36704
⚠️ اجمل واحدث الروايات والكتاب ✏أكبر مكتبه للروايات 📖روايات الف شكل ولون للتواصل @wessam1412 للطلبات @Rwayati_bot رابط القناه https://t.me/+PcBTfMKDS4ab2Mv1
الزعل بس اول مره اشوفها بتزعل بي شوق لي زول .
__________
بلسان ماهر:-
ركبت الطياره و مشيت على فرنسا و بعد و وصلنا اخدت راحه و كنت حاجز في نفس الفندق ال فيه مهند و الصدفه السمحه انو غرفنا كانت جنب بعض بقيت طوالي بطلع مع فهد بننزل المعرض كان ما بعيد من الفندق بنمشي و بنعلق على اللوحات المعروضة و لقيت لوحه فهد من اللواحات المعروضة و قال لي انو دي اول مرة يقبلوه و هو كان بقدم ليه خمسه سنين و اتعرفت على فنانين كبار و من كل البلدان كنت متخيل انو مهند هو السوداني الوحيد المشارك في المعرض بس اكتشفت غيرو في كتير و مشاركين بمختلف انواع الفنون و اثناء ما انا بعاين في المعرض لقيت لوحه زكرتني بسما طوالي كان راسمها واحد تركي بس مصور فيها جمال الطبيعه بطريقه كدا تخليك تعيش اللحظه اللوحه كانت للغروب على شاطئ بحر و ظاهره فيها اشجار طويلة بالجد كانت لوحه في منتهى الروعه و اثناء ما انا مندمج فيها جاني واحد تركي اتكلمت معاه بالانجليزي و طلع اسمو. ياغيز يلماظ و طلع بتكلم عربي كويس شديد و هو عاش فتره في مصر و السعوديه و مره زار السودان و قال انو شاف الغروب دا هناك في بورتسودان في البحر الاحمر و كانت احلى فتره عاشها هناك طبعا سيفت رقمو و الحظ لاعب معاي كويس طلع هو كمان نازل في نفس الفندق و نفس الطابق بس بعد كم غرفه مني بس ما بعيد بقى يطلع معانا انا و مهند و بنطلع نتفسح في باريس و نتصور في معالم التذكاريه زي برج ايفل و نشوف متاحف الفن هنالك و نرجع اخر الليل و بعد ما انتهت فتره المعرض و قابلت المشرف و عرضت عليه كم لوحه من لوحاتي قال هي قريبه لي المستوى المطلوب بس لسه ما مقبوله و قال ممكن انتظر التقديم يفتح لي السنه الجايه و احتمال يقبلوني و طبعا بعد رجعت السودان ان مضت قريب ١٢ يوم و باقي لي سما اخر امتحان ونفسو يوم ميلادها كنتا متحمس شدييد لليوم دا لانو مجهز ليها هديه متاكد مئه في المئه حتعجبها طبعا ما نسيت ناس البيت من الهدايا و فرحت امي برجعتي كانت عندي بالدنيا و قررت ارسم الفرحه دي واشارك بيها لي معرض السنه الجايه
يبتع ....
انتهت الحلقه(١٩)
بتمنى انها تقبل دعوتك وتجي ابتسم ليها ومشا حتى سلسبيل اتنفست قالت الو سمعت تسابيح بتضحك قالت ليها والله حسيت بشعور انك بتقطعي في انسان وفجاءه تلقي قدامك خفتا خووف المهم حتجي تسابيح قالت ليها ماعندي طريقه والله وانتي عارفه سلسبيل قالت ليها طيب تماام..
نهاية الحلقه الثامنه عشر....
قراءة ممتعه💜🥀
*فتاة ذابلة🥀*
*#بقلم المبدعين سارة وعبير ولمياء وصديق*
(18)
بلسان الكاتبه:-
امير وفريد عاينو لتسابيح قالت ليهم انا برأيي انو تسألو سما بلاخير انتو الاتنين بتفتشو على راحة اختكم صح الاتنين سكتو ودخلو لسما لقوها صاحيه فريد باسها في جبينها ♥️وسألها اذا حاسه نفسها احسن قالت كويسه الحمدلله امير قال ليها سما رأيك شنو لو انك تجي فتره تقعدي معانا انا وامي تغيري جو وترتاحي من الاجواء دي وتجهزي نفسك للامتحان اها حتمشي معااي اصلا مع امي حترتاحي اكتر وما حتدخلي مستشفى تاني بعد جملتو دي فريد بقا يضحك امير قال ليهو خير مالك فريد قال ليهو مافي شي كمل كلامك امير عاين لسما وقال ليها اها حتمشي معاي؟ سما سكتت وعاينت لفريد بعدين قالت انا مرتاحه مع فريد ما حابه امشي اي مكان تاني امير قال ليها بس يا سما انا كمان اخوك قالت ليهو اخوي اي وبحبك بس ما عايزه اقعد في البيت داك امير بعد كلامها دا سكت ما قال شي تاني فريد تلفونو دقا طلع بره ردا كانت السكرتيره قالت ليهو في ندوه عاملينهاا ناس مهمين ورسلو ليهو كرت دعوه خااص عشان يحضرها سألها الندوه متين قالت ليهو بكرا بالليل يعني يوم الجمعه فريد قال ليها ارفضي الدعوه بطريقه لطيفه وشكرا قالت ليهو بس يا استاذ فريد الندوه مهمه قال ليها وانا ما عايز احضرها ارفضي الدعوه وقفل الخط
__________
على لسان فريد:-
اتلفتتا لقيت ماهر واقف قلتا ليهو وين اخواتك قال لي مشو البيت بعدين قال لي دعوة شنو العايز ترفضها قلتا ليهو في ندوه بكرا مهمه وفي نفس الوقت في كتب جديده بتنزل بكرا معرض بري بيكون ملان ناس حتى الشباب بجو بعرضو مواهبهم شعر وغناء وكداا بس انا رفضتا الدعوه قال لي ليه قلتا ليهو دا سؤال ليك؟ كيف امشي واخلي سما كداا وبعدين ماتنسى انو امتحانها يوم السبت مابقدر قال لي الندوه بالليل من الصباح بتكون مع سما والعصر بتجيبها لينا قطوف وامنيه بيساعدوهاا ومع امي انت بتعرف انها بتكون مبسوطه لمن تجي بيتناا بقيت افكر في كلامو فعلا سما بتنبسط معاهم وغير كدا الندوه مهمه بالجد قلتا ليهو وين تسابيح قال لي جاها تلفون ومشت هزيت راسي وقلتا ليهو طيب قال لي لو بتقدر ممكن انت وسما تجونا من الصباح امي بتعمل عصيده بملاح تقليه سخنه وررهيبه يوم الجمعه قلتا ليهو عصيده بتقليه قلتا لي قال لي ااي وبتعملها ررههيبه وسخنه بتنعنش الروح قلتا ليهو والله اغريتني صراحه العصيده لا تقاوم خصوصي من يدين امك 💙حنجي انا وسما من الصباح ان شاااءالله قال لي طيب انا حادخل اشوف سما وبعدين حاطلع امشي قلتا ليهو انتظر الدرب يخلص ونمشي كلناا قال لي طيب مشا دقا الباب امير طلع وهو دخل امير جا قال لي مبسوطه لانها اختارتك صح؟قلتا ليهو حيجي يوم وتفهم هي ليه اختارتني انا وما اختارت امك
__________
على لسان ماهر:-
دخلتا لسماا كنتا معتاد على انها كل ماتشوفني تتبتسم بس المره دي ما ابتسمت بتعاين لي بس قلتا ليها بقيتي كيف قالت لي كويسه سكتت مسافه بعدين قالت لي ممكن اسالك سؤال قلتا ليها اتفضلي قالت لي انت وسوزان ليه انفصلتو طالما بتحبو بعض كداا؟ ولسه بتغير عليهاا قلتا ليها نحنا مامتفاهمين وقلتا ليك انو انفصلنا كأي اتنين عاقلين بعدها سكتت لغاية ما الدرب خللص طلعوها من المستشفى انا مشيت على بيتناا وهم مشو على بيتهم لمن وصلتا البيت شفتا عربيتين شرطه واقفين قدام الباب وامي بتبكي واختي امنيه بتحاول تتكلم مع الضابط جيتهم سريع قلتا ليهم خير يجماعه الحاصل شنو؟ الضابط قال لي انت ماهر عمران؟ قلتا ليهو اي قال لي في امر قبض ضدك قلتا ليهو امر قبض حق شنو ومن منو قال لي اشرف شريف متهمك انك اعتديت عليهو بالضرب وفي مكان عاام وكل الناس شاهدين اتفضل معانا بدون اي مقاومه مشيت معاهم وامي بتصرخ بتقول ليهم ولدي ما بعملهاا وعيب عليكم تعملو كداا قلتا لاخواتي خليكم مع امي حاولو هدوها وركبتا في عربية الشرطه ومشينا على القسم ودخلوني للضابط جوه قال لي ضاربو ليه؟ قلتا ليهو اصلا من زماان في مشاكل بيني وبين اشرف واسي لمن لاقيتو استفزاني بالكلام عشان كدا ضربتو الضابط قال لي قال ليك شنو لمن ضربتو كداا قلتا ليهو قصه شخصيه قال لي بتخص بت يعني رجال طول وعرض تتشاكلو عشان بت شكلك حتكون في ضيافتنا لغاية ما تتعلم كيف تتعامل مع الناس ظاابط ونادى العسكري وقال ليهو سوق زولنا دا لبيتو الجديد جة العسكري عايز يسوقني جا اشرف داخل ومعاهو واحد تاني عاينتا ليهو وشكلو ماغريب علي المعاهو قال لي انت؟اشرف قال ليهو بتعرفو المعاهو قال ليهو دا الحيوان الحكيت ليك عنو البسببو كان اتأخرتاا عن شغلي الموهم واتشاكل معاي في الظلط بسبب مره عجوز اشرف قال لي انت محل ما تمشي بتعمل مشااكل العسكري جراني وطلعناا
*فتاة ذابلة🥀*
*#بقلم المبدعين سارة وعبير ولمياء وصديق*
(17)
..
*كل ما الدنيا تضحك لي تديني الحزن جرعات* ...
____
بلسان الكاتبة:-
.. بعد المشوار الظابط وسما اتملت طاقه ايجايبه وحست انها مالكه الدنيا وبطبيعتها الطفولية كانت حاسه انها اسعد انسانه واول ماوصلو البيت المصري شافو وش طبعا كلهم حافظينو شديد شافو سوزان قاعد معاها واحد وهي م انتبهت ليهم وع طول بحركه لا إرادية سما عاينت ل ماهر عشان تعرف ردة فعلو لقيت وشو بقى احمر من الغضب وم شايف قدامو خصوصا سوزان كانت بتبكي والولد كان بربت ع كتفها زي البواسيها وبحنسها وسما مركزة مع ماهر وفريد قال دا الجابو هنا شنووو وطوالي قال ليهم ارح من هناااا سما واقفه ومتصمغه ف مكانها....
____
بلسان ماهر:-
اليوم كان حلو وانا بحاول انسى حب عمري وفعلا بديت اتجاوز خلاص بعد م شفتها عايشه حياتها رغم تهديدها لي وتحولها المفاجئ بس كنت خاتي ليها عزر وعارف اني ظلمتها 💔 واي مكان مشيتو مع سما الليله عندي فيه زكرى مع سوزان واحلى ايام عمري كانت معاها صحيح سما بتحبني من أعماقها وامكن حبها اصدق من سوزان بس انا بالنسبه لسما الخيار الوحيد في حياتها لذلك اختارتني واما سوزان خياراتها كتيرة واستحاله تتجاوزني وتختار غيري بس المفاجأة اول م دخلنا البيت المصري اكتشفت تخيلاتي كلها كزب لقيتها قاعده مع اشرف الود الانا محزرها منووو الود البحبها والحاول كتير يخرب بيناا وانا دايما كنت بنبهها م تديه فرصه انا نسيت سما واخواتي والناس المعاي طوالي مشيت عليهم
قلت ليه انت مش انا منعتك تقعد معاها وانتي مش حزرتك من الود دااا م صدقتي خلاااص ولا من زمان الموية جارية تحتي وانا م عارف دا شنو الهبل دااا مش وعدتيني انو ما ح تسلمي عليه لو لاقاك الاتغير شنو معقولة مشاعرك هشه للدرجه دي ؟؟! اشرف قال لي انا ارجل منك وعلى الأقل عندي كلمة وما خليتها بعد بنت على احلامها حاسب على كلامك لم تبقى هي معاك او حتى قاعد مع رجالها ابقى اتكلم انت ياخ زاتو لم سبتها اهلها م كلمتهم ولا حتى عرفت الحاصل معاها ولم تسيبها تسيبها عشان واحدة مريضه نفسيا انا مصدوم طبعا اشرف الكان برجف لم يشوفني بقى يعرف يتكلم انا غضبتا منو شدييد وكنتا ناوي اضربو بس طوالي فريد اتدخل واداه بنية قال ليه ما بسمح لأي بني ادم يتكلم عن اختي ويقول عنها مريضه نهايك عن انها اختك انت كمان انا استغربتا مافهمتا كلام فريد م عارف كيف اختو؟ قلت ليه فريد سما اخت منو دا شنو دا فريد اتلبك وطوالي قال قصدي زي اختو يعتبرها اختو هو طوالي قال ل سما ارح وساق اخواتي معاه سوزان قالت لي كل حرف قالو اشرف صاح على الاقل اصدق منك وشالت شنطتها وطلعت طبعا لاحظتا لاشرف مخلوع مسكتو من كولة قميصو واشرف قال لي الزمن دا البضحي عشان زوول ح يتعود يكون دايما الضحية وكلمة مني سوزان خلااص مهما حصل م حتبقى ليك طوالي انا بدون تردد اديتو بنية ف وشو وم رجعها لي بقى يضحك علي وقال طول عمرك عايش ونخرينك فوق وفرحان انك شلتها مني اهو جاتني وبارادتها ومبسوطة بي رجعتا ليه البنيه التانية وبضرب بكل قوتي السيرفس والويتر فكوه مني و طردوني طلعت برا وافكاري ملخبطه م فاهم شي
_
بلسان امنية:-
لقينا سوزان وم عارفه الحاصل فجاءة السعادة الكانت فينا اتلاشت ماهر عصب شدييد وعارفة هو م عندو زنب بس سما انسانه طيبه شديد واخوي الضحية وضايع بين حبو وبين طيبتو وانا خايفه لا يعيش سعيد ولا يقدر يسعد سما وسوزان كنت بحن عليها وزعلانه عليها بس اكتشفت انها بتحب واحد غير ماهر الشي الفهمتو انو الزول دا بعرف ماهر وبينهم مشاكل طبعا مشينا مع فريد وانا معجبه جدا بطريقتو البحب بيها اختو زول لطيف معاها بتعامل كأنها حبيبتو ...
بلسان فريد:-
ياخ اول م شفت اشرف استغربت ليه ماهر وقف بعاين ليه هل بعرفو ولا اهل ولا اصحاب ونظرتو كانت كلها غضب والخلاني استغرب اكتر سما بتعاين ليه وحزن الدنيا كلو فيها وكمان كل شوية بتعاين ل اشرف والبت المعاه انا قلبي عايز يقيف سما عرفت اشرف اخوها ولا مالا ف شنو واتفاجأت لمن ماهر مشى عليهم وبقى يشاكل وقال سوزان عرفت دي خطيبتو بس البحيرني اشرف البقعدو معاها شنو وكمان معرفه قديمه هل حكى لي سوزان انو سما اختو هل سوزان ح تستفز اختي بالعرفتو واشرف اتشاكل مع ماهر والواضح بعد كلام اشرف م عارف انو بهين ف اختو وم عارف المقصودة دي اختو انا اتدخلت واتكلمت معاهم وسوقت سما خفت على صحتها ومعاي اخوات ماهر وانا مشتت بين حاسي بالزنب تجاه ماهر وخايف اشرف يحكي ليه وخايف اشرف يكون حكى ل سوزان والدنيا مضلمه وطبعا سما مع السكري ومع حساسيتها الزايدة تعبت شديد وديتها المستشفى معاي البنات 💔💔 مسودة لي الدنيا ف وشي
فتاه ذابله
بقلم المبدعين ساره و عبير و لمياء و صديق
(16)
بلسان الكاتب:-
فريد صحى الصباح و هو بفكر كيف يهيئ سما للامتحانات خصوصًا انها بعد يومين و لازم يطلعها رحله صغيره كدا عشان تدخل الامتحانات بقوه لانو هو داير يسمع اسمها من الأوائل في السودان و هو بفكر يسوقها وين هو عارف انو سما ما بتحب الحدائق و اللمه و ما ممكن يمشو لي ماهر في المعرض لانو لازم تغير جو و تمشي حته جديده فقال يمشي البيتش و يكلم ماهر يجيب اخواتو امنيه و قطوف و يغيرو جو و لازم ما ينسى حقنة سما و فريد متمني لو تسابيح تجي معاهم الرحله و من اسمها جات في راسو بقى سرحان فيها و في جمالها و رقيها و اتذكر حركات امير و كيف خطف منو حنك التوصيله بعد المعرض و كيف احرجها وقت قال ليه رقمها عندي صرا وشو وقام يعمل روتين الصباح بعد يصلي الصبح في الجامع و يستحمه و يشرب قهوة الصباح فقرر يكون يوم الطلعه الليله الخميس لانو الامتحانات السبت فبضرب لي ماهر من الصباح عشان يكلمو .
_________
بلسان فريد:-
دي المره التالتة اتصل علي ماهر و ما يرد الشمس طلعت بعد معقوله لسه نايم
الو يا ماهر فاضي الليلة رد ماهر بصوت تعبان كدا زي اليادوب صحى كدي قول صباح الخير او و سلم قلت ليه طيب فاضي الليله ناوي اطلع سما رحله رايك شنو ردا و انا زنبي شنو اخوان ماشين انا البدخلني شنو قلت ليه خلي الهبالة البتعمل فيها انت عارف سما حتفرح كيف لو انت جيت معانا ردا تمام يا زول اها ماشين وين انت عارف سما ما بتحب الجوطه و الناس الكتيره قلت ليه عارف عشان كدا اول حاجه الصباح ح نمشي توتي نوديها الجناين هي بتحب الخضرة و الطبيعه قال لي فكرة ظابطه هناك في ناس بس ما زي الحدائق و ممكن القى الهام لي لوحتي الجايه قلت ليه اصبر ما كملت كلامي قال لي تمام قال كمل كلامك يا باشا قلت ليه زمن الفطور كدا نمشي في فندق جنب برج الفاتح فيه مطعم رهيب و اطلاتو رهيبة ما متذكر الطابق بس عالي و النوافذ من زجاج دا بخلي المنظر رهيب شديد بتحسو شغل اوربي عديل قال لي ظابط و اها و باقي اليوم قلت بعد الفطور نمشي البيتش نقعد كم ساعه هناك و الغداء نمشي البيت المصري نجيب بيتزاء ماهر قال يعني حنلف الخرطوم كلها ولا شنو قلت ليه عندك مشكله قال لا لا قلت ليه لو جبت اخواتك يكون كويس امنيه و قطوف قال امنيه عندها جامعه لكن بجيب قطوف و قال لي تسابيح جايه طوالي قفلت فيه الخط .
___________
بلسان ماهر:-
فريد اتصل علي من الصباح و صحاني من احله نومه تلفون فريد خرب النومه و بعد ما حكى لي موضوع الطلعه دا طبعا ما قدرت اقول ليه لا و خاصة انو الموضوع عشان صحة سما قمت عملت طقوسي اليوميه و كلمت قطوف عشان تجهز و امنيه زعلت لانها عندها جامعه و حتفوت الطلعه الزابطه و قلت ليها لو خلصتي بدري بمر عليك بعد الجامعه
بعد شربنا قهوة الصباح و اتجهزت لبست بنطلون بيجي و قميص ابيض كم طويل مع جزمه جلد لونها بيجي و قطوف لبست تيشير كوم طويل لونه رمادي و اسكيرتي اسود و طرحه بيضاء مورده بورد ابيض و شنطه يد سوداء و شوز أبيض اتصلت علي فريد و قال نتلاقى في توتي قدام محل الايسكريم قلت ليه تمام طلعنا و اول ما وصلنا هناك لقيت سما و فريد منتظرين فريد طلع لبس زي قطوف كانو مطقمين و سما لابسه فستان كبدي معاه طرحه بيضاء و شوز أبيض سلمنا عليهم قطوف قالت لي سما ما شاء الله لوكنت ولد كنت شاغلتك اسي طالعه حلوه ما شاء الله بس شكلك ما خبيرة في الميكب تعالي لي يوم في البيت بديك دروس سما ردت عليها و انتي برضو ما شاء الله عليك حلوة خصوصي الطقم و قعدتا ضحك و قلتا ليها طلعتي بتعرفي حاجه تاني غير الكيمياء طلعتي خطيره في الميكب .
________
بلسان الكاتب:-
بعد الاربعه اجتمعو خلاص و دخلو محل الايسكريم ماهر قال لي سما بتحبي ياتو نكهة سما ردت ليه مابتفرق قطوف قالت لي سما رايك شنو تجربي الفانيليا حلوة والله انا بحبها سما قالت ليها مامشكله و فريد سرحان بفكر في تسابيح ماهر قال هي ديك مش بنت الاسور يا فريد سما قالت ليه قصدك بوحه فريد عاين منصدم كدا و ما لقا حاجة و بقو يضحكو عليه فريد هنا عصب و قال ليهم بيضحك صح ارح ما دام خلصتو و بقيتو تهظرو كمان راجينا يوم طويل شيلو البوظه و خلينا نمشي على الجناين سما من قالو جناين فرحت طوالي و فريد شافها فرحانه ابتسم و اتمنى انو تدوم ليها الفرحه بعد اشترو الايسكريم طلعو و مشو على الجناين و شافو الاشجار بانواعها المنغا و الليمون و الموز و العنب و كتير و فريد كان بعرف بتاع الجنينة فاداهم كيس فيه فواكه مشكل هديه طبعا سما بتعاين في الخضرة و النجيلة و جداول المويه و هي سعيدة و ابتسامتها عريضة طبعا قطوف بتقول لي سما ارح نتصور بمشو بتصور قريب خمسين لقطة كدا فريد بقول ليهم لسه ما خلصتو سما يتقول ليه تعالو اتصورو معانا اخدو الاربعه كم لقه كدا و ماهر بطلع خطير في التصوير بعد ساعه و هم بتصورو فريد بقول ليهم خلاص نحن حنمشي نطلع على مكان الفطور شكر صاحب الجنينه و مشو ركبو
_____________
على لسان الكاتبه:-
هدى قالت لي سوزان اي زول بيشوف نظراتك دي بعرف انك مغيوظه منها روقي سوزان قالت ليها شايفه ملمومين فوقها كيف دا كلو عشان يحموها بس مامشكله خليهم واقفين الا ما يجي يوم وانفرد بيهاا ووقتهاا ما حاخلي حاجه ما حاقولها ليهاا اصبري علي بعد مده الحفله انتهت فريد مشا على ناس تسابيح عشان يقول ليهم اوصلكم بس امير سبقو وعرض عليهم التوصيله وكالعاده تسابيح اتحرجت وقالت ليهو بنأجر ترحال قال ليها والله عيب زي الوقت دا نخليكم تمشو بترحال اتفضلو تسابيح وسلسبيل مشو معااه وفريد وسما طلعو ودعو ماهر واخواتو ومشو وصلو البيت وفريد دخل غرفتو ورما جاكيت البدله في السرير وبقا يمسح وشو بيدينو واتذكر لمن امير قال ليهو عندي رقمهاا شوية وسمع باب غرفتو بدق قال اتفضل جات سما داخله طوالي ابتسم ليها قالت ليهو انت كوويس هزا ليها راسو يعني اي مدت ليهو تلفونهاا قال ليها في شنو مسك التلفون شاف رقم مسجلاهو هي ببوحه عاين ليها باستغراب قالت ليهو هدا ليهو رقمها شلتو منها قبييل في الحفله ما اتحملتا اشوفك زعلان قال ليها بالجد دا رقمها قالت ليهو اي والله رقمهاا فريد قال ليها انتي احسن اخت في العالم يا سماا طلع تلفونو وكتب الرقم ورجع ليها تلفونها وسجل الرقم عندو ببت الاساور... 💜
نهاية الحلقه الخامسة عشر
قراءة ممتعه💜🥀
*فتاة ذابلة🥀*
*#بقلم المبدعين سارة وعبير ولمياء وصديق*
(15)
بلسان امير:-
بقيت اعااين ليهاا قالت لي اختك شالت مني خطيبي واخوك هو السبب في الحصل داا قلتا ليها كدي براحه براحه احكي لي الموضوع من البداية قالت لي اختك سما بتحب ماهر واخوك فريد استغلى مرض اختك ومشا لفريد واستغلو عاطفياا وخلاهو يفسخ خطوبتو مني ويمشي لاختك قلتا ليها وماهر شافع عشان يسمع اي شي بقولو ليهو فريد قالت لي ماهر طيب واكييد حيوافق على طلب اخوك ودا كلو لانو اختك مريضه قلتا ليها يلا جاوبتي على نفسك براك سما مريضه عشان كداا فريد وماهر اتفقو عشان سعادتها انا اسف بس انتي اخترتي الشخص الغلط عشان تحكي ليهو مأساتك انا كمان اخو سما وصح انو انا وفريد دايما بنتشاكل وما بنتفق بس في حاجه واحده نحنا مستحيل نتنافس فيهاا وبنختها قدامنا وبنقدم سعادتها على سعادتنا واللي هي سما اختناا يعني لو انا كنتا محل فريد كنتا حاعمل نفس الشي وحاطلب من ماهر نفس الطللب عشان كدا برجع وبقول ليك اخترتي الشخص الغلط اذا حاسه انو الوقت اتاخر انا ممكن اوصلك بيتكم قالت لي وهي غضبانه مافي داعي عندي عربيه طلعتو عباره عن عائله الانانيه بتجري فيهاا وشالت شنطتها ومشت ضحكتا وقلتا وفرتي لي بنزين وريحتيني والله حاسبتا وطلعتا من الكافتريا 😹
______________
بلسان الكاتبة:-
الصباح فريد ساق سما المعرض لمن وصلو دخل معاها قال عشان يتكلم مع ماهر ويتصالح معاه كفاية زعل سلم عليهو وقال ليهو اها حتى في الاسلام قالو الخصام لا يجوز اكثر من ثلاثه ايام ماهر قال ليهو انا مازعلان منك فريد قال ليهو خلاص خلينا نتصاالح قلتا ليك 100مره عارف نفسي غلطااان واعتذرتا اعمل شنو تااني ماهر قال ليهو وانا كمان قلتا ليك100مره اني مازعلان منك قلتا ليك محتاج اتعود بس انت صحبي يافريد واخوي ومستحيل الاخ يعادي اخوه في اللحظه دي فريد اتذكر امير وابتسم مسكو حضنو بعض واتصالحو وفريد قال ليهو تاني ماتزعل مني ماهر قال ليهو خلاص انت ماتزعلني ضحكو وفريد طلع منهم مشا الشغل
_________
على لسان سما:-
شوية وشفتا ماهر جا قال لي اها يا سما عندك صفحه في الفيس قلتا ليهو لالا ليه قال لي معقول ماعندك قلتا ليهو ماعندي قال لي كنتا عايزه ارسل ليك رابط المعرض بتاعي لانو منزل فيهو بوست عن انو حاعمل عرض بعد يومين بالنسبه للناس البهتمو بالرسم وبقدرو يشترو اللوحات قلتا ليهو ماعندي صفحه في الفيس بس اعملها لي وانا حاشوف لوحاتك في الفيس قال لي طيب شال التلفون وحول لي تطبيق الفيس من تلفونو وجا يفتح لي الصفحه وعمل كل الامور قال لي في سؤال امان في حال نسيتي كلمة المرور سؤال الامان فنانك المفضل دقيقه خليني احذر اكييد احمد امين صح معظم الشباب بحبو قلتا ليهو لالا قال لي حسين الصادق؟ هزيت ليهو راسي بي لالا قال لي المرحوم محمود عبدالعزيز؟ قلتا ليهو لالا قال لي منو طيب؟ قلتا ليهو ماهرعمران قال لي بس انا مافنان قلتا ليهو انت فنان في الرسم دنقر راسو وابتسم وملامح الخجل ظهرت في وشو 😹 بقيت ابتسم قال لي عملتا ليك الصفحه قال لي جبتي كتابك بتاع الكيمياء صح عشان اوديك البيت لقطوف تشرح ليك قلتا ليهو اوووف نسيتو قال لي بتهظري معقول يا سما امبارح وريتك عشان تجيبي معاك قلتا ليهو شكلي نسيتو قال لي بتبالغي بقيت اضحك قلتا ليهو جبتو يااخ بهظر معاك سااي معقولا انساهو وامتحاناتي قربت قال لي اسي انا شلتا هم المهم ارح قفل المعرض بتاعو وطلعنا مشينا على بيتهم امو كالعاااده استقبلتني بطريقة حلوة شدييد❤️وقطوف قالت لي اهللين يا السمحه طولتي مننا سالتهم من امنيه قالو في الجامعه قطوف قالت لي اول شي ناكل بعدين نبدا شرح قلتا ليها طيب جابو لينا الاكل بقينا ناكل حتى انا اتعودت على القعده معاهم وبقيت اكل معاهم ونتونس بعد الاكل ماهر ساقني الصيدليه عشان الحقنه بعدين رجعنا البيت بعد ارتحت قطوف جابت الكتاب والكراس والقلم وقالت لي حان وقت العلم بدت تشرح لي ماشاءالله قطوف عندها طريقة جميلة شدييد للشرح وفي نص الشرح تونسني بعد خلصنا قالت لي امتحان الكيمياء الكم قلتا ليها الرابع قالت لي كوويس قالت لي اها كيف مع الرياضيات قلتا ليها الرياضيات فريد ما مقصر معاي والله مالي لي راسي فلل قالت لي والفيزياء قلتا ليها دي مادتي المفضله بس عندي استاذ بيشرحها لي وبراجع الانجليزي يعني ما شايله هم والله لانو فريد ما قصر معاي بكل النواحي ❤️ قالت لي يابختك بيهو ماهر جا قال لي اهاا العلامه دي قصرت معاك؟ قلتا ليهو ما قصرت والله شرحت لي كوويس
____________
على لسان تسابيح:-
قاعده مع صحبتي سلسبيل وهي داخله الفيس قالت لي عايني في عرض عن معرض لوحات خلينا نمشي انا بحب الاجواء دي ومنها زاتو اتعرف لي على رسااام قلتا ليها متين العرض قالت لي بعد يومين وكاتب تحت انو العرض شبابي وكمااان عايني الرسام اسمو ماهر عمران شوفي رسوماتو حلوة كيف عاينتا ليهم فعلا كانو حلوين شدييد قالت لي رايكك شنو تعزمي صحبك داك ومنها تلقي فرصه عشان
_______
على لسان امير:-
موقف عربيتي في شارع النيل وقاعد فوق ليها وبشرب لي في كباية جبنه اشتريتها من ست شااي وقافله معي قفله مانفسي اتكلم ولا مع اي بني ادم اتلفتا شفتا لي شلة بنات واقفين وبتناقشو عن انو يقعدو وين كل واحده بتختار محل مابعجب الباقيااات لمن شفتا بت الاساور ما صدقتاا قلتا مستحيل اضيع الفرصه دي نزلتا من العربيه ومشيت عليهم لمن وصلتهم قلتا غبي يا امير حتقول ليهم شنو يعني وكيف حتقدر تتكلم معاها ومااعتقد زاتو انها تتذكرني بقيت هي واقف هي اتلفتت شافتني واقف بقت تعاين لي باستغراب عاينت لي مسااافه بعدين قالت لي نحنا اتلاقينا قبل كدا؟ قلتا ليها اي مرتين قالت لي مرتين عدييللل!!! قلتا ليها المرة الاولى كنتا عايز اشتري منك ولقيت الاساور انتهت وتاني مرة في بيت اخوي قالت لي باستغراب اكتر اخوك منو؟ قلتا ليها فريد شفتها مما قلتا ليها اسمو ابتسمت ابتسامة واضحه ما عرفتا سبب ابتسامتها شنو قالت لي بالله انت اخو فريد اهللين بيك يااخ رحبت بي بطريقه سمحه انا حقو افرح بمعاملتها دي صح بس لمن عرفتا انو سبب المعامله دي فريد اتغظتا وكرهتو زياااده يعني هو لازم يكون مسؤول عن اي شي في حياتي حتى فرحي قلتا ليها ممكن اعرف اسمك عشان ما اقعد اناديك بت الاساور ضحكت قالت لي بالله انت بتناديني كداا عرفت صحباتها علي سلمو علي كللهم وقالت لي اسمي تسابيح قلتا ليها وانا امير قالت لي وريتني كملتا معروفي وطلبتا منها الرقم حسيت منها اتحرجت قدام صحباتهاا فاضطرت تديني ليهو وابتسمت لي تلفوني دقا دا فريد قفلتا الخط في وشو رجع لي تاني استاذنتا منهم ورديت قلتا ليهو خيير قال لي وين انت عايز اشوفك قلتا ليهو بس انا ما عايز اشوفك قال لي امير الموضوع مهم ماتعمل حركات الموضوع بيخص امك قلتا ليهو امناا قال لي المهم يااخ تعال الموضوع مهم اتأفأفتا وقلتا ليهو طيب جايي
____________
على لسان الكاتبة:-
امير مشا الشركه سأل من فريد قالو ليهو في غرفة الاجتماعات مشا انتظرو في المكتب وبقا يعاين لأي محل في المكتب ضحك ضحكه جانبيه وقال عاين عايش حياتو كيف وعندو اكبر مكتب في الشركه وجا يقول حيشتري حصتي ويطردني انا من الشركه بس مامشكله بقا لافي في المكتب لقا اطار صورة في التربيزه رفعو لقاهو صورة سماا عاين ليها وابتسم ورجع الصورة شوية وجا فريد داخل قال ليهو جيت من قبييل امير قال ليهو يعني مامن زمان فريد قال ليهو اقعد عايز اسالك سؤال امير قعد وقال ليهو خير فريد قال امك حكت ليك شنو عن قصة خلافنا امير قال حكت اللازم تحكيهو فريد قال ليهو اميرر جاوب على حسب السؤال امير قال ليهو قالت انو ابوي كان عندو مشاكل في الشغل وهي كانت متواصله مع صاحب ابوي عشان يساعدو في حل المشكله وانت سمعتها وهي بتتكلم مع صاحب ابوي وبعدين فهمتها غلط وسقتا سما معاك وحرمتها منهاا فريد بقا يضحك وقال لامير ماشااءالله عليها امك لو ما كنتا بعرف الحقيقه حتى انا كنتا حاصدقهاا ما علينا ما قالت ليك اسم صاحب ابوي دا امير قال ليهو لا وبعدين انت مالك مصر على موقفك الموضوع كلو سوء تفاااهم يا فريد وامي مابتعمل كداا بس انت ما عايز تفهم حاول حلهاا عشان نرجع فريد قال ليهو ما عايز ااحل شي انا ضربتا ليك بس عشان السؤال دا وبس امير قال ليهو جا على بالك تلعب حسيت بملل صح عشان كدا ضربتا لي فريد ما ردا ليهو امير قال ليهو ماشي مكتبي امير كان طالع سمع فريد قال ليهو اسف امير انا ابدا مابحب اتشاكل معاك او نتناقش سوا ما عايز خلافاتي مع امي تأثر على علاقتي بيك وانت اخوي الصغير ورغم اي شي بس بالجد انا بحبك وما بتحمل انو نتشاكل تمااام ماتزعل مني امير ماردا على فريد وطلع مشا مكتبو قال انو فريد واحد بيتلاعب بالمشاعر
_________
على لسان فريد:-
كنتا ناوي اتصالح مع امير بس هو ما اداني فرصه مشيت المعرض لقيتهم قاعدين بيتونسو وبيضحكو شوفة سما وهي بتضحك بالجد بتعدل مزاج الزول سلمتا عليهم وسقتا سماا ورجعنا البيت هي ماسكه تلفونها وبتعاين فيهو فجاءه ملامحها اتغيرت قلتا ليها مالك مدت لي التلفون قالت لي رأيك في المصيبه دي شلتو لقيت جدولهم نزل عاينتا ليها قلتا ليها معناها حنكثف ليك الحصص وانتي كتري مراجعات عايز اسمع اسمك قالت لي ان شااءالله قلتا ليها دقيقه رجعي التلفون رجعتو لي عاينتا للجدول تااني قالت لي مالك قلتا ليها لالا ولاشي بس كنتا عايز اشوف اخر امتحان شنو مشيت غرفتي وضربتا لماهر ردا لي قال لي سما كويسه؟ قلتا ليهو كويسة ماتشيل هم بس جدول امتحاناتهم نزل واخر يوم في الامتحان واقع تاريخ عيد ميلاد سماا يعني حتعمل ال17حابب نحنا الاتنين نعمل ليها شي مميز وغير كدا زاتو القى طريقه احكي ليها بموضوع اخوانها ديل ماهر قال لي اخوان منو مافهمتك اخوانها كيف قلتا ليهو اا لالا دا موضوع تاني بس انا لخبطتاا انسى قال لي طيب تصبح على خير وقفل ما عارف كيف لساني ذل قدام ماهر المهم ما حاقدر اكلم سما بموضوع اخوانها حاخليها بعد تخلص امتحانات ما صدقتا مزاجها راق
انا ما بشوف بتضحكي قالت لي اي بضحك زي ما شايف ياخ انا فرحتا فرح قلتا ليها عليك الله احكي لي دا منو القدر يعمل حاجه لي16سنه ماقدرتا اعملها قالت لي ماهر قلتا ليها ماهر هو سبب الضحكه دي قالت لي اي ممكن توصلني بكرا معرض ماهر قلتا ليها بوصلك بس بالجد ضحكتك حلوه وانا فرحتا شدييد وانا بشوفها خليك بتضحكي كدا دائما قالت لي كويس اها وانت سبب فرحتك شنو قرصتني في خدي وقالت لي ماذا طحا بك يا صناجة الادب 😹بقيت اضحك قلتا ليها الليله لقيت تسابيح وشربنا عصير مع بعض قالت لي بت الاساور البت دي ظريفه والله قلتا ليها فعلاا قالت لي فعلا ورفعت حاجبهاا قلتا ليها ماشاءالله وبقينا نشاغل كمااان؟ طول الليل ساهرنا مع بعض ونسه وضحك وحتى اقمنا الليل مع بعض حتى نمنا بعد قرينا سورة الملك ديك اول ليله ننوم فيها ونحنا مرتاحين ومبتسمين صح بداية اليوم ما كانت حلوة بس نهااايتو ظابطه شدييد واهم شي انو سما ضحكت فيهو الصباااح بعد صليناا رجعنا نمنااا صحيناا زي الساعه 7اماني عملت لينا الشااي مشيت لسما لقيتها راميه فساتينها في السرير عاينت لي قالت لي البس ياتو قلتا ليها وانا العرفني شنو وبعدين دي اول مرة تعمليها قالت لي طيب اتصل على تسابيح هو بتوريني من لبسها شكلها عندها زوق قلتا ليها القاها وين عشان اسألها قالت لي ما شلتا رقمها؟ هزيت ليها راسي يعني لاا قالت لي اصلا لو كنتا شلتو كنتا حاستغرب رفعتا ليها حاجبي اختارت ليها فستاان ابيض فيهو حزام من النص بطرحه منقاااوية قالت لي اها كيف وكيف قلتا ليها سمحه مشت للممرضه قالت ليها ممكن تعملي لي كحل وروج طبعا انا استغربتاا الممرضه عملتهم ليهاا وبالجد سما طلعت حلوة شدييد ولاقو عليهااا ♥️ قالت لي اها كيف وكيف قلتا ليها اخت منو انتي قالت لي فريد عماد الدين قلتا ليها الجمال في عيلتنا وراثه فاااشنو اتحصني طلعناا وصلتا لماهر اول ما شافهاا ابتسم ليها ورحب بيها بطريقه لطيفه شدييد ومدا ليها ورده حمراء ♥️ اما انا سلم علي عاادي اديتو كيس فيهو حقنه وفيهو اكل قلتا ليهو ديل لسما قال لي اصلا كنتا حاكلها ما حاخليها تجوع وحاوديها لبتاع صيدليه قريب يديها الحقنه قلتا ليهو ما مشكله برضو شيلهم شال مني الكيس وفاات انا مشيت الشركه وقعدتاا في المكتب قبل ما ارتاح زي الناس جاتني السكرتيره قالت لي في ثلاثه شباب قالو عايزين يتكلمو معاك قلتا ليها خليهم بتفضلو جو داخلين قالو لي السلام عليكم رديت ليهم السلام اتكلم الكبير قال لي بدون كلام كتيير نحنا عايزين اختناا قلتا ليهم اختكم منو؟ قال لي سما بقيت اعاين ليهم قال لي سما اختنا من ابونا ونحنا عايزنهاا...
نهاية الحلقه الثالثة عشر...
قراءة ممتعه💜🥀
*فتاة ذابلة🥀*
*#بقلم المبدعين سارة وعبير ولمياء وصديق*
(13)
بلسان فريد:-
قلتا ليهم خير ان شااءالله امير قال لي في موضوع مهم جينا عشان نسوقك انت وسما معانا البيت قلتا ليهو دقيقه مشيت غرفة سماا اديتها سماعه واديتها التلفون فتحتا ليها القران قلتا ليها شغلي السورة الحابه تسمعيهاا تمام ابتسمت لي ونزلتا ليهم تحت وقلتا ليهم لا انا لا سما ما حنطلع من هناا امير قال لي كفاااية لغاية هنا اتجاوزتا حدودك كفاااية انك تبعد ام عن بتها بعد جملتو دي بقيت اضحك قلتا ليهو ضحكتني والله قلتا لي ام وبتها طيب اين الام انا لا اراها زي ما بتقول دورا اين البحر انا لا اراه امير قال لي مسخرتك وعدم تفهمك وكلامك البارد دا هو البخلينا نعمل مشاكل فلتا ليهو امير انا ما عايز اعمل مشاكل لا معاك لا مع غيرك ومن هنا نحنا ما طالعين امي اتكلمت وقالت في حل تاني عاينتا ليها وقلتا ليها فاجئتيني بقيتي تحلي امور اولادك تطور ملحوظ والله امير قال لي فريد احترم نفسك قلتا ليهو انت مسكين والله امي قالت حلي انو مافي داعي انت وسما تجو تعيشو معانا ممكن نحنا نجي نعيش معاكم بقيت اعاين ليهاا قلتا ليها بتهظري امير قال لي فعلا حل منااسب طالماا ما عايز تجيناا نحنا نجيكم عاينتا ليهو قلتا ليهو عاين بالعربي مستحيل بلانجليزي وبالتركي امير قال لي ماعندك خيار انا ماشي اشوف سماا وطلع ليها فوق عاينتا للمرة القدامي وقلتا ليها عايزه تصلي لشنو وانتي وانا بنعرف انك ما بتحبي سماا فعايزاها ليه عايزه تعزبيهاا وصحي على سيرة سماا ما حكيتي لي عن ابوهاا الانسان الخنتي ابوي معاه ياربي هو كمان متزوج يعني بدل بيت واحد اتخربو بيتين اسمعيني يا اما تسوقي ولدك وتمشي يا اما حتخليني اعمل تحرياتي واعرف الراجل واولادو واجيبهم قدام ولدك واخلي يعرف حقيقتك الزيفتيها قدامو وبكدا حتخسري اولادك الاتنين رأيك شنو قالت لي دا كلو عشان واحده زاتها ما اختك شقيقتك قلتا ليها دا كلو بفضلك انتي اغلطي احملي الدي ارمي سمعتا امير بيصرخ وبيقول لي فريد جا ناازل مسكني من كولة القميص قال لي دا امك يا حيوان دفرتو وقلتا ليهو ماعندي ام خليها امك انت بقينا نتضارب وهي واقفه بتعااين بعدين انا دفرتا امير وقلتا ليهو اطلعو بره ما عايز اشوف ولو واحد فيكم قداامي وانت تاني رجلك دي ماتعتب عتبة بابي ساامع والشركه برضو قال لي ياسلاااام فلاحتك دي كلها عشان تصل للشركه اناا عندي فيها زي ماعندك انت ماتنسى قلتا ليهو حصتك كلها انا بشتريهاا وتاني ما اشوفك وحتى سماا تاني ما حاخليك تشوفها قال لي فاكر نفسك منو انت امو بقت تمثل ونزلت ليها دمعتين وقالت لي حرام عليك يافريد قلتا ليها حرام انتي اخر واحده بحق ليك تجيبي سيرة الحرام امير مدا لي اصبعو وقال لي ما تستفزني يا فريد احسن ليك وبحذرك انك تتكلم مع امي بالطريقه دي قلتا ليهو سوق امك واطلعو من بيتي وما عايز اشوفكم تاااني انتو الاتنين امير قال لي حنسوق منك سما والشركه كمااان طلعتاا زول بتهمك القروش قلتا ليهو ياااخ الله يحرق القروش وسنينها البتعاديني عشاانها مسكتو جريتو وطلعتو بره البيت وعاينتا للمرة قلتا ليها منتظره شنو حصلي ولدك طوالي طلعت قفلتا الباب وراهم بصوت عالي وقعدتا وبقيت اردد لا حولا ولاقوة الا بالله لمن دموعي نزلت
____________
على لسان سما:-
مركبه السماعات مشغله قران بستمع وببتسم شوية اتذكرتا ماهر لمن قال لي انفصل عن سوزان بسمتي زادت تاني قلتا لنفسي عيب عيب ماصح افرح بحاجه زي دي قدر شنو اسي هو وسوزان بكونو مضايقين انا مابعرف سبب انفصالهم بس اكييد هم زعلانين شوية وشفتا فريد واقف قدامي وقفتا القران وطلعتا السماعه قال لي دقيت الباب بس شكلك ماسمعتي انا طالع عندي مشوار صغير ما حاتأخر قلتا ليهو طيب طلع وركبتا السماعه تاني ورجعتا لابتسامتي
________
على لسان الكاتبه:-
فريد طلع من البيت قال في نفسو حاسس انو حابب يشوف بت الاساور مشا الحديقه محل بتبيع الاساور بس ما لقاها قال يمشي المستشفى ويسأل من صحبتها الممرضه تاني قال بس هو مابيعرف صحبتها منو ركب عربيتو وساايق في الشارع وقف في الاشارة جا ولد دقا ليهو القزاز نزلو فريد الولد قال ليهو اشتري مناديل فريد قال ليهو عندي الولد قال ليهو شيلهم ان شااء زياده ليك بس بتحتاجهم في يوم بوحه بتقول زيادة الخير خيرين فريد بقا يعاين ليهو قال ليهو بوحه الولد هزا راسو فريد سمع بوري العربات نظام الاشاره فتحت قال للولد اطلع من الظلط وتعال لي بعد الاشارة قطع الاشاره وطلع من الشارع والولد جاهو قال ليهو حتشتري فريد قال ليهو اديني علبتين شالهم منو جات بت وقفت قالت ليهو خير يا حسن اتأخرتا مالك؟ عاينت لفريد ابتسمت ليهو قالت ليهو دي صدفه ولا مقصوده؟ فريد قال ليها والله ما عارف بس حابب اتكلم قالت ليهو خلاص انزل انزل قال ليها حنمشي وين قالت لي محل بيتناسب مع ملامحك الكئيبه دي شكلك موشوكش عشان كدا انزل فريد ابتسم قفل العربيه وبعدين نزل
لي بمبر جنبها وقالت لي اتكلم حكيت ليها الحصل كلو وختمتا كلامي بفريد طلب مني الغي زواجي من سوزان واتزوج سما قالت لي وانت رايك شنو في الموضوع قلتا ليها ماعارف قالت لي والله سما بت مسكينه وما بتستاهل وجع القلب دا كلو بس سوزان والله تعبت معاك واتحملت وانتظرتك كتيير قلتا ليها انا محتااار شدييد والله قالت لي استخير وربنا بيختار ليك الخير قلتا ليها من دا كلو لو انا اخترتا سوزان وكملتا العرس ما عارف حيحصل شنو مع سماا وذنبهاا حيكون في رقبتي لاخر يوم في عمري قالت لي ولو اخترت سماا معناها دمرتا مستقبلك وما حتكون سعيد لانو حلمك كان سوزان قلتا ليها سعادتي مقابل صحة سما ولا شي خلاص انا اخترتاا قالت لي اخترتا شنو انت ما استخرتاا ياولدي قلتا ليها حتى ولو استخرتا قراري ما حاغيرو انا اخترتا خلاص قالت لي اخترتا منو هزيت ليها راسي وضربتا لسوزان قلتا ليها ممكن نتقاابل طبعا فرحت وقالت لي كوويس اتفقنا على المحل وانا طوالي طلعتا
__________
على لسان امير:-
حكيت لامي انو سما تعبت وجاها سكري قالت لي اصلا انا كلمتا فريد قلتا ليهو ما حتقدر تهتما بيها عشان كدا ما تبعدها من امها بس ما اشتغل بي قلتا ليها خلينا نمشي لفريد ونسوق سما منو ووقتها هو حيضطرا يجي يسكن معانا امي سكتت مساافة بعدين قالت لي ممكن اي طبعا فرحتااا
______
على لسان ماهر:-
قاعد منتظر سوزان جاتني وهي مبتسمه سلمت علي وقعدت قلتا ليها كيفك قالت لي عال العااال اموري تمااام احذر كدي انا كنتا وين الليله الصباااح قلتا ليها وين قالت لي احذر يا ماهر قلتا ليها ماعارف والله قالت لي كنتا مع صحباتي في معرض فساتين زفاف عشان اختار الفستان كنتا عايزه اعملها ليك مفاجئه بس طبعا انت بتعرف اني مامن النوع البخبي قلتا ليها سوزان انا عايزك في موضوع مهم قالت لي بخصوص شنو قلتا ليها بخصنا قالت لي طيب احكي سامعاك بقيت اعاين ليها والكلام ما عايز يطلع معي اتذكرتا اول مره شفتها فيها لمن مشيت اعرض لوحاتي في شركه ولقيتها هنااك حبيتها من اول ماشفتها قلتا ليها سوزان انا وانتي قالت لي نحنا قلتا ليها نحنا يعني انا نحنا بصراحه سوزان انتي قاصد اقول ليك انو انا وانتي يعني قالت لي ماهر مالك متوتر كداا كدي براحه براحه حاول احكي لي بقيت امسح في جبهتي وغمضتا عيوني شدييد وجريت نفسي وقلتا ليها سوزان انا وانتي مابنقدر نتزوج بقت تعاين لي قالت لي ليه؟ قلتا ليها بصراحه سما جاها سكري بسببي لانها بتحبني وخبر عرسي اثر على نفسياتها شدييد وفريد طلب مني اتزوجها قالت لي قصدك انو حتتخلى عني وعن عرسنا عشان سماا قلتا ليها البت مريضه وما عايز ازيد عليها همومهاا قالت لي معقولا تضحيه قدر دي يا ماهر عشان شنو قلتا ليها البت صغيره وما بتستاهل الحاصل معاها محتاجه للحظة سعاده قالت لي طيب واناا وانا يا ماهر قلتا ليها بعرف اني غلطتا في حقك وظلمتك وبعرف اني انتظرتي كتيير واتحملتي بس انا حاتكلم مع ناس بيتكم قالت لي ما تتكلم مع اي زول وما مطلوب منك شي لازم تعرف انك واحد اناني يا ماهر وانا مستحيل اسامحك على العملتو معااي يا ماهر وبعد دا لو مشيت ليها ياريت تبقى قدر كلمتك وابقى راجل وحافظ عليهااا ومشت حتصدقو لو قلتا ليكم بكيت خسارتي لسوزان وجعتني شدييد والله 💔
____________
على لسان الكاتبه:-
ماهر بعد قام مشا المعرض دخل وقعد قرر يرسم لوحة لسما ويهديها ليها متاكد انو حتفرح بيهاا كان عايز يرسمها وهي ضاحكه بس قال سما ما حصل ضحكت فقال حيرسمها مبتسمه بدا يرسم شوية شوية لغاية ما قال يتم الباقي بعدين وطلع مشا بيت ناس فريد فتح ليهو فريد زاتو سلم عليهو وحالة ماهر ما كانت كويسة قال لفريد ممكن اشوف سما فريد قال ليهو اي كان ماشي سمع فريد قال ليهو ماهر انا اسف بس لو سمحتا افهمني ماهر هزا ليهو راسو ومشا على غرفة سماا دقا الباب وقال ليها سما انا ماهر ممكن ادخل؟ سمعها بتقول ليهو دقيقه بس بقا واقف لغاية ما قالت ليهو اتفضل غمض عيونو شدييد وبعدين دخل ليها مبتسم قال ليها سما البكاية قالت ليهو انا ما بكاية قال ليها اها اخدتي الدواء اكلتي؟ قالت ليهو ااي فريد مابخليني اذا ما اخدتا الحقنه قال ليها اها والقراية قالت ليهو فريد جاب لي اساتذه اصلا الامتحانات قربت ماهر قال ليها اي ولو غلبك اي شي كلميني بجيب ليك قطوف تشرح ليك سما ابتسمت وقالت ليهو شكرا شوية وابتسامتها اتلاشت قالت ليهو انت وسوزان حددتو التاريخ قال ليهاا انا وسوزان انفصلنا حسينا اننا استعجلنا في الموضوع وما لازم عرسنا يتم فانفصلنا كأي اتنين عاقلين سما هزت راسها بس ماهر قال ليها بالمناسبة بالله شدي حيلك واقري كوويس لانو لو نجحتي وسمعنا اسمك في المؤتمر في عندي ليك هديتين طبعا ملامح الفرحة ظهرت في وش سماا وقالت اتنين قال ليها هديتين ااي ماهر ابتسم ليها وطلع لقا فريد واقف جنب الباب عاين ليهو و طلع
طوق الامان بالنسبة لي الحاجة الحلوه غيرك في الحياه و ماكنت متخيله نفسي ح احب زول و هي بتبكي فريد حضنها و قال ليها فضي الجواك كلو و كل دا امتحان من الله انتي اصبري و الله ما حيخيب املك ان شاء الله ربنا بيختار ليك الخير
سما قالت انا ما دايره اعيش التحربه دي تاني ح اكتفي بيك انت بس و البتختارو انت لي ح اكون راضيه بيه
فريد بتكلم في نفسو خليني اخلي موضوع السكري دا اسي سر منها لحدي ما تتجاوز الصدمه
فريد طلع لي ماهر وبقا يعاين ليه مسافه ماهر بيسألو عن سما وحالتهاا وفريد بعاين ليه فريد قال لماهر امشي من هناا ماهر استغرب وقال ليهو خير الحصل شنو فريد قال ليهو بس امشي من هناا ماهر ما حبا يصر عليهو فطلع وهو مستغرب من فريد فريد قاعد قدام غرفة سما شاف بت الاساور تسابيح
نهاية الحلقه (١١)
قراءة ممتعه💜🥀
ماعندنا علاقة بيك لاحظتاا ليها بتعاين على جهة الباب اتلفتا شفتا سما واقفه والله الخلعه الدخلت فيني ما اظنها تمرق قريب سما طوالي مشت عايز احصلها امي مسكتني قالت لي كويس انها عرفت خليها تمشي انت خليك قاعد معانا هنا انا واخوك نفضتا يدي منها وقلتا ليها انتي مستحيل تكوني ام طلعتا لاقني امير في الصالون قال لي سما مالها طلعت كدا قلتا ليهو اسأل امك وطلعتا طوالي اتلفتا في الشارع كلو ما لقيتااا طوالي ركبتا عربيتي قلتا اكييد ما حتكون بعدت ومشيت احصلها
________
على لسان سما:-
احساسكم شنو لمن تكتشفو انكم جايين بالحرام وفي الحرام زاتو جايين بطريقه مقرفه شدييد الخيانه مافي شي اقرف من الخيانه الطريقه الكان بعاملني بيهاا ابوي عماد الدين خلتني اكره نفسي شدييد معقول انا بت زول تاني وهو عاملني بالطريقه دي كل الحب والحنيه الاداني ليهم كل ما اتذكرهم بحتقر نفسي لاني كنتا نتيجة خيانة امي ليهو بقيت ماشه في الشارع وانا ببكي وما عاارفه نفسي اصلا مشيت قدر شنو ودموعي نزلت قدر شنو بالجد حسيت نفسي مخنوقه زي الكأنو مافي مجال للتنفس لغااية ما وصلتا بيت بقيت ادق في البااب والباب فتح ماهر كان واقف بعاين لي مستغرب ولحالتي وبيسأل فيني الحاصل شنو بس حسيت راسي لافي ووقعتا وتاني ماحسيت بشي
_________
على لسان ماهر:-
اللحظه الوقعت فيها سما فيني اتخلعتا وبقيت واقف زي الصنم ما قادر اتحرك الا ابوي جاا قال لي ياولد دخل البت مالها بسم الله حتى انتبهتاا وشلتهاا ودخلنا جوه امي اتخلعت ونااادت البنااات ابوي قال نوديها المستشفى بس امي قالت لالا اسي بتصحى وقالت لي اتصل بفريد بيكون بفتش عليهاا خليتهم معاها وطلعتا ضربتا لفريد ردا لي وهو مخلوع قلتا ليهو سما عندناا طوالي قال لي جاي عليك وقفلتاا منو لقيت امي مرقده سماا في رجلينهاا رشوها بمويه بسيطه في وشهاا صحت اول ما صحت بقت تبكي امي بقت تقول بسم الله وبقت تقرا ليها قران وسما بتبكي شوية لغاااية ماهدت وقالت لقطوف تجيب ليهاا موية قطوف جابت المويه ادو سما شربت طبعا ناس البيت كلهم في اسأله في راسهم وانا اكتر واحد مشغول بالي وبعاين ليها بس مافي زول قدر يسألها من شي خفنا نزعلها حالتها بالجد كانت صعبه ودموعها بتنزل بدون صوت الباب دقا مشيت فتحتو طلع فريد جينا سواا سما اول ما شافتو بقت تبكي زيااده هو جاها قعد جنبها وبقا يقول ليها خلاص ماتبكي وحضنهاا امي قالت ليهو خليها معانا احتمال تروق بس فريد قال ليها مرة تانيه احسن نرجع البيت وطلعو بالجد بالي كان مشغول بس ماحبيت اتدخل
____________
على لسان امير:-
بعد فريد وسما طلعو انا مشيت لامي كانت قاعده في مكتب ابوي قلتا ليها الحصل شنو قالت لي حابب تعرف مشكلة اخوك فريد معااي شنو؟ قلتا ليها طبعااا اكييد اي قالت لي الخيانه اخوك فريد بيقول انو انا خنتا ابوك قلتا ليها نعم خيانه بقيت اعاين ليها بعدم تصديق قلتا ليهابس انتي اكييد ماعملتيها صح وفي سوء تفاهم حاصل وفريد فاهم غلط قالت لي تحليلك صح انا كنتا متواصله مع واحد صاحب ابوك عشان في قصه في الشغل كانت معذبه ابوك شدييد عشان تتحلل واخوك سمعني بتكلم مع صاحب ابوك وافتكرني بخونو وبس قلتا ليها طيب انتي ليه ما حاولتي تحلي سوء التفاهم البينكم قالت لي حاولتا بس اخوك ما سمعني قلتا ليها فريد ماعندو الحق ولا الصلاحيه يتهمك اتهام زي داا وما يسمعك اساسا هو واحد مفتري وشايف نفسو احسن من الناس معقولا عشان كدا ساق سما وطلعو من البيت دا بسبب سوء تفاهم ليه 16سنه ما حاتقبلها منو ولا حاسكت ليهو ما تخاافي حاخلي فريد يجي يعتذر منك ويبكي ليك عشان تسامحيه
_______
على لسان فريد:-
لغاية ما وصلنا البيت سما بتبكي قلتا ليهاا عليك الله كفاااية خلاااص ما تبكي عاينت لي وقالت لي كيف قدرتاا مافهمتا سؤالها فقلتا ليها قصدك شنو على شنو كيف قدرتاا قالت لي على الاهتمام بي انا واحده جات عن طريق خيانة امك لابوك ابوك انت كيف قدرتا تتقبلني وتحبني وتهتما بي كداا انت انسان غريب اي زول مكانك ما كان حيتقبلني بس عليك الله وريني انت كيف قدرتاا قلتا ليها انتي ماعندك ذنب بعدين انا اول زول شالك لمن اتولدتي ومن وقت مامسكتي اصبعي وشديتي عليه ومن وقتها انا وعدتا نفسي احبك واحميك وابعدك من كل البأذوك وللان ما شايف نفسي عملتاا شي لانو حالتك كل مرة ماشه اسوء وكل مرة بتعرفي شي يخليك تنكسري اكتر من الاول وانا ماقادر اعمل شي سما بس بتبكي قالت لي اسفه مشت دخلت غرفتهاا العصر كدا بعد الصلاة الباب دقا فتحتو جا ماهر قال لي سما بقت كيف قلتا ليهو احسن قال لي ما عارف اذا البقولو حيفيدك بس انت بتعرف انو عرسي بعد شهرين فقلتا كلم سماا يعني مع اجواء العرس والتجهيزات كداا يمكن نفسياتها تتحسن شوية وسما جات نازلة ماهر مشا عليهاا قال ليها جهزي نفسك لانك حتكوني واحده من وزراء العريس قالت ليهو عريس منو ماهر عاين لي وقال ليها فريد ما وراك انا عرسي بعد شهرين...
نهاية الحلقه العاشره
قراءة ممتعه💜🥀
لسماا قلتا ليها ماهر جاا وقال سايقك مشوار حلو ممكن تجهزي لانو منتظرك تحت لبست عباية واتحجبت وجات نازلة يعني سبحان الله مما شافت ماهر ابتسمت للمرة الرابعه اطرد الاحساس الحسيتو وقت شفتها مبتسمه لماهر واقول سما مابتفكر كداا خليتهم يطلعو وانا قعدتا في البيت وفجاءه من حيث لا احتسب عيني وقعت على الكتب الجابتهم بياعة الاساور او تسابيح او بوحه او سابيح بدون تااء كل ما اتذكر طريقة كلامها بضحك بس انا وعدتا نفسي انو كل حبي واهتمامي ووقتي لسما وشغلي وبس ما بتحمل اي زول تااني ولا بحب الاضافات بس بت الاساور من اول ما شفتهاا ما عايزه تطلع من بالي بتحسها زي البتقول لو بتقدر كدي طلعني من بالك ابتسمتا وقعدتا
______
على لسان سما:-
طول الطريق ماهر بونس فيني وبحكي لي نكات نظام يضحكني بس انا ببتسم ما بعرف ليه مابضحك ما عارفه ليه مابجيني احساس اني لازم اضحك نهااائي ما حصل ضحكتاا ومابعرف شكلي كيف لمن اضحك وصلنا البيت ماهر فتح الباب ودخلنا من الباب بقا يصرخ يا فوزيه وينك يا السمحه تعالي جيبتا ليك ضيفه طبعا بيتهم عاادي بس حلو ونظظيف ❤️ حبيتو شدييد جات مرة طالعه من جوه قالت ليهو بتصرخ مالك يا ماهر قال ليها معاي ضيفه عاين لي وقال لي اتفضلي عاين على المرة قال لي دي امي حبيبتي ومشا حضنها وباسها في راسها وقال ليها دي سما اخت فريد الصغيره قالت لي اتشرفنااا قالت لي والله انتي في عندك اخ هدي ورضي الله يحميه اتفضلي دخلتني جوه برنده عندهم جوه ريحتها سمحه لانو الارض تحت مرشوشه ومعمول فيها ند تلقائيا لقيت روحي انردت لي والبرنده فيها رادي شغال فيهو قران بصوت شيخ الزين القارئ المفضل عندي بيقرا في البقره حسيت بشعور حلوو شوية والمرة نااادت يا قطوف يا امنيه تعالو سلمو في ضيفه شوية وجو بتين مبتسمااات سلمو علي بشااشةة ❤️ واحده فيهم قدري في الحجم والتانيه كبيره شوية ماهر عاين لي وقال لي سماا يلا جماعتنا ديل حيهتمو بيكك انا طالع عندي شغله في عندك مشكله اذا مشيت وخليتك؟ هزيت ليهو راسي بي لالا ابتسم لي وطلع البنات جو قعدو جنبي واحده قالت لي انا قطوف والتانيه امنيه قطوف قالت لي مالك هاديه كدا لسانك ملصق ولا بالعاهو؟ امنيه حمرت ليها طوالي سكتت امنيه قالت لي انا خريجة هندسة وقطوف برلومة ياادوب انتي سنه كم براحه قلتا ليها ممتحنه شوية وقطوف قالت لي نجيب الرمود عشان نعلي الصوت لاني بالجد جنبها وماسامعه شي للمرة التانيه امنيه تحمر ليها والبت تسكت صراحه منظرهم خلاني ابتسم قطوف عاينت لي قالت لي انا اسمي منو قلتا ليها قطوف اسمك سمح قالت لي انا زاتي سمحه 😹
__________
على لسان الكاتبة:-
تسابيح وهي في الشارع راجعه على البيت اتلمو فيها الشفع بسلمو عليهاا لغاية ما وصلت البيت لقت اخوها الصغير مضروب في راسو اتخلعت جات جاريه قالت ليهم مالو امها قالت ليها اتشاكل مع اولاد الجيران وضربو بطوبه في راسو تسابيح قالت ليهاا وما سألتوهم خليتوهم كداا اولاد منو وريني وطوالي كانت طالعه بس امها وقفتهاا قالت ليها مافي داعي للمشاكل اسي مودينو العياده بربطو ليهو راسو اوعكك تتكلمي ساامعه انا ماسكتا ليهم تسابيح قالت ليها عان فتحو ليهو راسو ساقو اخوها الصغير ومشو العياااده وخلو تسابيح في البيت
________
على لسان فريد:-
قاعد في البيت الباب دقاا مشيت فتحتو لقيتو ماهر دخل بقيت اعاين وراهو قال لي ماتعاين خليتها مع ناس امي انا جيت اقعد معاك قعدنا وجيبتا ليهو موية شوية وجيبتا جبنه ماهر عاين لي وقال لي فريد انا اسف طبعا قلبي وقع وقلتا سما حصل ليها حاجه قلتا ليهو اسف في شنو ليه مالك قال لي ما جبتا معاي خاتم ولا دبله ولا جيبتا اهلي عشان نطلب يدك اعفي لي وعلى تقصيري قبل ما يتم كلاامو كشحتا فيهو الموية قلتا ليهو انت واحد حيوان وغلطان انا القلتا اضيفك بس معليش ما بتنعاااد تاااني قال لي ياااخ القميص ما حينشف حرام علليك قعدتا اعاين ليهو حبيت احكي ليهو قصة بت الاساور بس اتراجعتا قلتا مافي داعي قال لي هووي بتفكر في شنو قلتا ليهو بفكر اعمل فيك شنو والطريقه الاقتلك بيهاا قال لي تقتل منو انت حيوان المهم قبييل لمن جيت اسوق سما لاحظتا لملامحك ما كوويس قلتا اجي اطمن عليك قلتا ليهو يا حنيين طيب حنتكلم
نهاية الحلقه التاسعه
قراءة ممتعه💜🥀
طوالي اديتهاا مهدئ نامتت طلعنا برا قلت ليه شايف بعينك واقفل الموضوع دا م يتفتح وطالع على الصاله مسكني من يدي بقووة
...
بلسان امير ...
قدر ماحاولت اعرف حاجه فريد مصر ولاززم اعرف سما لي بتقول كلام زي دا امي استحاله تأذي زوول استحااله امك بالاخير وفريد رافض وعايز يطلع م خليتوو طوالي فك يدو بقووة م امي ياخخخ وم بستحق الايم العظيم دا وياريتهاا لو ماتت هي بدل ابووي لا شعورياا رفعت يدي وطااااخ كف خماسي ل فريد ولاول مره اضرب اخوي الكبير فريد طوالي مسكني من الياقه بتاعت القميص افتكرتو حيضربني ويتسدا حقو بس قال لي اختاااني عشان مااقتلك اختاااااااني وانا على طول طلعت اول ما وصلت الباب فتحتو لقيت البت البتبيع الاساور في الباب اتفاجات شديد وشعور ملخبط كدا قالت لي بيت الانسه سما واستاذ فريد قلت ليها ايواا ..طيب موجودين؟
رديت ايوا اتفضلي والفضول كاتلني رجعت معاهاا قعدت في الصاله فريد م شافني اول كان واقف وشايفها انا لاحظتا لنظرات فريد ليهاا ماعجبتني نظراتو ابداا وجا عليها انا طوالي طلعت اصلا متعود ياخد البحبهم اناااا كان شايل حب ابوي واهتمامو وكمان سما بتحبو اكتر وامي دايما بتحكي انها فاقداه ليههه ي فرريد انت انااااني كدا لي الكل بحبك ليههههه بس
قراءه ممتعه بتمناها ليكم🥰
نهاية الحلقه الثامنه.....❤️
يتبع...
*فتاة ذابلة🥀*
*#بقلم المبدعين ساره و عبير و لمياء و صديق*
الحلقه (١٩)
بلسان الكاتب:-
فريد و هو بتفرج على الحاجات ال في الندوه لفتت انتباهو لوحه بس هو ما قدر يفهما مرسوم فيها زول براس خروف و فوق في عين وكلب بوش كديسه في واحد شاف فريد مركز كدا على اللوحه و الحيره في وشو و قال لي فريد بتعرف نوع الفن دا فريد مركز مع اللوحه و رده قال ليه لا لا الشاب قال ليه دا اسمو الفن السيريالي فريد قال ليه ما فهمت الشاب قال ليه دي كلمه فرنسية تعني بالمعنى الحرفي فوق الواقعيه يعني حاجه فوق الواقع فريد قال ليه بالجد كدا شوف الزول دا راسم شنو انا ما فهمت الشاب قال ليه الزول الرسم دي انا بدون فخر فريد قال ليه طيب اشرح لي الشاب بدا قال اول حاجه النوع من الفن دا بعتبر نوع صادق جدا و بظهر العقل الباطن للفنان فأنا هنا قاصد انو بالرجال الراسو زي الخروف دا انو وقت الزول يكون هيبة بين الناس بس مخو فاضي و الكلب دا لي الناس البدعو الوفاء بس هم ناس جبناء زي الكدايس فريد قال ليه و العين الفوق دي عين العقل الباطن صح الشاب قال ليه عليك نور بالضبط كدا فريد قال ليه اسمك منو عندي صاحبي رسام لازم تقابلو الشاب قال ليه مهند بس بلقبوني ليوناردو نسبتا لي موهبتي في الرسم و انت بتعرف ليونارد دافينشي فريد قال ليه في زول ما بعرف صاحب اشهر لوحه الموناليزا فهد قال ليه انا راجع فرنسا بكره العصر في معرض ضخم هناك لي مدة اسبوع ولازم امشي خلي صاحبك يقابلني الصباح فريد طوالي طلع من صاله الندوه و انصل على ماهر و قال ليه لازم تصلني اسي ماهر استغرب من فريد و قال ليه خير في شنو فريد قال ليه تعال سريع يا زول ماهر قال ليه طيب اجيب سما معاي فريد قال ليه لا لا خليها عندكم
_________
بلسان ماهر:-
بعد ما قفلت الخط من فريد طوالي ركبت العربيه و مشيت عليه وقت وصلت فريد و داني لي لوحه كدا اتصدمت لم شفتها و شفت تعب الرسام الرسمها لوحه في غايه الروعه بتتكلم عن الالوان و تناسقه مع بعض و تعب و سهر الرسام على ادق التفاصيل و أصغر الزوايا ما كنت متخيل اشوف رسم بالروعه دي و قررت اشتريها لو معروضة للبيع بعد نص ساعه و انا بستشعر في جمال و روعه اللوحه جا شاب و سلم علينا فريد قال لي دا مهند دا الرسام بتاعنا و قال لي مهند دا ماهر صاحبي الرسام و كان وريتك كم رسمه ليه طبعا انا طوالي قلت اللوحه دي للبيع قال للآسف لا قام مهند سالني قالي انت عرفت الفن قلت ليه ااي و درست كم نوع من الفنون كنت مهتم بالفن السريالي و كان عمل ضجة بس ركزت على رسم البوتريه و التصويري اكتر مهند قال بكرة حيبدا اكبر معرض في فرنسا لو حابي تجي قبل ما اقول رأيي و ارفض فريد قال لي ما تحاول ترفض و تذكرتك اتحجزت خلاص امش ودع اهلك انت بكرا العصر ح تسافر فرنسا مع مهند وقفت مصدوم من كلام فريد حضنتو و قلت ليه بالجد انت اخوي الما ولدتو امي قال لي يا زول عيب منك نحن اخوان ما تنسى انت ضحيت بي حب حياتك عشاني و مهما اجازيك شويه في حقك اتفرجت في الندوه شويه و رجعنا انا و فريد البيت فريد ساق سما بس قبل ما يسوقها كلمتها اني مسافر الكلام في البدايه كان صعب كنت خايف عليها بس فريد ساعدني و كلمناها براحه في البدايه هي زعلت بس قلت ليها قبل هي ما تخلص امتحانات ح اكون رجعت سما طلعت مع فريد و مشو البيت و طبعا قطوف بدت تطلب حاجات من هناك و امنيه كمان اي وحده طلبت كم حاجه قلت ليهم تمام و بديت اجهز الشنطة حقت السفر و انا بتخيل في جمال و روعه المعرض و انواع اللوحات و الفن ال حاشوفهم امي جات داخله علي و انا بجهز في الشنطة و دعت لي كم دعوه كدا ترد الروح و هي الدمع في عنينها قمت عليها مسحتا دموعها و بستها في راسها و قلت ليها هم 10ايام بس يا امي و ارجع امي هدت و قالت خلاص نوم و تم الباقي الصباح قلت ليها تمام مشيت نمت و ظبطت المنبه .
___________
بلسان فريد:-
مع الفجر مشيت اصحي سما لقيتها صاحيه قلتا ليها راجعي شوية قالت لي حااضر وبعدها ناامت زي ساعه كداا وبعدين وصلتها المدرسه وقلتا ليها تركز كويس وما تستعجل وتطلع بدري ابتسمت وقالت لي حاضر دي المره الخامسه يافريد قلتا ليها ماتنسي الاخلاص والمعوزتين والدعاء الوريتك ليهو قالت لي حاضر يا احلى اخ قلتا ليها وماتنسي تفطري و..قاطعتني قالت لي فريد والله وصاياك حفظتهم حفظ خلاص رووق كلو تمام بستها في جبينها وقلتا ليها بالتوفيق قالت لي شكرا ونزلت❤️ بعدها مشيت الشركه لقيت امير لسه ما جاء كالعاده و الليله اول امتحان لي سما ان شاء الله تشتغل كويس بديت اقلب في الاوراق و انجز في الشغل و الساعة ١١ سما اتصلت علي سالتها من الامتحان قالت كويس شديد و ان شاء الله حتجيب الدرجه الكامله في القران الكريم و قالت نمشي لي ماهر قبل يسافر قلت ليها ماهر طيارتو الساعه ٣ و اسي الساعه ١١بس اصرت علي قلت ليها خلاص ساعه كدا و اكون عندك و بعد ساعه مشينا لي ماهر في البيت و قعدنا معاهم لي الساعه ٢ ماهر مشا علي المطار و كان ظاهر علي سما
___________
على لسان سوزان:-
قاعده وزهجانه وبتذكر في الحصل في البيت المصري اتذكرتا لمن فريد قال ليهو كيف تقول كدا عن اختك شلتا تلفوني وضربتا لاشرف اول مافتح الخط قلتا ليهو انت بتعرف فريد من وين قال لي بسم الله الناس بتسأل من الاحوال اول قلتا ليهو اشرف جاوبني ضروري بتعرف فريد وسما من وين قال لي سما دي اختي قلتا ليهو اختك اختك كيف يعني ومن وين اختك قال لي اختي الاكتشفناها قبل كم اسبوع بس اتخيلي ما طلع سبب طلااق امي وابوي انو ابوي خان امي مع واحده تانيه وسما طلعت نتيجة الخيانه دي طبعا انا فتحتا خشمي مترين يعني ام فريد وابو اشرف خانو ازواجهم وسما كانت نتيجة خيانه والله فرحتا فرح بالخبرر دا والبسمه نهااائي ما فارقتني سمعتا اشرف بيقول لي الو الو يابت مشيتي وين اسمعي عايز اوريك الحصل قلتا ليهو نتفاهم بعدين وقفلتا الخط قلتا شكلو ماهر ما عارف انو البت الخلاني عشانها دي اظفري ما بتساويه مسكين يا ماهر
_________
على لسان فريد:-
قاعد في البيت رسلتا للسكرتيرة قلتا ليها تقبل الدعوه تلفوني دقا كان امنيه اخت ماهر استغربتا لانو مافي تواصل بيناا رديت ليها سمعتها وهي بتبكي قلتة ليها بسم الله يا امنيه مالك في شنو قالت لي الشرطه جات ساقت ماهر القسم طبعا اتخلعتاا قلتا ليها ليه قالت لي الولد الاتشاكل معاهو في البيت المصري اشتكى عليهو قلتا ليها اشرف قالت لي اي قلتا ليها خلاص اطمني وطمني ناس البيت انا حاحلهاا قمتا طوالي وطلعتا مستعجلل لاقيت سما قالت لي مالك مستعجل كداا طبعا اكييد ما حاحكي ليها الحاصل قلتا ليها موضوع مهم لمن ارجع بكلمك طلعتاا وانا في الشارع ضربتا لمحمد اخو اشرف الكبير قلتا ليهو جيب اخوك ولاقوني في القسم اتلاقيت معاهم هنااك قلتا ليهم اتنازلو عن الشكوى اشرف قال لي مستحيلل عاينتا لمحمد وقلتا ليهو خلي اخوك يتنازل محمد قال لي لاا لانو الحيوان دا غلط معاي انا برضو وبيستاهل انو يتسجن سكتا مسافه وقلتا ليهو عشان خاطر سماا هي اختكم والانسان دا مهم عندها ما عارف حيحصل ليها شنو لو عرفت انو مسجون اشرف قال لي اختنا دي زاتها انت ما عايز تخلينا نلاقيهاا عاينتا ليهو قلتا ليهو عاين انا ماعندي اخلاااق وانا اكعب من ماهر صدقني والباقي الخلاهو ماهر بتمو انا فماتختبر صبري محمد قال لي بتهددنا يعني قايلنا حنخاف حاول اعملها وادخل مع صحبك جوه بقيت امسح في حاجبي وابتسمتا ليهم قلتا ليهم والله شكلكم لسه ما اتعرفتو على فريد عماد الدين عاينتا لاشرف وقربتا منو وقلتا ليهو اذا ما حابب وسخاتك تظهر قدام الضابط جوه وتدخل مع ماهر وتتسجن اكتر منو بنصحك تسحب شكوتك انتو قايلني اي ناس بجو ويقولو لي نحنا اخوان اختك حاتعامل معاهم طبيعي وما حاسائل عنهم انا فريد وانت يا استاذ محمد اذا ماحابب اخوك الانت بتخفي جرائمو يقضي باقي حياتو في السجن وانت معاهو لانك بتغطي عليهو امشو اسحبو الشكوى وخلو دائما في راسكم انو مافريد عماد الدين البتهدد ظااابط صلحتا ليهم الاتنين كولة قميصهم وقلتا ليهم يلا ندخل ونطلع ماهر كلنا سواا يلا يا اسود قدامي الاتنين مافيهم واحد قدر يفتح خشمو ودخلو سحبو الشكوى وصارين وشوشهم وانا مبتسم وبشرب لي في كباية شاي وبتونس مع الضابط لغاية ما جابو ماهر قمتا حضنتو قلتا ليهو حمدلله على السلامه ياااخ قال لي الله يسلمك عاين لاشرف وهو غضبان منو شدييد ربتو على كتفو وسقتو طلعنا من القسم ومشينا على بيتهم قلتا ليهو اهلك خايفين عليك قال لي وانت عرفتا كيف اني في القسم قلتا ليهو كلمتني امنيه وصلنا بيتهم ونزلنا امو دي حضنتو مسااافه وهي بتبكي للحظه اتمنيت لو انو امي تحضني كداا لو مره واحده ما حامنعها بس هي تحاول بعد امو امنيه وقطوف مسكو فيهوو امو جات شكرتني قلتا ليها ماهر اخوي قبل مايكون صحبي قعدتا معاهم شوية بعدين رجعتا البيت
_______
على لسان الكاتبه:-
الصباح فريد وسما مشو على بيت ناس ماهر وقعدو معاهم وام ماهر عملت العصيده طبعا فريد كان متكييف شدييد من العصيده الاكلهاا 😹 وقعد يتونس مع ماهر وسما مع قطوف وامنيه بيراجعو معاها وبجهزوها لاول امتحاان المغرب فريد طلع مشا على الندوة كان في كمية ناس وكلهم لابسين بدل رسمية وفي شباااب برضو جو عشان يعرضو مواهبهم سلسبيل صحبة تسابيح كانت موجوده لمحت فريد واقف مع كمية الناس ديلل طوالي مسكت تلفونها وضربت لتسابيح قالت ليها خلي اي شي في يدك وتعالي معرض دبي قالت ليها اول شي معرض دبي بعيد بعدين امي ماحتخليني اطلع وبعدين انا مانفسي اجي قالت ليها بس صحبك هناا تسابيح قالت ليها صحبي منو سلسبيل قالت ليها معقول ما عرفتي صاحب الشخصيه والهيبه والجمال والتواضع فريد يابت فريد عماد الدين قالت اسمو كدا سمعتو قال ليها نعم اتلفتت لقتو وراها بقت تبلع في ريقهاا قال ليها سمعتا اسمي بقت تتمتم قالت ليهو بحاول اقنع في صحبتي انها تجي المعرض وهي بتسألني الموجود منو والحاصل شنو وانا بحكي ليها وفجاءه طلع اسمك معااي فريد قال ليها صحبتك دي شكلها تسابيح انا
_
بلسان الكاتبة:-
امير اتصل ل تسابيح قال ليها عايزك ف موضوع ممكن نتلاقى هي م قدرت تحرجو وافقت قال ليها وصفي انتظرك وين وصفت ليه ومشى عليها...
بلسان تسابيح:-...
الود دا مالو معاي كل يومين ناطي بحجه جديده خايفه يكون الفي بالي لالا ياخ مايبقى تفكيرك وهمي وبعدين انا زاتي م فاضيه شايله هم بيتنا والحاصل معانا لو قال اي حاجه ح اوقفو ف حدوو حكيت ل صحبتي قالت لي مالو عايز شنو امشي شوفيه احتمال الموضوع بيخص فريد وافقتاا وجهزتا نفسي وطلعتا لاخو فريد الماعارفه اسمو
لاقيتو وركبت معاه طلعنا على شارع النيل قبل انزل من العربية اتصلت لي صحبتي الممرضة م رديت قال لي ردي امكن م يقدر ينتظر قلت ليه منووو قصدك شنو دا صحبتي وطوالي رديت وفتحت الاسبيكر قالت لي انتي اخت فريد البعرفك دا كل يوم جايبنها المستشفى وفي حاله غريبه البت دي عايزة اعرف قصتها بالجد محتاجه لطبيب نفسي ..قلت ليها اختوو مالا ف ياتو مستشفى طوالي امير خطف تلفوني وبخلعه اتكلم مع نازك صحبتي وع طول جرينا المستشفى وهو غضبان شديد قال المرة دي لازم احسم الموضوع دا البت حتموت بسبب فريد يالله دا شنو دا ياخ
________
بلسان فريد:-
قعدنا منتظرين سما لغاية ما تصحى وانا بهز في رجليني وحلفتا لاشرف ما اخليه كيف يقول عن اختي مريضه نفسيه شوية وجا ماهر سأل من سما قلنا ليهو منتظرين الدكتور يطلع شوية والدكتور طلع كلنا وقفنا عاين لي وقال لي انا قلتا ليك شنو يافريد لمن البت دي ظهر ليها السكري؟مش حذرتكم من الزعل مش قلتا ليك اهتما بيها وماتخليها تزعل رميت كلامي في الارض يعني سمعتا زول قال ليهو اصلا هو من عوايدو يرمي كلام الناس في الارض اتلفتا شفتا امير سمعتو قال للدكتور ماتشيل هم تاني ما حتكرر وسما حتكون في جو فيهو كل الراحه والسعاده اطمن الدكتور هزا راسو وقال لينا خلو الدرب يخلص بعدين طلعوها ومشاا امير قال لي كفاية لهنا قلتا ليهو حتعمل شنو يعني ماتحلم اخليها تعيش معاك انت وامك قال لي وتعيش معاك عشان كل يومين تدخل مستشفى سمعنا تسابيح قالت البت دي طالما عندها اخوان زيكم طبيعي حتكون في المستشفى عاينا ليها الاتنين..
#نهاية الحلقة السابعه عشر
قراءة ممتعه 💖
العربات و اتجهو ناحيه الفندق هو ما بعيد كان و كان في شويه زحمها .
__________
بلسان سما:-
اول ما طلعنا من المصعد و شفتا المطعم حسيت روحي دخلت مطعم في اوربا و كمان النوافذ مطله على البحر و بتقدر تشوف المقرن و انت قاعد في تربيزتك جنب النافذة ال هي من زجاج طبعا الصدمه ظاهره في وشي فريد قال نطلب شنو قلت ليه انت عارفني اكتر من نفسي
طلب لي دجاج و معاه شوربة خضار و حلى و جاب لي نفسو شاورما و سلطه و ماهر و قطوف طلبو لحمه ضان و سلطه و بعد الفطور حابو التحليه حاجات كدا راقيه و كلها كريمه و عصير مشكل بعد خلصنا اكل اتونسنا شوية و طلعنا تاني مشينا البيتش و قعدنا في الموية فريد و ماهر طلبو قهوة قطوف طلبت شاي و انا طلبت شيريا و اتصورنا تاني في البحر و لعبنا بالمويه وقعدتا ارش ماهر و نضحك و اليوم كان ظابط و بعد كم ساعه فريد قال نتحرك لي البيت المصري قبلو مشينا لي امنيه و جبناها معانا من الجامعه و اثناء ما نحن داخلين على البيت المصري لقينا سوزان خطيبة ماهر قاعده و معاها زول .
نهاية الحلقة ال ١٦
قراءة ممتعه💜🥀
📖 اذا انتهيت من القراءه اضغط علي #لايك 👇 واذا حصلنا علي #100# لايك سوف نقوم بتنزيل #بقيه_الروايه
Читать полностью…
تلاقيه قلتا ليها صحبي منو قالت لي صاحب الهيبه والكاريزما والشخصيه الجميله والحضور فريد قلتا ليها ماعندي رقمو قالت لي اضربي للتاني الجا في شارع النيل وشال رقمك بقيت اعاين ليها وبحاول اتذكر في اسمو بس مامتذكره الا حرف الالف بس قلتا ليها ماقادره اتذكر اسمو والله وماعندي رقمو برضو ماتنسي انو هو الشال رقمي قالت لي انا زاتي مامتذكره اسمو ما كنتا مركزه قلتا ليها هو اخو فريد وبتعرفي فريد في عندو اخت اسمها سما البت دي حلوة ومسككينه وملامحها بريئه شدييد الا مايجي يوم واعرفك بيهم حتحبيهم صدقيني قالت لي والله شوقتيني اشوف سما واختو من كتر ما حكيتي لي عنهم قلتا ليها بعرفك عليهم
________
على لسان ماهر:-
طبعا الليله العرض بتاعي مبسوط شدييد لانو دا اول عرض اعملو في المعرض بتاعي ولانو اول واحد عملتو شبابي وسايق معااي قطوف وامنيه كمااان كنتا لابس بدله كحليه قميص ابيض فيونكه سوداء وبطلون اسود طلعتا لقيت قطوف وامنيه جاهزين ومنتظرني قلتا ليهم سبحان الله 😹قالو لي نحنا البنات جهزنا اسرع منك اها سما جاية صح قلتا ليهم اي هي مع فريد قالو حيلاقونا في المعرض طلعتا مع اخواتي وصلنا المعرض المنظر كان حلو ومنظر لوحاتي وهي معلقه في الحيط عجبني شدييد قطوف وامنيه مما دخلنا خلوني وطوالي بقو يعاينو في اللوحات شوية وجا فريد مع سما وامير سلمتا عليهم ودخلو امير وسما لفو على اللوحات وانا وقفتا مع فريد شوية وفي بيتين جو داخلات واحده محجبه والتانيه لابسه طرحه فريد مما شافهم قال تسابيح قلتا ليهو منو قال لي المحجبه تسابيح قلتا ليهو حلوة حمر لي قلتا ليهو قصدي زوقك حلو 😅 فريد مشا عليهم سلم عليهم وتسابيح فرحت لمن شافتو سألتو كيف جا المعرض قال ليها المعرض حق صحبي اختارو اللوحه البتعجبكم واعتبروها هديه من المعرض ختيت يدي في كتفو وقلتا ليهو هديه في عينك يا فريد نزل يدي من كتفو وقال لي ماعندك مشكله يا ماهر طبعا انو نديهم هديه قلتا ليهو اكييد اكييد اختارو البتعجبكم تسابيح شكرتناا وعرفتناا على صحبتها سلسبيل سلمت على فريد قال ليها انا فريد عمادالدين جنو يلصق اسمو مع اسم ابو سمع اضاااني سمعتا فريد بيقول لتسابيح حلوة كالعاده ❤️وهي قالت ليهو وانت انيق وشخصيه كالعاده ❤️بقيت اتبسم شوية الناس بدت تجي والمعاازيم لمن المعرض اتملى وكل شوية بقو ينادوني نااس يسألوني من لوحه معينه ومن سعرهاا وانا بجاااوب شوية وجاني فريد قال لي عايز اسالك سؤال قلتا ليهو اتفضل قال لي كيف بتقدر تشيل من بت رقم تلفونها بدون لا تحرجها لا تحرج نفسك ختيت يدي في كتفو وقلتا ليهو محسسني اني كل يوم بشيل ارقام بنات قال لي شلتا رقم سوزان كيف قلتا ليهو عااادي بس انت عارف لقيت ليك طريقه جيب تلفونك طلع تلفونو واداني ليهو وهو مستغرب قلتا ليهو امشي اقيف مع ناس تسابيح وبعد شوية كدا اعمل نفسك بتفتش على تلفونك وما لاقيه واطلب منها تتصل ليك على رقمك وبكدا رقمها حيظهر عندك وبتقدر تسيفو شفتو ابتسم شكلو عجبتو الفكره شلتا تلفونو وخليتو يمشي عليهم بعد مسااافة شفتا سوزان داخله مع صحبتها هدى مشيت عليهم وقلتا ليها انتي العزمك منو قالت لي انت منزل الدعوه في الفيس قلتا ليها انتي مامرغوب بيك اطلعي قالت لي معقول يا ماهر دا كلو عشان البت دي بس ما تخاف انا جيت عشان اقيف معااك ما عشاانهاا هي حتى ما حأجي جنبها صدقني عاينتا ليها ومشيت وقفتا مع سما وامير صراحه ما بثق في سوزان
___________
على لسان فريد:-
بعد كلام ماهر مشيت وقفتا مع تسابيح وصحبتهاا سلسبيل سلسبيل قالت انو ماهر رسام موهوب قلتا ليها اي عندو الموهبه دي من الطفولة تسابيح قالت لي ديك مش سماا قلتا ليها اي قالت لي طيب خلينا نمشي نسلم عليهاا سقتهم ومشينا عليهم اول ما وصلناهو شفتا ماهر بحمر لي نظام مانفذتا الفكره تسابيح حضنت سما وسلمت عليها بطريقه سمحه وقالت ليهاا سمحه كالعاااده قالت ليها سمحه انتي حبيبتي تسلمي استغربتا من امير القال ليها تسابيح كيفك نورتي ما انتبهتا ليك جيتي متين؟ قالت ليهو اهللين جيت من قبييل والله قلتا ليهم انتو بتعرفو بعض امير قال لي اي وحتى عندي رقمهاا وعاين لي بطريقه غريبه بس ما اهتميت وحسيت تسابيح اتحرجت من جملتو فحبيت الطف الجو قلتا لماهر وين قطوف وامنيه قال لي شغالين يتفرجو تلفوني دقا فماهر مداهو لي لقيت مكالمة من ود الحقير شلتا التلفون وطلعتا بره المعرض ورديت قال لي شفتك ما اتصلتا قلتا اتصل انا مرو3ايام وما سمعنا فيهم حسك قلتا ليهم ما كلمتها لانها نازله امتحانات بعد فتره قلتا بعد تخلص بكلمها عشان ما تتوتر فترة امتحانهاا قال لي انا بتمنى يا فريد انو ما تكون بتماطل عشان ما تخلينا نلاقي اختناا قلتا ليهو انا مابعمل كدا وبعدين ليكم سنين عايشين بدونها اصبرو مده بسيطه وبتلاقوها وقفلتا الخط رجعتا جوه لقيت امير بتونس مع تسابيح وصحبتها وبيضحك خليتهم واقفين وبقيت اتفرج على اللوحات
وحاتكلم مع اخوانها يصبرو شوية غير كدا ماف طريقه
_____________
على لسان سوزان:-
بالليل واقفه قدام شركة فريد ومنتظره زول معين يطلع وكنتا متاكده انو قاعد جوه لغاااية ما جا طالع حصلتو قبل ما يركب العربيه قلتا ليهو السلام عليكم ردا لي السلام قلتا ليهو امير صح؟ قال لي صح وانتي على حسب ما اذكر سوزان خطيبة ماهر صاحب فريد صح قلتا ليهو تعريف طويلل سوزان خطيبة ماهر انا المهم انا كنتا منتظراك ممكن نتكلم سواا امير استغرب وبعاين لي قال لي الموضوع ضروري يعني؟ قلتا ليهو اي قال لي طيب في كافتريا قريبه تعالي نقعد فيها ونشوف موضوعك المهم ومشينا الكافتريا سواا وقعدناا طلب لينا قهوه الاتنين وقال لي اتفضلي سامعك قلتا ليهو زعلانه من العملتو اختك قال لي سما عملت شنو قلتا ليهو ماهر اتخلى عني ومشا عشان يرتبط باختك سماا والله النظرات العاين لي بيها حسيتو حيشيل كباية القهوه المغليه ويكبها لي في وشي عاين لي بنظرات كلها غضب
نهاية الحلقه الرابعة عشر...
قراءة ممتعه💜🥀
*فتاة ذابلة🥀*
*#بقلم المبدعين سارة وعبير ولمياء وصديق*
(14)
بلسان فريد:-
الولد الكبير قال لي انا محمد شريف ودا اشرف وداك علي وعندنا اخت تانيه بس طبعا ما جبناها معانا قلتا ليهو ابوكم اسمو منو قال لي شريف قعدتا اضحك قال لي عارف سبب ضحكتك انو اسمو شريف وانو ماليهو علاقه بلاسم المهم المفروض يحصل حالياا انو نمسك بعض ونقعد نتضارب وانت ولد المرة الابوي خان امي معاها وانتو اولاد الراجل الامي خانت ابوي معاه بس حنستفيد شنو اذا اتشاكلنا او اتضاربناا المهم انو في اخت مشتركه بيناتناا انا بعرف انو انت حاليا بتسأل وبتستفسر انو جاين بعد 16سنه حتى نسأل من اختناا بس صدقني نحنا ما كنا بنعرف ما كنا بنعرف بوجود سماا وما كنا بنعرف اصلاا انو ابوي خان امي يادوب لينا اسبوع واحد مما عرفنا وزاتو بالصدفه طبعا امي وابوي انفصلو بعد ولادة علي بفترة امي قالت لينا مشاكل بينا ونحنا سكتنا على كداا واتعودنا على انو اهلنا منفصلين بس قبل اسبوع كدا اخوي اشرف لقا ليهو صورة قديمه واقعه فيها صورة ابوي ومعاهو مرة طبعا اشرف ما عرفها لانها ما واحده من اهلناا نحنا قاعدين مع امي جا اشرف شايل الصورة وقال ليها دي منو المع ابوي دي يا امي طبعا امي لمن شافتها ملامحها اتغيرت وخطفت منو الصورة وقالت ليهو جيبتها من وين الصورة دي وشالتها جابت كبريته وحرقتها طبعا كلنا اتخلعنا من تصرفهاا فسألنها دي منو وليه اتصرفت كداا بعد اصرار مننا قالت لينا دي سبب طلاقي من ابوكم وقالت لينا دي المرة الابوكم خاني معاها اتخلعناا وطبعا ماشاءالله ابونا وامك كانو عايشين حياتهم بالطول والعرض ومتفسحين ومقضينها صور لا ابوي همتو امي المسكينه القاعده في البيت لا امك احترمت نفسها وبيتها وراجلها امي قالت لينا انو عندهم بت يعني اللي هي سماا عايزين نشوف اختناا قلتا ليهم طيب في طريقة الاقي بيها الاستاذ شريف المحترم علي قال لي امشي المقابر بتلقاهو هناك قلتا ليهو كيف يعني قال لي يعني ميت قلتا ليهم من حظو اشرف قال لي امك كيف قدرت تعملها قلتا ليهو زي ما ابوك قدر يعملها 🙂 محمد قال لي المهم عايزين نلاقي اختناا وعلي قال طبعا ماعندك الحق عشان ترفض عاينتا ليهو قلتا ليهو ماعندكم صلاحيه تتكلم عن الحقوق اساسا حاخليكم تلاقوها لانها اختكم في النهااايه واخلاقي ما بتسمح لي احرمكم منهاا المهم سما زولة غير اجتماعيه يعني عشان اخليها تقعد معاكم لازم اشرح ليها وامهد ليها عن الموضوع براحه ولمن تكون جااهزه بستقبلكم في بيتنا انتو وجيبو معاكم اختكم التانيه محمد قال لي طيب بس شيل رقمي شلتا منو رقمو وسجلتو ود الحقير وهو سجل رقمي وبعد ودعوني ومشو
__________
على لسان ماهر:-
سما بتعاين للوحات وهي مبسوطه تلفوني عمل انذار قلتا ليها سما مواعيد الاكل والحقنه قالت ماعايزه قلتا ليها معليش ماعلى كيفك خلينا نمشي على الاكياس الجابها اخوك فريد اشتريتو شنو قالت لي هو فريد جاب اكياس ماعارفه انا ما اشترينا شي من الشارع قلتا ليها معناهو دا عملو اخوك بنفسو فتحتا الكيس طلعتا عمود صغير فتحتو قلتا ليها خلينا نشوف مواهب فريد عمادالدين فتحتو لقيتو عامل قيمة بطاطس بلحمه مفرومه بقيت اضحك قلتا ليها بتحبي القيمه قالت لي انا معنديش في الاكل يمة ارحميني اي شي باكلو كل نعم الله مفضله عندي ❤️ قلتا ليها عكسي انا زول عزيل ما باكل اي شي والله المهم يلا اقعدي جيبتا ليها عيش وخليتها تقعد واديتها تاكل قالت لي اكل معاي قلتا ليها ما عايز حسيتها زعلت حنيت عليهاا قلتا ليها ماعايز بس ما قادر اقاوم منظر قيمة اخوك دي خلي نذوقها وجيت قعدتا معاها وبديت اكلل بعد خلصناا مشينا الصيدليه ادوها حقنتها ورجعنا المعرض قالت لي ماهر دي شنو اللوحه دي قلتا ليها دي قيد الرسم قالت لي ممكن اشوفها قلتا ليها خليها لمن تكمل وبوعدك انو انتي حتكوني اول زول يشوفهاا فرحت قالت لي طيب اتفقنا حادخل المستودع اشوف لوحاتك الراميها اكييد في واحده منهم حتكون ظابطه وانت راميها ضحكتا فيها مشت دخلت المستودع بس اسمع ليك اسمي بصوت عااااالي مااااهر اتلفتا شفتا سوزان قدااامي للحظه بس اتمنيت انو سما ماتطلع من المستودع لانو انا حافظ سوزان قالت لي مالك بتعاين كدا اول مره تشوفني؟ قلتا ليهاا مش كنتي في كسلا قالت لي مشيت يومين وجيت قايلني نسيت عملتك ولا شنو وحاسكت وحاخليك تعيش مع الشافعه ديك عااادي مسكتها جريتها بره المعرض قلتا ليها سوزان عليك الله ماتعملي مشاكل البت الانا حبيتها كانت انسانه عاااقلة شدييد اتصرفي بعقلانيه قالت لي عقلانيه انت شايف انو الموضوع عااادي لانو انت الخليتني ما انا الخليتك بس ما مشكله يا مااهر الايام بيناااتنا والشااافعه ديك انا حاعرف اتعامل معاها ومشت بالجد انا مصدوم في سوزان وتصرفاتها ما كانت كداا
___________
على لسان تسابيح:-
سقتا فريد ووديتو البحر وقعدنا قصادو كان في حجار قدام البحر قعدنا فيهاا قلتا ليهو هناا اعتبر نفسك بتتكلم مع نفسك واحكي واشكي كل المضايقكك وان شااءالله ما بتطلع من هنا الا وانت مرتااح بقاا يعاين للبحر مسااافة بعدين قال لي انا عايز امي قلتا ليهو ووين امك قال لي عايشه في بيت براها وانا في بيت برااي قلتا ليهو طيب امشي ليها المانعك شنو قال لي ما بالبساطه دي ما كل شي بالسهولة الانتي شايفاها دي قلتا ليهو الام بتفضل ام في النهاااية حتى لو كانت اسوء ام في العالم لازم نحنا نعاملها احسن معامله في العالم حتى اذا غلطت نحنا ماعندنا الحق انو نعاقبها على غلطها عندها رب وهو بعاقب اما نحنا ربنا وصانا على امهاتنااا مهمتنا بس نبرهم حتى لو هم بكرهونا لازم نحنا نحبهم رغم انو مافي ام بتكره ولدها الام هي ام قال لي طيب لو في ام بتكره ولدها قلتا ليهو ماف قال لي في بعدين قال على العموم انا اتأخرتا راجع البيت قام قلتا ليهو سلم على سماا قال لي كويس يصلل قلتا ليهو بقيت كيف لقيت نفسك قدرتا تفضفض قال لي ما كنتا كويس عشان كدا كنتا بفتش فيك بس هي احسن طبعا استغربتا ورفعتا ليهو حاجبي هو شاكلو يادوبو لاحظ لجملتو القالها قلتا ليهو بتفتش فيني؟ اتوتر قال لي لالا قصدي كانت صدفه يعني جمله وقلتها ماتهتمي ضحكتا فيهو لانو وهو متوتر بيضحك شدييد كان ماشي حك راسو واتلفت علي قال لي بتحبي المانقا باللبن قلتا ليهو بعشقها قال لي ينفع نشربهاا الواطه كانت عصر مشينا اقرب كافتريا طلب العصير وقعدناا لاحظتا ليهو بهز في راسو قلتا ليهو مالك عايز تقول حاجه قال لي لالا قال لي انتو كم في البيت قلتا ليهو اربعه انا وامي وابوي واخوي الصغير اسمو ميرغني امي اسمها فاطمه وابوي نوري قلتا ليهو وانتو قال لي نحنا كمان اربعه قلتا ليهو انت وامك وابوك وسما صح حتى انتو ولد وبت بس زيناا ابتسم ابتسامة خفيفه وقال لي لاا انا وسما وعندي اخ تاني اسمو امير وامنا اسمها إيمان امي وامير عايشين براهم وانا وسما برانا قلتا ليهو ليه؟ عاين لي قلتا ليهو خلاص خلاص اسفه ما عايزه اعرف ابتسم لي بعد خلصنا العصير وصلني قريب البيت قال لي سلمي على ناس البيت وهو فااات دخلتا وانا مبتسمه حصلت معي حاجه ما اتوقعتها خلال اليوم انبسطتا بالمشوار مع فريد والقعده قصاد البحر والعصير دخلتا البيت
____________
على لسان ماهر:-
قاعد في البيت في غرفتي ضربتا لسما ردت لي قالت اهللين يا ماهر قلتا ليها طولتي ما جيتي المعرض ورسمتا رسومات جديده تعالي شوفيهم واديني رأيك وبعدين كمان في عرض عايز اعرضو وعايز ااخد رايك فيهو فتعاالي قالت لي طيب بكرا ان شااءالله بجيك قلتا ليها كويس في انتظارك اها وصحتك كيف قالت لي الحمدلله اتحسنتاا كتيير انت كيف امورك وناس بيتكم كيف عليك الله وصحي ماهر لو سمحتا ممكن تكلم اختك قطوف تجي تشرح لي كيمياء قلتا ليها والله كلهم كويسين الحمدلله بكلمها والله وبجيبها ليك طوالي قالت لي تسللم قلتا ليها الله يسلمك وبكرا بدري قالت لي ان شااءالله قفلتا منها ودخلتا الانستغرام لقيت سوزان منزله صورها شكلها رجعت كسلا وواصلت في شغلها اكتر شي بعجبني في سوزان انو شخصيتها قوية وما تتأثر بالمواقف البتحصل معاها يمكن قوة شخصيتها دي هي الجزبتني ليهاا بس زعلتا والله لانها عايشه حياتها وانا هنا مقهور بس قلتا يلا ربنا يوفقهاا امي نادتني مشيت ليها قالت لي امشي لابوك في المحل ساعدو عشان تخلصو وترجعو البيت سريع قلتا ليها حاضر طلعتا ركبتا عربيتي ومشيت وانا في الظلط في مرة عايزه تقطع الشارع وقفتا واشرتا للجنبي بالجهه التانيه يقيف ليها عشان تقطع وفعلا هو وقف اها الوراي عمل لي صداع بسبب البوري الكتيير وانا زهجتا واتمليت منوو لغااية ما شوية شفتا زول بدق لي في القزاز نزلتا ليهو قال لي نحنا ناس ورانا شغل الموقفك في نص الشارع شنو قلتا ليهو في مرة كبيره عايزه تقطع الظلط وكان لازم اقيف ليهاا قال لي ونحنا زنبنا شنو في الموضوع داا وبما انها مرة كبيره تترزع في بيتاا احسن ليهاا قلتا ليهو ما تحترم نفسك انت عارف وقتي غالي وخسارة اضيعو في امثالك قال لي اجري اجري ما اشتغلتا بيهو ركبتا العربيه وحركتاا المحرك لمن العربيه بورا طلعت دخااان مليتو بيهو ومشيت شفتو بالمراية بتزهج وبتنفض ما اشتغلتا بيهو لغاية ما وصلتا لابوي
_____________
على لسان فريد:-
رجعتا البيت والدنيا ما سايعاني من الفرحة القعده كانت حلوة شدييد والله ❤️ سما فتحت باب غرفتها وجاتني نازله وشكلها هي كمان مبسوطه جات حضنتني وهي فرحاانه قلتا ليهاا ماشاءالله ان شااءالله سعادتك دايمه اها احكي لي قالت لي انت زاتك حتحكي لي لانو شكلك فرحاان سقتها قعدناا في الصالون قرصتها في خدها قرصه خفيفه قلتا ليها بس ابدي انتي ووريني ماذا طحا بك يا صناجة الادب بقت تضحك اي بتضحك سما زاتها ضحكت لمن انا استغربتا بقيت بعاين ليهاا وانا مصدوم وهي بتضحك قلتا ليها سسس سما انتي بتضحكي؟ بالجد ولا
_____________
على لسان فريد:-
ماهر عاين لي واتجاوزني قلتا ليهو ما حتتكلم معاي؟ مضايق مني للدرجه دي انت كمان صحبي يا ماهر وانا اكييد ما حاتحمل اني ازعلك قال لي ما زعلان منك يا فريد ومتفهمك بس ما قادر اتعامل معاك زي الاول اديني وقت بس لغاية ما اتعود قلتا ليهو طيب وطلع وفاات انا زعلان على ماهر بس ما بيدي شي اقدر اعملو وانا قاعد الباب دقاا اماني فتحت الباب جو داخلين امير وامو استغربتا من جيتهم الاتنين مع بعض لو امير براهو عادي بس معاهو امو بقيت واقف بعاين ليهم وامير مبتسم ابتسامة غريبه..
نهاية الحلقه الثانيه عشر
قراءة ممتعه💜🥀
*فتاة ذابلة🥀*
*#بقلم المبدعين سارة وعبير ولمياء وصديق*
(12)
بلسان الكاتبة:-
فريد لمن شافها استغرب يعني البت دي محل ما يمش بتكون موجوده قام ومشا عليهاا سلم عليها ردت ليهو السلام قال ليها عرفتيني؟ قالت ليهو اي عرفتك فريد صح وصلتا ليكم طلبية كتب قال ليها اي ياهو اناا خير ان شااءالله عندك مريض في المستشفى؟ قالت ليهو لا صحبتي ممرضه جيت اشوفهاا هزا ليها راسو بتفهم وهي سألتو ليه هو في المستشفى وراها انو سما تعبت فطلبت منو يسمح ليها تشوفهاا خلاها تدخل اول ما دخلت لسما لقتها بتبكي سما اول ما شافتها مسحت دموعهاا تسابيح قالت ليهاا بتبالغي اسي ديل عيون بكا؟ حرام عليك والله وريني ضحكتك السمحه سما بتعاين ليها بس تسابيح قالت ليها شفتا اخوك بره وهو قال لي انك هنا حبيت اطمن عليك انتي كويسة؟ سما هزت ليها راسها تسابيح قالت ليها ليه بتعملي في نفسك كدا انتي لسه صغيره بعدين حتى لو انتي حاسه نفسك وحيده عايني لاخوك واكتفي بيهو هو عن العالم كلو شوفيهو خايف وملهوف عليك كيف في ناس بتمنو يلقو الاهتمام حتى لو بالكضب بس انتي لاقياهو احمدي الله وما تبكي خليك قوية لانو الناس الضعيفين ما بعيشو في الدنيا دي صدقيني بتمنى ليك الشفاء العاجلل وتسابيح طلعت خلت سما بتعاين للسقف بره سلمت على فريد ومشت فريد شاف الدكتور قال يمشي يسألو لو بيقدر يطلع سما من المستشفى
______________
بلسان فريد:-
مشيت للدكتور سلمتا عليهو وسألتو اذا بقدر اطلع سما من المستشفى قال لي بتقدر تطلعها بس خلي بالك ما لازم تزعل ولا تتضغط وحقنة الانسولين طبيعي تكون موجوده عندكم في البيت ولازم تاكل وتتغذى كوويس واهم شي ماتزعل حاول على قدر ما تقدر تخليها فرحانه قلتا ليهو طيب شكرتو وعملتا الاجراءات وطلعنا طول الطريق بعاين لسما وهي ساكته ملامح الارهاق والتعب كانت باينه شدييد في وشهاا البيشوفها ما بقول دي شافعه عمرها 16سنه بفتكرها اكبر من كدا بكتيير بالجد قلبي وجعني على حالتهاا وفي اللحظه دي فكرتا في شي اول ما وصلنا البيت وخليت اماني تقعد معاها واتصلتا بالمستشفى وطلبتا ممرضه منزليه عشان حقنة سماا قالو بيرسلو لي واحده وبعد قفلتا منهم ضربتا لماهر ردا لي قال لي فريد سما كويسه؟ قلتا ليهو كويسه عايزك بكرا اول ما تصحى من النوم تخلي القدامك والوراك وتجيني في الشركه الموضوع مهم قال لي طيب ان شاااءالله وقفلتا منو طلبتا اساتذه عشان يجو يشرحو لسما لانها حتمتحن امتحان منزلي والصباح وصيت اماني والممرضه على سما وطلعتا على الشركه قعدتا في مكتبي منتظر ماهر لغااية ما جاا سلم علي وقال لي خير ان شااءالله بقيت اعاين ليهو قلتا ليهو انت عارف انك واحد من الاسباب الخلت سما يجيها سكري؟ بقا يعاين لي باستغراب قال لي انا كيف كداا؟ عملتا شنو لسما اناا قلتا ليهو سما بتحبك يا ماهر كان قاعد طوالي وقف وبعاين لي مخلوع قال لي كيف يعني قلتا ليهو زي ماسمعتا بتحبك وخبر عرسك من سوزان صدمهاا وزاد عليها مصائبها وخلا السكري يجيهاا ماهر بقا ساكت ورجع قعد تاني قال لي والله والله يافريد احلف ليك بشنو انا ما كنتا عارف انو سما بتحبني والله ما كنتا عارف قلتا ليهو مامهم المهم حاليا انا عايز اطلب منك طلب ممكن تفتكر اني اناني او شخص متسلط وبفكر في مصلحتو بس صحة اختي بتهمني في المرتبه الاولى عشان كداا انا عايزك تلغي فكرة عرسك من سوزان وتخطب اختي سماا ماهر اتخلع قال لي فريد انت عارف نفسك بتقول في شنو قلتا ليهو عارف وقلتا ليك حتشوفني اناني بس اذا انت كنتا محلي واتحملتا ليك مسؤولية طفله صغيره وانت زاتك وقتها كنتا طفلل فالشي دا بخليك تتعامل بانانيه مع بعض المواقف سما جاها سكري وهي يادوب عمرها16سنه واتحملت حاجات مافي بت بعمرها بتتحملها كفاية جداا انو امها بعيده عنهاا يعني يا ماهر الدكتور قال انو ما لازم تزعل ما عايزين تجيهاا كومة سكري طيب اتخيل معاي انو خبر زواجك بسس خلا يجيها سكري معناها اذا اتزوجتا بالجد حيحصل فيها شنو وانا مابتحمل خسارة اختي الصغيره كفاية العاشتو انا بعرف انو الحياة حياتك وانو طلبي دا ممكن يدمر حياتك بس ممكن تقول انو دا طلب من اخ عاجز قدام صحة اختو وممكن تقول دا طلب من صحبك واخوك بس في النهااية القرار قرارك يا ماهر وانت ما مجبور توافق ماهر وقف وطلع من المكتب وقفل الباب وراه
__________
على لسان ماهر:-
طلعتا من مكتب فريد وانا ماشايف قدامي من الصدمه ركبتا عربيتي وختيت راسي في الدركسون كيف فريد بيقدر يطلب مني طلب زي دا انا متفهم محبتو لاختو وخوفو عليهاا وعاارف انو تصرفو طبيعي بس انا كمان عندي حياة وعندي خطيبه سوزان حلمي اول انسانه حبيتها كيف حاتخلى عنهاا وكيف حاحكي ليها الموضوع داا انتظرتني كتييرر هي والله بس سما سما لسه صغيره على انها تتحمل دا كلو بقيت قااعد ومحتاار في النهاية سقتا العربيه مشيت البيت لقيت امي في المطبخ شغاله بتعمل في اكل قلتا ليها امي قالت لي ماهر رجعتا بدري قلتا ليها محتاج اتكلم معاك قالت لي طوالي نتكلم جرت
*فتاه ذابلة🥀*
*#بقلم المبدعين ساره و عبير و لمياء و صديق*
الحلقه (١١)
بلسان فريد:-
اول ما ماهر قال لي سما انو انتي حتكوني وزيرة العريس فرحت و افتكرتها حتفرح برضو بس حصل حاجة ما متوقعه سما مما سمعت كلمة عرسي بعد شهرين يعني حاتزوج من ماهر جات واقعه طوالي و صدمت سريع جريت عليها طوالي و ماهر مخلوع ماهر بسالني مالها ليه وقعت مش اسي كانت كويسه يا فريد ما قدرت ارد عليه من الصدمه طوالي ماهر طلع تلفونو و اتصل بالإسعاف قلت ما بنتظرهم شيل معاي نمشي بالعربيه اديت ماهر المفتاح طلع العربيه من الكراج و رقدت سما في المقعد الخلفي ماهر ما خلاني اسوق و قال لي الا اسوق انا انت بحالتك دي ما ح تقدر سريع ودينها اقرب مستشفى مع انو اغلب الطرق كانت زحمه فمشينا لي رويال كير و دينها الحوادث طوالي الدكاتره شافوها كلهم جو عليها فحصوها و ركبو ليها اكسجين و طلبو كم فحص كدا
___________
بلسان ماهر
اثناء ما بتكلم مع سما فجاة غمرت و انا وفريد ما عرفنا الحاصل عليها شنو سريع و دينها المستشفى و بعد ركبو ليها الاكسجين عملو ليها كم فحص و انا اتصلت على امير قلت تعال نحن في رويال كير اختك غمرت امير قال جاي طوالي قفل الخط
___________
بلسان امير:-
امير قاعد بتكلم مع امو عن موضوع فريد و بعد امو ما حكت ليه بقى يكره فريد و حلف انو ما يخلي سما عندو و انو فريد ما بستاهل حنان امو و قال كيف يخت فكرة انو امي بتقدر تخون ابوي و المشكله انها ما حقيقةً و سوء ظن كل السنين دي مفرق بين ام و بنتها بسبب سوء ظن انا لازم اكلم سما اقنعا ترجع تعيش معانا و تخلي فريد اثناء انا ما بفكر ماهر اتصل علي و قال الحق سما اختك في المستشفى من قال كدا طوالي جريت علهم الشارع كلو بفكر في فريد و الغلط العملو و انو سما اتحرمت من امها و انو هي كل مره بحصل ليها مشكله و هي كل مره بتحصل مشكله معاه بعد سما ما تتعافى ح اسوقها من فريد و ما احشتغل بكلامو
_________
بلسان الكاتب:-
الدكتور شاف نتيجه الفحوصات و اتأكد انو شكو في محلو انها البنت دي عندها سكري بسبب الاكتئاب المتكرر و انو هي ضعيفه فقرر يكلم فريد و اثناء ما الدكتور قال لي فريد انو سما جاها سكري و انو هي لازم ما تتعب كتير و نفسيتا تكون مرتاحه امير كان وصل و سمع كلام الدكتور و ماهر كان واقف برضو امير جا علي فريد بعد الدكتور فات و مسكو خنقو قال لي الحصل لي سما كلو بسببك ماهر جا يدخل بس امير دفرو بعيد و خنق فريد تاني فريد دفر امير برضو وقال ليه اختاني اسي ما عندي ليك اخلاق امير قال لي فريد انت ليه عملت لي سما كدا ليه بعدتها عن امها الزمن دا كلو فريد ردا ليه اسال امك عملت شنو في الحظه دي امير ادا فريد بنيه وقال ليه كيف انت اصلا تفكر انو امي خانت ابوي امي مستحيل تعملها فريد قال ليه يعني حكت ليك بس متاكد ما حكت ليك الحقيقه و دفر امير بعيد منو و قال ليه اوعى على روحك انت ما عارف المره دي امير زعل و قال ليه. دي امك فريد ردا ليه قال ليه ما عندي ام امير بعد الكلام دا زعل و فات
الممرضة قالت لي فريد سما صحت و مشى يشوفها فريد فرح و مشى عليها لقاها بتكي مشى حضنها و طبط عليها
__________
بلسان ماهر:-
سوزان اتصلت علي و قالت لي انت وين لساني زله و قلت ليها مع سما في المستشفى قامت شغلت الاسطوانه انا ولا هي و ليه معاها مش هي عندها اخوان و اسي مفروض نكون بنحضر لي العرس و عندنا مواعيد مع ناس الصاله حقت الحنه و الكوفير و لسه ما اخترنا الشيله و لا حددنا العقد و انت مع الشافعه ديك الله يعلم لو هي عيانه اصلا من قالت كدا طوالي زعلت منها و قفلت فيها الخط بدون كلام زاتو بالجد انا بقيت احتار في تصرفات سوزان
___________
بلسان سوزان:-
ماهر مالو اتأخر الليله مفروض نمشي لي ناس الصالة نحجز اليوم و نمشي نحجز عن ناس الكوفير و نشتري كم حاجه من السوق اسي بتصل عليه اشوفو اتصلت علي ماهر و من ما قال لي هو مع الشافعه ديك في المستشفى حسيت انو كل عفاريت الدنيا بتطنطط في وشي و يعد ردحت ليه قفل الخط في وشي كمان الشافعه دي ما لقت تعيا الا الليلة انا متأكدة لو يوم عرسنا عيت ح يخليني واقفه بالزفاف و يمشي ليها بس ما مشكله انا و سما و الزمن طويل اخر زمن الشفع بقو يخطفو الرجال
_______
بلسان الكاتب:-
ام ماهر اتصلت على ماهر تسالو عن الصالة و الكوفير حجزو ولا لا و قام حكى ليها بموضوع سما و انها جاها سكري ام ماهر زعلت عليها شديدو دعت ليها بالشفاء
____
فريد وهو قاعد مع سما
سما بتتكلم مع فريد و بتقول له ليه الدينا قاسية معاي كدا انا عملت شنو في الدنيا دي ابوي الكان بحبني شديد مات و خلاني و امي طلعت خاينه و انا كنت نتيجة غلطه و امي ما حبتني نهائي و حتى عمو محمد السواق كان زول كويس شديد و طيب اتقتل وقت اتخطفت و الانسان الوحيد الكنت بحس معاه اني مختلفة و اني شجاعه و بقدر احسن بالامان و الوحيد الغيرك انت و امير بحبو شديد و ما بقدر اتخيل حياتي بدونو ح يعرس خلاص هو كان
*فتاة ذابلة🥀*
*#بقلم المبدعين سارة وعبير ولمياء وصديق*
(10)
بلسان الكاتبة:-
ام ماهر جابت صينيه الغداء في البرنده وقالت لسما اتفضلي يابتي كان في صحن قيمة وملاح دمعه وصحن سلطه بيضاء طبعا سماا بتفرك بيدينها وبتعاين تحت امنيه قالت ليها يلا نغسل يديناا ساقو سما ومشو غسلو وجو سما بتاكل براحه فوزيه قالت ليها خجلانه مني ولاشنو يابتي سما قالت ليها لالااا قالت ليها طيب اكلي سما بتاكل معاهم وقطوف بتونسهم وبترمي في النكااات وونسو سما لغاية المغرب جا ماهر مع فريد جو داخلين وهم بتونسو وبضحكو فريد سلم على ام ماهر رحبت بيهو وودعو سماا قالو ليهو جيبها لينا تاااني وهم طالعين جا ابو ماهر داخل قال ليهم السلام عليكم ردو ليهو السلام سلم على فريد وسماا ودعوهو وطلعو ركبو العربيه سما كانت مبسوطه شدييد بالزيارة دي وكانت بتحكي لفريد بكل حمااس عن اهل ماهر واخوات ماهر وكيف عاملوها وكيف انبسطت معاهم فريد فرح لانو شافها فرحانه ما عرف كيف حيقول ليها انهم ماشين بيت امهم قال ما حيخرب ليها فرحتها حيكلمها الصبااح رجعو البيت عمل ليها حليب شربت ومشت نامت هي مبتسمه فريد قال من زمان ما حصل شاف سما فرحانه كداا عشان كدا حيخليها دائما على تواصل مع ماهر واهلو
________
على لسان فريد:-
الصباح وانا بوصل سما على المدرسة متردد ياربي احكي ولالا خصوصا انو بكرا الجمعه يعني حقو نمشي البيت قلتا ليها سما عاينت لي قلتا ليها امبارح امير اتصل بي قالت لي مالو قلتا ليها قال لي عايزنا نمشي البيت يعني البيت الفيهو المره ديك قال انو حابب يقضي معانا يوم كاخوان وانا وافقتاا يعني ما شفتا فيها حاجه لو قعدنا معاهو يوم واحد وما تخافي ما حاخليك تتكلمي معاها ولا هي تتكلم معاك رايك شنو نمشي؟ قالت لي عشان خاطر امير بتهون ونزلت مشت المدرسة انتظرتها لمن دخلت حتى مشيت الشركه لقيت امير هنااك قلتا ليهو تستاهل نبخرك عشان نحميك من العين نشاطك مخوفني امير قال لي ما تخااف المهم بكرا بدري قلتا ليهو ان شاااءالله اطمن انا وسما حنكون معاك ودخلتا مكتبي انا ابدا مابحب اني الاقيهاا حصل شفتو ليكم انسان بيضايق من شوفة امو؟ في انا بضايق شدييد
_________
على لسان امير:-
من شدة حماسي عشان اليوم دا يمر سريع صحيت من بدري وصلتا لقيت الفراش يادوبو شغال ينظف في المكااتب قلتا فريد حيتخلع من شوفتي بقيت افكر طريقة ملاقاة فريد بامي حتكون كيف والحيحصل شنو لدرجة اني اتأملتا انهم حيتصالحو وفريد وسما حيرجعو يعيشو معانااا بس قلتا ان شاااءالله
________
على لسان فريد:-
يوم الجمعه لمن صحيت ما كنتا متحمس ابداا وابدا ما كنتا مرتااح مشيت لسما لقيتها بتقرا في سورة الكهف خليتاا وطلعتا لبستا لي قميص سماوي وبطلون اسود طبعا دي اقرب حاجه لاقتني قداامي سما لبست فستان بيجي واتحجبت وطلعنا والاتنين ساكتين لغااية ما وصلنا فتح لينا الباب امير والله ملامح الفرحة ظاهره في وشو فرحتو فرحتناا نحنا برضو لقينا المرة ديك قاعده في سفرة الفطور شكلهم عملو وكانو منتظرتناا سما قالت السلام عليكم والمرة ردت ليها السلام وقعدنا وكل زول فينا بعاين في صحنو ما قادرين نرفع راسنا والاجواء غريبه وسكوت ررهييب امير حاول يكسر الصمت دا وقال لينا اتاخرتو من قبييل منتظركم وواقف جنب الباب بقيت زي المرة المنتظره راجلها وبقا يضحك لمن قال كدا انا بقيت اعاين لامي وابتسمتا ابتسامة جانبيه قلتا ليهو ما كل النسوان بنتظرو رجالهم سكتو ولاحظتا لامي بتعاين لي بعد الفطور الخدامه مشت تعمل جبنه وسما قاعده مع امير يتونسو انا مشيت على غرفة المكتب حقت ابوي بقيت المس في كل محل فيهو واتذكرو فجاءه سمعتا صوتها وهي بتقول لي كنتا عارفاك حتجي جات داخله ومسكتني من يدي قالت لي كنتا عارفاك ما حتقدر تبعد من امك وحتجي قلتا ليها جيت عشان امير وكنتا طالع بس وقفتني لمن قالت لي طيب ليه ما اتكلمتااا ليه ما حكيت لابوك واتجرأتا وقلتا ليهو امي بتخونك عاينتااا ليهاا وقلتا ليهاا 10سنه منتظره شنو من طفل عمرو 10سنه يعرف انو امو بتخون في ابوه وحامل من واحد تاااني عايزاني بكل بسااطةة امشي اقيف قدامو واقول ليهو مرتك بتخونك قالت لي انا كنتا حانزلها كنتا حاقتلها وارتاح منهااا وكدا كنا حنعيش طبيعين بس طالما البت دي معاك انت مستحيل تنسى شي قلتا ليها ما كفااك ذنووب لسه عايزه تزيدي زنوبك قالت لي لو ما انت مشيت لابوك وقلتا ليهو امي حامل اسي انا كنتا اتخلصتا منها قلتا ليها المفروض تفرحي لانو ابوي افتكر انو سما بتو وطول حياتو عاملها كبتو وحباها بالجدد عليك الله ماخجلتي من نفسك انتي تغلطي والبت المسكينه دي تتحمل نتيجة غلطك ذنبها شنو عشان ماتعيش حياة طبيعيه زيها وزي باقي الناس ولا مرة ماعاملتيها على انك امهاا وطول الوقت بتخوفيها منك وعامله ليها ارهاب بالجد انا مستغرب فيكي ابوي بحياتو ما قصر معاك وكل مايعاملك كويس كل ما كنتا بضايق منك الشي الوحيد الكان بربطني بيك ابوي وبعد وفاتو مافي شي عشان كدا انا وسمااا
*فتاة ذابلة🥀*
*#بقلم المبدعين سارة وعبير ولمياء وصديق*
(9)
بلسان الكاتبه:-
فريد ضييف البت وسألها من سبب الزياره بكل لطف قالت ليهو انها شغاله توصيل قالت ليهو انتو طلبتو كتب عن طريق النت وانا جيت اوصلها طبعا فريد خطر في بالو كم سؤال في اللحظه دي بس خجل يسألها اداها حق التوصيل وكانت ماشه بس شافت سما نازلة وكانت ملامحها هادئه شدييد ماشه براحه زي الزول الحيلو مهدود وقفت في الصالون فريد انتبه ليها قال ليها حاسه نفسك احسن هزت راسها باي احسن البت جات لسما قالت ليها حلاااتك اسمك منو سما ردت ليها وقالت ليها سما البت قالت ليها اسمك سمح زيك انا تسابيح ❤️ ممكن تناديني سبوحه ولا بوحه ببوحة سابيح بدون تاء البنفع معاك يازولةة وبقت تضحك عاينت لقت سما وفريد بعاينو ليهاا قالت ليهم عن اذنكم وطلعت فريد عاين لسماا لقاها بتعاين ليهو قالت ليهو سمعتها قالت اسمها تسابيح قال ليها ويعني رفعت ليهو كتافينها نظام ماعارفه حبيت اذكرك باسمها بس فريد عاين ليها ومشا على المطبخ قال ليها تعالي وراي مشت معاهو عمل ليها عصير منقة وقال ليها انو قال لعلا تجي عشان تشرح ليها الفاتها عشان تكون جاهزه للامتحانات ووافقت
________
على لسان ماهر:-
قاعد في مطعم منتظر الست سوزان تجي عشان تشرح لي الهببتو دا شنو شوية وجات داخله وبكل نفس مبسوطه وبتسلم قلتا ليها تشربي شنو طلبت سيندتوش وعصير قلتا ليها سوزان دا شنو العملتيه دا؟قالت لي بسم الله اسي انا عملتا شنو قلتا ليها ماتستهبلي عارفه نفسك عملتي شنو مش حضرتك مشيتي بيتنا واتفقتي مع امي على العرس وحددتو والعريس اخر من يعلم سوزان قالت لي حبيبي رووق الموضوع مامستاهل الانفعاله دي كلهاا مش انت قبل كدا قلتا لي اول ما تخلص من موضوع مشروعك وتعمل المعرض الخااص بيك وقتها حنبدا نخطط لعرسناا وحلمك حققتو تاني المانع شنو انا قلتا احدد العرس واعملها ليك مفاجااءه ما عارفه انفعلتا كدا ليه افتكرتك حتفرح بس شكلك ما متحمس قلتا ليهاا والله متحمس وانا لو علي نتزوج الليله قبل بكراا بس انا كمان قلتا اني ما حاعمل عرسنا الا اذا قدرتا اوفر ليك نفس العيشه العايشاها في بيت ابوك وياريت تفهمي سوزان قالت مابهمني ما عايزه اعيش نفس العيشه انا عااايزه اكون معااك بس ماشااايفه سبب مقنع لرفضك قلتا ليها انتي متاكده؟ ماحتندمي بعدين قالت لي لا ما حاندم انا بس عايزه اكون معاك انا قلبتا الموضوع في راسي يعني بالجد ماعندي سبب مقنع للرفض البت انتظرتني واتحملت كتيير فدا اقل شي ممكن اعملو عاينتا ليها وقلتا ليها طيب بعد شهرين حنعمل عرسنا البت دي فرحت فرح يعني شوية وكانت حتصرخ لو مامسكتهاا بالجد خلعتني سقتهاا ووصلتها بيتهم وانا في الشارع ضرب لي فريد بقينا نتكلم سألتو من سما قال لي زي ما هي وبقت هادية شدييد قلتا ليهو جاي عليكم انا قال لي اتفضل طوالي
__________
على لسان امير:-
واقف ورا امي وهي قاعده بتاكل في صحن فواكه جيت قعدتا معاها مدت لي الصحن وقالت لي شيل بس انا ابيت بقت تااكل انا قاعد ومتردد عايز افتح موضوع مع امي بس ما عارف ابدا من وين قالت لي مالك زي المتوتر بقيت اعاين ليهاا قلتا ليها عايز سما وفريد يجونا يوم الجمعه يقضو معانا اليوم فكنتا عايز اعرف ردة فعلك بس قالت لي البيت بيتهم يجو اذا جايين فرحتا طبعا كنتا خايف بدون سبب تاني فكرتا انو اقناع سما للجيه سااهل بس فريد دخلتا غرفتي ومسكتا التلفون وضربتا لفريد ردا لي قلتا ليهو ممكن اطلب منك طلب كاخوك الصغير وانت توافق عليه كاخوي الكبير قال لي اخوك الكبير الانت ما احترمتو وضربتو وقليت ادبك علي ولا واحد تاني؟ بالجد في اللحظه دي غاظني شدييد بس قلتا مامشكله قلتا ليهو فريد انا عارف نفسي غلطاان بس انت بتبارد معااي وانا بكون زول جااادي وبردوك بحرق الاعصاب صراحه يعني قال لي اختصر طلبك شنو والله قربتا اقفل الخط في وشو بس قلتا اتحمل يا اميرر عشان تعرف المخبى لازم تتحمل قلتا ليهو عايزك تجي مع سماا بيتنا يوم الجمعه وتقيلو معانا عايز لمرة واحده احس بشعور العيله وانت بتعرف اني كم مرة طلبتا منك الطلب داا ما تكسرني يا فريد ووافق ولو انت خايف على سما انا وانت حنكون معاها وماحتجيها عوجه اطمن عليك الله تعالو لينا الجمعه وصدقني تاااني ما حاطلب منك شي فريد عشان خاطر اخوك امير عندك معقولا ماعندي خاطر عندك سكت مساافة بعدين قال لي طيب يا امير يوم الجمعه باذن الله حنكون معاك انا وسماا في بيتكم والله فرحتا فرح لمن قال لي كداا لمن اتحمستا قلتا ليهو طيب
__________
على لسان فريد:-
ما استغربتا من طلب امير لانو كتيير طلبو بس المره دي اصرا شدييد فاضطريت اوافق وقلتا اني طول الوقت حاكون مع سما وما حاتعاطى مع المرة ديك اثناء قعدتي الباب دقا مشت اماني فتحت الباب كان ماهر سلم وجاني داخل قال لي تسمح لي اسوق سما معاي بيتناا بتعرف اجواء بيتناا مع امي واخواتي احتمال يعني تروق شوية قلتا ليهو والله فكرة حلوة انا ليه مافكرتا فيها طيب سوقها معااك مشيت
*فتاة ذابلة🥀*
*#بقلم المبدعين سارة وعبير ولمياء وصديق*
(8)
بلسان فريد:-
بقيت واقف بعاين ليهاا رفعتا يدي وبقيت امسح في جبهتي قلتا ليها عارفه غلطان انا الجيتك الغلط كلو غلطي انا انتي مابتغللطي اسف على الازعااج طلعتا من البيت ومشيت على القسم واتنازلتا عن الشكوى وطلعتا الشابين ديلك وبعدين سألتو انت من وين عرفتا انو ابوي سبب المشكله الحصلت انا ابوي انسان طيب شدييد يعني الصغاار بعتبرهم اولادو والكبار بعتبرهم اخوانو فاكييد في شي غلط ابوي ما بعملها قال لي مابعرف بس ابوي قال لي انو ابوك السبب قلتا ليهو حيجي يوم الاقي ابوك وافهم منو الحصل قال لي كوويس ومشو بعد مشو جاني اتصال من امير رديت ليهو قال لي الدكتور قال بنقدر نطلع سماا من المستشفى وانا سايقها معاي بيت امي قلتا ليهو امير لو عايز تخرب نفسيات البت وتمرضهااا وتخلي صحتها تسوء وديها لامك قال لي كيف يعني مافي ام بتأذي ولدهاا وبعدين امي انسانه كويسة شدييد ضحكتا ضحكه جانبيه وقلتا جواي والله انت مسكين ما عارف شي وقلتا ليهو امير عليك الله اتصرف بعقلانيه وودي سما بيتي انا وانا حالحقكم واتفاهم معااك قال لي طيب حاوديهاا بس اول ماتجي حتحكي لي مشكلتك مع امي شنو ظااابط وقفل الخط في وشي بقيت اتأفأف
_
على لسان ماهر:-
دخلتا لسما مما شافتني ابتسمت فابتسمتا ليها وجيت قعدتا جنبها قلتا ليها كيف حااسة قالت لي كويسة شوية وجا امير داخل قال الدكتور قال ليهو بيقدرو يطلعو سماا وهو كمل الاجراءات عشان نطلعهاا لغاية ماجهزوها وطلعنا مشيت معاهم لغااية البيت ومعاهم اماني (ننه) المرة الخاتيها فريد عشان تهتماا بسماا تلفوني دقاا لقيتهاا امي رديت ليهاا قالت لي كيفك ياولدي حتجي متين؟ قلتا ليها شوية كدا وبجي في شي ضروري قالت لي ما اتكلمتا مع سوزان قلتا ليها ليه خير في شنو؟ قالت لي خلاص تعال البيت وحاحكي ليك قفلتا منها وانا بفكر الحصل شنو..
بلسان سما
... بعد ما امير ساقني وقربنا نوصل البيت اخدت لي غفوة واناا نايمه...سامعه صوت
امي بتصرخ بعد ما كسرت كباية المويةة انتي طول عمرك عايشه عشان تخربي حياة الناس اريتك لو متي ي ريت لو فريد خلاني اقتلك انتي عاهه في المجتمع دا تستاهلي مصح عقلي يا منفسنه يا مريضه عقليا دي شنو بلوة شنو اريتوو ربنا ياخدك وفجاءة بقيت اصرخ امي لااا لا ي امي معليش م قاصده عايزة فريد اناا وينوو انا عايزة فريد عايزة فريد وامير بقى يتكلم معاي سما حبيبتي مالك شكلك بتحلمي الحمه نزلت حمدلله ورراجعين البيت فريد حيجي اسي وضماني عليه بقى يهدي فيني
وانا صحيت مخلوعه اول م وصلنا البيت ..امير وصلني الغرفه وجهزو لي عصير وشوربه وجابوهم لي امير باكل فيني زي الطفله الصغيرة بحنس فيني بعد شوية قال لي الامير الوسيم الف بت تتمنى تاكل من يدو والله كتب من نصيبك تاخديي نصيب الالف ابتسمت ليه ..
بلسان امير...
ماشين على البيت فجأه سما بقت تصرخ ما عارفها مالا والحاصل شنو بس بتقول امي لاا لا ي امي م كنت قاصدة وفجاه بتنادي فريد وانا اخترت امي مالا مع سما والحاجه البتخلي سما تخاف من امي كدا شنوو والبعد والجفا البينهم وليه ماعايزين يحكو لي لاااازم احل الموضوع دا الليله ولازم احسموو
____
بلسان ماهر ...
بعد مكالمه امي فضلت محتار معقوله سوزان شكتني لامي وانا صالحتها لكن والغريب هي ما كلمتني ..وصلت البيت امي قالت لي عريسس الموسم قلت ليها منو العريس م بدري ي حجه قالت لي عايزة افرح بيك والله وقبيل سوزان جات واتكلمت معاها في موضوع عرسكم قلت بعد شهرين اهااا رايك شنو ي ولدي طبعت زعلت شديد منهم قلت ليها هل انا م راجل ولا م مالي عين سوزان لم تقرر حاجه زي دي براها هل ما بعرف اقرر مصيري وانا اصلا عايز اظبط اموري ويادب بداية مشروعي بعد اصل للعايزو بفكر وهي حسابي معاها لم القاها
__
بلسان فريد
وصلت البيت لقيت امير مستني في الصاله وسما نامت قال لي لازززم اعرف الحقيقه كامله من حقي اعرف لو يوم اعتبروني جزو من العيلة لا انت معتبرني ولا امي ولا عايزين تختوني في الصورة ولا ما من حقي؟؟؟
طبعا م اتكلمت معاه فضلت اعاين لي بس وب بروود امير عصب وبقى يكورك ويعلي في صووتوو انت مالك بارد كدا امي مالاااا عملت شنووو اناا عارف استحاله ام تأزي بتهااا اناا عارف انت مالي راس سما امي طيبه وحنينه وانا بعرفها كيف انت قلبك يسمح ليك تفرق ام وبتها انت م انسان اتكلم رد برر لنفسك قول حاجه وبرودك دا البخليني اثق تماما انك انت الغلطان انت كيف بتكره سما في امهاا بتعرف يعني شنووو ام ...طبعا انا قابلت ببرود فجاة اماني جات جارية سما بتكورك الحقوووهااا وجرينا عليها لقيتها بتصررخ ماما ماتقتليني ماما ليه بتكرهيني مامااا انا عايزة فررييد