2381
{لو لا أنــــ❤️ـتَ ما خُلـِقنـا يـاحُسَــ❤️ــيّنْ}
ينقل إن بعد مدفن عبد الله الرضيع ع أتى شمر اللعين وأخرج الطفل من مدفنه ونحر رأسه المبارك ورفعوه على الرمح
أبوذية عن لسان حال مولاتي الرباب ع
ريت بنحري خنجر شمر من جاه
دره من يا عشيره او اصل من جاه
عني وين باچر يفر منجاه
الحرگ گلبي او گلب عمته السبيه
#أم_علي_الشمري
أبوذية لسان حال مولاتي زينب ع
ريت الموت راح الگلب ماطر
ولا أسـمع شمـر عباس ماطـر ؟
اخوج اعله النهر غرگان ماطر
دمه او راسه وجفوفه سويه
#أم_علي_الشمري
يقال إن طائر البومة عندما يقترب شهر محرم الحرام لا تهنئ في مأكل او مشرب 💔😥
حزنًا على سيد الشهداء
على أعناد كل حاقد
علي خليفة او قائد
اللهم ثبتنا على ولاية أمير المؤمنين علي ع
لو قرآن لو باسم علاج للراحة النفسيه
Читать полностью…
مـولاي أرزقني دمـع
يبچيك يـوم العاشـر
ورزقني أجزع بالطم
ما اخجل من الحاضر
ما أنتبه بيك انشغل
لـو ألـف عيـن تـناظر
ارزقني بمصابك جرح
ينزف وجع ميكابـر
أرزقني اموت ابمجلسك
صحوة الحر بالاخر
عيشني لحظه ابمذبحك ؟
وشويه من الحافر ؟
يا رحمة الله يا أبا عبد الله :
#أم_علي_الشمري
يا فرج الله #بناء_البقيع_حق
Читать полностью…
لشهادة مولاي أمير المؤمنين علي " ع "
.
.
.
وآ عليا وآ عليا وآعليا
وآ عليا وآ عليا وآعليا
****
صوت دوه بالسـمه لأهل الأرض
أنهدم ركن الدين ساجد بالفرض
وسفه إبن ملجم غدر راسه يرض
الصاح جبرائيل بعنان السما
****
بين لاطم بين صارخ بالعويل
خلص عمر المرتضى الماهو طويل
بشهر رمضان أنكتب دمه يسيل
إبن عم المصطفى خير الورى
****
شايلينه اعله الچتف لم الخدر
اودمه الطاهر يكت من كل كتر
بيه ما تدري العقيله ام الصبر
جابو الكرار سابح بالدما
****
فزع گلب الطاهره او منها أرتعد
حست ابخوف او علي مارد بعد
يا علي ادخيلك شجا كلبي انمرد
اشهالحساس اللي مرد گلبي او آذى
****
ركضت اعله البـاب تتأمل خبـر
ليش هاي الصايحه او لون الحمر
ياهو إيگلها علي الساعة انطبر
والدچ راسه أنجسم والدم خذا
****
جايبينه الحسن وحسين ابعجل
ماخذه نزف الـدمه خيـر العمل
شلون حالچ لو تشوفين الفحل
جايبينه ابعجل يردوله الدوا
****
أتحضري لوداعه يا بت فاطمه
الدنيا لجله انگلبت او لون السمه
بس هالايام اوتنصبي مأتمه
او تسمعي بس عظم أجرچ بالعزا
****
#أم_علي_الشمري
لشعادة مولاي أمير المؤمنين علي" ع "
.
.
.
مو عادتك بـويه علي ... مهمـوم گلبك يالولي
هالمسه دمعك مابطل ... مهموم گلبك يالولي
****
بويه علي أشتخفي أمُر.. احچيلي بويه مروتك
طمن گليبي مـو جفل .. المن تـهـل ابـدمعـتك
وضعك فليسر الگـلب .. شنّهي المعذب مهجتك
يا روح كلشي ابعالمي .. كلش قلقت الشوفتك
أنت اللي باسمك ينجلي ..كالهم عبد بي مبتلي
شنهو المكدر خاطرك .. مهمـوم گلبـك يـالولي
****
ليش المزن تذرف عجب..لو ماكو شي يرويحتي
تشتكي من لوعه اوالم .. أحّچيّ الخاطر مهجتي
يا رحـمـة الله اونعمتي .. ارحم اوگــول ابنـيتي
شايل حزن گد خاطري .. سلولفلي همك منيتي
يا واحد انت وكل هلي..كل شغلي بيك اومشغلي
مرتـاح ماشوفك أبــد .. مـهـمـوم گلـبك يالــولي
****
حيدر الردتله الشمس .. الما يوم بحـروبه خسر
الــ بـالشـدايد ينّـده .. ليش اعله وجهه هم ظهر
يالي ابوجودك نطمئن .. ميمسنه شر هاي البشر
محتار ليش اومن قهر .. حزنـان وتــوزع نـظـر
أنت الأمان او موئـلي .. الوطن أنت وكلشي الي
توجعني أشوفنك تعب .. مهـمـوم گلبك يـالـولي
****
يابويه شحچيلچ صعب ..خافن اگليبچ ينجرح
بعدچ ابجـمرة فاطمه .. اتلحگين يم گلب السمح
والـمــا اگـولــنــه إلــچ .. تدريه من ذاك الصبح
يوم اليجيبوني اخوتچ ..مشيول وأدمومي تسح
ساعتهـا علمي مقتلي .. اوهاي المصيبه استقبلي
متكدّر انـه الخاطـرچ .. مهـمـوم گلبـك يالــولي
****
مطبـور لـمن تنـظـري .. ونصين راسي منجسم
وتشاهديني ابـيا وضع .. تتمني اليحصـل حلم
تتذكر ابجرحي جـرح .. ماشفتي اوعشتيه ألم
ما ماتت أمــج سالمه .. ماتت ضلع منها انهشم
قسـوة الـدنيا تحمـلي .. والـرحـمـة الله أتأملـي
مكتوب حزنچ يستمر .. مهمـوم گلبك يالــولي
****
#أم_علي_الشمري
قصيدة جديدة
درب النجف ما يرحم **واليمشي بي ما يسلم
مدفون لو دافـن راح ** ايظـل يـرد مـا يـرتـاح
درب النجف ما يرحم
****
دفان لو رايح تره تجرحك حتى النسمه
بالريه ما تدخل صعب گوه الهوى تشتمه
الفاگد تره الله ايساعده حتى النسيم ايلچمه
الكل ظنه ما يفگد بشر يدفن الشارك همه
يرجع اوگلبه مكسور ** دافن عزيزه مجبور
صدره انترس لوعة اوغم ** درب النجف مايرحم
****
درب النجف ما بي فرح معروف درب الفرگه
مـا يقـصِـده أحد أبــد إلا والجمرة اتحـرگه
والنفس بالله اويا علي الروح گوه تشهگه
گد ما ثگيل اعله الصدر ما يدخل إلا بشرگه
مر الوكت يمشي اوياه ** تنهش ابعمره الويلاه
اينام اويصبّح عالهم ** درب النجف ما يرحم
****
المات يمكن ما دره بل خلفه بغيّابه
ابنزعات روحه امن التهه نسته كل احبابه
ابعالمه الثاني انشغل واحنه الشغلنه امصابه
عنه انحجب وإلنه ترك ثغره اشيسدها ابابه
كلش هضمنه فرگاه ** شلون أنحبه ننساه
والجـبل چـان اتـهدم ** درب النجف مايرحم
****
التدّفنه ايديك او تـرد تحچي اوياهن چا ليش
جوه التُرب عفتي السند بعد استند گولي ابيش
فكـرتـي بالـمـاله سـند عمـره قصـير او ميعيش
الطير إذا أنصاب بجرح اول شي ايفقده الريش
اوبعده ابطء يبدي ايموت ** يخفي المواجع بسكوت
ينزف حياته اويه الدم ** درب النجف ما يرحم
****
دخيله علي لـو ما علي هـاي النجف ما تنطب
اولو ما أبو حسين أنوجد بيها الدفن ماينحب
اوما نصبر الهذا البُـعد ودموع نجري اوننحب
الله بكرامـة حـيدره بيـها السلام إلـنه أوهـب
البيها اندفن ما ينظام ** اويمّه علي خير إمام
يــم الـوصي لا تــهتـم ** درب النجف مايرحم
****
#أم_علي_الشمري
ع لحن (( لا تنسى الوصيه أنسه الاعذار )) لباسم الكربلائي
يا ابـو اليـمه جيـتك بالگـلب نـار
لا تـتركنـي خـويـه والله احـتار
ويـنك هـا يمـظلـوم
تـسعر جمـرتك گوم ـــــــــ بالگلـب نـار
ـــــــــــــــــــــــــــــــــــــــــــــــ
هـا يحـسين خـويه گلـي وينـك ـــــــ لتخـليني وحــدي
ردلـي جـواب سـمعني ونيـنك ـــــــ
خلـي گلبـي يـهدي
دگلي هالعدل صـدلي ابعينـك ـــــــ دگلي خويه ردي
هـاي الـناس عافـت خـويه دينـك ـــــــ بديها انسطر خدي
مـا أنـسه امس هـجمـو على الـدار
ولا انـســه الضلـع بـي نبـت بسـمار
نفـس الزمـره هالـيوم
تسـعر جـمرتـك گــوم ـــــــــ بالگلـب نـار
ــــــــــــــــــــــــــــــــــــــــــــــــــ
هيـج اسـمعت رجـه ونايـحه تنـوح ــــــــ ذبـحوهم يـزينب
أشـوف السـمه تنـزف صارت أجروح ــــــــ نـارك بـيه تلـهب
جـن الـكون كله وهاجـت الروح ــــــــ
ويـن الشـطر مـرحب
يجيك ايشوف راسك خويه مـذبوح ـــــــ
مـن دمـه تـخظب
يا حاضر الشده اوحامي الدخيل
ماتحضر وليدك سحگـته الخـيل
روحـي تنـزف دمـوم
تـسعر جمـرتك گـوم ـــــــــ بالگلـب نـار
ـــــــــــــــــــــــــــــــــــــــــــــــــ
اجيتـك والگلـب يا خـويه عطـاب ـــــــــ أدور مـن اجـيتك
حاچـيني دخيـلك ردلـي اجـواب ــــــــ
يمـن فـدوه رتـجيتك
لتـخليني وحـدي ابـين الاجـناب ــــــــ يالچـنت بحـميتك
ياذينـي العـدو كل سـاع بصـواب ــــــــ لو انـه بچـيتك
ايــده وصـوته يرفـعهن علـيه
مثـل امي بقـيت اشـگف بديه
بعـدك تهـضم الـگوم
تسـعر جمـرتك گـوم ـــــــــ بالگلـب نـار
ـــــــــــــــــــــــــــــــــــــــــــــ
گلـي شـلون اعـوفك دامـي العـين ــــــــ وامـشي انه سبـيه
لو بيـدي اظـل اوياك يحـسين ــــــــ اظـل حد المنيه
اريـد الـروح تطـلع من الـونين ــــــــ والـموته سـويه
خـويه احـتار فكـري والمـفر ويـن ـــــــ
اروح اليـا نـويه
هـيج بـس طحت ياخويه بحبال
سـبـيه مچـتـفه گـادوني الانـذال
نمـشي بصـحره وسـموم
تسـعر جــمرتك گــوم ـــــــــ بالگلـب نـار
ـــــــــــــــــــــــــــــــــــــــــــــــ
چان اسـمي العـقيله هـذا مـعروف ـــــــ هـسه الـخارجيه
نـزلت دمـعتي مـن طاحت اجفـوف ـــــــ
ابـن حام الـحميه
لو انـته عدل والكافل ايـشوف ــــــــ
افعـال آل امـيه
مايـرضه اعـرفه وهوه مـوصوف ـــــــــ
بالغـيره الابـيه
بعد اللي كفلني او بعدك أحسين
مابطل دمعتــي او تجــري العين
ما اعتب ولا لوم
تسعر جمرتك گوم ــــــــ بالگلـب نـار
ـــــــــــــــــــــــــــــــــــــــــــــــــ
#أم_علي_الشمري
#اللـهم_عـجل_لـولیک_الـفرج
من يوم مات حسين لليوم
ما شايفه يالوادم النوم
الليله أغمض العين ورتاح
ماكو طفوف اوهوسه وصياح
من يوم مات حسين لليوم
#أم_علي_الشمري
#يا_بقية_الله_الفرج
مولاتي يا زينب على الله وعليچ
.
.
أبيش اداوي اجروحج التنزف دمه
او داعت أعيونچ أنا أتمنى العمه
من مصابچ ذاك والحيره العليچ
صوتچ ابالي او أعيش اويا ظمه
گولي يا زينب يبت حامي الدخيل
لون تشفي ادموعي الجرحج لسيل
ولون تسكن عبرتچ ما ابطل أبد
هو عمري الخاطرچ باقيله حيل
مالي أخو مذبوح وبأهله أنفجع
او لا نداس ابخيل وتناثر قطع
كون يرضيج الجزع حد الممات
أخذي مني الدمعه وأنطيني الجزع
مولاتي إن كان هذا يرضيچ فخذي حتى ترضي
#أم_علي_الشمري
يا علي
يا الله يمرد گلبي هذا النداء ياعلي ياعلي
Читать полностью…
عن محمد بن سنان عن ابن عباس
قال كنا عند رسول الله صلى الله عليه آله فأقبل علي بن أبي طالب عليه السلام فقال له النبي صلى الله عليه وآله: مرحبا بمن خلقه الله قبل أبيه بأربعين ألف سنة، قال: فقلنا: يا رسول الله أكان الابن قبل الأب؟ فقال نعم، إن الله خلقني وعليا من نور واحد قبل خلق آدم بهذه المدة ثم قسمه نصفين، ثم خلق الأشياء من نوري ونور علي عليه السلام، ثم جعلنا عن يمين العرش فسبحنا فسبحت الملائكة، فهللنا فهللوا، وكبرنا فكبروا، فكل من سبح الله وكبره فإن ذلك من تعليم علي عليه السلام
المصدر بحار الانوار الجزء 25
يا علي هذي احلى رواية قريتها عن العالم الرباني علي إبن ابي طالب ع
بسيطة لمولاتي العلية ع
.
.
واحسينا واحسينا
واحسينا واحسينا
****
گـوه أضم ابدمعتي
او مـا أبـيــن لوعتي
الغربة أهلي اوغربتي
أكتم الآ واحسينا واحسينا
****
الغالي ودعني او طلع
گلبي من صدري انشلع
ما إلــي أنـدار او رجـع
او گلي ويـا واحسينا واحسينا
****
خاطري اهواي انكسر
من مشه احسين اوسدر
ردته اللي ايدير النـظــر
مره والله واحسينا واحسينا
****
طفله خـلاني ابحزن
لازمــه البـاب او اون
إله أشـتــاگ او أحـن
گلبي يهوا واحسينا واحسينا
****
مـات حلمي الما بده
ويه ظعني اهلي الحده
البيه ما يدري أسده
الياذي فرگا. واحسينا واحسينا
****
#أم_علي_الشمري
قصيدة البومة؟
كتبت على أثر هذا المقطع 👆
.
.
أشفتي ابعينچ او ظليتي مهمـومه
مـن يـوم الطفوف اولسه مكتومه
****
لا مثـل الطيــور اقـرانچ اطيـرين
وليل الله اليمرلچ كاعده او تبچين
اشافت عينچ او ما صرتي ترتاحين
احچيلي عليچ السِلبو اهدومه ؟
أشفتي ابعينچ او ظليتي مهمومه
****
شفتي حسين من ظل وحده اومحتار
وسط الجيش واعليه العدو جرار
لو شفتي العقيله اتعاينه امن أمتار؟
ياهو الخله حالچ هيج مهضومه
أشفتي ابعينچ او ظليتي مهمومه
****
شفتي الحره من رگضت تدور حسين
لــو يــم الـكفـلها أدور الچــفيــن
عن يا حال ننشد صرتي أتنظريــن
من يا سبب وجهچ محزنه أرسومه
أشفتي أبعينچ او ظليتي مهمومه
****
شفتي العسكر اعله الخيم لمن دار
لو شفتي اليتامه الفزعت من النار
مذعـوره اوتصيح الغـوث يا كـرار
من ياهم دليلچ گولي ما لومه ؟
أشفتي ابعينچ او ظليتي مهمومه
****
شفتي الحره من گيدوها بالأصفاد
لو أبنه العـليل المـال حيـله او باد
لــو بنــتــه رٌقـيـه التنشد السجاد
عن والدها وين الطالت اعلومه ؟
اشفتي أبعينچ او ظليتي مهمومه
****
حچيناها الصور كلها اللي منقوله
ما شككنه بيها او گـلنـه معقوله ؟
بس صورة جنابچ ليش معلوله
من يا أثر گلبچ ما شفه أورومـه
اشفتي ابعينج او ظليتي مهمومه
****
أكيد احسين من أنذبح من ظهره ؟
ومن داسته الخيل اوهشمت صدره
شفتي أرضاض لحمه ابحافر العشره
ما لومچ لون للساعة مصدومه
اشفتي ابعينچ او ظليتي مهمومه
****
#أم_علي_الشمري
#اللهم_عجل_لوليك_الفرج
ابوذية
" مولاتي السيدة زينب ع "
بعد عينك تركت الماي والــــزاد
شنو عمري بغيابك گصر والزاد
حسين اوياك كلشي الخدر والزود
راح ابساعة الرحت من أديه
#أم_علي_الشمري
يالمعلّمني مِنْ تقسى الحياة أنخاك
إذا حسّيت أجتني مِنْ الوكت عيلة..
#ياعَلِي
شسولف وأنا ابابك مختصركلشي 🤍🥺
Читать полностью…
زيارة أئمة البقيع
الإمام الحسن المجتبى الإمام زين العابدين الإمام محمد الباقر والإمام جعفر الصادق عليهم السلام
السَّلَامُ عَلَيكُم أَئِمَّةَ الهُدَىٰ، السَّلَامُ عَلَيكُم أَهلَ التَّقوَىٰ، السَّلَامُ عَلَيكُم أَيُّهَا الحُجَجُ عَلَىٰ أَهلِ الدُّنيا، السَّلَامُ عَلَيكُم أَيُّهَا القُوَّامُ فِي البَرِيَّةِ بِالقِسطِ، السَّلَامُ عَلَيكُم أَهلَ الصَّفوَةِ، السَّلَامُ عَلَيكُم آلَ رَسُولِ اللهِ، السَّلَامُ عَلَيكُم أَهلَ النَّجوَىٰ، أَشهَدُ أَنَّكُم قَد بَلَّغتُم وَنَصَحتُم وَصَبَرتُم فِي ذَاتِ اللهِ، وَكُذِّبتُم وَأُسيءَ إِلَيكُم فَغَفَرتُم، وَأَشهَدُ أَنَّكُمُ الأَئِمَّةُ الرَّاشِدُونَ المُهتَدُونَ، وَأَنَّ طَاعَتَكُم مَفرُوضَةٌ، وَأَنَّ قَولَكُمُ الصِّدقُ، وَأَنَّكُم دَعوَتُم فَلَم تُجَابُوا، وَأَمَرتُم فَلَم تُطَاعُوا، وَأَنَّكُم دَعَائِمُ الدِّينِ وَأَركَانُ الأَرضِ، لَم تَزَالُوا بِعَينِ اللهِ يَنسَخُكُم مِن أَصلاَبِ كُلِّ مُطَهَّرٍ، وَيَنقُلُكُم مِن أَرحَامِ المُطَهَّرَاتِ، لَم تُدَنِّسكُمُ الجَاهِلِيَّةُ الجَهلَاءُ، وَلَم تَشرَك فِيكُم فِتَنُ الأَهوَاءِ، طِبتُم وَطَابَ مَنبَتُكُم، مَنَّ بِكُم عَلَينا دَيَّانُ الدِّينِ، فَجَعَلَكُم فِي بُيُوتٍ أَذِنَ اللهُ أَن تُرفَعَ وَيُذكَرَ فِيهَا اسمُهُ، وَجَعَلَ صَلاَتَنَا عَلَيكُم رَحمَةً لَنَا وَكَفَّارَةً لِذُنُوبِنَا، إِذِ اختَارَكُمُ اللهُ لَنَا، وَطَيَّبَ خَلقَنَا بِمَا مَنَّ عَلَينَا مِن وِلاَيَتِكُم، وَكُنَّا عِندَهُ مُسَمِّينَ بِعِلمِكُم، مُعتَرِفِينَ بِتَصدِيقِنَا إِيَّاكُم، وَهٰذَا مَقَامُ مَن أَسرَفَ وَأَخطَأَ وَاستَكَانَ وَأَقَرَّ بِمَا جَنَىٰ وَرَجَا بِمَقَامِهِ الخَلاَصَ، وَأَن يَستَنقِذَهُ بِكُم مُستَنقِذُ الهَلكَىٰ مِنَ الرَّدَىٰ، فَكُونُوا لِي شُفَعَاءَ، فَقَد وَفَدتُ إِلَيكُم إِذ رَغِبَ عَنكُم أَهلُ الدُّنيَا، وَاتَّخَذُوا آيَاتِ اللهِ هُزُواً وَاستَكبَرُوا عَنهَا
ثم ارفع رأسك إلى السماء وقل:
يَا مَن هُوَ قَائِمٌ لاَ يَسهُو، وَدَائِمٌ لاَ يَلهُو، وَمُحِيطٌ بِكُلِّ شَيءٍ لَكَ المَنُّ بِمَا وَفَّقتَنِي وَعَرَّفتَنِي بِمَا أَقَمتَنِي عَلَيهِ، إِذ صَدَّ عَنهُ عِبَادُكَ، وَجَهِلُوا مَعرِفَتَهُ، وَاستَخَفُّوا بِحَقِّهِ، وَمَالُوا إِلَىٰ سِوَاهُ، فَكَانَتِ المِنَّةُ مِنكَ عَلَيَّ مَعَ أَقوَامٍ خَصَصتَهُم بِمَا خَصَصتَنِي بِهِ، فَلَكَ الحَمدُ إِذ كُنتُ عِندَكَ فِي مَقَامِي هٰذَا مَذكُوراً مَكتُوباً، فَلاَ تَحرِمنِي مَا رَجَوتُ، وَلاَ تُخَيِّبنِي فِيمَا دَعَوتُ، بِحُرمَةِ مُحَمَّدٍ وَآلِهِ الطَّاهِرِينَ، وَصَلَّىٰ اللهُ عَلَىٰ مُحَمَّدٍ وَآلِ مُحَمَّدٍ
٨ شوال ذكرى تهديم قبور أئمة البقيع ع
لـون غـيـرك مـنـو ننتـظـر شسعه ؟
أومـزار ارض البقيع أصيـر شسعه
وحگ اللي أنگطع بالحرب شسعه
إشـارة أنطـيـها بــس الجـعـفـريـة
يا فرج الله #بناء_البقيع_حق
#أم_علي_الشمري
الاول شسعه... الفعل
الثانيه شسعه ...بمعنى كبيره ووسيعه
الثالثه شسعه ...وهو نعل القاسم ع
لشهادة مولاي أمير المؤمنين علي " ع "
.
.
.
بويه السمه مطرت دمه ... لو هذا دم اجبينك
الخاطر اوليدك ياعلي ... حاچيني انه حسينيك
لا تشغل البال ... بويه ارحم الحال
حاچيني انه حسينيك
****
بويه نزف چبد السمه لو راسك اللي اتهـشم ؟
الكون شــو كـله أنگلب بالحـزن والهم خـيم
والصوت بويه اللي اعتله ركن الديانه اتهدم
حيـدر ابمحـرابه وگــع يا ناس سابح بالـدم
جبريل بالصيحه علن
الوگع ركن ابدينك
الخاطر اوليدك ياعلي
حاچيني انه احسينك
برجفه الگلب ظال ...بويه ارحم الحال
حاچيني انه احسينك
****
يا علي ادخيلك يا علي حسيـنك أنـا حاچيني
ابيا ذنب طبرو هامتك وانـه انـفجـع بونيني
دمك الطاهر عالأرض ليش اودمعتي ابعيني
من شفـت راسك منهشم كلشي غـده ياذيني
أتعذبت روحي الشوفتك
والزاد كسري ونينك
الخاطر اوليدك يا علي
حاچيني انه احسينك
اودمع الحسن سال ..بويه ارحم الحال
حاچيني انه حسينك
****
ظلمت الدنيا ابناظري اوماصرت اشوفن تعلم
جـراحك إيگل الحسن جـرحه غميج او أظلم
مـا ظـنه يبني والدك من جرحه يشفه اويسلم
أتمنيت مـا سامع أبــد وهلبـت گلـت انه احلم
أحچي اويه روحي مو صدگ
يا نظر عيني عينك
الخاطر اوليدك ياعلي
حاچيني انه احسينك
چذب حچي الگال ... بويه ارحم الحاب
حاچيني انه احسينك
****
زينب الجمرتها أبتدت جـمـرتها من يطفيها
تفرك بـديهـا مـن القـلـق تسأل شـرد اعليها
باچر أتعيّدي ابلا ابو شلون أگدر اوأحچيها
أشلون أگلـها يا علي كلمـة البـوية انسـيها
الـ گدامها اهواي الهضم
تندعي الباري ايعينك
الخاطر اوليدك يا علي
حاچيني انه أحسينك
اعليها الحزن دال ... بويه ارحم الحال
حاچيني انه احسينك
****
وأيتـامك الـ عالباب أجت تنتظر شنهو أنگلها
انـگلها مـا تشـفـه بـعـد والمـوت روحه يسلها
لـو معجزة أصـير او علي يتشافه او يرد إلها
محتار شنطيهم حچي مـات الحچي يا خلها
صعبه أگلهم ما ترد
والحلوه ذيچ أسنينك
الخاطر اوليدك ياعلي
حاچيني انه احسينك
مني الهضم نال ... بويه ارحم الحال
حاچيني انه احسينك
****
ياريت بيـه ضربتـك اومـو راسك انـفج راسي
والألـم هـذا الـوسـدك بيـه او تضـيگ انفـاسي
وامشي ابـدالك للگبـر او لا أنـت يا كـل نـاسي
وابحر اوگلبي مطمئن عالجرف ما اظل راسي
يالمحد أنت ايعوضك
فدوه لك كل أبنينك
الخاطر اوليدك يا علي
حاچيني انه احسينك
ابثقله الچتف مال ... بويه ارحم الحال
حاچيني انه احسينك
****
#أم_علي_الشمري
ما كافي ركض مني اشتريدون
ما ظـل شـي بعد بس طلعت الروح
...............................................
ضمي اجدامچ يعمه
اوكلشي عشتيه چن حلم
مثل ما ضميت جرحي
اليلچم جوه الهدم
او لا تراويهن يعمري
الحچي يوصل للزلم؟
ابو فاضل غيره عنده
وصاحب الغيره شهم
واليمنعه الموت عنچ
روحـه ويـاچ او يهم
اتحملي وعين الله إلنه
او لا الكافل يلچم
...😔💔
#ام_علي_الشمري
كلبي شمعه وذاب من هجر الولد
Читать полностью…
يا علي
وين احچي المواجع يا علي ادخيلك
طگ گلبي او أريد امسير أمشيلك
ما أحمل بعد مثل الوگع بالماي
ما يعرف سباحه او صار يوميلك
هذا انه الشبع من الهموم أهواي
من زغره أنكسر ويعالجه ابحيلك
جفيت الدموع الشوهت العيون
من گد ما ثگيل الحمل أشكيلك
مخنوگ او سوالف ليل بي تعيل
لمي ما أسولف بيهن أحچيلك
يابا الحسن ماعندي صبر ايوب
وتحمل وضمضم ما اراويلك
وحق كل آيه نزلت فسرت معناك
ونطت عن زرع خيره او محاصيلك
مليت او جفاني الواهس من أصباي
عايش على الفطره المن تفاصيلك
مولاي الحقيقة الجوه روحي اتعيش
من أشتاق إلك لا أبطي اوديلك
ايها الشفيع والوسيله "يا علي "🤲
#أم_علي_الشمري
زينب "ع "
خــويه لا تمـوت أنـت
تره ايگولون عاف أخته 💔
لشاعر
لذكرى وفاة مولاتي جبل الصبر وفخر المخدرات زينب ع
.
.
.
خلصت فرحتـي حيـدر حبيـبي
رايـح الـطـم وتسـمــع نحيـبـي
لم عون الحبيبه لم عون الحبيبه
****
من بعد الولادة او ذيج الـفراح
ساعات او حزنها بالصدر صاح
عـُذرًا سيـّدي ليـهـا الگـلب راح
متجه بجمــرتـه شـايـل اجراح
ما متعـود اعله الـفــرح مولاي
اوعنّده أُم غـريبـه تريـد وفـاي
مولاته الغريبه لم عون الحبيبه
****
حضرت الألم واحـزاني ليـها
وعيني بالدمع تبچي البچيها
اشما اتذكـر الـتـل او حچيهـا
مـن ندبتـك تحضـر يا وليهـا
من صاحت دخيلك ياعلي وين
أحضر بويه حيل ابشده الحسين
وتلحگله او تجيبه لم عون الحبيبه
****
حدنه اويه الفرح ساعات او يوم
اكثر مـا نـزيـد او عـدنـه مظـلـوم
مـاضـاگ الـعـذب دلالــه محـروم
مذبــوح ابظلم إبـن اطهر أدمـوم
راسه من گفاها أنـذبـح ونـشال
اوجسمه اعله الصعيد أطشر اميال
شعظُم هاي المصيبه لم عون الحبيبه
****
الوشحتني ابصبرها اوذاك الحساس
الـ بروحي سـكنـهـا او جوه الانفاس
الـفگـدت خـيمـة الله الأسمـه عباس
اريــد أبچيـها دم والطـم على الراس
الظـلـت لا حـرس لا اخـو اوشـكـاي
مشت والحيره بيها مدودهه الــراي
شهالسفره العجيبه لم عون الحبيبه
****
مجالس مـا امـل وانصبـها الحزان
البنتـك يـا علي الما ظلـهـا خـوان
الحنينه الرادت احسين إلهـا دفان
اذا ماتـت يـلـحدهــا بـالـحضــان
العفيفـه الخلصت لـوعتـهـا بالشام
ارتاحت من هضمهـا او ذيـچ الآلام
عمري اوكل نصيبه لم عون الحبيبه
****
#أم_علي_الشمري
يا مولاتي يا زينب نظرة للعبدة المستكينة 🙏🙏
هذي الابيات كتبتها بصدد ما قرأت 👆
.
.
.
علي قبل الوجود او قبل هالدنيا
أنخلق متروس گلبه او كله حنيه
الشهدله ابهالامر والبين المضمون
طــه او لا ادور اعذار وهميه
علي قبل النبوه او آدم او حواء
نوره انخلق بيد الإله الكُليه
إبن عباس راوي اساعه هالأخبار
عن سيد الرسل واخذ افهم اشويه
هاك أتمعن اوشوف الحديث ايگول
يالتبغض علي او ما تعدل النيه
( ابو الزهره او علي من نور واحد چان )
قبل لا سمه اتكون او ارض مدحيه
وقبل لا شمس تشرق والفلاك ادور
وبعالي السمه تشوف الگمر ضيه
وقبل لا بحر يجري والخليقه أتصير
علي بساق العرش سبح الباريه
اوعلم هالخلق تسبيحة العشاگ
اعطش جوع موت المهم مرضيه
نفسك لا تضيعهه اوتظل ندمان
وستشعر وجود الـدنيـا مگضيه
الربك؟ بس فقط افتح اجفوف اديك
لا تصافح چفوف اهل الوهابيه
وذوب ابحب علي وخل يسكن الدلال
وقل الداخلك بس إلك هالبيه
بعد الله ومحمد سيد الاطهار
ثابت علي بگلبي وختم بالـميـه
ـــــــــــــــــــــــــــــــــــــــــــــــــــ
#أم_علي_الشمري
#يا_بقية_الله_الفرج
أبيات نعي مساجله
**
كاسرلي ظهري من يوم ارحلت كاسرلي ظهري
خويه متدري نارك بالگلب خويه متدري
مو بعده كسري بفراگ الابو مو بعده كسري
چملته قهري ما عايز انا اوچملته قهري
**
هون عليه ليش ابهالعجل هون عليه
عفته خطيه ما گلت الاخو عفته خطيه
چن مغربيه وجهي من الحزن چن مغربيه
عيني جريه ما بطلت بچي عيني جريه
**
وامي العفتها ما بيها أسألت وامي العفتها
حيل أكسرتها خويه امي اوعلي حيل أكسرتها
كونك شفتها شلون ابغيبتك كونك شفتها
يالفارگتها تتنفس صعب يالفارگتها
**
خويه اوخواتك مو بس أخوتك خويه اوخواتك
ساعة مماتك من جاهن خبر ساعة مماتك
يالطيبه ذاتك اعليك أتفرفحن يالطيبه ذاتك
ردنه جزاتك او كل تعبك نرد ردنه او جزاتك
**
مو هيچي اتروح ابسرعة اعله الگبر مو هيج اتروح
يمداوي الجروح بعدك منهو الي يمداوي الجروح
تاركنه بالنوح انه وكل هلك تاركنه بالنوح
ماعندي أي روح وي روحك مشت ماعندي اي روح
**
والجرح الچبير يالعفته او رحت والجرح الچبير
من بنتك أتصير او تكبر بين أدي من بنتك أتصير
تسألني وتحير ماگتلي اظـل تسألني وتحـير
مو گتلك أزغير ماني الهالحمل مو گتلك أزغير
**
#أم_علي_الشمري