2049
خادمة اهل البيت عليهم السلام الشاعره أم عون الحلاويه قاسي ويهد الروح ندري العطش زين يامن شربت الماي لاتنسى الحسين
ومال ازماط ولدج يم البنين
بصوت🎤المله ام قيصر السيلاوي
كلمات✍️ الشاعره ام عون الحلاويه
*(( فزاعيه للامام زين العابدين عليه السلام ))*
اليوم برابع الساده
زينب خل نعازيهه
🏴🖤🏴
شايل رابع اليمه
ومات اليوم من سمه
الدنيه عمدأ تهضمه
شاف شگد حزن بيهه
🏴🖤🏴
شاف الماسده ولاصار
يوم الهجمو الگفار
وبلخيمات وجو نار
ومايگدر يطفيهه
🏴🖤🏴
ولرض الشام مسبي راح
واهله روسهم برماح
ضيمه هواي ماينزاح
من الدنيه وبلاويهه
🏴🖤🏴
الدنيه مايله وياه
وضاك الهضم من عداه
والسم بلچبد اذاه
ولطف عينه يربيهه
🏴🖤🏴
العباد شابح عيونه
راد اهله يحضرونه
وبهمه يشيعونه
وماحضروله تاليهه
🏴🖤🏴
ونلطم للعليل اليوم
يون من الچبد مالوم
شاف شگد هضم وهموم
اللطمه عليه اعدليهه
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( قصيده موشح للامام السجاد زين العابدين عليه السلام ))*
اليوم بلسجاد عازي سكينه
والاخو احزام الضهر تدرينه
🏴🖤🏴
عازي اخته وعمته المهضومه
شايل المسموم يصعب يومه
شاف بعيونه مصاب الحومه
وشاف ابوه بعينه موذرينه
اليوم بلسجاد عازي سكينه
🏴🖤🏴
شاف بعيونه مصايب گربله
وراح مسبي والمدامع هامله
وعور چفوفه الحبل والسلسله
معورات من الحبل جفينه
اليوم بلسجاد عازي سكينه
🏴🖤🏴
راح مسبي وي العقيله عمته
وشاف بعيونه اضربوهه اخيته
اه يمصاب العليل وهضمته
يساعده الله علهضم ويعينه
اليوم بلسجاد عازي سكينه
🏴🖤🏴
شاف چم مصاب وچم لوعه
اليوم بلسم جبدته مفجوعه
رايد احبابه وهله مجموعه
راد وگت الموت يمه حسينه
اليوم بلسجاد عازي سكينه
🏴🖤🏴
تمنه ابوه حسين يمه واخوته
وسطت الاحباب رايد موتته
وتعدل اغطاه العزيزه اخيته
ابد مانشفت دموعه بعينه
اليوم بلسجاد عازي سكينه
🏴🖤🏴
تمنه وگت الموت يمه احبابه
عيونه مانشفت تهل سچابه
يكول اه يابو علي ويمصابه
تلهج باسم الحسين ونينه
اليوم بلسجاد عازي سكينه
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( فزاعيه للسيدة شريفه بنت الحسن عليهم السلام ))*
بيج يزامطون ... الشيعه يلحره
و يابنت الحسن وبنيت الزهره
🏴🖤🏴
بيج ازماطنه يل عمج حسين
وانتي البلشدايد ماتقصرين
تردين الوگت مولاتي موزين
وعينج دوم حطيهه عله الفقره
بيج يزامطون ... الشيعه يلحره
🏴🖤🏴
عيونج دوم حطيهن علينه
وتدرين الوگت بهموم بالينه
وحنه شيعتج ونتي التنجينه
وسط گلوبنه مگسره العبره
بيج يزامطون ... الشيعه يلحره
🏴🖤🏴
وسط گلوبنه جم اه جم ونه
ميال الدهر دولاب دولابنه
وغيرج ياشريفه اليوم ماعدنه
نحلفج بلعقيله زينب الگبرى
بيج يزامطون ... الشيعه يلحره
🏴🖤🏴
نحلفج بلمشت وياج مسيبه
وشفتن ضيم من اولاد اميه
ومن سوط النذل تمشين محنيه
منج اريدين لكل گسر چبره
بيج يزامطون ... الشيعه يلحره
🏴🖤🏴
اجبري گلوبنه مولاتي ننخاج
وبينه ضاگت الوسعه وگصدناج
وانتي ام العطايه جربيناج
ومتردين گلمن گاصد الحضره
بيج يزامطون ... الشيعه يلحره
🏴🖤🏴
يابت الحسن يافينه الثخين
ويانه نريد بلمضلم تحضرين
وبنورج يبنت الزهره تضوين
وضلمه ماتضل بوجودج الحفره
بيج يزامطون ... الشيعه يلحره
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( لطميه للسيده شريفه عليها السلام لطلب الحاجات ))*
خنطلب شريفه هل مسيه
تنطي مراد وشمحله العطيه
🏴🖤🏴
تنطي مراد وتشافي العلات
هاي مچربه بنت الزچيات
هواي بابهه نشوف الگرامات
ثلث انعام منهه الهاشميه
خنطلب شريفه هل مسيه
🏴🖤🏴
ثلث انعام مو وحده ولاثين
هاي ام الگرامه وعمه الحسين
اليوم نريدهه تشفي المرضين
هواي امراضنه وماهن شويه
خنطلب شريفه هل مسيه
🏴🖤🏴
عدنه امراض مولاتي ونخيناج
واحنه شيعتج يل مانسيناج
نحلفج بلمصاب الصار وياج
ونحلفج بلگضو بلغاضريه
خنطلب شريفه هل مسيه
🏴🖤🏴
نحلفج بلگضو گلهم مذابيح
وضل بجروحهم يلجم هوه الريح
يمولاتي اريد همومي تزيح
مهضومه والج مديت اديه
خنطلب شريفه هل مسيه
🏴🖤🏴
مهضومه وهضم گلبي هوايه
اريد اليوم احلفج بلسبايه
نخيتج وادري بيج انتي گفايه
وبيدج شيلي هموم العليه
خنطلب شريفه هل مسيه
🏴🖤🏴
شيلي هموم گلبي بيدج اليوم
احلفج بلعزيز المات مسموم
وبحسين الشهيد الذبحته الگوم
وضلت جثته بلطف رميه
خنطلب شريفه هل مسيه
🏴🖤🏴
ضلت جثته تسحگه الخيول
علاج نريد وتشافي المعلول
وبدواج الخلك مولاتي تگول
عدهه علاج گل عله خفيه
خنطلب شريفه هل مسيه
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
زينب والدهر ماانصف وياهه
من عگب الخدر للشام وداهه
بصوت🎤 المله ام يوسف
وبقلم الشاعره ام عون الحلاويه
*(( فزاعيه لاولاد ام البنين عليهم السلام ))*
ومال زماط ... ولدج يم البنين
ضحوهه النفوس لخاطر حسين
🏴🖤🏴
وتتباهين بيهم حگج ابطال
واحدهم يعادل الف خيال
عليهم لايگه الرايات تنشال
الهم صيت ثابت بلميادين
مال زماط ... ولدج يم البنين
🏴🖤🏴
الهم صيت بلميدان معروف
سباع وبلحرب ماعرفو الخوف
وعباس الوفي ضحه بلجفوف
خوش ربات ربيتي الميامين
مال زماط ... ولدج يم البنين
🏴🖤🏴
خوش سباع ربيتي يبدويه
واحدهم سبع وتهابه اعاديه
ومنهم ونعم يزلام حربيه
واحدهم يطشر جيش الالفين
مال زماط ... ولدج يم البنين
🏴🖤🏴
واحدهم گلف وتهابه الارجاس
شگول احتار من اذگر العباس
مثل هدات حيدر تشهد الناس
ومن حشمت زينب انطه جفين
مال زماط ... ولدج يم البنين
🏴🖤🏴
ومن زينب نخته شسوه بعداه
توسط بلحرب محد تدناه
ومحد گابله ومحد حجه وياه
شردت بلفله منه الملاعين
مال زماط ... ولدج يم البنين
🏴🖤🏴
انتي معدله وخلفتي الحيود
وگلهم مرجله وغيره وزود
واحدهم يهد لحسين هادود
شيلي الراس بولادج الطيبين
مال زماط ... ولدج يم البنين
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( موشح للحسين عليه السلام ))*
لا عزه ولا فاتحه مسويله
حسين من دم النحر تغسيله
🏴🖤🏴
فاتحه لحسين ماواحد نصب
ثلث ليالي الجسد ضل عله الترب
بسموم الحار وجروحه تصب
وخته راحت للسبي وي العيله
لا عزه ولا فاتحه مسويله
🏴🖤🏴
اخته وي عدوان تمشي ميسره
وضل ابو السجاد نايم علثره
والعده برماح شالو منحره
والجسد بلكاع دمه يسيله
لا عزه ولا فاتحه مسويله
🏴🖤🏴
والجسد مشمور محد شاله
عل رمال مطشرات اوصاله
ولليسر راحو سبايه عياله
واخته فوك الناگه وتنعيله
لا عزه ولا فاتحه مسويله
🏴🖤🏴
اخته عل هزل خذوهه لليسر
وراسه فوك رماح ضل دمه يخر
نار گلب ام عون تجوي وتستعر
والسبي گلش گضاهه نحيله
لا عزه ولا فاتحه مسويله
🏴🖤🏴
بس ابوالسجاد ضلت جثته
ليش ماجت العشيره وشالته
گومه گلهه مذبحه ونومه اخوته
حسين ماعنده گرابه تشيله
لا عزه ولا فاتحه مسويله
🏴🖤🏴
حسين ماعنده محب ولااهل
حسين بلغربه وعطشان نچتل
الشمس حرگت چروحه والرمل
حسين گلفه قصته وثگيله
لا عزه ولا فاتحه مسويله
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعيه لدفن الحسين عليه السلام ))*
حسين وسع حفرته
مگسرات ضلوعه
🏴🖤🏴
اوصيك ياعمه علي
وسع الحفره للولي
وگله سبايه گل هلي
وعمتي تون مفچوعه
🏴🖤🏴
ياعلي شيله بهيده
اجروح ابوك مچيده
ومگطوع خنصر ايده
حسين شاف اللوعه
🏴🖤🏴
حسين شاف الماسده
چم يوم جثته مدده
وبصدره سحگت العده
ورگبته مگطوعه
🏴🖤🏴
بهداي نزله للگبر
حسين بيه چم گسر
بلخيل مهشوم الصدر
وروحه الولي مشلوعه
🏴🖤🏴
شضال بيهه روحه
بل الف فوك جروحه
عينه بگت مشبوحه
ولخته يهل دموعه
🏴🖤🏴
الراس راح وي الضعن
ودموع من عينه چرن
للغاليات الانسبن
يون ونته مسموعه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعيه للدفنه لسان حال السيدة زينب عليها السلام ))*
🏴🖤🏴
بهيده ياعلي عمه ... من تدفن اهالينه
يعمه بهون وياهم
وغسل دم لحاياهم
وگلهم ما نسيناهم
كللهم خذينه الروس تحمينه
🏴🖤🏴
گلهم زينب بعبره
يسيل الراس دم نحره
وضل الجسد علغبره
ادفنه بهون لاتأذي ابوسگينه
🏴🖤🏴
بهيده بهيده لوشلته
ازعل لون عورته
وشد صواب البگصته
ولاتگله العدو ياعمه يولينه
🏴🖤🏴
صعبه عله الولي هايه
يزعل صاحب الرايه
غيور الگافل هوايه
لاتگله سبي رحنه وي عادينه
🏴🖤🏴
گلشي لا تسولفله
فوك جروحه تچمله
بس هاذه الخبر وصله
گله تگول ماقصرت والينه
🏴🖤🏴
گله ونعم وفيت
چفك للاخوه انطيت
وگله من نرد للبيت
نرد نتشگر من امك الحنينه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه فزاعيه لسبي العقيله زينب عليها السلام ))*
ام عون للوليان ... مانصبت عزه
الحادي بيهه عل جثث مر وجزه
🏴🖤🏴
الحادي اخذهه بلعجل للكوفه
شلون تنصب فاتحه المجتوفه
مرني گالت للگفيل نشوفه
( مايرضه يمرهه ... لواليهه )
🏴🖤🏴
عل نهر مايرضه ايمر بيهه
رادت جروح الولي اداويهه
الحادي مابي رحم ميخليهه
( ومعذوره ... مانصبت مأتم )
🏴🖤🏴
شلون تنصب مأتم المسبيه
عذرني صاحت يلولي شبيديه
شلون تنصب فاتحه وتعزيه
( وممنوعه ... حتى من الدمعه )
🏴🖤🏴
وداعت الله تصيح من علناگه
وناركم حدر الضلع حراگه
وي الضعن روس العزاز رفاگه
( برماح الروس ... معلگيهه )
🏴🖤🏴
يعين الله زينب عله مصابهه
ماسده عله احد هضم دولابهه
عافت عله الرمله گل احبابهه
( اليحديهه ... ذباح اخوتهه )
🏴🖤🏴
يحدي بضعن العقيله اللعين
يعاند الحره ويطك راس الحسين
وابد مايرضون اذا سمعو ونين
( مايرهم مأتم ... علناگه )
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( موشح للوحشه ))*
اليوم بت حيدر الحره شحالهه
بلمعاره مذبحين ارجالهه
🏴🖤🏴
اليوم زينب بلغرب مهضومه
خوانهه بلحرب كلهم نومه
مذبحين وروسهم مهشومه
ولا خيم ضلت تضم عيالهه
اليوم بت حيدر الحره شحالهه
🏴🖤🏴
داويه الخيمات ماضلت خيم
اليوم ضيم الحره واصل للعضم
من بعد خوانهه شكد تنهضم
خلاف واليهه العدو يبرالهه
اليوم بت حيدر الحره شحالهه
🏴🖤🏴
من بعد عباس يهضمهه الشمر
الدنيه خانت بلعقيله ام الخدر
عل هزل مجتوفه تمشي لليسر
بيهه مايدري شسده گفالهه
اليوم بت حيدر الحره شحالهه
🏴🖤🏴
علعقيله الحيد مايدري شسده
ولادره بخيام اخيته مفرهده
ومادره العباس جتفوهه العده
ضيعوهه وبس لطم يحلالهه
اليوم بت حيدر الحره شحالهه
🏴🖤🏴
بلغرب ضلت وحيده بت علي
لا اخو يمهه ولا يمهه ولي
تكول بين عداي عافوني هلي
طايحه حمولي ومحد شالهه
اليوم بت حيدر الحره شحالهه
🏴🖤🏴
حشمت محد گعدلي الليله
طاح حملي الحمل ياهو يشيله
و فاره بنص المعاره العيله
والهزل گادوهه من احبالهه
اليوم بت حيدر الحره شحالهه
🏴🖤🏴
شلون ترضوني اروح عله الهزل
ايدي مجتوفه ويجروهه بحبل
وين ابو فاضل تمنيته عدل
جان حد هاي الزلم حطالهه
اليوم بت حيدر الحره شحالهه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعيه ليلة الحادي عشر))*
تصوير شعري لزينب (ع) وهي تخرج في ليلة الحادي عشر تبحث عن العباس (ع)، لتعاتبه وتروي له حال اليتامى والنساء بعد غيابه.
نص الليل شدورين
شمضيعه يعلويه
🏴🖤🏴
شمضيعه يبت حيدر
شعندج وحدج بهلبر
وين الحيد المشگر
نايم فوك الوطيه
🏴🖤🏴
خال ابنج عله تربان
ومنه مگطعه الذرعان
زينب ردي للرضعان
تبجي تريدج رقيه
🏴🖤🏴
رقيه خايفه من الخيل
وانتي طالعه بهل ليل
منج راح گله الحيل
وتهدمج الحربيه
🏴🖤🏴
ردي من الحرب يم عون
سگتي اطفالج اليبجون
يم النهر بس متون
وبس جفوف مرميه
🏴🖤🏴
زينب علنهر تلگين
ثنين مگطعه الچفين
وتسمعين بس ونين
وعين البطل معميه
🏴🖤🏴
ردي ولاتشوفينه
تره بعتبج تبجينه
ردي تريدج سكينه
تكلج هجمو عليه
🏴🖤🏴
تكلج حركو الصيوان
وبلبر فرو الرضعان
وجابو هزل العدوان
ويصيحولج يمسبيه
🏴🖤🏴
گالو لليسر تمشين
وتمشي وياج الملاعين
وممنوع البجي تدرين
تشوفين المهضميه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للامام الحسين عليه السلام ))*
ذبينه الچفافي عليك
يوم الطحت مولانه
🏴🖤🏴
گلمن ذاب چفيته
وناصب فاتحه بيته
وماننساه الضحيته
بدمك ثبتت دين الله واركانه
🏴🖤🏴
ماننساك ابد يحسين
بدمك ثبتيت الدين
شمنسوي تره مقصرين
منوافيك ياعزنه ويملفانه
🏴🖤🏴
منوافيك شنسوي
ينار مصيبتك تجوي
نريدك بلكبر تضوي
تحضرنه بگبرنه وموش تنسانه
🏴🖤🏴
نار مصيبتك تسعر
فوك الترب ومطبر
ومنك منگطع منحر
عليك ارض وسمه يحسين حزنانه
🏴🖤🏴
موشيعه تره الينسوك
ثلث تيام ماشالوك
مخضب بلدمه خلوك
تسحك عل جسد خيول مرجانه
🏴🖤🏴
بيك نعازي الزهره
نريد الميت تحضره
تنور وحشته وگبره
نريدك للمحب تشفع يرجوانه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعيه للامام السجاد زين العابدين عليه السلام ))*
شدن لطمت السجاد ... والميدان وسعنه
🏴🖤🏴
شدن لطمت المسموم
وعازن زينب وجلثوم
بلسم ميت المضلوم
وتحله عليه كل ونه
شدن لطمت السجاد ... والميدان وسعنه
🏴🖤🏴
وحلوه ولايگه العبره
شاف الماسده بعمره
وگومن عازن الزهره
وخل نهل مدامعنه
شدن لطمت السجاد ... والميدان وسعنه
🏴🖤🏴
عليل تلوگله الدمعه
ويشبه النبي بطبعه
وعازن فاطمه البضعه
هواي هموم صابنه
شدن لطمت السجاد ... والميدان وسعنه
🏴🖤🏴
هواي مصايب ولوعات
ومسبي ويه المسبيات
وراح مرافگ الشمات
وشاف اشگال تدرنه
شدن لطمت السجاد ... والميدان وسعنه
🏴🖤🏴
بعينه شاف ابو مذبوح
شاف شگد هضم وجروح
وللمضلوم ضل ينوح
يون للخيل داسنه
شدن لطمت السجاد ... والميدان وسعنه
🏴🖤🏴
يون للگسرو صدره
ولحسين وگطع نحره
العابد ياعضم صبره
لحد الموت ضل حزنه
شدن لطمت السجاد ... والميدان وسعنه
🏴🖤🏴
العليل شگد هضم شايل
وحيله من المرض مايل
ودمعه عل وجن سايل
وبلسم گضه وبلونه
شدن لطمت السجاد ... والميدان وسعنه
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( لطميه فزاعيه للسيدة شريفه عليها السلام ))*
مهضومه لشريفه ... اليوم عمتهه
عازي ام الخدر ماتت حبيبتهه
🏴🖤🏴
نعازي اليوم زينب يلمحبين
مهضومه لشريفه وتدمع العين
ماتت بت اخوهه وي الملاعين
من جور العده حانت منيتهه
مهضومه لشريفه ... اليوم عمتهه
🏴🖤🏴
ماتت بلدرب من سوط الانذال
ودمع ام عون علمضلومه همال
ورادت من اهلهه اليوم خيال
بيد اهل الحميه تريد دفنتهه
مهضومه لشريفه ... اليوم عمتهه
🏴🖤🏴
من اهل الحميه تريد دفان
ويحفر بلحد ويعدل الامچان
وبيده يهيل للمسبيه تربان
تنطر بلنشامه وتهل دمعتهه
مهضومه لشريفه ... اليوم عمتهه
🏴🖤🏴
تنطر بلنشامه وما اجوهه
شگد شوغات زينب شوفوهه
اليوم تحيرت ببنيت اخوهه
يشيلون الجنازه رايده خوتهه
مهضومه لشريفه ... اليوم عمتهه
🏴🖤🏴
يشيلون الجنازه تمنت الساده
ويحطون للمضلومه وساده
صغيرونه وسبيه وحالهه تراده
عمت عيني عليهه شلون موتتهه
مهضومه لشريفه ... اليوم عمتهه
🏴🖤🏴
عمت عيني عليهه شافت اللوعه
ماتت بلدرب هليوم مفجوعه
ونتهه خفيه وموش مسموعه
وتطر الصخر نصين ونتهه
مهضومه لشريفه ... اليوم عمتهه
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
لاعزه ولافاتحه مسويله
حسين من دم النحر تغسيله
بصوت🎤المله ام يوسف
كلمات الشاعره ام عون الحلاويه
*(( لطميه لطلب الشفاء من مولاتي شريفه بنت الحسن عليهم السلام ))*
ضاع دواي والدگتور عچزان
وگالو للهند سافر وليران
🏴🖤🏴
ضاع ادواي ياباب اعتني ليه
مرض عندي صعب وتحيرت بيه
وگالو الهند ممگن تداويهه
وگالولي اگو بلحله عنوان
ضاع دواي والدگتور عچزان
🏴🖤🏴
بلحله اگو دگتوره معروفه
للعلات والصعبات موصوفه
گالو گل جرح يتشافه وتروفه
روح واعتني وماترد فشلان
ضاع دواي والدگتور عچزان
🏴🖤🏴
روح واعتني لدگتورة الحله
هاي مچربه وتشافي العله
مجاني الدوه وماتضل گل خله
هاي ابابهه مايضل وجعان
ضاع دواي والدگتور عچزان
🏴🖤🏴
گالولي اگو دگتوره علويه
تشفي بيده گل عله مخفيه
و من نسل الهواشم هاشميه
جده المرتضى داحي البيبان
ضاع دواي والدگتور عچزان
🏴🖤🏴
جده المرتضى والحسن والدهه
سخيه جفوفهه وماترد گاصدهه
علاج لكل مرض بت الحسن عدهه
روح وجرب وتنطيك برهان
ضاع دواي والدگتور عچزان
🏴🖤🏴
شريفه مچربه والگل يشهدون
گريمه ابابهه مايضل محزون
عدهه علاج وتشافي اليونون
بنت المجتبى وشعضم هلشان
ضاع دواي والدگتور عچزان
🏴🖤🏴
گريمه مثل ابوهه تشافي الناس
شريفه معدله وعمهه العباس
الراح الهه وتعنه يرفع الراس
ويودي النذر ويروح فرحان
ضاع دواي والدگتور عچزان
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للسيدة شريفه بنت الحسن عليهم السلام لقضاء الحوائج ))*
جبنه همومنه وجيناج
يادگتورة الحله
🏴🖤🏴
جبنه امراضنه وجينه
ونريدج تشافينه
عليج بجاه ابو سگينه
وشافي بيدج العله
🏴🖤🏴
بيدج شافي الوجعان
عليج بداعت العطشان
ابابج مايظل حيران
حوايج عدنه متعطله
🏴🖤🏴
نريدج تگضي الحاجات
ويمج تسهل الصعبات
عليج المشن مسبيات
نريد امردنه نحصله
🏴🖤🏴
نريد امرادنه عاچل
بداعت عمج الگافل
حملي من الوگت مايل
وبس جفج اليعدله
🏴🖤🏴
جفج يعدل الميله
اليوم بابج دخيله
عليه حمولي ثگيله
وعندج الشدد سهله
🏴🖤🏴
نحلفج بلحسن هليوم
بيدج شافي المالوم
ابوج البلگرم معلوم
والضايف يعزبله
( گل شده بابلج / محلوله )
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( لطميه فزاعيه للسيدة زينب عليها السلام ))*
زينب والدهر .. ماناصف وياهه
ومن عگب الخدر للشام وداهه
🏴🖤🏴
غير حالهه ومشاهه مسبيه
وجساد الاهل علگاع مرميه
زينب بت علي شبعت مهضميه
گفال الخدر علنهر عافاهه
زينب والدهر .. ماناصف وياهه
🏴🖤🏴
گفال الخدر ماگام شاف اخته
سهم العين وجفوفه معطلته
راحت وين مايدري بعايلته
مايدري الغريب اليوم زتاهه
زينب والدهر .. ماناصف وياهه
🏴🖤🏴
مايدري الگفيل وماخذه النوم
وعلهزل مشت بت حيدر اليوم
ومابيهم رحم لاغيره الگوم
وممنوع البجي علحسين ملفاهه
زينب والدهر .. ماناصف وياهه
🏴🖤🏴
ويگله النذل ممنوع تبجين
وگدام الضعينه راس الحسين
تمشي ميسره بنص الملاعين
تحديهه الغرب من بعد ولياهه
زينب والدهر .. ماناصف وياهه
🏴🖤🏴
تمشي وي الغرب من بعد عباس
مجتوفه بحبل ومرافگه الراس
شلون مخدره وتحديهه الارجاس
شوغات الزمان اشگال راواهه
زينب والدهر .. ماناصف وياهه
🏴🖤🏴
شافت ذبحت اخوتهه بلعيون
وخلتهم عله الغبره يونون
وتالي بلضعينه الغرب يحدون
وعن اخوانهه الملعون نشداهه
زينب والدهر .. ماناصف وياهه
🏴🖤🏴
طبن للقصر والضالم يگلهه
جاوين الكفيل وناوي يذلهه
ومايدري العقيله مثل گافلهه
وبنفسه يشوف دموع عيناهه
زينب والدهر .. ماناصف وياهه
🏴🖤🏴
*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين
اطلب منكم تندعولي ان الزهراء تقبل خدمتي
/channel/jfhfhggr
*(( لطميه فزاعيه للدفن ))*
وسع گبور اهالينه ... يدفان
تدري مگسرات ضلوع الحنان
🏴🖤🏴
بدمع العين غسلهم
وبيدك جمع وصلهم
الماي بهون صبه الهم
وعله الگيف من تلبس الاچفان
🏴🖤🏴
وابجي عليهم بدمعه
ويم گبورهم انعه
ضلوع صدورهم جمعه
عليهم حط يعمه شويه تربان
🏴🖤🏴
هواي جروحهم صعبه
وجرح حسين لاتصوبه
الماي براضه اتصبه
تدري جروحهم گلفه الاخوان
🏴🖤🏴
جروح البيهم هوايه
وضلت تنرف دمايه
وسولف بلچره ويايه
وگللهم الحره بدون وليان
🏴🖤🏴
يوم التدفن اخواني
سولف الهم احزاني
وگول انخطفت الوني
يبجون العطش ماذي الرضعان
🏴🖤🏴
سولف بلجره بيه
وعمتي اليوم مسبيه
وضلت تبجي رقيه
گلساعه يطبن گول لمچان
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه للدفن لسان حال مولاتي زينب عليها السلام ))*
سلمنه على اخواني هوايه
وگللهم مشن گلهن سبايه
🏴🖤🏴
سلمنه عليهم عمه اوصيك
وگل لحسين گلهن يبجن عليك
راحن للسبي بوليت اعاديك
والحادي يمشينه عله رايه
سلمنه على اخواني هوايه
🏴🖤🏴
يوم التدفن الخوان گلهم
راحن للسبي گلهن حرمهم
والرضعان بس الروس يمهم
روس معلگه وتگطر دمايه
سلمنه على اخواني هوايه
🏴🖤🏴
يعمه يوم تدفنهم اخواني
سولف بلچره بيه وعماني
گللهم ابن چوشن سباني
واطفالي يونون وضمايه
سلمنه على اخواني هوايه
🏴🖤🏴
يوم التدفن سباع العشيره
لم حسين ياعمه بحصيره
ومن توصل لعد راعي الغيره
گله العلگمي ماردنه مايه
سلمنه على اخواني هوايه
🏴🖤🏴
گله لاتهم لا تضل خچلان
عنك راضيه عمتي ام الاحزان
وفيت ونعم ونطيت ذرعان
ابد لاتستحي صاحب الرايه
سلمنه على اخواني هوايه
🏴🖤🏴
يعمه ياعلي اوصيك بوصيه
گلهم ماتضل يمگن رقيه
اذا ماتت عليه شلون بيه
لايعتبوني گلهم هلحجايه
سلمنه على اخواني هوايه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه للحسين عليه السلام لسان حال السيدة زينب عليها السلام ))*
ماسويت لك خويه عزيه
خذوني الكوم علناكه سبيه
🏴🖤🏴
ماسويت لك مجلس وقرآن
خذوني ميسره يبن امي عدوان
مايرضون حتى ابجي يعطشان
ويبن امي الحبل كطع اديه
ماسويت لك خويه عزيه
🏴🖤🏴
مايرضون اونن وبجي عليك
انه اتمنى اضل يمك واباريك
ونشدنك يخويه شنهو ياذيك
وشربك ماي بدموعي الجريه
ماسويت لك خويه عزيه
🏴🖤🏴
انه اتمنى اضل وياك يحسين
وشربك ماي خويه دمعة العين
لاجن اعتذر منك يل حنين
راح امشي غصب گوه عليه
ماسويت لك خويه عزيه
🏴🖤🏴
راح امشي وخلي يمك الروح
اريد العذر من عندك يمذبوح
لا سويت مجلس عزه ولا نوح
مايرضون عدواني شبديه
ماسويت لك خويه عزيه
🏴🖤🏴
اريد العذر من عندك يمضلوم
اسوي الفاتحه ماتقبل الگوم
ماابجي دمع ابجي لك دموم
حدر الضلع نيرانك سريه
ماسويت لك خويه عزيه
🏴🖤🏴
الك وسط الكلب مو نار نارين
شلون انصب عزه ومجلس نساوين
وهل الشام يبن امي غريبين
ويسموني يخويه الخارجيه
ماسويت لك خويه عزيه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعيه للوحشه ))*
اليوم وحشه عله العقيله
بس حرم وياهه
🏴🖤🏴
اليوم ماعدهن ولي
الله يساعد بت علي
اصيح كعدو ياهلي
وعله الترب ولياهه
🏴🖤🏴
اليوم مذبوحه زلمهه
والعده حرگو خيمهه
والعقيله شگثر همهه
حشمت محد جاهه
🏴🖤🏴
حشمت ماواحد گعد
ويصيح يمهه ابن سعد
گلولهه خل تستعد
احبالنه جبناهه
🏴🖤🏴
گال ناخذهه يسيره
ما عدهه والي ولا عشيره
زينب الجانت اميره
ضلت بنص اعداهه
🏴🖤🏴
ضلت غريبه ام الخدر
مضيعه وگلبهه منگسر
ويزمخ عليهه الشمر
وين البطل ماجاهه
🏴🖤🏴
اتمنى ابو فاضل عدل
ماتركب الحره بهزل
ولايگيدوهه بحبل
ولا تهل عيناهه
🏴🖤🏴
بس ياحسافه الدهر
الحيد طاح عله النهر
وجفه بسيف انبتر
وخوته فلااهه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعيه للعاشر للحسين عليه السلام ))*
طاح حسين يخت حسين
گومي لمي عياله
🏴🖤🏴
طاح حسين من مهره
والضالم گطع نحره
وداس الحافر بصدره
عليه تسحك الخياله
🏴🖤🏴
صاير درب لهل الخيل
بلحومه بلا تغسيل
دمه علتراب يسيل
ومحد غسله وشاله
🏴🖤🏴
محد شال ابواليمه
جابو نار لخيمه
وتشوفين جم هضمه
من هدو العياله
🏴🖤🏴
من هدو عله الخيمات
شيطفيهن الچمرات
فرن وين البنيات
يزينب حالتج حاله
🏴🖤🏴
الله يساعدج علصار
اخوتج والخيم طشار
وتحدي بلضعن الگفار
والدمعات هماله
🏴🖤🏴
دمعج يهل لو شفتيه
راس حسين المعلگيه
وتنزف الجروح البيه
ويطك بلراس چتاله
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للامام الحسين عليه السلام ))*
من ذبحو اخوج حسين
يازينب شسويتي
🏴🖤🏴
الله يساعدج يم عون
بنحره شفتي يذبحون
وبراسه العده يهوسون
ميته وياه تمنيتي
🏴🖤🏴
غالي عليج ابوسكينه
شلون سمعتي ونينه
وضل عاري بميادينه
شكد جروح شديتي
🏴🖤🏴
لجرحه مايفيد ضماد
كلشي وياه ابد مافاد
متوذر ابو السجاد
دم مو دمع صبيتي
🏴🖤🏴
مانشفت دموع العين
الله يساعدج بحسين
بيه فجعوج الملاعين
چم ونات ونيتي
🏴🖤🏴
حتى من البجي منعوج
وتودعينه ماخلوج
سبيه عله الهزل ودوج
فوك النوك لطميتي
🏴🖤🏴
لطم لحسين عل ناكه
ناره تفور حراكه
عزيز شيحمل فراكه
والله وياك ناديتي
🏴🖤🏴
*(( كلمات ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr