2554
ياعباس ياخويه
ياعباس ياخويه
.......
أختكم من خيمها شلون طلعت
صاحو هاي زينب كله سمعت
هاي مدللة عباس وحسين
الشماته اسهام كلها عليه فزعت
ياعباس ياخويه
ياعباس ياخويه
.........
اركض ياهضيمه وعمري ستين
مصيبه وشيبت منها الصواوين
غير بتالي عمري كون ارتاح
الراحه منين صاحو ذبحو حسين
ياعباس ياخويه
ياعباس ياخويه
نار اخيامكم يل بالكلب نار
أحير بروحي لو لمن بالزغار
اليعثر فوكه يصعد حافر الخيل
الصار ويزينب مثله ماصار
ياعباس ياخويه
ياعباس ياخويه
....
وين انطي الوجه ماضل بعد حيل
المامحسوب زلمه بزينب يعيل
عين عله السياط وعالنهر عين
وصاحو صوت ذبحيناه الكفيل
ياعباس ياخويه
ياعباس ياخويه
.........
شسولفلك يخويه گلبي مصيوب
من رد المهر والسرج مگلوب
ينادي بالظليمه راح الحسين
چندوب الصبر ياروحي چندوب
ياعباس ياخويه
ياعباس ياخويه
..........
وشلون الگلب ياخويه يرتاح
لحضات وشفت راسك عالرماح
ياحارس خدرنه والصواوين
بعد راح الخدر وي طيحتك راح
ياعباس ياخويه
ياعباس ياخويه
..........
هذا الليل خويه يخلص شلون
عله زينب وين اسمعهم ينشدون
عمت عين الزمان الخان وياي
يصيحولي السبيه وموش ام عون
ياعباس ياخويه
ياعباس ياخويه
......
ياظيم الصبح مايخطر ابال
جابو نوك هزله خويه وحبال
لو ميته الف موته ولاشوف
گبالي روسكم برماح تنشال
ياعباس ياخويه
ياعباس ياخويه
........
خادم اهل البيت ع
فلاح طالب الماجدي
أوّل الدّمع من العين بخدّي هما
في مهديَ كان عليه عطشانا
أوّل اسمٍ لسانيَ ذكرَهُ تعلّمَ
وأحزن الرّوحَ عليه مذبوحا
كبرتُ في العزا طفلا
وعمري حبُّه احتلّ
وفي قبري بما أُسأل
أجيبُ يا حسين مولا
حسين مولا مولا ...حسين
___
أوّل الحزن سمعت ناعيًا قد نعى
في مأتم العاشر فردًا بلا ناصر
أوّل الخوف جزوعًا حلّ أن يجزعَ
قلبيَ النّاظر لفعلةِ الحافر
رسمتُ الوجه بالهمّ
ونوّحتُ مع الأمّ
وَشمتُ الصّدر باللطم
وذكري يا حسين مولا
حسين مولا مولا...حسين
___
آخر الدّرب على عتبتهِ المنتهى
الرّوح ممتنّة.. فعنده الجنّة
آخر الحبّ ينال العاشق ما اشتهى
من نظرة السّاقي.. للعالم الباقي
هو السّاقي ولا ماءُ
له الأحباب أبناءُ
سكارى كلّهم جاؤوا
بوِردٍ يا حسين مولا
حسين مولا مولا...حسين
___
آخر الأمر سألقاه وأمري يقين
بأنّ محبوبي يجيب مطلوبي
آخر العمر سآتيه قطيع الوتين
بحاليَ الأزهى.. مخضّبَ الجبهة
شهيدًا عاليَ الرّاسِ
مباهي سائرَ النّاسِ
مع السّقّاء عبّاسِ
ألبّي يا حسين مولا
حسين مولا مولا...حسين
#نور_آملي
#قصيدة_لطم #اول_الدمع
#ليلة_حسينية محرم #١٤٤٧_هـ
الرادود #حسن_عميص
يَا بُو فَاضِلْ وَدَاعَاً وَدَاعَا....
----------------------------------
يَا بَا الْفَضِلْ يَمِّ الْخِيَمْ.........ضَجَّتْ يِتَامَاكِ بْأَلَمْ
وِحْسِينَكِ بْكَسْرَةْ ظَهَرْ...أَمْسَى يِسَكِّتْ هَالْحَرَمْ
زِينَبْ يَخُو زِينَبْ بِچَتْ.....مِنِّ الْهَضِيمَه تْخُوصِرَتْ
گَالَتْلَه يَا حْسِينِ شْشِفِتْ...گَلْهَه السَّهَمْ يَخْتِي نِبَتْ
بْعِينِ الْكَفِيلِ وْيَمْنِتَه.......وِالْيَسْرَه عَالشَّاطِي هِوَتْ
رَاسِ الْگُمَرْ حِيلِ اخْتِلَفْ.......هَامَةْ أَخُونَه تْطَشِّرَتْ
يَخْتِي اسْتَعِدِّي لِلْبَلَه..........وَحْدِي بُگِيتِ بْكَرْبَلَه
لُو يَمِّي شَايِلْ رَايِتِي...چَا مَا ضِحَكْ سِنْ حَرْمَلَه
عَالشِّرِيعَه يَزِينَبْ نِظَرْتَه.............گِتْلَه كَافِي تِوِنْ مِنْ شُبَگْتَه
يَا عَضِيدِي وْأُخُويَه وْحَبِيبِي...بْطِيحِتَكْ هَايَه ظَهْرِي كِسَرْتَه
يَا بُو فَاضِلْ وَدَاعَاً وَدَاعَا....
----------------------------------
يَا بَا الْفَضِلْ حَتَّى الطِّفِلْ...أُمَّه الرَّبَابِ شْتِحْتِمِلْ
تْگِلَّه وْتِهِزَّنْ بِالْمَهَدْ.......سَاعَه وْيِجِي عَمَّكْ عَدِلْ
مَا تِرْضَه يَبْنِي غِيرِتَه.......تِعْطَشْ تِمُوتَنْ عِيلِتَه
عَمَّكْ تَرَه حَتَّى السِّمَه........يِرْوِيهَه يُمَّه بْجِرْبِتَه
وِهْوَايَه يَوْلِيدِي صْبَرِتْ...شْوَيَّه وْيِطُبِّ لْخِيمِتَه
وَاتْوَقَّعَكْ أَوَّلْ طِفِلْ.......تِشْرَبْ عَذِبْ مِنْ يِمْنِتَه
لُو مَا وِگَعْ ذَاكَه الْعَلَمْ...عَبْدَ الله مَا صَابَه السَّهَمْ
وْلَا چَانَ ابَيَّه مْنِ الدِّمَه...خَضَّبْ لِحِيْتَه وِانْهِدَمْ
غُرْبَه حَسْرَه يَكَافِلْ مُصَابْكْ...عِيلَه طَاحَتْ كَسِيرَه بْغِيَابَكْ
لِنْحِنَه يَاهُو يِعْدِلْ وَگُفْتَه............يَا گَلُبْ مَا يِفُطْرَه عَذَابَكْ
يَا بُو فَاضِلْ وَدَاعَاً وَدَاعَا....
----------------------------------
لَازِمْ أَخَيَّكْ شِيبِتَه...وِبْوَجْهَه بَانَتْ كُرْبِتَه
يِتْلَوَّه صَارِ بْلَا أُخُو...كِلِّشْ عَظِيمَه غُرْبِتَه
يِتْلَفَّتِ يْدِيرِ النَّظَرْ........وِمْخَلِّي إِيدَه عْلَه الظَّهَرْ
حَايِرْ وَحِيدِ بْكَرْبَلَه...........شِيخِ الْهِوَاشِمْ يَا گُمَرْ
وِالْچَانْ بِالْمَمْشَه تَرِفْ.........تَالِيتَه بِالْمَمْشَه عِثَرْ
كِلْشِي تِبَدَّلْ مِنْ رِحِتْ...لَا ظَلْ هَوَه لَا ظَلْ نَظَرْ
عِدْوَانَكِ بْحَالَه دِرَتْ...............وِلْنَحْرَه وِيلِي تْحَضِّرَتْ
زِحْفَتْ عَلَى خْيَامَه الزِّلِمْ...جِيشِ عْلَه ظَامِي تْكَاثِرَتْ
لُو شِفِتْ حَالَه عِينَه جِرِيَّه......وْفَزَّتِ گْبَالَه دَمْعَةْ رُقَيَّه
تْگِلَّه چَا وِينَه عَمِّي يَبُويَه...هْوَايَه عَطْشَانَه مَا رَدْ إِلَيَّه
يَا بُو فَاضِلْ وَدَاعَاً وَدَاعَا....
----------------------------------
نَادَه مِنُو يْجِيبِ الْمُهُرْ...مَا عِنْدِي خُوَّانِ الظُّهُرْ
رَايِدْ أَطُبِّ لْحُومِتِي......وَاحْمِي رَبِيبَاتِ الطُّهُرْ
لَنْهَه الْعَقِيلَه بِتْ عَلِي.......تْگِلَّه يَبَعْدُ امِّي وْهَلِي
إِلْمَنْ تِنَادِي مَا بُگَه.............غِيرِي إلَكْ غِيرَكْ إِلِي
غَرَّبْ لِوَانَه وْمَا رِجَعْ..............رَاحِ الْيِگِلِّي تْدَلِّلِي
وْهَسَّه نِوِيتِ عْلَه الْحَرُبْ...مَعْنَاهَه زِينَبْ تِنْوِلِي
عِنْدِي وِصِيَّه مُؤْلِمَه...وَصَّتْنِي بِيهَه فَاطِمَه
گَالَتْلِي لُو شِفْتِي الْأُخُو...مِنِّچْ يِرِيدِ مْطَهَّمَه
قَبِّلِي حْسِينَ اخُوچِ عْلَه نَحْرَه...هَمْ أَرِيدَنْ تِشِمِّيلَه صَدْرَه
هَاذَه كِلَّه جَرَى مِنْ عِفِتْهُمْ.......هَالْكَسُرْ مَاكُو وَاحِدْ يِجُبْرَه
يَا بُو فَاضِلْ وَدَاعَاً وَدَاعَا....
----------------------------------
#العباس
#محرم_١٤٤٧هج
الشاعر حسن خنافر العاملي
*غربة قبر زينب (ع)*
غريبةُ الشَّامِ تدعو أينَ زُوَّاري؟
أينَ المآتِمُ ؟ أينَ المدمعُ الجاري؟
أينَ المواكبُ والأعلامُ خافقةٌ؟
ما للمنائرِ أمستْ دونَ أنوارِ!
اه اه وازينباه~
*غربة قبر زينب وغربة مرقدها*
الشكوى الك يا صاحب الزمان بغربة عمتك زينب اه اه يا غريبة الشام~
الشكوى الك في خلو. مقام عمتك زينب وحرماننا من زيارته فها هو
يا صاحب الزمان عج بعينك كل ما جرى علينا وعلى اهل بيت ع المظلومين وبعينك قبر زينب المهجور
زينب ع وغربة مرقدها ولسان حالها تناشد صاحب الزمان عج
طور الجفيري♪~
يالمهدي عاين غربتي
ما حّد قصد لزيارتي
وحشة وغريبه ديرتي
وجاي المحرم والأنين
〰️〰️〰️〰️〰️
ما عندي رايات وعلم
ولا بصحني مأتم لا لطم
ولا من عزية عالخيم
ولا ناعي ينعى عالحسين
〰️〰️〰️〰️〰️
صحني خلي من كل عزاء
وزوّاري راحت كربلاء
ما عندي لطّامه وبكاء
محرم ما عندي وأربعين
〰〰〰〰〰
عندي الچ ثار الخيم
ناذرلچ دموع ولطم
سيفي أشيله والعلم
واطلب بثارات الحسين
خادمة آل محمد✍
*كربلاء/ حرم ابا الفضل*
اه اه يا بنت امير المؤمنين واغربتاه; وازينباه~لحن اسمع عتابي~
زينب غريبه~ والله عجيبه
غريبة بالشام ~ ياللمصيبه
خالي مرقدها ~ ومحد حضرها
بغربه ومحنه~ الظالم اسرها
انحرمنا الزيارة ~ وشوفة المناره
وكلها شيعتها~ بغربه حيارى
زينب زينب زينب
ما عدها زاير ~ ظلمه المناير
ولا رايه عدها ~ ولا من مناصر
خادمة آل محمد ✍🀊 يا موالي هل حنّ قلبك لزيارة السيدة زينب ع نعم كلنا مشتاقون لزيارة قبرها اه اه واغربتاه
السلام على صاحبة القبر المهجور التي قد واست امها الزهراء ع بغربة قبرها إلا ان الزهراء ع بات قبرها مغيّبا لا يُعرف أثره اما زينب ع فقبرها غير مجهول الأثر ولكن لا نستطيع زيارته فقد بات القبر مهجورا غريبا دون زوّار ولا خطّار يفدون اليه بمواكب من العزاء واللطم والبكاء فبعد تلك الثلة من المجاهدين حماة قبر زينب ع فلن اقول سُبيت وهي كلمة صعبة على قلب امام زماننا عج الا ان مرقدها اصبح تحت سطوة الطغاة من بني أمية وهذه اعظم مصيبة على قلب امام الزمان (عج)
فلن ننسى تلك الثلة من المجاهدين البواسل شبابنا الأبطال الذين دافعوا عن مرقد السيدة زينب ع
وبذلوا المهج والدماء في سبيل حماية مرقدها فمنهم من قضى شهيدا مفقود الأثر وقد واسى فاطمة الزهراء ع بلا قبر ومنهم من قضى مقطّع الاوصال كأخيها العباس دون كفوف ولا يدين ومنهم من قضى قطيع المنحر كأخيها الحسين ع هؤلاء الشهداء الذين لم يقصّروا بنصرة زينب ع ونصرة الدين الا انهم مضوا في خط الجهاد لكي لا يمس قبرها بسوء
زحفوا مقدّمين أرواحهم فداءً لها لكي لا تسقط بين ايدي الظالمين ورغم ذلك اصبح مرقدها في قبضة الطغاة ونزعوا رايتها الحمراء التي خُطّت بدم الشهداء لبيك يا زينب… نعم ما اعظمها من ايام على قلب مولانا صاحب الزمان عج ان ينظر لقبتها لا تعلوها راية الثأر الحمراء… نُزعت رايتها يا ابا صالح وانت تنظر بعين الأسى واللوعة تلك المصيبة عمتك عادت سبية بين ايدي الظالمين بعد ان كان حماة قبرها خيرة شبابنا البواسل اه اه
زينب غريبه بهالوضع
وانت عليها مطّلع
بقبّتها راية ترتفع
شالتها ايدين الكفر
〰️〰️〰️〰️〰️
حدي
عدنا شبّان وبواسل
كانوا حرّاس المقام
مثل عباس و كوافل
يحرسوا بنت الكرام
كلهم بخط الشهادة
باعوا لله هالعمر
تقلّدوا بأحلى قلادة
من جنود المنتظر
*(هنيئا لشبابنا البواسل الذين كانوا حماة لمقدساتنا هم الذين دافعوا عن النهج والعقيدة لهم من كل التقدير )*اي وازينباه واغريبتاه ~ هم اصحاب الثبات والعقيدة بعينك مولاتي يا زينب وبعين اخيك الحسين ع
طور والله حيرة حيرتي~
زينب آنه بغربتي
بشهر المحرم غربتي
ابكي على حسين الشهيد
وحدي وتهلن دمعتي
ما عندي زاير عالقبر ما عندي زاير
〰️〰️〰️〰️〰️〰️
خالي داري من الشعائر والمحرم هل عليّه
ابكي وحدي بلا يا ناصر ودمعتي عالخد جريه
عندي ما تنصب مآتم ولا مواكب لا عزيه
لا سواد ولا نواعي ولا مراثي ليوم عاشر
بغربه انت يا شيعه بغربه انه
〰️〰️〰️〰️〰️
مولاتي يا زينب هناك من واساك بغربتك شبابنا الابطال فها هي دموع امهاتهم في محرم تواسي قلبك المحزون انت فقدتي اخيك واولادك ونحن فقدنا احبابا لنا
فكم من زينبيات أمهات زوجات أخوات واسين قلبك بفقد الشهداء فمنهن توسّلت بصبر زينب وعباءة زينب وستر زينب أن تتقبلي منها مولاتي ان تكون زينبية بصبرها على المصاب فكم من فاقدة لشهيد باتت تسلي نفسها بذكر زينب وسيرتها وتضمد جرحها بصبر زينب فكم من أخت او زوجة او ام تنعى فقيدها
الشهيد فهنا شهيدا بات دون أثر وهنا شهيدا ليس له قبر
اي واغريباه~ واحسيناه
وهنا مقطع الاوصال وهناك موزّع الأشلاء وهنا مفقود الأثر… اي واغربتاه و ها نحن نشكو لمولاتنا زينب غربة شيعتها غربة شبابنا غربة جنائزهم غربة قبورهم فإن لنا شبابا كانوا من المدافعين عن حرم زينب ع منهم من استشهد وبقي جسده غريبا وقد قطعت اوصالهم ومنهم مات عطشا وجوعا ومنهن خضب بدمه ومنهم دون أثر اه اه
تصاميم فيديوهات وبوسترات حسينيه 👇😍
/channel/tasamem_10
حامل لواء حسين برض الطف
جينه الخِدِمتَه انريد نِتشرَّف
حَيَّ ابو فاضل...حَيَّ ابو فاضل
...................................
نور عين حسينَّه وحامِل لوائه
والِّلي ذَل العَسكر ابطف كربلائه
عطر جوده الكافل ايطشَّه ابعزائه
إلمن اتعنينه....لو سَئل فد سائِل
مَدَد نطلب جينه...من عزاء الكافل
نفخر ايخلِّينه...والعَزِم مِتواصل
شَرف ردنه الليله...وصحنه يابو فاضل
من خدمة العباس ماكو اشرف
جينه الخِدِمتَه انريد نتشرَّف
حَيَّ ابوفاضل...حَيَّ ابوفاضل
....................................
حَيَّ عالخدمه لبو اچفوف الأبيَّه
هذا مجلس كافل اخته الهاشميَّه
مِنَّه نطلبهه الكَفاله ابهل عَزيَّه
وخادمه يتباهه...والمُراد اينوله
وحگَّه يرفع راسه...ابخدمته المكفوله
ياألف خيعونه...الباچر ايگولوله
يالخدمت الكافل...خدمتك مقبوله
الخادم أمير اهناك يتوصَّف
جينه الخِدِمتَه انريد نتشرَّف
حَيَّ ابوفاضل....حَيَّ ابوفاضل
......................................
گمر هاشم ليلته مَتصِح مثلهه
تختلف عن الليالي هذه كلهه
لازم ام عباس هالليله نگلهه
ليلة ابنچ هايه...وننطي حگهه وعينچ
للوفه بعهوده...وجازه تعب اسنينچ
كلمه من احبابه...الدوم ماناسينچ
خَدَم نبقه انعاهد...للگمر وحسينچ
يالصرتي آيه وللوفاء مُصحَف
جينه الخِدِمتَه انريد نتشرَّف
حَيَّ ابوفاضل...حَيَّ ابوفاضل
........................................
حين نسمع مجلس البدر العشيره
صاحب الايمان والنافذ بصيره
نطلب التوفيق من الكِلَّه غيره
رايته الخَفَّاگه...لو يِرفهه اعلينه
من عطائه وجوده...مَدَد ينزل لينه
نرجو من اعيونه...ونرجو من چفينه
ابدائرة خِدَّامه...نِخدِم ايخلِّينه
خيعونه البهل دائره اتوضَّف
جينه الخِدِمتَه انريد نتشرَّف
حَيَّ ابوفاضل....حَيَّ ابوفاضل
......................................
ابو الغيره ابغيرته الهَزَّت عساكر
صانع ارجال وحُماة اعله السواتر
وابفضل دمهم أقمناهه الشعائر
والشعائر هايه...ابكل فخر نحييهه
والفضل لچفوفه...وحگنه من نرثيهه
طيحته وتضحيته...والله مَنوَفِّيهه
وگفِتَه اويه حسينه...نبقى نحلف بيهه
يبقى المُعَرَّف عيب يِتعَرَّف
جينه الخِدِمتَه انريد نتشرف
حَيَّ ابوفاضل....حَيَّ ابوفاضل
سيد علي الموسوي
حي الله الگمر حي الله عباس
::::::
دخل قباض الاروح عليهم
ياهو الجابهم كله من اديهم
حار بحار سطراته تكتل حتى نظراته
طبگهم سوه ما خله بيهم
گال اليوم محد مني يشرد
ملك الموت ما خلي يگعد
جثث عالگاع مشموره اليشرد ناذر انذوره
سيفي ايلوحه كلمن راد يلبد
ما ثنالهم راس وطبگ راس
::::::
صوت الابره يم الجيش مسموع
كضاهم وصارت طگت الاضلوع
محد گال هذا انه اليحچي يگطع السانه
گدام الگمر متفيد الشموع
كلها محيره ماكو درب زين
واحد يحچي لثاني اشرد منين
ماكو فرصه ممنوحه سبعين الف مطروحه
اذبحكم لحد ما يرضه الحسين
ماكو وسعه ضاگت حتى الأنفاس
::::::
وصل يم النهر غصبن وگوه
يصيح حسين يا عباس تگوه
اجيب النهر گدامك غصبن يوصل اخيامك
بس حسين يستاهل الخوه
بعده السيف ما شابع بعد دم
من گد الرگب سيفك تثلم
تچوي الگاع خطواتك محد سوه صولاتك
يا ويله اليجي يم المخيم
اجيب النهر ما تمنعني حراس
::::::
عد غيره المعارك تبقه ايام
خلصه بثواني ورافع الهام
المعارك بيده مگضيه غير امك البدويه
تره السويته ما صاير بالحلام
اذا عدكم بعد ودولي ايصيح
سواهم سعف ويهزهم الريح
اليوصل يمه ما يرجع وذر وبسيفه يتگطع
صرح بيهم العباس تصريح
چفك يا ابو فاضل حيل ينباس
::::::
گال اليوم ما خليها ترتاح
حصدهم مثل ما يحصد الفلاح
طبگهم خيل خياله يكتل حتى بخياله
گال اليوم للجيش انه ذباح
خله النهر متروس بدماهم
شردو كلهم ويركض وراهم
العساكر كلها مذهوله هاي التوبه گالوله
ملك الموت حسو بي اجاهم
تدخل نص ضريحك ترجف الناس
::::::
علي جبار الكعبي
الفاتحه لوالدي
مقطع صوتي من علي جبارالكعبي
Читать полностью…
لطميات مجموعتين
---------------
ظهري انكسر ياعباس من طحت يم المشرعة
والعلم طايح والجود حتى الچفوف امكَطعة
-----------------------------
زينب تنادي عباس ياخوية چا وين الوعد
عذريني خوية من الماي هيهات ما ارجع بعد
------------------
وين غايب يبو فاظل والعدة هجمت علينا
حركَوا خيمنة يخوية وكَمنة نستر بدينـــا
--------------------------
من الخيام تصيح زينب يا كفيلي وين غايـب
من طحت يم الشريعة طاحت اعلينة المصايب
------------------------
ما شبعنة اوداع منك يبوفاضل فاركَـتنة
ساعة الشدة يخوية رحت عنة ودعتنة
-----------------
رائد الاسدي
اذا.. اسمــع الكـــــافل كلماني.
أطمئن. والــطف احسه.كلماني.
مشـــــه الحضن المنايه. كلماني.
طلبت المـــــاي لسكينه. ورقيه.
ـــــــــــــــــــــــــــــــــــــــــ
✍️ ابو منتظر الحجامي.
بيده يعگدهه العده ويفنيهه
برايته العباس صال اعليهه
●●●●●●●●●●●●●●●●●●●●●●
استأذن العباس طب سوح القتال
ها يخويه حسين ناوي عله النزال
حيدر الثاني جعل راعيهه صال
شردت العسكر يذل حاديهه
*******************************
اترخص العباس يبدي البسمله
ها يبو سكينه يبن عقد الوله
راح اسوي الدنيا تحچي ابكربله
وهذا جيل الجيل بس يحچيهه
******************************
دنگت فرسانهه وشاع النزاع
خزرت العباس تحچيهه السباع
صار بالميدان مرعوبه الضباع
فارس الحومه خمد طاريهه
●●●●●●●●●●●●●●●●●●●●●●
تلوگ بس عباس ساحات نزال
صارت الحومه شبه من الرجال
سوه بيها الما يصير اروع قتال
يا كتيبه الشردت وناسيهه
●●●●●●●●●●●●●●●●●●●●●●
الشرده صارت عالنهر چنهه ازدحام
بث مباشر يخطب بهيئة حسام
العرب صفنت يمه بس شد اللجام
عاد خبير من چتف ماضيهه
●●●●●●●●●●●●●●●●●●●●●●
مهله رادو عالنهر ينطي الگمر
فلتت الحجاج من ضاگ النهر
سطرة العباس سولفهه الدهر
بيده دم ارگابهه يحنيهه
●●●●●●●●●●●●●●●●●●●●●●
عجعجاج الخيل من صوت الزفير
ونتهه جيش ابرهه بوقت النفير
صار صرصار العده اتشوف المرير
راد سيفه ابكربله يگضيهه
●●●●●●●●●●●●●●●●●●●●●●
فرفرت وسط الوغى وبان العويل
خيل ما تعرف بعد تردمهه خيل
من وصلهه شردت العسكر دليل
بيمنتهه العباس چن يطويهه
●●●●●●●●●●●●●●●●●●●●●●
چوچبت خرسه الزلم لمن حمل
شاهد العباس بيهم لو نزل
يا حلاته يلوگ بعيونه الزعل
ابسيفه دم ارگابهه ايرويهه
●●●●●●●●●●●●●●●●●●●●●●
تمت بعون الله تعالى
الشاعر ●●●يوسف عباس الفتلاوي
ها عباس انــــــــه وزينب ننتظــــــرك
ها عباس من عمري انت اخذ العمرك
ها عباس گطعو نحري لـــــــو نحــــرك
ها عباس
::::
ها يبو فاضل يبو چفــــــوف السخیه
اچفوف ما عندك وهاك اچفوف ادیه
فـــــــــدوه يا عباس بس انظر عليه
سهام صدرك كــــــون يا عباس بيه
ها يا خوي ما تسمع صوت حسينك
ها يا خويه مگطوع البيني وبينك
ها يا خوي ارجع وانه اقبل عذرك
ها عباس
:::::
ها اخذ حيلي يبعد الحيل كــــــله
وين اكو مثلك اگله یگلي سهـــــله
چان بيني وبين اخوي الحچي نبله
ميته يا عباس زينب ماهي عـــدله
يا وفاي نــــــاداك حسين بهمه
يا وفاي ريحني انــــــت بكلمه
يا وفاي بالخيمه وظل بس عطرك
ها عباس
:::::
ما اريــــد الماي بس ارجعلي سالم
انه راح ارجــــع شجاوبها الفواطم
راح اگلها اعلــــه النهر عباس نایم
والله مـــــــو مأتم اسويلك مئاتم
حيلي وياك ما ظل حيل وبي ارجع
حيلي وياك حاچي حسين ولو تسمع
حيلي وياك صبري تعاتب وي صبرك
ها عباس
:::::
حسين راح يموت يمك عالشريعه
ليش يا عباس وچفـــــوك گطیعه
حلفيتك انه بزهـــــــره الوديعه
خبر موتك بالخيم راح انه اذيعه
انظر شوف لكن مصيوبه عيونك
انظر شوف لا تسألني انت شلونك
انظر شوف من دونك راجع مهرك
ها عباس
:::::
سكنه يا عباس ننتظرك تجيها
ماكو واحد غيرك يسكت بچیها
شعجب يا عباس ما تنشد عليها
هسه تدري بحالها وشلون بيها
سكنه تريد مو ماي تريد تشوفك
سكنه تريد تكتب ظلت بحروفك
سكنه تريد تحچیلك هي تخبرك
:::::
علي جبار الكعبي
الفاتحه لوالدي
#نعي
مولاي سيد الشهداء عند مصرع
أبي الفضل العباس روحي فداهما
چـنـك مسـتــراح ابــنــومـتـك هاي
أوچــنك مـا تــــرد للخـــــيـم وياي
يخويه ابطيحتك تتــباشــر اعـداي
يامـــــــن چــنـــت للـــوعـــد وفاي
فناداه ابالفضل ع بلسان الحال..
بــهــداي خــــل الـعــتـب بـــهــداي
ياذينـي خــويـه أصـــواب عــيـناي
من يمــر طـــاري الــوعـــد والـمـاي
أيـــس بـعــــد مـنـــي يرجـــواي
إحتار أبطيحته حسين اوبچه عليه
لايـگـــــــــدر يـشــيـلـه أولايخـلـيـه
گــعـد يـمـه أوبـچـه شنهي اليسويه
لاحـــــيل عـنــد ولانـفــــــس بــيـه
آ يالأخـــــو يالــمــاعــــــوض لــــيه
رجــع بـذيـال سـيـــفـه يـخـط ليها
مايگـــــدر يـگـــلـهـا أويـحــاچــيها
يعـرفـهــا تـمـوت لــو سمـعت وليها
زيـنـب يالـنـفــــس عـبـــاس بــيـها
رجع محني الظهر وايخط بالجدام
ويكفكف بالـدمــع وامـفـــرع الهام
وتعداها وجـــزه مـا شــاف الخيام
اوسكنه اتصيح بويه اهنا يضرغام.
حـگـي لــو تـهـت بـويـه سـكـيـنـه
أنشده بالي بوضع حامـي الظعينه
كـسـر ظـهـري يـبـويه سـهـم عينه
وطيحت يـسـرته وگطـعـت يمينه
الله يـعـظـم أجـــــرچ يالـحـزيـنـه
عـمــــچ غـــــفـــل راح أمـنـديـنـه
نسالكم الدعاء.
سيد حسين الياسري
#اللهم_عجل_لوليك_الفرج
#أبوذيات
رقيه او سكنه وين انت ... يَعمهن
الشمر ما يرحم ابسوطه ... يِعمهن
يطگهن عل وجه خافن ..... يعمهن
امن امنعه ايزود وايعذب رقيه ...
يعتهن شمر من ايدي ........ واعتهن
عطاشه امن الضرب فگدن .. وعتهن
انچون بالنار والچويه ........ وعّتهن
ودارن عينهن للشط سويه ...
يصدّن للشريعه ....... مايه عمنه ؟؟
حنين او غير فيّه ......... ما يعمنه
اشوكت نشرب يزينب .. ماي عمنه
اشوكت يرجع يخلصنه امن اميه ...
ابو فاطمة الطائي
#اللهم_عجل_لوليك_الفرج
#نعي
الى مولاي قمر العشيرة ابا الفضل العباس (عليه السلام )
من ارجع الزينب شكلهه
لو ناشدتني اعلى الكفلهه
شدة فراكك بيش احلهه
يا سالفة روحي واملهه
عباس راح ارجع للخيام
واكلهم على الشط طاح الحزام
تسوه البواچي ودور الالثام
يامن ذخرتك للستر خام
يلي رضعت من لبن زاچي
تسوه التهدل والبواچي
عباس عكبك حملي راچي
وبكثر زود البيك باچي
عباس يا حلو السوالف
يالبيك جان الجفن ناشف
كلب الحسين عليك خايف
يا كاسر ضهور المضايف
عينك الحلوه التشبه العيد
خويه السهم من عدهه شيريد
تنوح الحرم ما تقبل تهيد
تصعدهن اعلى النوك يا ايد
عيونك الحلوه الدم غطاهه
وطش حيلي وي طشت ضواهه
يا كاع روحي ويا سماهه
ماتت عكب عينك عساهه
شاخ العطش بجفاك يا ماي
يامن مشارك راحتي وياي
طفيت عيني بروحتك هاي
ماضل بعد للخوه شراي
يا هيبتي ويفياي بالصيف
يالتنحنيلي حنيت السيف
عكبك خذه بيه الوجع حيف
وضل ياخذ من الحيل بالكيف
مصطفى حرب
يهدى ثوابه الى روح والدي
#اللهم_عجل_لوليك_الفرج
لسان حال مولاتي زينب بعد مقتل الامام العباس عليه السلام
عباس وانه شلون بيه
كونك رحت يابو الحميه
يماي وطحت من بين اديه
امنين اجتني الغاضريه
.....................
ياخويه اختيك واعتب اعليك
واخاف العتب عباس ياذيك
يابو المحنه ومحله طاريك
وگلبي افتحه وكون اراويك
......................
شيفارگك ياماي عيني
يالموتتك باگت اسنيني
ريت ابسفر واحسب تجيني
الموت حل بينك وبيني
.....................
حگ الاخت تدري اعله اخوهه
تتعنه اله كون اهضموهه
احا يزينب فارگوهه
كافل ضعنهه وابن ابوهه
.........................
تسوه العتب يالخال لبني
يوم البرحت موتك هضمني
عباسنه هيجي تذبني
يومك كتلني ولا رحمني
...........................
اخلاف الاخو كلش ذليله
اخته ابدامعهه الثجيله
اوداعت ابونه مالي حيله
افراگك ولا نحمل العيله
انته المن علي عزمك ونختاك
زينب حشمت بسمك ونختاك
يخوي الكافل اضعوني وانختاك
عفتني بحيره يا راعي الحميه
خادم اهل البيت علي الزرگاني
ايست منك راح ارد للخيم
وآنه الهدم حيلي ودليلي السهم
ياحسرتي تگطع بالانفاس
اشلون ارد وبغير عباس
عباس خويه عباس خويه
............................
اجيتك والدليل انعاب من صوتك
لا ترحل يكافل زينب امروتك
يبو طبع الحلو من زغرك الموتك
مابيه امشي وجيت يمك زحف
نيشان فگدك هاي عيني الترف
نيشان دمعه اعليك وافراگ
والحسره بيه ابد ماتنعرف
ماشوف ياعباس من الدمع
يالجان من شوفك ولاينشبع
يحزام ضهري الكلك احساس
يا حسرتي تگطع الانفاس
عباس خويه عباس خويه
...............................
يحداي الضعينه اشلون من ترحل
ويميزان الاخوه لو رحت تختل
تيهت الدرب عباس ما اندل
ما شوف دربي يالاخو من طحت
واعليك دورت شكثر يالصحت
عباس دورك يشبه الدور العين
شيصير بيه كونك اتأخرت
يالماكو واحد يشبه الخوتك
ردلي عليك حسين ووديعتك
اگعد يمن للخوه مقياس
يا حسرتي اتگطع بالانفاس
...............................
سهم عينك يخويه اشلون اجرنه
اخافن جرحك الينزف الچمنه
دم راسك اريد ابثوبي امسحنه
جريت سهمك وانه گلبي انلچم
العين ياذيهه الهوه مو سهم
حيره واطلع سهمك شلون
جاوبني خويه بهاي يابو الشيم
ياكسر كلبي عليك ماينجبر
ياريته صوب عيني سهم الغدر
لو ما تردلي تشمت الناس
يا حسرتي تگطع بالانفاس
..............................
اقنع روحي ميت وادري ماتقنع
معقوله الگمر انخاه ومايفزع
المصيبه زينبك يابالفضل تسمع
زينب تناطرنه الخيمنه نرد
ياحسرتي لمن عليك انشد
للهضم يختي گلت خل نستعد
عنك يبو فاضل يطول الشرح
من غبتي عني گربالي الذبح
گربو لينه ها يعباس
يا حسرتي تگطع بالانفاس
...............................
صحت ذبي عمدهه يختي هالخيمه
وراح انعيش كلمت حاير ابضيمه
مشه عباس عنه وماتت الشيمه
للضيم آنه اوياج خل نستعد
بيمن ارد اعداي لمن تهد
فرگة الكافل بالدليل وتحد
شيسوي يختي الضال الوحده
ويمه اخوته ميته وامدده
يرضاهه حده الگمر ينداس
يا حسرتي تگطع بالانفاس
خادم اهل البيت علي الزرگاني
شظَل بيهه الطفوف .. كُون بلاچفوف
عباس الگمر
احتاريت امشي وين .. من شِفت الحسين
مكسور الظَهَر
واضَيعتناه .. واعَبّاساه
--- — --- — --- — --- —
حسين لخِيَمنه رجع حسره وظَهر مايِل
واعرَفت من مَشيِته ما ظَل الي كافل
ومن نظرته اقره حچي وبدمعه چَن گايل
شتِسوه بعد كربله وما بيهه ابو فاضل
اي گتله ما تسوه ،، خويه
اي ماتت الخوّه ،، خويه
اي حَگك اتلوّه ،، خويه
حَگك من تطيح .. وحَگك من تصيح
قَلّت حِيلتي
وحَگي آنه من احِير .. ومدري المَن ادِير
وجهي بحيرتي
أَي واويلاه .. واعَبّاساه
--- — --- — --- — --- —
كُون الچفوف انرِمَت فَوگ المسنّايه
بيمن بعد تنلزِم وترفرف الرايه
وبيمن نرد التهِد عالخِيَم عنايه
وبيمن ألِمّن ضعن مذبوح حدّايه
يا واهس اعيوني ،، ادخيلك
يا نبضي يا لوني ،، ادخيلك
وين امشي بضعوني ،، ادخيلك
احتاريت اعتنيك .. وبيدي اجمع اديك
واشكيلك واوِن
لو يم الحسين .. ابقه اِرشدني وين
امشي الياحزن
أنَه فِكري تاه .. واعَبّاساه
--- — --- — --- — --- —
شگد صعبه يا بالفضل هالجرح شِيجبره
من تشوف اخوهه الاخت يمشي ويكض ظَهره
وگُوّه يشيل الجِدَم عثره بأثر عثره
وشيوجعك نادته گلهه الاخو وكسره
شسوّيت بحسينك ،، وينك
ما يحچي بس وينك ،، وينك
بعينه ألم عينك ،، وينك
بماي عيونه جُود .. ورايه بصف عمود
وسيف ومشرعه
وبوجهه جراح .. عن كل غالي طاح
ينحَب واسمعه
ويصرخ ويلاه .. واعَبّاساه
--- — --- — --- — --- —
الاطفال صاحت نَدَم رِد النه يا عمنه
بالماي چنّه نِهِم والآن كل هَمنه
بس تِرد سالم بعد كل عطش ما يمنه
من كون متنه ضِمه ولا بيك حشمنه
يل شِلِت مو جِربه ،، بيدك
بَل كل طفل گلبه ،، بيدك
والوطن والغربه ،، بيدك
غيرك يا عميد .. كل شي ما نريد
بس بيك الأمل
خلافك يا غيور .. بالهَيمه ندور
مضيعين الكِفَنل
ضيعّنه اجفاه .. واعَبّاساه
--- — --- — --- — --- —
اعرفت الامان انعدم والظهر ما مسنود
الخيمة عضيده اعتنه حسين وحِنه العامود
واغبار منهه طلع چن روح راعي الجود
طلعت وشامت هِتَف بخيامنه فرهود
هسه انعبر حدنه ،، ويلي
من طحت يا سَدنه ،، ويلي
وللوطن شيردنه ،، ويلي
شظل بينه بجفاك .. يا عازة حِماك
من اهل الرِده
حسين بلا مُعين .. بين الظالمين
ظل الوحّده
مطيحين الواه .. واعَبّاساه
--- — --- — --- — --- —
ياسر حسن
محرم الحرام ¹⁴⁴⁷
علي الاكبر يرى الزهراء ع
اشوفك يبني تتبسم شنهي بسمتك~
ونوبة تبچي يالأكبر وتجري دمعتك ~
دحاچيني يبعد الروح صعبه فرگتك~
اشوفك منطبر يا ضيا هالعين~
*جواب الاكبر!!!!!!*
يگله بسمتي هايه لاجل جدي الرسول
يسگيني عذب مايه ودمع عينه همول
والموقف صعب من شفت زهره البتول
مكسورة ضلع وملطومة العين
خادمة آل محمد✍🏻
♦️تم نشر قصائد منبريه هنا 👇
👉 /channel/Bany_Hashime
خبر فگد الكفيل ايشيِّب الراس
وكلشي ابكربله وَن اعله عباس
طاحت خيمة العِشرة...وحسين انكسر ضهره
اعله عباس
..................................
هالفاجعه اتخص الخيم..تختلف عن كل فاجعه
لا مو فقط ركن الوفه...كل الوفه بالطف نَعه
حتى السماء استنكرت...طيحت گمرهه ومصرعه
وحسين الله ايساعِدَه...زين او وّصل للمشرعه
ينادي ادركني خويه وياضوه العين
وعاف الدنيا كلهه وراحله حسين
شافه وهَلَّت العَبره...وحسين انكسره ضهره
اعله عباس
......................................
سبط الرسول المصطفى..حسين وحبيبه ومُهجِتَه
ابتلَّت لحيته امن الدمع...من شاف اخوه وحالته
لن شاهَد ابعينه السهم..ولا يسرته ولا يمنته
گلَّه على الدنيا العَفَه...وناح وبِچه لمصيبته
يحن الخُوّته الما مِنهه خُوَّه
وقَلَّت حِيلِتَه وآشمَت عَدُوَّه
طايح وسفه عالغَبره...وحسين انكسر ضهره
اعله عباس
.......................................
إركب بِنَفسي ياأخي...يعني اشغلاتك ياگمر
بان اعله ابو اليمه الهظم..حين اعله اخوه ضهره انكسر
كلشي انتهى ابطف كربله..لمَّن وگع راعي الفخر
زادت مَخاوف عيلته..وابتدت مرحلة الخطر
إنگطع خيط الأمل للرايد الجود
والموُاعِد سكينه مِستحي ايعود
ورايد زينب اتعذره...وحسين انكسر ضهره
اعله عباس
.....................................
رَد الحُسين الوَحَّدَه...بس اشرجع من الألم
ضاگت ابعينه الواسعه...من فُگد شَيَّال العَلَم
عالگمر زينب نِشدِتَه...واكثر بعد حيله انهدم
صاح ونِدَب مات الأخو...وساعه ويحرگون الخيم
أبو اليمه ابحزن وابگلب ينحب
گلهه راح ابو فاضل يزينب
طاحت زينب الحُرَّه...وحسين انكسر ضهره
اعله عباس
...................................
كسرة گلب ماتنوصف..بغياب سبع الگنطره
حاير وگف سبط النبي..ولخيامه يشبح ناظره
ياوسفه ضل الوحَّده...وحَولَه العساكر دايره
لحظات واينوح العرش...حين اليطيح اعله الثَّرَه
حگهه زينب امن ايزيد ونهه
كلشي ابيوم واحد راح منهه
تبچي وتنعه يالزهره...وحسين انكسر ضهره
اعله عباس
سيد علي الموسوي
قصيدة ( الان خويه انكسر ظهري) بعد استشهاد ابي الفضل العباس عليه السلام قال هذه الكلمه الامام الحسين عليه السلام
كلـمه بيها احتــار فكــري
ألان خويه انكسر ظهري
حيّرت كل الملا يوم عاشر كربلـه
ألان خويه انكسر ظهري
****
كلمه مـنْ نقرهـــا نوگــف
. نطـرح شگــد أسئلـــه
گالهــا حســـين بعظمتـــه
. وهــوه ابن خيـر الملا
عــن قـــدر عبــاس والله
. وعن عظم هل المنزله
هسه خويه انكسر ظهري
وظلمه صــارت كربله
طيحتـــك هـــدتلي حيلــي
وسهــم عينــك فـت دليلي
صوت الحسين اعتلى يوم عاشر كـربله
****
هاي مو طيحه أعلى شاطي
الكون طــاح إبــلا يمين
چـــن محمد نــادى بالطـف
لكــن بصــوت الحـسين
ظهري يــا خويـــه كسرته
وهسه صـرت ابلا معين
وعينــك الطفتــها نبـــلــه
انصابت لـدين الله عين
أي وحــگ ظلع الــوديعه
جيشي طايــح عالشريعه
انته جيـشي بأكمله يوم عاشر كـربله
****
عسكــري أنتــه وعضـيدي
وهســه طايـح عسكري
ومنحري المحمي بوجودك
خــويــه بـيّن منحــري
بطيحتــك عالخــيل صـاحو
صعدي صدره وكَسّـري
الطاح منه أحزام ظهــري
منيـن يلگــه ويشتــري
نــــاده وبگلبــه لهـيــبه
منين ابو فــاضل أجيـبه
شرد اگل العايلـه يوم عـاشر كـربله
****
صوت مــن كتــر الشريعه
حســين دوه بمسمعــه
أدركني يا خويه وعضيدي
. نـــادى يبــن الشـافعــه
اعذرني يا روح الــزچــيه
چفــوفي حيف امگطـعه
الضامي للخويه ونهــرهه
. ومـــا تعوضه المشرعه
ضامي بس گلــبي تــرَوّه
من أسِمعتْ چلمة الخُوّه
بطيحتـك ضاگ الفـلا يــوم عاشر كـربله
****
رجــع لخيــامه وحســرته
. جمــر بيــها وتستعــر
ويــدري تنتظـــره العقيلـه
. نــار الگلـب الينتــظر
الينكسر ظهره أعلى أخيه
. بوجهه مرسوم الكسر
والتهّــدم حيَــلـــه كــلّــه
. صعبــه والله ينجبــر
حيلّــه عبـــاس وتهـــدم
مثـــل نـــار بنص مخيّم
شلون زينب تسئله يــوم عـاشر كـربله
****
الشاعر
موسى البديري
حار راسك والشمس تچويها
الخيل والخياله تطبگ بيها
ابو فاضل ابو فاضل
:::::
هناك صوت الابره مسموع
هناك تسمع طك الاضلوع
ما خلاها تشرد
هناك تسمع بس الصياح
زلم بس هناك النياح
ظلت كلها تلبد
راس طـــــك برأس
الگمر کله احساس
كفو مـــــن عباس
كفو كفو كفو
سوايتها محد تره مسويها
:::::
عطوه رادو من الحسين
ابو فاضل صاح بعدين
ماكو عطوه كلهم
شافــــــــــو العباس زعلان
غضب عينه وچنها طوفان
سحل گام وسحلهم
اليشـــــرد يلاگي
بسطرته يمحـــي
ابد مـــــا يخطي
سبع سبع سبع
رأيتك يا كمر رفرف بيها
::::
ينشره الحاجوز بفلوس
هناك ابدن محد يحوس
راحه تريد منه
هناك ســــوه الزلم نسوان
بيها خله الگمـــر نيشان
الگمر سولفو عنه
طگته توجع حيل
گمــــــر نص الليل
الجيش دمه يسيل
بطل بطل بطل
شيخ وحچایتك هم تحچیها
:::::
الراحه صارت بس الاركاض
شافــــو العباس مختاض
هاي الساعه صعبه
ليش هذا العسكر يخاف
گطعاها فخاذ واچتاف
ولا يرتجف گلبه
يشبه الكـــــرار
كله حار بحار
تنفي الأعذار
اسد اسد اسد
ريجها يابس تره مخليها
::::
حتى ملك الموت تعبان
گال للعباس فحطان
رايد راحه منك
گــــــــاله العباس ارتاح
انه هم قباض الارواح
اشيل الحمل عنك
گلـــــه سهله تهون
اگلب انــــه الکون
سمع طگة سنون
فحل فحل فحل
شلون هاي المشرعه انه انطيها
::::
علي جبار الكعبي
الفاتحه لوالدي
شور گعده
للعباس ع السلام
ياخويه راح اموت عله النهر/يخويه ضهري كبلك انكسر
_
خويه من توصل إليه عوفني بمجاني
والله مادري شكلك يابس انه الساني
خوية شوف جفوف اديه امكطعه امن ارداني
امن الموادع گام واحد مايعرف الثاني
غيّر يخوية ارسومك الدهر / يخوية ظهري كبلك انكسر
_
من ترد للخيمه خويه من تلاكي اسكينه
كلهه عمج عل الشريعه شويه ويرد لينه
كلهه راح يجيب ماي بجربته تشربينه
لاتكلهه جفي طاح وبعد مايحمينه
للمغرب ويطلعلج الگمر /يخويه ظهري كبلك انكسر
___
لاتحط راسي عله حضنك شفت شي بعيونك
وره موتي بعد ساعه يمكن يذبحونك
ياهو اليحط راسك انت ويمسح عله متونك
لاتشيل الجسد خويه ماكو الي يشيلونك
لخيامك ارجع صارن بخطر/يخويه ظهري كبلك انكسر
___
اجه بالي عطش گلبك ريّتي مخنوگه
الماي حالف مااشربه اله انت تضوگه
يمكن اتشوف الخيام بنارهم محروگه
وراح تبقه بلايه راس وجثتك مسحوگه
من الهظم ازغر طفل كبر/يخويه ظهري كبلك انكسر
__
جفوفي هاديهن هديه نذر عن الخدّر
الزهره رايح تجي بيهن خويه يوم المحشر
عين وحده السهم بيه وعين شافت منظر
تلزم بضهرك وتبجي وعل المشي ماتكدر
بثنين اديك اتعدل الضهر/يخويه ظهري كبلك انكسر
___
كسر ثاني لضهرك انت من تگل الزينب
گمت اشم بخيمهه موت ورأس اختنه شيب
كل عدل بالطف اشوفه عله حالك حدب
وعندي ظن براسي هسه جسمك انت مسلب
وبعيني صورت جذتك وذر/يخويه ظهري كبلك انكسر
_
سيد محمد الهاشمي
💔رباطات
اليوم يوم السابع وزياجكم شگوها
نسوان خ تصير الزلم وي زينب تواسيهه
الله اليعين أم الخدر عباس ماهو الليله
وحسين رد بلا أخو يتعكز أعلجروحه
من طاح ضلن بلخيم يتلافتن خياته
وي ماي المطيح الگمر ماألنه كل حچايه
يعصابت أم أعون أنكسر ضهري وعمود الخيمه
هوسات بحق ابا الفضل العباس ع
مــن صار الـعـرك وتقـدم الـوفـاي
زينب صاحت أعله حسين شنهي الراي
اخاف اعله الخيم من الدموم اتفيض
خـل عباس يرجــع مـا اريـد المـاي
ها ها
يمحيهه من صوول گالت
=================
رفـت رايت العباس فـوك الحد
طبهم والهـوئ من الخشوم أنسد
حمره الدنيه صارت والقتال اشتد
مثل الحجر خله الروس ماتنـعـد
ها ها
خلاها تترادم بالطف
=============
گالو طب گمر عدنان لو حيدر
خـلـه اخيولهم بالجثث تتعثر
گال احسين ريض لاتخلص الگوم
اعزل حصتي لاينتهي العسكر
ها ها
شد رايه الكافل يفنيهه
=================
گال الماي اجيبه اليوم لخيامچ
وروس الزلم كلهه اتصير جدامچ
يزينب بالعطش ماريدچ أتهمين
كون اليوم بالطف يرتفع هـامـچ
ها ها
يازينب مايچ بچفوفي
فاخر الشبيبي
#نعي
لمولاي قمر بني هاشم روحي فداه
من المهر فوگ الترب طاح
ورماح تتكسر عالرماح
يحسين ليك العذر من صاح
صاح ونداه اتنگله الرياح
وحسين يصفگ راحن براح
وصوب النهر مثل الصگر راح
لاچن صگر مكسور الجناح
#اللهم_عجل_لوليك_الفرج
#نعي مصرع
أبي الفضل العباس روحي فداه
شيسوّي بأخـــيّه الأخــــــو لوراح
يهد الحيل فگـــده ويحني الصفاح
شحال حسين من شاف العلم طاح
تخوصر يم عضيده وطاح الحسين
لگا مخسوف هامــه السّهم بالعين
وشافـــــه مگطّعات چفوفه الاثنين
طحت و بطيحتك حيلي هدمـــــته
يخويه وبيرغك عالگاع شـــــفته
گمت عنّك ويمّك حيلي عـــــــفته
التّفگد هيچ أخـــــو شيصبّر اخته
گلّي بياوجه للخيم أرجــــــــــــع
وشجاوب زينب اختك لون تسمع
يخويه اعله النّهر جسمك تگطّع
عنّك راح أرد يابو المـــــــــروّه
بظــهر مكسور عنّك أمشي گوّه
و أعوف بمصرعك چلمة الخوّه
الشّاعر // أبو سجّاد الجعفري
#اللهم_عجل_لوليك_الفرج
#نعي #تراث
مقتل سيدي ومولاي
ابا الفضل العباس روحي فداه
تعنه من الخيم للعلگمي احسين
يصيح بصوت يعضيدي اوگعت وين
بعد ما شوف دربي يا ضوه العين
يخويه الكون كله ابعيني اظلم
ــــــــــــــــــــــــــــــــــــــ
يخويه ابیا کتر طاحن ازنودک
يخويه العلم وينه او وين جودک
يبوفاضل زماني هم يعودک
او شملي اللي تشتت بیک یلتم
ــــــــــــــــــــــــــــــــــــــ
تخوصر يم عضيده او صاح اويلي
يشمس انهاري اویا بدر ليلي
يبوفاضل يخویه اگطعت حيلي
او طود الصبر من بعدک تهدم
ــــــــــــــــــــــــــــــــــــــ
يخويه ظهري الفگدک تحنّه
أو عدوي اتشمت أبحالي او تحنه
هوه چالرمح فوگه او گام عنه
صفيحه اوحدها لفراگه تثلم
ــــــــــــــــــــــــــــــــــــــ
حنه ظهره علیه او راد شيله
او بي يسدر لعد خيمة العيله
يگله لا يبن حامي دخيله
خليني ابمچاني يلمشيم
ــــــــــــــــــــــــــــــــــــــ
يگله شسبب يانور عيناي
ما تهوه الخيمنه اتروح وياي
يگله واعدت سکنه على الماي
شگللها امن اروحن للمخيم
ــــــــــــــــــــــــــــــــــــــ
يخويه اشلون اصل و اسمع اسکینه
تگلي الوعد ياعباس وینه
يخويه الموت ما بيني او بينه
اودعنک و اسلم للمحتم
ــــــــــــــــــــــــــــــــــــــ
حنه ظهره اعلى اخيه مثل الهلال
يودعه و الدمع بالعين همال
گام احسين لاچن گام بیحال
نحيل او بيه ما غير النفس تم
ــــــــــــــــــــــــــــــــــــــ
أيس من اخو و انگطع ظنه
او سدَّر للخيم يجذب الونه
لفن زینب او سکنه ایسايلنه
وين الجابنه او بینه اتوزم
ــــــــــــــــــــــــــــــــــــــ
يخويه ليش وحدك جاي لينه
چا عباس اخوک الفحل وینه
سمع زینب أحسین اوجرت عينه
او بالعباس الها الاجر عظم
ــــــــــــــــــــــــــــــــــــــ
يگلها او على اخدوده الدمع يجري
راح البلشداید چان ضخري
زینب عگب اخوي انكسر ظهري
او سور المنع يا زينب تهدم
ــــــــــــــــــــــــــــــــــــــ
يزينب راح ابو فاضل عضيدي
اوطاحت رایتي او مرهفي امن ایدي
بگیت ابين عدواني اوحیدي
او علیه بن سعد للجيش حشم
الشاعر المرحوم
السيد عبدالحسين الشرع
#اللهم_عجل_لوليك_الفرج
#قصائد_محرم_
#محرم_الليلة_السابعة_
مولاتي زينب(ع) من سمعت طاح اخوها ابوالفضل العباس(ص)….
الخيالة هدتّ من طحت…والخيمة طاحت
ما تسوة وگفتها بعد…محروگة صارت
لحضات وحسين الذبح…يوصل وريدة
حسبوها زينبكم گضت…وحسبوها ماتت
يبو فاضل
مو عطش تدري
فرگتك موتي…
زينبك اااانة
طلعوو صوتي…
حسين راح الجسمك وانة إطلعت
والعدة؟ للخيمة تريد الحرگ__
وين نمشي اخلافك خوية حرت
رگضتي بلحومة صارت صدگ__
وداعاً ياخوية وكفيلي…
____________________________
عباس يانعم الأخو…موتك مصيبة
معناها من هسة بدت…چلمة غريبة
خمسين عمري والخدر…ما فارگيتة
يردوني اركض بلفلة…هاية العجيبة
يبو فاضل
چلمة الخوة
الها عطشانة…
لطيحتك خوية
انة تعبانة…
خوية الحّگ الزيّنب كلش گضت
والخيم حرگوها وضاع الخدر__
ميتة احسب اختك خوية متت
منّ الخيم اطفالي لاح الجمر___
وداعاً ياخوية وكفيلي…
_______________________
( من رجع مولاي الحسين(ع) الى المخيم وشافتة السيدة زينب(ع) وتگلة وين اخوي ابو فاضل،،،
ياخوية راجع وحدك…ومهبط الراس
من كسرتك انة اعرفت…مذبوح عباس
رديت ضهرك منكسر…وتصيح زينب
ألخوة ياخوية انتهت…ذبحوني ياناس
يبو فاضل
عسكري انتة
واكسرت ضهري…
انذبح دونك
طيحتك كسري…
خوية بعد اشوية يصير الذبح
ياهو يبقة لزينب هذا العذاب…
راسي خوية خلافك يبقة برمح
وجسمي جوة لحافر فوگ التراب…
وداعاً ياخوية وكفيلي…
وية وكفيلي…
_________________
حضروهن احبال السبي…وحضرو هزيلة
وصاحولي زينب علهزل…صعدي العقيلة
گوة اصعدت بيدي الحبل…معقولة زينب
للشام تاليها بسبي…ورحله طويلة
يبو فاضل
امشي مسبية
مو گدر زينب…
مدللة اااانة
والسبي يتعب…
ألشام ما يرحمني يتعبني حيل
وزينب المسبية كلها تصيح___
بعيد درب الشام وكلش طويل
لحضهْ خوية خلافك ما استريح__
وداعاً ياخوية وكفيلي…
________________________
هضموها زينب من متت…للشام تالي
من كربلة انة رحل …خدري ودلالي
متعلمة خوية عللخدر…ما اعرف الشام
شلون امشي وانة الماشفت…حتى خيالي
يبو فاضل
تعبوو زينب
وتعبت إجدامي…
امشي مچتوفة
وروّس جدامي…
شلون أمشي وراسك خوية أشوف
بعيني انضر راسك فوگ الرماح__
بسوگ ادخل خوية بين الألوف
كلها تعرف أسمي ياخدري راح__
وداعاً ياخوية وكفيلي…
________________________
#محرم_١٤٤٧هـ_
محسن الباوي
اللهم عجّل لوليك الفرج
________________________
لحن القصيدة 👇👇