2554
--------------* ✍بقلم خادم العليله الشاعر رعد الجريخي
#ميمر
#ميمر
لمولاتي العليلة محرم١٤٤٣هــ
سار الضعن حلمي أندفن
بس الدمــع خله الزمــن
تچويني نار الحسرات وانه انتظر يوميه
*----------------*---------------*
صورت شملهم ساكنه أبدلالـــــي
حسبالي أروحن بالضعن حسبالي
ماحسبت ابقه بدمع للتالـــــــي
جسمي نحل فــوگ العلل
ياهو ألالــي بفرگه الاهل
بين الحزن والاهات بغربه اصبحت منسيه
*----------------*---------------*
تلفي المسيه وانتظر حاديهم
كلشي نسيته وألهج بطاريهم
نذراً عليّه بالعمر أفديهــم
أحلم يـــــــــرد وأنسه البُعد
الحادي الشمل أزرع ورد
گلبي أنجرح للأحباب وروحي بهجر ملچومه
*-----------------*------------------*
حتى بمنامي للدمع ما بــــــــارح
أتنطر وهمه بخيالي الســـــــارح
أفراگ الأحبهم مارحمني وجارح
طال الهجر غاب الفجر
الليل اليجي روحي يجر
طفله وعليله أيعرفون وخلو حزنهم بيه
*-----------------*---------------*
المثلي أشيطيب علّته وجروحه
تحله المناحه ودمعتي مسموحه
گطعوا خبرهم وألأمل بالروحـه
كلشي أنگطع حزني أنجمع
انطـــــر خبـر محد رجـــــع
أمكابر حياتي ولوعات وين الصبر تاليّه
*----------------*---------------*
أحلامي ماتت والعمر مليتــــــه
ما ادري صبري الياوكت تاليته
رب الجلاله بغربتي أدعيتــــــه
بكسر الگلب وجفني اليصب
ايجيب ألاهل وانسه الغـــرب
أذتني حيل الأيام واحلم اشوف الجيه
*------------------*-----------------*
أغفه وصورهم بالجفن مرسومه
أتحملت مـــــر الهجر وهمومـــه
ليل المصايب عاشرت لنجومـــه
حصتي السهر مــــــن الدهر
بهذا الوضـــع ظهري انكسر
الجيّت شملهم تانيت ماضن يرد أعليه
*------------------*----------------*
✍بقلم خادم العليله
الشاعر رعد الجريخي
« يــبــن أُمـــي حُـــســـيــن » 1447هــــ
يـــبـــن أُمــــي حُــــســـيـــن
ــــــــــــــ
زيــنــب يّـــــهَـــــل زيــنــب آنـــــــي
وحــــدي بـالــطــف بــيــن احــزانــي
عـالــغــبــره إنــذبـحــوا اخـــوانــــي
يـــبـــن أُمــــي حُــــســـيـــن
ــــــــــــــ
مــاعــنــدي خـــيـــمـــه ولاوالــــــي
بـالــهــيـمــه بـالــغــربــه اعــيــالـــي
بــس الـــســجّـــاد ويـــــبــــرالـــــي
يـــبـــن أُمــــي حُــــســـيـــن
ـــــــــــــ
ويــــــن الــعــبـّـاس وگــــفـــــالــــي
يــاريــتــه ويـــعـــايـــن حــــــالــــي
عــالــنــهــر مــذبـــوح الـــغــــالــــي
يـــبـــن أُمــــي حُــــســـيـــن
ـــــــــــــ
لـــويـــرجـــع ســاعـــه حــامـــيـنــه
مــشــتــاگه لــعــيــونــه اســكـيـنــه
بــلا خـــيـمــه عــكــبــه ضــلــيـنـــه
يـــبـــن أُمــــي حُــــســـيـــن
ــــــــــــــ
آنـــــه الــمــذبــوحـــه احــــلامـــــي
بـالـحـافــر مــرضــوض الــضــامــي
داســــــــوا بـــصـــدره ڪـــدامــــي
يـــبـــن أُمــــي حُــــســـيـــن
ــــــــــــــ
ويـــنـــچ يــايُــــمّــــه يــالـــزّهــــره
إبــنــچ ڪـطــعـوا يُـــمـــه نــحـــره
والــگــافــل لايِـــمــنـــه ويِـــســــره
يـــبـــن أُمــــي حُــــســـيـــن
ـــــــــــــــــ
ابــو فـــــدك الــشّــــامــي ✍🏻
(﷽)
لا تفرش ابساطك الي ...... اباب الحسينيه
هاي آنه ام المنذبح ...... وبنيتي مسبيه
الجيتي لا تتحظر ..... بكل المجالس احضر
ــــــــــــــــ
خلوني اكعد عالترب يا شيعه خلوني
عالغبره نايم مهجتي او مقلة عيوني
بسمه لو الناعي نعه انحب تسمعوني
ام وفكدت اتلث ولد ويلي وتعرفوني
وبنيتي راحت عالهزل ...... محد يباريهه
عالشاطي ضل نايم وسف ...... خيهه اليحاميهه
يا شيعه ما اتصبّر ..... بكل المجالس احضر
ــــــــــــــــ
كل مجلس احضر والضلع يلجمني ادريبه
ما الطم مصيبه وأشد من الطم مصيبه
آنه الكصدت الكربله بهم من ارض طيبه
وشفت ابني متكطع وصل والدم صبغ شيبه
والراس شفته اعله الرمح ...... وتصدلي عيونه
الله يعين ايتامنه ...... لمن يشوفونه
شفت الرمح بالمنحر ..... بكل المجالس احضر
ــــــــــــــــ
ايدي اعله خدي وانتظر وجفوني ذبلانه
يبدي العزاء وانتحب ودموعي جريانه
بكل حيلي اصيحن يالولد يوليدي هاي آنه
عطشان ذبحوك العده راح ابقه عطشانه
يبني العبايه امتربه ......يا مصعب الحاله
امك الزهره بكل عزه ...... دمعتهه هماله
والخنصرك اتصور ..... بكل المجالس احضر
ــــــــــــــــ
اتصور اختك من مشت عالناكه مجتوفه
ومرت على شاطي الحزن والكافل اتشوفه
مصيوبه عينه وبالسهم ومكطعه جفوفه
وصاحتله يا حامي الضعن اخذوني للكوفه
الطم على الراس وأون ...... جي بنتي محتاره
ويالوعة مصابك ابد ...... ما تنخمد ناره
والهل مصيبه اتذكر ..... بكل المجالس احضر
ــــــــــــــــ
لا تفرش ابساطك الي خليه لخوّانك
ماجور يبني وخالقي ايعلّي من شانك
بدموعي هاي الجاريه حنيت بيبانك
وهدومك السود انبنت اقصور بجنانك
اذكر اوليدي لو شربت ...... الماي يوليدي
يوليدي صكك تاخذه ...... بالمحشر منيدي
وعله الخلك تتبختر ..... بكل المجالس احضر
الشاعر محمد حسن ضيغم
📜قصيدة:(طب الحسين لكربله)
🎤الرادود: ملا سيد سلام الحسيني
🖊الشاعر: حيدر شايع
ــــــــــــــــــــــــــــــــــــــــــــــــــــــــــــــــــــــــــــــ
طب الحسين الكربله ... حسين حسين حسين
جايب وياه العايله ... حسين حسين حسين
نوخت نوگ القافله ... حسين حسين حسين
بالطف بدت غربة هله ... حسين حسين حسين
يا كربله اتلگي الضعن ... حسين حسين حسين
صيريله بالغربة وطن ... حسين حسين حسين
وياه مداليله اجن ... حسين حسين حسين
اتلگي الضعن وادلله ... حسين حسين حسين
طب الضعن عينه تهمل ... حسين حسين حسين
كرب وبلاء اسم النزل ... حسين حسين حسين
هذا المكان البيه چتل ... حسين حسين حسين
من شابهم حد الطفل ... حسين حسين حسين
يشمون كل نسمه جرح ... حسين حسين حسين
وكل خطوه يمشوه ذبح ... حسين حسين حسين
والموت باچر يتضح ... حسين حسين حسين
هذا النزل مابيه هله ... حسين حسين حسين
وحسين اكد ذبحته ... حسين حسين حسين
من بده ينصب خيمته ... حسين حسين حسين
وحده طاحت دمعته ... حسين حسين حسين
وعن بعد زينب شافته ... حسين حسين حسين
گالتله خوية اليا وضع ... حسين حسين حسين
واليا سبب صب الدمع ... حسين حسين حسين
ما حچه اشر ع الضلع ... حسين حسين حسين
ينسحگ وتفر العايله ... حسين حسين حسين
يدور الحچي بدمعه وألم ... حسين حسين حسين
عباس يوگعله علم ... حسين حسين حسين
والخويه تنصاب بسهم ... حسين حسين حسين
والعطش ياكل بالخيم ... حسين حسين حسين
وحسين يرجع مدمعه ... حسين حسين حسين
يصب اكثر من المشرعه ... حسين حسين حسين
وي الحريم الضايعه ... حسين حسين حسين
يگعد وشيبه يبلله ... حسين حسين حسين
هنا طفل باچر ينرمي ... حسين حسين حسين
وبحضن ابوه دمه يهمي ... حسين حسين حسين
هذا الطفل چي فاطمي ... حسين حسين حسين
باچر يذبحه العلگمي ... حسين حسين حسين
هذا المكان البي وعد ... حسين حسين حسين
يذبح اطفال البالمهد ... حسين حسين حسين
ما بيگلب ضامي برد ... حسين حسين حسين
مابي گلب همه انجل ... حسين حسين حسين
بهاي الأرض يبدي الحزن ... حسين حسين حسين
وما ينطبگ بيه جفن ... حسين حسين حسين
تكتل شكو أب وأبن ... حسين حسين حسين
تخلي الحسين بلا ذبح ... حسين حسين حسين
هاي الأرض كله سبي ... حسين حسين حسين
حته الهوه يصير اجنبي ... حسين حسين حسين
بي تحترگ خيمة نبي ... حسين حسين حسين
ونسوانه تطلع بالفله ... حسين حسين حسين
ــــــــــــــــــــــــــــــــــــــــــــــــــ
نوره عيني يا حسين .. يا حبيبي يا حسين
****
أختلف عن البشر / انه أعشگلي نحر
هل عشگ لا ما يموت / عمره ما مات البحر
المثلي ما يعرف يحب / لا يگول أملك گلب
انه لو ما اشم هواه / ابريتي چا شنهو اليطب
صرخه تفتر عالسنين .. ياحبيبي ياحسين
****
وين ما ذبني الزمن / يبقى محبوبي وطن
هوّه بس هوّه الاريد/ ما ردت جنة عدن
شوف ما رايد أشوف / عايشه بروحي الطفوف
تسوه كل هاي الحياة / لطمه وحده بهل چفوف
إنذرتلك هل ادين .. يا حبيبي يا حسين
****
العايش بعمر الشمع / إشفهّمه معنى الدمع
الما بچه طول السنين / ما فهم كسر الضلع
واللي يفهمني صدگ / كون مثلي يحترگ
الما چوت گلبه الخيام / هذا ضاگ العشگ
الما بچه تاليته وين .. يا حبيبي يا حسين
****
اشكر الله اعله النِعَم / بروحي حط حرگه وألم
جروحي كلها اعله الحبيب / طلع من گلبه السهم
وين هل لوعه تصح / ريت بيه مو جرح
حتى احس بهل مصاب / كون بگليبي رمح
لوعتي لا ما تلين .. يا حبيبي يا حسين
****
كل عشگ سووله حد / يوصل الغايه ولبد
فقط بس حب الحسين / هذا باقي للابد
بهل عشگ ادري الخطر / ما يساومني الدهر
معنى سوّه للحياة / ابو فاضل عالنهر
انگطعت ايسار ويمين .. يا حبيبي يا حسين
****
وين الاملوك المضت / وين تيجان البخت
كلشي مات وكلشي راح / وعاشت العين البچت
شرف اذرف دمعتي / وهيبه عندي بلطمتي
ما احس روحي ذليل / ملك انه بخدمتي
امسجل اويه العاشقين .. يا حبيبي يا حسين
****
الشاعر اياد الديراوي
الإمام الحسين ع
عنده ما ودع
اصحاب
٠٠٠٠ ٠٠ ٠٠٠٠
تعوفوني بغربتي
الشمت يسمع حسرتي
كلكم طحتو عالغبره شجاكم
يرروحي ويا حلالي
اريد اسئل سوالي
الموت گبالي يحبابي خذاكم
يريت الموت وياكم اخذني
ولا عفتوني امشي وضهري محني
عزاز عالگلبي يلچنكم ابني
رحتو سوه
جنكم هوه
بعيني طفه
حته الضوه
اصحاب الكلب
دمعي يصب
عليه تصد
عين الغرب
٠٠٠٠ ٠٠ ٠٠٠٠
نزلتو دمعتي
شلعيتو مهجتي
اشوفنكم عله الغبره ضحايه
يصحابي الغياره
يبس گلبي خضاره
گبالي تشككيتو ايه ايه
كافي نوم يصحابي كعدو
العسكر وصل الخيام فزعو
اناديكم وجنكم ماسمعتو
گلبي نشلع
محد سمع
من حشمت
ماكو فزع
ادير النضر
گلبي انفطر
ضهري انحنه
بجلمت نهر
٠٠٠٠ ٠٠ ٠٠٠٠
اعوفنكم مصيبه
تلاگيني الغريبه
شكلهه وانه كلكم ضيعتكم
حزن متروسه عيني
انتضر موتي يجيني
المصيبه تظل غريبه مدللتكم
جبير ومن زغرها مترسه جروح
شوفته العقيله تطلع الروح
وداعي وياها مذبوح وي مذبوح
چلمه حجت
وشكد بجت
وين الخدر
يهل البخت
يمها الصبر
ظل يحتضر
وين الاخو
راح الگمر
٠٠٠٠ ٠٠ ٠٠٠٠
حيره والله حيره
اميره بلا عشيره
اعوفنهه وروحن زينب اشلون
الي حگ من عاتب
تظل بين الأجانب
مامشيوف حته خيالها ام عون
تطلع باجر وهاي الهظيمه
لاحماي عده وماكو خيمه
تركض وين الطف كله هيمه
مدمع يصب
تركض صعب
اخت الكفل
من تنضرب
تشكي المن
من هل زمن
راس برمح
صار الوطن
٠٠٠٠ ٠٠ ٠٠٠٠
طر صبح المصايب
مشت بين الأجانب
ماضنيت يهل الغيره ترضون
خذوه بناكه هزله
عله ختكم ماهي سهله
الحرگ خيماته حداي الضعون
يعباس غربه التحدي بالنوگ
هاي بياوكت زينب تطب سوك
هضيمه عله الخدر وماهي تلوك
ناس شكثر
تشبه شمر
يابت علي
وينه الخدر
شام الجرح
يبجي الصبح
كلما يطر
راس برمح
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
يا حبيبي يا حسين
$$$$
انت اول عشگ ما ينشبع منه
حبك سالفه بلساني مرويه
حلاة العشگ من يخلص معاناة
هوه تحسه العشگ يدخل على الريه
معروف الامر عاشگ ومعشوگ
ما حاجه الادله المن براهين
مو بس انه احب محبوبي يا ناس
تره محبوبي مجنون الملايين
$$$
فاضحني العشگ بعيوني تنشاف
اگعد لو اگومن اسمك وياي
حسين اول رزق من الله موجود
على قيد الحياة بأسمك الماي
انت اول عشگ عند الله مقبول
خير العندي اصلا هو منك
عرفتك انت باب الله ورحمته
حتى الله يحبني چي احبك
$$$
العشگ مثل الزرع وتشتله باليد
فلاح ويتاني من يشتله
عشگ ما بي تعب ما تستلذ بي
العاشگ كون معشوگه اليكتله
مو يمي واسولف بيك وارتاح
علاج اسمك لكلمن گلبه مجروح
گالو منذبح وتبالغ اهواي
محبوبي عدل بس هوه مذبوح
$$$
عدل يعشگ عدل كلها اتعرف زين
اكو بعض العشگ تلكاه ملذات
نعم محبوبي ميت بس احس بي
حسين يعيش والكل يمه اموات
الحواس الخمسه كلها بأسمك تصيح
النطق والسمع يلحگهن بعد شوف
واذا بالگبر انزل مطمئن حيل
يمي انت ابد ما حسن بخوف
$$$
انت اول جرح ما اريده ايطيب
اريده يظل بعد لاخر مماتي
انت محلي كلشي وهذا معلوم
شنهي تفيدني بدونك حياتي
گالو بينك وبيني المسافات
گتلهم قريب شگد حنانه
ما عندي گلب ينبض واحس بي
شلته وصار الحسين بمكانه
$$$
علي جبار الكعبي
الفاتحه لوالدي
زنجيل /منبري
قصائد محرم 1447ه 2025م
قصيدة (محضرين الموكب والدمعه )
#عگيلي
خدام أحسين وتدرينه
موكبنه اليوم محضرينه
__
محضرين الموكب خدامك
مولاي. ونحسب. . ليامك
رفت يل مضلوم. اعلامك
شوگ البينه بكثر. سهامك
امحضرين الدمعه الوالينه
____
خدام أحسين ابن الزهره
أليوم العاشر متحضره
هذا اليوم الشيعه تنطره
تسچب للمذبوح. العبره
افراگك يلغالي ايئذينه
_
محضرين الموكب للخدمه
كل خادم شدلهه الهمه
من. ربك هاي أكبر نعمه
وخادمكم نتشرف. بسمه
وأحبابك تاج امخلينه
__
الما. تعرف والينه وهمنه
بطرانه الغشمه من اتذمنه
ما تدري. بحببك وي دمنه
يحسين الخدمه اتشرفنه
باجر بل خدمه تنجينه
_
خدامك . هاي الوفايه
مطيتك يحسين احچايه
موكب سوت هم وقرايه
وباجر تطلع كل مشايه
والخادم يگصد لحسينه
_
الخادم سلام عزيز السعيدي
گالو بیمن مجنون هم حبیت بعمرك
وبمرحلة العشاگ من صغرك من كبرك
بطن امي واسمع زين تحچيلي شگد بحسين
گالو بیمن مجنون
:::::
ياهو الحبيته انت بصغرك بي روحك مسروره
ما جاوبت الي سألوني بس طلعت الصوره
اندهشو من شافو وجهك مو انسان اسطوره
حتى الي مثل شخصيتك هم حبيته بدوره
گتلهم من حبیت حبیت اعله الفطره
حافظ انه اسم حسين بس ما اعرف اقره
اقراه مره ومرتين تحچيلي شگد بحسين
گالو بیمن مجنون
:::::
گالو ما شفناه يوصلك شلون تفسر هايه
گتلهم موجود بيتي شايل اسمه براية
گالو شمحصل من عشگك مغرم لو حب غايه
ما شفته بعمري وما عوفه منطي حسين احچايه
انه الحبيته يصير كل الناس تحبه
محبوبي فاتح باب فاتح ايده وگلبه
وين الگه المثلك وين تحچيلي شگد بحسين
گالو بیمن مجنون
:::::
گتلهم اسمه بنص گلبي وذكره بدمعة عيني
ينطني وما گال انطیتك بينه يظل وبيني
محبوبي معشوگ العالم لا مو بس حسيني
وانه بلا مجلس وقرايه ما تنفعني سنيني
محبوبك ما موجود شلون دگول انطاني
گتلهم منه الخير هــــــو الي سواني
هالحب هذا اصبح دين تحچيلي شگد بحسين
گالو بیمن مجنون
:::::
انه الشخص الي حبيته عريان وساترني
چنت صغير بين الوادم محبوبي الكبرني
محد يحضركم بالبرزخ وحسين اليحضرني
عابس متغير بجنونه وانه الحب غيرني
گتلهم عالمحبوب داست خیل بصدره
راسه اعله ارماح انشال حسين وگطعو نحره
جروحك الف وميتين تحچيلي شگد بحسين
گالو بیمن مجنون
:::::
گتلهم لا ما حب غيره بهذا الحب ما اگدر
من حبیت حسين هوايه مو يم قيس اتصدر
علمني حسين انه اتواضع ما علمني اتكبر
بالدنيا حسين واگفلي يوگف یوم المحشر
انتم حبيتو انسان هذا الحب ما ينفع
نص المكتوب يموت لو ما بي المطلع
تبچیلك هاي العين تحچيلي شكد بحسين
گالو بیمن مجنون
:::::
علي جبار الكعبي
الفاتحه لوالدي
[[قصيدة للمصرع💔]]
كأني بمولاتي بزينب جاءت الى الحسين في آخر لحظاته فوجدته يأن وقد صنع له وسادة من الرمل وجراحه تنزف فقال لها بصوت ضعيف وحسرة كبيرة:
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجعي خويه الملتقى يم النبي
وداعة الله و إستعدي للسبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجعي خويه توجهي جمعي الحرم
لو تنادين اعله شيال العلم
صيحي يا عباس حرگوها الخیم
حرگو اخیمنا وسترنا بس عبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجعي زينب لايروعج منظري
لو سمعتي بالشمر حز منحري
سترجعي الله يخويه تصبري
وبالصبر والقوه خويه تحجبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
زينب بحيرتها ظلت واگِفه
تشوف نيران المخيم عاصفه
وسفه صاحت بت محمد خايفه
وخيرة الله من الخلق أبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شافته بحر الرمل جسمه نفرش
تنزف دماه وضعف جسمه ورعش
صاح زينب راح أموت من العطش
مهجتي ذابت وحگ جدي النبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خويه رجعي هذا اضن آخر نفس
رکد حيلي وحاقد برجله رفس
يگطّع اوداجي وعلى صدري جلس
أركبته ثانیها اعله گلبي الناصبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ادري گلبج خويه گلب الوالده
ودري جسمي خيول اميه تمرعده
خويه زينب و لا تشمتين العده
والضعن صار اسمه ضعن الزينبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
صلى الله عليك
يا ابا عبد الله
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
[[💔-----للمصرع-----💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
وينه اليواسي أمير ألمؤمنين
هاي ساعة النذبح بيها الحسين
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هاي ساعه المطرت الدنيا بدماء
ونادى جبرائيل باطراف السماء
هذا ابن المرتضى وخير النساء
شيل سيفك عن رگبته يالعين
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هاي ساعه البيها زينب عالتلال
والعجاج يصعّب عليها الوصال
تصيح يبن امي اذا تسمع تعال
حرگو خيامي يبو گلب الحنين
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هاي ساعه البيها هالشمر اللئيم
تربع بصدر الذي يقبله الكريم
بالبراري هاجت اطفال وحريم
وبالخيام يلوع زين العابدين
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هاي ساعه البيها زينب مسرعه
تركض اشواط السعي للمشرعه
تحشم تأيس تعاين مصرعه
الكافل بلا يسره وبلايه يمين
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هاي ساعه البيها زينب حايره
تشوف اخوها مگطعينه عله الثره
تلتفت نار المخيم شاجره
تنادي ضلت يارقيه صرتي وين
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هاي ساعة الي رقيه مفرفحه
ذانها بجر التراچي مجرحه
وأگبلت خيل الاعادي الجامحه
شبچت ايديها وتنادي وا حسين
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
[[---جهاد البصيراوي---]]
مُحّرمٌ جاء واللهُ قد شاء
نُحيّي شعائر الحُسين
نّحيّي تراث العاشقين
ــــــــــــــــــــــــــــــــــــــ
الله اجتبانه ابرحمته شعليهه بينه الوادم
خالق ادينه للّطم رازقنه بالـمآتم
جبريل هز مهده وهتف ياايها العوالم
مَن مثلي وآنه أصبحت لابن الزجيه خادم
لَـمّا وَعيّناه حُزناًبكيناه
بالحُبٌ صٌرنا مؤمنين
نُحيّي تراث العاشقين
ــــــــــــــــــــــــــــــــــــــ
احسين الهوه النتنفسه موبس مجرد حضره
وهو السفينه الناجيه ابيوم العسر نعتبره
گال الرسول المصطفه ابيوم انولد للزهره
سيخلق الله لهُ شيعه تجدّد ذكره
لَهُ ينوحون عليهٌ يبكون
بُكائّنا حِصنٌ حَصين
نّحيّي تراث العاشقين
ــــــــــــــــــــــــــــــــــــــ
اخذو العشر تشهر سوه وانطوني بس هالشهرين
انطونه محرم أو صفر بيهن نعيش اوي احسين
مثل الرزق هوه الدمع واحنه صدگ مرزوقين
يشتغل رادار الگلب وايعاز ينطي للعين
فظل من الله نبكي حّسيناه
إنّا تَبٌعنا السابقين
نّحيّي تراث العاشقين
ــــــــــــــــــــــــــــــــــــــ
باول محرم من يهل عدنه تصير اقرايه
عاشور واندگ القطع والرايه يم الرايه
من بيت للثاني تظل تتنقل الـُملّايه
حتى الاطفال بهالشهر خيمتهم امعلايه
مواكبّ النور في شَهرِ عاشور
على الصُدور لاطمين
نُحيّي تراث العاشقين
ــــــــــــــــــــــــــــــــــــــ
اباب الحسينيه نشم ريحة حزن والدته
وام البنين الطاهره طول العمر خادمته
هذا الغريب العالهزل مسبيه راحت أخته
جوّه الحوافر جثته ويم العرش منزلته
ورأسهّ كان بالرمحِ قرآن
يراهّ قلبَ العارفين
نّحيّي تراث العاشقين
ــــــــــــــــــــــــــــــــــــــ
باچر نموت وهم تجي الأجيال وايذكرونه
واحنه اشكتبنه من نعي بعاشور هم يقرونه
تاريخنه ابكل الكتب اولادنه ايأرخونه
الخادم اليخدم من صدگ آل النبي ايحبونه
دينٌ ومٌنهاج كَهيبةِ التاج
يَرفعّ رأسَ الـمُخلصين
نّحيّي تراث العاشقين
محمد الجماسي
#اللهم_عجل_لوليك_الفرج
بصوت. مسلم المطيري
يالماشي لهناك. ارد احچي وياك
كلمات الشاعر
علي حسين الكناني
من أحيَ أرضاً ميتةً صارت له
مُلْكا وفيـها يصبـح المتحكــم ُ
وأنـت يامـولاي قـد احييتنــي
فملكتنــي عبــداً بدينِكَ مُغرَم ُ
احمد الهلباوي
#اللهم_عجل_لوليك_الفرج
#خط_رجعة
شما تبتعد بالذنب
شما ضاگت الوسعة
ربك رحيم وفتح
أوسع وأسهل درب
متسمي ب { الدمعة }
صُبها على المنذبح
للمنطحن ضلعه
هلدمعة ربك الك
سواها " خط رجعة "
#رحمة_الله_الواسعة
#يااباعبدالله
نور الدين الخادم
#اللهم_عجل_لوليك_الفرج
ـــ لـمـولاتـي الـسـيدة فاطـمة الـعليلـة
عـليـها السّــلام ــ
مُـــــلَــــمـع 🔽
« عَـــلِيـلـةُ الْحُــــسَــين» ـ1447هـــ
يـَـا مُـــلَـيِّــــــنَ الـحَـــديـدْ
اْدعُـــوگ يَــامُــــجِـــــيـبْ
عَـــــلِيــلـةُ الْــحُـــــسَـــين
تَـــبْـڪـي عَــلى الـغَــريـــبْ
ـــــــــــــــــــــــــــــــــــــــ
اني العَــليلـة فاطـمة، فارڪـني ابـوي الـغالي
عـطـشان هـسّـا مِـنـذبـح، مـشغول ڪـلش بـالي
ياربي رَجـعـلي الـضـوه، والله نــذِبــح دلالــي
مخـنوگه بـدموع الـسـفر، صورة نــحر بـخيالي
لَــمْ أنْـــسَـــى گــــربــلاءْ
فِــي قَــلبـــي الـحَـــبـيبْ
عَــــلِيـلـةُ الـحُــــسَـــــين
تَــبـْڪي عَلى الغَــريِـــبْ
ــــــــــــــــــــــــــــــــــــ
خَــــذِت اســتخــارة بالــحـلم، شــفــت المُــخـيـم عـــطشـان
اسـم الله ڪـلـت بـدمعـتي، روح الـــرّبـــاب الــذبــلان
تـوضـيـت اصـلـي وانــدعــي، واقــره بــحروف الــقـرآن
تــعويــذه مــن طــاري الــحـرک، ســـوره قــريــت الـــدُخـــان
هـَــلْ يـَــا تُــــرىٰ الــخِــيّـــامْ
دُخــــــــانَ امْ لَـــــهـــــيِــبْ
عَـــــلِيــلـةُ الْحُـــــــسَــــين
تَـــبـْڪي عَـلى الغَــــريِـــبْ
ــــــــــــــــــــــــــــــــــــــــــــ
گــابــوس شــفــت بــيقـضِـتي، تــبـچــي رقــية شــبــيــها
مــصـدومـــة ڪــلش عـالــورد، مــدري شــنــو مــاذيـــها
شـفــت الــبراءة والــضِـمـه، تــأخـــر الـــمــاي عـلـــيــها
شــفــت الــتراچـي مـسـلِبــه، يـاحـرمـلـه مــبــچــيــها
شَّــــــبـْـيِــهــةُ الــــزّهــــراءْ
والـــجَـــرحُ لا يُــــــطِـــيــبْ
عَــــــلِـيــلـةُ الْـحُـــــــسَـــــين
تَــــبْڪـي عَــلى الـغَــــريِــبْ
ــــــــــــــــــــــــــــــــــــــــــــ
مـثل الـخِـــسـوف وبـالـسـمـه، الـفـرق تـنزف عـيـنه
عـالـمشرعـه اغـلـى ڪُــمر، ومـگـطـعـه جـفـيـنـه
عــيــون زيـنب عــالـنـهـر، عــيون اخـتـي اســڪــينــه
بــلــهــفـه الــفـواطــم تِــنـتـظـر، ســاقي العــطـاشـى ويـــنـه
يــَـا زَمْــــــزَمَ الـــحَــــيَـــــاةْ
وا قْـــــمــــرا خَـــــضِـــيـــب
عَــــــلِـيــلـةُ الْـحُـــــــسَــــين
تَـــبـْڪي عَــلى الـغَـــريِـــبْ
ــــــــــــــــــــــــــــــــــــــــــــ
الـشُــوک جَــمــره والــهَــجُـر، چــانـــون يِــســعـر بــــيّـــه
هَــلبــت الــبـَـاب الــينـفـتـح، وداخـــل يــبويــه اعــلـيـــه
ام الــبنــــين أُمــک رغـــم ، فــراگـك تِـصّــبـُر لَـــيـه
وتڪــلــي لا تـِـسـتَــغـربــي، لـــو رد ضَــعــن مَـــســبــيـّـه
اُم سَســــلَـــمـى بـْــــــدِمُـــــوع
تَــــبْڪــي عَــلَـى الــسَــلــيــبْ
عَــــــلِيـــلـةُ الْـــحُـــــسَســــين
تَــــبْڪـــي عَــلَـى الــغَـــريِــــبْ
ــــــــــــــــــــــــــــــــــــــــــــــــ
ابــــو فـــــدك الــشّــــامــي ✍🏻
ـ لــمــولاي الــحَــسَــن الـمُـجــتــبــى صــلــوات الله عــلــيــه ـ
« قـــصَّـــة اخـــــوان » 1447هـــــ
قـــصَّـــة اخـــوان • تِــرســـم احـــزان
بــيــن الــحَــسَــن وبــيــن الِـحـســيــن
ــــــــــــــــــ
عــــن نـــيــنـــوى شــــايــــل حــســـره
يــابُــــوعـــلـــي يــــنــعـــى ويـــقــــره
والــحَــسَــــن مـــخـــنــــوك بـــعــبـــره والــخـــيـــل لـــصـــدرك مــنــتــظـــره
بـــالـــي يـــمّـــك • والــزّهـــره أمّـــــك
مــن تـــضــل وحــــدك بــالــمــيــاديـــن
ـــــــــــــــــــ
يــابُــو مــحــمّــد نـــجــمـــة لــــيـــلــي
خــويــه إفـــراگــك يـــهّـــد حـــيـــلــي
عـــــن إوداعـــــــك لا تــحــجـــيـــلـــي
مـحــتــاجــك بــالــطــف تـــدعـــيــلــي
تـــرا الـــخـــوه • ويّــــاك حـــلـــوه
يـالـمُـجـتــبــى وعــشــنــاهــا روحــيــن
ــــــــــــــــــــ
وبــهـجــرك عــطـشــانـــه الإحــــلام
نـــــاذرلك شــمــعــه مـــو إخــــيـــام
مــــن رمـــــلــه وجـــــروح الإيّــــــام
فــــدوه لــنـحــرك إبــنـــي جـــســـام
يُــمّــه ذِڪـريـنــي • حـلـمـي بـسـنـيـنـي
يــابُــو الاڪــبــر يــاضــــوه الـــعـــيـــن
ــــــــــــــــــ
يـاذِخــــــري مـمــنـــون بـڪــلــشــي
يـاأقـــــرب مــن عــيــنــي ورمــشــي
مـااحــمــل فـــرگــــه مـــن تــمــشــي
وجــفــوفــك بــــعـــــازة نـــعـــشــي
تــدري الـچــنــازه • عــازتــهــا عـــازه
وبـــلا أخــــو الــتــفـــت چــا ويــــن
ـــــــــــــــــــ
چــــبـــدي يــاخــويـــه إيــسِـــمــونـــه
ونـحــرك يـالــضــامــي يـڪـطـعــونــه
والـــگـــافــل سَـــهــمّــــه بــعــيـــونـــه
اسـڪـيـنــه وخـــولــة يــنـتــظــرونـــه
مـــن رقـــــيّــــه • والـــهـــاشـــمــيّـــه
ونـــار الــمُـخــيـــم جــمــرة الـــبــيـــن
ـــــــــــــــــــ
ابـو فــــدك الــشّــــامــي ✍🏻
نعي
لمولاتي فاطمه العليله ع
وهي تنضر الى الدار الخاليه ..
يا دار شــــــيردهم علينـه
اعــــــزازنـه وياهم ربـينه
گلبي ولا يــــــركد ونينــه
راح العــلـــيه تعــــــودينه
لو جاي مـــنهم عاد مكتوب
يزيح التعب ويريح الگـلوب
يخلص الحيل بجية الغروب
من المـــتانه الجفـن متعوب
يا دار هــذا الصــــــبر حــده
وعمــري بعــد راح وتعـــــده
شــــدة غياب الاهل شـــــده
زغيره الجفه لا مــــوش گده
اهيم بشوگي واصفج ايد
فــــــــــوگ الايد واتنــطر
واشوغ المغربيه اعــليك
بـــويه والفــــــرح ما مـــر
لا جســـــــام لا عـــباس
لا انتــه ولا الاكبـــــــــــــر
يحسين سليت
من البچي يحسين سلـيت
البيت مـو بيت
عگبك يبويه البيت موبيت
لشوفك توازيت
محــتامه ولشوفك توازيت
ما ضال صاحي
بيه ضلع ما ضــــال صاحي
ماتــن اصفاحي
من اللطم ماتـــــن اصفاحي
ملت اصياحــي
الودم تــــره ملت اصياحي
يا بونين اسلـــي الروح -- يا باه
ولا مكتوب اليـــه بشـر -- يـاباه
حنيني يا شريچ النفس -- يــابه
العليله تناطرك هم الك جيه
عبد العليلـه
حيدر ابو كيان الفاطمي
هد وبرايته الخضره. الجيش بخزرته يكسره
:؛؛؛؛؛))؛))
يتنفس حرب عباس ياهو اليوكف اكباله
طب عله لنهر والجيش خله منهم اوشاله
قادهم يذب الوان لونه تغير وحاله
سوه من الجثث عبره. الجيش بخزرته يكسره
؛؛؛؛؛؛؛؛؛؛؛؛
ماجابت مره ولا صار واحد يشبه الكافل
زلزال ويطك الجيش زلمه البيهم يقاتل
عله المهره ويلوح الغيم راسك ياابو فاضل
يقاتل والهوه بصدره. الجيش بخزرته يكسره
؛؛::::؛؛؛
غيم جن صكر عالماي فكره البيده ويلوحه
ماخذهم طرت عباس كلمن حاير بروحه
توجع ضربته ويمناه جفك شايله ملوحه
ماخذ من علي الشمره. الجيش بخزرته يكسره
:؛؛؛؛؛؛؛؛؛
ناصبله عرش عالماي يحكم شنهي الباله
وزعهم جثث عالكاع قانو العفو شاله
عطوه رادو من حسين ودو الكمر خاله
رد يتلمس بنحره. الجيش بخزرته يكسره
:؛؛؛؛؛؛؛؛؛؛؛؛؛؛؛
ملوحة حيدر العباس نفس الشمره والفزعه
طب عله النهر خياله زامط والهوه يكطعه
يترس جوده ويبدي زلمه اليكدر يمنعه
ماطر عالصبح فجره. الجيش بخزرته يكسره
(((هاشم الدراجي )))
احذرك يل تكود النوك
بالك لاتمرنه بسوك
تره العباس مايرضه
اسامينه عله كل حلوك
٠٠٠٠ ٠٠ ٠٠٠٠
لاتجرح كلــب عباس
هنا يل تحدي بضعـــوني
بالك لاتمــــرنه بناس
ماريدن يشـــــــوفــونـي
يزينب وينه خدرج ذاك
شجاوب من يسالونــــي
اذا جيبن صـــبر للروح
كلي شيلزم عيــــــــونـي
شالن صورت الطف ذيج
وبيهن يادمع مخنـــــــــوك
٠٠٠٠ ٠٠ ٠٠٠٠
اسولف يل تكود النوك
وحجيلك حجي تفصيــــل
من جان الحرس عباس
يفكس حته عيــن الليـــــل
خيالي وطولي ماينشاف
الناكه تخـاف بيه تميــــــل
هسه متوني بيهه السوط
طابع والدمــــــوع تسيــــل
وحدي وما الي حماي
وعيون الشمـــاته تبــــوك
٠٠٠٠ ٠٠ ٠٠٠٠
ماقصر كفيلي وياي
وحجايت بخت تـنكـال
ماعاف الضعن هيهات
اجه وراسه برمح ينشال
شمس الله جنت بحماه
منمشي مايضلي خيـــــال
خدري يااسف وينه
صار بولية الجــتــــــــال
كعدتي وكومتي بكيفه
وعليه النياحه تلـــــــوك
٠٠٠٠ ٠٠ ٠٠٠٠
كليــــوم اليمـــر بيه
بخناجر تطعن الشمات
ياهي تحملت مثلـي
وشافت هل كثــر اهات
مشينه والطريج بعيد
سبايه وحنه علــــــــويات
ولاواحد رحم بينــــه
يطلبونه الجــو ثارات
وعاتب روس خواني
ودليلي من القهر محروك
٠٠٠٠ ٠٠ ٠٠٠٠
علاقتنه انه وعباس
علاقة حيــــدر وربه
فركًنه يحادي لبين
وهل حاله شكثر صعبه
اميره والحرس خوان
اسيره وهسه عدغـــربه
المصابي لو نبي ايوب
جا هم ما حمل كًلـــــبه
ابد مادنكًت راســــــي
حرمانه وخذيت حكًوكً
٠٠٠٠ ٠٠ ٠٠٠٠
خادم الحسين
فلاح الماجدي
كربلاء يا كربلاء
كربلاء يا كربلاء
كربلاء يا كربلاء
كربلاء
****
اتصدريتي .. وأبو اليمه .. الرفع قدرچ
لو لدمه .. ما نسولف .. احنه بسمچ
للسوالف صرتي معبد واليعبدچ ما كفر
انتي كعبه ابلايه كعبه وطافتچ كل البشر
اترابچ احنه انصلي فوگه چي تخالط بالنحر
كربلاء يا كربلاء
كربلاء يا كربلاء
كربلاء يا كربلاء
كربلاء
****
عالي شانچ .. انتي وحدچ .. صرتي جنه
احنه عطرچ .. من نشمه .. انشم محنه
من نزف نحر ابو اليمه إنترستي عاطفه
امن الشمس غطيتي جسمه إعليه چنتي خايفه
الله جازه كل حنانچ زرع بترابچ شفه
كربلاء يا كربلاء
كربلاء يا كربلاء
كربلاء يا كربلاء
كربلاء
****
يا وفيه .. بيچ غيره .. وبيچ رحمه
ابنهرچ انتي .. ابو فاضل .. فاظ دمه
دم چفوف الكفل زينب فوگ جرفچ ظل يصب
صحره چنتي والشهامه صارت ابگاعچ تطب
من بچيتي اعله ابو فاضل صار مايچ ينشرب
كربلاء يا كربلاء
كربلاء يا كربلاء
كربلاء يا كربلاء
كربلاء
****
كل مدينه .. بيها صوره .. والها رايه
لاچن انتي .. صوره فوگچ .. للسبايه
چانت ابعاشر محرم تمطر اعليچ السهام
فزعت الحره العقيله وطشت ارماد الخيام
هسه من دون الأراضي ينقري اعليچ السلام
كربلاء يا كربلاء
كربلاء يا كربلاء
كربلاء يا كربلاء
كربلاء
****
يا عظيمه .. نمشي صوبچ .. شو منتعب
افتهمنه .. بيچ تعبت .. ويلي زينب
اشغيرچ والحرّه طاحت وداست ابگاعچ جمر
إندعت عالتله يمكن إبجاه مسحوگ الصدر
اليطب الغاضريه سالم اعليها يمر
كربلاء يا كربلاء
كربلاء يا كربلاء
كربلاء يا كربلاء
كربلاء
****
الله خصچ .. زرع حبچ .. بالبريه
مَلك نازل .. مَلك صاعد .. كل مسيه
ابليلة الجمعه الزياره الله خصها ابحكتمه
اليندعي ابصحن ابو اليمه مستجابه دعوته
اليزوره رحمة الله فوگ گاعچ شملته
كربلاء يا كربلاء
كربلاء يا كربلاء
كربلاء يا كربلاء
كربلاء
****
الشاعر اياد الديراوي
بصوت. مسلم المطيري
خدام حسين وتدرينه
موكبنه اليوم محضرينه
كلمات الشاعر
سلام عزيز السعيدي
بصوت. مسلم المطيري
گالوا بيمن مجنون هم حبيت بعمرك
كلمات الشاعر
علي جبار الكعبي
بصوت. مسلم المطيري
رجعي خويه الملتقى يم النبي
وداعة الله واستعدي للسبي
كلمات الشاعر
جهاد البصيراوي
بصوت. مسلم المطيري
وينه اليواسي امير المؤمنين
هاي ساعة النذبح بيها الحسين
كلمات الشاعر
جهاد البصيراوي
بصوت. مسلم المطيري
محرم جاء. والله قد جاء
كلمات الشاعر
محمد الجماسي
بصوت. مسلم المطيري
لسان حال سكينه (ع)
في مساء عاشوراء :
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يسهم فراگك اليچوي ....يبعدك
الدهر ماحسبت عني.........يبعدك
أخبرنك بعد چتلك.......يبا إعداك
سبونه وعالترب نامت رقيه!!
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
العده نيرانها أخيمك ٠٠٠٠٠٠وجنها
ورقيه من اللهب گشر٠٠٠٠٠وجنها
فرت خايفه وعثرت٠٠٠٠٠٠وإجنها
خيول وزلم كلهم أعوجيه!!
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
كأني بالسيدة العليلة ع تخاطب الحسين ع و تقول
يـــالمـــاشي لــهناك // ارد احچي وَيَّاك
عطَّــــلها بويـــة الــنـية
خليني اطيـب اشــوية
حتى امشي وَيّاك
ـــــــــــــــــــــــــــــــــــــــــــــــ
تسمــعني يــالغالي و بعد ** ها يـــا هلي تسمــــعوني
چم يـوم من عدكم ردت ** و ان مـا طبت عـوفـوني
اخذ دوايه امن الصبح ** خاف انــسه بـي ذكـروني
و هسه أنه احسن من أمس ** ياهل الرحم صدگوني .
چي گلبي محروگ // ارد اسبگ النوگ
لا مــو عليــلة شـــبيّه
خليني اطيـب اشوية
حتى امشي وَيّاك
ـــــــــــــــــــــــــــــــــــــــــــــــ
عندي إرادة و صـــابرة ** و حـظ و بخت هم عنـدي
و شما عــمل بيّـــه المرض ** گلــبي يـگـلي اتحـدي
حتى اشفه و امشي بهالسفر ** راح استغيث أبجدي
دخيـــلك يحمـــاي الحمة ** مــاريد اظـل الوحـدي
بگلبي اعتـله اصياح // صوب النجف راح
يشكي المــرارة الـبيّه
خليني اطيب اشوية
حتى امشي وَيَّاك
ـــــــــــــــــــــــــــــــــــــــــــــــ
عايفني عود اشتم هوى ** و شايل ابـضعـنك ريتي
و البيت بعدك مو حلو ** و لا چنـه بــــعــدك بيــتي
عالزهرة بيـــك اتوسلت ** بلــكــت تـــرد عـافيــتي
وَيَّـــاك اروح لكــربـلة ** يـا بويــة و الله امنـــيتي
لو عني تمشون // تعمها العيون
و تكسر گلــب علـوية
خليني اطيب اشوية
حتى امشي وَيّاك
ـــــــــــــــــــــــــــــــــــــــــــــــ
حربي بدت وي علتي ** و أنــه الدمــــوع اســــلاحي
چم دوب أظل متعلعلة ** و چف ايدي فوگ اصفاحي
ارد اعتني لگبــر الحسن ** و افـرشها يَــمّه اجـــراحي
لـو بويــة گــلي امـروتك ** تـرحـيـــن بــس ارتــاحي
صدري انمله هموم // إلحگ يمعصوم
من زغري شـو محنية
خليني اطيـب اشوية
حتى امشي وَيّاك
ـــــــــــــــــــــــــــــــــــــــــــــــ
متراكمة اجـروحي عليّ ** و امتــلــــتلات آلامـي
و بضيمي عگبك تحترگ ** كـل مغــربية اخـيامي
يال چَتَّفت چفي ابحبل ** چا بيش اصد اسهامي
و بيقضــتي راح انتــظر ** و انــتظرك ابــاحلامي
مر بيّه لو طيف // نسمة هوه ابصيف
من عنـدك أنطــر جيّة
خليني اطيــب شوية
حتى امشي وَيّاك
ـــــــــــــــــــــــــــــــــــــــــــــــ
تانيني گتــلك چـم وكت ** خل اســـتردها لــقوتي
ما روح بس خلف الضعن ** بصياحي رايح صوتي
چن يونس أنه و حجرتك ** بالظـلمة صارت حوتي
و هناك مـن تنصـب خيم ** انصـب عــزاء لــمـوتي
يا يوسف البير // چا گلبي شيصير
لا تنــسه عفـت ابنــية
خليني اطيــب شوية
حتى امشي وَيّاك
ـــــــــــــــــــــــــــــــــــــــــــــــ
الحمدلله
#علي_حسين_الكناني
#جديد_محرم_الحرام_
#ندبة
تعبان اجيتك واليجيك اترده ؟
خجلان يم باب الضريح اتبده
هو آنه من احتار اجيكم مولاي
تگضيلي شده وهم اطيح بشده
مبتعد عنك وانته آلي تتقرب
تگضيلي صعبه وهم اجيك باصعب
بس انته حظن الوالده الما ينعاف
لا تمل مني ولا ابد ما تتعب
يحسين تعبتك تراني اوليدك
غلطان اطب للحضره واشعر بيدك
داخل عليك وما اهد الشباچ
گالتلي امي حسين هوه يفيدك
خايف واجيتك وانت تامن خوفي
ضايع واريدك ما ترد چفوفي
بس الله وانتم ها يبو عبد الله
دنگت يمك ما اشيلن شوفي
بگعدت الحضره اهمومي راحن كلهن
تنزل دموعي وچن احس تمسحهن
شنهي المحنه البيك يمك محتار
ما احچي بس اليوجعن تندلهن
وبيوم اموت حسين متخليني
هيچ انه كلش مطمأن تلفيني
زرتك واعرف تزود صاحب وگفات
بلوحشه هم تزورني اتواسيني
رعد الفريجي - محرم 1447
ثوابها الى روح والدتي
#اللهم_عجل_لوليك_الفرج
#أبوذيات للخدمة
يغيرك ما اجد ناصح ....... ولا هاد
دليلي امن الحزن ماكف .. ولا هاد
انه امچلّب ابشباچك ....... ولا هاد
يحسين ابرحمتك صد اليه ...
يمن وجهك صبح لله .......... مرآت
الليالي ابلا دموع اعليك ...... مُرات
ابجاه الوگعت امن السوط ... مرات
ابساعة موتي خل عينك عليه ...
هلي ملّو چثير ابچاي ....... والجار
عليك . اوگلبي ابنيران ....... وجر
اعتنيتك يا حمه الملهوف .. والجار
مسني الضر تره . اتصدق عليه
_
ابو فاطمة الطائي
#اللهم_عجل_لوليك_الفرج