676
كلشي اريده ... وما دريت انته شتريد ارزقني طاعه ما اجادل كالعبيد ... ........ (لنشر القصائد الحسينيه... فقط) للتواصل ( @amaar33 )
جابو كل حطب سموهم أصحاب
بيتي ويحترگ يا دار الاحبـــاب
آمر علـ العبد يضربني ويصيح
دفعو بابهه الزهره وره الباب
صحت بويه
انكسر ضلعي
بنتك الحگ عذبوها
ما رعونـــي
وانه وحدي
ليش روحك ما رعوها
×××××××××××
طگ ضلعي وتهشم بيه بسمار
ما أكدر أحامي وتسعر النار
حسيت بثگل من يرفس الباب
وتباوع عَليه الغـــــرب والجار
ماكو غيره
ولا حَميه
نار بابــي تستعـــــر
صحت فضه
سنــدينـــــي
طحت كلني علجمر
×××××××××××
دفعوني وطحت مني العمر ضاع
يا حيدر تعــال وألحگ بســــاع
روحك طايحه بين الغرب ذول
شبيده التنكسر من عنده الاضلاع
عذبوني
بكل حقدهم
حيدر ألحگني وتعــال
ارتدو الناس
الليله كلها
أمن النبي گطعو وصال
×××××××××××
بعد العافيه يـــــا محسن أمك
اخاف ألچم جرح وشلون ألزمك
أرماد وبس جمر شبعانه روحي
بضلعي المنكسر مشتاگه أضمك
يمه محســـن
ليلي شوگي
وأقره بحروف الهجر
ردت أشمك
وبحناني
اضمـــك يمه علصدر
×××××××××××
ضل دمي أثر ما ينمســـــح دوم
يم مهدك اناغي وابچي كل يوم
گلب امك حنين لطولك أشتاگ
ما شفتك ييمه بكشخة أهــدوم
انكضه حيلي
ورحت دفنك
الحيل ما ضل وصبر
كون أخلي
روحي يمك
وحشه يمه بالگبـــــر
×××××××××××
ما لَمَ الجرح ولا تهده هالروح
كلشي بغيبتك يا يمه مجروح
حيدر والحسن وحسين وياه
يم مهدك ييمه زينــب أتنوح
عشت حاله
ما عشتها
افز حسبالي بچيت
الگه مهدك
يمه فارغ
وفوگ مهدك انحنيت
×××××××××××
عمار التميمي
اللهم صل على محمد وآل محمد
.... قصائد الليالي الفاطمية ...
اقره التاريخ مخفيه أســــرار
نشوف التأويل بغيابه اشصار
نصحح الفِكر البعيد
مو وفاة اصله شهيد
×××××××××××
فأن مــاتَ أو مَقتـــــول
الثانيه تنفي للاوله
رَدو للصنـــــم هاليـــوم
وبعده نايم أبطوله
مُحمد علـــ البشر رحمه
واجب ينسمع قوله
گلهم رايد اكتـب شــي
ويهجر عنه گالوله
بعيونه تشوف آه وحسرات
يا حيف الگوم نزلوا دمعات
يهجر وقولـــه عنيد
مو وفاة اصله شهيد
×××××××××××
دليل لكل عقـــــل يفهم
الروايه صرحت مقتول
الدوه ما راده من چفهم
ومنعهم بالصحيح يگول
اليخالف مُنــزل الرحمه
عِذر من عنده ما مقبول
خليفه اتنصـــــب بكيفه
يعني بهالجرم مســؤول
مجرم يردون من بيته وصار
افعال أتصيــــر ضـــــد الكرار
السيد اتقتله العبيـد
مو وفاة اصله شهيد
×××××××××××
كِبر صبره وكظم غيضه
َوسلام أعله التعب يقره
الناس البيها تعب سنين
صـــــارت ما تهم لأمره
السلطه أول أثم معروف
بسببهــا نِكــروا العِشــره
مثل قطب الرحى لحيدر
ومحد يوصـــــل لگدره
هاليوم اتصير تأسيس اسباب
للطبره انعيش لجمرات البـاب
اليفتهم معنى القصيد
مو وفاة اصله شهيد
×××××××××××
غِمض عينه وطلع كل صوت
بغربـــــه عاشت أحبابـــــه
النار ابكل صـــدر مضمــوم
طلعت تحرگ لبابـــــه
حَمال الحطـــــب حـــــاقد
خليفه ويهتك أحجابه
حجاب الله الزجيه اتصيـر
دخلو سِحگو أعتابـــه
يرضى الباري لرضا الزهراء
عُمر مجـــــرم بكـــل الانباء
ابلا حقيقه ما نريــد
مو وفاة اصله شهيد
×××××××××××
بعد عينك يبو القاسـم
الناس ارتــــدت ابليله
حيل الما بقه بحيدر
فاطم خذت كل حيله
ومشه ثار العدو وياه
لحد طف كربله وخيله
لحد ذاك الرمل والنار
لأخر دمعه تشكيله
دم المذبوح وجمرات أخيام
محمد راح ومات الاسلام
لهسه واقعنه شديد
مو وفاة اصله شهيد
×××××××××××
#عمار_التميمي
عندما نامت رقيه في خرابة الشام جاء الحسين اليها فاتحاً ذراعيه اليها فقالت :
×××××××××××
أغفه أبخرابه ومشتاگه روحي
شوگ وحلم
طفله زغيــــره وشخصك أجاني
شوگ وحلم
منتظره جيتك تجي وافرشلك انه الهلا
بس لا تجيني ابطشت وتعيد الي كربله
**
ظلام الليل وضجيج النوم
گلت اسمك واجيت انته
فرشت أعيوني يم ملگاك
وحجينه اهواي بالسكته
طمنتك عليّ يحسين
وگلبي ماني طمنته
شحيح الملگه مو منك
ولاكن گلبي عودته
أشبگني بابا بنتك غريبه
بين الغرب
مشتاگه أشمك وأحچي جروحي
ابهذا الدرب
عيشني لحظه أمل مـــــو انــــه المدلله
بس لا تجيني ابطشت وتعيد الي كربله
×××××××××××
بديت انته وكلتلي شلونـ...
وما كملت الــ(أشلونج)
اشوفك چن تريد تگول
رقيه أشبيهن أعيونج
فده عيني وبچيت أعيون
وگلت بنتي عله هونج
رحت عنج لچن وياج
اشوف اشما تعب لونج
اتغيرت ظروفي بغيبة عيونك
بيك ارتجي
أحسب دموعي بلكت تجيني
بس ما تجي
هالليله يا والدي وكـــــت الملاگه حِله
بس لا تجيني بطشت وتعيد الي كربله
×××××××××××
ردت أحچي واسولف شوگ
واگلك حيل مشتاگه
عثرت ابكل حرف وياك
وصِعدت بالفكر ناگه
حِسبت املاگه بالدمعات
واگولن هم يجي أملاگه
الگلب صعبه تقنعه بعيد
أشيقنع گلبي واشواگه
أأحچي ويه صدرك خليه يلمني
طال الهجر
ضيع جروحي ابحضن ابتسامه
واطفي الجمر
أحضني مثل أولك لـــــو دمعتي نازله
بس لا تجيني بطشت وتعيد الي كربله
××××××××××
تَسولف وانه كلني أعيون
يبلسم گاعد أگبالي
تسميني يغاليتي
واسميك انه يا الغالي
نسيت امتدن أچفوفي
ولگيت أدموعك أتلالي
وگبل لا تسأل أعله الدم
عگب شخصك تعب حالي
لازم اشوفك وتشفي جروحي
بچفك دوه
انه رقيه ومختنگه روحي
وانته الهوه
أشعر وجودك مضى والگه لوجودك صِله
بس لا تجيني بطشت وتعيد الي كربله
××××××××××
الحلم لحظه ويفز النوح
البچي مني أظن جاسك
راسك بالطشت جابوه
رقيه وشافته راسك
حضنت الملگه أبأخر صوت
وأتحسسها انفاسك
لگيت اخر نفس بالخيل
منو تجرأ وغصب داسك
دليني موطن يحضن رقيه
ماكو وطن
أخر وداعي بشفافك انته
وتكضي المحن
ورده وسگاني التعب وأعله التعب قابله
بس لا تجيني بطشت وتعيد الي كربله
×××××××××××
عمار التميمي
الاكبر..... يا بدر الهواشم
الاكبر..... يا بدر الهواشم
__
يا ضيّ أبيـن أخيـــام
وأحله نجمه
ايامي وياه احله ايام
وأحلــــه لمّه
ليث الطفوف @ أرتـــــوي بنضراته
ليث الطفوف @ ايخضرن خطواته
ليث الطفوف @ لو نـــــزل للحومه
ليث الطفوف @ حيدره ضرباتـــــه
يا غضب الله بالحرب
والحومه تشهدله
ما ثنه ضرباته ابـــــد
يا فخر عند أهله
قليلٌ ما قد يُقال
الاكبر ليثٌ للقتال
@@@@@@@@
يا بلسم جرح حسين
ومحله رسمه
يا شوف وگـــرة عين
فدوه لأسمه
علي الاكبر @ يا جمال احروفه
علي الاكبر @ طه بيه انشوفه
علي الاكبر @ والنهر من شافه
علي الاكبر @ طبكاها أجروفــه
والنهر يعـرگ بالخجــل
وبحضرته اتبخر
لو تشرب اخيامه عذب
لو يغضب الاكبر
والطفُ فيّ انذار
هذا حيدرُ الكرار
@@@@@@@@
دگ صدره ورافع راس
أبسيفه أأشهر
ماخذ من هيبة عباس
ابزوده الاكبر
ابظهره عباس @ ويفتخر وي عمه
ابظهره عباس @ عزم حيدر عزمه
ابظهره عباس @ المدد منه أينوله
ابظهره عباس @ صارمه ما ضمه
الخوف يرجف لو حضر
يم ريشة الاكبر
والجيش حدره ينسحگ
حدر الجدم يزغر
قد صاحَ الجيشُ غوثاه
قد هجموا جيش الله
@@@@@@@@
بالسيف ويطعن بأصرار
ابتعبه كابـــر
يطلب ماي أمن المــــاي
ابدمعه حاسر
رد للخيام @ والتعب مــن عينه
رد للخيام @ طلب ماي أحسينه
رد للخيام @ بويه گطره شـويه
رد للخيام @ أعطشت يابو سكينه
بويه العطش فت الگلب
بعيونك اتشاهد
يوليدي وشبيــدي انــه
هيج القدر رايد
هذا الوعد المصداق
قد حان وقت الفراق
@@@@@@@@
خريفه حل ابســـاع
وشوگي يبدي
ما يحمل گلبي اوداع
ودمعي يحدي
يگرب الموت @ لـــــو افــارگ أبني
يگرب الموت @ ولا اعيش ابحزني
يگرب الموت @ ابكربــلاء الدمعــه
يگرب الموت @ ابطيحته يكسرني
لو طاح من فوگ المهر
وتوسد الحومه
جسمه يوذورنه ابغضب
وتتغير ارسومه
حقاً مقتولاً شهيد
مذبوحاً من الوريد
@@@@@@@@
اضع هذا القليل بين ايديكم لنيل رضا أمي الزهراء عليها السلام
#عمار_التميمي
نعي
ام البنين تحاكي السيده زينب بعد الطف
كل ولدي لهلج يرحون فــدوه
يابت فاطمه وبت علي القدوه
وحسين وحسن للشيعه أسـوه
هنيالي وعشت يا يمه ويــاكم
عسا ما قصروا أولادي بالشــده
من ضَلَ الحُسين أبكربله وحده
الا مـــــن ناصــرٍ والسهــم رده
طاف اعله النحر والصبر سلواكم
عباس ويلالي ظلمــة الليــل
لو طاح الگمر تتراكض الخيل
لون قصر ييمه لالطم ابحيل
يا فشلة الفشلة اشلون ملگاكم
ام البنين ع
يزينب وگفة الخــوان مرهم
وادري بفرگة الاحباب مرهم
صحت عباس للعدوان مُرهم
گبل لا تصعد الحره سبيه
السيده زينب ع
تـــوذر كافلــي يمــه شمرهم
شهم بچفوفه عدواني شمـرهم
لون عباس حاضر يم شمـرهم
ما حز النحر لابن الزجيه
××××××××××
#عمار_التميمي
/channel/kadeemalzhraa/4411
اسم القصيده (الوصية)
((.... َألا فاسمعوا ومن حضر، ألا إن فاطمة بابها بابي وبيتها بيتي، فمن هتكه فقد هتك حجاب الله "، قال عيسى: فبكى أبو الحسن (عليه السلام) طويلا، وقطع بقية كلامه ، وقال: هتك والله حجاب الله، هتك والله حجاب الله، هتك والله حجاب الله يا أمه صلوات الله عليها))
حِجابُها......... وَبابُها
حِجابي..... وبابي
زهراء يا فاطمتي
×××××××××
انقلبت أعقاب
حطب بالبـاب
يا علي وحدك ولا موجود ناصر
لـــو تبايع
لـــو نتابع
والحطب بالباب وانته گوه صابر
والله حيره
والاميــــره
بينها وبين الكسر باب الخواطــر
يا علي صبراً..... هذا مُصابي
زهراء يا فاطمتي
×××××××××
يا هضمتي
هايـه بنتي
يا علي أسمع شسولف هذا المصاب
جابو حطبهم
بنار وحقدهم
فاطمة حجه وتكلم شيخ الارهــاب
تكله ما صار
لا ولا دار
تريد تكسر باب بيتي وتحرگ الباب
ألزَمتُك الحُجه... فيْ كسرِ بابي
زهراء يا فاطمتي
××××××××××
صَبرك أجبال
تسمعه شگال
گالها كلمة (وإن) لهضم الزجيه
ابچعب السيوف
وحمره الأچفوف
وعين حمره والضلع يصعب عليه
گلبك ايفــور
وانته مجبور
متقيد أبحبل الصبر حبل الوصيه
قد اجحفو حقها... فيهمُ عتابي
زهراء يا فاطمتي
×××××××××××××
أندفع بابك
سر حجابك
ينهتك وام الحسن يُكسر ضلعها
النجمه طاحت
فضه صاحــت
گوه صاحت والضلع ينغز صدرها
صبرك اشلــون
وحمره العيون
ما تلحگ عل الطفل طايح حدرها
سمهِ محُسناً... وأحفظ جوابي
زهراء يا فاطمتي
××××××××××××××
ماتت زهرتك
ودم ابعتبتـك
وآه بسمار الينگط دم الطهاره
وتبقه غربه
هايه صعبه
وحشة الحال الفگد زهرة دياره
تنام بدمــــوع
بگلب مفجوع
وتندعي تحضر الك طيف وزياره
هَذهِ وَصيتي......بابها بابي
زهراء يا فاطمتي
×××××××××××××
#عمار_التميمي
/channel/kadeemalzhraa/4001
لسان حال مولاتي زينب عليها السلام
* ** *
منظر حيرتك يحسيــن
وحدك ولا من ناصـــــر
غريب بوسط هاي الناس
ويا حيرة ظهر عاشـــــر
جروحك تِجبرَك مَتگوم
وخيول الفزعت اتكابـر
تطفه بنص خيم جمرات
ونام ابصدرك الحــــافر
غطاك التُــرب وأحجــار
وحيره ليا كتر انـــــدار
....... ضيعت الدرب يحسيـن
ضاعت عِدنه الزغـــــار
@@@@@@
اصبر والعفاف ايصيـــح
خدر الله بقــــه ابــلا راي
يروينه العلم مــــو سوط
يماي وشح علينه المـــاي
ذبلانه المتون أحسيـــــن
انحفر شاطي أعله مگفاي
عِطشَتْ خيمتك ملگـــــاك
وأحبـــال اليسر ملگـــــاي
عطشان النحر للسيـــف
مذبوح وصحت يا حيف
............ حلم ردتك تفز وياي
وافز والگاك مـــــو طيف
@@@@@@
ما چانت تمر بالبـــــال
أصيـــــرن انــه مسبيه
يرفضها العقل يحسين
تدور أحبـــــال بإيديه
بنت المرتضى الكــــرار
وامي زهره مرضيـــــه
ابيا دين وعقل موجود
فوگ الهزله علويـــــه
الجانت ما تشوف الظل
شافوها يخويـــــه الكل
..... يا خدر الله صار أخبار
ما بطلت عيوني أتهـــل
@@@@@@
أعيون الوادم أبلا صوت
و محچال الحجر يجرح
وحنين الناگه بين الناس
ناس أعله السبي تفرح
وما بين الحجي وعيون
وبيبـــان القصـــــر تفتح
خمسين العمر يحسيــن
وديوان الشرك يذبـــــح
تعبانه المشي يهد حيل
مشونه الصبح وي ليل
....... وحق فاطم تعبنه اهواي
الحبل صاير عليه أثكيل
@@@@@@
القصر وارض الخرابه اجروح
وملـــــح يلچم جـــــرح طفله
تفــز مرعوبـــــه نص الليـــــل
مو مـــــن مـــــرض لـــــو عِله
درس اول خرابـــــه الصـــــار
اليحـــــب ايمـــــوت وي خِله
ماتـت والسيـــــاط اتعيـــــش
الموت ابنـــــص ظلـــــم يحله
ماتت وبجسمهـــــا آثــار
ضرب سوط ولهيب النار
....... الزغيره أتحن لأبوها أهواي
وتشوفه بعد الجره وصار
** ** ***
@Amaar33208
#عمار_التميمي
#جرح_الشام
✅ الحبيب الموفق رائد الجنابي
✅ كلمـــــات خـــــادمكـــــم
✅ هيئة درب الشفاعة / الدوانية
رابط القصيده 👇 👇 👇
https://youtu.be/7ourf2HVOUU
🎶... انت زلزال الطفوف
🎤... ملا حمزه اللامي
📝... عمار التميمي
🎙... الذاكر حسن الكعبي
🕌... موكب السلطان ابو الحسن (ع)
بغداد _ الشعب
🗓... ليالي محرم ١٤٤٣ ه
@hamzaallamy
اخر نضره من صارت
ابحيدر فاطمه احتارت
تكف منه الدمع
تضم عنه الضلع
علي*** يا علي
++++++++
گعد يمها الحجي دمعه
الدمع من عينه ما يلتم
يصد بعيونها ومكســور
وتصد بعيونه چن مأتم
علي ذاك الجبل محني
ضلع فاطم جبل هَدم
رايح من علــي عمره
عگب فاطم علي أتيتم
خريف الزهره من يحضر
جرح حيدر يضل يكبر
أبهدوئه وينسمـع
وتضم عنه الضلع
علي*يا علي
&&&&&&
حچت فاطم سكت كلشي
حچي المسكور بالگوه
ابتدت وياه عله اطفاله
(گبالهم يــا علــي تِگوه
يبو زينب عليك حسين
گلبي لزينب أتچـــــوه
بعد چلمه جرحها أچبير
خلصت عشرتي الحلوه)
لزينب لا يهـل مدمـــــع
اخاف أمن الغرب تسمع
بغيابـــــي تنفجع
وتضم عنه الضلع
&&&&&&
ذبل حيدر ورد مهجور
ورگه أتطيح أثر ورگه
كِثر شيبه وجرع كِل مر
مشاهد مؤلمه وفرگه
ضلع مكسور/طفل ميت
وچفوف الزهره محترگه
يسولف تنلچم روحـــــه
(مثل الزهـره مـــا نلگــه)
الدافن حلمه بالغربـــــه
تصير المگبـره دربـــــه
صعب بيه ينجمع
وتضم عنه الضلع
&&&&&&
بدت لحظة سفر فاطم
محطة كل جرح دمعه
التكثـر دمعتــه بعينــه
فِگد غالي وصعب وضعه
واذا حيدر فِگد روحه
كــل مغرب يكض ضلعــه
حفر مجرى الدمع خده
وليالي الشوگ من طبعه
غريب أبديرته و حاير
نگل جدمه صعب صاير
لفگدها و ينفجع
تضم عنه الضلع
&&&&&&
عمار التميمي
( ام الحنان )
×××××××××××
سر الوجود أعله البشر
هو وجودج فاطمه
نعمه علينه ابكل فخر
ام الحنان العالمه
عالم خدمتي من دلالج
أول محطات الركب
واستقرت روحي يمج
وافترگ عنج صعب
الما يعيش ابصدره خادم
باقي عمره ينطلب
والدمع مركب ضماني
واجب الدمعه نصب
عمري للعزاء
روحي ومهلمي
ويبقه هالنداء
عَزمي فاطمي
×××××××××××
عايش حياتي ابلا أُنس
وانتي دليني الطريق
من غياهيب ابضياعي
دربج أصدق كل رفيق
سلمتها روحي يمج
وانه مرتاح الضمير
كل تفاصيل المشاعر
طلبتي خادم أصير
يا حبال الله الرحيمه
لرحمتج انه اسير
لو خذتني ادروبي عنج
ومن طرف عينج أدير
ارجع بالدرب
لو دار الطرف
بس رايد گرب
دربج النوصف
×××××××××××
يا منبع أحساس الخدم
يا مشرفه أبكل عزاء
من لطفج انطيني أمر
ابقه بمصاديق البكاء
من سراديب المشاغل
الدنيا أخذتني بعيد
واحتضني مجلس ابنج
واعرفت روحي أشتريد
الروح بلسمها البواچي
وانبعث خلقاً جديد
الله طهرنه بمحبتج
وأحنه خدامج عَبيد
أقرار الخدم
وأسم المرجله
كلها تنتمي
لارضج كربله
××××××××××
جرح انتظاري سرمدي
وأحسب ليالي للبُعد
لو لحظه عشت أبلا أمل
ابشوگي لحضرتج بي أرد
أخذل مواعيد الدمع
ومن ثغري أخلق مهجتي
لو مرني أبخيالي الوصل
ولذيج المناره فرحتي
فرض أنتظاري مو سهل
ومنج ردتها طلبتي
خادم عله باب الصحن
ويم بابج أطلب دمعتي
هذا أعظم شرف
وأبقه أنتظر
أسنين لو كضن
رزقيني عمر
×××××××××××
عمار التميمي
/channel/kadeemalzhraa/5993
لو فرض
رقيه ما مشت بالضعن
راح ومشه وهيه البقت
خيمه زغيره اعله الارض
لو فرض
ماكو نواعي بالنزل
وما رجعوهن عل الهزل
والهيبه اصلا تنحفظ
لو فرض
رد الضعن هيه أعتنت
ابدمعتها فرحه اتسابگت
ما همها تمشي لو ركض
لو فرض
حسين الشبگها بردته
صاحت يبابا وشبگته
ما بيه صدر ما ينرفض
لو فرض
شايل رقيه بكل صبر
خايف تطيح شگد حذر
وبخنصر ايده بس تكض
لو فرض
عبد الله نام ابيا حضن
لحضنج رقيه شكد يحن
واتطمنه بجس النبض
لو فرض
ما لوعوها بالحبل
ولا خايفه من النزل
وما جابو الراس ابطشت
شافت وطنها بالطشت
اول كلام الگالته
التراچي
چفوفي
ابجمرة غيابك كوه امشي
وانه بنتك كوم اليه
انه بعدك مو رقيه
هاي أخر ليله اليه
انه رقيه ...انه رقيه
#عمار_التميمي
الامام الحسن يوصي القاسم عليهم السلام
(جسام هاي اوصيتي) .... 2
١).......
هالله هالله بــالضــعـن
لو فارگت ارض الوطن
ترعه خواتـك بالمحــن
...........وبروحتك سد عازتي
٢).......
يوليدي عينك عل الستر
ما يسوه يوليدي العمـــر
لو مـــــا ترخصه للخـــدر
........يا روحي انته ومهجتي
٣).......
أنصب خيامك بالگلب
أعلن عله الدنيا الحرب
ولتعوف عمك بالغــرب
........... بالعاشر انته غايتي
٤).......
درعي تلبسه ابكل فخر
والسيف محراب النحر
وااتجيب لخيامك نهر
........ تكضيها أدري حاجتي
٥).......
ما تسوه أعدائك شسع
والهامه مفطوره ابدمع
وحسين صوتك يستمع
.........وياك صارت طيحتي
٦).......
يوليدي كل هذا وعــــد
والفوگ صدرك لو صعد
أيحزون راسك يالولـــد
........ هذا المصاب ابدمعتي
٧)......
عمك غريب ابلا معين
والشمر يگطع بالوتين
ويتعفر ابدمه الجبين
......... هذا عذاب الصحوتي
٨)......
وبعدك سبايه اعله الهزل
يحديهن ابسوطه النذل
وشـــدو عليهن الحبـــــل
....... هاي المصيبه مصيبتي
######
#عمار_التميمي
(ميمر)
أمشي أبدمعتي للمجالس وحدي
ما همني طوفان الفتن لو ضدي
دمعي السفينه والدليل المهدي
واليحضر المجلس دوم
باجر وجوب أيحشمه
××××××××
أتخيل تطب للمجلس أبروحيه
والمهدي واگف شارك أبلطميه
والزهره توگف علخدم محنيه
نحضر عزاء أم حسين
نتسابك أعله الخدمـه
××××××××
كلمن وصل للمجلس عالي أبشانه
كــــل دمعه ترفــع منزله أبميزانـه
عين الزجيه عــل اليهيج أحــزانه
ندعي بگلب ما يرتاح
ربــي تزيـــــد اللچمه
××××××××
اليخدم كسر ضلعج يا أمنه الزهره
الله يرزقــه خدمتــج بالحضـــــره
ننصب مناره وبالصحن هم نقـــره
شكرا رزقتينه الثار
الله يــدوم النعمــه
××××××××
ننصب مواكب علـدرب مشايـــــه
ومن كل بقاع أهل الارض عنايــه
رايه وتطگ أمـــــن الزحام أبرايه
تضوي المناره بالعين
والنور يوصل نجمه
×××××××
#عمار_التميمي
.....
https://t.me/kadeemalzhraa/4219?comment=1689
السيده زينب والسيده الزهراء عليهن افضل الصلاة والسلام....
¶¶¶¶¶¶¶¶¶¶¶¶¶¶
كومي وياي خايفه... گومي وياي
××××××××××
يمه گومي أمن الجمر
بعدج ازغيـرة عُمـــــر
وينـــج ويـــــن الهجر
يم الحسين
يمه رحمي لحالتـــــي
يا أنيســــة غربتـــــي
هذا حالـــــج كسرتـي
يم الحسين
يمه خايفه لا يعودون لبابنــــــه
ليش مو ستر الله احنه حجابنه
يا بعد عيناي خايفه. ... گومي وياي
××××××××××
يمه اخوي ابلا نفـــس
وصدره دخان انتـرس
مالي طاقه كافـي بس
ودمج أشوفه
المحسن اول منذبــــح
أعيونه ما شافت صبح
عينه عـلـ الدم تنفتـــح
ودمج اشوفه
يمه خايفه والجمر لايح عباتـج
اشلون وبهذا العمر أشهد مماتج
گومي بِهداي خايفه...گومي وياي
×××××××××
حيدرج محني الظهر
يصيح زهرائي أبقهـر
گباله ضلعــج النكسر
وروحه ابعتبته
يساعــــد الله حالتــه
گباله ذِبلــــت زَهرتــه
الغربه رسمت صفنته
وروحه ابعتبته
هاي اول مره أبونه أنشوفه
گاعد لوحده ويگلب أچفوفه
وانه يا حال خايفه...گومي وياي
××××××××××××
ما يجف مجرى الدمع
اليستمع طگت ضلـــع
ألگباله بابـــــه يندفـع
عاش بحسرته
اليمر ليليه أبأثــــــر
وثاره وحده الندثـر
هذا ابوي شگد صبر
عاش ابحسرته
يمه رحتي وانه وحدي الخايفه
وينج وين الحضــن يــا دافيــه
صحتلج اهواي خايفه.... گومي وياي
××××××××××××
أبريحة أهدومج أشم
وگبالي طولج ينرسـم
وحيلـــــي كله ينهـدم
وتبدي غربتي
اندفنت انفاسي أبعجـل
وجدمي من رحتي نِحل
وبالگبر حيلـــــي نِـــــزل
وتبدي غربتي
يمه هاي الغربه صعبه ابلايه أم
ألمن اشكي حالتي لــــو أنهضم
وحدي ضليت خايفه... گومي وياي
××××××××××
#عمار_التميمي
جعدت والتراب ايريد بيها السِل
لا والد اجاها وضل عِليل الخِــل
***
جابو روس بيهن هالضِوه يضَوه
راس القاسم الجابـــولها تَـــــوه
رمله حِضنته وبالصبـــر تكـــــوه
صاحت يـــــا هلا وبظلمتي أتهل
***
جابو راس چن راس النبي طـــــه
وليله تعَنتهَ وتِعـــــرف أضناهــــا
ناحت والنسى تبجي اعله مبجاها
ضجن والحزن خيـم إعله الكـــــل
***
جابو راس يمه الصبــــر ينفت
حِضنته أمه وعلـ التِرب جِعدت
صغير وإبن ست شهور مَــــرت
در صدري يوليدي والهجر يكتل
***
جابو راس وانحبست الانفاس
لن هذا العِميد البطل عبــــاس
عند الگوم زلزال وهـــــوواس
خِل ومن يسولف كسرته للخل
***
خِل ومن يسولف يكسر الخاطر
لحرگ الخيم لو دوست الحافـر
لو حيرة النسوان أبظهر عاشــر
هذا المصاب الما مثله مِهــــول
***
جابو راس والدم خضب الوجنه
من بين الحـــــرم بالدمعه تتعنه
كل خطوه حسره وتجرح الونه
رقيه ومن زغرها تشبهه الظــل
@@@@@@#
#عمار_التميمي
🎶... ضعن الخدر
🎤... ملا حمزه اللامي
📝... عمار التميمي
🎙... الذاكر محمد جبار
🕌... موكب السلطان ابو الحسن (ع)
بغداد _ الشعب
🗓... ليالي صفر ١٤٤٣ ه
@hamzaallamy
الرادود الحسيني محمد المحمداوي
كلمات الخادم عمار التميمي
.........
https://youtu.be/d-M5PiRwwSk
مولاتي الزهراء (عليها السلام)
.......
جايه محنية ظهر
وايديها أعله الخاصره
شافت أضلوع الابن
كل اضلوعه أمطشره
@@@@@@
من وصل ضعن الخدر
وتحضر جيش العده
وتنصب إخيامك ردتّ
وهَلت أعيونك نِـــده
اشلون والعدها أبن
وتعرف أيامه أنگضن
أنه أم الرايح ذبح
واصير أمه الفاگـــده
يعيوني لا تبطلــــن
خلن أدموعج جرح
هاي اخر ليله وعنده
وتالي ابنـــــي ينذبح
انه ام اليطلب ناصر
ويصير أجوابه رمح
هاي اخر ليله وطفت
شمعاتك يا ضنوتي
اشبع شوف ابدمعتك
من خدرك يا سلوتي
@@@@@
عجت اتراب الطفوف
وجالت الغبره بعد
وانصارك غدو نهر
وفـــــاء لهذا الوعد
وشربو ماي امن العذب
جزاء لهذا الوفـــــه
والينذبح منهم يحن
وروحه للعالي صعد
جون وحبيب ووهب
حبهم نبع المعرفـــــه
وزهير وعابس عشگ
الانصار أحروف الوفه
مثلهم ما نلگه عشـــگ
ولا كلمـــــات التوصفه
يمه بعيونك سحر
وجمالك فوك الارض
وبقتلك جان الامر
يتعطل بيك الفرض
@@@@@
عطشانه ارياج الطفل
والجربه متحضـــره
وللكافل ما ضل صبر
بالغيره شاف الجره
يم النهر من وصل
عطشت أعيونه دمع
ما شرب ماي العذب
وبچفوفـــــه الطشره
مطرت اسهام العـــده
وما همه جيش الكفر
كل همه الجربه تِصل
وتطفي نار البلخـــدر
وبالهامه انضرب وگع
صابوه أبمكر وغــــدر
طايح من فوگ المهر
وعينك لحسينك تحن
كاسرله يبني ظهر
خلص ساعاته يون
@@@@@
يا حسين الخيل الاجت
مــــا شافتك بالارض
عشرة خياله اعتنت
بضلوعك گامت ترض
ما شمت عطر الوفه
من داسن فوك الصدر
مذبوح اوليدي وصحت
عطلوا بيـــــك الفرض
ما عرفتك بالحـــرب
دلانـــي أحجار العده
صاير فوگك والهضم
شتلگه بيك الفاگـــده
چم جرح يمه واشوف
كل عمري الك فــــده
ما عدهم يبني رحم
صارن خيماتك جمر
ونسوانك غدن بعد
فـــــرن أنص الظهر
@@@@@@@
حاضره وشفت الجره
من هجمو أعله الخيم
يا يمه ما ضل صبر
حيلي واجدامي انهدم
من شفت العِده دنه
وبالخيم ضاع الخدر
حيرة نسوان وجمر
ودرب السبايه انرسم
لموهن مَـــــره مَره
وجابو احبال السبي
عسه ما شفت الجره
واخواتك يم اجنبي
بحشمتهن طلعن سوه
وردن لبيت النبي
هذا الكل الي جره
ويـــــاكم من أوله
من خيل وسبي وذبح
وزينب ويه العايله
@@@@@@
#عمار_التميمي
مولاتي رقيه تخاطب الحسين
........ .......... ........
الترچيه بابا أخذوها
وعدوانك ايضربوني
١)**'*
بالخيمه اضلن كَاعـِـده
المنتظره جيتك فاگِده
ضربوني يـــا بابا العِده
............ وألحگهـــــم أتولوني
٢)**'*
طلعن خواتي أمن الخيم
وتعنن الراعــــي العلـــــم
بالجربه شافن چم سهم
............صاحن يعم ضربوني
٣)**'*
أنهاري لــو غمض جفــن
يمطر علــى گلبي الحزن
المشتاگ طبعه بس يون
........... وانته النظر لعيوني
٤)**'*
الممرود گلبه أمن القهر
يحضن ضلع وياه نحر
ما يشرب لو جابو نهـر
........ويمك راسك أيشتموني
٥)**'*
لا تبقه نايم علــــ الارض
الخيــل متعنيه ركـــــض
لصدرك أجت بويه ترض
..........وصوت الكسر سَمعوني
٦)**'*
أمنين اجتنـي كربلـــــه
وانه الحبيبه أمـــــدلله
راوتني كل هـــــذا البله
........... من شوفتك حرموني
٧)**'*
ما تغفه عيني عل الهزل
وكلساع يلچمني الحبل
وَعلينه صيح چم نذل
........... ويم الرمح هضموني
٨)**'*
عمري زغير أعله الضرب
والحادي ناوي ليـــا درب
درب الخرابه شكد صعب
........... أهل القصر سمعوني
٩)**'*
جابولي راســـــك بالطشت
اليهضمني صدرك ما شفت
فوگ النحـــــر وتعذبـــــت
............. وبصدرك ايدفنوني
١٠)**'*
راسك عله اسنان الرمح
بالليل شفتك چم صبح
شمس ابحياتي ابلا ذبح
.......... بگبري أظل عافوني
***
#عمار_التميمي
/channel/kadeemalzhraa/3474