676
كلشي اريده ... وما دريت انته شتريد ارزقني طاعه ما اجادل كالعبيد ... ........ (لنشر القصائد الحسينيه... فقط) للتواصل ( @amaar33 )
هوسات مولاتي رقية........
يا ضحكة رقيه كلــش احتارت
غارت خيلهم لو كلها هم غـارت
معقوله أسيره الدنيا لـــو دارت
علويه سبيه وهاي ما صــــارت
( دلالي الضاع لو سلبو الترجيه)
****
دورتك عطــر وبروحـــي أشتمك
ومتيه الدرب دلاني بــس دمـــك
انه وخنصرك ضيعنه هم جسمك
حوافر خيلهم امغيره بـــــرسمك
(يخيول العــده مـــــو هذا والينه)
َ*****
الزغيره اختها ويـــــاها بالناگه
مجتوفه اديهـــــا وهيه مشتاگه
وبليل الخرابه حسيــــــن نتلاگه
يا روحي تموتي مطول أفــراگه
(وتراب الخرابه يلچــــم جروحي)
**
حنت روحي ولعطـــــرك أشتمه
من نحرك أشمه وبويــه هالكلمه
حسين العافيه لــــو رددت أسمه
عجيب اشلون راسك بـلا جسمه
(وشيال الرمح نزل الرمح عـــالي)
*
والفاگد حبيبه يلطـــــم أبحيلــه
وحسين اليحبنه يلطــــم أبخيله
بالحافر نكسر اضلوعنه الليلـــــه
يا روحي تموتي حسين تفديلــه
(يا روحي قليله المــــوت لحبابي)
**
#عمار_التميمي
#نزله
محرم / مسلم
لاح طيفه من بعيد
مسلم الليله وحيد
١)...............
.................
انرسمت اعلوم الحرايب بالغدر
والفجر لو طـــــر عليهم هالفجر
تبدي آيـــــات المعـــارك والعسر
اليله صولاتـــــك يحيــدر تنذكر
أعوان مسلم هم يريد
مسلم الليله وحيد
٢)...............
.................
اتوجه لصوب الزياره الكربله
ماخذ أحروز الخيم مــن كافله
اتباهه بي عباس ويه المرجله
وبالگلب حب الحسين الشايله
خله بالكوفه رعيد
مسلم الليله وحيد
٣)...............
.................
بالكرم اهل المضايف تنعرف
وألنِعم طوعه بكرمها تنوصف
ما يهمها لو كِثر جيش الضعف
كفكفت منه المعارك مــا يكف
طوعه وي مسلم عضيد
مسلم الليله وحيد
٤)...............
.................
اســد معروف بشهامة حيدره
بالحرب لاهل الهواشم مفخره
لزمو اعله الموت كلهم بالسره
عله طوله هالشهامــــه أمگدره
سيفه قتال العنيد
مسلم الليله وحيد
٥)...............
.................
مسلـــــم الليله أيـــــودع هالحياة
تربه مــن مـــــولاه عنده للصــــلاة
ليش من فوگ القصر قصر الطغاة
لان عالي وما هـــوه لحد الممات
مسلم اولهم شهيد
مسلم الليله وحيد
.....
عمار التميمي
نزله للانصار /محرم الحرام
حسين وفخرهم واضح عشگهم
١).............
للكفله الإخـوان بالفرحه واحزان
وجانو سند ليه عِبره للازمـــان
اصل المراجــــل ابغيره ويقاتل
فخر الخدر ذول سادة وأصايل
إِعرف درسهم واضح عشگهم
٢)...........
شيخ الرجولـــــه مفخر أصوله
(حبيب) وأسد هاذ فحل الفحوله
لو يضرب بسيف ما يخطه يا حيف
عشگه حلم چان لو شافه بالطيف
حته بحلمهم واضح عشگهم
٣)...........
(جون) العشگ جون ذايب بالعيون
فارس فخر صـــار خادم للضعون
حُبك يعـــــــابس فخر المجالس
واجب درس كون ابكل المدارس
يرفرف علمهم واضح عشگهم
٤)...........
(ابراهيم) و(عامر) خلقوا مگابر
جثه أعلــــــه جثه صنعو منابر
(شبيب) وي (قره) دره أعله دره
فخر الحرب ذول گبالج يحره
ثبتو عهدهم واضح عشگهم
٥)..............
اعرف يسامع (وهب) وي (نافع)
دين واصايل ســـاده ومراجـــع
حامو عن الدين وفدوه للحسين
باقي ذكرهــــــم كل هاي الاسنين
فدوه لعمرهم واضح عشگهم
***************
الانصار اللذين ذكرت اسماؤهم
--_________________--
جون (مولى أبي ذر الغفاري)
عابس بن شبيب الشاكري (رض)
ابراهيم بن الحصين الأسدي( رض)
عامر ابن حسان الطائي (رض)
قرة بن أبي قرة الغفاري (رض)
شبيب بن عبد الله النهشلي (رض)
وهب بن عبد الله بن جناب الكلبي(رض)
نافع بن هلال الجملي (رض)
......
#عبد_فاطمة
#عمار_التميمي
أم البنين *عليها السلام*
..............
....
اللهم أجبر..... قلبي المفجوع
بحبيبي يا الله
==========
اولادي صارولي جرح
وربيته جرحي للخدر
وبروحي احملك گمر
چفينه لعيونك نذر
علمته سيدي يكول
وللخدمة يوليدي افتخر
يحسيني أخذه هالعمر
بس لا تسولف علهجر
هجرك عذاب
وابقه اتانيك ابجروحي
هجرك عذاب
من تبتعد يعله نوحـــــي
هجرك عذاب
جدمي بقه ابلايه روحي
==========
گلبي عله اثار الدرب
ابعيني انرسم دم وسهم
وابقه اناطر للصبح
فدوه الك راعي الخيـــــم
ترجعلي وبزود وفخـر
ومرفوعه ايدك بالعلم
راية نصر مو باليسر
ضعنك يجي وگلبي أنهضم
راجعلي ريت
واشبع نضر من عيونك
راجعلي ريت
والله ما اعيش بدونــك
راجعلي ريت
وحلمي غفه عله متونك
==========
عمري كضه نـــــوح وقهر
ومتعلمه لأجلك أون
لو لحظه من يمي غبت
يوليدي يذبحني الحزن
أشعر غيابك بالنفس
وعبرة حناني من أحـــــن
ظني اشوفك لو رجع
ضعنك يروحي مـــا أظن
ما أظن يجي
ضعن الترافـــــه والدلال
ما أظن يجي
وجيتك الي اصبح خيال
ما أظن يجي
وخـــــدك عله حرّ الرمال
==========
يوليدي چلمه واعتذر
عباســـــي كاسرلك ظهر
كالوها ضهرك منحني
من شفته طايح علنهــر
شفت السهم ابعينه غفه
وچفوفه مگطوعه بفخر
غيمة غربتك چيمت
ومُطرت دموعك للگمـــــر
حسيني غريب
والدنيا ظلمه بغربتك
حسيني غريب
اسمك وطن وبديرتك
حسيني غريب
وسلبوها يبني خيمتك
==========
كل الفخر چفه انگطع
يا روحي وبعينه جرح
من عينه ينزلك نهر
ويصعد جماله اعله الرمح
يتوسم الحب والشرف
بهيبة وصالك يالصبح
كالوها ذباحك گعد
فوگ الصدر نيتهَ الذبـــح
كالولي طاح
وضهره انترس من السهام
كالولي طاح
وصار الحرگ بأشرف خيام
كالولي طاح
وعيني بعـــــد ترفض تنام
==========
راسك عله اسنان الرمح
ودمك نـــــزل عله الترب
ضعنك طلع شايل دلال
الضعن رجع بأسم الغرب
زينب اجت وبلا متون
متن الدلال شابع ضــــرب
وسكنه ورقية من لفو
ازغار الترافه اعله الحرب
ضعنك اجه
وصعد الهزل رايد چفوف
ضعنك اجه
وراسك عليهن بس يشوف
ضعنك اجه
و أم الخدر بين السيــــوف
==========
#عمار_التميمي
وارث الامانه
يا ذخر من البدايه
وارث الامانه
ينذبح بآخر روايه
تبدي الجروح أبــأدم ونوحـــــه
وبحسينه ضلت هايمه اجروحه
ومجلس دمع صار أعلمذبوحه
ونوحه
يبچي أعل الضل عريان
انسلب هدمه
ابو اليمه
وعله جسمه... الخيول
انكسر ضلعه
ومُطر دمعه
أحترگ زرعه.... أبطبول
@@@@@
نور ابچفوفك
يا كليم الله وضياءه
نور ابچفوفك
جسمه نور بكربلاءه
انفجرت اعيون الحجر بيدك
مو اثنعش طبره الطبرت اوريدك
ريتك يموسى حاضر وريتك
يريدك...
تروي اشفاف الضل الذبلان
انطبر نحـــــره
انسحگ صدره
الارض جمـــره ... عذاب
يموسى تشوف
عذاب أطفوف
ومئات أسيوف.... مصاب
@@@@@@
سَلب الخواتم
من زمن آصف سليبه
سَلب الخواتم
مو عجيبه ولا غريبه
يا سليمان أعله النمل صابر
ريتك تحاچي الخيل بالعاشر
كسرت ضلوعه ويا صدر كاسر
الحافر
صاير صدره بس الميدان
نار ابدليله
گمر ليله
كسر حيله..... أشتياگ
الحزن جرحه
ونسه الفرحه
الصعب شرحه.... الفراگ
@@@@@
كلمة الباري
عيسى يا روح القداسه
كلمة الباري
حسين وعلرمح راسه
عندك أنصارك ما شفت حيرة
وحسين عنده الحيره أزغيره
عنده السبي من ديره لديره
جبيره
محتار أبسبي النسوان
سكت ونه
مشه ضعنه
انسبت سكنه..... الدلال
دلاله الراح
ابضعن ذباح
خشن وجراح..... حبال
@@@@@@
باب الحوائج
والدعا ابابك ضمانك
باب الحوائج
ملجأ المذنب مكانك
يا أمان الله الوحدك ابغربه
واليلهج احروفك ينكشف دربه
گبال الغرب ويه العطش صعبه
الغربه
اشلون الماي أيضل عطشان
العطاشه اتصيح
وسموم الريح
يگوم أيطيح.... حسيين
أنذبح مذبوح
ملح وجروح
الألم بالروح..... حسين
..........
#عمار_التميمي
#علي_الاكبر
.......
هَب العطش وسط أخيام
وجرح العطش ما يلتام
الاكبر طلب رخصة موت
قَبَل چفوف حسين وگام
اترخص الاكبر
ابعين ابوه يكبر
لمن برز للحرب
صارت مگابر
وخله العساكر
أتدور مفر للدرب
.............
غص الهوه أبصدر أحسين
وعطشت عيونه ادموع العين
رجع علي ويطلب ماي
صار النهر عل الخدين
يوليدي إِگرب
صر يمي أقرب
اقرب بعد بهواي
هذا لساني
لجرحك خذاني
يابس بقه ابلا ماي
...............
راح لخيامه ويسمع صوت
يمه ابسلامه اتروح اتموت
ترجعلي جسمك كله اجروح
جسمك اطريح ابلا تابوت
فدوه لجمالك
عشت ابدلالك
صعبه حِمل الفراگ
نتوادع صعبه
ما اعيش الغربه
وابقه بگلب مشتاگ
............
عجت ترابه وصوت أسيوف
الحسين ابغربته ضل أيشوف
علي الاكبر يعطش موت
وصارت عليه كلها أتطوف
انصابت مهرته
أبدمه وعبرته
وأتجهت أعله الگوم
بالغربه واحتار
وأنضرب بحجار
من جرحه صعبه يكوم
............
حسين وسمع الاكبر صاح
راح بمهرته وشافه اجراح
مات الصبر عند أحسين
من ايده ابنه الغالي راح
يشهگ أنفاسه
ويشمه راسه
ويمسح دموع العين
يهمس ابذانه
وبكل حنانه
انه ابوك أحسين
.........
......
#عمار_التميمي
t.me/kadeemalzhraa
https://youtube.com/channel/UCiEH95PhMAhctRdLmH1N00g
#مولاتي الزهراء وابا الفضل العباس
......
يوليدي يابو الفضل يا عباس
وشكرا ما قصرت يا نوماس
....
اعيونك شايله الغيره
الدنيه بچفك أزغيره
الضايع باقي بالحيره
ومن نورك عرف دربه
ربك راد الدنيا ابخير بچفك گام خلاها
شگد ممنون يالعباس اجروحي ابعينك دواها
احساسك بيه مرجلهلكل الناس
وشكرا مـــــ.ـا قصرت يا نوماس
.....
قبل الذر الك رايه
ربك رادك ابغايه
للخوه أتضل تچايه
كافل للخيم شامخ
چفك طاح يالعباس ومثلك ماكو أي غيره
بيك اجروف تروي الناس وجرفك باقي بالحيرة
شاره وشايل هلا كلها احساس
وشكرا ما قصرت يا نوماس
........
امك انه واحجيها
بيك و راح ابديها
الدنيا وبيدك اجفيها
لو شافو ظل الخيم
الخيمه اتصير سگف حسين وانته الساند الخيمه
أَحجي زماط يالعباس أبچفك تگلب الهيمه
اليوصل ظل خيم ابلا انفاس
وشكرا ما قصرت يا نوماس
.......
وليدي وزلمة اتباها
تردم خيل خلاها
العالي صار جواها
ومن أسمك گمر هاشم
اليرفع سيف ضد عباس امنيته أيَنَزَل ابسيفه
نفرض راح ما ينشاف يرجع ميت ابطيفه
ماكو مثلك شبهه بالمقياس
شكرا ما قصرت يا نوماس
.........
من هجمو عله بابي
يبو فاضل صار اجوابي
الدنيا اتلوذ بحجابي
وچفك للستر مخلوق
ضلعي انصاب يالعباس ومحسن مني هم طايح
الدنيا تلوذ خلف الباب وخدي أمن السطر شابح
ثاري بچفك يرد يا عباس
وشكرا ما قصرت يا نوماس
........
#عمار_التميمي
شــــــــــور
.......
عندما شاهدت زينب عليها السلام هلال محرم
@@@@@@
١)
يا هلال
الله واكبـــــر لا هـــلا
ياخذني رسمه لكربله
يجرح أعيون العايلــه
يا هلال
كل ذكرياتي عل النهر
وضعن الخدر لَمَن عبر
ما شفنه طايح بس گمر.... يا هلال
من تهل فوگ النهر
جرفه مكسور الظهر
...... وچفه عن چف مفترگ
طايح ابعينه السهم
وبالعمد راسه انهشم
.........وانه بالخيمه أحترگ
@@@@@@@@@@
٢)
يا هلال
ليهسه چبدي بيه عِطَش
وتبقه العشيره أبلا نعش
ودمعي عله خدري أنفرش
يا هلال
عفت الغريب ابلوعته
وتحت الحوافر شهگته
ليهسه اسمع صرخته... يا هلال
ألا من ناصر يگول
وركضن لصدره الخيول
........... اشلون يبچي المنذبح
شرد أسولفلك بعد
عل الرمح لَمَن صِعد
......... طگ لهاته ويه الرمح
@@@@@@@@
٣)
يا هلال
لو تدري بيه وشجِره
وانه اعله جسمه عابره
صعبه الحوافر اتطشره
ما شارب المايّ العِذب
ومنه الهدم من ينسلب
يابس ولا شاف الرطب.... يا هلال
ولا كتر منه سِلَم
وحيلي بغيابه انهدم
............ابن حيدر ينولي
والحرم شافت اجو
وكلهم يمنه اتجمعو
.........ولا حضر النه علي
@@@@@@@@
٤)
يا هلال
لو مرني ليلك انلچم
لوحدي غريبه ابلا زلم
احزامي همه والنعم... .. يا هلال
خدري الطلع كله دلال
يمي الهواشم والعيال
ما نرجع اله ويه الحبال.... يا هلال
أحچي من حرگة صدر
الشام محتفله ابغدر
.......... والطبول أعله السبي
وسمعت هذا منو
عل الرمح هذا العدو
.......... وسفه نصبح أجنبي
@@@@@@@@
٥)
يا هلال
ندخل دواوين القصر
واحنه اليسمونه الخدر
ونسوه وعلينه بس زجر .... يا هلال
أومي ابچفوفي للصمت
وأگلب قصرهم لو ردت
لأمر الله انه تقبلت ..... يا هلال
استزغرت جبت الطغاة
من سِلب مني الحياة
..........وانه بت حيدر علي
أحچي وبزود وفخر
انه اخت العل نهر
............ يگلي دومه تدللي
@@@@@@
#عمار_التميمي
رسالة لكل خادم....
@@@
كون احساس حبك ينحجي وينشاف
وروحـــــك للغريـــب هناكـــــه وديها
رضت لو ما رضت وياك تمشي اتروح
تجر كــون الاذن وتعتها أمن أديـــــها
واعلــــــــــن آه گلبك تنخلقــــك روح
النقيه وطاهـــــره والكلشي مـــا بيها
أدب روحـــــك لمَولاك مـــــن تشتاگ
وعلمها الوفـــــه وتِذَكـــرها تــــاليها
عرفها اليحب مـــو حجي بس لسان
عرفها تـــــره الدنيه اعلــــه راعيها
علمها الالـــــم فضة صبـــــر تنصاغ
بنار الحب تنچوي وتبرز محاچيهــا
فهمها اليحب ملچوم مـــــن يشتاگ
رقيه اشتاگـــــت وبانـــــت بواچيها
داست علـ الجمر عرجت تحتهه الكاع
وطاف الـــــدم عليها بجـــــر تراچيها
يصعد علرمح مـــــا يگـــــدرلها الماي
لذلك مـــــا أنشال وبلل أيديـــــها
وتعرف بالامـــر خيط السبي چتـــــال
واذا لاحـــــت النـــــار الخيمه تسبيها
ركضت والوكت ما بي زلـــــم تغتاض
وداست كـــــاع مــا تعرفهـــــا رجليها
طگت شوط يعبـــــر فكـــــر العقـــــول
بيـــــن اكبـــــار والضربـــــات تاذيـــــها
هنا ادبهه روحـــــك والمصاب اهـــــواي
حته احســـاس گلبـــــك ينشرح بيهـــــا
.......
#عمار_التميمي
يوم السابع
(شـــــور)
@@@@@
يبو فاضل... يبو فاضل
١) *
أنته زلزال الطفـــوف الحاصل
وصيتك لأعلى المراجل واصل
تبتسم وكت الشدد كلها تصيح
يابو فاضل يا مدد يا كافـــــل
كَشـــاف الهمم
عاَمــــود الخيم
حسين ابحيرته
شافك وأبتسم
٢)**
رجفت الحومــــه وبـــــرز راعيها
وعاجـت الغبـــــره وجثث تمليها
گِلب يسرتهم علـــى جيش اليمين
وغاص ابوســـــاط الزلـــم يفنيها
صولاتـــــه أسد
مـــــا مثله أحد
ضرباتـــــه ابوه
وأچفوفه المدد
٣)*
يا صلب الإيمان قَتــــال الكُفر
أمگدر لأختك يبو فاضل ستر
زينب أتــرد بسلامتها تريـــــد
ذبحتها الجيش نــــذرك للخدر
مصداق المقال
قتال الرجــال
حزنك الانتظار
تفرح بالنــــزال
٤)*
ابو فاضل حِيد والشيخ الچبير
أترادم أويه الجيش خلاها تحير
أزماط حيدر ذخر وليوم الطفوف
عندك أرض المعركة اتحدد مصير
يا طعم الوفه
باب المعرفـــه
بعيونك عشگ
تمطر عاطفـــه
٥)*
رخص أچفوفه وعله الدنيا الهوان
وأنسلب مــن الخيم كل الامـــــان
ضلت اصوات العطاشـــــه بأنتظار
اتبده ماي الجربه خضر كـــل مكان
أنضربت هامته
أحتار ابطيحته
ادركني يخــــوي
صـــــاح أبدمعته
*
#عمار_التميمي
#نعي_لأم_البنين
لما جاء بشر أبن حذلم ينعى الحسين عليه السلام
قالت له أم البنين عليها السلام...
#####
يـــــا ناعيَّ الطفِ لآ تَنعَى الأربعهَ
قفْ على شِجوني وأنعَى الأضلُعهَ
وأذكُر حَبيبي فَقَلبي قــــدْ تَقَطعهَ
قالو بأن الخيل قد كانت موجعه
___
بحَوافر خيـــــل داســـــوُ أضلوعهَ
وصوت الشهكه للخيمه مَسموعهَ
وانه أم البنيــن الليله مفجوعـــــهَ
مـــــن صيحة الناعـــــي بهالمدينه
صـــــاح اليحب حسين چـــا وينه
وبهـــــالسيف جسمـــــه مگطعينه
أنـــــه ام البنين الناشدت عنـــــي
معروفه بحــزن واهاتـــــي وبوني
كـــــل ظني يـــــرجع خيبت ظني
أعله جسمه الحوافر حيل مطبوعه
....
#عمار_التميمي
#نزلة
خدام للمنحر ....... شرفنه بالمحشر
........
بالخدمه كــل خـادم شرف يتباها بالنعمه
يلطم على صدره ابفخر ويتوسم الخدمه
ثوب الخِدامه بهالفخر مــا ينوصف رسمه
واليلطم أبحيل الصدر خـل يفتخر بأسمه
(كل خادم ويفخر ... شرفنه بالمحشر)
......
الناطيني كل خيمه طفل وبگلبك احزاني
عشت بدلالك مفتخـــر واتمنــه ترضــاني
خادم اصيرلنلك عبد يـــا سـيدي وانــــي
اهواك مـــن زغري جنت وامنيتي تهواني
(التحبه ما يخسر... شرفنه بالمحشر)
......
بَيّنْ عَله شفافه العطش وعيونه ذبلانه
ذاريهن ارمـاد الخيم والچبده عطشانه
كلهن يجرحن بالصدر خاطر اعيش انه
خدام نبقه بمجلســـك مولاي ترضانـــه
(بلمجلس أمقدر.... شرفنه بالمحشر)
......
كل واحد يحبك فرض يلطــم على حيله
يحسين مطحون الصدر والداسته خيله
اقرالك احروف الدمع يـــا سيدي الليله
والخادم الحبك صـدك بأعذوبه تحجيلـه
(خدام هالمنبر.... شرفنه بالمحشر)
.......
مــــا اعرف ايامــي ابـــد اله بمجالسكم
حته الهوه هنا يختلف يـا سيدي نحبكم
أفتخرو خدام الشرف هــذا الشرف الكم
أمه الزجيه بكل فخـــر عــدها وتسجلكم
(والما حضر يخسر..... شرفنه بالمحشر)
شكرا للحسين عليه السلام
......
#عمار_التميمي
/channel/kadeemalzhraa/3375
(درب السبي)
١)****
يحسين
طحت وصعدنه أعله الهزل
يحسين
الحادي اجه وبيده الحبل
..... صعدونه واحنه اهواي
ومحد اجه لضعنه
والحادي ما رحمنه
أبين الغرب وگفنه
...... يا محله ملگه الموت
ولا چلمة الغريبه
ومنين العِرف اجيبه
وانه العشت مصيبه
المصيبه... تسمع مات اخوها
الغريبه.... وعدوانك خذوها
٢)****
لا وين
ضعن الفخر هيبه طلع
لا وين
ابلا كافلي خدري رجع
....... عفت النهر عطشان
وخَضَر درب سبينه
بالذله ما رضينه
يم الرمح مشينه
......ما نعطش احنه الماي
اليروي نظرنه رايه
وأچفوفه للحمايه
ما نشرب أله مايه
الهضيمه .. صاحولي يزينب
اليتميه ... بالسكته تنحب
٣)****
والخيل
ابهذا الدرب داسن طفل
والخيل
عشره مشن ويه الهزل
...... نشتم عطر الحسين
بالحافر الگه عطره
دم ولحم أنظره
الطشر دلالي هجره
..... عِطشت عيوني أخيام
وسوگ الغرب مراره
جار اليوصي جاره
اتصير الهلا أبحجاره
وصلنه ... ومجتوفه اسيره
دخلنه ... سوگ الماله غيره
٤)****
يالشام
ليش ابفرح واحنه بسبي
يالشام
أحنه فخر بيت النبي
..... .. هزله ودرب مسحوگ
حجارة التطگنه صعبه
صاحو علينه غربه
تاه الضعن و ابدربه
.......... . تاه ووصل للباب
باب القصر عذابي
شمسوي يا مصابي
بيهّ انسمع جوابي
دخلنه... قصر الماله راعي
وعرفنه.. هالليله ضياعي
٥)****
وتراب
الخرابه يا دار اليسر
وتراب
دخلت رقيه للگبر
...... اليفگد حضن مسحوگ
طيف اليمره حافر
وسوط والم تكابر
طفله عمرها عاشر
....... صعبه تدوس الگاع
داست جمر رجلها
وركضت عله أجلها
طَشت الذهب وصلها
تصيحه.... يالجيتك چبيره
جريحه... وابنيتك اسيره
*
#عمار_التميمي
#شور
محرم / قصيده الانصار لابو الاحرار
********
انصارك.. يا ابو الاحرار
.......
يا رأفه وكلها احساس
حبيب يا شيخ الناس
وگف يم الخيمه وباس...... عمود الخيمه
ما همه الجيش وغار
نار وبصدره الثار
غيره وعزم الاحرار........ أسود بالهيمه
خله اليمنه يسره وبالحومه برز
عل الحومه يتمخطر ما كل وعجز
خيط أمن الخيمه بچفوفه حرز
الهيمه اصغيره.... للشايل غيره .... الوفايه
يرويها اعيونه.... بتراب اضعونه...والرايه
...........................
يا عطر الجنه أبجون
عشگ أحسين ابلا لون
شايل كل حب أجنون ....... يعطر الجنه
الموت بعيونه وفات
ما شايل هم لو مات
شهم عند الكلفات...... اليوصل فنه
أحزام أعله خيامك خليني عمر
ارزقني أمن الجنه ريحان وعطر
ذرني فوك ترابك ذره أعله الگبر
عشگي ايعروفنه... عطري أمن أضعونه.... من صغري
ما عندي أجروحه..... يالناطي روحه........ لكل عمري
......
ذب درعه والطاس
حجار ما تهمه الناس
عاش الجيش ابوهواس.... عابس أبجنونه
غار عل الجيش ولاح
أبسيفه ايكسر ارماح
الما لحگ وطاح ......... تخزره أعيونه
طب للحومة وينشد تربات الاسد
من عباس ابطوله ماخذلي وعد
معشوگي محبوبي من حضن المهد
اركض بالحومه... ما همني أرسومه...... أجيوش الكفر
أسمي من عباس......وبگلبي أحساس... صولاتي ستر
.....
روح يا عشگ الروح
زهير وبگلبه اأجروح
بطل وأبأرض السوح.....امير الملگه
ابروحه يفدي اخيام
جبل واكف كدام
لاهم كثر أسهام......ابصدره اتلگه
رد للحومه ابغيره ومكشوف الظهر
مختومه أعله أزنوده جربات النهر
هوساته ابصولاته عد زينب فخر
تحجي صولاته.... صعبه ضرباته..... لو غِضب
ابسيفه الغيره.... والجيش ابحيره.... لو قرب
.......
......
عمار التميمي
#عبد_فاطمة
نزلة /محرم الحرام
#نزله
.......
رايح أحِسينيّ
هجره يسبيني
عشت المصاب .....
=========
هجـــــره عذابـــــي @وبعـــــده غريبه
الفـــــارگ بنــــاتـــه @ايعيش المصيبه
ياخـــــذ خـــــواتــي@ وكلمــــن نصيبه
بس قسمتي الشوگ @ وانـــــه الحبيبه
عيني أبدربهم
ابقه أنتظرهم
عشت المصاب......
@@@@@
يا ريح الاشواگ @ وصل سلامي
لانفاسه وصليـه @ حبي وغرامي
ومري على شفاه @ گالولي ضامي
ما شـارب المــاي @واجدامه دامي
أعطش عيونه
مَيته بِدونـــــه
عشت المصاب .....
@@@@@
جمره غيابـــــه @ واحلامي خيمه
وما تطفه ناري @ وانـــــه اليتيمه
هزله ظنونـــي @ وتاركنــــي هيمه
أيـــــرد لغربتي @ يلگانـــــي غيمــه
أطفي جمرتــه
اهواي انتظرته
عشت المصاب .....
@@@@@
جدمــه مــــزاري @ ومشتاگه أطوفه
وصدره منامــــي @ يــــا يوم اشوفه
اغفه أعله صدره @ وتفـــــز سيـوفه
مشتاگه لحسيــن @ صعبـــه اعوفــه
عفته رميه
ابن الزجيه
عشت المصاب .....
@@@@@@
كابــوس الاحلام @ يخنگ بالانفاس
واجدامه بالخيل @ كل ليله ينداس
ومـــــره اشوفــه @ جثه بِـــلا راس
ونحره رضيعــــه @ بيه السهم باس
كل ليله اشاهد
واقع واعانــــد
عشت المصاب .....
=========
#عمار_التميمي
يا حبيبي يا غريب
يا حبيبي يا حسين
######
............اليحب الله بحياته
............تعرفه من صلاتـــه
تعرفه بصبره وبصومه
عزيزه كشخت أهدومه
غريب ونفسه مهضومه
............اليحب يصبح أمام
............ يسافر ويه احلامه
............ عباده يگضي ايامه
يفارگ كلشي ويهاجر
يموت ويحيّ كل عاشر
ضلوعه أتصاحب الحافر
.............وجمر گلبه الخيام
يبقه يعاني ..... وروحه اتاني
رحمة رب العباد
أيمهد گبره.... أبصومه وصبره
نور لكل سواد
(يا حبيبي يا غريب/يا حبيبي يا حسين)
**
............التشوفه أتحبه العيون
............يلـــــوذ أبسد الجفون
اليعرفه يبقه بانفاســـــه
ايموت ابحبه واحساسه
عله الدنيا انرفع راســـه
............ وعله الدنيا الهوان
............تلچمه كلمـــــه أشلونك
............غريب العاش من دونك
گمــر ومناطـــــر الليل
ابحوافر داسته الخيل
غريب وضايع الحيل
............ أبفجر ضاع الامان
حسين الغالي.... وذِكره ابـــالي
مسلوب ابلا خيام
شكتــــب عنه.... أخيام وضعنه
أبحر الشمس ينام
(يا حبيبي يا غريب/يا حبيبي يا حسين)
**
............الدموع أبخده محفوره
............تفارگ آيــــه وي سوره
ينعمة الله وانـداست
الحوافر منك اتعافت
الخيم لو منك انباگت
............تضل روحك غريبه
............غريب الماكو خوانه
............يطلب مــاي عدوانه
مباح المـــــاي للصحره
العطش ذابح گلب حره
هضيمه وتعطش الـدره
............النهر يعطش عجيبه
ذِبلت روحه.... أهواي اجروحه
شمس حر وعذاب
أحروف أحسيني... تروي سنيني
وأحيا أبكل مصاب
(يا حبيبي يا غريب/يا حبيبي يا حسين)
**
............عشگ ما يجفه من بالي
............اليهل دمعي يضل غالي
دموعي شافعه لذنبي
مضيئه باقيــــه لدربي
يعيني بكل هضم صبي
............أبجزع هلي الدموع
............ عرفته خيمه للخادم
............ يرافگ صاحبه النادم
خيامه لاجلي حرگوها
هدومه الباقيه أخذوها
ضلوعه ابذنبي داسوها
............آه ياا صوت الضلوع
هذا مصابه... ولاجل احبابه
نفسه بهالطف تهون
هَمَهَ الشيعه..... بعد الضيعه
تحفظهم دمع العيون
(يا حبيبي يا غريب/يا حبيبي يا حسين)
**
............اليحب يعشگ تفاصيله
............ يسولف ابحبه كل ليله
يهيم بعالـــــم الخدمه
گمــــر ويغازل أبنجمه
يعوف أذنوبه التلچمه
............ يطهر گلبه بالعين
يلهج دومه ابحروفه
وحلم عمره فقط شوفه
يقبل رجله وأچفوفه
............ چبير اليعشگ حسين
عشگه الايه... وبلا غايه
فقط رضاة الزهراء
نثبت حبنه..... من نتعنه
ارض طف كربلاء
(يا حبيبي يا غريب/يا حبيبي يا حسين)
######
#عمار_التميمي
#العباس
يبو فاضل.... يبو فاضل
..........
اجيتك وارتجيك
ودمع عيني عليك
يبو فاضل
يخويه راح أگول
ركضنه بنص خيول
يبو فاضل
اجيتك دمعتي بخدي
وحالـــــي يكسر الخاطر
يعباس الخـــــدر رايح
گلـــــي لروحتج عـــــاذر
أنه أشلون أطلع الوحدي
واصعد عل الهزل باچر
كل نضره سهم بحشاي
وكل (منهو) سهم غادر
يبو فاضل.... يبو فاضل
@@@@@
الگبر اهون اشوف
ولا سَبيّ الطفــوف
يبو فاضل
خِذت منــي الســـلام
وحِرگ جدمي الخيام
يبو فاضل
المصيبة الاعظم العندي
اشوفه بغربته طايح
يجر اعمامته ويرفس
ووجه من الضِمه شابح
اگله حسين لتذبحه
يگلي وداعتج ذابح
وينك وانته مو يمي
سَمعني الحچي الجارح
يبو فاضل.... يبو فاضل
@@@@@
مشي مرافگ رماح
الضرب عَلَهَ الصياح
يبو فاضل
اعوفك عل الرمال
واشد أبيدي الحبال
يبو فاضل
تركتك عاقده النيه
ودمع من عندي واتبده
دلالي الضاع يا عباس
ابضلع امي الي ترده
عگبك صارت الوادم
كلمن ما عرف حده
بس عرفو اسم زينب
صار أبكل لِسِن رده
يبو فاضل.... يبو فاضل
@@@@@@
جرح بيه الزمان
وحدونه بچم مكان
يبو فاضل
درب ما طره خيل
مشيته ووحدي ليل
يبو فاضل
بعدك بالحراسه نبات
وغيرك يحرس الخيمه
بچي ايتام ما يردون
گلي أشيقنع أيتيمه
اذا شاف حوافر خيل
وگلبي الشايل أهضيمه
اديرن وجهي وين الگاك
صارت خيمتي أبهيمه
يبو فاضل.... يبو فاضل
@@@@@@@
ذبح مني الامان
وكسر دمعي الزمان
يبو فاضل
ودخلنه بغربه سوگ
وعلينه تبچي نوگ
يبو فاضل
غيور أمن الضوه تزعل
لو نمشه ابليالي البر
هسه الدنيا ما تطفه
امشي لوحدي ما أگدر
جسمك فارگا الفياي
وبقيتوا بنومة الحر
شيسوي ملح التراب
اذا ضل يلچم المنحر
يبو فاضل.... يبو فاضل
@@@@@@@
أميره ولا حچيت
ابقصرهم ما بچيت
يبو فاضل
ضعن أهلي غريب
القصر ذاك قريب
يبو فاضل
القصر عتباته چن جمره
تلچم خاطر ارقيه
تريد حسين بس تبچي
وهيه برگبتي وصيه
تگلي أحبالهم خشنه
يعمه و ترفه أيديه
عطشت هالسياط الدم
تضرب جسمي يوميه
يبو فاضل.... يبو فاضل
@@@@@@@
#عمار_التميمي
نزلة //
محرم الحرام /بين مولاتي العليله وابا الفضل العباس
.......
كمر يا ناس عمي عباس
١)_____
انــت يالكافل ضعنهـم
انت خيمة فوگ ظلهم
كفو سبع الگنطرة
بروحك أتحوس المعارك
أسد ضرغـــام ومشـــارك
كل حروب المفخره
تعطش اعيون الصحاري
لـو طحت فـــوگ البراري
والمعارك حايره
(انته الاحساس... عمي عباس)
٢)_____
عمي فـدوه خـــل أگلك
خلني امشي جوه ضلك
ادري رايح للحرب
لا تــخلينـــــي اسيـــره
ابيتي ما اعيشن اميره
لوحدي ابقه بالغرب
اخذني يمك والي رجعه
اجروحي ما تشفيها دمعه
اعرف اخطار الدرب
(خنگه الأنفاس.... عمي عباس)
٣)_____
بيك تبدي كـل بدايه
تحمي اركان الهدايه
انته محيّ للمجد
يغلـط اليرمش عيونـــه
أيطيح راسه من متونه
والبرزلك ما يرد
يسكت الجيش ابخزرتك
تسجد الغيـــره بحضرتك
عطر ريحان وورد
(الغيره تنقاس.... ابعمي عباس)
٤)_____
مثل ما طلبت سكينه
الماي يا كافــل ولينه
طلبتي ترجع الي
وحال ابونه لو جراله
ترسل لگلبي ابرسـاله
هو كل ناسي وهلي
من بعدكم مو حبيبه
مثــــل زينبكم غريبه
راح اضل أبلا ولي
(شمعةالناس.... عمي عباس)
٥)_____
روحي متعلمة أعله اسمك
تهت بيمـــن ردت ارسمــك
ابعيني شايفتك گمر
انطيني چفك خل اقبله
چم نهـــــر رايـــد تردله
حسين لو راد النهر
خدمــة المؤمـــن عباده
وانته خادم لابو الساده
انته لحسين الفخر
(أعيونه حراس.... عمي عباس)
***
عمار التميمي
#ثكيل
السيده زينب وهلال محرم الحرام
......
هلال @ مملكة خدري الضعن
هلال @راح اسولفلك محـــن
هلال @من وطن فارگ وطن
جروح... جروح
١)======
يومك أينزل دموع الفاگدات
وتنفرض بالبال كل الذكريات
أذكر طلع ضعن الخدر
ويا محله مشيي القافله
وياي ابو فاضل وطن
نهر الوفه من كربله
الضعن@ طالع ابهيبه وفخر
الضعن@يمي ابو فاضل نهر
الضعن@ومن مشينه أعللقدر
جروح... جروح
٢)=======
والدرب كله دلال ومـــــو يتامه
نسمع الله وياك ترجع بالسلامه
سافر ابوها وما رجع
اشلون وعليله بالغرب
ماتت وكت مشي الضعن
والينهجر حاله صعب
تصيح@وياكـــــم انه وأرد أروح
تصيح@راح اموت أمن الجروح
تصيح@عطــر موتتكم يفـــــوح
جروح... جروح
٣)......
ما نسولف بالضمه أبدرب الكفاله
ويـــــه عباس الضعن عايش دلاله
شيسوي البعينه الدمع
ما يروي بشفافه النهر
أرقيه ابدلال أهل الخيم
تمشي أميره وي الگمر
تگول@عمي كبرانه أبدلالك
تگول@أبد لا تگطع وصالك
تگول@ لو رجعنه ابلا خيالك
جروح.... جروح
٤)......
خدري وصل وانلچم خدر الدلال
وگلي الحسين وهنا أنحط الرحال
خضر زرعنه وما يبس
كل العشيره حاضره
ضل يحصد الموت وعطش
لحد الصدر ويه حافره
غريب@ حچايه صعبه أعله ألگلب
غريب@دمعتي گباله وتصب
غريب@يفهمهه العاش أبغرب
جروح... جروح
٥)......
وصية أمـــي والامانـــه للطوف
نحره اشمه قبل لتقبله السيوف
عُطر الحسين أجمل عطر
اليشتمه ينسه عالمه
شاء القدر الگاه وذر
وتيبس لهاته أمن الضمه
وحيد@مـــن ينصارني يگول
وحيد@وأنذبح فحل الفحول
وحيد@داست اضلوعه الخيول
جروح... جروح
٦).....
النار بالخيمه وعلي سجاد بيها
وفرت النسـوان كلهــن وبعبيها
يا حيره ما صارت ابد
أجمع بناتي بكربله
لو أطفي نار البلخيم
لو أشگف سوطه حرمله
دريت@مـــن تهل أتنفس أنـــــي منيه
دريت@انه زينب بت علــــي الهاشميه
دريت@صعدوني بهازله وامشي سبيه
.......
#عمار_التميمي
ان شاء الله خلال هاي الايام راح ابدي انزل قصائد محرم الحرام
#محرم