2554
كمر كمر ... كمر اسمه ..... ابو فاضل راعي الهمه
كمر كمر ... كمر اسمه ..... اخو زينب نعم الزلمه
...1...
على الشاطي جعلهم ..... يلمون ابعكلهم
كسر ظهره ... الوكف دونه .... نعم من ابو فاضل
نزل غاضب عليهم ... زلم ما خله بيهم
كطع منهم ... هوه الرية .... فلا مثله مقاتل
تسيَّد عالشريعه .... ابو عيون الوسيعه
فكر يومه... الكرب منة ... امير اهل المراجل
اسد بالحومه يزئر ... عليهم زوده سيطر
علي الثاني... يسمونه ..... مثل حيدر ينازل
كمر كمر ... كمر اسمه ... من حيدر ماخذ عزمه
كمر كمر ... كمر اسمه ..... اخو زينب نعم الزلمه
...2....
امير الطف تسمه .... وكف يا محله رسمه
الشرد منة ... نجه بعمره .... ابو النفس الابية
رعبهم من تقدم .... السبع بيهم تلعثم
فلا واحد ... طلع صوته .... منجيوش ال اميه
عليهم القه نظره ... شمر عشره اعله عشره
كَلب لون ... النهر احمر ... ابن حامي الحميه
قيادات العساكر .... صفطهم عالسواتر
صور الهم ... بقت ذكرى ... فلا خله بقيه
كمر كمر ... كمر اسمه .... بركان وفاير دمه
كمر كمر ... كمر اسمه ..... اخو زينب نعم الزلمه
....3....
شجاع وكله غيره .... حصد روس الجبيره
الجثث خله ... على الغبره ... فقاره البيده شاهد
دخيلك كلهه صاحت... زلم كدامه طاحت
منو المثله... رعب خصمه ... بطل عالمهره صاعد
ملك موت واجاهم .... بخزرته طشراهم
فلا واحد .... ترك منهم .... يضل ابروحه شارد
العدد كَدامه قله .... كثر ما موته خله
الارض صارت ... تناديله ... يكفَّي يالمجاهد
كمر كمر ... كمر اسمه ..... بس فقّاره اليفتهمه
كمر كمر ... كمر اسمه ..... اخو زينب نعم الزلمه
.....4...
بيمينه الرايه رفت .... عليهه الدنية صلت
كمر هاشم ... ضوه الدنيه ... منو المثله كمرهه
وسط جيش ال اميه ... وكف وكفت علية
وتشوفه اخته... عله الشاطي ... العساكر من شمرهه
فلا هَم ابعددهم .... اخذ كل حيفه منهم
سطر يسطر .. فقاره الحق ..صفوف الشر شطرهه
النهر صار ابقبضته .... ورفض يرويهه شفته
كبل زينب ... رفض يشرب ... فده عمره العمرهه
كمر كمر ... كمر اسمه .... خله العالم في صدمه
كمر كمر ... كمر اسمه ..... أخو زينب نعم الزلمه
........
كلمات : ✍️ موسى الخادم
قصيدة ( ياهو أنته ) إلى ابو الفضل العباس ومكانته عند أهل البيت عليهم السلام
يــا أبو فاضــل ... ياهو انته
حيره شخصك ... ما عرفته
الف لام وميم نــزلت بالــسور
لهسه بالتفسير محتاره البشر يا هو انته
****
عنك أحــروفي اجـت تكتــب قصيده
شعدها عنك فكــره يــا ابـن الصميده
غير كافــل أخته بس انگطعــت أيـده
وأنت چــان الــدين يتــروه بـــوريده
الدين من دمك روه
والوفه طش بالهوه
انت لجل القل هـوه دمــائــك
يا أبو فاضل ... انـــه حاير
ومثلي حيره ... من المنابر
شتارك بگلب اليحبونك إثــر
لهسه بالتفسير محتاره البشر يا هو انته
****
كل حروف الشعــر نجمعها ونوصفك
حگهـا خجــلانه فــلا تگــدر تنصـفك
الساقــي انته الكافـــل وأكثـر نعـرفك
صـرت ظهر حسين ما نگدر نفهـمك
انتــه جيشه لو ظهر
حيــرتــنا يالگمـــر
شتــارك ابگلبه اثــر رحيلك
انتـه ظهــره ... لو عضيده
بحيره تنشد ... هالقصيده
وبحر شخصك ما شفت مثله بحر
لهسه بالتفسـير محتــاره البــشر يا هو انته
****
حايــر أبمــوقــف ولا مــره فهمتــه
ولا گدرت أبشعري يالكافــل وصفتـه
حسين من گلك يخـويه بنفسي انتـه
يعني فدوه يگول شخصك ما عرفته
حيره يا ابـن الولي
يا هو اليوضح ألي
الكافل انته لو علي يشوفك
يا أبو فاضل ... يا عظمها
كلــمه رايــد ... افتهمــها
حسين من كلك فدوتك يالكمر
لهسه بالتفسير محتاره البشر يا هو انته
****
واهــمْ الينظــر الك گبــه ومنـاره
وانته بيك أعقول هل الوادم حياره
اعتذر ما ﭼنت اعرفـك بس زيـاره
وانته دين ومبدأ وفكـره وحضاره
من گصدت المشرعه
النهر يجري ومنبــعه
الماي محّـد مــانعــه تشربه
يجري مايه ... وما شربته
قصَدك انته ... مــا عرفته
لان تدري حسين دلاله انفطر
لهسه بالتفسير محتاره البشر يا هو انته
****
يا گمر محتــار ياهــو الـي اسـأله
عن سؤال يَحّير ومـا عنــدي حَلّه
انته ﭼم معصوم ﭼف أيدك يقَبله
حگي مـن احتــار بيك العمـر كلّـه
حيّـرَتـنـي الأسئــلة
عن عظمْ هل المنزله
شخصك ايه مُنزَله وعجيبه
شخصك ايه ... للبريا
ايه ماكو ... منها ايه
آيــه حـدْ اليــوم رتلها الــدهر
لهسه بالتفسير محتاره البشر يا هو انته
****
الشاعر
موسى البديري
أبابك رفعت اديه .... ياكافل العلويه
حاير ويمك جاي
يا سيدي الوفاي
عباس عباس
========================
١.
ابابك وكفت ابدمعة اعيوني الجريه
وقدمت حاجاتي إلك بثنين اديه
اقسم عليك بحق ابو سكينه ورقيه
تسهل أموري سيدي ابهاي المسيه
حلفتك بدمعاتي.... تقضيلي كل حاجاتي
ضاكت عليَّ دنياي
يا سيدي الوفاي
عباس عباس
============
٢..
دكيت بابك يا كفيل الهاشميه
وكل اعتقادي اجفوفي متردهه خليه
غيرك منو الامشيله واحجيله الي بيه
عباس اصيح بحضرتك عينك عليه
ابابك نثرت ادموعي // بيدك تحل موضوعي
لتردني فدوه ابهاي
يا سيدي الوفاي
عباس عباس
==============
٣...
ياكمر اختك زينب وظلهه وضواهه
يل جنت عدهه أتعادل النجمه وسماهه
متعني اجيتك سيدي بعلتي التراهه
الما الكه بس يمك يخو زينب دواهه
ياشافي علت الفقره … شافيلي علتي بنظره
منك أريد ادواي
يا سيدي الوفاي
عباس عباس
=================
٤....
كالولي اكصد كربله يم ابو الغيره
وشد رايته وحلفه بخدر أخته الأميره
ما تضل حاجه العندك ولا تضل حيره
وهاي انه جيتك سيدي بدر العشيره
اقسم عليك بزينب //خادمك مولاي أُحُسب
لو مره اوزع ماي
يا سيدي الوفاي
عباس عباس
======================
✍️🏻 كلمات موسى الخادم ٢٠٢٥
(حوار ليلئ والاكبر)
خايفه يحسدونك ،،، ياجمال أعيونك
فنهـم ايلاگـونك
علي الاكبر ،،،، علي الأكبر
:::::::::::::::::::::::::::::::::::::
انتَ آيه امن الجمال أونازله
ربي حسنك مثل يوسف عازله
حچيك ابريسم وبيدك غـازله
يا شايـل اخلاق اوعزم
بالشده سيفك يبتسم
من زغرك أمبچي الزلم
تـشـبه المخـتـار جـدك ياعـلي
لو يمر جيش اعلئ حدك يبتلي
علي الاكبر ،،،، علي الأكبر
:::::::::::::::::::::::::::::::::::::
نور وجهك يـمـه ربك صانـعه
بين كل الناس نجمه وطالـعه
اسمك اددلال عودك طـابـعـه
يوليدي يا ريع الچبد
من عطرك يغـار الـورد
والارض ترجف من تهد
مثل سيفك سيف عدهم مايصح
نور وجهك احلئ من وجه الصبح
علي الاكبر ،،،، علي الأكبر
:::::::::::::::::::::::::::::::::::::::
مثل عين الشمس عينك دايره
رَدت أخـيول الآجـتك غـايـره
كربلاء كلـهـه ابجـمـالك حايره
مصباح وجهك بالضعن
يلـعـاندت بيـك الـزمن
يالتشبه اطباع الحسن
دوم ازامط بيك يبني امن المهد
يشبع الجــوعـان چـفـك يالـولـد
علي الاكبر ،،،، علي الأكبر
:::::::::::::::::::::::::::::::::::
شفت أبوك اشكثر ربك رازقه
يشبه المختار شكلك خالـقـه
حيرتني أوصافـك المتطابقه
نورك ابد ما ينحجب
يلطبعك احله أمن العذب
مو آخر اول تنكتب
يلجمالك بالبشر ما ينوصف
بالمراجل مثل أبوفاضل كلف
علي الاكبر ،،،، علي الأكبر
:::::::::::::::::::::::::::::::::::::
من گمر عدنان صيتك قاسمه
واضح الموت اعله سيفك راسمه
والـمـراجل كـلـهـه يمـك والـمـه
كلشي صعب عندك سهل
من زغرك اتشيل الحمل
وكـت الشدايد مـاتـمل
كتبـك التاريخ بحـروف الـذهـب
تدرس الاجيال من عندك آدب
علي الاكبر ،،،، علي الأكبر
:::::::::::::::::::::::::::::::::::::
✍️فاخر علي الشبيبي
قصيده إلى اولاد مسلم ابن عقيل ((ع))
*يمك يانهر انصب التعزيه*
*والطم عل الولد لطمه بعداليه*
ننصب فاتحه يم نهر المسيب
راح الولد مني والكلب شيب
مايطفه حزنكم نار اله تلهب
من فكديتهم ماحيل ضل بيه
انشدك يانهر بله دحاجيني
ادور على الولد والكاه خليني
من يوم المشو ماهودت عيني
للتاهو اضلوعي صبحت محنيه
نصبت العزه والطم على الهامه
الشوفتكم ييمه العين محتامه
كلبي خاب ضنه وراحت احلامه
رحتو وين شيردكم بعد اليه
ابجي والطم مامل بعد منه
وابني الضيعيته اليوم اريدنه
كضت روحي عليه ما احمل لونه
عيوني من البواجي عليه مطفيه
اخذت الراك حسبالي الاكيه
وبجرف النهر اكعد وحاجيه
افراكك يالولد ماكدر عليهه
من يومك ييمه بادن ايديه
المضيعه تضل مكسور خاطرهه
اذا راح الولد شنهي اليصبرهه
اوياه اتموت تتمنه لو فاركهه
ابد مانشفت الدمعات مجريه
لخادمة الحسين ع العلويه ام اياد لايجوز حذف الاسم
من اين تتابع قناتي.، من افضلك اضعط هنا للاجابة 👇🏻👇🏻
Читать полностью…
اللهم اجعلنا من المستشعرين
بحال صاحب العصر والزمان
يعنيك الله بويه گواك الله 💔
#اللهم_عجل_لوليك_الفرج
#نعي
من ظل وحيد اوراح حيله
ليه وصل مكتوب العليله
شاف الكتاب وهلت العين
واتگول فرگتكم ثگيله
--------
وديتلك مرسال بدموع
وفرگاك يكسر گلب وادموع
ماريد ازيدك هم علهموم
بس گلبي من فرگاك مشلوع
---------
شلونك يبويه ان شاء الله زين
ابيا مچان ومستقر وين
مشتاگه اشبگك واگعد وياك
ومشتاگه لعيونك يلحسين
---------
ظليت اميل وي الهوه الهاب
والفرگه زادت علتي اصواب
مو گلت اودي الاكبر اعليچ
من رحت لسه انطر ع الباب
---------
ابعمر طفله اوشيب الراس
وعليه ثگلت حتى الانفاس
وديتلك مكتوب بدموع
وديلي الاكبر عمي عباس
-----------
البيت صاير بيت الاحزان
وافراگ الرظيع بوجهي نيشان
من السفر عبدلله متعوب ؟
الگلب ليش يگلي عطشان!
--------
سلم على عمتي الحنينه
وسلم على ارقيه وسكينه
يسلم على كل حرمه وياك
مرسال هذه من المدينه
علي الحميداوي الكربلائي
#اللهم_عجل_لوليك_الفرج
#نعي #تراث
لمولاتي العليلة صلوات الله عليها
بچت كل عين من شافت بچاها
اوبچه احسين اعلى حالتها اوتناها
تگله ابجدك المختار طاها
انه ريد الظعن حطت رحاله
آمر بالنزول او تلگنها
خوات احسين رادن يهودنها
عن هاي المصايب يسلنها
افراگ احسين يو وحشة اعياله
يگللها الحرم للدار ردي
تگول اشلون اهودن بعد وحدي
عبدالله الطفل خلوه عندي
رضيع اوخاف تتغير أحواله
خذت منهم طفلهم وفردت بيه
او عية فاطمه للحرم تنطيه
اخوها امرادها سلوه تخليه
خذن منها الطفل بت الرساله
صاحت آه یا بویه اتنوني
يوبه احسين وياكم اخذوني
وحيده او هم عليله تخلوني
فگدکم یا هلي العلتي اچماله
يگلها انچانه حلينه البلاد
نشوف اعراقها او يطون المراد
اخوي ايچيچ متعني السجاد
تجين اوياه بالعز والجلاله
تهم ليهم او عنهم ما نعوها
تنادي يا هلي من فاركوها
اجت للمحمل فگدت نور ابوها
طش المجلس ابغيبت اهلاله
الشاعر المرحوم عبد الامير الفتلاوي
#اللهم_عجل_لوليك_الفرج
♦️تم نشر قصائد منبريه هنا 👇
👉 /channel/sajad100w
العليله
مـــثــل وَنّـــي الـــثـــواچـــل أبــــــد.. مـاتـان
حِـــده حـــادي هـــلـــي بـــالـــنـــوگ.. مـاتـان
مــشــوا واجـدامـي احـسـهـن حـيــل.. مـاتـان
عـــلـــيــــلــــه و زادت الـعـــلّـــه عــــلــــيــــه
*---------------*---------------*
جــفـونـي وكـمـت اصـيـح بـصـوت.. خافات
واحــــزان الــعَــلَــي مــــــا يــــــوم.. خافات
عــلــيــهــم روحــي مــن هالـسـفـر .. خافات
هـلـي الــچـانـــوا ســـتـــر وفـــيـــاي الــيـــه
*---------------*---------------*
✍خادم العليله ((ع))
الشاعر رعد الجريخي
ياحسن
ألايــم مـا يـهــمـه اشـصـار .. يـا لام
مـايـدري بـمـصـابـك حـيـل .. يـا لام
اشـتفـيدك ياحصـيره بـعـد .. يـا لام
الــحوافــر نـثـرتــك بـالـغــاضـريــه
*--------------------*------------------*
✍خادم الحسين ع
الشاعر رعد الجريخي
#شوط_كربلائي ( #أهل_الغيره )
يـهـل الــغِــيـره غــيـرتــكـم عــيــنــوا بـالــعَـزه الــزهـره
فـاطـم تـحـضــر وتــنــظـر وتــحـــب الـــيــدگ صــدره
*---------------*---------------*
عــيـنـوهـــه بمصاب حسين يـهـل الــغِـــيــره يـالـخِـدام
لــولاكـم يـــمـــوت الــنــوح ومــجـلــس فـاطـمة مـادام
الـبـاري ابـفـضـلـه خـصّـاكـم تــشـدون ابـعـزاهــه احـزام
انـــتـــم لـلــزچـــيـــه انـــصـــار
يــالــبــيــكـم شـگـول احـــتـــار
وفـيـتـوا بــضــعــة الـمــخــتــار
خــدام ولــطـــمــكــم هـــاذ عـظـيـم بـقــيــمـتـه واجـره
*---------------*---------------*
ام الـحـــســن تـــرعــاهـــه ومتـعـوف الخدمهه ابـيـوم
هـيـه اتــسـجـل الاســـمــاء للـحـضـروا عـزه الـمـظلـوم
هــاي الـلـيلــه واســـوهــــه بـٱحــزان ودمـع مســجـوم
واســوهـه ابـــدمـــوع الــعــيــن
يــهـل الـغِــيــره يــاطــيــبــيــن
هــالــنــوح لــمــصــاب حـسـيـن
الــظـل امـوســد الــتــربـان وبــــدمـــــه روه الــغَـــبــره
*---------------*---------------*
عقيـدتـنـه ونظل لـلــمـــوت الـمـئــآتـم والـلـطـم شـاهـد
مـرّه ابـسـاحــة الــمــيــدان و مـرّه ابـمـجلـس انـجـاهـد
عـلــيــنـــه تــشـهـد الأيـــام نـوافـي ابــدمــنــه ونـعاهـد
نـعـزّي فـــــاطــــمـــة وحــيــدر
وإنْـخـلّـي الــــــدمـــــع يـــنــدَر
نـعــوف الــغــالـي مـــا نـــگـــدر
والــيـتـرك عــزاء حـســيــن إشــيـقــدّم لـلـنــبــي عـذره
*---------------*---------------*
عــهـدكـم ثـابـت ومـعـروف خـلـي الـمـاســمــع يـســمـع
يـفـرّقـنــه الــزمـن ونــعــود ابـمـحـرم كـلـنـه نــتـجــمّــع
خـيــمــتــنــه عـزاء حـسـين نـشـارك فـاطـمــة الـمـدمـع
مــيــهــمــنــــه الـقـلـت والـقـال
لــحــســيــن الـجــفـن هـــمّــال
مـانـنـسـه الــبــديــهــه احـبــال
الــعــادانــه نــگـلــه الــيـوم مــحــرم كـلــنـــه نـنـتـظـره
*---------------*---------------*
إلْــعـــاده الـمـجـالـس هــاي و الــــرايـــد يـلــف ويــدور
نــگـلـــه تــتــعــب اويــانــه خـلــيــنـه ابـجـرح عــاشـور
بـــس الـمــنــكــســر گـلـبــه يــعــرف لــوعــة الـمكـسـور
مـــحـــرم بــالـلــطــم يـــنــعـــاد
ونــعــاهــد لٱبــــــو الـــســـجــاد
نــفــديــلـــه الـــعـــمـــر لــــو راد
لـلــمــوت وعــهـدنــه اويـاه الــغــالــي الرّخَــص عــمــره
*---------------*---------------*
غـيـرتـكـم تــشــيــل الـراس بـوصـفـكـم يـعجز لـســانـي
احــمـِــد ربــي وٱتــشـــكــر خـــادمــكـــم صـــرت أنــي
يـخـدام الــزجــيــه انــريـــد واحــد يــلـــزم الــثـــانـــي
إنْــــريـــد الـــشـــمـــل يـــلــتــم
وحــچــي اللامــونــه مــانـهـتـم
نـنـصـب لـلــســــبــــط مـــأتـــم
ومـنـعـوف الـدمـع لـلـمـوت وتـبـقـه ٱلـلــوعـه مـتـوجـره
*---------------*---------------*
✍خادم الحسين ع
الشاعر رعد الجريخي
گعدية
أهلي السافروا ضايع خبرهم
بعيوني الأثر يجرح أثرهم
تسأل دمعة العين
وين السافروا وين
مارجعوا الي وضايع خبرهم
الشاعر سيد زيد الفحام
صوت خادمكم قيصر أبو منتظر الإمارة
من خلو اكبالي النعش جبت الشمع والحنه
يالما ملحك عالعرس عرسك صحت بالجنه
باجر يزفوك واهلك يحنوك
**
امك يجاسم من رحت حيل الوكت اذاها
شيرجع ايامك بعد والراحه وين الكاها
عمك حسين اجنازتك للخيمه من جاباها
يمك ركضنه بلا وعي وتمددينه وياها
كالولي مات ابنج وحس مات المشي برجليه
جيب اليوصلني الك اخذ نفس ما بيه
وكبالي خلوك واهلك يحنوك
*
منتظرك اهناك الحسن رايد يحني جفوفك
ويكلك املاك السمه كلها تريد اتشوفك
باجر يسويلك عرس والجنه كلها اطوفك
وحيدر يحضرك والنبي والزهره ابد متعوفك
لجل العقيده استشهدت وتخضبيت ابدمك
هيهات للذله صحت وضحيت يبني العمك
صامد يعرفوك اهلك يحنوك
***
كل مغرب الام تندعي وتعكد شفت شيلتها
ويضل كلبها اعله الولد وعالخد تصب دمعتها
يا حيرت الما عدها ابن تبجي الصخر حالتها
امك يجاسم فركتك ما تندل امخليتها
يوليدي واشمحله الولد من يكعد اكبال امه
غالي الضنه ومن يبتعد دنيتها تصبح ظلمه
مذبوح جابوك واهلك يحنوك
*
جا ليش نايم عالترب اشسوه التراب بخدك
دلالي ما ينطيني ابد امشي وعوفك وحدك
يالجنت بعيوني حلم ماريد اعيشن بعدك
يالماخذك مني الكبر يبني بعد شيردك
كبرتك الحد ما صرت وسهرانه يمك ليلي
وتاليها من بعد الربه بفراكك اتهد حيلي
بالرايه لفوك واهلك يحنوك
*
من بعد عينك يالولد شلي ييمه بعمري
من البجي عيوني عمت وفركاك كاسر ضهري
ايوب مثلي ما صبر ومل الصبر من صبري
شينشف دموعي التصب كل ما اذكرك تجري
مو تدري بعزاز الكلب ما تنحمل فركتهم
كل ما يجيني الليل احن وتحسر الشوفتهم
ربعك يتانوك واهل يحنوك
***
يوليدي راح اتذكرك كل ما اشوفن زفه
وابني انحرم من العرس وماحنه اكلهم جفه
ناديتك وحيلي انضهد وبروحي دمعه ولهفه
يالفاركتني من وكت جرحك ابد ما يشفه
امك يجاسم وانتظر يايوم يكرب موتي
اتمنيت للخيمه يطب تابوتك وتابوتي
يالعني بعدوك واهلك يحنوك
****
تمت
تحسين الخفاجي
طيحي الخيمه طيحيها ما اگدر اطب ليها
ما بيها ابو فاضل
هاي الليله مو ليله حسين أعلى النهر حيله
مشه وي ابو فاضل
يا عباس يا خويه
:::::
خل نتگابل انه ویاچ عوفي الخيمه مطویه
من گــــــد السهام البي الگمر خربت معانیه
ما فکر بسهم العين احس تفکیره بس بیه
بعد عباس لو تدرين امـــــوت شويه شويه
منه أسمعت بس كلمه الاخيره
خويه حسين تعذرني الاميره
گلها اعلـــــه النهر بدر العشيره
دم نازل على عيونه لتسأليني شلونه
ظل يم الشريعه
مديت ايدي واتعذر گلي حسين ما اگدر
ظل الدمع سايل
:::::
جيتچ ظهري محني هواي رديت امشي بالگوه
مـــــــن مـــات الگمر عباس ماتت کلمة الخوه
مــــــا استلذ انــــــه بمــــــاي بالعباس اتروه
يم المشرعه احتاريت هـــو گلت مــــــو هو
علـــــي المشرعه صارت بعيده
بقيت الحچي یم عباس اعیده
گلت معقوله ما يعرف عضیده
گتله حسين هذا انه متت من شفت ذرعانه
فوگ الگاع چفه
رديت انه الچ وحدي بس الدمع يم خدي
شوفي حسين مايل
:::::
سلملي أعلى زينب گال من ترجع تعذرينه
ما رد يستحي بلا ماي مگطوعات چفینه
عمود مصوب اعله الراس داخل سهم نص عينه
بعد انگطعت الاخبار ما بینچ وما بینه
ودالچ رساله یگول بيها
خويه الحره سلملي عليها
تره بلا ماي ما یگدر یجیها
حتى الكلمه مجروحه بيدي وفارگت روحه
راجع ظهري محني
يا سهم الاجرنه اخافن انه الچمنه
شرد لو سئل سائل
:::::
راسه بحجري خليته نزل راسه من حجري
بالعباس تدري انت باچر بيك مـــــــا ادري
يم الگمر لو تدرين كم مره انكسر ظهري
لو تتبدل الأعمار للعباس كـــــــل عمري
تره العباس بـــــي سدت العازه
ميت انه بس عـــــوزي الجنازه
مثل عباس يا زينب احتازه
حظني اچفوف ما عنده خدي جابه يم خده
اختلط دمعي ودمه
عمود مصوب براسه الگمر مختنگ بنفاسه
بعد ما عندي كافل
:::::
مـــــا يرجع بعد عباس لا تتنطر سكينه
ما اگدر اگلها بهاي عمچ سهم نص عينه
يا زينب تـــــره العباس يستاهل بواچینه
عندچ عتب اعرف بي ما بينچ وما بینه
شوفي حسين ردلچ محني ظهره
البگه براسچ الكــــــافل راح عمره
خلصت وي ابو فاضل العشره
اخاف اعليك من باچر گلي ايدوسك الحافر
ما احمل اشوفك
مد ايدك وحاچیني حط عيونك بعيني
ظرف ولا برسائل
::::::
علي جبار الكعبي
الفاتحه لوالدي
ظهري انكسر ظهري انكسر
راح الاشد بيهه الظهر
راح وتركني الحالي
عباس اخوية الغالي
...1...
عالشريعه ... عاينيته ... امدد اسمع نوحه
اجفوفه يمه ... امكطعيهه ... ونازفات اجروحه
وعينه بيهه ... السهم نابت .... شاكهه ومفتوحه
والهضيمه ... خوية زينب ... بيدي فاضت روحه
كافل دلالج عالنهر .. طايح يزينب
يمناه كطيعه ويسرته .. بالدم تخضب
حاولت اجيبه الخيمتج .. بس أمرة يصعب
ما باقي بي سالم كتر .. كلشي تسلب
كلشي انتهى وي موتته
الجانت عظيمه خوته
اصرخ بصوت العالي
عباس اخوي الغالي
.....2...
راح مني ... احزام ظهري ... ياهو الي تجيلي
موته صدمه ... موته عله ... موته اخذ كل حيلي
كلشي بية ... يصيح بسمه ... رد يصاحب ليلي
ناري تسعر ... على افراكه .... ابحاجت اليدعيلي
كومي تلكيني ابعجل . عظمه المصيبه
يم النهر ودعت اخو . الجانالي هيبه
هيجي اليفاركله كَمر . يكثر مشيبه
مثله بعد وين الكه يا . زينب واجيبه
عباسي ما مثله يصح
راح وتركني للذبح
بعده اشيصبر حالي
عباس اخوي الغالي
......3..
من وصلته ..احجايه كلي ... عذري وصله الزينب
ردت اشيله ... مارضاهه .... ايرد جفوفه امسلب
عيني صارت ... على الرايه ... البيهه كلشي امترب
وماي ماكو ... الجربه بيهه... بيهه صوته الينحب
حرت انه ساعتهه اجي . لو ابقى يمه
ساعه اخليه عالصدر . وبروحي اضمه
ساعه امسح ابدمعه اليصب . ساعه اشمه
غمض اعيونه وكلي رد . للحرم ذمه
عاينته عينه اعله الخيم
مات ويوصي اعله الحرم
وكلي اعله زينب بالي
عباس اخوي الغالي
...4...
كلشي ماضل.. عندي كلشي ... راح وي عباسي
جيتج اعثر ... بالمدامع .... كَوه اجر انفاسي
عفت روحي .... عالشريعه ... يم اعز كل ناسي
ومال حملي .... من يشيله ... بعد رفعت راسي
يا زينب الكافل بعد . ما يرجع النه
مات وتركني الوحدي . الغالي امن اهلنه
هذا الزمن غصبن علي . بعَّدني عنه
سورة قدر يم النهر . مذبوح جنه
يا زينب بعينه شفت
سهم المثلث من رحت
مكطع نظرته اكبالي
عباس أخوي الغالي
....5....
شلي بعمري ... بعد اخيي ... ما اريد ايامي
الراح مني .... ما يعوضه .... كل عمر كدامي
انه بعده .... روحي ميته ... جسد باقي ودامي
ابو فاضل .... اخذ روحي ... مني كبل احلامي
ياهو اليقدملي المهر . محد الية
من عندي باكت كربله . الغالي علية
كلشي انتهى ويه الكمر . بالغاضرية
خلصت حياتي وانتظر . انه للمنية
ما ظل بعد عندي امل
كلشي اندفن ويه الكفل
جانالي مثل اخيالي
عباس أخوي الغالي
......
✍️ كلمات : موسى الخادم
يومــــــك هـــــذا يا شيخ الطف
&&&&
يا ابو راس الحار گوم اچوي الأرض
گوم اخذ العسكر بطـــــــول وعرض
انت يمك مـــــــاكو ابدن مستحيل
الموت بيدك وانت اتفرضه فرض
غـــــص بريجه خليت الشر
&&&&
يـــــــم الخيام انت جيب المشرعه
خلـــــــي بوق الحرب مثل القارعه
انــــــت بچفوفك تحل المعضلات
واليشوفــــــــك يبقه يقره الواقعه
يچوي الغيمه مـــــن گد الحر
&&&&
گـــــوم اعگـــــد رايتك يبن الطهر
يــــــم الحسين انـــــت بالك تعتذر
الشمر لـــــــو گـــــــالك يبن الاخت
بيدك السيف انت گص راس الشمر
اگطـــــــع راسه خـــــالك يبني
&&&&
هذا يــــوم السابع وبسمك تـــــره
ياهو غيرك اسمه سبع الگنطـــــره
انت رافــــــع رأس الحسين واكيد
يا مـــــره تخلف شبيهك يا مــــــره
يوم السابع اصبــــــــح بسمك
&&&&
يا ابو فاضل وحــــــدك شيخ الزلم
نـــــدري بي الگمر مـــــأخذ عالنجم
حضـــــــرو سبعين الف متوهمين
تهــــــــزم انت ولا ابـــــد ما تنهزم
بــــي احــــروره لليوم الطف
&&&&
علب جبار الكعبي
الفاتحه لوالدي
ياعلي مدد يامهدي سند:
نعي مجاريد لاولاد مسلم
___
يلي مشيتو بالهمسيه
وكطعتو يامداليل بيه
عنيتو يايمه عليه
كلبي يحن وينوح ليكم
يزغار يمه شلون بيكم
كلبي هالتكطع عليكم
ردو ييمه حضني خالي
حتى العدو يبجي اعله حالي
مانام جفني باليالي
يرحتو ماكلتو تردون
بلكي على امكم تحنون
استمع ونكم من تونون
لانا يمكم وفزع الكم
ادري التعب وظيم سلكم
ذبلكم الخوف ونحلكم
وداعت الله ماتجوني
فوك المصيبه اتمحنوني
من البجي رحت عيوني
ازغار ماتندل الدروب
ضاعو يوسفه بوكت الغروب
وعليهم الدلال متعوب
ناعيه خيام الطف
ام فاطمة الزهراء ✍✍
كلام خطيررر منقول عن الامام الصادق عليه السلام
اسمعه👇 واحكم بنفسك👇
/channel/Tdper/13068
#نعي
للسيدة العليلة صلوات الله عليها
رايح ابوي أبعيد رايح
گمت أسال بدمع النوايح
ينفع وره المجفين صايح ؟
طايح يگلبي الليله طايح
ونيت اريد اوجوه الاحنان
فارغ البيت يريد وليان
يا گلبي عيش شلون ما چان
ساعه العمر والنوب خلصان
هذا الدهر هاي المصيبه
بالدار واتسمى الغريبه
الرباني هسه منين اجيبه
گلبي اليون فارگ حبيبه
ليهسه بذني اصوات الاحباب
ظليت أون ومگابله الباب
من الفرگه چني چفوف شياب
يا ضيمي گعد حدر التراب
يلفون ما يلفون حيره
بالبيت بس حال الاسيره
ديرة هلي ما چنهه ديره
ظلمه ونواعيهه چثيره
كلمات الخادم / رعد الفريجي
#اللهم_عجل_لوليك_الفرج
#نعي
اخذني من ايدي عباس وطلعني
وضعني حلو وشمحلات ضعني
لحد شافني ولحد سمعني
ليش بكربله دهري فجعني
#اللهم_عجل_لوليك_الفرج
#حدي
لمولاتي العليلة روحي فداها
يا راكبا اللي فوك سباگة الريـح
خوذ العمامي اولبوي حسين گرطاس
وگول العليله فاطمة تگوم وتطيح
وبفراگ اهلها لاويه الجيد والراس
وتگولهم فاطمه لو جسمها صحيح
بدرياكم تبگه يـطيبين لا باس
يا طارشي ارمح بالكتاب ترميح
بالخير والشر ضامره الحر حساس
وشوفني وگول الوالدي حسين تفصيح
المايرحموه هله ما ترحمه الناس
حيلي ركد بفراكهم وشوفي أشـحيح
بثنين صرت بواهمـه وبين وهواس
يا طارشي عبر النواويس وتصيح
وين المذاريب النشامه وين عباس
الشاعر المرحوم مُعين السباك
#اللهم_عجل_لوليك_الفرج
سويتلكم ديوان نسائي متكامل وملحن بالكامل 🗒️😊 👇
/channel/+74N04SNGMV9iNzgy
نعي مفجع
وصية العليله (ع) للإعرابي
يـعـرابـي بـسـفـرتك وين مـنـواك
أگـصـد كـربلـه وسـرع بـمـمـشـاك
اخـذ الـخـبـــــر لـحـسـيـن ويــاك
وكـلــه الــعـلـيلـه ذلـهــه فــرگــاك
گـلـــه الـعـلـيـلـه وصـت اتـگـــول
طـال الـوعـد والـــدمــع مـهـمـول
اشـحـال الـيـبـات اللـيل مـعـلــول
وهـجـر الاهـل وغـيابـهـه ايـطـول
يـعــرابـــي ذمــه أتـبـيـن الـحــال
واخـبـر ابـــوي الـهـجــر چـــتــال
حـــزن الـعـلــي ايـذوّبِ الاجـبـال
حـتى بـمـنـامـي الاهـــل عـالـبـال
*---------------*---------------*
✍خـادم الـعلـيلـه ع
الشاعر رعد الجريخي
جواب للأبيات الخالده يجدي مات محد وكف دونه
يأتي الجواب على لسان رسول الله ص
يزينب لا تـخـبـريـنـي اعـلـه چـبـده
يزينب كل جرح ضاهدني المضهده
يزينب والـيـدوسـه ايـدوس جـده
ومـثـل صدر السبط صدري تجسم
*-----------------*--------------*
يزينب لا تـخبرينـي اعـلــه حـالــه
يزينب ادري بـالــصـــار وجــرالــه
يزينب دَمـــه رَوّاهـه ه الـرسـالــه
يـوم اعـلـيـه كل الجيش مـلـتـم
*-------------------*-----------------*
✍خادم الحسين ع
الشاعر رعد الجريخي
(ياهلي)
ياهلي مابـيـه حـيلـه والله تعبني الـغـرب
يا هلي هالعام وحدي آنه وبموقف صعب
ياهلي ياهلي
*-----------------------*-----------------*
ياهلي يمته تجوني خاطري بحاجت جبر
مابقت دمعات عندي وبالغرب ذاب الصبر
الـصـحـن فـارغ اشوفه انـي للجيه انتظر
بيش اصبرنّـه دليلي مـنـي مايـقبـل عـذر
هل سنه تصعب عليه مـاكـو بصحني لطم
هل سنه بدموعي ابقى بين حسرات وهظم
*----------------------*-------------------*
والله منتظره تجوني حيل ماعندي بـعـد
كافي مليت البواچي ليش انـوحـن للابـد
السنه ماكو مواكب يعني هالـغـربـه اشـد
وين عباس الكفلني وين اليوفّي الـوعـد
حيل محتاجه الوجوده هالسنه بحاجت كمر
حيل تـعبنـي زماني والـظهـر مـنـي انـكـسـر
*-------------------------*--------------------*
انعادت اعليه المصايب وآنـي مابـيـه تعب
ياهلي حرموني منكم اعتب وحَـگ العتب
ليش يردوني غريبه ماعرف شنهو السبب
تنزف اجروحي بعدهه والگـلـب نـار التهب
منعو بصحني المواكب الچانت الروحي دوه
منعو الزوار تلطم الـتـنحـب واتـبـچـي سـوه
*---------------------*-----------------*
شحچي عالشام وغربته التارك بروحي جرح
ضيّـع اسنيتي وحياتي والـدمـع مـنّـه يـسـح
ماترگني الهسه بـعـده غـيّـب بعيني الصـبـح
جدد اجـروحي عـلـيـه وينـثـر بنصهن مـلـح
البُعد والغربه صـعبـه بس تسليني الخَـدم
البعد كـاتلني جـرحـه يـنـزف ادمـوم وألـم
*----------------------------*-------------------*
السبي تكفيني ناره والله ما احمل هـظـم
كافي يادنيه عذابچ روحي شيّبهه الظلـم
عاشرت نوحي اونيني عاده خليلي اللطم
تحضر الخدام يمي وحضرتّي الـهـم تظـم
السبي يكفيني وحَده ليش متحزمه عَلّي
السبي لـلـيـوم اذِكّـره خـلـه أثـآره بـأدي
*---------------------------*-------------------*
✍خادم زينب ع
الشاعر رعد الجريخي
♦️تم نشر قصائد منبريه هنا 👇
👉 /channel/Bany_Hashime
قصيدة كعدية للعليله ع 2020
اهلي السافرو طوّل سفرهم
بعيوني الأثر يجرح اثرهم
تسأل دمعة العين
وين السافرو وين
مارجعو الي وضايع خبرهم
...................................
آنه ياناس العليله راحو اهلي وماخذوني
طالت السفره علية ومااجو يمكن نسوني
والله من كثر البواچي ذبلن وذابن عيوني
لحسين مشتاگ الگلب
ما اندل ابعيد الدرب
ما ينحمل هجره صعب
وبهجرهم عذّبوني
ابچي عليهم بليلي ونهاري
بغياب الأهل مهجوره داري
ظلمه بلا ضوه حسين
وين السافرو وين
مارجعو الي وضايع خبرهم
..................................
شحالها الطفله العليله لو تركها وراح ابوها
مفارگه كل الخوات وفارگت عمها واخوها
بدارها ظلت وحيده طفله تبچي وماخذوها
هالحال حالي بلا امل
ظليت وحدي بلا اهل
وعلية ماواحد سئل
وعلّتي ما عالوجها
عكب حسين ابويه وعكب اخوتي
ما ريـــــــــــــد العمر وتمنّه موتي
مني خذهم البين
وين السافرو وين
مارجعو الي وضايع خبرهم
..................................
من الصبح لليل وحدي أگعد وابچي بدربهم
الجاي والرايح اسأله عن هلي وجيّة ظعنهم
أيّست محّد خبرني ولا رجع مرسال منهم
من گد نحيبي ودمعتي
الطير حنّ لحالتي
ذاب الصخر من ونّتي
بخير ياربي عسنهم
كلسا ينلچم گلبي والزمه
وشعر بالخطر لاح ابواليمّه
اهل الغيره والدين
وين السافرو وين
مارجعو الي وضايع خبرهم
..................................
بعالم الرؤية وشفتهم چن رحت للغاضريه
زينب عله التل شفتها تنادي يبن امي الزچيه
انچان حي ألحگ علينه هجمت خيول ال اميه
والنار تسعر بالخيم
ومذبّحه اهل الشيم
منهم ولاواحد سلم
بس عليل عله الوطيه
انظر حافية وتركض رقيه
ويضربها الشمر سوطه بئذيه
اصرخ ليش تبچين
وين السافرو وين
مارجعو الي وضايع خبرهم
..................................
چن اشوف برمح عالي. راس ابويه حسين شفته
عالوجه مگلوب ويلي وتلعب الخيل عله جثته
شسوّن بجسمه الحوافر هذا ابويه وماعرفته
فزّيت مرعوبه وصحت
ويلاه بويه اتيتّمت
ياريت ويّاكم رحت
والعمر بعدك كرهته
شفتك بالحلم يابويه مذبوح
جسمك بالسيوف مگطّع جروح
ذبحوك الملاعين
وين السافرو وين
مارجعو الي وضايع خبرهم
..................................
بحسرتي ودموع عيني انتظر ناعي المصيبه
ولن ابن حذلم اجانه يصرخ وعالي نحيبه
ذبحوا حسين ال اميه وعيلته رجعت غريبه
مرفوع راسه عله الرمح
وجسمه التسلّب منجرح
بألف وتسعميّة جرح
مهجة الهادي وحبيبه
الطم عالوجه وصرخ حسيناه
آه عليك بويه شتنفع الآه
بالطف مالك امعين
وين السافرو وين
مارجعو الي وضايع خبرهم
#سيد #زيد #الفحام
ميمر لمولاتي العليله
شفت الضعن. عاف الوطن
وشبيدي فاركنه الزمن
كلشي للحسين يهون. وعين الله ماتنساني
……….
من كلب ولسان انته مبري الذمه
لا مو عليله بيه كل الهمه
عايف مره معتبره يابو اليمه
مو للبچي. تلم الحچي
ظل اسمك وبي ترتچي
مطمئن سافر يحسين. ثايه بمچانك اني
………..
اتكشخ اني بصيتك وعنوانك
لا مايظل خالي يبويه مچانك
اني الهلا لو ضيف اجه لديوانك
يلگه اليمر. دلال بجمر
يحسيني يل تسوه العمر
تروح وترد كلشي بخير. واعله العهد تلكاني
…………
ربعك يبويه الفقره والماعنده
ويتعنه الك ياهو اليطيح بشده
بابك يظل مفتوح لا ما سده
انته الك. كل كربله
وانه اظل. هاك وهلا
انطي بثوابك يحسين. محد يظل يتاني
....................
حرمه اجت تمشي عله عوچيه
تسأل عليك وتنشد بروحيه
ثاري انته تنطيهه جنت يوميه
مني خذت. لمن مشت
الله يحفظه. شكد دعت
وتكول اسمك يحسين. دوم اعله طرف لساني
....................
دكيت قطعه ابابك ومتحزمه
مفتوح بيت حسين بس للخدمه
كل اليدك بابه يطيح بنعمه
الباب انتخت. توزع بخت
بالخير للناس ابتدت
الله يذكرك بالخير. يلعايش بوجداني
.......................
راح ابقه عالباب انتظرهه ضعونك
ويوميه اعدل بيتنه لعيونك
مشتاكه اكلك من ترد شلونك
يمته ترد. طال البعد
والكلب ما يحمل فكد
مكابر وكل ساعه اشتاك. يابويه لاتنساني
....................
من العليله والحزن وايامه
شكراً لخدام العزه اللطامه
الله يبيض وجوهكم كدامه
ماكصرو. من انتخو
بهذا العزاء تمسكو
هالليله بسمي ومشكور. كل خادم الواساني
………
نسألكم الدعاء
حسين صادق العقابي