110
اجعل اخلاقك رصيد في حياتك تربح ماشئت
انت وين .من فرت اطفال وحرم
انت وين .على العلكمي يم الخيم
السكنه تشكف بالضرب
لو تحس دمع اليصب
يوم طاح اكبالة الاكبر **ونهدم حيله الغريب
من هجم وحده وترجل**وليدي وينك يا حبيب
من نزل ظمه على صدره**ودنك وزادالنحيب
يوم صاح وليدي الاكبر**خضب بدمه المشيب
خويه زينب راح مني وليدي الاكبر
خوييه زينب صبر ماظل بعده مكدر
حارت بموقف صعب
لو تحس دمع اليصب
*********************
يوم رادو ماي منه** وراح كاصد لنهر
سيفه يكطع بالركاب **وضهضب وبيهم ظفر
روس ماظلت حصدة **والزحف بيهم كدر
كله صاحت موت اجانه** وهذا مو فعل البشر
شبل حيدر هم شفت واحد سلم
دموعه لاجت من وكع منه العلم
نار مشتعلة بگلب
لو تحس دمع اليصب
*****************
تدري عطشانه الايتامه **وحيل كاتلهة الظمه
يوم هجمت خيل اميه **والجسم كله دمه
وانذبح طفله الرضيع **ودمه بجفوفه رمه
وما نزل منه على كاع**ومن صعد سابع سمه
يا ابو صالح من ذبح نحره السهم
شال ايده وعينه صدت لخيم
اتراب ماشافت درب
لو تحس دمع اليصب
*****************
يوم صاحت للعضيد **هاي عندي اوصيه الك
امي وصتني يخويه **وين صدرك خل اشمك
يا گوات الگلب عندي **شلون بيدي وراح اودعك
عمت عيني حسين خويه**الخيل اشوف اتروك صدرك
حسين وينه اشلون خالي اترد الي
خذني يمه عيون ما ظلت عمي
ميمونه ردلي وينتحب
لو تحس دمع اليصب
*****************
هم شفتهة النار شبت **والعيال بلاية راي
وكامت ادور يتامة **اوين ذيج وين هاي
حارت بسكنه الوعده **عمي اريدن منه ماي
خويه وينك والعقيله **اصيح وينك يارجاي
وحيدة ظلت تركض تلم العيال
بليلة ضلمة والحزن ثكل الجبال
بيت ماعدهه وتطب
لو تحس دمع اليصب
حسين حاتم ال سمين
*****************
كلشي بالدنيا يهون @من يطيح من العيون
تكدر تعوفه وتروح @تمشي صاحي بلا جروح
بس اخوك الراح منك @ياخذ الدنيا ويروح
خلاف اخوي
راح اخوي وهدم بيتي وظاله بحالي اهم
واني زينب بت محمد شايله ابواب العلم
بلايه روح خلافه امشي ظال من عندي اسم
وين اخوي الكال كومي شافت اخيالي الزلم
عگبه ظليت
وحيده رديت
اخلاف اخوي
انكسر ظهري
ونفذ صبري
خلاف اخوي
لا ابو العندي واسمعه ولا گلب امي الحنين
وحتى ولدي الفاركوني وظاله بطرك الونين
دهري ما قصر هضمني بيه طلعهه السنين
بيعيني اشوفنهم اخوتي اكبال عيني مذبحين
صوته اسمعه
اطيح دمعه
خلاف اخوي
عيوني راحن
ليلي ماحن
خلاف اخوي
الناس تطلب ثار بينه النار فزعتهه شتريد
ما كفاهه البيت ذاك وموعت حتى الحديد
بينت بينه المواقف كله انصار ليزيد
فزعت علينه بكرهه من نست يوم الوعيد
نكرت كتاب
بدفعت الباب
خلاف اخوي
كسرت ظلوع
هملت دموع
خلاف اخوي
عكب عباس انولينه من هو وطاح العَلم
حرمه محتاره وحيده صرت ادور بالخيم
على العليل الظال وحده هو واطفال وحرم
خويه ما ترضى علينه ادري يارعي الشيم
دمعيي السال
يبقى مرسال
خلاف اخوي
وين اروح
وگلبي مجروح
خلاف اخوي
والي ماعندي اروحن باليسر اشبع عذاب
من بعد طيحت اخوتي اكبالي ضلو علتراب
عمر خلص بس اباري هاي تاليته الشباب
بالخرابه انبات ظلمة والحرس لازملي باب
محد الي
رواحو هلي
خلاف اخوي
دنيا دارت
عليه جارت
اخلاف اخوي
بس بهاي ثوبي انشاف ردنه
يوم الصحت ياعباس ردنيه
ماي بجود موش اجفوف ردنه
الايتامه اتريد ماي اشلون بيه
...
اشوف الخيل بضلوعه تركها
وتكلي شتارك لزينب ترك اه
غريبه بناس ما ترحم تركها
عكب عباس كادوهه سبيه
اعزاز ومن تفاركنة اخوي اشلونه اعوفنه
اعزاز ومن تفاركنه .ونه امكسره بونه
توادعنه بدمع يجري
ساعتة انهدم خدري
*******************************
ودعته بدمع يجري من عكبــك يظل يمي
يزيد الحزن بفـــوادي عليك يزيد كل همي
اصبر الروح واتعـزه و اذكــــــر من حجت امي
مصاب حسين مو هين جني مخضبه بدمي
حسين اليوم اعوفنك . تطيح اكبالي اشوفنك
بيدي اشلون اضمنك. وذر على كاع اشيلنك
مو فاض وخلص صبري
ساعـــة انهــــدم خدري
*******************************
يجاوبني بنفس مخــــــنوك ونه مـكسره بصدره
قدر مكتـــــــــوب يا زينب شهاده مسجله بامره
اشوف الوح والمكتوب واشوف اليحدث ويجره
لا تبجـــين يا خيــتي اخـــذي من الفــحل صبره
وين الصبر ياحيدر . اركض كمت واتعثر
اشوف حسين واتحير .سيوف اعداي ماتعذر
وحيده ولا اخو اليمي
ساعـته انهـــدم خــدري
*******************************
خويه حسين ظـل وياي طويل وما گصر دربي
خالي العمر عگبك ليش ضعني الجان ياهو البي
لحظات الوداع اسهــــــام صابت چـبدتي وگلبي
حزن وهــموم بس ايتــام يعين الحـال بس ربي
اكبار ازغار المنهه. ايتام حسين احطنهه
بحضني وحيل اشمنهه.اشاكف بالدمع عنهه
شمعه وطفت من عمري
ساعته انهـــدم خـــدري
*******************************
كفي الدمـــــع مو تبجـــين هذا النــــظر مو تعمي
صـدر حســــين مو تنسين يمه وليـــج بس ضمي
وبعــــــده الظــعن راح يصــير بس ايـتام هم لمي
نفــذت الوصـــيه بيــــوم كلـــتيلي الصــدر شمي
علي عباس هم وصاك.اخير اوداع هذه وياك
ادورك وين حتى الكاك.سيف الموت ماخلاك.
سجل ومسجل بقدري
ساعته انهــــدم خدري
*******************************
خــــويه حسـين راح تروح يبن امــي البعد يكتل
مو قـــران نقــــره باليل حــــزن وي ائهـات ورتل
من بعدك سبـــــايه اروح سـياط وشتـم ما نحمل
وحيده ولا اخـــوي الواي بديــرة غـــرب ما اندل
اسيرة مدوهنه بحالي. راس حسين يبرالي
حادي الظعن جتالي. شبعدالوكت خالالي
عاندني وربح دهري
ساعته انهدم خدري
*******************************
سمعت الصوت اه يحســيــــن رب العرش ناده
مات الـــدين كـــوم ويـاي بيده ولــنـحر قـــاده
وانه ادري الشـهاده اتلـوك انه مســـجلة وعاده
صبرنه على الظلم والجور واليصبر لگه امراده
انه بكل صدر لوعه. بينه امسجله اظلوعه
علينة الرخص ادموعه. غاد انصيرلة شموعه
عرفتو شصار وبامري
ساعته انهــدم خـدري
حسين حاتم ال سمين
**********************************
بوية وينك ارد اكلك
ياهو ظلي خلاف ظلك
من عفتني
عطرك من النفس غاب
كمت اشمن بثياب
من عفتني
&&&&&&&&&&&&&&&&&&&&&&&
يالحبيب عيوني بعدك حيل ذبله السهر
طفله ما احمل سياط بويه تعبني القهر
وحسرة الوينك يبويه ويا عذابي من السفر
شنهو ذنبي تروح عني زغيرة يتمني الدهر
اسال بعمتي وانوح
فراكة تارسني جروح
اه يفراك الاحباب
كمت اشمن بثياب
من عفتني
&&&&&&&&&&&&&&&&&&&&&&
بويه وينك ياحيببي حيل ما بيه تعبت
بتك اني حسين بويه شلون ترضى تيتمت
والله محتامه لطولك من دلالك ماشفت
بويه شتموني يبويه خلاف عينك من رحت
بعيني ظلت بس دمعتي
تكسر الخاطر عبرتي
طفله بين الاجناب
كمت اشمن بثياب
من عفتني
&&&&&&&&&&&&&&&&&&&&&&&&&
عمتي تركض للعليل وبين تجمع بالحرم
بعيني اشوفنهه تطيح من وكع راعي العلم
النار ما خلت يبويه منها ما واحد سلم
هدوم ماعدي يبويه احتركت بنار الخيم
عمه ابوي اشلون راح
صدك راسه على الرماح
والكمر من ليلي غاب
كمت اشمن بثياب
من عفتني
&&&&&&&&&&&&&&&&&&&&&&
راسمه بالي سوالف اكبر بجالك واصير
واكعد اكبالك اسولف ليه وبعيونك تدير
احلام جانت بويه عندي تالي هدمه المسير
وكلشي مات بعيني بعدك بطبتي لقصر الامير
من شفت راسك بجيت
بالطشت بويه وهويت
الدمع بالعين سجاب
كمت اشمن بثياب
من عفتني
&&&&&&&&&&&&&&&&&&&&&&&&
تيتمت واني بجهل خلصت عمري بحزن
مدللهه بجالك يبويه حلوه ايامي الجزن
اليالي العذبني بصطره من بعدك بدن
وهسه مكسورة واونن گلبي لعيونك يحن
شحالهه العاشت يتم
ظاله بهدمه تشم
عمر يخلص بالعذاب
كمت اشمن بثياب
من عفتني
&&&&&&&&&&&&&&&&&&&&&&
يافاطمة اقبليها
ليش يهلال الشهر
تبدل الفرحه بقهر
هلال عاشورك اجه**بدمعه وبالوعه بده
--------------------------------
اخ يهلال الحزن هلال الفجيعه والعذاب
بيك ذبحو ال طه جثث ظلت على تراب
سيف يحصد بالركاب مارحم شيب وشاب
زينب الظلت وحيده حارت بيوم المصاب
عيوني ذبلها السهر
تبدل الفرحه بقهر
هلال عاشورك اجه**بدمعه وبالوعه بده
---------------------------------
تهيج الحركه بگلبنه ودمعه تنزل على خدود
نسمع بسكنه تعاتب ليش ردلي وخالي جود
الماي ما اريده يعمه عمي اريده ويه الزنود
طاح عمج ماوصلج راسه مضروب بعمود
هاي عملات الدهر
تبدل الفرحه بقهر
هلال عاشورك اجه**بدمعه وبالوعه بده
----------------------------------
السواد اجيبه لينه وعلى الصدر يبدي الطم
نكعد نواسي العقيله عل المصيبه وعل هظم
والذبيح الظال وحده من بعد ذاك الشهم
على تراب نرسمه نحره ندنك بحركه ونشم
وتبدي رحلات السفر
تبدل الفرحه بقهر
هلال عاشورك اجه**بدمعه وبالوعه بده
---------------------------------
حزن جيتك ياهلال وياك جايب كل الم
نار جايب من اجيت حركت اطفال وخيم
والمصايب بيك حلت منهه ما شيعي سلم
اهلال الاكشر على النبوه اركاب فاظت منه دم
منه طاحت على النهر
تبدل الفرحه بقهر
هلال عاشورك اجه**بدمعه وبالوعه بده
---------------------------------
يا مصيبه البيك صارت بجت املاك السماء
بيك خط حسين منهج واثبت لربه الولاء
قدم اعياله واخوته نفذ وطاع النداء
بيوم ناده حسين وينك دمك يزيح البلاء
امشي محنيهه الظهر
تبدل الفرحه بقهر
هلال عاشورك اجه**بدمعه وبالوعه بده
-----------------------------------
بيك زينب شاف ظلها وطبت القصر الرذيل
شحالهه بلوعت گلبهه ونار تحرك بالدليل
تالي مجتوفه بسناسنل هي وطفال وعليل
من بعد طحت اخوة الجان حاميهه الكفيل
راضيه بحكم القدر
تبدل الفرحه بقهر
هلال عاشورك اجه**بدمعه وبالوعه بده
حسين حاتم ال سمين
---------------------------------
عكب عباس بس حــــزني تراكم
لوين ايطـــــول ياسبـــيه ترا كم
مصدك عيوني على الغبره تراكم
مجاتيل وجثث فوك الوطيه
...
اكظي اليــل حـــزن واه يمناي
حلم وتعـــود ياروحـــي يمناي
يريت من الزند مكطوع يمناي
بدل جــفك يخويه اثنين اديه
امنــياتي وكـل رجاي
معتنيك وليـــك جاي
انت حبل الله المتين
يا حبــيــبي ياحسين
**********************
ليك جاي ودمعي نازل انت حبل الله المتين
كلشي تارك مـــن اجــيتك جنة الله ياحسين
بيك كل ايامي يحــلن انـت نوري بكل سنين
شايل اهــمومي اليالي انت لهــموهي معين
عاشك بلهــفه اجيتك
ماتردني من اعتنيتك
انت بالدنيه ضواي
*********************************
شايل بگلبي حبك ما يهمني شما حصل
يامامي ونور عـيني يا ابـن خــير العمل
من طلعت اباب بيتي بيك خليت الامل
انت تشفع لليجيك ويمك ادونه بسجل
السجل بيد ابن مضاهر
حاشه لو ينساني باجر
اسمع واقبل نداي
***********************************
انت ضحيت لاجل ديني ما اوفي شما مشيت
بهذا دربك عمري كـله شمــا لطمت شما بجيت
حجة خطـواتك امــامي لــيك اعــرفه واجيت
كالوا اتمـوت علـى دربه كـلت امـتنه ورضــيت
كون اموت بدربك اني
واقبل بهــاي امتـحاني
وتصعد امنيت لسماي
*************************************
من الطفولة وبيه حبك ما اعوفك مستحيل
ياحسين انـت روحي و ماكو غيرك كل بديل
جنه الله الـــنزلت انــه الله نـــــــزله بـــدليل
انت تشــفع لليـجيك وتمســح اذنوب اليعيل
عالي يم الله مقامك
منهو سالوني امامك
حسين روحي وكل مناي
***********************************
ادري دربـك جنــة الله وانـي عاشــگ جنتك
حافي جايك يا حـبيبي وبيدي شايل رايتك
ما يهمني شما حصـلي كـون اوصل حضرتك
يا سراط الــبيك فـــزنه تفوزه كــله الحبتك
بيك فازت شيعتك
نور انــــت لأمــتك
يا حبيبي ياهواي
************************************
نور عيني وامنـياتي انت لجروحي دوه
انت دمي البيه يجري وانت بالريه هوه
غير حبـــك ما اريــد انت بسنيني ضوه
انت نبراس بحياتي بيك كل ديني قوه
ما اعوفك كل حياتي
انت توكفلي بمماتي
واخذ من ايدك رضاي
******************:*:*******************
نفسه طــفك عــاد بينه وعــاد بوجـاع والم
سيف دامي وبينه يذبح منه ما شيعي سلم
كل طغات الدنيه اجـتنه عـلينه ودتهه الامم
حشد عدنه وشال رايه باسمك وخطه القلم
يارمـز عــز واباء
انتة منبع للوفاء
وانت غاية منتهاي
الشاعر حسين حاتم ال سمين
***قصيدة الوصية* **
من جانت الـحره بيت داحـي الباب
سمعت صوت يــمه الزهره صاحتهه
من كبل الطفوف حســين بعد زغير
كـــالت للعـقيله بجــــــــلمه وصتهه
انه امج ييـــمه بهــــاي راح اوصيج
شمي حســــين تحــت النــحر دلتهه
يوم يظـل وحــــيد ولا معين وياه
نفــــــذيلي الوصـية بهــاي بجــتهه
صار الــي تريده بكــل شجاعة وزود
صاحــتله الــــعزيـــز وكــلهه سوتهه
وصية امي يخويه اشلون كلي بهاي
تحب صـــــدره الحنين وتهد عبرتهه
صـار وداع زينــب وي اخـوه حسين
شالت روح اخـــــــوه بشـرف ودتهه
سوته الوصيـــة وصـــار ذاك الـــصار
من شافت اظلــوعه الخـــيل راكتهه
وصلتله السيوف وكعـبه نحر حسين
كله بيوم فــــــزعت ركــــض طافتهه
نذرفــــه الدمـــــــــــوع واه تتـــبع اه
ما شفنه المــصيبه انعــــيش لوعـتهه
واصلنه الحجي ونصـور الاحــــداث
بس كــلي العــــقيله اشـلـون حملتهه
من شافت اخوه انسحك تحت الخيل
وبين الخـــــيم ركــــضت نار شــافتهه
حتى النــــار تطــلب ثار مـــــن البيت
رمـاد الخـــــيم مثــــل الــباب رادتـهه
عرفـته المصــايب مـــن كــبل عـاشور
وصارت جــــبل مــــا تنقاس صدمتهه
زينب حيـــدر الطـــف يفتر ويـحسين
ويعـادل فقـــــار اللســـــــــان عزتـــهه
خطبت يم يزيد شـــعمل داحـي الباب
ورايــــات الحــــقـــد بالوحــل ذبــتهه
لجمت كــــل لسنهم من حجيهه الجان
معــــــروف لمحــــمد نغــــم وشـــرتهه
طخــــت روسهــم والجــلمه لسـه ادور
فـــــلا بيكم شـــريف بـــــزود كــــالتهه
شعـــــــلت نار كبــره بمــــجلس الكـفار
لحـــــد يوم القـــيامه النــــار شعـــلتهه
صبر وي الــشرف والهــيبه تـــاج الراس
نهـــــج وادروس للاجـــــيـال خــــــلتهه
*الشاعر حسين حاتم ال سمين ****