141
قناة الرادود سيد باسم الموزاني
الشاعر الحسيني فرحان البزوني:
ابوذيات لاستشهاد السيده الزهراء عليها السلام
ردت وياچ موتتنه متاني ؟ متى انا
اشوفچ يمته يالزهره متاني انتظر
عِجزت نعشچ تشيله متاني متوني
عجزت وحيلي بعدچ خان بيه
الوكت يالزهره من فرگاچ ضلعاي عجاج
مو ظل الشمس وياي ظل عاي ظل من العاج
تمنيته انكسر وياچ ضلعاي ضلعي
وموت وياچ يالزهره الزچيه
يدنيه بدفتر الاحزان گلباي اقلبي دفتري
صابر والصبر مايوم گلباي قل
ويه الزهره انه ادفت گلباي قلبي
وعشت دنياي ماظل حيل بيه
✏خادم العتره
الشاعر الحسيني فرحان البزوني
/channel/hussienbnAli
على الي منكطع نحرة ...نواسي فاطمه الوهرة
.................
نواسي المرتضى حيدر ...على مصاب الجرة على بنه
ونواسي فاطمه الزهرة ..الشافت موقف الدفنه
يضل حزني مدة الايام ..على الي هشمو صدرة
نصيح بصوت يامضلوم ...يبو اليمه ويضل ذكرك
اجينة بدمعة وبعبرة ....نواسي فاطمه الزهرة
.................
يحسين بفخر ننعاك .....نريد نموووت كلنا وياك
اسلم من يسلم عليك ......وعادي كلمن العاداك
سلام الله على جروحك....يبو الاكبر نظل ننعاك
الك هذا العهد مولاي ....يمن عالفطرة واليناك
تظل وسط الكلب جمرة ...نواسي فاطمه الزهرة
................
نصبنة بكل كلب مأتم ....الك ياسيدي ومولاي
مواكبنه تنادي بصوت...ويصرخ لو شربنه الماي
عهد يحسين ماننسة ...وبهذا النهج مشاي
يمن غيرك ولا نهوة....على مودك عفت دنياي
دخيلك سيدي نظرة .....نواسي فاطمه الزهرة
..................
نعزي قأئد الامة.... الام المهدي ونصارة
على الفوك الرمح راسة ..على الماشافته حرارة
يبو صالح يمهدينا ..نريدك تاخذ بثارة
مايشفى جرح كلبك...كل عاشر تشب نارة
ثارك انت تنتظرة ...نواسي فاطمه الزهرة
......................
الشاعر علي ثامر الشمري ٢٠١٨
/channel/hussienbnAli
#قصائد_الامام_السجاد_ع_1440
مؤسسة مــﮠــبـريــۅن للالــﺡــــــان
#الــﮠـاشــر_اﺡـــمد_الزوار
ــــــــــــ◐◐◐◐◐◐◐◐◐ــــــــــــــــ
قصيدة في رثاء سيد الساجدين وزين العابدين علي بن الحسين عليهما السلام
عذّبوك وشفتـك تلـوج وتنـوح
عذّبوك وصرت مجمع للجروح
ياعلي السجـاد يبنـي
فاطمه جيتك بحزني
عذّبوك وصرت مجمع للجروح
ياعلي بليلة وفاتـك جيتـك واجـري الدمـع
فاطمه آنه الحزينه وايدي يبني عله الضلع
جيت اواسيـك بمصابك ادري گلبي ينفجع
ادري يتجـدد عـذابـي وجرحي يمك يتّسع
والجرح چبدك جرحني
هيّـج آلامـي ولچمـنـي
يالعليل دموعي بعيوني تفوح
عذّبوك وصرت مجمع للجروح
بكل مصيبة وياكم احضر آنه امكم فاطمه
يبني وعيوني لجلكم مو دمـع تجـري دمه
گلّي يالسجــاد يبنـي ياهـو چبــدك سمّمـه
انشلت يمينـه عسـاها دعـوتي لرب السمـه
ياعلي السجاد انشـدك
ياجرح يبني اليضهدك
بالمصــاب وخلّـي دلّالك يبوح
عذّبوك وصرت مجمع للجروح
آنـه يمّـك ياحبيبـي امّـك وگلبـي انچـوه
تعـالـج بسِمّك اشـوفـك خلّ نتعذّب سوه
انفاسك اشعر بيها تطلع گوه تشهگ للهوه
من كثـر آلام چبـدك جسمـك نشل ونطوه
يبني اصبر عالمصيبه
الله يرعــاك وحبيبــه
سمّموك وانت يالطبعك سموح
عذّبوك وصرت مجمع للجروح
يبني يالسجـاد انت حجـة الله عله البشر
من بني اميّه وحقدها تحمّلت ضيم وقهر
بسمّهم القاتل سگوك وچبـدك الليله انفطر
ياحبـيــب الله وّليّـه مـا رحـم بيــك القـدر
ليلـة مصـابـك عظيمــه
ابچي وصرخ ياهضيمه
مالي حيل وللألـم ما بيه روح
عذّبوك وصرت مجمع للجروح
فاطمه الليله حضرتك آنه يبني بدمعتي
يبني يم راسك انوحن وانت تسمع ونّتي
انظـر لحـالك تغيّـر وانـه ذابـت مهجـتـي
چنّـك تگلّـي ييُمّـه والله ذابـت چـبــدتـي
ياعلي هوّد ونينـك
الله يوليدي يعينك
وياي اريدك تمشي عنك ما اروح
عذّبوك وصـرت مجمـع للجــروح
ياعلـي السجــاد يبنـي چبـدك تگـطّــع وذر
ذكّرتني بمصرع ابني حسين مگطوع النحر
بالسهـم چبـده تگطـّع صـابه ولظـهــره عبـر
ويلي وبخيل آل اميه صدره يوليدي انكسر
ظل ثلث تيام جسمه
بلا دفن ويسيل دمه
ذكّـرتنـي بزينـب الظلـّت تنوح
عذّبوك وصرت مجمع للجروح
خادم الامام علي السجاد عليه السلام
سيد زيد الفحام
_______________________
✿ مؤسسة منبريون للالحان رقم 1
@ahmed_alziwar1
✿مؤسسة منبريون لنشر القصائد 2
@ahmed_alziwar2
✿مؤسسة منبريون للمقامات3
@ahmed_alziwar3
✿مؤسسة منبريون للنعي4
@ahmed_alziwar5
اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA
/channel/hussienbnAli
#قــصــیــدة_رثــاء
نداء,السيده زينب ع مع جسد
اخيهاالحسين سلام الله علــيه ..
عنوان القصيده: (#حــكاية_ألــم)
ســلامی ســلامی الک ارسل ســلامی
کـــلامی کـــلامی اوجـهلک کـــلامــی
غَصُب و امشی ســـبیه
بحــبل مچـــتوفه ادیه
( اوجهلک کـــلامی )
❂❂❂❂❂❂
خویه أوَجــِهــّلک کلامی و اســتمع
وادری وی کل چلمه یسبگنی الدمع
الماضی بعیونی رجع نفس الوضع
ابحرگ الخــیام اذکرت کَسر الضـلع
خـــیامی خــیامی توج ضلت خــیامی
کـــلامی کـــلامی اوجـهـلک کـــلامـــی
َ
شفـــت نـــار الســـریـــه
اذکـــرت بـــاب الزچـــیه
( اوجهلک کـــلامی )
❂❂❂❂❂❂
عــثرت اجدامی تســـولفـــلک خـــبر
امـهروله و ما ادری یا صــوب المــفر
یا ذبیـــح الجـــســـمک اتـــوذر وذر
بیه چم نشـــقه الـــتفت صَّم الصَخَر
احـــامی احامی عن ایتامک احـــامی
کـــلامی کـــلامی اوجـهلک کـــلامــی
عــــَلَی صعبــــــه الـــــرزیه
عفــــت جســمک ضحـــیه
( اوجهلک کـــلامی )
❂❂❂❂❂❂
غارت اخیول الخصم صوبک لفت
و انته عـــاری ومنذبح یاخی دِرت
مارِعـَتک فوگ ضلـــعک هـــَوِّسـت
ابلارحم داســت وجســـمک وَذرت
وسامی وسـامی ارفعت اسمک وسـامی
کـــلامی کـــلامی اوجـهــلک کـــلامــــی
تدوســـک الاعـــوجیه
ابحـــوافــر آل امـــیه
( اوجهلک کـــلامی )
❂❂❂❂❂❂
خویه تتفـرج علی اِخـتَک هَلـــزلم
اتحــیرت باطفـــالک و بیهـم اَلــم
ارکض و تلـــتف عـــباتی بلجـــدم
نوب اطیح ونوب انهض واسـتهم
اهـــتمامی اهتمامی للاطفال اهتمامی
کـــلامی کـــلامی اوجـهلک کـــلامـــی
اعــله شـــوک الغـــاضریه
شفـــت طاحـــت رقـــیــه
( اوجهلک کـــلامی )
❂❂❂❂❂❂
خویه مهـــتمه وردت یمـــک اَصـــِل
بس ضربنی اعله الوجه سوطه النذل
اشلون امشی وانـــه مچتوفه ابحبل
و اِبعـَــباتی اتلــوذ چم طـــفله وطفل
اســـامی اســـامی أعِد بیهن اســـامی
کـــلامی کـــلامی اوجـهلک کـــلامــی
ألـــم ســُـــوط و أذیـــه
بگــیت اشـــگف بـــدیه
( اوجهلک کـــلامی )
❂❂❂❂❂❂
ابهیمة الوادي احس موتی اقـــترَب
وحیلی من گد رکـــض کلش تعَـــب
لئن صـــوط الشمر بمـــتونی لعَـــب
حِرَگ خیمـــتنه اِخَذ کلشی و غِصَب
التـــزامی التـــزامی بلایتام التــزامی
کـــلامی کـــلامی اوجـهلک کـــلامــی
الشمـــر یضحک علـــیه
و ینـــادی الخـــارجــیه
( اوجهلک کـــلامی )
❂❂❂❂❂❂
تمت بعون الله تعالی
کلمات خادم الحسین ع
سیدمحمدالموسوی (المحمره)
@almusavi
/channel/hussienbnAli
بعد ان قُتل الحسين ع جمعوا النساء والاطفال في مكان واحد وارادو ان يعطوهم قليلا من الماء فأبت النساء والاطفال ان يشربوا الماء الذي حرمهم من الحسين ع. ألا رقيه ع اخذت الماء وتوجهت به صوب الحسين ع وهي تقول..
بويه هذا الماي جبته.. بويه گبلك ما شربته
بيدي اشربنك اريد.. العطش اذاك اكيد
،،،،،،،،،،،،،،،،،،،،،،،،،،،،،،
ابعصر عاشور اجوهن عگب ماذبحوا زلمهن
ماي جابوا للفواطم العطش لمن كتلهن
عاينن للماي لكن رفضن ايشربنه كلهن
رفضن ايشربنه هنه چي حرمهن من اهلهن
ولنها گام اتصيح طفله.. والدمع عالخد تهمله
ومارضت ابداً تهيد.. العطش اذاك اكيد
،،،،،،،،،،،،،،،،،،،،،،،،،،،،،،
استغربن كل الفواطم فتركن ولنها رقيه
تگله للسگاي اريدن صب الي بچفي ألاميه
الماي ماشربته لكن ركضت ادور خطيه
تگول ابوي حسين ضامي وارد اشربنه بديه
ركضت ادور اعله ابوها.. ويم جسد عاري لگوها وتحچي وجثت شهيد.. العطش اذاك اكيد
،،،،،،،،،،،،،،،،،،،،،،،،،،،،،،
تگله يابويه ذكرتك الماي اول مانظرته
العطش بويه نسيته وچبدك الضامي ذكرته
من چنت بالحومه ضامي گلبي يابويه كسرته
تصيح گطرت ماي اريدن وصوتك اتموت عبرته
سمعتك وماتت اجدامي.. وتالي مت وانته ضامي ومنك انحز الوريد.. العطش اذاك اكيد
،،،،،،،،،،،،،،،،،،،،،،،،،،،،،،
ردت اجيلك بويه لكن عمتي گوه منعتني
وحين شفته يحز وريدك بچفهه عمتي غمضتني
بس يبويه صوت ونتك ترس أبأذني اوصلتني
وصوت رض اعضام جسمك بالمخيم فززتني
ردت اجيلك ماوصلتك.. ماعرف ياهيه جثتك
شو صرت كلش بعيد.. العطش اذاك اكيد
،،،،،،،،،،،،،،،،،،،،،،،،،،،،،،
وهسه يابويه اجيتك لكن بياحاله شفتك
شنهي صايربيك بويه گوه يابويه عرفتك
چنت متعوده اني اشمك انته تدريني برگبتك
وچنت متعوده اشبگك هسه محتاره بشبگتك
ماكو رگبه وبيها اشمك.. وبويه گلي شلون اضمك ماتلمك بويه ايد.. العطش اذاك اكيد
،،،،،،،،،،،،،،،،،،،،،،،،،،،،،،
يالمتت عطشان بويه ريت عمري دون عمرك
هذا بويه الماي جبته وراح اديرنه عله نحرك
چنت متعوده من اجيلك بويه اغفه اني عله صدرك وهاي اول مره راحن اغفه يابويه عله ضهرك
لان من ابرجله داسك.. من گفه حز بويه راسك
ياغريب ويا وحيد.. العطش اذاك اكيد
الشاعر عقيل الحسناوي.
/channel/hussienbnAli
عمة رايح بالسلامة ... تدفن العافو يتامة
أدفن حسين وأخية
وأرجع الدفنت الرقية ... التشبه أوصاف الحمامة
......
عمة يا سجاد رايح .. تدفن حسين وعضيدة .. الله وياك
بصبرك أتحزم يعمة ... رايح تشاهد مصايب.. موجعة هناك
هذا الحال الدنية أعلم .. بيك ماترحم تحاول .. تمحي ذكراك
روحي أخذهة وياك خلهة ... وشوف تشبع من اهلهة .. الزادو ابجاك
من بعدهم هذا حالي ... مرافكة النوح الحلالي
من بعد غدر ال أمية
""""""
لو وصلت الشاطي قبل .. راسي اخوي الكلة غيرة .. رفعة الراس
ما خلف أبدأ وعودة .. وافـة حد كطعة زنودة .. راعي الاحساس
حامة عني وعن عيالي .. ما وصل واحــد وفائة .. بيـــن هالناس
كلة ما ناسيتك أختك .. بيك يالكافل تسولف ..دوم عــباس
أكصد الصوب الشريعة ... تلكة جفينة الكطيعة
برايتة أجفنة الحمية
.........
يبن أخوي اللحد وسعة .. لا تضيكة أعلى الحبايب .. كثرة الجروح
نازفة من أجسوم اهلنة ... وبالاخص حسين عفتة .. نحرة مذبوح
ياضوة العين أعلى هونك .. من تغسل حسين أخيي .. غسلة بالنوح
بهيدة لو نزلتة كبرة .. صدرة نازف لا تلجمة .. فارك الروح
حسين زيد عمه ناري ... أعتنيتة ودمعي جاري
أشكد ندهتة ايرد الية
......
تعلم بموتت رقـــية ... حاصلة أبـــهاي المسية ... يبن الاطهار
راح تبجي تريد أبوهة ... والكفر مايرحموهة ... عندك اخبار
من تشوف الراس دامي ... بالطشت دمة أيتناثر ... راح تنهار
طفلة ما تحمل تشاهد ... منظر أيهد الرواسي ... تنظر صغار
بساعك أرجع لا تأخر ... وحدي أنة بهمي أعثر ..
تدري ظل بس أنت الية
وأرجع الدفنت رقــــية
......
الحمدلله رب العالمين
اللهم صل على محمد وال محمد
موسى الخادم
/channel/hussienbnAli
القصيده الرابعه
قصيده للحوراء زينب عليها السلام
حوار بين الحوراء واخيها العباس عليهما السلام وهي متوجهه للسبي
خويه ليهمك سبي
انه من طينة نبي
بت علي الكرار واسمي الفاطميه
لكن الله رادني اتسمه السبيه
/////////////////////
خويه عباس الوداع بهل مسيه
راح اروحن يا اخو زينب سبيه
وانته تدري بحال هاي الهاشميه
يحدي مركبها زنم من ال اميه
لكن اقسملك قسم
اله اتركه وي العدم
واهدم اركان القصر فوك ال اميه
لكن الله رادني اتسمه السبيه
/////////////////////
من اردلك انه اسولفلك مواقف
عن يزيد شلون عفته ابقصره خايف
التعده الهيبتي ماضنه عارف
بت علي متغذيه صولات ومعارف
كلمتي من السيف احد
عزمي من واحد احد
راح اندمهم عله الي صار بيه
لكن الله رادني اتسمه السبيه
/////////////////////
لترك ابكل خطوه من دربي علامه
وناعيه ابطول الدهر تبكي الضلامه
واهي من راد ابذبحكم انتقامه
طفكم اصبح مدرسة ل اهل الشهامه
انه من عدكم درس
يحدي بيه وما يحس
منبر اعلام اليبين هل قضيه
لكن الله رادني اتسمه السبيه
/////////////////////
الكادكم ياخويه الله ردله كيده
ابيتامه امعلعله وحرمه وحيده
احنه ياعباس ثورتنه جديده
والله بدروس الحرب تبقه مجيده
النصر نصر الدمه
هذا مبدأ فاطمه
ما ارد اله بنصر ل اهل الحميه
لكن الله رادني اتسمه السبيه
/////////////////////
اله اعرفهم مقام اهل الرذيله
واترك الروس التعادينه ذليله
انه بت حيدر علي حرمه جليله
السباني يابو فاضل والله ويله
انه لبوه من اسد
يمك اكطعت العهد
يابو فاضل وارفع الرايه ب اديه
لكن الله رادني اتسمه السبيه
&&&&&&&&&&&&&&&&
احمد عيسى البديري
/channel/hussienbnAli
ها يمة يحسين && انه ام الابنين
بالسلامة من تجيني && قدمتلك كل بنيني
انه ام الابنين...........
*****************************
يمه رايح مودع الله ادعي ترجع بالسلامة
لو غبت يوليدي لحظة يمة تكتلني الملامه
تدري هجرك يمه يصعب بكلبي تارك جم علامة
ولدي كلهم علمتهم وياك موتتهم كرامة
خذني وياك && كلبي يرجاك
حسين ضامي و يرويني && قدمتلك كل بنيني
انه ام الابنين
*****************************
تعرف الفاكد عزيزه خلص عمره بروحته
والرحل عن بيته غالي يعيش هو ودمعته
امك انه وبالنفس يحله بأسمك نسمته
تعرف ابكلب الغريبة يكضي يومه بونته
والضوه راح && بليل النياح
يعطش الشوفك حنيني && قدمتلك كل بنيني
انه ام الابنين
******************************
و داعت الله رايح انت ظلمت بعيني الليالي
انت عندي كل حياتي ولدي ترخصلك يغالي
يبني ارجع ارده اشوفك ظل مكانك خالي
تدري يحسين وحياتك الحزن والهم صفالي
كلها عباس && ترفع الراس
بالكلافه تكَرها عيني && قدمتلك كل بنيني
انه ام الابنين
*****************************
دمعتي نشفت بعيني تعمه بعدك هل العيون
ادري ولدي مأمنتهم حرس تبقه للاضعون
معلمتهم عله الشهادة وفدوتك كلهم يروحون
يرد سالم ابو اليمة ما تخيبني الظنون
عيونك اتشوف && يوم الطفوف
بدمهم محنيه جبيني && قدمتلك كل بنيني
انه ام الابنين
*******************************
دهري مايرحم يغالي جرعني مُر بروحتك
عيوني غَركتها المدامع تعمه يمه بغيبتك
كل رباية انه يبني ترد روحي بشوفتك
فدوه تعبي و كل سنيني لو اشوفن جيتك
تعبي و أرباي && فدوه مولاي
ريت يكطع لي وتيني && قدمتلك كل بنيني
انه ام الابنين
*******************************
انه اواسي الزهرة امه نذر ولدي قدمتهم
يموت ضامي ابو اليمة عله الشهادة عطشتهم
يمه عباس انه اعرفك صور ترسمها ابدربهم
ولدي كلهم لبو اليمة فدوة للزهرة انذرتهم
من يطيحون && ما يوافون
اعليك مابطل ونيني && قدمتلك كل بنيني
انه ام الابنين
الشاعر علي القزاز
/channel/hussienbnAli
⬛◼◾🔲🔲◾◼⬛⬛◼◾🔲🔲◾◼⬛
#الشاعر_أسماعيل_الجوراني
#نزله
.............
تبديل الرايه الحسينيه المباركه
..............
رايت أحسين العزيزه أنصونها
أونبقه ناكل من فضل ماعونها
..............
راية العز والكرامه أبجالها
أنزامط العدوان ونشل حالها
أنبدل الرايه أشيهل أهلالها
وحنه مانسوه فلس من دونها
...............
وينه وينه الداعشي وذنابه
حاسبين اليوم زين أحسابه
خاف يتناسه العفو يتغابه
الروح ننطيها أوأبد منخونها
...............
عاليه أوماتنزل الرايه أبد
علعهد بلدم نوقع علعهد
أمه ماطلكت ولاجابت بعد
اليوصل الرايه أويهز أغصونها
...............
أحمديه الرايه نحميها أبدمه
نقسم أبضلع الزجيه فاطمه
أبحيدر الكرار حماي الحمه
موت أحمر نصفه علياذونها
...............
أنبدل الرايه أونعاهد كربله
أجنونه بحسين بعده أبئوله
قافله للموت تتبع قافله
أنصير والرايه يظل مظمونها
..............
أحسين ورثنه القناعه أبثورته
وحنه خدامه أونظل أبخدمته
نحلف أبراسه الشريف أورايته
روحنه حب الحسين أجنونها
.................
فاطميه النيه صولة حيدره
حسنيه الذات غيره أموزره
زينبيه أبزود سبع الكنطره
أبدم الحسين أستحقت لونها
................
ليلة أهلال الشهر دستورها
أيئذن أويعلن بده عاشورها
راية أحسين أبشرف منظورها
أيسكت العالم فخر مكنونها
..............
/channel/hussienbnAli
⬛◼◾⚫⚫◾◼⬛⬛◼◾⚫⚫◾◼⬛
#الشاعر_حسين_ابو_عباس_الكعبي
الليله ابو صالح يغير الرايه
وبضريح حسين عنده قرايه
رايه سوده تعلكت..........فاطمه تبجي اجت
............................................................
الليله ابو صالح كصد رايد يغير الرايه
والخدم وياه اجت رادت تسوي قرايه
شيعتك يحسين اجتك كلهه الك وفايه
وباسم ام الحسن خل نبدي التعزايه
فاطمه ويا فاطمه يا فاطمه
بهل شهر ابنج يمس كلبه الضمه
الرايه لمن رفرفت.........فاطمه تبجي اجت
............................................................
المهدي بيده جاب رايه وصاح حي عله العزاء
يله خل نلطم يشيعه على الصار بكربلاء
احنه مجلسنه بضريحه والملائك بالسماء
وكله مشتاكه لمحرم والله حتى الانبياء
كله مشتاكه لمجالسنه ونعينه
يله اسمعو الخادم وسمعو ونينه
كله لمصابه نعت..........فاطمه تبجي اجت
.............................................................
تبدي الليله المصايب بالمحرم من يهل
بهل الشهر كله اتذبح ولد فاطم تنجتل
المهدي فوك الرايه يرسم صوط واحبال وطفل
والاميره شلون تالي باليسر شدهه الحبل
رايه الطف ترتفع هالليليه
المهدي بهذا الشهر هد حيله
المنايا الهم مشت........فاطمه تبجي اجت
...........................................................
حسين ثوبك ينشر هاي الليالي بالسمه
والمطر مو ماي ينزل ينزل علينه دمه
المهدي ثوبك بيده شايل تمشي ويا فاطمه
حسين ماي شلون صارت ماي ويلوحه الضمه
جن نشوف بثوبك اثار الحوافر
احمر من الدم يوسفه الثوب صاير
والثياب اتمزكت ........فاطمه تبجي اجت
...........................................................
بضريحك كلهه اجتك لابسه اسود تصيح
يا حبيبي يا حسين ويالثارات الذبيح
عل ترب مذبو ح وسفه وعل رمل نايم طريح
نوافي جيناك بلطمنه اه يبو كلب الجريح
يا ابو الاكبر كاصدين لكربله
واحنه غيرك ماكو النه نرتله
لخدم بسمك رددت...........فاطمه تبجي اجت
/channel/hussienbnAli
يانار الافراك شخليتي بية
أخذيتي عباس من بين ادية
تدري الهجر ما ينحمل** ارجع الي ياابا الفضل
اخذيتي عباس من بين ادية
#####################
ارد اكلمج عفته يمج عينه جانت هيه عيني
ردت يمه حته اشمه صدك رايح مايجيني
صدك باجر بدمع هامر يبدي موسم من ونيني
بيه حسرة بقت جمرة بيهه يسعر ظل حنيني
عذبني عباس درب المشيته
وتشوف الايام لا مانسيته
افراك الاخو لا مو سهل** ارجع الي ياابا الفضل
اخذيتي عباس من بين ادية
******************************
ابجالك اميرة يانبي الغيرة غير ظلك مااشوفه
انه حياتي وساعة مماتي خوية وجهك مااعوفة
بكسر الخواطر ودمع النواظر وجرح بعدك من يروفة
زينب تشوفك لا ماتعوفك اجيت ادور عن جفوفة
ياجرح المصاب ضيع حياتي
ناديته ياموت كرب مماتي
منهو الي حملي ثكل ** ارجع الي ياابا الفضل
اخذيتي عباس من بين ادية
********************************
افراكك يعباس يجرح بالاحساس انت كلشي الي لكيته
جرحي التشوفه ينزف تعوفه يظل ينزف ما نسيته
من ذيج الاسنين شايلني بالعين وياك عمري الي كظيته
مو حكه الافرات ابجفك ايبات نبع جفك ماجفيتة
زينب تريدك تمسح دمعه
تحجيلك الصار ازرك متنهه
شوف الجره بي وحصل ** ارجع الي ياابا الفضل
اخذيتي عباس من بين ادية
******************************
خوية تحضرني والظهر محني الغالي هجره شسوة بية
ردت تجيني مطفيهه عيني صخام خيمي تشوفة أدية
كلبي يندبك ماتحمل اختك عمر الورد مايحتمل اذية
سهمك رماني يمك لكاني روحي كبلك تلتكَي المنية
طفوهه عينك طفوهه عيني
سهم الاصابك ردتة يجيني
جسمي مثل جسمك وصل ** ارجع الي ياابا الفضل
اخذيتي عباس من بين ادية
**********************************
مجروحه الامتون تسمع يشتمون ذاب كلبي يا حياتي
دمعي البجيته يجرح لكيته دمعي بللها عباتي
امنية عمري تغفه اعله صدري يا حلم هاي امنياتي
اعيشن شلون ياضوه العيون انت يانبضي وغلاتي
ياربيب الروح تحشمك اختك
يا ابو الاحساس تحاجيني ردتك
وجهة انترس كله خجل & ارجع الي يا اباالفضل
اخذيتي عباس من بين ادية
*************************************
اجيتك يغالي اتشوف حالي عمري مايرهم بدونك
بكسري اجيلك اعرف دليلك يجرح اعتابي شجونك
مخضب لكيتك دم بلحيتك اسهام ترسوه عيونك
اكعد دخيلك اجرح دليلك غير الحر خوية لونك
وينك كفيلي حركوا خيمنة
ياخوية تدري طايح علمنة
العلم طايح يا بطل & ارجع إلي ياابا الفضل
اخذيتي عباس من بين ادية
خادم الحسين / علي القزاز
/channel/hussienbnAli
خروج كعبة الرزايا لقمر العشيره :-
(( لطميه ))
منهو اعاتب .. سهم جودك يابحر
منهو اعاتب .. سهم عينك لو نظر
منهو يحميني من اطيح
وصوتي متحجب يصيح
ياابوفاضل ...
<><><><•••••••><><><>
١/
الكعبه من تنطاف سبعاً وانه طفت على النهر
وأسعى ما بين الخيام وبين مكطوع النحر
التلبيه اختلفت يربي صوتي كبر ياكمر
وقصرت بالمشيه خويه خاف يلچمني النظر
#ياكفيلي ... بشوفتك انهي الطواف
ياكفيلي ... بغيبتك كلش اخاف
دمعي لفراكك يسيح .. وصوتي متحجب يصيح
ياابوفاضل
<><><><><><><>
٢/
طلعت ادورك بالمعاره وللاخو منتظره
وشفت مو سهم بجربتك خويه فوك العشره
عيوني غارت دمعي اسود ينزل آه شكبره
عثرت جدامي بچفوفك طايحه عله الغبره
#راعي الجود .. شفت راسك منهشم
راعي الجود .. كلب زينب منلجم
والنفس بيه شحيح...وصوتي متحجب يصيح
ياابوفاضل
<><><><><><><>
٣/
طفت ياخويه على چثتك والعلم يمي التوه
والثمت جودك وزندك ورفعت ساري اللوى
جيت ياخويه اشتكيلك عايل علينه الهوى
مره يحركلي خيامي ولعباتي هم چوى
#ياحمانه ...عكبك تسلب خدر
ياحمانه .. ترضى اختك تنسطر
وخدي مثل امي جريح ... وصوتي متحجب يصيح
ياابوفاضل
<><><><><><><>
٤/
مشيت والحومه بنبلها تعتني لرجليه
رايده تشكك عباتي وانه بت علويه
خويه كوم وياي ضاعت مني چم ابنيه
والجرح شيب رموشي أنسلبت البوشيه
#يمك اشكي.. جرح كلبي والمحن
يمك اشكي .. غربتي بهذا الزمن
وانت متوسد طريح .. وصوتي متحجب يصيح
ياابوفاضل
<><><><><><><><>
٥/
شفت ياخويه المصايب وانه حرمه لحالي
هم جبيره وهم غريبه بلا كفيل او والي
انطبكت ضلوعي وعيوني شابحه على اطفالي
وخيمه ماعندي وظلام ومن يباري عيالي
#اطفال عندي .. تستجير من الظلام
اطفال عندي .. بچت عيون الحمام
همها رادت تستريح ..وصوتي متحجب يصيح
ياابوفاضل
<><><><><><><>
٦/
انهض انهض ياچفيلي بكلبي ظلت جمره
عيون عدوانك سهام وتنظره على الحره
سوط يتلوه بمتوني وعيني امست حمره
مسلبه سكنه ورقيه والرباب بحسره
#ليلي مانام .. وعندي طفله هايمه
ليلي مانام ... الحرم تشكي من الظمه
اندبك وانعى الذبيح .. وصوتي متحجب يصيح
ياابوفاضل
<><><><><><><><>
✍🏻 بقلم احمداللعيبي
لايجوز حذف الاسم او الرابط
ونســـألــكـم الـــدعــــاء
/channel/Altef1
٢٨/ ذوالحجه /١٤٣٩ هـ
/channel/hussienbnAli
من خدمتك صرت امير .. وبالشدايد ما احير
هواي هيه افظالك .... امشي هيبه بجالك
ياحسين .. ياحسين
............................
عيشتني بعالمك بالدنيه هيبه
الوادم يصيحون هناله بحبيبه
روحي صارت من خدمتك كلها طيبه
لاعرف معنه الغرور ولاكو غيبه
مأتمك ينطي الدروس ..بيها طهرت النفوس
حكي من انعالك .... امشي هيبه بجالك
............................
انت ايات التواضع علمتني
الدنيه الو ما انت بلهم ضيعتني
شسوه والناس اعلمودك دلللتني
حت لو الجم جروحك ماعفتني
واليخدمك شي اكيد .. يختلف عن العبيد
وينجه الاتعنالك .... امشي هيبه بجالك
............................
من عشكتك غيرت معدن حياتي
ما أتييه اي فرض يوم بصلاتي
ماخذ حسين بخدمتك صك نجاتي
وادري بيك هناك تحضرني بوفاتي
واليصير من الخدم .. تحرم اعليه الحمم
اعليه داير بالك .... امشي هيبه بجالك
............................
عايش بريتي هوه وما لحضه اعوفك
رحمة الله اعليه يالغالي اشوفك
انت يا كعبة عشكنه بشوكي اطوفك
حكة فطرس ينتضر جيت ضيوفك
احمل اشواك وغرام .. عايش براسي الهيام
انه جا شسوالك .. امشي هيبه بجالك
*********************
الناس حسدتني بخدمتك يا امامي
حسين من خيرك صرت عالي المقامي
صرت بالدنيه امير امشي بهيامي
وين ما انطي الوجه زاد احترامي
امشي بسمك وين اروح .. حسين احسك بيه روح
الخادم اسوالك .. امشي هيبه بجالك
*********************
امشي والدنيه ورد تمطر عليه
وانه من جيتك ترست اثنين اديه
حسين ما عوفك ابد حد المنيه
اشكد احبك ياحبيبي تدري بيه
انت للمحشر امان .. ياحسين بكل زمان
ملك من يدنالك .. امشي هيبه بجالك
*********************
تمت
احمد الخفاجي
/channel/hussienbnAli
من المهد الكم حنيني
وناذر لهالدمعه عيني
صار هذا العشگ ديني .. والهويه
....
من گبل لا يبدي عمري وتنفتح بيبانه الي
بعالم الذر وانتوا حبكم نور وبفضله اعتلي
ربي خيّرني بعشگكم وانه اشوف الحق جلي
بصلب ابوي ورحم امي صوت يهتف يا علي
ذابت انفاسي بهواكم
اتجمّل الكون بثراكم
للشرع ثورة هُداكم ... عالميه
.....
يا وجه رب الديانه ويا عيونه الما غفن
كل غريب الماله دنيه انتو صرتوله وطن
ابابكم عگدت لساني اتحلهه چويات الزمن
(اتضيگ) وبدمعه اعله جفني المالهن حَل ينجلن
ما برد گلبي لجرحكم
بوجه بيتي انخَط اسمكم
كل مسه اتسيل لحزنكم .. دمعه اليه
....
الدنيه تبعدني واجيكم بالمدامع معتذر
كل عسر لو مر عليه بعده الگاكم يسر
واليحب ،، الحُب يغيره ويشتعل مثل الجمر
وانه غيرني هواكم ليل ويمر بي فجر
مساهر بحبكم ليالي
لحظه ما فارگتوا بالي
بالحقيقه وبخيالي .. عشتوا بيه
....
الجرح بيكم .. بيّه احسه .. وهاي حالات اليحب
الناعي من يذكر جرحكم جاوبه بـآآه الگلب
و حتى مجلسكم (مُعزّي) ما ردت بيه انحسب
لابس اسود واجري دمعي وانه اتلگه اليطب
بيا حُسين الصوت يعله
للمصاب الماي اسبله
هالعزاء لدمعي قبله .. بكل رزيه
.....
حلم كل انسان عنده وحلمي اعيش الفاجعه
عندي امام وحزنه حزني وحتى بالدمعه اتبعه
و لو ردت ابعث سلامي جفني مو چفي ارفعه
اتوضه بالعبرات واقره الزياره الجامعه
انخلقت الاكوان الكُم
بچّه عرش الله دمكم
ناحت الاملاك لامكم .. للزچيه
.....
#سعد_هادي_الشمري
/channel/hussienbnAli
حصريا الناشر عباس التميمي
معتنيهم يزينب معتنيهم** معتنيهم يزينب معتنيهم
"""""""""""""""""""""""""""""""""""""""
اقسم ابخـدرج تـرف ماخلي رايـه
اليـوم اجتـفهه الكتايـب والسـرايـه
اوراح اجيـبنهـم الـج كـلهـم سبايـه
الجيش ابن سفيان هـاي اخرنهايـه
انـه اخـوج الطالبي******اليوم لسبيهم سبي
"""""""""""""""""""""""""""""""""""""""
انه راعـي المـرجـله والغيـره والـزود
اسمي سبع الكنطره اوتعرفني الجنود
يـخـتي لـوبـيهـم زلـم تـتـعـده الـحـدود
والله اعـيـدن خـيـبـره والخندق اردود
انه ابن خير العمل***اليوم اردحرب الجمل
"""""""""""""""""""""""""""""""""
اسمي سبـع الكنطـره اوبالـشـده معـروف من اطب سوح الحرب ما اعرف الخوف اليـوم اكص روس الزلم واعيونج اتشوف والله ازلزلهه الـطفـوف اوتمطـر اجفوف
الشمس لازم تنطفي****يختي والطـف ينجـفـي
""""""""""""""""""""""""""""""""""""
يخـتي مـن يـوم الضلع اطلبهـم ابـثـار
ذوله همه الصـوبـو ضلع امنه بسمار
بيهم اليوم ارد اسوي الماجره اوصار
راح اسويهـم حطب واحركهـم ابـنـار
وقـلـع العسكـرقـلع****اطلب ابـثاراالضلع
"""""""""""""""""""""""""""""""""
انه اخـوج الهـاشـي اوبالحـومه عيدي
الـه اخـلـيـهــم يـبـت حـيـدر عـبــيـدي
شبت الغيره اوطفح غيضي ابوريدي
يـستـرالله لـوصـلـت والـسـيـف بيدي
هاشمي اوما انثني****والـلـه لـفـنـيهـم فني
"""""""""""""""""""""""""""""""""
خادم الحسين عليه السلام&حكيم الفرطوسي
ترديد قصائد حسينيه مكتوبه لمجموعة من الشعراء اضغط هنا وشوف👇👇👇👇👇
https://telegram.me/joinchat/BnKZ3D8Cfzskz4PmaOQpqg
تريد قصائد حسينيه مو أصوات الرواديد اضغط هنا وشوف 👇👇 👇👇👇
https://telegram.me/joinchat/BnKZ3EDmhrwoeBT9kLSvSQ
تريد كروب للقصائد الحسينيه وألحان منبريه مختلط اضغط هنا لقراءة 👇👇👇👇
https://telegram.me/joinchat/BnKZ3D7f0FOCZ9atjlNIBw
للتواصل اضغط هنا @Abas747
/channel/hussienbnAli
🌹🌷🌸🌹🌷🌸
🌺〰🌹〰🌸🎵 على الي منكطع نحره🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/علي ثامر الشمري 🌺☘️
🌹🌷🌸🌹🌷🌸
🌺〰🌹〰🌸🎵 عذّبوك🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/زيد الفحام 🌺☘️
🌹🌷🌸🌹🌷🌸
🌺〰🌹〰🌸🎵 سلامي سلامي🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/سيدمحمد الموسوي🌺☘️
🌹🌷🌸🌹🌷🌸
🌺〰🌹〰🌸🎵 بويه هذا الماي جبته🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/عقيل الحسناوي🌺☘️
🌹🌷🌸🌹🌷🌸
🌺〰🌹〰🌸🎵 عمه رايح بالسلامه🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/موسى الخادم🌺☘️
🌹🌷🌸🌹🌷🌸
🌺〰🌹〰🌸🎵 انه من طينة نبي🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/احمد عيسى البديري🌺☘️
🌹🌷🌸🌹🌷🌸
🌺〰🌹〰🌸🎵 ها يمه يحسين🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/علي القزاز🌺☘️
🌹🌷🌸🌹🌷🌸
🌺〰🌹〰🌸🎵نزله للهلال🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/اسماعيل الجوراني🌺☘️
🌹🌷🌸🌹🌷🌸
🌺〰🌹〰🌸🎵الليله ابو صالح يغير الرايه🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/حسين ابوعباس الكعبي🌺☘️
🌹🌷🌸🌹🌷🌸
🌺〰🌹〰🌸🎵 يانار الافراك🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/علي القزاز🌺☘️
🌹🌷🌸🌹🌷🌸
🌺〰🌹〰🌸🎵 منهو اعاتب🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/احمد اللعيبي🌺☘️
🌹🌷🌸🌹🌷🌸
🌺〰🌹〰🌸🎵من خدمتك صرت امير🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/احمد الخفاجي🌺☘️
🌹🌷🌸🌹🌷🌸
🌺〰🌹〰🌸🎵من المهد الكم حنيني🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/سعد هادي الشمري🌺☘️
🌹🌷🌸🌹🌷🌸
🌺〰🌹〰🌸🎵معتنيهم يزينب معتنيهم🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/حكيم الفرطوسي🌺☘️
🌹🌷🌸🌹🌷🌸
🌺〰🌹〰🌸🎵شاب وبوجناته ماي الاوصياء🎶🌹〰🌸〰🌹
🌸🌺سيد باسم الموزاني🌺🌸
🌺〰🌹〰🌸🎵🎶🌹〰🌸〰🌹
☘️🌺 الشاعر/ياسر العارضي🌺☘️