2381
{لو لا أنــــ❤️ـتَ ما خُلـِقنـا يـاحُسَــ❤️ــيّنْ}
مولاتي زينب "ع" ورجوعها للمدينة
يالراسك اعـله الرمــح شـالوه
انــه الگلبـها اعليــك مـــردوه
ما تدريه خــوية شلون رديت
من أرجـعـت للوطــن والفـيت
أعــتــاب للما جولي وديــــت
أدري اليغيـب أهـلــه ايـتــلگوه
هيج اعله بالي وهيچ الــدريه
الـظل مـن هلي ينتـظـر الاگيه
ايواسون گلبي اوضيمي اشكيه
وعن غربته او همه يسألوه
بس مـا لگيت احسـين خوان
منــتــظـره زينـب ام الحـزان
الردت سبيه ابضيم واشجان
صبيت دمعي او دمعي نشدوه
شميـت ريـحـك والگلـب ذاب
لمن وصلت العتبة الباب
ومنين اجيبك جوه التراب
يحسين مو گلبي سليتوه
يالبيدي راسك خوية رديت
خوفي أنسأل چـا وين ظليت
يحسين لو طبيت للبيت
وتنشدني بنتك وين عفتوه
عندك أبنيـه أتگطع البتوت
ما حيل بيها او خايفه اتموت
ولو درت ماكو او ماخذك موت
او ما صدكت ودگول جيبوه
يالچنت لــو سيرت إلـه أسيار
مو باب يفتح گلبه يحتار
ام عون هاي امنوره الدار
بعدك منو الباب الي ايفتحوه
خــوفــي أدگ البـاب مجروح
ويــگلي راعي البيت مـذبـوح
المــن يزينـــب جايـه ابنــوح
خالي الدار او موحش أبـقـوه
اوما عذره گلبي اعليك لو هام
يالبعد عينه الجفن ما نام
او راحه اشوف ابتالي الأيام
يالكلشي وياكم خذيتــوه
#ام_علي_الشمري. #يا_صاحب_الزمان
#يافرج_الله
رواية جميلة
#يامحمد #ياعلي
لشهادة الرسول الأكرم محمد "ص "
الزهره الليله خاطرها
تكسره يا ابو الزهره
****
لو شافت علي اليمنى
كاعد والـنبـي وصا
چا ماحملت اشـوصـا
وصيته وجعت صدره
****
گله والدمع خنياب
غالين انتم او احباب
بس الموت اجه اعله الباب
يستأذن أجه بأمره
****
يا حيدر يبو الحسنين
لو چفني طبگ عالعين
بذمتك فاطمة والدين
لا تتركهم ابحسره
****
عاملهم مثل ما چان
طه ايعامل إبحسان
ورحم يا علي الجوعان
من الوادم الفقره
****
وأبنيتي بچفوف أعداي
تاذيها التگول اوياي
تكشفها بعد عيناي
لبگلبي توج جمره
****
وأنت يا ابو الايتام
ما تهنه بعد وتنام
أخلافي تنضرب عالهام
من هالامة والزمرة
****
#ام_علي_الشمري. #يا_صاحب_الزمان
انا مغيم دمع وبابچ أرد امطر
وريد الطم لحد ما حيلي يتكور
نخيت الله ورسوله او والدچ يم عون
أزورچ مره أريد اوكافي مو أكثر
أريد الشوفتچ ملهوف گلبي اهواي
يا مولاتي ارحمي الگلب يتحسر
نذر ماطش ورد لو جيت اطش أدموع
يم حضرة جنابچ كلشي يتغير
......
#ام_علي_الشمري. #يا_صاحب_الزمان
وعني اهناك چنتو وين يا زوار !؟
من ضليت وحدي اوحاير ومحتار
من خلصوا أخوتي وصحبي والأنصار
أدير العين ما مش بالخلگ رحمه
😔💔😥
#ام_علي_الشمري.
قصيدة لرجوع السبايا إلى ارض كربلاء
.
.
رد الظعن عاد يا خير العباد
للملگة مشتاگ ابهالحاله إلك راد
ياخوية يحسين ياخوية يحسين
****
يالغافي بتـراب الگبر حاچينه
رديـنـه مشـتاگيـن إلك رديـنـه
يابو علي تلگه الحبيبه أسكينه
فچ الگبر ياخويـه وأگعد ليـنه
هضمتنه يحسين دنيانه هضمتنه
هضمتنه يحسن لـتظنـهـا رحمتنه
اعلينه الظلم زاد يا خير العباد
ياخويه يحسين ياخوية يحسين
****
ردينه خوية بـس حـرم تدرينه
اوبس أبنك السجاد حايرن بينه
الچنت ابحميته مابقى يحمينه
قبلك اعيونه أنطاهن اوچفـينه
مرمرني الطفوف يبن أمي مرمرني
مرمرني الطفوف او ما متت عذبني
يا خال الأولاد يا خير العباد
ياخوية يحسين ياخوية يحسين
****
هاي أم الاكـبر والرباب أو رمله
أم جـاسـم او أم الـرضيع أدگـله
المنهن أخذ كلشي الزمن ماخله
شافن الما حرمة تشوف ابمثله
الفگد العزاز أشيطفي جمرتهن
الفگد العزاز للسـاعـة ونـتـهـن
اشما تطفه تنگاد ياخير العباد
ياخوية يحسين ياخوية يحسين
****
جيتك سبيه والدموع اتخبرك
من فگّدِتك لساعه روحي دورك
خليني خويه ارتاح أخذني الصدرك
والزهره كافي اعليه شمّة عطرك
شكيني يحسين وسألني عن حالي
شكيني يحسين مهضومه يالغالي
وگلي أشفت غاد ياخير العباد
ياخوية يحسين ياخوية يحسين
****
أگعد لي خويه وگلي بيچ اشصاير
وأقـره تعـابــيـر الـوجـه والخاطـر
من غير ما احچي او أگول العاشر
ذاك الهضمني او كسر گلبي الحافر
مو ظهري مكسور ياخويه لا گلبي
مو ظهري مكسور من العاشر اوربي
من الظالم اتماد ياخير العباد
يا خوية يحسين يا خوية يحسين
****
#ام_علي_الشمري. #يا_صاحب_الزمان
أنا العايش على اعيونك
أنا الما يدري وين ايروح من دونك
#أبا_عبد_الله
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
معاجز زيد إبن علي السجاد ع
Читать полностью…
خربة الشام، مكان في دمشق أنزل يزيد بن معاوية سبايا كربلاء فيه، عندما استقدمهم من الكوفة إلى الشام، ذكرت المصادر التاريخية أنها كانت بالقرب من قصر يزيد، وكانت بدون سقف وجدرانها متهاوية ومن أهم الأحداث التي وقعت فيها
وفاة السيدة رقية عليها السلام
عمة الخرابة توجع ... الشمس بيها تصگع
لسه حرارة متني .... ما بردت اچملني
عمة الخرابة توجع
****
مو بعده متني عمـه ما لحگ طاب
ليش بخرابـه ايـگعـدونه الأجـناب
لا سگف بيها ايضلنه لا ستر اوباب
تچوينه عمه او گاعـها تغث اتـراب
يا ذنب المسوينه ... او هاي القساوه اعلينه
حرورتها ما ترحمني ... ما بردت أچملني
عمة الخرابة توجع
****
مـن بيـت جنَّة اطلعنه لمن جينـه
وطول الدرب ما شفنه هم ياذينه
ويانه أبونه ابضحكـته ايحاميـنه
ما لحظة عيني غمضت عن عينه
بس غمضت ماشفته ... معقولة يترك بنته
ما أظنَّه ابوي ايحبني ... ما بردت اچملني
عمة الخرابة توجع
****
شحچيلچ أنتي عمه مــو ويـانه
هـم يــوم گتلچ بالــدرب تعـبانه
لو حاره اعليه او گلت عطشـانه
لو ماهو احسين او ادور أمچانه
ما فارگاني ابنظره ... او لا علِماني أنتظره
ما يقبل ادري بحزني ... مابردت أچملني
عمة الخرابة توجع
****
لو شافني مهمومـه يرگض لــيه
وينشد لي منكم ياهو آذى ارقيه
هـاي النبض البگلبي هـاي الـريه
لـيعـيـل بـيـها يعنـي عايـل بيـه
گولي يعمه اشينساه ... الزارع بگلبي احچاياه
ابهالحله ما يتركني ... مابردت اچملني
عمة الخرابة توجع
****
اسأل عليه محد يدليني اعليه
ولحد يگلي غايب اوين اشبيه
يا عمه دلينـي لـونــچ تــدريـه
عن هالخرابة الوالدي الضيم احچيه
دليني عمه اترجاچ ... لو خل اروحن وياچ
مو روحي تعبت مني ... مابردت أچملني
عمة الخرابة توجع
****
عمه ارد اگله بويه ترضه ابهالحال
تـقبـل بناتـك تنـضرب بـيـد أنذال
أبنيتك رقيه الترفه تنـشـد بحـبال
وتمشي ابصحاري حاره ابلايه انعال
والحسك ورم رجلي ... بيها التهي لو بهلي
وينك يبويه اسمعني ... مابردت أچملني
عمة الخرابة توجع
****
#ام_علي_الشمري. #يا_صاحب_الزمان
يــا فـرحـة ربــيـع الـعـمـر يــا عـيـدي
خريـف الـحـزن ذَبَّـــل وردتــك بـيـدي
يـــا أوّل نَـسـمْ فـــاح ابْـرِيـاض الــروح
يـا غـصنِ الـحِرَسْته ابْـناظري المشبوح
عـطـرك ويــن ذاك الچان يـبـني ايْـفوح
ويـن أيــامــك وفــرحـتـي و تـغـريـدي
أيـامـك مِـضَـنْ چنـهن سـراب و طـيف
ويّـايـه عـشـت عـيـشة مُــرور الـضـيف
كـل ذاك الـتعب أصـبح نصيب السيف
وگبـل جيـدك تـمَنّيت انگطــع جـيـدي
عـصـف يبني خـريـف الضيم بالحسرات
وذِبَـل عـودَك وسـافه اگْبال عيني ومات
يــا مــن عـوَّدِت ثـغري عـلى الـبَسْمات
عگـبـك عـالـمـصايب صـــار تَـعْـويـدي
گلـبـي اجْـنـاح وايْـخَفُّگ عـلى جسمك
ومـثـل أمِّ الفصيل انـحـب واحِن يـمّك
صـرت امْدوهِـنه وبـس ألـهَج ابْـإسمك
وأرَدِّد بــيــك يــا نَـــبْــرات تــرديــدي
أنـوح ابــنـوح ثـكـلـى ومـــات غـايِـبْها
وعـلـيَّ الـدنـيـا ذَبَّـــت كــل مـصـايبها
احْـتِـزَمْـتِ ابصبر گلبي وصرت أخاطبها
وأگلـهـا اشْـعندچ امْصايب بـعد زيـدي
عَـلَـيْ هَـبَّـت عـواصـف حـزني وآلامـي
اوْ ذَرّيــــت الـصـبـر بــجـروح أيــامـي
مــو جـسـمك وگع،گلـبـي وگع دامــي
ومـا گِطْـعـوا وريـدك، گِطْـعوا اوْريـدي
أظـن مـو دم وريـدك نـازف و مـسفوح
هـذا الـطاح گلـبي اعـله الـترب مذبوح
لـو يـنـفـع ونـيـنـي والـنـحب والـنـوح
أنـــوح اعْـلـيـك طـول العمر يـولـيـدي
#جابر_الكاظمي
تم ولله الحمد نشر اجمل قصائد لمحرم 1446
/channel/al_hassanen
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
إذا عالماي سهله اعيوني موجودات
وإذا رادت افياي احميها من الحر
بس شلون إذا گالت اريد احسين
يهل الله لحسين منين يدبر 💔😥
#لشاعر
أبوذيات عن لسان حالي تعودت لليسأل دائما
أگول الحمد لله بس مرة گلت ( بعدني )
بعده الوجع بالدلال يسراي
أحس عطل يمنتي اومشه الـ يسراي
دعيتـك ربـي باللي تحب يسراي
أمــري اوزيــح هالـعلة العـليـه
بمجره الدم صبح دائي يسرتاه
يكاشف هم ابو الزهره ويسرتاه
دعيتك بالنطه أيمنته اويسرتاه
تزيح المرض والهم الـ بيه
الاثنين 9/9 /2024
#ام_علي_الشمري. #يا_صاحب_الزمان
#يافرج_الله
مثل چايك يبو السجاد ما مش
وجدم اللي مشاك إيصيح مامش
الزينب هاي دمع العين ما مش
العلى الخدين أمشهه أباب أخيهه
#ام_علي_الشمري
يا نار كلبي الما تبطل تلهب ...
خلوني أشمكم رايحين الزينب 💔😔😥
من نعم الله عليك وحب الحسين ع إلك
يرزقك ناس تدعيلك بدون مصلحة بظهر الغيب
شكرا يارب شكرا يا حسين
جنود #الأربعين
وجاء الأربعين محملا بحسراتي زينب ودموع العليل وأنين النساء وشوق اليتامة حبيبي يا حسين 💔😔
#الأربعين
أأنت الحسين ؟
أم هذا السراط وبيتك الجنة
منظر أخذ گلبي 🥺😭
شسولف وأنا ابابك مختصر كلشي 🤍
#أبا_الفضل
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
ياعمه ماسولفله تعبانه
او لا أگله بويه اخلافه عطشانه
بس خل يجيلي وعيني أتشوفه
وأشبگه ابيدي وأنسه كل خوفه
يا عمه ماسولفله تعبانه
****
عمه وعد ماگل لبوي اشبيه
وعن ذاك يوم العاشر أخف البيه
ما گله رگضو بالسياط اعليه
اوما گله بالشوك امتلت رجليه
ما الزم امتوني او أراويها
عن لا اجرحه والله أغطيها
او ماگولن أخ لو ضمني لحضانه
يا عمه ماسولفله تعبانه
****
ما گله أثر للسوط لسه ابمتني
وچعب الرمح يصوابه لمن طگني
لساته ما طاب او بعد يوجعني
فوگ الحرگ والشوك هم لوعني
والليل ذاك اليمر ما نامه
يا عمه وتشوفيني محتامه
تغمض اعيوني يمتى ذبلانه
ياعمه ماسولفله تعبانه
****
بس خل اشوفه ابعيني واشتم عطره
ماگله عمه بينه صارت كسره
ما گله وين اختفت ذيچ العشره
وچلمة البويه وين صارت حسره
او داعت اعيونچ والبقه بروحي
ضيمي اضمه او هضمي وجروحي
والتهي بوجه اليسوه دنيانه
يا عمه ماسولفله تعبانه
****
انطيتـچ وعد ياعمه ابـد ما گله
وعــد الـحـرار الــمـا تـدور زلــه
لـو گلبي بالـنـار اشـتـعـل وتـغله
والزهره مـا اشكي او أبيـن عله
خافن أسولف واجرح گليبه
لا ما أگله أچبيره المصيبه
ما يحمل اگليبه الجره اويانه
يا عمه ماسولفله تعبانه
****
وعن كسرتچ مـاگله ادري تكسره
أختك سبيه شلون أگله اتـعـوره
اخذوهـا بحبال العزيـزه ميـسره
الچانت ابجاله مددله او متوقره
ما يحمل أدري الزينب إيودها
كل هذا بعد او منسطر خدها
عمتي اللي ما سلمت ولا انه
يا عمه ماسولفله تعبانه
****
#ام_علي_الشمري. #يا_صاحب_الزمان
https://youtu.be/Mgvin6XAQVk?si=Xzz_hk4Hd7Gb_Wqe
Читать полностью…
نعي لمولاتي رقية عليها السلام
.
.
من صاحت أريد احسين أريده
ثلث صيحات صاحتهن شديده
فـز ايـزيـد مـن نومـه برعيده
او گال الـراس ودوه اعلـه بنته
فــز يــزيــد وهــتـم الطلبــها
مو قصده الرضه ايوگف گلبها
فوگ الشافته او لوعة دربها
جابلها الطشت والمن درته
شافته اوجرت من دم العيون
ابوي احسين گالت سلوتي شلون
يمن روح الرقيه ما تظل كون
ولا اعزيز الگلب بالطشت شفته
بويه اعليك ذابحني ونيني
ونشد محد ايجاوب حنيني
گلت فتره او يجي وتشوفه عيني
مدري ابموته لو أدري رفگته
يوجعني الفراگ او يكتل الحيل
ويمر الليل بويه بجرحي ايعيل
او يريت اوياك ما مرني بعد ليل
او موتي صار بويه اوياك وكته
#ام_علي_الشمري #يا_صاحب_الزمان
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
ابوذية لمولاي السجاد ع
عليل او ما بـره جرحه ولا طاب
ولا أبـزاد أستلذ گلبـه ولا طـاب
خلص عمره دمع يهمل ولا طاب
إله يوم ونسه اطفوف الرزيه
😔💔
#اللهم_عجل_لوليك_الفرج
#أم_علي_الشمري