2554
#نعي
الحمد لله وصل عاشوراء واني بهل سنه موجود
اروح الماتمك يحسين وارد البس ثياب السود
وازيد اعله السواد سواد والطم لو قره الرادود
وبلجن بالخدم اسمي متسجل بتعزيه
يبو اليمه العمر ذابل واكسر واجمع بدهره
بدخلك جاي واترجاك باجي العمر لا خسره
شچم عاشور باقيلي ابجي ويمك الزهره
ومنك ما اريد اجواب ولا لي اعليك منيه
منك ما اريد اثواب وماريد اندعي بأجري
بس يم منبر خلي ابجي ودمعتي تجري
واضل من ماتم الماتم ووسم باللطم صدري
وتكسر عبرتي مصابك كل ما يمر طاريه
منقول
#اللهم_عجل_لوليك_الفرج
كلام خطيررر منقول عن الامام الصادق عليه السلام
اسمعه👇 واحكم بنفسك👇
/channel/Tdper/13068
#قصائد_السيده_زينب_والامام_العباس_ع
وداعا يا بوفاضل
وداعا يا بوفاضل
_
عباس راح امشي بسفر ارحل ولامن رجعه
ما قصرت يعصابتي اعرف كفو بالفزعه
امشي بسفر عنك غصب حرموني حتى الدمعه
صوتي بعد لحضه فلا عباس خويه اتسمعه
ضيم الهجر هذا السفر حسباته حسبه
شاب العمر شام القهر ياذيني دربه
وداعا يا بوفاضل
وداعا يا بوفاضل
__
يبن امي لو عنك رحت ياهو اليضمد اجروحك
مو بيدي امشي يالكمر تعرف عزيزة روحك
بطل ونينك لا تون ياذيني خويه نوحك
عباس يخنكني الهوه وانته السهام اتلوحك
نار وخيم لحضة الم امشي سبيه
راعي العلم راعي الشيم عينه عليه
وداعا يا بوفاضل
وداعا يا بوفاضل
____
يالعودتني من الصغر وامشي يخويه ابختك
اجناب تحدي بالضعن يابو الضعن حشمتك
آخر وداع وهل سفر مجبوره بيه فاركتك
يالنايم بصف النهر عالناكه من ودعتك
يم النهر ها يالكمر عنك اروحن
تترك اثر شمس الظهر بعدك انوحن
وداعا يا بوفاضل
وداعا يا بوفاضل
_
يا خويه اركب عالهزل والتحدي بيه الحسره
يا جمرة الفركه صدك يبن امي تجوي الجمره
وين العلم يابو العلم والرايه ذيج الخضره
مو بيدي يا ماي النضر خويه غصب هل سفره
عنك رحت يابو البخت لا مو بديه
هذا الوكت ماحسبت يخطف رقيه
وداعا يا بوفاضل
وداعا يا بوفاضل
_
عباس يعصابة هلي حان السفر يا غالي
عنك اروح اميسره مو بيدي يا دلالي
للشام خويه سفرتي راح ابقه خويه ابحالي
يا وسفه اي والله وكت صار الشمر يبرالي
والله زمن شفت المحن بعدك كفيلي
وحدي امتحن ضاع الوطن هونك يليلي
وداعا يا بوفاضل
وداعا يا بوفاضل
_
تمت بحمد الله واهل البيت ع
الخادم:ناجي ابو كيان الصالحي ونسالكم الدعاء
على اضهور الهزل
#محرم_😥
على اضهور الهزل عباس مالام
المشي وبكبره هذه الكون مالام
حزني اعليك مايبراش مالام
تجي انته وتزيح اهوم بيه
علي سليم الحسناوي
♦️تم نشر قصائد منبريه هنا 👇
👉 /channel/sajad100w
العليلة عليها السلام
أنه جسمي يبوية نحل.. ويسيل
الدمع حافر اخدودي اعليك .. ويسيل
تنشدني الخلگ عالضعن .. ويسيل
و اگلهم ضاعت اخبارة عليه
فاضل الجهلاوي
يـــون عبـدالله وتعـــرفه بما أن
اخــــذته وردته يسگونه بما أن
الك گــــالو يبــــو الأكبر بما أن
طلبـت المــاي نســــگيه المنيه
.
حسن الموالي الفاطمي
صوره بعيني شلون تروح
حتئ اليرضع هم مذبوح
ايه بنحره سم الله الزهره
حتئ اليرضع هم مذبوح
ـــــــــــــــــــــــــــــــــــــــــــ
عبدالله اميه ماشرب شارب الموت بذاته
مالحگ ايجر چم نفس يشهك بقه بدمعاته
اتخيل طفل واتفارگه اشلون
كاروكه خالي وتبچي العيون
ياكسره ضلت فوگ المتون
يهز كاروكه الهوه الهاب
يمكن عنده وياه أعتاب
ويا عشره ... سم الله الزهره
حتئ اليرضع هم مذبوح
ــــــــــــــــــــــــــــــــــــــــ
كلشي اختصر هذا السهم مونحر گاطع راسه
ماخذ قراره حرمله بنبله گطعهه أنفاسه
اوليده عله ايده يفرفح اهواي
بحر الشمس صايرله الفياي
مذبوح أحسه بحسرة الماي
الله يساعد گلبه احسين
اوليده يلزمه حار امنين
يمسح شعره سم الله الزهره
حتئ اليرضع هم مذبوح
ــــــــــــــــــــــــــــــــــــــــــ
مو طف خنگنه من متت انه بذبح مخنوكه
الله ينبلة حرمله ما خله شمعه ابشوگه
بكماطه احيرن ،،رفعت الايد
هسه السهم من عنده شيريد
يشهك شفت من دمِ الِـوريد
خلص دمه ومات بليل
منين احسين يجيب الحيل
باسه ابصدره ...اسم الله الزهره
حتئ اليرضع هم مذبوح
ــــــــــــــــــــــــــــــــــــ
يمه الرمح موش اعله كد راسك زغير هوايه
محترمه زغرك من صرت بعيوني شفتك ايه
ما كملن اشهورك وچه الموت
زغير وبعد شيكفي تابوت
متأمله بيك اسمعلك الصوت
تكبر يبني ابين الناس
واسمع صوتك يم عباس
خلّص عمره ..اسم الله الزهره
ـــــــــــــــــــــــــــــــــــــــ
بين العطش ،،بين السهم جرحك چبير اجروحي
ولمن يمر بيك السهم وي روحه تطلع روحي
ميته اعله طولي وكلبي مكسور
ميته جنت من شفته منحور
مو بس گلب لاااا كاسر اظهور
موتك هذا اليعمي العِين
تملك چنت اجمل حضنين
كاسر ظهره ...اسم الله الزهره
حتى اليرضع هم مذبوح
ــــــــــــــــــــــــــــــــــ
كلمات
سيد محمد الهاشمي
ليث كريم اجحالي
ظلت بس صورهم بالعزيه
مكان الخدم خالي هالمسيه
عدنه هواي خدام ما موجوده هالعام
بالعزيه بالعزيه
:::::
چانـــــو يحضــــــرون ويانه المواكب
مــــــــو خدام چانو یشبهون الکواکب
حضرت ويانه الصور والشخص عائب
يــــــم حبيب گلوبنه بأعـــــلى المراتب
منتظرينكم بالثوب الأسود
ليش وما اجانه منكم احد
محتاجين لطام ما موجوده هالعام
بالعزيه بالعزيه
:::::
حضرت اللطامه وانتم ما تحضرون
وينكم يهل العـــزاء مشتاگه العيون
تأخروا عالمجلس وجا ليش يبطون
قبل اه يحسين ويــــــــانه ينادون
سوه نخدم گضينه العمر كله
مشتاگين نسمـــــع اعـــد مله
تبچون اعله الخیام ما موجوده هالعام
بالعزيه بالعزيه
:::::
ذكره بس هاي الصور ظلـــــت بعدهم
وانه احبابي المشو يا نــــــاس احبهم
ليش مــــــا ردو علــــــي كلمن سألهم
وصل شهر الحزن شو ما جونه كلهم
الهم نهكه لو حضرو مجالس
كل واحد صبح مجنون عابس
جفت حتى الاقلام ما موجوده هالعام
بالعزيه بالعزيه
:::::
چانو یعیشون أجــــــواء المصيبه
كلهـــــم ينادون زينب يا غــــــريبه
قبل خدمتهم نعــــــم كلش عجيبه
والله واحدهم ولا يسكت نحيبه
جزع بالمجلس ونص القصيده
البيت الينقري يصيحون عيده
قبل بيديهم اعلام ما موجوده هالعام
بالعزيه بالعزيه
:::::
المكــــان البي وگفتــــــو عفنه صوره
حسين ويحبكم تــــــره وادم غيوره
اسأل الفارگ شني حساسه وشعوره
قبل كل واحد خدم كلمن ودوره
هـــــاي السنه المجلس بالمقابر
واكيد حسين بيها هناك حاضر
لطم زنجيل دمام ما موجوده هالعام
بالعزيه بالعزيه
:::::
علي جبار الكعبي
الفاتحه لوالدي
#جديد_محرم_الحرام_
(( نـــعـــي ))
مــــــن وكفت عللتل زينب تصـــــــيح
هــــــذا حسين طايـــــح يابو فاضــل
عفه واختك تظل تگوم وتطيــــــح
وتتمايل مثـــــــل ميل السنابــــــل
التعب هدني وطفه بعيني المصابيح
غرب تحدينـــــــي عگبك وانت كافل
اطفالك للســــــبي مــــو للمراجــــيح
شوف شلـــــــــون بينه الوكت مايل
الحزن گلبـــــــي ولا يحتاج تــــوضيح
من يوم الزچـــــــية حــــزن شايـــــــل
وهذولة اخواني عالغبرة مذابــــــيح
وعگـــــــب ذاك الضوه ظلمة المنازل
دوي دور الهواشم چــــــان تســـــبيح
وقرأن وحــــــديث وحـــــــــل مسائل
الشاعر وائل احمد الوائلي
#جديد_محرم_الحرام_
♦️تم نشر قصائد منبريه هنا 👇
👉 /channel/Bany_Hashime
اباعبدالله اباعبدالله
ــــــــــــــــــــــــــــــــــــــ
يامالك اسنيني تسري بشراييني
ياقبلتي وديني وابگلبي تصويرك
متعلّق بحبك ثابت على دربك
رايد عطف گلبك ارزقني من خيرك
اباعبدالله اباعبدالله
ــــــــــــــــــــــــــــــــــــــ
من زغري حبيتك رابي بحسينيتك
محبوبي سميتك سيد على ايامي
خادم أنه ابابك اتنفس اترابك
وابچي عله امصابك يالمنذبح ضامي
اباعبدالله اباعبدالله
ــــــــــــــــــــــــــــــــــــــ
عمري تملكته دربك ولا عفته
اول سطر انته والباقي بالهامش
بكل مجلس اقرالك واذكر سبي اعيالك
يحسيني و بجالك عيشة ملك عايش
اباعبدالله اباعبدالله
ــــــــــــــــــــــــــــــــــــــ
ماعوفن الخدمه وبلساني بس كلمه
مجنون ابو اليمه كلهم يعرفوني
والدمعه الاجريهه للزهره انويهه
والخيمه اطفيهه من دمعة اعيوني
اباعبدالله اباعبدالله
ــــــــــــــــــــــــــــــــــــــ
يالداسك الحافر جسمك وذر صاير
واشچم رمح عابر من جبدك الظهرك
فوگ الرمل خدك وانته النبي جدك
بالطف تظل وحدك وماواحد اينصرك
اباعبدالله اباعبدالله
ــــــــــــــــــــــــــــــــــــــ
يا لچمة اجروحي يحسين أخذ روحي
يمك يمذبوحي بالحضره خليهه
واترسهه حنيه وامليهه قدسيهه
كلهه حسينيه ايامي سويهه
اباعبدالله اباعبدالله
ــــــــــــــــــــــــــــــــــــــ
اوياك التعب يسوه عمري الك فدوه
لو هوّه لو هوّه حبك فلا اعوفه
يالساكن أبالي وامزكّي اعمالي
بعيوني يالغالي غيرك ولا شوفه
اباعبدالله اباعبدالله
محمد الجماسي
#اللهم_عجل_لوليك_الفرج
شكراً
شكراً ابكبر السمه
للحسين وفاطمه
خادم صرت واتسجّلت
للحسين وفاطمه
ــــــــــــــــــــــــــــــــــــــ
انتظر شهر المجالس ٠٠ كل سنه واحسب إله
هالشهر ضيف اعله روحي ٠٠ وبالدموع أستقبله
هله بالخدمه الاحبهه ٠٠ وبالذبح لا مو هله
هله بعبدالله وضحكته ٠٠ وألف لعنه لحرمله
ياهله إبشهر اللطم
سَوه للدنيه طعُم
وبكــل سنه عاشگ أنه
للحسين وفاطمه
ــــــــــــــــــــــــــــــــــــــ
ياهله بشهر الكرامه ٠٠ إو مو هله بطاري السحگ
آنه أريد الخيمه حضره ٠٠ مو تطيح وتحترگ
زينب اسمعهه تنادي ٠٠ صارن امتوني زرگ
الدنيه چذابه ابطبعهه ٠٠ وبس الاحسين الصدگ
وآنه جاهل بالمهد
باقـي ثابت عالعهد
حد الگبر لطم الصدر
للحسين وفاطمه
ــــــــــــــــــــــــــــــــــــــ
احسين افضاله چبيره .. وتارسه اعيوني ترس
احسين ساترني بعباته ٠٠ وهوه نايم بالشمس
ثوب الاحسين العقيده ٠٠ مو سواد وينلبس
احسين ياناس اعله مودي ٠٠ بالحوافر ينرفس
إشتراني إبمنحره
وصعداني الـمنبره
واقرايتي وكل خدمتي
للحسين وفاطمه
ــــــــــــــــــــــــــــــــــــــ
امنيتي اشوف احسين عايش ٠٠ مو اشوفه ابلا نحر
كل سنه وهاي المصيبه ٠٠ واسمع بهاي الصور
رمح الامثلث يشيعه ٠٠ واصل الحد الظهر
الحافر ايجر بقميصه ٠٠ وصدره بالخيل انكسر
وزينب اتصيح انتظر
لا تذبحه يالشمر
وآنه استمع وأجري الدمع
للحسين وفاطمه
ــــــــــــــــــــــــــــــــــــــ
والزغيروني خواته ٠٠ ايلاعبنه ويبتسم
ماشفت جاهل يشيعه ٠٠ رايح ابعركة زلم
إشودّه عبدالله المنيته ٠٠ هذا الابگد الحلم
والسهم ذابح رگبته ٠٠ واُمه بثيابه تشم
يادللول الولد
تعّب امتوني المهد
يالسافرت يبني إو رحت
للحسين وفاطمه
ــــــــــــــــــــــــــــــــــــــ
بهاي الاجواء العجيبه ٠٠ آنه ياعالم عشت
اوي الحسين امن الطفوله ٠٠ وهسه كلش شيّبت
شيِّبت راسي رقيه ٠٠ الماتت بحضن الطشت
ولو عفت هاي المجالس ٠٠ يعني إحسبوني مِتت
ما أريد المنقبه
أرجو حسن العاقبه
ناذر نذر كل العمر
للحسين وفاطمه
محمد الجماسي
#اللهم_عجل_لوليك_الفرج
طول عمري شلتـك بشرياني
هناك أكَل للزهرة اذا تنساني
********
يلـي ألطــافـك عَلَــي مــا تنحسب
آني عايش چـي يدكَ بيــك الكَلـب
ما تركتــك بأقسـى أيـــام الـرعُب
من ازورك چنــت بالسـِـــر آنـــي
*******
ينسجن چان اليجـــي يم الضــريح
واحنه بوجوه الكفـر بسَمك نصيح
والله ما ننســـاك يحـــسين الذبيـــح
يـــا وجــودي ودنيتــــي وقُرآنــــي
*******
شــايلك بعيـــوني بأيـــــام المَنـــــع
وادري اموت ونحري يمكن ينكَطع
الناس عدها؟وآنـــي ما عندي رُبـع
ويطــلب الــراس الشـــهر دَيـانـــي
*******
الهوه اذا ما بـي غرامك مــو عَذب
للصحن كَلبـــي قبـل جسمــي يـطب
عايش ألمــن وأنتـه ضعنـك منسلب
كـــون يحســـــين الله لا خلانـــــــي
*******
احلـــى مـا بالدنيــا شــوفت كَبــــتك
أحيــه من موتـي منَ اشوفن رايتـك
ألــف هنيــالة اليمـــوت بخدمــــــتك
وأمـــك أول ليــــــــلة تتعنــــــــانــي
*******
چـــان ممنــــوع ونجيــلك بالخـــفاء
الزيــــارة تخــــبل البيــــها إبتـــــلاء
شكَد حلــو صـــار العـــراق بكربــلاء
الحمـــد لله بهالــــــوطن سوانــــي
*******
ما منعنــه من المشـي ذاك الرَمـــي
بالبـــــزول وبالنــــخل من نحتمـــي
لغيـــر أبـــو اليمـــة أبـــد ما ننتمــي
دِينــي هـــوه وكعبــتـي وإيمانــــــي
*******
أغلى ما عنـــدي ضريحـك والصحن
آني بــس يمــك احــس عندي وطـن
إسئـــل عليـــه يبـــو اليمـــه الزمــن
أبــد مــا هزنـــه فُكــــــر سفيـــــاني
*******
والمواكـــب هــــاي سوتــلك حشـــد
ترسَــت حدود الوطن هــــاي الوِلـــد
آلُ أميــــة فَنـــــه داعشــــهم يـــــرد
جيوش صـارت عد علــي السيستاني
*******
يبــو اليمـــه طالــت أيــــام الفــرج
جور هـــاي الدنيــا مليــانه وهَـرج
خلصت العطوة وكَضت كــل الحُجَج
لشوكت بيـــت الله يبـــــقه متــــاني
*******
حيدر حسين الكَرعاوي
مجتوفه وروحي معذبيها
والناس اتصييح تاليها
هاي الفوگ الناگه شبيها
حُسين
لاضلت خيمه ولا والي
عالناگه ومتحير حالي
ذباح حسين اليبرالي
حُسين
تالي ... اصعد هزله مكشوفه
وطولي الوادم اتشوفه
ملامح وجهي للوادم
صارت وسفه معروفه
هاي منين ... الطلعت اسيره
وين حسين ... وين العشيره
بالله شلون ... وجهي اديره
اه يازينب يازينب يازينب
،،،،،،،،،،،،،،،،،،،،،،،،،،،،،،،،،،
شتحمل ياضيم البيه
بالغربه ولا واحد ليه
نسكت سكنه تبجي رقيه
حُسين
تعبانه اتسكت تعبانه
ماضل واحد ماشافانه
لحسين الطايح عطشانه
حُسين
الأختك ... رد ياواهس اعيوني
الوادم خويه شافوني
كلها تشمتت بيه
محد يسئل شلوني
بيه جروح ... بگد الشريعه
وين تروح ... خويه الوديعه
والعباس ... جفوفه گطيعه
اه يازينب يازينب يازينب
،،،،،،،،،،،،،،،،،،،،،،،،،،،،،،،،،،
درب الغربه امتعب عيني
وما ادري الوين اموديني
والشامت ضحكه يبجيني
حُسين
يحسين وداعت حنيتك
شمتانه الناس ابعلويتك
عالهزله نشالت عافيتك
حُسين
خويه ... زينب انه حاجيها
الناس تشمتت بيها
بسوگ الغربه مجتوفه
وكلها اتأشر اعليها
خويه الشام ... دخلن خواتك
اخ الشام ... شخله البناتك
بي يحسين ... خلصت حياتك
اه يازينب يازينب يازينب
،،،،،،،،،،،،،،،،،،،،،،،،،،،،،،،،،،
دخليت السوگ ابلجماتي
وغطيت اعيون ابنياتي
من الحرگو بالطف خيماتي
حُسين
ملينه امن عيون الوادم
خدر الله من السب ماسالم
طاحت گدامي ام القاسم
حُسين
خويه ... الوادم بينه فرحانه
السوگ ادخله خجلانه
يزيد ايدخل اعيالك
ويضحك كله ديوانه
صار صياح ... صوت وشتيمه
راسك طاح ... هاي الهضيمه
بقصر الموت ... ماشفنه شيمه
اه يازينب يازينب يازينب
✴️ دُعَاء "اللَّهُمَّ عرّفنِي نفْسكَ..." الَّذِي رُويَ
عَن الإمامِ الحُجَّة "عج" يُعرَف بـ .. 🏷 اختَرْ الإجَابة الصَّحِيحَة 🎁؟
○ دُعَاء النُّدبَة 📥؟
○ دُعَاء الشَّدائد 📥؟
○ دُعَاء زَمَن الغَيبَة 📥؟
مولاتي العليلة روحي فداها
اجوني .. وانه گلتلهم هله
اجوني .. بس نقص بالقافله
اجوني .. ودرت وجهي الكربله
ــــــــــــــــــــــــــــــــــــــ
شفت بيهم صوره من كسر الخواطر
واشم بيهه ريحة ارماد وحوافر
چنهم اجنايز يدورون الـمگابر
موته بس عدلين يارب شنهو صاير
اهلنه .. شو مدامعهم تصب
اهلنه .. وابملامحهم غرب
اهلنه .. حمد وابلا بسمله
ــــــــــــــــــــــــــــــــــــــ
العلّه الابگلبي والابجسمي سويّه
اثنينهن لـمن اجو هـاجن عليه
آنه گلت ابشوفة اهلي أصبح جويه
ثاري اجوني وچملو ضيمي عليه
شفتهم .. بس شفت بيهم سبي
شفتهم .. والتراب اعله العبي
شفتهم .. ويامصاب اتخيله
ــــــــــــــــــــــــــــــــــــــ
ناذره ابچيتهم البس احلى الاثياب
وافرش اعيوني طريق اتدوسه الاحباب
ازغيره آنه وكبروني من الاغياب
وهسه اجوني بس اجوني بدمعه وامصاب
رقيه .. مالگيت الهه اثر
رقيه .. أظن ماتت عالنحر
رقيه .. ورده بس امسلسله
ــــــــــــــــــــــــــــــــــــــ
شفت بأول ناگه اخوي الـمثلي حاله
هم عليل وصاير أضعف من خياله
بي اثر موته ودفن مدري اشجراله
چنه واحد محّد أمن اهله بقاله
شبگته .. بس شبگته أمن المتن
شبگته .. وگلي آخ وظل يون
شبگته .. والـمدامع سايله
ــــــــــــــــــــــــــــــــــــــ
وشفت ثاني النوگ بيهه امريه تنعه
اسمعلهه اتنوح بس گلبي تگطعه
الهسه يمكن حافر اليسحگ تسمعه
وچفهه من السوط ماتگدر ترفعه
حنينه .. لاچن امضيعه زلم
حنينه .. وگامت بدمعي تشم
حنينه .. ابرايه خضره امشيله
ــــــــــــــــــــــــــــــــــــــ
مارجعلي الاكبر وبن عمي جاسم
ولا ابوي احسين لامن گمر هاشم
حتى عبدالله الطفل ماردلي سالم
يعني كل دنياي بس دمعه ومئاتم
عليله .. ومن بعد ذاكه الصبر
عليله .. ذابح احلامي الشمر
عليله .. وبيرغ أحزاني اعتله
محمد الجماسي
#اللهم_عجل_لوليك_الفرج
#قصائد_الامام_الحسين_ع
#محرم_
السلام عليك يا أبا عبد الله
السلام عليك يا أبا عبد الله
_
يحسين يا اقدس عشك
كلش صعب شيفسره
ويانه عاش امن الصغر
عشك وبعد عالفطره
والما يحبك سيدي
خسران عايش عمره
كل عذر ما عنده بعد
خيفيده باجر عذره
السلام عليك يا أبا عبد الله
السلام عليك يا أبا عبد الله
____
كل الخدم تنذل نعم
محد يهاب الخادم
بس انته اليخدمك ملك
يمعلي صيت الوادم
يحسين مثلك وين اكو
جنتت كل العالم
منساوم وحبك شرف
للموت لا منساوم
السلام عليك يا أبا عبد الله
السلام عليك يا أبا عبد الله
___
يحسين الك كل العشك
والباقي خابط عشكه
لولا المجالس واللطم
منطيق لحضه الفركه
ارزقنا دمعه ابمجلسك
وارزقنا طعم الحركه
يالعايش اويانه نفس
بين الهوه والشهكه
السلام عليك يا أبا عبد الله
السلام عليك يا أبا عبد الله
_
حكها البشر من تعشكك
يبن الزجيه اشمنطيك
لو حتى ننطيك النحر
ونضل بعد مموفيك
يالتحضر الشده أنعرف
يا رحمة الله ندريك
مولاي يبن الطاهره
تسبيح اصبح طاريك
السلام عليك يا أبا عبد الله
السلام عليك يا أبا عبد الله
___
يا لوحة الحب والوفه
يا صافي مثل الكمره
يمعزب وصدرك وطن
كلبك يغالي اشكبره
يابو رقيه بكل فرض
اسمك لزوم انذكره
عطشان ما ضكت العذب
يحسين روحك خضره
السلام عليك يا أبا عبد الله
السلام عليك يا أبا عبد الله
___
يا ريحه من عطر النبي
ندري اليحبك ربحان
يا اغلى من ماي النضر
يحسين حبك قرآن
يا عافيه وثوب الفخر
للجنه اسمك عنوان
هذا العشك يا سيدي
معناه اصل الايمان
السلام عليك يا أبا عبد الله
السلام عليك يا أبا عبد الله
___
تمت بحمد الله واهل البيت ع
ناجي ابو كيان الصالحي ونسالكم الدعاء
سويتلكم ديوان نسائي متكامل وملحن بالكامل 🗒️😊 👇
/channel/+74N04SNGMV9iNzgy
دعم تلكرام مجانا هنا 👇😍🔥
/channel/+c3mFVl7zWiRkMGQy
جفني الطاح من الدمع .. ويعين
المصايب بالدليل انزلن .. ويعين
وين الگه اليشيل الحمل .. ويعين
حملي المال برض الغاضرية
فاضل الجهلاوي
اهلالك يمرد الدلال .. لاهل
ومعذور الدمع يحسين .. لاهل
بعدك لاعشيرة البگت .. لاهل
اسيرة مچتفة ويحدون بية
فاضل الجهلاوي
أعثر____وامشي اعتنيتك
بالحجر..........مرمي لگيتك
ضعت من ياصوب اجيتك
....................... .بالكلب حسره
***
والله ما ينطيني گلبي...بالموادع خويه احير
خنگه صارت بالمخيم.......شلون لعيوني تدير
ينحني يحسين ظهري......مثل ظلع امي گسير
بس اشمن خويه صدرك....صعب توديع الاخير
تمسح بيدك اعليه
ليش ياروح الزجيه
حل وداع بهالمسيه
......................بالكلب حسره
***
شلون اقدملك منيتي.....بالفرس شفت الرحيل
ينعصر ياخويه گلبي..........مابقه بس العليل
الاه من صدرك تجرهه.....والمهر گامت تميل
والمثلث حفر چبدك ......توگع ودمك يسيل
والسهم ضاهد دليلك
والله لوبيدي اعتنيلك
ارد برد بس غليلك
....................بالكلب حسره
***
بدت اول رگضه خويه.....من شفت طر السهم
حدبت ياخويه ظهرك..........حيلي وياك انهدم
والمثلث ماله چاره............چنه بظلوعي انهشم
وانه من ياصوب اجيلك..عفت محروگه الخيم
تنچوي اگبالي رقيه
اتراب حر الغاظريه
فدوه بس اگعد اليه
.....................بالكلب حسره
**
شلون اعاين وانه حيره...ياعجب شفت الجرح
والشمر ثاني رگبته............فوك صدرك للذبح
گطع راسك خويه شفته.....صار گدامي يلح
وانه گلشي يموت بيه........ينعدم وجه الصبح
اثنعش ضربه بجبينك
ليش ساكت بس ونينك
خويه وسفه امعطشينك
.........................بالكلب حسره
***
طحت مرتين عله وجهي....خويه عالتل اوچبت
صحت يبني امي دخيلك.....والله حيره اتحيرت
فرن من الخيمه گلهن ......بس فواطم شاهدت
وحده توگع وحده تصرخ...عمه لحگيني طحت
صحت خويه الحك علينه
شلون .....يحسين انولينه
چم طفل طاح من ادينه
.............................بالكلب حسره
***
بيش اطفي الخيمه خويه......وانه احس
كلبي احترك
وانه عندي أطفال ماتت.........بالحوافر تنسحك
والنفس ياخذني گوه ....گمت يحسين اختنك
نار دخان المخيم ...........زحمه بالريه انشهك
الحادي حضرهه الهزيله
وين عباس اشتكيله
دمعتي صارت وسيله
......................بالكلب حسره
***
##تمت بعون الله
خادمكم ........يوسف الفتلاوي
#جديد_محرم_الحرام_
لسان حال مولاتي العليله ع
&&&
شخباركـــــم يهل الخـــــواچي
عفتونــــــي للهم للبــــــواچي
باچــر رقیه بــــــلا تـــــراچي
حمل العليله اليوم راچـــــي
&&&
شخباركم يهـــــــــل المضايف
مـــــن هالسفر گلبي انه خايف
مــــــــو للقصر ردنه الصرايف
يدري الحسين شخلفه عایف
&&&
مـــــــو بالخيم بيه الحريجه
ونـــــــــة بنیتکــــــم غميجه
منكــــم ولا ظلـــــت رفيجه
بس الدمع هـــــاي النتيجه
&&&
لحسين ذبـــــــــــوها الشطافي
طين اعله راسك وامشي حافي
وياك راح الحچـــــــــي الدافي
ما لحظه جفني عيوني غافي
&&&&
وينه الي يوصل اهلي الاعزاز
ميته العليله تـــــــــريد جناز
مـــا جاز گلبي ينوح ما جاز
محتاز گلبي لهلــــي محتاز
&&&
مــــــــن الونين الگلب یفحط
دمـــــــع العيون وچمل الشط
عبدالله اظن من العطش نط
مـــــو الاولي وضعي تخربط
&&&&
علي جبار الكعبي
الفاتحه لوالدي
#جديد_محرم_الحرام_
السلام عليك يا أبا الفضل العباس ع
ـــــــــــــــــــــــــــــــــــــــــــ
رف شاربـه العباس وغــضــب
نـار عله ريش الگمر من طب
ــــــــــــــــــــــ ١ ـــــــــــــــــــــ
غاضب ركـب عالشگرة
بعيونه غيظ اهواي
گال الفرات اوجرفه
رايحله اجيبه ويــاي
مـايـصعـب اني عليـــه
شمرة عصه عله الماي
شما يعله مايه اوصيته
يبـــقه عله گــد يمـــناي
يسهل اله الشافوه يصعب
نار عله ريش الگمر من طب
ــــــــــــــــــــــ ٢ ــــــــــــــــــــ
صاحتله زينب خـويه
للــحره انـت الحيل
ظلمه تضل اخيمنه
انـــت التضوي اليــل
ياهيبة الـعلــويـه
يمبـجي حــته الخيل
نــار العطش جتـاله
ياخــــويه جيب الســيل
يگظي وعلي ما يبقه مـطـلب
نار عله ريش الگمر من طب
ــــــــــــــــــــ ٣ ــــــــــــــــــــــ
گاللها ماي اعــيــوني
يرخص الــج ياأم عــون
شنـهي الفــرات او مايه
جيش العده ايسمعون
لترابج انتي الحــره
كلهم فــده يرحـــون
يا هيبة اهل الشيمه
جدامج ايرگــــعـــون
ما حصلوا من سيفه مـهرب
نار عله ريش الگمر من طب
ــــــــــــــــــــ ٤ ــــــــــــــــــــــ
بين الگمر والشاطي
صار الكلام اطويل
بجدامه داس اجروفه
صاح الفرات ادخيل
اعــفـو يـعـم الساده
عني أو دمعته اتسيل
يمبجي ماي الــدنيـا
يمعـــدل انت الــميل
مثل الصگر عالجـيش گـرب
نار عله ريش الگمر من طب
ــــــــــــــــــــــ ٥ ــــــــــــــــــــ
تاريـــخه زود اجــفوفــه
عــبر الـزمن ســـواه
شمرة علي بيمينه
مــــا يــــرحم الاگــــاه
خيل اوزلم من سيفه
صـــار النهر مـــجــــراه
حي الله عــــم الساده
يــتـــنومس الينخــــاه
بـروس الـكفر بتاره حـطـب
نار عله ريش الگمر من طب
ــــــــــــــــــــــــــــــــــــــــــ
الشاعر خالد جودي العارضي
الوسيلة الكبرى
شيعيّه رايتنه وانته وسيلتنه غيرك ما نريده
من عالم الخدمه نرفع يبو اليمّه صرخات العقيده
نار نار 00 نار العشـگ بينه
نار نار 00 تچوي اليعادينه
ــــــــــــــــــــــــــــــــــــــ
احسين دربك ما نعوفه 00 ولا شمس حبك تغيب
عدنه حته الطفل يرضع 00 غيره من أمه وحليب
وينحسب كل شاب عابس 00 عدنه والشــايب حبيب
الشيعي الينولد يحسين بسم الطف نشد حيله
زينب هيّـه الاتباريه وعبدالله يلوليله
بيحسين بضمايرنه نقراله ونناغيله
والشيعي من يكبر يسمع نعي المنبر ويتحوّل فدائي
وبزود ابو فاظل نسحگ عله العايل والحب كربلائي
نار نار 00 محّد يطفينه
نار نار 00 تچوي اليعادينه
ــــــــــــــــــــــــــــــــــــــ
احسين من هاي المجالس 00 طلعت آلاف الزلم
شالت الرايه وتهوس 00 وانسحگ اكبر خشم
اليعبر الحدنه نذله 00 الـمافهم خل يفتهم
طفك كبرياء وعز هيچ انفسر ادروسه
بصرخة يالثار احسين راس العگربه اندوسه
منبوس اليد الصفراء بس شباچك انبوسه
أنته النبي جدك وأشگد خدم عندك مايخلص عطائك
منّك بدايتنه ويمك نهايتنه ماشين بولائك
نار نار 00 حبك يوالينه
نار نار 00 تچوي اليعادينه
ــــــــــــــــــــــــــــــــــــــ
سيدي ابذاك النظام 00 ازيارتك چانت حلم
واليسوّي ابيته مجلس 00 ينسجن لو ينعدم
الخوف ما هز منه شعره 00 عالمشانق نبتسم
رغم الخطر والتهديد چنه انروح مشايه
ابنص الزرع نتخفه من اولايه لولايه
منعوفك ابد منطين لامّك فاطمه احچايه
من نقره لطميه ترجف البعثيه ماعفنه الشعائر
حافظنه عالمذهب بياعلي ويازينب دسنه اعله المخاطر
نار نار 00 عالطاغي هبينه
نار نار 00 تچوي اليعادينه
ــــــــــــــــــــــــــــــــــــــ
صيحتك هل من مناصر 00 تعتبر فتوة جهاد
واحنه لبّينه ندائك 00 بالسلاح وبالسواد
أيد تلطم بالمجالس 00 وايد تحرس بالبلاد
هذا الوطن بترابه سته من ائمتنه
بي من زينبك آثار بي عباس هيبتنه
الله وانته لازمهه اشلون اتطيح رايتنه
بس جرب انخانه بالفزعه تلگانه كل احنه عـــوابس
بهالمبدأ نجاهد واثنيهن واحد الساتر والـمجالس
نار نار 00 لطمة ايادينه
نار نار 00 تچوي اليعادينه
ــــــــــــــــــــــــــــــــــــــ
انفتحت الجبهه الجديده 00 والحرب حرب الإعلام
بين تسقيط واشاعه 00 وانتقاد واتهام
والهدف طمس الهويه 00 وينتشر فكر الظلام
مايدرونه مخلوقين احنه النصرة العتره
يبن الزهره وايغارون لـمن نلطم ونقره
ولمن ياحسين انصيح اتصير اوجوهم صفره
والنصرة القائم يبقه الحشد لازم وايمهد ظهوره
باچر يمولانه المهدي يجي اويانه والگبرك نزوره
نار نار 00 انصار مهدينه
نار نار 00 تچوي اليعادينه
محمد الجماسي
#اللهم_عجل_لوليك_الفرج
ياحبيب الزهره وحبيبي
ــــــــــــــــــــــــــــــــــــــ
ماريد دنيه إبلا عشگ
يالحبك بگلبي يدگ
أنته ابوي وصاحبي الحلوه عشرته
أنته الحنين الـموصعب
ماكو مثل گلبك گلب
ممنوع احب غيرك لان حبيتك أنته
يمك واشتاگ ماريد افراگ مثل العشاگ ماخذني السهر
مابين قوسين مجنون احسين وادموع العين يم بابك نهر
ياحبيب الزهره وحبيبي
ــــــــــــــــــــــــــــــــــــــ
گلبي اقفلت بابه ابحذر
مفتاحه ذبّيته ابحر
اتبره من عنده اذا حب ثاني غيرك
كاتب عله اعيوني وقف
ماترسم الغيرك وصف
مالك حواسي الخمسه مجنونك اسيرك
خلّيني اوياك ماشي بمسراك واشلون انساك وانه اتنفسك
وانه من اصباي عبدك مولاي عمري ودنياي بس بمجلسك
ياحبيب الزهره وحبيبي
ــــــــــــــــــــــــــــــــــــــ
يحسين طفّك دنيتي
وگعدت ضريحك جنتي
الله يانسماتك الكلهن محنه
من اوگف اباب الصحن
حاجاتي كلهن ينگضن
يالعطر شباچك يغار الورد منه
سبحان الله گبرك علّاه ملجأ سوّاه للماله وطن
يمك عباس سيد الاحساس ايسمونه الناس كفّال الظعن
ياحبيب الزهره وحبيبي
محمد الجماسي
#اللهم_عجل_لوليك_الفرج
*في شأنِ الحسين ع وهلال المحرم*
.............
*وشْ هلَعلام اللّي على اسطوح المنازلْ*
*والناس كلها امهرولـه والدّمعْ نازلْ*
.........
ايگولون هلْ عاشور والكلْ لابسْ اسواد
وبيّنْ اهلال المنذبحْ واللّي بلا اوساد
ونصبوا مآتمهم لجلْ بـو زين لعباد
*وعافو الْملَـذَّه والدّمعْ بالخدِّ هاملّ*
.........
وياهي مُصيبه من يهلْ اهلال عاشور
تصبحْ الناس امسوِّدَه والدَّمعْ منثور
وتنعي على الشبان واللي ركْبَتْ الُكور
*وعافتْ أهلها بالثّرى ومِنْ غير كافلْ*
..........
ايگولون هـلْ اوهلّـتْ الأحـزان ويّـاه
ودون الأهلّـه منصبغ بالــدَّمِّ ويــلاه
وكل شيعي يصفگ بالْحزنْ يسراه ابيمناه
*وسفه على المظلوم او وسفه أعلى بو فاضل*
..........
أو وسفه على اللي سيّروها بلدة الشام
ويّا العدوا وخلّتْ أهلها ابحرِّ لرغام
وشبّان كلها امجزّره ابحرِّ الثّرى انيام
*وكل سا اتنادي وين حلال المشاكلْ*
...........
وكل سا تِنادي منهي مثلي في النساوين
عافتْ أهلها ابلا غُسِلْ وبليّـا تكفين
وكلما تِهـلْ الْعين تتلوّى بالْمِتْنيـن
*وتْصيح مشّوني غَصْبْ فوگ الْمهازلْ*
*ام محمد السيدة عقيلة*
*الجمعة من جوار الإمام الرؤوف ع ٢٣ ذو الحجة ١٤٤٦هـ*
منعـوف يحســين المـــآتم
هنيالة هذا الصار خـــادم
******
مثـل الهــوى عدنــه المجالس
كل شيعي صــار اليـوم عـابس
رَبـت وِلــــد صـــارو فــوارس
لرض العراق بروحــه حــارس
نتحــدى أي سفيــانــــي قــــادم
******
رادونـــه ننســـه الغـــاضــرية
يــوم المشـــت زينــب سبيــــه
نخـــون العهـــــد وي الزچيــة؟
اللــــه يلــــــــــــعن آل أميــــــه
ويلعـن شكـــو بالدنيـــا ظالــــم
******
ترسوهـــه من عدنـــه المقـابر
ومـا عفنـــه يحســين الشعــائر
عدنــه شكــــثر رايـــد منـــاحر
ثـارك يرجعــــه المهـدي باچـــر
مـن تفــرح بجيــــته الهواشـــم
******
بلايـــة التعــازي تكَــول ميتيـن
اعمــــارنـه فـــدوة للحســــــين
انجـِـيب مثــل آل النبـــي منــين
يلومونه چــي صرنـــه مجــانين
للقــــاتَل اُمـــك مــــــا نســــاوم
******
مثـــلك عشكَنـــاهه الشهـــــــادة
الموتــــه ألـك؟هيـــــه السعــــادة
شكَــــد كــررو بينـــــه الإيبــــاده
مَلـــو مـــن الشيــــعي وعِنــــاده
وللمحشـــر يظـــل بيـــك هـــايم
******
يحچـــــون بالحُـــــريه هُمـــــه
ولـــو مُرسَـــل يسفكـون دمــه؟
المِــــن الولادة ملَقِنـــــته أُمـــه
شيغَــــيرأفكــــاره؟ شيفَــــــهمهَ
الخلـــه الغـــــريب ابيتـــه نايم؟
استحــــو منـــــك لــــــو أوادم
******
احفـــادهــم نفـــــس العقيـــــدة
هــــاي الجرائـــم مــو جديــــدة
وِدهــــهَ النبـــي تكَطــع وريــده
يريـــد البشــــر كلـــهم عَبيـــده
ويمـــارس أنـــــواع الجرائــــم
******
يسجــونـــه چــــان اليعتنــــيلك
وغصبــاً علـــى الطاغي نجيــلك
يالباالحوافــــر مـــــات حيــــــلك
شســـوه الســهم ويلـــي ابدليلك
يالچنـــت عــن المـــاي صـــــايم
******
يتمَــــنــه يالمســـبيه أخيـــــتـه
ينطــــيك كــل وآحــــد ركَبــــتـه
بليـــاك هــــاي الدنيـــه ميــــته
معقــولــة راح تعوفنــــه أنتــه؟
ذنوب شكـــثر عدنـــه ومظـــالم
******
يمتــه أبنـــك يخَلــص مَغيِــــبه
ونتنــــلاكَه محبـــوب وحبيـــبه
بـأذن الله هالطلـــــعة قريبـــــــة
زينبــــكم لهَــــــسَه غـريبـــــــة
من آل الصنــم ثـــارك يجيــــبه
وعالكـــون هــذا يصــير حاكـم
******
حيدر حسين الكَرعاوي
شِد الحيل * ردِ الخيل * يمشكر
ياوفاي * جيب الماي * للخـَدَر
لف الجيش بالرايه
جيب العلگمي اومايه
شد الحيل * رد الخيل * يمشكر
""""""""""""""""""""""""""""""""""""""""
شدها وگوم ،ياجيدوم ،خل اشيوخهم تندم
صفها اصفوف خوف الخوف بلفرسان لاتهتم
حز ارگاب، خلها اتراب، غرگها الجثث بالدم
طگ زلال ، هد جبال ، كون الگـوم يتندم
معروف الحرب عيدك
تـِل ارگابـهـم بيدك
صيتك بان ، بالعربان ، معلوم البدر يضهر
"""""""""""""""""""""""""""""""''''''''''''''''''''''''''
يومك حان * ياطعان* خل اخيولهم تتعب
ياكفال *عودك گال * سيفك بالحرب يلهب
من وصاك * كض يمناك * گال بشاربك زينب
يعلم بيك ماناسيك ،وانته السيف المجرب
كلك مرجله اونخوه
صيتك بيهم اشسوه
راعي الزود * مثل العود *هذا الحيد من حيدر
""""""""""""""""""""""""""""""'''''''''''''''''''"""
طب عباس * عالي الراس *خله اكبارهم تنذل
صاح ابصوت *شنهي الموت *بين الخيل يتوغل
طبها ابزود *شال الجود * خله الگوم ماتندل
طرها وراح * داس الطاح * سيفه عله الرگب هلهل
رد إمحقـق أحلامـه
جاب الماي لخيامـه
غيـَر حال- روه إعيال . ويه احسين ماقَـصر
"""""“"""""""""""""“""""""""""""""""'''''''''''
ردها وشاط * صار ازماط * گام السيف بيهه ايحز
ترجف خوف *من.تشوف * عباس الگمر يبرز
كلهه اتطيح * من ايصيح * لاساحر ولامخرز
هل كفار*صارت عار * ذلت ماتعيش ابعز
كثره اچفوف شلاها
روس الگوم ذلاها
شبها ابنار * جاب الثار* گال الضلع يتجبر
"""""""""""""""""""""""""""""""""""""""
دمهم فاض * من اغتاض* سوا الحيد يوم اسود
واگف سور *وجهه ينور * ماواحد وصل للحد
گام يدوس *فوگ الروس * والتاريخ ضل يشهد
من يصول * كلهه اتگول * طاحت ناس ماتنعد
جاب الماي لخيامي
خله الجـود گـدامي
هذا اليوم * يضل الحوم* ياكل بالجثث بالبر
"""""""""""""""'''''''''''''''''''''''''''''''''''''''''''''''''
✍️ فاخر علي الشبيبي