2381
{لو لا أنــــ❤️ـتَ ما خُلـِقنـا يـاحُسَــ❤️ــيّنْ}
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
روح الزچيه .... هاي المسيه
مستبشره انذاع إلها مصدر فرحها
تاسع ربيع الأول بلسم جرحها
روح الزچيه .... هاي المسيه
ابهذا الشهر معلوم بشره چبيره
يهديها رب الكون لجّمل أميره
بي يتنصب معصوم خيرة الخيره
مهدينه الياخذ ثار صاحب الغيره
أتبسم ثغرها .... اوشعشع بدرها
والحجة راوي الاخبار لن ما برحها
تاسع ربيع الأول بلسم جرحها
روح الزچيه .... هاي المسيه
والينقل التاريخ هاذي الحقائق
يامن تريد اثبات عدنـه الوثائق
الشيخ المفيد أيگول أسمع دقائق
وتوچد ابمضمون سر الخلائق
ألمن الأكوان .... خالقها الرحمان
لأجل النبِيّّ اوله الدنيا شرحها
تاسع ربيع الأول بلسم جرحها
روح الزچيه .... هاي المسيه
ويّاها الفرح انجيم ياله يشيعه
بتتويجه إبنها اليوم نملي الوسيعه
خل منه تشوف شلون بالحب نطيعه
يارب علـينـه ايبان وجـه الطليعه
من لب مهجنه .... المهدي منقذنه
ما عدنه غير الموعود يشفي قرحها
تاسع ربيع الأول بلسم جرحها
روح الزچيه .... هاي المسيه
والما همه اشيختار طوب اليطبه
يتسائل باچر وين عن عمره ودربه
الما يدرك أمره الحين ويتوب الربه
ما يدرك سفن الخير ويچلّب بگلبه
أنصح وذكرك .... لا تنسه وزرك
مهما تطول إنتَ أهنا تترك صرحها
تاسع ربيع الأول بلسم جرحها
روح الزچيه .... هاي المسيه
..........
#ام_علي_الشمري
على لحن قصيدة الملا باسم الكربلائي
( ليلة سعيدة فرحة جديدة )
قال الإمام العسكري(ع)
إنكم في آجال منقوصة وأيام معدودة والموت يأتي بغتة من يزرع خيرا يحصد غبطة ومن يزرع شرا يحصد ندامة
المصدر : بحار الأنوار
شلي بعيوني إذا حيلي بگفاي
عميه أي ماشوف بس أندل هَواي ؟
العنده مثلي حسين عايش بالدليل
ما تهمه أعيون ويدور فياي ؟
انه أشوف احسين مو مثل اليشوف
أتوهمت هالناس ظلمه ابلا ضواي
ظنـهـم المـا يبصر ابعينه ظلام
شنهو فايدته النهر لبلايه مـاي
بالبصيره مييزت معنى الوجود
يعني شيفيد النظر للماله راي؟
أهون أفقد ناظري وعندي ضمير
اومن خلاله أفهم المات الظماي؟
مني رب الكون أخذ شَيّ الثمين ؟
وبمقابيله نزل بالچف دواي؟
ما حرمني اوعشت ميت بالحياة
والدليل اليــوم هذا اللي معاي
الخدمة العطشان ما حاجه نهار؟
ولا شمس محتاج تضويلي بسماي
كلشي محتاجه عقل بي أستنير ؟
وخدم الزوار رايح ولي جاي
#ام_علي_الشمري
لشهادة مولاتي السيدة رقية ع
.
.
أجـانـي الـمـا يحب يبـتعـد عنـي
أبـوي حسين والـصـدره أخـذني
****
أجاني الغالي ابـو الروح الحنينه
بوجــه باسـم أجه وفـاتح أديـنه
يصدلي وناظري يصد اعله عينه
ارتميت بحضنه وبدمـعه شبگني
****
خلص نوحي وسؤالي عمه وينه
بمماتي لا سفر فـتـره او يجـيـنه
أمل ما ظـل الي يـرجـع علــيـنه
رجعلي راسـه منحور اوهضمني
****
خذاني ابعطف نظراتـه الرحيمه
أبـاوعـله اويبـاوعلي ابهـضيـمه
گلتلـه ويـن هـالغـيــبه الـكريـمه
يبويـه أخلافـك الحسره سبتني
****
عذبـتني الدروب اوشد الحبـال
وعذبني العطش وحرور الرمال
الگطّع مُهجتـك گطّعني أوصال
سوطـة بغيـبـتك ورملـي متني
****
أريد أسمـعـها منك بـويه ويـنچ
وريـد أدگـلي مشتاگ الحنــينچ
رُقــيـَّـة لا تـأذيـــني ابـونيــنـچ
ابدفـئ احچايتـك يستچن وني
****
يگلي أهـنا يـبويـه أهنـانه يـمـچ
بعد لتخافي مــن أحـد يظـلمـچ
وعـد لنسيـچ كـل هـذا اليـألمـچ
أمشي وياي بين اضلوعي سكني
****
#ام_علي_الشمري
من خادمة الحسين لخدام الحسين ع
هلـه بـزوار أبــو اليـمه وحيـهُم
العـافـوا كلشي والغالي وحيهُم
لجـل مـن چان خادمهم وحيهُم
لصيـرن فرشه اوعيوني الغطيه
هــي أيـام الــي اويــاي منـدم
وخافن ما تـعود او أظـل مندم
شيفيد البـچي البعدين مـن دم
إذا راحـت الـفـرصـه مـن أديـه
#ام_علي_الشمري
#هله_بيكم_بالبصرة_أم_الخير
#مواكبنة_وبيوتنا_مفتوحة_لجدامكم
سلام عليكم طبعاً لكثرة الطلبات سويتلكم اكروب طلبات ايجنن تعالوو اشتركوو بيه على الرابط التالي 👇👇👇
/channel/ahmedalfatmeii
أنا ابن الما خضع لحد
أنا ابن الطاح وتفـرهد
أنا ابن الما رضه ينّذل
أنا ابن السيد الفطحل
أنـا الـمولـود من دمه
أنا المن صلبه اولحمه
انا ابن المات ابو عطشان
أنا ابن الما بقاله اخوان
أنا المعلـول مـن يـومه
أنا الـما أحـد ايـلـومه
أنا الشفت الأمر والمُـر
انا الما بطل دمعه ايجر
انا ابن الـهشموا صـدره
أنا ابن المنتهب خدره
انا السجاد من ولده
عشت آهات من بعده
السلام على سيد الساجدين وزين العابدين والمتحير بعد أبيه روحي له الفداء عظم الله أجرنا بك يا مولاي
✍️ #ام_علي_الشمري
قصيدة جديده
عذريني يبت حيدر
عالي اعله الرمح راسي
ماشـوفچ يخت عباس
بس اتعرفچ أنفاسي
****
وينك يا كفيل أختك
صـوتچ يترس آذاني
مهدومه العزم والحيل
حالچ دوه نيراني
أدري ما بقــالچ راي
من ضيعتي ألواني
شمّسچ غابت اويه اضواي
كسفوها اويه ذرعاني
العاهدلچ يجيب الماي
ظل اعله النهر نايم
لا عينه ولا چفين
منه طايح الصارم
****
بعد المعركة والصار
والعمد الجسم هامي
ما لوعني فچّ الهام
بكثرة كلمة الحامي
نشدچ عالكفل چا وين
شعلة جمّرة الظامي
ولمن منحري گطعوه
وفصلوا جسمي الدامي
ما حسيت أنا بالسيف
لن بيچ انشغل فكري
من أسمعلچ اتصيحين
آ يالكسروا ظهري
****
من رفعوني عالعسال
قبله ريتچ تحضرين
أُمنيتي أقبل أيديچ
وصدري الحضنچ تضمين
وأسمع آخر الحظات
ذكر أسمي والي تعذرين
منچ مستحي ما جيت
ولسكينه لون تدرين
انه الواعد الأطفال
يـرويها وإلچ يرويچ
والهذا السبب ظليت
ما رد الوعد يحميچ
****
مشهد كربله وأسباي
أغزة فكري اوگلبي
سهم توسط الدلال
مزق كل حشاء لبي
ما وچد گمت ممشاي
كلشي أظلم ابدربي
خوية الخفته بعدك صار
يشهد خالقي وربي
يا ريحة هلي الماضين
جفت من دموع العين
صحره صرت من فرگاك
حال أختك دشوفه الحين
****
عذرك خوية ما مقبول
لو بيدك ترد وياي
لآچن هذا أمر الله
الوده بغيرتك عالماي
حتى ايرواي هاي الناس
معنى وگفت الوفاي
ليش اتضحي لجل الدين
وللخوة تصير افياي
راد المنهج الأحرار
تصبح للوفه مقياس
والرايد يعيش ابزود
يترس غيره من عباس
****
#ام_علي_الشمري
رجوع السبايه الى المدينه
--------------------------------------------------------------
أجــت وتشاطـي بنـظـرات أم الأربـعـه الــحره
من سمعت خبر نشروه رد ظعن الوصي ابكبره
حُسيناً واحُسينا حُسيناً واحُسينا
---------------------------------------------------------------
أجت أم البطل عبّاس من سمعت خبر نشروه
رادت تعـرُف أشـصاير و ألمن هالخبر ذاعوه
وچـن بـشر اليلاگيـها يگلها الصار والشافوه
بغـربه ذبـحو العبّـاس وحسين و بني الزهره
حُسيناً واحُسينا حُسيناً واحُسينا
-------------------------١
لا ذاك الكـفل وحسين ردّ اويــاهـه بـس الهم
الچانت ضـلها مامشـيوف هسـه عليها ايتألم
ردت والوجه مشبوح ولون اعيونها احمر دم
مدري شلون ما ماتت الــبيها ظل أثــر جمره
حُسيناً واحُسينا حُسيناً واحُسينا
-----------------------٢
من سمعته ناحت حيل ويلي اعليچ يا زينب
رديتي ابحرم وأطفال يابــنت الشطر مرحب
تتـفـرج عليـج النـاس يمه وخـدرج امسلب
انتي الجنتي من تمشين منچ تستحي الگمره
حُسيناً واحُسينا حُسيناً واحُسينا
-------------------------٣
شافتـها وغـدت تبـچي وأم الاربعه تنـحب
تواسيها وتصبرهــا ومثلـها هالگلـب عـطب
تگلها يــمه گليلي عـــنچ ويــن المـضهضب
وين الراح الـچ حماي وين الدگلي ابصدره
حُسيناً واحُسينا حُسيناً واحُسينا
--------------------------٤
تگلها وتلطم اعله الـراس زينب يمه حاچيني
ليش ابلا اخوچ احسين رديتي وضوه عيني
وليش الحاله هاي اعلـيچ فدوه يمه كلمـيني
وال بيده تركت ايـديچ لـيش ايـردن ابغيـره
حُسيناً واحُسينا حُسيناً واحُسينا
-------------------------٥
تگلها يم حبيب الروح أمـي الطيبه والنشمه
مــاقــصـر وحـگ أدمـاه ابـنـچ كمــل الهـمه
الچفه ماترك چـفـاي حـد مـا گطعــو جسمه
وحگ البل عهــد وفــاي وفــه الآخر الگطره
حسيناً واحُسينا حسيناً واحُسينا
---------------------------------------------------------------٦
#ام_علي_الشمري
قصيدة جديدة
علي علي علي علي
علي علي علي علي
*
بعــد المصيبة اوكربله
بنتــك تـروح ميسـره
يحديه شمر إبن الخنا
عبـرتها بيــها مكـسره
يجبرها بالسوط النذل
تترك أهلها اعله الثره
أحسين أخيها والفحل
عباس سبـع الـگنـطره
عافتهم المدمع يصب
جمرتها حيل مـوجره
علي علي علي علي
علي علي علي علي
*
وينك نختك يا علي
والصوتها ما تسمعه
اوحيد أخوها تنظره
اعليه الحشود امجمّعه
او لمن لفاله المُستبدّ
والراسه رايد يگطعه
شافته زينب وركضت
لا يالشمر راسي نزعه
عوفه فلا ظل بي نفس
يكفي العزيز اتلوعه
علي علي علي علي
علي علي علي علي
*
ظلت تنادي او تنتخي
وين البخت يهل البخت
تحضر تشوف اللي جره
ابعاشر محرم مــادرت
مذبوح أبنها ابيا ذنب
روح العزيـز تفرهدت
بسيوف أتبــاع الكفر
جثت عضيدي اتوذرت
بين الحسين او كافلي
أتلـوعـت وتمرّمرت
علي علي علي عل
علي علي علي علي
*
تالي بحبال اتگيدت
مسبيه واليحدي أجنبي
ريتك يبويه العيلتك
موجود وتشوف السبي
ابلا رحم نازل ضرب
يمنه او يساره والنبي
تمنيت موتي ويه أخوتي
ولا أمشي ويه الناصبي
مكسوره محنيه الظهر
ماخوذه بيد الغاصُبي
علي علي علي علي
علي علي علي علي
*
ولي ينـدبك تـفـزعه
ما جيت يوم الندبتك
دارت وجههه للـغــري
مهضومه بنتك سلوتك
آيات بيت أهل الوحي
فوگ الترب كل ضنوتك
ماخافوا الله ابهالفعل
لا راعوا الله ابحرمتك
شمس التُقاة ابلا دفن
ظل عالصعيد مروتك
علي علي علي علي
علي علي علي علي
*
#ام_علي_الشمري
كتبت اليوم 15 محرم الحرام 1445هـ
3/8/2023/ مـ
مـن ليلة الـعـاشـر وكـفتـچ هاي
ماغمضـت عيـونـچ والجفن نام
جاهـدتي الظـلم والـحـزن والآه
قيـادية صـبـحـتي رغـــم الآلام
مسبيه وأناأدري المسبيه تخاف
تجـر بذيالـها ومـا تــرفـع الـهام
بس أنتي يزينب عكس النشوف
أبــد ماخفتي مـنج خافت أزلام
وكت اللي نطقتي تعرّفي الناس
منو المظـلوم والظـالم والحكام
سكت شيطانهم وأظاهر إنـسان
وخذ دور البريء أگـبال الأعلام
ماهزج كلامه ورحــتي تـحچين
عله أسماع البشر تاريخ الأسلام
اوبينتي الرسالة الرادها حسين
يــارايــة كفيله وقــائــده الـعـام
كلمتچ عصا موسى تغيض فرعون
او تكسر كل جماجم عايشه وهام
أرتاحي يـزينـب عــدنا ما مات
كلامــچ حرز شلنـه الهـاي الأيام ؟
#ام_علي_الشمري
الظليمة الظليمة 💔😔
أبوذية مع أبيات نعي
يزينب لا تگليلي ون حسين
وگع والطيحته أسمع ون حسين
شبيدي وشنهو أسويله وأنا حسين
عفته اوجيت أخبرچ عالوطيه
رد خـالي المُـهـر يصـهل
لعد زينب يخـبّرها
طاح الـما ردتله ايطـيح
ناره بگلبـي وجّرها
لخيچ لحگي يازينب
جبينه الحجر فجرها
هو وللأرض يا خيته
اعله وجهه طيحته أشمرها
الحگي لو إله تلحگين
صعبه أنفاسه اليجرها
أجيتچ من وگع للگاع
حاله شلون أفسرها
عفته والوحوش اعليه
اندارت وهوه يزجرها
كل هذا وعليچ أندار
عينه الشوفچ ايسرها
چن ما يوجعه اللي بيه
روحه اعليچ مجمرها
كل تفكيره يا زينب
بيچ الحاله اليمــرها
چنّه ايگول من عينها
بعدي أختي اشيصبرها
أمشينه ابعجل للوالي
أجروح التدمي نجبرها
قبل لا هالشمر يلفيه
وروح المولى يغدرها
✍️ #ام_علي_الشمري
أرجع يبن فاطمة ؟
مــا رد وقـض نحــبه بالطــفـوف
الخاطر هالحقيقة اعيونه تشوف
يا حسين
بقلمي
قصيدة لا تشتكيله الظمة ليلة علي الأكبر ع
يا علي أخفّـي العطش
يبني لتعذب احسينك
لا تشتكيله الظمه
وگليبه بالهم دمه
يبني لتعذب احسينك
****
يوليد لو رحت ودخلـت الحرُب
هاي المصيبه اتحمل او هالدرُب
ثقـل الحـديد أتحمل اوهالكُرب
ماي بخيمـنـه ماكو شح الشرُب
بس الصبر نمتلك يبني من فدوتي العينك
جفت خيمنه العذب
موقفنه يمه صعب .. يبني لتعذب احسينك
****
يـالظنــك اتـــرد للأبـــو تــرتــوي
اوهـــو بدليله النــار تچـوي چوي
مثلك ييـمه أحــشاه تــدوي دوي
أشــبيده يالأكبر هاذ حـكم القوي
لتبين الهم ظمي أجبيدك من تضرب إيمينك
بالك يحس العدو
خلّي ضربتك كفو يبني لتعذب أحسينك
****
يا سلوت أمــك يا ضمــاد الجرح
يالما لي بعدك دوه يصح اويصح
هاك أرتوي من أمك دمع يـاصبح
لا يجـف دمع أُمك اوعنك يشح
أشرب عذب عيني يبني وخل بيني وبينك
يا لبيب الگلب
اروه من اليصب وأمضي الساحة ميادينك
****
هاي الاخـيره او لو رحت ما ترد
يالويه جيتك شفت معنى السعد
تجرحني كلمة ماكــو الأكـبر بعد
تالي شيطيبه الجرح ياهو الضُمد
منهو اليضمد الجرح گلي ويداوي الوينك
مِنهو بـعدك دوه
البيتي ياهو ضوه يبني لتعذب أحسينك
****
يا عمد بيتي ويــا نجمـتي بســماي
خوفي تغيب النجمة وأفگد ضواي
والـعــلة تكــبر لا ضــوه ولا دواي
ولا آني ميـته شلـون وتــروه مـاي
بعدك يظل العمر حاشه وأتذكر أسنينك
ما أظل فتره أبد
وأتبعك يالولد يبني لتعذب احسينك
****
#ام_علي_الشمري
على لحن (جسام ياضنوتي )
كتبت 8 محرم الحرام 1445 هـ
27/7/2023/مـ
9ربيع الاول بمناسبة فرحة الزهره ع
..
عظم الله أجورنا وأجوركم بذكرى شهادة مولانا الإمام الحسن العسكري عليه وعلى والده وولده السلام
🏴💔
ابن عباس قال:
قال رسول الله (صلى الله عليه وآله): ليلة عرج بي إلى السماء رأيت إلى باب الجنة مكتوبا لا إله إلا الله، محمد رسول الله (صلى الله عليه وآله) علي حبيب الله الحسن والحسين صفوة الله فاطمة أمة الله على باغضيهم لعنة الله
...
٧ صفر لشهادة الحسن المجتبى ع
.
.
عالحسن وآويلاه ... عالحسن وآويلاه
****
صبي يعيوني ابـدمه اعله المنفجع
واسي عيـن أمه النشف منها الدمع
ابهالمسيه حـاضـره ام كـسر الضلع
فاطـمه او عالـراس تلطـم بـيــدها
****
مـاهـدت لـوعـتـها مـا هـاد الگلب
مـن فگد والـدها لمصـايب تصـب
نــارها مـا تنـطـفـي حتـى تشـب
تسـعـر أبــدلالـهـا اعـلـه ولـيـدها
****
البـين صـار بـرميته ما يخطي أبـد
سهـم حقده أتعين اعلـه أكبـر ولـد
للحسن مـن صـاب يـا چبد أنـمـرد
صاب چبد السمه اويدوي ارعيدها
****
مـات مظلـوم السـبط بـيـد الأجل
وفوگ سمه اتحارب من أم الجمل
منعـت أحـبابه يدفنـونــه وحـصل
بكلـمـة منـهـا فـزعــت لعـبــيـدها
****
رموا نعش المجتبى بنص الدرب
بــالسـهـام الــقاتــله لا يـقـتــرب
يندفن يم جـده ما قبلــت حـرب
رادت ابكل حجـه ما صح كيدها
****
#ام_علي_الشمري
السلام عليكم ورحمة الله
أخواني أخواتي فضلاً وليسَ أمراً منكم تنضمون الهذي القناة الجديدة ولي راح اتكون بدل هذي
إن شاء الله
تشرفوني بتواجدكم 👇🙏
/channel/ghufgxggcjdhdhgjfh
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
لستشهاد مولاي السجاد ع
أبد ما بطلت أعيوني وجريه
على الظل منذبح بالغاضريه
البشر تشهد عليه البشر تشهد عليه
عليّ يشهد زمـانـي وتشهـد النـاس
عليل او عـلتـي زادتـهــا الأرجـاس
بعـد ذبحـت أبـوي او عمـي عباس
مـأتـم ناصـب اويـه أمـي الــزچيه
منــو يـگـدر يعالـم ينـسـه اليشوف
أبوه اعله الثره محاوطته الصفوف
صـور ما تنتسي شينساها الطفوف
رزيــتــه اعله الأرض أعـظـم رزيـه
أنــا الـمـا ناسـي وتنـاسـه ألـمـهــم
معايه ابكـل وقـت لحـظـة ذبحهم
شرابـي او مأكـلي بــاهـت بعدهم
منـو مثـلي ابهـله أتفجعه آل أميه
ثيابــي مـن الـحـزن مـا لـونــتــها
لحـد مــوتـي علـيّ مـا غيـــرتـهــا
وحگ ذيـچ الـجسوم اللي أدفنتها
أظــل ابـثـوبـي الأســود للمـنيــه
فگـدهم خلـف ابعيـني الـمـدامــع
ولـي بگلبي تـرك جـمه الـمـواجـع
عله أجفوني أثـر ذيـچ الـفـواجـع
تگول أشگـد ظلـم شفـنه او أذيـه
جفـاني الدهـر بحبـابـي ورمـاني
ولعـد سـهـم الـنـوايــب سـلمـاني
أخـذ منـي تچــوتــي وعـذبــانـي
بقيت الـوحدي اوعمتـي السبـيه
يگلولي دكـافـي اوكـف الـدمـوع
صعب هذا الطلب للگلبه مفجوع
الأله جوه الحوافر رضـو أضلوع
بحصيره لملمت جسمه اوبـديـه
جـروحي ماتطيب وتشـفه معلوم
الدوه ماينفع اويه الصدره مهموم
يعيش اشما بـقى بالحسره ولــوم
شفائي وطيبتـي مـوتـي المـسـيه
#ام_علي_الشمري
على لحن قصيدة (النوايب صوبني)
رداً على أبوذية أديبنا جابر الكاظمي
الله يحفظه ويحفظ جميع من معاه يحيى الصحاف الشاعر مهدي جناح الكاظمي والأخوه البقية 🙏
اليعمـل خيــر يفـلـح ثـم من جد
وفخــر للچفه يكـرم ثـم مـن جد
علي وأحمـد ومهـدي ثـم منجـد
و يحيى أورود وانـه السمهريــه
#لجابرها 👆
يحيى ومهدي نعرفهم ومن جاد
بشعره مـدرسة الغيره ومن جاد
علي وأحمـد فـلا نعـرف ومنجد
فخــر صيتـك علـه حتـى الثريا
يالكـلك تـواضـع طيـب ونشــاد
غده گلب اليحبك ذهــب ونشاد
يجابر علگ أسمـك صــار ونشاد
بضمير اليفهم اوصاحب قضـيه
#بقلمي 👆
ناشرتها قديمة ولكن أجريت عليها بعض التعديلات
جزاكم الله
بوابة الشام
اشـهد يـا بـاب السـاعـات
من وقفونه الي بلا ذات
أشـهـد يا باب اعله السـوو
من طبيـنه ابفرح اتــغنوو
زادوا جمرتنا من ابـتهجوا
(أخزينه من النظر اعلينه )
بهاي الودم الحق مات .. أشهد يا باب الساعات
ليش الــوگفه ابابـك گلهم
ليش الظُلم اويانه أسألهم
المن هالطبل او محفلــهم
مــا ظل ابهالعــالم رحــمه
ترمينه أسهـام النّظـرات...أشهد يا باب الساعات
گلـهم مـن يا ديــره الفــينه
وين اوچنه وهسه أشـبينه
چم غالي الخلينه او جيـنه
لو مـا عدهم علم أخبِـرهم
من يا أرض اويا لوعات ..أشهد يا باب الساعات
جينـه من الطـف ابـهالحاله
عفنه الغالي مگطعه اوصاله
جسمه وراسه اعـله العساله
گـدامي يبـاريـني من امشي
حسين اليمشي گبالي وفات..أشهد يا باب الساعات
ما ظل شي بي ما ضربـونه
أبشـتم او ســبّ اتــولــونه
تلـگونه ابيــا حــال شـلونه
ردينـــه اوآثــار امـصـيـــبه
كلشي اموضح عالــوجنات أشهد يا باب الساعات
وصفـلـهـم لحـظــة ردتـنــا
حـالة منــظـرنه او لـوعتنـا
فوگ الشفـنه وكل هضمتنا
ايجازونه ابـهالفـعل اشمعنى
واحـنه التـنزل بيـنه ايـات أشهد يا باب الساعات
✍️ #ام_علي_الشمري
الشام 💔😔
( أسألوا باب الساعات أشصار ابنات المرتضى )
#ام_علي_الشمري
يكـفيني أكتـب بيـك من الشعر بيــت
خادم تظل لحسين يا محله هالصيت
والدي .. من تجسد دفن الأجساد
#ام_علي_الشمري
مولاتي يا زينب
آخر صورتي أتخيلچ مكسورة 😥💔
بقلمي
قصيدة نسائية
الزينـب بت علي الكـرار عيـنـن
يحبـيّــباتـها وللحـزن جـيـمــن
عيننـها العـقـيـلة وســاعـدنـهــا
اوآسـنها عالأبـن أُمهـا اومحنـها
هاي أخت الحسين الـراح منـها
تبخلـن لا ويـاها الدمــع صُــبن
المـثل أمصـابها ماشافت العـين
الشافت كربله اوذبـح الميامين
عمد ديرانها اعله التربه مرمين
دونــن والهـضيمــتـها دصيحن
ونن عالبقى مرضوض الأضلاع
إبن أمها العزيز الظل عله الگاع
الماتدري بعدها تحرسه الأسباع
لمصـابــه ومصيبـتـها دنــوحـن
صيحن وآ مصابـه وعلن الصوت
على الما چـفنوا لا شـاله تـابوت
لبو اليمه ابعزاچن گطعن ابـتوت
خــل الزهره تســمع مــن تـونـن
هاي اللي جـزع لمصابها الكــون
كلشي ابهالوجود اعليها محزون
البيه ارواح والـمابــيه يبـــچون
حـتى الحـجر ناحـلهـا او تحـنن
ما ننسه ســماها ابـيوم عاشـور
يا لون أمـطـرته الذبـح النحور
ساعة ذبحت أخــوتها و البدور
كل وجــه الســمه بالــدم تـلون
✍️ #ام_علي_الشمري
اللهم عجّل لوليكَ الفرجَ والنصر
كفايه نظلم العباس
بس عَالمشرعه انذكرَه
وندري بأسمه مايخفه
فقيه و عالِم العتره
—————————
ناموس الشَريعه ايگول
أنواع العلِم عَلِمين
علِم من الله تكتسبه
و علِم مأخوذ بالتدوين
لچَن جدام ابو فاضل
حيارى و نبگه محتارين
سرَّ وما شخص بالكون
فسّر جزء من سرَّه
———————-١
لو نفرض گمر عدنان
عَلِم رباني يمتلكه
مو عَجبه لأن ذاته
طهوره بَعوده مشتركه
واذا رايد بعد حُجّة
و حگ بيت العلي بمكه
نسخة حيدر و شفناه
من حامي الحمه گدره
————————٢
مقامه بالوصي مقرون
اذا يالسامع اِتجهله
ابوه باب العلم ونگول
أخذ من علِم ابو الحمله
بحر تتلاطم اعلومه
لُغز ما واحد اِيحلّه
بچفوفه منبع الحكمه
و كنوز المعرفه بصدره
————————٣
خصاله لو نعددهـن
فضايل حيّرن هالناس
مثال الخوّه و الايثار
للغـيره صبح مقياس
الف من حاتم الطائي
اذا يتقارن بعبــاس
شلون الذره يا وادم
نقارنها بألـف صحره
————————-٤
عطوف اتشوفه عالمؤمن
لچَن عاليعتدي بركان
هَلـوع بخطة المحراب
جَسور بساحة بالميدان
تشهدله الحرب بالطفْ
من كر مُهره عالجيمان
لسبـاع الفله بسيفــه
مدّ إعله الثره سُفره
—————————-٥
رسم عالمشرعه لوحة
بجروحه خط أجل منهاج
بدر و انخسف بس نوره
نشوفه بالسمه وهّاج
ما شفنه گمر گــبله
صريع مگطّع الأوداج
لو ما القدر چا بالسيف
يمحي العسكر بأسره
—————————٦
الك انقل بعد موقف
عگب ما دفنوا الاجساد
وصل يم الگمر حاسر
سمعنه بـزينة العُباد
على الدنيا العفه بعدك
يصيح بدفنته السجّاد
قبّل يمنته المعصوم
و قبّل يَسرته و نحره
—————————٧
مُرتجى الإزيرجاوي / بغــداد
١٤ ذو القعدة ١٤٤٤ هــ