2381
{لو لا أنــــ❤️ـتَ ما خُلـِقنـا يـاحُسَــ❤️ــيّنْ}
نعي لمولاتي رقية عليها السلام
.
.
من صاحت أريد احسين أريده
ثلث صيحات صاحتهن شديده
فـز ايـزيـد مـن نومـه برعيده
او گال الـراس ودوه اعلـه بنته
فــز يــزيــد وهــتـم الطلبــها
مو قصده الرضه ايوگف گلبها
فوگ الشافته او لوعة دربها
جابلها الطشت والمن درته
شافته اوجرت من دم العيون
ابوي احسين گالت سلوتي شلون
يمن روح الرقيه ما تظل كون
ولا اعزيز الگلب بالطشت شفته
بويه اعليك ذابحني ونيني
ونشد محد ايجاوب حنيني
گلت فتره او يجي وتشوفه عيني
مدري ابموته لو أدري رفگته
يوجعني الفراگ او يكتل الحيل
ويمر الليل بويه بجرحي ايعيل
او يريت اوياك ما مرني بعد ليل
او موتي صار بويه اوياك وكته
#ام_علي_الشمري #يا_صاحب_الزمان
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
⛔| تم نقل البوت الى بوت جديد
📍 | اضغط هنا للدخول الى البوت الجديد
⚠️ | سارع في الاشتراك ... !
~~~~~~~~~~~~~~~~~~~
ابوذية لمولاي السجاد ع
عليل او ما بـره جرحه ولا طاب
ولا أبـزاد أستلذ گلبـه ولا طـاب
خلص عمره دمع يهمل ولا طاب
إله يوم ونسه اطفوف الرزيه
😔💔
#اللهم_عجل_لوليك_الفرج
#أم_علي_الشمري
للاربعين والمشاية
.
.
ما ظل شي وتوصل كربله ام عون
ويـن الضام دمـعـة او لطم المتون
****
وين الجاي گلبه ايواسي الثنين
لعليل الحسين او زينب ايعين
ماظل شي وتوصل اخت الحسين
بالروس العزيزه اترد والظعون
****
خلي ابالك من تريد لهناك ؟
يالماشي وتريد اتواسي مولاك
بس حزنك اخذ ودموع وياك
بيهن لاگي ظعنه الراد محزون
****
لو شافك عزيز احسين مكسور
من گلبك اجيت اتواسي مقهور
عايـف ديـرتك والناس والـدور
تخف حزنه عليه الگلبه مخزون
****
أسود خلي ثوبك والفرح شيله
واستعظم مصاب الناوي تمشيله
خل كل همك الردت مع العيله
عين الشافت الطف واليذبحون
****
اشعث خلي وجهك واغبر احوالك
وانسه المُلّهيات اورسم ابالك
روس ابلا اجساد اتشوفها أگبالك
بيديها العقيله شايله شلون
****
وتذكر ابدربك بعد للزهره
آخر من ولدها الفرج ينتظره
ابو صالح جليس الغربة والحسره
المهدينه الحبيب المُنّدعه ايكون
****
#أم_علي_الشمري
#اللهم_عجل_لوليك_الفرج
#يالتني_كنت_معكم_فأفوز_معكم_فوزا_عظيما
انه أموت على شي أسمه حسين
او أي شخص ايقربني للحسين أموت عليه؟
باسم الكربلائي
السيده زينب ع
وهي تحچي ويه روس أخوتها
{ بجنط يمشي المسافر وانه امشي بروس }
💔😔
هذي القصيدة كتبت على رواية
إن ليلة ١١ محرم الحرام فقدت طفله من اطفال الامام الحسين عليه السلام واخذت زينب تبحث حتى وجدتها في ساحه المعركه على جسد ابيها الحسين عليه السلام بعد ما علمت امرها من الحرس ولكن الثابت غير معروف من هذه الطفله مره يقولون السيده سكينه و مره يقولون السيده رقيه عليها السلام
--------------------------------------------------------------
أتفگدت زينب الاطفال اوشافت طفله مفگوده
وحده من بنات احسين دورت ماهي موجوده
****
ليلتها اهدعش بالليل شاطت زينب الحره
من أتفگِّدت ليتــام طفلـه ماكــو للعتــره
أنذلهت بت علي الكرار ووجت بالگلب جمره
وين ادور ابهالليل لبلا حيل منكسره
صاحت يا علي السجاد صيحت عمه ممروده
وحده من بنات احسين دورت ماهي موجوده
****
نشدت من عليل حسين اليمه جَمّعت لعيال
طفله يا علي ماشوف بعد إلنا مع الأطفال
مضيعتها ينور العين من عيني اختفت بالحال
اعليها دورت كل صوب ما إلها أثر واخيال
وين ابهالظلام اتروح والدنيا أنولت سوده
وحده من بنات احسين دورت ماهي موجوده
****
چن حارس تشوفه ام عون اوعالطفله أنشدت منه
گالته عليـنه أزمـان واگـف ما شفت بتنه
طفله للذبيح حسين مـا مـرت عليك إلنه
اوچان ايگلها اي منا راحت تجذب الونه
بابا اتصيح بابا وين راح او طالت العوده
وحده من بنات احسين دورت ماهي موجوده
****
ردّت فَزّعت النسوان البيها الجمره مشتعله
من گلها الحرس منا شفت الكم مشت طفله
وياهـن خذتـهـن غاد يـم المنـذبح كله
واشافت أخت عباس ذاك المشهد اشخله
شافتها اعله جسم احسين. طول ابطول ممدوده
وحده من بنات احسين. دورت ماهي موجوده
****
تحچي أشتحچي بنته اوياه بابا أدگله ضربوني
شوف إيديه محترگات بابا او عاين أمتوني
بابا ما رحمني السوط رغم ازغيره يدروني
بابا من العذب حرموك أشرب دمعة اعيوني
أدگله بابا راسك وين. او عمي الكافل اوجوده
وحده من بنات احسين دورت ماهي موجوده
****
من سمعتها زينب هيچ لطمت بيدها الخدين
ادگلـها أشجابچ ابهالليل ياسلوة دليل احسين
ما خفتي ابظلام الليل صوب المعرگه اطرين
وحدچ لا ضـوه بيديچ تمشين ابوسط ميتين
شلون اعبرتي الحراس او درب الجيه مسدوده
وحده من بنات حسين دورت ماهي موجوده
****
عمه من نطونه الماي اشرب ما شربت أگدر
جبته اوجيت اركض بي الگلب الوالد المِجمر
ما منعوني لمن جيت شافني اورضه العسكر
لچن وانه اركض بيه من إيدي أتبده واطشر
ماظل شي يعمه اوياي ادموعي للجره أشهوده
وحده من بنات حسين دورت ماهي موجوده
****
#أم_علي_الشمري
#اللهم_عجل_لوليك_الفرج #يالتني_كنت_معكم
دفن الأجساد
غايب وين عمه انشغل بالي اعليك
فجأة اطلعت وتأخرت ما رديت
ظل گلبي عليك ايلوب شنهو أشصار
وأسأل عمه صرت اعليك ما خليت
مو طبعك يعمه اتعوفني ابهالحال
عاد أنطيني چلمه من اطلعت وأمشيت
شو وضعك يگلي چنت يم اعزاز
عطر البيك اشمه اهواي بي شميت
المن هالعطر گلي يبعد الروح
الهندامك شلون اشوصله اشسويت
طيب خاطري وحچيلي عمه ابساع
مالي حيل بعد اعله الصبر مليت
گلي الغيبه هاي اهناك يم حسين؟
مريت اعله ابوك او عالجثث مريت ؟
تدري اليوم ثالث گلبي طگ اعليه
لو أدري رحت وياك ما ظليت
ما چنهن ايام اتفارگت وياه
چني أسنين ما شايفته إله أشتاگيت
اي سولف لي عمه المن رحت لهناك؟
بله اويا گعدت اشسولفت شحچيت
جمّعت الوصال الطشرتها الخيل
والجسمه يعمه الوالدك لميت
زين ابيش لميته منـو العـانـاك
وأنت ابلايه حيل الكربله أتعنيت
لميته يعمه بقطعة من افراش
اوأجمعت المطشر كله من جسمه
اوسدته ابضريحه او چن يحاچيني
عبد الله يبويه اوليدي گال أسمه
بويه اعله الصدر وسدلي المفطوم
عمه اوسديت الشرب من دمه
ونوب العلي والقاسم العريس
كلهم جمعتهم يم ابو اليمه
والصوب الشريعه اخذيت ناس اوياي
للكافل عزيزچ طيب الكلمه
الگيته اعله النهر لا يسره لا يمناه
طايح يم جربته والعلم يمه
ما لوم الحسين ابيوم گال اعليه
نفسه انكسر ظهري ابشوفته عمه
ولميت لمطشر من ابو النوماس
ودفنته ابگلب متلوع العمه
اوهذا انه يعمه الرادلچ دفان
بيدي ادفنت ابوي او خيرة أزلمه
#أم_علي_الشمري
#يالتني_كنت_معكم #اللهم_عجل_لوليك_الفرج
قصيدة مذبوح اوليدج يالزهره
.
.
مذبوح اوليدچ يالزهره
يوم العاشر حزّو نحره
كل أهله ورضيعه * انذبحوا يالوديعه
مذبوح اوليدچ يالزهره
****
جرحني ..موقفهم جرحني ..حزني .. ألمني اوحزني ..چا أنتِ شلون
حضرتي .. يوم الطف حضرتي ..نظرتي .. وبعينچ نظرتي .. أشصبّر العيون
ساعة شوفة اولادچ ييمه رزيه
والاعظم مشت زينب بلا كافل سبيه
مجتوفه ابحبل وبن الدعي يضرب رقية
ما متي من الضلع اوكسره
مذبوح اوليدچ يالزهره
****
يطاوع ..گلبي ما يطاوع ..اباوع .. بس تشّبيه اباوع .. أنجن أجنون
يأُمي.. يا فاطم يأُمي .. يهضمي ..لمصابچ يهضمي .. لعليّ ميهون
ماشفتچ وانا بعقلي شفت معنى الحقيقه
عشتي أصعب زمن ظالم ولا شفتي دقيقه
راحه من الألم روحچ گضت بين الخليقه
آ يا لوعة نارچ كبرى
مذبوح اوليدچ يالزهره
****
وردتچ .. لا مو بس وردتچ .. شجرتچ .. گطّع الكل شجرتي .. رادولچ هيچ
جنينچ .. ما گلتي جنينچ .. الظالم بي فجعني .. رغم اللي بيچ
بس شوفة أبو اليمه وأهل بيته ضحايه
تـركت فاجعه اوتـركت بعد نار او سٍبايه
بگلبچ خيمه محترگه اونساء ابلا حمايه
هان اعليچ المحسن كسره
مذبوح اوليدچ يالزهره
****
چبيره.. مصيبتهم چبيره ..العشيره ..ما ظل بالعشيره .. اكبار أورضعان
فقدها ..گدامه فقدها .. عزيزچ .. بيديته عزيزچ .. ايقدم الشبان
بيديته الحنينه ايقدم اولاده او اخوته
صابر محتسب للباري سلم حتى موته
مخنوگ ابعبرته ايصبر أخته من سكوته
ما أتخيل حايـر بأمـره
مذبوح اوليدچ يالزهره
****
شموسه ..طفوا كل شموسه ..عروسه ..ولا حلم العروسه .. ميت جسام
ونينچ ..ما يخلص ونينچ ..حنينچ .. عالماتوا حنينچ .. بالروح اسهام
ما تطلع تظل ابصدرچ او تشعل جمرته
الحد ما ينقضي امره ويريد الله بحكمته
جرحچ ينشفي بچف أبنچ الطالت غربته
اوكسر الخاطر هو يجبره
مذبوح اوليدچ يالزهره
****
هذي القصيدة كتبت عند شهادة مولاتي فاطمة الزهراء ع على لحن خاص ولكن لا اعلم قُرأت ام لا
بعد ما هدأت المعركة مولاتي زينب ع.
.
.
صاحت ابصـوت المـوادع نـايحـه
حسين يبـن امي انه عنـك رايحه
****
رايحه يحسين اعـوفك عالصعـيد
جسمك مـترب او مـذبـوح الوريد
يالأعـز مـن ولـد ولـدي يالعـضـيد
يمك ايـمـنـعــوني اســوي فاتـحه
****
فـوگ ظـهـر الـهـزل أنعـالك وون
حتـى لو منعوني ابضـرب المتن
ما اموتن موتـي مـن ابعد واحن
يالعفتـكم غصـبن اعلـيّ نازحـه
****
خويه يالعفتـك امبضّـع عالرمال
مــوذر ابأسيـاف اشــبـاه الرجال
فجع گلبـي منظـرك والهـم تـعال
گلت ماظل والصبـح ما صابحـه
****
شفت ماكو كـتـر سالم بالجسم
مـاردتــك خيلـهم حــد الـهشـم
ريت كون الشفته مو واقع حلم
حتى اگول الحلم شفته البارحه
****
يالحنين الـ بيك ما ظل شي سلم
عيشوك انـواع خـويه مـن الالــم
مـن القـفا ذبـحوك و بگلبك سـهم
شبيدي بس عيني المصابك شابحه
****
چتفـوني ابحبل خـويه ولليـسر
اومرني ضيم الأبد ما مرني او يمر
اوين چنت ابزودك او زود الگمر
هسه گومي او گعدي سوط اوصايحه
****
#أم_علي_الشمري
#يالتني_كنت_معكم #اللهم_عجل_لوليك_الفرج
زينب وين تنطي الوجه والخدر
مـن چلچل عليـهـا الليل وتـكـور
البين التل واخوها حسين رايد حيل
مو حرمه بعمر خمسيـن تتمـرمر
شلون اتحملت ما ماتت بعاشور
وانه اخيال هسه اتخيله ما أگدر
#أم_علي_الشمري
ضعف حيله او ابد ما ضعف إيمانه
وحيد ايلوذ صار ابكتر (رحمانه)
بغدرهم شاطرين أولاد مرجانه
رغم وحده او تخاف أتگربه عدوانه
#أم_علي_الشمري
يا سلاب تاج احسين گلي وين لباسه
گلها التاج شلچ بيه ذاك اعله الرمح راسه
😥💔
يــا فـرحـة ربــيـع الـعـمـر يــا عـيـدي
خريـف الـحـزن ذَبَّـــل وردتــك بـيـدي
يـــا أوّل نَـسـمْ فـــاح ابْـرِيـاض الــروح
يـا غـصنِ الـحِرَسْته ابْـناظري المشبوح
عـطـرك ويــن ذاك الچان يـبـني ايْـفوح
ويـن أيــامــك وفــرحـتـي و تـغـريـدي
أيـامـك مِـضَـنْ چنـهن سـراب و طـيف
ويّـايـه عـشـت عـيـشة مُــرور الـضـيف
كـل ذاك الـتعب أصـبح نصيب السيف
وگبـل جيـدك تـمَنّيت انگطــع جـيـدي
عـصـف يبني خـريـف الضيم بالحسرات
وذِبَـل عـودَك وسـافه اگْبال عيني ومات
يــا مــن عـوَّدِت ثـغري عـلى الـبَسْمات
عگـبـك عـالـمـصايب صـــار تَـعْـويـدي
گلـبـي اجْـنـاح وايْـخَفُّگ عـلى جسمك
ومـثـل أمِّ الفصيل انـحـب واحِن يـمّك
صـرت امْدوهِـنه وبـس ألـهَج ابْـإسمك
وأرَدِّد بــيــك يــا نَـــبْــرات تــرديــدي
أنـوح ابــنـوح ثـكـلـى ومـــات غـايِـبْها
وعـلـيَّ الـدنـيـا ذَبَّـــت كــل مـصـايبها
احْـتِـزَمْـتِ ابصبر گلبي وصرت أخاطبها
وأگلـهـا اشْـعندچ امْصايب بـعد زيـدي
عَـلَـيْ هَـبَّـت عـواصـف حـزني وآلامـي
اوْ ذَرّيــــت الـصـبـر بــجـروح أيــامـي
مــو جـسـمك وگع،گلـبـي وگع دامــي
ومـا گِطْـعـوا وريـدك، گِطْـعوا اوْريـدي
أظـن مـو دم وريـدك نـازف و مـسفوح
هـذا الـطاح گلـبي اعـله الـترب مذبوح
لـو يـنـفـع ونـيـنـي والـنـحب والـنـوح
أنـــوح اعْـلـيـك طـول العمر يـولـيـدي
#جابر_الكاظمي
تم ولله الحمد نشر اجمل قصائد لمحرم 1446
/channel/al_hassanen
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
إذا عالماي سهله اعيوني موجودات
وإذا رادت افياي احميها من الحر
بس شلون إذا گالت اريد احسين
يهل الله لحسين منين يدبر 💔😥
#لشاعر
على مصاب الحسين الگلب ماهاد
ليل انهار ينحب علي السجاد
اشما خلو أگباله الماي والزاد
ذكر عاشر محرم والدمع هـل
#أم_علي_الشمري
#اللهم_عجل_لوليك_الفرج
إذا ما خدمك ابهالعام
للعام اليجي ماعيش
مولاي أبا عبد الله بكيفك 😥💔
السيده زينب ع
وهي تحچي ويه أبي الفضل العباس ع
{ مو گتلي وسط العين ما خلي ثاني
ليش السهم عباس ماخذ مچاني }
😥💔
من واحد لواحد راسك إيمر
وگلب اختك يبو اليمه تمرمر
الحالي اوعله حالي الصخر ينطر
وإبن آدم بشر ما رحم بيه
#أم_علي_الشمري
#اللهم_عجل_لوليك_الفرج
#يالتني_كنت_معكم
يـون گـلـبـي تـعـال اسمع لوانه
على الصاحت وگع بالطف لوانه
يـخـويـه اتحامـي هالخدَّر لوانه
أحامي احدودها من خيول اميّه
#جابر_الكاظمي
أذكر اللحن كلش حبيته وقتها عشت القصيده
وتأثرت بيها لحد البچي اتركها الكم اسمعوها
المولاي عبد الله الرضيع "ع"
.
.
عبد الله الرضيع المات
طفلي اوطفل ابو اليمه
جبته مفرفح او عطشان
لحسين الكثر همه
****
من شفت العطش أذاه
أبني او غورگت عينه
لم عون اصرخت لحگيه
أبني سبل أيدينه
امشينه بالعجل يم عون
نركض بي لبو اسكينه
أخافن هالعطش ينهيه
او يلحگ خوته او عمه
****
مگابلته اودموعي اطيح
من عيني اعله خدينه
يمه اشبيدي اگله اعليك
ماي اوبيد اعادينه
لو عمك عدل هالساع
عباس او يجي اعلينه
ما يتحمل من ايشوف
تبچي اعيوني والعمه
****
چلمـه اسكـينه گلتله
دگ صدره ابو النوماس
صار او گلها بعيـوني
حاضر عمچ العباس
بس ماي أنتي تريدنه
لو اگلبها عالارجاس
متأكده لون لو شاف
حالك يحترگ دمه
****
عمتك شالتك لحسين
والشده الگضت صعبه
لمن شافك المظلوم
مـا وچـد بـعـد دربه
من عمتك خذاك اوراح
كلهم مو يبس گلبه
طفل ابيا شريعه ايموت
عطشان او غده ايألمه
****
كلهم شربه شتخسرون
طفلي لو تشربونه
اوياكم انه والمطلوب
عبد الله اشتطلبونه
طفل او ما عليه اذنوب
بيه لا تعذبونه
اميه انطو يفچ العين
تنالو مغفره او رحمه
****
بين الراضـي أيرويك
وبين الزوّد أجروحك
سهم امثلث او مسموم
من ظالم نزع روحك
مثل الطير بيد احسين
فرفحت او خلص نوحك
ومن جابك إلي مذبوح
گلبي موِّتــو حلـمه
****
#أم_علي_الشمري
#يالتني_كنت_معكم #اللهم_عجل_لوليك_الفرج
حسك السعدان ؟
كسر خاطر ابو اليمة قبل خاطر رقية
💔😥
آخر ما دعا به أبي عبد الله الحسين ع
( صبراً على قضائك يا رب ، لا إله سواك ، يا غياث المستغيثين ، ما لي رب سواك ، ولا معبود غيرك ، صبراً على حكمك يا غياث من لا غياث له ، يا دائماً لا نفاد له ، يا محيي الموتى ، يا قائماً على كل نفس بما كسبت ، احكم بيني وبينهم وأنت خير الحاكمين )
الذابح ما شبــع يحسين عالخنصر دنت نفسه
💔😥
هذه الليله من أي الأبوب ندخل عليك سيدي
يا أبا عبد الله فابواب هذه الليله كلها عزيزة عندك
من باب أخيك أبي الفضل العباس ام من باب الأكبر أم من باب القاسم ام من باب عبد الله الرضيع ام من باب زينب ام من باب الاصحاب والانصار ام من باب الخيام والخدر من اي باب يا مولاي فتقبلني
أقسم عليك يا مولاي فالتقبلني معكم 🙏😔💔
#يالتني_كنت_معكم