{لو لا أنــــ❤️ـتَ ما خُلـِقنـا يـاحُسَــ❤️ــيّنْ}
الشيخ بهجت: "اتركوا المعصية قبل أربعين يومًا من محرّم الحرام؛ لتزداد دموعكم علىٰ الإمام الحسين (عليه السلام)
باقي 40 يوم و الملائكة تنشر قميص المخظب بدم الأمام الحسين علية السلام
ما خاب من قصده الغريب بحاجةٍ
وهـو ابـن مــوســى للعطاء عظيمُ
#ميلاد_الرضا
#ام_علي_الشمري
رسمت عيونك التشبه سواد الليل
من گـد مــا وسيعه الليل سميتك
مولاي أبا الفضل 💔
ام علي الشمري
متى الثار
اظهر للثار .... اظهر للثار
يالمـهدي وجـر البتار
اظهر للثار
لثار أُمك اظهر يالمهدي
والخاطر دمها المتبدي
ومحسنها المات ومحسنها المات
تاخذ حقها من الغاصبها
ومن الدافعها وعاصرها
تبدي الثارت تبدي الثارت
تشوفهم ضيم الشافته
تضوگهم ون الونته
بنت الاطهار بنت الاطهار
اظهر مو لجلي الخاطرها
وسطر وجه اللّي ساطرها
بچفك مولاي بچفك مولاي
ياآخر من ظل من عدها
ياعطر الباقي من ولدها
العهدك وفاي العهدك وفاي
لوجيت ترجع بسمتها
بشوفت وجهك يافرحتها
يبن الكرار يبن الكرار
عيد بسيفك صولت حيدر
ذكرهم بــيام الابــتر
من طب صفين من طب صفين
بعد تذكرهم بالكافل
من ناده هل منكم نازل
راعي الچفين راعي الچفين
يالماخذ شمرت عباسك
تَجادح نيران أحساسك
تنهي الكفار. تنهي الكفار
يالشايل حسرت عماتك
تخفيها بغربتك آهاتك
دمعات العين دمعات العين
يالعمرك من آدم أكبر
يالحزنك مو يوسف اكثر
عاشرته اسنين عاشرته اسنين
يالناطر من ربك شاره
تطلع وبچفك فقاره
تحصد لشرار تحصد لشرار
يالمهدي ونشكيلك همـــنه
من الطغيان التحكمنه
أتباع إيزيد أتباع إيزيد
حرمونه نعيش ابموطنه
ماشفنه الراحه وما شفنه
ياوجه العيد يا وجه العيد
ياحجة ربنا اعله العالم
شوف اشعامل بينه الظالم
تعلم بالصار تعلم بالصار
✍️أم علي الشمري
اللهم عجل لوليك الفرج
:من النحر القطيع
للشاعر : كرار حسين الكربلائي
من النحرِ القطيعِ
إلى أهل البقيعِ ...سلامٌ وتحيَّهْ
سلام من النحر متروس حنيه
الى اهلِ الجراحات البقيعيه
هَدْم اگبورهم فزّز جرح بيّه
عليش بيوتنه مهدومه يوميه
أریْ والقلبُ الدامي
قبوراً كالخيامِ
فمِنْ أرْضِ الرزيَّهْ...سلامٌ وتحيَّهْ
سلام بدمعه حمره بلون شيباتي
الى گبر الحسن وديت آهاتي
اخوي الضحه جاسم عايش بذاتي
انه اتمنيت اوديله مناراتي
أخي ، قلبي ، حبيبي
لهُ يعلو نحيبي
وكلُّ الغاضريَّهْ...سلامٌ وتحيَّهْ
سلامي لراهب الآهات والعبره
علي الشاف السبي مرتين مو مرّه
مرّه بناگه وسياط العده بظهره
ومرّه الثانيه من هدمو گبره
أنادي "واعليَّا"
لمنْ ناحَ عليَّا
لهُ هذي المسيَّهْ...سلامٌ وتحيَّهْ
عله الباقر أسلّم من نحر مگطوع
السمع خيل اعوجيه كسرتلي ضلوع
بهبوب الريح اودي من الطفوف دموع
بلكي اتخضّر بگاع البقيع اشموع
دمُ النحر تجلّى
على الباقرِ صلّى
بآهاتي الشجيّه ...سلامٌ وتحيَّهْ
السلام لصادق اهل البيت يترتل
الخلّص عمره كلّه يقره بالمقتل
شكثر من زارني ظل يبچي يم التل
البِنه بدمعه مناره بلا مناير ظل
فذا قلبي بهَمّه
على شيخِ الأئمّه
فللنَّفسِ الرضيَّهْ...سلامٌ وتحيَّهْ
سلام وبي جرح گد السمه ينقاس
اعله اُمي الثانيه الي جابت العباس
من گالو گبرها هدِّمو يا ناس
حسّيت الخبر حافر بصدري انداس
فقوموا لاطميناَ
على أمِّ البنينا
الی الأمِ الوفيَّهْ...سلامٌ وتحيَّهْ
٧/ختام آخر سلامي بي حزن يحدي
لگبر مخفي وعَلَي جرح النحر يدي
سلامُ الله على ملطومةِ الخدِ
گبر امي الزچيه بذمة المهدي
هنا المهديُ حاضرْ
غداً يبني المنائر
لطلعته البهيه .. سلامٌ وتحيه
،،
هوسات إلى خدمة الحسين ع الجبلين جابر الطف وباسم الكربلائي
يالتقرون منشوري عليكم فاطمه الزهره
هاي احروفي اتوصلون للي خدموا العتره
أقصد بالأريد اثنين تركوا بالگلب جمره
ما تبرد وظل لهابه
ماريد اذكر اسماهم زعلهـم يآذي الحـره
ماهي ناقصه ام حسين حتى نچمل الحسره
والخاطرها ياخدام رجعوا وزيحوا هالغبره
والمجلس خل يرجع صيته
المنبر للقديم اشتاگ والكم اكثر اشواگه
الذاك القلم والأحساس هم إيگول نتلاگه
هم ترجع هذيچ أيام حيل اللمنهَ مشتاگه
وترد عافيته الأخذوها
#ام_علي_الشمري
يــا ايـهـا الـوطــنُ الــذي
بـرحـابـهِ ســقـطَ الـكـرام
أبـكـيـكَ حــرفـاً صـامـتـاً
مـسـتوحشاً لـغـةَ الـكلام
مـــالــي أراك مُــضـرجـاً
بدماءِ من عشقوا السلام
رســمـوك ثــغـراً بـاسـماً
ورسـمتهم بعضَ الحطام
مـــاذا أقـــولُ وأدمــعـي
جـفّـت وقـد خـارَ الـقوام
أأقـــولُ لـلـتـأريخ قُــفٍّ؟
ما هكذا مِـسـكُ الـخـتام
#جابر_الكاظمي
#ابوذية
مثل محبوبي ما شايف طبع لاه
وإذا تسأل أحب غيره طبع لاه
حروف اربعه بدلالي طبع لاه
حاء وسـين يــاء ونون بيه
#ام_علي_الشمري
الگلب مكسور إلى الباري يجابر
بحـب حسين مـو غصبن يجابر
گضه عمرة لــون تســئل يجابر
إبــن بغداد واصــله الكاظميه
#ام_علي_الشمري
#جابر_الكاظمي
ابوذيات
يالمواعدنه لا تخــلف وعـيده
العيد ابشوفتك يحله وعيـده
سلام من الگلب أبعث وعيده
إلك وحساسي اترد التحيه
إلك انطر يبعد اهلي وعـيدك
الخير ابجيتك يصبح وعيدك
يبو صالح متـى تنفذ وعـيدك
وتاخذ ثار ضلـع امنه الزچيه
#ام_علي_الشمري
#اللهم_عجل_لوليك_الفرج_والنصر
أبوذيات
جرحي أچبير تدري ماله .... مرهم
أگول أصبر وحس الصبر .....مرهم
لــو مــريت بــهلك يــوم .....مرهم
داري وبالچذب أسئل عليه
تـــدري الـعُمـر بـعدك. ..... ما يتاني
مــثل تـايه ابصحره و ......مايتاني
عــــدل أنـشــد عليـــه....... مايتاني
بقت بس ذكرياتك هم اليه
#ام_علي_الشمري
قصيدة علي چف الرحمن
علي چف الرحيم الكل بشر محتاج
علي مـا يـرد حاشه لو تصير افواج
علي اعظم بشـر عالـكرة الأرضــيه
أريــد اتحــف اذانـك وأسـتمع ليه
علي الغير نظام الكون والإســلام
علي العلمنه من هدم بديه الاصنام
علي الأكله الخبز والمـلح دايـم دوم
علي جوعنه بطنه وعاليتيم ايحوم
إذا ما قاسـم العنده يحـس جوعان
علي مـن رحمـة الله قـانع وشبعان
جيب اللي يشبه وَلو قله اوصاف ؟
عادل كون مثله وما يهم ويخاف
لا عنده حمـايه ولاحـرس وسلاح
كون ابفعله صادق مو مخلصه ادياح
هذا آنــه الأگوله النبي گايل بيه
مو من جيبي جبته ومقصدي أحچيه
هذا الـعجزت الاقلام عنه اجيب
هذا الفاض علمه وانتشر بالطيب
علي ما أوفي قدره اشما أخط ياناس
علي واضح امبين والدليل الراس؟
#ام_علي_الشمري
#اللهم_عجل_لوليك_الفرج_والنصر
جديد
#هالليله الفكر محتار
بين الزهره والكرار
#بين الباب #والمحراب
#قسَّمْنه الدمع والنار
#بين الزهره والكرار
★★★★★
طردني الصبر من بابه ورِحِت للنوح
لگيت ابوجهي باب النايحه مفتوح
أحس چن روحي دار اتشيّدت مو روح
مساحتها الألم والنافذات اجروح
هاي الدار دار الينتحب وينوح
ممنوع الصبر بس الحزن مسموح
حزني اعله ام ضلع مهشوم نوحي اعله الوصي المظلوم
بين الآه والويلاه
قسَّمت الحزن أدوار بين الزهره والكرار
★★★★★
دخلت لدار نوحي وأسفح العَبره
أحس ويّايه يبچي العالم بأسره
ضلع عمري انكسر واستَهْوَنِت كسره
بچيت لكسر ضلع الطاهره الزهره
افْجَرِت بركان حزني ونثَّرِت جمره
ووزَّعت الجمر عالضلع والطبره
واجْعَلِت الدمع نهرين للزهره ولبو السبطين
بالحسرات والآهات
شطَّرت الدمع أشطار بين الزهره والكرار
★★★★★
انفگد هابيل صبري والگلب آدم
وخليل النوح بعيوني حفر زمزم
على ضلوعي ادفَعِت باب القهر والغم
رِدِت ضلعي اويه ضلع الزهره يتهشَّم
ركن حِلمي انصدع عالبضعه واتهدَّم
وصخر صفوان صبري اتنثَّر امْن الهم
نهاري لفاطمه ونّيت ليلي اعله الوصي حنّيت
يالمحزون شفت اشلون
أجري ادموعي ليل انهار بين الزهره والكرار
★★★★★
اخْتَمِت قرآن دمعي ابمسجد عيوني
وعلى كعبة اجروحي طافت اظنوني
ألوذ بصبري أهل الصبر يَردوني
ألوذ اشلون وآنه امجرّحه اجفوني
مصاب الزهره هد حيلي وخطف لوني
أنوح بكل مسافة عمري خلّوني
أجري العَبره يم الباب لو أجريها بالمحراب
عالمهضوم دمعي ادموم
أبچي اعله الجره والصار بين الزهره والكرار
★★★★★
دِليلي اعله الصبر ياما بذل جهده
اشيصبر والرزايه اتجمِّعت عنده
ينوح اعله الوصي وبالنوح ما يِهْدَه
على اللي طاح دامي ابموضع السجده
هالليله أبو الحمله انحفر لحده
وبين آدم ونوح الجثّه متوسده
هالليله الوصي مطروح بين آدم أبوه ونوح
ما ملّيت من ونّيت
ونثَّرت الگلب نِثّار بين الزهره والكرار
★★★★★
انصرع فرض الصلاة ابوسط محرابه
ودين الباري طبروا هامة اكتابه
أبو الحمله علي ما يضمد اصوابه
انطبر واتزلزلت هالدنيه لمصابه
وگع وانخضب وجه اللوح بخضابه
وغابت كل معاني الحكمه بغيابه
دم طبرة علي المسفوح ما بين القلم واللوح
هالصرخات والعبرات
يا جمرة حزن تختار بين الزهره والكرار
★★★★★
#جابر_الكاظمي
#ام_علي_الشمري
#اللهم_العن_قتلة_أمير_المؤمني_ع
لستشهاد مولاي الإمام علي ع
يا أهل بيت النبـي ما مر علي
شنهو صاير للوصي ما مر علي
خبر انطونه عليه
جينه نسأل شنهو بيه
يا أهل بيت النبــي ما مر علي
جينه نسـئل ياكـرام اعـله الـكريم
شنهو قصة حيدره المولى العظيم
علي ماهي عـادته إيعـوف اليـتيم
احنه ندري چف علي چف الرحيم
وين اللي ايرد الجواب
صــدگ والينـه مصاب
هالخـبر صـح ذايـعيـه
جينه نسأل شنهو بيه
گـولو ياساده الخبر هذا صحيح
علي ساجد عالأرض دمه يسيح
ابسيف منعول نسب نآتن الريح
أسـد صفين وبـدر نـايـم طريح
بالـغـدر جـالــه العـين
يضرب الغالين الأمين
الله مــا شلــهن أديـه
جينه نسأل شنهو بيه
يـا إمـام الفـقره مـوتــها الـحـزن
شوف وجـه ايـتامك الذبله تحن
لــو يفـگدونك يفـگدون الــوطـن
أنـته كلشي الهاي الأطفـال التون
الأمـل تـرجع ضـئيل
ما بـقى الموتك قليل
يــرحل العالي العـليه
جينه نسأل شنهو بيه
بالـدمع تــروي تـفاصـــيل أوألــم
عالوجه ماكو بعد ضحكه أوحلم
بس سوجي من المطر تنزل حِمم
ترفرف ابوجـن اليتامه الما سلم
چم طفل تترك ينوح
بيـهُم أزيــد الجروح
والله لوبيدي اشتريه
جينه نسأل شنهو بيه
وجهـك أتغـير طفى لــونه الضوه
والعــلامه أتـضحــت ومـالك دوه
والمصيبه ابلا هــوه ايموت الهوه
يعـني مــا نرجع بعـــد نلتم سوه
ماتـرد هـذا الوعـد
يعني نتـوادع بعد
فاطمه أُمي استقبليه
جينه نسأل شنهو بيه
جـيبو زينب خل تجيني يالحسن
أويــاها أم كلـثوم والبي يحتمـن
أرد اوصـي عالزمـن وأهـل الزمـن
عن مصيبه أبكربله تصـير ومحن
أنته يالكافل وتـد
الهُم تصير وسنـد
والعـدو لا تــرتجيه
جينه نسأل شنهو بيه
#ام_علي_الشمري
#اللهم_عجل_لوليك_الفرج_والنصر
#تذكير
تبقىٰ 40 يوم لشهر محرم الحرام:
- اللي يريد يتبرع للفقراء خل يتبرع من هسه.
- اللي يريد يتبرع بالدم للمستشفيات خل يتبرع من هسه.
- اللي عنده شي خل يقضيه.....
مو يجينا شهر محرم....
- تعال بمكان الموكب ساعد الفقير.
- تعال بمكان التطبير تبرع بالدم.
- تعال بمكان 10 يوم تضيعها بالمشي فيد المجتمع.
خاف تگولون ما گالوا ...
لبیک یا حسین
جرب كرامات الرضا
وشوف العطاية العنده
دگ بابه وطلب حاجتك
والجوده چفك مده
ما يرد چفك والنبي
خالي اوتحيطك شده
بس گله جيتك معتني
ورمي الهموم ابسده
وأقره الزيارة الحظرته
وهدي الثواب الجده
ما تطلع ودمعك يهل
لا والبقه من ولده
ما تطلع إلا وحاجتك
مگضيه بالله وبعده
شتظن ترد لهلك صفر
حاشه الگصد ما رده
ترجع وگلبك ممتلي
من رحمته و من وده
طيب كريم وما يرد
چلمة ال لا ما عنده
جرب كرامات الرضا
وشوف العطاية العنده
أُهني وأُبارك لسيدي ومولاي صاحبَ العصرِ والزمان عجل الله تعالى فرجه وجميع المؤمنين والمؤمنات بذكرى ولادة ضامن الجنان علي إبن موسى الرضا عليه السلام
عن تجربه
بفضل الله وعطف مولاي الرضا ع مارديت وچفي فارغ أبد
أم علي الشمري
الإمام السجاد عليه السلام
يروي ابدمع وآلام ... أكبر مصيبه الشام
رابع أهل بيت النبي يروي ابدمــع وآلام
إلنه ابو الباقر روى
يـوم الـذي سِئلوه
مولانا ياهي الأذتك
عن كربله نِشدوه
اتنهد اوجر حسرته
لن بالجره ذكروه
رد والمدامع من دمه
تهمل غدت شافوه
گلهم الما عاش الجره
لا يسأل العاشوه
الواقع الشفته صعب
سهل الحچي تسِمعوه
بگلبي چثيره أسهام
تركتهن الظلام
وأكبر جروحي عمتي
يروي ابدمــع وآلام
الموت شفته وما متت
ويه أهلي ردت الموت
ويه البقى بحر الشمس
ريت نخمدلي الصوت
لا شفت عمتي تنسبي
ولا تنگطعلي ابتوت
ولا هل ألم أتحسسه
من فعلت الطاغوت
جمرتي ماظن تنطفي
وطفيها أنا ابسكوت
جواتي مــو يونـس أنا
ولا مثلي حار الحوت
بيه سعير أخيام
من عدها شاب الهام
هاي الفجيعه المؤلمه
يروي ابدمع وآلام
طفله شفت تسحگ جمر
من خوفها متروعه
ما تدري بيمن تحتمي
واهل الحميه مصرعه
اسمعها تصرخ والدي
بآذاني صوت موجعه
ماعندي حيل الها انتهض
يا سادة روحي مصدعه
مني المرض ماخذ جزء
والثاني يوم الفاجعه
بحالي ابد مافكرت
وگبالي عمتي ملوعه
بنت أول الإسلام
حيدر علي الضرغام
يضربها گدامي الشمر
يروي ابدمع وآلام
عافته مغصوبه و مشت
من غصبن اتعوفه
اخذوها من يمه غصب
ويديدها مچتوفه
دارت نظرها اعله النهر
والدمعه مذروفه
حاچت كفيل العايله
الجاباها بچفوفه
گالتله نظره يالگمر
صدلي ولو شوفه
شوف أختك ابلايه ولي
ماخوذه للكوفه
ماظن يخويه تنام
وعندي تعوف أيتام
ياخو العقيله وكافلي
يروي بدمع وآلام
آذتني حيل من اسمعت
ابهذا الحچي اتواصل
تگله الجبتهه مخدره
سابيها يالكافل
تركتكم ابلايه دفن
تمشي مع القاتل
وين اللي چانت ما تهم
بوجود ابو فاضل
هسه أختلف كل الوضع
والخصمك اتقابل
لا ذمه عنده ولا أصل
سب وشتم نازل
جرحي فلا يالتام
حتى أنسه جرح الشام
وانسه اللّي صار بكربله
يروي بدمع وآلام
،✍️ أُم علي الشمري
ابوذيات
حليف الزود والغيرة والاكبار
وگع بس ما وگع اصله ولاكبر
بقى الآخر نفس خادم. ولك بر
ابو فاضل وفي الحد المنيه
هظيمه يا ابو اليمه. والأكبر
عليّ يزمخ شمر بعدك. والاكبار
عليه ابسوط يتسيد. والأكبر
رقيه لو بچت يضرب رقيه
#ام_علي_الشمري
صوني جمالك بالحجاب الداني
ودعي الثياب طويلة الأردان
يضفي عليك الإحتشام مهابة
فخذي المواعظ من ذوي العرفان
لا تخدعي ان التبرج خدعة
للنيل منك فتهجري وتهاني
وتستري اختاه انك درة
لا تشترين بأبخس الأثمان
كوني كلؤلؤة نغوص لصيدها
في البحرعن شغف بكل تفاني
لا في المعارض نستهين بشأنها
منبوذة وجدت في كل مكان
فتعافها نفس الأبي تعففا
رغم البريق وشدة اللمعان
سيري محجبة وليس يضرنا
ان تعملي لمصالح الأوطان
سيري محجبة وليس يضيرك
ان قيل ذا رجعية وتواني
ليس التقدم بابتكار ملابس
قصرت وقد ضاقت على الأبدان
ليس التقدم ان تكون نساؤنا
عريانة كشفت عن السيقان
ان التقدم لا يعوق ركابه
ثوب يطول لحشمة النسوان
لكن ببذل جهودهن لتافه
لا يستحق عناية الانسان
اولا ترى الاسلام اوجب حشمة
وتجذما في محكم القرآن
وهو الذي نشر العلوم فنيلها
فرض على الفتيات والفتيان
وهو الذي حث الخطى متقدما
وبنى لنا مجدا فنعم الباني
أفعاقه فرض الحجاب على النساء
من أن يشيد ارسخ الأركان
سيري والا تنبذي فاذا مضى
زمن وانت حبائل الشيطان
اذ ذاك لا يثق الرجال بما
قد ما سلكت سبيل الذل والبهتان
فتعافك نفس الأبي تعففا
رغم الجمال وحسنك الفتان
العفيفة بنت الهُدى
شـلـون اصـبـر على الاه.... واترك نحيبي
بـيـدي دفـنـت بـالگاع.... جـثة حبيبي
لاتـظـن يـطـيـب .... جـرح الـحبيب
تـعـنـه يم علي السجاد ابو حمزة الثمالي اليوم
يگلـه سـيدي الوادم بدت تحچي وعليك تلوم
شـكثر تنحب يبو الباقر يگولون النحب مذموم
يـريدونك تكف دمعك وتعيش بلا كدر وهموم
عـن دمـعـتـك يگلـون.... لـمن تسحها
هـالـدمـعـة لـلاموات.... تلجم جرحها
وخـايـف تـصـيـب....جـرح الـحبيب
يـجـاوب حـجة الباري يصب دمع المحاجر دم
يگلـه يـا ابـو حـمـزة الوادم حگها ماتعلم
انـا الـقابض على الجمرة ويظللني سحاب الهم
اطـشـر بـالـصـبر حزني وردود الحزن يلتم
والـوجـرت بـحـشـاي.... نـار الـمصيبه
شـحـال الـيصد ويشوف.... مصرع حبيبه
يـسـعـر لـهـيـب....جـرح الـحـبيب
يـبـو حمزة البعض يفگد عزيزه يظل عليه ينوح
ويظل طول الوكت ينحب ولا يملك زمام الروح
وهـذا انـا الشفت اهلي ضحايا من ايدية تروح
بـيـن الگطعوا چفوفه وبين اللي وگع مذبوح
حگه الـيـريـد ايـلـوم ....يـبدي الملامه
مـاحـاضـر ولاشـاف.... جـثـة امـامه
دامـي وعـجـيـب ....جـرح الـحـبيب
يـلـومـونـي يـبو حمزة ولا عالينفجع معتب
فرد يوسف فگد يعكوب وظل طول العمر ينحب
وانا شچم يوسف گبالي اشوفه على الثرى مترب
رجـع يوسف وانا الماعاد حبيبي وبالدمى تخضب
يـوسـف عـدل مـاطاح ....جسمه وتعفر
واگبـالـي جـسـم حـسين ....طاح وتوذر
خـلـف نـحـيـب ....جـرح الـحـبيب
يبو حمزة العتب مذموم على اللي فگد ضي عيناه
يـلـوموني البعض حگهم ومحد شايف الشفناه
مـاشافوا طفل ضامي عوض مات بضمار حشاه
تـصـيـبـه بمنحره النبلة ويتروى بنجيع دماه
ولاشـاهـدوا عـريـس.... ومـوذريـنـه
وتـتـحـنـه مـن ادمـاه ....راحـة يمينه
بـالـدم خـضـيـب .. جـرح الـحـبيب
يـبـو حـمـزة الزلم تطلع تقاتل تعرض المنحر
لچن شـنهو الجعل هالگوم تشن غارتها عالخدر
عگب ذبـح الـزلم بالطف علينا صالت العسكر
الارامـل والـيتامى بخوف هجت والخيم تسعر
مـرفـوعـة لـيش الروس.... فوگ العواسل
لـيـش بـيـسـر لـلشام.... تمشي الارامل
والـلـي يـجـيـب....جـرح الـحـبيب
#التراث_الجابري
#جابر_الكاظمي
#ابوذية
يگلبي ما أريد اسمـع أبد لاك
إذا عن العشگ تعجز ابد لاك
صلاة وصوم ماتقبل أبد لاك
إذا مـتوالي حمــاي الحمـية
#ام_علي_الشمري
اللهم صل على محمد وال محمد
Читать полностью…قميص حسين مو للكشخه يَبنادم ؟
قميص حسين تتواضع اويه الوادم
#ام_علي_الشمري
"ذكر علي عبادة "
نصيحه وهاك اخذها وياك عِبْرَه
إذا مــو للتحـب لا تـجـر عَبْـرَه
الصراط ابـين جـنه ونـار عَبَـرَه
الهــي اليحب حـمــاي الـحـميـه
#ام_علي_الشمري
#اللهم_عجل_لوليك_الفرج_والنصر
اللهم صل ع محمد وال محمد
Читать полностью…گايلك محمد كيــف راح اتـمـوت
يمته ايصير موتك يا وكت تدري
وسلوب الجريمه كيف يمته وين
والقاتل عرفتـه والــزمـن فجـري
ابشهر الله دِمــاك تسيح ياكـرار
ساجد ل الله عابد دمعتك تجري
ابيا فتوه يحلل قتـلك الـمأجـور
ويحــلل دِمــاك ابليــلة القــدري
ياهـو مرجعه مقتدي بيمن چــان
يا هو وسوساله ابهل فـعل مدري
مو ندري ابليس أنصفد بالأصفاد
واعيانه الضعيفه أويـا بـعـد ندري
چا ياهو الدخله الصدره الملعون
شيدله اعله موت المرتضى بدري
هــدم كعـبة الله وهـدم الإسـلام
هدم كـل شعـور الآمــنه أبصـدري
آ يانــور وجـه الكــون من تنشاف
ريت المــوت قبـلك لآفني ابگبري
ياضحكة يتـيم الما شفـتها ابيـوم
تنـزف والدمـوع تصـبهن ابحجري
ياقـرآن تهـدئ الــروح مـن اقــراه
يايسري من اشوفك ينفرج عسري
يا إيمان گلـبي وعطش ماي العين
تدري بغيبتك چـم نهر جف صبري
يا شيخ العشيرة وباب كل حيران
هاك العمر فـدوة إيـروحلك عمري
وسفه اتروح ياحيدر عمود الدين
تدري بروحتك طاح وكسر ظهري
مايشفه الجرح للبيه جرح مخزون
يا قبلت وجودي اوضايعه ابكسري
رحت أوطَفت كل انـوارها العمدان
وأستوحش دليلي غيابك ودهــري
#ام_علي_الشمري
السلام على ابي وأبا اليتامه والفقراء والمساكين والمستضعفينه في الأرض من طينتي
عظم الله لك الأجر مولاي يا بقية الطاهرين ع أين ما كنت وأسألك الدعاء 🤲💔
ابوذيات
أبــو الإحــسان انتــه ياهـو آنه
النفس التشمه ريتي يا هــوآنه
علي بالضيج أنـدب يا هـو آنـه
الشفيع ايصير يــازوج الزچـيه
علي اسمك حرز بالروح شلته
عفت أهل البدع ودروب شلته
أجيتك واشله ادموعي وشلته
دمـع ماظـل وأظنك تدري بيه
مالــوم اليحب بجنــون مولاه
العاشگ ما يعرف ايگول مو لاه
الما عنده علي چــا وين مولاه
يضيع ابلا علي ايتيه القضيه
#ام_علي_الشمري
#اللهم_عجل_لوليك_الفرج_والنصر
حُبَّك يا أبوالحسنين مفتاح
للجنة ويطبهه اللي يواليك..
تعرف مايطبهه كان ما كان
ولَيحِس ابطَعمهه الماعرف بيك ..
هنياله اليحبّك يا أبو اتراب
وبيوم الحشر باعماله يرضيك ..
أُمّه داعيتله ابعطفك اعليه
وناذرته إلك وبروحه تفديك..
الِيحبّك يحيدر عايش بخير
بكل شدّة ومصيبة اگباله يلگيك..
أي والله ويحس ما يوم خسران
المَر من عُمره عايش يفتقر ليك..
وهنياله اليعدّك ذخره بالظيم
وأول واحد اببّاله يخَليك ..
كل همّه يروح وگلبه يرتاح
بوَكت الضيج لمّن ينتچي اعليك ..
عمل مشترك
الشاعر علي الرسل الجابري والشاعرة أم علي الشمري
أبوذيات في ذكرى ولادة الامام الحسن المجتبى " ع "
نـــزل جبــريـل بخـباره وردنا
عطاشه ومن بحر جوده وردنا
كــريـم أهل النبي الليله وردنا
ورود اخدوده شعت هالمسيه
خديجه واسيه ومريم والملاك
تهـاني طــشو الـفرحه ولمـلاك
ألم ما أحس بعد عندي ولملاك
إلــك تــتالم الغيــرة الحــميــه
#ام_علي_الشمري
#اللهم_عجل_لوليك_الفرج_والنصر