Islom.uz

21 March 2025 11:03

«Hadis va Hayot» silsilasining 9-juzidan

#Hadis_va_Hayot #Ramazon

📚 @hadisislomuz

Islom.uz

21 March 2025 07:54

#Жума

Жумадан олдин нафл намоз ўқиш

عَنْ جَابِرٍ رَضِيَ اللهُ عَنْهُ قَالَ: جَاءَ سُلَيْكٌ الْغَطَفَانِيُّ يَوْمَ الْجُمُعَةِ وَالنَّبِيُّ صلى الله عليه وسلم يَخْطُبُ، فَجَلَسَ، فَقَالَ لَهُ: «يَا سُلَيْكُ، قُمْ فَارْكَعْ رَكْعَتَيْنِ وَتَجَوَّزْ فِيهِمَا»، ثُمَّ قَالَ: «إِذَا جَاءَ أَحَدُكُمْ يَوْمَ الْجُمُعَةِ وَالْإِمَامُ يَخْطُبُ فَلْيَرْكَعْ رَكْعَتَيْنِ وَلْيَتَجَوَّزْ فِيهِمَا». رَوَاهُ الْخَمْسَةُ.

Жобир розияллоҳу анҳудан ривоят қилинади:
«Жума куни Набий соллаллоҳу алайҳи васаллам хутба қилиб турганларида Сулайк Ғатафоний келиб ўтирди. У зот: «Эй Сулайк, туриб, енгилгина икки ракъат намоз ўқиб ол», – дедилар. Сўнгра эса: «Қачон бирортангиз жума куни имом хутба қилиб турганида келса, енгилгина икки ракъат намоз ўқиб олсин», – дедилар».
Бешовлари ривоят қилишган.

🔗 https://islom.uz/maqola/21574

🕋 @islomuz

Islom.uz

20 March 2025 14:02

Islom tarixi. Kimyo ilmiga asos solinishi

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

20 March 2025 11:32

Закот ва садақа ҳалол бўлган ва бўлмаган кишилар (иккинчи мақола)

Турли сабабларга кўра бошқа бир одамдан қарз бўлиб қолган одам қарздор ҳисобланади. Ҳар хил офатлар туфайли ночор ҳолатларга тушиб қолганлар ҳам шу тоифага қўшиладилар.

🔗Давоми: https://islom.uz/maqola/13898

@islomuz

Islom.uz

19 March 2025 16:01

Ekin va mevalardan zakot (ushur) berish bobi 4-qism

Hidoya 120-son

«Zakot» so‘zi lug‘atda «poklik» va «o‘sish» degan ma’nolarni anglatadi. Zakot bergan kishining moli poklanadi. Qachon zakotini bersa, poklanadi, bo‘lmasa yo‘q. Zakoti berilgan molga baraka kiradi, ko‘payib, o‘sadi.

Shar’iy istilohda «Zakot – maxsus moldan maxsus juzni maxsus shaxsga Allohning roziligi uchun shariatda tayin qilingandek mulk qilib berishdir».

Ushur – lug‘atda o‘ndan bir deganidir. Shariatda yerdan unib chiqqan ekin, mevalar va hosillardan olinadigan soliq bo‘lib, uning miqdori shu hosillarning o‘ndan birini tashkil qiladi.

Muallif: Burhoniddin Marg‘inoniy

Ustoz: A’zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

19 March 2025 12:55

#Закот

Закот ва садақа ҳалол бўлган ва бўлмаган кишилар (биринчи мақола)

Аллоҳ таоло:

«Албатта, садақалар Аллоҳ томонидан фарз ўлароқ фақирларга, мискинларга, у(закот иши)да ишлайдиганларга, қалблари улфат қилинадиганларга, қуллар(ни озод қилиш)га, қарздорларга, Аллоҳнинг йўлида ва йўқсил йўлчигагинадир. Аллоҳ ўта билувчи ва ўта ҳикматли Зотдир», деган («Тавба» сураси, 60-оят).

Шарҳ: Ушбу ояти каримада мусулмонларнинг молларидан чиқарилган закотни олишга кимлар ҳақдор эканлиги аниқ баён қилинмоқда. Шунга кўра, зикр қилинган саккиз тоифа закотга ҳақдор ҳисобланади. Уларга бирорта бошқа тоифани қўшиб ҳам бўлмайди, бу тоифалардан бирортасини камайтириб ҳам бўлмайди. Бу ишни Аллоҳ таоло Ўз зиммасига олгандир. Ҳатто Набий соллаллоҳу алайҳи васаллам ҳам бу ишга дахл қила олмаганлар ва қилмаганлар ҳам.

«Бир киши Набий соллаллоҳу алайҳи васалламдан садақадан (улушни) сўраб келди. Бас, у зот:

«Албатта, Аллоҳ садақаларда Набийнинг ва бошқанинг ҳукмига рози бўлмади. Ҳаттоки у (закот) ҳақида Унинг Ўзи ҳукм қилди. Уни саккиз жузга бўлди. Агар сен ўша жузлардан бўлсанг, ҳақингни берамиз», дедилар».

Абу Довуд ривоят қилган.

🔗 Тўлиқ ўқиш: https://islom.uz/maqola/13894

🕋 @islomuz

Islom.uz

19 March 2025 10:05

#Силаи_раҳм

Холанинг ўрни ва унга яхшилик қилиш

عَنْ أَبِي بَكْرِ بْنِ حَفْصٍ: أَنَّ رَجُلًا أَتَى النَّبِيَّ صَلَّى اللهُ عَلَيْهِ وَسَلَّمَ قَدْ أَلَمَّ بِذَنْبٍ، فَقَالَ لَهُ: «هَلْ لَكَ وَالِدَةٌ؟» قَالَ: لَا. قَالَ: «فَهَلْ لَكَ خَالَةٌ؟» قَالَ: نَعَمْ. قَالَ: «اذْهَبْ فَبِرَّهَا».

Абу Бакр ибн Ҳафсдан ривоят қилинади:

«Бир одам Набий соллаллоҳу алайҳи васалламнинг ҳузурларига келди. У гуноҳ қилган эди. У зот: «Сенинг онанг борми?» дедилар. «Йўқ», деди.

«Холанг борми?» дедилар. «Ҳа», деди.

«Бор! Унга яхшилик қил!» дедилар».

Шарҳ: Яъни она йўқ бўлса, хола унинг ўрнига ўтар экан. Демак, онаси йўқ пайтида ўша холани онанинг ўрнида кўриш керак. Она тириклигида онадан, у йўқлигида эса холадан дуо сўралади. Яхшилик қиладиган бўлса, унга яхшилик қилади.

Гуноҳга ботиб қолиб, қандай қилсам, гуноҳим мағфират қилинади, деган ҳалиги одамга Расулуллоҳ алайҳиссалом онасининг ўрнига қолган холасига яхшилик қилишни буюрганлари шуни кўрсатади.

🔗 Тўлиқ ўқиш: https://islom.uz/maqola/23416

🕋 @islomuz

Islom.uz

19 March 2025 07:58

Дунё мотуридийшунос олимлари Ўзбекистон Президентига миннатдорлик билдирмоқда

Шу кунларда жуда ҳам қувончли хабар эшитдим. Ўзбекистон Республикаси Президенти Шавкат Мирзиёев жаноби олийлари “Имом Мотуридий таваллудининг 1155 йиллигини кенг нишонлаш тўғрисида” қарор қабул қилгани, шу муносабат билан кўплаб илмий-маданий тадбирлар, жумладан, “Мотуридийлик – бағрикенглик, мўътадиллик ва маърифат таълимоти” мавзусида халқаро анжуман ўтказилиши мени бағоят мамнун қилди.

Муҳтарам Президент Шавкат Мирзиёев жаноби олийлари ҳанафий-мотуридий таълимоти атрофида бирлашган туркий давлатлар етакчилари орасида Имом Мотуридий ва мотуридийлик таълимотига энг катта эътибор қаратиб келаётган давлат раҳбари сифатида алоҳида ажралиб турибди. Бунинг учун мен Президент жаноби олийларига чин қалбдан самимий миннатдорлик билдираман.

🔗 Тўлиқ ўқиш: https://islom.uz/maqola/23415

🕋 @islomuz

Islom.uz

18 March 2025 15:09

Ro'zaning tanamizga foydalari

Ro‘zadagi foydalarning eng buyugi gunohlardan xalos bo‘lishdir.

🔗 Ro'zaning foydalari haqida batafsil ma’lumot: https://islom.uz/maqola/21938

Ramazon oyi muborak!

🕋 @islomuz

Islom.uz

18 March 2025 12:33

Hozirgi kunda ro‘za ko‘plab bemorliklarni davolashda qo‘l kelmoqda.

Ramazon oyi muborak, azizlar!

🕋 @islomuz

Islom.uz

18 March 2025 10:35

#Рўза

Рамазон ойи кирса, жаннат эшиклари очилиб, жаҳаннам эшиклари ёпилади

عن أَبِي هُرَيْرَةَ رَضِيَ اللَّهُ عَنْهُ، يَقُولُ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: "إِذَا دَخَلَ رَمَضَانُ فُتِّحَتْ أَبْوَابُ الجَنَّةِ، وَغُلِّقَتْ أَبْوَابُ جَهَنَّمَ وَسُلْسِلَتِ الشَّيَاطِينُ".

البخاري: 3277، 1898، 1899، مسلم: 1079.

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Агар Рамазон ойи кирса, жаннат эшиклари очилиб, жаҳаннам эшиклари беркилади ва шайтонлар занжирбанд қилинади», дедилар».

Имом Бухорий ва Муслим ривоятлари.

عَنْ عَرْفَجَةَ عن رَجُلٍ، مِنْ أَصْحَابِ مُحَمَّدٍ صَلَّى اللهُ عَلَيْهِ وَسَلَّمَ، قَالَ: فَحَدَّثَ عَنْ رَمَضَانَ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: "فِي رَمَضَانَ تُغَلَّقُ فِيهِ أَبْوَابُ النَّارِ، وَتُفَتَّحُ فِيهِ أَبْوَابُ الْجَنَّةِ، وَتُصَفَّدُ فِيهِ الشَّيَاطِينُ" قَالَ: "وَيُنَادِي فِيهِ مَلَكٌ: يَا بَاغِيَ الْخَيْرِ أَبْشِرْ، يَا بَاغِيَ الشَّرِّ أَقْصِرْ، حَتَّى يَنْقَضِيَ رَمَضَانُ".

أحمد: 18795، 23491، 18794، الترمذي: 682، النسائي: 2107، ابن خزيمة: 1883، ابن حبان: 3435، ابن ماجة: 1642.

Арфажа Муҳаммад соллаллоҳу алайҳи васаллам саҳобаларининг биридан ривоят қилади:

«У саҳобий Рамазон ҳақида гапириб, бундай деди: “Мен Расулуллоҳ соллаллоҳу алайҳи васалламнинг шундай деяётганларини эшитдим: «Рамазонда дўзах эшиклари беркилиб, жаннат эшиклари очилади ва шайтонлар кишанланади. Рамазон тугагунича фаришта: “Эй яхшиликни истовчи, хурсанд бўл, эй ёмонликни истовчи, тийил», деб нидо қилади», дедилар».

Имом Термизий, Имом Аҳмад, Имом Насоий, Имом Ибн Ҳузайма, Имом Ибн Ҳиббон, Имом Ибн Можа ривоятлари.

🔗 https://islom.uz/maqola/23412

🕋 @islomuz

Islom.uz

18 March 2025 08:40

Британияда илк марта мусулмон шахс муҳим лавозимга тайинланди

2025 йил 14 март куни Ҳамид Пател Офстед (Ofsted) — Англиянинг таълим стандартлари бўйича масъул органининг вақтинчалик раиси лавозимига тайинланди. Бу ҳақда aniq.uz сайти хабар берди. Ушбу тайинлов Британия тарихида биринчи марта мусулмон шахсининг ушбу муҳим лавозимни эгаллаши ҳисобланади.

Пател келгуси беш ой давомида Англия мактаблари ва таълим муассасаларини инспекция қилиш ҳамда академик таълим ривожланиши учун стратегик режалаштиришни назорат қилади.

Ҳамид Пател таълим соҳасида катта тажрибага эга бўлган раҳбар. У 2010 йилдан бери Star Academies Trust раҳбари сифатида фаолият юритиб, ушбу даргоҳни мамлакатдаги энг юқори баҳоланган таълим муассасаларидан бирига айлантирди. Унинг раҳбарлигидаги мактаблар бир неча бор Офстед томонидан «ўта юқори» деб баҳоланган.

Офстед — Англиянинг таълим, болаларга ғамхўрлик ва маҳорат соҳаларидаги стандартларни назорат қилувчи мустақил орган. У мактаблар, болалар боғчалари, коллежлар ва бошқа таълим муассасаларини назорат қилиб, уларнинг сифатини баҳолайди ҳамда ривожлантириш бўйича тавсиялар беради.

🔗 https://islom.uz/maqola/23411

🕋 @islomuz

Islom.uz

18 March 2025 06:02

#Кун_дуоси

Дуонинг ижобат вақти

Абу Умома розияллоҳу анҳудан ривоят қилинади:

Расулуллоҳ соллаллоҳу алайҳи васалламга:

«Қайси дуо яхши эшитилади?» деб айтилганида, у зот: «Кечанинг охирги қисми ва фарз намозлари сўнгида қилинган дуо», деб жавоб бердилар.

Имом Термизий ривоят қилиб, ҳасан ҳадис дедилар.

🔗 https://islom.uz/maqola/23394

🕋 @islomuz

Islom.uz

17 March 2025 15:04

Qirg'iziston ulamolarining xotiralari 

«Hazratni xotirlab» ko'rsatuvining 80-soni

📹 https://youtu.be/2M6mDKYF0jY?si=e08TwTtAX1_ED7J8

🕋 @islomuz

Islom.uz

17 March 2025 13:34

Pora

Jamiyat taraqqiyotiga va farovonligiga jiddiy zarar keltiradigan, jamiyatni ichidan yemiradigan illat bu poraxo‘rlikdir. Pora olish, pora bilan ishini bitkazishga harakat qilish – bularning barchasi balo va kulfatdir.

🕋 @islomuz

Islom.uz

21 March 2025 10:18

#мерос

Қачон бобо учун муқосама афзал бўлади?

Муқосама бобо учун беш ўринда афзал бўлади:

1) Бобо билан туғишган сингил бўлса;

2) Бобо билан иккита туғишган опа-сингил бўлса;

3) Бобо билан учта туғишган опа-сингил бўлса;

4) Бобо билан туғишган ака бўлса;

5) Бобо билан битта туғишган ака ва битта туғишган сингил бўлса.

Биринчи кўринишда бобо молнинг ⅔ қисмини олади.

Иккинчи кўринишда бобо молнинг ½ қисмини олади.

Учинчи кўринишда бобо молнинг 2/5 қисмини олади.

Тўртинчи кўринишда бобо молнинг ½ қисмини олади.

Бешинчи кўринишда бобо молнинг 2/5 қисмини олади.

Ушбу кўринишларнинг барчасида бобо учун молнинг учдан бирини олишдан кўра муқосама афзалдир.

Қачон муқосама билан учдан бир тенг бўлади?

Қуйидаги уч кўринишда муқосама билан ҳамма молнинг учдан бирини олиш тенг бўлади:

1. Бобо икки туғишган ака-ука билан бўлса;

2. Бобо тўртта туғишган опа-сингил билан бўлса;

3. Бобо битта туғишган ака ёки ука ва иккита туғишган опа-сингил билан бўлса.

Мазкур уч суратда ҳам бобога тариканинг учдан бири муқосама билан тегади ва бу ҳамма молнинг учдан бирига тенгдир. Демак, бунда муқосама ва учдан бир улуш бир хил бўлиб, иккиси тенг бўлиб қолди, деймиз ва бобо шу иккисидан бирини олади.

🔗 https://islom.uz/maqola/23418

🕋 @islomuz

Islom.uz

20 March 2025 15:03

Nega buncha siniq holatdasan?

🔗 Havola ko'rsatuvi

🔗 https://islom.uz/maqola/21341

🕋 @islomuz

Islom.uz

20 March 2025 12:43

Hazrat ilm talabida kelgan insonni qaytarmas edilar

«Hazratni xotirlab» ko'rsatuvining 80-soni

Qirg'iziston ulamolari

📹 https://youtu.be/2M6mDKYF0jY?si=e08TwTtAX1_ED7J8

🕋 @islomuz

Islom.uz

20 March 2025 10:24

«Hadis va Hayot» silsilasining 9-juzidan

#Hadis_va_Hayot #Ramazon

📚 @hadisislomuz

Islom.uz

19 March 2025 14:01

Islom tarixi. Diniy kitoblar qatag‘oni

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

19 March 2025 11:03

«Hadis va Hayot» silsilasining 9-juzidan

#Hadis_va_Hayot #Ramazon

📚 @hadisislomuz

Islom.uz

19 March 2025 08:30

#Закот

Қарз олди-бердисидаги закот ҳақида

Савол: Бир кишининг нисобга етадиган маблағи бўлса, лекин қарзи ҳам бўлса, закот берадими?

Жавоб: Қарзидан ортган моли нисобга етса, ундан закот чиқаради. Қарзлар икки қисмга бўлинади: Аллоҳ таоло томонидан талаб қилинган қарзлар; бандалар томонидан талаб қилинадиган қарзлар.

Бир кишининг зиммасида назр, каффорат, садақаи фитр, таматтуъ ҳажининг қурбонликлари, қурбон ҳайитининг қурбонлиги каби қарзи бор бўлса ва закот нисобига етадиган маблағи ҳам бўлса, аввал закотини адо қилади, чунки бу қарзлар банданинг ҳаққи эмас.

Бировдан олинган қарз, сотиб олинган мол эвазига берилиши керак бўлган маблағ, етказилган зарар ёки жароҳатнинг жаримаси ёки товони, адо қилинмаган нақд маҳр, келишилган, лекин берилмаган нафақа, бировнинг қарзига кафил бўлиш билан қарздорга айланиш, адо қилинмаган закот кабилар бандалар томонидан талаб қилинадиган қарз бўлгани учун нисоб миқдоридан чиқариб юборилади, яъни мавжуд маблағдан аввал ушбулар адо қилинади ва қолган маблағ нисобга етса, шундан кейингина ундан закот берилади.

🔗 Тўлиқ ўқиш: https://islom.uz/maqola/7679

🕋 @islomuz

Islom.uz

19 March 2025 06:04

#кун_дуоси

Эй Роббим, ҳолимизга раҳм қил!

Эй Роббим! Ҳолимизга раҳм қил! Сен раҳм қилмасанг, кимга юзланамиз, қаердан нажот топамиз?!

Зотан, энг меҳрибон, раҳм-шафқатли Зот Ўзингсан!

Шу сабабли бизларни махлуқотларнинг гултожи – инсон қилиб яратдинг; сарвари коинот Расулуллоҳ соллаллоҳу алайҳи васалламга уммат қилдинг; меҳрибон, мусулмон ота-онага фарзанд қилиб бердинг!

Аллоҳим, бизга раҳм қилдингки, ҳам ақлан, ҳам жисмонан соғ-саломат вояга етдик! Ўзингни танитдинг, Ўзинггагина ибодат қиладиган, байтинг бўлмиш масжидларга талпинадиган қилиб қўйдинг!

🔗 Тўлиқ ўқиш: https://islom.uz/maqola/23414

🕋 @islomuz

Islom.uz

18 March 2025 14:02

Islom tarixi. Muassasalarning kutubxonalari

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

18 March 2025 11:35

«Hadis va Hayot» silsilasining 9-juzidan

#Hadis_va_Hayot #Ramazon

📚 @hadisislomuz

Islom.uz

18 March 2025 09:59

Туркиялик велосипедчи ҳаж сафарига отланди

26 ёшли туркиялик велосипедчи Бурак Ўзтурк 2025 йилда ҳаж ибодатини адо этиш учун Германиянинг Штутгарт шаҳридан Саудия Арабистонининг Макка шаҳрига бўлган зиёратини бошлади. Бу ҳақда theislamicinformation.com сайти хабар берди.

Ўзтурк шу йил июнь ойида ҳаж ибодати бошланишидан аввал муқаддас шаҳарга етиб боришни мақсад қилган, у ўнта мамлакат бўйлаб саёҳат қилиш режасини тузган.

Велосипедчи ижтимоий тармоқларда мунтазам равишда ўз саргузаштлари билан ўртоқлашмоқда. Бу эса издошларига унинг турли хил ландшафтлар ва маданиятлар тараққиётига гувоҳ бўлиш имконини беради. Манзилга аниқ келиш санаси белгиланмаган бўлса-да, Ўзтурк Маккага ҳаж маросимлари бошланишидан анча олдин етиб боришига ишонч билдирган.

Ўзтуркнинг саёҳати Австрия, Словения, Хорватия, Сербия, Косово, Шимолий Македония, Греция ва ота-боболари ватани Туркияни ўз ичига олади, кейин Сурия ва Иордания орқали давом этиб, ниҳоят Саудия Арабистонига етиб келади.

У бу саёҳатни икки йил аввал режалаштирган, аммо оилавий шароит туфайли кейинга қолдиришга мажбур бўлган. Бурак Ўзтурк ўз йўналиши бўйича ҳар бир мамлакат орқали хавфсиз ўтишни таъминлаш мақсадида визалар ва рухсатномаларни олиш каби барча керакли тайёргарликни кўрган.

Саудия Арабистони Ҳаж ва Умра вазирлиги бу йилги ҳаж ибодатига ташриф буюрувчилар учун аллақачон рўйхатга олишни бошлаб юборган.

Ўтган йили ҳаж ибодатини адо этиш учун тахминан 1,8 миллион мусулмон, шулардан 1,6 миллиони халқаро зиёратчилар экани маълум қилинган.

🔗 https://islom.uz/maqola/23413

🕋 @islomuz

Islom.uz

18 March 2025 08:01

#Мазҳабда_муваффақият_бор

Абу Ҳанифа ва ижтиҳод

Абу Ҳанифа роҳимаҳуллоҳ баъзи масалаларда ўзидан олдингиларга тақлид қилганмилар ёки йўқми?

Бу саволга жавоб шуки, у зот нима деган бўлсалар, ўз ижтиҳодлари билан гапирганлар, аммо у зот айтган гапларни аввал ҳам бошқалар айтган. Мисол учун, у зотнинг гаплари Иброҳим Нахаъийнинг гаплари билан 84 фоиз бир хил чиқади. Лекин бу Нахаъийга тақлид қилдилар дегани эмас, шунчаки ижтиҳодлари Нахаъий роҳимаҳуллоҳникига мувофиқ келган бўлади. «Нега икковларининг ижтиҳоди бир хил чиқиб қолди, нега алоҳида гаплари йўқ?» десангиз, Абу Ҳанифа роҳимаҳуллоҳ Нахаъий, Ибн Масъуд розияллоҳу анҳуларнинг мадрасасида ўсиб, тарбия топган, деймиз. Усулларидаги ўхшашликнинг сабаби ҳам шу. Демак, Абу Ҳанифа роҳимаҳуллоҳ Қуръон ва ҳадисга биноан ўзлари ижтиҳод қилганлар, фатволаридаги ўхшашлик эса устозларидан таъсирланганлари туфайли бўлган. Ўзлари ўқиб-ўсган мадрасадан таъсирланишлари эса табиий ҳолат.

🔗 Тўлиқ ўқиш: https://islom.uz/maqola/23408

🕋 @islomuz

Islom.uz

17 March 2025 16:01

☺️☺️☺️☺️☺️ 

Qirg'iziston ulamolarining xotiralari

Hazratni xotirlab ko'rsatuvining 80-soni

Ushbu ko‘rsatuvda fazilatli shayx Muhammad Sodiq Muhammad Yusuf rohimahullohning ibratli hayot yo‘li haqida hikoya qiluvchi suhbatlar berib boriladi.

Suhbatlarda hazratga zamondosh bo‘lgan ulamolar, u zotning oila aʼzolari, shogirdlari va muxlislarining shayx hazratlari haqidagi xotiralari bilan tanishib borasiz.

📹 https://youtu.be/2M6mDKYF0jY?si=e08TwTtAX1_ED7J8

🕋 @islomuz

Islom.uz

17 March 2025 14:02

Amirlar uchun asl boylik kitob edi

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

17 March 2025 13:17

Қуръонни 12 соатда ёддан ўқиб хатм қилган талаба

Тошкент ислом институтининг 2 босқич қорияси Робияхон Музаффархонова 30 пора Қуръони Каримни бир кунда, 12 соат давомида ёддан ўқиб берди.

Қуръони Каримни ўқиш жараёнини «Қуръон илмлари» кафедраси ўқитувчилари Жаҳонгир қори Неъматов, Аҳмадхон қори Рашидов, Валихон қори Азимбоев, Абдулбосит қори Қобилов, Робия Нажмиддинова ва бошқа устоз ҳамда талабалар кузатиб бордилар.

Тошкент ислом институти ректори, тарих фанлари номзоди Уйғун домла Ғофуров мазкур натижани эътироф этиб, устозларга ғайрат ва шижоат тилади.

Қуръони Каримни 12 соатда ёддан ўқиб хатм қилган Робияхон Музаффархонова ноутбук ва эсдалик совғалари билан тақдирланди.

«Қуръон илмлари» кафедраси устозларининг меҳнати натижасида Тошкент Ислом институтида Қуръони каримни бир кунда тўлиқ ёддан ўқиб бериш анъанага айланди. Бугунги кунга қадар бундай ютуққа эришган қория талабалар сони 12 нафарга етди.

Шу вақтгача ушбу натижани қуйидаги қориялар қайд этган: Гулруҳ Кенжабек қизи, Робия Нажмиддинова, Фотима Абдуллаева, Ҳавасхон Акбарова, Сайдиллаева Назокат, Мираҳмадова Ҳуснора, Муҳамматханова Мухлиса, Қурбонова Хадича, Орифжонова Муҳсина, Амина Хўжаёр, Руқайя Юсуфий.

Эслатиб ўтамиз, 2014 йилда Тошкент Ислом институти тарихида илк бор Ихтиёр қори Абдураҳманов Қуръони каримни бир кунда, бир ўтиришда тўлиқ ёддан ўқиб берган.

🔗 https://islom.uz/maqola/23410

🕋 @islomuz