2381
{لو لا أنــــ❤️ـتَ ما خُلـِقنـا يـاحُسَــ❤️ــيّنْ}
أبوذية
ابجاهك أطلب الــرحمه وليمان
غيــرك مــا الـي مـولـى وليمـان
امـان الكل محـب انــتَ وليمان
أضيع ابـلا أمــن عطــفك علـيه
#ام_علي_الشمري
#اللهم_عجل_لوليك_الفرج_والنصر
وفاة مولاتي ام الزهراء ع عظم الله اجوركم جمعا
وحگ بيت الله وأملاكه وحجيجه
كسر گلبــي غـيابــچ يــا خـديجه
وحگ بيت الله وانفاسي وحياتي
أنتــي أم الوفه و انـتي أُم بنــاتي
انتي الطـاهــرة الحفظت صـفاتي
نعمه الزوجه إلـي نعـمه الــرفيجه
كسر گــلبــي غـيابچ يا خديجه
گـولي شلــون اصابـر بعدچ انتي
ياهـي تســد مكانــچ لـو رحلـتي
بعــدچ ياهــو اليشــارك حسـرتي
ياهو اليسمعه الگلـبي وضجيجه
كسر گـلبـي غـيابچ يا خديجه
اليحب ما يفترگ عن حبه لحظات
أنــا أفـراگــج تــرك بـيـه علامــات
بكثر أهل الارض وهـل السـماوات
نــارچ شــبت بــروحـي الحـريجه
كسر گلبــي غـيابچ يــا خديجه
احن لچ مـو بــديه گلبـي يشـتاگ
إذا يذكر خديجـه إيفز بالأشـواگ
يفزز چـم جـرح بي ريحة افــراگ
أبـد مــا ناسـي أجـروحه قميجه
كسر گـلبـي غـيابچ يــا خديجه
اريـد اويـاچ أسـولف گلـبي عطاب
أسوالف عن زمن بي فرگ احـباب
أخـذ كلشـي الأحـبـه جـوه التراب
مــن يــوم الـدفـنتـچ يالصــديجه
كسر گـلبــي غـيابـچ يا خـديجه
تگله ايــعـظم اجــرك يــا محـمد
خديجه مــا تعـوفــك الله يـشهد
لاچن حكم الله باقي الواحد احد
لــون بــيدي ارد مـثـل الأريـــجه
كسر گـلبـي غـيابچ يا خديجه
#ام_علي_الشمري
#اللهم_عجل_لوليك_الفرج_والنصر
ولادة الامام الحسن ع
فرحانه أبــد ما تـنوصف دنيـانه
ليله يـشع بـيها الحســن مــولانا
الـدنيا لــجلچ فاطـمه مبتـشره
هيه أوعلي النور الحسن منتظره
منتظره مولـود العـظيـم تحضره
صـار الــذي يشـبه مــحمد نــوره
گالتله يا ميـــة هـلـه بالـجــانه
ليله يـشع بـيها الحســن مــولانا
فرحانه ودمــوع الفـرح تجريها
وتسولف اويـه المرتضى وآليها
أمــبارك تگــله وفاطمــه تهنيها
ريـت الله دوم أيــامچ ايحليها
فـدوه اروح الشوفته وللـوانه
ليله يـشع بـيها الحسن مولانا
يـوم الأجـاها الفرحه ما شالتها
نجم السعاده توسط ابحجرتها
تقـره الفـلق والفاتحه ابدمعتها
ياربي حرسه بكل وكت دعوتها
عيوني وحبيب المرتضى وقرآنه
ليله يـشع بـيها الحســن مــولانا
نطـاها الإلــه ونعـم ما انطــاها
آية ودلائل وضـحت ابفحــواها
سورة الكوثر فاطمه أو معناها
أكبر هــديــه للــرسول أهــداها
وأعرفنه منهو الأبتر وعنوانه
ليله يـشع بـيها الحســن مــولانا
الزهــره ســر الباري إلنه ونعـمه
اسعه الرضاها لو تـريد الرحـمه
أحضر مجالسها بـصدق وبهــمه
تلگـاها قبلك حاضره و متحزمه
تسجل حضورك بالـدمع لهفانه
ليله يـشع بـيها الحســن مــولانا
#ام_علي_الشمري
#اللهم_عجل_لوليك_الفرج_والنصر
ابوذية
نزف گلبـي محبته يــوم ما شال
ودمع بالعين ماظــل بعــد وَشال
يَربي ابداعتـي تشله الــما شـال
گلبـي ولا يــدگ صــبح ومسـيه
#ام_علي_الشمري
دك باب الحسين .. ينطيك الجواب
ميردك حزين ... وعيون الرباب
يا حسين للعشاق فقط ❤️
دگ باب الحسين ..... ينطيك الجواب
ميردگ حـزين. ........... وعيون الرباب
دگ باب الحسين وبدي بطلبتك
گــله مـروتك جــيت الحـظرتك
مـن فضلك اريـد گاصد جنـتك
يالراسك ذبيـح خلهــا نـدبتــك
يا نور السماء ــ أروينه ضِماء
باچر بالحساب ــ وعيون الرباب
گلـه ابهـل زمـان ماعدنه أمان
يبـن المرتضى ياسَـيد الجنان
اليترك منـزله يـرجـعله مُـهان
تشريد وذبـح حل ابكل مكان
عبدك سيدي. -- بنهجك اقتدي
اشما زاد الضَباب -- وعيون الرباب
يالحبك عظيم ينجي من الشداد
خليني اعيش ويـه اهـل الرشاد
اهـل المـعـرفـة واخــيار العــباد
دربـك مااعــوف يارمــز الجـهاد
يا كُل مُنيتي -- أنته وغايتي
يالأسمك يَهاب -- وعيون الرباب
عندي أحساس اكيد ياأبن الأصول
تسـمعني قبـل مـا أحچي وأگــول
ريت ابدنـيتي تسحـگني الخـيول
حتى البيك أعيش ومحبتك أنول
من بعد الذبح -- راسي اعله الرمح
والتــذ الـعذاب -- وعيون الرباب
مولاي الكريم يا عـالي الـمقام
اقبل حبي ألك اقبـل يــا إمام
عاشگ بالعشگ ذايب مو منام
أُمي من الزغر علمتني الـغرام
أهواك ابصدگ _ منجن بالعشگ
أحلف بالمصاب _ وعيون الرباب
#ام_علي_الشمري
#اللهم_عجل_لوليك_الفرج_والنصر
باچـر ايسئله الشـبابك
منكر ويبــدي بحسابك
وين افنيت العمر .... وين افنيت العمر
ساعته شَـترد جوابه
لو بقى عندك جواب
من تشوفه إلك گاصد
شايل ابيـده الكتـاب
يرتعد كلشي ابكيانك
وأبد ما تحمل عذاب
والگبر خايف ظلامه
تريد فر من هالمصاب
تدعي الباري ابرحمته
ايخفف اعليك الحساب
ينظر الرب بكتابك
منكر ويبدي بحسابك
وين أفنيت العمر ..... وين أفنيت العمر
القضيه اهوي صـعبه
واصعب اهناكَ المقام
لا سنه وسنتين هذي
ولا حلم شفته ابمنام
ابطن أمك چنت سالم
بالگبر اتنـسه السلام
أكبر امصيبه الجوارح
تشهد اعليك ابكــلام
تحچي كلشي چان مخفي
عن حلالك والحرام
يا عظم ساعة جنابـك
باچـر ايسئله الشـبابك
وين افنيت العمر ....... وين أفنيت العمر
صح چنت لاهي بدنيتي
والذنوب اعليّ تِلال
لآچن وضلع الزچيه
العندي واقع مو خيال
عطر بيه من المجالس
ما عشت عمري ضَلال
شايل بصدري علامه
ردي لطمي اعله السؤال
هذا برهاني ويقيني
احسين يتركني محال
فدوة ياذيني خطابك
باچـر ايسئله الشـبابك
وين افنيت العمر. ........ وين أفنيت العمر
چنت أگللها يـروحي
ياله كافي خل نتوب
كافي تعبتيها روحچ
كثراً اهواي الذنوب
طاقه ما ظلت أگلها
لا تـزيديني عيوب
ترجع اجمل وجهه
حتى ارجع بيها اذوب
الها ارد مثل السكاره
كلشي بعيوني غروب
ربي ارحمني اعله بابك
باچر ايسئله الشبابك
وين افنيت العمر ....... وين أفنين العمر
هاي دنيا لا تغرك
خانت القبلك تخون
عذبت گلب الزچيه
وحيدر الگلبه حنون
الحسن سمتله چبده
وتدري لحسين اشيكون
روعت بالطف يتامه
اعله النبي ماظن تهون
لا تسايرها تعذبك
سمها قاتل وبجنون
لا تلين الها ابحجابك
باچر ايسئله الشبابك
وين افنيت العمر .......وين أفنيت العمر
#ام_علي_الشمري
لمولاتي فاطمة العليلة ع
تگــله أنــمرد دلالــي
اظل الـوحدي ترضالي
يبويه أوياك أخذني أوياك
أجتله ابحال تمرد تكسر الخاطر
صدگ نواي يبويه عله السفر باچر
لو بانــت الگمـرة ابهـلي تســافر
گلي شلون بعدك گلبــي ايصـابر
يبويه تدري ما أگدر.
بعد فرگاك اتگدر
يبويه أوياك أخذني أوياك
يابويه الغـربة تكتلني إذا ظليت
والبيت ابغيابك ما أطبله البيت
بعيوني ظـلام تصير لو صديت
وتخيل مماتي لو رحت ومشيت
بعد روحك شني روحي
وتزيد اجروح لجروحي
يبويه أوياك أخذني أوياك
دخيل الما شفتها بعيني تسمعني
أنا اغيابك ابــد مـا حمله تمنعني
يجـيني المــوت لو رايد تودعني
وساعات المنازع وحدي تفجعني
دخيلك بويه لتسافر
أشم موت وسحگ حافر
يبويه أوياك أخذني أوياك
اظن تدري برحيلك حيل اتغير
والحابس عبرته بصدرة تتكسر
الما عـدها اهل بالغـربه تـتحير
يعني فاطمه من اليوم تتمرمر
وگلك هاي حسباتي.
يبويه ارحم معاناتي
يبويه أوياك. أخذني أوياك
سجن ليه تصير الدنـيا مـن بعدك
وحگ حيدر علي والمصطفى جدك
ربيع اورادي يـَذبل مـن بعد وردك
لان عايش عالله وعطر البخــدك
تعال امسح على راسي
. مثل ايتامك انفاسي
يبويه أوياك أخذني أوياك
أخذها اوياك تدري ابنيتك تحبك
تعيش اطول عمر لو ظـلت بقربك
ومن المرض تشفه اعيونك وگلبك
لدگللـهـه ظلــي وتنـطـرة الـدربك
أنطر لو تظل اشهور
سالم ترد مو منحور
يبويه أوياك. أخذني أوياك
#أم_علي_الشمري
أبوذية
حظرت الـروح عنكم بعد تنسال
ومـا همني دمـوع العين تنسال
لون للموت روحـي تصـير تنسآل
أسلها وخـلي كلشـي ايصير بـيه
#أم_علي_الشمري
صير مثل الماي صافي
البي عطش يرگض عليك
هيه دنيه وتگضي باچر
لا تذل اليعتنيك
#أم_علي_الشمري
#نصيحه
لا تقلد الما يخاف الله ابمشيته
ولا تعاشرلك بشر تجهل هويته
#أم_علي_الشمري
ابوذية
أهم الهم ولاهم همو الهم
أحس الروح والدلال الهم
اود ولا اود أحد لو الهم
اروح الروح أسعد روح بيه
١ـ اي معنى الهموم
٢ـ اي معنى ملگاهم
٣ـ اي معنى الأول
#أم_علي_الشمري
ملك الموت إجـه وبي حيره چانت
سأل هـاي المّـره شچم مـره ماتت
اتذكرتـها من الجروح .....بكل جرح تنطيني روح
شچم مره ماتت .
ماتت من سواد الليل...ما مرت عليّ گمره
مو هينه عليها اتشوف...فرگة فاطمه الزهره
والعنده أمر يخفيه...نتوقع يضم سره
بس اليخفي دمعه اشلون...لابد يتضح أمره
حگہا من تشوف امها وضلعها
تتشاهد لمن ينزل دمعها
موتها چان الطموح ....بكل جرح تنطيني روح
شچم مره ماتت
_____________________
ماتت من ضوه المحراب...صار من الجرح مُظلم
زينب شاگفتها ادموع...ضربةّ سيف ابن مُلجم
من تنطي اليتيمه ألوان...ويظل عالورق يرسم
يرسملك گبر و ورود...يمه وعطر فرگه اتشم
كل نسمه هوه تحولها حسره
إذا من الجبل تتهاوه صخره
ينكسر گلب السفوح ....بكل جرح تنطيني روح
شچم مره ماتت
_____________________
ماتت من تجره الخان....واغتال الكرم كله
من صدت على الديوان...شافت وحشة الدله
راح المن يدگ الباب....عالجايع يسد خله
وراح الچـانت الحوراء...تحط عن الشمس ظله
چانت لو تأخر عنها طيفه
تگلهم هِسه ودوني المضيفه
ريحة الگهہوه التـفوح ....بكل جرح تنطيني روح
شچم مره ماتت
_____________________
كل موعد منيه إيروح...تلگه الموعد التالي
ماتت من مشت لـحسين...وتراب الحـرب عالي
من گالتله راسك وين...من شافت نحر خالي
ماتت من درت بالسيف...گطعو خُنصر الغالي
بس اتخيــل الموقف مصيبه
واحد ينّگطع خُنصر حبييه
حتى ظلها ابصمته نوح ....بكل جرح تنطيني روح
شچم مره ماتت
_____________________
ماتت من لگت چفين...كل چف تلزم بضفه
وگفت دورت عباس...صاحت وين ابو الكلفه
وين المن يجر السيف....من حـره الشمس تدفه
وين المن يمر بالجيش...تضوي الرايه الـبچفه
صاحت يانهر بعيوني حيره
ياسيـف الوصل بدر العشيره
رايته اعله الشط تلوح ....بكل جرح تنطيني روح
شچم مره ماتت
_____________________
ماتت من مشت للشام...ووجوه الحرس غُربه
إذا يبچي طفل بدموع...واحد منهم ايضربه
غريبـه وصعبه عالمجروح...مايبقـه أخو ابقربه
مو سهله على المهموم...تبقه السالفه ابگلبه
زينب مو سهل تنگاد أسيره
هاي أخت الرؤوس الكلها غيره
منّظر الطف مايروح ....بكل جرح تنطيني روح
شچم مره ماتت
_____________________
ماتت من رقيه ابليل...شهگت عالطشت حرگه
من شمت هوه من حسين...والله ياهوه الملگه
من شافت نظرتـه أبذاك...جفنـه اليرفض إيطبـگه
من همست ييويه أتشوف...هاي امتـونه الزرگه
زينب جربت طعم المنيه
لمن علرأس نامت رقيه
شافت الموت ابوضوح ....بكل جرح تنطيني روح
شچم مره ماتت
_____________________
كلمات الشاعر : إيهاب المالكي
موشح...
في حق شهادة مولاتي ام العفاف ع😔
بين تل وخيمتي شيعووني
يم ابوفاظل صحت دفنوني
ـــــــــــــــــــــــــــــــــــــــــــــــــ
أحچي بحرگه ودمع عيني يهل
ها يــخوتي افـراكم يكتل كتـل
ياضوه عيوني العتب ماينحمل
من البواچي مورمات اجفوني
يم ابو فاضل صحت دفنوني
ــــــــــــــــــــــــــــــــــــــــــــــــــــ
الشوگ يذبح مثل خنجر عالنحر
وحيلي خلص مثل غرگان ابــحر
گمت ما ميز الصبح من الســـحر
گوه عالهزله الاعادي اخــــــــذوني
يم ابو فاضل صحت دفنـــــــــوني
ـــــــــــــــــــــــــــــــــــــــــــــــ
من بعدكم ماشفت اي شي جميل
حته صبري من الگلب قرر يـشيل
ويه ميلت ناگتي كل لحضه تميل
گبال روس اخواني ويضــربوني
يم ابو فاضل صحت دفنوني
ــــــــــــــــــــــــــــــــــــــــــــــــ
موش موته هواي يخواني متت
من ردت اسمع يخويه ومسمعت
ما اصدگ هيچ دهورنه الــوكت
ماكو خويه بس شتم شتموني
يم ابو فاضل صحت دفنوني
ـــــــــــــــــــــــــــــــــــــــــــــــ
رحتو يالچنتو ســـــــماي وخيمتي
گمت بــــــــــــرداني انشف دمعتي
عاشرتني اخــــلافكم بــــس ونتي
الفرگه يالــــــوليان غيرت لـــــوني
يم ابو فاضل صحت دفنوني
ــــــــــــــــــــــــــــــــــــــــــــــــ
گرب موتي واحس كاتلني العطش
قسم بـــــالماتت بعمـــر اثمنطعش
عله متون اخواني حبــيت النعش
تالي وكــــــــتي غربه اليشيعوني
يم ابو فاضل صحت دفنوني
ــــــــــــــــــــــــــــــــــــــــــــــــــ
أيست والموت هــــــل دگ بابي
ردت خواني التــــــــهيل اترابي
جمر گلبي وهــــل يأذي اعتابي
راح اموت وضــــــــل اثر بمتوني
يم ابو فاضل صحت دفنوني
ــــــــــــــــــــــــــــــــــــــــــــــ
تمت بفضلهم عليهم السلام
خادم العقيله ع
الشاعر الحسيني. ياسر الزيادي ٢٠٢١
الدنيا لو عالت بيك عندك اخيك
ما يبخل اعيونه اعليك تدري ابن ابيك
#كلماتي
ابوذية
يگولولي ترى الشفـته وهـم لك
أبــد ما هـمن الغــيرك وهـم لك
جرح ما طاب بگليبي وهـم لك
دگلي شلون أهمـلك وأنـتَ بـيه
حال المنتظر لمولاه
#ام_علي_الشمري
#اللهم_عجل_لوليك_الفرج_والنصر
ندبة الإنتظار
عندي أهواي إذا ترضه عليه
يالغالي بغرُبتـك نـظرة إلـيه
يبــو صـالح رَجيتك
دعيت الله ودعيـتك
عندي أهواي إذا ترضه عليه
كل فرض وصلاه بإسمك ندبــتـي
دُعــائــي مـــا يـــرد إلا بطـلـبتــي
أهــم الغُربتــك يــا كــل غُــربتــي
أنــا مــأذيـك أنـا وهــذي حسبـتي
الجروح التدمي گلبك من فعلتـي
صعُب جَرحك أداويه
إذا يــوميـــه أذيـــــه
حزن شايل إلك چـن مغربيه
عندي أهواي إذا ترضه عليه
حزن شايل إلك وادموعي اسـفوح
أگول أبحـقي أي اســتاهل الــنوح
لأن فوگ الـجرح چملتـك ا ـجروح
أوعيشتك ألم ما عاشـه مــذبــوح
حبيبي ابــيا ارض تـتـعذب الروح
أحس تـوه انه حسيت
تبت عن ذنبي وبچيت
ندامه ابچيت إلك يبن الزچيه
عندي أهــواي إذا تـرضه عليه
دخيــلك سيـدي مــن ذنبــي أنعـاب
ضعف حيلي وبـدأ گـدامي الحساب
شفــت اول عـمل بعـيونـي الـكتـاب
يـخط الـما حسـبت أحسابه ينـجاب
كتـب اسمي الجريئه ابفـعله مـاتاب
إلـــي دونــو كتـابـات
بدت تملي السجلات
ملائـــك ربــي أتسجل خفيــه
عـندي أهــواي إذا ترضه عليه
تـــهـت وتحيــرت وأدريـــني نــدمــان
مــن جدمــي لحــد راسـي آنــه غلطان
العذر ما يكفي لو يكــفي اعتــذر چـان
الأسف شــنهو الأسف لو بس بالإلسـان
إذا مــــا تَنـمــزج بالتــوبــه خــســران
أگـولن آسف شلـون
وأنا بذنوبي مدفون
نفسها الكلمه ما ترضالي هيه
عندي اهـواي إذا ترضه عليه
أرحمــني يـغالــي أوأرحـــم ابچــاي
روحي مـن العطش ذبــلانه وأشــفاي
صحره ابــلا مطــر ما تــرتوي الــماي
خلص وقـتي أوحصادي تريده مولاي
وأنــا مضـيع شبـابي ابـهــايه وأبهـاي
ضعت يالـما عفتــني
احس يمي وتحـبني
رغم آنه السبب كلشي من أديه
عـندي أهــواي إذا تــرضه عليه
#ام_علي_الشمري
#اللهم_عجل_لوليك_الفرج_والنصر
١٥ رمضان ولادة الامام الحسن الزكي ع
أخمسطعش من رمضان
بيـه نـولد عالــي الشـان
سيد شباب الجنه .... سيد شباب الجنه
نوره اكتمل هذا اليوم
الحسن ويشع ارسـوم
جــله البــاري القيــوم
من حسنه انطا وعلوم
نجم ونزل بين انجوم
بَنــواره نـَورها الدار
فرحان إله ازغار اكبار
ماخذ شبه مِن منَه. سيد شباب الجنه
زفــو الخبر خبرو الناس
گــولـو نـولد للـفـرناس
أسمه الحسن ما ينقاس
طَيَب ابميلادة أنــفاس
حـَبه الگلب والإحساس
گلب المحب لو والآه
بالآخرة ايــفوز ويــاه
ويه السبط يتمنه سيد شباب الجنه
أيــامـه احلــه الأيـــام
نستقبله احنه بكل عام
شعر وغــزل بـي تنظام
أهــل الفــقه والاعــلام
عجزت ابوصفه الأقلام
كل شيعته ابحبه تعيش
مَنجَنه لا تسئل ليش
هذي عقيدتنه احنه. سيد شباب الجنه
تنــسه الألـــم والأحـزن
جرب تحب مو خـسران
لو آنــه أجـــبرك غلـطان
عشگه يجيبك عطـشان
منــه يــرويــك أحـسان
لحظــتهه ودك مـــتروح
لو سكن داخــل بالـروح
وتظل تحب لمتنه. سيد شباب الجنه
ساعتها متعيش بـخـير
لو هالعشگ بيك أيصير
تسهر ومــتنام تحيــر
تگضي الوقت بي تفكير
حجه تــريد وتفــسير
الغربتَه تـسعر نار
روحي تعيش الأگدار
ذيچ الكفر منعتنه سيد شباب الجنه
#ام_علي_الشمري
هذي القصيدة تم عليها بعض التعديلات 🤲أسألكم الدعاء
دك باب الحسين ينطيك الجواب
Читать полностью…
لستشهاد مولاي أمير المؤمنين {ع }
صدگ بويه تموت وينطفي نورك
وديوان الضيافة تسدهن ودورك
ما أحــمل يبــويه الخبر ذاعولي
راسـك منطبر بالسـيف گالــولي
بيد ابن المرادي شلون وَصفولي
ساجد على التربه وهدمو سورك
صدگ بويه تموت وينطفي نورك
ابـد ما صـدگت جابولي اخـبارك
تغيب ابلحظه عني وما ترد دارك
هامـك بالـدمه سابـح أوفــقـارك
وي موتك قصدهم تنمحي اصطورك
صدگ بويه تموت وينطفي نورك
يبويه الصوبك ريت الله شل ايده
اوشل روحه وكيانه وگلبه ووريده
الحرمنه شوفتك بويه وفرح عيده
عسا لا طال عمرة الفاجع اطيورك
صدگ بـويه تموت وينطفي نورك
بعد ياعافيه اخلافك يحامي الجار
هـيچ اهـل السقـيفه تريـدنه طشار
من يـوم النبي واليـوم نعشك سار
بسمتنه اختفت وي نشفت ابحورك
صدگ بويه تموت وينطفي نورك
مـا هيه اعـله بالـي تغــيب يا يـابه
ولا مــر ابخـيالي ادمــوع سچــابه
ولا نــار ابــدليــلي تَشـــب لـهــابه
عشتهن كلهن انه من اسمعت طورك
صدگ بويه تموت وينطفي نورك
صــار الـزمـن ظــالم بــويه ويـانه
شـوف اشسـوه بـينه حــيل أذانـه
حتى الوحي عگبك بـعد مـا جـانه
مضيفك خالي شنرد لليجي يزورك
صدگ بويه تموت وينطفي نورك
#ام_علي_الشمري
#اللهم_عجل_لوليك_الفرج_والنصر
لكَ يُضّيقُ الصّدرُ لا لِسواكا
يا راحماً في الغيبِ مَن يَهواَكا
قدّ هامَ قلبِ والفؤادُ مُتيّماً
في حُسنُ مَن سَجّدة لهُ الأملاكا
قدّ قَالَ الي والدَمعُ يَقدُ باسماً
يَرجو لقاكَ ياعظيمُ أتآكا
#اللهم_عجل_لوليك_الفرج_والنصر
#ام_علي_الشمري
للإمام المهدي { عج }
سامحني مولاي .... تعبتك أهواي
تعبتك اهواي ..... سامحني مولاي
يالعايش ابديرة غرب
يالمبتعد بس بالگلب .... هذا آنه حالي
نظره أريد الحالتي
تعرف البيّه وعلتي ........ أنته يَغالي
ميت على قيد الحيه
أحجي الصّدگ ولي بيَه ....صَفيلي بالي
يالحَبتك كل البشر
يالتارك بكلشي أثر ........... يمته تَلِالي
نورك اشوفه وحضرتك
مو بس أنا كل شيعتك
سامحني مولاي
سامحني مولاي
ادري انه من عندي السبب
من فعلي وقلت الأدب ..... گلبك يَأذيك
انده وناديك العجل
وعيوني صلفه ابلا خجل .. تبچي وتناجيك
ريت العمه بيها حصل
لا نور يبقه الها وتظل ...... تلمح معانيك
تَگضي السنين ابلا بصر
وتنحرُم من شوف النظر ....الجّرحت بيك
أدري أنته طيب والنبي
تسامحها لعيون السبي
سماحني مولاي
سامحني مولاي
ابجاه العقيله أم الصبر
المرتاحت ابهـذا العمر ..... لا تچفي عني
ما عندي غيرك واعتذر
المن اروح الـمن أفـر. ......واشكيله حزني
يا نبضي انته ومهجتي
ياروحي وكل سلوتي .......فدوه اعني
لا احمل اوزار وزر
وكتابي اشيله ابكل قهر ....والظهري احني
تايب اجيت اتوسلك
تقبلها مـني مـروتك
سامحني مولاي
سامحني مولاي
ماريد اطُب وحدي الحد
منكر يجي وليه يعد ........كل العملته
احضرني يا بن فاطمه
لا تبچي عيني نادمه ....وصوتي بلعته
ساعتهه يخرس منطقي
يَجّمد ابطولي خافقي ....ويبدي بجلدته
ما احمل اصوابه ابد
الجّلده مو وحده وعدد ......هذا العرفته
الما يحبكم ما اظن
يدخل الجنه ابلا محن
سامحني مولاي
سامحني مولاي
حزني دفنته بالصدر
وتخيله أگبالي گبر .....واحجي انه وياه
مخنوگ اظل اليا وكت
تفرجها وعلي تلتفت ......... يارحمة الله
جفني ذبل من البچي
شحچي بعد ماظل حچي ..... وحچيلك اياه
صابر على مر الزمن
وَأنتظرك آنه ابن حسن ...... يالتسمع الآه
مليانه من گدّ الظلُم
والهم عُبر حتى العظم
سامحني مولاي
سامحني مولاي
......
#ام_علي_الشمري
لمولاتي فاطمة الزهراء ع
لـوردت اعليه ابـد مـا اهتم
المهم عندي الزهرة ما تتالم
الزهره خاطرها انكسر شني هانه
ما احـمل اهمـوم الزمـن واحزانه
ام الحسن بـنت النـبي الــريحانه
كسرو ضلعها ابـلا رحـم عــدوانه
مو بس صدرها عصروه
... بالباب گلبي كسروه
عمري فـداهـا للضلعها اتهشم
المهم عندي الزهره ما تتالم
لو صبري أقيسه ويه الصبر مالتها
يطـلع النـاتج بالـصـدگ عصـرتهـا
لا وجهي مسطور وشـفت لوعتها
ولا حسره بـيه مـن اللطم وجنتها
ماعندي صبر العدها ..
.......هواي القصص شافتها
منها استحي لو عن صبرها اتكلم
المهم عندي الزهرة ما تتالم
اثمنطعش عمر الورد ما لحگت
كل ما اطـب للدار عني اندارت
مشيتها مو ذيچ القبل ماچانت
ونفس مو ذاك النفس لو رادت
تشگ لون تتنفس.
....... الها ألم أتحسس
چنها تگلي ما أريدك تعلم
المهم عندي الزهرة ما تتالم
ما حسستني مـره أبــد ما بينت
لا يَمي ناحت وَشتكـت لا علمت
بيها جــروح مــن الجرى لا گالت
لا ياعلي وينــك ألي مـا صاحت
كل ماسئلت اشبيها
.......تـرد الحمد ما بيها
أگلبها تدري الدنيا لو تتكلم
المهم عندي الزهرة ما تتالم
ما مـره گالت وشتكتلي الـزهره
تسعين يوم من الهضم والعصره
خلصتهن بنوح وحزن بالحسره
مكسور خاطرهـا وتـضيع امـره
شدت على جمرتها
........تحفظ علي غايتها
بعدچ غزاني الشيب وآثار الهم
المهم عندي الزهرة ما تتالم
#أم_علي_الشمري
لمولاتي ام البنين ع
لـو رايـد الحاجه تنـگضي ابـساع
بس اذكر عطش مكسور الإضلاع
كلها ابجاه الحسين
تگضي يــم الأبنين
لـو رايـد الحاجه تنـگضي ابـساع
گلها اليـوم الـچ بدموعـي سويت
سفرة الحظرتچ وبأسـمج ادعيت
دمع النايبه اعلــه الــوجنه هليت
ابجاه المصطفى وبجاهج انخيت
نخيتچ باچيه العين
گلها بجاه الحسين
يـم عباس بالعـباس أحلفچ
ذاك الكفل زينب ارد أطلبچ
أدري ما تـــردين اليگصدچ
مثل ابنچ وفيه وهذا عهدچ
چفي لا تردين
گلها بجاه الحسين
أنتي ام الكــرم وأنتي الكريمه
الله انطــاچ مــن كامــل نعيمه
لنــچ طاهــرة وروحچ سليــمه
والحكمته اختارچ چي عظيمه
شاف ابروحچ الدين
گلها ابجاه الحسين
اغلى من الهوه انطيتي اللي عندچ
ولــو عــندچ بعد تنطين أعرفج
أحسين ادري تعــزيــنه ويعــزچ
وفــراگــه صـعـب كلــش يألـــمچ
ابحبه انتي تموتين
گلها ابجاه الحسين
بالحاجه اندعيت ودمعي جريان
ونخيتچ ابجاه الفگدت اخوان
زيــنب بنــتچ وبـــت آل عــدنان
لتخليني هيــچ وگلبـي حيـران
أحلفچ بالتحبين
گلها ابجاه الحسين
لـو رايـد الحاجه تنـگضي ابـساع
#أم_علي_الشمري
قصيدة : الم ترَ ( ترى )
قصيدة العباس ع
الم ترى . كيف ابدع ربك بالعباس
الم ترى . أوفى واشجع وواحلى من كل الناس
الله من سواه . كلشي صاح الله
وحده ما ثناه
ابا الفضل
_____
صار . للنظر
غار . بيه گمر
جاء من اقصى الوسامه ورد برد همسته
وجهه المحلي العمامه ظوه ودوه نظرته
القمر شافه وتدنه وندب يرب هالفته
ربي استنسخني منه و اهل مثل ضحكته
محلاه . ظاهر ومحتوه
محلاه . بعشگه يحله الهوه
محلاه . صاير من الظوه
كجوهره . وجهه وبعينه تشوف الياقوت
كجوهره . يونس ابأسمه قره وضوه الحوت
من كحل عيناه . كلشي صاح الله
وحده ما ثناه
الم ترى
......
ماي . لو هوه
فياي . لو ظوه
سيد الغيره ونبيها وفي صفي بغيرته
يدفه بالقطب الشمالي الذكر جمر گصته
امه بسم اخته العقيله . ظهر . عصر . لولته
لوجه الحسين الوفيه ذخر نذر نذرته
عباس . امه تنده اله
عباس . اختك مدلله
عباس . اتحظر لكربله
يبو الوفه . ادعي الله يوفقك ويه حسين
يبو الوفه . اطفي عينك يمه وانطي الچفين
من حچت وياه . كلشي صاح الله
وحده ما ثناه
الم ترى
...
چبير . بالعلم
بير . للحلم
آية الله العضمى هوه . ورع . يشع . كالشهاب
حسين اذا چان المدينه . ابي ال .فضل . هوه باب
المرسلين تغبطها كلها . فحل . بطل . بالصعاب
گصّته الماي المُصفى . والباقي كلها سراب
محبوب . العابد المجتهد
محبوب . التقي الكله زهد
محبوب . لو بعد ينفگد
عمامته . انطاها يوم العاشر الحگ وزود
عمامته . صارت آيه وصارم ورايه وجود
من صفت فوگاه . كلشي صاح الله
وحده ما ثناه
ابا الفضل
......
شاب . من صغر
حاب . ينتصر
حتى مهره بالمعارك . مهر . جَسر . معتلي
انت الك خياله گله . واضل . انه ال .خيل الي
تشهد لسيفه الگناطر . ذهب انعجب بيه علي
حگها زينب من تنادي اله هله بكافلي
حياك . تگله يا عزوتي
حياك . يا ابن دمعتي
حياك . يا سبب فرحتي
يچف علي . العالجذع ساعد چفوف العذراء
يچف علي . وظهر اخوي و انت عين الزهراء
لعطفك ومعناه . كلشي كال الله
وحده ما ثناه
ابا الفضل
.......
سيف . واعتله
ضيف . كربله
من الخيم صوب الشريعه . نزل . فهل من مفر
جوده يتدله اعله متنه فنه ودنه للنهر
خيّم اعله الجاري طوله . وبده النده يعتبر
والشمر الافه كلها و مدد و ابد . ما گدر
قتال . صوته مثل السهم
قتال . العرب والعجم
قتال . والشرد بيه حلم
يكربله . كلشي صاح بظهره وبصوت حسين
يكربله . هذا ابو الغيره اللي ما منه ثنين
ليمنته ويسراه . كلشي صاح الله
وحده ما ثناه
ابا الفضل
.....
#ميثاق_الحمداني
فتوتك بيها العقل
يابو رضا تسلح
أرجال گالو نعم
للوطن فدوه نشح
انته الصنعت المجد
وانته الصنعت الفرح
رديت حگ الشعب
سديت حلگ الوكح
أفتخر لأنك ألي
مرجع وقائد صلّح
أدام الله انفاسك سيدي ابا رضا
#أم_علي_الشمري
لا تحچي أبجرحنه أجروحنه أهواي
إذا مـا عنـدك اللّـي إيـداوي الكـل
#كلماتي
نزله
لذكرى وفاة عقيلة بني هاشم
أم المصائب زينب عليها السلام
.....................
زينب الحوراء عكب أخوانها
ناس غربه الشيعت جثمانها
....................
1
بت أمير الكون نوماس الستر
من بعد درب السبي أو سيل الزجر
ناس غربه الشيعتها للقبر
أو شمتت الشام أو شمت سلطانها
....................
2
زينب أخت حسين محموله أبنعش
و 11 خادم يشيعوها 12
داعي السجاد بظلوعه أرتعش
عمته الحره الغرب دفانها
....................
3
كون أموت أمعززه أبلمت هلي
أحساب غير أحساب حسبة بت علي
ما تت أبديرة غرب ماكو ولي
أو لا أبن بيده يفصل أجفانها
....................
4
سكره بعد السكره ما كطعت أمل
هسه أخوها حسين عباس الكفل
فوكها أيجلون وتجل الأهل
أبنايحه أتسد الشمس تربانها
.....................
5
أمخدرة حيدر علي عقد الوله
من زغرها الحد فجيعة كربله
أبعله بعد العله داعيها أبتله
تشهدلها الكاع وي ظهرانها
.....................
6
أمنالمدينه الكربله الشام الشمت
عام فوكه أشهور بالغربه بقت
لو عدل بعده أبو فاضل والبخت
الشام ما دخلت أبد ديوانها
.......................
7
ها أندفنت بت علي قبل الدفن
هالكثر ما جانت الهاشم حضن
لال هاشم صارت الدنيه سجن
أو رجعت الخربه أورجع سجانها
....................
8
أيتام أخوها حسين ما ألهم وطن
شامت الشامت همس بذنه أو رطن
اليوم علويات وجبت ينسبن
أعلوج أميه أتحومي أبغربانها
....................
9
راهبة آل النبي الطهر الطهور
يدي يبقه أصوابها اليوم النشور
شيعه ألها أتنوح تلطم عالصدور
أو حب عقيلة كربله أبوجدانها
....................
خادم أهل البيت
الشاعر : أسماعيل الجوراني
السبت : 27/2/2021
تعرف يا علي انته وتعلم ابحالي
أمنيــتـي احقــق كلشــي لبالــي
مو مال وذهب يابا الحسن ماريد
اريدن چفي يكتب صور تتحلالي
#أم_علي_الشمري
البخت والمبخوت امــي وابويه.
ظلهم سگف بالبيت ليه ولخويه
كل عام وانتم سقفٌ لي