1731
رايد اختم عمري وياك بچلمتين بسكرة الموت ارد اصيحن آه يحسين @Hussein_alekaby
شهادة الزهراء ع. (نزال)
نعم نعم. صيحه قائمه
خدم. خدم. لأمنه فاطمه
………….
درب الزجيه واضح. درب السلامه
اذا نمشي عن بصيره بطريق الخدامه
عرفناهه حجة الله وكفيلتنه هيه
يغيمه وعلينه تمطر غيره وشهامه
السيده العظيمه. العالمه الكريمه
تجمع خدمهه كل عام. ويصير اسمهه خيمه
ام الحسن كرامه. للمؤمن وعلامه
لبيكي يا ام حسين. صرختنه للقيامه
عهد عهد. نخطه بالدمه
خدم. خدم. لامنه فاطمه
…………
بدنيانه هايه عشنه. على الله وعليهه
ورزق الخدم نشوفهه كله من اديهه
عزيزه على الله هيه. والهه الشفاعه
سمعاً وطاعه صحنه ونسمع حچيهه
للخادم امنياته. هيه حبل نجاته
الما يمشي درب الزهراء . ما تنقبل صلاته
هيبتنه بالمجالس. وتأسست مدارس
مو قفهه وي الكرار. طلع زلم عوابس
زلم. زلم. اطم عين السمه
خدم. خدم. لأمنه فاطمه
………
ليالينه فاطميه. وحسيني عشكنه
ثاني محرم احنه. بدينه بدمعنه
بكثر دمعتهه اعله ابنهه. نقيم المجالس
بياض الوجه نشوفه. بلطمة صدرنه
خادم يتبعه خادم. نواسيهه بالمآتم
مجلسهه بي كل الخير. سلطانه العوالم
الله لجلهه خالق. جنته والنمارق
نحضر عزاهه والله. لو نصبو المشانق
نجي. نجي. للعزه بضمه
خدم. خدم. لأمنه فاطمه
…………
من اول روايه نخدم . لاخر روايه
الله بكتابه فاطم. نزلهه آيه
كوثر گلب محمد. هيه ام ابوهه
بيهه ابتده عمرنه. وبيهه النهايه
من نحضر العزيه. هيه دعتنه هيه
تدعو الخدم بالاسماء. هالدعوه فاطميه
ريحانة النبوه. والخدمه الهه تسوه
واليحضر العزاءات. عاقبته والله حلوه
وعد وعد. الحامي الحمه
خدم. خدم. لأمنه فاطمه
......................
حكايه وبلا نهايه. بيهه ابتدينه
راية عزه رفعنه. ترفرف بدينه
ترضه علينه فاطم. هذا املنه
الزهره التلمنه باجر. هيه السفينه
شدت حزم خدمهه. نخفف اجينه المهه.
الخدمه امان من النار. باقي يرف علمهه
محميه هل شعائر. يوميه عدنه عاشر
هاي المجالس والله. نفديهه بالمناحر
تظل تظل. نعمه دايمه
خدم. خدم. لأمنه فاطمه
..........................
مايبرد بعزاهه. جمر المصيبه
ضلت بلامحمد. فاطم غريبه
ولاننسه كربلاهه. وذيج المصايب
والظل على الترايب. جثه وسليبه
نحضرهه ليله ليله. ودمع الحزن نسيله
احنه بلايه ام حسين. ماعدنه كل وسيله
ونكلهه كل عزيه. مشكوره يالزجيه
افضالج اعلينه هواي. يارحمه للبريه
غدا غدا. هيه حاكمه
خدم. خدم. لأمنه فاطمه
…………
نسألكم الدعاء
حسين صادق العقابي
https://youtu.be/vzxURGSW2UE?si=nC-6I6awbiy0MNzR
Читать полностью…
https://youtu.be/l3cWauKAS7I?si=hscn_Y-zHJh8Sasy
Читать полностью…
قصيدة للامام العسكري ع
مهدينه تكبر قصة جروحه
عالعسكري الليله شكثر نوحه
كلب الامام. اعليه السلام
…………..
من اول ضلع مكسور. الى كسرة كلب ينعه
يهب يوميه ريح الموت. ويطفّي من الاهل شمعه
يكضي مصاب يبدي مصاب. ومن دم طيحة الدمعه
ايامه محن. وعيونه بچن
مهدينه غريب. ضايعله وطن
يوميه الم. يوكعله علم
وسنينه عذاب. وبكلبه سهم
لبست سواد الليله سامره
بالحضره لازم تحضر الزهره
لبدر التمام. اعليه السلام.
…………
المهدي من الحزن متعوب. وحده ودمعته بعينه
وحيد وما اله خوان. وهوه بأول سنينه
الجنازه تريد شيل متون. الليله محد يعينه
بعيونه جرح. وبكلبه رمح
وآلامه هواي. عايشهه ذبح
بانفاسه جمر. وبكلبه كسر
كدامه ابوه. حفروله كبر.
هالو تراب الحسن كدامه
الكله محنّه خلصت ايامه
اخر كلام. اعليه السلام
………….
الدورة وجهه للعباس. وجمال حسين بعيونه
مثل حسين عالعباس محني ومنخطف لونه
شاب وشيب من الضبم. وثكل الدنيا بمتونه
كضاهه حزن. والدنيا سجن
للوالد دوم. ظل كلبه يحن
كسروله كلب. تره وضعه صعب
وهواي الناس. بس كلهه غرب
نرفع ادينه وخلي ندعيله
ياربي مهدينه تشد حيله
سيد الانام. اعليه السلام
………..
نصفي النيه كون وياه. وعدل نمشي على دربه
نطيعه بكل وعي واخلاص. حتى نوصل لكلبه
يشوف اعمالنه بكل يوم. واليذنب شكد صعبه
لو انته محب. وعالفطره تحب
احذر دنياك. مو كافي ذنب
للمهدي نذر. ضحيله عمر
خليك وياه. من تمشي حذر
عوف الذنب والذنب ميفيدك
للعزه المهدي جابك من ايدك
عالي المقام. اعليه السلام.
………….
مصاب العسكري كل عام. عهد للمهدي يتجدد
يظل هذا الحزن للدوم. بكلبنه جمره ماتبرد
الى ان يظهر القائم. باب الحضره ما تنسد
من نكصد اله. ينادينه هلا
وصوت الخدام. بالحضره عله
ماننسه ابد. منطينه وعد
وكل الزوار. ينطيهه مدد
مشتاكه والله ارواحنه هوايه
ليوم الظهور ورفة الرايه
ليومه اهتمام. اعليه السلام
……….
نسألكم الدعاء
حسين صادق العقابي
https://youtu.be/p24I1XImfbM?si=cu6icuI0cQf9tjE2
Читать полностью…
https://youtu.be/hbnOJfSczvs?si=gLsO8zc9ZQLJEkBd
Читать полностью…
https://youtu.be/72wSqqG7QwA?si=RDB_9FTLcm__HJ_B
Читать полностью…
https://youtu.be/7CY3FMQSjEk?si=-q_MJp7AkqN8gROf
Читать полностью…
السبي
تدري لو ماتدري بيه يابو فاضل
رايحه عنك سبيه ابلا محامل
كبالي شمات. ياحرامات
......................
مغوشه عيوني ياعباس. ومدري بيا كتر طحتو
حتى اتوجه واندب. وين من الحرم رحتو
غمضت عينكم للموت. بحالي اشصار ما شفتو
لو ظل بالمناحر صوت. يزينب آه چا صحتو
بمنحر الضامي يصير السيف جمره
وانتو معذورين كلمن عنده عذره
والامل مات. ياحرامات
..........................
عمت عيني صحت لحسين. وانه صاعده اعله التل
خويه الحك اجتنه الخيل. وبالطف كلشي ما اندل
كام وعالوجه لن طاح. ودمه من النزف وشل
يبس من المناده اعليهّ. لساني وكلبي ظل يذبل
والشمر كدامي كاعد فوك صدره
وكال احركو الخيم حين الكطع نحره
بصدري حسرات.. ياحرامات
.......................
يبو فاضل واشوف الناس. اجت تركض عله خيامي
مشاعل بيدهم من نار. وحركو كلبي واحلامي
ركضه وخايفه انشاف. وجدمي من الجمر دامي
ومحتاره بعلي السجاد. راد يموت كدامي
وين اخوتي النامو بحر الظهاري
لحكو لمو عيالكم من الصحاري
بعيني دمعات.. ياحرامات
.........................
لميت الاطفال وحيل.. يا عباس مابيه
متعوبه وحك عيناك. ومن الضيم محنيه
شتسوي لون تشوف. الحبل بچفوف علويه
شتسوي اذا ام عون. زينب تمشي مسبيه
الليل اجانه وكيدونه بحبل واحد
وكل يتيم كبالي ظل متاني والد
كلشي لچمات.. ياحرامات
.........................
كلهه من التعب نامت. واني عيوني سهرانه
وطر فجر السبي والضيم. واخيتك حيل تعبانه
وجابولي هزيلة نوگ. آنه الجنت سلطانه
گتلني المستحه من الناس. شماته وتمشي ويانه
كلها عمه تصيح وشبيدي عليهم
تورمت من الحبل ياخويه اديهم
شكد معاناة. ياحرامات
...........................
مشيت وصحت ياعباس. يخوي الخوتك حلوه
الدنيا ولاطعم بيهه. بدونك كلشي ماتسوه
مشو بالضعن خويه دروب. تهد الحيل كل خطوه
يخويه ومنتظرنه الشام. بي جرة النفس كوه
راسك انته اعله الرمح حرز السبايا
نمشي خويه وتمشي ويانه المنايه
كلها صعبات. ياحرامات
…………
نسألكم الدعاء
حسين صادق العقابي
https://youtu.be/5xs2fCATQ50?si=ZTsXPoWoZ55V-svZ
Читать полностью…
يشايل راية الله العاليه والفوگ
يچف الغانمه والبي ترد حگوگ
الاول يا علي لغيرك ابد متلوگ
ياحادي الحگ وسكانه
قصيدة لمولاي علي الاكبر ع
الاكبر.
حيا الله الاكبر من نزل وتوسط الحومه والهيبه برسمومه
صوته ظل يعتلي. من هتف ياعلي
حيدر بالطف يسمونه
……..
ليل چان الطف ظلامه وجهه چن طلعة كمر
بمشيته چان الهدوء ويمشي چن ماي بنهر
شبل الحسين وخيامه بزوده مامرهن خطر
وچان بدروب المنايا يعشك هواي السفر
وكت الحرايب لو زعل من خزرة عيونه
والكل يعرفونه
هاشمي ومفخره. زوده من حيدره
حيدر بالطف يسمونه
……….
من نزل شبل الهواشم. صوته بالحق يعتلي
بصوت صاح إني علي ابن الحسين ابن علي
سيف ينزل عالجماجم. ياجيوش اتزلزلي
وصاح يابكر ابن غانم. مني اسمع مايلي
هاليوم الك اخر نفس. لا ماترد سالم
يابكر ابن غانم
بسيفي دار الفلك. بس جهنم الك
حيدر بالطف يسمونه
……….
چم كتيبه الهم محاهه اله تشهد صولته
ومن يكول حچايه بالطف ما يثني حچايته
ونذر من عباس طلبت امه عكدت رايته
ربي يل رديت يوسف. علي رده لخيمته
هذا الشبل من هالاسد. ومن الكمر زوده
من يكرب حدوده
من رجع وابتسم. ضوه كل الخيم
حيدر بالطف يسمونه
…………..
نزله وحده ماتكفي. وما يمل من الحرب
وصاحو العسكر اجانه ابن الحسين الصعب
الكاع تهتز حدر جدمه. وبالزلم صار الرعب
حايره سبعين الفهم. كلهه ترجف من يطب
الساتر الله بصولته. تتراجف القاده
وينومس الساده
بيده سيف ودرع. مايعجبه الوضع
حيدر بالطف يسمونه
…………
علي وهذا الاسم خوف مخلي بكلوب الزلم
والكتايب من تشوفه تصيح اجانه المنتقم
الفتى الهاشمي طبعه يموت بس ما ينهزم
رغم ما عطشان كلبه. للحرب طب مبتسم
يوصل سلام لحضرته من وسط المخيم.
وحسينه بي مهتم
نبض ابو والكلب. طايح اعله الترب
حيدر بالطف يسمونه
………….
ثبت بدمه مواقف. للقيامه بكربله
انطه روحه حتى تبقه بالامان العايله
چان حتى الهوه بزوده مايمر مدلله
بمنحره چان المناصر شاب عمره بأوله
ونكتب تاريخه بدمه. وتخلدت روحه
صارت ضوه جروحه
بكلبه اخر نبض. دمه روه الارض
حيدر بالطف يسمونه
…………
نسألكم الدعاء
حسين صادق العقابي
قصيدة لمولاي القاسم ع
حيا الله جاسم. شبل الهواشم
……..
من نحره مرسال عريس شحلاته
ابن الحسن دوم يا محله صفاته
مافكر. بموت. كل همه بصلاته
خاطر ستر الخيام. قدمهه حياته
سجل ملاحم. شبل الهواشم
……….
مادنك الراس. يحسب هايه ذله
ولو جارته تفوت. راسه هنا ينزله
ولو صاحب اختار. باخلاقه يعدله
كله بدرب الحسين. خدمه بلايه ذله
باخلاقه دايم. شبل الهواشم
………
لامه گلب چان. ينضح بس محنه
ويبوسلهه الاقدام. شم جواهه جنه
للوالد مثل ماي. ماخيبله ظنه
ويفرحه بنجاحات. شاب وماكو منه
من زغره عالم. شبل الهواشم
………
القاسم بالحسين. اعله الله مقامه
بحسين وخدمته بس چان اهتمامه
من شافه بله انصار. هز بيده حسامه
حلمه يكشخ بموت. بالطف بسلامه
ويرد المظالم. شبل الهواشم
……….
كل شاب اذا راد. ميصافح يزيده
بالقاسم درس چان. وبهاي القصيده
لو اعداء الحسين. مسوهه العقيده
ميعز روحه للموت ويقدم وريده
وبهايه فاهم. شبل الهواشم
…………
مذهب علي هواي. شو مستهدفينه
كالو بس تلطمون. واكدنه بحچينه
احنه ندك الصدور من تلطم ادينه
ونثبت بالميادين. علمنه علينه
تصيح المآتم. شبل الهواشم
نسألكم الدعاء
حسين صادق العقابي
قصيدة لشهادة الزهراء. ع
شكد صحت انا لله. حاچيني لو بحچايه
بهذا الوكت يم حسين. بعازتج انه هوايه
علي وكسره بضهري
ذبل يمج عمري
........................
بخير اني كضيت العمر. بانفاسج ولا منسكر. ياحيلي ياعافيتي
يافاطمه انه علي.هالسكته منج مو الي
حاچيني يا ام بيتي
مانزلت دمعتي كبال شمات
وهسه بفركتج شافو دمعتي
تعب كلبي وكلت موكت الغياب
يفاطم ليش عفتيني بغربتي
بالوحشه متروس الدار. موتج ولا بحسابي
عفتيلي اطفال زغار. يغله واعز احبابي
صحت آ يا دهري
ذبل يمج عمري
.........................
للبيت اطب والمشكله. اشتاك من صوتج هلا
من شوفتج حرموني
من رحتي يانبض الگلب. عالمكبره صار الدرب
وماضل دمع بعيوني
على كبرج ارش الدمع والماي
وسورة والعصر اقراهه وابچي
چم مره صحت اني علي بصوت
واهمس فدوه يازهراء احچي
ولا لحظه قصرتي وياي. وبعشرتج مشكوره
بكبرج وضلعج مكسور. بالسكته هم معذوره
حرت والله بأمري
ذبل يمج عمري
.........................
بالباب اثر يافاطمه . بسمار بي يابس دمه. وذاري الرماد كبالي
وچف دم على الحايط شفت. حسره جبيره تحسرت. بس الله يدري بحالي
شكد مرن عليي بالدنيا صعبات
انكثهن مثل نكث العبايه
بس ياضيم من كدامي ضربوج
وطحتي كبالي چن طيحة الرايه
لوما وصية المختار. ياهو اللي يوصل بيتي
سم الصبر اجرع كون. والموت چان امنيتي
غرب وصلو خدري
ذبل يمج عمري
………….
خليتج اعله المغتسل. بلا حيل ومضيع الامل
من مثلي ضايع رايه
شفت اني بعيونج دمع. من مرت ايدي اعله الضلع
ثاري الكسور هوايه
اول كسر من عصروج بالباب
وثاني كسر بالبسمار شفته
وثالث كسر لمن طحتي عالكاع
هنا كلبي بده تعثر نبضته
ضليت تالي بلا حيل. للكاع طحت بوني
ناديت عم ياسلمان. بلكت تجي تساعدني
خلص يمج صبري
ذبل بعدج عمري
....................
ظليت وحدي بلا وطن. وعيشني بالغربه الزمن
والعمر لا مايسوه
راحه ولا تحصل بعد. لا ما اظن ترجع ابد. ذيج الايام الحلوه
زينب والحسن يالزهره وحسين
يكسرون الكلب كل مغربيه
بكل چلمة ييمه تنزل دموع
يصير البيت وحشه بكل مسيه
مجلس عزائج منصوب. دام الهوه بأنفاسي
واتمنه ظليت الموت. وينه اليخضب راسي
بعلي الله اليدري
ذبل بعدج عمري
………..
نسألكم الدعاء
حسين صادق العقابي
https://youtu.be/MJ88soLEVoQ?si=XvA5cY-7SMhRPl55
Читать полностью…
فرحة الزهراء
يفرح كلبهه الليله. الزهره الوديعه
عيد الغديد الثاني. مبارك يشيعه
...............
فرحة الزهره اصبحت عيد الغدير الثاني
بتتويج مهدينه الفخر. هذا الامر رباني
امامي صار ابن الحسن. ومتلك كل وجداني
ينشر الرحمه بطلعته بالعالم الانساني
للمهدي احنه انتاني. واجب نطيعه
عيد الغديد الثاني. مبارك يشيعه
.......................
يصادف هلاك الطاغيه. والظلم حق العتره
وبهل خبر لمن وصل. ابتشر كلب الزهره
كل شيعي هالليله فرح. وطش الخبر بالبشره
بشر القاتل بالقتل. تحققت هاي الفكره
هذا هلاك الثاني. واجب نذيعه
عيد الغديد الثاني. مبارك يشيعه
.......................
بتسعه ربيع اهل السمه. واهل الارض فرحانه
اللي يوالي فاطمه. يفرح الليله ويانه
والله دنيا واخره. ام الحسن سلطانه
صفكه وهلاهل وشمع. عم الفرح دنيانه
ردد بصوت لساني. بكل الوسيعه
عيد الغديد الثاني. مبارك يشيعه
.....................
مانبقه بثياب الحزن. هالليله بدلناهه
ام الحسن منها الامر وبكلشي احنه وياهه
فرحة الزهره ياخلك. هل فرحه سميناهه
الله ورسوله وعترته. يعرف شنو معناهه
ام الحسن عنواني. و أصل الشريعه
عيد الغديد الثاني. مبارك يشيعه
……..
نسألكم الدعاء
حسين صادق العقابي
قصيدة لذكرى شهادة الرسول ص
انكطعت اخبار السمه وبچينه
شكد چبيره فركتك علينه
بويه وحشه خلافك المدينه
....................
ماظن يرد ذاك الوكت. ونلتم سوه بحنانك
وشكد صعب ياوالدي. خالي يظل مكانك
طبع الابو لبنته سند بين الناس
وخوفه عليهه امن الهوه لاتنجاس
تشتاك ليده بكل صبح من تنباس
وين الكه مثلك ياكلب كله احساس
انته اعز انسان الي بحياتي
فاطمه اني وضاعت امنياتي
الموت حق ورحت من ادينه
.........................
كلشي اختلف حتى الهوه. وصار الدمع علامه
بآخر نفس چان النبي. ويدعوله بالسلامه
ينكطع شريان الوحي والاحسان
وتنوح ايات وحروف القرآن
هالليله تغمض عين اطهر انسان
وتنزل دموعه بحزن عرش الرحمن
وداعة الله يا نبض دليلي
وبوحشتي بويه اكضي ليلي
وشال عني كلبك وحنينه
...................
يامن جنت الهم ضوه.ياكعبة الهدايه
وانته على فراش المرض. واختلفت النوايا
من شفت كلبك منهم ولا مرتاح
تكتب كتاب انته ردت للايضاح
افتعلو ضجيج وصار يابويه صياح
ويهجر محمد كالو وتعبك راح
إلما يعَرْف الذهب مايثمنه
بغيابك انه وحيدر انكسرنه
وفراك وجهك صار مو بدينه
.......................
عدهم نبي بالمغتسل. من وضعو الدراسه
جوه السقيفه اتجمعو. كل همهم الرئاسه
ولا واحد من الهاجرو والانصار
بس علي لوحده وجانو اولادي زغار
والجفن بويه تبلل بدمعه الحار
ايده اعله ضهره يصد عليك ومحتار
شكد تعبت وياهم بحياتك
عافوك بويه وفرحو بمماتك
علي وحده ومحد اليعينه
........................
غربه وهظم ظلت الي. والوادم الشماته
لبيتك اطب كل يوم احن. اذتني ذكرياته
بعده اخضر ترابك ودلالي انصاب
الباب التدكه بويه حركوهه الباب
محنيه من بعدك تره وضلعي نعاب
وظليت بالكوه اشم ريح الهاب
بويه تدري راح اظل غريبه
روحي بعدك للاجل قريبه
الدنيا دارت بالظلم علينه
……….
نسألكم الدعاء
حسين صادق العقابي
https://youtu.be/nYKFuL_iGn4?si=l2I3i330CES9voDu
Читать полностью…
https://youtu.be/2vBXsVbK8ng?si=0obOQqABlMeprCTq
Читать полностью…
المشايه
من اكلوبنه الئ النحر مشايه اجينه
نوصل اله نهر بشر يوم اربعينه
نتعنه بقوة علي
ونكله يابو علي
مشايه اجينه
........................
نسمع بالكلوب.. من اغله محبوب.. دعوه يخدام.. من سيد الخدم
وحضرنه الأرواح.. السان العشك صاح.. لبيك يحسين
صار والف نعم
وجنود احنه بأمرتك يالقائد العام
مرتين صحنه الدعوتك خدام خدام
بجفية الخدمه الك شدينه الحزام
هل من مناصر من صحت كون بوكتنه
اكبالك عله ابساط الذبح نفرش ولدنه
صوت الحك من يعتلي
ونكله يابو علي
مشايه اجينه
............................
متهمنه هيهات.. بعد المسافات.. نحسب هل ايام .. وي نبضت الگلب
بكل موكب نشوف.. مرفوعه الجفوف.. اهلا يزوار.. ياواهس الدرب
بكل المواكب لافته تقراهه العيون
بهل جنه الكم يالخدم كل ماتشائون
وجلمة هله تنكل هلا صوت اليعزبون
المشاي صوته من الگلب صاح بخدمته
الما وراء الحب طلع يحسين انته
هوه الحب الاولي
ونكله يابو علي
مشايه اجينه
.........................
باب الله مفتوج.. للرايد ايروح.. ويوصله الحسين.. لله وبلا ذنب
اليتعنه ويزور.. من الزهره مشكور .. حجه وعمرتين.. كل خطوه تنكتب
لحسين عشرين بصفر تتجنن الناس
مشي مشي مشي مشي الحد كطع الانفاس
روحيه شفنه بهل درب ويانه عباس
الما عايش احساس المشي ايجرب مشينه
سفرتنه هاي من العمر لوسع سفينه
كل همنه هنا ينجلي
ونكله يابو علي
مشايه اجينه
..........................
هاي الملايين.. متعنيه لحسين.. والسيد الماي
يمد جوده للضمه
راعي البطولات.. يم بابه هوسات.. نحييهه كل عام.. وتنضرنه فاطمه
ونطيح يم بابه دمع ونشم بالتراب
وبالحضره كلشي يختلف حته الهوه الهاب
ولو باب سدوهه البشر يفتح الف باب
الماعنده ذريه ويجيله بدمعة بالعين
سنت التجي شايل ولد ويزوره الحسين
نتشكر يبن الولي
ونكله يابو علي
مشايه اجينه
........................
نواسيهه كل عام.. المسبيه للشام.. يم كبر الحسين.. نستقبل الضعن
ونحضر افياي.. ونوزع الماي.. ونسوي خيمات.. الجيتهه بالصحن
من المهدي لو عدنه امر ياكرة العين
نخلي مقامج ينبني بين الحضرتين
ويلتم شملكم انتي والعباس وحسين
ماكو غريب اذكر هلك يم اهلج اليوم
كل يوم عشتي بالسبي انعوضه بالف يوم
بالخدمه وادللي
ونكله يابو علي.
مشايه جينه
………
نسألكم الدعاء
حسين صادق العقابي
https://youtu.be/jORiOf44JIQ?si=wQNOBOFR1y3cASOo
Читать полностью…
قصيدة لشهادة الامام السجاد ع
كلمن يهيل ترابي.. يكتب اسامي احبابي
عالكبر واولهه حسين.. دايم لبوي مصابي
.......................
مشت عني المحنه التارسه اعيوني
انه اشتاكيت يسئل عني وشلوني
عماني غياب ابوي وفطر جفوني
علي السجاد والبكاء سموني
كلش جبيره جروحي.. بجفوفي دافن روحي
ورديت بدموع العين.. عاشرت حزني ونوحي
.......................
صور من كربله يوميه كدامي
اكبالي شفت ابوي امن انذبح ضامي
وصوت امن العطش مسموع بخيامي
ولهسه امن السلاسل تنزف اجدامي
مايشفه جرح الفاكد.. من اهلي ماضل واحد
نجمعت علينه الصوبين. لا ضل اخو ولاوالد
.....................
عزيز اكلوبنه عبد الله من شفته
السهم كاسر ركبته وامه حاضنته
يكسر خاطري كلما تخيلته
انضر للدمه اليابس عله شفته
مهده حترك بالخيمه.. وامه تنوح بهيمه
شمعتهه طفاهه البين.. وكلب الرباب بظيمه
.......................
انه الفاكد اخو يتفكد احوالي
احزام الضهري جان ودومه يبرالي
الغالي يموت من ايفارك الغالي
مشه الاكبر بعد يادنيا تحلالي
طيحت الاكبر شده .. جامات ابوي بفكده
الموت فارك كلبين.. وكل كلب ينزف وحده
.....................
كلشي ايهون بالطف والجره اعليه
بس الصعبه من تنشاف علويه
درب الشام يجرح كلبي طاريه
زينب كيدوهه وتمشي مسبيه
وكل مانطب بديره.. عباس راسه ايديره
عالرمح وبلا جفين .. كافل اخيته بحيره
......................
اخر ليله وآنه بدمعه سجابه
وروحي تصيح آ يحسين ومصابه
كلبي الليله للموت انفتح بابه
ومن حضن المنيه يروح لحبابه
مسموم جبدي وكلبي.. وبحالي يعلم ربي
بالدنيه ميت مرتين.. من الشام والطف تعبي
………..
نسألكم الدعاء
حسين صادق العقابي
شور
آ يخويه. يابو فاضل. آيخويه
……
من اجيتك خايفه وترجف اديه
نام حارسهم واخاف يفز عليه
هاي اول مره اطلع تدري بيه
بيه مابيه وصلتك للخويه
آ يخويه. يابو فاضل. آيخويه
…….
خويه تدري بعون ابنهه عثرت اختك
ولاوجعني وليدي بس توجع فركتك
من عمت عيني وصلتك ماعرفتك
دنيا ليل وانته وسهامك حضنتك
آ يخويه. يابو فاضل. آيخويه
……..
يالحنين الما يگصر ويه اخته
آنه اول تالي اسولف وانته سكته
كل نعي الفكدت اخوهه اني كلته
ياخسارتنه الجبيره خويه انته
آ يخويه. يابو فاضل. آيخويه
…….
چفك الدللني عاتبته اعله وضعي
والله تعبانه وردت يمسحلي دمعي
واحچي شلعان الگلب واشكيله وضعي
من السبي يرجف دليلي جوه ضلعي
آ يخويه. يابو فاضل. آيخويه
……..
جابو الماي الوكع لجله علمنه
انه وسكينه بچينه وماشربنه
والله دنيا المو بشر توصل ضعنّه
تدري من المستحه چم موته متنه
آ يخويه. يابو فاضل. آيخويه
………
خويه مبري الذمه ما كصرت ادري
ومدري بخلافك اكضّي شلون عمري
رايحه ودرب السبي يكسرلي ظهري
في امان الله اعوفنك يذخري
آ يخويه. يابو فاضل. آيخويه
……..
حسين صادق العقابي
https://youtu.be/8bjY2Ltf_dw?si=yy0XrvDl2tCJkOiE
Читать полностью…
قصيدة بمناسبة عيد الغدير الاغر
الغدير
هلا بحيدر هلا
هلا وكل الهلا
هلا وكل الهلا
هلا بحيدر هلا
……….
علي اسمه تراتيل. لحن يقراه جبريل.
علي بغيره السماوات. ولا فد يوم تقنع
علي مخلوق من نور. ابتسم ونخلقت الحور. علي بعيونه ايات. تخلي الدنيا تخشع
علي كلمه. علي رحمه. علي رايه والهوه
علي اول. علي اجمل. علي كمره والضوه
علي كلشي اله
هلا وكل ياهلا
………………
علي نغمات داود. قراهن بالمزامير
علي يدخل للكلوب. سحر اسمه اذا مر
علي اسمه على اللوح. سر بآية الروح
بذكره ادور الافلاك. علي للكون مصدر
علي عالي. علي غالي. علي ثابت موقفه
علي احله. على اغله. على مصدر معرفه
يحبنه واوله
هلا وكل الهلا
………..
يونس من بطن حوت. طلع من ناده هالصوت. علي دخيلك يمولاي. يمن بالشده تفزع
علي اسمه حرز چان. نقش خاتم سليمان
امام الانس والجان. علي والحبه يقنع
علي حجه. علي منجه. علي للوادم مدد
علي ابلغ. علي اشجع. علي يوكف بالشدد
عظيم المنزله
هلا ومية هلا
…………
علي من حبه ينقاس. طهارة مولد الناس
الغدير الشاهد اليوم. رفع جفه محمد
ألا من كنت مولاه. ابو الحسنين مولاه
اختيار من الله واختار. علي والامه تشهد
علي رفعه. ضوه شمعه. علي اعظم منزله
علي اعلم. علي افهم. علي حادي القافله
علي بكلشي حله
هلا وكل الهلا
…………..
سلام الله على الصار. قسيم الجنه والنار
علي زلزال الحروب. يشد وبكيفه لو حل
الحچي شويه علي هواي. يسير عالعطش ماي. علي دروب السماوات. مشاهه وبيها يندل
علي ديني. علي عيني. علي شافع شيعته
علي ثوره. علي فكره. علي عاشت فكرته
يراعي الأوله
هلا وكل الهلا
نسألكم الدعاء
حسين صادق العقابي
نزله. لمولاي الاكبر. ع
هليله يحضر جدك يالأكبر
يجري دمعات الحزن بالغاضريه
………..
اهتز المعسكر من صوت الاكبر الــلـه اكــــبر بالغاضريه
طب للعساكر حز المــــناحر بسيفه يشاطر فرسان اميه
صاحو مجفلين هالفارس منين رد يمكن الحين
حامي الحميه
يشبه محمد ورسومه تشهد
خله عدوانه جثث فوك الوطيه
……../
ليش اكطعت ليش يافالق الجيـــش ما واحد يعيش لو شارب الماي
هاي امك تنوح الهه اصبحت روح لورايد تروح يبني يوفـــاي
رِد للمخــــــيم لمك يـبلـــسم خــليـهـه تشـــتم عطرك يضنواي
ودعهه يبني يلماشي عني
يبني يامن يصعب فراكك عليه
……..
رَد والكلــب نـار من العطش صار وبامره محـتار وشحال الحسين
مـمنوعه الحدود ظل فارغ الـــجود هلدربه مسدود بعدوانه صوبين
رَد لمـه بالحــال من صوب الاهوال شاف الدمع سال من عدهه بالعين
ناداهه اصبري يايمه لمري
خلي دمي يواسي يايمه الزجيه
………
هذا انه ماضي لو عمري كاضي بحد المواضي فدوه لامامي
انه افدي الدين بدم الشراييــــــن ولوالدي حسين ابعث سلامي
هاي الكــتايــب انـــه الــمـحـارب وبزودي غــالب اخذ وسامي
نهج العقيده دمي يريده
انه احمي العيله متهمني المنيه
………..
بالحومه من طاح من كثر الجراح يابويه لن صاح اخر نفس بيهـ
امــــه الـغـريـبــه صاحت دجيـبـه بلجن طبيـــبــــه يكدر يداويــه
صاحلهه هيهـات وليدج اطن مات بدموع الاهـــات للخيمه رد بيه
كلبه تفطر حسين وتحير
ريت كبلك يبني تاخذني المنيه
……….
ليلى ويزينب كل وحده تنحب حين التخضب من كثر الجراح
لـيـلـى تشـمه عــمـتـه تـضـمه وتـنـادي امــه راح الابــن راح
ذبحو محـمـد ياربــي اشـهــد حـين التوســد علغبرة من طاح
خلاه الحسين وبدمعة العين
جثته بصف جثة القاسم اخيه
………
نسألكم الدعاء
الشاعر حسين العقابي
قصيدة لمولاي القاسم ع
العطش يبّس حنته
وفطر كلبه وشفته
ابني صارت زفته. للحرب
…..
أنه الخلصت اله عمري. عله مهده انكسر ظهري. ليلي كله سهرانه
يتارس بيتي بعيونه. اسم الله لطوله ومتونه. اليمه حلوه بلسانه
على مهده الكلب محني. فدوه هالعمر لبني. يومي كله تعبانه
بعد كلبي وطواريه. بعمرك راشده النيه. تكبر وانه فرحانه
تلملي شيبي وكبرتي
تالي ماتت شمعتي
ابني صارت زفته. للحرب
……..
وليدي لايحسدونه. سلام الله على عيونه. القاسم ياجمال الله
هيبه بمشيته الحلوه.من يمشي الحسن هوه. فدوه لطوله لو صله
اذا يكعد بديوانه. كمر يتوسط اخوانه. وليدي محصن بالله
شبدي وكربله تريده. وتوكع شمعه من ايده. ومني تاخذه غفله
النيه صارت للسفر
وكلبي چم مره عثر
ابني صارت زفته. للحرب
……..
وصلنه لكربله وشفته. تضحك للحرب شفته. لابس لامته وسيفه
الامر من عمه منتظره. محضر مهرته الشگره. متاني امر تكليفه
چنه والده ونازل. وچن خزرات ابو فاضل. وصار العسكر بكيفه
ارتجز أبن الحسن آنه. بي محتاره عدوانه. بكيفه ياخذ بحيفه
يمنته تحصد ركب
عالمنيه من ركب
ابني صارت زفته. للحرب
…….
ساعه ولن وكع كلبي. وجدمي يعثر بدربي. طايح ابني كلولي
بدمه تحنت جفوفه. بعيد وعيني متشوفه. مات وليدي يحچولي
جابه عمه للخيمه. بدمه سابح وضيمه. وآنه دمعتي بطولي
اذا مات الولد امه. تموت بفركته وهمه. وتظل تنعه وتلولي
ياتعب كل دنيتي
يارباتي وتعبتي
ابني صارت زفته. للحرب
…….
ثياب عرسه وخيمته. ظلت بلا زفته. ويبست انظر الحنه
ابني راح وكلشي راح. ظل كلب ما مستراح. دمعي ونوحي والونه
كلشي وحشه بلا هواه. كون اموت اني وراه. وليدي والله اريدنه
فدوه يوليدي الحنين. والبگه براس الحسين. الله يلمنه بالجنه
وداعة الله ضنوتي
من طحت ياهيبتي
ابني صارت زفته. للحرب
……….
نسألكم الدعاء
حسين صادق العقابي