786
اضمَّچ بين ذرعاني وعطرچ يصير بيه أغرگچ غزل عراقي ونذوب انا وانتَي سويه بوت سايت. @IRAQL9bot تواصل @ADOLFYOUSEF
القصيدة الكاملة بعنوان انتهينه :
انتهينه ..
وانتهه الما ينتهي وخلص حجينه
انتهينه
وبكت كطرات الوفه المذبوح تتناثر علينه
.
.
وبكت للمجفين كوم اسرار عد روحي الامينه
وكون نتساهد عتبنه ايفيد بيهم
عاتبينه ..
وكون يسوون البچي
چا بثنعش ناظر بچينه
.
.
غافلونه وباكوه العشره غفل من بين ادينه
وباكو من ايد العمر سنتين وبودهم رضينه
.
.
تالي نزعو شوكنه امن كلوبهم !!..
كالو عوض عنكم لكينه ..
تالي سدو بابهم ..
من شافو اعله الباب اجينه ..
.
.
وشككو مكتوبنه وبلا خجل ذبو علينه ..
اتندمينه ..
وجينه نسحل شوكنه ابرجل الندامه ..
وايسينه ..
.
.
وابتعدنه بعيد
لاچن طيفهم ظل يعتنينه..
ظلت احجاياتهم عالبال ..ماجلمه نسينه
ياما لسعتنه الشمس وبفّي كصايبهم غفينه !!
ياما ذبنه العطش يمهم ..وبجدح جفهم روينه ..
ياما فيضنه الوفه ..
وحطولنه المهجه سفينه ..
تالي ..؟
طبكو بابهم وبنار فشلتنه انجوينه ..
تالي ..؟
نكرو شوكنه وسجة اسنينه
وسالمو غربه ونسو لويات ادينه
اتندمينه ..
اشلون..؟
قشمرنه الكلب والهم مشينه ..
اشلون ..؟
ماتبنه ابجرح..واعاه الجروح اتعودينه
شتلو ادروب العشك عثرات !! وشلون انعمينه
اتندمينه ..
وجينه بجنازة عشكنه الماتزغفله ..وآيسينه
وهذا حدنا اويه الهوه ..
وطاري الوفه ..
وشوك المدينه
انتهينه ..
وكون يسون الدمع چا بثنعش ناظر بجينه
انتهينه ..
انتهينه ..
أمس بليل
طَيفك مَر بلعيون
وگعدت وياك سَاعة وعاتبيتك
وفجاه راح طيفك وفزت الرُوح
گلبت اليل كله وما لگيتـك !
يا شايل وجوهَ السُفر كلُهَا بسَواليفك
عايشُلك بكيفَ الغُرب بسَ ميت بكيفَك .
بارود العمر شفتك دخلت انذار
خايف من شرار عـيونكَ التجدح
جبار رشيد 💛
المن متاني
شعجب نومك فزيز
المايودوله رسايل مو عزيز
حيدر الشكري
دليني علىٰ عيونك
أسافرلك كحل ملهوف
ريل بسچة جفونك .
واذا شحّ الوصل متشح الطيوف
نسد عيونه وبأحلامنا نشوفك ..
اشتاگلك
بس الحچي المضموم الك يتبعثر ..
- إيهاب المالكي
- الرساله ؛ عَن ياجَرح روحي ماحچتلَك؟
عمت عيني اعله عيني شگد بچتلك
عفت زاد أمي واتشَهيت سمّك
الله مخلي راحــه بـالي يمك
يا حبيب لو چنت انت زعلان
چا زعلت على الهوى لو زعلاك ..
- صاحب الضويري
لم يَبقَ في الحانات إلّا الذّكريات
مظفر النواب
والسوالف كلها تكضي وتبقى
سالفتي طويله .
لـ فاضل عبد الساده
فراشات و ورد وطيور
تشوفك لهفتي وشوفي
وصحراء وعطش ورمال
تشوفك عزتي وخوفي ..
شجاني وصدگت بالشوف ؟!
شجاني وجذبيت الخوف ؟!
شجاني وأمنت بالشوگ ؟!
جان الشوگ عاميني ….
- الكبير سمير صبيح
حديد انت ، ورجفت بساعة الضيچ
وانا خشبة ، ووكفت بوجه منشار .. !
صَح كُلشي إنتَهى
و ما يَرجع الـراح !
و يمكن هالفراگ يجيب أجَلنا
و يمكن فَترة شوگ ونرجع أحباب
كُلشي يصير لا نَگطع أملنا .
علمتك عليه من الالف للياء
تغلط بـ الاجابه وانا اعدلك
وشلي بغيرك انت والكه مثلك وين
تتعب تلكه غيري بهل تعب شلك
ياهوا العلمك وتريد تمشي بعيد
سل لشوك خايب باجر يسلك،
لاگيني نده اعلَه الباب
فك شباچك من بعيد
ازف روحي
هوه وعطاب
هاشم الخزاعي
صوتك الحلمان
يسري بكل مكان و كل زمان
و بي نسايم تنده اجراس الكنيسة
وتعزف على المگبرة
الحان اليدگ تابوته بيده
- كاظم إسماعيل الگاطع
واذا يتبدل المفتاح
قفله وياه يتبدل
بس انته قفل ورقام
والمفتاح منه وبيه !
وانته المشكله والحل
الراحل محسن الخياط💔
علي مِهدي بعد حَديث طَوِيل عَن خِيباته گال:
( ما ظَل وجع ما جاس گلبي ).
يا حبيب لو چنت انت زعلان
چا زعلت على الهوى لو زعلاك ..
- صاحب الضويري
اخذني وياك اريدك ما اريد الغير
وكون بسدك اگعد وگعد بسدي
لـ جبار رشيد
شكلي تغير
وضعفان صاير
من يوم الرحت
لليوم حاير
وخطية امي
فطيرة تصدِك بساع
تسألني واگلها
من الجگاير