2049
خادمة اهل البيت عليهم السلام الشاعره أم عون الحلاويه قاسي ويهد الروح ندري العطش زين يامن شربت الماي لاتنسى الحسين
*(( فزاعيه للوداع لسان حال زينب عليها السلام ))*
اليوم عيني ماتنام
للصبح سهرانه
🏴🖤🏴
اليوم اودع بلولي
باجر يطيح وابتلي
وشلون بيه ياعلي
عله الولي حزنانه
🏴🖤🏴
ابن امي عزيز الكلب
باجر اشوفه علترب
ويفيض دمه وصب
وتهجم علي عدوانه
🏴🖤🏴
يهجمون باجر علخيم
ومايدري شيال العلم
وكلبي تفطر ونلجم
ومحد يضل ويانه
🏴🖤🏴
احشم ومحد يگوم
وباجر اشبع بل هموم
وتهجم عليه الكوم
وابقى اون حيرانه
🏴🖤🏴
احتار باجر بلعيال
وخواني نومه علرمال
وتتكيد جفوفي بحبال
وتسبي عيالي اعدانه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه فزاعيه للوداع ))*
اشبعي وداع من اخوانج اليوم
عله الخيمات باجر عسگر يحوم
🏴🖤🏴
اشبعي وداع زينب من الخوان
عله خيامج تهد باجر العدوان
ومن عباس تتگطع الذرعان
ويتخضب گفيلج باجر دموم
اشبعي وداع من اخوانج اليوم
🏴🖤🏴
باجر مايضل يازينب حسين
علغبره يون وسط الميادين
بلخيمه تضل بس النساوين
بلعاشر عليج تخيم الهموم
اشبعي وداع من اخوانج اليوم
🏴🖤🏴
بلعاشر مصايب زينب تشوف
علخيمات باجر عسگر يطوف
واخيج علنهر مگطوع الجفوف
لاتحشمين مايسمع ولايكوم
اشبعي وداع من اخوانج اليوم
🏴🖤🏴
ميسمعون علتربان نيام
باجر يلعقيله تدوي الخيام
زينب للهضم اتحزمي حزام
شكد يشوف زينب گلبج هموم
اشبعي وداع من اخوانج اليوم
🏴🖤🏴
گلبج باجر يضوك المصايب
خوال ابنج تضل فوك الترايب
بس عليل يبقى وگلبه ذايب
يضل بس العليل وحيله مهدوم
اشبعي وداع من اخوانج اليوم
🏴🖤🏴
باجر يامصاب تشوف العيون
عدوانج عله خيامج يهدون
بطفال وحرم للشام يمشون
وعيالج سبايه برفجت الگوم
اشبعي وداع من اخوانج اليوم
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( قصيده لوداع الحسين عليه السلام ))*
باجر يطيح المضلوم الله يعين اسكينه
ويطيح ساعات الضهر الله يعين اسكينه
وخالي يرد الهه المهر الله يعين اسكينه
وزينب كلبهه ينگسر. الله يعين سكينه
تسمع الحره ونينه الله يعين اسكينه
🏴🖤🏴
تنشد الحره عل ولي الله يعين اسكينه
جاوين طاح ابوعلي الله يعين اسكينه
مشمور جسمه بلخلي الله يعين اسكينه
والراس كالت وينه الله يعين اسكينه
🏴🖤🏴
الراس ماخذته العده الله يعين اسكينه
والجثه تبقى مدده الله يعين اسكينه
يسحكونهه اهل الرده الله يعين اسكينه
وتسمع بناته ونينه الله يعين اسكينه
🏴🖤🏴
حسين مرمي علترب الله يعين اسكينه
والوالي غالي عل كلب الله يعين اسكينه
وبنفسه ماي وماشرب الله يعين اسكينه
بدم هامته مغسلينه الله يعين اسكينه
🏴🖤🏴
بدمه تخضب الجسد الله يعين اسكينه
والشمر بصدره كعد الله يعين اسكينه
وحيل العقيله ينضهد الله يعين اسكينه
ابو علي موذرينه الله يعين اسكينه
🏴🖤🏴
وباجر بناته تنسبي الله يعين اسكينه
اليحدي بيهن اجنبي الله يعين اسكينه
وذني بنيات النبي الله يعين اسكينه
وراس الولي معلكينه الله يعين اسكينه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( نعي للوداع ))*
استر عليه ارجوك يالليل
باجر اشوف اهلي مجاتيل
ومجتفات للسبي نشيل
🏴🖤🏴
صباح الذبح باجر صباحه
اشوف الهضم ماشوف راحه
جبت العمر كله نياحه
🏴🖤🏴
تمنيت باجر مايجيني
تروح النشامه من اديني
وتشوفهم عل غبره عيني
🏴🖤🏴
مذبوح اخوي شلون اشوفه
وعباس علشاطي جفوفه
كطع الزند ابيش اروفه
🏴🖤🏴
حسين بس اليوم يمه
كلساع احب ايده وشمه
باجر يروح شلون هضمه
🏴🖤🏴
من الموت اخيي وين اوديه
باجر تهد العسكر عليه
ابن امي حيره تحيرت بيه
🏴🖤🏴
تحيرت بيهم اخواني
باجر يريته لا اجاني
بدموعه خويه وداعاني
🏴🖤🏴
ويكلي اوصيجن وصيه
لوطحت لاتبجن عليه
تره تزيدين نار الوجع بيه
🏴🖤🏴
ماريد اشوف بعينج دموع
خويه تراني كلبي مفجوع
ماريد كلب ارقيه يلوع
🏴🖤🏴
لاتنسينهه بنيتي رقيه
عزيزه تدريهه عليه
حطيهه بعيونج يخيه
🏴🖤🏴
علفرگه بنيتي زغيره
شلون لوتمشي يسيره
والله يزينب يختي حيره
🏴🖤🏴
يم عون عينج عل بنات
تدريهن عليه عزيزات
مومال ذله مدللات
🏴🖤🏴
بلسبي زينب من تسيرون
ايتامي يختي لايونون
روحي تره خويه يشلعون
🏴🖤🏴
وياكم امشي عله الرمح راس
صيري چويه بوسط الارجاس
لاتذلين يزعل تره العباس
🏴🖤🏴
من يومج وانتي اميره
لاتهمين لو كالو يسيره
وعليج انه راسي اديره
🏴🖤🏴
طول الدرب عيني عليجن
شدن عدل خويه عبيجن
هيبت عليه الكرار بيجن
🏴🖤🏴
للديوان زينب من تطبين
للعدوان ماريدج تهمين
معدله يخت الميامين
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه للوداع )) *
هاي الليله اويلي شلون ليله
وداع حسين وي اخته العقيله
🏴🖤🏴
بلخيمه اجو گعدو سويه
ابو السجاد ويه الهاشميه
تكله تروح باچر من اديه
يباصره ودمع عينه جريه
يشوف دموعهه وذايب دليله
هاي الليله اويلي شلون ليله
🏴🖤🏴
يباصره وتكله باجر تروح
ودمع عيون ابوالسجاد مسفوح
اخته تكله خويه تطلع الروح
لوشفتك عله التربان مذبوح
وعدوك باجر يدوسك بخيله
هاي الليله اويلي شلون ليله
🏴🖤🏴
باجر كون خويه مايجيني
زاد عليك يبن امي حنيني
غيرك مااريد تشوف عيني
يابعد الكلب شمعة سنيني
يسمعهه ويون وباد حيله
هاي الليله اويلي شلون ليله
🏴🖤🏴
سمعهه وخله ادينه عله عيونه
فجعتيني يعمت ابني الحنونه
وصيه انتي يزينب من ابونه
حدي للنحر من يگطعونه
يعذرني بعد حامي الدخيله
هاي الليله اويلي شلون ليله
🏴🖤🏴
حدي وياج زينب گطع نحري
تقبلينه يزينب كون عذري
ابد ماريد اشوف دموع تجري
عليج ام عون خويه نكسر ضهري
الج ونه بكلبي شكد ثكيله
هاي اليله اويلي شلون ليله
🏴🖤🏴
الج ونه يزينب عمت ابني
صيحي لسكنه ووقيه يجني
تعالن يا بناتي و دعني
هاي دموعجن حيل هضمتني
دمع عيونه ابو سكينه يسيله
هاي الليله اويلي شلون ليله
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للرضيع عليه السلام ))*
تصوب يا رضيع حسين
وحسين نهدم حيله
🏴🖤🏴
شاله بيمنته المضلوم
يطلب ماي من الگوم
صابوه بسهم مسموم
وضلت امه نحيله
🏴🖤🏴
وني اليوم وي امه
للفطموه من دمه
حسين بنحره يشمه
وبدموعه يلوليله
🏴🖤🏴
من دموعي اشرب ماي
طايح عمك الرواي
هدمتو جميع عضاي
وصوابك شسويله
🏴🖤🏴
صوابك حار شنحطله
مذبوح النحر گله
ضلت بلگلب عله
عيني امه والطميله
🏴🖤🏴
بلمذبوح عينيهه
خالي المهد يعميهه
وهدومه تشم بيهه
دم مودمع تبجيله
🏴🖤🏴
تصيح بياذنب ذبحوك
وشربت ماي ماينطوك
صابو روحي من صابوك
ليلة گدر هليله
🏴🖤🏴
(( كلمات الشاعره ام عون الحلاويه ))
اطلب منكم تندعولي ان الزهراء تقبل خدمتي
/channel/jfhfhggr
*(( لطميه فزاعيه للرضيع عليه السلام ))*
يذباح الطفل ماعندك مروه
ليش بياذنب من دمه يتروه
🏴🖤🏴
صغيرون الولد وشعندك وياه
ليش شطالبه وتخضب دماه
عندك عيد وتگلهم ذبحناه
هاي الدنيه ساعه وابد ماتسوه
🏴🖤🏴
عندك عيد ومگيف ذبحته
ومهجة فاطمه سالت دمعته
والمحشر حسابه ماحسبته
غير النار باجر كلشي ماتحوه
🏴🖤🏴
باجر ماتفر وحسابك يطول
مرفوض العذر هيهات مقبول
لحيدر والزجيه شنهو تكول
خليت الرضيع بنبله يتلوه
🏴🖤🏴
بنبله گطعت منه الوريدين
خليته يلوج بحضن الحسين
ميته گلوبكم گوم الملاعين
حاجيني الطفل يلضالم شسوه
🏴🖤🏴
شمسوي عبد بدم فطمتوه
وشربة ماي ماترضون تنطوه
ولك ياحرمله شنهو العملتوه
تگطع رگبته عبدالله الحلوه
🏴🖤🏴
گبال حسين تگطع رگبته شلون
ماعندك رحم ضالم يملعون
باجر بلحشر جاوين ترحون
للباري الزجيه تقدم الشكوه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للامام علي للاكبر عليه السلام ))*
تلوج يبني عله الترب
شيوجعك حاجيني
🏴🖤🏴
يمه يسباح الگلب
شسوي نايم بلدرب
بلخيل خافن تنضرب
يابعد روحي وعيني
🏴🖤🏴
يابعد عمري وروحي
وجروحك من جروحي
اكعد وهود نوحي
يومك صعب يگضيني
🏴🖤🏴
يومك يلاكبر موسهل
علوالده ماينحمل
تشوف ابنهه منجتل
ارجعلي وخذ سنيني
🏴🖤🏴
ارجعلي وانطيك العمر
يانار فگدك تستعر
يمه يلاكبر يضخر
ضميتك تباريني
🏴🖤🏴
ضميتك لتالي الوكت
جاليش مني تعذرت
يمه يلاكبر حشمت
اليوم العده تسبيني
🏴🖤🏴
العده حرگو خيمتي
محد سمعهه نخوتي
اه ياعذابي وبلوتي
ترضه اجنبي اليحديني
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( هوسات للقاسم عليه السلام ))*
توسط بلحرب وسيف بيمينه
صاح الزامط المضلوم جاوينه
مثل عباس جاسم ماترف عينه
( من عمه الگافل نوماسه )
🏴🖤🏴
غيور ابن الحسن طالع عله العباس
من عمه الولد وارث تره النوماس
كال الرمله ماريد العرس والياس
( يايمه لعمي وحزميني )
🏴🖤🏴
عمي شلون اعوفه محير وحزنان
اخلي اليوم سيفي يحگم العدوان
مثل هدت علي من يهد علچيمان
( جسام الروس وطشاهه )
🏴🖤🏴
طش الروس ابنج والنعم منه
هلاهل للولد يارمله مو ونه
حصل عل يريده جاسم مهنه
( بلجنه الزفه يسووله )
🏴🖤🏴
حيدر والزجيه ابنج يزفونه
بفردوس وعدن عرسه ينصبونه
ابوه المجتبى وحيدر يحضرونه
( حيدر والزهره يهنونه )
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه لشباب القاسم عليه السلام ))*
ونوله ونوله مات الولد ونوله
بخضاب راسه غرگان ماصفگوله الشبان
مات الولد ونوله
🏴🖤🏴
ماشاف زفه ولافرح بس ونه
من فيض دم الهامه ليش تحنه
عماته بلخيمه الولد يردنه
يردن يزفنه اليوم .. زينب الحره وچلثوم
ومبارك يكلوله مات الولد ونوله
🏴🖤🏴
مبروك جاسم ليش محد كله
تمنيت ازفه بيدي وافرحله
جسام راح وما رجع للگله
وليدي تزهي خدوده .. راح وبعد شيعوده
ماسمعوه هلهوله مات الولد ونوله
🏴🖤🏴
راح وبعد شيرده جسام هيهات
ماكو هلاهل بلخيم بس ونات
عماته ينعن للولد محزونات
بلگلب چاد صوابه عريس فوك ترابه
فوك الترايب طوله مات الولد ونوله
🏴🖤🏴
بلكلب حار صواب جاسم بيه
ماتنشف دموعي تضل مجريه
يانور عيني يلولد رد ليه
جاسم ينور عيوني منك تره حرموني
روحي وره معلوله مات الولد ونوله
🏴🖤🏴
محتامه روحي عل ولد مشتاگه
ماينحمل قاسي الشباب فراگه
حدر ضلع نارك تضل حراگه
نارك تشب بروحي وجروك من جروحي
وي الفاگده لطموله مات الولد ونوله
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه للقاسم عليه السلام لسان حال رمله ع ))*
جاسم وگع بلحوفه
وبدمه حنه جفوفه
اه يمصاب وليدي
اه يمصاب وليدي
🏴🖤🏴
عمك يجاسم كال گله ابنيله
واكبر عرس يستاهل نسويله
ياس ورد جسامنه طشيله
تالي وكع عل غبره هاي اليله
راح الفرح راح الياس
جاسم تصوب بلراس
اه مصاب وليدي
اه مصاب وليدي
جاسم وگع بلحوفه
🏴🖤🏴
راح الفرح جاسم وكع بلحومه
بخضاب راسه نكعاهه هدومه
اه يلولد شاب الگلب يايومه
ضلت سكينه بلخيم مهضومه
ضلت عروسك جسام
محزونه تلطم علهام
اه يمصاب وليدي
اه مصاب وليدي
جاسم وگع بلحوفه
🏴🖤🏴
ضلت عروسك يلولد حزنانه
شعلطه تگول المشه ماجانه
وامك عليك دموعهه جريانه
معقوله جاسم بلحرب ينسانه
تفارگني معقوله تريد
بس انته اليه لوحيد
اه يمصاب وليدي
اه يمصاب وليدي
جاسم وگع بلحومه
🏴🖤🏴
مااحمل فراگك يجاسم تدري
خليتني مهضومه دمعي يجري
يومك فجعني حيل كاسر ضهري
ماعندي غيرك ياوحيدي وضخري
غيرك بعد ماعندي
وياك اموتن ودي
اه مصاب وليدي
اه يمصاب وليدي
جاسم وگع بلحوفه
🏴🖤🏴
مافايده بيه العمر من دونك
گلهم عمامك يلولد يردونك
شلون نامت بلتراب عيونك
بسيف الغدر مگطعين متونك
ارباي راح وتبعبي
يصبرني اريدن ربي
اه يمصاب وليدي
اه يمصاب وليدي
جاسم وگع بلحوفه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( نعي للقاسم عليه السلام ))*
جسام مادامت فرحته
طفوها بلحومه شمعته
ضلت تون عليه مرته
*📝📝*
كامت تون عليه سكينه
كالت يعمه العرس وينه
جاسم طلع مارد علينه
*📝📝*
زينب يعمه شلون بيه
جاسم طلع مارد عليه
مسحي الحنه من اديه
*📝📝*
عمامه تمنينه يزفوه
ولخيمته بفرحه يزتوه
مبارك يكلوله ويهنوه
*📝📝*
من العرس خابت ضنوني
وبعلم الكشر خبروني
وبوليدي كامو يعزوني
*📝📝*
عريسنه بلمعركه طاح
وتناوشوه بسيوف ورماح
عليه يحله الون والنياح
*📝📝*
تصيح امه الولد يبني
رته تجيه لكبر سني
ويشيل الحمل لومال مني
*📝📝*
(( كلمات ام عون الحلاويه ))
اطلب منكم تندعولي ان الزهراء تقبل خدمتي
/channel/jfhfhggr
*(( قصيده للقاسم عليه السلام طور بلعباس احلفنك يلحسين ))*
جاوين العرس يبني يعريس
بدمك ليش متحني يعريس
بدمك ليش متحني يلوحيد
اريدنك ترد وگلشي ماريد
فراكك شيباني وحيلي يبيد
ماتبرد يجاسم نارك تزيد
نارك تچوي لهابه يعريس
يلمتحني بخضابه يعريس
بعد ماينگطع وني يعريس
بدمك ليش متحني يعريس
🏴🖤🏴
بدم الراس متحني يجسام
عمك يلولد چابك للاخيام
وصوابك گلف وشلون يلتام
ماحسبت گبلي يمه تنام
دهري مارحم بيه يعريس
حسبالي تضل ليه يعريس
ردتك لكبر سني يعريس
بدمك ليش متحني يعريس
🏴🖤🏴
ضميتك ضخر يبني وتجيه
شلون تروح يوليدي من اديه
ضاع رباك كله وهاي هيه
دموع العين ماتنفع جريه
ردتن عود اعرسلك يعريس
وافرحلك وهلهلك يعريس
علمك تالي صوبني يعريس
بدمك ليش متحني يعريس
🏴🖤🏴
بمجان الفرح صارت مناحه
بيمن صبحت هاي الصباحه
جابولي الولد تنزف اجراحه
سهم البين گلبي اليوم لاحه
اه يلبين وافعاله يعريس
خله دموعي هماله يعريس
سهام البين صابتني يعريس
بدمك ليش متحني يعريس
🏴🖤🏴
دموع العين للعريس هليت
مافكرت منك يفرغ البيت
ليش عله الكبر يبني توازيت
ميته وياك يمحسر تمنيت
شسوي ضاله عدله يعريس
خالي البيت ماصدله يعريس
كون وياك تاخذني يعريس
بدمك ليش متحني يعريس
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( قصيده للعباس لسان حال زينب عليهم السلام ))*
ليش نايم علنهر شفتك وگلبي انگسر
خويه خويه
خويه خويه
🏴🖤🏴
ليش نايم عل نهر نومك حله
وانه محتاره وغريبه بكربله
وخوتي كلهه ضحايه مجتله
نومتك هايه يخويه معضله
رد علي ياكافلي
بعد غيرك ماالي
خويه خويه
خويه خويه
🏴🖤🏴
رد علي جاوبني يابعد الكلب
شلون لاكتلك النومه عله الترب
مكطعه جفوفك ودم منهن يصب
وانه حرمه وحايره بنص الحرب
حرمه وبنص الزلم
وحركو علينه الخيم
خويه خويه
خويه خويه
🏴🖤🏴
عليه حركو خيمتي ومحد فزع
خويه والعسكر عله اطفالي نجمع
شكد ندهت حسين لاجن ماسمع
ناركم تسعر تضل جوه الضلع
كوم طفي خيمتي
ماسدت يمصيبتي
خويه خويه
خويه خويه
🏴🖤🏴
مصابي عله الناس خويه ماسده
اجساد اخوتي عله التراب مدده
خيام ماضلت خيامي مفرهده
مصابكم يخواني ابد ماله چده
نومه كلكم بلحرب
واني دموعي تصب
خويه خويه
خويه خويه
🏴🖤🏴
عيوني ماتنشف تهل عيوني
عداك خويه بسوطهم طكوني
صد عيه وشوف حالي ولوني
اليوم كالو لليسير يحدوني
ترضه اروح ميسره
خويه سبع الكنطره
خويه خويه
خويه خويه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( هوسات للوداع لسان حال زينب ع ))*
يالليل الموادع زينب تگول
ماريد الصبح وياي اريد تطول
باجر علسبط جم حافر يجول
(( مصباحه ماريدن باجر ))
🏴🖤🏴
ولك ياليل طول ورحم بحالي
بعدني مشبعت من شوفت الوالي
اريد امسح دموع حسين التلالي
(( خل اشبع شوف من عيونه))
🏴🖤🏴
اريد اشبع وداع اجوك تانيني
ماريدن صباح الشوم يلفيني
ولك ياليل مهله شويه انطيني
(( يعميني مصباح العاشر ))
🏴🖤🏴
يعمي العين باجر ماتضل عين
خوال ابني يترسون الميادين
والگافل تطيح جفوفه الثنين
(( وجفينه شيخلن بيه ))
🏴🖤🏴
احا ياطيحت الجفين والرايه
ليش عله الترايب زلم الگفايه
ومايدرون بينه شسوت عدايه
(( ونسبيهه علهزل كالو ))
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( موشح للوداع ))*
ماأريد وداع ويه اخواني
حيل يهضمني الصبح لوجاني
🏴🖤🏴
مااريد وداعگم يهل البخت
هموم كلبي اليوم كلهه تجمعت
هاي شمس وداعنه خويه طلعت
ويه الفجر تبدي عليه احزاني
مااريد وداع وي اخواني
🏴🖤🏴
بس يطر الفجر تبدي مصيبتي
كلهم يروحون من عندي اخوتي
وانه حرمه شلون اضل بغربتي
والعده تحرك تره صيواني
مااريد وداع وي اخواني
🏴🖤🏴
والعده يحركون خويه خيامي
وعله الغبره مذبحين ازلامي
وانه حرمه وين اودي ايتامي
وابد مابيهم رحم عدواني
مااريد وداع وي اخواني
🏴🖤🏴
ابد مابيهم شجاعه وشيمه
عل نسه يهدون وعله والخيمه
وين اودي ايتامي بهل هيمه
اندهه لعباس ما سمعاني
مااريد وداع وي اخواني
🏴🖤🏴
للنهر اركض اروح وحافيه
الضعن عدمن يخويه عايفه
ليش عينك ياگمرنه غافيه
شلون هيج بكربله تنساني
🏴🖤🏴
ليش عينك غمضت يلوالي
خويه من بعدك تتيهه عيالي
ليش نايم يلجنت تبرالي
خويه من بعدك شمر اذاني
🏴🖤🏴
الشمر اذاني ترضهه يلولي
وكال ناخذهه سبيه بت علي
مااريد اجناب تحدي بمحملي
نارهم تلهب تضل ولياني
مااريد وداع وي اخواني
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للوداع لسان حال زينب عليها السلام ))*
مشنه نوادع الخوان
بس اليوم ويانه
🏴🖤🏴
صاحت زينب النسوان
مهضومه ودمع چريان
باجر ماتضل وليان
باجر يحل فرگانه
🏴🖤🏴
احا يانار خواني
باجر تبدي احزاني
تضل تلوج رضعاني
گلبي تفور نيرانه
🏴🖤🏴
ونار الگلب ماتبرد
باجر خدري يتفرهد
اصيح ومايجيني احد
وخوي تطيح ذرعانه
🏴🖤🏴
الگافل توگع چفوفه
وعضيده محير يعوفه
وانه انسبي للگوفه
اروح بحگمت اعدانه
🏴🖤🏴
بس اليوم عد حسين
باجر لليسر ماشين
وخوتي علثره منومين
وتهد جيوش مرچانه
🏴🖤🏴
يهد العسگر علينه
ولرض الشام يسبينه
وللمچلس يودينه
اطب شلون ديوانه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( قصيده للعاشر ))*
اليوم وحدك يحسين وي آل اميه
وين عنك عباس حامي الحميه
🏴🖤🏴
هذا بوالسجاد مرمي على الثره
منين اجيب اليوم سبع الگنطره
مادره العباس بحسين شچره
لان وحده ستضعفوه اهل الدعيه
🏴🖤🏴
لان وحده ستضعفوه عدوانه
وبت علي وسط الخيم حزنانه
تصيح حماي الضعن مااجانه
خل يشوف حسين مرمي علوطيه
🏴🖤🏴
خل يجي ويشوف حاله وحالي
اليوم غير الشمر مايبرالي
ليش نايم ياگمر يل والي
دموم ابو السجاد بلحومه جريه
🏴🖤🏴
تدري الماعنده اخو يستوحوه
حسين جم صواب بلهامه ضروبه
كالو العدوان ماموجود اخوه
حسين ضل بعازتك خويه الشفيه
🏴🖤🏴
اليوم معتازك عضيك يلشجاع
گوم من النوم وفزعله بساع
خويه اريد بهدتك ترهب الگاع
بس حسافه شلون جفينك رميه
🏴🖤🏴
كلمات الشاعره ام عون الحلاويه
المستهل مو الي انما طلب طلبو اكتب عليه
اطلب منكم تندعولي ان الزهراء تقبل خدمتي
/channel/jfhfhggr
*(( لطميه للرضيع لسان حال رباب عليهم السلام ))*
عبدالله نور عيوني بيك العده فچعوني
مهدك اهزه وخالي يلجنت بيه تلالي
بيك العده فچعوني
🏴🖤🏴
خالي المهد يوليدي
يلجنت اهزك بيدي
لحد يگلي هيدي
ارد ابجي وعميهه العين
حالي خلافك موزين
ذاب وتغير لوني بيك العده فچعوني
عبدالله نور عيوني بيك العده فجعوني
🏴🖤🏴
ماضلي يوليدي لون
يذبحوك عبدالله شلون
وبيا ذنب يزغيرون
ينوموك جوه التربان
مذبوح يبني وعطشان
اتمنى انه الصابوني بيك العده فچعوني
عبدالله نور عيوني بيك العده فچعوني
🏴🖤🏴
اتمنى انه نصابيت
يوليدي وانته الضليت
بوجودك يضوي البيت
وبحضني احطك وتنام
ذبحوك ليش الضلام
وبس للدمع خلوني بيك العده فچتوني
عبدالله نور عيوني بيك العده فچعوني
🏴🖤🏴
تهمل عليك دموعي
ونار الهجر بضلوني
يبني شيسگن لوعي
عبدالله ماعوف النوح
من ايدي شلون تروح
من شوفتك حرموني بيك العده فچعوني
عبدالله نور عيوني بيك العده فچعوني
🏴🖤🏴
وليدي بعد ماشوفه
وما تلزم ايدي جفوفه
اتمنى ابد ماعوفه
ياريت ميته انه وياك
وماشوف ذلة فرگاك
بلفركه حيل اذوني بيك العده فچعوني
عبدالله نور عيوني بيك العده فچعوني
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( لطميه فزاعيه للامام علي الاكبر عليه السلام ))*
يلطمن علولد بلخيمه عماته
الاكبر بلحرب تنزف صواباته
🏴🖤🏴
الاكبر بلحرب تتسايل دمومه
يلطمن علوجه زينب وجلثومه
وليله مگابلتهن تبجي مهضومه
ياحيف الحلو شم الهوه فاته
🏴🖤🏴
بعدك يلولد ماواصل العشرين
يل أكبر ييمه وياضوه العينين
مكسور الضهر خليت ابوك حسين
يم راسك كعد يجذب بوناته
🏴🖤🏴
يم راسك ابوك حسين حاجيه
وطبرة هامتك يبني تبجيه
شلون لوحده رايد تخليه
ترضاهه العده يحرگون خيماته
🏴🖤🏴
محيير والدك يوليدي ترضاهه
وتبجي عمتك وتسيل عيناهه
زينب هاي كوم تسامر وياهه
تريد تسامر الحلوه حجاياته
🏴🖤🏴
زينب عمتك يم راسك تنوح
تكلك ليش عمه اليوم مذبوح
صوبك بلجبين ودمه مسفوح
اليوم تحيرت زينب بطبراته
🏴🖤🏴
بيك تحيرت زينب يلمدلل
ماعدهه علاج وكلشي ماتندل
غريبه بلطفوف وحالهه تبدل
عدهه حسين خلاهن بنياته
🏴🖤🏴
ابوك حسين حملهه بگفاله
عد ام الخدر امن عياله
وعمك عل نهر نومه حلاله
نايم مادره شبيهن اخياته
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( موشح لعلي الاكبر عليه السلام ))*
طاح الاكبر ليله خنعازيهه
علشباب الراح من ايديهه
🏴🖤🏴
علشباب اليوم ليله مكدره
يعين كلب الفاكده شيصبره
هامته كالو بسيف مطشره
مايفيد ضماد شتضمديهه
طاح الاكبر ليله خنعازيهه
🏴🖤🏴
ضماد ماينفع چبير صوابه
واصل لحد الجدام خضابه
حسين شاله ودمعته سچابه
يون يمه وهامته يشم بيهه
طاح الاكبر ليله خنعازيهه
🏴🖤🏴
حسين كله شيوجعك حاجيني
بويه يل اكبر يشمعة عيني
وحدي بين العده لتخليني
وهاي امك يبني لتخليهه
طاح الاكبر ليله خنعازيهه
🏴🖤🏴
يبني امك رادتك وياهه
شلون وسط المعركه تنساهه
تنزف جروحك الشديناهه
حيل كلفه ولادوه يداويهه
طاح الاكبر ليله خنعازيهه
🏴🖤🏴
ياعلي الاكبر جروحك مكلفه
بعد مايرهم علاج ولاشفه
امك تنادي عله الدنيه العفه
كالت الدنيه فلا اشريهه
طاح الاكبر ليله خنعازيهه
🏴🖤🏴
هاي دنيه اطباعه تطش الشمل
كون امك ميته وانته تضل عدل
بياذنب ضامي ييمه تنجتل
وجثتك تسحك الخيل عليهه
طاح الاكبر ليله خنعازيهه
🏴🖤🏴
تبقى علتربان جثه معفره
والزلم تهجم علي وانه مره
عمك عله النهر بينه مادره
والضعينه اجناب تحدي بيهه
طاح الاكبر ليله خنعازيهه
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للقاسم عليه السلام ))*
جاسم للحرب زفوه
ما زفوه لسكينه
🏴🏴🖤🏴🏴
جاسم طاح وسط الكون
بسيوف العده يهوسون
بلحنه الدمه معجون
وعرسك يلولد وينه
🏴🏴🖤🏴🏴
راح العرس والفرحه
اليوم الضالم يذبحه
جاسم بلگلب جرحه
والله گلبج يعينه
🏴🏴🖤🏴🏴
رمله الله يساعدهه
بس هاذه الولد عدهه
وجروحه شيضمدهه
بلهامه مطبرينه
🏴🏴🖤🏴🏴
شيشد طبرة الهامه
شاله حسين لخيامه
دمه يسيل لچدامه
ليش بدمه محنينه
🏴🏴🖤🏴🏴
دمه يسيل لمتونه
رمله حالج شلونه
عزيز الولد تدرونه
بس هاذه وتفكدينه
🏴🏴🖤🏴🏴
بس واحد ومنج راح
ويلي بلحرب من طاح
اعذريني ييمه صاح
يستاهل تعذرينه
🏴🏴🖤🏴🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( فزاعية للقاسم عليه السلام ))*
گاشخ بلدرع جسام
مارايد الهلهوله
🏴🖤🏴
گاشخ بلدرع والسيف
يذبح بلزلم علگيف
منهم ناوي ياخذ حيف
بلحومه لعب جوله
🏴🖤🏴
الحومه من نزل بيهه
طشر روس اهاليهه
رمله اليوم واليهه
مثل الحسن شهدوله
🏴🖤🏴
معزب للرگاب اليوم
بسيفه يذبح الجيدوم
رايد ينصر المضلوم
مثل عمه حلو طوله
🏴🖤🏴
يشب عمه العباس
منه ترچف الارجاس
بيه حسين شال الراس
ومتهني يگلوله
🏴🖤🏴
حسين يگله مهنه
موبلعرس بلجنه
طاح اليوم المجنه
خل تلطم المدلوله
🏴🖤🏴
جاسم طاح بلحومه
بلدم ناگعه هدومه
علي ونت المهضومه
وي امه الطموله
🏴🖤🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( نعي للقاسم العريس عليه السلام ))*
اليوم الزجيه تريد ونه
لجسام البدمه تحنه
لاشاف زفه ولاتهنه
*📝📝*
توك شباب بعمر الورود
مثل الكمر تزهي الخدود
غرب شبابه وبعد ميعود
*📝📝*
نارك تضل يبني سريه
تمنيت ازفنك بديه
وتالي نايم عل وطيه
*📝📝*
يلحسن ابنك كوم شوفه
بدماه متحنيه جفوفه
العدوان برماح وتطوفه
*📝📝*
*(( خادمتكم ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr
*(( هوسات للعباس عليه السلام ))*
طب عله الحرب وعيونه تجدح نار
كال اليوم اسوي الماسده ولا صار
كلهه تنشد الفرسان گالو يمكن الكرار
( الواكف بلحد گالو حيدر لوعباس )
🏴😭🏴
مخبوصه العده ينشدون هاذه منين
ابن حيدر علي الگرار ابو الحسنين
اعيد اليوم بيگم خيبر وصفين
(اصول بصولة حيدر خافن ناسينه)
🏴😭🏴
داحي الباب اعيد بكربله ايامه
اليوم الشمر دمه يوصل چدامه
كل عايل يسطره اليوم علهامه
( وينه العايل يوگف چدامه )
🏴😭🏴
اليوم الحيد ياخذ حگه وزياده
ابد ميكابل الفرسان بس يكابل القاده
فوك الراس علك بيرغ عمة الساده
( راس الكافل دخن نار شتعلت بي )
🏴😭🏴
سمع صوت العقيله من الخيم عباس
تحشم ماي رادت من ابو النوماس
هد عله الشريعه ويطخ راس براس
( اليوم الكافل كطع روس الخياله )
🏴😭🏴
شال الماي بيده ابو راس الحار
وفوك الگنطره خله الزلم طشار
اشيل الراس وصلت للعقيله اخبار
( وزينب عودج وفه الخوه بجفينه )
🏴😭🏴
*(( كلمات الشاعره ام عون الحلاويه ))*
اطلب منكم تندعولي ان الزهراء تقبل خدمتي
/channel/jfhfhggr