فاگدينگ بويه والله فاگدينگ
يعينه على الفگد لو الله يعينگ
****"*****
يل ماكرب حدك قبل واحد ولا يفوتك
هسه ابن ملجم معتني وحامل بدي موتك
وصوت اليتامه الينسمع لاترحل امروتك
هذا اخر "أذان" وبعد ماينسمع صوتك
هسه رايح ينسمع صوته ونينك
يعينه على الفكد لو الله يعينك
*********
من كلتله انهض وصلي مانهض صله
كام غيضه يفور حاقد منه اسم الله
من عسن شلت ادينه وسيفه ماسله
طبر راسك وانته ساجد ياعلي لله
الدنيه ضلمه بويه هايه بلايا عينك
يعينه على الفكد لو الله اليعينك
*********
الدين هاي اليله والله انهدمت اركانه
من رحل عنك نبينا ترك قرآنه
امس كاللهم محمد شاني من شانه.
انقلبت الامه برحيله ونكرت احسانه
وصبحو اليوم بويه طابرينك
يعينه على الفكد لو الله يعينك
*********
صوت اطفال المدينه والبجي مسموع
اليله هايه اوداع حيدر لازملها ادموع
اتحزم بصبرك واصبر على الالم لا تلوع
باجر اتلاكي الزجيه والوجه مصفوع
اتلاكي زهره عمرك وورده اسنينك
يعينه على الفكد لو الله يعينك
*********
شلون باجر تلتقيها الزهره وبيا حال
وبيك هظم الدنيه كلها والهظم جتال
من تشوف بخدها ضربه من جفوف انذال
اشلون تذكر جنت صابر شامتك من عال
تسكت على الضلم حقك فرض دينك
يعينه على الفكد لو الله يعينك
*********
الوداع اليله راحل ضيف الله اتكون
وخلفت عكبك الهضمه وبس دمع العيون
ارد اكلك تره اولادك ضلون يندبون
بويه بويه ارجعنه والله وحشه الكون
صوت بجي الحسن ودمع حسينك
يعينه على الفكد لو الله يعينك
*********
منتظر الكعبي
لا تنسوا نية الصيام من الآن قولوا هذه الكلمات :
"اللهم إني نويت أن أصوم شهر رمضان كاملاً لوجهك الكريم إيماناً واحتساباً .. اللهم فتقبله مني واغفر لي فيه وبارك لي فيه وزدني علماً وخشوعاً"
شارك تؤجر ....ولكم الاجر والثواب 💞
الاستشهاد الأمام الكاظم.ع.
الطاغي طغيانه انفى الاقصى الحدود
وانته شيعه عندگ وعندگ جنود
صح متت مسموم وبأيدگ گيود
لگن اليوم انته هييه كبتگ
.........................
هيبه هايه الگبه شامخ على الگاع
والنواصب گل ذگرهم ذاگ ضاع
واسم بابگ للحوائج حيل شاع
وشيعتگ هايه يوالي كصدتگ
.....................
كصدتگ عدها حوائج من تطب
اتحلفگ بجدگ الضل على ترب
الضامي ذاگ الماعرف معنه الشرب
وبلسبيه يحلفونگ عمتگ
.....................
المشت گل هاي الدروب وي الشمر
الذبلت روحگ عليها منگسر
بسجن اضلم شاغلگ ذاگ اليسر
ماتشغلگ ذيج جانت ضلمتگ
.........
عندي حاجه واعتنيتگ تدري جاي
وانته باب الله وعندگ هينه هاي
مرض عندي ومنگ ارجيته شفاي
وجاي هذا اني ملاذي عتبتگ
....
ماگو امان بغيبته والي الزمان
ماگو بس صحنگ تره عندي أمان
الدنيه هاي اختلفو البيها اخوان
وصفه بس الي انشغل بمحبتگ
...............
وهسه أخر طلبه عندي بهل دعاء
سيدي التوفيق اطلبه بگل رجاء
عمري اريده يگضي اعليگم بگاء
با ايه التوفيق فاطم جدتگ
......................
منتظر الكعبي
نزال
يجي يوم يجي يوم..اضهر وحارب
يجي يوم يجي يوم.. بثار اطالب
يومي لوگرب..اتعنه بغضب
وصلب من هجم..ليها وشب حطب
فاطم يامره.. وكلي بيا سبب
تحمل هل أذه.. ومگسوره گلب
يجي يوم يجي يوم.. الهاي المصايب
يجي يوم يجي يوم.. بثار اطالب
.........
اضهر غايتي...واخذ رايتي
ومتأكد تجي.... كلها شيعتي
بشرو الينتظر... كربت طلعتي
ثاري من الضلم.. فاطم جدتي
يجي يوم يجي يوم..ثار النوايب
يجي يوم يجي يوم.. بثار اطالب
.........
ياثار الكسر... ناري تستعر
ويلي بيا سبب..خدها ينسطر
بهضمي والبجي.. كضيت العمر
وادري بشيعتي.. الجيتي تنتظر
يجي يوم يجي يوم...ياشيعه اجاوب
يجي يوم يجي يوم.. بثار اطالب
...........
من ثار الضلع...اتعنه بدمع
الطف كربله... المكطوع الصبع
روحي تحترك.. جدي المنصرع
من انظر اله.. وراسه منكطع
يجي يوم يجي يوم...وماأبقه غايب
يجي يوم يجي يوم.. بثار اطالب
........
مصيبه عمتي...منها هضمتي
زينب تنسبي..وتكبر كسرتي
ياثار السبي.. تعله كلمتي
ولشام من اطب.. اطيح عمامتي
يجي يوم يجي يوم...لأم المصايب
يجي يوم يجي يوم.. بثار اطالب
..........
منتظر الكعبي
صبحَ ََََ خيط السوالف َََََ غبشه ْ ع اليلل
واجه وگت الصباح بطلعت النور
امس على دار هجمو حرگو الباب
وصبح خد الزجيه بحقد مسطور
الضلع مگسور منها ولدمع صار
يجوي بخده جويت راس منحور
الجهل گال الزجيه اشبيه ياناس
ولشامت يگله الضلع مگسور
الصبح شفنه علي محتار قلقان
عينه اتلالي راح الصوب الگبور
گالو زهرته فاگده.. مجروح
وتوضه لصلاته ورايد يزور
أتوجه على القبله بدمعه العين
السلام على الذي خاطره مكسور
السلام على الزجيه من علي الحيد
الطاح بشوف أضلاع الزجيه
سلام المحسن الوجه السماوات
دمه صعد ماطاح بوطيه
ختم حسرت صلاته بدمع العيون
لفگد الزهره دمعاته جريه
بدت قصه عذابه يحاجي بلباب
أحجي شلون دفعوگ علروحي
انه طول العمر ماعدي أجروح
گسر الضلع فززهن جروحي
تره يصعب عليه افگدلي احباب
اون اعليهم وينسمع نوحي
تمنيت اني حاضر گون موجود
اني اوگف بسدگ اه ياباب
عمامه اطيح مني بطيحي علگاع
وللزهره أبد ميطيح الحجاب
بعد ياباب شحجي ولحجي صار
اسئل وبدمعتي يصير الجواب
شفت دم محسن الماعاش لاشاف
وزاد اعليه كلش نار المصاب
بقيت الوحدي مجروح مهموم
علي هجرته الزهره وگل الاحباب
****
منتظر حسين الكعبي
ترگت في القلب جرحآ لمحبيگ.
ليس بعد رحيلگ ماحان..
ولكن..! لا ننسى مواعضك وارشاداتك
لنا كنت "أب"
السلام على فاطمه وابنها
السلام على الذي صاحت جنيني
صوت كلبي يصيح فاطم اقبليني
من اسمعه صوتها يهيج ونيني
من أصرخت ياباالحسن سطروها عيني
******************
من دفعه الباب صاحت ياعلي احضر
اسمعت ضلعي يحيدر من تكسر
بجفه عيني من سطرها وخدي احمر
وكع ابني اشلون اشيله حرت مكدر
********************
استغلو روحتك ومن ذاك الغياب
اجو ياحيدر وشعلو نار على باب
من دفعه الباب راد يطيح الحجاب
واني بيديه كمشته ودمعي سجاب
*******************
وكع ابني اكبال عيني وماحملته
والله لو بيه يحيدر جان شلته
وكع ابني وكسر ضلعي من دفعته
وضيم ياحيدر بعيني كله شفته
**************
بحيله يدفع واني كله حيلي مهدوم
ليش محسن من حياته راح محروم
عمره ماعاشه يحيدر حتلو يوم
واني اله كاروكه حضرته والهدوم
*""***"***********
هاي الها مصيبتي ماحاسبه احساب
ليش محسن خده اشوفنه ع تراب
وصيه عندي ياعلي وبنار العتاب
من تغسلني يحيدر فوك الثياب
****************
منتظر حسين الكعبي
كعديه شور
#السيدتي زينب.ع.
(١)
بذاڰ الرعب.. طلعت وترڰض بلفله
بهيمه وصحاري ڰربله...ياويلي مشلوعه ڰلب
بذاڰ الرعب.. حيرتها اخوها المنڰسر
كل وذره من جسمه بڰتر...ماعرفته فوڰ الترب
هذا اخوي الماعرفته..ونجاني يمه اڰعدت
بريحت الخوه وصلته..تمنيت حاله ماشفت
الخيم وجوها وسئلته..ترضاها الڰ ترڰض اخت
ڰوم اڰعد وياي تحامي خيامڰ
ضاعت يخويه بحرڰه يتامڰ
شينفع ششدها جروحڰ غميجه
ومن صدرگ شلون اطلع سهامگ
*************************
(٢)
ناده الضهر.. هل من محامي ع خيم
ضل لا له ناصر لا علم...بطيحت اخوها ع نهر
ناده الضهر...هل من يدب النصرتي
وڰعو على الرمضه اخوتي.. ونڰسر ضهري بلڰمر
ماڰو من ناصر ينصره... ويشده ضهره المنڰسر
محني من الڰوم ضهره.. واحد ينصره ينتظر
ثاري تدوس الخيل صدره.. وماهمه بس همه الخدر
داست علي خيل وباله عليهن
بسحڰه يهجمون يجون اديهن
من حرڰ الخيام يطلعن يدورن
وبيا ڰتر طاح يويلي وليهن
*************************
(٣)
باجر هزل.. ومن الدلال الڰيد ادين
ماڰفه همه امسلبين..يجرونهم ليش بجبل
باجر هزل.. والحادي ماهو من الاهل
لاعلم لاضل الڰفل...شتڰول لمن تنسئل
وين اخوتج صعبه هايه.. احجايه تڰسر الڰلب
من ترد بلايا رايه.. وخوتها ڰلها على ترب
هاي الكفيله ويا السبايه... باجر ترد من الغرب
وين اخوتج وين يجاوب دمعها
عفت اخوتي وجيت يڰسرت ضهرها
هيه الڰفيله عڰبهم على الا طفال
ومن بعد اخوها المحامي ڰفلها
*************************
(٤)
بذاڰ القصر...من وڰفن رقيه بجت
ومن البجي اعيون انعمت.. ولجيته اشڰد تنتظر
بذاڰ القصر... اتعجب ويسئل شڰو
ڰالوله طفله اتريد ابو... اخذولها راسه امر
وسڰنه تسڰت بيها ڰوه..ولن جابو الراس بطشت
لفه هذا حسين توه.. ياريت ميته ولا شفت
وصاحت يبويه هاي بلوه.. وماتت ع راسه اعرفت
ماتت ع راس رقيه ابجيها
من بطشت رد يراسڰ وليها
وحرت اني سڰنه تكول بأخيتي
وزينب يحيرتها هاي الي بيها
*************************
(٥)
ضعنه رجع...الڰربله ومن رجعته
ڰل وحده اخوها ڰصدته...ولنوح علشاطي انسمع
ضعنه رجع...لن هاي زينب علنهر
ڰعدت ومڰسوره ضهر...والحزن اعليها ڰبع
ها يخويه من رحيلي.. رديت توني بضعن
اڰعد يخيي وياڰفيلي.. خياتڰ العندڰ اجن
من الغرب انهدم حيلي..ومتوني حيل اتهدلن
ڰوم اڰعد وشوف اخيتڰ يخوها
لديار الاجناب سبيه خذوها
وهسه اجتگ يخوها اگعدلها
من عگبگ الگوم يعباس سبوها
****************:*****
منتظر حسين الكعبي
كعديه
#لاستشهاد مولاتي فاطمه.ع.
جان.. سلوت اجروح.. أغلى من روح.. الزجيه
طاح.. واكبر امصاب.. بعتبت الباب..شهل رزيه
الصوت منها بعالي صاح... طاح ابني وحيلي راح
عمره ست اشهور ليش...على أرض دم كلبه ساح
الباب مو وزنه ثكيل....مرد كلبي والدليل
وبقه دمي على الباب...للضلم باقي دليل
انه يألمني الجره ولمحسن وكع
من اسمع خدها بحقد ياناس انصفع
البسمار بضلوع ام حسن بلعصره نبت
ولحاقد كل قوته عليها من دفع
ويلاه ويلاه فاطمه
************************
فاح.. عطر الدموع.. فاطمه اتلوع.. على ابنها
ليش..عمرك اشهور.. ماشفت نور...عالي ونها
ليش هجمو داري بيك..وعيني مبجاه عليك
يمه جانت عندي هاي.. امنيه اكمطه اديك
لو علي موجود ابوك...يبني جا ما وكعوك
اتكله يبني والإشرار...لا دنوني ولا دنوك
ابن الزهره محسن الماشاف الضوه
غالي عليها هلذخر واغلى من الهوه
لو حاضره يا اباالحسن جا لا مادنو
تكطع ايد الي على فاطمتك كوه
ويلاه ويلاه فاطمه
************************
ليش.. من امه محروم..بذبح مفطوم..اكبالها يطيح
النوح.. تبجي وتكول.. يبني معقول..ومدمع يسيح
بعيني شفتك على كاع...حلمي يمه بيك ضاع
ضهري مكسور انحنيت..حتى مابيه وداع
اعذرني يمه ضهري مال..وحالي صار شلون حال
ماكدرت انحني ليك...ولدمه من ضلعي سال
انه لو موضلعي انكسر ماعوفك تره
وحيره شلون اني أنحني ضلوعي مكسره
يمه بضلوعي الألم وانته على الارض
اكبال عيني من طحت هضمه ع ثره
ويلاه ويلاه فاطمه
************************
الضيم..ليش فرضو..ومنها اخذو.. وراح لطف
اهناك..حسين كسرو.. باخو طيحو..بكطعه الجف
خل حزن كلبي يطول...ابتدت من البتول
الفتنه وصلت للطفوف.. وسحكت حسين الخيول
الزهره حركو الها دار...وبلخيم وجوها نار
وزبنب بذيج الرمال.. تركض ادور الزغار
من باب الزهره بدت وصلت كربله
ويلهيمه من الرعب فرت عايله
تركض وتدور ستر من حرك الخيم
طلعت نامت ع رمل وبذاك الفله
ويلاه ويلاه فاطمه
************************
ليش..عايله اتلوع.. من الادموع..مابقت عين
الصار...ماصار لا دار..وعلي محتار..مكيد ايدين
صبر حيدر على مصاب..اتكيد بحبل الكراب
لو ما وصه الرسول...اخذ حيفه وجرحه طاب
ال "وأن" كسرت بيه روح.. وزادت بكلبه الجروح.
البير يشهد على بكاء.. جان بي هوه ينوح
ناح على مصاب الجره وبعبره الدمع
من شاف بخدها الاثر من ذاك الصفع
شامت يتبختر صبح اكباله عجب
لو ما موصه النبي راسه ينكطع
ويلاه ويلاه فاطمه ويلاه ويلاه
************************
منتظر حسين الكعبي
التوفيق ياسيدي العطشان
اشكر الله واشكر الحسين..ع..
بعد الانقطاع الأسباب الدراسه
نمضي بتوفيق الزهراء.ع.
(1)
يطعم الدنيا كلها وجهلته من عرفتگ
تهيج اجروحي والأمي لون مره ذكرتگ
عمت عيني إذ انسى الجره عليك وع اختگ
عشته عمري عليك بندامه
الدمعه ترسم ع الخد علامه
يجوي خدي الدمع...وطبعي مثل الشمع
لو بجيت على كيفي اذوب بندم
لو ذكرتك احن... ومشي صوب الحزن
اوجهي الطمه لحد مايذب منه دم
توفيقي من عندك اريد..احسبني من هاي العبيد
لذه حياتي بل دموع...ونوحي أريدنه يزيد
حسين اه
***************
(2)
شنفع عمري لون نفرض كضه عمري بمتاها
اخذ بيدي على اجروحك اريد ابجي شحلاها
تبع كلبي درب ضعنك شني الدنيا شوراها
خط على وجهي حزنك قضيه...
وعمري صاير حزن غاضريه
غاضريه الألم.....ونوحي ما انكتم
باقي نوحي عليك وعلى مصيبتك
عايش وي الاهل.. وانته ضعنك رحل
ومشه وحده بغربته وعلترب جثتك
عندي أهل وانته غريب...باقي على تربه خضيب
وضعنك مشه وي الرؤس.. ويلي عليكم ياسليب
حسين اه
***********
(3)
اخذ روحي العطف كلبك يمولاي ورحمته
ابتعد عن دنيتي ويمك اضل لوترضه انته
شلذ من دمعتي التجري عليك وهمي زدته
روحي يمك تعيش بأمانه.
..وكلبي مايلتهي وي زمانه
كلبي مايلتهي...يل الك مرجعي
خلي كلبي اليشغله فقط مجلسك
وأبجي من كل كلب.. للسبتها الغرب
زينب اختك غريبه الي ردت الك
من ردت وياها النساء.. وطبت فيافي كربلاء
ياخويه كالت ماتكوم.....ضعن العطاشه هذا جاء
حسين اه
**********
(4)
اجت مشتاكه لترابك تلكه اختك يخوها
خذوها من بعد عينك الغرب ويلي سبوها
بعكب عينك بدرب غربه اليتامه لوعوها
لوعاها واجت هسه ليكم
...باربعينك بجيه عليكم
من دروب السبي..متربه هل عبي
شلون مانوحن وابجي دمعي ولطم
خبر ضعنك وصل..رجع شمل الاهل
ورجع من ديره غربه بكلب منهضم
هضم الغرب لا مايطاق.. ماينحمل طعم الفراق
جاء الضعن بعد الرحيل....وكلمن بكلبه اشتياق
حسين اه
************* ****
(5)
العتاب يفزز بنوحي ثكيل اعليه شفته
يساعد كلبك الضامي اكيد انته سمعته
اجن يمك هذن هنه خواتك تبجي سكته
يبجن وغربه هايه عليهن..
.تعباهن يخوهن سبيهن
كعدن على الكبر...وبكلب منفطر
هاا يخونه انهضنه لفينه الك
انسبينه بعكب.. عينك ويا الغرب
وسفه تنظر علينه بصلافه الخلك
ويانه صار المستحيل...للرجعه لا ماكو سبيل
راح احنه نمشي ويالشمات.. ومانعلم الوين الرحيل
حسين اه
********************
منتظر حسين الكعبي
ثكيل..
بلسان السيده زينب. ع.
ليش لخيم يابولفضل احتركت اعلينه
ليش العدو جاب الحبل وجتفه ايدينه
ياخويه هم عندك خبر...
ويالغرب صار السفر
يابولفضل يابو الفضل
***********
طيحو علمنه..... وحركو خيمنه
وفرينه خويه من الخيم نار بعبينه
ماكو اليلمنه ...... اطشر شملنه
ولشامت اليركض ورانه يطك بينه
خويه مادري شكو تتراكض الناس
ثاري أجو للخيمه كالو طاح عباس
ليش الحرك جوا الجدم وحفاي طلعونه
ليش الضرب ولينضرب يطيحوله امتونه
لمن طحت فوك النهر
ويالغرب صار السفر
يابولفضل
**************
سكنه اجتني...... عمه جوتني
النار هاي واركض ومجويه أديه
عمه شفتها...... ارقيه اعرفتها
من حركو اخيمنه اطلعت تركض رقيه
راحت لصوب الشريعه أطفال حفاي
وطلعت التركض رقيه فاكده الراي
ليش الجوي بيد الطفل المايحمل الهضمه
ليش اطلعت من الخيم وهيه محتشمه
اشكد قاسي ويانه الدهر...
ويالغرب صار السفر.
يابولفضل
****************
صار الصبح...... وأعضم جرح
الروس فوك ارماحه واحنه اشجره بينه
شفنه الهضم...... من الزلم
نزل ولينه من الرمح صحنه يحادينه
ولهضمه عين حسين تتباوع علينه
راس برمح صاير هضيمه ياولينه
حته الرمح خويه يون وعلينه ضحكتهم
ماكو رحم بيهم تره مشيوله غيرتهم
وانته نشوفك بس نحر
ويالغرب صار السفر
يابو فاضل
.******************
طبينه بسوك.... من وكفت النوك
ولودام اتباوع علينه اعيون صلفه
سئلو على اخبار.....يشمتون الاشرار
كلولهم مسبيه زينب اجت وسفه
ياخويه من شافو عبي محتركه ويدين
ضحكو علينه وكالو المذبوح الحسين
اه شجره اهوي الحجي وبجتني الوادم
محد ضحك من الزلم العباس لو سالم
ولاخد رقيه انسطر
ويالغرب صار السفر
يابوفاضل
****************
منتظر حسين الكعبي
كل اليحبك يعتني ليك بنحيب
ولمايحبك موبشر هذا عجيب
وليبتعد عنك درة بروحه يخيب
اليمشي جدمه ونفرض عليل...يكصدك ويرجع كله حيل
بس يشم ريحت ودادك ياحسين
يمشي خطواته وتعبه راح... فدوه الك بس يطلب سماح
ويدعي الله حته تبجي منه عين
تعب ماضاع ابد حس التعب راحه
مثل طير بحضرتك يطبك اجناحه
قفص حبك دخلته وضاع مفتاحه
حسين
********
زوارك بهاي السنه كلهم اجوك
وماخلفو بهذا الوعد من واعدوك
كالولك بدمنه وصدك من عاهدوك
العاهدك ضل على العهود..وبمحبتك كلبه يزود
وكلبه يشفه شما يشتد النحيب
اليوفي الك ساعي بكل رجاء.. يوصل بدمعه كربلاء
مايخيب اليعتنيلك مايخيب
خطوات الزياره التختصر حبك
لكينه الراحه كلها بحضرته الكلبك
وجيناك على رجلينه نشم تربك
حسين
**************
الزهره تكتب بلسجل كلمن اجاك
وبدمعه كلمن معتني ويطلب رضاك
مولاتي فاطم تحضر الكلمن نعاك
هيه حبل الله المتين...تشفع الزوار الحسين
بلكبر تحضرله وتنور التراب
اتسجل اسمه وخادم يصير..ومن يجي يومه مايحير
العاش كلعمره يلوع ع المصاب
العايش كل خدمته ومخلص بحبه
من خدام ابنها فاطمه اتحسبه
ولمشاي مخلص كلش اتكتبه
حسين
************
الزاير احسبه من الأهل لا مو بعيد
وبعيوني احطه موطمع لا اجر اريد
بهاي الخدامه أشعر تره اني سعيد
ادعي ربي اني بهل دعاء... ارزقني خدمه اهل الكساء
وربي لا تحرمني من خدمتهم
تاجر بحبهم من اصير... عمري اعيشه وكله ادري خير
مفضلين اعليه من نعمتهم
نعمه من الله هاي واشكر النعمة
خلاني اعيش بخير ابو اليمه
ورزقني احله شي بلدنيه الخدمة
حسين
********
غايه الي بهذا الكلب لمن اجيك
بكل خطوه اصيحن سيدي وابجي عليك
ياباب الله يئتمن الي يطب عليك
غايه عندي وتعرف شريد..حاشه انته اترد الكصيد
ولكصدلك من يرد مبتشر حيل
كلبي يشعر يمك امان.. جنه الله واحله مكان
كربله كلشي تره بيها جميل
جمالك شاغل العالم تره بأسره
وسر هاي الزيارة منهو اليفسره
بس ربي العباد الي علم سره
حسين
**************
منتظر حسين الكعبي
#شور كعده...
ماشين ويطول السفر.. وبلا ابوفاضل
ويانه اجه راس الكمر.... ويانه كافل
عباس... ماضل خدر
عباس.... يحدي الشمر
عباس.... يابالفضل عباس ياأبالفضل... 3
****************
من طيحوه رأيته وياها طحنه
ساعه ويجي علينه العدو وساعه وسلبنه
خويه وتره صارت صدك حركو خيمنه
وهسه على اضهور الهزل نمشي اليسرنه
ياخويه ونشوف الضعن**رايح يرد موللوطن
مدري المن وبياا كتر** راحن خواتك ينسبن
عباس.... فوك الرمح
عباس... انته الجرح
عباس..... يابالفضل. عباس يالفضل... 3
****************
حاجينه اليحدي الضعن كلناله ساعه
بس خل نودع المنسحك يكسر وداعه
يمشي الضعن مابي كفل يعني ضياعه
هوه الكبل يكل للخدر سمعآ وطاعه
خلي نودعه بلا عذر** لاتحجي امشن لليسر* *
لا يسمع ويزعل تره** وكلبه علينه ينفطر
عباس... كلبه ترف
عباس... ماينوصف
عباس يابالفضل.. عباس يابالفضل.. 3
*******************
وبلاوداع ولا مشن يما خواته
ومن عكبه يحدون الضعن ويلي الشماته
معقوله يتركنه بغرب مو من صفاته
هوه الكبل النه ستر اسبونه وغلاته
وكبالي راسه على رمح** وهوه كبل جنه صبح
شغثهم وجه راس الكمر** بعيونه خللوله جرح
عباس..جرحه يصب
عباس..حاله صعب
عباس... يابالفضل عباس يابالفضل. 3
********************
ولدرب صحره ياهضم ذيج الرزيه
الماعدها والي تنكسر وتصبح سبيه
وأكثر ابنيه أتلمت تبجي رقيه
بيا سبب ياعمه انه مجتوفه اديه
وكالت يعمه بيا سبب** خدري ودلالي انسلب
وهسه على ضهور الهزل** وانعاتب اعليش العتب
عباس.. اه شكثر
عباس. صحنه العذر
عباس يابالفضل.. عباس يابالفضل. 3
*********************
جابو اسم طاري القصر يخفون بينه
يريدون ياخويه الغرب اتباوع علينه
يوكفونه واحنه ال النبي مجتوفه ادينه
شنكول خويه للسئل وينه ولينه
شنكله خويه يالكفل**ياخويه موحيلي انهدل
من كربله الطبت القصر** ومن الدرب وجهي ذبل
عباس...... حيلي انهدم
عباس..... . وينه العلم
عباس.يابالفضل عباس يابالفضل.. 3
******************
منتظر الكعبي
رقيه اني العزيزه التسئل اعليك
هسه اني يبويه بعازت ايديك
هضموني يبويه... سلبوني يبويه
******
تذكر من اجيتگ جفي محروگ
لگيتگ على غبره بويه مسحوگ
فتحت ايدي الگ وبنفس مخنوگ
اشمگ بويه اريدن يكتل الشوگ
شفتگ لطعن وأثار الجروح
ماصدگت عيني بويه مذبوح
دعيت الله يبويه الله يحاميگ
رقيه اني العزيزه التسئل اعلي
*************
تره مخنوگه بس مو من الخيام
يبويه اودعتگ جي شفتگ اعضام
على طولگ يبويه ارماح واسهام
مادري الدهر هجي اني الي ضام
جسم عاري وصريع بذيج السموم
ولو بويه الذبح متستره الهدوم
انام بيا حضن وانته مدميك
رقيه اني العزيزه التسئل عليك
**************
الاخذ مني التراجي انطاني مايه
تدري اشطلب مني وشلة غاية
يسلبني التراجي صار رايه
كتله اني طفله صعبه هايه
يكلي الماي اوصله بشرط لحسين
اسلب من اذانج ترجيتين
ماي اعيوني بويه رايده ارويك
رقيه اني العزيزه التسئل عليك
**********
من اني اعتنيتك شايله الماي
شفت بيگ الجروح علوجه اهواي
شكد صحتگ يبويه ارجع وياي
جنك ماسمعته صوت مبجاي
اجيت الماي جبته وكلبي ملهوف
راسك على رمح وكصيره الجفوف
منهو الي يوصله بهل ضمه ليك
رقيه اني العزيزه التسئل اعليك
*********
من بعد الفراق وذيج الدروب
سهله اني تره ولو ضهري مضروب
ضل بالي عليك بشمس مصلوب
والأصعب عليك مسلب الثوب
العطش هين يبويه وضرب المتون
انته من الشمس أمغير الون
كرهت الشمس جي خربت معانيك
رقيه اني العزيزه التسئل اعليك
************
منتظر حسين الكعبي
#بين السيده زينب والسيده رقيه. ع.
يبنيه وين اتريدين..... بهذا الرمل تتعثرين
عمه رقيه أرجعي.. .. كالت اريدن لحسين
********
خليني عمه بلا ماي... ماضل بعد عندي رأي
خليني اركض بهداي... الصوب ابوي اتعنه
فريت بس بيا ويل..... وتكلي مابيه حيل
يتراكضن شفت الخيل ....ياعمه من سحكنه
داسوه جدامي با اه .. سحكوني ريت اني وياه
دورته بس وين الكاه... لحضات لو اشبكنه
من كطعو ماتدرين... سو وذر عمه حسين
واني وكع بس دمعي... كالت اريدن لحسين
*********
واني ركضت لياصوب... كالو اهناك المحبوب
ماعندي صبرك يعقوب... وبعيني ماشوفنه
خافن اطيحن على كاع...صعبه عليه الإوداع
وبغيبه يعني الإضياع ...مارايده اضيعنه
نشتم سوه بالانفاس...حسين مملي بحساس
جاوين عمي العباس... ياعمه اودعنه
اتعنت وبلكي اشوف..... راحت تدور الجفوف
عباس وينه عمي.... . كالت اريدن لحسين
*************
كالت بقه عمه نحر..... وراسه علرماح استقر
وعباس جثه على نهر......جثته رميه
كتله عمه بيا كتر.... اعيونه صارت حمر
من البجي من القهر....طاحت رقيه
تعبت خطيه من الركض...وبصدره الحافر يرض
باقي صريع على الأرض....صارت سبيه
النوك هايه وحبال...نمشي سبايا بياحال
لجمته والله كلبي... كالت اريدن لحسين
**********
الصبح جابولي الهضم....السوط اليورم العضم
وبعبايتي كمت اني اضم..... وخفي بناتي
شافوهن وشافو طفل....منهم اجه وأحد نذل
يسحل تراجيهن سحل...بمدلالاتي
جاوين اضمه ارقيتي... حرت اني حيل بغربتي
ماضل اخو بس شامتي...نشف لهاتي
صحت جا ماكافي.. الشمر طك اجتافي
لاذت رقيه بسدي... كالت اريدن لحسين
* *********
من اطلعت صاحو بقت.. بخلافهم هاي انسبت
زينب الوحده أطلعت... ماعده خوان
شيرد خدرنه للوطن ... وضعن سلبوه الضعن
اعيونهم مايستحن... واحنه نسوان
حكه رقيه من بجت....تعبانه بس لا ماغفت
وصرخته يابويه علت... اتفزز الحيطان
مانامت بلا حضنه.. متأمله يرجع النه
ولراس ضل فوك الرمح... كالت اريدن لحسين
****************
منتظر حسين الكعبي
1
يلردت ابيدك شمس.. رد ياعلي متانينگ
يلعنه غايب من امس.. اندور ضواها العينگ
ليله دمع... وشعلنه لغيابگ شمع
ون اليتامه ينسمع..... ليله دمع
قل ياقدر..... تحرمنه من خير البشر
من دونه ماكو مستقر..... قل ياقدر
ياقدر رجع حنانه.....الفاكد ابو كلشي خسر
ياهو اليعوض مكانه...كلبي من النوح انفطر
اي واعليا اي واعليا اي واعليا
* ***
2
حرمونه من خير العمل.. واتيتمت كل اهلي
وتعجب اهواي الجهل.... هل كان هوه يصلي؟
يال العجب...ماسمعو بطاري الترب
غراهم بشكله الذهب... يال العجب
حكهم بعد.. طبروگ من راسگ سجد
ولدم على وجهگ جمد.. حكهم بعد
حرمونه منك من زغرنه... وقبلك الزهره استشهدت
من سمعو بمسجد طبرتگ... الناس هاي اتعجبت
اي واعليا اي واعليا اي واعليا
*
3
كل مشتكانه من الزمن...الياخذ مثل والدنه
وكت الغروب وكلبي حن...وغيرك يبويه أ شعدنه
عندي اخو..... اي ونعم منه وكفو
بس اني هم محتازه ابو..... عندي اخو
زينب انه.... عمري اعده جم سنه
وضهري أحسنه انحنه.... زينب انه
ها يبويه من وداعگ...صاح الحسن ضهري الوه
بويه دليني على كاعگ.. مختنكه اريدنگ هوه
اي واعليا اي واعليا اي واعليا
* * *
4
اسود لبسنالگ حزن... فكدگ نوج اشموعه
وحسين كاعد بس يون.. ومحنيه اشوف اضلوعه
نوحه علة....لا ام ولا والد اله
ولا اني هسه امدلاله... نوحه عله
اليله خفت.... من روحتك ماا آمنت
ولا لحضه يابويه نمت... اليله خفت
خايفه ومحتاجه حضنگ...مثلگ بعد لا وين اكو
ياعلي وانسيت جنگ... غيرگ ولا اريدنه ابو.
اي وعليا اي وعليا اي وعليا
* **
5
شنهو الگلام اليختصر... حتى اعبر نوحي
بويه وتحن روحي العصر...وتريدگ انتة روحي
خير العمل...رمضان بويه ماكمل
شو من وكت عفت الاهل.. خير العمل
كلبي جمر... من دونك العيد اليمر
روحي يبويه تنقهر... كلبي جمر
ماريده من دونگ يمرني.. ولا أعيد بدونگ ابد
بويه الحزن كلش هضمني..ولصبر عن كلبي ابتعد
اي واعليا اي واعليا
****
. منتظر الكعبي
الاستشهاد الامام الكاظم عليه السلام
من هذا فوق المتون..قد جاء هل تعلمون
مكيد ليش بمماته...شمسوي هذا بحياته
من هذا فوق المتون.
......................
استغربت الشيعه وكفت على جسر
موسى ابن جعفر أملها وتنتظر
ولن اجت اجنازه جنها من يسر
اتعجبت الشيعه من هذا الامر
ولن حس انسمع كلام... ياشيعه هذا الامام
اتكربو وخذوها رثاته... شمسوي هذا بحياته
.......................
لن حرس السجن صاحت ياخلك
هذا امام الرافضه السم بي فتك
احنه جنه نسمعه من كلبه زهك
ليش ما علو السمه بأرضه انطبك
حجه الله على تراب..گضه عمره بس عذاب
هذا الطيبه صفاته.. شمسوي هذا بحياته
.......................
يجر كل شوغه وذكر بيها الطفوف
وذكر جده ضل حدر ذيج السيوف
هوه وحده والغرب جانت ألوف
وذكر عباس الي كطعوله الجفوف
وصوته يصرخ الغريب..ويلي على جدي السليب
ويلي على سبو خواته... شمسوي هذا بحياته
.........................
شيلو نعش الطيب ابن الطيبين
هذا جده يصير امير المؤمنين
الكاظم الكضه العمر كله سجين
لعنت الله على القتل والضالمين
منهو الي ينغر علي.. ولا من اهله من يجي
ولا تبجي علي بناته.. شمسوي هذا بحياته
........................
الحاكم الطاغي وتره هوه العدل
بيا سبب وبيا ذريعه ينجتل
يدعي ربه ودمعه من عينه يهل
ربي اليه موتي من سجني سهل
نجيني يارب يلوع.. وعلى اخدوده الدموع
وكاضي يومه بصلاته.. شمسوي هذا بحياته
..............................
منتظر الكعبي
#بلسان ام البنين
تخاطب الحسين. ع. قبل خروج الضعن
تسمحلي اروح وياكم
بهذا الرحيل
فكدگ يريد الحيل واني
بلايا حيل .
يايمه يحسين. يايمه يحسين
****
ضعن... رحل... عن الوطن..
حسره.. والم.. اعيوني انعمن... اني ام البنين
كلب... حزن... مايطمئن
كلبي... كضه... ليله يون....الفراگ الحسين
عن فكد وجهگ سولفت
ومن ليلي يمه اشكد خفت....باجر تسافر
يبن الزجيه فاطمه
الدنيه دونك مضلمه... وكليبي صابر.
وجهگ يشع لو تمشي اعيشن دنيه ليل
فكدك يريد الحيل واني بلا يا حيل
****
يسبي... الدهر... يمه اشعجب
بهذا .. السفر ...بكلبي لهب....لرحيل الضعون
منهو... غدآ.. يحضر الي
وانته...ارحلت... ياكل هلي.... ياماي العيون
تحضرني اريدن بلدفن
يايمه وتغمض الجفن... ياروحي يحسين
لا تجي مصوب ماتشوف
وعباس ماعده جفوف....مكطوع جفين
من سهم عينك ميته وجفوف الكفيل
فكدك يريد الحيل واني بلايا حيل
***
فكري ... على... ام الخدر
باجر.... اخاف... بلا ستر..... وكبال شمات
خيم.... حرك... انته طحت
ركض.... نسه... تصيح الزلم.... حسينكم مات
يركضون أيتام الضهر
وكلهم يدوسون الجمر... من يفزعلهم
وانته مرمي على ثره
وعباس فوك الكنطره....اليسبي وصلهم
يحسين ويسلبون ثوبك مستحيل
فكدك يريد الحيل واني بلايا حيل
****
الكافل... وكع... على مشرعه
بعينه....السهم.... شيرجعه.... وبلخيم عدوان
سلبت... حرم... طلعت ركض
خيل.. اعوجيه .. وبي ترض... وحسين عريان
شحجي بعد خل اختصر
ولخدر منهو للخدر... وانته بلا روح
من تجي ليگ وتكصدك
زينب تراهي اتضيعك....تلكاك مذبوح
ويسبوها ويا عدوان باجر من تشيل
فكدك يريد الحيل واني بلايا حيل
*
هزل... اجت... شفت الحده
واحد.. شمت...من العده.... هذا الشمر اه
براسك.. رمح.. وجهك يشع
بخدك... جوه... طيح الدمع... يايمه اويلاه
جاوبني يمه على سوأل
جاوين كل ذاكه الجمال ... متعجبه اهواي
لمن نظرتك على رمح
(شفتگ) أثر بيها جرح..... ماشارب الماي
رغم مافوك الرمح تبقه جميل
فكدك يريد الحيل واني بلا يا حيل
**
منتظر الكعبي
سهم مثلث گاصد وين.. بس لا رايح لَبن حسين
ال عبدالله گره العين...عطشان وگطعوله المنحر
******************
رضيعاّ... قد هلك من البواجي
الماي راجي...وحرمله مكصد اله مثلث سهم
رضيعاً... اتعنه بي والده الهم
وجن يكلهم... للطفل الماي رايد وانهدم
من شاله بأيده وكاللهم... رايد ماي
لبني الضامي
خلوني اني اتحمل هذا... كله اضماي
ورو ايتامي
تدرون بحالي وبلواي... وعبدالله رايدله الماي
خلوني اني بضماي... وكلبي على وليدي يتفطر
******************
رضيعاً... امه بلخيمه تنطره
يرد عطره... ورده بس ماتدري امه انجتل
رضيعاً... حست بفرغت حضنها
وعالي ونها... يمه عبدالله تره كلبي اشتعل
منتظره يعود وكل ضنها... راح يعود
وتضحك عينه
ماتدري راح يردلها... بس مذبوح
ومدمينه
شما يتأخر زاد النوح...اتكول بدمعه وبيها جروح
بس لا ابني يرد مذبوح...ياكلبي بنارك اتصبر
******************
رضيعاً...للسمه من انبعث دمه
وشوغت امه...ازيد من السهم الكاطع نحر
رضيعاً... بيد ابو رده على متنه
وزاد حزنه... ومن بعيد يبين حسين انكسر
من جابه بأيده وشافتهم...من بعيد
راجع ضنها
بس ماتدري بسم نبلتهم... راح العيد
وخذو منهاا
اباب الخيمه وصاحت اه...هسه يرجع ابني وياه
يابو اليمه ويا بلواه...اول مره هيجي اتحير
******************
رضيعاً...رده والسهم بركبته
وهاي اخته... زينب اتلكت اخوها بحيرته
رضيعاً... لا تشوفه اتموت امه
اتشوف دمه... وعمته بلخيمه ابن اخوها ضمته
وجها مغطيته بالشيله... مبين ذاك.
سهم بنحره
عن عين امه تضمه اعليمن... خاف اتموت
جرحه بكبره
خاف اتشوفه اتموت اعلي... وتكول ابني شصاير بي
شمسوي وهجي مدمي... وكلب امه اعلي يتكسر
******************
رضيعاً...شرد اسولف يا مصييه
ولعجيبه...ليش ياقوم وشنو ذنبه الطفل
رضيعاً... بحضن ابو ينكطع نحره
هاي كسره...منهو يحمل ابنه بأيده ينجتل
لمن شاهد دمه بجفه...حسين شكال
فدوه لله
يارب خذ حتى مرضاتگ... وبيده شال
دم عبدالله
قربان لله بهل اليوم... نحره عبدالله مكسوم
أمنيه عنده بس مهضوم... يضخر عبدالله من يكبر
******************
منتظر حسين الكعبي
الاستشهاد سيده فاطمه.ع.
شماله ضميرگ.. ياكلبي اصحه
وخل البجي موضوعگ
البجي الزجيه....وطيحت ابنهاا
ولطف تنزل ادموعگ
ياكلبي ماعندك ضمير شوف الخدامه وغار
وخله الدمع من يطيح بخدك يخل تذكار
واذكر تره بن البتول طاح على عتبه دار
مصاب البتول وكسرته... خليها اشد كسراتگ
واذكر على باب الخشب...من طيحو مولاتگ
واذكر رفسها والكسر... خليه اشد لوعاتگ
مصاب
..هذا اكبر مصاب..
طيحو فاطمه باب
هجمو دارها اجناب..
لوع
.. يكلبي بحسرتك لوع
.. وعليها هل الدموع
نسمع حسها الممسموع
على الغريبه اويلاه اويلاه
_____________________
جنه محرم... يوم الزجيه
وينعاد امصاب الفله
ومحسن حبيبگ...يطيح علوجها
طيحت رضيع بكربله
محسن وكع مثل الذي حزت ركبته اسهام
ياكلبي لا تكضي لهو هل دنيا هيه ايام
التزم وانطيهم وعد لا تغرگ الاوهام
لاتغرك وتمشي وهم.. هلدنيا مومالت وهم
اكضي حياتك بلبجي.. اعليهم وعيش الندم
لو ماكسره وطفه ذاك.. بلدنيا جا صرنه عدم
شبيك
الدنيا تخدعك شبيك
ابد لاتخلها تغريك
لاتضنه تعليك
تشوف
تضحك لحظه وتشوف
مره اتسلك اسيوف
حسينك ابد لاتعوف
على الغريبه ويلاه
_____________________
جبيره المصيبه.. عيشه حزنها
نقطه ابحر احزانگ
ياكلبي اسمع.. صوته اليكلگ
خلي البجي عنولنگ
وغض البصر عن الذي يلومك على الدموع
لوبيده جا يفتي البجي على الزهره ممنوع
مثل الذي نكرو طفل وكسرتها ألضلوع
نكرو تره المحسن امس.. عجبه يكلبي الوادم
يجهلون حقها بيا سبب.. وبحقها ربك عالم
رجعو يسون الفتن.. وكل فتنه تكسر فاطم
ناس
نكروها اكو ناس
ونكرو دارها انداس
من ذولاك الارجاس
اوهام
هذوله عاشو اوهام
ونكرو حقها ضلام
ضلمهم والله مادام
على الغريبه ويلاه..
______________________
عيش بخيالگ..بس الفجيعه
وتخيل النار ولهب
جا هيه حرمه.. وحدها جانت
وحقها عليمن انغصب
حقها انغصب رغم النبي وصه بحفظها عترته
جا هوه هجي مجازته يهجمون وعلى بنيته
يكسرون ضلع ام الحسن ويطحون محسن مهجته
ياكلبي ماشافو رحم... وتعذبو بل عصره
من دفعو الباب بحقد.. طاحت وراها الزهره
وانصفع خدها بيمنته.. ولعين صارت حمره
الدار
بنار احتركت الدار
ضلعها انصاب بسمار
بخدها الصفع تذكار
انذال
والله الهجمو انذال
علحرمه تهجم ارجال
مارحمولها الحال
على الغريبه ويلاه
___________________
منتظر الكعبي
الـ "وأن" الحجاها اني اشگ بي
هذا من السقيفه وعقله مختل
لان ذوله بفعلهم صارو ارجال
وزلمتهم على الحرمه يتمرجل
المگيد بحبل السيف ينهار..
وذا موسيفه اگيد السانه ينسل
بس لا، حيدر وصيه مگيدته جان
ولذلگ على اعدائه گلشي ماسل
لا تضن اني اسگت وابلع الموس
وبهاي الضليمه رايح اقبل
حبآ بيها مولاتي اني گلساع
راح بّـــ عمر- وعثمان انعل..
#اللهم انعلهم جميعآ حتى ترضا فاطمه.ع.
منتظر الكعبي
ابيات نعي..
زينب وين وهاي الحيره
ضاعت من دون العباس
تركض تعثر توكف تنطك
وليت حرمه أبين ارجاس
راحت وين الدنيه المغرب
خايف لاتنظره الناس
طالعه من الخدر... من الستر.. .. طالعه من الخيم
طالعه وعده عتب.. تركض اجت.. اتعاتب براعي العلم
وين اخيامي.. وذيج أيامي.. وين الدلال وهيبتي
ولماصارت.. هسه صارت...حركوه بيه خيمتي
******
سلبو طفله وتركض راحت
ولدم ينزف ع لأذنين
ترجيته انباكت من عدها
هاي رقيه بت حسين
موبس هيه كلهن ذني
مطكوكات وتبجي العين
التبجي ماعده ابو.... بديره عدو....ونجوت رجليها
انسلبت بذاك الفله....بحر كربله.. على نهر واليها
شصار بزينب..كلشي شيب.. وعيونه بس تلتفت
لا ضل خيمه...وهيه ايتيمه...بحيرته ماكو ماشفت
***** * ****
كعديه
#الاستشهاد السيده فاطمه.ع.
تبت ادينه من هجم
وكل ضالم الحقها ضلم
من نار الله ماسلم ... السبب كسرها
فاطمه بنت خير البشر
وبجفا خدها من انسطر
بيدي دفع باب وكسر.....وزود قهرها
كالوله بت خير العمل والهم وان كال
هجمو عليه بلا رحم مارحمو الحال
ماكو محامي ولا ابوها...وحدهي بلدار اولوها
وعليها باب الي ادفعوها... اه اه
همها حجاب الي سترها... ماهمها دمها ولا كسرها
وبسمار منبوت بكترها.... اه اه ا
ياكسر فاطم اه اه.... ياكسر فاطمه اه اه...
****** **** **** ****
والشارك بجمع الحطب
ولي يحركه وليها طب
وكل واحد بحيدره سب...باجر يندمه
كلبك يحيدر صبره
يطكون وبدارك مره
صبرك دخيله حيدره....وغيضگ تكتمه
كل الذي سب حيدره وسب خير الأطهار
كعدت جهنم من وكت تشعله بل نار
باجر يحاسب من ضربها...شنهو الذنب لمن دفعها
ويحاسب الطيح ابنها.... اه اه اه
محسن الماعاش بسنينه..وعلى الترب فتحه عينه
تنكتب حسراته بجبينه... اه اه اه
ياكسر فاطمه... ياكسر فاطمه
******************
ياصمت حيدر علجره
اموصينه ومكيد تره
بيوم الدفن بلمكبره...عطر الترافه
اتلمس ضلعها بحسرته
سألت على خد دمعته
وهوه الزجيه وصته....صعبه اوسافه
ا
حيدر خفه ذاك الكبر بس عنده الأسباب
رد وحده ومحني الضهر ينظر على باب
ياصبره من هم الرزيه....ماينحمل كسر الزجيه
وتمنه ماخذته المنيه... ااه اه اه
من حيدر بعينه نضر... وعاين على خده الحمر
موكلبه طويله الي انكسر .. اه اه اه
اه ياكسر فاطمه
*******************.
ضل حيدر بليل وصبح
ميهيد وبكلبه جرح.
بيا ذنب ورده تنذبح... اباب الرساله
دافن حبيبه بل ترب
ورد وحده كلش صعب
مهدوم جدام الغرب... باقي خياله
فاكد اعز من كل بشر وبكلبه بس نوح
ضل وحده يافاطمه بلدنيه مجروح
اتمنه ميت بس يتامه..ياهو اليضل الهم سلامه
ابوجه ماصح ابتسامه... اه اه اه
من أهد ماكسرو ضلعها... والضالم بأيده صفعها
ومن هد مانزلو دمعها...اه اه
اه ياكسىر فاطمه
******************
ما كافي ماكفه الضلم
حرمه اوحيده تنهضم
من عكب عينك تنضلم... بنتك محمد
يهجمون دار بموتتك
لو مو هذيج اوصيتك
جاا اخذ ثار بنيتك.. ولا ناره تخمد
ولهسه محد ماخذ بثار الطفل راح
من دفع باب الله انكسر وفوك الثره طاح
ماعاش عمره بيا سبب..ولموت اعليه انكتب
من فاطمه صوت وعتب.. اه اه
هاي الامانه اتلوعت..وفوك الارض لمن هوت
الحك يبويه اصرخت.. اه اه
ياكسر فاطمه اه اه
*************************
منتظر حسين الكعبي
يحسين القلم بيدي رجف
من ذكر طف وذبح
وارتعش يحسين راسي
من سمع طاري الرمح..
جدامي ردتني مسافه
وارجع بعالم خيالي
يعني عنك ابتعد خطوات ورجع
والكه روحي بندم عايش
ورجع الكلبك سمح...
المشكله من ارد اسولف
عنك واحجي الجره
ابالي مرات اني ارسمك.
شما احاول ارسم اضلوعك سليمه
تنرسم امكسره..
شما احاول ارسم اخيامك سليمه
ماكدر النار بيها مكدره..
ارسم العباس راجع بيده جوده.
ينرسم كطعو جفوفه وطاح
فوك الكنطره..
هذا عبدالله بكماطه ذيج وياه الرباب
عايشين الحمدالله وشكر
ذيج هيه الطفله العزيزة كلب ابوها
مامسلبيه تراجي ولا جووها
ذيج سكنه تبجي زعلانه اضنهاا
لا ابد ماضن سبوها
ولن طلع كله سراب....
هاك يحسين القلم ورسم طريقي
وكتب اعليه عبد..
وخل ضميري يصحه بلكت
عن "هوائي" ابتعد
بلكي باجر لو صحت ماصير غافل
ولا اهل الغي يمنعوني النصرتك
هذا كله اني بخيالي ارد اموت وياك
بس بلواقع الطبعي ارد..
منتظر حسين الكعبي
جان كد طولگ يلمحلي خيال
من گثر حزنك عليها النايبات
جنت من يمر محرم على الناس
انته حدر ادموعگ وحزنگ تبات
انته ياهو بگدگ يحب الحسين
ساحه التمثيل جنت الها فرات
شعطلگ هاي السنة وشو ماجيت
ماضن تعطليگ بشغل الحيات
منهو ياخذ دور زين العابدين
ومنهو يحمل مثلگ اخلاق وصفات
ومنهو يكعد على الأرض فوك الرمال
يستر ابفيه العبي المخدرات
بساحة التمثيل اضن نشدن عليگ
طلعن بسوح الوغا ومفرعات
وياهن ابنگ يركض وبابا يصيح
العام ويانه السنه برمضان مات
رثاء خادم الإمام الحسين.ع.
السيد توفيق العميدي رحمه الله ..💔
لحن القصيده اعلى بصوت مصطفى الشميساوي
Читать полностью…
بصوت المبدع مصطفى الشميساوي
Читать полностью…
هنالك صوت قد هلكه الضمى
وهوه يصيح "هل من ناصر"
حتى خفت هذا الصوت
فعلمنى الحسين قتل..
فلا أمان لنا..
كلام من في الخيام
قصيده ليلة العاشر
عن الخيم صار الحجي
بليله الگعدو سوه
اختنگو خطيه من البجي
وبلخيمه ماشمو هوه
بركض النساوين..... محتار الحسين
*************
اخر اوداع ويا الحرم
التمو بنار الصبر
وحسين يحجي ع خيم
وبكلبه ناره تستعر
ماينحمل ذاك الألم
زينب تدوس على جمر
ينسمع ونها ارقيه...ومبجاه على ترجيه
مني بأجر تنسلب
اتكله بويه بيا بخت... وصرخاتها منها علت
صدك باجر انضرب
وباجر حزن ماينوصف
بساعه يطيحون الوه
عن الخيم صار الحجي
بليله الكعدو سوه
******
عبدالله يبجي ماسكت
حس بكلب امه الرباب
بلحجي اتلولليه وبجت
باجر تكله على تراب
لو كالو امگ انسبت
عبدالله هذا اكبر مصاب
كلمن يجلب بضيمه...ويحسب الحرگ الخيمه
وعبدالله امه اتعجبت
اتصيح يبني اشمالك..... مستعجل الجتالگ
وعينگ يغالي ماغفت
يأجرح بيه من تفز
منين اجيبلگ دوه
عن الخيم صار الحجي
بليله الكعدو سوه
**
لمن حجه عن الطفل
كال ماينطونه ماي
حسين دمعاته تهل
ضاكت اعليه سماي
شلون باجر ينكتل
الكافل ويكسر كفاي
زينب يخويه اشلونج... باجر تره يضربوبج
من هسه خل انحاذر
من يروح عنج ضله.... خدرج شمر يوصله
على جمر ركضج باجر
وشلون ليله ويا الحرم
وزينب تسولف كوه
عن الخيم صار الحجي
بليله الكعدو سوه
***********
صار الصبح وبلا صده
الهيمه خوف وكسره
متوزر اكبال العدو
حسين كامش ضهره
وذاكه الموادع من بده
خنگته حسين الحسره
شيصبره رايح عباس...ومهبط حسين الراس
وحاير شيكل الزينب
ماراح يرجع بل جود..يكطعوله علشاطي ازنود
وراسه من فكده شيب
وفوك الشريعه من وكع
حسين محني ولتوه
عن الخيم صار الحجي
بليله الكعدو سوه
***********
وزينب يسالوفت سبي
منيله عكبه ستر
ضلت بكيف الأجنبي
وشبعه بجفوفه سطر
بت خير ناس ال نبي
يسبهم يوسفه الشمر
وليحدي جاتل ويريد...يجتف بزينب بلكيد
وعدها تره ماضل حيل
الجانت بفيه إخوته... انذال شو طكته
وحسين دايسته الخيل
الطشرتهم كربله
جانو احله من الهوه
عن الخيم صار الحجي
بليله الكعدو سوه
*******
منتظر حسين الكعبي
شور محرم 1443
مسلم يباب اهل الوفه.. والتضحية من اوصافگ
بلكوفه ماكو معرفه.. وعطشو ذيج اشفافگ
كوفتهم انترست غدر.... وحتى خيالگ عافگ
وين.. تنطي ها الوجه وين.. وحيد وبل ميادين
يضهر الغالي حسين..
ليش.. تعويد الغدر صار... وطبگو باب كل دار
عليهم انته خطار
جاي الضعن..وكلهن اجن...منهو اليحاميهن
نفرض وصل.. جا ولخطر ... حايط صبح بيهن
زينب اجت.. بزود الكمر.. وضله يفيهن
مسلم يباب اهل الوفه...
**** *********
الكوفه بعد اهل المگر.. المثلگ تخونه وخانت
اشكد عانا من عدهم علي.. بعهد الولي من جانت
اشحال الحسين او لو وصل.. ومنعده باجر نالت
ذول.. كوفه اهل المصاب.. الكسرو فاطمة اباب
يختلفون الاذياب..
اشحال.. باجر لو اجه حسين.. وحيد وماله امعين
يوگف بصواوين
باجر يجي..يشوف الوضع.. متغير اعليهم
بطف كربله.. بذاك الفله... ولضمه سابيهم
صبح اليهل.. يطشر الشمل.. وينگتل واليهم
مسلم يباب اهل الوفه..
******************
حسينگ يمسلم ينكسر.. بعباس باجر تدري
لو انته يمه ينسند.. من يصيح كسرو ضهري
ولا زينب أبين الزلم.. سلبو تصرخ خدري
جان.. ماعطشو الرضعان..شيفيد البعد جان
تولي حسين عدوان
يدير.. بعينه ومحني بطفوف.. ضامي وكلبه ملهوف
بطيحت رايه وجفوف.
يكسر ضهر.. طيح الكمر....ولناس شماته
يضل منكسر.. بذاك الفله.... تنسمع اهاته
أطفال وخيم.. وكلبه الجم.. أبجي ابنياته
مسلم يباب اهل الوفه...
***********************
بين الزلم طلعت مره.. صعبه عليها الفاكده
تركض وتعثر عالارض.. لحسين اضنه رايده
صعدت على تل اوكبت..من النار اجت متشارده
جيت...خويه وجدمي محروگ..وانته ذاك مسحوگ..
گوه النفس مشهوگ...
اشصار... هجي مغير اهواي.. "شفتگ" ماروت ماي
شگبرها خويه بلواي
ياحيرتي.. بكد حيرتگ.. ابوكعت الكافل
وصرخ رحت.. صوب النهر.. خويه يبوفاضل
منهو بعد.. يحامي الخيم.. منهو العدو يقاتل
مسلم يباب اهل الوفه..
* *********** *
منتظر حسين الگعبي
