995
🌺الشعر 🌺عبارة عن موسيقى ينقرها طائر جميل على مواجع القلوب♥ وهو لغة المشاعر وترجمانها وحديث الارواح ومناجات الأحباب وسلوة الولهان🌹 لكم متابعينا ننقل اجمل الأبيات وارقاها من بساتين الأدب الوارفة
الحب ،، ورد والشوق والقلب بستان
والنبض غيمه ،تمطر الود ب الروح
،
والذوق ،، كل الذوق لو كنت ،؟هيمان
بين الخجل والصمت تطرب مع البوح
يامبتعد عن نبض قلبي مسافات
لاتحسب انه يخــلف البعد ظني
قدرك بقلبي حي. لاتحسبه مات
مــــاهزته بــعد المــسافات عني ♥️
يافارج الشـدات ياخالق الكون
يالواحد اللـي كاملٍ فـي صـفاتك
.
انت الـذي موجود والخلـق يفنون
كل البـشر تحتار فـي مـعجـزاتك
.
يامعطي الجنه لك الخلق يرجون
كلٍ يبـي فضلك وزود احسناتك
ربن كريم وعندك الرزق مضمون
مالك شريكٍ في صفاتك وذاتك
لا صرت عن يوم الصغيرات غايب
وشلون احطك في وجيه الكبيرات
نبقى ..على الود المزيّف .. حبايب
خلك قريب .. الا نهار .. المهمات
#رسالة_اليوم
.
من الطبيعي نختلف بـ المفاهيم
لكن ماتاصل حدود العداوه
.
وان كانها تحتاج وقفه وتعليم
الخبل جنب عنه والذرب خاوه
.
حاول تصير اقرب من اللام للميم
للخير واختر بـ العلوم النقاوه
.
دايم يمين الدرب درب الشغاميم
احذر عظامك لا يجيها رخاوه
.
#صالح_الناصر
لي رفيقٍ لا ذكرته وصدري مستضيق
ابتسمت وقلت للضيق هات اللي وراك
والله لوتملك من المال مليار
وانته قليل الدين مالك سعاده
أن كان تبغالك معزه ومقدار
خل اجتهادك في كثير العباده
ترى صلاتك هي نجاتك من النار
وعدوك الشيطان واصل جهاده
واطلب ولي العرش لاصرت محتار
هوالذي يغفر؛،،،،،، ويرحم عباده
عليك باللي حزة الضيق يفداك
لا شانت الدنيا ودارت رحاها
لا من زهمته لو على الموت لبّاك
عيني لجل عينك وروحي فداها
ترى الخوي نبراس روحك وملْجاك
لا كلّحت بقعا وزادت غثاها
من معطيات التجارب واختصار الكلام
أنجح عقول الخلايق فالزمن أربعه
َمن فضّل الصمت لا زادت هروج الانام
ومن ينثر الطيب لا شاف العرب تجمعه
َومن شاف زلة رفيقه في طريقه و شام
ومن بر في والدينه بره بينفعه🌷🍃
⠀
العمر مرّه والقلوب البيض ما تبغى دليل
والناس لاطابت نواياها تطيب حظوظها
ترا الابتسامه والبشاشه تفك الضيق
تبسم وقل هالابتسااامه لوجه الله
تفائلوا وأبتسموا وجاهدوا انفسكم لنسيان اوجاع الامس فالقادم أجمل باذن الله..؛؛
صبااحكم سعاااده 🍃💜
⠀
خل الأمل ينبت ولا تدفن الورد
حلو الأماني تعطي الناس راحه
تراك لولا الصيف ما تعشق البرد
ولولا الأمل ضاقت عليك المساحه🌷🍃
⠀
#لقائلها
⠀
✍
رغم المسافة وابتعادك عن الشّوف
الشّوق يرسم لي ملامح عيونك
أموت لك مليون مرّة من الخـوف
يا واحد عيت حياتي تخونـك
يا كيف أخونك وأنت مولود بالجـوف
وبين الحنايا منك نور يصونك
إِذا وَجَدتُ أُوارَ الحُبِّ في كَبِدي
عَمَدتُ نَحوَ سِقاءِ القَومِ أَبتَرِدُ
هَبني بَرَدتُ بِبَردِ الماءِ ظاهِرَهُ
فَمَن لِنارٍ عَلى الأَحشاءِ تَتَّقِدُ
✍️ عُروة بن أُذينة
الصدفه اللي جابتك دون ميعاد
فرصه وأنا من فرحتي مغتنمها
تاريخها عندي مثل عيد ميلاد
تستاهل أحفظ يومها وأحترمها
🦋
إسمع گـلام القلب .. وتعيـش فاهـم
نصيحة إللي ما درس .. هندسه وطب
گـل شئ ...تقدر تشتريه الدراهـم
🔤إلا سنين العمر .. والحظ والحب 🔤
⠀
ياطائر الأشواق أمسيت محتار
أبغي جناحك في زيارة قصيرة
أزور من يهواه قلبي ويختار
وأسكب دموع الشوق عنده غزيرة
وأحكي له الفرقة قصائد وأشعار
وألقي على الأحباب نظره قصيرة🌷🍃
⠀
يامن تحس إنك تعيش بلا أمل
وإن الحياة اشبه بصحرا قاحلة
تدرك بصبرك والقليل من العمل
إن الأمل بحرٍ ، تقف في ساحله
نطوي مع الأيام عـام ٍ ورا عـام
وتمر ساعات الفـرح فـي دقايـق
أيام راحت بالعمر مثـل الأحـلام
يوم ٍ بهـا زعـلان وأيـام رايـق
درست من دنياي وأتعبت الأقـدام
وبدلت عن بعض الطرايق طرايـق
وكفخت بأفكاري كما الطير لا حام
وما عاقني عن ماكـر العـز عايـق
يا صاحبي خذني معك سيف وحزام
وياك في وقت الرخـا والضوايـق
وترى البشر يا خوك منقسمه أقسام
بين الردي والطيب شفت الحقايـق
لقيت من صلى وزكى ومن صـام
ولقيت من هو لأقرب النـاس بايـق
ولقيت من قلبه حقـود ٍ ونمـام
ولقيت من قلبـه يعـز الرفايـق
ولقيت من يبني الأمل فوق الأوهام
واللي يموت ولا يعـرف الاالعوايـق
ولقيت من يملك بساتيـن وأنعـام
واللي من الحاجة ينـام متضايـق
الله خلق هالخلق سـادة وخـدام
ذي دبـرة الرحمـن رب الخلايـق
وآخرك يابن آدم ترى قطعة الخـام
أمـراً أكيـد وما يبيلـه وثايـق
يالله عسى ما أكون قطاع الأرحـام
وعساي من عقب القبر في حدايـق
جاك الكلام وخذ معه بصمة إبهـام
إن العمـر كلـه مجـرد دقايق
#مطلق_الثبيتي رحمه الله
#عام_هجري_جديد_1445
#العام_الجديد_1445
صبرك على الدنيا ولوكنت مهموم
كثر الزعل ماجاب للنفس راحه
.
تزعل وترضى والقدر شي محتوم
والعبد يلقى بالتوكل فـــــلاحه
.
والله كتب للخلق ماكان مقسوم
ماضاقت الدنياء وفيها مساحه
.
سامح وبايح واترك الحقد واللوم
خلك كريم وفيك عفوا وسماحه
.
سعود عايد العلوي
يا ضايق الصدر بالله وسع الخاطر
دنياك يازين ماتستاهل الضيقة
•
•
•
يفداك قلب على ما تشتهي حاضر
يفداك باللي بقى لي من معاليقه
ما فات خله ولا تهتم من باكر
واغنم من اليوم ما ساقت توافيقه
اربع لهن وقتٍ محدد ومفروض
ردّي وفزعاتي وشغلي وفرضي
والأربع اللي فيهن المزح مرفوض
كرامتي وارضي وديني وعرضي
( أشوف الأحلام ماهي تشبه أحلامي
كل ما تخيّلت حلمي ضاق بي صدري !
مدري إلى الحين ماجات أجمل أيامي
أو أجمل أيامـي مرّتـني .. وأنا مدري )
_ أبيات مرتني _ لا أعرف شاعرها _ لكنها جعلتني أتساءل : هل فعلاً تمر بنا أجمل أيامنا أحلامنا ونحن لاندري ؟!
قالوا علامك شارد الفكر مسلـوب
قلت اعذروني ماعـرفتو بالاسباب
قالوا تريث فالـهوى دوبك ودوب
قلت السموحه راعي الحب منصاب
قالوا تغلى واثقل اتكون مـحبـوب
قلت الثقل بالحب كم فرق احـباب
اللي نسى قدر المحبة نسيناه
والله يسامحنا ويخلف .. تعبنا
وإن مر له طاري وسيره مدحناه
ماهوب من طيبه لكن من أدبنا
عز الله إنّا في الشدايد عرفناه
محبته ذنب ومن الذنب .. تبنا
يوم إنها طيب ومواقف غلبناه
ويوم إنها كذب وضعافه .. غلبنا
.
يارب تسعد ضـايق الصدر والبـال
عجل فرج مخلوق بالحيل ضايق
بدل عسر دنياه في يسر الاحوال
وعسى مزاجه وين ماراح رايق
لا بارك الله فالجروح المقيمه
الي من اغلى الناس وشهو دواها؟
،
لو كان اغلبها بجسمي قديمه
لابد يسهرني الوجع من حداها .
🙈
كان المعزه عندكم .. يوم وأسبوع
ثم تنتهي مع دورة الوقت وتضيع. ،
حنا المعزه عندنا .. راس مرفـوع
لامن شرينا شخص مانقدر نبيع ،
طال الغيـــاب وطال فيك انتظاري
وانامن اجلك ساهـــــــــر الليل كله
يانجـــــم قله ماحصل وانـت داري
مايسهر الا من فقد شـــــــوف خله
حبه بقلبي باالشــــــــــرايين جاري
ثابت ولا غيـــــــره سكن في محله
ان بايعود قبل مااعلن طــــــــواري
والا تعنيته وخــــــــــــذته من اهله
من اجل مااراشي واجيب اعتذاري
وقبلنا باالحـــــب عنتـــــــــر وعبله
مالي بغيـــــــــره لو بحــــبه دماري
اخترت حبه لوفنا العمــــــــر لاجله
هذا قصيــدي فيك حسب اختياري
ياطير خذ خطــــــــي بالاجناح شله
يامساء الـشوق وإحـساس الغياب
ويا مساء اللـي ذكـــر خلّه بخير
مــن ذكـرته انـفـتـح للقلب بـاب
ھـمـّي المعتاد والـشـوق الـكثير
.❣