2554
خويه لليل چلچل وانته مذبوح
اجيت انشد عليك ابصوت مبحوح
""""""""""""""""""""1"""""""""""""""""
رادنـك بنـاتـك وكــت الـغـروب
وانته اعله الارض والثوب مسلوب
حيـف الــوكـت بيهن دار مگـلـوب
شوف اسياطهم بضهورنه اتلوح
خويه لليل چلچل وانته مذبوح
"""""""""""""""'''''''2''''''''""""""""""""
صار اليل وانه إوياي الايتام
غيـرهم يخويه أرماد الاخيام
گالوجسم ابونه محمّـل اسهام
أفضل دم علئ التربان مسفوح
خويه الليل چلچل وانته مذبوح
""""""""""""""""3""""""''"""""'''""""
اجيتك لا نظر يحسين لاحيل
گمت اعثر وطيح بهدوت اليل
ماضنيت هيچ اتدوسك الخيل
وانته اعله الارض يحسين مطروح
خويه اليل چلچل وانته مذبوح
"""""""""""""""4"""''''''''''''''''''"""""
خـلّـو بالطـريق اهـواي حراس
هاي اعظم مصيبه اتشيب الراس
رحت اعله النهر ماشفت عباس
اشوف الخيل تعرض وين ماروح
خويه اليل چلچل وانته مذبوخ
""""""""""""""""5""""""""""""""""
هـذا اليوم فــَطر ورس الاجبال
چـتال الهـظـم يحسين چـتال
من شدو أچفوف الحرم بحبال
أثار السناسل سوت أجروح
"""""""""""""""""""""""""""""""
فاخر علي الشبيبي
ةزينب گالت لحسين
يبن امي ونور العين
صيح لعباس
لايفني الناس
"""""""""""""""""""
مـن الزغر عباس حـلوه اعلومه
مثل القيامه يصير بالطف يومه
دگ اعله صدره وگال من يدالي
بين الخييم ويآشر اعله الحومه
شال الرايه اعله امتونه
تطـلـع نـار أمـن اعيونه
تل المهره وجاباها
گال الزينب مضمونه
يوصلچ ماي ** گال الوفاي
ياتاج الراس
"""""""""'''"''"'''''''''''"''"""
راح اعله زينب للخيم حاچاها
ماحست بضيم العطش خلاها
صوول عليهم مثل شمرت عوده
شاف الزلم صوبين وتعـناهـا
للـمـاي اتعـنه ابـزوده
حمره امن الغيض اخدوده
بين العسكر يتباها
فنّه اليوصل لحدوده
رداها الخيل ** راوها الويل
راعي النوماس
""''""'""""''"""""""'''''''''''''
شد للحرب عباس راعي الغيره
من صال خلاها الجيوش ابحيره
شافو اتراب المهر. گالو زلزال
صارت مضلمه امن اعجاج الديره
سوه العسكر سالوفه
كَسر بالحومه أسيوفه
لـم للـگـوم ورداهـا
بيهم من يهجم خوفه
شدلهه احزام ** خله الضِلام
بيهم وسواس
""""""''''""""""''''''''''''""""""'
صاحو عله العباس شنهو اتريده
محـچال سواهـم يفرهم بيده
خله الرجال اتلوذ بضهور الخيل
لو شردو اتصير المسافه ابعيده
شابع من عدهم سيفه
وزعها الروس ابكيفه
كض الـرايه وشداهـا
رد ماخـذ منهـم حيفه
طـر الصوبين ** راجع لحسين
متروس احساس
"''"''''''"''''"''"''''''''''''"""""""""
جايب الماي امن النهر لخيامه
روس الزلم مثل الرطب جدامه
بين الجثث يمشي عل كيفه العباس
كلـمن املـثم راح ذب الـثـامـه
زينب طلعت فرحانه
شربت كلهه العطشانه
جاب الجربه وخلاها
ماضاگ الماي السانه
شبل الكرار ** يتجادح نار
ألاول ينقاس
✍️ فاخر علي الشبيبي
يُمّه يُمّه يالولد ٠٠ گلبك برد ٠٠ لوبعده نار
ــــــــــــــــــــــــــــــــ
يمــه يـوليـدي يـســبـاح الـگـلـب
من خذاك حسين ظل دمعي يصب
اشهور عمرك وينك اوّين الحرب
يـمه گالولي ابــرگبـتــك منضرب
رجف گلبي وارتعد ٠٠ گلبك برد ٠٠ لوبعده نار
ــــــــــــــــــــــــــــــــ
ازغِير انـته والنَهر كـلـش چـبـير
لو سگوك الماي چاشنهي اليصير
ينگص الشط لو رُبع منه يطير؟
يمه والذبحوك ماعـدهم ضمير
دين ماعدهم أبد ٠٠ گلبك برد ٠٠ لوبعده نار
ــــــــــــــــــــــــــــــــ
يمه جـابولك الـنّــبله امّفصله
نحرك ازغيرون چان ابــكربله
من عساها انشلت ايده حرمله
الخله دمعاتي المصابك سايله
غيرك اشعندي بعد ٠٠ گلبك برد ٠٠ لوبعده نار
ــــــــــــــــــــــــــــــــ
يمه لودر صدري يم مهدك اروح
بيدي اهز مهدك يعبد الله وانوح
صورِتـك بـعيــــونـي ليليهِ تـلوح
بعد عينك ابـد ماتـهده الجــروح
يمه الوولي للمهد ٠٠ گلبك برد ٠٠ لوبعده نار
ــــــــــــــــــــــــــــــــ
متت من النـبله لو مـن الضــمه
احرورة اصوابك الحيل اتّهدِمه
رفرفت روحك مثل طير ابسمه
اوداعة الله الملتقى يـم فاطمه
اوليدي ياطير السعد ٠٠ گلبك برد ٠٠ لوبعده نار
ــــــــــــــــــــــــــــــــ
يالرحت عطشان ماصحلك شراب
هالمصاب امنين اجـانه هالمصاب
يُمه هم رشـو الماي اعلى التـراب
كـون هذا الشفته يـوليـدي سراب
گلبي يوليدي انمرد ٠٠ گلبك برد ٠٠ لوبعده نار
ــــــــــــــــــــــــــــــــ
حيدر بشار الدراجي
الـكـوفـه الـچـان عـامـر .. بتنه بيهه
أبـيـسـّر يـا حـيـف تــالـي.. بتنه بيهه
و لا چــنّــي الــعــقــيـلـه.. بت نبيهه
إجـتـني الـنـاس تـتـفـرج عـلــيــه
*---------------*---------------*
يـخـويـه ابـعـيـد عـنـك شلنه.. بالـشـام
وزمـانـي ويـاي حـربـه شـنـه.. بالـشـام
ديــرتـنـه الــمــديـنــه شـلـنـه.. بالـشـام
الـشــيّــب روسـنــه و مـــوّت رقــيــــه
*---------------*---------------*
✍خادم الحسين ع
الشاعر رعد الجريخي
اخوي من الرمل ما يگدر ايگوم
ذبحتو ابنه بعد خلوله الاهدوم
نيتكم تـــــدفنون انتم احسين
وخرو الخيل عن تـــوه ملچوم
وكل هذا بحسين الصار
ابصدره تل مال احجار
غطيت بــالــــرمـل الحار ،،،، ياخويه خويه
اللهُ لحد تعبـــــــــــــــان
مـــا شايفه هچي انسان
مذبــــوح بالحر عطشان ،،،، ياخويه خويه
اخـــوي اهواي حيل اجروح صدره
عشره اخيول ماكـــــو البيهن تعبره
ينعمه شلون نعمه الحافر امطشره
(( حسين ياخويه ياخويه ،،،، ))
((ہہ᯽★★★᯽★★★᯽ہہ))
توها الخيل خلصت منه عـــوفـو
مــا مـرتـــــــــاح بعده لخته خـلـو
عاري والرمل ازيد مــــــــن النـــار
لا تنطونـــــه ثـــــــوب اميه انطو
الـــــدم يبس فوگ العين
ما تنشد اجـروح احسين
ميــــه ويصيــرن الــفين ،،،، ياخويه خويه
طعنات شابــــع يـــاحيف
بحجار مــــو بس السيف
ملگه الحسن لاگه الضيف ،،،، ياخويه خويه
محد بــــــي يلــــــم نيتهم اطشر
يجي اعلي ثاني كلما واحد يوخر
مضيف الحسن صدره السهم مايعبر
(( حسين ياخويه ياخويه ،،،، ))
((ہہ᯽★★★᯽★★★᯽ہہ))
ينشاف الـــوجــع يحسين يـــــاريت
طر بگلب زينب تــــــدري ســـــويت
اجيتك بـــس عبايه عــــود اغطيك
من اجتني الخيل للتل خويه رديت
خيل وزلـــم بيك ادوس
چا خويه اشگد مرفوس
سبعين ضلت بس روس ،،،، ياخويه خويه
كــافـي ولا واحـد گــــال
يرتــاح خلو الـــــــرجـــال
تنشــــال بيمن تنشــــــال ،،،، ياخويه خويه
متت ياخويـــه بس مـاوخرو عنك
شفت واحد يخويه امچلب بردنك
كلها تريد تاخذ حصه مـــــن متنك
(( حسين ياخويه ياخويه ،،،، ))
((ہہ᯽★★★᯽★★★᯽ہہ))
لليل وبعـدهـــا الــوادم اعــليـك
نيتهم يخويه حسين مـا اجيـك
اعذرني يخويه مـن تجي النوگ
ع جروحك يبعد اختــك اخليك
لا تنـلــزم لا تــــنــجـاس
وبكل كتر خويه انداس
سبعين زلمــه ابلا راس ،،،، ياخويه خويه
تــــارس الهيمه يـحسين
صار التراب البلنحر طين
تحشمن الماعدها عدلين ،،،، ياخويه خويه
خرز سبحه برمل يحسين ماتنلم
اليطگك مـــا يوخر الى يطلع دم
الرمـح منك يخويه اليطلع مثلم
(( حسين ياخويه ياخويه ،،،، ))
((ہہ᯽★★★᯽★★★᯽ہہ))
للـخـادم
مـقـتـدى سـالـم
احترگــت اليله خيمنه
حسين ياصحره التلمنه
طـولـي ياخويـــه طلع ،،،،
افــــزع المن بالـــركض
ياهو اعوفه وياهو اكض
المحترگ لــــو للوگـــع ،،،،
راح صوتي ومــا شفت منك اشـاره
خويه اذا بعدك عدل سويلـي چـاره
اجتنه الخيل خويه وشــاده الحيل
الماعدها زلم يحسين شيردلها غاره
شلون حيره ،،،
خويه حتى النار متحزمه عليه
شلون حيره ،،،
خويه وثمانين كلها امچلبه بيه
شلون حيره ،،،
وانه تدري حسين محترگات اديه
اويـلاه يـكـربـلـه ،،،،، اويـلاه يـكـربـلـه ،،،،،
((ہہ᯽★★★᯽★★★᯽ہہ))
كلها مـــن غارت سويه
بالحرم مچتوفـــه اديه
غاره صارت من عصر ،،،
وين نشرد خويــه تهنه
صـايــــر ع الله ركضنه
وبــعبينه احنه الجـمــر ،،،،
ضاع كلشي عليه يـــاخويه انولينه
مدري اطفي الخيمه لو طفي عبينه
وين نشرد وين نركض والله حيره
ليل وانترست يخويـــه الگـاع بينه
هاي شده ،،،
اليل خلص وانه خويه حسين مدري
هاي شده ،،،
ينترس من اركض انـــه احجار ضهري
هاي شده ،،،
ويني وين الركض خمسين عمري
اويـلاه يـكـربـلـه ،،،،، اويـلاه يـكـربـلـه ،،،،،
((ہہ᯽★★★᯽★★★᯽ہہ))
ابـ علي خــــويـه تعبنه
الخيل من نلتم تطشنه
الله لحــــــد يــــــاهـلـي ،،،،
خويه وحده من الثنين
ميته لو تفتحلي عين
اختارلــــــي الارحم الــي ،،،،
النار تركض خويه من نركض ورانه
ليل مـــــــــن نتلفت الصوط بگفانه
بحيله خويه الجيش متحزم اجانه
كلها فزعــــت محد الضـــل ابمچانه
اخ خويه ،،،
دنيا ليل وماكو خيمه البيها نلتم
اخ خويه ،،،
علينه حتى الجمر شد حيله وتحزم
اخ خويه ،،،
وين ما ننطي الوجها دخـــان نشتم
اويـلاه يـكـربـلـه ،،،،، اويـلاه يـكـربـلـه ،،،،،
((ہہ᯽★★★᯽★★★᯽ہہ))
ماكو واحد چفه خالي
ثوب لـو محبس لغالي
منكم السلابـــــــــــه ردو ،،،
ويــن مــا نمشي تعثر
لو براس ولـــو بمنحر
سبعيـن زلــمــه تــگطعو ،،،
ماكــو واحــد مــو عزيــز اعـزاز كلها
يـامره المثلي اعثرت ابجساد اهلها
مــــــو گـلـب عـنـدي يهلنه اللهُ اكبر
لا تصير ولا قبــــــل صايـــر مثلها
عاذرتكم ،،،
غير بيكم ياهلي الطف انترس
عاذرتكم ،،،
ماكو سالم حتى عبدالله انرفس
عاذرتكم ،،،
ماكو واحد صدره ما جاسه الفرس
اويـلاه يـكـربـلـه ،،،،، اويـلاه يـكـربـلـه ،،،،،
((ہہ᯽★★★᯽★★★᯽ہہ))
للـخـادم
مـقتـدى سـالـم
ما هو تحصيلك الدراسي؟؟
Читать полностью…
🪧ملـيت من تبادل نشࢪ؟
مجلد دعم مُݪۿِمَة يدعم قناتك 1500+ عضو مجانٱ لـلاشتراكہ [ @Rihanat_fatima_bot ]
دعم تلكرام مجانا هنا 👇😍🔥
/channel/+c3mFVl7zWiRkMGQy
(حزن زينب)
زيــنـب يـاخـلــگ زيــنــب
گــرّب لـيـهـه عـاشــرهـه
محـرم من يـجـي اهلالـه
يـلـچـم كـسـر خـاطـرهـه
صـوّر لـلـنــار تــتـجـدد
وعـيـلـه الوكـت طشـرّهـه
هـاي الـشـافت الـخـوان
دم تــنــزف مـنـاحـرهــه
وهـاي الرچبوهه ابـلـيـل
فـــوگ الازم اعــبـرهــه
الـلـه ايـساعـد الـحـوراء
وعِشره الحزن عَاشرهه
هيچي لـو گرب عـاشـور
بـكـل الــجـره ايـذكرّهـه
قليلـه ادمـوعـنه الـزينـب
كـون اضـلـوع نـكـسـرهـه
حگـه الـيـحـتـرك ويـنـوح
ألليلـه وحسـرتـه ايجرهـه
لـلـضـلـت بـلايــه اخـوان
وهظـم الـدهـر كـاسـرهـه
*---------------------*--------------------*
✍خادم زينب ع
الشاعر رعد الجريخي
يساكن بالگلب نبضه ودليله
الى الباري تضل اسرع وسيله
دعاء المؤمن اتضرع
سفينه وللمجد اسرع
يا اسرع وسيله
@@@
يساكن كل گلب مؤمن .. ودلالك حاظنه ابعمره
يصوره ثابته ابعينه .. مناره وگبه والحظره
حروفك ناقشه بهرشه .. على اضلوعه وعلى صدره
…
يهاللي بكل ضلع حاني عشگ صنته
عظيم وساكن ابروح المحب انته
نعيم المؤمن وصار اللقا جنته
…
الذي ينشد على درب السلامه
يخلي بوعلي نفسه وهيامه
وريده بحبك اتفرع
سفينه للمجد اسرع
يا اسرع وسيله
@@@
ألم نشرح الك آيه .. يفسرها المحب گلبه
اليحبك مايحب غيرك .. لان حب غيرك اشحبه
طريقك للنجا معروف .. ولا تيّه ابد دربه
…
الملايك خرت النورك ابد سجد
يعبره امن النبي آدم الى احمد
كتبها الباري في دمعه على كل خد
…
امر واضح يبوالاكبر محتم
قطر دمعة محب تطفي جهنم
ولا بالمحشر اتروع
سفينه للمجد اسرع
يا اسرع وسيله
@@@
موده وعطفه والاحساس .. ولطافة ورحمة المؤمن
مصادرها تضل يحسين .. بكثر معليك چان يون
تربينه على مصابك .. دموع العين بس تهتن
…
رضعنه امصابك الطاهر يبواليمه
ويغزر هالعشگ نبض المحب دمه
يكاشف كربه بالكربه ودوه همه
…
يضل واقع الك نحچي ابصراحه
على اسمك كل ملك رفرف جناحه
علاج الفطرس اشينفع
سفينه للمجد اسرع
يا اسرع وسيله
@@@
يمن للباري كل جسمك .. توذر عالارض مرمي
تضل آيه عجبها شلون .. التلاها تنجده حتمي
دخيلك بالسجل عندك .. اريد اتسجله اسمي
…
ابد ماخاب الك واحد اجه داخل
لون ظهره الهظم كله ثگل شايل
وحق الزهره امك فاطم ويه ابوفاضل
…
التحت گبتك سأل الله بسماءه
الاجابه اتفتح ابواب لدعاءه
من لسانك اذا يطلع
سفينه للمجد اسرع
يا اسرع وسيله
@@@
وجودك لله قدمته .. ونطيته كلشي بوالاكبر
بنين ونسوه وصحابك .. وچبد وافاد والمنحر
لهذا الباري قدملك .. دنيه واخره و اكثر
…
يباب الله الابد ماسد اله بابه
شفيع وبيدك امحبك صفه اكتابه
اوسيلتنه آ يحسين وامصابه
…
عقيده ثابته وابكل موالي
كتب في مهجتنه لحسين غالي
لون في حبه نتگطع
سفينه للمجد اسرع
يا اسرع وسيله
@@@
علي أحمد الحمود
٢٤-٦-٢٠٢٥
الحسين
محرم ١٤٤٧
#حصريآ_جديد🔥🔥
قصيدة جنوبيه ليلة الوحشه
{{ ونريدله وساده }}
حسين اعله الترب - ويريدله وساده
خلتحظر عمـامـه و تحظر الساده
•───✧◐◐✧───•
خلتحظر الساده شيخهم نايم
عالتربان جسمه طشره الظالم
يحظرونه هله وين اهل العمايم
{ مطشر جسمه - يلمونـه }
•───✧◐◐✧───•
يشيلون العميد الطاح عالغبره
يجيبوله چفن وتفصله الزهره
ويم راسه تجي وتنوحله بعبره
{ امه بهل ساعه - تبچي عليه}
•───✧◐◐✧───•
ياساده الحسين يريدلـه اخــوان
تحظرله العشيره ويجي الدفان
ويشيلون جسمه لفوك تربان
{ من التربان - يشيلونه }
•───✧◐◐✧───•
اسمعنه الي يموت اهله يحظرونه
فوك جتافهم والروس يخلونــه
بس حسين بالخيل ويدوسونـه
{ مطشر ليش - يخلونه }
•───✧◐◐✧───•
دم وتراب صاير جسم ابو سكينه
وزينب من اجت ماعرفته وينـه
احلفك بالزچيه تصيح رد لينـه
{ احمولي بعوزك - يالوالي }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لايجوز حذف براء الذمه من القصيده
السلام عليكم ورحمة الله وبركاتة يعلن معهد الفاطميات الثقافي عن فتح باب التسجيل للخادمات وتكون الدروس الكترونية وايضا ينقسم التدريس إلى اكثر من قسم :
المرحلة الاولى خاص بتعليم الاطوار الحسينية 🎙🌿
يكون مدة التدريس بهذا المرحلة شهر واحد فقط راح ناخذ هذن الدروس
1_ الطور الثكيل
2_ الطور السريع
3_ الفزاعي وانواعه
4_ الهوسات
تكون المشاركة بتطبيق الواتساب او التليكرام وايضا يوجد امتحانات شهرية ونصف السنة واخير السنة
وقت تنزيل الدروس ساعة 8 مساءاً
لمدة 24 ساعة الدرس نازل
ويغلق الكروب ساعة 8 مساءاً ثاني يوم
تكون المشاركة طيلة ايام الاسبوع التعليم مجاني
🌻🌻🌻🌻🌻
2_ المرحلة الثانية خاصة بتدريس المحاضرات النسائية
3_ المرحلة الثالثة خاصة بدراسة تلاوة القران
4_ المرحله الرابعة خاصة بدراسة النعي والمقامات
اذا عجبج التسجيل وحابة تسجلين فقط اذكري اسمج الثلاثي ومحافظتكم
المحافظات المقبولة بالتدريس 👇
جميع محافظات العراق
حاليا فقط تسجيل الاسماء واضافتهم بالكروب من يكمل عدد الخادمات يبدأ الدراسه
تبدأ تنزيل الدروس عند اكتمال العدد
الراغب بالتسجيل المراسله عبر رقم التسجيل
07709376943
101 ثلث دگات للعليله عليها السلام
امن الدمعه والنوح ماضل بعد روح
أتصبّر أشلون ماضل بعد روح
_________
مبحوح صوتي والدمع ضل يجري سكته
يل ماخذ اوياك الصبر تلفيني يمته
الما شافه يعگوب النبي بعيوني شفته
يوميه أموت ابغيبتك هم تدري انت
لا عيني اتنام لا أنسى الالام
دلالي مسحون ماضل بعد روح
_________
من گد وگفتي اعله الدرب رجليه طاحن
حتى حمامات السمه الشافني ناحن
ها يل عليله ما يرد يم راسي صاحن
مذبوح ابوچ ابكربلا وارسومه راحن
وينوحن اوياي عل ما شرب ماي
ذبحتني الضنون ماضل بعد روح
_________
ميت أضنه او لو عدل چا ما جفاني
چا وده عباس الگمر ليّه او خذاني
الحسين أضنه امن العطش ويلا نساني
يتمني وآنه امعلعله او دهري ولاني
من زغري وانصاب من كربلا اصواب
لا ضلت اعيون ماضل بعد روح
_________
يا حسرتي ما ودعت روحه الحنينه
او لا ماي شربته گبل ما تغفه عينه
ويلاه أضنه للخيم واصل ونينه
ما واحد ايسويله فَيّ لحد يعينه
نايم بل اشموس بل عشره مديوس
كل جسمه مطحون ماضل بعد روح
_________
راح او تركلي بس دمع عل خد يلالي
وياه راح ابكربلا عزي او دلالي
يا روحي المن اشتكي او يرحملي حالي
لسكن الهيمه وانتحب طول الليالي
او لا ادخل الدار تشعلني ابنار
ريت اندفن كون ماضل بعد روح
_________
ريت المنيه تاخذ الروح العليله
وارتاح ساعه او تنتهي الحسره الطويله
والتقي اهناك ابوالدي واغفه ابشليله
وايداوي بيده علتي من اشتكيله
وانساها الهموم وياه اضل دوم
وآلآمي اتهون ماضل بعد روح
_________
ابو فاطمة الطائي.
98 العليله
بعيوني صار اصياح مو بالمدينه
شو والـدي ما عاد ويّه الضـعينه
چم حسبه اجت ابالي .... من رد ضعنهم خالي
________
چن طير جنحه منكسر حد الجزع تانيته
شيبت دمعات النظر او كل العمر مليته
غفله او سمعت الناعي وَنّ گلبي وگع حسيته
يا ناس اهل البيت اجو ضعن الله رد البيته
لاكنه شو مخنوگ بالعبره يحچي
من ذكر اسم احسين كل حيله يبچي
واتبعثرن آمالي .... من رد ضعنهم خالي
________
فرفحت روحي اعله الدرب چني اركض اعله احلامي
اجدامي تركض حافيه او گلبي ركض گدامي
شفت الضعن كله جرح او كل جفن احمر دامي
الوجوه كلها اتغيرت مو اهلي ذني اوهامي
بين النساء اهناك حرمه حنينه
گلتلها زينب هاي ؟ والخدر وينه
چا وين ابوي الغالي .... من رد ضعنهم خالي
________
ونّت او حنّت وانحبت او گالتلي ابوچ اتعذّر
يا فاطمه مابي يجي عل غبره ضل امطبر
ضل نايم ابحر الشمس للخيل صابر معبر
الف او تسعـ ـمية جرح لوّعن گلبه او أكثر
ما منه ضل وياي بس ذكرياته
لا محبس او لا ثوب لا ضل عباته
حتى القميص البالي .... من رد ضعنهم خالي
________
يا عمه مو گلبي وگف شنهي الجره ابهل سفره
لحسين ما ضل بي نفس ؟ محد تلمّس صدره ؟؟
او لن الضعن كله بچه فد صيحه وابفد عبره
گالتلي زينب چم جرح هيجتي واچم حسره
هو اشبقه امن احسين واتلمّسه آني
ضلت ؟ ضل اعظام ؟ ضلت معاني ؟
راسه اعله رمحن عالي ... من رد ضعنهم خالي
________
با عمه شحچيلچ غصص مو خاف روحچ تطلع
يا عمه من گد العطش اصبح يگوم او يوگع
يا عمه كل طعنه انطعن لو جبل منهن يجزع
يا عمه كل حافر فرس شلع ضلوعه اتشلع
راح الحنين او راح كافل ضعنه
واخذونه لبن ازياد تالي عمرنه
او شمر الخنا يبرالي ... من رد ضعنهم خالي
________
ناديت عل دنيا العفه من عگب ابوي الغالي
يا ريتني ابعلتي متت او لا شوف هاذه التالي
چنت انتظر يرجع الي او دهري يرد يحلالي
ويلاه يطف النايبه ضلت دمعتي اتلالي
لاني الرحت وياه او بلطف اودعه
ولا دمعتي والنوح ليه ترجعه
منهو الي يرحم حالي ... من رد ضعنهم خالي
________
ابو فاطمة الطائي
اذا ضاگت عليك وماكو حل الها
اطـــرق بـــاب ام عباس وسألها
:::::
اذا ضاگت عليك وطلع شيب الراس
بالك تمــد چفك تطلب مــن الناس
اقره الفاتحــه وهــديها لم عباس
ما عندي انه غيرچ بالدمع گلها
:::::
باب ام الگمر يا ناس مو اي باب
باب الرحمه هذا وما يرد طلاب
اذا اسم الحسين اعليها من ينجاب
تگضي الحاجه الك لا ما تأجلها
:::::
اذا عندك مرض واستصعب الدكتور
لا تأخــذ عــلاج واتـــرك الناظور
علاجك يم گبرها اگصد انت وزور
بلا وصفه العلاج ادموعك اهملها
:::::
يم عباس غيرچ انــه مـــا عندي
وگفت ابابچ انــه وگفت امجدي
عليچ حسين لتخلیني اظل وحدي
اهواي اذنوب عندي شلون أحملها
:::::
اذا مليت مـــا تمتلك ذريه
ادليك بعـــلاج وميه بالميه
عليچ حسين گلها ها يبدويه
قضيتك بالثواني اعرف تسهلها
:::::
باب الله الوسيع الأبد ما ينسد
باب ام الگمــر لا مـــا يرد احد
احلفچ بالحسين انطیني هسه الرد
ارد للبيت بيدي الحاجه شايلها
:::::
علي جبار الكعبي
الفاتحه لوالدي
(عبدالله الرضيع)
ابن الساده وسفه السهم لولاه
وابــــوه الما كمل هالدين لولاه
ماندري نـــون لــحـسين لو لاه
مصايبها چبيره الغاضريه
~
حيدر بشار الدراجي
لو بالگلب لو بالمهد
ياهالخلگ نوم الولد
عبدالله ليش اعلى الرمح نايم
هذا المـچـان اويـاه مــــاراهـم
ــــــــــــــــــــــــــــــــــــــــــــــــ
احچي ويه روحي.. والچم بجروحي
گلبي مفجوع.. والادموع.. ابد ماتستچن
يعتلي نحيبي.. من يدر حليبي
وانعه بالچول.. دللول.. على اوليدي اون
واسكن البراري.. واشيطفي ناري
تحرگ الروح.. هالاجروح.. صعب فگد الابن
اليسولف ضيم گلبه ايهود اشويه
وآنه امن النوايح حيل مابيه
اريد امشي العزيزي الكله حنيه
واگمطه ابدمّعِتي واقراله لطميه
وانعاله كون امن الگلب
ازغّير ونايم عالترب
ليش الزمن وي الولد ظالم
هذا المچان اوياه ماراهم
ــــــــــــــــــــــــــــــــــــــــــــــــ
اشهور عمره سته.. وفارگت ضحكته
اوليدي عطشان.. والالسان.. يبس من الضمه
لن ابوه اجالي.. واخذ مني الغالي
وبيده خلاه.. اويلاه.. وحيلي هدّمه
ابصوته ضل ينادي.. وتسمع الاعادي
اوليدي اسگوه.. تعرفوه.. غصن من فاطمه
اذكر من خذاه حسين للحومه
لزمته وگمت اشم اگماطه واهدومه
اخذ وياه روحي وصرت مصدومه
ومن شوف الولد تاليها محرومه
احاه ينبلة حرمله
ذبحت اوليدي ابكربله
مات ولحگ عمه گمر هاشم
هذا المچان اوياه ماراهم
ــــــــــــــــــــــــــــــــــــــــــــــــ
عالگلب مچانه.. نومته وأمانه
وابني حرموه..الدللوه.. شني ذنبه الطفل
الفارگت ضحكته.. بيد ابوه رگبته
والولد مات.. حسافات.. سگوه حر النبل
وچف ابوه تدمه.. ودمّعِته اعلى هدمه
رجع محتار. والانظار. سوالف تختزل
ريت اويه الولد عبدالله دفنوني
وگبل عينه يريت انسدت عيوني
وبتراب الگبر ياريت غطوني
خذاه الموت وسفه وخابت اظنوني
وحسين دلاّله انكسر
ودموعه چن سيل المطر
واعله الولد گلب الابو هايم
هذا المچان اوياه ماراهم
ــــــــــــــــــــــــــــــــــــــــــــــــ
اوليدي اشغلاته.. اوليدي اشحلاته
اعيونه حلوات.. صلاوات.. اومحله بسمته
ابحظني ابني ريته.. ساعه مانسيته
ينّسي اشلون.. والعيون.. تحن الُشوفِته
الغالي مهده خالي.. وينبچي اعلى حالي
ابمهده خِلوه.. دشوفوه.. تِمّوت نومِتّه
بگماطه الولد هلبت يشدونه
تره اخيوط الحبل خشنه ويأذونه
الرمح يوجع رگبته الولد يدرونه
ومن حر الذبح شينوم اعيونه
ازغيرون مو مالت سبي
لاچن اعليمن معتبي
شتريد من آل النبي الوادم
هذا المچان اوياه ماراهم
ــــــــــــــــــــــــــــــــــــــــــــــــ
للسبي مشينه.. وانظر اعله عينه
وذيچ الانسام.. يالاسلام.. تلاعب گِذلته
شوفي مااديره..رحلِتي گصيره
وآنه ياريت.. تمنيت.. ابوسه ابگِصته
اوليدي عوده ذابل.. والدمع يهامل
كون اناغيه.. واحاچيه.....وانشّف دمّعِته
مثل الطير ابني ورگبته ترفه
اشلون اعلى الرمح ياهل خلگ يغفه
يابويه اشحلاها بوسته ابچفه
خذاه الموت ابني والله ياوسفه
الموت تالي فرهده
وادموعه تمطر كالنّده
حزن الولد وسط الگلب دايم
هذا المچان اوياه ماراهم
ــــــــــــــــــــــــــــــــــــــــــــــــ
حيدر بشار الدراجي
#الامام_الحسين_ع_للاصحاب_ع
صحت ربعي
لحد ما يَبس الساني انه الصياح
گومو ليه
ابنادم المكسور ايــده ع الصفاح
حسين وحده
بـاچـر الخيل اثگيله ادوسه راح
استوحدوني وكثرت عليه الزلم
ربعي باچر مايضل فوگي هــدم
الخيل من هسه عموها اعيونها
مدري المكم مدري بضلوعي الم
المكم مـــدري اخليكم
هدم ماعندي اغطيكم
،،، انعم الله منشف ادموعي ،،،
غريب واكسر الخاطر
يـ بـــاچر اخ يـا بـاچـر
،،، الحوافر تشلع اضلوعي ،،،
ياربعي تعبان حسين ،،،،
هل مره كلش مو زين ،،،
((ہہ᯽★★★᯽★★★᯽ہہ))
بالكت الله
عــــاد واحـــد منكم يگضني يگــــوم
اوشاله حيلي
حسين خلصان وعلي مو مثل كل يوم
هــــا يـربـعـي
مثــل طير ارويحتي عليكم تــحـوم
ربعي زين اوضالــه اوشالت نفس
ربعي من گد ماصحت گلبي يبس
گــــــــوه رجـــليـــه يعبرنـي متـر
بيه تــدرون انتچي بسرج الفرس
ثگل حتــى الهوه عليه
يبس گلبــي اعله الميه
،،، تفطر چـبدي وشفـــافـــي ،،،
چبيره الكسره البروحي
ثگيله وتنزف اجـروحي
،،،الركبتي واصـله اچتـافـــي ،،،
ياربعي تعبان حسين ،،،،
هل مره كلش مو زين ،،،
((ہہ᯽★★★᯽★★★᯽ہہ))
الليل اجاني
وثگل شوفي مــــن العطش يصحابي
الخيل اجتني
تخــوصــــــر ويضحك شفت ســلابي
شـلـون بـيـه
عــــــــاف كـلشــي وعينــه يم اثيـابي
عين الى و عين انــه يم نسواني
يگلي مـــوت حسين چـا شمتاني
گتلـه ميت و الموگفتني الخـيـام
مـــن الدمع غرگت يربعي ارداني
العطش سـلاب يـــاربعي
اضلن مدري اموت ادعي
،،، امـــــوت وعـيـنــي لخيامـي ،،،
يربعي الطلعه مــو سهله
زيــنــــــب تطلـــع بـهـزله
،،، ويطگها الحــادي گـــــدامي ،،،
ياربعي تعبان حسين ،،،،
هل مره كلش مو زين ،،،
((ہہ᯽★★★᯽★★★᯽ہہ))
الخيل سدت
عليه درب الخيمه والـذباح يضحك
ليش يضحك
أشــــــر ابيده ويـگـلــي ذاك رمحك
وبـعـد گـلـي
ع الضهر يحسين اگلبك من اذبحك
مـــــــــن اذبحك مــاي اذب ع النحر
حتـــــى امـــــــوت زينب اگبالك قهر
وراح اعصب اعيونها الخيل التچيك
يگلي حد مـــــــــا گلبك يدگ بالضهر
درب للخيـــل تــالـينـه
ثگيله وتسحگ اعليـنـه
،،، الشمس تشــــرب ملامحنه ،،،
حبيبي ياحبيب افـــــزع
ع صدري الشمر يـــتـربع
،،، الحوافـــر تشــــرب ابــدمنه ،،،
ياربعي تعبان حسين ،،،،
هل مره كلش مو زين ،،،
((ہہ᯽★★★᯽★★★᯽ہہ))
للـخـادم
مـقتـدى سـالـم
خلنه يرتاح توه الشمر خلص ذبح
خلنه يرتاح راسه وراه رفعة رمح
گطعوله توهم رگبته خلنه ياخذ راحته
خلنه يرتاح خلنه يرتاح
ياعمه گومن نمشي وندوره
عن الحوافر بالكت نوخره
ونغطي جسمه العريان
ياعمه ابوچن تعبان
((ہہ᯽★★★᯽★★★᯽ہہ))
ذاك ابوچن _ الرافع ايده
وبيها بس اربع اصابع
حيل بيچن _ نمشي يمه
اعله وجها حسين واگع
عمه ياهو البيچن الجابتله اهـــــدوم
مبين مـــن بعيد عمه اهوايــه ملچوم
شفته من شال ايده بس مايگدر يگوم
صاح زينب خويه ردي صدري مثلوم
اشرلي بيده رجعي الحسين
ذاك ع صدره الصاعد امنين
بعيونه طب الدخان
ياعمه ابوچن تعبان
((ہہ᯽★★★᯽★★★᯽ہہ))
لزمي گلبي _ عمه سكنه
بنحره حط الشمر سيفه
شفته يضحك _ گلبه بارد
ضل يجر سيفه ع كيفه
مـــن الضهر ياعمه يگطع گام نحره
و اعله كيفه امتعبه ضل سيفه يجره
عمه ما ينكض ابوچن كاض شعره
شفته وبكعب الرمح طگه ع ضهره
يفرك ايدي بين الرمل حاير
تل ع صدره من الحجر صاير
مذبوح بالحر عطشان
ياعمه ابوچن تعبان
((ہہ᯽★★★᯽★★★᯽ہہ))
خيول عشره _ عمه فوگه
تروح عنه وتـــــرد يمه
شيب راسه _ لونه احمر
ذاك حافـــر جـار هدمه
عمه غمضن وصلت الخيل الثگيله
عمه غمضن جايبه نص من شليله
نوگف اهنانــــه يجي اليل ونجيله
بالكي عنه تــــروح ونروح ونشيله
شوفن يعمه الحافر اشسوه
ديــــرن وجهچن گـام يتلوه
شوفنه غط بـ التربان
ياعمه ابــوچن تعبان
((ہہ᯽★★★᯽★★★᯽ہہ))
شفافه زرگه _ مــاي رايد
كل مكان بجسمه ينزف
والله حيره _ حسين ابوچن
الرمل يچوي وجسمه يرجف
مـــــاي متبدي برمل صعبه شيلمه
عمه اخ يصيح ابوچن مـــن الزمه
يفرغ الغربيل اذا حط فوگه جسمه
عمه ماضل من ابوچن حتى هدمه
معقوله هذا حسين معقوله
تــارس يعمه الطف ابطوله
حيله بسحگهم خلصان
ياعمه ابوچن تعبان
((ہہ᯽★★★᯽★★★᯽ہہ))
هوسه فوگه _ ثاني رجله
وايده يمسح بيها نحره
اضلوع ماكو _ بصدره ضلت
اليمه يوصل ما يعبره
ما شفت واحد رجع من عنده خالي
عمه من رجعو بديهم كلشي غالي
فـــرهــدوا بـــالهيمه ياعمه حـلالي
صفت زينب بالغرب وحدها تــالي
التعبانه الله يعينها الباچر
المابيها تركض تشبگ الحافر
من هسه اندور امچان
ياعمه ابوچن تعبان
((ہہ᯽★★★᯽★★★᯽ہہ))
عبدهـم
مـقتـدى سـالـم
لو ظهر الامام المهدي عجل الله تعالى فرجه، فهل انت فعلا مستعد لنصرته؟
Читать полностью…
♦️تم نشر قصائد منبريه هنا 👇
👉 /channel/sajad100w
بنات رسول لله
نـعـرفــه ايـوفّـي بـالكـلـمـه .. وديـنـه
خبـر للضل عـلـه الـشـاطـي .. وديـنـه
نـگـلـه احـترگـت اخـيـمـنـه .. وديـنـه
يـبـو فـاضـل تـضـل لـو بـيـك جـيـه
*-----------------*-------------*
✍خادم الحسين ع
الشاعر رعد الجريخي
يلكبر .. ضناي وعالارض جسمه توذر
يلكبر .. مثل ورد الشجر طاح وتبعثر
يلكبر .. بشفار اسيوفهم جسمه تطشر
يلكبر .. يلكبر
@@@
وويلي .. اوقعت يمه واضمه عالوطيه
وويلي .. وگله يولدي بس رد عليه
وويلي .. لچنه ساكت ابدمه التعفر
يلكبر .. يلكبر
@@@
ألمه .. جروحه بكل محل من وين اضمه
ألمه .. صرت بس ابچي بالمصرع واشمه
ألمه .. واسد جرح الذي للهامه طبر
يلكبر .. يلكبر
@@@
ششيله .. ضناي اطرافه متوزعه بلسيوف
ششيله .. اشيلن ساعده واطيح لچفوف
ششيله .. وترى حتى العظم منه تكسر
يلكبر .. يلكبر
@@@
يعباس .. تعال اسندني ياخويه وعضيدي
يعباس .. ياريت ابگبله حزوها وريدي
يعباس .. د جيب الباريه انشيل التوذر
يلكبر .. يلكبر
@@@
تتانيه .. ترى امه ابدعاها بالمخيم
تتانيه .. شگول الها ترى ضنواچ ماتم
تتانيه .. شجيب الها گمر بالدم تعفر
يلكبر .. يلكبر
@@@
علي أحمد الحمود
٢٣-٦-٢٠٢٥
شهادة الأكبر ع
ملا زهير العجمي
الى الكوفه هيبه عظيم وامين
ثقه ابكل وجوده رسول الحسين
وعد بنتظاره
امير السفاره
ثقه ابكل وجوده رسول الحسين
@@@
وصل للكوفه من لحسين
الى من طلبته مرسل
مسلم والنعم منه
عالم واصبح الافضل
نطوه ابجيته البيعه
وبيه الكوفه تتوسل
يگلهم جيت من لحسين
ويگولوا اهلا بالوصل
…
اجوله ابعهدهم فداء او فاء
شيوخ العشاير تلبي النداء
الحسين وبداره
امير السفاره
ثقه ابكل وجوده رسول الحسين
@@@
وسافه الكوفه معروفه
ابد مابيها توفي ابدين
بعد ما ضاگت اعليها
تركت مسلم يدير العين
من المسجد طلع وحده
ولا يدري يروح ألوين
اغدرت بالبيع من عافت
مسلم ما معاه امعين
…
يدور ابصككهم وحيد وغريب
فلا هاني يمه ولا هم حبيب
شبعدها دياره
امير السفاره
ثقه ابكل وجوده رسول الحسين
@@@
الضمه فتت لحم چبده
ولا وگفت اله ادموعه
الى ان ربي قدرله
يوگف عد سكن طوعه
اعرفت هذا الذي واگف
غريب بديره مگطوعه
ابن خي الوصي حيدر
وعليه الكوفه مجموعه
…
تفضل يمسلم تگله تعال
ونعم منها حرمه تساوي الرجال
إباها بقراره
امير السفاره
ثقه ابكل وجوده رسول الحسين
@@@
ابن طوعه ابن كوفه
طباعه مو مثل امه
الغدر واطماع للدنيه
سرت بعروگه وابدمه
عرف مسلم وسط بيته
راح وصرح ابأسمه
باع الآخره ابدنيه
وشرى من الباري النقمه
…
الى الشرطه بلغ لگيت المراد
وغضب الله شاري برضا ابن زياد
د عجلوا حصاره
امير السفاره
ثقه ابكل وجوده رسول الحسين
@@@
كتايب خيل تردف خيل
تحاوط مسلم ابوحده
وطلع ليهم اسد غاضب
غير السيف ما عنده
فزعهم شتته ابكيفه
بجهاده وعزته وجهده
الى ان طاح بالحفره
وطاح السيف من يده
…
وحيد وجريح وتسحبه الجنود
ضباع وتولت اسد من اسود
الجعلهم حياره
امير السفاره
ثقه ابكل وجوده رسول الحسين
@@@
الى ابن ازياد مسلم صار
اسير ابلا هله وناسه
وعلى دار الاماره يكون
مسلم ينگطع راسه
ألتفت صوب الطفوف وصاح
وناده اليشري بانفاسه
ابد لا تجي يبوالاكبر
الغدر عهدك تره داسه
…
الى الطف توجه ينادي الامام
وداعا حسينا عليك السلام
حزينه العباره
امير السفاره
ثقه ابكل وجوده رسول الحسين
@@@
علي أحمد الحمود
٢٤-٦-٢٠٢٥
شهادة مسلم ع
ملا رضا المحسن
نعي ندبه لطلب الشفاء
من مولاتي فاطمة الزهراء ومن فاطمة بنت الحسين العليله
لو مسنه المرض نندب الزهره
منچ نكلها نريد نضره
نحلفها بأبنها وكطع نحره
تشافينه وتحن علينه
ندريها بالشده تجينه
على احبابها امنه حنينه
ماينفع دوه ولافاد دكتور
كتلنه المرض وكلوبنه تفور
ومجبل علينه شهر عاشور
تعبنه المرض مابينه حيله
وارواحنه صارت نحيله
نشكي الهظم يم العليله
عليله وتحن اعله العليلات
تزيح المرض ماتظل ونات
تشافي يكون الخادمات
اليوم المرض كثران كثران
ونريد وكفه من ام الأحزان
تمد ايدها اعله الضال وجعان
بقلم ام علي الإماره
♦️تم نشر قصائد منبريه هنا 👇
👉 /channel/Bany_Hashime
100 ام البنين عليها السلام
أيُّـها السّائـِلُ عـَنهـا إِنهـا أمُّ الـبَنيـن
أُمُّ أقمارٍ زَواكي ما رأت مِنهُنَّ عَينْ
_______
أيُّها السّائِلُ عَنها هاكَ مِن عِندي الجواب
كوكبٌ دُرّيُ هٰذي يَتَوارى في الحِجاب
لها في الطفِّ جُرُوحٌ وافتِجاعٌ وَعذاب
مِثلُ فرضِ الصَّلواتِ دمعُها في كلِّ حين
أم أقمار زواكي ما رأت منهن عين
_______
لَستُ في المدحِ أُغالي وَجُزافاً لا أقول
هيَ صرحاً للوفاءِ لَنْ تُحِط فيها العُقول
جَسّدت معنى التّفاني لِعيالاتِ الرسول
في السّما والارضِ حقّاً لا تَرى إِلا الحُسين
أم أقمار زواكي ما رأت منهن عين
_______
لبوةُ الكرارُ أمٌّ لِـليوثٍ ضاريات
أَربعٌ عبّاسُ مِنها ذاكَ سُلطان الفُرات
مَن لَهُ الهاماتُ تُحنى والنّفوسُ خاشِعات
هوَ والقلبُ فَدَتهم بِسم ربِّ العالمين
أم أقمار زواكي ما رأت منهن عين
_______
هُمُ قُربانَ الولاءِ قَدّمتّهم للأِمام
وَتُمنّي النّفسَ أنْ لوْ مَعهُم أُسقى الحِمام
أَربعٌ عِندَ الفراتِ وَأَنا دونَ الخيام
آهِ مِن تلكَ الأَماني آهِ مِن ذاكَ الأنين
أم أقمار زواكي ما رأت منهن عين
_______
آهِ مِن تلكَ الأَماني بُعثِرتْ مِثل السَراب
فَحُسيناٌ ماتَ ضامي جِسمهُ فوقَ التُراب
وَعليهِ الخيلُ تَمضي بِذهابٍ وَأياب
رأسُهُ فوقَ الرِّماحِ حَملوهُ فَرحين
أم أقمار زواكي ما رأت منهن عين
_______
مِثلَ عِرجونٍ قَديمٍ هٰكذا أُمُّ البُدور
جَسَداّ خاوٍ كَسيراً فيهِ روحاً لا تدور
روحُها للطّفِ راحت سَكَنت عِندَ القُبور
مالَها غيرَ الدموعِ مِن أنيسٍ أو مُعين
أم أقمار زواكي ما رأت منهن عين
_______
ابو فاطمة الطائي
99 يا صاحب الزمان
يبو صالح يبو صالح يبو صالح مدد
_______
ياحلم كل عين
دارك الحد يمته خالي يا حلم كل عين
ألراد يحچيلك عذابه يتّجه لا وين
يا ترى ابيا عزه گاعد تنتحب لحسين
هايم بين اجروحك واعيونك تصب
يبو صالح وانا روحي مشلوعة گلب
تنتظرك بس مدري تلزم يا درب
يبو صالح يبو صالح يبو صالح مدد
_______
تدري يل موعود
ما تهنّينه ابعمرنه تدري يل موعود
ابغيبتك ضلت علينه بس ليالي السود
يا صُباح الله اعله بختك عجل النه وعود
زرعك أحنه او زرعك مَنْ غيرك أله؟
كل روح امن اغيابك والله امعلعله
يعني هم افراگك هم طف كربلا
يبو صالح يبو صالح يبو صالح مدد
_______
أَعرفك مكسور
اعتب او غصبن عليه اعرفك مكسور
لچن هاجت نار بيه والگلب مجمور
احسين محّد أخذ ثاره صار الف عاشور
مو ثوبه الهل ساعه يتگاطر دمه
اينشرونه ابكل عام او تبچيله السمه
اتعاين ليه واتندبك امك فاطمه
يبو صالح يبو صالح يبو صالح مدد
_______
من گلب مالوم
مو فقط امك تندبك من گلب مالوم
كلشي بل افلاك رادك هل مسيه اتگوم
گوم شوف الشيعه صارت كعبه مال اهموم
چي والي ما عدنه عادتنه البشر
تفجير او تكفير او گص امن النحر
ايعيرونه بغيابك ؟ وينه المنتظر
يبو صالح يبو صالح يبو صالح مدد
_______
يا سليل الآل
اهواي بينه جروح تدّي يا سليل الآل
وِرثناها امن العقيله من عجد الحبال
حيل توجع يبو صالح. تشده الكل البال
مو لجروح الشيعه التنطر جيتك
رد يا بعد عيوني الخاطر عمتك
چم مره ابحسرتها زينب ندبتك
يبو صالح يبو صالح يبو صالح مدد
_______
المنذبح عطشان
تنسه ابو السجاد ويلي المنذبح عطشان
تنسه نسوانه السبوها ؟ او حرگة الصيوان
تنسه زينب چتفوها او طبت الديوان
چم دوب ابدمعاتك عايش والحزن
او چم دوب او هل شيعه التنتظرك تون
حنّ اعلينه او عجّل يا مهدينه حِنّ
يبو صالح يبو صالح يبو صالح مدد
_______
ابو فاطمة الطائي