ودعم الشعراء رابط القناة 👇👇👇
/channel/+PZwpTt2HLXcvUQZh
أما روابط باقي القنوات تجدونها هنا👆👆
مولاي امير المؤمنين عليه السلام
...
رجع بيته...
الليل صفنه اوجوه ضايع بس أمرها
أبو الثار ايعيش ليله چن نهار
اشلون يبرد...
وباب داره لهسه نار....
لو تضل علـ النار أهون
اچفوف دم أعله الجدار
يلزم ابچفها البقه فوگ الجدار
ايعيش نشغة فاگد أمه ...
ابلا قرار....
أيصيح يمه ...أيصيح يمه
هنا كلشي يصير ذكرى
الليل ذكرى....
أمساهر اعيون اليتامه أتموت ذكرى
بكل زوايا البيت تسمع وين أمي ؟
والجواب الما تسمعه تشوفه دمعه
الليله دمعتهم جريه
هاي ليله فاطمية ....
هاي ليله فاطمية ....
.....
عمار جاسم
🔹كتاب "المحسن السبط"
🔹تأليف : سماحة المحقق
السيد محمد مهدي الخرسان
بحثٌ عريق ، وضّحَ فيه السيد المرحوم اعظم الأدلة والإثباتات ، لحادثة الدار وإسقاط مولانا المحسن (صلوات الله عليه)
يا حبيبي يا حسين ...
نور عيني يا حسين...
××××××××××××××××××××××
سولفنه بجمال النـــــاس
ونسينه انته الاصــــل كله
نروح أشما طوتنه أدروب
وكلمــــن يرجـــــع الاصله
ابكرامه اتعيش هاي الناس
وادور يمـــــك الـــــذلـــــه
الما فاهم عشگ مجــروح
يسولف راحتـــــه سهلـــــه
يا حبيبي يا حسين
نور عيني يا حسين
×××××××××××
الدنيا اشما تهد حيلي
أنه وحيلي ندگ بابك
يباب الله البگه مفتوح
أجيك ابدمعة أمصابك
الخادم من ترابك صار
أأنه خادم ذَره أترابك
يلمغيرني من عَطفك
أأجمل روحي بأعتابك
يا حبيبي يا حسين
نور عيني يا حسين
××××××××××××××××××××××
كم مره أجـــــي مذنـــــب
وارد أبتوبه مـــــن يمـــــك
ينايــــم علـ الرمل كافـــــي
بذنوبي ألچم بجسمـــــك
بدل ما أصير مرهـــــم ليك
أوازي روحي وي همـــــك
يمته اصحه واصير انسان
وابجي لو لفظت أسمك
يا حبيبي يا حسين
نور عيني يا حسين
××××××××××××××××××××××
ما أسولف يبعـــد اهلـــــي
شسولف والگلب ذبـــــلان
أنه أبمشتهاتي أعطـــــش
وانته أعله العذب عَطشان
أجي كاشـــــخ وافكر بيك
ينايم علـ الترب عريـــــان
ما جايس جمـــــر خيمه
وحگك علـ الجمر لهفان
يا حبيبي يا حسين
نور عيني يا حسين
××××××××××××××××××××××
يبجيني ثواب النـــــاس
توزعه الـــــوادم ابدمعه
واتسائل واكـــــول اهنا
جرح مـــــا ينفهم وضعه؟!
هاي الماتصح بالبـــــال
حسين اضلوعه متوزعه
وتتوزع حـــــرم بالهيـــم
وحافـــــر يعثـــر ابضلعه
يا حبيبي يا حسين
نور عيني يا حسين
××××××××××××××××××××××
عمار التميمي
مولاي الرضيع
طولك سهم عمرك گصير
بعدك طفل بس انته چبير
عند الحسين
أگماطك وطن وانته أمان
تعطش يــــوسفه بهالزمان
عند الحسين
صاحت رباب أعله الحرم وينه
أبني عِطش خل يحضر حسينه
خلي يشربه الماي ويرجعه الي
ويغطي راسه هالشمس تاذينه
صاح الولي ... اتدللي ...أنطيني علي
خل يشرب الماي
بگماطه اجه ... لصدره أنتچه...بگلبه بچه
واتعنه مشاي
علي علي علي ... وليدي يا علي
××××××××××××××××××××××
اشفافك ترافه و للورد
تغفه فراشه أعله المجد
وروحك حنينه
عينك عله أعيون الحنين
وچفك على خد الحسين
وروحك حنينه
حسين ووگف أگبال العِده رافع
أبنه وعله أبنه تهيج المواجع
يطلب لچن هذا الامر محتوم
ومحد سمع بس السهم سامع
أخ السهم ... ويلي السهم ... جاوب نعم
من چف الاوغاد
شگ رگبته ...ويا فزته ... الدم شَهگته
هذا السهم حاد
علي علي علي ... وليدي يا علي
××××××××××××××××××××××
نحرك دليل لكلمن يضيع
أتناغي نعم بس انته شفيع
للمذنبين
أبراحة چفوفك تكبر الروح
بابك چبير ودومه مفتــوح
للمذنبين
أتَشلبهه على جسم الابو يريده
وكلما يناغي ينزف اأوريده
شحال الحسين وهذا بي صار
أشحال الينذبح أبحضنه أوليده
چان أبضمه ... وهسه بدمه .. ورف للسمه
چفه وملاها
أبدمه مِله .... وصار البله ... أبنص كربله
سومر ضواها
××××××××××××××××××××××
#عمار_التميمي
ظهر محرم عندما التهمت النار خيام العقيله
.......ذهبت لمصرع الحسين (عليه السلام )وهي تقول :
ألوم النار لو علـ الخيـــــل لومَيت
أجيك أمن الخيم لو عدل لو مَيت
تدري ابجسمك انه أشلون لوميت
ألملم حِضنك لبنتك رقيه.
عمار التميمي
#يوم_سابع
صاح أخوي
هاي اول مره يسمعها الحُسين
صاح أخوي
ضيع ابدرب النهر ما يدري وين
صاح أخوي
هاي دنيا والقــــدر قصــة غَريب
راعي خيمه وي عضيده السليب
حسين عينه علـ النهر ما غَمضت
سمع صوت أمن النهر زاد النحيب
من سمعها سولف بگلبه الضيـــــاع
ليش گتلي (خويه ) لا قصدك وداع
هاي كلمة وحسره چانت للحسيـــن
عاش ويه حسين والسيـــد مطــــاع
××××××××××××××××××××××
وين أخوه
حسين محني ظهره رايح للنهر
وين أخوه
وايده ما تركت صفاحه يالگمر
وين اخوه
كعد يم راسه ويگله اشلون بيه
خويه گوم ولا ترد خاطر أليـــه
فتح عينه لكن أبعينه مصــاب
السهم نايم والدمه غطه الثنيه
گله گـــــوم وما گـــــدر ينهض اله
شَدّ الحسيـــــن أعله حيله بهالبله
خويه گوم وخل نرد صوب الخيم
راح اضل وحدي غَريــــب أبكربله
يا عباس ... يا خويه
××××××××××××××××××××××
ابلا چفوف
هاي مِحنه وما مثلها بهالمصاب
أبلا چفوف
يا خلگ الينصاب يلزم بالصواب
أبلا چفوف
حيرة العباس مـا صـــــارت مِثلهـــا
من طرف واحد يشبگه صعبه حلها
راد يحضن راسه بس سهمهَ عِرض
الحيره هاي الماكو واحد يگدر الها
طيحت اليسند ظهر يكسر ظهر
ويكسر إِعماد الخيم موت الگمر
الچان واگف علـ الخيم چنه علي
هسه طايح حيله كله أعله النهـر
يا عباس ... يا خويه
××××××××××××××××××××××
علـ الخيام
هاي أخر نضره لخيام الحَميه
علـ الخيام
بعينه دمعه ويعتذر منها رُقيه
علـ الخيام
الخيمه دمعه وترتوي منــك دلال
الماي عوفه وارجـــع لچف العيال
أطفال تعطش بالخيم كلها عليك
بغيبتك يتبدل أبچفــــك حِبـــــال
أخر أوداع الخيم حسره وحنين
وهاي ثاني مره بانت علـ الحسين
يجي من مصاب محني أعله الارض
ويه كل مصـــــاب يكبر بالسنيـن
×××××××××××××××××××××
لا يموت
حسين راجع وحده يصفج بالادين
لا يموت
صاح زينب خويه مهضوم الحسين
لا يموت
خويه هضموني الشماته علهـالنهر
صوت منهم وحـــــدك ابلايه گمر
ها كسرنه ظهرك بـــــدون الكفيل
صحت خويه كوم مو ظهري انكسر
طاح عامود الخيم يمّ الخـــــدر
حَضري روحج خويه لايام العِسر
هاي ساعات وتشب نار الخيـــم
وأبقه عاري علترب أبشمس الظهر
××××××××××××××××××××××
#عمار_التميمي
باجتماعهم على رأيه وطاعته وانتظارهم لقدومه، وفيه يقول:
" الرائد لا يكذب أهله وقد بايعني من أهل الكوفة ثمانية عشر ألفا فعجل الإقبال حين يأتيك كتابي "
××××××××××
هاي الرسايل والكتب
عَجَل علينه بالـــدرب
مسلم يخبرك
كلها تنطرك
×××××××××
گبـل مرسالك اليوصـــــل
خَذت گلبي ومشيت الهم
قريت الشوگ بحروفـــك
ونويـــت الرحله أوصلهم
مسافـــــات العشگ حلوه
يهواس منطـــــوي عدهم
سولفت الرساله أبـــــروح
وكتبت احـروف واهسهم
حبر الرساله بالدمــع
يمته تجينه ونجتمع
ورايتنه حدرك ... كلها تنطرك
×××××××××××
كضت ليله وبعـــــد ليله
اشتياقي لعينك اشكبره
كِثر ما گلبي الك مشتاگ
ابمرسالك گمـــــت اقره
رغم ما يمي كــل الناس
وطن بس عندي چن ذره
ابن عمي وفخر للمـــوت
شسولف وامـــك الزهـره
اعتني واگطع كربله
هلا تنگل كـــــل هلا
ابروحي انصرك ... كلها تنطرك
×××××××××××
تحت امرك أَنَه وجيشي
أحر أمن الجمر صبـــري
عشت حيره بين الناس
وقلق منهم صعب أمري
غدر منهم خفت مولاي
خايف مو على عمــــري
أمنادس صاير بهالناس
وبالي اعله الخدر تدري
اتحمل اجروح الغدر
بس لا يغثون الخدر
وينهضم خدرك... كلها تنطرك
×××××××××××
يبلسم كـــــل جــــرح بيه
اخاف امن الهوه يجرحك
اخــــاف ايصير بيكم شي
ويسومر كل ضوه بصبحك
الناس ابكل زمــن وجهين
نفسه اليضحـــك ايذبحك
ضمايرهم دراهـــــم صيت
وبس تغفه بــــده يفضحك
مولاي اخبرك لا تجي
أعله وداعــك انتچي
بالكوفه غدرك.... كلها تنطرك
×××××××××××
مواعيـــــد الذبـح عالـــــي
خذوني للقصر مچتـــــوف
هانـــت يا ابـــــو الاكبـــــر
ؤداعي أمن القصر معروف
بالــي يمـــــك ومحتـــــار
اشلون لوَحدك وسيـــوف
اشلون أبلا نواصر ليــــك
وغريب وحيرتك بطفوف
منك طلب واريــده
ابنيتي يمك حميده
اشلون اجبرك... وكلها تنطرك
×××××××××××
عمار_التميمي
#العليله
سار ضعن الحسين وأخر وداع لمولاتي العليله كأنني بها تقول :
راح وصفگت الراح بالـــراح
××××××××××××××××××××××
الضعن المشه أبظهره غريبه
دار الوجـــه عني اشيجيبـــه
ما رَجعهَ الصـــــوت ونحيبه
دار ومِشه وبظهره الصياح
××××××××××××××××××××××
لا عيشه بعدك لا هِنيـــه
ليش وتگلي أعله الوصيه
معناها رايــــح علـ المنيه
من زغري واحمل كل الجراح
××××××××××××××××××××××
راح وصحت يهل المنيـــــه
عِدكم عِليله أبهالمسيــــــه
أزغيره ولفت بتكم رزيـــــه
وطول الوكت ما فكت أنياح
×××××××××××××××××××××
يالرايح وما ظنك أتعـــــود
فَگدكَ تــره فَتت بالچبود
اليفگد ابوه ما يگدر أيهود
إيكضيها بس لازم بالصفاح
××××××××××××××××××××××
من ودعتهم هَـــــدوّ الحيل
أحچي يروحي لو لفه الليل
التركو أثر تركــو عطر هيل
بفراشه گمت أشتمه وارتاح
××××××××××××××××××××××
بنيه وابوها الــــيّ جفاهـا
لصوب المنيه مــا خذاها
أيحبها ويدور بس رضاها
راح ومِشه وبظهره الصياح
××××××××××××××××××××××
محرم ١٤٤٥ هـ
عمار التميمي
محرم العليله
×××××××××××.
شايله أدموع وقهر وانـــــه العليله
نگلت اجدامي بعــــد كلش ثجيله
نشغة أفراگي أحسها نشغة الموت
هذا باحسابي أبـــــد لا مــو قليله
شال الضعن واتغربت ما بين العيون
لوجوه أهلنه باوعت چنهم يگولــــون
تبقه وحيده فاطمه وما يرحم الشوگ
بدموعي أخر مره اشوف أهلي يلالون
كالولي الحال اذا يستقـــر
علي الاكبر يجيج ابلا عذر
×××××××××××
حَضَرت دمعي متاع لأول أجــروح
گعد يمي حسين لكن لونه مشبوح
فتح چفهه وگلـــي يبنيتي تعـــــاي
كابرت ويه الدمع بس گلبي مذبوح
كلي الضعن راح الضعن بس انتي تبقين
گام ومسح عينــي وبچه گلـــــي لتبچين
كتله بسلامه لو رحـــــت ادعيلي ويـــاك
شميته من نحره وصحت آ بويه يحسيـن
ودعته بالاه وأدري بضعنهـم
ما يرجع اوياه لــــو فاركتهم
×××××××××××
وحشة البيت الصفت كلش جبيره
البيت وأهل البيت راحو والعشيره
الغربه من يفگد هَله وما عنده راي
أنه أول وحده بضعونـــــه اسيـــــره
يعني اليسر ابلا ابو يتغـرب ابعيـــد
يتركني ما بين الجرح والامي التزيد
ما اميز أبعطر الورد چا هوه ويــــاي
ومن سافر ابضعنه ترك بيه التجاعيد
مو سهله الفراگ وابقه وحيده
مـن حلمي اگعد وأبچي اريده
×××××××××××
صدري مخنوك وعَليَ مَـــــرت مسيه
احساسي ما يخطي وشفت دم المنيه
غراب اســـــود والاثـــــر دم الحسيـن
طاحت الخيمه أذن ضاعـــــت رقـيه
ريته حلـــــم ولا كربله طاريهـــــا عابــر
ولا شايفه لون السمه بـــــدم الحوافـــر
صار الما صاير ابد ايحروگـــــن الخيــام
وضعن الشرف تحدي غرب بين النواظر
بأحبال الخيام چتفوا حَرمنه
للكوفه للشام أخــــذو ضعنه
×××××××××××
شلون لو تالي يـــــرد ضعــن الغرايب
يجي مو ذاك الضعن شايل مصايــب
أهلي بس مانــي أظن اعرف ضعنهم
أوجوه أهلي والعبـــــي كلهن ترايــب
رد الضعن وصار الحجي بدمعات العيون
أشبگها عمتي وتعتذر لو لحت المتـــــون
هذا الجره كلـــــه وبعـــــد ميته رقيـــــة
أهلي الصبر عدكم بقه أشضل وتصبـرون
بعد الجره الصار وبعدني أنتظر
موتي يمر كون تحت حر الظهر
×××××××××××
محرم / ١٤٤٥ هـ
/channel/kadeemalzhraa/6677
#استشهاد_الامام_الكاظم
.......
يا ابا الرضا... يا ابا الرضا
&&&&&&&&&
تعطش على الماي وتصد
هم تبقه عطشان
وتذكــر علــ الرمضه بقه
مسلوب وعريان
الــف وتسعمية جـــــرح
وبعد الجرح هم ينذبــح
اتسولف دموعك بهالأمر
من گعَدو راسه ابرمـــح
استغـل
دمعي واسولف كـــــل ألم
واشتعل
كلما يمر طـــــاري السهــم
وما تهل
ادموعي عل الما بيه خيم
يا ابا الرضا.... يا ابا الرضا
×××××××××××
صح جسمك السم بيه مشه
ومنك أخذ حيل
بس ما وصـــل حافـــــر الك
وتدوسك الخيل
الخيل راحت وهم ترد
وجسمه بقه بس ينمرد
يا نعمة الله اتطرشــت
منهو اليلم جرح الفگد
علـ الذبح
فوگ الجرح داست عليه
والجــرح
گطعوله خنصر من ايـــديه
يا صبح
الغربه الضعن يمشي بسبيه
يا ابا الرضا.... يا ابا الرضا
×××××××××××
ما شافت إعيونك شمس
بس گلبك أيشوف
وتشعر الـــــم حــر الظهر
يا شمس الطفوف
ايام باقـــي اعله الجسر
مثل البگه أبحـــر الظهر
غيــــرت سمــــاره كربله
وتغفه عله اخدود الجمر
ابلا هدم
يا ريته مطفي كل ضوه
والجسم
كله جروح يلچمه الهوه
وينهدم
حيل اليشوفـه ابنينوه
يا ابا الرضا.... يا ابا الرضا
×××××××××××
آخر غــروب وبين الغرب
بعيونك ايبــات
ويرسم الك خيط الصبح
أحبال الغريبات
حافر عله سجنه الحزن
لعمته ابألم ليله يـــــون
ما يبـــــرد العنده سبــي
وما ينشف ابعينه الجفن
يا گلــب
شوغ أبالـــــم علـ السبي
والصعب
أيامـــــر عليهن ألاجنبي
بالغرب
احتارن بنات اهـل النبي
يا ابا الرضا... يا ابا الرضا
×××××××××××
سجنك ظلام وخيم عليك
سجن الخرابه
ابصوت الدموع تسمع كلام
بـابــا يبابــــه
تباوع چفوفك حمـره
تسحگ دموعك جمره
تاخذ خيـــــالك طفله
اوجوه الترافه سمـره
ما شفت
لكن سمعت شويه
بالطشت
ماتت غريبه رقيه
يالصحت
كل ليله هيه سبيه
يا ابا الرضا.... يا ابا الرضا
×××××××××××
اضع هذا القليل بين ايديكم لنيل رضا أمي الزهراء عليها السلام
#عمار_التميمي
نزله
شهادة مولاي الكاظم عليه السلام
......
عظم الله ....أجر مولاي الرضا
الليله بدموع الرضا والدمعه بالخد
عله جنازة والده بعيونه من صد
النعش مطروح بغربته وماله أحد
عظم الله.... أجر مولاي الرضا
×××××××××××
اتحزم أبهاي المصيبه وجبر صبره
الرضا شايل نعش ابوه انحنه ضهره
مات مسموم الغريب وخلص عمره
عظم الله ... أجر مولاي الرضا
×××××××××××
عله دجت مغتسل مدد جروحه
شاف أثر هاي السلاسل نفض روحه
الرضا وبهاي المصيبه ارتفع نوحه
عظم الله .... أجر مولاي الرضا
×××××××××××
چفن أسنين المحنه وشدها بالموت
الليله عمره وكل حياته حطها تابوت
الشيعه وي صوته تنادي بعالي الصوت
عظم الله ..... أجر مولاي الرضا
×××××××××××
طلع من سجن الطوامر للگبر راح
من عذاب السندي روحه الليله ترتاح
بجسمه ماخذ چم علامه وشايل أجراح
عظم الله ...أجر مولاي الرضا
×××××××××××
عمار التميمي
مبارك لكم ولادة اسد الله الغالب علي أبن ابي طالب عليه صلوات الله وسلامه ...
ويسأل سائل (من هو علي ؟)
∆∆∆∆∆∆∆∆∆∆∆∆∆∆∆∆∆∆∆
علي الحب وعلي الجنه
علي المــــاكو أبـــد منه
وخل كل عاذلي يسمع
علي اول خلــــق النه
احجي بيقيني
حيدر. يديني
من عالم الذر
نــــاذر سنيني
علي علي علي....علي علي علي
+++++++++
علي الاول علي الاخـــر
علي الباطن علي الظاهر
ضوه وسط الگلب أسمه
علي نجم الارض زاهـــر
ســــر السعاده
عنده. السياده
ايده عله الكون
أمهيمـن بأراده
علي علي علي....علي علي علي
+++++++++
علي يصعب فهِم سـره
علي ارض البشر حدره
هو الــروح نَفس أحمد
وبس الله أيعرف قدره
اول صحابــي
حبه عذابـــــي
حيدر ابو تراب
خالق ترابــــي
علي علي علي....علي علي علي
++++++++
علي ثاني بـــدر يسطع
علي وجه الله لو يطلـع
علي أسم الاعظم أسمه
بعتبته أسجد واركـــع
ناري وهيامي
حبي وغرامي
حيدر رفيقي
حيدر إمامي
علي علي علي....علي علي علي
+++++++++
علي ميلاده مو مولد
علي الكعبه اله تسجد
تصير الكعبـــــه قبلتنه
واحنه لمولده نسجد
أول بشاره
لابو الغياره
اطهر ولاده
ابو الطهاره
علي علي علي....علي علي علي
+++++++++
علي ســــر الله بحروفه
علي نفسه النبي اتشوفه
يا سيــــف الله يا غـالب
امخلــــي بالزلم خوفــــه
فخر المراجل
وحده ويقاتل
سيفه بالگراب
أبچفه و ينازل
علي علي علي....علي علي علي
∆∆∆∆∆∆∆∆∆∆∆∆∆∆∆
تمت ... عمار التميمي
/channel/kadeemalzhraa/7041
قالت فاطمة الزهراء (عليها السلام ):
(أوصيك يا أبا الحسن أن لا تنساني، وتزورني بعد مماتي) .
الكوكب الدري: 1 /253
(يا أبا الحسنْ عِنديْ مَقال)
أخفي گبري ولا تخلي أي أثر
(في مَماتيْ راجيهَ مِنكَ الحِضور)
أنته مؤنس يا علي لكل البشر
عمار جاسم
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
اخر نضره من صارت
ابحيدر فاطمه احتارت
تكف منه الدمع
تضم عنه الضلع
علي*** يا علي
++++++++
گعد يمها الحجي دمعه
الدمع من عينه ما يلتم
يصد بعيونها ومكســور
وتصد بعيونه چن مأتم
علي ذاك الجبل محني
ضلع فاطم جبل هَدم
رايح من علــي عمره
عگب فاطم علي أتيتم
خريف الزهره من يحضر
جرح حيدر يضل يكبر
أبهدوئه وينسمـع
وتضم عنه الضلع
علي*يا علي
&&&&&&
حچت فاطم سكت كلشي
حچي المسكور بالگوه
ابتدت وياه عله اطفاله
(گبالهم يــا علــي تِگوه
يبو زينب عليك حسين
گلبي لزينب أتچـــــوه
بعد چلمه جرحها أچبير
خلصت عشرتي الحلوه)
لزينب لا يهـل مدمـــــع
اخاف أمن الغرب تسمع
بغيابـــــي تنفجع
وتضم عنه الضلع
&&&&&&
ذبل حيدر ورد مهجور
ورگه أتطيح أثر ورگه
كِثر شيبه وجرع كِل مر
مشاهد مؤلمه وفرگه
ضلع مكسور/طفل ميت
وچفوف الزهره محترگه
يسولف تنلچم روحـــــه
(مثل الزهـره مـــا نلگــه)
الدافن حلمه بالغربـــــه
تصير المگبـره دربـــــه
صعب بيه ينجمع
وتضم عنه الضلع
&&&&&&
بدت لحظة سفر فاطم
محطة كل جرح دمعه
التكثـر دمعتــه بعينــه
فِگد غالي وصعب وضعه
واذا حيدر فِگد روحه
كــل مغرب يكض ضلعــه
حفر مجرى الدمع خده
وليالي الشوگ من طبعه
غريب أبديرته و حاير
نگل جدمه صعب صاير
لفگدها و ينفجع
تضم عنه الضلع
&&&&&&
عمار التميمي
الليالي الفاطمية
يا رسول الله .. يا رسول الله
يا رسول الله محمد
××××××××××××××××××××××
جرح بينه عله أفراگك
يبو الزهره الك حسره
راح ابديلك أمن الباب
من أول جرح نقـــــره
من ذاك الغدير الناس
ابگلبهم عاشت الجمره
الشايل بغضه هذا اليوم
بعد هجرك ظَهر أمره
يا رسول الله ... يا رسول الله
×××××××××××××××××××××
الناس اتكاتـــف ضـدك
انقلاب الأمـــــه يتفســر
لو علـ البيعه چان اتهون
بس الصار شــي أكبـــــر
علي الما يعرف الحيره
بــــــــــس هالمره يتحير
بابـــك يندفـــــع والنـــار
وضلع من بنتـك أتكســر
يا رسول الله .... يا رسول الله
××××××××××××××××××××××
أخو روحك ابو الحسنين
علي باقي أبغرب وحـده
الناس البايعت خِذلــــوه
عليهـــــم تنكتـــــب رِده
جليس الدار مـــــو بيده
كلها صايـــــره ضـــــده
عله بابك دموعه أتهــل
وبس جمرة هضم عنده
يا رسول الله ....يا رسول الله
××××××××××××××××××××××
نحيله وما لگت نخـــــاي
ما چنك گلت علجـــــار
بقت بين الحايـــــط ذاك
وبين الجمره والبسمـــــار
تحط ايد أعله خدها وأيد
علـ المحسن تبعَد النـــــار
ما صارت گبل يا حيـــــف
بحيـــــرة يبقه ذو الفقـــــار
يا رسول الله .... يا رسول الله
××××××××××××××××××××××
رزايه البيت مـــــا خِلصت
أصل يوم العـــــذاب الباب
الزمن ياخذ جمـــــر بيتك
ويحرگ بالطفوف أطناب
وحيرة حيـــــدره تنعـــــاد
عِد زينب أبنفس الاسباب
خيم نار وصهيل الخيـــل
وغربه ونضرة الاجنــــاب
يا رسول الله .... يا رسول الله
××××××××××××××××××××××
عمار جاسم
/channel/kadeemalzhraa/6954
عندما نامت رقيه في خرابة الشام جاء الحسين اليها فاتحاً ذراعيه اليها فقالت :
×××××××××××
أغفه أبخرابه ومشتاگه روحي
شوگ وحلم
طفله زغيــــره وشخصك أجاني
شوگ وحلم
منتظره جيتك تجي وافرشلك انه الهلا
بس لا تجيني ابطشت وتعيد الي كربلهق
××××××××××××××××××××××
ظلام الليل وضجيج النوم
گلت اسمك واجيت انته
فرشت أعيوني يم ملگاك
وحجينه اهواي بالسكته
طمنتك عليّ يحسين
وگلبي ماني طمنته
شحيح الملگه مو منك
ولاكن گلبي عودته
أشبگني بابا بنتك غريبه
بين الغرب
مشتاگه أشمك وأحچي جروحي
ابهذا الدرب
عيشني لحظه أمل مـــــو انــــه المدلله
بس لا تجيني ابطشت وتعيد الي كربله
×××××××××××
بديت انته وكلتلي شلونـ...
وما كملت الــ(أشلونج)
اشوفك چن تريد تگول
رقيه أشبيهن أعيونج
فده عيني وبچيت أعيون
وگلت بنتي عله هونج
رحت عنج لچن وياج
اشوف اشما تعب لونج
اتغيرت ظروفي بغيبة عيونك
بيك ارتجي
أحسب دموعي بلكت تجيني
بس ما تجي
هالليله يا والدي وكـــــت الملاگه حِله
بس لا تجيني بطشت وتعيد الي كربله
×××××××××××
ردت أحچي واسولف شوگ
واگلك حيل مشتاگه
عثرت ابكل حرف وياك
وصِعدت بالفكر ناگه
حِسبت املاگه بالدمعات
واگولن هم يجي أملاگه
الگلب صعبه تقنعه بعيد
أشيقنع گلبي واشواگه
أأحچي ويه صدرك خليه يلمني
طال الهجر
ضيع جروحي ابحضن ابتسامه
واطفي الجمر
أحضني مثل أولك لـــــو دمعتي نازله
بس لا تجيني بطشت وتعيد الي كربله
××××××××××
تَسولف وانه كلني أعيون
يبلسم گاعد أگبالي
تسميني يغاليتي
واسميك انه يا الغالي
نسيت امتدن أچفوفي
ولگيت أدموعك أتلالي
وگبل لا تسأل أعله الدم
عگب شخصك تعب حالي
لازم اشوفك وتشفي جروحي
بچفك دوه
انه رقيه ومختنگه روحي
وانته الهوه
أشعر وجودك مضى والگه لوجودك صِله
بس لا تجيني بطشت وتعيد الي كربله
××××××××××
الحلم لحظه ويفز النوح
البچي مني أظن جاسك
راسك بالطشت جابوه
رقيه وشافته راسك
حضنت الملگه أبأخر صوت
وأتحسسها انفاسك
لگيت اخر نفس بالخيل
منو تجرأ وغصب داسك
دليني موطن يحضن رقيه
ماكو وطن
أخر وداعي بشفافك انته
وتكضي المحن
ورده وسگاني التعب وأعله التعب قابله
بس لا تجيني بطشت وتعيد الي كربله
×××××××××××
عمار التميمي
عندما خرجت العقيله من الخيمه ...
قالت :
احوفن بالصبـــــر ما فـــــاد حافاي
يرب كون اخـــــذ امن الليل حافاي
بطريجك كمت اروحن وارد حافاي
لحد ماگمت اشم عاگول بيه
شاعرها محمود الرونق
(صلى الله على الغريب)
بعد أيام والصحره تَخضر أخيام
ويلتم الشمل وتصيــر أخــر أيام
وافكار العطش مــا تخطــر البال
لأن أبچفوف الكفيل ايغير الحال
أتحضر
گلبي لعزاء أم الحسن
أتحضر
تسمع بكائك والشجن
أتحضر
علـراحو وتركوا وطن
صلى الله على الغريب
×××××××××××
النجم بأصواتهم من الدوي يسهر
وقــــران الارض بين الخيم يفتر
باچر منه چم سوره تدوس الشوك
باچر منه چم وحده تعيش الشوگ
نضره
أخــــر مشاهد للخيم
نضره
چم نحر رايح للسهم
نضره
أمـــر المنيه النحسم
صلى الله على الغريب
×××××××××××
بعد ايـــــام يا گلبي ونسمع بهاي
سگـــاي العطش يعطش المـــــاي
الغريب لوحده ما بين هاي الناس
يعني أعله النهر تارك جدم عباس
خيمه
طايح عمود الخيمه
خيمه
نار وركــض بالهيمه
خيمه
جمر الخيم يا ضيمه
صلى الله على الغريب
×××××××××××
اجه شهر المحرم والجروح أتگول
يا گلبي تحضـــــر عندك أخيــــول
عطشانه الحوافر وأعتنت لحسيــن
طشرن كل ضلع وبس تسمع أونين
حيره
ركضن خيول أعله الصدر
حيره
طلعن خيم سحگهن جمر
حيره
واخته تشوفه ابكل صبر
صلى الله على الغريب
×××××××××××
ليالي ما الك گلبي فـــــرح بيهـــــن
من اصيـــــارك الهزلــه تماشيهـــــن
اشترينه الدمعه من طاحت أخيام
ورخصنه الدمع من دخلـــــوا لشام
جرحك
خلي دموعـــك أتشرحه
جرحك
لا تخجل وأبدي افضحه
جرحك
طفله أبخرابــــه مفرفحه
صلى الله على الغريب
×××××××××××
#عمار_التميمي
#يوم_العاشر
بيمن تلوذ النسوان
وحاميهن علـ التربان
×××××××××××
صاحت والگلب من صيحته اتوذر
وين عباس اخوي أوين ابــو الاكبر
السكت عنها أظن عَن جيته أتعذر
......وصاحت يخوتي ولوني
التفت والعده غــــارت
ندبت صرخت و صاحت
أعلـه التل ركض راحت
....وصاحت يخوتي ولوني
والحومه بس عِدوان
وحاميهن علـ التربان
×××××××××××
شبچت وضجت خلايگ بالسمه
ندهت أعله حسين راعي الموزمه
لچن فوگ صـــدره الشمر مِتلَزِمه
....أشلون حملت هالمصيبه
شعندها الخيل مِجبِلهَ
أمعَصبَه أعيونها لا هله
اشسوت الخيل ابكربله
....اشلون حملت هالمصيبه
بين المذبوح وعطشان
وحاميهن علـ التربان
×××××××××××
لَمتَ أعيال الهواشم من كل كتر
راحت لخيمتها لچن بــــس جمر
زينب بنت علـــــي يشيعه تنتظر
..... حد يجي ليها
جابو النوگ الهــزل
وهاي عجده وما تفل
عين لخوتها وللحبل
........حد يجي ليها
بس غربه بهالميدان
وحاميهن علـ التربان
×××××××××××
جابو احبال وهزايلهم تميـــــل
ابلا هوادج ركبت أخت الكفيل
صعدوهن والارض بيهن تميـل
..... راح كافل خدرهن
اوداعت الله وسَلمـــــن
الضعن موش أول ضعن
فوك الناگه وخَيـــــمن
...... راح كافل خدرهن
عاشن ليالي الاحزان
وحاميهن علـ التربان
×××××××××××
عمار التميمي
مبارك لكم عيد الله الاكبر ....
××××××××××××××××××××××
الچف الرفع چـف الوصــي ما ينزل اله بغايه
نَصَب علي وتم الفرض وگاللهم أحله أحجايه
(نفسي نفس حيدر علي يعني وجه بمرايه)
وخسران دنيه واخره لما اخذ شوره ورايه
.................
عمار التميمي
مولاتي العليله ....
ابحنانك والضعن وبروح يداي
تردلي لو رفعت أبحيل يداي
مو وكت الدهر وانصاب يداي
مشو عني الضعنهم چان مَرهم
وحشاهم لا شفت فد يوم مُرهم
يريح الهاب لأهلي بضعن مُرهم
وگلهم جرحي حد اليوم يداي
××××××××××××××××××××××
محرم ١٤٤٥ هــ
عمار التميمي
لحن قصيده
طيبو قلوبكم بذكر فاطمة ....
ملا احمد الزيداوي