786
اضمَّچ بين ذرعاني وعطرچ يصير بيه أغرگچ غزل عراقي ونذوب انا وانتَي سويه بوت سايت. @IRAQL9bot تواصل @ADOLFYOUSEF
يعيني الله اعله العواصي من السنين
شكثر بيّـــه عناد ويـــه العاصيات
وزه يوازني و أوآكح ما ألين
وأرجي ضلعي على الرماح المُشرعات
آخ ما آكولن وهذا المـــايصير
ولا أطمعهن وأبينلهن شكات
هي روحي ووطنتها على اللهيب
وميــزة الفـولاذ يصكَـل بالشوات
طبعي كَهوه اشماتعظني النار حيل
أكسب من النار محمود الصفات
روحي أبوهه الضيم وأمها المستحيل
وهي وسنين الكَحط ولدن خوات
أنا مغرم بالثكَــــال من الحمول
وصلب عودي وهالجتاف معركات
شكثر منهن حملت بس ما لعيت
ودفتي من الجلد طلعت والعبات
وحدر هدمي وكَامتي يتكسرن
والنصال على النصال مخالفات
واعتنيهن لو عليّ ما سيرّن
خاف ينكَال انكسر بالعاتيات
ولو أدريهن ضواري ولا أهاب
وكمت أواسدهن وألف راسي وأبات
الحكمه انك تعتنيهن للمكـــان
لا اتانيـــهن يجنك صايلات
أنثر غبارك على وجه السنين
كلهه تفنى وهنَ ذن الباقيات
والله اليطخ كَامته يسموه ذليل
وانه ما أرضى تصفني بهالصفات
مر علي كل شي وضكَت حد ما رويت
خاف أكَــــدر خاطرك بالتسميات
العسر والجوع والهــــم والدموع
وكَصره اليد والهدوم الباليات
آنه فضله ضيم فرتني الرحي
ودولبتهه ومللت طاكَـ الرحات
وبخضم هذا الصراع تريد أنام
ياغشيم ينام ويلذ بالسبات
خل أشد وزار وأتلكه الصعاب
كبل لا يسطن علي موزرات
ولو طاح الريش ولحيمي ارد اطير
واشتل ضلوعي ابدال السبكَات
لا تكدر خاطري لو ردت أجيك
وتشتكيلي من المضن والآتيات
انه عاندت الوكت وبمشتهاي
وصرت حتى من أرد اموت بمشتهات
وصرت ممن لأن عاري من الثياب
وهو ياسلاب اللي يسلب عراة
برغم كل الصار وبرغم اليصير
ما تزل أجدامنا المن ثابتات
أنه ما مجبور أصدك ما يقال
ولا أردد ما سمعته من الرواة
أنه مصدرهن إذا زل الحديث
وانه بهلول اليفصل الراهيات
آنا بارم خيط وكتي بهالجفوف
وبإيدي سديت الغزل للمسعدات
شلون أجفل عكَب ما صار الطراد
وجنت أتانيهن وهن محددات
كبت التكبل الأهدان المستكين
البوم ماجفل الصيد من الفلاة
ولحيه الماتنحشم يوم الصياح
لا تعدهه من اللحايا الغانمات
عيش ذيب الدنيا مو دنيا خِراف
الموت للخرفان.. تحيا الضاريات
هم شفتلك ذيب جتفوه للكــصاص
وداعتك بس الشياه مجتفـــات
وهي غابة وذيب يتسطه على ذيب
ويتعشى بصاحبه كــبل الغدات
يا دواليب الوكت فريــني حيل
أنا أدور راحتي بالموزمات
بيه سوله السهل ما والم هواي
الا أمد ايدي وألوح العاليات
ولا أدور طوش من حدر النخيل
كود أعت روس العثوق المثكَــلات
الماي من يركد فسد ما أشتهيه
ومن خباط الماي أطلع الصافيات
وحصتي من الخيل تعجبني الجموح
شنهو نفعه الما يروض الجامحــات
وأعتني النزرات كل ما أبعدن
وقيمه المنظوم جمع الشــاردات
وهيه لذه الصيد أصلا بالطراد
وخيبه الكَانوص جمع الطايحات
#عطا_السعيدي
دبريلي ملكة بروحي
وحشة حضن
شكد ناس صغرت من
فراغچ كبر
شجريتي مني وما انجر
النفس
ضلت النسمه بروحي
تطبع أثر
رحتي وخيالچ لاغفه
ولامشه
لاعاف روحي ولابعيني
أستقر
أربع مواسم ظل خريفچ
يجي
وطاحت ملامح وجهي
مثل الشجر
علي رشم😞
المفارك يصوفر من يشوف ثنين
تلكه بروحه خوف وموقف وذكره
اخذ صورة درب راويهه للمسجون
بس يشوفهه يخضر مشي بصدره
اليغرك بالنهر وطلعه من الماي
يضل خايف بعد ماينزل بكطره
المفروض بهوه يتغسل الغركان
ويصير الدمع ممنوع يم كبره
مو بالكاع نحفرله الكبر بالناي
حته شما بشر يعزف هوه يمره
للغركان لازم مانثوب الزاد
نهدي الفاتحه ونتنفس ونقره
المفروض بحجي تجفن الخرسان
وثواب الهم سوالف نترس السفره
المفروض بجفن يتشيع النجار
تره التابوب كبل المكبره يعصره
واليغص برمش مفروض يشرب طيف
اليغص بميل واكف ينشرب عمره
بعدك قيمة التوجعني اطيب شلون
تره احساس الورد بس النده يقدره
اطيح منل سمه ولاطيح من العين
اجبر اعضامي بس تقديري شيجبره
لو يحضن شمس هم يبرد المشتاك
وعفتني انته بوكت بي ترجف الجمره
كاعد شتفي وشك بضلامه الليل
حس روحه ضهر من كثر ماسهره
ومن اذكرك ينكطع خيط العين
ويطيحن خرزهه دموع مطشره
بين يم سكتي يسولف التمثال
وطويل السانهه وماتسكت الصخره
غير الفارغ يرجع صدى اليحجون
فراغي بغيبتك رجع صدى النضره
سنطة والسوالف بس دمع فركاك
ذبلك خيط وسمع لاتذب ابره
كبل لاضوك هجرك جنت اثق بالذيب
بس هسه الورد ما ثقن بعطره
اثق حته بعدوي اوصل شكي وياك
اصابيعي احسبتهن خاف مو عشره
من سئلوني عنك ماكلت غلطان
وطلعت من كفاي امرورة العشره
راح شلون كالو وصفت ممشاك
ساعت رمل ولفي سوالفه بخصره
اليسولف سر عشك يزغر بعين الليل
الشمع من يحجي سره احجايته تكصره
حسين السيد نور🍂
يَاريت هَسه تِجي
ونكعُد سَوه ونبتِسم
ويَاريت ذاكّ الحلِم
يطَلع صّدُك مَو حِلم
شَايف جَدار وعَتگ
هَيچ أني جَاي انّثلم
وبدونَك تغّيرت
مَو نَفسي ذيَج القَبل
والعيون هَاي أنعَمت
والوجَه هذا ذبل
لا والتَحز بالگلُب
كالوّا فَراگكّ سَهِل .
تعَال أمسح دموعَك
وأرسِم أفراح
على عَيونك وخَدك
والشفايّف ..
ومعَليك ؟
بحَزن ذيچ المواضيع
راح أخَتارلك أحلى السوالِف .
جبار رشيد
كل العمر لليله وفرگتك لليله ..
صوَابك بالگلب شتريد اسويله "
چنت احس روحي سفينه وأنت ماي
وهسه شح المـاي
واه يا شحة المـاي إعلى السفن
حمود كريـم
من شوفتك بيه جرح
لايعتك ولايلتم ولا ينغسل
ولايبرد ولايلتف
محسن الخياط
كون تشُوف روحِي شخَله بيها الخُوف
وكُون تشوف حَالي شكد الك ملهُوف
لـ جبار رشيد
- بكُل ضَياع الروح أريدَك
أنا كِل دروبي أحسها خطوط إيدَك .
انه المنسي النحيل الذابل المتعوب والضامي الغريج الما يحبه احد .
لـ حسين محمد
دَمعتك بارده يكولون ما تشتاك
وانه خيال الحَنين يثكل بجدمه
والكاهُم فراغ منين ما حط شوك
الاحبهم مو نهار كلوبهم ظَلمه
اليضُم عندي هوى
ما اسولفه المخنوك
اليجي بوكته دمع
بعيوني ما اضُمه
واهس لليل جَرحي
شكد سوالف بي
عليه كُل ذكرى مرت تنحسب لچمه
هوت روحي وهوت
بس ما هوتها الناس
حچي عيوني سهل
بس جيب اليفهمه
الهوى يلتم عليه منين ما ذكروك
وادُك رجلي واضل بعازة الخنكه
واغُص بريحتك ماكمت اغُص بالزاد
المفارك النسمه العابره تغركه
علي رشم
زعلان بس يا زعل..
لمن ترد للصدگ
گبل المنادة اجي
وشلون جية اجي..
اركض ركض محترگ.
الكاطع
و راح تشوفني بكل الخسارات
و راح تحطني الأول من تعدها .
يكلبي العذاب العندك محليك الجام اصلا رمل بنار متعذب
حسين السيد نور
رسمتك .!
ع ألضباب الحاضن الشباج .
- لـ مرتضىٰ عباس
أباوعلَك غَفل وأندار مِن تندار
خاطِر مَاتگول بدوني مَايگدِر .
تعَال أمسح دموعَك
وأرسِم أفراح
على عَيونك وخَدك
والشفايّف ..
ومعَليك ؟
بحَزن ذيچ المواضيع
راح أخَتارلك أحلى السوالِف .
جبار رشيد
لا يليق أبداً بالإنسان ان يكون بينه وبين التأمل والتفكير حاجز ، لا يجوز أن يعمل آخرين على التفكير بالنيابة عنه وتصدير قوالب فكرية جاهزة له, فحرية الإنسان تنطلق من حريته فى التفكير ..🍃
Читать полностью…
تِظن الذكرَيات تعوفك بخِير؟
مَحطّة تمرها يُوميّة بقطارَك
يَا گَاعّ التَلمّني وَيُاكَ
وَأشَتريهَا بَثمن روحِي .
وين أنت ملينا النشد
والناس گامت ماترد
- جبار رشيد
روحيّ
بلايه روحك مني گامت تخاف
الهوى لو مر عليّها يهزها ويذبها
انـَت وياها جانت گوا يمشيّ الحال
مـَن دونك نفسّ گل نفسّ مالها
شايف مـَن تجيّلك تدري بيها شلون
مرعوبه صفت و الشوگ بهذلها
مثل العاشگه اتطبّ مگبّره بنص
الليّل تايه شورها و ضايع گلبها
لـجبَار رشيد
أعَز من رُوحي أعَزك
وأنتَ أعَز مني
يَا حسَبة عُمر
خأوَيتها من صبُاي
بطِلت صفنتي
ومَا بطلت مَني