Hikoyalar (G&M)

14 February 2023 14:01

Тўрт йигит сабзи, пиёз артяпти. Икки йигит қозон-ўчоқларни ўрнатиш билан овора. Маҳалла ошпази гўшт майдалаяпти. Набиралар эса сув ва ўтин масаласини ҳал қилмоқда.
– Тўй бошладингизми? Нега мен бехабар қолдим? – дедим ҳайрон бўлиб.
– Тўй эмас. Бугун биз билан чиққанларни меҳмонга чақиряпман, – деди ота.
– Йўқолган қўйнинг терисини топгани учун бир қўйни сўйиб уларни меҳмон қиласизми? — сўрадим ҳайратим янада ошиб.
– Уларда нима айб? Қўйим тирик бўлганда тиригини топишарди. Териси қолгандан кейин терисини топишадида, деди ота кулиб. Бир қўйни деб тўрт кун сарсон бўлган, терисини топиб, ҳашарчилар учун яна бир қўй сўйган одамнинг ҳазил учун ўзида куч топганига қойил қолдим. Чақирилганлар келгунича ота икковимиз суҳбатлашиб ўтирдик. Шу суҳбат давомида отани гапга солиб, мени қийнаётган саволларга жавоб топдим.
– Ҳовлимдаги барча жонзот учун Аллоҳ олдида мен жавобгарман. Уларнинг емиши, суви, соғлиги ва тинчлиги менинг зиммамда. Менга тегишли бирон жонивор оёғи синибми ёки ботқоққа ботибми йўқолиб қолса, мендан нажот кутади. Мен уни топмасам, унинг ўлиши аниқ. Жони қийналганида у мени қарғайди. Қарғиши менга ёки болаларимга урмаслиги учун мен қанча харажат кетишига қарамай, уни албатта топишим керак. Қўй йўқолганининг иккинчи куниёқ унинг ўлиб бўлганини билардим. Кўнглим хотиржам бўлиши учун, йўқолган қўй менинг айбим билан ўлмаганини билишим ниҳоятда муҳим эди. Қўйимни кимдир ўғирлаб, кейин сўйиб олгани айбсиз эканимни кўрсатди. Шунинг хурсандчилигига яхши одамларни меҳмонга чақирдим. Масаланинг иккинчи томони ҳам бор. Бугун меҳмонларга ваъда қилингандек беш сўмдан пул бераман. Яхши биламанки, ҳеч ким пулни олмайди. Қўй сўйиб меҳмон қилганим учун эса мен Худонинг олдида ёлғончи бўлиб қолмайман.
– Сиз “Кичик шаҳзода” деган китобни кўргансизми? – деган саволимга ота –“йўқ” деб жавоб берди. Ота Сент-Экзюпери деган ёзувчи тўғрисида ҳам эшитмаган экан. У бироз ўйланиб турди-да: “Ўша ёзувчинг нима деб ёзган?” деб сўради.
– Бир ёш болага “Яшаган сайёрангни тоза тут. Ўтқазган Ҳар бир кўчат, боқиб олган ҳар бир жониворинг учун сен жавобгарсан”, дегани учун бутун дунёга машҳур бўлган.
– Яхши ёзувчи экан. Лекин биз бу қоидага минг йиллардан бери амал қилиб яшаяпмиз.
Отанинг суҳбатидан кейин ўзим учун бир сирни очдим: БУЮК ФАЙЛАСУФЛАР ҲАМ ОЛТИНГА ТЕНГ ФИКРЛАРНИ ОДДИЙ ОДАМЛАРДАН ОЛАР ЭКАН.
Азиз ўқувчи, халқимиз минг йиллардан бери қадрлаб келаётган қадриятларга амал қилинг. Алибек отадек дўстлар топинг. Бундай дўстларингиз кўп бўлса, сиз албатта дунёни яхши томонга ўзгартира оладиган инсонга айланасиз.
Олимжон Зоҳидов

@Hikoyalar

Hikoyalar (G&M)

14 February 2023 14:01

Ҳаётий ҳикоя: Йўқолган қўйни топганга икки қўчқор

(Ҳикояда ўтган асрнинг саксонинчи йилларида Жиззахда содир бўлган воқеа тилга олинади. У даврда ўртача ойлик маош 80 сўм, яхши бир қўй 150 сўм атрофида бўлган).
Дўстим Эрали пайшанба куни ишдан кейин шундай деди:
– Мен директордан эртанги кун учун жавоб сўрадим. Кеча отамнинг бир қўйи йўқолиб қолган эди. Бугун излаб топишолмабди. Эртага барча қариндошлар бирга қидирадиган бўлдик.
Уйга етиб боргунча ҳам дўстимнинг сўзлари ҳамон қулоғимда эди. Бунга сабаб йўқолган бир дона қўйни топиш учун шунча одам овора бўлаётгани мени ҳайрон қолдирганди. Ўғил сифатида дўстим Эрали ҳам отасига йўқолган қўйни топишга кўмаклашиши табиий ҳолдек кўринса-да, қўл остида ўттиз нафар ходим ишлаётган, ҳар куни ўн минглаб қўй сотиб олишга етадиган пулларни у ҳисобдан бу ҳисобга ўтказувчи бош ҳисобчининг далама-дала юриб қўй излаши, менга жуда эриш туюлаётган эди. Эртаси куни кечда бир никоҳ тўйининг базмида ўтирсак, бошловчи эълон борлигини айтиб қолди. Ҳамма ҳушёр тортиб эълонга қулоқ осди.
– Уч кун бурун Алибек отанинг бир қўйи йўқолганидан ҳаммангизнинг хабарингиз бор. Ҳалигача ўша қўй топилмади. Эртага қўйни қидиришга бирга чиқиб, қўйни топганга ўша қўй ёки икки қўчқор мукофотга берилади. Қидиришга чиққан барчага беш сўмдан пул берилади. Соат олтида мактабнинг олдида йиғиламиз.
Дона-дона қилиб айтилган эълоннинг барча сўзини аниқ эшитган бўлсам-да, қулоқларимга ишонмасдим. Одатда йўқолган қўй ёки эчки икки кун қидирилади. Кейин қидиришдан фойда йўқ. Чунки икки кун ичида қаровсиз қолган қўй ёки эчкини бўри ёки шоқоллар еб кетиши кундай равшан. Алибек ота эса уч кун бурун йўқолган қўйини бутун қишлоқни овора қилиб излаши менга мантиқсиз кўринди. Энг қизиғи эса мукофот эди. Топилган қўйни топганга мукофотга берса ва яна бир қўчқор атаса, қолганларга эса беш сўмдан пул берса, бу қўйни қидиришдан нима наф борлигини ҳеч тушуна олмадим.
Эрали дўстим, Алибек ота қадрдоним, шанба дам олиш куним бўлгани учун соат олтида мен ҳам қўй қидирувчилар сафида эдим. Қўй қидириш режаси жуда пухта тузилган экан. Эралининг тоғаси барчани гуруҳларга бўлиб, уларга қидириш учун чегараларни аниқ белгилаб берди. Ҳар бир гуруҳга йўқолган қўйни танийдиган бир одамни масъул этиб тайинлади. Йиғилганларга мурожаат қилиб, бўри ёки шоқол еган бўлса терисини топиб келадиган даражада синчиклаб қидиришларини сўради. Сўзининг охирида барча қаерда учрашишини айтди. Қидирувчилар кўп бўлгани учун ёши катталар гуруҳларга бўлинмади. Лекин улар ҳам уйларига қайтмай, Алибек отага қўшилиб учрашув жойига йўл олдилар. Улар орасида мен ҳам бор эдим. Қидирувчилар орасида бир мен водийлик бўлганим учун, уларнинг суҳбатларига қўшилмай четроқда борар эдим. Алибек отанинг юзларида ҳорғинлик, кўзларида эса уйқуга тўймаганлик аломатлари кўриниб турарди. Оти, элликдан ортиқ қўйи, ўнга яқин сигир бузоғи бор, камига ўғиллари топарман-тутарман бўлган бу отанинг эллик одам билан қўй излаши менга ғалати туюлар эди. Билмаган одам “ота жуда хасис одам экан”, деб ўйлаши мумкин. Лекин отанинг хасис эмаслигини мен яхши билар эдим. Ота ҳар сафар бизнинг уйга кириб келганида атрофга яхшилаб назар солар эди. Ичкарига кираётиб албатта:
– Бирон жондор ҳовлингда боғлиқ турсин –деб қўяр эди. Бу ҳолат тўрт- беш марта такрорлангач, менга астойдил насиҳат қилди.
– Ҳовлингга ёмон кўзли бирон одам кирса, унинг назари аввало мол ёки қўйга тушгани маъқул. Мол топилади. Сен оила аъзоларингни эҳтиёт қилишинг керак – деди. Авваллари фарзандларимни озода ва чиройли кийинган ҳолда кўриб аёлимга “Келин, болаларга эски-туски нарсалар кийдиринг, юзлари ҳам кир-чир юрсин, шунда бировнинг кўзи тегмайди” деб бир неча бор насиҳат қилган эди. Отанинг ҳовлида албатта бирон-бир жонлиқ туриши лозимлиги ҳақидаги гапини маъқуллаган бўлсам-да, яна ўз билганимдан қолмадим. Кейинги гал келганида мендан ростакамига жаҳли чиқди.

Hikoyalar (G&M)

14 February 2023 06:07

ГАЗ

Фейсбукка кирсам, ҳаммаёқни газ босиб кетибди. Ҳатто газеталарда ҳам газ. Кимни қараманг, газ-газ деб газини босяпти. Айримлар газ бермаяпти деб одамларга газини бериб ётибди. Оммани бунақа газлаш яхшимас. Бир газ олса, кейин тўхтатиб бўлмай қолади. Тўғри, ҳаммаёқни газлаштириш керак, ҳар бир уйга газ кириши керак, бўлмаса, шунақа газлайверилади, аммо, кейин газимиз чиқиб қолмасин деб ҳам хавотир оладида одам.
Газандаларга фарқи йўқ, одамларни газлаб қўйиб, кейин газланганларни томоша қилиб ўтираверишади, оқибатда эса газпурушлар алмашади, холос, барибир газлаштиришмайди. Шунинг учун газни эмас, ўзни босиш керак. Газласа ҳам, ақл билан, тизимли равишда газлаш керакки, гаплар қуруқ газ бўлмай, аҳоли ростан ҳам газлаштирилсин.
Ижтимоий тармоқларда ҳамма газ олаверади, бироқ, ташқарига чиқса, кўпининг гази чиқиб кетади. Шунинг учун одамларнинг газига жуда ишониб ҳам бўлмайди. Икки эн газлама бериб: «Бўлди энди, газлама», деса, кўпчилик газаги кетиб, газламай қолади.
Тилни бир газ қилиб газ деган билан газ бўлиб қолмайди-ку, ахир. Газонда газли сув ичиб ётиб газласа, газ келармиди?!
Айтишларича, айрим ғаразгўйлар газни атай тутиб турганмиш. Қўйвор газни, деб қўйворсангда...
Баъзилар газ қўйворганми, билмадим, ҳаммаёқни газ ҳиди тутибди. Айримларнинг гази бор шекили, сўзлари чалкашиб ётибди. Одам дегани азгина газ уриб олса, гази бўлса ҳам қизиқишга газлайверадими дейманда.
Газчилар эса жим. Билмадим, газ қўйворишганми ёки газлари етарлими, бир оғиз ҳам газ дейишмайди. Ёки уларнинг газларини суғириб олишган, умуман газ йўқ, шунга қимирлаша олмайди. Баъзи ишларни кўриб ўйлаб қоласан, газчилар ҳам газчи шекилида, бўлмаса, шунчалар ҳам газсиз қоладими одам?!
Хуллас, газда гап кўп. Етар шунча газлаганимиз, энди қуруқ газ деявермай, керакли чораларни кўриб, ҳуррият ва тараққиёт сари газини босиш керак.

Hasan al-Muqriy facebook sahifasidan

Hikoyalar (G&M)

12 February 2023 16:37

«Ўлимимдан икки ой ўтиб ўғлим уйланди.

Олти ой ўтиб, қизим туғилган кунини нишонлади.

Бир йил кечиб хотиним бошқага турмушга чиқиб кетди.

Лекин вафотимга ўн йил бўляпти-ки, онам ҳали-ҳануз йиғлайди».

© Мубашшир Аҳмад

Hikoyalar (G&M)

10 February 2023 18:26

Она келиб олис қишлоқдан
Ўғли билан яшай бошлади
Ва дастурхон ёзилган чоқда
Ширмой ноннинг четин тишлади.

Ювиб берди бир бозор кирни,
Сувлар қуйди сўлган гулларга.
Неваралар боғчадан қайтгач,
Эртак айтиб берди уларга.

Авайларди хонадон тинчин,
Суйган ўғли уйнинг бурчида,
Қоғоз узра эгилганча жим
Шеър ёзган пайт тутун ичида.

Қадам босиб хавотир билан,
Қўрқар эди нафас олишга.
Тунлар хуррак тортмай дея у
Бош қўярди тонгда болишга.

Аммо бир кун мазаси қочиб,
Кўз олдида ёруғлик сўнди.
Қўлларидан тушиб кетди-ю,
Чил-чил бўлиб пиёла синди.

Ўша заҳот ҳушига қайтди,
Чайқаларди ўнгида олам.
У югуриб чиққан ўғлига
Шивирлади: «Кетайми, болам?»

Хуршид ДАВРОН

Hikoyalar (G&M)

09 February 2023 06:02

ҚАРҒИШ ТЕККАН ОДАМНИ ДАВОЛАБ БЎЛАДИМИ?
(Битта орган ходимини даволай олмаганим ҳақида)

Тиббиёт академияси талабаларига асаб ва руҳият бузилишларидан маърузалар ўқисам ҳар доим айтаман: агарда бемор бир нечта докторлар ва клиникаларда даволаниб шифо топмаган бўлса, демак у оғир тузалмас дардга мубтало бўлган ёки психосоматик касаллиги бор. Дард бергувчи ҳам, шифо бергувчи ҳам Оллоҳ. Биз шифокорлар эса сабабчи холос. Психосоматик бузилишларни албатта даволаса бўлади. Бироқ шундай беморлар бўлади-ки, ҳар қанча уринсанг ҳам уларни даволаб бўлмайди. Нега шундай?

Ўзим гувоҳи бўлган бир воқеани сўзлаб бераман. Милицияда ишлаб нафақага чиққан эллик ёшлардан ошган бир киши менга мурожаат қилди: “Кўп йиллардан бери қўрқув, хавотир, ваҳима безовта қилади, кечалари қўрқиб уйғониб кетаман, ёмон тушлар кўраман, юрак ўйноқи бўлиб қолганман, қон босим ҳадеб ошаверади, қалбимга чироқ ёнса ёнмайди. Таниқли доктор, табиб ва психологларга борганман, бироқ натижа йўқ. Невроз ва депрессияга қарши турли хил дориларни ойлаб, йиллаб ичаман, бефойда. Яшаш шароитим жуда яхши, уйим, дала ҳовлим, 2 та машинам бор. Бироқ булар менга таскин бермайди. Соғлиққа келадигани йўқ экан. Ҳеч нарсага қизиқиш йўқ. Мана Сизга ҳам бир неча ойдан буён қатнаяпман, бироқ натижа сезмаяпман”

Ҳурматли ўқувчи! Тиббиётда шундай тартиб бор, бу тартибни талабаларга ҳам ўргатамиз. Беморнинг ҳаёт анамнези (туғилгандан то ҳозирги кунгача бўлган даврини ўрганиш) ва касаллик анамнези (касаллиги ҳақида маълумотлар йиғиш) ҳақида маъумотлар тўплаш тиббий диагностиканинг олтин қонунидир! Мен талабаларга, яъни бўлажак шифокорларга ҳар доим уқтираман: Сизга мурожаат қилган беморнинг албатта руҳиятини ҳам ўрганинг! Чунки ҳар қандай касалликда руҳият ҳам азият чекади! Мен ўзим ёзган дарсликларимга “Психологик анамнез” деган мавзу киритганман ва ўзим ҳам бунга амал қиламан. Айниқса, психосоматик тиббиётда беморнинг психологик анамнезини ўрганмасдан туриб, беморга ташхис қўйиб ҳам, даволаб ҳам бўлмайди.
Ана энди юқорида мен тилга олган бемор ҳақида яна суҳбатлашамиз. Уни яна тинглаймиз. Чунки мен ҳам турли тиббий-психологик услубларни қўллаб уни даволай олмадим. “Менга қарғиш теккан" деди у бир куни.

Сизни “Асаб ва руҳият” китобингиз билан яхши танишман. У ердаги афоризмларни ўқиб таскин топаман, мана Сизда ҳам даволанаяпман. Бироқ қани натижа? Чунки менга қарғиш теккан, энди мен тузалмайман. Мени ҳеч ким тузата олмайди. “Ўзи тузалишига ишонмаган бемор, доктор тузатишига ҳам ишонмайди” деб ёзгансиз битта афоризмда. Бироқ мен ўзимга ишонишга шунча ҳаракат қиламан, қани натижа?! Болалигимдан характерим жуда оғир бўлган. Очиқ айтаман, ота-онамни қон-қақшатиб катта бўлганман, онам мен туфайли кунда-кунора рўй бераётган уйдаги жанажалларга дош бера олмай 47 ёшида инфаркт бўлиб оламдан ўтди. Отамни қаттиқ ҳақорат қилиб ҳатто қўл кўтарганман. Ўша пайт отам илойим фарзанд доғида ўтгин, деб йиғлаб юборган. Ўқишни тугатиб, ички ишлар тизимига ишга кирдим.

Участка нозири бўлиб ишлай бошладим. Тан оламан, менинг характеримга ҳеч ким дош бера олмайди. Иш жойимда ҳам бировга нафим тегмаган, милицияга ёрдам сўраб кимки келса ёки кимнидир олиб келишса, “У айбдор! У жазога лойиқ” деган фикр миямга ўрнашиб қолганлиги боис, ўша инсонларга кўп азоб берардим. Нимаики қилсам, пулга қилардим, ҳақорат қилиб қайтариб юборардим. Айбсиз йигитлар ва ҳатто аёлларни 15 суткага тиқардим. Йиғлаб ёлворишарди, уларга заррача раҳмим келмасди, ҳатто уларнинг оҳ-воҳидан роҳатланардим. Билмадим нега шундайман, ичимга шайтон кирганми? Нон-туз деб Тошкентга ишга келган вилоятликларни автобусга босиб олиб кетган пайтларим, майор, полковник ва бошқа раҳбарлар ҳовлисига олиб бориб ишлатган пайтларим кўп бўлган. Ҳақимни беринг, деб тил чиқарган мардикорни дубинка билан урардим. Битта мардикор аёлни ишлатиб, сўнгра уни зўрлаб номусига текканман. Менга тегманг, иккита болам бор, эрим ногирон деб Худони зорини қилган. У ҳам мени қарғаган, илоҳим қизларингдан топ деган.

Hikoyalar (G&M)

08 February 2023 02:48

#Ҳикоя

ФИДОИЙ ОТА

1988 йил 8,2 балл куч билан юз берган зилзила Арманистонни кунпаякун қилиб юборай деди. У атиги 4 дақиқа ичида 30 000 дан зиёд одамнинг ҳаётига зомин бўлди.

Ана шу даҳшатли дақиқаларда ҳаёти хавфсизлигига ишониб степанакертлик бир киши хотинини уйда қолдирди. Ўғлидан хабар олиш учун мактабга югурди. Аммо мактаб ўрнида ҳосил бўлган вайрона тепаликка дуч келди-ю даҳшатдан қотиб қолди. Шунда тўсатдан хаёлига қачонлардир ўғлига берган ваъдаси тушди:

– Қандай ходиса юз бермасин, мен албатта, сенга ёрдамга етиб келаман!

Отанинг кўзи ёшга тўлди. У вайронага тикиларкан, бирор чора, нажотни кўрмади, лекин хаёлида ўғлига берган ваъдаси чарх ураверди.

У ўғлини ҳар куни мактабнинг қаерига етаклаб борганини эслашга уриниб, бинонинг ўнг томонидаги бурчакда жойлашган синфни чамалаб топди. Ва харобани ковлашга тушди.

Бу орада бошқа ўқувчиларнинг ҳам қайғуга ботган ота-оналари етиб келишди. Улар алам билан:

– Ўғлим! Қизим! – деб фарёд уришди. Баъзи ота-оналар:

– Энди кеч!

– Аллақачон ҳалок бўлишган!

– Биз энди уларга ёрдам беролмаймиз!

– Уйга кетдик! – деб қайғуга ботишди. Боланинг отасига ҳам:

– Ақл билан иш тутинг, уриниш бефойда. – деб маслаҳат беришди.

Шундай тасалли билан унга яқинлашган ҳар бир кишидан боланинг отаси бир нарсани сўрарди:

– Сиз менга ёрдам бермоқчимисиз! – у шундай дерди-ю, қўли ишдан тўхтамасди. Ишонч билан тошларни кўчириб, вайронани очиб борар, бу ҳаракати билан ўзини тобора ўғлига яқинлашаётгандай ҳис қиларди.

Шу чоқ ўт ўчирувчилар командири келиб ҳаммани ҳайдай бошлади:

– Ҳозир ҳаммаёқни олов қоплайди, портлаш юз бериши ҳам мумкин. Сиз ўзингизни хавфга қўйманг. Уйга кетинглар. Бу ерни тозалашни ўзимиз уддалаймиз.

Боласини қутқаришга уринаётган ота пинагини ҳам бузмай ишини давом эттираркан саволини такрорлади: – Сиз менга ёрдам бермоқчимисиз?

Атрофни қўриқлаётган милиционер ҳам танбеҳ беришни унутмади:

– Бу телбалик, бунақада бошқаларнинг ҳаётини ҳам хавфга қўяпсиз, уйингизга боринг бу ишни бизга қўйиб беринг.

Ота мелиционерга юзланди:

– Сиз менга ёрдам бермоқчимисиз? Йўқ бўлса, ишимга аралашманг! – Милиционер, бунга гапириш бефойда деган фикрда ундан йироқлашди.

Ота эса бутун иродасини, кучини ишга солиб, харобани ковлашда давом этди. У ўғлининг тирик ёки ўликлигини ўз кўзи билан кўришни истарди.

Орадан 8 соат, 12 соат, 24 соат … 36 соат ўтди. Ниҳоят 38 соат деганда у улкан бетон бўлагини сураётиб ўғлининг овозини эшитди.

– Арманд! – ўғлини чақирди ота.

– Дада! Бу сизми, дада! Қўрқманг, мен тирикман. Келишингизни билардим. Мен бошқа болаларга ҳам, ҳавотирга тушманглар, дадам бизни қутқаради, дедим. Ахир сиз менга “Нимаики юз бермасин мен албатта ёрдамга етиб келаман”, деб сўз бергансизку, дада.

– У ерда нима бўляпти? Аҳволингиз қалай? – сўради ота ўзини йиғидан аранг босиб.

– Ўттиз учта боладан 14 тамиз қолдик. Биз ҳаммамиз очмиз, иссиқлаб кетяпмиз, ҳаво етишмаяпти, қўрқяпмиз, дада! Ҳаммамиз сизни кутдик. Бино қулаганда биз девор четига туриб олдик, у бизни қутқариб қолди.

– Бўлақол ўғлим, чиқ тезроқ, кутяпман, – деди ота сўнгги бетон қолдиғини сураркан.

– Йўқ дада, аввал бошқа болалар чиқсин. Мени қутқаришингизга ишонаман. Нима юз бермасин, сиз бари бир ёрдамга келасиз, – ўғлининг овозида ишонч ва фаҳр оҳанглари жаранглади...

@Hikoyalar

Hikoyalar (G&M)

07 February 2023 05:14

Ey do’st Madinaga qachon boramiz ?

Bizga Islomni o’rgatgan do’stlarimizga ushbu sherni jo’natamiz va skrinshot qilib izohlar bo’limiga jo’natamiz ( Ihtiyoriy )

Hikoyalar (G&M)

06 February 2023 12:24

Хўжа Уҳуд тоғига узоқ тикилиб, ёнидагилардан сўради:

– Ўқчилар тепалигини тарк қилган саҳобалар кимлар эди?

… Жавоб бўлмади.

Бироз вақт ўтиб яна қайта сўради:

– Ўқчилар тепалигини қайси саҳобалар тарк қилишган эди?

Орадаги сукунатдан сўнг:

– Билмаймиз, хўжам! – деб жавоб беришди ҳижолат бўлиб.

Шу пайт ҳар биримизнинг қалбимизни титратадиган калималар тўкилди унинг оғзидан:

– Ўқчилар тепалигини тарк қилган саҳобалар кимлар эди? Ишонинг, буни мен ҳам билмайман…

Аслида ҳеч ким билмайди. Бу ҳеч бир тарих китобларида ёзилмаган…

Бу ўқчиларнинг кимлигини ҳатто ўз фарзандлари, аёллари ҳам билишмаган. Чунки асҳоби киром бу ҳақда ҳеч кимга гапирмаган, уларнинг кимлигини махфий тутишган. Аллоҳ улардан рози бўлсин!

Ҳатто йиллар сўнгра Жамал, Сиффин ҳодисалари туфайли бир-бирларига қарши тушган саҳобалар ҳам уларни аниқ билсаларда, “Сен Уҳуд жангида тепаликни тарк қилиб қочгансан”, дея таъна қилишмаган экан. Шундай мушкул вазиятда ҳам бир-бирларининг хатоларини юзларига урушмаган.

Ё Аллоҳ! Бу қандай одоб?!

Биз Уҳуд жангининг аслида бир мағлубият эмас, зафар бўлганини кейин ўргандик. Бу қандайин одоб?!

Бир-бири ҳақида гапириш учун, ғийбат қилиш учун энг кичик хатосини, ҳатто “бор нарсани гапиряпман, менинг ғаразли ниятим йўқ”, дея ўзини алдаб, биродарининг гўштини чайнаш учун энг қулай бир фурсатни қочирмайдиган бизлар учун олишимиз керак бўладиган жуда кўп ибратлар бор…

Раҳматуллоҳ Дониёр таржимаси

Hikoyalar (G&M)

04 February 2023 16:51

Hikoyalar kanalida bir vaqtlar amalga oshirilgan katta bir loyiha.
Afsuski o’shandan keyin bunday loyiha amalga oshirilmadi.




/channel/hikoyalar/4914

Hikoyalar (G&M)

04 February 2023 03:09

Соғлом маҳсулотлар учун $100 — "Бунча қиммат?!"
Романтик тушлик учун $100 — "Ҳамёнбоп нарх!"

Ўз-ўзини ўстириш юзасидан семинар учун $250 - "Ақлдан озганмисиз?!"
Gucci камари учун $250 — "Ҳозироқ сотиб олиш керак!"

Сармоя учун $300/ойига — "Қурбим етмайди."
Тунги "улфатчиликлар" учун $300/ойига — "Ҳафтасига, деяверинг...)"

Бизнес бошлаш учун $1000 — "Жуда хатарли таваккал."
iPhone 14 учун $1200 - "Энг охирги модели шуми ишқилиб?"

Янги ҳунар ўрганиш учун 60 дақиқа — "Вақтим бўлганида эди..."
Netflix учун 60 дақиқа — "Вақт учиб кетдией, яна битта кўрайлик..."

Пул ва вақт — бу сизнинг ресурсларингиз. Улардан оқилона фойдаланинг, бугун киритган сармоянгиз эртанги кунингизни белгилайди. Вақтингиз ва қувватингизни самарали ишларга сарфланг!

@Hikoyalar

Hikoyalar (G&M)

03 February 2023 06:45

#НАТИЖА

• Инсонлар туғулганларида тенг бўладилар.
• Кейин ҳаёт мобайнида бойликлари, мартабалари, қобилият ва мақомлари билан фарқланадилар.
• Сўнгра ўлим келиб, яна тенглашадилар!
• Қайта тирилганларида эса ўша ҳаёт давридаги бойлик, мартаба, қобилият ва мақомлари билан нимага хизмат қилганларига кўра натижага эришадилар!
• Кимдир жаннатга!
• Кимдир жаҳаннамга!

©️ Маҳбубий

📌Каналга аъзо бўлиш учун
манзил👇👇👇

/channel/AbrorMuxtorAliy

Hikoyalar (G&M)

02 February 2023 17:20

Қонунсиз фарзанд...

Малика табиатан гузал, одобли, тарбияли,олий малумотли киз. У укиб юрган пайтлариданок курсдошлари яхши куриб унга совчи куя бошлашди . Лекин Маликанинг кунгли курсдоши Ма'мурда эди. Ма'мур ёлгиз угил булиб, отасидан эрта ажраган. Онаси бошка турмуш килмай ёлгиз углини катта килиб, укитиб, хунарли килиб, кейин севган кизи Маликага уйлаб куйди. Хаммаси шундан кейин бошланди. Ма'мурни кузига караб катта килган онаси Шохида опа негадир келинини суймас эди. Малика эрталабда эрини юзига сув бериб сочик тутса, сунг бирга чой ичиш учун дастурхон атрофига утирса, Шохида опа келинини бошка юмушга буюриб юборар, агарки бирга чой ичиш учун утириб колса, Ма'мур нон синдириб хотинини олдига куйиб, " Олинг" деб куйса уша куни уйда тинчлик йук. Шохида опа дастурхонга дуо килиб туриб кетадилар. Ма'мур бир онасига бир хотинига караб, икки ут орасига тушиб колгандай, дастурхонга дуо килиб ишга кетади. Кунлар шу зайлда ута бошлади. Малика биринчи фарзандига хомиладор булди. Бу хурсандчиликдан онасини 90% га узгаришига умид килган Ма'мурнинг тарвузи култигидан тушиб кетди. Чунки бу янгиликни Шохида опа оддий холдек, хеч нарса булмагандай кабул килди. Фарзанди тугилишидан кейин, мехр кузда деб, онасининг узгаришига умид килган Ма'мур аёлига хам сабрли булишни насихат килиб, тинч-тотув яшаб юришди. Биринчи фарзанд тугилди, иккинчи, учинчиси, лекин Шохида опа узгармади. Охири токати тог булган Малика эри билан ажрашишга мажбур булди, аникроги Шохида опа мажбур килди. Малика уч фарзандини етаклаб ота уйига кетди. Онасининг сузидан чикмаган Ма'мур уч фарзандини тирик етим килишга мажбур булди.
Шохида опа мактаниб шу сузларни гапирар экан, виждоним портлаб, Шохида опага нафратим оша бошлади. Шохида опа:
-Углимни фарзандлари незаконнорожденный, келинимни кулидан хеч нарса келмиди, судга хам беролмиди, заксдан хам утган эмас, мендан хеч нарса талаб хам килолмиди. Углимни энаси упмаган кизга уйлантириб куяман, деди. Маликани айби углини севганлиги. Уша утирган еримда чидолмадим, Шохида опага дедим:
-Шохида опа Аллохдан куркасизми....?
-Ха албатта куркаман, ким куркмас экан, курканимдан ёмон йулда юрмадим, эрга тегмадим, фарзандимни бошка эркак этагига солмадим, бу ёги энди такдир, келиним узига-узи килди, деб жавоб берди. Яна сурадим:
-Етимлар хаккиданчи...?
Набиралар уволиданчи...? Бир муштипар аёл уволиданчи......? Энг асосийси булган, Аллох биз аёллар учун энг олий маком килиб берган никох уволиданчи....? Никох Аллох конуни, Аллохнинг конунини бузгани хаё килмайсизми...? Бир оила бузилса, Арш, само титрайди дейди, Аршни титратгани Аллохдан куркмайсизми....? Румолни ураб, таквони махкам ушлаган аёлман дейсиз-у, Аллохга булган Мухаббатингиз кани....? Сиз Аллохга карши ис'ён киляпсиз.... Етимларни хаккини емиман, етимларни хаккини хар ойда бериб тураман дейсиз, лекин уша етимларга тегишли булган уй-жойда яшаб, буни хаккини охиратда кандай килиб жавобини берасиз...? Шулар хакида уйлаб курдингизми...? Никох билан тугилган набираларингизни, сизни уйда канчалик хаккингиз булса, уларни хам шунчалик хакки бор, бу Аллохнинг конунида ёзилган ёки буни хам инкор киласизми...? Ёки сиз учун Ленин, Сталин бизни мусулмон давлатларига киргизиб куйган "Закс"конуни мухимми....? Углингизни онаси упмаган кизга уйлантирмокчи буляпсиз, углингизни уйлантириш урнига, хали ёшсиз, узингиз эрга тегинг, чунки боши очик аёлни иккинчи турмушга чикишини шариат ман килмаган. Такдир, такдир деймиз-у, ба'зида фарзандлар такдирига ота-она узимиз сабабчи булиб коламиз. Шу сузларни гапириб олдиму,,, туриб эшикка чикиб кетдим......

Кимлардир Қуш Қуш бахт эгаси, кимлардир бахтсизлик курбони.

Hikoyalar (G&M)

02 February 2023 08:38

Синглим...

Оилада нотинчлик. Жанжал. Куёв эрка ўсган. Ота ва онанинг гапи ўтмайдиган даражадаги махлуққа айланган ифлос, иккита фарзанд туққан аёлини бир неча марта уриб, ичини эзиб юборган. Ўн йил давомида оилада уруш, жанжал ва келинни камситиш, бошига уруш, ичига тепишлар, тўхтамасдан давом этаверган. Маҳалла, қўни қўшни, оғайни-қариндош эса оилани асраб қоламиз, деб уларни яраштираверишган. Келиннинг юзига тарсаки уруш, тупуриш, турткилашлар одиий ҳолга айланган. Мунтазамлик билан калтакланган, тепилган, урулган келин операция қилиниб, талоғи олиб ташланган. Бир неча ойдан сўнг эри яна эски одатини бошлаган. Натижада, оқ қон касаллигига йўлиқиб, бурнидан, оғзидан қон келиб, касалхонага тушган. Бир куни куёв, кечаси билан ўз аёлини иккита боласини олдида уриб, ичини тўкиб ташлаган.

Тонгда...
Реанимация. Касалхона коридори. Қизнинг акаси, онаси, хотинини урган куёв ўтиришибди.
Негадир қизнинг акасини тезда ичкарига киришини айтишди. Доктор, секин гап бошлади.
--Синглингиз кетаяпти, бардам бўлинг.
--Тушундим. Иложи бўлмаяпти. Вазиятидан хабарим бор. Бечора онам кўтара олмайди. Доктор нима қиламан?
--Сиз ичкарига киринг... Хайрлашиб қолинг... Онангиз билан ўзим гаплашаман.
Кўзларида ёш, боши эгилган 45 ёшли ака, синглисини олдига кириб кетди.
Ренимацион палата. Оппоқ тўшакда, гўзал бир аёл ётибди. Ёши 35 ларда.
--Ака, мен ўлаяпман...
--Йўқ, ундай дема. Тузалиб кетасан, сен менинг жон синглимсанку.
--Ака, чарчаб кетдим. Кетгим келаяпти.
--Нега мени бундай гаплар билан қўрқитасан...
--Қўрқманг ака, сиз менинг жасур акамсизку. У томонда ҳам ҳаёт борку. Абадий.
-- Отам, укам ёш кетишди. Энди сен ҳам кетаман деб довдиратма мени, жон синглим. Орқамизда қолгин.
--Ака, отамни соғиндим, у томонда ҳам акам борку.
--Жоним синглим қаерга шошасан.
--Ака, яшамаганим яхши.
--Ёмон хотин кетаман деб, ёмон кампир эса ўламан деб қўрқитармиш, дегандек бўлмагинда. Сен яхши аёлсан, кампир эмассан ҳали. Мен борман, онанг бор. Бизлар кетайлик олдин.
--Эййй, ака. Бу дунёда менга ўрин йўқ экан, билдим.
--Иккита ўғлинг бор, улар ҳали ёш, буларни катта қилиш керак, ҳали тўйлар қиламиз. Келинларни ҳаётга ўргатишинг керак... Қайнона бўлиб, ўтирасан, яхши бўлади.
--Ҳаммасини биласизку. Ўзлари катта қилар, мен керак эмасман уларга...
--Сенга бир нима бўлса эрингни яшатмайман бу дунёда.
--Сиздан илтимос, болаларимни отаси, унга тегинманг. Тушунасизку.
--Эрингни уруғи билан қириб, қонини ичираман уларга.
--Ака, илтимос. Уларга тегинманг, жон акажон. Болаларим яшаши керакку шулар билан.
--Улар одам эмас, бу дунёда яшашга ҳаққи йўқ уларни.
--Буни Аллоҳ билади. Худони ишига аралашманг. Сиз менинг акамсиз, пасткашлар билан тенг бўлманг.
--Хўп синглим. Яхши гаплардан гапирайлик, қўй шуларни...
--Оғажон сўз беринг, тегинмайман, деб.
Акаси, гапни бошқа мавзуга бурди. Оппоқ тўшакда ўлим билан курашаётган синглисини кўз ёшларини артиб, иккита кўзидан ўпиб, бошидан силаб, сочларини текислаб қўйди. Бир пайтлар қишлоқдаги ёшлигини эслаб, кулимсираб гап бошлади.
--Қишлоқда, каникулда эсиндами? Иккинчидан учунчи синфга ўтган пайтингда, сени хафа қилганим эсимга тушиб кетди.
--Бир мартагина хафа қилгансиз.
--Икки марта.
Ўртада кулгу, палатадаги докторлар ва ҳамширалар ҳайрон. Сингил кулгудан хурсанд.
--Ака, тўғрисиям хафа қилгандингиз. Сочимни машинкада олиб ташлагандингиз, ушанда қаттиқ хафа бўлгандим. Иккинчи марта олганингизда хафа бўлмадим, тўртинчи синфда эдим ушанда.
--Аслида, ушанда бекорга йиғладинг, хафа бўлмаслигинг керак эди. Сочинг сиркалаб, битлаб кетганди-да. Теравериб, чарчаб кетдим-да.

Палатада кулгу саслари, ҳамширалар ва докторларни ҳам юзида кулгу. Ҳамма яхши кайфиятни ушлаб олишди. Сингил акасини қўлидан ушлаб олган, яхшилаб, чин кўнгилдан кулаяпти.
--Сендан менга ҳам юқиб бошлаганди. Кечаси билан қашиниб чиқардим. Сочинги олиб тўғри қилдим. Мана докторлар, ҳамшира сингилчалардан сўрагин, педикулёз тарқалиб кетса ёмонда. Бекорга хафа бўлдингда ушанда. Яхшигина битлаб кетгандинг.

Hikoyalar (G&M)

01 February 2023 08:29

Turk tilini biladigan birodarlarimiz izohlarda tarjima qilib berishar.

Hikoyalar (G&M)

14 February 2023 14:01

– Пулинг бўлмаса мен берай, қайтаришинг ҳам шарт эмас. Бозорда мол танлашни билмайман десанг, мен бозорга бирга борай. Билиб қўй. Агар яна келганимда уйингда бирон жондор бўлмаса, уйимдан тўртта қўйни олиб келиб ҳовлингга боғлаб кетаман, берсанг пулингни ҳам олмайман, деб масалани кўндаланг қўйди. Мен Андижонда яшаб юрган кезларим, “кўз тегиши” ҳақидаги гапларга бидъат деб қарар эдим. Жиззахда уч-тўрт йил яшагач, бу нарсанинг борлигига амин бўлдим. Биз яшаган посъёлкада тўртта машҳур “кўзли” одамлар бор эди. Улар ҳақида жуда кўп ақл бовар қилмас гаплар юрар эди. “Кўзли” одамлар билан боғлиқ икки ҳодисага ўзим ҳам гувоҳ бўлганман.
Ўсарбой ака деган бир қўшнимиз бўларди. Бир кун ишдан кечроқ келсам, уйдагилар мени Ўсарбой ака йўқлаб келганини айтишди. Унинг уйига бордим. Кўчада жуда катта бир новвосини чўмилтираётган экан. Суҳбатлашиб турсак ўша машҳур “кўзли” одамлардан бири Ўролбой ака кўчадан ўтиб қолди. У бизнинг маҳалла охирига уй қуриб, кўчиб келган эди. У ҳўкизни кўрдию: “Ўсарбой. Ҳўкизни ҳам роса боқибсизда”, деди. Бу гапни эшитган Ўсарбой аканинг ростмона жаҳли чиқиб кетди.
Унга қараб жаҳл билан “Ўролбой, ҳўкизни бекор мақтадингиз-да. Билиб қўйинг, агар шу ҳўкизга бирон нарса бўлса, сизни шу кўчадан юргазмай қўяман. Агар юрсангиз, мана Олимжон гувоҳ, оёғингизни уриб синдираман”, деди.
Ўсарбой аканинг жаҳли чиққанича бор экан. Эрталабгача ҳўкизи ҳаром ўлиб қолди. Бу воқеадан кейин Ўролбой ака бу кўчадан бошқа юрмади. Ўзига нариги кўчадан йўл солди.
Мен гувоҳ бўлган бундай воқеалардан иккинчиси бунданда ҳайратланарли. Қиш кунларидан бирида Султон деган бир дўстимнинг гаштагида ўтирган эдик. Кеч соат саккизларда Султон кириб: “Даладаги тракторчиларга кечки овқат олиб боришим керак эди. Менинг машинамни олиб чиқиш учун, ҳаммангнинг машинангни қўзғатиш керак. Олимжон, сизнинг машинангиз охири келган экан. Овқатни бирга ташлаб келайлик”, деб қолди. Овқатни олиб йўлга чиқдик. Далага яқинлашганимизда учта “Алтай” тракторининг фаралари тун бағрини ёриб олға юраётгани кўринди. Етиб бориб машинадан тушдик. Султон тракторларни кўрсатиб: “Техника деган нарса шундай ишласа-да”, деди. У ҳали гапини тугатмасдан тракторлардан биридан “қарс” деган товуш чиқди-ю, ўша трактор таққа тўхтади. Биз нима бўлганини билиш учун ўша томонга юрдик. Ҳали йўлнинг ярмига етмасимиздан иккинчи тракторнинг ҳам овози ўчди. Биз қаёққа юришга ҳайрон бўлиб турсак, учинчи трактор моторининг ҳам овози пастлай бошлади. Икки минутлардан кейин далада мутлақ сукунат ҳукм сура бошлади. Фақат шундагина Султон ҳам ўша машҳур тўрт одамдан бири экани ёдимга тушди. “Кўзи бор” одамлар билан боғлиқ бу икки ҳодисадан кейин мен олтита қўй сотиб олдим...
* * *
Қўй қидиришдан озод бўлганлар чамаси бир соатларда тайинланган учрашув жойига етиб келдик. Алибек отани ёмон хаёллардан сал бўлса-да чалғитиш учун турли қизиқ ҳангомалар айтилди. Лекин отанинг чеҳраси ёришмади. Соат ўнлар атрофида гуруҳлардан бирининг йигитлари йўқолган қўйнинг териси ва калласини кўтариб келдилар. Топилган тери ва қўйнинг калласи синчиклаб ўрганилди. Хулоса якдил бўлди. “Тери ва калла – йўқолган қўйники. Қўйнинг ҳеч қаери синмаган ва шилинмаган. Қўйни кимдир сўйиб, кейин нимталаб олиб кетган. Терининг қуртлаб кетганига қараганда, қўйнинг сўйилганига тўрт кун бўлган”.
Йигитларни бошқа гуруҳларни огоҳлантириш учун жўнатиб, ортга қайтдик. Алибек отанинг юзига қарадим. Юзи ёришган, чарчоқлари тарқаган, лабларида ним табассум бор эди. Энди у суҳбатларга аралашар. Гўшт ўғрилари ҳақидаги барча гумонларни тўхтатишга ҳаракат қиларди. Унинг бу иши ҳам мен учун мутлақо тушунарсиз эди. Эртаси якшанба бўлгани учун уй ишлари билан банд бўлдим. Лекин йўқолган қўй билан боғлиқ воқеалар хаёлимдан кетмади. Менга тушунарсиз бўлган ҳеч бир саволимга асосли жавоб топа олмадим. Пешиндан кейин Алибек отанинг набираси мени бобоси чақираётганини, уйдагиларга кечқурун қайтишимни тайинлаб боришим кераклигини айтиб келди. Минг ўй-хаёл билан отанинг уйига етиб бордим. Ҳовлида ўнтача одам иш билан банд. Келинлардан бири қўйнинг боши ва туёқларини тозалаяпти. Кампири бир келини билан гўштдан қийма тайёрлаяпти.

Hikoyalar (G&M)

14 February 2023 07:54

Усмонли турк халифалиги вақтидаги ханжар тутган бола суратини кўриб турибсиз.

Эркаклар эркакдек тарбияланган, тик-ток бўлмаган вақтлар......

Амр ибн Кулсум
15 ёшида арабларнинг энг кучли Тағлиб қабиласи раиси бўлган.

Зайд ибн Собит.
13 ёшида Набий ﷺ нинг таржимони ва ваҳий коти эди.

Аттоб ибн Усайд.
18 ёш. Набий ﷺ ғазотга кетсалар уни Маккага рахбар қилиб қолдирар эди.

Усома ибн Зайд.
18 ёшида мусулмонлар қўшинига қўмондон эди.

Муҳаммад ибн Қосим.
17 ёшида Синд шаҳарлари фотиҳи бўлиб улгурган.

Абдурроҳман Носир.
21 ёшида Андалусиядаги энг буюк давлатга асос солган.

Муҳаммад Фотиҳ.
22 ёшида Қустантиния (Истанбул) ни фатҳ қилган.

Ҳозиргилар ўттизга кириб ҳам мусҳафи шарифни оча олишмайди. Ёшликларини беҳуда электрон ўйинлар билан зое қилашади.
Аллоҳ мусулмон йигитларини ҳидоят қилсин. Ҳаққа қайтарсин.

Hikoyalar (G&M)

13 February 2023 02:01

Туркиядаги зилзилада 6 ёшли ўғлидан айрилган отанинг сўзлари:

— «Ўғлимиз Аҳмадни Аллоҳ яратди, уни бизга сотгани ҳам, ҳадя ҳам қилгани йўқ. Уни маълум муддатга омонат қилиб берди.

Биз у муддатни билмаганимиз сабабли доим биз билан қолади деб ўйлаган эканмиз. Аммо вақт соати шу кунгача экан.

Менга тегишли мулкни бирорта бегона олишга ҳаракат қилса қаршилик кўрсатардим. Лекин мулкни ўз эгаси сўраса қўлимиздан нима ҳам келарди.

Роббим бизга бир гулни омонат қилиб, 6 йил ифоридан ҳидлашимизни насиб қилди. Бу 6 йилни ҳар бир они учун Роббимга ҳамд айтишга қарздорман. Энди давоми иншааллоҳ жаннатда...».

@Hikoyalar

Hikoyalar (G&M)

10 February 2023 20:29

#сақлаб_қўйинг

РАҲМАТ ФАРИШТАЛАРИ КИРМАЙДИГАН 22 УЙ

1.  Силайи раҳмни узган, қариндошлари билан алоқаларни тарк қилган кишининг уйи (Тавба, 71; Имом Бухорий).

2.  Ота-онасига итоат этмаган кимсанинг уйи (Нисо, 36; Луқмон, 14).

3.  Етимнинг молини еган кимсанинг уйи (Нисо, 10; Имом Бухорий ва Имом Муслим).

4.  Ичида фоиз ейиладиган, фоизга олинган уй (Бақара, 275-276; Имом Бухорий).

5.  Ит сақланаётган уй (Имом Бухорий, Имом Муслим ва Имом Ибн Можа).

6.  Аллоҳ зикр этилмаган мажлислар, пайғамбаримиз соллаллоҳу алайҳи ва салламга салавоту саломлар айтилмайдиган йиғинлар, нафс устунликка чиқиб олиб, шайтон ҳозир бўлган уйлар (Имом Бухорий, Имом Муслим ва Имом Аҳмад).

7.  Ичида азизлар, ўликлар, даҳр, шамол, хўроз, касалликлар ва шуларга ўхшаш нарсаларга сиғиниладиган уйлар (Имом Абу Довуд, Имом Аҳмад, Имом Бухорий ва Имом Муслим ривояти).

8.  Ичида сурат, расм ва ҳайкал бўлган уйлар (Анбиё, 52; Соффат, 95-96; Имом Бухорий).

9.  Аллоҳнинг зикри бир четда қолиб, ўйин-кулгуга ружу қўйилган ва мусиқа оҳанглари тараладиган уй (Имом Аҳмад).

10.   Ичида қотиллик юз берган уй (Имом Муслим, Имом Абду Довуд ва Имом Термизий).

11.  Ичида бақир-чақир кўп бўладиган, аёл киши устунни йиқитадиган даражада баланд овозда гапирадиган уй (Имом Муслим).

12.   Ичида спиртли ичиладиган ва қимор ўйналадиган уй (Моида, 90-92; Имом Табароний).

13.   Ичида Аллоҳга шерик қўшилган, сеҳр-жоду қилинадиган уй (Нисо,48).

14.  Ичида нарда ўйналадиган уй (Мунофиқун, 9; Имом Муслим ва Абду Довуд).

15.   Ҳаром бўлган кийимлар кийиладиган ва ҳаром бўлган ашёлар ҳамда олтин-кумуш идишлар қўлланиладиган уй (Имом Термизий, Имом Муслим ва Имом Табароний).

16.   Лаънатланган кимсаларнинг уйи. Масалан: ичкилик ичадиган, Аллоҳнинг амрларига итоат этмайдиган, эрининг истагини қабул этмайдиган хотин, намозни тарк этган кишилар яшайдиган уй (Имом Табароний, Ибн Можа).

17.   Ичида ёмон ҳидлар бўладиган уй. Масалан, пиёз, саримсоқ ва шуларга ўхшаш ўсимликлар, тамаки, чилим, нос каби бадбўй нарсалар бўлган уй (Имом Муслим, Имом Термизий).

18.   Жунуб бўлиб, ғусл обдасти олинмаган уй (Имом Абу Довуд, Имом Табароний).

19.   Уй эгаси аёлларнинг атир-упаларидан фойдаланувчи уй (Имом Абу Довуд).

20.  Исрофгарнинг уйи (Имом Насаий, Имом Муслим).

21.  Уй эгалари ва ўша уйда яшовчилар гуноҳ ишлардан тийилмайдиган уй (Имом Насаий, Имом Аҳмад).

22.  Ичида зино қилинган уй (Имом Бухорий, Имом Муслим, Имом Насаий).

Hikoyalar (G&M)

09 February 2023 06:02

Турмушга чиққан иккита қизим ҳам ажралиб қайтиб келди, катта қизимни фарзанд кўрмагани учун ҳайдаб юборишди. Бу қизим мусичага ҳам озор бермайдиган юввош эди. Ўша қизим депрессия билан Сизда даволанган. Кичик қизим битта боласи билан ажралиб уйга қайтиб келди. Бу қизимни характери менга ўхшарди, жуда ёмон, оғзидан шоду чиқиб, боди киради. Куёвни олдига борсам, уни хиёнатда айблади, аудиоёзувларни қўйиб эшиттирди, ушлаб олганини айтди. Бу қизим икки маротаба иккинчи хотин бўлиб эрга тегиб олди ва яна ҳайдаб юборишди. Унга анаконда деб лақаб қўйишган экан. Мен бирор маротаба қизларимни олдимга олиб ўтириб насиҳат бермаганман, пул берардим, бироқ насиҳат бермасдим.
Ажралиб келган иккала қизим битта уйда уруш-жанжалдан боши чиқмади, уйимиз уруш майдонига айланди. Кичик қизим катта қизимга кун бермайди. Бир куни қаттиқ жанжалдан кейин катта қизим ўзини осмоқчи бўлган. Бу воқеадан сўнг хотиним инфаркт бўлиб, реанимацияга тушди.

Тузалиб чиққач “Қизларингизни мен бошқара олмайман, ўзингиз тарбияланг” деб катта опасининг уйига чўри бўлиб кетди. Улар жуда бой яшашади. Ўзим ҳам қарзга ботиб қолган, милицияда ишлаб юрган пайтларим роса пул топардим. Ҳаммаси харом экан. Мана ҳозир бурнимдан чиқаяпти. Ўша пайтлари биттасини қамалишдан сақлаб қоламан деб, жиноятини яширганман, ўзим қамалиб кетишимга сал қолди. Дала ҳовлимни сотиб қутулиб қолдим. Қарзим ҳам бор. Ушбу ҳаёт зарбаларига дош бера олмай, бошим касалликдан чиқмайди. Отамнинг “Худоё фарзандларингдан қайтсин” деган қарғиши, номуси топталган аёлнинг “Қизларингдан топ” деган қарғиши кўз олдимда айланаверади. Дардимга даво йўқ. Менга қарғиш теккан, энди докторларга қатнамайман. Чунки мени ҳеч ким тузата олмайди....

Шу ерда бу аянчли воқеани тўхтатаман. Хулоса чиқаришни Сизларга қолдираман (бўлган воқеа)

Профессор Зарифбой Ибодуллаев, 08.02.2023 йил

@Hikoyalar

Hikoyalar (G&M)

08 February 2023 16:55

#Тафаккур

▪️Юсуфнинг акалари уни ўлдирмоқчи бўлишди. Лекин у ўлмади.
▪️Бир йўла унинг изини қуритмоқчи бўлишди. Аммо унинг шаъну обрўси кўтарилиб кетди.
▪️Уни қул қилиб сотиб юборишди. Лекин у подшоҳ бўлди.
▪️Отасининг қалбидан унинг муҳаббатини буткул ўчириб юбормоқчи бўлишди. Бироқ у янада зиёда бўлди.

Бандаларнинг тадбиру ҳийлаларидан хавотирга тушма. Аллоҳнинг тадбири барчасидан устундир!

@Hikoyalar ни яқинларингизга ҳам юборинг!
Rasmiy diniy kanal @zaydibnsobit01

📜📚📖 @Hikoyalar каналига қўшилиш учун 👇
https://t.me/joinchat/AAAAADuknkYHGVbghYjS1A
👆 ни босинг ва OK.

Hikoyalar (G&M)

07 February 2023 18:33

Япония. Мамлакат аҳолисини даҳшатга солган зилзила. Ушбу даҳшатли зилзиладан сўнг, қутқарувчилар тирик қолганларни қутқариш мақсадида вайрон бўлган уйларни кўздан кечира бошладилар. Улар ҳали турмушга чиққанига икки йил ҳам бўлмаган ёш жувоннинг уйига киришди. Улар вайрон бўлган уйни кўздан кечиришар экан, қулаган девор тирқишидан танасининг бир қисми кўриниб ётган аёлни кўриб қолишди. Қутқарувчилар зудлик билан ўша томонга шошилишди. Афсуски, қулаган бетон девордан атиги бир қўл сиғадиган жой бор эди. Қутқарувчилар раҳбари тешикдан қарар экан, аёлнинг ётган ҳолати уни таажжубга солди. У худди сажда қилаётган одамдек тиззаси билан чўккала тушиб, қўлларини олдинга чўзиб ниманидир ҳимоя қилиб ётгандек эди, гўё. Қулаган бино бўлаклари унинг бош ва белларини қаттиқ жароҳатлаган эди. Қутқарув гуруҳи раҳбари тирик қолгандир, деган умид билан унинг нафас олишини текширди. Афсуски, аёлнинг танаси аллақачон совиб бўлган эди…

Қутқарув гуруҳи аъзолари вайрон бўлган бошқа уйларни ҳам кўздан кечириш мақсадида, ушбу хонадонни тарк этар экан, бироқ гуруҳ раҳбари негадир ортига қайтди ва аёлнинг жасадини амаллаб жойидан қимирлатди. Не кўз билан кўрсинки, аёлнинг бағрида жажжи болакай ётарди. Бечора она, боласини ҳимоя қилиш учун шу ҳолда жон берган экан… У бақирганча: "бу ёққа келинглар, бу ёққа! Бу ерда болакай бор экан, болакай", дерди.
Қутқарувчилар катта қийинчилик билан аёлнинг атрофидаги бетон деворни парчалай бошладилар. Ваниҳоят чангга беланган оппоқ матога ўралган, ушбу тўполлар ором уйқусини бузмаган 3 ойлик ширин болакайни қутқариб олишди. Жажжи чақалоқ эса қутқарувчилар қўлида сокин ухларди…
Болакайни текшириш учун зудлик билан етиб келган шифокор, тупроққа беланган матони очаркан, мато ичида турган телефон уни диққатини тортди. У телефон экранига ёзилган ёзувларни ўқиб, кўзидан шашқатор ёш оқди. Унда қуйидаги сўзлар ёзилган эди:

“Болажоним, агар омон қолган бўлсанг, унутмагинки, мен сени жуда ҳам яхши кўраман…онанг…”.

Телефон қўлдан-қўлга ўтаркан, экрандаги:

“Болажоним, агар омон қолган бўлсанг, унутмагинки, мен сени жуда ҳам яхши кўраман…онанг…” деган ёзувни ўқиган ҳар бир қутқарувчи, юм-юм йиғлаганча, жасоратли она муҳаббати қаршисида таъзим қилди…

(Қайта нашр)

@Hikoyalar

Hikoyalar (G&M)

06 February 2023 16:25

Туркиянинг зилзила бўлган ҳудудида яшовчи дугонам ёзяпти (Сизлар учун таржима қилиб беряпман):

«...Кўчада қолган бошпанасиз одамларнинг ёнидан бошимизни баланд кўтариб ўтиб кетардик ёки инсоф қилсак, майда пул бериб ўтардик. Зилзиладан кейин, ҳокимият тарқатаётган емаклардан олиш учун улар билан бир қаторда навбатга туришга мажбур қолдик... Йўқ, мен бундан нолимаяпман. Сенга бошқа нарсани айтмоқчиман.
Кўчада олов атрофида исиниб ўтирганимизда кекса бир киши: «Ол, қизим, шунга ўраниб ўтир», - деб қалин кўрпа кўтариб келди. Кейин: «Ўғлинг тирикми, жабр кўрмадими?» - деб сўради. Ҳайрон бўлдим. Бутунлай нотаниш одам. «Худога шукр, ўғлим соғ-омон» - десам, хурсанд бўлиб кетди. Бироз гаплашдик. Билсам, бу одам кўчада яшаркан. Қачондир ўғлим иккимиз унга тўртта нонга етгулик пул берган эканмиз... Унутмаган экан... Ўпкам тўлиб кетди... Бу зилзила шахсан мен учун хайрли бўлди. Ўз қобиғимга ўралиб, одамгарчиликдан чиқиб қолаётган эканман. Ўзимга келдим. Кўзим очилди!..
Сен шуни ёз. Токи, бошқаларнинг ҳам кўзи очилиши учун бошига бир бало келиши шарт бўлмасин. Одамлар кўзини очсин!..»

Дилфуза Комил.

Hikoyalar (G&M)

05 February 2023 04:38

Меҳнат муҳожирлиги

Бир неча йил олдин. Дубайдаги дўконда молларимизни саралаб ўтирибмиз. Шу дўконда хизматчи бўлиб ишлайдиган ўттиз беш ёшлардаги ҳинд йигити бизга ёрдамлашяпти. Орада бир нафас дам олдик.

Танаффусдан фойдаланган ишчи ҳинд йигити телефонини олиб, ундаги оилавий хотира, суратлар ва видеоларни берилиб томоша қила бошлади. Қарашларидаги соғинч, меҳр, ҳис-туйғуларини ёзиб, тушунтириб бўлмайди.

Секин гапга солдим.

Айтишига қараганда, Дубайга келганига икки йилдан ошибди. Тахминан икки юз доллардан ошиқроқ маош оларкан. Ётоғи ва овқати хўжайинининг зиммасида.
–Жуда кам-ку! – десам,
– Илож қанча, юртимда иш йўқ, шу ишга келиш ҳам жуда қийин ва омади келган одамга насиб қилади деди.

Ойнинг охирида Бирлашган Араб Амирликларидаги Western Union шоҳобчаларида уйга пул жўнатиш учун жуда катта навбат бўлади.

Йигит ҳам топган пулини борича Ҳиндистонга юбораркан. Шундан юз доллардан кўпроғини икки фарзандининг таълим олиши учун ишлатаркан. Қолган қисмини қари онаси ва оиласининг таъминотига сарфлашаркан. Йигит фарзандлари яхши ўқиб, келажакда яхши касб эгаси бўлишидан, шу орқали "ит ётиш мирза туриш" ҳаётидан қутулишига умидвор ва шунга ишонади...

*

Бир ўзбек оила бошлиғи Ўрусияда мигрантлик қилар, бир кетганида камида олти ой ёки бир йилдан ортиқ муддатда юртга қайтар эди.

Нексиялар урф бўлган пайтлар...
Узоқ муддатли айрилиқдан кейин бир ойлик "таътил"га келган кишига аёли сўз қотибди:
– Адаси, итдаям-битдаям Нексия бўлиб кетди. Кетишиздан олдин Нексияни Ласетти қилиб кетинг.

Акамиз аёлларининг ўтинчини ерда қолдирмасдан 30 000 долларга Ласетти олган ва гаражга қўйиб, узоқ муддатга Маскопга жўнаб кетган.

*

Ҳозирги кунда дунёдаги энг зўр математиклар, докторлар, дастурчилар, пулдорлар... ҳиндлардан чиқаётгани бежизга эмас!

© Khojiakhmad Umurzakov

@Hikoyalar ни яқинларингизга ҳам юборинг!
______________

📜📚📖 @Hikoyalar каналига қўшилиш учун 👇
https://t.me/joinchat/AAAAADuknkYHGVbghYjS1A
👆 ни босинг ва OK.

Hikoyalar (G&M)

04 February 2023 09:34

"Subʼektiv" ni oliy taʼlimga atalgan koʻrsatuvida Hamid Sodiq akani gapi juda tasir qilgan edi: "Kichik ishlar, kichik lekin sifatli ishlar"

Kichik ishlar...

Sardor Rahmonqulovni ishida bir narsa eʼtiborimni tortdi. "Nurul Islom" jome masjidi Imom xatibi O.O.Rahmonov Sardorni foydasiga guvohlik bergan. Yetmaganiga kafillikka ham olgan. Vaqtida odamlarni qamatish uchun yozib bergan, ichkariga ishlaydigan, Madinaga oʻqishga ketadigan yoshlarga "tavsiyanoma yozib bera olmayman", deydigan Imomlar ichida mana shu kabi insonlar borligi odamga umid baxshida etadi.

Militsiya tarkibida bir akaxon borlar. Koʻplab haromxoʻrlarni qamalishiga hissa qoʻshgan. Musulmonlarga koʻplab nafi tekkan. Imkoni boʻldi deguncha musulmonlar uchun turib beradigan akaxon. Hatto meni kimligimni taniydigan, surishtirsa ogohlantiradigan, lekin bilmaganga oladigan akaxon.

Charxiyda koʻpchilik taniydigan poyabzal taʼmirlaydigan amaki borlar. Ilk marta koʻrganimda sakkiz yoshda edim. "Amaki, butsiyimni qanchaga taʼmirlab berasiz?", deganimda "Assalomu alaykum, deganingdayoq yarim puliga tushdi. Kalimani aytsang, bepulga toʻgʻrilab beraman", degan edi. Ancha yillar oʻtdi. Odamlar boyidi. Poyabzal taʼmirlatmay, yangisini olib qoʻya qolyapti. Amaki esa "bismillah", deb haligacha mix uryapti.

Maktabimizda Biologiyadan dars beradigan oʻqituvchimiz boʻlar edi. "Men pul uchun dars oʻtmayman, senlar odam boʻlgin deyman", der edilar. Haqiqatda boy oiladan edi. Lekin dars berar edilar. Oʻqimayotganlarni olib qolib, maktabdan keyin tekinga repetitorlik qilar edi. Juda koʻp yil xizmat qildilar. Sinfxonada koʻpgina qimmat gullar, laboratoriyani narsalarini choʻntaklaridan olib, sinfga qoʻyar edilar.

Odamlar yuz dollarga Qurʼon oʻrgatishni kasb qilib, yuzda-yuz biznesga aylantirgan bugungi kunda "Bu Qurʼon menga omonat. Allohni kalomini pulga sotmayman", deb tekinga oʻrgatayotgan bir tanish qori aka borlar.

Jonini xatarga qoʻyib, murojaatlarga labbay deb, hali oʻn besh sutka, hali jarima, hali bosimlarga dosh berib ishlab yurgan Bloger, jurnalist atalmish Supermenlar bor.

Halol taom sotayotgan, savdoda harom ishlatmay savdo qilayotgan, taksi qilib, nomahramdan koʻzini tegayotgan, shifokorlikni biznesga aylantirmay, halol yoʻl bilan davolashga urinayotgan, oʻquv markaz, xususiy maktab, universitet ochib, ilm ulashishni maqsad qilgan va yana koʻplab har turli sohalardagi fidoiylar bor. Barcha-barcha kichik va sifatli ishlar qilmoqda.

Surish imkoni boʻla turib surmasdan, fahsh urchigan, zulm avjiga chiqqan, harom hukmron holatda kichik, balki, arzimas, lekin sifatli ishlar qilayotgan odamlar - millat qahramonlaridir!

Qayerdan zarba kelishini bilmay, arzimas bahona sabab istalgan vaqt qamalib ketishi mumkin boʻlgan qoʻrqinchli jamiyatda odamlar dardi bilan yashash, odamlarni deb jon kuydirish bu haqiqiy qahramonlik.

©️Sayyid Islom

Hikoyalar (G&M)

03 February 2023 13:54

“КЕРАК БЎЛСА..”

Ўзбекистон Халқ шоири ХУРШИД ДАВРОН шеъри.

/channel/erkinbozorovv

@Hikoyalar

Hikoyalar (G&M)

03 February 2023 05:30

Ҳазрати Исо алайҳиссаломда кулиш ғолиб экан. У киши бир гапириб, бир табассум қилар эканлар. Ҳазрати Исонинг қариндошлари Яҳё алайҳиссалом эса кўп йиғларканлар. Бир куни Яҳё алайҳиссалом Исо алайҳиссаломдан сўрабдилар:

— Эй Исо, Аллоҳдан қўрқмайсизми? Мунча куласиз?

Исо алайҳиссалом:

— Аллоҳдан умидингиз йўқми? Нега йиғлайверасиз?

Иккалаларининг ўрталарида ҳукм қилиш учун Аллоҳ таоло бир фариштани юборибди. Фаришта шундай жавоб берган экан:

— Кўпчиликнинг орасида Исо алайҳиссаломнинг ҳолати яхши. Чунки одамларни маъюс, ноумид қилиб қўймаслик керак. Хилватда эса Яҳё алайҳиссаломнинг ҳолати яхши.

Карим Бахриев

Hikoyalar (G&M)

02 February 2023 08:38

Мен эса, сени ва оиламизни эпидемиядан қутқариб қолувдим. Тасаввур қилгин, қашиниб бошлашса а энамни сочини Бобомни соқолини олиб ташласам нима бўларди.
Палатада ҳамманинг кўнгли кўтарилган. Катта докторлар ҳам "офарин" дегандек ишорат қилиб, кулиб, хохалаб, палатадан чиқиб кетишди.
--Эйй, борингэй. Одамни уялтирасиз. Кечирдим, майли. Оиламизни эпидемиядан сақлаб қолган акагинам-эй.
Палатада ажойиб инсонлар мехри ёйилган, ҳаммани чехрасида ёруғлик сезиларди. Докторлар хурсанд. Шахло кўзли ҳамширалар, зўр бўлди, дегандек қўлини кўтариб астагина чапак чалиб қўйишди.
--Ака, менга ҳам қўшнини қизи Марзиядан юққанди. Уларникида оғилхона бор эдида. Қизларни олдида уялтираверманг. Ўқитувчи-педагогман-ку ака. Уялиб кетаяпман...
Яна ўртада яхши кайфият. Ҳамшира қизлар ётган ёшгина аёлнинг ёнига келиб кулиб кетишаяпти. Ҳамма, зўр бўлди, деб ишора қилишаяпти.
Кулгудан хурсанд бўлиб, кўнгли кўтарилган сингил акасини енгидан ушлаб олган унга қараб, гапирди.
--Керосинга ҳам бошимни ювгандингиз.
Ўртада гулдурос кулгу. Ҳамма кулиб ташқарига оғзини босиб чиқиб кетаяпти.
--Акагинам, оғажоним умримда бунчалик маза қилиб кулмагандим. Раҳмат сизга. Сув беринг... Илтимос
Бу охирги бир қултум сув бўлишини акаси биларди. Докторга қаради. Доктор пастга қараб, ўзингиз биласиз, дегандек маюс қараб қўйди..
Акаси синглисини бошини кўтариб, пиёлада сув ичирди.
--Қандай яхши-я, оғажон. Сиздан миннатдорман, ҳаммадан розиман. Ҳамма нарса учун раҳмат.
--Жоним синглим, дардингни олай синглим. Кўнглинг нима истаяпти?
--Ла илаҳа иллаллаҳ...
--Тўхта, тўхта. Онааааааа...
Ака, синглисининг очиқ қолган кўзларини қўллари билан яширди. Кўзларидан томчилаб оққан ёшлар акасининг қўлидан ушлаб жон берган сингилнинг бармоқларга томарди.
Ака, синглисининг то бора совуб бораётган қўлларини қўйиб юбормай ушлаб турарди. Синглисининг совуққина пешонасидан ўпди. Бир томчи кўз ёш синглисинг юзига тушди. Изтироб билан инграётган кўнгилда туғён урган қайғу - алангага айланди.

Реанимация. Коридор.
Ҳозиргина кулиб, хурсанд бўлиб турган ҳамширалар ва докторлар юзида қайғудошлик. Баъзиларининг кўзида ёш. Ака, индамай, пастга қараб, ташқарига чиқаяпти. Қари кампир носилкага солиниб, реанимация ичкарисига олиб кетилаяпти. Иккинчи фарзанд доғи, онани йиқитди.
Ака, ташқарига чиқиб, чуқур нафас олди. Йигитнинг ичидаги изтироб кўксидан портлаб чиқди. Йиғламади, бўкирди.
Касалхона қабул хонаси олдида.
Йўлакда жағи, бурни синиб, қонга беланиб ётган бир нусха йиғлаяпти.
Милиция, аканинг қўлига кишан солган, касалхонадан олиб кетишаяпти...
Тамом...

Шухрат Барлос.

Hikoyalar (G&M)

01 February 2023 18:54

Холажоним, мўмина эканингиз, мастура эканингиз, обида эканингиз, итоатли аёл бўлиб яшаётганингиздан ташқари Аллоҳ таолога маҳбуб бўлган яна қайси фазилатингиз бор эди?

Аллоҳ таолога маҳбуб бўлган яна қайси амалингиз бор эдики, У Зот 2 миллиардга яқин мусулмон бандалари орасидан сизни танлабди?

Яна қайси махфий амалингиз бор эдики, Ўзининг Байти олдида Ўзига ибодат қилиш, дуо қилиш шарафини сизга ато этибди?

Карантин туфайли барча мусулмонларнинг Каъбаи муаззамага яқин келиши таъқиқланган лаҳзаларда Роббим сизни Ўз ҳузурида дуо қилдириб қўйибди.

Аллоҳ таоло барчамизга Байтини қайта-қайта ҳаж, умра қилишимизни насиб этсин, ҳаммамизни Ўзининг ҳидоятидан айирмасин ва хотимамизни чиройли қилсин! Охиратда бизни ҳисобга тортилмай, дўзахни кўрмай, Жаннатга махсус эшикдан кирадиган бандаларидан қилсин!

Нозимжон Ҳошимжон

Hikoyalar (G&M)

30 January 2023 11:07

Новза масжиди олдида доим бир аёл садақа сўраб ўтиради.

Намоз вақти кирса ниқобини тақиб олади. Бошқа вақтлар юзи очиқ.

Қўлида 20млн сиғадиган пакет ушлаб олган, лекин "Минг сўм беринг!" дейди.

Олдин офисим Новзада эди. Ҳар масжидга чиққанимда "Ҳа, опа! Бизнеслар бўлаяптими?" деб қўярдим.
Кулиб, "Раҳмат, бўлаяпти" дерди.

*

Яна шу масжид олдида ёши катта, соч-соқоли оппоқ қария туради. Узун чопон кийиб олган (қишин-ёзин). Бошида панамаси бор. Кўзини кўр инсондай қилади.
Қўлида ҳассаси бор.
Намоз вақтлари масжид олдига келади. Жума намозларда 30ёшлар атрофидаги ўғли билан бирга келади.

Асосан ҳар куни "Буюк Ипак Йўли" метроси ёнидаги "MaxWay" таомхонасида катта лаваш ва Coca-Cola сотиб олади.

*

Максим Горькийдаги янги масжид олдида ниқоб кийган қиз қўлида пакет ушлаб, тиланчилик қилади.
Қарашлари маюс, овозини ингичка қилиб гапиради.

Масжиддан узоқлашса ниқобини кўтаради.

Бир марта телефонда гаплашиб кетаётганини кўргандим:
"Ммм қан*иқ қаттасан? Кемисами, лаваш йирду..."

*

Нега буларни айтаяпман?

Умуман масжид олдида турганларга эҳсон бериш керак эмас.

Мана шундай инсонлар сабаб асл муҳтожларга шубҳа билан қараймиз.

*

Эҳсон қилмоқчимисиз?

Мардикор бозорга боринг. Аёллар кўп.
Ҳалол меҳнат илинжида, баданини фахшдан қизғониб, мардикорлик қиладиганлар бор.

*

Эҳсон қилмоқчимисиз?

Онкологик шифохонага боринг.
Беморлар кўп.
Истаганингизни суриштирсангиз дори ва муолажадан қийналаётган бўлади.

*

Эҳсон қилмоқчимисиз?

Кўча-кўйда хоним ва сомса сотиб кун кечирадиган онахонлар бор. 4000 сўмлик хонимни 10.000 сўмдан олиб, қайтимини олишни "унутиб" кетинг. Бу ҳам эҳсон...

@eslatdim